ﻧﻈﻒ ﺍﻟﺒﻼﺭ ﻭ ﺭﺟﻊ ﺑﺠﻨﺐ ﺗﺴﻨﻴﻢ ﺧﺎﻳﻒ ﻛﺎﻥ ﺗﺼﻴﺮﻟﻬﺎ ﺣﺎﺟﺔ ﻭ ﻫﻮ ﻣﻮﺵ ﺑﺠﻨﺒﻬﺎ ﻭﻗﺘﻬﺎ ﻣﺴﺘﺤﻴﻞ ﻛﺎﻥ ﻳﻨﺠﻢ ﻳﺴﺎﻣﺢ ﺭﻭﺣﻮ
ﻟﻴﻠﺔ ﻛﺎﻣﻠﺔ ﻭ ﻫﻮ ﺍﻟﻨﻮﻡ ﻣﺠﺎﻫﺶ ﻳﺘﻘﻠﺐ ﻣﻦ ﺗﺮﻛﻴﻨﺔ ﻟﺘﺮﻛﻴﻨﺔ ﺧﺎﻳﻒ ﻭ ﻣﺘﻮﺗﺮ ﻣﻦ ﺍﻟﺸﻲ ﺍﻟﻲ ﻣﻤﻜﻦ ﻳﺪﻣﺮﻟﻮ ﺣﻴﺎﺗﻮ .... ﻓﺎﻗﺖ ﺗﺴﻨﻴﻢ ﺗﺘﻜﺴﻞ ... ﺗﻠﻘﺎﻩ ﻣﺎﺯﺍﻝ ﻓﺎﻳﻖ
- ﻗﺎﺳﻢ ﻣﺎﺯﺍﻝ ﻓﺎﻳﻖ
- ﺃﻱ ﻣﺠﺎﻧﻴﺶ ﻧﻮﻡ
- ﻗﺪﺍﻩ ﻭﻗﺖ ﺗﻮ
- ﺗﻮ 1:30
- ﺃﻣﻤﻢ ﺟﺎﺕ ﺟﻴﺒﻠﻲ ﺣﺎﺟﺔ ﻧﺎﻛﻠﻬﺎ
- ﻭ ﺷﻨﻮﺍ ﺗﺤﺒﻨﻲ ﻧﺠﻴﺒﻠﻚ ﺗﻮ ﻓﻲ ﻫﺎﻟﻠﻴﻞ
- ﻣﻨﻌﺮﺵ ﻃﻴﺒﻠﻲ ﺣﺎﺟﺔ ﺧﻔﻴﻔﺔ ﻧﺎﻛﻠﻬﺎ
- ﺻﺒﺮ ﻭ ﺑﺮﺍ ﻳﺤﺮﺯﻟﻚ ﺟﻴﺖ ﻣﺎ ﻋﻴﻨﻲ ﻓﻲ ﻧﻮﻡ ﻭﻻ ﺭﺍﻧﻲ ﻭﺍﻟﻠﻪ ﻻ ﻧﻘﻮﻣﻠﻚ
- ﺑﺎﻫﻲ ﺑﺮﻛﺎ
ﻗﺎﻡ ﻳﻄﻴﺐ ﻭ ﻳﻔﺎﺭﻉ ... ﻭ ﻫﻲ ﺭﺟﻌﺖ ﺭﻗﺪﺕ ..... ﺟﺎﻳﺐ ﺍﻟﺼﺤﻦ ﻓﻲ ﻳﺪﻭ ﻭ ﻣﻌﺎﻩ ﻋﺼﻴﺮ ﻭ ﻫﻮ ﻋﺎﻣﻞ ﻓﻲ ﺭﻭﺣﻮ ﺻﻨﺎﻑ ﻛﺒﻴﺮ .. ﺗﺼﺪﻡ ﻛﻲ ﻟﻘﺎﻫﺎ ﺭﻗﺪﺕ .... ﺣﻄﺖ ﺍﻟﺒﻼﺗﻮ ﻋﻠﻲ ﺟﻨﺐ ﻭ ﺗﻜﻲ ﺑﺠﻨﺒﻬﺎ ﻳﻔﻴﻖ ﻓﻴﻬﺎ
- ﺗﺴﻨﻴﻢ ﻗﻮﻡ ﻫﺎﻧﻲ ﺟﺒﺘﻠﻚ ﺗﺎﻛﻞ
- ﺃﻣﻤﻢ
- ﺗﺴﻨﻴﻢ ﻗﻮﻡ ﺭﺍﻧﻲ ﻃﻴﺒﺖ ﻋﻠﻲ ﺧﺎﺗﺮﻙ
- ﺣﻄﺖ ﻳﺪﻫﺎ ﻋﻠﻲ ﻟﺤﻴﺘﻮ ﻭ ﻫﻲ ﻣﻔﺎﻳﻘﺔ ﺑﺸﻲ .. ﻟﻤﺴﺘﻬﺎ ﺧﻼﺕ ﺍﻟﻜﻮﺭﻭﻥ ﻳﺴﺮﻱ ﻓﻲ ﺑﺪﻧﻮ ﺍﻟﻜﻞ ... ﺯﺍﺩﺕ ﺩﻗﺎﺕ ﻗﻠﺒﻮ ﻭ ﺿﺎﻕ ﻋﻠﻴﻪ ﺍﻟﻨﻔﺲ .. ﺣﻂ ﻳﺪﻫﺎ ﻋﻠﻲ ﺷﻔﺎﻳﻔﻮ ﺑﺎﺳﻬﺎﻟﻬﺎ ﻭ ﻏﻄﺎﻫﺎ ﻣﻠﻴﺢ ﻭ ﻗﻌﺪ ﻳﺎﻛﻞ ﻭ ﻳﺘﺒﻨﻦ ﻓﻲ ﺟﺮﺗﻬﺎ
ﻗﺎﻣﺖ ﺍﻟﺼﺒﺎﺡ ﺗﺮﺩ ﻭ ﺣﺎﻟﺘﻬﺎ ﺣﻠﻴﻠﺔ ﻟﻴﻦ ﻗﺎﻡ ﻋﻠﻲ ﺻﻮﺗﻬﺎ
- ﺗﺴﻨﻴﻢ ﺷﺒﻴﻚ ﻟﺒﺎﺱ
- ﻟﺒﺎﺱ
- ﻋﻨﺪﻙ ﻧﻬﺎﺭﻳﻦ ﻋﻠﻲ ﻧﻔﺲ ﺍﻟﺤﺎﻟﺔ ﻭ ﺗﻘﻠﻲ ﻟﺒﺎﺱ
- ﻳﺎ ﻗﺎﺳﻢ ﻗﺘﻠﻚ ﻟﺒﺎﺱ ﺑﺮﺑﻲ ﻻ ﺗﻜﺴﺮﻟﻲ ﺭﺍﺳﻲ
- ﺷﻨﻮﺍ ﻳﺎﺧﻲ ﻣﻦ ﻭﻗﺘﺎﻩ ﺗﻠﻌﺐ ﺑﺼﺤﺘﻚ ﻭﻟﻴﺖ ﺧﻠﻴﻨﻲ ﻧﻬﺰﻙ ﻟﻠﻄﺒﻴﺐ ﻭ ﻧﺸﻮﻓﻮ ﺷﻨﻮﺍ ﻣﻘﻠﻘﻚ
- ﺍﻭﻭﻭﻑ ﻳﺎ ﺭﺑﻲ ﺍﻧﺖ ﻣﺘﻔﻬﻤﺶ ﻓﻲ ﺃﻣﻮﺭ ﺍﻟﻨﺴﺎﺀ ﺃﺳﻜﺖ ﺧﻴﺮ
- ﻻ ﻧﻔﻬﻢ ﻛﻞ ﺷﻲ
- ﺑﺎﻫﻲ ﻛﻲ ﺗﻔﻬﻢ ... ﺑﺎﻟﻌﺮﺑﻲ ﻋﻨﺪﻱ ﺟﻤﻌﺔ ﻣﻤﺮﺿﺘﺶ ﻭ ﻛﻲ ﺗﻘﻌﺪ ﻣﺪﺓ ﺭﻭﺗﺎﺭ ﺗﻮﺟﻌﻨﻲ ﻭ ﺗﻌﻤﻞ ﻓﻴﺎ ﻫﺬﺍﻛﺎ ﻫﻮ ﺍﻟﺴﺒﺐ
- ﺍﻣﻢ ﺑﺎﻫﻲ ﺍﺭﺗﺎﺡ ﺷﻮﻱ ﻫﺎﻧﻲ ﺧﺎﺭﺝ ﻟﺤﻈﺔ ﻭ ﺭﺍﺟﻌﻠﻚ
ﺧﺮﺝ ﻟﻠﻌﻄﺎﺭ ﺷﺮﺍﻟﻬﺎ ﺑﺮﺷﺎ ﺷﻜﻼﻃﺔ ﻭ ﺭﻭﺣﻠﻬﺎ ﺑﻴﻬﺎ
- ﺧﻮﺫ ﻛﻮﻝ
- ﻣﻨﺒﺶ
- ﻛﻴﻔﺎﻩ ﻓﻤﺎ ﻃﻔﻠﺔ ﻣﺘﺤﺒﺶ ﺷﻜﻼﻃﺔ ﻫﻴﺎ
- ﻻ ﻧﺤﺒﻬﺎ ﺃﻣﺎ ﺗﻮ ﻣﻨﺤﺒﺶ ﺣﺘﻲ ﻧﺸﻮﻓﻬﺎ ﺑﻌﺪﻫﺎ ﻋﻠﻴﺎ
- ﺷﻨﻮﺍ ﺗﺤﺐ ﻣﺎﻻ
- ﺷﺎﻫﻴﺎ ﺭﺍﺱ ﺑﺼﻞ ﻭ ﺗﻌﻤﻠﻲ ﻋﻠﻴﻪ ﺭﺷﺔ ﻣﻠﺢ ﻭ ﺗﺠﻴﺒﻬﻮﻟﻲ ﻳﺎ ﻣﻴﻤﻴﺘﻲ ﻗﺪﺍﻩ ﺷﺎﻫﻴﺘﻮ
- ﺗﺤﻜﻲ ﺑﺎﻟﺮﺳﻤﻲ ﺃﻧﺘﻲ ﺗﻮ
- ﺍﻱ ﺑﺎﻟﻄﺒﻴﻌﺔ
ﻣﺸﺎ ﺟﺎﺑﻬﻮﻟﻬﺎ ﻭ ﻗﻌﺪ ﻳﻐﺰﺭﻟﻬﺎ ﻭ ﺑﺎﻫﺖ ﻓﻴﻬﺎ ﻛﻴﻔﺎﻩ ﺗﺎﻛﻞ ﻓﻴﻪ ﻭ ﺗﺘﺒﻨﻦ
ﺍﻟﺤﻠﻘﺔ :24
ﻧﻤﺸﻮ ﻟﺤﻤﺎﺗﻬﺎ ﺍﻟﻲ ﺑﺪﺍﺕ ﺗﺘﺤﺮﻙ ﻭ ﺗﺘﺼﺮﻑ ﻓﻲ ﺍﻟﺤﻜﺎﻳﺔ ﻭ ﺃﻭﻝ ﻣﺎ ﻣﺸﺎﺕ ﻟﻌﻨﺪ ﺗﺴﻨﻴﻢ
- ﻭﻳﻨﻚ ﻳﺎ ﻃﻔﻠﺔ ﺷﺒﻴﻚ ﻣﺘﺠﻴﺶ ﻟﻌﻨﺪﻱ ﺗﻘﺼﺮ ﺍﻟﻮﻗﺖ ﺷﻮﻱ
- ﻭ ﻋﻼﻩ ﺑﺎﺵ ﻧﺠﻴﻚ
- ﺍﻱ ﻋﻨﺪﻙ ﺍﻟﺤﻖ ﺗﻮ ﻣﻔﻤﺎﺵ ﻋﻼﻩ ﺑﺎﺵ ﺗﺠﻴﻚ ﻣﺪﺍﻣﻚ ﻋﺎﻳﺸﺔ ﻣﻌﺰﺯﺓ ﻣﻜﺮﻣﺔ ﻓﻲ ﺩﺍﺭ ﺭﺍﺟﻠﻚ ﺃﻣﺎ ﺍﻷﻳﺎﻡ ﺑﺎﺵ ﺩﻭﺭ ﻭ ﺗﻮﻟﻲ ﺗﺴﻜﻦ ﻋﻨﺎ ﻭ ﺭﺍﺳﻚ ﻓﻲ ﺍﻟﻘﺎﻋﺔ
- ﺷﺘﻘﺼﺪ
- ﻻ ﻣﻨﻘﺼﺪ ﺷﻲ ﻧﺤﻜﻲ ﻭ ﺑﺮﺍ
ﺗﺴﻨﻴﻢ ﺣﺴﺖ ﺑﻠﻲ ﻭﺭﺍﺀ ﻛﻼﻣﻬﺎ ﻣﺨﺒﻴﺔ ﺣﺎﺟﺔ ﻭ ﺗﺤﺐ ﺗﻌﺮﻓﻬﺎ ﺑﺄﻱ ﻃﺮﻳﻘﺔ
- ﺍﻣﻢ ﻣﻨﺘﺼﻮﺭﺵ
- ﺣﻖ ﻗﻮﻝ ﻟﻘﺎﺳﻢ ﺑﻠﻲ ﺃﻭﺭﺍﻕ ﺍﻟﻤﻠﻜﻴﺔ ﺍﻟﻜﻞ ﻋﺪﻧﺎ
ﻏﻤﺰﺕ ﺗﺴﻨﻴﻢ ﻭ ﻗﺎﻣﺖ ﺭﻭﺣﺖ
ﺑﻘﺎﺕ ﺗﺴﻨﻴﻢ ﺗﺸﻤﻲ ﻭ ﺗﺠﻲ ﻓﻲ ﺍﻟﺪﺍﺭ ﻭ ﻫﻲ ﺗﺨﻤﻢ ﻓﻲ ﺃﻟﻒ ﺣﻜﺎﻳﺔ ﻭ ﺣﻜﺎﻳﺔ ... ﻛﻞ ﻭﻳﻦ ﺗﺠﻲ ﺣﻤﺎﺗﻬﺎ ﻋﻨﺪﻫﺎ ﺗﺨﻠﻴﻬﺎ ﻣﻬﻤﺸﺔ ﻭ ﻣﺘﻌﺮﺵ ﺳﺎﺳﻬﺎ ﻣﻦ ﺭﺍﺳﻬﺎ ...
ﺭﻭﺡ ﻗﺎﺳﻢ ﻳﻠﻘﺎﻫﺎ ﻗﺎﻋﺪﺓ ﺗﺎﻛﻞ ﻓﻲ ﺍﻟﺸﻜﻼﻃﺔ ﻗﺮﻳﺐ ﺗﻘﺘﻠﻬﺎ ﻭ ﻫﻲ ﻛﻼﺕ ﻣﻮﺵ ﺷﻮﻱ
- ﺷﺒﻴﻚ ﻳﺎﺧﻲ ﻟﺒﺎﺱ ﻛﻠﻴﺖ ﻫﺬﺍ ﺍﻟﻜﻞ
- ﺃﻱ ﻭﻳﻦ ﺍﻟﻤﺸﻜﻞ ﺳﻴﺐ ﺧﻠﻴﻨﻲ ﻧﺎﻛﻞ
- ﺍﻣﻤﻢ ﻣﻘﺘﻠﻴﺶ ﺍﻟﻴﻮﻡ ﻣﺼﺎﺭ ﻣﻌﺎﻙ ﺷﻲ ﻓﻲ ﺩﺍﺭ
- ﻻ ﺃﻣﺎ ﺟﺎﺕ ﺃﻣﻚ ﻭ ﻗﺘﻠﻲ ﺑﻠﻲ ﺃﻭﺭﺍﻗﻚ ﺍﻟﻤﻠﻜﻴﺔ ﺍﻟﻜﻞ ﻋﻨﺪﻛﻢ ﻓﻲ ﺍﻟﺪﺍﺭ
- ﺃﻱ ﺃﻧﺎ ﻛﻨﺖ ﻋﺎﻣﻞ ﺗﻮﻛﻴﻞ ﻟﺒﺎﺑﺎ ﻗﺒﻞ ﻣﻨﺪﺧﻞ ﺍﻟﺤﺒﺲ ﻭ ﻫﻮ ﺗﻠﻬﺎﻟﻲ ﺑﻜﻞ ﺷﻲ
- ﺃﻱ ﺗﻮ ﻫﺎﻙ ﺳﺎﻳﺎ ﺧﺮﺟﺖ ﻋﻼﻩ ﻣﺘﻨﺤﻴﺶ ﺍﻟﺘﻮﻛﻴﻞ
- ﻭﺍﻟﻠﻬﻲ ﻣﺠﺎﺵ ﻟﺒﺎﻟﻲ ﻭ ﻣﻔﻤﺎﺵ ﻋﻼﻩ ﻧﺘﺰﺭﺏ ﻣﺎﺯﺍﻝ ﻗﺪﺍﻣﻲ ﻭﻗﺖ
- ﺷﻮ ﻗﺎﺳﻢ ﺑﺎﺵ ﻧﺤﻜﻲ ﻣﻌﺎﻙ ﻣﻦ ﻟﺨﺮ .. ﺃﻧﺎ ﺍﻣﻚ ﻣﺎﻧﻴﺶ ﻣﺮﺗﺎﺣﺘﻠﻬﺎ ﻭ ﻧﺤﺴﻬﺎ ﻏﺎﻣﻀﺔ ﺑﺮﺷﺎ ﻭ ﻣﻤﻜﻦ ﺗﻠﻌﺒﻠﻚ ﻓﻲ ﺍﻟﺘﻮﻛﻴﻞ ﻭ ﺗﻜﺘﺐ ﻛﻞ ﺷﻲ ﻟﺨﻮﺍﺗﻚ ﺩﻭﻧﻚ ﻧﺤﺐ ﺗﻤﺸﻲ ﺗﻨﺤﻲ ﺍﻟﺘﻮﻛﻴﻞ ﺗﻮ
- ﻋﻼﻩ ﻓﺎﺵ ﻗﺎﻡ ﻧﺤﻲ ﻓﻴﻪ ﺗﻮ
- ﺃﺳﻤﻊ ﻛﻼﻣﻲ ﻭ ﻣﺘﻌﻜﺴﻨﻴﺶ
- ﺗﺴﻨﻴﻢ ﻣﻨﺤﺒﻜﺶ ﺗﺘﺪﺧﻞ ﻓﻲ ﺣﻴﺎﺗﻲ ﺍﻟﺨﺎﺻﺔ
- ﺣﻴﺎﺗﻚ ﻫﻴﺎ ﺣﻴﺎﺗﻲ ﻛﻴﻤﺎ ﺍﻧﺖ ﺗﺪﺧﻞ ﻓﻴﺎ ﺃﻧﺎ ﺯﺍﺩﺍ ﻋﻨﺪﻱ ﺍﻟﺤﻖ ﻧﺪﺧﻞ ﻓﻴﻚ
- ﻳﻌﻨﻲ ﺗﺤﺒﻨﻲ ﻫﻜﺎ ﻧﻘﻮﻝ ﻟﺒﺎﺑﺎ ﺳﺎﻳﺎ ﺑﺎﺵ ﻧﻔﺴﻪ ﺗﻮﻛﻴﻞ ﺧﺎﺗﺮ ﺍﻧﺘﻲ ﺗﺨﻤﻢ ﻓﻲ ﺣﻜﺎﻳﺎﺕ ﻓﺎﺭﻏﺔ
- ﻣﻴﻬﻤﻨﻴﺶ ﺗﺼﺮﻑ
- ﻻ ﻟﻠﺔ ﺃﻧﺎ ﻣﻨﺠﻤﺶ ﻧﻌﻤﻠﻬﺎ
- ﺷﻮ ﻣﻦ ﻫﻮﻧﻲ ﻟﻐﺪﻭﻱ ﻛﺎﻥ ﻣﺘﻤﺸﻴﺶ ﻟﺒﻮﻙ ﻭ ﺗﻨﺤﻲ ﺗﻮﻛﻴﻞ ﻭﺍﻟﻠﻪ ﻟﻤﺎ ﻧﺨﺮﺝ ﻣﻦ ﻫﻮﻧﻲ ﻭ ﺍﻟﻄﻼﻕ ﻟﻤﺎ ﻧﻄﻠﺒﻮ ﻭ ﺃﻧﺖ ﺣﺮ ﻭ ﻣﻨﻐﻴﺮ ﻣﺘﺨﻤﻢ ﺑﺮﺷﺎ ﻧﺤﺐ ﺟﻮﺍﺏ ﺗﻮ
.....-
ﺍﻟﺤﻠﻘﺔ :25
- ﺷﻮ ﻣﻦ ﻫﻮﻧﻲ ﻟﻐﺪﻭﻱ ﻛﺎﻥ ﻣﺘﻤﺸﻴﺶ ﻟﺒﻮﻙ ﻭ ﺗﻨﺤﻲ ﺗﻮﻛﻴﻞ ﻭﺍﻟﻠﻪ ﻟﻤﺎ ﻧﺨﺮﺝ ﻣﻦ ﻫﻮﻧﻲ ﻭ ﺍﻟﻄﻼﻕ ﻟﻤﺎ ﻧﻄﻠﺒﻮ ﻭ ﺃﻧﺖ ﺣﺮ ﻭ ﻣﻨﻐﻴﺮ ﻣﺘﺨﻤﻢ ﺑﺮﺷﺎ ﻧﺤﺐ ﺟﻮﺍﺏ ﺗﻮ
- ﺗﺴﻨﻴﻢ ﺍﻟﻬﺒﺎﻝ ﻧﺤﻴﻪ ﺍﻭﻙ ﻭ ﻣﻌﺎﺵ ﺗﺨﻤﻢ ﻓﻲ ﺣﻜﺎﻳﺎﺕ ﻓﺎﺭﻏﺔ ﺧﺎﺗﺮ ﺍﻧﺘﻲ ﺳﺎﻳﺎ ﻫﺒﻠﺖ
- ﺟﺎﻭﺑﻨﻲ ﺷﺘﻤﺸﻲ ﻟﺒﻮﻙ ﻭ ﺗﺎﺧﻮﻫﻢ ﻭﻻ
- ﻣﻨﺠﻤﺶ
- ﺃﻭﻙ ﺑﺎﻟﺴﻼﻣﺔ ﺃﻧﺎ ﺳﺎﻳﺎ ﻣﺮﻭﺣﺔ ﻟﺪﺍﺭ ﺑﺎﺑﺎ ﻭ ﺑﻴﻨﺎﺗﻨﺎ ﺍﻟﻤﺤﻜﻤﺔ
- ﺃﻭﻙ ﺍﻧﺘﻲ ﺣﺮﺓ
ﺩﺧﻠﺖ ﻟﻠﺒﻴﺖ ﺗﻠﻢ ﻓﻲ ﺩﺑﺸﻬﺎ ﻭ ﻫﻮ ﻻ ﺣﻴﺎﺓ ﻟﻤﻦ ﺗﻨﺎﺩﻱ ﻻ ﻗﻠﻬﺎ ﻣﺘﻤﺸﻴﺶ ﻭ ﻻ ﻗﻠﻬﺎ ﺃﻗﻌﺪ ﺃﺻﺒﺮ ﻋﻠﻴﺎ .. ﻛﺎﻥ ﺑﺎﺭﺩ ﻋﻠﻲ ﺍﻷﺧﺮ
ﺧﺮﺟﺖ ﻣﻦ ﺍﻟﺒﻴﺖ ﻭ ﻫﻲ ﺗﻜﺮ ﻓﻲ ﻓﺎﻟﻴﺰﺗﻬﺎ ﺗﻠﻘﺎﻩ ﻗﺎﻋﺪ ﻓﻲ ﺍﻟﺼﺎﻟﺔ
- ﺗﺤﺐ ﻧﻬﺰﻫﺎ ﻋﻠﻴﻚ
- ﻻ ﻣﻴﺴﺎﻟﺶ ﻧﺠﻢ ﻧﻬﺰﻫﺎ ﻭﺣﺪﻱ
- ﻋﻠﻲ ﺭﺍﺣﺘﻚ
ﻛﺎﻥ ﻳﺤﻜﻲ ﻣﻌﺎﻫﺎ ﺑﻜﻞ ﺑﺮﻭﺩ ... ﻟﻴﻦ ﺣﺴﺖ ﺑﺴﺎﻗﻴﻬﺎ ﺑﺮﺩﺕ ﻣﺘﻌﺮﺵ ﺷﻨﻮﺍ ﺗﻘﻮﻝ ﻟﺒﻮﻫﺎ ﻛﻲ ﺗﺮﻭﺡ ﻣﺘﻌﺮﺵ ﻛﻴﻔﺎﻩ ﺑﺎﺵ ﺗﻘﺎﺑﻞ ﻧﺎﺱ ﻭ ﻣﻦ ﺟﻴﻬﺔ ﺃﺧﺮﻱ ﺗﺤﺐ ﺗﻘﻌﺪ ﻣﻌﺎﻩ ﺧﺎﺗﺮ ﻟﻘﺎﺕ ﺭﺍﺣﺘﻬﺎ ﻭ ﻛﻞ ﻭﻳﻦ ﻳﻜﻮﻥ ﻗﺮﻳﺐ ﻣﻨﻬﺎ ﺗﻨﺴﻲ ﺧﻮﻓﻬﺎ
ﺭﻭﺣﺖ ﻭ ﺧﻼﺕ ﺍﻟﺪﺍﺭ ﻓﺎﺭﻏﺔ ﻣﻨﻐﻴﺮ ﺭﻭﺡ ﻛﺎﻥ ﻫﻮ ﻳﺮﺣﻲ ﺩﺧﻼﻧﻲ ﻣﻮﺵ ﻣﻨﺠﻢ ﻳﺨﻠﻴﻬﺎ ﺗﻘﻌﺪ ﺑﻄﺒﻴﻌﺘﻮ ﻳﺤﺒﻬﺎ ﺗﻜﻮﻥ ﺑﻌﻴﺪﺓ ﻋﻠﻲ ﺍﻟﻤﺼﺎﻳﺐ ... ﺍﻟﻜﻼﻡ ﺇﻟﻲ ﺗﻜﺘﺐ ﻋﻠﻲ ﺍﻟﺒﻼﺭ ﻣﺎﺯﺍﻝ ﺑﻴﻦ ﻋﻴﻨﻴﻪ ﻣﻴﺤﺒﺶ ﺗﺼﻴﺮﻟﻬﺎ ﺣﺎﺟﺔ ﺑﺴﺒﺒﻮ ﻫﻮ .. ﺑﺎﻟﻨﺴﺒﺔ ﻟﻴﻪ ﺗﻜﻮﻥ ﺑﻌﻴﺪﺓ ﻋﻠﻴﻪ ﺧﻴﺮ ﻣﻠﻲ ﺗﺼﻴﺮﻟﻬﺎ ﺣﺎﺟﺔ ﻫﻮ ﺳﺒﺐ ﻓﻴﻬﺎ
ﻭﺻﻠﺖ ﻟﺪﺍﺭﻫﻢ ﻭﻳﻦ ﺗﻠﻘﻲ ﺃﻣﻬﺎ ﻭ ﺑﻮﻫﺎ ﻭ ﺧﻮﻫﺎ ﻗﺎﻋﺪﻳﻦ ﻋﻠﻲ ﺍﻟﻄﺎﻭﻟﺔ ﻳﺘﻌﺸﺎﻭ
- ﻋﺴﻼﻣﺔ
- ﺗﺴﻨﻴﻢ ... ﻣﺎﻭ ﻟﺒﺎﺱ ﺑﻨﺘﻲ ﺗﻔﻀﻞ ﺃﺩﺧﻞ
ﺩﺧﻠﺖ ﻭ ﻫﻲ ﺧﺎﻳﻔﺔ ﻣﻦ ﺭﺩﺕ ﻓﻌﻞ ﺑﻮﻫﺎ
- ﺃﻱ ﺗﺴﻨﻴﻢ ﺑﻨﺘﻲ ﻟﺒﺎﺱ ﻋﻠﻴﻚ ﺻﺤﺘﻚ ﻟﺒﺎﺱ
- ﻟﺒﺎﺱ ﺑﺎﺑﺎ ﺍﻟﺤﻤﺪ ﻟﻠﻪ
- ﺃﻱ ﻭﻳﻨﻮ ﻗﺎﺳﻢ ﺷﺒﻴﻪ ﻣﺠﺎﺵ ﻣﻌﺎﻙ ﻋﻴﺐ ﻋﻠﻴﻪ ﺧﻼﻙ ﻭﺣﺪﻙ ﻭ ﻣﻬﺰﺵ ﻋﻠﻴﻚ ﺣﺘﻲ ﺍﻟﻔﺎﻟﻴﺰ
- ﺑﺎﺑﺎ ﺃﻧﺎ ﻭ ﻗﺎﺳﻢ ﺗﻌﺎﺭﻛﻨﺎ ﻭ ﺑﺎﺵ ﻧﻄﻠﻘﻮ
- ﺷﻨﻮﺍ؟؟؟
- ﺍﻟﻠﻪ ﻏﺎﻟﺐ ﻣﺘﻔﺎﻫﻤﻨﺎﺵ
- ﺷﻨﻴﺎ ﺍﻟﺤﻜﺎﻳﺔ ﻳﺎﺧﻲ ﻫﻮ ﻭﺻﻠﻚ ﺑﺤﺎﺟﺔ .. ﺿﺮﺑﻚ ... ﻗﻠﻲ
- ﻻ ﺑﺎﺑﺎ ﻫﻮ ﻣﻮﺻﻠﻨﻲ ﺑﺸﻲ ﺃﻣﺎ ﻣﺘﻔﺎﻫﻤﻨﺎﺵ
- ﺍﻱ ﻛﻲ ﻣﺘﻔﺎﻫﻤﺘﻮﺵ ﻓﻤﺎ ﺳﺒﺐ
ﺳﻜﺘﺖ ﻣﻠﻘﺎﺕ ﻣﺘﺠﺎﻭﺑﻮ
- ﺷﻮ ﺗﺴﻨﻴﻢ ﺗﻘﻌﺪ ﻋﻨﺪﻱ ﻣﺮﺣﺒﺎ ﺑﻴﻚ ﻗﺪ ﻣﺘﺤﺐ ﺃﻣﺎ ﻋﻴﺶ ﺑﻨﺘﻲ ﺍﻟﻄﻼﻕ ﻧﺤﻴﻪ ﻣﻦ ﻣﺨﻚ ﺗﻮ ﺗﻬﺪﻱ ﺍﻟﻨﻔﻮﺱ ﻭ ﺗﺮﺟﻌﻮ ﻛﺄﻧﻮ ﻣﺼﺎﺭ ﺷﻲ ﻭ ﺃﻧﺎ ﺗﻮ ﻧﺸﻮﻓﻮ ﻭ ﻧﺤﻜﻲ ﻣﻌﺎﻩ
- ﺑﺎﻫﻲ
- ﻫﻴﺎ ﺑﺴﻢ ﺍﻟﻠﻪ ﺑﻨﺘﻲ ﻛﻮﻝ ﻣﻌﺎﻧﺎ ﻟﻘﻤﺔ ﺍﻛﻴﺪ ﺭﺍﻙ ﻣﺘﻌﺸﻴﺘﺶ ﻭ ﺟﻴﺖ ﻋﻠﻲ ﺭﻳﻘﻚ
- ﺃﻱ ﻭﺍﻟﻠﻪ
ﻗﻌﺪﺕ ﻣﻌﺎﻫﻢ ﻋﻠﻲ ﺍﻟﻄﺎﻭﻟﺔ ﻭ ﺃﻭﻝ ﻣﺎ ﺷﻤﺖ ﺭﻳﺤﺖ ﺍﻟﻤﺎﻛﻠﺔ ﺧﻠﻮﻗﻬﺎ ﺩﺍﺭﻭ ﻭ ﻃﻮﻝ ﻣﺸﺎﺕ ﺗﺮﺩ
+
ﺍﻟﺤﻠﻘﺔ :26
- ﺗﺴﻨﻴﻢ ﺑﻨﺘﻲ ﻟﺒﺎﺱ
- ﻟﺒﺎﺱ ﻟﺒﺎﺱ ﺷﻮﻱ ﺗﻌﺐ ﻭ ﺑﺮﺍ
- ﺃﻣﺸﻲ ﺑﻨﺘﻲ ﺷﺪ ﺑﻴﺘﻚ ﻫﻮﻛﺎ ﻓﺮﺷﻚ ﻛﻴﻤﺎ ﺧﻠﻴﺘﻮ ﺍﺭﺗﺎﺡ ﺷﻮﻱ ﻭ ﺍﻧﺎ ﺗﻮ ﻧﺨﻠﻂ ﻋﻠﻴﻚ ﺑﻄﻴﺰﺍﻧﺔ ﺳﺨﻮﻧﺔ ﺗﺨﻔﻒ ﻋﻠﻴﻚ
- ﻋﻴﺸﻚ ﺍﻣﻲ
ﺑﺎﺳﺘﻬﺎ ﻣﻦ ﺟﺒﻴﻨﻬﺎ ﻭ ﻣﺸﺎﺕ ﻃﻮﻝ ﺩﺧﻠﺖ ﻟﻠﺒﻴﺖ ﺗﻜﺎﺕ ... ﺗﻠﻔﻮﻥ ﻓﻲ ﻳﺪﻫﺎ ﻭ ﻫﻲ ﺩﻭﺭ ﻓﻴﻪ ... ﺗﻐﺰﺭ ﻟﻨﻴﻤﺮﻭﻩ ﻣﺘﻌﺮﺵ ﺗﻄﻠﺒﻮ ﺗﻄﻤﺎﻥ ﻋﻠﻴﻪ ﻭﻻ ﺗﺨﻠﻴﻪ ﻟﻴﻦ ﻫﻮ ﻳﻄﻠﺒﻬﺎ .... ﻫﻲ ﺗﺨﻤﻢ ﻭ ﺗﺨﻤﻢ ﻟﻴﻦ ﺗﺪﺧﻞ ﻋﻠﻴﻬﺎ ﺃﻣﻬﺎ
- ﺧﻮﺫ ﺑﻨﺘﻲ ﺃﺷﺮﺏ
- ﻋﻴﺸﻚ
- ﺷﻨﻮﺍ ﻣﻘﻠﻘﻚ ﺑﻨﺘﻲ ﻭﻻ ﺍﻟﻌﺎﺩﺓ
- ﻻ ﻣﺎﺯﺍﻝ ﻣﺠﺎﺗﻨﻴﺶ ﺗﻮ ﻋﻨﺪﻫﺎ ﺃﻛﺜﺮ ﻣﻦ ﺟﻤﻌﺔ ﺍﻛﻴﺪ ﺗﻮ ﺗﻤﺮﺟﻨﻲ ﻛﻲ ﺗﺠﻴﻨﻲ
ﺧﺬﺍﺕ ﺗﺴﻨﻴﻢ ﺍﻟﻜﺎﺱ ﻭ ﺑﻘﺎﺕ ﺗﺘﺮﺷﻒ ﻓﻲ ﺍﻟﻄﻴﺰﺍﻧﺔ
- ﺗﺴﻨﻴﻢ ﺑﺎﻟﻜﺶ ﺗﻄﻠﻊ ﺣﺒﻠﺔ
ﻫﻲ ﺳﻤﻌﺖ ﺍﻟﻜﻠﻤﺔ ﻭ ﺩﻳﺮﺍﻛﺖ ﺷﺮﻗﺖ
- ﺷﻨﻮﺍ؟؟؟ ﺣﺒﻠﺔ !!!
- ﺇﺫﺍ ﺻﺎﺭ ﺑﻴﻨﺎﺗﻜﻢ ﺣﺎﺟﺔ ﻛﻴﻤﺎ ﻗﺎﻟﻲ ﺑﻮﻙ ﻣﻌﻨﺎﻫﺎ ﺗﻮ ﻧﻮﺭﻣﺎﻟﻤﻮﻥ ﺗﻜﻮﻥ ﺣﺒﻠﺔ
- ﻻ ﻣﻨﺘﺼﻮﺭﺵ ﺩﻳﺤﺎ ﻣﻦ ﻟﻴﻠﺘﻬﺎ ﻛﻞ ﻭﺍﺣﺪ ﻋﻠﻲ ﺭﻭﺣﻮ
- ﺃﻱ ﺑﻨﺘﻲ ﻛﻞ ﻭﺣﺪﺓ ﻛﻴﻔﺎﻩ ﻳﻜﺘﺒﻠﻬﺎ ﺭﺑﻲ ﻭﻗﺘﺎﻩ ﺗﺤﺒﻞ ﺑﺎﻟﻚ ﺍﻧﺘﻲ ﻣﻦ ﻣﺮﺓ ﺑﺮﻙ ﻋﻤﺮﺕ ﺣﺰﺍﻣﻚ
- ﻣﻨﻌﺮﺵ ﺃﻣﺎ ﺇﻧﺸﺎﺀ ﺍﻟﻠﻪ ﻳﻜﻮﻥ ﻛﻼﻣﻚ ﻏﺎﻟﻂ ﺧﺎﺗﺮ ﺗﻮ ﻣﻮﺵ ﻭﻗﺘﻮ ﺟﻤﻠﺔ
- ﻟﻌﻠﺔ ﻳﻜﻮﻥ ﻓﺎﻝ ﺧﻴﺮ ﺑﻴﻨﺎﺗﻜﻢ ﻭ ﻳﺮﺟﻌﻜﻢ
- ﻣﻨﻌﺮﺵ ﻳﺎﻣﻲ ﻛﻲ ﻧﺘﺄﻛﺪ ﻭﻗﺘﻬﺎ ﺗﻮ ﻧﺸﻮﻑ ﺷﻨﻮﺍ ﻧﻌﻤﻞ
- ﺑﺎﻫﻲ ﺑﻨﺘﻲ ﺭﺩ ﺑﺎﻟﻚ ﻋﻠﻲ ﺭﻭﺣﻚ ﻭ ﻧﺤﺒﻚ ﺭﺯﻳﻨﺔ
- ﺇﻧﺸﺎﺀ ﺍﻟﻠﻪ
ﺧﺮﺟﺖ ﺃﻣﻬﺎ ﻭ ﺑﻘﺎﺕ ﻫﻲ ﺗﺸﺮﺏ ﻓﻲ ﻛﺎﺳﻬﺎ ﻭ ﺗﺨﻤﻢ ﻓﻲ ﻛﻼﻡ ﺃﻣﻬﺎ ﻟﻴﻦ ﻃﻠﺒﻬﺎ ﻗﺎﺳﻢ
- ﺍﻟﻮ ﺗﺴﻨﻴﻢ ﻭﻳﻨﻚ
- ﻗﺎﻋﺪﺓ ﻧﻬﻮﻡ ﻓﻲ ﺷﺎﺭﻉ
- ﺗﺴﻨﻴﻢ ﻗﻠﻲ ﻭﻳﻨﻚ
- ﺗﻲ ﻭﻳﻦ ﺗﺤﺒﻨﻲ ﻧﻜﻮﻥ ﺑﺮﺑﻲ ﻣﺎﻭ ﻓﻲ ﺩﺍﺭ ﺑﺎﺑﺎ
- ﺷﻮ ﺭﺩ ﺑﺎﻟﻚ ﺗﺮﻗﺪ ﻭﺣﺪﻙ
- ﻋﻼﻩ ﺷﻔﻤﺎ
- ﻣﺘﻬﺒﻠﻨﻴﺶ ﺃﺳﻤﻊ ﺍﻟﻜﻼﻡ ﺧﻠﻲ ﺃﻣﻚ ﺗﺮﻗﺪ ﻣﻌﺎﻙ ﻭﻻ ﺗﺼﺮﻑ
- ﻋﻼﻩ ﺻﻐﻴﺮﺓ ﺃﻧﺎ ﺑﺎﺵ ﻣﻨﺮﻗﺪﺵ ﻭﺣﺪﻱ
- ﻛﻼﻣﻲ ﻭﺍﺿﺢ ﺭﺍﻭ ﻣﺘﻜﺴﺮﻟﻴﺶ ﺭﺍﺳﻲ
ﻫﻲ ﺟﺎﺕ ﺑﺎﺵ ﺗﺘﻜﻠﻢ ﻟﻴﻦ ﺗﺴﻤﻊ ﺻﻮﺕ ﺑﻼﺭ ﺗﻜﺴﺮ ﻭ ﺗﻠﻔﻮﻥ ﻋﻠﻖ .. ﺣﺴﺖ ﺑﻘﻠﺒﻬﺎ ﻗﺮﻳﺐ ﻳﺎﻗﻒ ﺑﺎﻟﺨﻮﻑ ... ﻫﻲ ﺗﻌﺮﻑ ﺑﻠﻲ ﺍﻟﺪﺍﺭ ﻓﻴﻬﺎ ﺣﻜﺎﻳﺔ ﻣﻮﺵ ﻧﻮﺭﻣﺎﻝ ﻭ ﻣﻤﻜﻦ ﺗﻜﻮﻥ ﺭﻭﺡ ﺑﺴﻤﺔ ﺗﺒﻊ ﻓﻴﻬﻢ ﻭ ﺗﻮ ﻛﻲ ﺗﻔﺎﺭﻗﺖ ﻣﻊ ﻗﺎﺳﻢ ﺃﻛﻴﺪ ﺑﺎﺵ ﺗﻨﺘﻘﻢ ﻣﻨﻮ ﻫﻮ ... ﻣﺨﻬﺎ ﻳﻬﺰ ﻭ ﻳﺠﻴﺐ ﺣﺘﻲ ﻭﻳﻦ ﺗﻄﻠﺐ ﻗﺎﺳﻢ ﺗﻠﻔﻮﻧﻮ ﻣﻴﻬﺰﺵ
ﻣﺸﺎﺕ ﺗﺠﺮﻱ ﻟﺒﻮﻫﺎ ﻃﻮﻝ
- ﺑﺎﺑﺎ ﻋﻴﺸﻚ ﺃﻣﺸﻲ ﺷﻮﻑ ﻗﺎﺳﻢ
- ﻋﻼﻩ ﺷﻔﻤﺎ
- ﺗﻮ ﻃﻠﺒﻨﻲ ﻭ ﺗﻠﻔﻮﻥ ﻋﻠﻖ ﻭ ﺳﻤﻌﺖ ﺣﺲ ﺑﻼﺭ ﺗﻜﺴﺮ ﻭ ﻛﻲ ﻋﺎﻭﺩﺕ ﻃﻠﺒﺘﻮ ﻣﻬﺰﺵ
- ﻣﺎ ﻓﻤﺎ ﺷﻲ ﺗﻠﻘﺎﻩ ﻧﺴﻤﺔ ﻛﺴﺮﻟﻮ ﻭﻻ ﺍﻭﻻﺩ ﺍﻟﺤﻜﻮﻣﺔ ﻳﺘﻌﺎﺭﻛﻮ ﺟﺎﺕ ﻓﻴﻪ ﺣﺠﺮﺓ ﺗﻜﺴﺮ ... ﻣﻔﻤﺎ ﺷﻲ ﺑﻨﺘﻲ ﻣﺘﺨﻤﻤﺶ ﺑﺮﺷﺎ
- ﻳﺎ ﺑﺎﺑﺎ ﻋﻴﺸﻚ ﺃﻣﺸﻲ ﺷﻮﻓﻮ ﺍﻟﺪﺍﺭ ﻫﺬﻳﻜﺎ ﺃﻧﺎ ﺯﺍﺩﺍ ﺻﺎﻭﻭﻟﻲ ﻓﻴﻬﺎ ﺑﺮﺷﺎ ﺣﻜﺎﻳﺎﺕ ﺧﺎﻳﻔﺔ ﻛﺎﻥ ﺗﺼﻴﺮﻟﻮ ﺣﺎﺟﺔ ﻭﺣﺪﻭ
- ﺑﺎﻫﻲ ﺑﻨﺘﻲ ﺗﻮ ﻧﺸﻮﻓﻮ ﻛﻲ ﻗﺪﺭ ﻋﻠﻴﺎ ﺭﺑﻲ
ﺍﻟﺤﻠﻘﺔ :27
ﻧﻤﺸﻮ ﻟﻘﺎﺳﻢ ﺇﻟﻲ ﻭﺟﻬﻮ ﺃﺻﻔﺮ ﻣﻦ ﺍﻟﺨﻮﻑ ... ﺑﻴﺖ ﺍﻟﻨﻮﻡ ﺑﻜﻠﻬﺎ ﺩﻡ ﻭ ﺗﺼﺎﻭﺭ ﺑﺴﻤﺔ ﻣﻠﻴﺎﻧﻴﻦ ﺍﻟﺒﻴﺖ ﻓﻲ ﻛﻞ ﺑﻼﺻﺔ .... ﺻﻮﺕ ﺭﻳﺢ ﻗﻮﻱ ﻭ ﺍﻟﻨﺴﻤﺔ ﻫﺎﺩﻳﺔ ... ﺧﻮﻓﻮ ﺧﻼﻩ ﻳﻄﻠﺐ ﺗﺴﻨﻴﻢ ﻣﻨﻐﻴﺮ ﻣﻴﺸﻌﺮ ﻳﻄﻤﻦ ﻋﻠﻴﻬﺎ ﺧﺎﻳﻒ ﻛﺎﻥ ﺗﺼﻴﺮﻟﻬﺎ ﺣﺎﺟﺔ ﻭ ﻫﻲ ﺣﺪ ﻣﺎﻫﻮ ﻻﻫﻲ ﺑﻴﻬﺎ .. ﻛﻲ ﻛﻠﻤﻬﺎ ﺍﻟﺒﻼﺩ ﺗﻜﺲ ﻣﻨﻐﻴﺮ ﻻ ﻳﻀﺮﺑﻮ ﺷﻲ ﺗﻘﻮﻟﺶ ﻋﻠﻴﻬﺎ ﺭﻭﺡ ﻏﺎﺿﺒﺔ ﺗﺤﺐ ﺗﺴﺘﻤﻠﻜﻮ ... ﻳﺴﻤﻊ ﻓﻲ ﺍﻟﺒﺎﺏ ﻳﻨﻮﻗﺰ ﺧﺎﻑ ﻛﺎﻥ ﺗﻄﻠﻊ ﺗﺴﻨﻴﻢ ﻭ ﺗﺸﻮﻑ ﺑﻴﺖ ﺍﻟﻨﻮﻡ ﻓﻲ ﺍﻟﺤﺎﻟﺔ ﻫﺬﻳﻜﺎ ﻣﻴﻌﺮﺵ ﺷﻨﻮﺍ ﻣﻤﻜﻦ ﻳﺼﻴﺮ ﻓﻴﻬﺎ .. ﺣﻞ ﺍﻟﺒﺎﺏ ﻭ ﻭﺟﻬﻮ ﺃﺻﻔﺮ ﻛﻲ ﺷﺎﻓﻮ ﻟﻘﺎﻩ ﺑﻮﻫﺎ ﺗﺼﺪﻡ
- ﻋﺴﻼﻣﺔ ﻋﻤﻲ ﺗﻔﻀﻞ
- ﻋﻴﺶ ﻭﻟﺪﻱ ﻳﺘﻔﻀﻞ ﻋﻨﺪﻙ ﻛﻞ ﺧﻴﺮ
- ﻣﺮﺣﺒﺎ ﺑﻴﻚ ﺷﺮﻓﺘﻨﺎ
- ﺃﻱ ﻭﻟﻴﺪﻱ ﻟﺒﺎﺱ ... ﺗﺴﻨﻴﻢ ﻗﺘﻠﻲ ﺃﻣﺸﻴﻠﻮ ﺃﻛﻴﺪ ﺻﺎﺭﻟﺘﻮ ﺣﺎﺟﺔ ﻳﺎﺧﻲ ﺷﻔﻤﺎ
- ﻻ ﺟﻴﺴﺖ ﺑﻼﺭ ﺗﻜﺴﺮ ﻟﺒﺎﺱ
- ﻟﺤﻈﺔ ﺑﺮﻙ ﺧﻠﻴﻨﻲ ﻧﻄﻤﻦ ﺗﺴﻨﻴﻢ ﺑﺎﺵ ﺍﻣﺒﻌﺪ ﻣﺘﻜﺴﺮﻟﻴﺶ ﺭﺍﺳﻲ ﻫﻬﻪ
ﺗﺒﺴﻢ ﻗﺎﺳﻢ ﺣﺲ ﺭﻭﺣﻮ ﻓﺮﺣﺎﻥ ﻛﻴﻔﺎﻩ ﻣﻬﺘﻤﺔ ﺑﻴﻪ ﻭ ﺧﺎﻳﻔﺔ ﻋﻠﻴﻪ
- ﺃﻟﻮ ﺗﺴﻨﻴﻢ ﺑﻨﺘﻲ ﻫﺎﻧﻲ ﻭﺻﻠﺖ ﻭ ﺭﺍﺟﻠﻚ ﻟﺒﺎﺱ ﻋﻠﻴﻪ ﺧﻴﺮ ﺷﺒﺎﻙ ﺗﻜﺴﺮ ﻭﻛﻬﻮ .... ﺑﺎﻫﻲ ﻛﺎﻥ ﺣﺒﻠﻲ ﺗﻮ ﻧﺠﻴﺒﻮ ﻣﻌﺎﻳﺎ .... ﺑﺎﻫﻲ ﺑﻨﺘﻲ ﻣﺘﺨﺎﻓﺶ ... ﺑﺎﻫﻲ .. ﺑﺎﻫﻲ
ﻋﻠﻖ ﻋﻠﻴﻬﺎ ﺑﻮﻫﺎ ﻭ ﺭﺟﻊ ﻳﺤﻜﻲ ﻣﻊ ﻗﺎﺳﻢ
- ﻫﻴﺎ ﻭﻟﻴﺪﻱ ﺃﻣﺸﻲ ﻣﻌﺎﻳﺎ ﻟﻠﺪﺍﺭ ﺗﺴﻨﻴﻢ ﻗﺘﻠﻲ ﻣﺘﺮﻭﺡ ﻛﺎﻥ ﻣﻴﻜﻮﻥ ﻣﻌﺎﻙ
- ﻛﻴﻔﺎﻩ ﺑﺎﺵ ﻧﺨﻠﻲ ﺍﻟﺪﺍﺭ ﻭﺣﺪﻫﺎ
- ﺃﻱ ﻭﻟﻴﺪﻱ ﺧﻮﺫ ﺑﺨﺎﻃﺮﻫﺎ ﻭ ﺯﻳﺪ ﺧﻠﻲ ﺍﻟﻘﻠﻮﺏ ﺗﺘﻮﺍﻟﻒ ﺑﺎﺵ ﺗﺮﺟﻌﻮ ﻟﺒﻌﻀﻜﻢ
- ﺑﺎﻫﻲ ﻋﻤﻲ ﺇﻧﺸﺎﺀ ﺍﻟﻠﻪ ﻳﺼﻴﺮ ﺧﻴﺮ
ﺧﺮﺟﻮ ﻣﻦ ﺍﻟﺪﺍﺭ ﻭ ﻗﺎﺳﻢ ﻛﻲ ﺟﺎﺀ ﺑﺎﺵ ﻳﺴﻜﺮ ﺍﻟﺒﺎﺏ ﺷﺎﻑ ﺑﺴﻤﺔ ﻭﺟﻬﺎ ﺑﻜﻠﻮ ﺩﻡ ﻭ ﻋﻴﻨﻴﻬﺎ ﻛﺤﻞ ﻭ ﻫﻲ ﺗﻐﺰﺭﻟﻮ ﺩﺭﺍ ﻛﻴﻔﺎﻩ ... ﻭﺟﻬﻮ ﻟﺨﻠﺦ ... ﻓﻴﺴﻊ ﺳﻜﺮ ﺍﻟﺒﺎﺏ ﻭ ﻣﺸﺎ
ﻭﺻﻠﻮ ﺍﻟﺪﺍﺭ ﻃﻮﻝ ﻋﺮﺿﺘﻬﻢ ﺗﺴﻨﻴﻢ ﺗﺴﺘﻨﻲ ﻓﻴﻬﻢ ... ﺑﻮﻫﺎ ﺩﻳﺮﺍﻛﺖ ﺩﺧﻞ ﻭ ﻫﻲ ﻃﻮﻝ ﺗﺮﻣﺎﺕ ﻓﻲ ﺣﻀﻦ ﻗﺎﺳﻢ
- ﻗﺎﺳﻢ ﻟﺒﺎﺱ ﺷﺼﺎﺭﻟﻚ
- ﻟﺒﺎﺱ ﻣﺘﺨﺎﻓﺶ
- ﺑﺴﻤﺔ ﺭﺟﻌﺖ ﻣﻮﺵ ﻫﻜﺎ
- ﺃﻱ
- ﺷﻨﻮﺍ ﺻﺎﺭ ﺑﺎﻟﻀﺒﻂ ﺃﺣﻜﻴﻠﻲ
- ﺑﻴﺖ ﻧﻮﻡ ﺗﻘﻠﺒﺖ ﻭ ﻛﻲ ﺧﺮﺟﺖ ﺷﻔﺖ ﺑﺴﻤﺔ ﺗﻐﺰﺭﻟﻲ ... ﻣﻨﻌﺮﺵ ﺷﻨﻮﺍ ﺑﺎﺵ ﻧﻌﻤﻞ ﺣﺎﻳﺮ ﻭ ﻗﻠﺒﻲ ﻣﺎ ﻗﻴﻠﻲ ﺧﻴﺮ
- ﺑﺎﻫﻲ ﺃﺩﺧﻞ ﻭ ﻣﻦ ﺑﻌﺪ ﺗﻮ ﻧﺤﻜﻮ
ﺳﻴﺒﺘﻮ ﻭ ﺩﺧﻞ ﻣﻌﺎﻫﺎ ﻟﻠﺪﺍﺭ ... ﻣﻠﻲ ﺣﻀﻨﺘﻮ ﺗﺴﻨﻴﻢ ﺣﺲ ﺑﺎﻟﺤﻴﺎﺓ ﺭﺟﻌﺘﻠﻮ ... ﻳﺤﺲ ﻗﻠﺒﻮ ﻳﺘﻨﻌﻮﺵ ﻛﻲ ﺗﻜﻮﻥ ﻗﺮﻳﺒﺔ ﻣﻨﻮ ... ﺑﺎﻟﺮﻏﻢ ﻣﻦ ﻗﺴﻮﺗﻬﺎ ﻣﻌﺎﻩ ﺃﻻ ﺃﻧﻮ ﻗﻠﺒﻬﺎ ﺣﻨﻴﻦ ﺑﺮﺷﺎ ﻭ ﻣﺘﺤﻤﻠﺶ ﻓﻴﻪ ﺩﻗﺔ ﺍﻟﺸﻮﻛﺔ
ﺳﻬﺮﻭ ﺷﻮﻱ ﻭ ﻗﺎﺳﻢ ﻣﺸﺎ ﻫﻮ ﻭ ﺗﺴﻨﻴﻢ ﺭﻗﺪﻭ ﻓﻲ ﺑﻴﺘﻬﺎ ﻭ ﻫﻮ ﺇﺣﺘﻞ ﻓﺮﺵ ﺧﻮﻫﺎ ﺧﻼﻩ ﻳﺮﻗﺪ ﻣﻊ ﺑﻮﻩ ﻭ ﺃﻣﻮ ... ﺗﺴﻨﻴﻢ ﺿﺤﻜﺖ ﺑﺮﺷﺎ ﻋﻠﻲ ﺧﻮﻫﺎ ﻛﻴﻔﺎﻩ ﻃﺎﺭﺗﻠﻮ ﻭ ﻭﺟﻬﻮ ﺗﻘﻠﺐ
- ﺃﻱ ﻗﺎﺳﻢ ﺷﺒﻨﻌﻤﻠﻮ ﺗﻮ ﻓﻲ ﺣﻜﺎﻳﺔ ﺍﻟﺪﺍﺭ
- ﻳﻤﻜﻦ ﻧﺠﻴﺒﻠﻬﺎ ﺷﻜﻮﻥ ﻳﻌﻤﻞ ﻓﻴﻬﺎ ﺭﻗﻴﺔ ﺷﺮﻋﻴﺔ ﻭ ﻳﺨﺮﺝ ﺍﻟﺮﻭﺡ
- ﺃﻱ ﺃﻋﺰ ﻓﻜﺮﺓ ﻭﺍﻟﻠﻪ
- ﻭ ﺑﻌﺪﻫﺎ ﺗﺮﻭﺡ ﻣﻌﺎﻳﺎ
- ﻻ ﺃﻧﺎ ﻣﻌﺎﺵ ﻧﺮﺟﻊ ﻣﻌﺎﻙ ﻛﺎﻥ ﻣﺘﻌﻤﻞ ﻟﻘﺘﻠﻚ ﻋﻠﻴﻪ
- ﻟﺘﻮ ﺷﺎﺩﺓ ﻓﻴﻬﺎ
ﺍﻟﺤﻠﻘﺔ :28
- ﺑﺎﻫﻲ ﺗﺴﻨﻴﻢ ﺑﻌﺪ ﻣﻨﻌﻤﻞ ﺭﻗﻴﺔ ﻟﻠﺪﺍﺭ ﺗﻮ ﻧﻤﺸﻲ ﻧﺸﻮﻓﻮ
- ﻗﻮﻝ ﻭﺍﻟﻠﻪ
- ﻭﺍﻟﻠﻪ
- ﻫﻬﻬﻪ ﻋﻴﺸﻮ ﺍﻟﻲ ﻳﺴﻤﻊ ﺍﻟﻜﻼﻡ
- ﻧﻘﺰﺕ ﻋﻠﻴﻪ ﺷﺪﺗﻮ ﻣﻦ ﺧﺪﻳﻪ ﻭ ﻫﻲ ﺗﻀﺤﻚ ﻓﺮﺣﺎﻧﺔ ﻭ ﺃﺧﻴﺮﺍ ﺑﺎﺵ ﺗﺴﻴﻄﺮ ﻋﻠﻲ ﺣﻤﺎﺗﻬﺎ
ﻃﻞ ﺍﻟﺼﺒﺎﺡ ﻭ ﻗﺎﺳﻢ ﺧﺮﺝ ﻣﻨﻐﻴﺮ ﻓﻄﻮﺭ ﺩﻳﺮﺍﻛﺖ ﺗﻌﺪﺍ ﻟﻠﺤﺎﻧﻮﺕ ﺧﻼ ﺍﻟﻄﻔﻞ ﻳﺮﻭﺡ ﻭ ﺳﻜﺮﻫﺎ ﻭ ﻣﻦ ﺑﻌﺪ ﺗﻌﺪﺍ ﻟﺸﻴﺦ ﺟﺎﺑﻮ ﻣﻌﺎﻩ ﻟﻠﺪﺍﺭ
ﺩﺧﻞ ﺍﻟﺸﻴﺦ ﻗﻌﺪ ﻳﻘﺮﺏ ﻓﻲ ﺗﻌﻮﻳﺬﺍﺕ ﻭ ﻗﺮﺃﻥ ﻭ ﻓﻴﺴﻊ ﻣﺎ ﺧﺮﺝ
- ﻃﻤﻨﻲ ﻳﺎ ﺷﻴﺦ ﺳﺎﻓﺎ ﺭﻭﺡ ﺧﺮﺟﺖ
- ﻣﻔﻤﺎ ﺣﺘﻲ ﺭﻭﺡ ﻳﺎ ﻭﻟﺪﻱ ﺩﺍﺭﻙ ﻟﺒﺎﺱ ﺃﺳﻜﻦ ﻭ ﺃﻧﺖ ﻣﺮﺗﺎﺡ
- ﻛﻴﻔﺎﻩ ﺳﺎﻋﺔ ﺃﻧﺎ ﻭ ﻣﺮﺗﻲ ﻧﺸﻮﻓﻮ ﻓﻲ ﺑﺮﺷﺎ ﺣﻜﺎﻳﺎﺕ ﻣﻮﺵ ﻃﺒﻴﻌﻴﺔ
- ﻭﻟﻴﺪﻱ ﻫﻜﺎﻛﺎ ﻣﻨﻌﺮﺵ ﺃﻣﺎ ﺍﻟﻲ ﻧﻌﺮﻓﻮ ﺑﻠﻲ ﺍﻟﺪﺍﺭ ﻣﺎﻫﻴﺶ ﻣﺴﻜﻮﻧﺔ ﻭ ﻣﺎ ﻓﻴﻬﺎ ﺣﺘﻲ ﺭﻭﺡ
- ﺑﺎﻫﻲ ﻋﻴﺸﻚ
ﻗﻌﺪ ﻗﺎﺳﻢ ﻳﺨﻤﻢ ﻓﻲ ﺍﻟﺤﻜﺎﻳﺔ ﻭ ﻣﺨﻮ ﺳﺎﺭﺡ ﻳﺤﺐ ﻳﻌﺮﻑ ﺷﻨﻴﺎ ﺍﻟﺤﻜﺎﺓ ﻭ ﺷﻨﻮﺍ ﺍﻟﻲ ﻗﺎﻋﺪ ﻳﺼﻴﺮ
ﺗﻌﺪﺍ ﻟﺒﻮﻩ ﻓﻲ ﺍﻟﺪﺭ ﻳﻠﻘﺎﻩ ﻓﻲ ﺍﻟﺼﺎﻟﺔ
- ﺑﺎﺑﺎ ﻧﺤﺐ ﻧﺤﻜﻲ ﻣﻌﺎﻙ ﻓﻲ ﻣﻮﺿﻮﻉ
- ﺍﺣﻜﻲ ﻭﻟﻴﺪﻱ ﺍﻧﺸﺎﺀ ﺍﻟﻠﻪ ﺧﻴﺮ
- ﻧﺤﺐ ﻧﺤﻜﻮ ﺭﺍﺱ ﺭﺍﺱ
ﻗﺎﻣﺖ ﺃﻣﻮ ﺩﻳﺮﺍﻛﺖ ﻣﻨﻐﻴﺮ ﻣﻴﻄﺮﺩﻭﻫﺎ ﻭ ﺑﻘﺎﺕ ﺗﺴﻤﻊ ﻓﻴﻬﻢ ﻣﻦ ﻭﺭﺍﺀ ﺍﻟﺤﻴﻂ
- ﺑﺎﺑﺎ ﻧﺤﺐ ﻧﺎﺧﻮ ﺃﻭﺭﺍﻕ ﺍﻟﺘﻮﻛﻴﻞ
- ﻛﻴﻔﺎﻩ
- ﺗﻮ ﺳﺎﻳﺎ ﺧﺮﺟﺖ ﻣﻦ ﺍﻟﺤﺒﺲ ﻭ ﻧﺠﻢ ﻧﺎﻗﻒ ﻋﻠﻲ ﺭﺯﻗﻲ ﻭ ﻣﺮﺳﻲ ﻋﻠﻲ ﻭﻗﻔﺘﻚ ﻣﻌﺎﻳﺎ
- ﺑﺎﻫﻲ ﻭﻟﻴﺪﻱ ﺇﻧﺸﺎﺀ ﺍﻟﻠﻪ ﺍﻟﻌﺸﻴﺔ ﻧﻠﻮﺟﻠﻚ ﻋﻠﻴﻬﻢ ﻭ ﻧﺠﻴﺒﻬﻤﻠﻚ
- ﺑﺎﻫﻲ ﺑﺎﺑﺎ ﻋﻴﺸﻚ
ﺭﻭﺡ ﻗﺎﺳﻢ ﻟﻠﺪﺍﺭ ﻳﻠﻘﺎﻫﺎ ﻧﻈﻴﻔﺔ ﻭ ﺍﻟﺒﻼﺭ ﻣﺼﻠﺢ ﻛﺄﻧﻮ ﻣﺼﺎﺭ ﻓﻴﻬﺎ ﺷﻲ
ﺧﺬﺍ ﺗﻠﻔﻮﻧﻮ ﻭ ﻛﻠﻢ ﺗﺴﻨﻴﻢ
- ﻭﻳﻨﻚ ﻳﺎ ﺧﺮﻧﺎﻧﺔ
- ﻫﺎﻧﻲ ﺭﺍﻛﺸﺔ ﻓﻲ ﺩﺍﺭ ﻛﻬﻮ
- ﻣﻮﺵ ﻧﺎﻭﻳﺔ ﺗﺮﺟﻌﻠﻲ
- ﻭ ﻓﺎﺵ ﻗﺎﻡ ﻧﺮﺟﻌﻠﻚ ﻭ ﺍﻧﺖ ﻣﻮﺵ ﻋﺎﻣﻞ ﻣﻨﻲ ﺭﻟﺲ ﻣﺎﻝ ﻭ ﻣﺨﻠﻴﻨﻲ ﻣﻄﻴﺸﺔ ﻫﻮﻧﻲ
- ﻋﻼﻩ ﻣﺘﻌﺮﺵ ﺍﻟﻄﺮﻳﻖ
- ﻻ
- ﺗﺤﺐ ﻧﺠﻲ ﺃﻧﺎ ﻧﺮﻭﺡ ﺑﻴﻚ
- ﻫﻬﻬﻪ ﺍﻱ
- ﻻ ﻣﺎﻧﻴﺶ ﻓﺎﺿﻲ ﺑﻴﻚ
- ﺑﺮﺑﻲ
- ﺃﻱ
ﻋﻠﻘﺖ ﻋﻠﻴﻪ ﻭ ﻣﺨﻼﺗﻮﺵ ﻳﻜﻤﻞ ﻛﻼﻣﻮ ... ﻗﺪ ﻣﻄﻠﺒﻬﺎ ﻣﻬﺰﺗﺶ ﻋﻠﻴﻪ ... ﺇﺳﺘﻐﻔﺮ ﻣﻮﻻﻩ ﻭ ﻣﺸﺎ ﻳﺠﻴﺐ ﻓﻴﻬﺎ
- ﻋﺴﻼﻣﺔ ﻋﻤﻲ ﺟﻴﺖ ﺑﺎﺵ ﻧﺮﻭﺡ ﺑﺘﺴﻨﻴﻢ
- ﻫﻮﻛﺎ ﻓﻲ ﺍﻟﺒﻴﺖ ﻛﺎﻥ ﺣﺒﺘﻠﻚ ﺭﻭﺡ ﺑﻴﻬﺎ
- ﺑﺎﻫﻲ
# ﺍﻟﺤﻠﻘﺔ :29
ﻣﺘﻜﻴﺔ ﺗﺎﻛﻞ ﻓﻲ ﺻﺤﻔﺔ ﻣﻘﺮﻭﻧﺔ ﻗﺪ ﺭﺍﺳﻬﺎ ﻭ ﺷﺎﻳﺨﺔ ﺗﻐﻨﻲ ﻟﻴﻦ ﺩﺧﻞ ﻋﻠﻴﻬﺎ ﻗﺎﺳﻢ
- ﺷﻨﻮﺍ ﻟﻼ ﺧﺬﻳﺖ ﺭﺍﺣﺘﻚ ﻫﻮﻧﻲ ﻭ ﻣﻌﺎﺵ ﻣﻌﺒﺮﺗﻨﻲ
- ﺑﺴﻢ ﺍﻟﻠﻪ ﺍﻟﺮﺣﻤﺎﻥ ﺍﻟﺮﺣﻴﻢ .. ﻣﻨﻴﻦ ﻫﺒﻄﺖ ﺍﻧﺖ ﺍﻟﻬﻢ ﻫﺬﺍ ﻓﺠﻌﺘﻨﻲ
- ﻗﻮﻡ ﻟﻢ ﺩﺑﺸﻚ ﺗﺤﺮﻙ ﺧﻠﻴﻨﻲ ﻧﺮﻭﺡ ﺑﻴﻚ ﻭ ﻧﺤﻲ ﻋﻠﻴﺎ ﻫﺎﻟﺪﻟﻮﻝ ﺍﻟﺰﺍﻳﺪ ﻟﺘﻌﻠﻤﺘﻮ
- ﺑﺮﺍ ﺯﻣﺮ ﻣﺎﻧﻴﺶ ﻣﺮﻭﺣﺔ ﻣﻌﺎﻙ
- ﺑﺎﺵ ﺗﺮﻭﺡ ﻭ ﺭﺍﺳﻚ ﻟﻮﻃﺎ
- ﻻ ﺍﻧﺖ ﻣﻮﺵ ﻻﻫﻲ ﺑﻴﺎ ﻛﻴﻤﺎ ﻫﻜﺎ ﺃﻧﺎ ﻧﺤﺐ ﻧﻘﻌﺪ ﻫﻮﻧﻲ
- ﺗﻲ ﻗﻮﻡ ﺑﺮﺑﻲ
- ﻻ ﻣﻨﺤﺒﺶ ﻧﺨﺎﻑ ﻣﻨﻬﺎ ﺍﻟﺪﺍﺭ ﻫﺬﻳﻜﺎ
- ﻣﺘﺨﺎﻓﺶ ﻟﻴﻮﻡ ﻋﻤﻠﺖ ﻓﻴﻬﺎ ﺭﻗﻴﺔ ﻭ ﻗﺎﻟﻲ ﻣﺎ ﻓﻴﻬﺎﺵ ﺭﻭﺡ ﻳﻌﻨﻲ ﺃﻛﻴﺪ ﻓﻤﺎ ﺷﻜﻮﻥ ﻗﺎﻋﺪ ﻳﻠﻌﺐ ﻋﻠﻴﻨﺎ
- ﻗﺎﺳﻢ ﺯﻋﻤﺎ ﺗﻄﻠﻊ ﺑﺴﻤﺔ ﻋﺎﻳﺸﺔ
- ﻛﻴﻔﺎﻩ ﺑﺮﺑﻲ ﺗﻲ ﻗﺘﻠﺘﻬﺎ ﻭ ﺩﺧﻠﺖ ﺍﻟﺤﺒﺲ
- ﻗﺎﺳﻢ ﺭﺍﻧﻲ ﺷﻔﺘﻬﺎ ﻗﺪﺍﻣﻲ ﻭ ﻣﻦ ﺑﻌﺪ ﺷﻔﺖ ﺗﺼﺎﻭﺭﻫﺎ ﻭ ﺃﻣﻲ ﻗﺘﻠﻲ ﺑﻠﻲ ﻫﺎﺫﻡ ﺗﺼﺎﻭﺭ ﺑﺴﻤﺔ
- ﺗﺴﻨﻴﻢ ﻣﻌﺎﺵ ﺗﺒﺪﺍ ﺗﺨﺮﻑ
- ﻟﺤﻈﺔ ﺑﺮﻙ
ﻣﺸﺎﺕ ﻋﻴﻄﺖ ﻷﻣﻬﺎ ﻟﻴﻦ ﺣﺎﺑﺘﻬﺎ ﻣﻌﺎﻫﺎ
- ﺃﻣﻲ ﺗﺘﺬﻛﺮ ﻫﺬﺍﻛﺎ ﺍﻟﻨﻬﺎﺭ ﻛﻲ ﻗﺘﻠﻚ ﺑﻠﻲ ﺣﻤﺎﺗﻲ ﺟﺎﺑﺖ ﺗﺼﺎﻭﺭ ﻭ ﻛﻲ ﺟﻴﺖ ﺷﻔﺘﻬﻢ ﻗﺘﻠﻲ ﺑﻠﻲ ﻫﺎﺫﻡ ﺗﺼﺎﻭﺭ ﺑﺴﻤﺔ
- ﺍﺍﺍﺍ ﺍﻱ
ﺩﺍﺭﺕ ﻟﻘﺎﺳﻢ
- ﺷﻔﺖ ﻗﺎﺳﻢ ﻭﺍﻟﻠﻪ ﻛﻼﻣﻲ ﺻﺤﻴﺢ ﻭ ﺩﻳﺠﺎ ﻛﻲ ﻗﺘﻠﻲ ﺃﻣﻲ ﻭﻗﺘﻬﺎ ﺗﺼﺪﻣﺖ ﻭ ﺍﻧﺖ ﻣﺼﺪﻗﺘﻨﻴﺶ ﻭ ﺑﻘﻴﺖ ﺗﻜﺬﺏ ﻓﻴﺎ
ﺩﺍﺭ ﻗﺎﺳﻢ ﻷﻣﻬﺎ
- ﻋﻤﺘﻲ ﻣﺘﺄﻛﺪﺓ ﺑﻠﻲ ﺃﻧﺘﻲ ﺷﻔﺖ ﺍﻟﺘﺼﺎﻭﺭ ﻭﻗﺘﻬﺎ ﻭ ﻟﻘﻴﺘﻬﻢ ﺗﺼﺎﻭﺭ ﺑﺴﻤﺔ ... ﺍﻧﺘﻲ ﺗﻌﺮﻓﻬﺎ ﻣﻠﻴﺢ ﻭ ﻗﺪﺍﻩ ﻣﻦ ﻣﺮﺓ ﺷﻔﺘﻨﺎ ﻣﻊ ﺑﻌﻀﻨﺎ
- ﺃﻱ ﻭﻟﻴﺪﻱ ﺑﺎﻟﻨﺴﺒﺔ ﻟﺘﺼﺎﻭﺭ ﻟﺸﻔﺘﻬﻢ ﺗﺼﺎﻭﺭ ﺑﺴﻤﺔ
ﺣﻂ ﻗﺎﺳﻢ ﻳﺪﻳﻪ ﻋﻠﻲ ﺭﺍﺳﻮ ... ﺣﺎﺳﺲ ﺑﻤﺨﻮ ﺑﺎﺵ ﻳﻄﺮﺷﻖ ﻣﻦ ﺍﻟﺤﻜﺎﻳﺔ
- ﺑﺎﻫﻲ ﺗﺴﻨﻴﻢ ﻫﻴﺎ ﺭﻭﺡ ﻣﻌﺎﻳﺎ
- ﺑﺎﻫﻲ
ﻟﻤﺖ ﻓﺎﻟﻴﺰﺗﻬﺎ ﻭ ﺭﻭﺣﻮ .... ﺑﻌﺪ ﻣﻮﺻﻠﻮ ﺑﺸﻮﻱ ﺟﺎﺀ ﺑﻮﻩ ﻋﻄﺎﻩ ﺍﻻﻭﺭﺍﻕ ﻭ ﺭﻭﺡ
- ﺗﺴﻨﻴﻢ ﺃﻧﺎ ﻫﺎﻭ ﺑﺎﺵ ﻧﻤﺸﻲ ﻧﻔﺘﺢ ﺍﻟﺤﺎﻧﻮﺕ ﺷﻮﻱ ﻭ ﺃﻧﺘﻲ ﻫﻮﻛﺎ ﺃﻗﻌﺪ ﺍﺭﺗﺎﺡ ﺷﻮﻱ ﻛﺎﻥ ﺟﺎﺀ ﺷﻜﻮﻥ ﻣﺘﻌﺮﻓﻮﺵ ﻣﻨﻐﻴﺮ ﻣﺘﻔﺘﺢ ﺍﻟﺒﺎﺏ
- ﺑﺎﻫﻲ
ﻣﺸﺎ ﻗﺎﺳﻢ ﻟﻴﻦ ﺟﺎﺗﻬﺎ ﺣﻤﺎﺗﻬﺎ
- ﻋﺴﻼﻣﺔ ﺗﺴﻨﻴﻢ ﻟﺒﺎﺱ
- ﺗﻔﻀﻞ ﺷﻨﻮﺍ ﺗﺤﺐ ﻋﺪﻧﺎ ﺯﺍﺩﺍ ﻭ ﻛﺎﻧﻚ ﻋﻠﻲ ﺍﻟﺘﻮﻛﻴﻞ ﻫﺎﻭ ﻋﻨﺪﻱ ﺍﺭﺗﺎﺡ ﻳﻌﻨﻲ
- ﻫﻬﻬﻪ ﺷﺒﻴﻚ ﻣﻬﺒﻮﻟﺔ ﺃﻧﺘﻲ ﻣﺎﺷﻲ ﻓﻲ ﺑﺎﻟﻚ ﻏﺒﻴﺔ ﻟﻠﺪﺭﺟﺔ ﻫﺬﻱ ﺑﺎﺵ ﻧﻌﻄﻲ ﻗﺎﺳﻢ ﺍﻟﺘﻮﻛﻴﻞ ﺍﻟﺼﺤﻴﺢ
- ﺷﺘﻘﺼﺪ
- ﺍﻟﻲ ﻓﻬﻤﺘﻮ ﻋﺰﻳﺰﺗﻲ ﻭ ﺍﻟﻤﺮﺓ ﺍﻟﺠﺎﻳﺔ ﺃﻋﺮﻑ ﻣﻊ ﺷﻜﻮﻥ ﺗﻠﻌﺐ ﻳﺎ ﺻﻐﺮﻭﻧﺔ
ﻛﻼﻡ ﺣﻤﺎﺗﻬﺎ ﻏﺰﻟﻬﺎ ﻭ ﺧﻼﻫﺎ ﺗﺸﻌﻞ ﻧﺎﺭ ﻭ ﻫﻲ ﺗﻐﺰﺭﻟﻬﺎ ... ﻟﻴﻦ ﻟﻔﺖ ﺇﻧﺘﺒﺎﻫﺎ ﻛﻴﻔﺎﻩ ﺗﻐﺰﺭ ﻟﺘﺮﺍﻛﻦ ﺍﻟﺪﺍﺭ ﻭ ﺗﺜﺒﺖ ... ﻛﺎﻧﺖ ﺗﺤﻜﻲ ﻭ ﻣﺘﺤﺒﺶ ﺗﺨﻠﻲ ﺗﺴﻨﻴﻢ ﺗﻨﺘﺒﻪ ﺑﻴﻬﺎ ... ﺃﻣﺎ ﺗﺴﻨﻴﻢ ﻛﺎﻧﺖ ﻛﻞ ﻭﻳﻦ ﺗﺠﻴﻬﺎ ﺣﻤﺎﺗﻬﺎ ﺗﻜﻮﻥ ﺣﺮﻳﺼﺔ ﻭ ﺗﺮﻛﺰ ﻣﻊ ﻛﻞ ﻛﻠﻤﺔ ﻭ ﺣﺮﻛﺔ ﺗﻌﻤﻠﻬﻢ
+++ ﻧﺘﻘﺎﺑﻠﻮ ﻏﺪﻭﻱ
# ﺍﻟﺤﻠﻘﺔ :30
ﺭﻭﺣﺖ ﺣﻤﺎﺗﻬﺎ ﻭ ﺑﻘﺎﺕ ﻫﻲ ﺗﺘﻔﺮﺝ ﻓﻲ ﺗﺮﺍﻛﻦ ﺍﻟﺪﺍﺭ ﻭ ﺗﺜﺒﺖ ﺗﺤﺐ ﺗﺸﻮﻑ ﺣﻤﺎﺗﻬﺎ ﻋﻠﻲ ﺷﻨﻮﺍ ﺑﻘﺎﺕ ﻣﺮﻛﺰﺓ
ﻣﻠﻘﺎﺕ ﺷﻲ .. ﻓﺪﺕ ﻭ ﺭﻭﺣﻬﺎ ﻃﻠﻌﺖ ﺗﺤﺐ ﺗﻌﺮﻑ ﺷﻨﻮﺍ ﻓﻲ ﺍﻟﺪﺍﺭ ... ﺭﻭﺡ ﻗﺎﺳﻢ ﻳﻠﻘﺎﻫﺎ ﻗﺎﻋﺪﺓ ﻋﻠﻲ ﺍﻟﻔﺮﺵ ﻭ ﺗﺨﻤﻢ ﺑﺎﻳﻦ ﻋﻠﻴﻬﺎ ﺷﺎﺭﺩﺓ
- ﺃﺍ ﻗﻄﻮﺳﺔ ﻭﻳﻦ ﺿﺎﻳﻌﺔ
- ﻻ ﺷﻲ
- ﺑﺎﻫﻲ ﺇﻳﺠﺎ ﺟﺒﺘﻠﻚ ﻛﺎﺩﻭ
- ﻫﻬﻬﻪ ﺷﻨﻮﺍ
- ﺇﻳﺠﺎ ﺗﻮ ﺗﻌﺮﻑ
ﻣﺸﺎﺗﻠﻮ ... ﺩﻭﺭﻫﺎ ﻗﺪﺍﻡ ﺍﻟﻤﺮﺍﻳﺎ ﻭ ﻫﻮ ﻭﺭﺍﻫﺎ ... ﺟﺒﺪﻟﻬﺎ ﺷﺮﻛﺔ ﺗﻬﺒﻞ ﺑﻘﺎ ﻳﻠﺒﺴﻠﻬﺎ ﻓﻴﻬﺎ ﻭ ﻫﻲ ﺗﻐﺰﺭﻟﻬﺎ ﻭ ﻓﺮﺣﺎﻧﺔ .... ﻓﻲ ﻟﺤﻈﺔ ﺑﻘﺎﺕ ﺗﻐﺰﺭ ﻹﻧﻌﻜﺎﺱ ﺿﻮ ﺻﻐﻴﺮ ﻋﻠﻲ ﺍﻟﻤﺮﺍﻳﺔ ﺗﺤﺖ ﺍﻟﺮﻳﺪﻭ ... ﺑﻘﺎﺕ ﺗﻐﺰﺭ ﻭ ﺗﺜﺒﺖ ﻟﻴﻦ ﺷﺎﻓﺘﻬﺎ ... ﻣﻨﺠﻤﺘﺶ ﺗﻘﻮﻝ ﻟﻘﺎﺳﻢ ﺧﺎﻳﻔﺔ ﻛﺎﻥ ﻳﺴﻤﻌﻮﻫﺎ ﻭ ﻭﻗﺘﻬﺎ ﺗﻮﻟﻲ ﻛﺄﻧﻮ ﻣﺸﺎﻓﺖ ﺷﻲ
- ﺗﺴﻨﻴﻢ ﻋﺠﺒﺘﻚ
- ﺃﻱ ﻋﻴﺸﻚ ﻗﺴﻮﻣﺘﻲ ﺗﻬﺒﻞ
- ﻫﻬﻬﻬﻪ ﺷﻨﻴﺎ ﻫﺬﻱ ﻗﺴﻮﻣﺘﻲ ﺟﺪﻳﺪﺓ
- ﻫﻬﻬﻬﻪ ﺃﻱ
ﺑﻘﺎﺕ ﻳﺤﻜﻮ ﻭ ﻳﺘﻤﻌﺸﻮ ﻟﻴﻦ ﺷﺪﺗﻬﺎ ﻣﻌﺪﺗﻬﺎ ﺑﺎﻟﻮﺟﻴﻌﺔ
- ﺗﺴﻨﻴﻢ ﺗﺤﺐ ﻧﻬﺰﻙ ﻟﻠﻄﺒﻴﺐ
- ﻻ ﻣﻔﻤﺎﺵ ﻋﻼﻩ ﻧﺮﺗﺎﺡ ﺷﻮﻱ ﻭ ﺑﻘﺪﺭﺓ ﺭﺑﻲ ﻟﺒﺎﺱ
- ﺑﺎﻫﻲ ﻧﻤﺸﻲ ﻧﺠﻴﺒﻠﻚ ﺣﺎﺟﺔ ﺳﺨﻮﻧﺔ ﺗﺎﻛﻠﻬﺎ
- ﺑﺎﻫﻲ
ﺧﺬﺍﺕ ﺗﻠﻔﻮﻧﻬﺎ ﻭ ﻛﻠﻤﺖ ﺃﻣﻬﺎ
- ﺃﻣﻲ ﻣﻌﺪﺗﻲ ﺑﺎﻗﻲ ﻭﺟﻌﺘﻨﻲ
- ﺃﻛﻴﺪ ﺣﺒﻠﺔ ﺗﺴﻨﻴﻢ ﺃﻣﺸﻲ ﺃﻋﻤﻞ ﺗﺎﺳﺖ ﻭ ﻓﺮﺡ ﺭﺍﺟﻠﻚ
- ﻣﻨﻌﺮﺵ ﻳﺎﻣﻲ ﺧﺎﻳﻔﺔ
- ﻣﻦ ﺷﻨﻮﺍ ﺧﺎﻳﻔﺔ ﺑﺮﺑﻲ
- ﻣﻨﻌﺮﺵ ﺑﺎﻟﻚ ﻧﻄﻠﻊ ﻣﻮﺵ ﺣﺒﻠﺔ
- ﺃﻧﺘﻲ ﻣﺨﺎﺳﺮﺓ ﺷﻲ ﺃﻣﺸﻲ ﺷﻮﻑ ﻭ ﻣﻦ ﺑﻌﺪ ﺳﺎﻫﻞ
- ﺑﺎﻫﻲ
ﻋﻠﻘﺖ ﺗﻠﻔﻮﻥ ﻟﻴﻦ ﺟﺎﻫﺎ ﻗﺎﺳﻢ ﻭ ﻓﻲ ﻳﺪﻭ ﻗﻬﻮﺓ ﺩﺍﻓﻴﺔ ﺭﻳﺤﺘﻬﺎ ﻋﺒﺎﺕ ﺍﻟﺒﻴﺖ
- ﻋﻴﺸﻚ ﻗﺎﺳﻢ
- ﺑﻴﻨﺘﻨﺎﺵ ﻋﺰﻳﺰﺗﻲ
ﺗﺒﺴﻤﺘﻠﻮ ﻭ ﺑﻘﺎﺕ ﺗﺘﺮﺷﻒ ﻓﻴﻬﺎ ﻭ ﻫﻲ ﻣﺨﻬﺎ ﺳﺎﺭﺡ ﺗﺨﻤﻢ ﺇﺫﺍ ﻃﻠﻌﺖ ﻫﻲ ﺣﺒﻠﺔ ﻛﻴﻔﺎﻩ ﺑﺎﺵ ﺗﻔﺮﺡ ﻗﺎﺳﻢ ...
ﻫﺰﺕ ﻋﻴﻨﻬﺎ ﻟﻄﺮﻑ ﺍﻟﺮﻳﺪﻭ ﻭ ﺑﻘﺎﺕ ﺗﻐﺰﺭ ﻭ ﺗﺜﺒﺖ ﻳﻌﻨﻲ ﺍﻟﻲ ﺷﺎﻓﺘﻮ ﻣﻮﺵ ﻛﺬﺏ ﻭ ﺣﻤﺎﺗﻬﺎ ﺃﻛﻴﺪ ﻗﺎﻋﺪﺓ ﺗﻠﻌﺐ ﻓﻲ ﻟﻌﺒﺔ ﻣﻦ ﻭﺭﺍﻫﻢ ﻭ ﻣﻮﺵ ﺑﻼﺵ ...
ﻛﻲ ﺗﺬﻛﺮﺕ ﺣﻤﺎﺗﻬﺎ ﺗﺬﻛﺮﺕ ﺍﻟﻜﻼﻡ ﺍﻟﻲ ﺩﺍﺭ ﺑﻴﻨﺎﺗﻬﻢ ﻛﻲ ﻗﺎﺗﻠﻬﺎ ﺑﻠﻲ ﺍﻟﺘﻮﻛﻴﻞ ﺍﻟﻲ ﻋﻨﺪ ﻗﺎﺳﻢ ﻣﺰﻭﺭ
- ﻗﺎﺳﻢ ﻏﺪﻭﻱ ﺧﻮﺫ ﺍﻟﺘﻮﻛﻴﻞ ﻟﻠﻤﺤﺎﻣﻲ ﺷﻮﻓﻮ ﺻﺤﻴﺢ ﻭﻻ ﻣﺰﻭﺭ
- ﻋﻄﺎﻫﻮﻟﻲ ﺑﺎﺑﺎ ﺭﺍﻭ ﻛﻴﻔﺎﻩ ﺗﺤﺒﻮ ﻳﻜﻮﻥ ﻣﺰﻭﺭ
- ﻗﺎﺳﻢ ﺗﻮﻛﻴﻞ ﻣﺰﻭﺭ ﻭ ﺃﻣﺸﻲ ﺷﻮﻓﻮ ﺗﻮ ﺗﻌﺮﻑ ﺑﻠﻲ ﻛﻼﻣﻲ ﺻﺤﻴﺢ .. ﺍﻟﺘﻮﻛﻴﻞ ﺍﻟﺼﺤﻴﺢ ﻣﺎﺯﺍﻝ ﻋﻨﺪﻫﻢ
# ﺍﻟﺤﻠﻘﺔ :31
- ﺗﺴﻨﻴﻢ ﻣﺘﻬﺒﻠﻨﻴﺶ
- ﻭﺍﻟﻠﻪ ﻗﺎﺳﻢ ﻛﻴﻤﺎ ﻧﺤﻜﻲ ﻣﻌﺎﻙ
- ﺷﻨﻮﺍ ﺗﺤﺐ ﺗﻮﺻﻠﻲ ﺑﺮﺑﻲ
- ﺃﻣﻚ ﻗﺎﻋﺪﺓ ﺗﻠﻌﺐ ﻓﻲ ﻟﻌﺒﺔ ﻣﻌﺎﻧﺎ ﻭ ﺩﻳﺠﺎ ....
ﻗﺲ ﻋﻠﻴﻬﻢ ﺻﻮﺕ ﺗﻜﺴﻴﺮ ﻭ ﺭﺟﻠﻴﻦ ﺩﺍﺧﻠﺔ ﺍﻟﺪﺍﺭ ﺑﻘﻮﺓ
ﺿﻤﻬﺎ ﻟﺼﺪﺭﻭ ﻭ ﺑﻘﺎﺕ ﻛﺎﺑﺲ ﻋﻠﻴﻬﺎ ﻭ ﻫﻲ ﻛﻲ ﺍﻟﻔﻠﻮﺱ ﺗﻔﺒﺮﻱ ﺑﻴﻦ ﻳﺪﻳﻪ
- ﺗﺴﻨﻴﻢ ﺧﻠﻴﻨﻲ ﻧﺨﺮﺝ ﻧﺸﻮﻑ ﺷﻨﻮﺍ ﻓﻤﺎ
- ﻻ ﻣﺘﺨﻠﻴﻨﻴﺶ
- ﺗﺴﻨﻴﻢ
- ﻋﻴﺸﻚ ﻗﺎﺳﻢ ﺑﺎﻟﻠﻪ ﻻ ﺗﺨﻠﻴﻨﻲ
ﻗﻌﺪ ﻣﻌﺎﻫﺎ ﻟﻴﻦ ﺇﺧﺘﻔﻲ ﺍﻟﺼﻮﺕ ﻭ ﺧﺮﺟﻮ ﺍﻟﺰﻭﺯ ﻳﺸﻮﻓﻮ ﺷﻔﻤﺎ ﻣﻠﻘﺎﻭ ﺷﻲ
- ﺗﺴﻨﻴﻢ ﺃﻛﻴﺪ ﻓﻤﺎ ﺷﻜﻮﻥ ﻳﻠﻌﺐ ﻣﻌﺎﻧﺎ
- ﺃﻛﻴﺪ
- ﻻﺯﻡ ﻧﻠﻘﺎﻭ ﺣﻞ ﻓﻴﺴﻊ
- ﻗﺎﺳﻢ ﺇﻳﺠﺎ ﻣﻌﺎﻳﺎ ﻟﻠﺒﻴﺖ ﻧﺤﺐ ﻧﻮﺭﻳﻚ ﺣﺎﺟﺔ
ﺩﺧﻠﺘﻮ ﻣﻌﺎﻫﺎ ﻟﻠﺒﻴﺖ ﻭ ﻭﻗﻔﺖ ﻗﺪﺍﻡ ﺍﻟﻤﺮﺍﻳﺔ ﻭ ﻫﻮ ﻭﺭﺍﻫﺎ
- ﻗﺎﺳﻢ ﺷﻮﻑ ﻣﻨﻐﻴﺮ ﻣﺘﺸﻠﻖ ﻟﺘﺮﻛﻴﻨﺔ ﺍﻟﺪﺍﺭ ﻭﻳﻦ ﺭﻳﺪﻭ
- ﺃﻱ
- ﻓﻤﺎ ﻛﺎﻣﻴﺮﺍ
- ﺃﻱ ﻭﺍﻟﻠﻪ ﺑﺎﻟﺤﻖ
ﻫﻮ ﺟﺎﺀ ﺑﻴﻐﺰﺭ ﻻﻛﻦ ﺗﺴﻨﻴﻢ ﻣﺨﻼﺗﻮﺵ
- ﻣﺘﺸﻠﻘﺶ ﻻﺯﻡ ﻧﻌﺮﻓﻮ ﻛﻴﻔﺎﻩ ﻧﻘﺼﻮﻫﺎ ﻭ ﻧﺤﻄﻮ ﻛﺎﻣﻴﺮﺍ ﻣﺘﺎﻋﻨﺎ ﻧﺸﻮﻓﻮ ﺷﻜﻮﻥ ﻳﺪﺧﻞ ﻟﻬﻮﻧﻲ
- ﺑﺎﻫﻲ ﺇﻟﻲ ﺗﻌﻤﻠﻮ ﻣﺒﺮﻭﻙ
ﺗﻜﺎﻭ ﻋﻠﻲ ﺍﻟﻔﺮﺵ ﺣﻴﻠﻬﻢ ﻣﻬﺪﻭﺩ ﻣﻦ ﺍﻟﻔﺠﻌﺔ ﻭ ﺧﺎﻳﻔﻴﻦ ﻣﻦ ﺍﻟﻜﺎﻣﻴﺮﺍ ﻛﻴﻔﺎﻩ ﺑﺎﺵ ﻳﻨﺠﻤﻮ ﻳﻘﺼﻮﻫﺎ ﻭ ﻳﻌﺮﻓﻮ ﺷﻜﻮﻥ ﺍﻟﻲ ﻗﺎﻋﺪ ﻳﻠﻌﺐ ﻣﻌﺎﻫﻢ ... ﻫﻲ ﻣﺘﻮﻗﻌﺔ ﺗﻜﻮﻥ ﺣﻤﺎﺗﻬﺎ %100 ﺃﻣﺎ ﻣﺘﺤﺒﺶ ﺗﺴﺒﻖ ﺍﻷﺣﺪﺍﺙ ﺗﺤﺐ ﺗﺎﺧﻮ ﻋﻠﻴﻬﺎ ﺩﻟﻴﻞ ﺩﻣﺮﻫﺎ ﺑﻴﻪ
- ﻗﺎﺳﻢ ﻟﻘﻴﺖ ﻓﻜﺮﺓ
- ﺷﻨﻴﺎ
ﺑﺪﺍﺕ ﺗﺤﻜﻲ ﻣﻌﺎﻩ ﻭ ﺗﻬﻤﺲ ﻓﻴﻪ ﺑﺸﻮﻱ ﻭ ﻫﻲ ﻳﺪﻳﻬﺎ ﻋﻠﻲ ﻟﺤﻴﺘﻮ ﻭ ﺗﺘﺒﺴﻤﻠﻮ ﻋﻠﻲ ﺃﺳﺎﺱ ﻳﺴﻴﺒﻮ ﻓﻲ ﺍﻟﺮﻭﻣﻨﺴﻴﺔ ﺗﺎﻋﻬﻢ
- ﺧﻠﻴﻨﺎ ﻧﻀﻔﻮ ﺩﺍﺭ ﻭ ﻭ ﻧﺒﺪﻟﻮ ﺩﻳﻜﻮﺭ ﻭ ﻭﻗﺘﻬﺎ ﻧﺤﻮ ﺍﻟﻜﺎﻣﻴﺮﺍ ﻭﻻ ﻧﺼﺒﻮ ﻋﻠﻴﻬﺎ ﺍﻟﻤﺎﺀ
- ﻭ ﻛﺎﻥ ﺗﻄﻠﻊ ﺿﺪ ﺍﻟﻤﺎﺀ
- ﺃﺣﻨﺎ ﻣﺨﺎﺳﺮﻳﻦ ﺷﻲ ﺧﻠﻴﻨﺎ ﻧﺠﺮﺑﻮ ﻭ ﻛﺎﻥ ﻟﺰﻡ ﻧﻜﺴﺮﻭﻫﺎ ﺑﺤﺎﺟﺔ ﻭ ﻧﺤﻄﻮ ﻛﺎﻣﻴﺮﺍ ﻣﺘﺎﻋﻬﺎ
- ﺑﺎﻫﻲ ﻣﺸﻴﺖ ﻣﻌﺎﻙ
ﻗﺎﻣﻮ ﻳﻨﻈﻔﻮ ﻓﻲ ﺍﻟﺪﺍﺭ ﻭ ﺑﺪﺍﺕ ﺗﺴﻨﻴﻢ ﺗﺴﻴﻖ ﻭ ﻫﻲ ﺗﺸﺮﺗﻊ ﻓﻲ ﺍﻟﻤﺎﺀ ﻓﻲ ﺷﻮﺭ ﺍﻟﻜﺎﻣﻴﺮﺍ ﻭ ﻗﺎﺳﻢ ﻳﺘﻔﺮﺝ ﻓﻴﻬﺎ ﻭ ﻳﻀﺤﻚ
ﺍﻟﺤﻠﻘﺔ :32
ﻃﻠﻊ ﻗﺎﺳﻢ ﻳﺮﻳﻘﻞ ﻓﻲ ﺭﻳﺪﻭ ﻭ ﻏﻄﻲ ﺍﻟﻜﺎﻣﻴﺮﺍ ﺑﺎﻟﻌﺎﻧﻲ ﻳﺤﺒﻬﺎ ﺗﺘﻐﻄﻲ ﻭ ﺭﻛﺐ ﻛﺎﻣﻴﺮﺍ ﺃﺧﺮﻱ ﺑﺎﺵ ﻳﻨﺠﻢ ﻳﺸﻮﻑ ﺷﻜﻮﻥ ﻳﺪﺧﻞ ﻟﺪﺍﺭﻭ
- ﺃﺍ ﻗﺎﺳﻢ ﺳﺎﻓﺎ ﺳﻠﻜﺘﻬﺎ
- ﺃﻱ ﺳﺎﻓﺎ
- ﺑﺎﻫﻲ ﺷﻨﻮﺍ ﺭﺍﻳﻚ ﻟﻴﻠﺔ ﻧﻤﺸﻮ ﻟﺪﺍﺭﻧﺎ ﻧﺴﻬﺮﻭ ﻭ ﻧﺸﻮﻓﻮ ﺷﻜﻮﻥ ﺑﺎﺵ ﻳﺪﺧﻞ ﺍﻟﺪﺍﺭ
- ﻟﻴﻠﺔ ﺑﺎﺵ ﻧﻤﺸﻮ ﻟﺪﺍﺭﻧﺎ
- ﻋﻼﻩ ﺗﻌﺮﻓﻨﻲ ﺃﻣﻚ ﻣﻨﺤﻤﻠﻬﺎﺵ
- ﺗﺴﻨﻴﻢ ﻫﺬﻳﻜﺎ ﺃﻣﻲ ﻻﺯﻡ ﺗﺘﺤﻤﻠﻬﺎ ﻗﺪﺍﻩ ﺑﺎﺵ ﻧﺒﻘﻮ ﻋﻠﻲ ﺍﻟﺤﺎﻟﺔ ﻫﺬﻱ ﺑﺮﺑﻲ
- ﻳﺎ ﻗﺎﺳﻢ ﺃﻣﻚ ﻣﺴﻤﺎﻣﺔ ﻟﻔﻌﺔ ﺏ 7 ﺭﻭﺱ ﻏﻴﺮ ﺃﻧﺖ ﻣﺘﻌﺮﻓﻬﺎﺵ
- ﺗﺴﻨﻴﻢ ﻟﻴﻠﺔ ﺑﺎﺵ ﻧﻤﺸﻮ ﻟﺪﺍﺭﻧﺎ ﺍﻭﻙ ﻭ ﺍﻧﺘﻲ ﺩﺑﺮ ﺭﺍﺳﻚ ﺗﻐﺸﺶ ﺗﻨﺮﻓﺰ ﺑﺎﺵ ﺗﻤﺸﻲ ﺑﺎﺵ ﺗﻤﺸﻲ
- ﺍﻭﻭﻭﻑ ﺻﺒﺮ ﻣﻨﻚ
ﺩﺧﻠﺖ ﺗﺴﻨﻴﻢ ﻋﻤﻠﺖ ﺩﻭﺵ ﻭ ﺧﺮﺟﺖ ﺗﺸﻴﺢ ﻓﻲ ﺷﻌﺮﻫﺎ ﻭ ﻫﻲ ﺗﻐﻨﻲ ﻟﻴﻦ ﺩﺧﻞ ﻋﻠﻴﻬﺎ ﻗﺎﺳﻢ ﺑﻘﺎ ﺭﺍﺷﻖ ﻋﻴﻨﻴﻪ ﻓﻴﻬﺎ
- ﻗﺎﺳﻢ ﺃﺧﺮﺝ ﻣﺎﻭ ﻟﺒﺎﺱ ﺗﻐﺰﺭﻟﻲ
- ﺗﺴﻨﻴﻢ
- ﻗﺎﺳﻢ ﺃﺧﺮﺝ ﻣﺒﻠﺪﻙ ﺯﺡ
- ﺗﻲ ﺷﻮﻑ ﺑﺪﻧﻚ ﻛﻴﻔﺎﻩ ﻭ ﺍﻧﺘﻲ ﻛﻠﻲ ﻭﺍﻛﻠﺔ ﻃﺮﻳﺤﺔ
- ﻭﻳﻨﻮ
ﻗﺮﺏ ﻣﻨﻬﺎ ﻭ ﺣﻂ ﺻﻮﺍﺑﻌﻮ ﻋﻠﻲ ﺍﻟﺒﻼﻳﺺ ﺍﻟﺰﺭﻕ
- ﻣﺘﺤﺲ ﻓﻲ ﺷﻲ
- ﻻ
- ﺑﺎﻟﺤﻖ ﻣﻮﺵ ﻗﺎﻋﺪﺓ ﺗﺘﻮﺟﻊ
- ﻻ
ﻏﺰﺭﺕ ﻟﺮﻭﺣﻬﺎ ﻓﻲ ﺍﻟﻤﺮﺍﻳﺔ ﺑﻘﺎﺕ ﺑﺎﻫﺔ ﻓﻲ ﺑﺪﻧﻬﺎ ﻛﻴﻔﺎﻩ ﺃﺯﺭﻕ ﻣﻌﺮﻓﺖ ﻣﺘﻌﻤﻞ ﺗﺼﺪﻣﺖ ﻭ ﻣﺤﺒﺘﺶ ﺗﺒﻴﻦ ﺻﺪﻣﺘﻬﺎ ﻟﻘﺎﺳﻢ
ﻗﺎﺳﻢ ﻏﺰﺭﻟﻬﺎ ﻛﻴﻔﺎﻩ ﻣﺼﺪﻭﻣﺔ ﻭ ﻣﺤﺒﺶ ﻳﺰﻳﺪ ﻋﻠﻴﻬﺎ ﺧﻼﻫﺎ ﻋﻠﻲ ﺭﺍﺣﺘﻬﺎ .. ﻭ ﺣﺎﻭﻝ ﻳﺒﺪﻝ ﺍﻟﻤﻮﺿﻮﻉ
- ﺃﻱ ﻣﺎﻻ ﺷﻨﻮﺍ ﺑﺎﺵ ﺗﻠﺒﺲ
- ﻣﺎﺯﺍﻝ ﻣﻨﻌﺮﺵ ﻳﻤﻜﻦ ﻧﻠﺒﺲ ﺭﻭﺑﺘﻲ ﺍﻟﺰﺭﻗﺎﺀ
- ﺃﻧﺎﻫﻲ ﻫﺬﻱ
- ﺷﻮﻑ ﻓﻲ ﺍﻟﺨﺰﻧﺔ ﻟﻮﺟﻠﻲ ﻋﻠﻴﻬﺎ
- ﺑﺎﻫﻲ
ﺑﻘﺎ ﻳﻠﻮﺟﻠﻬﺎ ﻭ ﻫﻲ ﺷﺮﺩﺕ ﻓﻲ ﺑﺪﻧﻬﺎ ﺗﺘﻠﻤﺲ ﻓﻴﻪ ﻭ ﻣﺤﺎﺳﺔ ﺑﺸﻲ
- ﺗﺴﻨﻴﻢ ﺧﻮﺫ
- ﺑﺎﻫﻲ ﺃﺧﺮﺝ ﻟﺤﻈﺔ ﻧﺒﺪﻝ
- ﺑﺎﻫﻲ
ﺧﺮﺝ ﻟﺒﺴﺖ ﺍﻟﺮﻭﺑﺎ ﻭ ﺑﻘﺎﺕ ﻗﺎﻋﺪﺓ ﻋﻠﻲ ﺍﻟﻔﺮﺱ ﻫﺎﻳﻤﺔ ﻓﻲ ﻋﺎﻟﻢ ﺃﺧﺮ ﺧﺎﻓﺖ ﻭ ﻗﻠﺒﻬﺎ ﺿﻐﻂ ﻋﻠﻴﻬﺎ ﻣﺘﻌﺮﺵ ﻋﻼﻩ
ﺩﺧﻞ ﻋﻠﻴﻬﺎ ﻗﺎﺳﻢ ﻳﻠﻘﺎﻫﺎ ﻗﺎﻋﺪﺓ ﻭ ﻭﺟﻬﺎ ﺃﺻﻔﺮ
- ﺷﺒﻴﻬﺎ ﺍﻟﺼﻐﺮﻭﻧﺔ
- ﻗﺎﺳﻢ ﺧﺎﻳﻔﺔ
- ﻣﻦ ﺷﻨﻮﺍ
- ﻣﻦ ﺍﻟﺒﻼﻳﺺ ﺍﻟﻲ ﻓﻲ ﺑﺪﻧﻲ
- ﺧﻠﻴﻨﺎ ﻧﺸﻮﻓﻮ ﻃﺒﻴﺐ ﺃﻣﺎ ﺃﻛﻴﺪ ﻣﻮﺵ ﺣﺎﺟﺔ ﺧﻄﻴﺮﺓ ﻣﺘﺨﺎﻓﺶ
- ﺑﺎﻫﻲ
- ﻫﻴﺎ ﻗﻮﻡ ﺣﻂ ﺷﻮﻱ ﻣﻜﻴﺎﺝ ﺧﻠﻲ ﻭﺟﻬﻚ ﻳﻨﻮﺭ ﺷﻮﻱ ﺃﻣﺎ ﻣﺘﻜﺜﺮﺵ ﺣﺰﺍﺭ ﺭﺍﻧﻲ
- ﻫﻬﻬﻪ ﺑﺎﻫﻲ
ﺿﺤﻜﺖ ﻣﻨﻐﻴﺮ ﻣﺘﺸﻌﺮ ﺗﻤﻨﺎﺕ ﻛﺎﻥ ﺗﻘﻌﺪ ﺣﻴﺎﺗﻬﺎ ﺣﺎﺑﺴﺔ ﻓﻲ ﺍﻟﻠﺤﻈﺔ ﺇﻟﻲ ﺿﺤﻜﻬﺎ ﻓﻴﻬﺎ ﻗﺎﺳﻢ ﻭ ﻫﻲ ﻭﻳﺎﻩ ﻛﻲ ﻋﺼﻴﻔﺮﺍﺕ ﺍﻟﺠﻨﺔ
ﺍﻟﺤﻠﻘﺔ :33
ﻣﺸﺎﺕ ﻟﺪﺍﺭ ﺣﻤﺎﺗﻬﺎ ﺍﻭﻝ ﻣﺎ ﻭﺻﻠﻮ ﺭﺣﺒﻮ ﺑﻴﻬﻢ ﻭ ﺑﻘﺎﺕ ﺗﺴﻨﻴﻢ ﺗڨﺤﺮ ﻟﺤﻤﺎﺗﻬﺎ ﻭ ﺗﺘﺸﻮﺣﺮ ﻭ ﻫﻲ ﻣﻮﺵ ﺣﺎﺟﺒﻬﺎ ﺷﻲ ..... ﻗﺎﺳﻢ ﻳﺤﻜﻲ ﻣﻊ ﺑﻮﻩ ﻭ ﻳﻔﺪﻟﻚ ﻳﺤﺐ ﻳﻌﺪﻱ ﺍﻟﻮﻗﺖ ﺃﺳﺮﻉ ﻣﺎ ﻳﻤﻜﻦ ..... ﻗﺮﺑﺖ ﺍﻡ ﻗﺎﺳﻢ ﻣﻦ ﺗﺴﻨﻴﻢ ﻭ ﺑﻘﺎﺕ ﺗﺤﻜﻲ ﻣﻌﺎﻫﺎ ﻭ ﺗﻀﺤﻚ
- ﻛﻴﻔﺎﻩ ﻣﺎﻻ ﻳﺎ ﻛﻨﺘﻲ ﺍﻟﻌﺰﻳﺰﺓ
- ﻗﻮﻝ ﺷﺘﺤﺐ
- ﻣﺎﻻ ﻋﺠﺒﻮﻙ ﺍﻷﻭﺭﺍﻕ ﻛﻴﻔﺎﻩ ﻣﺰﻭﺭﻳﻦ
- ﻣﺴﻘﺘﻚ ﺗﻌﻤﻞ ﻓﻲ ﻭﻟﺪﻙ ﻫﻜﺎ
- ﻫﻬﻬﻬﻬﻪ
- ﺃﻣﺎ ﺍﻟﻠﻌﺐ ﺍﻟﻲ ﺗﻠﻌﺐ ﻓﻴﻪ ﻣﻌﺎﻧﺎ ﺍﻟﻠﻴﻠﺔ ﺑﺎﺵ ﻳﺘﻜﺸﻒ
- ﺷﺘﻘﺼﺪ
- ﺍﻟﻜﺎﻣﻴﺮﺍ ﺇﻟﻲ ﻓﻲ ﺍﻟﺒﻴﺖ ﺗﺘﺠﺴﺲ ﺑﻴﻬﺎ ﻋﻠﻴﻨﺎ ﻭ ﺗﺤﺐ ﺗﺨﺮﺑﻠﻨﺎ ﺩﺍﺭﻧﺎ ﻭ ﺗﺨﺮﺟﻨﺎ ﻣﻦ ﻋﻘﻮﻟﻬﺎ
ﺣﻤﺎﺗﻬﺎ ﻋﻴﻨﻴﻬﺎ ﻟﻤﻌﻮ ﻭ ﻗﺎﻣﺖ ﻣﻦ ﺣﺬﺍﻫﺎ ﺗﻜﻠﻢ ﺍﻟﺒﺮﺍ
ﻟﺤﻘﺘﻬﺎ ﺗﺴﻨﻴﻢ ﻃﻮﻝ
- ﺃﻱ ﻫﺎﻡ ﻋﻨﺎ .... ﻣﻨﻌﺮﺵ ﻳﻤﻜﻦ ﻣﻄﻮﻟﻴﻦ ... ﺍﻣﻢ ﺑﺎﻫﻲ ﺭﻳﻘﻞ ﺟﻮﻙ
ﺳﻤﻌﺘﻬﺎ ﺗﺴﻨﻴﻢ ﻭ ﺑﻘﺎﺕ ﺗﺼﻔﻖ ... ﺣﻤﺎﺗﻬﺎ ﻃﻮﻝ ﺩﺍﺭﺗﻠﻬﺎ
- ﻣﺎﻭ ﻟﺒﺎﺱ ﻻﺣﻘﺘﻨﻲ ﺣﺘﻲ ﻟﻬﻮﻧﻲ
- ﺍﻧﺘﻲ ﻫﻲ ﺍﻟﺴﺒﺐ ﻓﻲ ﻛﻞ ﺷﻲ ﻭ ﺗﻮ ﺗﺸﻮﻑ ﻛﻴﻔﺎﻩ ﻧﻔﻀﺤﻚ ﻗﺪﺍﻣﻬﻢ
ﺑﺪﺍﺕ ﺗﺴﻨﻴﻢ ﺗﻌﻴﻂ ﻟﻘﺎﺳﻢ ﺗﺤﺐ ﺗﻔﻀﺤﻬﺎ ... ﺷﺪﺗﻬﺎ ﺣﻤﺎﺗﻬﺎ ﻣﻦ ﻳﺪﻫﺎ ﻭ ﻛﺒﺴﺖ ﻋﻠﻴﻬﺎ
- ﺇﺫﺍ ﺗﺤﻜﻲ ﺃﻱ ﺣﺮﻑ ﺗﻮ ﻗﺪﺍﻣﻬﻢ ﺃﻧﺴﻲ ﺍﻟﻮﺭﺙ ﻭ ﺗﻮ ﺗﺸﻮﻑ ﻛﻴﻔﺎﻩ ﻧﻄﻴﺸﻜﻢ ﻓﻲ ﺍﻟﺸﺎﺭﻉ
- ﻣﺘﺤﺸﻤﺶ ﻭﺍﻟﻠﻪ
ﺟﺎﺀ ﻗﺎﺳﻢ ﻣﺴﺘﻐﺮﺏ ﻛﻲ ﺳﻤﻌﻬﺎ ﺗﻌﻴﻄﻠﻮ
- ﺗﺴﻨﻴﻢ ﺷﺒﻴﻚ ﺷﻔﻤﺎ
- ﻗﺎﺳﻢ ﻗﻠﻘﺖ ﻧﺤﺐ ﻧﺮﻭﺡ
- ﺃﺻﺒﺮ ﺷﻮﻱ ﺗﻮ ﻧﺮﻭﺣﻮ ﻣﻊ ﺑﻌﻀﻨﺎ
- ﻻ ﺳﺎﻳﺎ ﻧﺤﺐ ﻧﺮﻭﺡ ﺗﻮ
- ﺑﺎﻫﻲ
ﻫﺰﻫﺎ ﻣﻌﺎﻩ ﻭ ﺭﻭﺡ ﻟﻠﺪﺍﺭ
- ﺗﺴﻨﻴﻢ ﻳﺰﻱ ﺑﻼ ﺗﻤﻔﺮﻳﺦ ﻫﻜﺎﻛﺎ ﺗﺠﻲ ﻗﺪﺍﻣﻬﻢ ﻛﻲ ﺍﻟﺒﻨﻴﺔ ﺍﻟﺼﻐﻴﺮﺓ ﺗﺼﻴﺢ ﺗﺤﺐ ﺗﺮﻭﺡ
- ﺃﻧﺎ ﺳﻤﻌﺖ ﺃﻣﻚ ﺗﻜﻠﻢ ﻓﻲ ﺷﻜﻮﻥ ﺗﺤﻜﻲ ﻋﻠﻴﻨﺎ ﺑﻠﻲ ﺃﺣﻨﺎ ﻋﻨﺪﻫﺎ
- ﺍﻭﻭﻭﻑ ﺍﻟﻤﻬﺒﻮﻟﺔ ﻫﺬﻱ ... ﻣﻌﺎﺵ ﺗﺨﺮﻑ ﺑﺎﻫﻲ ﺃﺭﺯﻥ ﻳﺎ ﻃﻔﻠﺔ ﺃﺭﺯﻥ
- ﻣﻮﺵ ﻣﺼﺪﻗﻨﻲ ﻳﻌﻨﻲ
- ﺃﻱ
- ﺍﻭﻙ ﺩﺑﺮ ﺭﺍﺳﻚ ﺃﻧﺎ ﻫﺎﻧﻲ ﻗﺘﻠﻚ ﻭ ﺍﻧﺖ ﺣﺮ
ﻃﻔﺎﺗﻮ ﻭ ﺩﺧﻠﺖ ﻟﺒﻴﺖ ﺍﻟﻨﻮﻡ ﺗﻜﺒﺖ ﻃﻮﻝ ﺍﻟﻔﺮﺵ ﻣﺨﻨﻮﻗﺔ ﻭ ﺗﺎﻋﺒﺔ ﻣﻦ ﺍﻟﺠﻮﺟﻤﺔ ﺍﻟﻲ ﺩﺧﻠﺖ ﻓﻴﻬﺎ
ﺍﻟﺤﻠﻘﺔ :34
ﻗﻌﺪ ﻗﺎﺳﻢ ﻓﻲ ﺍﻟﺼﺎﻟﺔ ﻳﺒﺮﺑﺶ ﻓﻲ ﺗﻠﻔﻮﻧﻮ ﻟﻴﻦ ﺑﺪﺍ ﻳﻌﻴﻂ ﻟﺘﺴﻨﻴﻢ .... ﺟﺎﺗﻮ ﻭ ﻫﻲ ﺗﻜﺮ ﻓﻲ ﺳﺎﻗﻴﻬﺎ ﻛﺮﺍﻥ ﻣﺘﺤﺒﺶ ﺗﺤﻜﻲ ﻣﻌﺎﻫﺎ ﺑﻌﺪ ﻣﺎ ﻛﺬﺑﻬﺎ
- ﺗﺴﻨﻴﻢ ﺷﻮﻑ ﺍﻟﻔﻴﺪﻳﻮ ﺗﺎﻉ ﺍﻟﺪﺍﺭ ﺑﻌﺪ ﻣﺎ ﺧﺮﺟﻨﺎ
- ﻫﺎﺕ ﺗﺮﺍ
ﺑﻘﺎﻭ ﻳﺘﻔﺮﺟﻮ ﻓﻲ ﺷﺨﺺ ﺑﻜﻠﻮ ﻣﻠﺜﻢ ﻭ ﻫﻮ ﻳﺒﺮﺑﺶ ﻓﻲ ﺍﻟﻜﺎﻣﻴﺮﺍ ﻳﺤﺒﻬﺎ ﻳﺘﺼﻠﺢ ﻭ ﺷﻲ ﻣﺘﺼﻠﺤﺘﺶ ﻛﻲ ﻣﻨﺠﻤﻬﺎﺵ ﺣﻂ ﻛﺎﻣﻴﺮﺍ ﺃﺧﺮﻱ ﻭ ﺧﺮﺝ
- ﻗﺎﺳﻢ ﻣﻌﻨﺎﻫﺎ ﺍﻛﻴﺪ ﺃﻣﻚ ﻫﺬﻱ ﺧﺎﺗﺮ ﺍﻧﺎ ﻗﺘﻠﻬﺎ
- ﻻ ﺃﻣﻲ ﻣﺘﻌﻤﻠﻬﺎﺵ
- ﺗﻲ ﺃﻣﻚ ﻭﺍﻟﻠﻪ ﺷﺮﻳﺮﺓ ﻏﻴﺮ ﻣﺘﻌﺮﻓﻬﺎﺵ
- ﻧﻌﺮﻓﻬﺎ ﺗﻜﺮﻫﻨﻲ ﻣﻠﻲ ﺃﻧﺎ ﺻﻐﻴﺮ ﺃﻣﺎ ﻋﻤﺮﻫﺎ ﻣﺎ ﺿﺮﺗﻨﻲ
- ﺑﺎﻫﻲ ﺷﻮ ﺍﻟﺼﺒﺎﺡ ﻧﻤﺸﻮ ﻟﻠﻤﺤﺎﻣﻲ ﻧﺸﻮﻓﻮ ﺣﻜﺎﻳﺔ ﺍﻟﺘﻮﻛﻴﻞ
- ﺑﺎﻫﻲ
ﻣﺸﺎﻭ ﻟﺒﻴﺖ ﺍﻟﻨﻮﻡ ﺭﻗﺪﻭ .... ﻟﻴﻦ ﻃﻞ ﺍﻟﺼﺒﺎﺡ
ﻗﺎﻡ ﻗﺎﺳﻢ ﺍﻟﺼﺒﺎﺡ ﻓﺮﺣﺎﻥ ﻭ ﺷﺎﻳﺦ ... ﺩﻳﺮﺍﻛﺖ ﺑﻘﺎ ﻳﻔﻴﻖ ﻓﻲ ﺗﺴﻨﻴﻢ ﻳﺤﺐ ﻳﻔﺪﺩﻫﺎ ﺷﻮﻱ
- ﺻﺒﺎﺡ ﺍﻟﺨﻴﺮ ﺗﺴﻨﻴﻢ
....-
- ﻳﺎ ﺗﺴﻨﻴﻢ ﻓﻴﻖ
....-
- ﺍﻭﻭﻭﻭﻭﻭ ﻧﺤﻜﻲ ﻣﻌﺎﻙ ﻗﻮﻡ
ﻳﺤﻜﻲ ﻣﻌﺎﻫﺎ ﻭ ﺷﻲ ﻣﺠﺎﻭﺑﺎﺗﻮﺵ ... ﺗﻔﺠﻊ ﻋﻠﻴﻬﺎ ﻭ ﻗﻌﺪ ﻳﻔﻴﻖ ﻓﻴﻬﺎ ﻭ ﻫﻮ ﻳﻬﺰ ﻓﻴﻬﺎ ﻭ ﻳﺤﻂ .... ﺣﻠﺖ ﻋﻴﻨﻴﻬﺎ ﺑﺸﻮﻱ ﺗﺘﻤﻠﻤﻞ
- ﻗﺎﺳﻢ ﺳﻴﺒﻨﻲ
- ﺗﺴﻨﻴﻢ ﻗﻮﻡ ﺷﺒﻴﻚ ﻳﺎﺧﻲ
- ﻗﺎﺳﻢ ﺧﻠﻴﻨﻲ ﺭﺍﻗﺪﺓ
- ﻣﺘﻘﻠﻘﺔ ﻣﻦ ﺣﺎﺟﺔ
- ﻗﺎﺳﻢ ﺣﺎﺳﺔ ﺭﻭﺣﻲ ﻣﺮﻳﻀﺔ ﻭ ﺗﺎﻋﺒﺔ ﻧﺤﺐ ﻧﺮﺗﺎﺡ
- ﻗﻮﻡ ﺧﻠﻴﻨﻲ ﻧﻬﺰﻙ ﻟﻠﻄﺒﻴﺐ
- ﻣﻨﺤﺒﺶ
- ﻻ ﻭﺍﻟﻠﻪ ﺗﻮ ﺑﺎﺵ ﻧﻬﺰﻙ
- ﺍﻭﻭﻭﻑ ﺑﺎﻫﻲ
ﻗﺎﻣﺖ ﺑﺪﻟﺖ ﺩﺑﺸﻬﺎ ﻭ ﺷﺮﺑﺖ ﻗﻬﻮﺗﻬﺎ ﺣﻀﺮﻫﺎﻟﻬﺎ ﻭ ﻣﺸﺎﻭ
ﻃﺮﻳﻖ ﻛﺎﻣﻞ ﻭ ﻫﻲ ﻳﺪﻫﺎ ﻋﻠﻲ ﻗﻠﺒﻬﺎ ﺧﺎﻳﻔﺔ ﻣﻦ ﻛﻼﻡ ﺍﻟﻄﺒﻴﺐ ﺷﻨﻮﺍ ﺑﺎﺵ ﻳﻘﻠﻬﺎ
- ﻋﺴﻼﻣﺔ ﺩﻛﺘﻮﺭ
- ﺗﻔﻀﻠﻮ
- ﻋﻴﺸﻚ
- ﺃﻱ ﻣﺪﺍﻡ ﺷﻨﻮﺍ ﺍﻟﺴﺒﺐ
- ﺣﺎﺳﺔ ﺭﻭﺣﻲ ﻣﺘﻘﻠﻘﺔ ﻣﺎﻧﻴﺶ ﻗﺪ ﺑﻌﻀﻲ ﺩﻳﻤﺎ ﻧﺘﻘﻲﺀ ﻭ ﺃﺧﺮ ﻣﺮﺓ ﻟﻘﻴﺖ ﻓﻲ ﺑﺪﻧﻲ ﺑﻘﺎﻳﻊ ﺯﺭﻕ
- ﺃﻣﻤﻢ ﺍﻟﻌﺎﺩﺓ ﺟﺎﺗﻚ
- ﻻ ﻓﻲ ﺍﻷﻭﻝ ﺷﻜﻴﺖ ﻧﻜﻮﻥ ﺣﺒﻠﺔ ﺃﻣﺎ ﻣﻨﻌﺮﺵ ﻛﻲ ﺷﻔﺖ ﺑﺪﻧﻲ ﻛﻴﻔﺎﻩ ﺗﻘﻄﻊ ﺍﻟﺸﻚ
- ﺧﻠﻴﻨﺎ ﻧﻌﻤﻠﻮ ﺗﺤﻠﻴﻞ ﻭ ﺑﻌﺪﻫﺎ ﺗﻮ ﻧﺸﻮﻓﻮ ﺍﻟﺤﻜﺎﻳﺔ ﻭ ﺗﻮ ﻭﺭﻳﻨﻲ ﺍﻟﺒﻘﺎﻳﻊ ﻓﻲ ﺑﺪﻧﻚ
ﺑﻘﺎﺕ ﺗﻮﺭﻱ ﻓﻴﻪ ﻭ ﻗﺎﺳﻢ ﻣﺨﻮ ﺳﺮﺡ ﻛﻲ ﻗﺎﻟﺖ ﺑﻠﻲ ﻫﻲ ﺷﻜﺖ ﻓﻲ ﺭﻭﺣﻬﺎ ﺣﺒﻠﺔ ﻣﻌﺮﻓﺶ ﻳﻔﺮﺡ ﻭﻻ ﻳﺘﻐﺸﺶ ﺧﺎﺗﺮ ﻣﻘﺘﻠﻮﺵ
ﻛﻤﻞ ﺍﻟﻄﺒﻴﺐ ﻣﻦ ﺍﻟﻔﺤﺺ ﻣﺘﺎﻋﻮ ﺑﻘﺎﻭ ﻳﺴﺘﻨﺎﻭ ﻓﻲ ﺍﻟﺘﺤﻠﻴﻞ
ﺍﻟﺤﻠﻘﺔ :35
ﺧﺮﺝ ﺍﻟﺘﺤﻠﻴﻞ ﻭ ﺧﺬﺍﻩ ﺍﻟﻄﺒﻴﺐ ﻭ ﺑﻘﺎ ﻳﺸﻮﻑ ﻓﻴﻪ
- ﺩﻛﺘﻮﺭ ﻃﻤﻨﻲ ﻟﺒﺎﺱ
- ﻻﺯﻡ ﻧﻌﻤﻠﻚ ﺗﺨﻄﻴﻂ ﻟﺒﻄﻨﻚ ﻧﺸﻮﻑ ﺍﻟﺤﻜﺎﻳﺔ ﺷﻨﻴﺎ ﻭ ﺷﻜﻲ ﻓﻲ ﺑﻼﺻﺘﻮ ﻭﻻ
- ﺑﺎﻫﻲ
ﻫﺰﻫﺎ ﻣﻌﺎﻩ ﻭ ﺑﻘﺎ ﻳﻌﻤﻠﻠﻬﺎ ﻓﻲ ﻛﺎﻣﻴﺮﺍ ﻋﻠﻲ ﺑﻄﻨﻬﺎ ﻭ ﻫﻲ ﺷﺎﺩﺓ ﻓﻲ ﻳﺪ ﻗﺎﺳﻢ ﺧﺎﻳﻔﺔ
- ﺩﻛﺘﻮﺭ ﻣﺮﺗﻲ ﻟﺒﺎﺱ
- ﻛﻴﻤﺎ ﺗﻮﻗﻌﺖ ... ﻣﺮﺗﻚ ﺣﺒﻠﺔ ﺃﻣﺎ ﺍﻟﺼﻐﻴﺮ ﻣﻮﺵ ﺭﺍﻛﺢ ﻭ ﻋﻨﺪﻭ ﺳﺮﻃﺎﻥ ﻓﻲ ﺭﺍﺳﻮ ﻋﻠﻲ ﻫﺬﺍﻛﺎ ﻣﺮﺗﻚ ﺑﺪﻧﻬﺎ ﺗﺄﺛﺮ ﺃﻣﺎ ﻣﻦ ﺃﻟﻄﺎﻑ ﺍﻟﻠﻪ ﺍﻟﺴﺮﻃﺎﻥ ﻣﻜﺎﻧﺶ ﻓﻲ ﺍﻟﺪﻡ ﻭ ﺇﻻ ﺭﺍﻭ ﺍﻟﻌﺪﻭﻱ ﺻﺎﺭﺕ ﻟﻤﺮﺗﻚ
- ﻳﺎ ﺳﺎﺗﺮ
- ﻻﺯﻡ ﻧﻄﻴﺤﻮ ﺍﻟﺼﻐﻴﺮ ﻓﻲ ﺃﻗﺮﺏ ﻭﻗﺖ
- ﺑﺎﻫﻲ .. ﻭﻗﺘﺎﻩ ﺗﻌﻤﻞ ﺍﻟﻌﻤﻠﻴﺔ
- ﺇﺫﺍ ﻛﺎﻥ ﻣﻤﻜﻦ ﺗﻜﻮﻥ ﻏﺪﻭﻱ ﺍﻟﺼﺒﺎﺡ ﻭ ﻣﺬﺍﺑﻴﻬﺎ ﺍﻟﻤﺪﺍﻡ ﻣﻌﺎﺩ ﺗﺎﻛﻞ ﺷﻲ
- ﺍﻭﻙ ﻏﺪﻭﻱ ﺍﻟﺼﺒﺎﺡ ﺇﻧﺸﺎﺀ ﺍﻟﻠﻪ ﻋﻴﺸﻚ ﺩﻛﺘﻮﺭ
- ﻣﻔﻤﺎ ﺣﺘﻲ ﻣﺰﻳﺔ ﻭ ﺇﻧﺸﺎﺀ ﺍﻟﻠﻪ ﻟﺒﺎﺱ
ﺧﺮﺝ ﻗﺎﺳﻢ ﻭ ﺗﺴﻨﻴﻢ ﻣﻦ ﺍﻟﺴﺒﻴﻄﺎﺭ ﻭﺟﻮﻫﻢ ﻣﻘﻠﻮﺑﺔ ... ﺗﻌﺰﻳﻬﻢ ﻳﻘﺒﻠﻮ ﺍﻟﻌﺰﺍﺀ ... ﻃﻮﻝ ﺭﻭﺣﻮ ﻟﻠﺪﺍﺭ ﻭ ﻫﻮﻣﺎ ﺳﺎﻛﺘﻴﻦ ﻛﻠﻤﺔ ﻻ
- ﻗﺎﺳﻢ ﺳﺎﻣﺤﻨﻲ
- ﻋﻠﻲ ﺷﻨﻮﺍ
- ﺧﺎﺗﺮ ﻣﻘﺘﻠﻜﺶ ﺑﻠﻲ ﺃﻧﺎ ﺷﺎﻛﺔ ﻓﻲ ﺭﻭﺣﻲ ﺣﺒﻠﺔ
- ﻣﻮﺵ ﻣﺸﻜﻞ ﺍﻟﻔﺎﻳﺪﺓ ﺗﻜﻮﻥ ﻟﺒﺎﺱ
- ﻗﺎﺳﻢ
- ﻧﻌﻢ
- ﻣﻨﺤﺐ ﺣﺪ ﻳﻌﺮﻑ ﺑﺎﻟﻌﻤﻠﻴﺔ ﻟﻴﻦ ﻧﻌﻤﻠﻬﺎ .... ﺇﺫﺍ ﻋﺸﺖ ﻫﻮﻛﺎ ﻧﺤﻜﻮﻟﻬﻢ ﻭ ﺇﺫﺍ ﻣﺘﺖ ﻣﺘﻘﻮﻝ ﻟﺤﺪ ﺍﻟﺴﺒﺐ ﻗﻠﻬﻢ ﻣﺮﺿﺖ ﻛﻬﻮ ... ﻣﻨﺤﺐ ﺣﺪ ﻳﻘﻮﻝ ﺑﻠﻲ ﻭﻟﺪﻫﺎ ﻫﻮ ﺍﻟﺴﺒﺐ ﻓﻲ ﻣﻮﺗﻬﺎ
ﻧﻘﺰ ﻋﻠﻴﻬﺎ ﻗﺎﺳﻢ ﺣﻤﻠﻬﺎ ﻭ ﻋﻴﻨﻴﻪ ﻣﻠﻴﺎﻧﻴﻦ ﺩﻣﻮﻉ
- ﺃﺳﺴﺲ ﺗﺴﻨﻴﻢ ﺑﺮﺑﻲ ﻻ ﺗﻘﻮﻝ ﻫﻜﺎ
- ﻫﺬﺍ ﻭﺍﻗﻊ ﻗﺎﺳﻢ ﻭ ﺃﻧﺖ ﺗﻌﺮﻑ ﺷﻤﻌﻨﺎﻫﺎ ﺳﺮﻃﺎﻥ
- ﻻ ﺗﺴﻨﻴﻢ ﻻ ﻣﻨﻌﺮﻓﻮﺵ ﻭ ﻣﻨﺤﺒﺶ ﻧﻌﺮﻓﻮ ﺃﻧﺘﻲ ﺑﺎﺵ ﺗﻘﻮﻡ ﻟﺒﺎﺱ ﻭ ﺑﺎﺵ ﻧﺠﻴﺒﻮ ﺑﺮﺷﺎ ﺻﻐﺎﺭ ﺃﺧﺮﻳﻦ ﻭ ﻧﺒﺪﺍﻭ ﺻﻔﺤﺔ ﺟﺪﻳﺪﺓ ﻣﻊ ﺑﻌﻀﻨﺎ
- ﺑﺎﻫﻲ ﺃﻭﻋﺪﻧﻲ ﻣﻬﻤﺎ ﻳﺼﻴﺮ ﺩﺍﻓﻊ ﻋﻠﻲ ﺣﻘﻚ ﻭ ﻣﺘﺨﻠﻲ ﺣﺪ ﻳﺎﺧﻮﻟﻚ ﺑﺎﻳﻚ ﻓﻲ ﺣﺘﻲ ﺷﻲ ﻧﺤﺒﻚ ﺗﻜﻮﻥ ﺻﻴﺪ ﻣﻴﻨﺠﻤﻚ ﺣﺪ
- ﺃﻧﺘﻲ ﻫﻲ ﻗﻮﺗﻲ ﻛﺎﻥ ﻣﻮﺵ ﻣﻨﻚ ﺭﺍﻧﻲ ﺗﻮ ﻣﻨﻌﺮﺵ ﺷﻨﻮﺍ ﺻﺎﺭ ﻓﻴﺎ .... ﺍﻧﺘﻲ ﻫﻴﺎ ﺍﻟﻌﻘﻞ ﺍﻟﻤﺪﺑﺮ ﺭﺍﻧﻲ ﺯﻭﺍﻟﻲ ﻓﻲ ﻣﺨﻲ ﻣﻨﻌﺮﻑ ﺷﻲ
- ﻫﻬﻪ ﻳﻌﻄﻴﻚ ﺍﻟﺨﻴﺮ ﺿﺤﻜﺘﻨﻲ
ﺷﺪﺗﻠﻮ ﻭﺟﻬﻮ ﻭ ﺑﺎﺳﺘﻮ ﻣﻦ ﺟﺒﻴﻨﻮ ﻭ ﻋﻨﻘﺘﻮ ... ﺗﺤﺐ ﺗﺘﺨﺒﻲ ﻓﻲ ﺣﻀﻨﻮ ﻭ ﺗﻬﺮﺏ ﻣﻦ ﺍﻟﺤﻘﻴﻘﺔ ﺍﻟﻲ ﻋﺮﻓﺘﻬﺎ ... ﺗﺤﺐ ﺗﺒﺪﺍ ﺣﻴﺎﺓ ﺟﺪﻳﺪﺓ ﻛﻴﻤﺎ ﻗﻠﻬﺎ ﻗﺎﺳﻢ ... ﻣﻌﺎﺵ ﺗﺤﺐ ﺗﻤﻨﻲ ﺭﻭﺣﻬﺎ .. ﺗﺤﺐ ﺗﻌﻴﺶ ﻓﻲ ﻭﺍﻗﻊ ﻣﺰﻳﺎﻥ
ﺍﻟﺤﻠﻘﺔ :36
ﻣﺘﻜﻴﺔ ﻋﻠﻲ ﺻﺪﺭﻭ ﻭ ﺗﻠﻌﺐ ﺑﻴﺪﻳﻬﺎ ﻋﻠﻲ ﻟﺤﻴﺘﻮ ﺍﻟﻲ ﺗﻌﺸﻘﻬﺎ ﻭ ﺗﻤﻮﺕ ﻋﻠﻴﻬﺎ
- ﻗﺎﺳﻢ
- ﻳﺎ ﺭﻭﺡ ﻗﺎﺳﻢ
- ﺃﻣﺎﻥ ﺧﻠﻴﻨﺎ ﻧﻤﺸﻮ ﻧﺸﻮﻓﻮ ﺍﻟﺘﻮﻛﻴﻞ ﻣﺰﻭﺭ ﻭﻻ
- ﺗﺴﻨﻴﻢ ﻣﻌﺎﺵ ﺗﺨﻤﻢ ﻫﻜﺎ
- ﺃﻣﺎﻥ ﻗﺴﻮﻣﺘﻲ ﻋﻠﻲ ﺧﺎﺗﺮﻱ ﻧﺤﺐ ﻧﻌﻤﻞ ﺍﻟﻌﻤﻠﻴﺔ ﻭ ﺃﻧﺎ ﻣﺮﺗﺎﺣﺔ
- ﺑﺎﻫﻲ ﺗﻮ ﻧﻜﻠﻢ ﺍﻟﻤﺤﺎﻣﻲ ﻳﺠﻴﻨﻲ ﻟﻬﻮﻧﻲ
ﻛﻠﻢ ﻗﺎﺳﻢ ﺍﻟﻤﺤﺎﻣﻲ ﻭ ﻗﻌﺪ ﻳﻐﺰﺭ ﻟﺘﺴﻨﻴﻢ ﻳﻤﻠﻲ ﻓﻲ ﻋﻴﻨﻴﻪ ﺑﻴﻬﺎ ﺧﺎﻳﻒ ﻛﺎﻥ ﻳﻔﻘﺪﻫﺎ ... ﻟﺤﻈﺎﺕ ﻭ ﺟﺎﺀ ﺍﻟﻤﺤﺎﻣﻲ
- ﺃﻫﻼ ﻗﺎﺳﻢ ﻭﻳﻨﻚ ﻟﺒﺎﺱ
- ﻭﺍﻟﻠﻬﻲ ﻟﺒﺎﺱ ﺍﻟﺤﻤﺪ ﻟﻠﻪ ﻭﻳﻨﻚ ﺃﻧﺖ ﺷﻌﺎﻣﻞ
- ﺣﺎﻝ ﺍﻟﺨﺪﻣﺔ ﻭﻛﻬﻮ
- ﻫﻬﻬﻪ ﺭﺑﻲ ﻳﻌﺎﻭﻧﻚ ﺍﺍ ﺧﻮﻳﺎ .. ﺗﻔﻀﻞ ﻣﺮﺣﺒﺎ ﺑﻴﻚ
ﺩﺧﻞ ﺍﻟﻤﺤﺎﻣﻲ ﻗﻌﺪ ﻓﻲ ﺍﻟﺼﺎﻟﺔ ﻭﻳﻦ ﺗﺴﻨﻴﻢ
- ﻋﺴﻼﻣﺔ ﻣﺪﺍﻡ
- ﻣﺮﺣﺒﺎ ﺑﻴﻚ ﺯﺍﺭﺗﻨﺎ ﺍﻟﺒﺮﻛﺔ
....
- ﺍﻱ ﻗﺎﺳﻢ ﺷﻔﻤﺎ
- ﺷﻮ ﺍﻷﻭﺭﺍﻕ ﺍﻟﻲ ﻋﻤﺘﻬﻤﻠﻲ ﺑﺎﺵ ﻋﻄﻴﺖ ﺍﻟﺪﺍﺭ ﻭ ﺍﻟﺤﺎﻧﻮﺕ ﻟﺒﺎﺏ ﻓﻲ ﺷﻜﻞ ﺗﻮﻛﻴﻞ ﺗﺬﻛﺮﻫﻢ
- ﺃﻱ
- ﺃﻧﺎ ﺧﺬﻳﺖ ﺍﻟﺘﻮﻛﻴﻞ ﻣﻨﻮ ﻭ ﻣﺮﺗﻲ ﺷﺎﻛﺔ ﺑﻠﻲ ﺍﻟﺘﻮﻛﻴﻞ ﻫﺬﺍ ﻣﺰﻭﺭ
- ﻟﺤﻈﺔ ﺧﻠﻴﻨﻲ ﻧﺸﻮﻑ
ﻗﻌﺪ ﻳﺸﻮﻑ ﻓﻴﻪ ﻭ ﻳﺜﺒﺖ
- ﺃﻱ ﻗﺎﺳﻢ ﻫﺎﺫﻡ ﻣﺰﻭﺭﻳﻦ ﺭﺩ ﺑﺎﻟﻚ ﻋﻠﻲ ﺭﺯﻗﻚ ﺃﻣﺸﻲ ﺷﻮﻑ ﺍﻷﻭﺭﺍﻕ ﺍﻟﺼﺤﺎﺡ ﻋﻨﺪ ﺷﻜﻮﻥ ﻫﺬﻱ ﺣﻜﺎﻳﺔ ﻣﻮﺵ ﺳﺎﻫﻠﺔ ﺭﺍﻭ ﻭ ﺃﻭﻝ ﻣﺎ ﺗﻠﻘﺎﻫﻢ ﺟﻴﺒﻬﻤﻠﻲ ﻧﺤﻴﻪ ﺍﻟﺘﻮﻛﻴﻞ ﺩﻳﺮﺍﻛﺖ
- ﺍﻭﻙ ﻣﺎﺗﺮ ﺗﻮ ﻧﺸﻮﻑ ﻛﻴﻔﺎﻩ
- ﺑﺎﻫﻲ ﻗﺎﺳﻢ ﺃﻳﺎ ﺑﺎﻟﺴﻼﻣﺔ ... ﺑﺎﻟﺴﻼﻣﺔ ﻣﺪﺍﻡ
- ﺑﺎﻟﺴﻼﻣﺔ
ﺧﺮﺝ ﺍﻟﻤﺤﺎﻣﻲ ﻭ ﺩﺍﺭﺕ ﺗﺴﻨﻴﻢ ﻟﻘﺎﺳﻢ ﻃﻮﻝ
- ﻗﺘﻠﻜﺶ ﺑﻠﻲ ﺍﻟﺘﻮﻛﻴﻞ ﻣﺰﻭﺭ
- ﻋﻨﺪﻙ ﺍﻟﺤﻖ ﺗﺴﻨﻴﻢ ﺗﻮ ﻻﺯﻣﻨﻲ ﻧﻜﻮﻥ ﺣﺮﻳﺺ ﺃﻛﺜﺮ ﻣﺎ ﻳﻤﻜﻦ
- ﺑﺎﻫﻲ ﺷﻮ ﺃﻧﺎ ﺷﻨﻤﺸﻲ ﺗﻮ ﻟﺪﺍﺭﻛﻢ ﻭ ﺗﻮ ﻧﺤﺎﻭﻝ ﻧﺪﺑﺮ ﺣﺎﺟﺔ ﻣﻦ ﺃﻣﻚ
- ﺑﺎﻫﻲ ﺧﻠﻲ ﺗﻠﻔﻮﻧﻚ ﻋﻨﺪﻙ ﺗﺼﻴﺮﻟﻚ ﺃﻱ ﺣﻜﺎﻳﺔ ﻛﻠﻤﻨﻲ
- ﺑﺎﻫﻲ
ﺧﺮﺟﺖ ﺗﺴﻨﻴﻢ ﻟﺪﺍﺭ ﺣﻤﺎﺗﻬﺎ ﻭ ﺧﺬﺍﺕ ﺍﻷﻭﺭﺍﻕ ﺍﻟﻤﺰﻭﺭﻳﻦ ﻣﻌﺎﻫﺎ ... ﻛﻲ ﻭﺻﻠﺖ ﻟﻘﺎﺕ ﺣﻤﺎﺗﻬﺎ ﺗﺤﻜﻲ ﻣﻊ ﻋﻤﻬﺎ ﻭ ﺑﺎﻳﻦ ﻋﻠﻴﻬﻢ ﻳﺘﻨﺎﻗﺸﻮ ﻭ ﻃﺎﻳﺮﺗﻠﻬﻢ ﻟﻠﺴﻤﺎﺀ ... ﺍﻭﻝ ﻣﺎ ﺩﺧﻠﺖ ﺳﻜﺘﻮ ﺍﻟﺰﻭﺯ ... ﻋﻤﻬﺎ ﺳﻠﻢ ﻋﻠﻴﻬﺎ ﻭ ﺧﺮﺝ ﻭ ﺣﻤﺎﺗﻬﺎ ﺿﺤﻜﺖ ﻓﻲ ﻭﺟﻬﺎ
- ﻋﺴﻼﻣﺔ ﻛﻨﺘﻲ ﺍﻟﻌﺰﻳﺰﺓ ﻣﺮﺣﺒﺎ ﺑﻴﻚ
- ﻭ ﺑﻴﻚ ﻳﺎ ﺣﻤﺎﺗﻲ ﺍﻟﻐﺎﻟﻴﺔ
- ﺃﻗﻌﺪ ﺍﺭﺗﺎﺡ ﻟﺤﻈﺔ ﻭ ﺭﺍﺟﻌﺔ
- ﺑﺎﻫﻲ
ﻣﺸﺎﺕ ﺣﻤﺎﺗﻬﺎ ﻭ ﻫﻲ ﺩﻳﺮﺍﻛﺖ ﺩﺧﻠﺖ ﻟﺒﻴﺖ ﺍﻟﻨﻮﻡ ... ﺑﻘﺎﺕ ﺗﺒﺮﺑﺶ ﻋﻠﻲ ﺍﻷﻭﺭﺍﻕ ﺍﻷﺻﻠﻴﺔ ﻟﻴﻦ ﺗﻠﻘﺎﻫﻢ ... ﺩﻳﺮﺍﻛﺖ ﺧﺬﺍﺗﻬﻢ ﻭ ﺣﻄﺖ ﺍﻷﻭﺭﺍﻕ ﺍﻟﻤﺰﻭﺭﻳﻦ ... ﻭ ﺧﺮﺟﺖ ﻟﻠﺼﺎﻟﺔ ﻛﺄﻧﻮ ﺷﻲ ﻣﺼﺎﺭ
ﺍﻟﺤﻠﻘﺔ :37
ﺟﺎﺕ ﺣﻤﺎﺗﻬﺎ ﻭ ﻗﻌﺪﺕ ﻣﻌﺎﻫﺎ
- ﺃﻱ ﻣﺎﻻ ﻋﻼﻩ ﺟﻴﺘﻨﻲ
- ﺗﻮﺣﺸﺘﻚ ﺣﺒﻴﺖ ﻧﻄﻞ ﻋﻠﻴﻚ
- ﻳﻄﻞ ﻋﻠﻴﻚ ﺍﻟﺨﻴﺮ
- ﻛﻲ ﺍﻟﺴﺒﺔ ﻣﺠﻴﺘﺶ ﻃﻠﻴﺖ ﻋﻠﻲ ﺍﻟﺪﺍﺭ ﻭ ﺷﻔﺖ ﺍﻟﻜﺎﻣﻴﺮﺍ ﺍﻟﻲ ﺣﻄﻴﻨﺎﻫﺎ
- ﻫﻬﻬﻬﻪ ﺷﺒﻴﻚ ﻣﻬﺒﻮﻟﺔ ﺍﻧﺘﻲ ﻋﻼﻩ ﻧﺸﻮﻑ ﻓﻴﻬﺎ ﻭ ﺍﻧﺎ ﻣﺘﺄﻛﺪﺓ ﻣﻦ ﺃﻧﻮ ﻓﻤﺎ ﻛﺎﻣﻴﺮﺍ ﺟﺪﻳﺪﺓ ﺗﺮﻛﺒﺖ
- ﻣﻨﻴﻦ ﻓﻲ ﺑﺎﻟﻚ
- ﻣﺘﻨﺠﻤﻨﻴﺶ ﺭﺍﻙ ... ﻧﻨﺼﺤﻚ ﺗﺮﺗﺎﺡ ﻭ ﺗﺨﻠﻲ ﻛﻞ ﺷﻲ ﻳﻤﺸﻲ ﻋﻠﻲ ﻃﺒﻴﻌﺘﻮ ﻭ ﻣﻴﺼﻴﺮﻟﻚ ﺷﻲ ﺃﻣﺎ ﺃﻧﺘﻲ ﻫﻜﺎ ﺗﻜﺒﺶ ﻭ ﺗﺒﺮﺑﺶ ﻋﻠﻲ ﺍﻟﻤﺸﺎﻛﻞ
- ﻋﻼﻩ ﺗﺤﺒﻨﻲ ﻧﻘﻌﺪ ﺭﺍﻳﻀﺔ ﻭ ﺍﻧﺖ ﺗﻄﻠﻖ ﻓﻲ ﺷﺮﻙ ﻋﻠﻲ ﺭﺍﺟﻠﻲ
- ﻋﻼﻩ ﺭﺍﺟﻠﻚ ﺷﻨﻮﺍ ﺻﺎﺭﻟﻮ
- ﻻ ﺷﻲ ﻣﺼﺎﺭﻟﻮ ﺍﻣﺎ ﻋﻠﻲ ﺍﻟﺤﺎﻟﺔ ﻫﺬﻱ ﺑﺎﺵ ﻳﺼﻴﺮﻟﻮ ﺑﺮﺷﺎ
- ﺃﻣﻤﻢ ﺍﻧﺘﻲ ﻗﻠﺖ ... ﻣﺎﻻ ﺃﻗﻌﺪ ﺑﺮﺑﺶ ﻫﻜﺎﻛﺎ ﻭ ﺗﻮ ﺗﺤﺮﻙ ﺑﺮﺷﺎ ﻣﻮﺍﺟﻊ ﺍﻧﺘﻲ ﻣﺘﻨﺠﻤﻬﺎﺵ
- ﺗﻮ ﻧﺸﻮﻓﻮ ﻧﺠﻤﻬﺎ ﻭﻻ ﻭ ﺍﻷﻳﺎﻡ ﺑﻴﻨﺎﺗﻨﺎ
- ﺍﻭﻙ ﺗﻮ ﻧﺸﻮﻓﻮ
ﺭﻭﺣﺖ ﺗﺴﻨﻴﻢ ﺑﻜﻠﻬﺎ ﺗﻔﺒﺮﻱ ﺑﺎﻟﻐﺰﻭﻝ ﻣﻦ ﻛﻼﻡ ﺣﻤﺎﺗﻬﺎ ﻛﻞ ﻭﻳﻦ ﺗﺤﻜﻲ ﻣﻌﺎﻫﺎ ﺗﻘﻌﺪ ﻣﻬﻤﺸﺔ ﻭ ﺩﺍﺧﻠﺔ ﻓﻲ ﺣﻴﻂ
ﻣﻠﻲ ﻭﺻﻠﺖ ﺍﻟﺪﺍﺭ ﺩﻳﺮﺍﻛﺖ ﺗﺮﻣﺎﺕ ﻋﻠﻲ ﺍﻟﻔﺮﺵ ﻟﻴﻦ ﺟﺎﻫﺎ ﻗﺎﺳﻢ
- ﺍﺍ ﺷﻌﻤﻠﺖ
- ﻛﻞ ﺷﻲ ﻣﺮﻳﻘﻞ
- ﺍﺍﻭﻭﻭ ﻣﺮﺳﻲ ﺗﺴﻨﻴﻢ ﻣﻨﻌﺮﺵ ﺑﻼ ﺑﻴﻚ ﺷﻨﻮﺍ ﻛﺎﻥ ﻣﻤﻜﻦ ﻳﺼﻴﺮ ﻓﻴﺎ
- ﻓﻴﺴﻊ ﻛﻠﻢ ﺍﻟﻤﺎﺗﺮ ﺧﻠﻴﻨﺎ ﻧﺴﻜﺮﻭ ﻋﻠﻲ ﺍﻟﺤﻜﺎﻳﺔ ﻗﺒﻞ ﻣﺘﺸﻠﻖ ﺃﻣﻚ
- ﺑﺎﻫﻲ
ﻛﻠﻢ ﻗﺎﺳﻢ ﺍﻟﻤﺤﺎﻣﻲ ﺩﻳﺮﺍﻛﺖ ﺟﺎﻫﻢ
- ﺧﻮﺫ ﻣﺎﺗﺮ ﻫﻮﻛﺎ ﺍﻷﻭﺭﺍﻕ ﺍﻷﺻﻠﻴﺔ ﺭﻳﻘﻠﻬﻢ ﺟﻮﻫﻢ
- ﺑﺎﻫﻲ ﻟﺤﻈﺔ ﺑﺮﻙ ﺩﻳﺠﺎ ﺃﻧﺎ ﻗﺎﺭﻱ ﺣﺴﺎﺑﻲ ﺟﻴﺴﺖ ﻋﻨﺪﻱ ﻓﺮﺍﻏﺎﺕ ﻧﻌﻤﺮﻫﻢ ﻭ ﺗﻮﻗﻴﻌﻚ
- ﺧﻮﺫ ﺭﺍﺣﺘﻚ
ﻗﻌﺪ ﺍﻟﻤﺤﺎﻣﻲ ﻣﻌﺎﻫﻢ ﻳﺤﻀﺮ ﻓﻲ ﺍﻷﻭﺭﺍﻕ ... ﻟﻴﻦ ﻛﻤﻞ ... ﻋﻄﺎ ﻟﻘﺎﺳﻢ ﻳﻮﻗﻊ ﻭ ﺭﻭﺡ
- ﺇﻳﻴﻪ ﺗﺴﻨﻴﻢ ﺳﻠﻜﻨﺎﻫﺎ
- ﺍﻟﺤﻤﺪ ﻟﻠﻪ ﻳﺎ ﺭﺑﻲ ﺗﻮ ﻗﻠﺒﻲ ﺍﺭﺗﺎﺡ
- ﺗﺴﻨﻴﻢ
- ﻧﻌﻢ
- ﻋﻴﺸﻚ ﺧﺎﺗﺮ ﺩﺧﻠﺖ ﻟﺤﻴﺎﺗﻲ ﻭ ﻣﺨﻠﻴﺘﻨﻴﺶ ﻣﻦ ﺍﻭﻝ ﻣﺸﻜﻠﺔ ﺟﺎﺗﻨﺎ
- ﻣﻨﺨﻠﻴﺶ ﻭﻟﺪ ﻋﻤﻲ
- ﺍﻩ ﻳﺎ ﻣﻴﻤﺘﻲ ﻗﻠﺒﻲ ﻋﻠﻲ ﺑﻨﺖ ﺍﻟﻌﻢ ﻫﻬﻬﻪ
ﺍﻟﺤﻠﻘﺔ :38
ﺗﻌﺪﺍﺕ ﻟﻴﻠﺔ ﺻﻌﻴﺒﺔ ﻋﻠﻴﻬﻢ ﺍﻟﺰﻭﺯ .... ﺧﺎﻳﻔﻴﻦ ﻣﻦ ﻏﺪﻭﻱ ﺷﻨﻮﺍ ﺑﺎﺵ ﻳﺼﻴﺮ ﻣﻌﺎﻫﻢ ... ﻛﻠﻤﺖ ﺃﻣﻬﺎ ﻭ ﺑﻮﻫﺎ ﻭ ﻃﻴﺮﺕ ﻣﻨﻬﻢ ﻭﺣﺸﺔ ... ﻣﺤﺒﺘﺶ ﺗﻤﺸﻴﻠﻬﻢ ﺧﺎﻳﻔﺔ ﻛﺎﻥ ﺩﻣﻮﻋﻬﺎ ﻳﺨﻮﻧﻮﻫﺎ ﻭ ﺗﺤﻜﻴﻠﻬﻢ ﻛﻞ ﺷﻲ
ﻃﻞ ﺍﻟﺼﺒﺎﺡ ... ﻗﺎﻣﺖ ﻭ ﻗﺎﻡ ﻗﺎﺳﻢ ﻣﻌﺎﻫﺎ ... ﺯﻭﺯ ﻳﻐﺰﺭﻭ ﻟﺒﻌﻀﻬﻢ ﻭ ﺧﺎﻳﻔﻴﻦ ﻣﻴﻌﺮﻓﻮﺵ ﺷﻨﻮﺍ ﻣﺨﺒﻴﺘﻠﻬﻢ ﺍﻷﻳﺎﻡ
ﻣﺸﺎﻭ ﻟﻠﻄﺒﻴﺐ ... ﻟﺤﻈﺎﺕ ﻭ ﺩﺧﻠﻮﻫﺎ ﻟﻠﻌﻤﻠﻴﺔ
ﺳﺎﻋﺔ .. ﺳﺎﻋﺘﻴﻦ .... 6 ﺳﻮﺍﻳﻊ .. ﻭ ﻗﺎﺳﻢ ﻣﺎﺯﺍﻝ ﻳﺴﺘﻨﻲ ﻗﻠﺒﻮ ﻳﺪﻕ ﻭ ﺧﺎﻳﻒ ﻛﺎﻥ ﺗﻄﻠﻊ ﺟﺮﺍﺗﻠﻬﺎ ﺣﻜﺎﻳﺔ
ﻳﻤﺸﻲ ﻭ ﻳﺠﻲ ﻭ ﻫﻮ ﺍﻟﺘﻮﺗﺮ ﻗﺎﺗﻠﻮ
ﻧﻤﺸﻮ ﻷﻡ ﻗﺎﺳﻢ ﺍﻟﻲ ﻗﺎﻋﺪﺓ ﻓﻲ ﺍﻟﺪﺍﺭ ﻟﻴﻦ ﺟﺎﻫﺎ ﺗﻠﻔﻮﻥ
- ﺷﻮ ﻛﻨﺘﻲ ﺗﺼﻴﺮﻟﻬﺎ ﺣﺎﺟﺔ ﻭﺍﻟﻠﻪ ﺗﻠﻮﻡ ﻛﺎﻥ ﺭﻭﺣﻚ ... ﺭﺩ ﺑﺎﻟﻚ ... ﺃﻧﺎ ﻧﺒﻬﺘﻚ ﻭ ﺃﻗﺴﻢ ﺑﺎﻟﻠﻪ ﻛﺎﻥ ﺗﺠﺮﺍﻟﻬﺎ ﺣﻜﺎﻳﺔ ﻟﻤﺎ ﻧﻘﺘﻠﻜﻢ ﻭﺍﺣﺪ ﻭﺍﺣﺪ ... ﻛﻼﻣﻲ ﻭﺍﺿﺢ ﻭ ﺇﺫﺍ ﺗﻌﻤﻞ ﺇﻟﻲ ﻗﻠﺖ ﻋﻠﻴﻪ ﺑﺎﺵ ﻧﻔﻀﺤﻜﻢ ﺃﻭﻛﻲ
ﻋﻠﻘﺖ ﺍﻟﺘﻠﻔﻮﻥ ﻭ ﺑﻜﻠﻬﺎ ﺗﻔﺒﺮﻱ ﺩﻳﺮﺍﻛﺖ ﻫﺰﺕ ﺍﻟﺘﻠﻔﻮﻥ ﻭ ﻛﻠﻤﺖ ﺗﺴﻨﻴﻢ ... ﻫﺰ ﻋﻠﻴﻬﺎ ﻗﺎﺳﻢ
- ﺃﻟﻮ ﺃﻣﻲ
- ﻗﺎﺳﻢ ﺗﺴﻨﻴﻢ ﻭﻳﻨﻲ
- ﻫﻲ ﻓﻲ ﻏﺮﻓﺔ ﺍﻟﻌﻤﻠﻴﺎﺕ
- ﺷﻨﻮﺍ؟؟؟ ﻭﻳﻦ ﺧﻠﻴﻨﻲ ﻧﺠﻲ ﺗﻮ
- ﻓﻲ ******
- ﺑﺎﻫﻲ ﻣﺴﺎﻓﺔ ﺍﻟﻄﺮﻳﻖ
ﺧﺮﺟﺖ ﻭ ﻫﻲ ﺗﺠﺮﻱ ﺧﺎﻳﻔﺔ ﻛﺎﻥ ﺗﺠﺮﺍﻟﻬﺎ ﺣﻜﺎﻳﺔ ﺗﻌﺮﻑ ﺑﻠﻲ ﺍﻟﺰﻭﺯ ﺇﻟﻲ ﻳﺨﺪﻣﻮ ﺿﺪﻭ ﻳﻨﺠﻤﻮ ﻳﻌﻤﻠﻮ ﻛﻞ ﺷﻲ ... ﺯﻭﺯ ﻫﺪﻓﻬﻢ ﻗﺎﺳﻢ ﻭ ﻛﻞ ﻭﺍﺣﺪ ﻭ ﺍﻟﻐﺎﻳﺔ ﻣﺘﺎﻋﻮ ... ﻫﻲ ﺗﻨﺠﻢ ﺗﺤﻤﻲ ﻗﺎﺳﻢ ﺃﻣﺎ ﺗﺴﻨﻴﻢ ﻣﺘﻨﺠﻤﻬﺎﺵ ﺧﺎﺗﺮ ﺗﻠﻮﺝ ﻭ ﺗﺒﺮﺑﺶ ﻛﺎﻥ ﻓﻲ ﺣﻜﺎﻳﺎﺕ ﺗﺤﻴﺮﻟﻬﺎ ﻓﻲ ﺇﺳﻤﻬﺎ ﺑﺎﺵ ﻳﺪﻭﺭﻭ ﺑﻴﻬﺎ ﻫﻲ ﺯﺍﺩﺍ
- ﻗﺎﺳﻢ ﺷﺒﻴﻬﺎ ﺗﺴﻨﻴﻢ ﺷﺼﺎﺭﻟﻬﺎ
- ﺣﺒﻠﺖ ﻭ ﺍﻟﺼﻐﻴﺮ ﻋﻨﺪﻭ ﺳﺮﻃﺎﻥ ﻫﺎﻭ ﺗﻮ ﻋﻨﺪﻫﺎ ﺃﻛﺜﺮ ﻣﻦ 6 ﺳﻮﺍﻳﻊ ﻓﻲ ﺍﻟﻌﻤﻠﻴﺔ
- ﺍﺍﺍ ﺑﺎﻫﻲ ﺇﻧﺸﺎﺀ ﺍﻟﻠﻪ ﻟﺒﺎﺱ
ﺩﻗﺎﻳﻖ ﻣﻌﺪﻭﺩﺓ ﻭ ﺍﻟﻌﻤﻠﻴﺔ ﻭﻓﺎﺕ .. ﺧﺮﺝ ﺍﻟﻄﺒﻴﺐ
- ﺩﻛﺘﻮﺭ ﻃﻤﻨﻲ ﻣﺮﺗﻲ ﻟﺒﺎﺱ
- ﺍﻟﺤﻤﺪ ﻟﻠﻪ ﻣﺮﺗﻚ ﺻﺤﺘﻬﺎ ﻭ ﺍﻟﺒﻴﺒﻲ ﻣﻦ ﺃﻟﻄﺎﻑ ﺍﻟﻠﻪ ﻣﻨﻘﻠﻠﻬﺎﺵ ﺍﻟﻌﺪﻭﻱ ... ﻻﺯﻡ ﺗﻘﻌﺪ ﻋﻨﺎ ﺗﺤﺖ ﺍﻟﻤﺮﺍﻗﺒﺔ ﺟﻤﻌﺔ ﻭ ﺑﻌﺪﻫﺎ ﺗﻨﺠﻢ ﺗﺮﻭﺡ
- ﻋﻴﺸﻚ ﺩﻛﺘﻮﺭ ﻳﻔﺮﺣﻚ ﻛﻴﻤﺎ ﻓﺮﺣﺘﻨﻲ
ﺣﻤﻞ ﺃﻣﻮ ﻭ ﺑﺎﺳﻬﺎ ﻭ ﻫﻮ ﻳﻀﺤﻚ ﺑﺎﻟﺼﻮﺕ ﻓﺮﺣﺎﻥ ﺧﺎﺗﺮ ﺗﺴﻨﻴﻢ ﺭﺟﻌﺖ ﻟﺒﺎﺱ ﻭ ﺗﻮ ﻳﻨﺠﻢ ﻳﻨﻔﺬ ﻭﻋﺪﻭ ﻟﻴﻬﺎ ﻭ ﻳﺮﺟﻌﻮ ﺃﺣﻠﻲ ﻛﻮﺑﻞ
ﺍﻟﺤﻠﻘﺔ :39
ﺧﺮﺟﺖ ﺗﺴﻨﻴﻢ ﻣﻦ ﻏﺮﻓﺔ ﺍﻟﻌﻤﻠﻴﺎﺕ ﻭ ﻫﻲ ﺩﺍﺧﻴﺔ ﺑﺎﻟﺒﻨﺞ ... ﺃﻭﻝ ﻣﺸﺎﻓﺖ ﻗﺎﺳﻢ ﺿﺤﻜﺖ ﻣﻦ ﻗﻠﺒﻬﺎ ... ﺩﺧﻠﻮﻫﺎ ﻟﻠﻌﻨﺎﻳﺔ ﺷﺘﺒﺎﺕ ﻓﻴﻬﺎ 24 ﺱ ﻭ ﻳﺨﺮﺟﻮﻧﻲ ﺧﺎﻳﻔﻴﻦ ﻛﺎﻥ ﺗﺼﻴﺮﻟﻬﺎ ﺣﺎﺟﺔ ﻻﺯﻡ ﺗﻘﻌﺪ ﺗﺤﺖ ﺍﻟﻤﺮﺍﻗﺒﺔ
- ﻗﺎﺳﻢ
- ﻧﻌﻢ ﺃﻣﻲ
- ﻧﺠﻢ ﻧﺤﻜﻲ ﻣﻌﺎﻙ ﻓﻲ ﻣﻮﺿﻮﻉ
- ﺃﻱ
- ﺗﻮﻛﻴﻞ ﺧﺬﻳﺘﻮﻩ
- ﻣﻨﻴﻦ ﻟﻴﻚ ﺃﻧﺘﻲ
- ﺟﺎﻭﺑﻨﻲ ﺳﺎﻋﺔ ﺧﺬﻳﺘﻮﻩ
- ﺃﻱ ﻭ ﺳﺎﻳﺎ ﻭ ﺗﻮ ﻛﻞ ﺷﻲ ﺑﺄﺳﻤﻲ
- ﺑﺎﻫﻲ
- ﺃﻣﺎ ﻋﻤﺮﻱ ﻣﺘﻮﻗﻌﺘﻚ ﺗﻜﻮﻥ ﺗﻜﺮﻫﻨﻲ ﻟﻠﺪﺭﺟﺔ ﻫﺬﻱ
- ﻗﺎﺳﻢ ﺃﻧﺖ ﺗﻌﺮﻑ ﺑﺤﻜﺎﻳﺘﻚ ﻭ ﺃﻧﺎ ﻟﻤﺤﺘﻠﻚ ﻗﺪﺍﻩ ﻣﻦ ﻣﺮﺓ ﻭ ﺍﻟﺸﻲ ﻫﺬﺍ ﻣﻨﺘﺼﻮﺭﺵ ﻛﺎﻥ ﻣﻔﻬﻤﺘﻮﺵ
- ﺷﻮ ﺃﻣﻲ ﺣﺘﻲ ﻟﻮ ﺃﻧﻚ ﺟﺒﺘﻨﻲ ﻓﻲ ﻗﺎﻟﺐ ﻏﻠﻄﺔ ﻣﻜﺎﻧﺶ ﻻﺯﻡ ﺗﻌﻤﻞ ﻣﻌﺎﻳﺎ ﻫﻜﺎ ﺭﺍﻧﻲ ﻣﻦ ﻟﺤﻤﻚ ﻭ ﺩﻣﻚ ﺗﻲ ﺭﺍﺟﻠﻚ ﻭ ﻫﻮ ﻣﻮﺵ ﺑﺎﺑﺎ ﻳﺤﺒﻲ ﺃﻛﺜﺮ ﻣﻨﻚ
- ﺃﻱ ﻳﺤﺒﻚ ﺑﺮﺷﺎ ﻫﻬﻪ ﺑﺎﻫﻲ ﻗﺎﺳﻢ ﺗﻮ ﺧﻠﻴﻨﻲ ﻧﺮﻭﺡ ﻭ ﻛﻲ ﺧﺬﻳﺖ ﺍﻟﺘﻮﻛﻴﻞ ﻧﺤﺒﻚ ﺗﺮﺩ ﺑﺎﻟﻚ ﻋﻠﻲ ﺭﻭﺣﻚ
- ﺷﺘﻘﺼﺪ
- ﺗﻮ ﺗﻌﺮﻑ ﻭﺣﺪﻙ
ﺭﻭﺣﺖ ﻟﻠﺪﺍﺭ ﻭ ﻫﻲ ﻣﺘﻮﺗﺮﺓ ﻛﻼﻡ ﻗﺎﺳﻢ ﻭﺗﺮﻫﺎ ﻭ ﺭﺟﻌﻬﺎ 35 ﺳﻨﺔ ﻟﺘﺎﻟﻲ ... ﻛﺎﻧﺖ ﻋﻨﺪﻫﺎ ﻋﻼﻗﺔ ﺑﺮﺍﺟﻞ ﻏﻨﻲ ﺣﺒﺘﻮ ﺑﺮﺷﺎ ﻭ ﻋﺎﺷﺖ ﻣﻌﺎﻩ ﺃﺣﻠﻲ ﺃﻳﺎﻡ ﺣﻴﺎﺗﻬﺎ ﻟﻴﻦ ﺻﺎﺭﺕ ﺣﻜﺎﻳﺔ ﺑﻴﻨﺎﺗﻬﻢ ﻭ ﻫﻮ ﺟﺒﺪ ﺭﻭﺣﻮ ﻣﻨﻬﺎ ﻗﺪ ﻣﻠﻮﺟﺖ ﻋﻠﻴﻪ ﻣﻠﻘﺎﺗﻮﺵ ... ﻧﺴﺎﺕ ﺭﻭﺣﻬﺎ ﻭ ﺳﻴﺒﺖ ﻛﻞ ﺷﻲ ﻣﻦ ﻳﺪﻳﻬﺎ ﻭ ﺷﺪﺕ ﺍﻟﺪﺍﺭ ﻛﺎﺭﻫﺔ ﺭﻭﺣﻬﺎ ﻭ ﻧﺎﺩﻣﺔ ﻟﻴﻦ ﻋﺮﻓﺖ ﺭﻭﺣﻬﺎ ﺣﺒﻠﺔ .. ﻭﻗﺘﻬﺎ ﻫﺒﻠﺖ ﻓﻲ ﻣﺨﻬﺎ ﻭ ﻣﻌﺮﻓﺖ ﺷﻨﻮﺍ ﺗﻌﻤﻞ ... ﺧﺮﺟﺖ ﺑﺎﺵ ﻃﻴﺢ ﺍﻟﺼﻐﻴﺮ ﻟﻴﻦ ﻋﺮﺿﻬﺎ ﺭﺍﺟﻠﻬﺎ ﺗﻮ ﻭﻗﺘﻬﺎ ﻫﻮ ﻳﻌﺸﻘﻬﺎ ﻭ ﻳﻤﻮﺕ ﻓﻴﻬﺎ ... ﺣﻜﺎ ﻣﻌﺎﻫﺎ ﻭ ﻃﻠﺐ ﻳﻌﺮﺱ ﺑﻴﻬﺎ ... ﻣﻜﺎﻧﺶ ﻋﻨﺪﻫﺎ ﺣﻞ ﺃﺧﺮ ﻛﺎﻥ ﺃﻧﻬﺎ ﺗﻮﺍﻓﻖ ﻋﻠﻴﻪ ... ﻣﻘﺎﺗﻠﻮﺵ ﺑﻠﻲ ﻫﻲ ﺣﺒﻠﺔ ﻟﻴﻦ ﻋﺮﺳﺖ ﺑﻴﻪ ... ﺑﻌﺪ ﻣﻜﻤﻞ ﺍﻟﻌﺮﺱ ﻭ ﺑﻘﺎﻭ ﺭﺍﺱ ﺭﺍﺱ ... ﺣﻜﺎﺗﻠﻮ ﻛﻞ ﺷﻲ ﻓﻲ ﻟﻮﻝ ﺗﺼﺪﻡ ﻭ ﻣﻌﺮﻑ ﻣﻴﻌﻤﻞ ﺃﻣﺎ ﻣﻦ ﺑﻌﺪ ﻗﺒﻞ ﺑﺎﻟﻤﻮﺿﻮﻉ ... ﺧﺮﺟﻮ ﻣﻦ ﺍﻟﻤﺪﻳﻨﺔ ﻟﻴﻦ ﺟﺎﺑﺖ ﻭ ﺗﻌﺪﺍﻭ 3 ﺷﻬﺮ ﻭ ﺭﻭﺣﻮ ﻭﻗﺘﻬﺎ ﺍﻟﻨﺎﺱ ﺍﻟﻜﻞ ﻣﺴﺘﻐﺮﺑﻴﻦ ﻓﻲ ﺍﻟﺒﻴﺒﻲ ﻛﻴﻔﺎﻩ ﻛﺒﻴﺮ ﻋﻞ ﻋﻤﺮﻭ ﺃﻣﺎ ﻫﻲ ﻛﺎﻧﺖ ﺗﻘﻠﻬﻢ ﺑﻠﻲ ﻫﻲ ﻭﻟﺪﺗﻮ ﻓﻲ ﺷﻬﺮﻫﺎ ﺍﻟﺴﺎﺑﻊ ﺟﺎﺀ ﻧﻤﻮ ﻛﺎﻣﻞ ﻭ ﺗﻮﻟﺪ ﻗﺒﻞ ﻭﻗﺘﻮ ...
ﺗﻌﺪﺍﺕ ﻟﻴﺎﻡ ﻭ ﺳﻨﻴﻦ ﻭ ﻛﻞ ﻣﺮﺓ ﺗﻘﻮﻝ ﻗﺪﺍﻡ ﻗﺎﺳﻢ ﻛﻠﻤﺔ ﻭﻻ ﺗﻌﻤﻞ ﺭﻭﺣﻬﺎ ﺗﺤﻜﻲ ﻭﺣﺪﻫﺎ ... ﻛﺎﻧﺖ ﺗﺤﺒﻮ ﻳﻌﺮﻑ ﺍﻟﺤﻘﻴﻘﺔ ﺑﻄﺮﻳﻘﺔ ﻏﻴﺮ ﻣﺒﺎﺷﺮﺓ ... ﻣﻨﺠﻤﺶ ﻳﺤﻜﻲ ﻣﻌﺎﻫﺎ ﻭ ﻳﻠﻮﻣﻬﺎ ... ﻗﻌﺪ ﺳﺎﻛﺖ ﻭ ﻣﺘﺤﻤﻞ ﻟﻴﻦ ﻋﺮﺱ ﻭ ﺩﺧﻠﺖ ﺑﺴﻤﺔ ﺣﻴﺎﺗﻮ ... ﺃﻣﺎ ﻣﻄﻮﻟﺘﺶ ﺍﻟﺤﻜﺎﻳﺔ ﻭ ﻗﺎﺳﻢ ﺿﺮﺏ ﺑﺴﻤﺔ ﻭ ﺩﺧﻞ ﻟﻠﺤﺒﺲ .... ﻓﻲ ﺍﻟﻤﺪﺓ ﻫﺬﻳﻜﺎ ﺭﺟﻊ ﺑﻮﻩ ﻭ ﺗﻘﺎﺑﻞ ﻣﻊ ﻣﻌﺎﻫﺎ ﻭ ﻗﻠﻬﺎ ﺑﻠﻲ ﻫﻮ ﻋﺮﻑ ﺑﻠﻲ ﻫﻲ ﺣﺒﻠﺔ ﺃﻣﺎ ﻣﻨﺠﻤﺶ ﻳﺮﺟﻌﻠﻬﺎ ﺧﺎﺗﺮ ﺑﻮﻩ ﻋﺮﺳﻠﻮ ﻭ ﻃﻠﺐ ﺃﻧﻮ ﻳﺸﻮﻑ ﻭﻟﺪﻭ ﺃﻣﺎ ﻫﻲ ﻗﺘﻠﻮ ﺑﻠﻲ ﻫﻲ ﻃﻴﺤﺖ ﺍﻟﺼﻐﻴﺮ ﻭ ﻣﺠﺎﺑﺎﺗﻮﺵ ﻭ ﺑﻠﻲ ﻫﻲ ﺗﻮ ﺳﺎﻳﺎ ﻋﺮﺳﺖ ﻭ ﺑﺪﺍﺕ ﺻﻔﺤﺔ ﺟﺪﻳﺪﺓ
ﺍﻟﺤﻠﻘﺔ :40
ﺗﺨﻤﻢ ﻭ ﻣﺨﻬﺎ ﻫﺎﺯﺯﻫﺎ ﻟﺤﻜﺎﻳﺎﺕ ﺍﻟﻤﺎﺿﻲ ... ﺭﺍﺟﻠﻬﺎ ﺭﻭﺡ ﻭ ﻫﻲ ﻣﺸﻠﻘﺘﺶ ﺑﻴﻪ ... ﺩﺧﻞ ﻭ ﻫﻮ ﺍﻟﺪﺍﺭ ﻗﻠﺒﻬﺎ ﻗﻠﺒﺎﻥ ﻳﻠﻮﺝ ﻋﻠﻲ ﺍﻷﻭﺭﺍﻕ
- ﺭﻓﻴﻌﺔ ... ﺭﻓﻴﻌﺔ ( ﺃﻡ ﻗﺎﺳﻢ )
- ﻧﻌﻢ
- ﻭﻳﻨﻬﻢ ﺍﻷﻭﺭﺍﻕ
- ﻣﻨﻌﺮﺵ
- ﺗﻄﻠﻌﺶ ﻋﻄﻴﺘﻬﻢ ﻟﻮﻟﺪﻙ
- ﻻ
- ﺷﻮ ﺭﺍﻧﻲ ﻗﺎﻋﺪ ﻧﺸﻮﻑ ﻓﻲ ﺗﺼﺮﻓﺎﺗﻚ ﺍﻟﻤﺪﺓ ﺍﻷﺧﻴﺮﺓ ﻭ ﺃﻧﺘﻲ ﺩﻳﻤﺎ ﻭﻳﻦ ﺗﻌﺮﻑ ﺑﺤﻜﺎﻳﺔ ﺑﻨﻌﻤﻠﻮﻫﺎ ﻟﻘﺎﺳﻢ ﺗﺠﻲ ﺃﻧﺘﻲ ﻭ ﺗﺨﺮﺏ ﻋﻠﻴﻨﺎ ﻛﻞ ﺷﻲ
- ﺷﻨﻮﺍ ﻋﻨﺪﻱ ﻋﻤﻠﺖ ﺃﻧﺎ ﺑﺮﺑﻲ ﻭ ﻟﻼ ﻋﻠﻴﺔ ﺇﻟﻲ ﺗﺒﻌﻠﻲ ﻓﻴﻬﺎ ﺗﻮ ﺗﺮﺑﺢ ﺃﻧﺖ ﻭﻳﺎﻫﺎ ﻭ ﻭﺍﻟﻠﻪ ﻛﺎﻥ ﺗﻌﻤﻞ ﺣﻜﺎﻳﺔ ﻟﻮﻟﺪﻱ ﻗﺎﺳﻢ ﻟﻤﺎ ﻧﺠﺒﺪ ﺧﻨﺎﺭﻛﻢ ﺍﻟﻜﻞ
- ﺷﻨﻮﺍ ﻋﻨﺪﻙ ﺗﺠﺒﺪ ﺃﻩ ... ﺗﻜﻠﻢ ﻭﻻ ﻧﺴﻴﺖ ﺭﻭﺡ ﺟﺎﻳﺒﺔ ﻭﻟﺪ ﻓﻲ ﺍﻟﺤﺮﺍﻡ
- ﺃﻧﺎ ﺟﺎﻳﺒﺔ ﻭﺍﺣﺪ ﻭ ﺃﻧﺖ ﺟﺎﻳﺐ ﺯﻭﺯ
ﻟﻔﻠﻬﺎ ﻭﺟﻬﺎ ﺑﻜﻒ ﻭ ﻗﻠﺐ ﺍﻟﻄﺎﻭﻟﺔ ﻭ ﺧﺮﺝ
ﺑﻘﺎﺕ ﺗﺒﻜﻲ ﻭ ﺗﻨﺪﺏ ﻋﻠﻲ ﺳﻌﺪﻫﺎ ... ﻛﻠﻤﺔ ﻭﻟﺪ ﻣﻦ ﺍﻟﺤﺮﺍﻡ ﻫﺪﺗﻠﻬﺎ ﺣﻴﻠﻬﺎ ﻭ ﺧﻼﺗﻬﺎ ﺗﻘﻌﺪ ﻣﻨﻐﻴﺮ ﻣﺘﺸﻌﺮ .... ﻭ ﺯﺍﺩﺕ ﺭﺟﻌﺖ ﺑﻴﻬﺎ ﺍﻟﺬﺍﻛﺮﺓ ﻟﺴﻨﻴﻦ ﻟﺘﺎﻟﻲ
ﻛﻲ ﺣﻜﺎﺕ ﻟﺮﺍﺟﻠﻬﺎ ﺑﻠﻲ ﻫﻲ ﺣﺒﻠﺔ ﻭﻗﺘﻬﺎ ﻗﺒﻞ ﺍﻟﻤﻮﺿﻮﻉ ﻭ ﺣﺎﻭﻝ ﻳﺒﺪﺍ ﻣﻌﺎﻫﺎ ﺻﻔﺤﺔ ﺟﺪﻳﺪﺓ ﺃﻣﺎ ﻫﻲ ﻣﻨﺠﻤﺘﺶ .... ﺗﻌﺪﺍ ﻟﻌﺎﻡ ﻟﻮﻝ ... ﺍﻟﻌﺎﻡ ﺍﻟﺜﺎﻧﻲ .. ﻭ ﺷﻲ ﻣﺨﻼﺗﻮﺵ ﻳﻠﻤﺴﻬﺎ ... ﺑﻌﺪ 5 ﺳﻨﻴﻦ ﺟﺎﻫﺎ ﺑﺒﻨﺘﻮ ﻓﻲ ﻳﺪﻭ ﺗﺼﺪﻣﺖ ﻓﻲ ﻟﻮﻝ ﻭ ﻣﻦ ﺑﻌﺪ ﻛﻲ ﺗﺬﻛﺮ ﺑﻠﻲ ﻫﻲ ﺯﺍﺩﺍ ﻋﻨﺪﻫﺎ ﻭﻟﺪ ﺣﺮﺍﻡ ﻗﺒﻠﺘﻬﺎ ﻭ ﺭﺑﺎﺗﻬﺎ ... ﺗﻌﺪﺍﻭ ﻋﺎﻣﻴﻦ ﻭ ﺯﺍﺩ ﺟﺎﻫﺎ ﺑﺒﻨﻴﺔ ﺃﺧﺮﻱ ﻣﻜﺎﻧﺘﺶ ﺗﻨﺠﻢ ﺗﻌﻤﻞ ﺣﺘﻲ ﺷﻲ ﻏﻴﺮ ﺃﻧﻮ ﺗﺴﺄﻟﻮ ﻭ ﺗﺴﺘﻔﺴﺮ ﻋﻠﻲ ﺃﻡ ﺍﻟﺼﻐﺎﺭ ... ﻋﺮﻓﺖ ﺑﻠﻲ ﻫﻮ ﻋﺮﺱ ﻋﺮﻓﻲ ﺧﺎﺗﺮ ﻳﺤﺐ ﻳﻜﻮﻥ ﻋﻨﺪﻭ ﺻﻐﺎﺭ ﺍﻭﻻﺩﻭ ﻳﻮﺭﺛﻮ ﻣﻨﻮ ... ﻛﻲ ﻗﻠﻬﺎ ﻫﻜﺎﻛﺎ ﺣﺴﺖ ﺑﻠﻲ ﻭﻟﺪﻫﺎ ﻣﺴﺘﺤﻴﻞ ﻛﺎﻥ ﻳﻌﻄﻴﻪ ﻣﻠﻴﻢ .. ﻋﻠﻲ ﻫﺬﺍﻛﺎ ﺑﻘﺎﺕ ﻛﺎﺑﺴﺔ ﻋﻠﻴﻪ ﺑﺎﺵ ﻳﺨﺪﻡ ﻭ ﻳﻜﻮﻥ ﺭﻭﺣﻮ ﺑﺮﻭﺣﻮ ﻣﻨﻐﻴﺮ ﻣﻴﺴﺘﺤﻖ ﻟﺤﺪ ... ﻋﻼﻗﺔ ﻗﺎﺳﻢ ﻃﻮﺭﺕ ﺑﺮﺷﺎ ﻣﻊ ﺭﺍﺟﻠﻬﺎ ﻭ ﻧﺠﻢ ﻳﻜﺴﺒﻮ ﻟﻴﻪ ﻟﺪﺭﺟﺔ ﺃﻧﻮ ﻛﻲ ﺩﺧﻞ ﻟﻠﺤﺒﺲ ﻋﻤﻞ ﺗﻮﻛﻴﻞ ﻟﺒﻮﻩ ... ﻭﻗﺘﻬﺎ ﺍﻟﺨﺒﺮ ﻫﺒﻂ ﻋﻠﻴﻬﺎ ﻛﻲ ﺍﻟﺴﺎﻋﻘﺔ ﻭ ﺑﺪﺍﺕ ﺗﺨﻤﻢ ﻛﻴﻔﺎﻩ ﺑﺎﺵ ﺗﺮﺟﻌﻬﻤﻠﻮ ﻟﻴﻦ ﻟﻘﺎﺕ ﺗﺴﻨﻴﻢ ﺍﻟﺤﻞ ﺍﻟﻮﺣﻴﺪ ﺑﺎﺵ ﺗﻌﺎﻭﻧﻬﺎ ... ﻛﻞ ﻭﻳﻦ ﺗﺴﺘﻔﺰﻫﺎ ﺩﻳﺮﺍﻛﺖ ﺗﺎﺧﺬ ﺍﻟﺤﺬﺭ ﻭ ﺗﻌﻤﻞ ﺍﻟﻤﻄﻠﻮﺏ ﻋﻠﻲ ﻫﺬﺍﻛﺎ ﺗﺤﺒﻬﺎ ﻭ ﻣﺘﺤﻤﻠﺶ ﻓﻴﻬﺎ ﺩﻗﺔ ﺍﻟﺸﻮﻛﺔ ﺧﺎﺗﺮ ﻫﻲ ﺍﻟﻲ ﻧﻘﺬﺕ ﻭﻟﺪﻫﺎ .
ﻛﻠﻢ ﻗﺎﺳﻢ ﻋﺎﻳﻠﺖ ﺗﺴﻨﻴﻢ ﻭ ﺧﺒﺮﻫﻢ ﺑﺎﻟﻌﻤﻠﻴﺔ ﺗﻔﺠﻮ ﻭ ﻗﻠﺒﻬﻢ ﺗﺨﻄﻒ ﻋﻠﻴﻬﺎ ﺩﻳﺮﺍﻛﺖ ﻣﺸﺎﻭ ﻟﻠﺴﺒﻴﻄﺎﺭ ﻳﻄﻠﻮ ﻋﻠﻴﻬﺎ
- ﻗﺎﺳﻢ ﻭﻳﻨﻲ ﺗﺴﻨﻴﻢ
- ﻓﻲ ﺍﻟﻌﻨﺎﻳﺔ ﻭ ﺣﺎﻟﺘﻬﺎ ﻣﺴﺘﻘﺮﺓ
ﻧﻘﺰﺕ ﺃﻣﻬﺎ ﻗﺪﺍﻡ ﻗﺎﺳﻢ ﻣﻔﺠﻮﻋﺔ
- ﻃﻠﻌﺖ ﺣﺒﻠﺔ؟؟؟ ﻗﻠﻲ ﺻﺎﺭﺕ ﺣﺎﺟﺔ ﻟﻠﺼﻐﻴﺮ
- ﺣﺒﻠﺔ ﺃﻣﺎ ﺍﻟﻠﻪ ﻏﺎﻟﺐ ﺭﺑﻲ ﻣﺴﻬﻠﺶ ﻓﻴﻪ ﻭ ﻃﻴﺤﺎﺗﻮ
- ﻋﻼﻩ ﺷﻌﻤﻠﺘﻠﻬﺎ ﺑﻨﺘﻲ ﺑﺎﺵ ﻃﻴﺤﺘﻮ ﺃﻩ ﻗﻮﻝ
- ﺍﻟﺼﻐﻴﺮ ﻋﻨﺪﻭ ﺳﺮﻃﺎﻥ ﻋﻠﻲ ﻫﺬﺍﻛﺎ ﻃﻴﺤﻨﺎﻩ
- ﻳﺎ ﺳﺎﺗﺮ
ﺷﻬﻘﺖ ﺃﻣﻬﺎ ﻭ ﻗﻠﺒﻬﺎ ﻗﺒﺾ ﻋﻠﻴﻬﺎ ﺑﺎﻟﺨﻮﻑ ﻋﻠﻲ ﺑﻨﺘﻬﺎ
ﺍﻟﺤﻠﻘﺔ :41
ﺭﻛﺒﺖ ﺭﻓﻴﻌﺔ ﻛﺎﻣﻴﺮﺍ ﻓﻲ ﺍﻟﺪﺍﺭ ﺧﺎﺗﺮ ﻭﻻﺕ ﺗﻌﺮﻑ ﺑﻠﻲ ﺭﺍﺟﻠﻬﺎ ﻣﺴﺘﺤﻴﻞ ﻛﺎﻥ ﻳﻮﺛﻖ ﻓﻴﻬﺎ ﻭ ﻳﺤﻜﻴﻠﻬﺎ ﻋﻠﻲ ﺍﻟﺨﻄﻂ ﻣﺘﺎﻋﻮ ... ﻟﻤﺖ ﺩﺑﺸﻬﺎ ﻭ ﻣﺸﺎﺕ ﻟﺪﺍﺭ ﻗﺎﺳﻢ
- ﺃﻟﻮ ﻗﺎﺳﻢ ﻋﻴﺶ ﻭﻟﺪﻱ ﺗﺠﻴﻨﻲ ﻟﻠﺪﺍﺭ ﻧﺤﺐ ﻧﻘﻌﺪ ﻋﻨﺪﻙ ﺃﻳﺎﻣﺎﺕ ﻧﺘﻠﻬﻲ ﺑﻴﻚ ﻭ ﺑﻤﺮﺗﻚ
- ﺑﺎﻫﻲ ﻫﺎﻧﻲ ﺑﻄﺒﻴﻌﺘﻲ ﻣﺮﻭﺡ ﺗﻮ ﻧﺠﻴﻚ ﻭ ﻧﻔﺘﺤﻠﻚ ﺍﻟﺒﺎﺏ
- ﺑﺎﻫﻲ
ﻗﻌﺪﺕ ﻗﺪﺍﻡ ﺍﻟﺒﺎﺏ ﻭ ﻋﻠﻲ ﻧﻴﺘﻬﺎ ﺣﻄﺖ ﻳﺪﻫﺎ ﻋﻠﻲ ﻛﻮﺑﺔ ﺍﻟﺒﺎﺏ ﻟﻴﻦ ﺗﺤﻞ ... ﺇﺳﺘﻐﺮﺑﺖ ﻭ ﺩﺧﻠﺖ ﺩﻳﺮﺍﻛﺖ ﻣﻨﻐﻴﺮ ﻣﺘﺨﻤﻢ
ﺗﻠﻘﻲ ﺧﻮﻟﺔ ﻗﺎﻋﺪﺓ ﻋﻠﻲ ﺍﻟﻜﺮﺳﻲ ﻭ ﺣﺎﻃﺔ ﺭﺍﺳﻲ ﻟﺘﺎﻟﻲ ﻣﺘﻜﻴﺔ ﻭﺍﺧﺬﺓ ﺭﺍﺣﺘﻬﺎ
- ﺷﺘﻌﻤﻞ ﻫﻮﻧﻲ ﻓﻲ ﺩﺍﺭ ﻭﻟﺪﻱ
- ﺍﺍﺍ ﻋﺴﻼﻣﺔ ﻟﻼ ﺭﻓﻴﻌﺔ ﺷﻨﻮﺍ ﺣﻮﺍﻟﻚ
- ﺟﺎﻭﺑﻨﻲ ﺷﺘﻌﻤﻞ ﻓﻲ ﺩﺍﺭ ﻭﻟﺪﻱ
- ﺩﺍﺭ ﺃﺧﺘﻲ ﺯﺍﺩﺍ ﻭﻻ ﻧﺴﻴﺖ ﻳﺎ ﺣﻤﺎﺕ ﺃﺧﺘﻲ
- ﺑﺴﻤﺔ ﻣﺎﺗﺖ ﻭ ﺳﺎﻳﺎ ﺍﻟﻌﻼﻗﺔ ﺗﻘﻄﻌﺖ ﻋﻨﺪﻫﺎ ﺳﻨﻴﻦ ﻛﻬﻮ ﻭﻓﺎ
- ﻋﻼﻩ ﻧﺴﻴﺖ ﺍﻟﻲ ﻗﺎﺳﻢ ﻫﻮ ﺍﻟﻲ ﺿﺮﺑﻬﺎ
- ﻓﻲ ﻗﺎﻟﺐ ﻏﻠﻄﺔ ﻭ ﺧﻠﺺ
- ﻻ ﻣﺎﺯﺍﻝ ﻣﺨﻠﺼﺶ ﻣﺪﺍﻡ ﺃﻧﺎ ﺣﻴﺔ ﻣﺎﺯﺍﻝ ﺑﺎﺵ ﻳﺨﻠﺺ ﻭ ﺃﻭﻝ ﺣﺎﺟﺔ ﺑﺎﺵ ﻳﺨﺴﺮﻫﺎ ﻣﺮﺗﻮ
- ﺗﺤﻠﻢ ﻣﺮﺗﻮ ﻣﺘﻨﺠﻤﺶ ﺗﻮﺻﻠﻠﻬﺎ
- ﻫﻬﻬﻬﻬﻪ ﻧﺤﺐ ﻧﻘﻠﻚ ﺑﻠﻲ ﺃﺣﻨﺎ ﺳﺎﻳﺎ ﻭﺻﻠﻨﺎﻟﻬﺎ ﻭ ﺧﺬﻳﻨﺎﻫﺎ ﺧﻮﺫ ﻛﻠﻢ ﻭﻟﺪﻙ ﻭ ﺷﻮﻑ ﺷﻨﻮﺍ ﺑﺎﺵ ﻳﻘﻠﻚ
ﺧﺬﺍﺕ ﺗﻠﻔﻮﻥ ﻭ ﻫﻲ ﺗﻔﺒﺮﻱ ﺑﻜﻠﻬﺎ
- ﻗﺎﺳﻢ ﻭﻳﻨﻚ ﻟﺘﻮ
- ﻳﺎﻣﻲ ﻣﺼﻴﺒﺔ ﻫﺒﻄﺖ ﻋﻠﻲ ﺭﺅﻭﺳﻨﺎ ﺗﺴﻨﻴﻢ ﻣﻠﻘﻴﺘﻬﺎﺵ ﻗﻠﺒﺖ ﻋﻠﻴﻬﺎ ﺳﺒﻴﻄﺎﺭ ﻭ ﺭﻳﺤﺘﻬﺎ ﻣﻔﻤﺎﺵ
ﻋﻠﻘﺖ ﻋﻠﻴﻪ ﻭ ﻭﺫﻧﻴﻬﺎ ﻳﺰﻧﻮ ﺑﺎﻟﺨﻮﻑ
- ﻭﻳﻦ ﻫﺰﻳﺘﻬﺎ
- ﻫﻬﻬﻪ
- ﺗﻜﻠﻢ ﻭﻳﻦ ﻫﺰﻳﺘﻬﺎ
ﻗﺮﺑﺖ ﻣﻨﻬﺎ ﺭﻓﻴﻌﺔ ﻭ ﺧﻨﻘﺘﻬﺎ
- ﻭﺍﻟﻠﻪ ﻛﺎﻥ ﺗﺼﻴﺮ ﺣﺎﺟﺔ ﻟﻜﻨﺘﻲ ﺃﻗﺴﻢ ﺑﺎﻟﻠﻪ ﻧﻤﺤﻴﻚ ﻣﻦ ﺍﻟﻮﺟﻮﺩ ﻓﻲ ﻳﺪﻙ ﺳﺎﻋﺘﻴﻦ ﻣﻦ ﺍﻟﺰﻣﺎﻥ ﻛﺎﻥ ﻣﺘﺮﺟﻌﺶ ﺗﺴﻨﻴﻢ ﻟﻠﺴﺒﻴﻄﺎﺭ ﺗﻮ ﺗﺸﻮﻑ ﻭﺟﻬﻲ ﻻﺧﺮ
ﺧﺮﺟﺖ ﺭﻓﻴﻌﺔ ﻣﻦ ﺩﺍﺭ ﻗﺎﺳﻢ ﻭﻫﻲ ﺗﻐﻠﻲ ﻏﻠﻴﺎﻥ ﻛﻴﻔﺎﻩ ﻣﻨﺠﻤﺘﺶ ﺗﺤﻤﻴﻬﺎ .... ﻣﺸﺎﺕ ﻟﻠﺴﺒﻴﻄﺎﺭ ﻭﻳﻦ ﺗﻠﻘﺎﻫﻢ ﺍﻟﻜﻞ ﺧﺎﻳﻀﻴﻦ ﻭ ﻋﺎﻳﻠﺘﻬﺎ ﻳﺒﻜﻮ ﻭ ﻗﺎﺳﻢ ﻛﻲ ﺍﻟﻤﻬﺒﻮﻝ ﻳﻠﻮﺝ ﻣﻦ ﺑﻼﺻﺔ ﻟﺒﻼﺻﺔ
- ﻗﺎﺳﻢ ﻭﺳﻊ ﺑﺎﻟﻚ ﺗﻮ ﺗﺮﺟﻊ
- ﻳﺎﻣﻲ ﻛﻴﻔﺎﻩ ﺑﺎﺵ ﺗﺮﺟﻊ ... ﺭﺍﻫﻲ ﻣﺎﺯﺍﻝ ﻛﻲ ﻋﺎﻣﻠﺔ ﻋﻤﻠﻴﺔ ﻳﺎ ﺭﺑﻲ ﺇﻧﺸﺎﺀ ﺍﻟﻠﻪ ﻣﻴﺼﻴﺮﻟﻬﺎ ﺷﻲ ﻭ ﺗﺮﺟﻊ ﻓﻴﺴﻊ
ﺑﻌﺪﺕ ﻋﻠﻴﻬﻢ ﺭﻓﻴﻌﺔ ﺷﻮﻱ ﻭ ﻛﻠﻤﺖ ﺭﺍﺟﻠﻬﺎ
- ﻛﻨﺘﻲ ﻭﻳﻨﻲ
- ﻫﻬﻬﻬﻬﻪ ﻛﻲ ﺗﻌﻄﻴﻨﻲ ﺍﻟﺘﻮﻛﻴﻞ ﺗﻮ ﺗﻠﻘﺎﻫﺎ
- ﻣﺮﻳﻘﻞ
ﺍﻟﺤﻠﻘﺔ :42
ﻣﺨﻬﺎ ﻭﻗﻒ ﻣﻌﺎﺵ ﻋﺎﺭﻓﺔ ﺷﻨﻮﺍ ﺗﻌﻤﻞ ... ﺑﻘﺎﺕ ﺗﺴﺘﻨﻲ ﻋﻠﻲ ﺃﻣﻞ ﺃﻧﻮ ﺧﻮﻟﺔ ﺗﺨﺎﻑ ﻭ ﺗﺮﺟﻌﻬﺎ ﺃﻣﺎ ﺷﻲ ﺗﻌﺪﺍﻭ 4 ﺳﻮﺍﻳﻊ ﻭ ﺗﺴﻨﻴﻢ ﺭﻳﺤﺘﻬﺎ ﻣﻔﻤﺎﺵ
ﺭﺟﻌﺖ ﻟﺪﺍﺭ ﺭﺍﺟﻠﻬﺎ ﻭ ﻫﻲ ﺗﻐﻠﻲ ﻏﻠﻴﺎﻥ ﻋﻠﻴﻪ ... ﺗﻠﻘﻲ ﺍﻟﺪﺍﺭ ﻓﺎﺭﻏﺔ ﻭ ﻣﻔﻤﺎ ﺣﺪ ... ﺍﻟﺪﺍﺭ ﻗﻠﺒﺘﻬﺎ ﻗﻠﺒﺎﻥ ﻋﻠﻲ ﺃﻣﻞ ﺃﻧﻮ ﺗﻠﻘﻲ ﺩﻟﻴﻞ ﺑﺴﻴﻂ ﻳﻮﺻﻠﻬﺎ ﻟﺒﻼﺻﺔ ﺗﺴﻨﻴﻢ ... ﻣﻔﻤﺎ ﺷﻲ ﻳﻨﺠﻢ ﻳﻌﺎﻭﻧﻬﺎ ﻗﺪ ﻣﻠﻮﺟﺖ ﻧﻔﺨﺖ ﺑﺎﻟﻘﻮﻱ ﻭ ﺃﺳﺘﻐﻔﺮﺕ ﺭﺑﻲ ... ﺗﻜﺎﺕ ﻓﻲ ﺍﻟﺼﺎﻟﺔ ﻭ ﺑﻘﺎﺕ ﺩﻭﺭ ﻓﻲ ﻋﻴﻨﻴﻬﺎ ﻓﻲ ﺍﻟﺪﺍﺭ ﻟﻴﻦ ﺷﺎﻓﺖ ﺍﻟﻜﺎﻣﻴﺮﺍ ... ﻭﻗﺘﻬﺎ ﺿﺮﺑﺖ ﺭﺍﺳﻬﺎ ﻭ ﺿﺤﻜﺖ ﻋﻠﻲ ﺑﻬﺎﻣﺘﻬﺎ ... ﺧﺬﺍﺕ ﻣﻨﻬﺎ ﺍﻟﺘﺴﺠﻴﻞ ﻭ ﺑﻘﺎﺕ ﺗﺘﻔﺮﺝ ﻓﻴﻪ ... ﺗﺸﻮﻑ ﻓﻲ ﺭﺍﺟﻠﻬﺎ ﻳﻜﻠﻢ ﻓﻲ ﺍﻟﺘﻠﻔﻮﻥ ﻭ ﻓﺮﺣﺎﻥ
ﻋﻼﺕ ﻓﻲ ﺍﻟﺼﻮﺕ ﻭ ﺑﻘﺎﺕ ﺗﺴﻤﻊ ﻓﻴﻪ
-"" ﺃﻱ ﺳﺎﻳﺎ ﺧﺬﺍﻭﻫﺎ ﺍﻟﺠﻤﺎﻋﺔ ... ﻣﻨﻌﺮﺵ ﻭﻳﻦ ﻧﺤﻄﻬﺎ ﻋﻨﺪﻙ ﺑﻼﺻﺔ ﻧﺤﻄﻬﺎ ﻓﻴﻬﺎ ... ﺃﻣﻤﻢ ﺑﺎﻫﻲ ﺃﺳﻤﻊ ﻋﻨﺪﻱ ﺩﺍﺭ ﺟﺪﻱ ﻓﻲ ﺍﻟﺮﻳﻒ ﺗﻮ ﻧﻬﺰﻫﺎ ﻏﺎﺩﻱ ... ﺃﻱ ﺃﻱ ... ﺑﺎﻫﻲ ﺗﻔﺎﻫﻤﻨﺎ ﻧﺘﻘﺎﺑﻠﻮ ﻓﻲ ﻟﻴﻞ ﻏﺎﺩﻱ ﻭ ﻧﻀﻐﻄﻮ ﻋﻠﻴﻬﺎ ﺑﺎﺵ ﺗﻌﻄﻴﻨﺎ ﺍﻷﻭﺭﺍﻕ ﻭ ﺇﺫﺍ ﻣﻌﻄﺎﺗﻬﻤﺶ ﻧﻘﺘﻠﻮﻫﺎ ... ﺑﺎﻫﻲ ... ﺑﺎﻱ """
ﻗﻠﺒﻬﺎ ﺩﻕ ﻭ ﻋﺮﻭﻗﻬﺎ ﻧﺸﻔﻮ .... ﺧﺒﺎﺕ ﺍﻟﻔﻴﺪﻳﻮ ﻭ ﺧﺮﺟﺖ ﺩﻳﺮﺍﻛﺖ ﻟﺪﺍﺭ ﺟﺪﻭ ﺧﺎﺗﺮ ﺗﻌﺮﻓﻬﺎ ﺍﻟﺒﻼﺻﺔ ... ﺍﻟﺪﻧﻴﺎ ﺑﻜﻠﻬﺎ ﺭﺟﺎﻝ ﺩﺍﻳﺮﻳﻦ ﺑﺎﻟﺪﺍﺭ ﻭ ﻣﺴﻠﺤﻴﻦ ﺑﺎﻳﻦ ﻓﻴﻬﻢ ﻣﻮﺵ ﻧﺎﻭﻳﻴﻦ ﺍﻟﺨﻴﺮ .... ﺧﺎﻓﺖ ﻭ ﻣﻨﺠﻤﺘﺶ ﺗﺼﺪﻡ .... ﺟﺎﺕ ﺑﺎﺵ ﺗﻜﻠﻢ ﻗﺎﺳﻢ ﻭ ﺗﺤﻜﻴﻠﻮ ﻣﻨﺠﻤﺘﺶ ﺧﺎﺗﺮ ﻛﺎﻥ ﻳﺸﺪﻭﻩ ﺑﺎﺵ ﻳﻘﺘﻠﻮﻩ ﺩﻳﺮﺍﻛﺖ .... ﺣﺎﺭﺕ ﻭ ﺣﺎﺭ ﺩﻟﻴﻠﻬﺎ
ﺗﻠﻘﺎ ﺭﻭﺣﻬﺎ ﻭﺍﻗﻔﺔ ﻗﺪﺍﻡ ﺷﺮﻛﺔ ﻛﺒﻴﺮﺓ .. ﺩﺧﻠﺖ ﺳﺎﻕ ﺍﻟﻘﺪﺍﻡ ﻭ ﺳﺎﻕ ﻟﺘﺎﻟﻲ ... ﻫﺎﺯﺓ ﺧﺸﻤﻬﺎ ﻟﻔﻮﻕ ﻭ ﻗﻠﺒﻬﺎ ﻳﺪﻕ ﻣﻦ ﺍﻟﻤﻮﺟﻬﺔ .. ﺗﺤﺐ ﺗﺼﻨﻊ ﻣﻦ ﺿﻌﻔﻬﺎ ﻗﻮﺓ ﻭ ﺗﺨﻠﻲ ﺭﺍﺳﻬﺎ ﻣﺮﻓﻮﻉ
- ﺗﻔﻀﻞ ﻣﺪﺍﻡ ﺑﺸﻜﻮﻥ ﺣﺎﺟﺘﻚ
- ﻧﻮﺭ ﺍﻟﺪﻳﻦ ﺍﻟﻬﻤﺎﻣﻲ
- ﻋﻨﺪﻙ ﻣﻮﻋﺪ ﻣﻌﺎﻩ
- ﻻ
- ﺳﺎﻣﺤﻨﻲ ﻣﺪﺍﻡ ﻣﺘﻨﺠﻤﺶ ﺗﺪﺧﻠﻮ ﻣﺎﻻ
- ﻛﻠﻤﻮ ﻭ ﺷﻮﻓﻮ
- ﻣﺪﺍﻡ ﻋﻴﺸﻚ
ﺑﻘﺎﺕ ﺭﻓﻴﻌﺔ ﺗﺼﻴﺢ ﻋﻠﻴﻬﺎ ﻟﻴﻦ ﺧﺮﺝ
- ﺭﻓﻴﻌﺔ ﺷﺘﻌﻤﻞ ﻫﻮﻧﻲ
- ﺟﻴﺖ ﻧﺤﺐ ﻧﺤﻜﻲ ﻣﻌﺎﻙ
- ﺃﺩﺧﻞ ﺗﻔﻀﻞ ... ﺃﺣﻼﻡ ﺟﻴﺒﻠﻨﺎ ﻗﻬﺎﻭﻱ
ﻏﺰﺭﺕ ﺭﻓﻴﻌﺔ ﺍﻟﺴﻜﺮﺗﻴﺮﺓ ﻭ ڨﺤﺮﺗﻠﻬﺎ ﺑﺨﺒﺎﺛﺔ ﺧﻼﺗﻬﺎ ﺗﻐﺰﻝ
- ﻣﺮﺣﺒﺎ ﺑﻴﻚ .. ﻟﺒﺎﺱ ﻋﻠﻴﻚ ... ﻋﺎﻳﻠﺘﻚ ﺍﻟﻜﻞ ﻟﺒﺎﺱ
- ﻟﺒﺎﺱ ﺍﻟﺤﻤﺪ ﻟﻠﻪ ... ﺃﻧﺖ ﻟﺒﺎﺱ ﻭ ﻋﻢ ﻣﺤﻤﺪ ﻟﺒﺎﺱ
- ﺗﻮﻓﻲ
- ﻳﺎﺍﺍ ﻣﺴﻜﻴﻦ ﺍﻟﻠﻪ ﻳﺮﺣﻤﻮ
- ﺣﺐ ﻳﺸﻮﻑ ﻭﻟﺪﻧﺎ ﻗﺒﻞ ﻣﻴﻤﻮﺕ ﻋﻠﻲ ﻫﺬﺍﻛﺎ ﺟﻴﺘﻚ ﺃﻣﺎ ﺃﻧﺘﻲ ﻗﺘﻠﻲ ﺑﻠﻲ ﻃﻴﺤﺖ ﺍﻟﺼﻐﻴﺮ ﺍﻟﻠﻪ ﻏﺎﻟﺐ
- ﻣﻜﺘﺒﺶ
ﺩﺧﻠﺖ ﺍﻟﺴﻜﺮﺗﻴﺮﺍ ﺟﺎﺑﺘﻠﻬﻢ ﻗﻬﺎﻭﻱ ﻭ ﺧﺮﺟﺖ
ﺍﻟﺤﻠﻘﺔ :43
- ﺷﻮ ﻧﻮﺭ ﺍﻟﺪﻳﻦ ﺃﻧﺎ ﻟﻴﻮﻡ ﺟﺎﻳﺘﻚ ﻓﻲ ﻗﻀﻴﺔ ﻭ ﻧﺘﻤﻨﻲ ﻣﺘﺨﻴﺒﻨﻴﺶ
- ﻋﻠﻲ ﻣﻨﻘﺪﺭ
- ﻣﺮﺕ ﻭﻟﺪﻱ ﺗﺨﻄﻔﺖ ﻭ ﺃﻧﺎ ﻧﻌﺮﻑ ﺑﻼﺻﺘﻬﺎ ﻭﻳﻦ ﺃﻣﺎ ﻣﻨﺠﻤﺘﺶ ﻧﺪﺧﻠﻠﻬﺎ ﺧﺎﺗﺮ ﻓﻤﺎ ﺑﺮﺷﺎ ﺭﺟﺎﻝ ﻣﺴﻠﺤﻴﻦ ﻋﻠﻲ ﻫﺬﺍﻛﺎ ﻗﺼﺪﺗﻚ ﺃﻧﺖ
- ﺑﺎﻫﻲ ﺷﻮ ﺧﻠﻴﻠﻲ ﺷﻮﻱ ﻭﻗﺖ ﻧﺸﻮﻑ ﺍﻟﺤﻜﺎﻳﺔ ﻭ ﻧﺪﺑﺮ ﺭﺟﺎﻝ ﻣﺮﻳﻘﻠﻴﻦ ﻭ ﻧﺨﺮﺟﻮﻫﺎ
- ﻣﻌﻨﺪﻳﺶ ﻭﻗﺖ ﻛﻨﺘﻲ ﻣﺎﺯﺍﻝ ﻛﻲ ﺧﺮﺟﺖ ﻣﻦ ﻋﻤﻠﻴﺔ ﺧﺎﻳﻔﺔ ﻛﺎﻥ ﺗﻤﻮﺕ
- ﻛﻴﻔﺎﻩ؟؟؟ ﻭ ﻗﺪﺍﻩ ﻋﻨﺪﻫﺎ ﺗﻮ ﻣﺨﻄﻮﻓﺔ
- ﺣﻜﺎﻳﺔ 5 ﺳﻮﺍﻳﻊ ﺍﻛﺎﻛﺎ
- ﺑﺎﻫﻲ ﻟﺤﻈﺔ ﺑﺮﻙ
ﻫﺰ ﺗﻠﻔﻮﻧﻮ ﻭ ﻗﻌﺪ ﻳﻜﻠﻢ ﻛﻞ ﻣﺮﺓ ﻓﻲ ﻭﺍﺣﺪ
- ﻫﻴﺎ ﺭﻓﻴﻌﺔ ﺳﺎﻳﺎ ﺭﺟﺎﻝ ﺣﺎﺿﺮﻳﻦ ﻳﺴﺘﻨﺎﻭ ﺍﻟﺒﺮﺍ ﺃﻣﺸﻲ ﺧﻠﻴﻨﺎ ﻧﺸﻮﻓﻮ ﺍﻟﺒﻼﺻﺔ
- ﺑﺎﻫﻲ
ﻣﺸﺎﺕ ﻣﻌﺎﻩ ﻭ ﻫﺪﻭ ﻋﻠﻲ ﺍﻟﺒﻼﺻﺔ ﺩﻳﺮﺍﻛﺖ .... ﻣﺼﺎﺭﺵ ﻛﺮﺗﻮﺵ ﺃﻣﺎ ﺍﻟﻜﻞ ﺿﺮﺑﻮﻫﻢ ﺑﺎﻟﻐﺪﺭﺓ ﺩﻭﺧﻮﻫﻢ ﻭ ﺩﺧﻠﻮ ﻳﻠﻮﺟﻮ ﻋﻠﻲ ﺗﺴﻨﻴﻢ ... ﻟﻴﻦ ﻟﻘﺎﻭﻫﺎ
ﻃﻠﻌﻮﻫﺎ ﻓﻲ ﺍﻟﻜﺮﻫﺒﺔ ﻭ ﻗﻌﺪﺕ ﺣﻤﺎﺗﻬﺎ ﺣﺎﻃﺘﻠﻬﺎ ﺭﺍﺳﻬﺎ ﻋﻠﻲ ﺳﺎﻗﻴﻬﺎ ﻭ ﺗﻬﺪﻱ ﻓﻴﻬﺎ
- ﺃﺻﺒﺮ ﻳﺎ ﺗﺴﻨﻴﻢ ﺑﻨﻴﺘﻲ ﺃﺻﺒﺮ ﻫﺎﻭ ﺗﻮ ﺑﺎﺵ ﻧﻬﺰﻙ ﻟﻠﺴﺒﻴﻄﺎﺭ . ﻋﻴﺶ ﺑﻨﺘﻲ ﻣﺘﺨﻮﻓﻨﻴﺶ ﻋﻠﻴﻚ
- ﺷﻨﻤﻮﺕ ﻣﻌﺎﺵ ﻧﺠﻢ ﺍﻫﻬﻪ
- ﺗﺴﻨﻴﻢ ﺑﻨﻴﺘﻲ ﻳﻔﺮﺣﻚ ﺷﺪ ﺭﻭﺣﻚ ﺷﻮﻱ ﻋﻠﻲ ﺧﺎﺗﺮ ﻗﺎﺳﻢ ﺭﺍﻭ ﺑﺎﺵ ﻳﻬﺒﻞ ﻋﻠﻴﻚ
ﺧﺬﺍ ﻧﻮﺭ ﺍﻟﺪﻳﻦ ﺗﻠﻔﻮﻧﻮ ﻭ ﻃﻠﺐ ﺑﺎﺵ ﺗﺠﻴﻪ ﺇﻳﻜﻴﺐ ﻛﺎﻣﻠﺔ ﻣﻦ ﺍﻟﻄﺒﺔ ﻟﻠﺪﺍﺭ
- ﺭﻓﻴﻌﺔ ﺧﻠﻴﻬﺎ ﻋﻨﺪﻱ ﺗﻮ ﻧﺘﻠﻬﻲ ﺑﻴﻬﺎ ﻭ ﺃﻧﺘﻲ ﺭﺩ ﺑﺎﻟﻚ ﻋﻠﻲ ﻭﻟﺪﻙ ﻣﺪﺍﻡ ﺧﻄﻔﻮ ﻣﺮﺗﻮ ﺃﻛﻴﺪ ﻧﺎﻭﻳﻴﻦ ﻋﻠﻴﻪ ﺯﺍﺩﺍ ﻭ ﻫﻮﻛﺎ ﻧﺨﺒﻴﻬﺎ ﻋﻨﺪﻱ ﻟﻴﻦ ﺗﻘﻮﻡ ﻟﺒﺎﺱ
- ﺍﻱ ﻭﺍﻟﻠﻪ ﺃﻋﺰ ﻓﻜﺮﺓ ﻳﻌﻴﺸﻚ
ﻭﺻﻠﻮ ﻟﺪﺍﺭ ﻧﻮﺭ ﺍﻟﺪﻳﻦ ﻳﻠﻘﺎﻭ ﺍﻳﻜﻴﺐ ﻛﺎﻣﻠﺔ ﺗﺴﺘﻨﺎ ﻓﻴﻬﻢ ... ﺩﻳﺮﺍﻛﺖ ﺩﺧﻠﻮ ﺗﺴﻨﻴﻢ ﻭ ﺣﻄﻮﻫﺎ ﻋﻠﻲ ﺍﻟﻔﺮﺵ ﻭ ﺑﻘﺎﻭ ﻳﻨﻀﻔﻮﻟﻬﺎ ﻓﻲ ﺍﻟﻌﻤﻠﻴﺔ
- ﺭﻓﻴﻌﺔ ﺃﻣﺸﻲ ﻗﺒﻞ ﻣﻴﺸﻠﻘﻮ ﺑﻴﻚ
- ﻻﺯﻣﻨﻲ ﻧﻄﻤﺎﻥ ﻋﻠﻴﻬﺎ ﻗﺒﻞ
- ﺧﻮﺫ ﻫﺎﻭ ﻛﺎﺭﺕ ﻣﺘﺎﻋﻲ ﻭ ﻋﻠﻴﻬﺎ ﻧﻴﻤﺮﻭﻳﺎ ... ﻛﻠﻤﻨﻲ ﺗﻮ ﻧﻄﻤﻨﻚ ﻋﻠﻴﻬﺎ
- ﺑﺎﻫﻲ ﻋﻴﺸﻚ ﺑﺎﻟﺴﻼﻣﺔ ﺗﻮ
- ﺧﻠﻴﻨﻲ ﻧﻮﺻﻠﻚ
- ﻻ ﻧﻤﺸﻲ ﻭﺣﺪﻱ ﺧﻴﺮ
- ﺑﺎﻫﻲ
ﺭﻭﺣﺖ ﺭﻓﻴﻌﺔ ﻭ ﻗﻌﺪ ﻧﻮﺭ ﺍﻟﺪﻳﻦ ﻳﺴﺘﻨﻲ ﻓﻲ ﺍﻟﻄﺒﺔ ﻳﻄﻤﻨﻮﻩ ﻋﻠﻴﻬﺎ
ﺍﻟﺤﻠﻘﺔ :44
ﺭﺟﻌﺖ ﺭﻓﻴﻌﺔ ﻟﻠﺴﺒﻴﻄﺎﺭ ﺗﺤﺐ ﺗﻮﺍﺳﻲ ﻗﺎﺳﻢ ﺷﻮﻱ
- ﺃﻣﻲ ﺗﺴﻨﻴﻢ ﻟﺘﻮ ﻻ ﺭﺟﻌﺖ
- ﺗﻮ ﺗﺮﺟﻊ ﻳﺎ ﻗﺎﺳﻢ ﺗﻮ ﺗﺮﺟﻊ ﻣﺘﺨﺎﻓﺶ
- ﻣﻨﻴﻦ ﺗﺮﺟﻊ ﻳﺎﻣﻲ ﻣﻨﻴﻦ ﺗﺮﺟﻊ ﺭﺍﻫﻲ ﻣﺮﻳﻀﺔ ﺑﻴﻦ ﺣﻴﺎﺓ ﻭ ﻣﻮﺕ
- ﺇﻳﺠﺎ ﻣﻌﺎﻳﺎ ﻋﻠﻲ ﺟﻨﺐ ﻧﺤﺐ ﻧﺤﻜﻲ ﻣﻌﺎﻙ
- ﺑﺎﻫﻲ ﺃﻣﻲ
ﻫﺰﺗﻮ ﻣﻌﺎﻫﺎ ... ﺑﻌﺪﺗﻮ ﻋﻠﻲ ﺍﻟﻌﻴﻨﻴﻦ ﻭ ﺷﺪﺗﻮ ﻣﻦ ﻳﺪﻳﻪ
- ﻗﺎﺳﻢ ﺃﻧﺖ ﺗﻮﺛﻖ ﻓﻴﺎ
- ﻻ ﺃﻣﻲ ﺍﻧﺘﻲ ﻣﺘﺤﺒﻨﺎﺵ ﻣﻨﺠﻤﺶ ﻧﻮﺛﻖ ﻓﻴﻚ
- ﻗﺎﺳﻢ ﺃﻧﺎ ﻋﻤﻠﺖ ﻣﻌﺎﻙ ﻧﻬﺎﺭ ﺣﺎﺟﺔ ﺧﺎﻳﺒﺔ .. ﺿﺮﻳﺘﻚ ﻓﻲ ﺣﺎﺟﺔ
- ﻻ
- ﺑﺎﻫﻲ ﻛﻲ ﻧﻘﻠﻚ ﺑﻠﻲ ﺃﻧﺎ ﻧﻌﺮﻑ ﺗﺴﻨﻴﻢ ﻭﻳﻦ ﻭ ﺗﻮ ﻣﺨﺒﻴﺘﻬﺎ ﻭ ﺑﻘﺪﺭﺓ ﺭﺑﻲ ﻟﺒﺎﺱ ﺷﻨﻮﺍ ﺗﻘﻠﻲ
- ﺃﻣﻲ ﺗﺤﻜﻲ ﺑﺎﻟﺮﺳﻤﻲ ﻭﻻ ﺗﻔﺪﻙ
- ﻭﺭﺍﺳﻚ ﻻﻧﻲ ﻧﻔﺪﻟﻚ ﺗﺴﻨﻴﻢ ﻓﻲ ﺍﻟﺤﻔﻆ ﻭ ﺍﻷﻣﺎﻥ ﺍﻟﻄﺒﺔ ﻗﺎﻋﺪﻳﻦ ﻳﺘﻠﻬﺎﻭ ﺑﻴﻬﺎ
- ﻋﻼﻩ ﻫﺰﻳﺘﻬﺎ ﻣﻦ ﻫﻮﻧﻲ ﻣﺨﻠﻴﺘﻬﺎﺵ ﺗﺘﻌﺎﻟﺞ
- ﺣﻜﺎﻳﺔ ﻃﻮﻳﻠﺔ ﻳﺎ ﻭﻟﻴﺪﻱ ﺃﻣﺎ ﺗﺴﻨﻴﻢ ﺭﺍﻭ ﺗﺨﻄﻔﺖ ﻭ ﺃﻧﺎ ﺭﺟﻌﺘﻬﺎ
- ﺗﻲ ﻛﺎﻥ ﻣﻮﺵ ﺃﻧﺘﻲ ﺳﺒﺐ ﺍﻟﻌﻤﺎﻳﻞ ﺍﻟﻜﻞ ... ﻣﺎﻻ ﺷﻜﻮﻥ
- ﺷﻮ ﻋﻴﺶ ﻭﻟﺪﻱ ﻣﻨﺤﺒﻜﺶ ﺗﺘﺼﺪﻡ ﺃﻣﺎ ﺭﺍﻭ ﺑﻮﻙ ﻫﻮ ﺍﻟﻲ ﻋﻤﻞ ﺍﻟﺸﻲ ﻫﺬﺍ ﺍﻟﻜﻞ ﻭ ﻣﻌﺎﻩ ﺷﻜﻮﻥ
- ﺷﻜﻮﻥ ﻣﻌﺎﻩ
- ﺧﻮﻟﺔ
- ﺧﻮﻟﺔ؟؟ ﺃﺧﺖ ﺑﺴﻤﺔ
- ﺃﻱ
- ﺷﻨﻮﺍ ﺗﺤﺐ ﻣﻨﻲ
- ﺗﺤﺐ ﺗﻨﺘﻘﻢ ﻷﺧﺘﻬﺎ
- ﻭ ﺑﺎﺑﺎ
- ﻫﺒﻞ ﻋﻠﻲ ﺃﻭﺭﺍﻕ ﺍﻟﻤﻠﻜﻴﺔ ﻛﺎﻥ ﻳﻀﻦ ﺑﻠﻲ ﻫﻮ ﺳﺎﻳﺎ ﺩﺑﺮﻫﺎ ﻭ ﺑﺎﺵ ﺗﺘﺤﻞ ﻓﻲ ﻭﺟﻬﻮ ﺃﻣﺎ ﻛﻲ ﺭﺟﻌﺖ ﺍﻧﺖ ﺃﺣﻼﻣﻮ ﺍﻟﻜﻞ ﺗﺒﺨﺮﺕ ﻭ ﻧﻘﻢ ﻋﻠﻴﻚ
- ﺯﺍﻳﺪ ﻣﺴﺘﺤﻴﻞ ﻳﺤﺒﻨﻲ ﻭ ﺃﻧﺎ ﻣﻮﺵ ﻭﻟﺪﻭ ... ﺃﻣﺎ ﻟﻴﺎﻡ ﺑﻴﻨﺎﺗﻨﺎ ﺗﻮ ﻧﻮﺭﻳﻬﻢ ﺃﻧﺎ ﺷﻜﻮﻥ ﻏﻴﺮ ﺗﺮﺟﻌﻠﻲ ﺗﺴﻨﻴﻢ ﻭ ﺗﻮ ﻳﺸﻮﻓﻮ ﺍﻟﻀﺮﺏ ﺍﻟﺼﺤﻴﺢ ﻛﻴﻔﺎﻩ
ﺗﺒﺴﻤﺖ ﺭﻓﻴﻌﺔ ﻭ ﺟﺒﺪﺕ ﺍﻟﻜﺎﺭﺕ ... ﺧﺬﺍﺕ ﺍﻟﺮﻗﻢ ﻭ ﻃﻠﺒﺖ ﻧﻮﺭ ﺍﻟﺪﻳﻦ
- ﺍﻫﻼ ﻧﻮﺭ ﺍﻟﺪﻳﻦ ﻃﻤﻨﻲ ﺗﺴﻨﻴﻢ ﻟﺒﺎﺱ
- ﻟﺒﺎﺱ ﻋﻠﻴﻬﺎ ﺗﻠﻬﺎﻭ ﺑﻴﻬﺎ ﺍﻟﺠﻤﺎﻋﺔ ﻭ ﺗﻮ ﻓﺎﻗﺖ
- ﺗﻨﺠﻢ ﺗﻌﺪﻳﻬﺎﻟﻲ
- ﺃﻱ ﻟﺤﻈﺔ ﺑﺮﻙ
ﻋﻄﺎﺕ ﺭﻓﻴﻌﺔ ﺗﻠﻔﻮﻥ ﻟﻘﺎﺳﻢ ﻭ ﻫﻮ ﻣﻠﻬﻮﻑ ... ﻟﻴﻦ ﺗﻜﻠﻤﺖ ﺗﺴﻨﻴﻢ ﺑﺼﻮﺕ ﺣﻨﻴﻦ ﻭ ﺧﻔﻴﻒ
- ﺃﻟﻮ
- ﺗﺴﻨﻴﻢ ﻭﻳﻨﻚ ﻳﺎ ﺭﻭﺣﻲ
- ﻟﺒﺎﺱ ﻗﺎﺳﻢ ﺃﻧﺎ ﻓﻲ ﺧﻴﺮ ﻗﻠﻲ ﺃﻧﺖ ﻟﺒﺎﺱ
- ﺧﺎﻳﻒ ﻋﻠﻴﻚ
- ﻣﺘﺨﺎﻓﺶ ﺃﻣﺎ ﺃﻧﺖ ﺭﺩ ﺑﺎﻟﻚ ﻋﻠﻲ ﺭﻭﺣﻚ ﻣﻦ ﺑﻮﻙ ﺭﺍﻭ ﻫﻮ ﺍﻟﻲ ﺧﻄﻔﻨﻲ ﻭ ﻫﺪﺩﻧﻲ ﺑﺄﻭﺭﺍﻕ ﺍﻟﻤﻠﻜﻴﺔ ... ﺗﺼﺮﻑ ﻭ ﺭﺩ ﺑﺎﻟﻚ ﺗﺨﻠﻴﻬﻢ ﻳﺎﺧﻮ ﺍﻷﻭﺭﺍﻕ
- ﺗﻬﻨﻲ ﺍﻷﻭﺭﺍﻕ ﺧﺒﻴﺘﻬﻢ ﻣﺴﺘﺤﻴﻞ ﻳﻨﺠﻮ ﻳﻮﺻﻠﻮﻟﻬﻢ ﺍﻟﻤﻬﻢ ﺃﻧﺘﻲ ﻟﺒﺎﺱ
- ﺃﻱ ﻟﺒﺎﺱ
ﺧﺬﺍﺕ ﺭﻓﻴﻌﺔ ﺗﻠﻔﻮﻥ ﻣﻦ ﻗﺎﺳﻢ ﻭ ﻛﻠﻤﺖ ﺗﺴﻨﻴﻢ
- ﺗﺴﻨﻴﻢ ﺧﻠﻴﻚ ﻣﻊ ﻋﻤﻚ ﻭ ﻗﺎﺳﻢ ﺗﻬﻨﻲ ﻋﻠﻴﻪ
- ﺣﻤﺎﺗﻲ ﻋﻴﺸﻚ ﺧﺎﺗﺮ ﻧﻘﺬﺗﻨﻲ
- ﺑﻴﻨﺘﻨﺎﺵ ﺑﻨﺘﻲ ﺭﺍﻙ
ﺍﻟﺤﻠﻘﺔ :45
ﺭﺟﻊ ﻗﺎﺳﻢ ﺑﺠﻨﺐ ﻋﺎﻳﻠﺖ ﺗﺴﻨﻴﻢ ﻭ ﺑﺪﺍ ﻳﻤﺜﻞ ﺑﻠﻲ ﻫﻮ ﻣﺘﺄﺛﺮ ﻭ ﻫﻮ ﻗﻠﺒﻲ ﻗﺮﻳﺐ ﻳﻄﻴﺮ ﺑﺎﻟﻔﺮﺣﺔ ﻛﻲ ﺳﻤﻊ ﺻﻮﺕ ﺗﺴﻨﻴﻢ ﻟﺒﺎﺱ
- ﻋﻤﻲ ... ﻋﻤﺘﻲ ﺧﻠﻴﻨﺎ ﻧﺮﻭﺣﻮ ﺗﻮ ﻛﺎﻥ ﻟﻘﺎﻭﻫﺎ ﻳﺨﺒﺮﻭﻫﺎ
- ﺇﻧﺸﺎﺀ ﺍﻟﻠﻪ ﻳﻠﻘﺎﻭﻫﺎ ﻳﺎ ﻭﻟﻴﺪﻱ ﺇﻧﺸﺎﺀ ﺍﻟﻠﻪ
ﺭﻭﺡ ﺑﻴﻬﻢ ﻗﺎﺳﻢ ﻭ ﺭﻭﺡ ﺑﺄﻣﻮ ﻣﻌﺎﻩ ﻟﻠﺪﺍﺭ
- ﻗﺎﺳﻢ ﺗﻘﺎﺑﻠﺖ ﺃﻧﺎ ﻭ ﺧﻮﻟﺔ ﻫﻮﻧﻲ ﻳﻌﻨﻲ ﺧﻠﻴﻨﺎ ﻣﻨﺤﻜﻮ ﺣﺘﻲ ﺷﻲ ﺑﺨﺼﻮﺹ ﺍﻟﺤﻜﺎﻳﺔ
- ﺑﺎﻫﻲ
ﻗﻌﺪ ﻗﺎﺳﻢ ﻳﻤﺜﻞ ﻛﻮﻡ ﻛﻮﺍ ﻣﻴﻌﺮﺵ ﺗﺴﻨﻴﻢ ﻭﻳﻦ ﻭ ﻫﻮ ﻭﻳﻦ ﻳﺘﻐﺼﺮ ﻳﺨﺒﻲ ﺿﺤﻜﺘﻮ ﺑﺎﻟﺴﻴﻒ
.....
- ﺑﻨﺘﻲ ﻟﺒﺎﺱ
- ﻟﺒﺎﺱ ﻋﻢ ..
- ﻧﻮﺭ ﺍﻟﺪﻳﻦ
- ﻧﺘﺸﺮﻓﻮ
- ﻭ ﺑﻴﻚ ﺑﻨﻴﺘﻲ ... ﺃﺣﻜﻴﻠﻲ ﺷﺼﺎﺭﻟﻚ
- ﺣﻤﻮﻳﺎ ﺍﻟﻠﻪ ﻳﻬﺪﻳﻪ ﻳﺤﺐ ﻳﺎﺧﻮ ﺃﻣﻼﻙ ﺭﺍﺟﻠﻲ ﻳﺎﺧﻲ ﻛﻲ ﺧﺬﻳﻨﺎﻫﻢ ﺣﺐ ﻳﻨﺘﻘﻢ ﻣﻨﺎ
- ﻭ ﻛﻴﻔﺎﻩ ﺑﻮ ﺭﺍﺟﻠﻚ ﻳﻨﺘﻘﻢ ﻣﻦ ﻭﻟﺪﻭ
- ﻣﻨﻌﺮﺵ ﻫﻜﺎﻛﺎ
- ﻗﺪﺍﻩ ﻋﻤﺮﻭ ﺭﺍﺟﻠﻚ
35- ﻗﺮﻳﺐ 36
- ﺃﻣﻤﻤﻢ ﺗﻌﺮﻑ ﺗﺎﺭﻳﺦ ﻣﻴﻼﺩﻭ
- ﻋﻼﻩ ﺗﺴﺄﻝ
- ﻻ ﺟﻴﺴﺖ ﻗﻠﺖ ﻛﺎﻥ ﻗﺮﻳﺐ ﻭ ﺃﻧﺖ ﻣﺎﺯﺍﻝ ﻣﺘﺤﺴﻨﺘﺶ ﻧﺠﻴﺒﻮﻩ ﻫﻮﻧﻲ ﻭ ﻧﻌﻤﻠﻮﻟﻮ ﺣﻔﻠﺔ
- ﻻ ﻣﺎﺯﺍﻝ ﻛﺎﻥ ﺷﻬﺮ ﺃﺧﺮ
- ﺍﺍﺍ ﺑﺎﻫﻲ
ﺗﺒﺴﻢ ﻓﻲ ﻭﺟﻬﺎ ﻭ ﺧﺮﺝ ﻭﺧﻼﻫﺎ .... ﻭﻗﻒ ﻣﻦ ﺍﻟﺒﻠﻜﻮﻥ ﻳﺘﻔﺮﺝ ﻓﻲ ﺍﻟﻄﺮﻳﻖ ﻭ ﻣﺨﻮ ﻫﺰﻭ ﻝ 35 ﺳﻨﺔ ﻟﺘﺎﻟﻲ
-""" ﻳﺎ ﺑﺎﺑﺎ ﻋﻴﺸﻚ ﻣﻨﺤﺒﺶ ﻧﺎﺧﻮﻫﺎ ﺃﻧﺎ ﺑﻨﺖ ﻋﻤﺘﻲ ﻣﻨﺤﺒﺶ .. ﺗﻌﺮﻓﻨﻲ ﻧﺤﺐ ﺭﻓﻴﻌﺔ
- ﺷﻨﻮﺍ ﺷﻨﻮﺍ؟؟؟ ﺗﺤﺐ ﻫﺬﻳﻜﺎ ﺍﻟﻲ ﺟﻴﻌﺎﻧﺔ ﻭ ﺗﻠﻮﺝ ﻛﺎﻥ ﻋﻠﻲ ﻓﻠﻮﺳﻚ ﻭ ﺗﺴﻴﺐ ﺑﻨﺖ ﻋﻤﻚ ﺍﻟﻲ ﻣﻦ ﻣﺴﺘﻮﺍﻙ
- ﻳﺎ ﺑﺎﺑﺎ ﻋﻼﻩ ﻣﺘﻔﻬﻤﺶ ﺭﺍﻧﻲ ﻣﻨﺤﺒﻬﺎﺵ ﺑﺎﺵ ﺗﻔﻬﻢ ﺍﻧﺖ
- ﻛﺎﻥ ﻣﺘﺴﻤﻌﺶ ﻛﻼﻣﻲ ﺑﺎﺵ ﻧﺤﺮﻣﻚ ﻣﻦ ﺍﻟﻮﺭﺙ ﺣﻴﺎﺗﻚ ﺍﻟﻜﻞ ﻭ ﺭﻓﻴﻌﺔ ﻧﻘﺘﻠﻬﺎ ﻗﺪﺍﻡ ﻋﻴﻨﻴﻚ
- ﺑﺎﺑﺎ ..
- ﻛﻠﻤﺔ ﻻ ﻛﻼﻣﻲ ﻭﺍﺿﺢ
- ﺑﺎﻫﻲ """""
ﺗﻨﻬﺪ ﺗﻨﻬﻴﺪﺓ ﻛﺒﻴﺮﺓ ﻭ ﺗﻜﻠﻢ ﺑﺼﻮﺕ ﺿﻌﻴﻒ ﻭ ﻣﺨﻨﻮﻕ
"" ﺍﻟﻠﻪ ﻳﻬﺪﻳﻚ ﻳﺎ ﺑﺎﺑﺎ ﻛﺎﻥ ﻣﻮﺵ ﻣﻨﻚ ﺭﺍﻧﻲ ﺗﻮ ﻣﺘﻬﻨﻲ ﻣﻌﺎﻫﺎ ﻭ ﺣﻴﺎﺗﻲ ﻣﺘﻔﺮﻫﺪﺓ ﺍﻟﻠﻪ ﻳﻬﺪﻳﻚ ""
.... ﺗﻌﺪﺍﺕ ﺟﻤﻌﺔ ﻭ ﺗﺴﻨﻴﻢ ﻭﻻﺕ ﺧﻴﺮ ﺑﺒﺮﺷﺎ ﻭ ﺗﺤﺴﻨﺖ ﺣﺎﻟﺘﻬﺎ ... ﻛﻠﻤﺖ ﻗﺎﺳﻢ ﻣﺮﺗﻴﻦ ﺑﺮﻙ ﻣﺘﺤﺒﺶ ﺗﻜﺜﺮ ﻋﻠﻴﻬﻢ ﺍﻟﺸﺒﻬﺎﺕ
ﺍﻟﻨﻬﺎﻳﺔ
- ﻗﺎﺳﻢ ﻭﻟﻴﺪﻱ ﻟﻮﻗﺘﺎﻩ ﺑﺎﺵ ﻧﺒﻘﻮ ﻋﻠﻲ ﺍﻟﺤﺎﻟﺔ ﻫﺬﻱ ﻭ ﺑﻮﻙ ﻛﻞ ﻣﺮﺓ ﻳﻬﺪﺩﻧﺎ ﺧﻠﻴﻨﻲ ﻧﻘﺪﻣﻮ ﻓﻴﻪ ﻗﻀﻴﺔ
- ﻻﺯﻣﻨﺎ ﺩﻟﻴﻞ
- ﺷﻮ ﺃﻧﺎ ﻋﻨﺪﻱ ﻓﻴﺪﻳﻮ ﺇﻧﺸﺎﺀ ﺍﻟﻠﻪ ﺑﻮﻙ ﻣﻴﻄﻠﻌﺶ ﻟﻘﺎﻩ ﺧﺎﺗﺮ ﺃﻧﺎ ﺧﺒﻴﺘﻮ ﻏﺎﺩﻱ ﻭ ﻓﻴﻪ ﺗﺨﻄﻴﻂ ﻣﺘﺎﻋﻮ ﻛﻲ ﺑﻴﺨﻄﻔﻬﺎ ﻭﻳﻦ ﺑﺎﺵ ﻳﺤﻄﻬﺎ
- ﻧﻤﺸﻲ ﻣﻌﺎﻙ ﻧﺠﻴﺒﻮﻩ
- ﺑﺎﻫﻲ
ﻣﺸﺎ ﻗﺎﺳﻢ ﻫﻮ ﻭ ﺃﻣﻮ ﻭ ﺩﺧﻠﻮ ﻋﻠﻲ ﺃﺳﺎﺱ ﺑﺎﺵ ﻳﻜﻤﻠﻮ ﻳﻬﺰﻭ ﺍﻟﺪﺑﺶ ﻭ ﻫﻲ ﺧﺬﺍﺕ ﺍﻟﻔﻴﺪﻳﻮ ﻭ ﻣﻦ ﺃﻟﻄﺎﻑ ﺍﻟﻠﻪ ﻣﻠﻘﺎﻫﺶ ... ﻫﺰﺕ ﺩﺑﺸﻬﺎ ﺍﻟﻜﻞ ﻭ ﻣﺸﺎﺕ ﻣﻊ ﻗﺎﺳﻢ
- ﺃﻱ ﺃﻣﻲ ﻭ ﺧﻮﻟﺔ ﺃﻛﻴﺪ ﻣﻮﺵ ﺑﺎﺵ ﺗﺴﻜﺖ
- ﻋﻨﺪﻙ ﺍﻟﺤﻖ
ﺑﻘﺎﻭ ﺯﻭﺯ ﻳﺨﻤﻤﻮ ﻟﻴﻦ ﺗﺬﻛﺮﺕ ﺭﻓﻴﻌﺔ ﺍﻟﻜﺎﻣﻴﺮﺍ
- ﻣﺒﻬﻤﻨﺎ ﻳﺎ ﻗﺎﺳﻢ ﻣﻮﺵ ﺃﻧﺖ ﻋﻨﺪﻙ ﻛﺎﻣﻴﺮﺍ ﺯﺍﺩﺍ
- ﺃﻱ
- ﺷﻨﻮﺍ ﺃﻱ؟؟ ﻫﺎﺕ ﺧﻠﻴﻨﺎ ﻧﺸﻮﻑ ﺍﻟﻔﻴﺪﻭ ﺍﻟﻲ ﻓﻴﻬﺎ
ﺟﺒﺪﻫﺎ ﻗﺎﺳﻢ ﻭ ﺑﻘﺎﺕ ﻳﺘﻔﺮﺝ ﻓﻴﻬﺎ ﻣﻦ ﻟﻮﻝ ﻭﻳﻦ ﺟﺎﺕ ﺧﻮﻟﺔ ﻭ ﺣﻜﺎﺕ ﻣﻊ ﺃﻣﻮ ... ﺳﺠﻞ ﺍﻟﺒﺎﺭﺗﻲ ﻫﺬﻳﻜﺎ ﻭ ﺭﺟﻊ ﺍﻟﻜﺎﻣﻴﺮﺍ ﻟﺒﻼﺻﺘﻬﺎ
ﻣﺸﺎﻭ ﺯﻭﺯ ﻗﺪﻣﻮ ﺑﻴﻬﻢ ﻗﻀﻴﺔ ﻭ ﻋﻄﺎﻭ ﺍﻟﺪﻟﻴﻞ ﻣﺘﺎﻋﻬﻢ ﻭ ﻓﻴﺴﻊ ﻣﺎ ﺷﺪﻭ ﺑﻮﻩ ﻭ ﺧﻮﻟﺔ
- ﺃﻟﻮ ﺗﺴﻨﻴﻢ ﻳﺎ ﺭﻭﺣﻲ ﺃﻣﺲ ﻗﺪﻣﺖ ﺷﻜﺎﻳﺔ ﺑﺒﺎﺑﺎ ﻭ ﺧﻮﻟﺔ ﻭ ﻟﻴﻮﻡ ﺍﻟﻤﺤﻜﺔ
- ﺑﺎﻟﺤﻖ ﻗﺎﺳﻢ
- ﺃﻱ ﺳﺎﻳﺎ ﺑﺎﺵ ﻧﺮﺗﺎﺣﻮ ﻣﻨﻬﻢ ﻭ ﻧﻜﻤﻠﻮ ﺣﻴﺎﺗﻨﺎ
- ﻫﻬﻬﻬﻪ ﺇﻧﺸﺎﺀ ﺍﻟﻠﻪ ﻳﺎ ﺭﺑﻲ ﺇﻧﺸﺎﺀ ﺍﻟﻠﻪ
ﺗﺴﻨﻴﻢ ﻓﺮﺣﺖ ﺑﺮﺷﺎ ﺑﺎﻟﺨﺒﺮ ﻭ ﺩﻳﺮﺍﻛﺖ ﺣﻜﺎﺕ ﻣﻊ ﻧﻮﺭ ﺍﻟﺪﻳﻦ
- ﻋﻢ ﻧﻮﺭ ﺍﻟﺪﻳﻦ ﺃﻣﺎﻥ ﺗﺎﺧﻮﻧﻲ ﻟﻠﻤﺤﻜﻤﺔ ﻧﺤﺐ ﻧﺤﻀﺮ ﻟﻠﻤﺤﺎﻛﻤﺔ ﻭ ﻫﻮﻛﺎ ﻧﺸﻬﺪ ﻣﻊ ﻗﺎﺳﻢ ﻓﻲ ﺍﻟﻘﻀﻴﺔ
- ﺑﺎﻫﻲ ﺑﻨﺘﻲ
.... ﺑﺪﺍﺕ ﺍﻟﻤﺤﻜﻤﺔ ﻭ ﺧﻮﻟﺔ ﻭ ﺑﻮ ﻗﺎﺳﻢ ﻧﻜﺮﻭ .. ﻟﻴﻦ ﺩﺧﻠﺖ ﺗﺴﻨﻴﻢ ﻭ ﺷﻬﺪﺕ ﺿﺪﻫﻢ ... ﺗﺤﻜﻢ ﻋﻠﻴﻬﻢ ﺏ 5 ﺳﻨﻴﻦ ﺣﺒﺲ ﻣﻊ ﺍﻷﻋﻤﺎﻝ ﺍﻟﺸﺎﻗﺔ ..
ﺧﺮﺟﺖ ﺗﺴﻨﻴﻢ ﻭ ﻗﺎﺳﻢ ﻣﺤﻤﻠﻬﺎ ﻭ ﻳﺴﺎﻋﺪ ﻓﻴﻬﺎ ﺑﺎﺵ ﺗﻤﺸﻲ ﺧﺎﺗﺮ ﺍﻟﺠﺮﺡ ﻣﺎﺯﺍﻝ ﻣﺒﺮﺍﺵ
ﺭﻓﻴﻌﺔ ﻛﺎﻧﺖ ﺗﻤﺸﻲ ﻭﺭﺍﻫﻢ ﻫﻲ ﻭ ﻧﻮﺭ ﺍﻟﺪﻳﻦ ﻭ ﻫﻮﻣﺎ ﻳﻐﺰﺭﻭﻟﻬﻢ ﻭ ﻓﺮﺣﺎﻧﻴﻦ
ﺭﺟﻌﻮ ﺗﺴﻨﻴﻢ ﻟﺪﺍﺭ ﻧﻮﺭ ﺍﻟﺪﻳﻦ ﻳﺤﺒﻮﻫﺎ ﺗﺰﻳﺪ ﻧﻬﺎﺭﻳﻦ ﺗﻜﻤﻞ ﺩﻭﺍﻫﺎ ﻭ ﺗﺮﺟﻊ ﻣﻌﺎﻩ ... ﻓﻲ ﺍﻟﻠﻴﻞ ﺳﺎﻫﺮﻳﻦ ﻣﻊ ﺑﻌﻀﻬﻢ ... ﻗﺎﺳﻢ ﻫﺰ ﺗﺴﻨﻴﻢ ﻟﺒﻴﺘﻬﺎ ﻭ ﻗﻌﺪﺕ ﺭﻓﻴﻌﺔ ﻣﻌﺎﻩ ﺭﺍﺱ ﺭﺍﺱ
- ﺭﻓﻴﻌﺔ
- ﻧﻌﻢ
- ﻗﺎﺳﻢ ﻭﻟﺪﻱ
ﻫﺰﺕ ﺭﺍﺳﻬﺎ ﻭ ﺷﺎﻭﺭﺗﻠﻮ ﺑﺄﻱ ... ﻏﻤﺾ ﻋﻴﻨﻴﻪ ﻭ ﺿﺤﻚ ﻣﻮﺵ ﻣﺼﺪﻕ ﺑﻌﺪ ﺍﻟﺴﻨﻴﻦ ﻫﺬﻱ ﻟﻜﻞ ﻟﻘﺎ ﻭﻟﺪﻭ
ليست هناك تعليقات:
إرسال تعليق