سلام 😎
#لست_عاهرة
ايمان الليلة لازم تخدمي على روحك مانيش حالتها اوتال هنا
ايمان:يعيشك خليني من الخدمة هذي من غدوة نحوس على خدمة
سارة :انتي عندك كل المواصفات لي تخليك تعيشي اميرة
نعرفكم بروحي انا ايمان عمري18تربيت في ميتم حالة اي يتيم يوصل 18سنة يخرجوه تعرفت على سارة في ليلة كنت بايتة في الحديقة العامة من لاول بانتلي ملاك وحنينة داتني لدارها عشت معاها شهر وتم عرفت حقيقتها هي تخدم بالبنات كل ليلة سهرية وكل ليلة رجال داخلة وخارجة كنت نخدم عندها فام دو ميناج وكل ليلة ليلة نتعرض لتحرش حسيت روحي لحمة وسط ذيوبا صراحة عندي اطاي هبال انا قصيرة عينيا عسلي وبيضة ودبدوبة لي يشوفني مايهبطش عينو بالرغم اني نحاول نخفي جسمي بالقش الواسع
سارة :ايمان حلي الباب.
ايمان :دقيقة جايا
طارق:وقتاه تليني ياالقطة قلبي محروق عليك
سارة :شكون ايمان
ايمان :طارق السامط
طارق خدام عند اكبر زعيم مافيا وسارة ماتقدرش ترفضلو طلب والا راسها يطير
سارة:على سلامتك طارق وين غيبت علينا
طارق :راكي تعرفي الخدمة ...قالك لbossنحب سهرية كيما تعود عليهم
سارة : معليش مكانش مشكل
طارق :انا نخليك وذرك نبعثلك ميساج فيه العنوان
الحلقة 2
سارة:ايمان الليلة وجدي روحك لازم تجي معانا
ايمان:وين ...واش راح نعمل
سارة:باينة باش تخدمي خدمتك وتعاوني لبنات
ايمان:سارة تعيشي قتلك مانحبش نخدم
سارة:هههههه متخافيش راح تخدمي في الدار ..وماتديهاش في روحك.المعلم ايمن عمرو ماراح يشوف فيك
ايمان :معليش سارة ذرك نوجد.كلش
وصلت 9تاع ليل ركبنا في طوموبيلات انا وسارة ولبنات كانو لابسين والمكياج غير انا .....بعد نص ساعة وصلنا لبلاصة فيها غير دار كبير فيها حراس وصلنا هبطنا ودخلنا قالنا الحارس انو المعلم ايمن مزال ماجاش
سارة :ايمان غاولي وجدي السهرية
انا وقفت حايرة بصراحة اول مرة نشوف فيلا كيما هاذي
بعد ربع ساعة وجدت كلش
طارق:اهلا بالزين جيتي برجليك
ايمان :يرحم باباك روح اخطيني
سارة:طارق خليك منها وحدة معقدة عاشت في الزبلة تموت في الزبلة
هدرت سارة وجعتني وعايرتني بحاجة ماعنديش ذنب فيها
سارة: ايمان روحي للكوزينة مانحبكش تنباني هنا وانتي بالحالة هذي
ايمان: معليش
رحت للكوزينة والدموع في عيني جاء المعلم واصحابو وبدات السهرية والضحك والغناء ...بعد مابردت قلبي مليح..قلت نروح للصال دوبا وصلت للباب الوقت باش نحل الباب.....دخلت في واحد .....
ايمان:حل عينيك اعمى...والا الرهج لي خليك اعمي....
هو راح وخلاني بعد ماخلاصت السهرية روحنا لكن صورتو ماتنحاتش من بالي جاي طويل وعينيه خضروا واسمر واطاي تجنن
من غدوة جاء رجع طارق
طارق:اهلين بالزين
سارة:خير. ياطارق واش جابك الصباح
طارق: جابني الحب ...
سارة :طارق قتلك فوتك منها
طارق: للboss يسلم عليك وبعثلك الامانة تاعك وقالك لليلة نفوت عليك
سارة : مرحبا بيه الدار دارو ....ايمان نقي الدنيا جاينا ضيف عزيز
ايمان..افففف ناس مهيش مقدرة النعمة لي فيها يضيعو دراهمش في الشراب
الحلقة3
سارة :ايمان عيطي للبنات قلهم الليلة يجو بكري
ايمان :حاضر
بعد ماوجدت كلش وصلت العشية وصلو لبنات ولحق معاهم السامط طارق
طارق: واش لحلوة ....اللية تسهري معايا انا وانتي.....نسهرو هنا(شار بيدو للشمبرة) ماحسيتش روحي حتى ظربتو
طارق :تمدي يدك عليا يابنت الحرام يا ق.....ة
ايمان : انا اشرف منك ياخامج
سارة:واش صار واش بيكم تعيطو
طارق :الخامجة تاعك تمد يدها عليا
سارة: اتتي هبلتي تمد يدك عليه ...هذي اخرت خيري عليك يا بنت الشوارع
ايمان:هو لي بدا الاول
سارة: بدلي وجهك من قدامي من بعد نتفاهم معاك
طارق :حسابك عندي يابنت الحرام
دخلت للكوزينة نجري كرهت حياتي كرهت الناس كرهت كلمة بنت حرام وانا واش ذنبي اذا كنت ثمرة حب حرام
وصلت 11وصل الboss وجماعتو بدات السهرية
سارة:ايمان عمريلنا الكيسان غاااولي
ايمان:حاضر
رفدت البلاطو ورحت للصالون ...الوقت لي هزيت راسي شفت نفس الشخص لي صورتو ماتمحتش من بالي من الخوف طيحت البلاطو
سارة :عميتي ياحمارة ....بدلي وجدهك...رفدت يدها باش تضربتي ....ويمنعها;ماتلوميهاش عمت وممكن الرهج لي عماها
ايمان :سامحوني والله ماقصدت.نعمل هك
سارة :بدلي وجهك من غدوة شوفي بلاصة اخرى
ايمان :سارة تعيشي راكي تعرفي ظروفي
شاف فيا مليح وقال لسارة شكون هذي
سارة:ماتعمرش راسك ايمن
عي قالت ايمن وانا تجمدت في بلاصي كنت متخيلة الbossيكون راجل كبير في العمر لكن العكس
ايمن:سارة تعرفيني نحب نسقسي مرة وحدة
سارة :وحدة لقيتها البر رموها من الميتم جبتها هنا في بالي تصلح لكن والو .
شاف فيا بوحدة النظرة تاع حقد وغل :يعني بنت حرام
فاتت ليلة علي خير والصباح جاتني سارة
سارة :ايمان انتي بنت حرام عندك الزهر
ايمان :سارة مكلاه تبدي
سارة :bossطلبك شخصيا للحفلة تاعو السمانة الجاية .
انا بصراحة حرت لكن من داخل فرحانة انو انتبه ليا ..كنت نستني في النهار بالدقيقة والثانية....
الحلقة 4
(ايمن :علاه راني حاس بحاجة تجبدني ليها....علاه راني مرتاحلها....لازم مانيتش ليها ...والا راح يصرلي كيما صارلي معى اسماء)اسماء هي كانت صاحبتو حبها وتعلق بيها هو كان في بداية طريق يعني ظروفو صعيبة وهي تحب الدراهم اكثر من روحها وفي ليلة كان في الدار حتى صونالو التيلفون عيطلو ولد الbossالكبير:ايمن تعيش ارواح راني في دار الجبل جيب معاك الدراهم من عند بابا ... ايمن:معليش نص ساعة ونجيك وصل ايمن دخل للدار قالوكريم ولدboos:كاين ق...ة في الشمبرة مدلها الدراهم ووصلها انا راني رايح
ايمن:معليش
دخل للشمبرة وشاف فيها لقاها اسماء هي من الصدمة سكتت وهو قعد واقف في بلاصتو ركبها في الطومبيل وصلها بلامايحكي كلمة وحدة ....وبعد سنين عرف بلي مرضت بالسيدا ومات خلات في قلبو حقد كبير على لبنات والحقد هذا معى الوقت يمشي ويكبر ,
وصل النهار لي تستنى فيه ايمان وجدت روحها اول مرة تليس كي لبنات وتمكيي وصلت 10تاع ليل جات ليها طومبيل وداتها للسهرية....
الحلقة 5
(ايمان ماكنتش مصدقة بلي ايمن بعثلي ....لكن علاه انا علاه ماشي لبنات لخرين...لكن الفرحة نستني في كلش)
(ايمن :راح نهبل علاه طولت ?? والا تكون مابغاتش تجي)
وصلت ايمان حلت عليها الخدامة الباب وتلاقها طارق
طارق: واش ياشريفة مكة جيتي ....والا تباتي غير معى لي عندو الشكارة ...
ايمن :طااااارق
طارق:oui boss
ايمن :ابعد عليها هي ضيفتي الليلة
طارق: سامحني ايمن/
ايمن: مرحبا ايمان تفظلي للصالون .دخلت ايمان لقات طاوبل ورجال ونساء يلعبو البوكر الرجال كامل كلتها بعينيهم
ايمن تنرفا العروق تاع يدو قريب يتطرطقو
ايمن :واش يا جماعة عمركم ماشفتو طفلة(ايمن :علاه راني نعمل هك ....علاه نغير على وحدة.ق....ة)
الباقي
ردحذفأين البقية ؟؟؟
ردحذفاعجبتني
حذفجميلة
ردحذفالتكملة
ردحذف