الرئيسية غير مصنف احببت قطة

احببت قطة

قصص وحكايات 2

A+ A-

الجزء الأول.....#عيون-قطة
ييب بييييب
شنوه التزمير هذا شبيه السيد مستعجل تلفت بش نتعارك معاه اما الكرهبه هزتلي عقلي سرحت فيها وهو طل براسو
_اركب يا مهبوله اركب.
_كوكو من اين لك هذا؟؟
_اركب واسكت.
_يا هاله يا عمر ايجاو شوف الباخره الي جاي بيها كوكو وكيف المغبنه الكل طلعنا نتجراو من برا ترعب ومن داخل تهز العقل
_يامعلم شنوه هذا؟
_شبيكم صليو على النبي لا تنفسو الكرهبه.
_منين جبتها هذه؟
_جبتها منين جبتها المهم بش نعديو بيها نهير وين نمشيو يا مهبله

_اسأل العشاق ،عمر هاله وين نمشيو؟
_اسكت تو نتصرف وحدي ونهزكم لبلاصه فتوق زاده.
_اوك ،خدم cdشبيك موقفو.
مديت يدي للبلادور خدمت cd نلقى محبوبي يغني في غنايه انا نعشقها بدات من المقطع متاع
"" الويل لي من خنجر طعن الموده
الويل لي من فجر يوم ليتني ما عشت بعده
الويل لي كم نمت مخدوعا على تلك المخده.""
_بربي سكر عليا بكري حليت نلقاها الويل لي الويل وشد غادي ومات سكرتو الحاصل.
_ما تحبوش ؟؟ تعرف هذا شكون هذا كاظم
_نتشرفوا
_مسقطك ستر ربي اسمو على اسمك يا كاظم
_اما انا خير اكيد!
_اي شنوه خير ما فما حتى راجل خير من كاظم انت اصلا كان ما جاش اسمك كاظم ما نكلمكش وما نحكيش معاك.
_على الاقل فما حاجه تحببني في هالاسم
_علاه ما تحبوش اسم القيصر يا معلم.
_ما فما قيصر لنا كان عمر حاط هاله عندو وخانس
عمر:عقبالك يا برنس
كاظم :يا ذنوبي كان تعبرني قتلك تحب كاظم
عمر:وانت سيد الكاظمين هههه
كاظم:نفطروا هوني صاحبي؟
فطرنا بلاصه محلاها مزيانه العشاق سرحو بعدو علينا شوي في الطبيعه نحن قعدنا في الكرهبه نستناو ونحكيو وعاودت حطيت مستبده اتكيت براسي لتالي غمضت عنيا وسرحت.
قالت لكل الاصدقاء هذا الذي ما حركته اميرة بين النساء
سيستدير كخاتم في اصبعي ويشك نار لو رأى شخصا معي
سترونه بين يدي اضعف من ضعيف
سيتطاير امامي كاوراق الخريف.
يااااااا مستبده.
انت التي اسميتها تاج النساء اقسي على قلبي ومزقيه لو اساء.
حاجه قسط عليا انسجامي وفرحي وخشوعي اي كاظم يشبشبلي في شعري
_شبيك ماسط انت
_يزي بلا شاعريه برك ما فهمتش اش عاجبك فيها هالمنوحه اش تحبوا فيها.
_كلام قوي فهمتوا انت اش يقلها
_ما فهمتوش وما نحبش نفهمو وانا وين نمشي نلقاه في الدار وفي الكرهبه حتى اسمي هو بف حال وبرا.
_هام جاو عمر وهاله خير فماش ما ترحموا كاظم ورجعلي كاظم ولا شوف حاجه اخرى.
_لا تهنى بش تلقى حاجه اخرى اما متاع كاظم اكيد.
ثنيه كامله نقرا في _CDكرهبه شكون هذه شكون هالذواق محلاها كرهبتو ومحلا د يكور ها ومحلا الغناء الي فيها ما يدل كان على فخامة صاحبها.
_الو
_مريام شنوه رايك في نهار اليوم؟
_مقومني من النوم بش تقلي اش رايك في نهار اليوم نهار كيف نهارات الكل اشنوه السبيسيال الي فيه بربي
_اها يا حقيره جايبلك كرهبه ونحوس بيك من بلاصه لبلاصه ونسمع فيك في هاك الي يتويل هذاك وتقلي نهار عادي والله انا الي مانيش عادي نتسلفلك في كرهبه
_كرهبه شكون هذيكا.
_اش يهمك برا ارجع اتكب
_وانت وينك هاو برررشه حس
_ساهر مع الاولاد
_ابقى هكاكا رد بالك تتبدل بدنك طيحتو كان انت وزيد ابقى اشرب هكاكا فهمت
_يا ميمتي ملا خرنانه انا الغالط طلبتك برا بون وي
_اوك،بون وي
_بون وي يا مستبده..كاظم عشيري قرينا مع بعضنا سنين من الليسي للفاك كاظم مش قراي برشه اما من عايله لاباس بيها برشه قريب تشريلو النجاح بالفلوس واقفين معاه لباس مدلل بفلوسو اما صحة هي العائق الوحيد في حياتو من اول نهار عرفت فيه كاظم لتوا وهو في نفس البدن ضعيف على الاخر ديما مرهق ووجهو اصفر سبور ما يلعبش تكوير مع الاولاد ما يكورش وزيد حطم روحو بالشرب كاظم لاو ولد مزيان بش لبنات تحبو ولاو قراي بش الاولاد يصوحبوه اما هما يترماو عليه خاطر فلوسو الاولاد بش ديما يخرجهم ويشربهم والبنات يدبرو في روسهم انا علاقتي بيه لاي هكا ولاي هكا انا كاظم يااااسر يسخفني وديما نتقربلو ونحسو خويا ولد انا وعمر وهاله اصحابو الوحيدين الي نحبوه بالحق وبقية الناس يستغلو فيه بالنسبه ليا ياسر يسخفني ونتعاطف معاه وزيد ولات عشره ولينا اعز اصحاب ديما مع بعضنا في الفاك كل شئ يحكيهولي وانا ديما نحاول ننصحو ونعاونو اليوم مثلا نهار كامل ما فماش وتاليفونو مسكر نهار في الجمعه اكيد بش يتفقد بعد كل قعده وشرب يغيب نهار نهارين ويظهر بعد يرجع بدنو بالشوي ما فهمتش هو يعمل هكا شامت في شكون حطم روحو بالعيشه هذه قادر ينسى ويتجاوز من غير ما ينسي روحو بالشرب الزح قداه يسخفني.
مر يم
واخيرا سي الشباب تلاثه ايام لا حس ولا خبر
_ما تقليش توحشتني!؟
_مالقيت شكون نتوحش انا!!!
_انا توحشتك
_وحش ياكلك
_اااا على ذكر الوحش انا الجمعه الجايه نعمل العشرين
_هيا مبروك ،مبروك مبروك
_تي اسكتو واسمعوني قبل بش نعمل حفله في دارنا وكلكم بش تجيو ونحب نعملو جو حو كبييير الحفله نحبها سبيسيال وبش نعملوها تنكوريه بلاده هكاكا نبدلو الجو ونعملو ضحكه باهيه ،واااضح
_واضح والله فكره مش دونيه نبدلو الجو ونعملو برنامج حلو كوكو
، _انت فتقلي روحك نحبك ملكه ،الفاك الكل استدعيتها.بف جمعه كامله والناس الكل تحضر في هالحفله الناس الكل هابلين شنوه يلبسو اما اغلبهم نظمو جوهم حتى انا خترت لبسه نحبها برشه وان شاء نطلع حلوه.
ما لقيت ما تعمل جايبني لحفله متاع زغزغ
_مالا تحبني نجي وحدي معاهم!عمي رضوان انا؟
_لا انا عمي رضوان يلزمني نمشي في العفس
_يا خالد ياخي وليت ما تحبش الحفلات انت ؟؟؟
_نحب الحفلات والشيخات والبنات اما مش كمشه شطر هم ما عملش العشرين
_ههههه في عمري حتجتك مره فضحتني الحاصل يا حيف على الصحوبيه
_ايمن يا خويا يا صاحبي يا عشيري تو زوز شراف كيفنا في 35 سنه تنجم تفهمني اش يعملو هوني في حفلة العشرين ويعطيك ربي حفله تنكريه !!!
_انا ما انجمش نخلي كاظم في عيد ميلادو انت تعرف كاظم شنوه بالنسبه ليا والنهار هذا حلمت بيه برشه يولي عمرو 20انت تعرف الظروف الصحيه الكل وديما يدي على قلبي يوصل العشرين لا وقتاه ربي مقدرلو انت تعرف اش قالو الطبه بف ما نحبش نتخنق توا.
_هاو بش يقلبهالي دراما ما يكفينيش انا هاك الفرازه من بكري تبحلقلي زيد انت نكد عليا
_اما فرازه؟
_اهيكا الي متنكره كعبه فراز شوف شوف الاخرى نجمه ههههه وشمس زاده هههه هاو سوبر مان هنا يا عيني ياعيني سندرلا والنبيل شارل داخلين هههههه.
كنت سارح مع خالد وهو ينكتلي لين ريت سندريون وشارل كان معاهم متنكره للحفله غريبه شويه كانت لابسه قطوسه اما مش قطوسه عاديه لبستها السكاي المحزوقه على بدنها ومفصلتو تفصيل كمبلي ملبوس ولا مخيط على بدنها ما نعرش المهم كان بدن حاضر وقوي متناسق متجانس صباطها الاحمر العالي كيف فمها كيف ضوافرها ماسك مغطيلها عنيها كابها الي نحتو من قبل ما تفوت باب الصاله الي جرالها كاظم ونحاه من كتافها الوحيده الي مشالها اما لكلهم جاوه هي تمشي والناس الكل تتفرج في هزت خصرها وحضورها كان طاغي صراحة يمكن حضور الاكحل بين الالوان والا خاطر ستيلها فريد من نوعو خرج من طور الانثى رغم الي هي كانت ابرز انثى فيهم جمله من الافكار قطعتها تصفيرتو
_شنوه هذه؟؟؟؟
_قطه
_هههههه وخي هذه هاي ڨطوسه تدي العقل.
_تو انت اش ريت منها هاي كحله من راسها لساسها.
_وانا حاشتي براسها ولا ساسها حاشتي بنصها ما ريتش هاك ...الهم المفرت.
_عندك شعول؟
_انا في الوقت الحاضر شعوووول .
_يزيتشي توا مش كنت تقلي زغزغ.
_اي ولو مالها الا تكبر وخاصة تبظى قطوسه مغمضه يا سعدي بيها.
_مش باينه مغمضه يا صاحبي باينه تخبش هذه.
_اي تخبش مره ثنين وبعد تروم
_نخاف عليك يا صاحبي لا تولي فار هههههه
_لقيت شعول؟
_بركيتي في الكرهبه.
_هاو بش نشوف لصاحبي شعول لحظه.كانت تشطح كانت مهبله العالم هاك القطه كانت محط انضار الحضور انا شخصيا كنت بعيد على الصخب واقف بعيد انا وسيقاريو الطافي هو فقط بين صوابعي وطافي كيف ما انا في هالحفله بينهم وطافي لاهم جوي لاهم ندي على هذا انا في معزل قصدي كنت في معزل قبل ما يخوضها خالد مع القطه ريتو كيف مسها وكيف جبدها ودرا شنوه قلها اما القطه تصيح حبيت نفهم شبيهم مشيت كل ما الجموع الكل تلمو وشعره لا ضربو خالد لولا التدخل متاع كاظم وقت خزرتلو انا
كانت منفعله وتصيح وكاظم يصيح معاها على خالد وتصرفو الي ما راق حد حتى انا بأي حق يمس القطه ويحط يدو عليها والله اعلم اش قال كاظم يصيح على خالد ويوبخ فيه توبيخ كبير زاده
انا:كاظم كهو وفى الموضوع.
القطه وبمنتهى الهيجان:لا ما وفاش باي حق يعملي هكا وانا ضيفه كيفي كيفو في بيت زميلي
_يا للا عندك الف حق صديقي غلط نطلب السماخغ بالنيابه.
_لاا.هو الي غلط في حقي و يجيني ويعتذرلي على تصرفو والكلام البذئ الي قالو
على تلفيتي بش نقول لخالد ايجا طيبلها خاطرها بكلمه وهي هزت الماسك
واااو ما هذا عندها الحق تختار القطه اقرب حاجه لملامح وجه القطه .في وجها كان فما بلارتين شعلتين مش عنين سبحان الله عنيها رماديه كبيره رموشها طوال عنيها سحر وسر وجمال في عنيها لgrisكانت حدقه سوداء قمة الفتنه نحب نشوف بقية ملامحها اما عيناها بحر بهما اغرق اخاذه هالعنين سرحت لحظات ورجعني صوت خالد يقلها
_يا للا سامحني.
وبكل ازدراء خلاتو ومشات بكل انفه رجعت اعتبارها وقزمتو بحقره كبيره ومشات و الحضور الكل وراها وتكمل شوطها في الشطيح والضحك والعالم تحركو هي بالحق قطه اما تخبش
_مااسمها يا ميمتي.
_شنوه قلتلها يا مجرم؟
_قلتلها عندك شعلني
_ههههه يهلكك احمد ربي ما لفتكش بكف.
_في بالي الشئ على برا معناها مسيبه اللعب.
_شعره لا لعبتلك بعداد عمرك ههههعه
_تضحك ماي جرتك نفركسلك في شعول
_اترهدن اترهدن.
_سيبني عاد
_ههههههههه ايجا نخرجو شوي للجنينه نرتاحو من الجواجم ونعملو سواقر تتعدا للكرهبه مد بريكي
_هاي في جيبي بريكي،اما حبيت نقمر عليها.
_مالا ايه فيك .
_داركم هذه والا القلعه المخيفه ،شبيها هكا ههههه
_كبيره برشه خاطر؟
_اي والجنينه متاعها قول غابه ههههه
_هههههه يزيتش توا في دارنا وتضحك على دارنا
_هههههه كوكو والله ماني نضحك بالعكس محلاها ومااكبرها وماازينها ياخي تعيشو بررشه هوني ؟؟
_الخدم اكثر من مالي الدار انا وايمن ونانا كهو.
_شكون هاذم هاني ما ريتهمش تقليش نانا مسافره وحاعمل حفله.
_ههههه بليده نانا مش مسافره اما عند بنتها عمتي يمنى وايمن هوني معانا ماك ريتو بكري في العركه.
_ما تقليش هاك الوشقه عمك .
كاظم كان بش يتكلم ويجاوبها اما انا قصيت عليهم بضحكه وقلتلها لا للا الوشقه هذاكا صاحب عمو.
انا وخالد كنا قاعدين على حرف شجره في الظلام ما روناش وهما يحكيو نحن نسمعو في الحوار كاظم شعل ضوء تاليفونو نحن قربنا في الظلام عنين القطه كانت تشعل وملامحها تحت ضوء القميره كانت مرتبكه وما عندهاش جرأه تخزرلي هزيت صاحبي الوشقه ودخلنا وخليتها تتحيشم مع كاظم وانا ندور فيها لخالد يا وشقه يا وشقه لداخل وين الناس الكل كانو ملمومين على خبزة القاطو متاع العشرين وتحت اضاءه ضعيفه ومع ضوء عشيرين شمعه وصياح وتصفير اصحابو يطفي كاظم شمعاتو ويشعل الضوء كل حد والكادو الي جابو اما الحاجه الي بهتتني القطه خرجت من الماسك ونحات القماش الي كان على شعرها ومخبي برشه من زينها ملا قطه تهبل شعر اكحل متموج ارطب وداير بالحق هذه طفله عشرينيه ولا قمره في ليلة تمام ،اروع ما رات عيني الناس الكل خرجو من الماسكوات وخيابو الا هي كانت بالحق متنكره بلاش احلى ببرشه تدي العقل ياسر ركزت معاها لين خالد كركرني وهزني وبدا يتمقعر عليا ويقلي زاد انت بش تولي وشقه وانا باقي مخي مش فوقي ضيعتلي التركيز القطه وانا مركز معاها وهي تلبس فيه في شركه هذيكا هديتها ليه وهو حملها وباسها وانا نقول شنوه قصتها علاه كان هي باسها لا لا مستحيل تكون بيناتهم حاجه كان فما حاجه كاظم راو حكالي._تفضل سي ايمن
تلفت نلقاها هي في يدها طرف قاطو صوتها حنين مش كيف عنيها شرسه
_مرسي مدموازال...
_اسمي مريم
_مرسي مدموازال مريم
_مش طويله شوي قلي مريم ولا نا ديني كيف اصحابي مريام.
_لا عاد انا مش قد اصحابك نحن كبار عليكم
_باهي سي ايمن نحب نعتذر على كلمة وشقه مش انت المقصود راو لبس وسوء تفاهم
_لا انت ما غلطش راك هو وشقه اما اسمو خالد مش ايمن.
_هههه .
ضحكت تغمظت هاك العنين الشرسه والبراءه عبات وجها سبحان الله مرا بوجهين مجرد تحل عنيها وتسكرها تحل عنيها تولي انثى طاغية الحضور تغمضها تولي بنوته صغروووونه. سارح مع ملامح ما راتش عيني احلى منها ومركز في وجه ما راتش عيني تناقض كيفو فتاكه فاتنه .ايمن شبيك الليله ركز طفله صغيره ضيعتلك تركيزك .
خلاتني ومشات اما عنيا ما نجمتش تخليها نجمة السهره"القطه".
_صديقي نبقيك على خير.
_كهو مروح ؟
_كهو التقشتيله وكليناها والسبه وسمعناها نروح عاد
_هههههه باهيلك
_باهيلي مدام نتبع فيك وجاي لها الروضه
_يعيش صاحبي الغول.
كيف بقينا كعبتين وكعبه القطه وزوز ظاهرين عشاق لا بسين سندريلا وشارل اسمهم عمر وهاله مديت ل كاظم كادوه مفتاح متاع كرهبتو الجديده كرهبه سبور كيف هو يحبها هو حب يوصل بيها اصحابو اما انا قتلو لا الدنيا ليل وظلام وانا نخاف عليه وعلى صحتو ديما اخر النهار صحتو تخذلو غير هالليله تاعب ومتقوي على روحو وتفاهمنا يطلع يرتاح وياخو دواياتو وانا نوصلو اصحابو لديارهم عمر وهاله والقطه هكا رسخت في ذهني اسمها ما شدش في راسي اما صيفتها رسخت "" قطه ""
تفضلو البنات القطه حطت كابها غطات بدنها وشعرها وركبت وبجنبها السندريلا هاله و بجنبي عمر كنت نسوق و الليل قدامي اما ورايا كانت هي عنيها في البلاره قدامي بلاره مرسومه في بلاره كل تحريكه تتحركها ما كنتش تفوتني مش انا مركز معاها اما تركيزي اصلا بقى عندها
.
_على خير يعيشك سي ايمن هاله اول ما تخلط كلمني
_على خير يا عمر ،ما تخافش ما نخطفهالكش
_ههههه متأكد صل على النبي متعود نوصيها هكاكا
وبعد هاله هبطت اول ما هبطت تتكلم في التاليفون
_يا قطه تنجم تجي بجنبي ؟؟
_اي انجم اما وفات حكايه القطه انا مريم توا.
_انت نحيت قناع القطه اما ملامح القطه مازالو فيك.
_انت دقيق الملاحظه.
_انت بارزه الملامح.
سكتنا الزوز اما انا نحبها تتكلم خاجه غريبه صارتلي مع هالطفله تشديتلها برشه مش عارف شبيني مش عارف علاه اما عارف اني نحب نحكي معاها نسمعها ونسترق النظر على ملامحها وهي تحكي.
_انت خترت القطه خاطرك تشبهلعا؟؟
_لا خاترني نحبها ،وممكن زاده نشبهلها خاطرني نحبها.
_معناها انا انجم نولي نشبه للاسد خاطر نحبو ،تحليلك ما اقنعنيش.
_نحن من كثر ما نتعلقو بالاشياء ناخذو منها بقصد وبغيره ،شدة حبنا للاشياء تصنع قواسم بيناتنا.
_كلامك قوي وفيه جانب فلسفي وممكن تكون صحيحه.
_انا اكيد صحيحه انت مثلا تشبه للقيصر ،اي انت تشبه لكاظم ملامح مشتركه قصة شعرو ضحكتو هدوؤ ورصانتو .
_هاذم لكل سرقتهم من كاظم !؟مالا هاني طلعت مظروب كلو تقليد مافماش الاصلي فيا.
_ههههههه ضحكتني اكيد فيك اما نحن نحكيو على الظاهر وبرا.
_ظاهرك يقول انك عنيده
_وظاهرك يقول انك غامظ.
_انت تعرف تتكلم
_وانت تعرف تسمع
_نعرف نسمع !!!
_اي تسمع يا مستبده
_وانت كيفاه عرفت
_سمعتها البارح في الكرهبه هذه مع كوكو .
_كوكو اسم ضخم كيف كاظم رديتوه كوكو جيل غريب انتم.
_ههههه علاه كبير برشه انت
_اكبر منك ببرشه اما مش كبير برشه
_معناها العيب فيا ،صغيره
_عشرين؟
_الشهر الجاي نعملهم
_صغيره مازلت
_قلي يا كبير قداه عمرك؟
_35
_مش كبير برشه ،وصلنا.
هذه دارنا شكرا على التوصيله .
_للاسف الوقت تعدا سريع.
قلتلها للاسف وانا نقصدها للاسف تعدا الوقت فيسع وهي معايا كلامها كيف حضورها قوي ولسانها كيف طبيعتها طليق .
القطه العجيبه هذه خذات تركيزي كيف ريتها وكملت عقلي كيف حاورتها.
حليت CDوبديت نسمع اول مره نحس مستبده بالقوه هذه اول مره نفهم نزار لشكون كتبها وكاظم لشكون غناها هبلت انا تقريب الطفله ما توجدتش اصلا وقت كتبها نزار اما شنوه نعمللها انا كتبها قياسها هي بالضبط كينها كتبت ليها بالحق هالطفله مستبده مدام اعتى النساء ما خركتليش ساكن وهي هبلتني من اول ماجات عيني عليها من اول ما سمعت ضحكتها من اول ما ريت شطحتها والضربه القاضيه كيف حاورتها.

بالحق مستبده بالحق اسميتها تاج النساء.انحي في دبشي ونتخيل في ابتسامتو الرصينه كلامو الدافي وعنيه الوقاده عنيه شعله متاع رجله كلماتو الي يسرقهم من شفايفو سهام تخرج بش تصيب مش كلمات تتسمع ايمن عم كاظم زميلي وهو الي مربيه وموفرلو كل شئ محلاها مجالستو و محلاه هو ومحلا طولو ولا لحيتو وحضورو سهره الكل واقف بعيد واقف رايض ما كلم حتى طفله رغم الي لبنات كلاتو بعينيها ايمن اسم جديد شخص جديد مخلوق جديد طول الليل وهو في مخي بين غفوه وغفوه نتذكرلو كلمه صوت دافي تبسيمتو العزيزه شنوه قصتي انا شبيني تكونسيت مع راجل يرى فيا صغرونه و ما يخزرليش جمله كيف ما خزرتلو اي انا خزرتلو باعجاب كبير تملكني ايمن حاجه سيطرت عليا وشلتلي حركتي وتفكيري ووقفت عقارب مخي فيه الوقت في مخي ولا ايمن بف ما هذا من البارح وهو في مخي لليوم لعشيه ما خرجش من بالي لحظه نلوج على كاظم نحب نسقصيه على عمو ما فماش في الفاك الكل وحد ما شافو هزيت تاليفون وطلبتو نطلب نطلب ما هزش زدت توترت واخيرا هز
_وينك يا سلعه ليا ساعه نفركس عليك وينك
_بالشوي الساعه للا القطه ديما مندفعه
صوت عملي شلل رباعي ايمن
_مرحبا
_عرفتني؟
_شنوه نقلك ايمن عمي ايمن سي ايمن
_قول الي تحب وترتاح فيه
_ايمن
_نعم
_هههههه
_نعم،نعم،نعم بربي عاود اضحكلي هالضحكه.
_شكرا على توصيلة البارح
_انت شكرا على سعادة البارح
_سعاده ،جمله وحده!!!
_مش ديما واحد يقابل قطه في حياتو اما خساره يقابلها شوي برك
_شوي من 6لنص الليل
_شوي معاك وشوي عليك وشوي منك
_(قلبي وقف) كاظم وينو ؟
_في الكرهبه يغنيلك مستبده.
_باهي كوكو وينو؟
_راقد اول ما يقوم يكلمك
_اوك باي.
خرجتو من تاليفونو كيف ما خرجت صوتو من وذني وكلامو من قلبي شنوه هذا منين جاني محلاه ومحلا كلامو اما اكيد هو يرى فيا صغيره يفدلك معاها وانا نرى فيه لا لا مانيش نرى فيه فكره ويلزمها تخرج من مخي مستحيل لا لا هذا الكل ما يصير ش يزي مريام ركز وريض راك قويه وما يحركك شئ انت مريااااااام.
ايمن شبيك عملت هكا مع بنيه قد بنتك لا ايمن انت ما عملت شئ انت فقط تنفست انت سيبت الكلام يخرج خاطر انت ديما تقتل الحاجات لداخل و المره هذه ما قتلتش قلت الي لداخل سيبت الي لداخل خليتو يعيش وعلاه يعيش ولشكون يعيش ل طفله صغيره صغيره اما محلاها وحتى كان محلاها انت عم صديقها فقط انت حتى شئ وما تنجم تكون شئ انت ما تنجم تكون كان عمها كيف ما انت عمو حاجه في مخي تستحضرها وتستحضر كلامها وضحكتها وحركاتها وتصرفاتها وعنيها ياناري الي تشعل كيف تتذكر عنيها ناري الي تشعل كيف تتذكر احلى ما فيها ناري ويا حر ناري الي تشعل ما تطفاش كيف تتذكر عنين ما تتنساش نار ولا نور ما نعرش اما حارقه تليع فيها لظى فيها احرق اه يا قطه اخرج من راسي اخرج من مخي اخرج من بين عنيا لتوا قدك يجول بخاطري وعنيك تسكنني تذهبني وتحرقني انثى تستعمرك بالغصب تحتلك انثى تشبه للعدو اما هي وطن ضحكتها احدى اسلحتها المدمره وعنيها الضربه القاضيه.
صحه صحه الكرهبه الجديده تقتل
_وين تحب تمشي بيها؟
_نشوفو مع عمر وهاله ونتفاهمو
_اخطانا الساعه نخرج انا واياك نشربك مبروك الكرهبه ونحكيو بعد تو انسقو معاهم
_اوك كوكو.
ركبنا الكرهبه جديده مزيانه ومحلاها وعريانه من فوق اما مش كيف كرهبة عمو الكحله فاخره كيفو مزيانه كيفو فخمه كيفو عاليه كيفو ودافيه كيفو زاده وكيفو تخليك تبقى متذكرها وتخليك سارح فيها حتى لو ماكش فيها ولا معاها
_حلوه الكرهبه
_فتوق
_اول خطواتها انت فيها
_مالا بش تطلعلك مبروكه هذه
_ايمن قالي شكون بش يركب فيها الاول اكيد القطه قتلو اي قالي اكيد بش تولي كرهبه شرسه
_هههه علاه اس عندي عملت انا؟
_ممكن على نهار الي لفيت فيه خالد بكف ههههه
_ما تذكرنيش فيه الماسط مبلدو ومرمزو اش يعمل هو غادي علاه ستدعيتو انت،،؟
_عادي صاحب ايمن هو جابو معاه بش يتوانسو ما يحبش يبقى مع الصغار وحدو
_علاه هو كبير برشه؟
_انا ملي وعيت على الدنيا وهو هكاكا ما نعرش كبر ولا لا واكيد كبر وقت تولدت انا هو عمرو 15اما نفس الميولات نفس الافكار نفس الغناء قديم تانا هو سماني كاظم بش تفهم مخو وين وقف
_الساعه محلاه الاسم ومحلاه الزمان هذاكا
_تعرف انت وايمن تتفاهمو برشه
_علاه!؟
_عندكم برشه حاجات متشابهه
_ابار الزوز نحبو كاظم اش فما اخر.
_اختياركم الحاجات للالوان الزووز من عشاق الاكحل زاده؟
_ايمن يحب الاكحل زاده؟
_ايمن كل شي اكحل لبستو كرهبتو حصانو
_ايمن عندو حصان ؟
_وي حصان اكحل شراه غاالي مغروم بالخيول
_وين حاطهم في الدار ماك ريتها كيفاه وعندو اسطبل بعيد شوي اما حصانو المفضل الاكحل.
_قتلك قلعه مخيفه.
ملي عرفت ايمن عندو حصان خدودي حماري يدي عرقو وحتى نبضاتي دخلت بعضها هاك الرجل الخرافي الرجل الاسود الرجل الي يأتي من زمن اخر عندو حصان زعمه كيفاه يركب عليه زعمه كيفاه شكلو زعمه انجم نشوفو فارس فوق الجواد الاسود زعمه زعمه اه ايمن الاسود ولغزو الاسود وبحورو السوداء الي غرقت فيها ملامحو الي دمرتني وصوتو وصوت ضحكتو و صوت كاظم يغني مستبده وصوت انفاسي الاخيره وقت يجي ايمن في خاطري.روحت بعد ما كنت مع كاظم والاصح بعد ما كنتش مع كاظم مع ايمن ولا قريب ايمن ولا ريحة ايمن وكلامو وصوتو بدني كان بجنب كاظم اما مخي وتخمامي وشوي من قلبي في ايمن علاه يقلي كاظم يغنيلك يا مستبده وهو المستبد المحتل عنيه القويه ما تحبش اطيح من عنيا وضحكتو العزيزه الرصينه هو اذا تكرم عليك يتبسم نص تبسيمه ايمن حضورو قوي كيفو وغيابو اقوى واقوى كان انجم نقول حاجه على ايمن نقول الي هو سيد الغياب الاسر .
_ماماتي يا روحي فاش تخمم ؟
_نخمم فيك وفي خواتك وفي قرايتكم في الدنيا قداه صعبت علينا.
_شنوه هالكلام نحس فيك عندك ما تقول ماما.
_بنتي الدنيا صعبت وغلات انت واختك وخوك ماعاش انجم نعيشكم بالماندا متاع بوك برك اختك باك وخوك في الليسي يحبو لبسه ومصروف وبرشه حاجات نحب نخرج نخدم
_نعم!!!!ماما ماعاش تقول هكا اما خدمه تحكي عليها في العمر هذا مستحيل نقبلها الفكره هذه
_يا ماما بنتي الدنيا تفرض حاجات حتى لو احنا ضدها اما في خاطركم انا نعمل كل شئ
_لا ماماتي انا بش نشوف اي خدمه انت نحبك هوني في الدار نحب كيف نقوم نصبح عليك وكيف نروح نلقاك المهم انا نعمل المستحيل ونلقى خدمه يا روحي
_باهي كيف ما تلقاش راني نخرج انا .
_باهي يا روحي بالقدره نلقى هات بوسه لا يحرمني من هاك الضحكه يا عمري يا روح روحي طالعه نرتاح تاعبه.
طلعت خممت في حكاية الخدمه والقرايه والدنيا قداه صعبت بالرسمي وخواتي قداه كثرت طلباتهم خممت لين راسي وجعني وبعد فسخت مواجعي وضغوطاتي بتبسيمتو العزيزه غمضت عنيا وتخيلت ايمن يتبسم وغرقت في احلامي الورديه.
_مريام ياخي وينك اليوما ما حبيتش للفاك؟
_اهلا كوكو والله عندي قضيه غاطسه فيها ولا قول واحله فيها
_ان شاء الله خير شبيك غزيزتي.
_كظوم نفركس في خدمه
_ههههه تفدلك انت؟
_لا لاول مره نحكي بجدي
_علاه؟
_على الجو
_هههه بالرسمي تو ولا ادورلي فيها؟؟
_لا كوكو والله نحب على خدمه وهاني قاعده نفركس
_فاش تفركس وفين؟شنوه تحب تخدم؟
_هههه رئيسة دوله
_يزيتش من المساطه وقتلي شنوه تحب تخدم
_اي خدمه اي حاجه ان شاء الله حتى رقاصه ههههه
_لا رقاصه ما نتصورش نلقالك بلاصه عند ايمن.
_اش دخل ايمن في الموضوع ؟
_يحلهالنا كان هو ايمن صاحب جريده لعل يستحق سكرتار ولا اي حاجه في جريدتو
_لا لا اخطاني من الاحراج مع ايمن ماتكلموش خليه اخر الحلول اما توا خليني نلوج
_بف قداه تعاند انت عمرك الكل تعاون فيا وواقفه معايا واول مره تحتاجني كيف جاتني الفرصه ما تخلينيش شبيك هكا مريام لازم تحسسني بعجزي
_مستحيل علاه تخمم هكا و قصدي لعل نلقى خدمه .
_علاش لعل وانت تنجم اكيد تخدم.
_انت شبيك متأكد
_ايمن عمرو ما يرفضلي طلب.
_باهي شوفلي
_محلاها الشاطره تسمع الكلام .
_مالا خليني نروح وقلي في الليل اش عمتلي
_باهي سايس روحك ،باي.
كيف كل ليله نروح للدار الي الاثاث فيها اكثر من العباد امي وكاظم وبقيتها المسؤولين على الدار على طاولة العشاء امي في اطرف الطاوله وكاظم مقابلها في الطرف الاخر كل حد وماكلتو كل حد وعشاه اما الزوز يشتركو في ماكله صحيه خاطر كل حد والمرض متاعو سلمت وقعدت في الجو الهادئ البارد الموحش والا الي كان موحش قبل ما يتذكر اسمها كاظم جبدها واوصالي الكل تهزت فرايسي ارتعدت دقاتي تسارعت اما تمالكت.
_ايمن نتذكرها مريم زميلتي؟
،علاه وانا ننساها!!!مش هذيكا الي عطات كف لخالد.
،اي هههه هذيكا
_شبيها؟
_تنجم تلقالها خدمه في الجريده عندكم؟
_علاه هي قاتلك تحب تخدم في الجريده؟
_هي تحب تخدم برك وانا قلتلها نشوف مع ايمن
_تعرف تكتب هي؟
_تعرف تكتب تتكلم قويه برشه في العربيه كل استاذ يقرينا يعجب بقوتها في العربيه
_تو قتلك احكيلي على الاعجاب انا؟ قتلك خطها التحريري كيفاه؟
_ما نعرش وهي مش ناويه تكتب راي هي تحب اي خدمه كهو اما نتصورها تكتب مليح.
كنت بش نقلو متأكد الي هي تكتب مليح كنت بش نقلو هذا احسن خبر سمعتو كنت بش نقلو انجم ننتدبها قريحتي وملهمتي للكتابه كان عندي برشه كلام اما انا قتلو :
_جيبها نحكي معاها خليني نشوف اش عندها.
_عندها برشه بقاج في مخها
_لعل نخدمها
_مش لعل انت بش تخدمها يا ايمن اي حاجه المهم تخدم
_حاضر ،اما لها الدرجه هي مستحقه لخدمه
_ما نعرش ملي سمعت الي هي تلوج ادخلت اما انا مستحق نعاونها بش انقص شوي دين من على كرايمي خاطر هي عاونتني برشه .
_نخلصولك دينك كظوم.
كاظم فرح وظهر فرحتو وخرج بش يكلمها اما انا فرحت وخبيت فرحتي وحلمت بش نكلمها مش عارف القدر ولا كاظم منحني هالقطه اما فرحان.اركب مريام اركب ازرب ايمن يستنى.
_تو كاظم علاه ضغطت عليه لعل ما فماش بوست ليا.
_لاضغطت عليه لاشئ يعرف ما يصلح بيه كان جاء ما عندوش بلاصه يقولي اكيد
_باهي اش بش نخدم انا في جريده ،محبره،؟
_ههههه هاك ماشيتلو واحكيو واكيد تلقاو حل.
_انا بش اناقش ايمن ؟
_اي شبيه غول ايمن ما يخوفش راو.
كنت بش نقلو ايمن ما يخوفش اما يهزك يزعزعك يرجك يعملك خضه لداخل يضيعلك تركيزك فقط بنص تبسيمه كنت بش نقلو اما هو قالي اهبط وصلنا.
كنت للحظه الواثقه القويه الي ما يزعزعها حد ولا شئ قبل لا ناقف قدام بيروه ونستنى كاظم يخرج من عندو ويقلي ادخل ايمن يستنى فيك كان بش يمشي ويخليني ندخل لايمن اما انا كبشت فيه دخلتو معايا بيرو ايمن كيف ايمن فيه برشه اسود فيه تمثال متاع حصان هايج واقف كان على ساقيه التالنيه برشه كتب اثاث غامق اضاءه خافته وريحة ايمن في كل بلاصه ايمن الي كان مركز في ورقه ويكتب ومن غير حتى ما خزرلي قالي اقعد وهو يكتب كنت مركزه معاه وهو يكتب عنيه كان في الورقه القلم كان في يدو اليسار وكان يكتب كأن لا حد معاه كان هو وقلم وورقه كاظم كان قاعد بجنبي اما على جنب الديفون وكل مره يشدلي خشمي ويضحك على التوتر الي انا فيه انا متوتره من الموقف من ايمن من رهبة البيرو ومن البرود ياسر ساخن وهو يكتب اما بارد وهو حاضر.
كمل كتيبتو حط القلم الي في يدو اليسار جمع اوراقو نظمهم وحطهم في الملف وحطو على جنب وخزرلي خزره سلطة وسلطان وقالنا
_تفضلوا هوني قدامي للبيرو .
انا وكاظم قعدنا مقابلين بعضنا كل حد في كرسي وايمن متكي لتالي في كرسي بيروه ايمن كان لابس شوميز نوار مرتبه قفلها مسكرين الا القفله الاولى مبين منها شعر صدرو كان لا واثق وقوي اما انا كنت ريشه في مهب رياح
_مرحبا ب القطه
_يعيشك
_كاظم قالي انت تحب العربيه
_اي قالي كاظم.
كاظم:لا قتلك لا قلتلها انا مزروب ماشي وانتما قولو لبعضكم.
خرج كاظم وخلاني قدام هالعملاق ايمن ما كانش عملاق في شكلو رغم انو طويل اما عملاق في هيبتو ووقارو هو وقف وانا ركايبي رعشت وخطوه بخطوه يقرب وقعد مقابلني في بلاصة كاظم.
_القطه تكتب
_ساعات
_علاه تكتب
_فما حاجات انجم نقولهم كان للورقه
_الورقه ثرثارة وما تحفظش سرك.
_لا اوراقي مش كيف اوراقك اوراقي يحفظهم دفتر اما اوراقك جريده قد ما تتنشر قد ما تثرثر ورقتك.
ايمن باهت فيها وفي فصاحتها
_انت تعرف تتكلم اما نحب نعرف تعرف تكتب ولا لا.
_والله انا ما انجمش نقيم روحي انجم نكون نكتب مليح اما كتاباتي ما تروقكش الكتابه اذواق كل حد فينا يحط فيها من روحو والارواح مش كلها طيبه ولا محبوبه.
_بصراحه ،متكلمه بليغه وكان بش انجم ننتدبك في العمل اكيد بش تكون الناطق بالرسمي باسم الجريده.
_صدقا ضحكتني هههه
_علاه فما حاجه تضحك في خدمة الناطق الرسمي؟
_المضحك سرعة حكمك عليا
_لا انت انثى كل شئ يكون معاها سريع
_ما نعرش هذا مدح ولا ذم اما شكرا.
_هههه حتى انا شكرا.

عايده ما هضمتنيش اما انا ما يهمنيش فيها بش تكون بناتنا زماله كان حبت هي ورضات وكان لا انا مايهمنيش فيها انا يهمني في حاجه وحده اكيد مش خدمتي حاجه اصعب من خدمتي ومحليه خدمتي حاجه بيني وبينها باب
_عايده انت تكتب مقالات؟
_لا
_علاه؟
_انا سكريتار وانت ان شاء الله تولي كيفي اما تكتب عذه صعيبه شوي ننصحك ما تحلش عينك برشه،قاتلي تكتب قال
_شبيك سخنت اختي جرد سؤال راو
_ملا سؤال.اس خليني نجاوب عرفنا.
_الو ،وي سي ايمن ،اوك.
قوم عرفك يناديلك.
قمت وركايبي يرعشو اما قلبي بش يخرج من بين ضلوعي حليت الباب ودخلت ايمن كان واقف اديه في اجيابو وداير للشباك
_تفضل اقعد كتبت مقال نحبك تقراه وتعطيني رايك
،_نهزو معايا
_لا بش نقراه انا واياك
_اوك كيف ما تحب ان شاء الله يعجبني
_هههه 10سنين صحفي راني المقالات الي صححتها اكبر من اعوام عمرك.
_شنوه الحڨره هذه؟
_هههههه انطلاقتك تضحكني
_خايبه ؟
_لا مواتيه سنك اما ان شاء الله ما تستعملهاش مع عايده.
_ههه لا هذيكا مازلت مطوله بالي معاها
_عايده انسانه خدامه وجديه وتنجم تفيدك برشه تنجم تتعلم منها
_كان فتحت المجال ماكانش نخدم بلي نعرفوا.
_عدائيه انت يا قطه
_ساعات نخبش اما اغلب الاحيان وديعه انت والشخص
_صعيب حد يفهمك
_لا ساهل اما صعيب نتفاهم انا وعايده.
_هههههه الحديث معاك حلو برشه اما نحب نشوف الخدمه معاك حلوه ولا لا المقال هذا اقراه .
قرات العنوان وضحكت
"كتبت قطه" ما تقليش المقال قطه؟؟
_علاه ضحكت
_الانغماس هذا الكل من الصباح في قطه؟
_لا الانغماس هذا الكل في خاتمة مقال كتبت من اول ليله ريت امراه تشبه قطه قادتني لكتابة قطه او كتابة امراه تتخفى في قطه.
_العنوان المغري والموضوع اشد اغراء ما نتصورش روحي انجم نقراه في عجاله
_اقراه في عقلك وخمم فيه في عقلك اما الرد يجيني بعد الفطور
_طبعا نقعد في بيرويا نقراه ونحللو وناقشك بعد ما تفطر تكون شبعان وتقبل النقد هه
_ههههه جميله،المداخله هذه تمانع كان نتناقشو فيه في الفطور
_كيفاه؟
تفطر معايا واناقشوه
_ما انجمش نقول لا لعرفي
_هههه عرفك توا تحت رحمتك مقالو انت بش تحكملو النشر او سلة المهملات.
خلاتني وخرجت وهي خارجه ومن غير ما تتلفتلي نقرا ونقلك وسكرت الباب وخرجت لو كان ما تمالكتش روحي كنت بش نخلط عليها الحديث معاها امتاع ومؤانسه.هي كانت تحكي ومندفعه اما انا كنت مبهور ب حضور ها الكلمي باندفاعها وفطنتها وبذكاها هي من اول وهله لقاتلي ثغرات اعتى الصحفين ما يلقاوهاش انا نا نستغربش منها خاطر المقال اصلا مكتوب فيها وطبيعي بش تلقى اشياء مش على قياسها اصلا انا اش نعرف منها وعليها غير انها قطه قطه ناااعمه جدا وثرثاره.
_شنوه قلت توا نوضحو انها انثى ولا نلمحو
_التلميح.
_كنت متأكده انك بش تختارو.
_علاه ؟
_ما نتصوركش تلقى روحك في غيرو انت رجل ملمح طبيعي كل حد بش يخدم حاجه متأصله فيه قتلك مره اشيائنا الي نحبوها هي الي تبرز فينا بالسيف علينا تذكرت
_طبعا ،مالا اكيد انت تكتب بوضوح.
_وبتجرد احيانا قلمي كيفي حر.
_وقلمي اش رايك فيه؟
_مبعثر،حسب المقال الي قريتو مبعثر مش جازم اش يكتب مرا ولا قطه كل سطر يهزك لحاجه القارئ يعيا بش يفهم اصلا حتى الكاتب ما تحسوش فاهم اش يكتب تحسها خاطره اكثر منو مقال.
كنت مصدوم كنت مبهور كنت على وشك نصفقلها الكلام الي نحبو نقولو قالتو جمعه وانا وهاك المسطك خالد نحللو وناقشو لا انا عرفت نوصل ولا هو فهمني بالعكس يقرا ويتعجب السيد احمق زايد .
_تقريب كلامي ما عجبكش خاطر سكت.
_حلوه مرياتك،قطه زاده
_هههه هروب مزيان اي شكل عنين القطه
_تليق بك
_كيف ما يليق الصمت بك انت راجل تقول الاشياء للورقه اما العباد تقلهم انصاف كلام
_اما انت تقلهم الكلام الكل
_وازيد انا ما نخبي شئ ما نخلي شئ في قلبي واضحه منطلقه في كلامي تصرفاتي ومبادئي ما نحتفظش انا نتوخي التصريح بعكسك تلمح
انا نتكلم بعكسك تصمت
انا نضحك بعكسك تتبسم
انا منطلقه بعكسك رصين
انا مندفعه بعكسك هادي
_ههههه هاك عملت عليا حوصله
_مش كافيه مازلت نحب نعرف كلي فضول لرجل اسود كيفك.
_اسود!!خايبه ولا باهيه هذه
_اسأل ذوقك واختيارك ليه
_لا نحب نعرف اسود علاه
_اسود كيف اختياراتك وميولاتك.
_تقصد مسوده؟
_ههه بالعكس نقصد فاخر وفخم كيف الاسود نقصد غامض كيف الاسود نقصد قوي كيف الاسود حاضر بارز سيد الالوان هيبتو حزنو صمتو وحتى الحياة حتى الكأبه واشياء اخرى.
_قويه انت يا طفله
_مقنع الكلام؟
_اخاااذ ،ما خليتلناش ما نحكيو على الفطور
_ما تخافش الكلام عندي ما يوفاش ههههه نحبو اش نعمل لعمري.
_اهبط وكمل احكيلي
_وانت ماكش بش تحكيلي
_لا نحب نسمعك.
_المهم ما تقليش اي راسي.
كنت بش نقلها اي قلبي كل كلمه كانت تقولها فيا سهم وتبعثو في مقتل هادفه قويه في ملاحظاتها في كلامها في اسلوبها فالخطابه الي فيها القطه فاتنه من بعيد اخاذه من قريب حتى واحنا نفطرو خذات لي عقلي منطلقه مرتاحه مريحه ما تحسش روحك متحرج منها فطرت برشه مرات مع موظفاتي مع عايده مع زميلات اخريات ومع برشه اصحاب ما كنتش بالاريحيه هذيكا هي كانت تحكي وتحكي وتحكي وتصحح في مقالي اما انا كنت مأخوذ بيها اروع من القهوه مع السيجاره نتكيف في حظرت ملامحها نا كنتش حاب نرجع للبيرو اما حاشم بش نقلها نفصعو على العمل وانا عرفها وما كنتش حابها تسكت وماكنتش قادر نهز عيني عليها وما كنتش قادر حتى اناقشها كلامها ديما مقنع وهي ديما المنتصره وحتى كيف دخلت للبيرو ما طاحتش لحظه من بالي غريبه هالطفله ال كبيره شكون علمها تكون طفله ومرا وكاتبه وناقده وقطه توقف المخ وتوقف حتى مدار الزمن حتى روحت مخي مازال في نص النهار نخزر للوقت نص الليل وانا مازال في مخي مذاق فطورنا في وذني صوتها وفي خشمي عطرها قطه احتلتني.الجزء الثانــي.......... #ملهمتي

هزيت التاليفون حبيت نكلمها نص الليل توا اما انا نحب نتكلم انا ايمن ا الراجل الصامت تعتريني ثرثره ما نجمش نقاومها مرا حركت فيا الثوابت الكل حتى الصمت الي في داخلي حولتو كلام كلام يحب يخرج زاده ما يحبش يبقى في داخلي كلام جامح اقوى مني رغم ترويضي ليه خرج.
_وي خالد راقد
_كان كتب
_لا ما ترقدش زيد معايا شوي
_هههه علاه بابا خايف
_لا اما عندي ما نحكيلك
_نص الليل تحكيلي شنوه هالموضوع المهم الي خلاك تقيمني توا احكي هاني نسمع
_المقال متاع القطه تذكرتو
_وي،شبيه نشرتوا؟
_لا فيه برشه اغلاط قاعده تصحح فيه
_اغلاط شنوه زاده هاني قريتو سليمه لغه ومبنى
_ماك بهيم
_بالله شهرين نافخلي راسي بيه وكل ما تزيد فيه سطر تعيطلي نقراه وتو تقلي بهيم صدقني بهيم مصوحبك انت وبهيم خاطر هزيت عليك التاليفون ،برا طير
_باهي باهي ماكش بهيم برشه خاطر اصلا انا كتبت غالط انت قريت كهو.
_مافيه شئ غالط
_لا فيه برشه اغلاط وصححتهم
_شكون صحتهم
_هههه الي عطاتك كف
_معناها طالبني تفرك فيهم انت
_لا والله هي صححتو
_براس امك فرخه ما تفهم شئ عاطيها تصححلك في مقال انت الي معدي عمرك صحافه
_اش قولك الي هي فاقت باغلاط
_واثق في تصحيحها تمشيش ادخلك في حيط
_الحاجه الوحيده الي واثق منها انها دخلتني في حيط
_حالتك مستعصيه انت زيد قلي حبيتها.
_لا اما حب يهديك اما ما طيحش من بالي
_ربي يستر صاحبي تقريب طاح على راسو
_لا لا شدتني الشخصيه
_معناها بديت تحبها تأكد ملي نقلك فيه اما اش عجبك فيها المجنونه هذيكا
_سبيسيال ،كلامها وحضورها مستعصيه.
_مستعصيه،فاش شنوه الي قلتلها وما سمعتكش فيه.
_قتلك بهيم،مستعصيه في عنيها الي ما تنصاعش حضورها الي ما يخلي حتى حضور يطغى عليها مستعصيه حتى على الوصف ما تخليهش ياخو حظو منها مستعصيه حتى على القلم ما تخليهش يكتبها قد ما حاولت قريب الشهر نكتب فيها ما نجمتش مره نكتبها في ثوب انثى ومره في وبر قطه بش تجي هي في لحظات تعدلي كتاباتي فيها تعدلي افكاري تقلب تاريخي._تنجم تقلب عليا وجهك خليني نرقد شحط كيفك تحكيلي في الكلام هذا الكل على فرخه تعمل العشرين اربع ايام اخرين.
_شنوه شنوه شنوه شكون قلك اربعه ايام وتعمل العشرين
_بربي شكون ركحلها اوراقها ودوسي متاعها فريت تاريخ الميلاد متاعها نلقاها تعمل العشرين جمعه اخرى ولا ايامات الحاصل
_هي قداه هالايامات.
_تو نشوفلك
_لا قوم توا حل PCوشوفلي
_قوم ارقد وسيبني تو غدوه نقلك
_حتى انت تجي صاحب ما تحبش تسمعني.
_يا ولدي درا اش صارلك انت وليت تحكي بعد ما كنت كلمتين تعدي بيهم نهارك.
_بالحق وليت نعرف نتكلم؟
_تعرف تكسرلي راسي انا نقلو كلمه وهو يحل بيها مستوج سيبني عاد بش الصباح نجيبلك بحثها.
_على خير ،اما اتذكرها يا خالد
_اخرج من مخي.
خرجت من مخو دخلت لمخي بحذا القطه وين متربعه هي وكلامها الي ما يوفاش وملامحها وصوت ضحكتها وسيجارتي العشرين في حضرة القطه المتمرده المستبده لاول مره نسهر غائب بالكيفيه هذيكا تعدا الليل وما فقتش بيه وخذاني النوم وجوه الصباح.

في البيرو.
خالد:عايده سي ايمن مازال ما جاش ؟
_وي لتوا مازال ما جاش ان شاء الله المانع خير
_طلبتو انت؟
_لا ما تعودتش نطلبو يجي مخر ولا بكري .
_اوك اوك تو نتصرف.
خرج لبرا طلبو هز وصوتو بالنوم
_عرفي لتوا راقد
_خالد احكي شبيك
_يا معلم ثمانيه ونص توا لتو ماك جاي؟
_بالحق استناني نقوم ندوش ونلبس ونجي
_ضعت انت
_اخرج من مخي انت وموشحاتك.
قام يجري دوش ولبس وخرج اليوم لا فطر مع امو لا حكى مع كاظم يجري لكرهبتو يسوق وهو يزرب حتى كاظم ما حلوش وما سمعش في العاده يبدا نهارو مع كاظم المهم سرفياتو في يدو دخل لبيروه رمالها شطر عين وهي مطبسه تكتب كانت لابسه شوميز نوار كيفو هو بالضبط وشاده شعرها الكل لفوق و حاطه وجها على يدها وهي تكتب نحات مرياتها كيف سمعت صوتو تبسمتلو ابتسامه عريضه وهي ترجعلو في صباح الخير تعدا بطيفو الاسود وعطرو الغامق قدامها ووراه خالد خالد بالنسبه لايمن حاجه كيف القهوه يعدي بيها السيجارو يقرا بيها كتاب يكتب بيها خالد ديما حاضر في المواقف هذه.
_بابا مسهرني وصابح راقد كان انا جيت مخر راك كسرت الدنيا على راسي
_رقدت وجوه الصباح ،وما عنديش مخ لحسك هاو نقلك.
خالد باهت في صاحبو شبيه ولا هكا صاحبو الي كان صباحو يبدا من الخمسه يسمع فيروز يركب على الحصان يفطر في دارهم يجي لخدمتو فرحان ومنشرح.
_نجيبلك قهوه من البيفات؟
_لا قول لمريم تعملهالي
_اش درك الي قهوتها بنينه
_سكر الباب وراك.
خالد مصدوم وباهت في مريم لاستوطنت صاحبو وقف قدام بيروها بكل ازدراء وقالها:
_قالك سي ايمن اعملي قهوه.
_نعم
_ما سمعتش نعاود؟
_لا سمعت اما شنوه قهوتو
_كحله
خليها وخرج وهي مصدومه وتسأل في عايده الي كشت فيها وقالتلها:
_نجي نعملها في عوضك وانت كل شي وينو تسأل عليه .
_اي وين المشكل انت هوني بش تعلمني راك و الحاجات هذه انت كنت تعمل فيها وتعرفها

_والله 5سنين هوني ما عمري ما عمتلو قهوه وما نعرش حتى شنوه قهوتو مش اختصاصي هذه خدمة الي معندو خدمة...
_صحيت للا انا هوني اختصاصي نبيع في الريح و بين ساعة و ساعة نعمل قهوة
بف منك يا أيمن تحليل مقالة اسهل من قهوة نعملهالك زعمة قداه يحب سكر مش مشكلة تو نحط السكر وحدو و نحطها بلاش سكر و هو يتصرف.
هزت الطبق و دخلت عليه كان حاط راسو بين ايديه و هزهم وعداهم على راسو و غمض عينيه و تنه

_قداه من طابع ؟
_بلاش
_علاش
_شنوه هو الي علاش
_على الخواء هكا ما كليت شئ وتشرب قهوه كحله مره
_شكون قلك ما فطرتش
_تحويقة عنيك تقول ساهر ودخلتك المزروبه تقول قام مخر.
كان في فمو برشه كلام بش يقولهولها على فطنتها نباهتها وذكاها اما كالعاده اثر الصمت عكسها هي الي كملت تحكيلو
_اش رايك نخليو القهوه الكحله جانبا وتفطر مش خير
صحكلها ضحكة امتنان اما
هذا ما كفهاش بالعكس شجعها بش تزيد تقترح عليه برشه فطورات وهو يضحك وهي واقفه قدامو وتحكيلو على الماكله وتشهي فيه
_اي انت منين بش تجيب هاذم الي تحكي عليهم من البيفات
_هزني انا للبيفات ،هيا نهبطو نفطرو على شرط تفطر معايا
_رغم اني فطرت مستعده نعاود على خاطرك .اليوم ما شبعتش بيه ولا بملامحو جاء كالعله خالد خذاه مني هو زاده ما بقاش الاصل بش يناقشني في تصحيح المقال ما ناقشنيش طول نشرو هذا الكل ثيقه ولا ما عينوش يناقش ثرثاره كيفي المهم اليوم هرب وخلاني علاه زعمه ووين مشى مطولو نهار اليوم بلاش بيه ومطولها هالليله وقتاه يجي غدوه نحب نراه.
اليوم هربت من قطه نتذكرها نضحك البارح نهار تعدا لحظه والليل لحظه واليوم مثقلهم الزوز ان غدا لناظره قريب بش نرى القطه اي وبعد وين ماشي بيها طفله صغيره موظفه عندك كانت كل دقيقه تلحم بين عقلي وقلبي ويحزهم سيقارو ،سيقارو بمذاقها هي وعلى شرفها بف قطه متوحشه وكاسره وما غلطش كيف قلتلها مستبده خاطر بالحق استبدت بي زعمه اصابها ما اصابني لا لا ما نتصورش اصلا اش يحببها في رجل اسود على قولها والشباب على كل لون قدامها في الفاك.
نطفي سيجارتي الاخيره ونطفي بيها ملامحها الي يرسمها الدخان نطفي حضورها ونرقد .
الصباح فقت نشيط متأهب دوشت ولبست وتأنقت وخرجت لخدمتي متشوق جدا نرى قطتي الجميله زعمه تكتب زعمه قاعده زعمه واقفه زعمه شنوه لابسه اليوم دخلت ما نعرش لبيروها والا لعالم الاغراء بفستانها الاسود الي لاصق على بدنها كانت منكبه على بيرو عايده يتناقشو في حاجه اكيد ما نيش مركز فيها تركيزي كيف ناظري ما حبش يرى غير انحنائتها المغريه بروبتها الكحله الروب ما كنتش قصيره ولا طويله قوامها كانت بارزه كعبها العالي كلها اخاذة ما نعرش عايده كيفاه راتني ووقفت وقتها وقفت قطتي ودارت اول مره نراها بالوجه الطفولي هذاك كانت ظافره شعرها مهبطتو على جنب ولابسه مرايات القطه ما كنتش حاطه احمر شفاه اما شغتاها شعله ومرا كيفها ما تستحقش احمر يزين شفاهها مرا كيفها تزين شفتيها بكلامها القوي نحات مراياتها وقاتلي
_صباح الخير
_صباحك سكر
عايده: صباح الخير سي ايمن
_نهارك زين ،نص ساعه وايجاوني الزوز
.
طلبت نص ساعه بش نجمع ما بقيه مني بش نجمع ما بعثرته القطه شتتني وضيعت تركيزي وخلاتني كل لحظه نجمع في اشلائي تلك المدمره.دمرتني.
نلقى روحي في لحظه من اللحظات وعلى الورقه مصور قلب ههههه تقريب وليت مراهق انا مازلت متاع قلوب كان يشوفني خالد ما يفضحني اصلا انا فاش قاعد نعمل منقاد بصيفه رهيبه ليها الباب دق خبيت اوراقي القيمه الي فيهم كان قلب وقلت ادخل
فراشة سوداء هلت علي منتصبه تمشي روب تحت الركبه وجديله هابطه على جنب شعر مخملي في تجعيد متاع تمرد وضفيره مهمله متاع انطلاقه واندفاع وجه برئ طوقتني تلك الجديله ضيعتني تلك الصغيره.
عايده: سي ايمن تعدات نص ساعه.
_تفضلو اقعدو عايده ومريم انحبكم تنظمو وقتكم كيف ما يساعد اوقاتكم طبعا حاجه مانيش بش ندخل فيها اما ماذبيا تتفاهمو ورضا الطرفين بش نولو نروحو في الليل مخر شوي اقسمو الايام الصباح والعشيه كل مره وحده تاخو الصباح ولاخره العشيه وطبعا بالتناوب
عايده:اما مريم مازالت مبتدأه ومش متمكنه كيفاه نخليها في بيرو وحده.
حسيتها تحب تنقض عليها بشراسه القطه اما انا جاوبتها
_ما تخافش عليها .وقفت قدامها هازه راسها عنيها كلها غرور وملامحها كلها انتصار ودارت بنعومه ومشات قدامها مشيه كلها خيلاء هما خرجو وانا اطلقت لعنان لضحكتي ما سالم منها حد هذه بدنها اقوى برشه من لسانها كلها تعابير بالحق خطيره هالقطه قويه وواثقه وتعرف اش تعمل وكيفاه ترد الفعل وكل واحد تعرف كيفاه تواجهو وانا انا المسكين الي نتابع قاعد نتورررط فيها .
"واني احبك واخاف التورط فيك"
هذا كان يوم العمل متاعي هذا اش كتبت نهار كامل ورسمت قلب وروحت للدار وكالعاده الليل وسجائري وهي .تلك التي تأتي اعقاب ليل..
الصباح دخلت للبيرو شطر نشاطي هزو الريح نلقى عايده هي الي ماخذه البوسط متاع الصباح هكا قسموا ما لقيتش قطتي الوديعه في المكتب ما لقيتش ضحكه ما لقيتش جمال ما لقيتش قهوه وما لقيتش هبال .الصمت معبي الدنيا مستانسه هي تحكي وتحكي وتحكي الكلام ما يوفاش عندها ابدا والغريب هي قد ما تحكي انت ما تملش تحب تسمعها شطر النهار كئيب ثقيل معوج مانيش مرتاح نعبي في غيابها بسجاره ما حبيت نكلم حد وما حبيت يدخل عليا حد فقط كاظم يغنيلها رغم غيابها يغني للقطه الي عايشه فيا من اول يوم رأيتها حليت PCخليت كاظم يغني ويقول في برشه كلام في عينيها عين القطه
"عين كعين الذئب محتاله .طافت اكاليل الهوى حولها.
قال الي نحبو نقولو انا فقط كعادتي اسمع وبالاضافه للسمع ولات عندي عاده جديده تستناها تعلمت الانتظار وعرفت قداه مر فيه التعلق فيه الشغف وفيه اللهفه ،
اشياء ما عرفت مذاقها كان ما عرفت القطه علمني حبك سيدتي اسوء عادات علمني حبك سيدتي ان تقرا فنجاني في الليل الاف المراتبي شنوه قال ايمن اش يقصد قال نحبك اي قال نحبك مانيش غالطه لا لا غالطه مش هكاكا يقصد قال نحبك في حالاتك الكل هذا المقصود ولا يقصد انا مقبوله في اي حاله ايمن اش عمتلك تبسيمتك وانت ساكت تحرقني الف مره ونهار الي تتكلم تقول كلمه تضيعني وتحرقني عنيك ايمن وخزرتك عذاب فما بالك كلمة نحبك انت ما تحبنيش ايمن كان جيت تحبني راك تحس النار التي تلظى في قلبي ووجداني كان جيت تحبني راك ما ترقدش في الليل راك تحلم بيا راك تتوحشني راك تسرق النظر ليا راك تعمل كيف ما نعمل انا معاك اي ايمن نحبك كلامك اسلوبك تي انا حتى خطك نحبو عطرك ملامحك تبسيمتك سكوتك ونتمنى تتكلم مش تعملي رجه وتمضي رجلي الغامض رجلي الاسود قاتم حتى في تعابيرك ايمن اش عمتلك انا كنت متمالكه كنت مخبيه كنت قادره نكمل ونخبي لاخر العمر مان بقيت انت ساكت ايمن كان ما رجيتنيش الرجه هذه كان ما رميتش الاسهم متاعك كان ما عثرتنيش حبالك واوقعتني سيطر عليا ايمن ليلتها وما حبش يخرج من راسي كنت نتمنى نهز التاليفون ونكلمو ونسمع صوتو ونقلوو قلبي بش يخرج من ضلوعي يحبك ويريدك ويستناك.
اما هزيت التاليفون وكلمت كاظم وتحملت كلام جانبي ومواضيع منا ومنا في الاخر بش نوصل ليك ايمن ونتحرى خبرك.
اخيرا قالي كاظم
_نتفرج في فيلم
_شبيك ماكش ساهر مع ايمن ولا رقد.
_لا للا هذاكا ساهر مع بلاك يرتع مش هوني.
_نص الليل توا وهو فوق الحصان
._نص الليل الفجر العصر اي وقت ايمن يفد يتقلق ولاحتى يفرح يمشي يعمل سوايع فوق حصانو
_غريب ايمن هذا
_اسكت عرفك راو
_برا قلو
_اش تحب نقلو تو نقلو
_ايه اش نقول واش نخلي قلو نحبك قلو قلو برشه حاجات قلتها في قلبي
اما احتفظت قتلو
_لا تقلو لا يقلي اخطاني من الخدمه توا واخطاني خليني نرقد.
مانجمتش نرقد وانا نتخيل فيه وهو فوق حصانو الاكحل وهو فارس اكيد راو ساااحر.

صباح كامل متوتر اكيد تغششت مني على كلمه فلتت انا ما نقصدهاش هي الي قصدتني نحبك كلمه ماعاش تحب تبقى لداخل خرجت هي زعمه بش تراها استغلال خاطر انا عرفها ولا اكيظ بش تراني العجوز المتصابي لعل تراها كلمه عاديه كيف الكلام الي تقولو هي اعصابي توترت الصباح هذا اش باش يعديه وهي الي تخدم بالعشيه هذا كان جات اصلا كان ما جاتش مانيش بش نسامح روحي جمله انا احمق الكلمه هذيكا حقها كيف كل الكلمات والاسرار ماتت لداخل .
_ادخل،
عايده:سي ايمن جبتلك قهوه .
_قتلك انا نحب قهوه !!
_قلت لعل استانست بالقهوه وبالمره تهديك.
_ترى فيا متوتر انت .
_نهز ها ؟
_هزها وابعثلي خالد.
حتى القهوه يا قطه تمردتي عليها ماعاش نحملها من غيرك ولا بلاش بيك حبك يا قطتي يحرق اشيائي ويضعك اعلامك عطرك بصمتك وعيناك.
_ايمن بعثتلي
_اقعد
_وانت ايجا اقعد شبيك واقف
_اموري هذيكا
_ما تقوليش معاقب داير للشباك.
ويني القطه هاي ما جاتش طردتها
_تنجم تبقى وانت ساكت
_ياخي باعثلي بش تعطيتي بظهرك وتزيد تسكتني ،هاااي ايمن وين ضايع بالضبط ناري على صاحبي.شعلت سيقارو وقعدت مقابل خالد وقتلو
_خالد شنوه ترى فيا انت؟
_ايمن اش بش نراك!
_مندفع انا ؟
_هههه مستحيل
_مالا كيفاه خرجت
_شكوني ،ايمن ،هاااي
_شبيك
_شكون الي خرجت
_الي بش تخلط عليها توا اخرح اخرج برا شد بيرو سيبني.
_باعثلي بش اطردني
_سكر الباب و اخرج.
_المرا الجايه تعيطلي ما نحيكش
_،اخرج وقول لعايده ما دخلي حد.
داخله للخدمه وعرضني هاك الماسط خالد ما فهمتش علاه هو الصديق المقرب ولا الوحيد لايمن اش عاجبو فيه وهو ما يشبهلوش جمله.
_جيت انت؟
_شيهمك انت
_مش على حاجه ايمن الدجاج الاكحل داير بيه.
_بقى كان الدجاج ما عملوش اكحل!!
_هههه لسانك طويل انت
_اما مش بطول ضلك وثقلوا.
خليتو باهت مصدوم وتعديت من الباب عارضني يخرفلي وعايده فيسع روحت ماتنجمش تبقى لين نجي لازم تفيق الي انا خلطت مخر باي ثمن مش عاديه ملا جموع هوني كيفاه بش نخدم معاهم خذيت بيرويا وقعدت ودخل عليا حد ما نعرفوش شاب في 27/28سلم بلباقه واحترام وقالي الي هو زميل يخدم هوني وعندو مقال عند عايده ما يعرش عطاتو لسي ايمن ولا لا
يحبني نشوف عليه حليت الخزانه الي نحطو فيها عرضني هو لاول
_سمير مش هكا هاو عرضني الاول
_يد بريئه فيسع جبدتو
_شكرا ،بش تقدمو لسي ايمن
_نرمالمون من الصباح مش عارف علاه عايده ما قدمتوش
_لعل قراه ورجعو
_ما نتصورش كانت عايده كلمتني وقاتلي ما عجبوش ومش بش يتنشر.
_ا هوني المقال بالاعجاب يتنشر
_هوني كان الاعجاب يمشي اصلا انا نستنى في مقالي يعجب نلقى روحي معجب.
هو مازال يحكي والسحابه السوداء امطرت ،امطرت وابل من التوبيخ اي ايمن حل الباب وخلط على الجمله هذيكا وزمجر عاد
_سيدي جاي تخدم انت هوني ولا تفرق في اعجابك.
_لا سي ايم..
_شنوه الي جابك هوني!بعثت مقال تستناني نجاوبك. من هنا فصاعدا ما تجيش هوني تاليفونك الي قدامك في بيروك تهزو وتسأل وهات المقال وبرا لبيروك.
مصدومه في ايمن الساكت علاه عمل هكا في الطفل لا محال يستاهل اما مش لهاك الدرجه._مريم جيب المقال وايجاني .
دخل ودخلت وراه براكين الدنيا كانت مرسومه في جبينو عروقو كانت بارزه ويدو كانت في شكل القبظه الغليان كان بادي على ايمن الرصين اما انا حبيت نسكر الموضوع ونهرب من خزرتو الموميته
_مقالو جابو لعايده من الصبا
...
_من وقتاه انت هوني؟.
_ملي خرج خالد من عندك.
_ما فماش حد تقلو هاني جيت! ؟
_كنت بش
_واي حد يكلمك تتحل معاه في الهدره انت؟
_لا نحكيو في الخدمه
_في الخدمه يقلك انا معجب ؟
_لا هو قا...
_هو قال وانت تسمع فيه سمير ولا غيرو ما يكلمكش بالاسلوب هذاكا اي حد يحكي معاك هكاكا توقفو عند حدو والا نوقفو انا عند حدو وتوا برا شد بيروك.
_انا ماعملت شئ وما غلطش انا نخدم على روحي وهو تخطى حدو انا شنيه ذنبي؟
_ذنبك جاوبتو من اساسو
_يسأل
_قلو يرجع لعايده خذيت متو حاجه انت؟
خرجت على النص جمله وصوتي علا والدم غلا في عروقي وكنت مستعد نواصل كان مش هي استعملت اسلحتها عنيها البلار لمعت فيهم دمعه حرقت ايمن قبل ما تهبط ما فقتش بروحي مسحتها بصبعي وبعدت خصله على وجها بش نراه مليح وقت تتاهب للدموع وجه اخر للجمال نكتشفو جديد خدود تحمار وفم يتقلص عنين توساع وشفر يرعش وتخرج لؤلؤه مش دمعه صوتي وقوتي وعظمتي طاحت والكلام ولا خارج بالسيف.
_ما تبكيش قدامي.
قدام طولو وغشو تملكتني رهبه وخوف اما بين يدو وتحت صوتو الدافي الضعيف تملكني ضعف كنت حابه نترمى بين اديه اكهو نسمع هاك النفس عن قرب ونشم ريحتو نمتص غشو اما كبريائي تصرف وقتها هبطلو يدو الدافيه من وجهي وخزرتلو بقوه وعطيتو بظهري وخرجت شديت برويا.علاه عمل هكاكا فاش غلط انا شبيه ايمن هكا مره قوي و يصيح مره دافي وحنين ناقصه انا بش نزيد نلقى جانب اخر في ايمن.
شنوه لعملتو ايمن كل مره تزيد الطين بله كل مره تعمل عمله اتعس من قبلها ايمن ماعاش عندك سلطان على روحك ايمن راك ايمن القوي الشديد شبيه بنيانك تهاوى قدام قطه وهي قطه عاديه قطه رهيبه حتى في ضعفها قوه حتى في دموعها انتصار ولا خزرتها قداه شامخه مستحيل تنحني شنوه هالمرا ولا هالطفله ولا هالقطه.
قاعده غي البيرو نغلي ملي عملو معايا ايمن متوتره نحاول نكتب وما انجمش و ضرب تاليفون مكتبي كلمه ما قالش غيرها
"ايجاني"
وانا لقيت روحي لقيت انفاسي لقيت ساقيا بش نجيك!!
صوتو وهو متغشش حاجه اخرى صعب وغضب وزمجره اه من رجل يقول كل شي وقت ما يقول حتى شئ كلمه كفيله بش تهزك ليه كيف وقت ما يشتهي هو
حليت الباب ودخلت نلقى ايمن قاعد في كرسي الي مقابل كرسيه كرسي ضيفو في الاغلب اما مش كرسيه الاداري وقفت قدامو
_اقعد هاو كرسي قابلني
_نعم
_نتصور توا وليت تكرهني
_(ياريتني انجم)ما نعرش
_حاول تفهمني
_مانجمتش
_مش قصدي حاجه اقوى مني وكهو
_انا ما غلطش
_انا غلط
_مالا اعتذر .
هزيت راسي مصدوم من كلمتها اما نلقاها تضحك الموقف الكل قلبتو مزحه واذهبت الشحناء انا ما نستغربش من موقف قلبتو هي كيان راجل قلبتو رأسا على عقب
باهي انا انجم نعتذر اما خارج المكتب هوني انا رئيسك في العمل راو لبرا حاجه اخرى.نخرجو نشربو قهوه؟
_خليني نخمم
_وبش تخمم زاده !!!
_حقي.
_لا للا داخل في اطار العمل انا عرفك وانا نقلك.
_ههههه عرفي في العمل ،طلبك مرفوض.
_مستبده،باهي فضلا وليس امرا تتكرم ونخرجو نشمو الهواء.
_هكا نحبك.
_اخرج اخرج وانت ساكته.
هي قالت هكا نحبك وما تقصدش جمله الحب اما من فمها كان ليها مذاق اخر سطوه اخرى وقوه اخرى ترفل قدامي وتسبقني في خطواتها وتستناني كيف ما تستناني السعاده معاها.
يجبد ايمن الكرسي بش تقعد القطه وتخزرلو بعينيها المضيئه خزره متاع شكر وترجع عنيه خزره متاع استعطاف متاع اني اغرق متاع حاجه تستجدي في العطف والاحسان اما يقعد قعده متاع سلاطين كلها غرور وعجب وسلطه السرفور يتسابقو شكون يخدم سي ايمن والي هذا يمشي ويجي يحب يتأكد طلب شنوه يحيبولو .
_فاش تخمم
_ههههههه حاجه تضحك
_قلي نضحك معاك
_يرحم ايامك يا كاظم هههههه
_شبيك تضحك
_ماو نخرج انا وكاظم وعمر وهاله نقعدو في بلاصه ما يصفر علينا حد
_ما يصفر علينا حد!!!
_حد ما يقلنا منين جبتو قصدي. ونعملو عركه ونعدي الكموند وساعه اخرى بش يجيبها كاظم ماجاش لعمو
_اطلاقا.
_ديما نص كلمه
_علاه خليتلي كلام معاك
_نعرفها اللغه هذه ما ينجمش يتكلم يقلي انت تكلمت الكلام الكل
_فما شكون مستانس يقولهالك؟
_كلهم
_برشه هما
_اي كاظم اولهم عمر هاله الشله الكل.
_مش هكا القصد
_مالا اش تقصد
_الحب موجود؟
_طبعا .
_(شعل سيقارو)اكيد يحبك برشه
_ههههه
_شبيك!
_هاو طلع مفهومك ضيق للحب
_بمعنى
_قهوه امي حب بلادة خويا حب دلال اختي حب كاظم عمر هاله اصحابي وبلادتنا حب الحب مش شخص بقدر ما سطوة احساس._(ينفخ في سيقارو ه) وانا ؟
_انت عرفي الصعب الصارم.
_الي انت ما تحبوش .
_لا بالعكس نحبووو،كيف بابا هههههه.
حبيت نقولها هاالكلمه ايمن و نرتاح بيها ما تعودتش نخبي انا اما كيفاه نقولها هذيكا اساليبي هو اكيد ما عجبتوش كيف بابا خاطر كبير عليه برشه اللقب
_تقصد بهذا انت صغرونه ولا انا كبير؟
_انا كنت صغرونه اما كبرت ،قريب نعمل العشرين
_بعد تلاثه ايام
_شكون قالك؟؟
_فما بو ما يعرش عيد ميلاد بنتو
_ههههه صدقت عاد انت
_بش تعمل حفله؟
_لا ماو قتلك كبرت ،مش جوي الحفلات انا
_شنوه جوك
_حاجات اخرى الحفلات اخرها.
_مالا كيفاه بش تحتفل
_لا برنامج اصلا مش في الحسبان.
_والشله !؟
_كل يوم معاهم انا اما عيد ميلادي ملكيه خاصه ولا انا غالطه ؟
_انت ما تغلطش يا قطه مش كيفي.
_انت ما تغلطش اما..
_كمل كمل
_اما متناقض برشه
_(نص تبسيمه)مقنع ،كيفاه؟
_انت ساكت اما قلمك ثرثار عاقل اما مندفع رصين اما نسمه تهزك والاحلى من هاذم الكل اسمك ايمن وانت ايسر تكتب باليسار.
_هههههعهههههههههه من سنين الضحكه هذه ما ضحكتهاش.
اول مره هاك الضحكه ثغر اغر اسنان ناصعه منضومه وقهقهه مرتبه وشعله سعاده لمعت في عنيه .
_على فكره الضحك يواتيك خير.
_اسمي ايمن وانا ايسر.
عاودها مرتين وبعد قالي.
_ينجم اسمي مش اختياري فما يواتينيش ؟
_لا
_علاه
_خاطر لكل من اسمه نصيب ايمن ما تقتصرش على اليمين واليسار فيها اليمن البركه يعني
_ومريم
_مطلسم
_علاه
_كل بحث نلقاه ولا نعملو على الاسم نلقاها مريم بنت عمران الاسم الوحيد لانثى فالقران فقط وفما شكون يقلك مريم خادمة الرب اما معنى ومبنى لا هكا انزل مطلسم.
_كيفك انت كيف اسمك ،سر.
_انا كلي انا اسمي وطبعي وكياني.
_تحب اسمك
_نحبو خاطر بابا سماني.
_تحب بوك
_جدا جدا.
_وانت قتلي انت بابا.
_تقريب تعلمت تصطادالحلقة الثالـثــــة.......فارسي الأسود

ماما ماما وينك
_شبيك مريم بنيتي لاباس؟
_اه يا ماما كنت في الجنه يا ماما كنت معاه يا ماما محلاه يا ماما
_يابنتي اعمل عقلك اركز شكون هذا
_وهو خلالي عقل يا ماما هبلني
_لا انت ناقصه هبل
_اما هذا هبل اخر يا ماما هبل متاع كبار
_يحبك؟
_يمكن اما انا نحبوووو
_مانيش مصدقه وذني يا بنيتي
بنتي انا تحكي هكا؟ بنت تحب في راجل!!!
_سيد الرجال يا ماما كان تراه يا ماما تحبو طول
_لا بنيتي حبو انت وحدك بش يجي يخطب؟
_يا ماما حبه حبه طول يخطب ماو نظره فابتسامة فسلام فكلام ف حب فغراااام.
_فيجي يخطب
_بربي ماما ما تفسدش فرحي خليني بين ضحكتو والخيال
زعمه يحبني ياماما؟
_وانت شكون ما يحبكش يا روحي.
_اموووه محلاها البوسه هاني طالعه نحكي انا مروى
_لا لا سيبها اختك باك ما تمهمشهاش
_ماشي يا روحي.
سعادة الكون في قلبي لا لا في مخي في قلبي كان ايمن رجلي الاسود رجلي الخرافي كل مره نعمل شده متاع شعر كل مره نلبس لبسه استعداد للغد الفاك ماعاش في مخي في مخي كان العمل ورئيسه.
من كثر الفرحه وليت نحب الناس الكل دخلت سلمت على الناس الكل حتى عايده عطيتها بوستين واحنا نبدلو بالبوست وخالد دخل
_مرحبا مرحبا مرحبا.
_عليا انا؟
_اممم قررت نعمل صلح مع الناس الكل نتسامحو؟
_حلوه هذه
قمت سلمت عليه وقتلو لحظه نشوفلك ايمن فاضي و ندخلك
دخلت للبيرو اه ملي في البيرو سلمت عليه وضحكتلو وقتلو خالد يحب عليك
_فما كان خالد يحب عليا في هالدنيا
_ميسالش شد بيه قلبك،ندخلو
_هات نشد بيه قلبي.
_تفضل خالد.تشرب حاجه
_لا للا شكرا خارج نفطر انا وايمن
_بالشفاء.
طبعا ايمن مصدوم...
شنوه بابا صداقه جديده هذه؟
_اي وين المشكل كيف ما تقول انت ديما انا رجل بلا قدر خليها تولي قدر ي
_هيا شد قدرك لا نطيحهولك.
_ههههه ووجهو حمار زاده لا صاحبي عاشق .
_نحبها رتحت.
_ههههه تفدلك اكيد؟
_ياريتني جيت انجم نفدلك فيها.
_وهي؟
_ولا الهواء
_جمله؟
_جمله
_ايمن البنات تترمى عند ساقيه يحب وحده وزيد ما تحبوش
_اسكت خليني ناسي.
_مدامها قدامك ما تنساش راو
_اي اش نعمل
_حطها بحذايا ههههه
_والله لاك راجل
_هههههههه نفدلك نفدلك.
_باهي اش مجيبك؟
_امان امان يا ايمن هكا تقول ل صاحبك وعشيرك
_احكي ولا اخرج كلمتين.
_باهي مقال احببت قطه.
_شبيه ؟
_ضرب مليح وفما نقاد يحبو يقابلوك ويناقشوك فيه
_علاه ،مانيش كاتبو وحدي
_علاه ماك انت كاتبو !!!
_وصلحتو هي وعملت فيه تحوير
_ههههههههه اكيد تفدلك عليا انت هي تصلحلك انت هذا المزال
_هاو نجح .
_بهتني الحق ما يظهرش عليها ،ما و باين عليها كان طول لسانها.
_والكف الي عطاتهولك
_ايقى ذكر ني انت
_خاطر تستاهل
_باهي اش عملنا مع النقاد؟
_خلي غدوه يجيو يحكيو معاها
_علاه كتبتو وحدها هي ؟
_لا اما ما ينجم حد يتكلم كيفها.
_اه صاحبي ضبع صاحبي ضاع

خارج نفطر انا وخالد هيا معانا
_لا خليكم براحتكم
_لا هيا عندي ما نقلك
_خالد ما يحبنيش عاد.
_لا نحبك نحبك بقوة جهدي
خالد كان يفدلك عليا مش علاها اما والله ما حملت كل يوم حالتي تتفاقم الي يكلمها حتى لو كان زميل تتمكن مني سخانه تشدلي مخي تشلي حركتي تهو خالد يكلمها وانا نفد حتى في المطعم قعدتها بجنبي وهو مقابلنا كل ما يرميلها كلمه ولا يفدلك معاها نعطيه مشطه من تحت الطاوله لين عمل عليا بالعاني
_ايمن قلتلها؟
_شيهمك
_يفدلك عليا راو تمشيش تقول يهنتل فيا قدامك لا لا رد بالك تخمم هكاكا
كان يضحك فيها وهي تضحكلو وانا رغم عارف خالد ومخو معايا كيفاه نظيف ورغم عارف الي ضحكتها بريئه اما غااااااير
_تصدق ندمت جبتك معانا
_يحبني يحبني على الاخر.
خالد وايمن محلاهم مع بعضهم خالد مش خايب كيف كنت متصورتو يكفي الي هو يخرج ايمن من بهرج العرف ويحطو في اطار الصديق كنت شايخه بالضحك كيف ما كنت شايخه بمجالسة ايمن وزاد شيخني كيف قالي مقال ناجخ وبش يجي شكون يحاورنا فيه فرحانه لاول عمل مشترك لاول نجاح لاول ثيقه نقتلعها منو فرحانه لدرجة نتمنى خالد يضمحل ونقول لايمن حبك اهداني اول انتصار .كملت سويعات عملي وروحت معبيه بايمن كيف كل يوم الي يقولو ايمن في النهار نتذكرو الكل فالليل ونكلم كاظم نسرق خبر عليه ونرقد.اكثر حاجه تهبلني كل ليله كيف يقلي كاظم راو فوق حصانو نتخيل رجلي الاسود في صهوة جوادو الاسود وفي الليل اكيد سحر منقطع النظير اكيد راو فاتن كل ليله نتخيلو نتخيل الحصان نتخيل اني ركبت معاه ونحلم نحلم نحلم ونقوم على صوت امي تجمع فينا للفطور ويخرج كل واحد فينا لحياتو مروى لليسي وانا للفاك مشيت للفاك قريت حصتين وخرجت انا و اصحابي شلة البلاده والركاكه وقفنا نفدلكو ونضيعو في الوقت لين يجي وقت الحصص الاخرى كنا واقفين بحذا كرهبة كاظم وكنت قاعده فوق المان و بجنبي زميلي ومعانا اصحابنا كنا نفدلكو وضحكنا عالي وحسنا مسموع هزيت عيني نرى في كرهبتو وهو في وسطها زمر انا وكاظم ريناه هبطت ومشينالو
كاظم: ايمن مرحبا اهبط نشربوك حاجه
_لا يعيشك جيت بش نهز مساعدتي عنا اجتماع الي قتلك عليه البارح،اطلع.
طلعت كان مخبي عنيه بمرايات كحل ومركز في سياقتو
_الاجتماع توا هو؟
لا اجابه ما جاوب نيش جمله عرفت ايمن متغشش من حاجه وممكن برشه انا هي الحاجه .
_ايمن متغشس مني ؟
_لا علاه انت تعمل حاجه تغشش
_هيا باهي مش مني يعني.
_زيد اتبهلل نرمال انت قاعده فوق المان تكشخ انت وطفل وماكش هوني ملي جاي من بعيد نرى فيك باينه للعيان اي حد يراك
_اي خلي يراني شنوه الغالط الي عملتو؟
_بربي ضحكتك واصله لوين وين
_انا ديما هكاكا
_وقعدتك على الكرهبه قدام الاولاد هكاكا.
_صحابي وكيف خواتي.
_وماتعترفش يعني؟
_مانعترفش بغلطه ما عملتهاش.
_تنجم تسكت.
_ما نجمش اما تو نحاول.

عنيده وسليطه لسان ومندفعه ومع هذا احبها قادره جدا تحول غضبي رضا اسلوبها وكلامها ريضني رغم اني كنت في قمة الغليان منها قاعده فوق الكرهبه الاعناق الكل مشرئبه ليها هي تتكلم وهما يطرشقو بالضحك والاحلى من الكل الشحط الي بحنبها ولو زميلها يلزمها تعمل مسافه بينها وبينهم الكل تي انا ساعات نغار من كاظم وخالد بش ما نغارش من غيرهم
_اهبط.
هبطت ونطرت الباب ودخلت وخلاتني كأنها ما جاتش معايا اصلا بالحق ماعندها وزيد تدخل وتبقى تحكي هي وزميلها فالممر شنوه تحب تعمل فيا هذه شبيها تتصرف هكا
_عنا اجتماع راو
_لحظه ونجيك
_ادخل لبيروك لو تسمح ،هيا انت.
شديتلها يدها وهزيتها بالسيف عليها كانت باهته فيا كيفاه تصرفت هكاكا اما انا واصلت هكاكا لبيرويا بش عايده ما تسمعش اش بش نقلها
_هوني ماعندكش الحق تكلم حتى ذكر واضح
_انت تمارس فيه الحق هذا هوني ومش هوني وانت عامل جريده فيها موظفين موظفات طبيعي بش ناخالطو ونحكيو
_تعرفو انت تكلم فيه؟
_وقفني ما نجمتش نحقرو
_لا تحقرو من هنا فصاعدا تتعلم تحقر واضح
_حتى حد ما عندو عليا حتى املاء.
ما نعرش انا كيفاه خطفتها من اديها زوز وقربتها ليا على الاخر وحطيت عيني في عنيها وقلتلها
_الا انا ،انت متاعي.
الباب دق ما نجمتش هي تجاوب ولا انا نكمل كتت بش نقلها اسراري ونحرق اوراقي وننتهي.اما خالد دق الباب ودخل
_كلمني الناقد لحظات و يطلع على وصول ونحن ما حكينا شئ وما تفاهمنا في شئ.
خالد الوحيد الي كان يحكي على الخدمه اما انا وهي افواه ساكته وعنين تتكلم عيني كانت تقلها انت ملكيه خاصه.
وعنيها كانت تقول لن انصاع.في بيرو دخلاني في بيرو ايمن قاعة اجتماعات طاوله كبيره يقعد ايمن في راس الطاوله على ايمينو الناقد عادل اسمو وعلى اليسار انا وخالد ايمن متوتر اما انا قدرت نكبح جماح غضبي انا المندفعه نولي رصينه ونريض وايمن الرصين يندفع وما عاش يتمالك شنيه هالحاجه الي قاعده تقلب في الموازين ايمن يترج انا نريض ويبدا الحوار الناقد كان متحمس جدا ويحكي يحكي يحكي خالد كل مره يرمي كلمه ايمن كل مره يرمي توضيح الناقد عادل :
_فما تراوح في الكتابه ما مشاتش في نفس الوتيره فما مد وجزر الكاتب الي كتبها ماركزش على الاحقاب الزمنيه ولا على الاماكن .
خذيت الاشاره من ايمن بالعينين وتكلمت.
_علاه ترى فيه ما ركزش على المكان والزمان وقت هو ركز واتعمد يصنع تجاوز في الثناويات كيف المكان والزمان وحكى على مشاعرو تجاه القطه خارج الاطار الزماني والمكاني لعل خاطر محبوبتو ازليه تتخطى الوقت تتخطى الزمن لعل هي الوقت والزمن لعل هو كيف قال قطه يوحي للقارئ بمناخ القطه وقتها وقت نومها مكان مكانها المهم طريقة خدمتو وكتابتو للقطه.
_اي يا انسه نحن ما تعودناش التمرد هذا في الكتابه.
_كان مشينا بالتعود والمؤلوف انت نا كنتش تكون هو ني راي مرت كيف ما يمر الف مقال اما المقال المتمرد هذا شدك كيف ما شد القراء الكل و قادك لينا مختلفه بعيده برشه على القوالب الجاهزه.
كنت مأخوذ بيها كيفي كيف خالد كيف عادل الناقد سيدة الحضور نجمة المجلس ما ينجم حد حتى الناقد يزيد على كلامها انفض المجلس والناقد خارج هو وعادل وهي خارجه وراهم
_اقعد
_خارجه
_اقعد نكلمك
_خارجه نعمل قهوه راسي وجعني
_تهزني معاك انا زاده راسي وجعني
_انت توجع ما توجعش .
_،وانت يلزمك تحملني يلزمك تفهمني،اقعد تو نطلبو قهوه نشربوها هوني
_لا ،بش نشربها في البيفات.
_اوك نشربوها في البيفات.
واقفين في البيفات قهوتها كل اهتمامها و قهوتي اخر اهتمامي وعلاه بش نهتم بقهوه ما فيهاش ضحكة القطه وعيناها
طبست عليها شوي وقربت وجهي لشعرها وقلتلها:سامحني.
خزرتلي بطرف عين وهزت قهوتها ومشات
_وين ماشيه ؟
_تو وقت البوست متاعي عايده اكيد تو تروح.
_باهي زيد شوي.
_لا
خلاتني في البيفات ومشات ووقت مشات حسيت روحي اش نعمل هوني من وقتاه انا نهبط للبيفات اصلا.

خالد هيا نفطرو هيا نخرجو هيا نمشيو منا .
في الكرهبه خالد ما حبش يسكت
_ريتها مااقوى كلامها افحمتو الناقد سمعتها كيف قتلو كن عادلا يا عادل يا ولدي داخ عليها للباب يسقصي عليها.
_تو فرحان تحكيلي ؟
_فرحان خدمتنا ماشيه وجونا باهي
_جوك باهي ،جوي مش باهي
_شبيك
_نحبها ماعاش انجم نقاومها نحب ملامحها وكلامها وروحها وقوتها وسطوتها نحبها يا خالد.
_خوذها
_بربي اسكت انت
_علاه هي ما تحبكش؟
_ما نعرش واكيد لا اش بش تحب في راجل يفوتها ب 15سنه
_اقطع الشك باليقين واجهها اسألها احكيلها على حبك
_مفضوح راني يا خالد انت والي يخدمو الكل فايقين بيا وهي متلفه،فديت انا.
_مرا بسطوتها اكيد تحبك تواجهها.
_نحب ننسى اول مره نخاف من الفشل اول مره نخاف اصلا اول مره نحب اول مره نخاف من الحب ولا نحب خوفي ما نعرش يا خالد ما نعرش.يا جمالك يا قطه ياجمال زعلك يا حلاوة رضاك خالد خلاني ومشى عندو موعد مع انثى والاناث عندو كثير وانا بقيت انا وطيفها الكاسر كلامها طبعا في ذهني ما يتنساش وحتى جبينها المقطب غشها محشو جمال مفخخ حب.
صحيح انا غالط صحيح وليت مندفع الله غالب احببت قطه جبتها من ضحكها من صحابها من عالمها وغششتها نحب نرضيها نحبها تفهم الي نعمل فيه مش بيدي ومش مني فما حاجه تحرك فيا تقلب فيا تشطرني نصفين حاجه تعلمني المواجهة وتعلمني الهروب حاجه تعلمني الاندفاع وتعلمني الخنوع حاجه تعلمني الشجاعه وتعلمني الخوف.
ايمن كل يوم يزيد يضيعني فيه ،فما حاجات ما كنتش نعرفهم فيه فما قسوه ترتسم في ملامحو كيف يكون غيرو في محيطي والمشكل ما يكملش نا يواصلش احداث اليوم وعركنا وحسنا وبعد كيف خرج للفطور هو وخالد ما رجعش حتى خالد ما رجعش هربت ايمن ولا تعاقب فيا ما نعرش اما كل الي نعرفو في الدنيا حبك غير خارطه الازمان الساعه في غيابك دهر حتى لو كان حضورك استعمار وقهر قهر لذيذ كيف تحط عينك في عنيا وتقلي انت متاعي اروع امتلاك في الدنيا واحلى سطوه وسيطره ترجمت كل حاجه نحسها فيك ترجمت تعلقي بيك انت زاده ايمن اشيائي ،اشيائي الكبيره الفاخره اشيائي الشديده القويه،اشيائي السوداء اه ايمن اه وكالعاده روحت في الليل نفختلها راسها على الاجتماع متاع اليوم وطلبت كاظم نحكيو ونسرق في معلومه على ايمن لكن السيد ما روحش اصلا وينو زعمه مع خالد ولا مع انثى والا يطلعش من الرجال الي يشربو !!!
ايمن الساعة الان انا الا انت.
نص الليل توا بالضبط نحب نكلم قطتي نحب انحي الخوف نحب نفرغ صدري مجرد ما نتخيل قطتي تولي عندي قوه كبيره وعجيبه ومن دون ادنى تخمام طلبتها وبصوت بكلو حراره بصوت كلو دلال بصوتها الي ب النوم الي معبي اثاره قالت:
_الو
_قطتي
_ايمن
_نعرف الوقت مخر اما حبيت نكلمك.
_مرحبا
_كل عام وانت قطتي نص الليل توا حبيت نكون اول المهنئين اول حد يكون معاك في عمرك العشرين.
_صدمتني ايمن.
_مازلت متغششه مني؟
_لا هذاكا مشى مع 19توا انا في العشرين ونحب ندخلها متسامحه مع الناس الكل
_ندخل معاك؟
_للعشرين؟
_للعشرين وحتى اقل المهم معاك
_هههههه
_معاش تضحكلي الضحكه الخطيره هذه.
ايتها الشهية البهية الدائمة الطفوله.
_ايمن وين انت ؟
_في الدار،علاه
_لا بكري حكيت انا وكاظم قالي الي هو وحدو امك عند بنتها وانت مش في الدار
_وانت تتأكد من شنوه بالضبط ؟
_نتأكد الي ماكش في حانه ولا متعاطي خمر
_ههههه ضحكتني انا ما نشربش
وبش نرفعلك اللبس هذا مش كلام شارب خمر هذا كلام شارب ...
_شارب شنوه
_شارب قطه، دوب ما يتخيلها يغيب بعينيها يثمل بكلامها يضيع في احداقها ويحب ..
_شنوه؟
_يحب يقلها غدوه انت متاعي
_مافهمتش
_غدوه لا عمل لا شئ غدوه نحن عملنا العشرين وبش نعديو يوم مع بعضنا موافقه؟
_ايمن...
_اسس قول موافقه واسكت.
_سكت
_لا قولي احبك
_شنوه ؟
_كي تزيد وسامتي فبغير حبك لا اكون جميل،نغني نغني مش هكا قال القيصر
وقال يا مستبده اه منك يا مستبده.
اه منك ايمن شنوه هالحمم الي شعلتها اعقاب ليله اول دقائق العشرين او اول دقات قلبي ما نعرش كل الي نعرفو الي دقات قلبي وخفقان اقوى من الزمن اسرع منو وقتاه يأتي غدا ولا وقتاه يأتي ايمن وين كيفاه وقتاه بش نراه ،اش بش نلبس وشنوه نعمل ايمن المحتل هذا الاصح مختل مختل عقليا بالرسمي مهبول مقتحم غير عادي لكني احبه.
اسخن محادثه في حياتي واقوى كليمات للصباح ما رقدتش وانا نتذكر فيه.الصباح الحوايح الكل لبستهم شدات الشعر الكل عملتهم وفي الاخر لبست سروال دجين شوميز نوار قصيره وطالون نوار شعري سيبتو هزيت صاكي وليناتي فوق عينيا ومشيت للفاك قعدت مع اصحابي شوي
_كاظم:شنوه هذا تفتق
_عنا اجتماع
_عندك اجتماع تولي قنبله انت كل يوم اعمل اجتماع
_واش خص ،
_لها الدرجه تحب الخدمه ؟
_لا الاجتماعات ما فيهاش تعب قصدي
_بش يجيك ايمن
_ممكن ولا هي توصلني انت.
_لا يا بنتي انا والاولاد فاصعين طالعين لجربه
_علاه كاظم وصحتك ودواك
_كل شئ عندي واموري مريقله.
_امان يعيش خويا رد بالك على روحك
_بوسني تو نرد بالي على روحي
بستو منا ومنا وتزميره قويه قصت علينا بوسنا ايمن جاء مشيت ركبت بحذاه وكاظم طبس عليه يكلم فيه وهو قالو
_متوحشين بعضكم ولا مسافرين
_مريام قد ما تبوسها ما تشبعش
انا غصيت من الفدلكه متاعو
وهو قالو
_برا برا اقرا على روحك مش خير
_كان ما جيتش اليوم راني مع الاولاد (وغمزني بش ما نحلب بشي)
_المفيد كلمني
_ماشي وسايسلي عليها.
خدم الكرهبه ودار
_عرفتني هوني هاك ما كلمتنيش،كان بش يوصلني كاظم للجريده
_على هذاك انت تبوس؟
_وعلى هذاك انت متغشش
_صحيت على هذاكا
_عاد من كاظم تتغشش
_من الهواء من السما من الوطا حد ما يبوسك
_هههه اول نهار في العشرين بش نبداوه بعركه اخرج اخرج ما تدخلش معايا في العشرين انت خرنان .
هو ضحك وانا اغتنمت الفرصه
_اما على الضحكه هذه انجم ندخل معاك التلاثين والاربعين.
_انت مجرمه تنجم تعمل كل شئ.
_ما ريت شئ تتسمى.
_،تقريب بديت نخاف
_ما تخافش هاني معاك.
مدلي يدو خزرتلو باهته
_اثبتلي انك معايا حط يدك في يدي.
حطيت يدي في يدو الي تشبه ليد القدر تنجم تاخذك تنتشلك تحركك كيف ما تحب هي كل الي نعرفو وقتها حاجه معاش تابعتني يدي ولات كيان من كيانو يسوق وهي في يدو وخدملي مستبده وهي في يدو وما استوعبت انها تابعتني كان ما عضها.
فاش ضايعه ،يامستبده.
ضيعني ايمن هو عضني بش نفيق اما انا زدت غبت اه اه اه ،ايمن خذني اليك ولا تترك يدا غدت منك غدت اليك
وين تحب تمشي قطتي؟
_نحب نحب الي نحبو انا صعيب .
_لو تطلب البحر في عينيك اسكبه او تطلب الشمس في كفيك ارميها
_يا حظي يا حظي هذا لكل ليا.
_اطلب وقول ولا يهمك.
_نحب حصان.
_هههه ملا طلب
تحب تركب على حصان يعني؟
_انا ما نعرفش نركب اما نحب نراك انت فوق بلاك.
_بحث صحيح هذا
_هههه تحريات.
_موافق اما قبل خلينا نمشيو لبلاصه انا نحب نمشيلها وبعد طلباتك اوامر.
دخلنا لمطعم فاخر هادئ ورايض كيفو غاديك حكينا بررشه في برشه مواضيع اما الحب هو سيد المواضيع انا ما نجمش نكون مع ايمن ما نكتبش الحب ولا ما ناقشوش ولا ما نعيشوش.
غي لحظه في سهوه مني يجيني السرفور وفي الطبق متاعو حاجه كبيره ومغطيه بغطاء احمر وطبس قدامي بقيت مصدومه وهو رفع الغطاء قفص محلاه فيه بابيون ستان حمراء ومن داخل فما قطوسه تهبل عنيها تهبل تصدمت تفاجأت اما ايمن قالي
_كل عام وانت قطتي الناعمه.
_احلى هديه جاتني في حياتي والله.
_والي جاي اكيد خير واروع وامتع.فقط ظلي قطتي

امسيه ورديه رغم انو الاسود يتصدر الطاوله ورديه بكلماتو وبضحكات ورديه جدا بهمساتو ورديه بعطرو وحضورو.
_قوم هيا عاد
_وين
_اول نهار في العشرين عاد هذا نهار الاحلام.
ركبت بجنبو مش يوم الاحلام هذا بقدر ماو يوم الحب
_فرحانه
_برشه
_انت
_مادمت معاك اسعد رجل في العالم
_انت ديما سعيد ؟
_تقصد انا ديما عندي انثى؟
_لا هذه متأكده منها
_هاك مازلت صغرونه انت انا ما نحبش اي انثى واتأكد اني نهار نحب اكيد نحب انثى في ثوب قطه
_على ذكر القطه مسكينه في قفص
_تستاهل اسرتني شوي هي
_هههه هذا الكل كاره القطه.
_اكرهها واشتهي وصلها واحب كرهي لها واحب هذا اللؤم في عينها.
_محلاها هالقطه ،وين ماشين احنا؟
_ماعرفتش الطريق
_على هذا نسأل
طريق داركم.
_مش انت تحب تشوف بلاك وتشوفني فوقو
_اي اما..
_اما شنوه خفت؟
_معاك ما نخافش
_مني خاف
_هههه ولا منك ما نخافش.
اهبط مالا اهبط
شبيك شادتني هكا ما تخافش صحيح هي قلعه مخيفه اما ما تخافش معاك الرجل الخارق
_هههههه قلعه مخيفه ورجل اسود ويقلي ما تخافش.الحلقة الرابعـــــة ........ قبلتنا الأولى
كنت قطه ضعيفه ومهزوزه وانا بين اديه الناريه كل حركه يعملها ايمن بيدو كانت تهزني ليه وتضعفني وشوي القوه الي بقاو قضى عليهم بكلمة احبك وانا بين اديه وفمي جار لفمو لشفتاه المحمومه للشفتين اللتان اخذتني للهلاك ايمن هز شفايفو وطبع قبله على خشمي وهزني لصدرو هزني للبعيد لاحضان دافيه كيف صوتو نبضاتو كيف انفاسو كانت متسارعه وانا كالطفلة في يديه كالريشه تحملها النسمات نسيت روحي بين احضانو وانا متوسده صدرو
دقنونتو كانت على شعري يدو كانت مسكره عليا الحب كان حاضر الدفئ حاضر الانس حاضر كل شئ كان حاضر الا انا الغائب الوحيد وقتها صوتو الحنين قال:
_تحبني؟
_ما نعرش
_تكذب تحبني
_لا.
_بلاك .
وجرى بيا الحصان وانا نصيح.
_قول تحبني
_لا
_بلاك ,
سرعة برق مش سرعة حصان نصيح ونعيط وهو يضحك
_قول نحبك
_باهي نحبك
_اقوى اقوى نحب نسمع
_نحببك
_اقوى خلي الدنيا الكل تسمع.
_نحبببببك
_زيد
_هبطتني امان ايمن امان.
وقف الحصان وتقز لوطا وحلي اديه ترميت فيهم وبقى محملني
_هبطني نمشي على ساقيا.
_وانت حافيه لا.
_انا حافية القدمين الي غنالها كاظم.
_لا الا ما نوصلو لسباطك .
بلاك كان يمشي وراه ويتبع فيه انا كنت مدوره يدي بعنقو وهو هازني على يديه وانا نثبت فيه اطرشقت بالضحك.
_تضحك!مهبوله
_تذكرت حكايه
_احكيهالي
_باهي هبطتني تو نحكيهالك.
_هاو بش نوصلو لبلاصه محلاها نقعدو واحكيلي.

الوقت مايل للغروب الخضار داير بينا من كل صوب في شجره كبيره ومترامية الاغصان حطني ايمن وقعد بجنبي
_محلاها البلاصه ايمن.
_حضورك زاد حلاها
_ديما تقعد هوني
_لا قليل علاقتي بالبلاصه هذه الكل بلاك فقط ما انجمش ما نحبش نقعد وحدي مانعرش
نروح نكتب نرقد ولا نعمل جوله مع بلاك.واغلب الوقت مع خالد
_في بار ولا مع نساء.
_الزوز لا الشراب ما نشربش والنساء ما يستهويونيش.
_علاه بري؟
_الخمر مغيب وانا ما نحبش نغيب نحب ديما فايق واعي لروحي ولتصرفاتي لكلامي
_مقنع ،والنساء؟
_النساء ما نحبهمش خاطر كلهم كيف كيف تافهات الازياء والموظه همهم الوحيد
_مش صحيح لكل قاعده استثناء.
_وعلى هذا انا كيف لقيت الاستثناء جيت على راسي وليت نعاقر في عيناك ونحبك انت ونرى فيك كل النساء
_ما نلقى ما نقلك ،ايمن.
_قلي نحبك يكفي ولا نقلك قلي علاش تضحك بكري
_تذكرت حوار تحاورتو انا وكاظم واصحابنا كل حد يحكي على فارس ولا فتات احلامو نتذكر وقتها كاظم قالي عندي واحد يشبه لفارس احلامك عندو حصان ويسمع كاظم وينجم يركبك على حصانو الاسود ويطير بيك تذكرتها وانت محملني ضحكت.
_نقلك وانت قدامي اش تذكرت ؟
_شنوه! ؟
_تعرفها وحلمت باني اخطفها كالفرسان وحلمت بان تتزوجني بنت السلطان؟؟
_نعرفها كان هي.
_نتمنى نخطفك ما نرجعكش نتمنى نخبيك على كل العيون نتمنى تولي شفافه نراك كان انا لا اصحابك لا اساتذتك ولا زملائك فقط ايمن يشم عطرك يقبل ثغرك يمشط شعرك..
_ايمن معاش وقت قوم وصلني.
_لا يش نخطفك
_قوم الدنيا الكل ظلام.
مدتلي يدها بش تجبدني نقوم وقفت ودزيتها على الشجره سكرت عليها بيدي حطيت عني في عنيها الي ولات تنصاع كل ما نخزرلهم نلقاهم هما مطوقيني ويجبدو فيها ليها خشمي بجنب خشمها فومي فوق فمها يتحرك في حركه بطيئه همستلها بكلمه تمنيت نقولها على شفايفها من اول ما حبيتها "مستبده" قلتها على فمها وطبعت قبلات ناريه بش تترسخ لدى القطه كم هي مستبده قد ما كانت عنيده وتقاوم قد ما كان اصراري عليها يزيد تهربت قاومت اما وقت ضميتها لصدري وطوقتها بيد ويد غابت في شعرها انصهرت فيا وغبنا في قبلة محمومة وقفت مدار الزمن وضيعت ايمن واضعفت القطه.ايمن ايمن سيبني نحب نمشي
_وانا نحبك تبقى خليك قطتي امان انت احييت ميت ترضى تمشي وتخليه يموت! ؟
_انا هو الي بش نموت وعلى يد امي زاده بش تقتلني اكيد.
_هههههه مجرمه مخيبك.
_محلاني الساعه
_قبل القبله ولا بعدها؟
_ايمن يزي
_لا خاطر بعد القبل تأكدت انك عسل فم لذيذ المقبل لذيذ المبتسم.
_اقعد فيها ايمن
_ايجا هوني يا مهبوله خليني نجيبلك سباطك.
لبسني سباطي رجعنا بلاك لبلاصتو وتمشينا حتى لين وصلنا للكرهبه
_ايمن مسكينه القطه وحلت في القفص
_اي مسكينه وحلت فالحب
_نحكي على في القفص انا
_وانا نحكي على الي بش نجيبها في القفص.
محلاه ومحلا كلامو انا ولات تخوني الالفاظ وايمن ماعاش يسكت ما هذا انا مرتبكه و حاشمه ومتوتره وايمن هاو ب بربشلي شعري هاو شدلي خشمي وهاو هزلي يدي حطها على قلبو
_اني خيرتك فاختاري مابين الموت على صدري او الموت فوق دفاتري اشعاري اختاري الحب او اللا حب فجبن ان لا تختاري
لا توحد منطقة وسطى بين جنة ونار اني خيرتك فاختاري
اوك اخترت
_شنوه خترت؟
_خترت تهبطني هوني خاطرني وصلت لحومتي هههههه.
خليتو مبهور مصدوم في الفصعه الي عملتها وهزيت قطوستي وفصعت حليت الباب نلقى امي تستنى وكان عندها موال طويل عريض اما انا بستها وبرولتها باليوم عيد ميلادي بربي خليني فرحانه وما تنغصش عليا ونوعدك معاش نوخر سكت وتبسمتلي وانا هزيت قطتي وطلعت لبيتي نحب نتذكر الحلم متاع اليوم بالتفصيل نحب نتأكد غيبوبه خرافه خيال ولا الي صار صار ايمن رجلي الاسود الخرافي عيشني الحب كيف ما نحلم طول عمري ايمن خطفني ايمن علمني انو الحب يترجم قبل ويقلي مجرمه والي عملو هو مش اجرام اه ايمن من اين اتيت شنوه الي قادني ليك وقادك ليا كاظم ولا القدر.

تاليفوني يصوني ايمن قلبي بش يخرج من صدري اسمو وعطرو حتى رقمو يعملولي رجه تنشم تقيسها برختر لقيس الزلازل.
_قطتي الناعمه عجبك نهار اليوم
_مجنون .
_انا ولا النهار
_الزوز
_انا قبلك لا كنت مجنون ولا كان عندي ايام مجنونه انجزاتك هذه راو
_ههههههههه
_شنوه هالضحكه هذه غمضت عيني واتخيلت فمك وضحكتك تخيلت قبلتنا.
_ايمن اسكت اسكت ما تذكرنيش في الهبال هذاك
_اني عشقتك واتخذت قراري .
لا سلطه في الحب تعلو سلطتي فالرأي رأي والقرار قراري.
_ايمن،ماعاش تقلي شعر نزيد نتورط فيك امان ايمن
_يوم احببتك
لم انتبه لعقارب الساعه ولم ادري من تكونين ولمن تنتسبين احببتك دون علم دون درايه احببتك ورفعتها امامك الرايه.
_مهزوم ههههه
_في حبك مهزوم طبعا
وما همني ان خرجت من الحب حيا او خرجت منه قتيلا.
_هههههه قتيلا وعلى يديا.
_واني احب الموت فانت قاتلتي.
_اسم الله عليك من الموت.
_ما نموتش ما تخافش انا اليوم تولدت حتى انا اليوم عيد ميلادي
_ههههه حلوه العشرين
_اليوم ذقتها حلوه على الاخر
_العشرين هذه؟
_امية كانت قبل ان تتعلم الحب على شفتيه.
شفت محلاها العشرين
_اول مره نعملهم ه الحاجات في حياتي
_اول يوم حب هو اول يوم في العشيرين اول قبله اول هبله اما اتأكد الي عمرك بش يتعدا عشرين.
_لا انت مازلت نحب نكبر
_انا صغرت صغرت جدا وبش نعسكر في العشرين فقط لانني احببت قطه احببت بنت العشرين.
_على ذكر القطه اش بش نسميها اما القطه؟
_سميها على اسمك
_علاه ما تكفيكش مريم وحده
_لا خاطرها تشبهلك برشه نفس الملامح اني اراك فيها
_مالا نسميها مريام ولا مايا؟
_مايا انعم مريام هكا يناديك كاظم لا
_اصحابي الكل يناديوني هكاكا
_تحب توترني انت اصحابي هذه تتنحى من قاموسك بنات وبس
_تنجم انت تنحي خالد من قاموسك؟
_في خاطر عيناك انجم
_ههههه صدقتك
_خالد توأم روحي هذاكا
_اي بالحق مش خايب
_نعم للا هاو بش نتعاركو توا
_لا لا انت قتلي في العشرين عنا كان الحب
_عنا شنيه؟
_كان الحب
_شديتك.اعترف انك تحبني اعترف.
_نحبك.
قلتها وعلقت هربت منو ولا نقلو تعشققك ايمن نهيم بيك نحبببك.شعرها حرير ناعمه كيف ما يقول هو مزياانه ووديعه دوب ما داعبتها انصاعت طاوعتني و تدللت اسميتها مايا حطيتلها من اسمي كيف ما خذيت من ملامحها احلى هديه جاتني كل ما نحط يدي عليها نسرح في ايمن وهاليوم السحري الي مانيش نادمه عليه اول يوم في العشرين اول يوم في الحب حملتها ولاعبتها وعنقتها ورقدت حنينه ويا جمالها وهي راقده .
_افطر فاش تخمم؟
_هاني نفطر يا ماما هاني ناكل
_هاك ضايعه قصدك خواتك فطرو وخرجو وانت مازلت حتى قهوه ما كملتهاش
_ماما فطرت مايا؟
_شكون!
_مايا قطوستي يا ماما
_زاده هذه انا مسؤوله عليها!
_بنيتك يا ماما اعتبرها انا
_ههههه مازالك الهبال بنيتي
_اي يا ماما والله هبل عمل فيا الي ما يتعملش
_ربي يزينك بعقلك
_كان خلاهولي ياماما
_شكونو؟
_العمل يا ماما العمل.
_اممممم قوم قوم امشي اقرا واتعدا لخدمتك خيرلك
_حاضر يا نبع الحنان هات بوسه عاد.
لبست دبشى ومشيت للفاك غريبه وينهم الشله
_يا هاله هاله.
_مريام هاك جيت
_وينهم هاك السلع !؟
_ماو في بالك في جربه
_باتو؟
_مالا بش يجيو في نهار؟
_وكيفاه خليت عمر يمشي يا مجنونه
_اش بش نعمل قلك جو مع الاولاد.
_ربي يستر لا يردوها اولاد وبنات ههه
_يزي ما تركبهاليش
_نفدلك معاك والله عمر يحبك ولا يبدلك لا بالشمس ولا بالقمر كلمتو ؟
_راقدين مصبحين كلمني الصباح قلي بش نرقدو توا.
_مسقطهم اش يعملو شر
_ريت
_ما ريت كان الشوق فايض من عنيك،توحشت عمر هههه
_اي والله.
ايمن جاء هلولتي باي باي عرفي جاء ماشيه نخدم
_عرفك ولا الشوفور متاعك؟؟
_ههه مبلدك ماو عم كاظم يعاملني شوي
،
_اي ريتو في الحفله ووصلنا نسيت
_نسيت والله هيا باي.
اكيد بش ننسى وايمن خلالي عقل ! اصلا الي صار قبل البارح نسيتو انا عمري بدا البارح البارح تولدت تولدت وانا عمري عشرين.
مانيش مصدق عيني كيف سبتك ماكش مع الاولاد!؟
_ماو وليت نخاف من زياراتك الفجئيه
_بالحق قطتي؟
_صدقني ،الاولاد من البارح خرجو البر خالي.
_مع كاظم
_وي
_طلبتو ما هزش
_سهرو برشه راقدين باز
_اففف
_شبيك ؟
_مافهمتش كاظم علاه يعمل في روحو هكا بدنو ما يطاوقش
_انا ديما ناقش فيه في هالموضوع وانت تعرف كاظم الي في مخو يعملو
_امنيتي نرقد ونقوم ونلقى حل لكاظم لحياتو.
_تو ربي يهديه.
سكت ما جاوبنيش حتى ملامحو ماعاش متجاوبه جبينو تقطب ووجهو عبس والدنيا عباها بدخان سيجارتو وهزنا للخدمه قبل الوقت حتى ودخل لبيروه و طلبني في قهوه وقعد يكتب وهو التعاسه في ابهى حللها وانا بقيت نحكي انا وخالد على علاقه الحب الكبير الي بين ايمن وكاظم

خالد كان قاعد في بيرويي يحكيلي وانا مخي سارح ونسمع.
_ايمن سخر روحو لكاظم رباه ملي هو صغير وتحمل مسؤوليتو عناه بررررشه طبيا كان مستبعد انو يعيش ايمن عمل المستحيل بذل الغالي والنفيس تبعو طبيا سهر عليه كان امو وبوه وعمو بعد ما ماتو امو وبوه في اكسيدون عمتو معرسه بعيده عليه ومماتو كانت عارفه الي هو بش يموت ما كنتش تعاني فيه كيف ايمن اما ايمن حن عليه وحطو في راسو ووقفلو ومن اللحظه هذيكا لليوم كاظم الدلول متاع ايمن وممكن كاظم حكالك عليه.
_اي ساعات يحكيلي
كنا منغمسين في الموضوع وقت حل ايمن باب بيروه خزرلو وخزرلي وقالو
_تعلمت انت تسيب خدمتك وتحي تحلق هوني
_هاني نوسع في بال القطه
_قوم قوم ممسطك شد بيروك
_هيا نعملو قهوه في البيفات ؟
_لا علاه ايجا نعملوهم في بيرويا.
دخل خالد وايمن يذبل في عنيه تنجم تشربني قهوه من يديك
_وانت تنجم تدخل بيروك خليني نعمل قهوه
_قبل ما ندخل بيرويا ندخل لقلبك وقبل ما نشرب قهوه نعمل رشفه من شفتاك
_نادي لخالد يهزك
_باهي باهي اسكت برك ،قداكش فضيحه
_مش عاجبك
_نحبك
_برا ادخل
_نحبك قتلك
_في بالي
_باهي نحبك.
_ادخل لبيروك
خليتو وقمت بش نعمل القهوه وهو دخل للبيرو وغمزلي غمزه ضيعتني قداش ناعم دافي وهو يغمز.قدمتلهم القهوه وانا وايمن نسرقو في بسمات من بعضنل خليتهم وخرجت.
قعدت في بيرويا طلبت كاظم لا حياة لمن تنادي لتوا راقد طلبت عمر
_وي عمر لاباس
وينكم نكلم في كاظم ما هزش مازال راقد؟
_م..مريام كا..
_انطق شبيك
_مريم كاظم راقد اما في السبيطار
_اما سبيطار وعلاه قلي اش صار اش فما امان عمر تكلم
_،رقدنا حاولنا نقوموه ما قامش كثر البارح
_حرام عليكم والله ربي ما يحاسبكم في بالكم بيه مريض علاه يا عمر علاه
فقت كان ايمن واقف قدامي ويقلي شبيك شبيك وانا نبكي
_كاظم كاظم في سبيطار جربه
_نعم اش يعمل غادي اش صار
_مشى هو والاولاد وتعب هزوه للسبيطار
_خالد شوفلي اول طياره تطلع لجربه وقتاه
_ماشيه معاك
_فاش قام
_قتك ماشيه
_باهي ريض ريض روحك كلم امك .
كلمت امي وقلتلها الي هي خدمه و يلزمني نمشي فيها ومشيت انا وايمن للمطار بعد ما وصلنا خالد ما كنت نعرف شي ومانيش مستوعبه شئ غير كل لحظه وكل ضحكه جمعتني بكاظم.
في مطار جريه جرجيس هبطنا غادي كنت طول الثنيه نريض في ايمن ونتطمن فيه وكيف وصلنا رعب تملكني وكنت نقوي في روحي وانا بين ادين ايمن اما نبضو المتسارع الي نسمع فيه ما كانش يطمني بالتنسيق مع عمر تقابلنا مشينا للسبيطار اول ما دخلنا كان كاظم ميت في ناظري حي في قلبي تخطيط القلب كان يمشي النفس كان طالع هابط اما لونو كان اصفر كنت نخزر لتفاعلات وجه ايمن نزيد نتعب ونتوجع بقيت مع الاولاد بحكيولي عليه اش صار وايمن مشى للطبيب كنت نبكي ونسب فيهم خاطر هما السبب الي صارلو عمر يريض فيا ويهدي فيا انا نضرب فيه على صدرو وهو مسكين لزني ليه وبدا يهدي فيا.
ايمن كان جاي هو والطبيب وخزرلي خزره تحرق انا نسخايب الطبيب درا شنوه قالو وهو يمشي يمشي وهز يد عمر نطرها وجبدني بقوة وقالي بالشوي ماعاش تخلي حد يحط كسرتو ما تجهلنيش كنت مظطره نسمعك للاخر ايمن نحمل عياطك وغشك لصقت في الحيط بعيد على الاولاد عمر كان مركز ومنتبه وملامحو تقول انو فهم اش قصد ايمن واش قال .
خرج الطبيب حكى مع ايمن ومشى ايمن خارج عيطلي بعنيه مشيت وراه خلط عليه
_ايمن اش قال الطبيب
_لاباس ان شاء الله
_اش قال اش عندو كاظم
_كاظم بطبيعتو عندو الكلاوي ومع الشر ب الشرب تعب.
وقف شعل سيقارو وبقى يتكيف وانا قعدت على الصور.
_تعبت؟
_لا
_هيا نمشيو نشوفو وتيل ارتاح.
_لا خليني معاك.
_انا زاده مش بش نبقى الطبيب قال ما يبقى حد
_باهي
ماشين وهو ساكت وانا مطبسه راسي ونمشي وانا بش نموت بالبرد لبستي كانت خفيفه والنسمه كانت بارده.
حط يدو على وجهي وبعد نحى الفاست متاعو وحطها على كتافي وحط يدو على كتافي
_بردت
_شوي
_وتوا
_دفيت شوي
،مالا ماعاش تخلي لا سما لا صفا يحطك عندو
_على عمر
_على عله
_عمر خويا
_لكلهم خويا كان انا اختك ظاهرلي
_هههه لا ماركزتش مخي مش فوقي
_تحبو برشه طلعت.
_مش قدو ما تحبو انت اكيد
_نحبو ولدي هذاكا ربيتو وحبيتو يكون كيف ما نحب اما كان كيف ما يحب
_وانت كيفاه تحب
_كيفك بالضبط كيف ضحكك ودلالك كيف بكاكا انت حتى كيف تبكي فاتنه .
دخلنا للوتيل كل حد في بيت بدلت دبشي نتخيل في القطه قداه بكات اليوم وليت يومي ما نتذكر منو كان القطه نحيت شوميز ووقفت قدام المرايا بسروال وبدني الفوقاني عريان شعلت سيحارو وسرحت.
ما عدت أتعرف على نفسي .. ما عدت أعرف من هو هذا الذي أقف أمام انعكاسه لي في المرٱة ! هذه ليس عينايا المتجبرة هذه ليست ابتسامتي الساخرة هذه ليست وقفتي الطاغية ! أتكونين يا قطتي قد عبثت في كل تفاصيلي فمحوت ما كان مني و صرت ما أنت منه ! سر مكشوف أنت يا قطتي ! عذاب حلو .. سم لذيذ أنت يا قطتيحلقة الخماســـة.......#وغرقت_في_عينكي_أكثر
الباب دق نلقاها قطتي بهتت خاطر حليتلها بدني الفوقاني عريان نضحك عليها خاطر حتى الكلام ما لقاتوش وهي تبلع في ريقها بالسيف
_ا..اي..ايمن تاليفوني تسكر وانا نكلم في امي ت.تع.تعطيني تاليفونك نتكلم؟
_طبعا تفضل ادخل
اول ما حلي الباب لعبت عليا الدوخه جمعت اشيائي بالسيف ساقيا ماكنتش هازتني ديراكت قعدت على كنابي في البيت الي فيسع ولات بريحة ايمن وريحة دخانو وقت ريت شعر صدرو وبدنو العريض تذكرت علاه النقاب تخلق للفاتنات تو فهمت علاه السواد تخلق يغطي في الجمال ايمن خبي صدرك بالاسود عندك حق ولا راي البنات تقتل حبا .
كلمت امي طمنتها وعطيتو تاليفونو وكنت خارجه
_مزروبه،زيد اقعد شوي
_علاه زاده
_نخاف زيد اقعد
_هههه حلوه هذه
_انا مستانس ما نرقد الا ما يحكيولي حكاية
_برا برا ارقد كبرت راك على الحكايات.
_باهي هاك انت صغيره اقعد نحكيلك حكايه
ايمن محلاه كيف يبدا يضحك فيا ينجم يمتصني ياخوني ليه تحلى القعده وتحلى الضحكات مع رجل كان الاسود يخفي جماله كان يراعي في مشاعري وهو يلبس الاسود ومذ خلعه خلعت عقلا كان يقيدني.

منذ عهد الاولين
عهد مصباح علاء الدين
كان للملك مقربين
خبروه عن جميلة في علين
لن يطالها الا فارس حاد السكين
قوي عظيم النجدين
كان الملك قوي كصلاح الدين
تسلق اعلى علين
ولما رأى تلك العينين
صدق قول الغابرين
واحبته حب سنين
في جبل العلين
انزلها الى ارض المنافقين
فحلت عليهم لعنة الغابرين
وصارت حسناء عليين
صخر عبده الوثنين
ومات في حبها اول الزاهدين.
_ايمن تهبل الحكايه محلاها اما علاش ما بقاش يحبها في علين؟
_هو ملك وسلطانو في الارض
_اما الحب تنازل علاه ما بقاش معاها غادي
_ويضيع الرعيه؟
_حبيتها الحكايه انا
_حبيتها خاطر انا حكيتهالك
_ممكن عندك اسلوب حلو
_وانت عندك جمال هبلني .
كنا قاعدين على الفرش نحكيو وهو يحكيلي ويلعب بشعري وبعد اقتحمني حطني في صدرو في عضلاتو المفتوله على منكبيه العريضين
_نحبك
_ايمن
_انت تنطق اسمي وانا...
_انت شنوه؟
كنت نستنى في اجابه اما هو طاح للفرش كنت بين اديه وساقينا لوطا كل تعنيقه نحس ضلوعي دخلو في ضلوعو كل نفس ياخذو ايمن من سيجاروه يدخل لرواريا معبي ب النفس متاعو بريحة رجولتو الطاغيه ايمن ضيعني ولا خبو منعرش كل الي نعرفو اني مع ايمن ماعاش نقاوم و توفى شراسه القطه وتبدا الوداعه نحبو ومعاه بالحق تترسخ في ذهني كلمتو"انت متاعي "
هوني في اخر الدنيا انا متاعك ايمن انا بين اديك ورهن شفتيك نتعلم في الحب الصارخ الغامق القوي.
اقعد وريض قطتي خليك عندي
_خليني نمشي لبيتي
_اقعد تو نزيدك حكايه اخرى
_حكاياتك غالين انت كل حكايه بوسه وتعنيقه
_باهي اركح تو نعملك سوم
_كيفاه
_نلعبو لعبه والرابح يحكم حكم
_هات
_انا نقلك كلمه واخر حرف تقلي بيه انت كلمه تأدي نفس ال معنى باهي؟
_باهي هات اش عندك
_قلب
ب،بنان هات انت ب ن
_نحبك
_خسرت نحن تفاهمنا نفس المعنى
_باهي باهي اول مره ماتكسحش عاد
_بنان ن نوى
_نوى ى يا بنتي حرام عليك مصعبها هاللعبه
_انت جبتها ولا انا؟؟
_نبدلو ها
_كيفاه يا خاسر
_شكون يقدك انت في الكلام
_باهي شنوه اللعبه الاخرى؟
_نقلك جمله من كلمتين الحرف الاخر تعمل بيه جمله من حرفين زاده.
_هذه ساهله عاد هات.

_احببت قطه
_هره عنيدة
_تنام في اضلوعي
_يوم وينجلي
_ينجلي عمري
_اسم الله عليك
_هههه خسرت نحكم عليك بوسني
_عملتها بالعاني؟؟
_والله لا اما في قلبي ندعيلك بالخساره هههه
_مخيبك
_بوس واسكت من فمي امشي
_هاااه ،اما حيال انت
_احلى بوسه نجيبها بمجهودي
_كمل كمل تو نقلك الخسارات
_قبلتها عسل
_لكنها مجبره
_هات اخرى
_يومها اموت
_اللطف عليك
_جيت وحدك هههه
_عارف الي انت تحصل فيا راو اما ماانجم كان نطاوعك احكم.
_قوم وصلني لبيتي
_لا عاد
_لا انت هيا حكم
_احكم يا مستبده مسكين الي يخسر معاك
_هههههه قوم يا فاشل.
وصلتها لبيتها دوب ما خلطت سكرت الباب في وجهي الشريره نخزر للوقت نلقاها 4 الوقت الكل تعدا لعب الويل لي من قطه اسقطت سنون الوقار وحولتها لعب وعبث ليلة لعب وضحك ليله سحريه émoticône smile
مع حب معبي بالبراءه حتى في قبلها تلقى القطه،قطه مغمضه مازالت تتعلم في الحب معايا وهذه اكثر حاجه نحبها في قبلها تنصاع وتقدم بنود الولاء و الوقت الوحيد الي ننتصر فيه على القطه وهي بين اديا وعلى شفتيه امراة تحتلك تهزك ترجك ثم تأتيك صاغرة طائعه مجنون حبك انا يا قطه.نحل في عيني بالسيف خزرت للوقت العشره قمت غسلت حالتي لبست ومشيت للقطه دقيت اولى وثانيه وثالثه لا حياه لمن تنادي طلبتها تاليفونها مسكر اي ماو من البارح هبطت للريسبسيون سألت عليها قالواي الي هي مدتلهم المفتاح وخرجت ركبني العصب من تصرفها هذا اكيد راي مشات لاصحابها في الشله ركبني العصب شعلت سيقارو وخذيت طاوله نستنى في قهوه ونتفرج من البلار لبرا كان فما ملعب متاع صغار وتنشيط والصغار يلعبو يتجراو شدني المشهد وانا نتفرج ونرى في قطتي تعبث ريتها تلعب هي وصغار كانت حافيه وهما يتجراو وراها شعرها كان منطلق كيفها كانت تضحك تشبه برشه لوحة رسام تشبه للموسيقى كل حاجه الا بدنها كانت تقول الي عمرها صغرون شدوها الصغار طيحوها في القاعه وبداو يحملو فيها ويبوسو وهي كان فمها يضحك وعنيها البلار تشعل من الفرحه قطعلي تركيزي النادل كيف حط القهوه
_حط فطور صباح لشخصين ونحبو سبيسيال شوي زينو على كيفك الي بش تفطر معايا مرا سبيسياال.
خرجت نجري مزروب كأني عطشان ولقى ماه كانت منغمسه في اللعب ما انتبهتلي كان كيف وقفت قدامها هزت راسها راتني وقفت
_كملت لعبك
_هههه ماذبيا نزيد
_شبيك هبطت؟
_قمت بكري قلقت
_شبيك ما قومتنيش؟
_قررت بيت فيها انت ماعاش ندور بيها.
_اممم،باهي هيا نفطرو البس سباطك وهيا.
دخلت وانا يدي في يدو للقهوه وانا بش نطير من السعاده نحب الناس الكل تراني انا وايمن فرحانه بيه فرحه مش عاديه كالعاده وبكل فخامه جبدلي الكرسي قعدت وقابلني الطاوله كانت مزيانه على الاخر ورده حمراء في الوسط وكل شي ماخو شكل القلب القاطو قلب احمر العصير فراز والكأس قلب حتى فناجين القهوه قلوب حمراء كنت مأخوذه بالطاوله اما مأخوذه بايمن كيفاه طلبو هالطلب كيفاه كيفاه قالو كيفاه ينجم يوضح وهو اللماح.
على رمل ناعم كيف قشرتها تحت نخيل متشابك كيف ادينا قدام بحر صافي كيف عنيها وقفنا هي كانت مسحوره بالمنظر وانا مسحور بيها جربه ما كانتش غريبه عليا اما كانت غريبه عليها كيف ما كانت هي غريبه عليا بملامحها الي تبدلت قدام البحر عنين وساعت وبعد تغمضت وضحك ترسمت على فمها الوردي نحات شوميز متاعها بقات بخلعه كحله نحاات سباطها وطوات سروالها وانطلقت
_ايجا يا مهبوله وين ماشيه؟
_ماعاش انجم نقاوم.انا ماعاش انجم نقاوم سحرها وهي في الماء كانت واقفه مستوى الماء كان لسقيها وهي كانت تشوط في الماء تتحرك بصيفه عبثيه شعرها كان لعبة الريح قوامها كانت لعبة الماء صدرها كان لعبتها الي يتحرك قبلها في كل اتجاه وانا كنت لعبتها هي ما بقاتش عندي ثوابت وهي تتحرك وتنقز في الماء بكل اثاره جبدت تاليفوني وصورتها مئات الصور كل ضحكه كل حركه كل تصرف لقطتي نحب ندونو ونخبيه هي بيدها نحب نخبيها في قلبي حد ما يكلمها ما يحبها ما يضاحكها ما يمسها حطيت تاليفوني في جيبي وجبدت سيقارو وكنت يش نشعلو قبل ما تهجم عليا موجه طايره تبلو وتبلني هزيت راسي وخزرتلها كان تعبي حفنتها بالماء وترميها عليا وصوت ضحكتها يهبلني اول مره نرى قطتي طفوليه للحد هذاك مجنونه في الماء سعيده كينها بنيه صغيره اصلا هي بنيه صغيره انا الي كبير هما هكاكا الصغار لا مش هما هكاكا قطتي ما كيفها حد ما تشبه لحد وكل حد يشبهلها الشمس حارقه كيفها النسمه ناعمه كيفها حتى الماء الي كان رايض حركتو هيجتو تفاعللها وانصاع للعب معاها هالقطه الخرافيه هبلتني ساعه نتفرج في لعبتها مع الماء لا كلل لا ملل واخيرا خرجت كلها مبلوله شعرها كيف دبشها لصقها كنت ننفخ مش عارف دخاني سيجارتي ولا حمم الهبتها قطتي اول مره نراها مبلوله اول مره نراها بالسحر هذاكا كانت فاتنه تشبه لعروس البحر هي جاتني والا انا مشيتلها كل الي نعرفو اني عنقتها تعنيقه احسست ببرودة بدنها وسخانة مشاعرها فرد وقت كنت نبعد في شعر مبلول على وجها بش نراه عنيها مع انعكاس الشمس ما كنتش تتشرح كنت نخزر وضايع ما كنتش انجم نقول جميله خاطر الجمال ماخو منها مش هي ماخذه منو مش عاديه بالمره.
_ساحره وانت مبلوله
_نتوقع
_مغروره
_مطلقا
_مالا كيفاه تتوقع؟
_مش قتلك مره الاشياء الي نحبوها تزينا تتخب فينا وتبرز كسحر انا نعشق الماء البحر المطر طبيعي بش يزينوني خاطر انا نعشقهم علم النفس يقول هذا التفاعل.
عض صبعو عضه ضعيفه وقالي
_مافماش مره ما ادوخنيش ب كلامك منين وين تعلمت
_ههههه تو تكبر وتتعلم كيفي
_صدقني اصبت كل يوم نزيد نصغر معاك.
_مش باين مازلت كبير
_ههههه اي انا كبير بطبيعتي
_نتسابقو؟
_هههه هبلت انت اكيد نسبقك
_مستحيل
_بربي !ايجا نثبتلك
رسمت خط على الرمل وقاتلي نوصلو للحجر ونرجعو وقفنا في الخط 1/2/3انطلقنا والا انطلقت كنت نجري بقوة جهدي بش نأكدلها اني مش كبير اني مازلت رياضي وبش نربحها في التحدي ونكسر شموخها واعتزازها بروحها وبصغرها ما كنت نرى في شي غير الحجر الي وصلتلو بسرعه البرق ووقت وصلت وتلفتت بش نراها وينها نلقاها متربعه في خط الانطلاق وتضحك معناها انا عملت عذا الكل ونجري في الرمل وايامي تكرب وهي تكركر في المحتاله الصغيره هذه رجعت نجر في اذيال السخريه وهي كانت بهستيريه متاع ضحك
_والله نستاهل
_لا هاك اكدتلي انك مازلت تنجم تجري ههه
_مخيبك
_وانت محلاك ذكرتني في بلاك حاجه كحله تجري ههههههه
_بربي !!اي يا ايمن ذهب تاريخك سدا على يد قطه.
_مستصغرني مالا هههههههه
_لا بطلت،مجرمه انت
_ههههه ماعندك ماريت ههههه
_هيا قوم النهار راح هيا نمشيو لكاظم هاك شحت.
_شحت من البلل وشخت بالضحك ههههه
_مش حنسهالك باهي
_ههه احلى ضحكه في حياتي يا بلاك عمري وايامي.
كنت شايخه عليه ضحك الوقت الكل وهو يضحك في صمت ويتكيف فقطكاظم ياسر يلعب بروحو كره حياتو كره الطب والدواء مسكين المره هذه لقفوه صحابو المره الجاي ممكن يمشي فيها،يا امي
_قلبي مشى بالفجعه عليه وقتاه يكبر ويعمل عقلو كل مره فجعه اختك سيبت دارها وصغارها وجات تجري
_شاب ياامي كيف اندادو اش بش يعمل
_مايعملش كيف اندادو مادام بدنو ما يسمحش والا نسيت
_باهي يا امي ماتكملش عليه انت بالتخرنين
_دلالك زاد عليه.
_امي انا طالع نرتاح ،تاعب.
دخلت لبيتي دخلت لدوشي دوشت وبمنشفه برك اتكيت في فرشي ونتذكر فيها البارح كيفاه متكيه عندي وجها في صدري حطيت يدي على صدري مانعرش نتذكر فيها كيفاه اتكات ولا نركح في قلبي بش مايخرجش من بلاصتو وهو يتذكر فيها نتذكر فيها كيفاه تلعب مع الصغار كيفاه تلعب بالماء كيفاه جراتني وبقات تضحك عليا نتذكر ونضحك وحدي جبدت تاليفوني وبقيت نتفرج في تصاورها في اغرائها في تناقض بدنها وتناغمو امراه تشبهو القتاره مثيره حد الجنون عاقله ثرثاره ضحاكه كبيره صغيره سليطة لسان صامته كلهم قطتي عبيت عنيا بيها ورقدت منتظر انها تزورني حتى فالحلم.
فالصباح ما خرجتش من الدار لا مشيتلها للفاك ولا مشيت للخدمه بقيت مع كاظم اما بقيت نسأل فيه علاه زعمه زعمه عاحبتني خدمتها.
كنت قاعد انا وكاظم وهو يحكيلي عليها وانا كنت متسلطن على سيرتها وسيقارو
_مريم ممكن تكون خدمتها تعجبك ولا تعرف تحكي اما روحها خير من هاذم برشه طيبه حنينه برشه ورجوليه من اول الدنيا واقفه معايا
كنت شايخ على سيرتها وعلى كلام كاظم عليها ونسمع في امي ترحب بضياف "تفضلو تفضلو"
عمر وهاله هاذم نعرفهم وزوز بنات واولاد اخرين ما نعرفهمش جاين اكاظم
_اللطف عليك كوكو ،اسم الله عليك كاظم ،لاباس؟!
_مريم ويني شبيها ماجاتش معاكم ؟
عمر:ماكلمنهاش
_علاه ،اطلبهالي اطلبهالي.
عمر طلب ومدلو التاليفون
_مريام كاظم مش عمر ،شبيك ما جيتش طليت عليا،لا لاباس توحشتك ونحب نراك الجموع الكل هوني،اي في القلعه المخيفه،تو يجيك عمر بكرهبتي يجيبك،علاه تو تجي وحدك بعيده عليك
قتلو من غير حتى تركيز قلها تو يجيك ايمن المهم ما يمشيلهاش عمر عمر الي خزرلي خزره متاع فهمتك انا ما يهمنيش وانا مش مخبيها وتفوت مرضة كاظم نوريها للعيان نخرجها للنور نحبها على رؤوس الاشهاد.
بحوايج الدار خرجتلها ومشيت بش نجيبها بش تقعد مع صحابها قدام ناظري هزيت الكرهبه ومشيتلها وقدام البلاصه الي مستانس نهزها منها استنيتها خرجت بروبتها الزرقاء الطويله شعرها كان مشدود لفوق لينات شمس فوق عنيها فاست دجين قصيره رغم انها ظهرتلي قصيره بلاش طالون رغم الي هي تتقد انوثه طلعت بجنبي هبت بريحتها الناعمه كنسيم خفيف هزيتها ومشيت.

كان لابس سروال نوار وشلاكه مريول نص نوار لينات نوار كان حتى في بساطته فاخر
_اسمع هاو صحابك الكل في القلعه المخيفه تلميط وتوشحيل وبوس ممنوع ضحك بقدر تفدليك بحسبان
_شبيك استباقي ديما تسبق في الاحداث.
_ماني عارفك تلقى الجو متاع اصحابك تنسى روحك واحد يعنق لاخر يحمل لاخر يبوس
_اصحابي مش هكاكا ومن اول الدنيا احنا صحاب هكاكا وهذاكا انا
_انا هكاكا ما نحبش
_وانا هكاكا
_كلمتين انا هاني نبهتك وانت حره
_وي نعرف انا حره.
_كنت حره في روحك انا تو حر فيك
كانت ساكته ما كلمتنيش سطوتها وهي متغششه حاجه خرافيه خشمها ديما ماخذ وضعية الارتفاع و جمال كان عندها فيها طقوس جمال غشها حلو وجمال رضاها احلى وجمال طفولتها رايع وجمال نضجها اروع وبين هذا وذاك هلك ايمن.
وكيف كل مره ايمن يلزمو يتصاغرلها ويرضيها ويجيها مش هي الي تمشيلو
_تغششت؟
_حره في روحي حتى كان تغششت.
_ماو انا روحك؟
_ماقلتش
_انت ماقلتش اما انا حسيتها وفهمتها وفي بالي بيها قتلي القطه مش العصفوره.
_باهي سوق وانت ساكت.
_بربي واللله عمرو لا حد قالهالي
_انا جيت بش نقول الي ماقالو حد ونعمل الي حد ما عملو ونوصل للحد ما وصلو.
_اي ايمن اي جات قطه ضيعتك
_ومازال
_لا من نحيت مازال مازالي معاك اشواط قطتي الجريئه
_مالا ريض لا نخبشك
_مش كان تعضني خير
_ههههه
_اخيرا ضحكت،ازين ضحكه في الدنيا يامجرمهدخلنا لدارهم المره هذه الدار ما كانتش فارغه كانت معبيه ب الناس فما مره مذخمه لابسه جلباب اكحل شعرها قصير ابيض جاتني تمشي برصانه وانا نحاول نتماسك
وقفت في وجهي بالضبط خزرتلي مليح ومدتلي يدها تسلم
ايمن:امي هذه مريم تقرا مع كاظم وتخدم معايا.
_تبارك الله على بنتي محلاك
_يعيشك
_تبارك الله يخلق ربي،تفضل تفضل طلعها ايمن
المرا كانت بش تاكلني بعنيها وايمن كان يتبسم
نحن طالعين ايمن وشوشلي
_امي راو قليل يعجبها حد راو وحلت معاك
_بش تعرف قداه محلاني ونتحب
_هذاك علاه انا مانحبش اصحابك يفدلكو نغار
_يا ولدي افهمها خواتي
_هههه حلوه يا ولدي ادخل ها م هوني وهاي البيت.
هي دخلت وهما هاجو تسمع كان مريام مريام دخلتها وسكرت الباب وخرجت ما نحبش حد يتربج بيها قدامي وما نحبش نتعاركو في دارنا.
خليتها وهبطت لامي الي نلقى مفتونه بيها
_محلاها تهبل كان توافق الا ما نخطبهالك ونعمللها عرس مش عادي قول اي وشوفني نمشي نخطبها بنت ما تكون تكون
_ياامي اش تعرف عليها انت واش ريت منها تحب تخطب
_مانعرش حبيتها حبيتها لله في سبيل الله خليقه وخلوق محلاها.
_هاني لفوق امي.

دخلت لبيتي فرحان بلي قالتو امي فرحان بيها فرحان بقبولها بسحرها بسرها بزينها بالقلعه المخيفه الي نورت بيها قاعد على اطرف فرشي نتكيف في سيقارو والباب دق ودخلت امينه اختي
_انجم ندخل؟
_اكيد تفضل
_امك مرجتني
_شبيها ؟
_قاتلك قول لخوك يخمم في الماخذه
_على اساس كيف تجي تقلي انت انا بش نمشي نخطب شبيكم هكا تخمموا
_الطفله الي جات ايمن
_شبيها زاده؟
_تفتق بصراحه محلاها
_ياخي نرمال انتما الطفله جايه اطل على الولد وانتما تحبو تخطبوها غريبه والله
_ايمن بصراحه انا اختك ونعرفك حتى انت عنيك منها
_علاه زاده؟
_حسيت خزرتك وعنيك بش تنطق حسيتك فرحان بكلام امك
_ماحسيتش الي انت تمد في وجهك؟
_وحسيت زاده الي انت مركز معاها يا خي انت من وقتاه تمشي تجيب لكاظم اصحابو من وقتاه تركز مع بنات اصلا من وقتاه ...
_اصلا انت من وقتاه جيت وقتاه مروحه من وقتاه ما تسكتش من وقتاه خارجه
_امان يا ايمن هاني خارجه.
خرجت وانا رجعت النفس لها الدرجه قطتي مفضوح بيك انا لها الدرجه باين عليا انا عنك ما اخبرتهم لكنهم لمحوك تغتسلين في احداقي هما وحدهم عرفوك نحبك لدرجه تفضحت بيها يا قطه.
حتى وقت الفطور كانت العنين الكل عليها والغمز واللمز امينه وامي ركزو عاد وربطو معاها مسكينه الطفله وبرا وهي كل مره تخزر مرتبكه وراحتها بانت وقت مروحه مع اصحابها الي رصاتلي وصلتهم الكل في سبيل نوصلها ونقص حدة توترها.الحلقة السادســـة ......................#ما_حدا_بيعبي_مطرحك_بقلبي
واخيرا انا و قطتي
_محبوبتي
_تو تذكرتني
هزيتني لداركم وخليتني
_هاك مع صحابك
_اي لا جيت لا سألت لاشئ
_،محاصر بعنين امي وامينه
_مالا اش نقول انا
_ريتهم مركزين معاك هما وعمر عمر نحس فيه مركز معاك برشه
_عمر يحب هاله برشه
_قتلك يحبك انا!
_مالا شنوه مركز
_مركز معاك والا يعس والا عندو موال في راسو مش فاهمو
_لا عمر تحفون
_باهي تلم
_تلميت
_صحيت
_بون وي
_بون وي من غير لا تبوسني
_والله لا نبوسك نوريك انا في داركم و ما تكلمنيش
_باهي والله مانوريك تتشمت انت
_ووي
قطتي عبثت بيا عملت فيا كل شئ ومع هذا نحبها اكثر من الحب نعشقها نرقد على صوتها نقوم على صورتها بلاك كل يوم نحكيلو عليها.

عايده لتوا ما جات مريم
__لا سي ايمن
_اوك تنجم تروح انت.
طلبها الف مره ما تحصلش شعل سيقاروه وبقى يحرك في ستيلوه بتوتر كبير ويتكيف بتوتر اكبر وينها شبيها بأي حق تعمل معاه هكا علاه تحب توترو وتتلذذ بعذباتو اكيد راي جاتها محواسه مع الشله اصحابها واندادها اش عندها تعمل بايمن .
نفخ اخر نفس من سيقاروه وشعل اخر ووقف بحذا شباكو وبابو دق وتحل ما حبش يدور ما حبش يبين ربثتو واندفاعو هدا روحو واتماسك ويسمع في صوت خيب امالو الكل مش صوتها خالد
_خارج،هيا نفطروا
_برا اخرج وحدك قتلك نحب ناكل انا!
_اي شبيك ادز؟
_خالد اخرج من مخي الي فيا مكفيني
_شبيك كاظم لاباس؟
_اي صحيت كاظم وي صحيح.
مشى لبيروه هز تاليفونو كلم كاظم قالو عنا خدمه ومريم ماجاتش وتاليفونها مسكر وين انجم نلقاها والا اعطيني نمرو حد من اصحابكم تنجم تكون معاه اما كاظم قالو الي الاولاد مش معاها وبحذاه في الدار ملامح اخرى زادت ارتسمت عليه وخلات خالد يفهم مشكلو.
_وسع بالك الغايب حجتو معاه.
_باهي
_باهي نقص من الدخان.
_اسكت والا اخرج.
_عادي تنجم في اي وقت تدخل راي الحكايه الكل حكاية ساعه مش برشه
_حكايه تمنيكها عليا مسكره تاليفونها ومافماش حسها جمله تتمنيك عليا انا عندها الحق تعمل فيا هكا انا عطيتها الصلحيات هذه.
_والله حاله عاديه وتصير
_خالد برا لبيروك.
خالد خارج ومصدوم في صاحبو صاحبو الي اعتى المواقف والنساء ما تحركوش لا بصراحه خطيره هالقطه.
ايمن قعد في كرسيه شعل السيجارو الالف وحل يا مستبده وغمض عنيه وبقى يسمع في الغنايه الوحيده الي تحكم في اعصابو ومزاجو اما تزيد تذكرو فيها
تاليفونو ضرب يجري هز تاليفونو رقم ما يعرفوش وهو الارقام الصماء كيف العباد عندو صعيب يتنازللها ولا يكلمها يخليها على ماهي عليه لين تمل وتنصرف وفعلا مل الرقم وانصرف .
كمل المستبده متاعو وخارج من بيروه وعرضو خالد في الباب بالضبط
_ارجع حاشتي بيك
_اش تحب مني زاده
_كلمتني مريم
_بربي حكايه جديده هذه
_براس امك نقص من احكامك المسبقه واسمع الطفله شبيها
_مهما كان بيها شنوه معناها تكلمك وما تكلمنيش
_شبيك وليت مندفع كلمتك وماهزيتش الطفله في السبيطار
_شبيها قلي انطق.
_تو وليت مركز لا بابا مش هي اختها جاها كريز في الليل هزوها للسبيطار وهي من الربثه خلات تاليفونها في التاكسي كلمتك برقم مانعرش شكون ماهزيتش طلبت الفيكس متاع بيروها عايده مش هوني طلبت الفيكس متاع الجريده وطلبت خالد قالولي مشيت تكلمت نلقاها هي توضح وتعاود بش سيادتك ما تتغشش وانت نيتك درا كيفاه عامله_باهي وين في اما سبيطار
_وانا وين ندري وخي؟
_لا نهار جبتلي معلومه كامله ولا كافيه
ايمن ما كانش بش يحير طلب الرقم الي طلبو يلقاها مرا قتلو انها ممرضه سلفت تاليفونها لوحده عملت مكالمه سألها على السبيطار ومشى يلوج من كلوار لكلوار لين لقاها واقفه هي وعمر وهاله ومرا يحكيو عصب مكنو من عمر هذا الي وين يمشي يلقاه وبدا يقرب لين انتبهتلو قطتو الي كانت لابسه لبسه تضحك بيجاما مصور عليها قطوسه وشعر كعكه وفوضى تامه قدمتلو وخزرتلو بعنين تاعبين ووجه مرهق مدتلو يدها اما هو جبدها باسها منا ومنا وعينو في عمر يحب يقلو ارفع يدك عن اشيائي وممتلكاتي
اما عمر حط يدو على كتاف هاله كاجابه اخرى وقدم مدلو يدو ايمن مد يدو سلم عليهم اما عنيه فيها يسأل
_شبيها اختك لاباس؟
_لا لباس ارهاق من المراجعه ماي باك اما الطبيب قال لاباس والله فجعتنا البارح
_وقتاه مروحه قال الطبيب؟
_توا امي معاها تلبس فيها هام خارجين نروحو.
_اوك هاني لبرا نتكيف سيقارو ونستناكم نروح بيكم.
كان واقف لبرا يتكيف وقت تعدا عمر وهاله عمر دارلو ويدو في يد هاله
_في الامان ايمن.
_يعطيك الصحه على وقفتك
_يعجبكش مريام اختنا الكل ومزاياها عليا وعلى احمد و .كاظم.
ماجوبوش اكتفى بنفخ سيقاروه وكمد غضب وغش سببهم الوحيد غيره
خلاه ساكت طول الثنيه وهي تتسأل في غشو
وفي الدار امي حلفت ودخلتو.
مرحبا بيك سي ايمن كنت نتمتى تجينا في ظروف خير من هكا ونفرح بيك مش تجينا للسبيطار وتزيد انت تخلص وتروح بينا بصراحه اش بش يرد احسانك
_تنجح مروى وتاخولنا الباك يكفيني.
ضحكت مروى وطلعت هي واختها ترتاح وامها مشات تعملو في قهوه كيف ما طلب هو بقى يجول ببصرو في دار صغرونه متحفنه كل حاجه رغم بساطتها كانت جميله اثات بسيط الوانو زاهيه ومشرقه صاله صغيره فيها بيت فطور اصغر وفي الحيط كان فما كواترو كبير هزلو عقلو بنوته صغرونه مزيانه من عنيها عرف انها قطتو وقت هي صغيره تقريبا نفس الملامح اما ضحكتها كانت اكثر براءه وشعرها كان خفيف برررشه لابسه روبه صفراء وصوابعها كانت متشابكه كان يخزرلها ويضحك وحدو قد ماهي بسيطه قد ماي تتقرمش خزر للباب مافما حد وقام فيسع جبد تاليفونو وصورها ورجع لبلاصتو
_جيتك عزيزه سي ايمن تفضل تفضل
_ريحتها بنينه
_ان شاء الله حتى مطعمها بنين
كان بش يتكلم اما قطتو دخلت وتكلمت هي
_امي حطيت السكر؟
_لا ماحطيتش حطلو انت هاني طالعه لاختك.
خزرلها خزرة عنيه تقول فيها واخيرا لقيتك
قعدت بجنبو وقاتلو:
_فسدنالك نهارك اليوم
_قصدك عدلنا لك نهار خاطرو كان فاسد وقت انت مش فيه.
_اكيد راك طلبتني
_طلبتك خليني ساكت خير
_ههههه علاه
_من كثر ماطلبتك وليت نطلب في ربي نتحصل في اي حاجه تدلني عليك وين
_لين جاك خالد.
_خالد مسكين من الصباح وانا واحل معاه وهو يدافع عليك
_ههههه طلع محلاه
_طلع شنيه
_طلع مخيبو قصدي ههههه
_هذا ما يعبر عنه بالانسحاب المشرف
_الانسحاب عمرو لا كان مشرف.
_الانسحاب التكتيكي.
_قول انبطاح ما تقولش انسحاب خطرها كلمه معبيه بالفشل محشوه بالتراجع وانا نكره التراجع.
_وانا نكرهك
_تكرهني!!!
_من فرط حبي كرهتك كرهت مرا يتعدل ميزاجي كان بيها كرهت مرا تحضر فرحتي كان معاها كرهت مستعمره كيفك احتلتني كيف تغيب نغيب وماعاد انجم نفهم شئ
_هذا حب راو مش كره
_انت تنظر من منبر عاجي ما تعرفنيش انا شنوه في هواك القى
_نعرف
_شامته فيا تقريب
_وعلاه بش نشمت واحنا في الهوى سوى.
_بمعنى
_غبت فيك كانني غدوت انك انني.
_شنوه هالاعترافات الخشينه ،سكت دهرا نطق....
_تعرفها الخطابه
_اصلا صحفي راني اكيد نعرفها
_قلك الخطابه ان تقول فلا تبطئ وان تتكلم فلا تخطئ
_اما انت بطيت
_اما في وقتها قلتها.
_انت ديما خارج الوقت خارج الزمن خارج الدنيا وخارج الحب ومع هذا احبك.
_مخيبها بلاصتو كاظم فالفاك بصراحه معاش نحب نجي ومانلقاهش
عمر:حتى واحد يجي يمشي دارهم بعيده برررشه حاطينها في غابه ههههه_مسقطك امشيلو صاحبك راو وراو مل من الرقاد والدار امشيلو وانا اكيد اخر الجمعه نمشيلو
_كلمه،راو نمشيلو اليوم نقلو مريام بش تجيك اخر الجمعه .
_وي قلو وانا اول ما ناخو تاليفون نكلمو،وتوا خليني نمشي ماعاش عليا وقت نخدم.
_عورتلها بالانضباط
_لا حابه خدمتي.
_حتى خدمتك حابتك
_برا زمر قداه تتمجلغ وامشي ل كاظم باهي ؟
_مريام خدمتك جاتك مااطول عمرها.
تلفتت وراها تلقى في الكرهبه كالعاده متلبسه بلعت ريقها بالسيف
_باي عمر
_باي يا روح عمر
قالها عمر وهو يتمنيك عليها وهي مشات تزرب حلت باب الكرهبه وطلعت وهي مرتبكه خاطر تعرف موقفو من عمر.
_هاك جيت بكري اليوم
_ماخليتلكش مجال تكمل هدرتك ولا توزع عمر قبل لا نجي
_كنا نحكيو على كاظم،وزيد كنت بش ناخو تاكسي ونجي.
كان يسمع فيها وساكت مركز على طريقو وساكت وهي كالعاده نبربش بجنبو حلت ساكها خذاتCDخدمتو ويسمع في ماجده تغنيلو.
"" ما حدا بيعبي مطرحك بقلبي
كيف الك قلب تجافي حدا حبك هالمحبه.
نحبك انت وجاي يحبك انت ورايح بحبك ياهنايا بكل المطارح.
طلع فيا طلع بعد شوي عيوني ما تخبي عيوني ما بتخبي""
كانت تغني معاها دورتلو وجهو وقاتلو :
_اطلع فيا عيوني ما بيخبو
ضحك وقالها:.
_جايبه ماجده تستعين بيها؟
_هههه هاك انت تجيبلي كاظم يقلي يا مستبده
_جبت انت ماجده هاك طلعت متأثره بيا.
_ونحبك زاده
حل عينو وهز لينات الشمس وقلها عاود.
_نحبك
_امنيتي ترى تحريكة شفايفك وانت تقول فيها والله تزيدك شطر الزين.
قبل ما تهبط حل غادي واجبد الباكو
_شنوه هذا؟
_تاليفونك
_ماهوش تاليفوني ما ناخوش انا تاليفون غالي هكا.
_حلو
حليت التاليفون نلقى تصويرتي وانا صغرونه على الاكرون تصدمت وفرحت وزاد صونا في يدي كاظم يغنيلي انت التي اسميتها تاج النساء اقسي على قلبي ومزقيه لو اساء.
_تأكدت انو تاليفونك توا محطوط عليه اسم وكاظم يغنيلك فيه مستبده
كنت فرحانه بالتاليفون فرحة الدنيا تاليفون فيه كان رقم واحد مكتوب عليه محبوبك ماهوش تاليفون هذا صندوق حبي ايمن ومستبده وتصويرتي وانا صغرونه حاجه عطاتني طاقه بش نكمل نهار وانا في منتهى السعاده حسيت روحي ما انصفتش ايمن وهو حب يفرحني بالتاليفون ماقتلوش حتى شكرا قمت من بيرويا دقيت عليه ودخلت كان منغمس يكتب كالعاده باليسرى سي الايمن ههه_ايمن
_يا عيوني
_شكرا
_عفوا
_بالحق ايمن شكرا جزيلا على التاليفوم على وقفتك على حضورك شكرا لكل حاجه انت تعملها تخليني نزيد نحبك
_الباهي في الكلام الكل انك تحبني
_نحبك برشه زاده
كنت واقفه قدامو وين كرسيه وقف قدامي حط يظ منا ويد منا في نصي وهزني حطني فوق بيروه
وانا نضحك عليه
_هكا وليت باهيه
_انا ديما باهيه
_انت كل شي فيك باهي كان كيف تغيب ماعاش انجم ،غيابك
_باهي معاش نغيب
_وعد(مدلي صبعو الصغير)
_(شديتلو صبعو الصغير بصبعي) وعد
هزلي يدي باسها بوسه حنينه و ناعمه وطبس على جبيني باسو وبعد خشمي وبعد حط فمو بجنب فمي كالعاده وقالي بصوت دافي رهيف نحبك ونسمع في ماجده تغني ما حدا بيعبي مطرحك بقلبي بقيت نلوج ياخي ضحك وجبد تاليفونو وقالي خلي كاظم ديما يغنيلك مستبده وانا نخلي ماجده تغنيلي ماحدا بيعبي مطرحك بقلبي و غمزني وهز
_وي امي ،نعم شبيه كاظم ،جاي توا.
خارج يزرب ومفجوع.
_ايمن نجي معاك
_لااا
_شبيه كاظم باهي ؟
_كاظم.....الحلقة السابعـــــة ........................#أنت_وجع_قلبــــــي
في الدار داخل نجري نلقى البياض مغطي بيتو طقم طبي كامل حاول اقصى جهدو يخرجني لكن ما خرجتش قربت لكاظم حطيت يدي على راسو هبطت على ركبتي بجنبو حطيت راسي على الفرش بجنب راسو وقتلو
_كاظم كنت نتمناك اسعد حد فالدنيا عطيتك كل ما عندي ومازلت نعطيك كان العمر يتعطى نعطيك عمري ما تمنيتلكش العذاب هذا ولا حملتو سخرت كل شئ كاظم بش نعوض اما الصحه ما يعوضها شئ سخرتلك وقتي طاقتي فلوسي فقط بش تكون فرحان حتى شوي عملت الي عليا وكان انجم نعمل اكثر نعمل انت ولدي وصاحبي ونديدي كاظم تعرفني قداه قوي وانت كسرتلي جناحي كاظم 20سنه تقاوم وتموت فالجمعه الف موته تدخل تحت الماكينات تفرغ بدن تعبي بدن ،نعرفك تعبت وتعذبت برشه حاجات عملوها اصحابك واندادك ما عملتهاش اما نوعدك كاظم انا لاخر نفس في عمري وعمرك معاك
كنت نتكلم مش عارف الكلام منين جاني حاجات مخبيه لكاظم حركهم شكلو وهو تقريبا ميت ماعاش انجم نخبي حرقتي وانا المكلوم اي انا بو يفقد في ولدو ما ينجمش يفكو من المرض انا البو الي كل جمعه نسيبو للموت ونرجعو اما توا نوباتو تزداد ماعاش يعمل الدياليز مره في الجمعه توا نهار بعد نهار بدنو تعذب من صغر سنو وكمل هو تشمت في روحو وانتقم من الدنيا في هالبدن خرجت فرغت الي عندي وقفت قدام الباب نتكيف في سيجارو نخرج بيه ناري ولهيبي وخرج الطبيب الكبير
_دكتور نحب حل شوفلي حل نحب نسفرو نحب نعالجو.
والله الامل ضعيف في علاجو خاطر هو تعدا مرحلة القصور الكلوي لفشل كلوي تام وزيد الدياليز سنين طويله بدنو تعب ونقص اما تنجم تحاول طلعو لبرا شوف اطباء فرنسيس بالانترنات اعرض عليهم حالتو وملفو الطبي وشوف حل وهذه حاجات بيد ربي ارفق بيه منا خرجوا الاطباء بقيت حذاه شوي نخزرلو وهو تقريبا ميت كيف بعد كل دياليز ويفيق تاعب وتحبلو بش يدارك ويرجع للحياه الطبيعيه .خرجت للجنينه نحب نتنفس تخنقت ماشي وهايم بافكاري وفكره وحده مسيطره عليا كاظم والعلاج في الخارج حتى لين غنات ماجده ما حدا بيعبي مطرحك بقلي قطتي تطلب هزيت عليها.
_ايمن لاباس كاظم قلي اش صارلو
_ازمه كالعاده
_ازمة شنوه اش عندو هو؟
_ع.عن ،،تنجم تخرجني توا من كاظم ومرضو خاطر خرجت نتنفسس مخنوووق ما ترجعش بيا خطوات للوراء
_غدوه تو نجيه نطل عليه
_مرحبا ،غدوه بطبيعتي عندي مقالات يلزم نصححها نصححوها مع بعضنا ونجيبك معايا
_باهي انت وسع بالك اطلبلو ربي يشفيه علاه هكا هم الدنيا بش يخرج من حبال صوتك.
_ادعيلو انت زاده
_اكيد،تحب نخليك؟
_الا هذه رد بالك تعملها رد بالك تخليني
_انا مستحيل نخليك،قصدي نخليك ترتاح.
_نرتاح وانت معايا احكي احكيلي اي حاجه احكي ما تسكتش اقرالي مقال اقرالي حاجه قريتها اقرالي حاجه حافظتها غنيلي غنايه
_غناء ما نوعدكش اما تو نقلك كلام حافظتو من الكتب
اقتربت منه .... و همست بصوتها الموسيقي ..... أحبك ....
و لطالما كان يعرف ذلك .... إلا أن حزنه كان أكبر منه .... و لهذا كان دائم الصمت ...
أعادتها مرة أخرى ... أحبك ....
رفع رأسه و نظر إليها .... عيناه كانتا تقولان الكثير الكثير .... و لكن لسانه كان متجمدا و بالكاد قادرا على النطق ... لم ينطق بكلمة واحدة او حتى إشارة تدل على شيء ما ....
شعرت بالخيبة و الخذلان ....
نظر في عينيها .... فشاهد النور الذي يحبه ....
تحرك لسانه بثقل و قال : ربما .....
هي لم تفهم شيئا .... و هو لم يستطع التصريح أكثر ....

في عالم الأرواح النقية لا يمكننا استخراج حب بدل ضائع .....
مر الزمن .... و كلاهما ينتظران .... ربما .....

شنوه هذا علاه خترتلي هذه اختارلي حاجه تقودك ليا وتقودني ليك اختارلي حاجه تشبهلك .ليته يعلم كم تحب كم يمضي الوقت رتيبا في غيبته مرا في المه ....تحبه حد ان الذي يوجعه يبكيها يقسم قوتها يرديها صريعة وجع.
ليته يعلم ان التي احبته كانت طفلة تنظر من شرفة غرفتها الى تلك السنديانه الوارفة واتاها سحره وحولها تلك الريح التي تهز السنديانه . واليوم الذي لا تأتي تنحي السنديانه شوقا وجع
ليته يعلم ان حبه حول بنت العشرين كبيرة تجاوزت الستين .
_هههه تولي عزوزه ما نخوكش
_ما نخوكش
_علاه انت ناوي تاخوني !
_حمقاء ههه انا كل ليله ناخوك في الحلم في الخيال في الورقه كل لحظه انت زوجتي وام اولادي نغمض عنيا ونتخيل.
_شنوه تتخيل
_نتخيل بنوته شعرها حرير وعنيها كبار ورماديه وجها ابيض ومدور وتضحك كل ما نبوسها من رقبتها وتقلي باهي كمل احكيلي على ماما قداه تحبها
_وانت تحكي لبنتك مش عيب؟
_مش عيب نحكي لبنتي الي امها مرا تسحق الحب الحب فقط
_وعلاه بنت مش ولد؟
_خاطر نحبها نسختك الصغيره مش بنيه وحده برشه بنات لكلهم كيفك قلب وقالب تعلمهم انت وتربيهم تعلمهم يحكيو كيفك تعلمهم يكون بارزات كيفك حتى الانوثه نحبك انت تعلمهالهم.
_اي هذا الكل نعملو انا وانت تبقى مرتاح.
_لا علاه،انا نبقى نحب فيك فالليلة الاف المرات،نقوم الصباح نخدم ونحبك نروح نحبك نرقد نحبك
_ههههه خدمه متعبه هذه
_عناء لذيذ
_ههههه انا حبي عناء
_وشقاء ووجع وغيره ودلال وشيطنه وصغر كل حاجه فيك حبي اشيائي ممتلكاتي الملخص انت متاعي انت ازمنتي الوردييه وسعادتي السرمديه وقطتي العشرينيه.انت اسراري المكشوفه المخفيه انت سعادتي الابديه.في بيروه منغمس في مقالاتو بين سيجارتو وقلمو سي ايمن الايسر يقبل مقال يرفض مقال والدنيا ماشيه مصير صحفي يميتو ايمن ويحيه بجرة قلب بايجاب يتنشر المقال بلا يضرب بيه عرض الحائط دقدقه خفيفه غلى الباب خلتو يتبسم من غير ما يتلفت تحل الباب وراحتها بدات تقرب هو كان عاطي بظهرو ما يراش فيها وهي تتسحب اما كان يحس فيها وهي تقرب بشوي بالشوي وحطت يدها على عنيه وقتها ايمن ضحك ضحكه قويه واول مره يطلق العنان لضحكتو هي تصدمت اما هو كمل ضحكو ايمن عمرو لا حد لعب معاه اللعبه هذه ولا يتجرأ حد يلعبها
_انا شكون؟
_انا ما نضيعش فيك لبرشه اسباب اولهم ما عندي حد هوني غيرك مازال صغرون كلهم كبار .
عوجت فمها لاستهزاؤو بيها وقربتلو على الاخر حتى ولا خدها في خدو وقربت فمها لوذنو وقتلو بصوت دافي
_ايمن
_(غمض عنيه)اممم
عضتلو وذنيه لم كتافو وعض شفتو مصدوم
_اي يا مهبوله
_انا الصغار الوحدين هوني اعذرني الصغار يعملو الي يحبو
الطفله الي كانت تلعب قعد على يمينو بكامل انوثتها حلت صاكها جبدت مراياتها خذات مقال من المقالات وبقات مركزه معاه وهو مركز معاها اقرا تقطب جبينها في سطر تعوج فمها غي اخر وتشطب سطر وتصححو في ورقه نظيفه
_اش تعمل
_نصحح
_هاك حسيتو ما عجبكش
_كموضوع مزيان اما الطرح احمق اللغه بليده والتعابير بارده
_طيش امو غادي ومااتكسرش راسك
_بربي ايمن هكا التصحيح عندك مجهود انسان وتعبو من السطرين اللوالا تحكم عليه ،اجحاف هذا اسمو.
_انا مجحف !!!!
_تعلم،لا تبخسو الناس اشياءهم انت هوني مدير تحرير تاقف مع الصحفي اتابع خطو التحريري تعقبلو تنجح جريدتك وتصنع صوحفين كبار
_كل مره تزيد توقفلي مخي المام كبير وعي وحرص.
_اي حريصه اني ما نظلمش الظلم خايب ايمن الظلم ظلمات يوم القيامه تعلم تساند الضعيف وتقومو وتقويه تخيل انت فما صحفي يعدي جمعه يكتب في مقال ودوب ماتراه ما يعجبكش وتخيل تتكرر معاه كل جمعه هالصحفي شوف الخيبه لعملتهالي وبعكسه جرب تصلحلو وتعطيه فرصه تنشرلو مقالو حتى في ركن صغير شوف قداه يتشجع ويتحفز ويحاول ويجتهد كل مره يكتب ما خير برشه حاجات برشه مواهب برشه اشياء تستحق فقط فرصه.
_وانت فرصه ،واخف ان تضيع فرصتي فالحب فاندم.
_اخدم اخدم واسكت
كان مركز معاها مع خدمتها الي متاع تقنين فقط خاطر كانت مولعه بالمجال وخذات فرصه كانت خدمتها بجوده عاليه تكتب وتصحح وتناقش فيه ويحطو الورقه بيناتهم ويتناقشو فيها ساعات فما كلمه ولا سطر يقلب موازين المقال ساعات السطرين الوالا خايبين والمقال قوي وثري برشه اعباء نحاتها عليه وبرشه مهام تولاتها هي نيابة عنو اصلا هو شخصيا صححتلو مقالو وحطت بصمتها فما بالك بصحفين اخرين .
كملو خدمتهم مرهقين تاعبين اما بش يهزها لكاظم ولا لامو تشلل عنيها مليح عليها وعلى لبستها وبدنها من اول ما راتها صادتها سهام الحب حبتها وبقات تسأل عليها كل ما تتذكر ها ما تخلي ما تقول في زينها
هي بيدها تخمم في نفس تخمامو عنين امو قداه بش تاكلها
_روحت اختك؟
_هذه عين وارتحت منها روحت
_امك فالدار اكيد
_ههههه اي اش نعملك انا معجبه بيك اش ذنبي انا
_امري لله هيا نمشيو
_تحب نخرجو نفطرو ؟
_لا هكاكا نزيدو نتعطلو خلي بازيد وقت مع كاظم.
_كاظم بش يفرح بشوفتك برشه.
_وانا توحشتوا
_نحمل فيها هالكلمه خاطرها فقط لكاظم.
_مغيااااار.

كالعاده وكيف اول مره راتها مشاتلها تسلم وتهدي في الكلام المعسول
_مرحبا مرحبا وينك يا هرابه ما نراوك كان كيف يمرض كاظم بصراحه نحب ديما نراك
_يعيشك تطا ان شاء الله في فرصه ماخير نجيك
_ايجاني في كل فرصه خير وشر وتو نقول لايمن ديما يجيبك باهي
_باهي ان شاء الله ،ان شاء الله مانجيك كان في الخير
_راك دخلت لقلبي كيف نكتة العسل حبيتك قبل ما تطلع لكاظم اقعد معايا نشربو حاجه ايجا نقعدو هوني اش تشرب
_الي يجي منك مبروك
قعدت هي واياها يحكيو ويضحكو وانا نتفرج فيها ونحب نفهم امي اش تحب تعمل اما بش نرفع التكليف عليها مشيتلهم
_انجم نقعد معاكم
امي:اقعد اما من غير ما تغملي قلبي بدخانك.ماو هكا مريومه؟
كنت بش نقلها انا قلبي يتغم دوب ما نراه هو ،ونحيا بسيجاروه اما اكيد شوي نفاق اجتماعي_وي ،تطا عندك حق
قاعدين نحكيو كاس عصيرها الاحمر يشبه لشفايفها لون ومذاق كنت كل ما نهز عيني علاها ونخزر نلقى امي في خزره غريبه ونبدل الموضوع ونرجع نحكي معاها وامي مركزه معايا ومعاها
_حق امي لقيت طبيب باهي في فرنسا نحب نهز كاظم ليه واكيد ربي يجيب الشفاء
_ان شاء الله حكيتلو الحاله؟
_مش بالتفصيل وهو يحب معاينه مباشره ليه وان شاء الله على قريب نهزو ونمشي.
كنت ضايعه في كلامهم لاول مره نحب نفهم كاظم اش عندو طول عمري نتجنب في احراجو ما نسألوش شبيك اش عندك ديما نتعامل معاه كعبد عادي اما حاسه الي ايمن متحفظ اكثر من كاظم في تخبيت مرض كاظم كنت سارحه بافكاري حتى لين ريت كاظم قاعد يقترب من غير ما فقت بروحي قمتلو نجري حملتو وحملني كيف سلامنا سنين طويله
_توحشتك
_هاك هوني يا مجرمه
_كنت بش نطلعلك
_هاني هبطلك
_لاباس ايجا اقعد ارتاح ،احكيلي خير توا .
نسيت روحي نسيت ايمن نسيت امو وانطلقت نحكي قعد وقعدت بجنبو يدي في يدو كيف حياتنا ديما ونقينا نحكيو ونفدلكو وكل مره ام ايمن تشاركنا بكلمه ولا ضحكه مرا مذخمه وتحب الحديث برشه كانت قعدتنا حلوه حاضر فيها الضحك والصفاء غايب فيها ايمن رغم انو كان سيد الحاضرين وابرز حد في القعده.

روح بيا لدارنا قد ما كلمتو كان ساكت مش معايا جمله ما نعرش متغشش من تعاملي انا وكاظم والا متأثر بمرض كاظم كل الي نعرفو انو اختار الصمت كان تصبح على خير الكلمه الوحيده الي تقالت .
مخي وقف للحظه وهز ني لحاجات قطعها تاليفون خالد
_مياو مياو
_كس ،شبيك!؟
_فماش ما تعبرني وما تخزرلي بشطر عين.
_ياخي انت ما تبدلش المساطه؟
_لا هذه مش مساطه تضحيات نولي قطه في سبيل نرجع صاحب صاحبي
_سحاب يهزك يا خالد شبيك
_هاهي راني صاحبك
_اش تحب
_هاو ساي الموعد وبطاقات السفر كل شئ
_صحيت صحيت
_المهم جيبلي حتى سروال من فرنسا
_تحبش نجيبلك التوريفال
_تمشيش تجيب قطوسه فرنسيس ههههه
مر يم
كنت في الفاك قاعده على الصور لبرا انا وهاله ونحكيو على كاظم وايمن وقف قدامنا خزرت للوقت مازال بكري اكيد شبيه توا فقيت مصدومه اما مشيت نسأل فيه قالي اركب شبيك
_من توا ماشين نخدمو؟
_لا نحب نقعد معاك شوي نحب نقلك حاجه
_خير ياربي
_وين نمشيو ؟
_وين تحب انت هزني
_نحب بلاصه نكون انا وانت كهو ما نحبش مقاهي وما نحبش مطاعم
_هكا نولي نخاف هههه
_لقيت البلاصه الي ما تخوفكش وانت تفرح فيها.دام البحر وقفت الكرهبه ووقفنا في وسط الكرهبه ونتفرجو في البحر وسحرو وعرفت هي علاه تحب البحر خاطر جمال صارخ يريضها يكبح جماح جمالها تنصاع صاغره
_محلاه واحد ينظر للامور بتمعن
_بعمق تقصد خاطر انت مركز مع البحر اكيد وصلت للاعماق.
_كل حاجه عندك عليها تعقيب انت !؟
_لين يحن عليك ربي وتتعلم مني عزيزي
_وعلاه انت ما تتعلمش مني ؟
_وشكون قالك ما تعلمتش منك انا تعلمت منك قوتك صلابتك رباطه جأشك تعلمت منك ثباتك بقائك
_ونحبك تتعلم مني حاجه اخرى
_شنوه هي؟
_البقاء على الوعود
_لا هذه انا نعلمهالك
_باهي،علمهالي نحب نغيب نمشي نجي كيني حاضر حد ما يكلمك حد ما يمس منك شعره
_وين ماشي؟
_لفرنسا
_وانا شكون يبقالي
_ماشي مع كاظم للطبيب
_تبطاو؟
_جمعه ثنين ما نعرش.
_انا كيفاه بش انجم ما نراكش
_ماكش بش تراني اما ماكش بش تنساني(يمسح في دمعه)
_وانت بش تتذكر ني ؟
_حتى انجم ننساك بش انجم تتذكرك انا هوني ونبدا معاك ومتوحشك كيف بش يكون حالي وانا مش معاك.
ماكنتش منجمه تسيطر على دموعها تمسح هذه تهبط الاخرى تحاول تجمع كلمه ما تحبش تخرج من صوت قطعو البكاء
_باهي يزي من البكاء،مش انت تحب كاظم وتحبو يبرا اسكت برك ماعاش تبكي اسكت تو نجيبلك شكلاطه عاد .
وقتها اطرشقت بالضحك هزيت وجها الي معبي بدموعهاقربتو لوجهي بستو من كل شيره من كل اتجاه وحطيتو في صدري وعنقتها بقوتي الكل
_نوعدك نرجع نبداو من جديد نوعدك نعوضو هالايام نوعدك بحاجه سبيسيال كيف نجي .
_المهم كاظم يبرا وكهوعديت اخر عشويه فهالارض معاها وهي بين اديا بين ضحكه ودمعه وقفت قدام بياع الورد وخذيتلها باقه حمراء قلتلها خبيها عندك ارعاها وقد ما بش تبقى ما تذبلش انا بش نشوف قداه تحبني باعتنائك بيها كل يوم صورها وابعثهالي
_وانت كل يوم كلمني من عاصمه الحب عاصمة الاضواء عاصمة العشاق باريس.
_وشنوه نجيبلك
_شكلاطه ماك قلت.
_لا تاكد الي انا بش نجيبلك حاجه سبيسيال.
ترمات في حضني عنقتني بالقوي وقاتلي ارجع انت فقط.
غادرت بلاد محملا بيها بقبلاتها بعطرها بصورها الي لا تفارق تاليفوني ولا مخي .
الي بلد الحب امضي بغير محبوبتي امضي ميتا ينبض.
مشى ايمن وخلالي منو قبله وحضن وحفنه من كلمات الحب وباقة ورد وقطه كل ما نراها نتذكر حبو كلامو الاسم المميز الي ختارهولي نتذكر طريقة حبو المميزه طريقة حبو الغريبه الخرافيه الاسطوريه الي تشبه برشه للسطو الي خذاتني بكلي اقتحمتني وخذاتني فقط للاسود .
من كثر البكاء حسيت ايمن مفارق مش مسافر بكيت بكيت حتى لين رقدت والحمد لله اني رقدت واتاني طيفو في الحلم ريتو وهو في صهوة جوادو ريتو وهو فوق بلاك ريتو وهو يجري فوق بلاك وبلاك كان جامح وهايج.
قمت الصباح كالعاده اما مش كالعاده قمت في وقت العاده اما مش في اناقة العاده للفاك متاع العاده اما مش بالحماس متاع العاده
ووقت العمل ولالي وقت الاختناق داخله الجريده اول ما ريت خالد خبيت عنيا وحسبت روحي ما ريتوش مش كره ليه اما حب في ايمن وما نحبش نرى اشياؤو و الحاجات الي تفكر فيه .
دخلت بيرويا تركيزي الكل كان على الباب نستنى وقتاه يتحل ويخرج منو ايمن نتمنى هالكابوس يوفى ساعات العمل اطول وامر من هالقهوه الي قدامي ربعت يدي وهبطت راسي على يدي نحب نرتاح شوي نحب نركح الكوره الارضيه الي ادور بيا انا كهو هبطت راسي ونتذكر في اول مره ريت فيها ايمن في الحفله ونتبسم قداه كان برج عالي قداه كان هامه عندها بهرجها وما ينجم حد اقتراب،مش اقتحام ووصلتلك ايمن وحدي دون غيري.
كنت غايبه في افكاري ودنيتيونسمع في قرع نعل خطوات تقرب مني يد تحطت على كتافي هزيت راسي
_اسم الله عليك لاباس مريم
_لاباس ياخالد لاباس
_وجهك مش عاجبني
_راسي يوجع
_تقريب قلبك يوجع انت
_عندو الحق ايمن،قوم لبيروك هههه
_حتى انت تعلمتتعلمت شد هذا مفتاح البيرو متاع ايمن خلاهولك عندي
_زعمه بش يبقاو برشه؟
_حتى كان مش برشه انت بش تراه برشه برشه
_خالد انت ما توحشتش ايمن؟
_ههههههههههه علاه ترى فيا عنيا محوقين وجهي اصفر خالد انا مش مريم
_قوم قوم شد بيروك.
_هههههههه تعلمت عليها كان العلوم التعيسه.
واخيرا خرج خالد نحب نحل بيروه نستنشق ريحتو نشوف اشياؤو حليت الباب دخلت فوق بيروه كانت فما باقه كبيره متاع ورد احمر فيها ورقه مشيت نجري خذيت الورقه وحليتها "" كنت عارفك ماكش بش تصبر توحشتك يا مجرمه""
نبكي فرحه وشوق ووجع قعدت في كرسيه شفت ستيلوه الي معبي بريحة اديه اوراقو خطو كل شي كيفي يستناو في ايمن.
واخيرا يا مستبده من رقم اجنبي ما كنتش بش ندخر جهد بش نعرف ايمن
_قلبي قلبي قلبي بش يخرج من بلاصتو
_ههههه ديما عندك دخله خارج توقعاتي توحشتك يا مجرمه
_انا توحشتك وبش نموت بالوحش ماعاش انجم ايمن ماعاش انجم ايمن ايجا امانك
_هههه ايامات وتتعدا.
هذه مش ايامات هذه سنين من فرط حرقي وشوقي كتبت كتبت كل حرف كتبتو كان لايمن و كان كل تاليفون يتقرالو وهو يضحك عليا وعلى هبالي ويقلي ما فيباليش الشوق يقوي قريحتك هكا هو يقوي قريحتي وحرقتي في غيابك ايمن.في فرنسا وقدام موكب طبي كبير نتلقى اتعس كلام كاظم ،ولدي الكبير وخويا الصغير ماعاش عندو في هالدنيا برشه اما عمر بعدك كاظم اما عيشه بلاش بيك تخنقت تخنقت برشه كلمتها وقلتلها وحكيتلها وقلتلها الي كانت عندي برشه مفاحأت ليها برشه شوق برشه فرح تحرقو كيف سمعت انو كاظم بش يكمل عمرو مريض ،ما نجمتش نقلها كاظم ماعاش بش يعيش برررشه قلتلها غدوه مروحين .
ليله عديتها حديث انا وكاظم حديث قوي حديث كبير واول ما وصلنا وصلنا خالد للدار انا دخلت وماجده قالت ماحدا بيعبي مطرحك بقلبي.
_مريام
_روحي الحمد لله على سلامتكم توحشتك بش نجيك توا توا توا.
_لااااال،انا بش نجيك اما مش اليوم غدوه غدوه بش نجي لداركم انا وامي وبش نقلك حاجه يش تقلب تاريخك
_بالحق
_وعيناك الي اول مره نحلف بيهم.
_باهي بش نستناك على نار
_صدقني انا الي فالنار كيف ما يقول كاظم في مستبده "اني اعاني، اني اموت ،اني حطام"
لبست اسودي وهزيت هدايايا ليها انا وعدتها بهديه استثنائيه ،انا وكاظم وامي و خالد حفنه ورود وقدام بابهم دق الباب حلت امها دخلنا قعدنا في الصاله مع امها واختها وتهل مالنجمه كالنسيم تدخل ريحتها قبلها والاعناق الكل تتهز ليها بروبتها الحمراء وكعبها العالي ريتها وياريتني ماريتها سلمت على الحضور ولمت روبتها الي كانت تشبه لروب الصغار واقفه ومحلوله وقعدت بجنب امي اما مقابلتني وخزرتلي بعنيها كينها تسال شنوه فما استجمعت قوتي ووقفت لكرضونه كبيره ومغلفه بالاحمر وقطعت غلافها وحليتها والناس الكل خزرو لوسطها روب بيضاء متاع عروسه عنيها تحلت ووساعت الملامح ماكانتش تتفسر في حتى وجه وخزرتلها وانا واقف ووجها لوجه انا واياها وقلتلها
_مريم نحن اليوم جينا نخطبو فيك ،نخطبو فيك لكاظم.
ملامح وجها مشات ما رجعتش كيف فرحتي معاها كيف حلمتي مشات مريم حاجه لداخل تعرفها قاتلي شموخ مريم وعنادها بش يقول اي نكاية فيا شماته في ايمن وحاجه اخرى هي حنيتها الي مش بش تكسر كاظم وانا عمري ما خاب ظني فيها قالت موافقه بكل قهر فيا بكل حرقه هزت الباقه الي جبناها وحطتها في فاز في بلاصه الورد الي شريتهولها قبل ما نمشي قدامي مدتوا لمروى وقالتلها طيشو في الزبله صلحياتو وفات وانا كرهتو.
_ايمن قلي شنوه الي عملتو اليوم هبلت انت ما كنتش نهار نتصور هذا ايمن حرام عليك الي عملتو في روحك وفيها.
_خالد اسكت خالد انت ما تعرش شئ انت ما حسيتتش الي حسيتو كيف كاظم قالي عارف الي الموت قدري اما نتمنى في امنيه كهو قالي وهو يبكي نتمنى مريم امنيتي ترقد بجنبي ليله امنيتي نقوم نلقاها حذايا امنيتي نموت وهي مرتي قالي ايمن هذه امنية موتي.
_موتكم تقصد موتكم الكل ايمن قداه قسيت عليك وعلاها ظلمتها قهرتها صدمتها وجنيت عليها.الحلقة الثامنــــة .......#أنا_إلي_حلمت_وأنت_إلي_حققت
كنت تقلي مجرمه اما اجرام تحكي عليه قدام اجرامك ذنوب الدنيا تغتفر وذنبك انت لا قهرك نذالتك انت نذل يا ايمن انت عبثت بنت العشرين اما انا كبيره ايمن اكبر منك اكبر من اجرامك اكبر من غدرك اكبر من وجيعتك كبيره بالانفه كبيره العزه الي فيا الي تمقتك غي في اللحظه الف مره تمقت كل ضحكه تضحكتلك تمقت كل لحظه جمعتنا تمقت كل كلمه دارت بيناتنا كل حاجه انا كنت نعتبرها حب وانت تعتبرها نزوه كنت تعتبرها تسليه كنت تراهن على انثى عنيده وبعد احتلالك واستطانك دمرتها ارديت النار رمادا،اما لا ايمن وحق كل كبر فيا رضخلك وحق كل غرور فيا انحنالك وحق كل نهار دمعه تبكات ليك والا عليك ما نتجاوزك كاس المر الي ذوقتهولي نوعدك انت شاربه مر حنظل استعدلو دموع كالجمر بش تحرقك اتأهبلها من اليوم ومن اللحظه هذه بش ترى انياب القطه واظافرها يا وجع فاق الوجع
دموع عمري لا بكيتها بكيتها ليلة الي هداني ايمن فستان ابيض كيف كذبك قهرك زاده استثنائي.
عنيا كيف قمت ما حبوش يتحلو من كثر قهري والوجع بقلب معبي بالحرقه والنقمه قمت لبست وتزينت وتعطرت ما مشيتش للفاك اما مشيت للجريده القصه ما وفاتش القصه تو بدات حياتي توا حلت ذراعيها انا الان بش ناقف الان بش نبدا بش ما تتصورش ايمن انك ضيعتني والا انا هزمت خالد شافني تصدم اما انا بادرتو بالسلام
_خالد نقول نهارك زين والا السلام
_مريم انجمو نحكيو
_طبعا،تنجم تشربني قهوه مازال بكري عليا انا لين عايده تخرج من المكتب
_نخرجو؟
_نهبطو للبيفات
هبطنا للبيفات قعدنا في طاوله قدام كل واحد فينا قهوه خالد الكلام كان محبوس في فمو ومصدوم
_مريم انت راك عزيزه عليا برشه
_هذا ما يمنعش الي انت بش تخلص القهوه هههه
_هههههه خلصت وساي اما نحبك تسمعني
_تفضل
_ايمن
_ايمن رئيسي في العمل عم خطيبي ماكان ولّ ودفن هو سر انت الوحيد الشاهد عليه والا نقولو نزوه صارت على مراى ومسمع منك.
_لا مريم.
_لا انت خالد بش تحافظ على صداقتنا معاش تجبدلي ريحة الموضوع هذا واصلو واضحين!اشرب قهوتك بردت.
_والله مستبده مالا
_نحن في عصر الاستبداد توا.

_صدقني كان حطك ايمن الناطقه الرسميه في عوضي خير
_خالد امان خالد ماني اختك
_ان شاء الله خير
_قلو يبدلني معاك نحب نكون في الجريده في بوست بعيده عليه وهو يدخل ويخرج ما نحبش نراه خالد قلو يحطني حتى في الارشيف المهم تكون شهريتي مش احسان منو بتعبي وبعيد عليه كيف الصحفين الاخرين يوصلو مقالي من بعيد.
_انت تعرفو عنيد اما نحاول معاه.
_قوم قوم بش يفوتنا الوقت
_لا منظبطه وليت ههههه.
نحن ماشين في الكلوار متاع الجريده وهو خارج لحظه لاترجيت وهو هاب كالاعصار وبعد اداركت وشديت روحي
_خالد شكرا على القهوه شكرا خاطر تفهمتني وما تنساش اش تفاهمنا.
تعديت بجنبو كأني ماريتوش وكملت مشي وهو واقف ويتبع فيا لين دخلت للبيرو
_اش تحب اش قتلك فاش تفاهمتو وين كنتو؟؟
_اعصابك وانت كليتني بالاسئله
_انطق اش تفدد
_كنا في البيفات نعملو في قهوه
_والله لاك راجل
_انت ما تفهمش الطفله مش شوي الي صار فيها البارح يلزمها تلقى حد بجنبها تلقى حد يسمعها ينصحها وتسمى محظوظ انت كان نكون انا هكاكا تكون على عيني وتقرير مفصل يجيك_باهي،فاش تفاهمتو
_تحب تبدل البوصت متاعها تحب تجي معايا في الميديا تحب تولي الناطق الرسمي والا حاجه في الخط هذا.
_نجوم السماء اقربلها
_لا عاد هكا عيب شوف هي ما وقفتش الخدمه ما عملت شئ عيب كان ما تعطيهاش الطلب هذا
_ما انجمش نحبها بجنبي نحبها قدام عيني وكان هي تحب البوست هذيكا تخدمها في بيروها
_قداكش ظالم يا ايمن
_قد مابش ترى فيا خايب نحمل ونعدي اما انك ما تحسش بيا وانت الي تعرف هي شنيه هذه ما حبيتهاش منك.
دخل للبيرو يدي كيف قلبي ترعش وتتهز وتتحط اما لا افتحي ذراعيك ياذاكرتي قد ان اوان النسيان.
تعدا من قدامي كيف ما تعدات ايامي الحلوه دخل لبيروه وسكر الباب ودخل ما خرجش كان اعقاب العشيه وقت انا نلم في دبشي وخارجه وقف بجنبي
_مريم نوصلك؟
_لا ،شكرا
_كيفاه بش تروح ؟
_كيف ما جيت ياخي انا بش نحير ما نحيرش ما ناقف على شئ.
خليتها ومشيت كلامها كيف عنيها سم قاتل وجعتني عذبتني وجعتني شجاعتها اكثر من انبطاحها ولو كانت رضخت لحظه لا كنت اطمأنيت وقلت توجعت ورضخت وخرجت الي فيها من وجع اما وهي تتدعي في القوه تحبس في الالم لداخل تخبي فيه وهذه حاجه بش تمزقها .
هبطت نلقى عمر واقف اكيد يستنى فيها اول مره يسلم عليا بالحماس هذا حبيت نفهم منو اش يعمل هوني طبعا هو ما وضحش اما انا بقيت نسأل فيه على القرايه ما حبيتش نوفى معاه الهدره حتى لين هبطت هيا ضحكتلو عمور هاك هوني وقتها عرفتها بلا موعد ومش مدبره منها الحكايه اما مدبره منو خليتهم وطلعت للكرهبه وانا نسرق في النظر اش بيهم واش يحكيو وكلي غزول ييدو الي في يدها وبعد ريتهم يمشيو مش في ثنيه مرواحها بقيت ندور بالكرهبه عبثا ندخل من نهج نخرج من نهج لين فهمت هي وهو وين ماشين دخلو لمطعم شعلت سيقارو اتكيت براسي على الكرسي وانا نتكيف ومخي محروق تاعب نحب نعرف عمر شبيه اش يحب علاه جاها شبيهم هوني ماعاش انجم وماعاش فيا طلبت خالد قتلو اهبطلي تو توا حالا وايجاني ووصفتلو البلاصه وقت جاء
_شبيك؟
_هيا نفطرو
_فطور شنوه عذا الخمسه متاع العشيه،وانت مستانس تاكل توا؟
_اش يهمك في امي انت هيا واسكت
دخلت انا واياه هو يقلي نقعدو هوني والا هوني وانا كنت نلوج عليهم وين ولقيتهم لاهين منغمسين في الحديث طلعنا في الدروج الطاق لفوقاني هكا انجم نراها اكثر و بوضوح
_اش تاكل
_اي حاجه خالد اي حاجه
_شبيك ضايع انت اليوم
_كيفك،كيفك.
_والله ماني فاهمك(نخزر وين يطل هو)اااا بديت نفهم شبيك اتعب فيها انت؟
_نحب نفهم الوشقه هذاكا اش يحب منها ديما وراها
_ايمن ملكيتك ليها وفات راو وانت انهيتها ماعاش عندك حق اتبعها والا تحاسبها
_اخزرلها كيفاه تضحك ،ريتها
_اي تحب تبقى تبكي على غمله انت عملتها؟
_شكون هو بش تعملو هكاكا هي ؟
_اصحابها وحياتها ايمن
_عمر هذا مش عاجبني جمله.
_ماي الغيره تذهب الشيره
كان عندي قناعه قويه عمر هذا يحبها ويكابر والا عندو سر مخبيه والا عندو انّ وراه.
_هذا اخر قرارك مريم؟

_وي عمر
_ان شاء الله ما تندمش
_مانندمش وانت تعرفني.
_انا خممت فيك في مصلحتك نسأل فيك انا مش نوجه فيك
_هاني جاوبتك عمر وتوا سامحني ماشيه.
_خلينا نكملوا ناكلوا.
_شبعت.
خرجت وهي باين عليها غش كبير اش قلها هالعله اش عمللها امنيتي نهبط نفتقو من بعضو نمحيه من الوجود اش قال شبيه فددها وفد معاها خرج بعدها لا كمل ماكلتو لا شئ.
لغز جديد هذا؟
في بلد الاستبداد
يغدو الفرد ارقاما واعداد
في بلد الاستبداد
ظلم واضتهاد
في بلد الاستبداد
يبكي الاولاد
في بلد الاستبداد
ثقاب واعواد
ونيران تقاد
لهب يحرق اجساد
في بلد الاستبداد
تموت الامجاد
يتحرك الجماد
في بلد الاستبداد
ينتصر السواد
بعد الفوز على العناد
بعد ان فك القياد
والبسك انت السواد
واعلن الحداد
في بلد الاستبداد
انت وانا انداد
فما عاد دور للجلاد
في غيابك قوتي تزداد
اوجاعي تباد
وقولي سداد
وانت نار الى اخماد
يا بلد الاستبداد.
من يوميات مستبده .هذا اول نشر ليها وبقلمها ايمن ما ينجمش لا يصححو ولا يعارضو ولا يأذن ولا يرفض قدام القطه ومقالاتها وكيفاه ينجم يعمل ردة فعل قدام مرا شلت كيانو واحبطت كونو.
ملا مقال يا مجرمه
_ما تقليش نجح يا خالد
_والله لكلهم بعثولي على الكاتبه شعر عمودي موضوعو مسيس
_هههه مسيس !!
_المهم فما شكون كلمني يحب ياخو فكره عليك على كتيبتك نشوف مع ايمن وناخولو موعد يجي على مرأى ومسمع منو طبعا.
_اوك ادخل احكي معاه وقلي.
في بيروه اعصابو توترت وملامحو تبدلت وهو يوافق على اول خطوه رسميه في حياتها هو بش يبقى ديما سندها واليد الاولى الي تمدتلها كيف ماكان فمو اول فم وصل لشفايفها اما توا كاظم ،كاظم ،كاظم كاظم بش يبوس بش يعنق بش ترقد عندو بش يقوم على ضحكتها يرقد على عنيها اقوى وامر وجع ليه اقوى واعظم فرح لكاظم .تنهد تنهيده قويه حاره وشعل سيقاروه وجبد تاليفونو حط تصاورها وعبى عينو بالضحكه الي تضحكت ليه واتذكر كل لحظاتو معاها تذكر ضحكتها وخزرتها وعنيها وبكاها تذكر كل شئ من اول نهار عطات فيه كف لخالد ،خالد الي توا يستميت في الدفاع عليها خالد الي نهار من نهارات كان يكرهها ولا توا يقلي ظلمت طفله هبطت من برجها العاجي كاظم يحبها وعلاش ما يحبهاش وهي يد اطبتب على الكل حضن دافي قلب حنين يعز الدنيا ويرفعها اه وامر من الاه بعدك قطتي.
حل كاظم ولاول مره صوتو علا على صوتو وهو يغني اقوى منو
"" اني اعاني اني اموت اني حطام اني لك قلب وحب واحترام"""

مريام ادخل هاو على وصول السيد الي يحب يحكي معاك على المقال.
_اوك خالد.
دخلت نلقاه مشعل سيقارو قاعد في طاولة الاجتماعات اول مره نقعد بجنبو من غير ما نخزرولي في عنيه كنت انظم في اوراقي وانتبهت اني ما جبتش ستيلو كنت بش نقوم وهو حل الفاست دخل يدو فيها وجبد ستيلو مدهولي من غير حتى لا يخزرلي ولا يكلمتي شكرتو بملامح وجهي اما ما نجمت نقلو حتى كلمة شكر اول ما حطيت قلمو بين صوابعي عرقت يدي وسخنت فيه حرارة اديه في ريحة عطرو فيه نبض من قلب فيه حبر مش جاف .
دخل خالد ومعاه السيد سلمنا وقعدنا وكيف كل مجلس كلام عام موضوع اللغه العربيه ثم الشعر ثم التطرق للمقال
_مقالك قوي ساخن هبط في اوج ازمة البلاد ،انا شخصيا شدني والي زاد شدني اسم جديد ،والي بهتني خالد قالي هذا اول مقال ليك؛!
كنت بش نتكلم ونجاوبو اما هو خذا الكلمه
_اول مقال يتنشر قصدك بما انها يدلت البوست متاعها اما هي مصححه برشه مقالات اولهم مقال احببت قطه وحكاو عليه النقاد برشه هو كتابتي وتصحيحها وهي الي حكات عليه
_جميل.
_انا كرئيس تحرير جريده نعتمد عليها برشع ونتوقعلها برشه نجاح في حياتها العمليه الانسه الي قدامك تمتهن الحروف تسيطر على الكلمه تخضع الجمله.كنت مصدومه في كلامو وسارحه معاه لين قص عليا السيد سرحاني
_انسه لو تسمح القصيد الي كتبتو مش فيه برشه نقمه على البلد
_هههه القصيد مش قالب جاهز تلبسوا لحاجه معينه لحاجه وحده القصيد لين مطواع تنجم توضفو وتلبسو لبرشه حاجات وانا كيف نقول البلد مش بشرطه الوطن اما كل حاجه كانت توفرلك مكان فيها وقت تكوم فيه تلميذ وقت تكون فيه كاتب وقت تكون عاشق
_يحب تقول لهنا المقصود محبوبك
_كل حد يقيس بحالو اما تنجم تكون سياسيه بظاهرها عاطفيه بباطنها
انت كيف تقول ""ينتصر السواد،بعد الفوز على العناد ،بعد ان فك القياد،والبسك السواد واعلن ،الحداد.
هاذم اش تراهم انت حال البلاد في رايات سود نحن اعليناها وبعد حزنا عليها كيف حال العشاق الاسود وقتامتو يولي اعلام حبهم المرفره وقت هو بالاساس لون انكسارهم وخيباتهم لون وجعهم لون الحداد.

هبلت انت شنوه الي تحكيلي فيه!
_الي سمعتو يا امي
_نحب نفهم اش غصرك اش بيك تزرب ،فاش قام اخر الجمعه العرس
_امي هكا قررت انا وكاظم يا امي هكا انا نحب
_حياتك في النهايه وانت حره ما تقولش امي عرضتلي.
اه،ياخالد مانيش مصدق الي حتفي غدوه نتمنى تطلع حلمه نفيق منها نتمنى الموت تاخوني ولا نوصل هالنهار اه يا خالد قلبي يعتصر ،ماعاش نحمل انفاسي ماعاش شهيق وزفير ولات الم وانين .
ليله ما حبتش تتعدا حتى النوم كيفها مفارقني انا وسيجارتي والوجع نراو كان صورتها نسمعو كان صوتها نتذكرو كان لحظاتنا الحلوه الهادئه ليل اظلم كيف ايامي في بعدها حتى الصباح في هالدار اظلم كيف ليلة البارح .الدار معبيه باصحاب كاظم بناس نعرفهم وما نعرفهمش ناس تزين ناس تحضر اولاد يغنيو لكاظم الا انا واحزاني نياااح مطلق خرجت للجنينه اتعديت للمرتع هزيت بلاك وطرت بيه ماعاش نعرف شئ ولا نرى شئ كان عنيها تترأى من بعيد كيف السراب كل ما نقرب يضمحل اليوم عرفت بعد شهر فراق وهي في وجهي اليوم عرفت الوجع عندو برشه الوان مش كان الاسود يخص الوجع مريم عيناك الرماديه بقايا حريق انت احترقت في عينيك مضيت
مضحك الباسم ملعب طفل شاب في قبله اني اموت اني حطام.
في عقاب العشيه وانا تحت الماء يجيني عياط امي اخرج لتوا ما حضرت هيا بش تجيب العروسه .اه يا امي علاه تتفنو في تعذيبي علاه تتفننو في قهري ما يزينيش الدنيا ما يزنيش الظلم والقدر عملوني لعبتهم.
اه.اه.،اه.والف اه تخرج من قلبي تحرق وتحول عيناك الرماديه.
لبست كستيمي الاسود ولاول مره نتبع نظرتهم اسود الحزن اسود الهم والغم والوجع
حليت الباب على كاظم الي كان فرحان متعطر بالحزن على عكسي حزين متعطر بالفرحه .
عمر خزرلي خزره امنيتي نفهمها وبدا يغني هو واصحابو وانا قربت لكاظم وحليتلو اديا وهو دخل في صدري كما عناق الليل والنهار كما عناق الشمس والقمر كما عناق الفرح والحزن متضادين احنا تجمعنا الارض على حبها وشفتاها.

كاظم طبعا لا حيل ليه بش يخرج لمرتو هو و مرارتي انا
خرج عمر بكرهبتو انا ب كرهبه شهدت اروع كلام قالوه حبيبين في الدنيا خالد ب كرهبه اخرى ورانا كان تزميري اقوى من تزميرهم كان انين موجوع مش تزمير فارح الى العذاب يا ايمن الى عرس عمرك تزفها بيدك الروبه الي شريتها من عاصمة الانوار عاصمة الحب تتلبس لغيرك ما انصفكش الدهر والا الحظ والا الحب وبموكب من صحابها وصاحباتها تخرج العروسه تخرج بطله مغايره تماما للمتوقع روب قصيره قصيره برشه لدرجة عملتلي غليان في راسي مبتدأها نص صدرها منتهاها افخاذها علاه عملت هكا علاه يا مريم حتى انت مع الدنيا عليا شعرها كان روايه اخرى كانت قصه هابطه على عنيها وكانت فما حاجه فوق شعرها تشبه للتاج اما بوذنين لوك يصلح لحفله تنكريه مش للعرس الحاجه الوحيده الي كانت تدل انها عروسه فوال كان هابط من شعرها وما كانش طويل لوك صغرها برشه لوك ما نعرش شنوه تحب تقول بيه بالضبط لوك صغرها برشه تحب تقول انها مازال صغيره والا تحب تظهر اصغر من عمرها بش تبعد الكبار من محيطها والا العراء هذا بامارة انت لا سلطان ليك عليا اش تقصد الف سؤال وسيجارتي .
طلعت ورايا وامها معاها وانطلق موكب فرحهم ومراسم عزايا.
كنت نسوق ونخزر لعنيها المرسومه في البلاره قدامي قد ما كذبت وقد ما خبيت قد ما كتبت انك اقمت على الاسود الحداد طلعت تكذب ،تكذب يا مريم عنيك فاضحتك دمعتك الي ما تحبش ترمش بش ما تهبطش باينه رغم مكياجك هي سر حلاك.
حليت CDمش بقصد اما بحاجه حليت مستبده غني كاظم صيح كاظم قول الي انا ما نجمش نقولنجمش نقول
"الو يل لي كم نمت مخدوعا على تلك المخده""
وقتها تكلمت وهي تخلع في قواندواتها بش تمسح دمعه فلتت قدام مستبده
_خاصة مخدوع.ركز عليها.حولها اسم فاعل ما حبتش توضح لامها اما الاحاء كان فاضح بالنسبه ليا هي تراني خادع ومن حقها.
مانجمت كان نعطيها ورقه معطره تمسح بيها دمعتها ونشعل سيقارو ونخليها في حوارها مع امها الي يهدي فيها كيف اي ام و بنتها
وقت وصلنا هبطت وحدها وعرضوها دارنا الكل في الباب تزيد امي تقلي خوذ بيدها دخلها لكاظم اه يا امي ما كفاكش العذاب نجيبها عروسه ليه عريانه للناس وانا ساكت وزيد نهزها بيدي علاه هذا الكل خاطر ضحيت ،نتذبح الف مره!!!
يدي في يدها الي في قفاز طويل وهذاكا الطويل الوحيد في لبستها كل ما نسرق نظره نسرق ضحكه نسرق نور لقلب اعتم وكل ما نتلفت قدامي لكاظم الي يستنى فيها نطفي النور ونغتال الضحكه قدام عياطهم وتصفيرهم وضحكهم وفرحهم اكون ميتا يتنفس على قيد حبك امضي .حطيتها في يدو وخطيت قلبي في النار وانا نرى فيها بين اديه معاش نرى فيها دارنا اي مريم هذه القلعه المخيفه الي قضات بموت الجميلات على يد الحب امام سخرية القدر

_ايمن شنوه الي تعمل فيه !
!!!
_مش هذا الي قلتو ينسي؟
_ايمن يعيش خويا نحي من يدك مش حل الشرب مش انت ديما تضحك على الراجل الي يشرب وتقول ان تعاقر ورقة افضل من ان تعاقر خمرا ...اكتب ايمن اكتب نسي روحك
_انت يا خالد انت تقلي اكتب،وانت الي تعرف الي هي الورقه وهي القلم هي الكتابه هي الحرف والسطر والجمله هي الروايه هي الكتاب هي الجريده هي..هي ...هي مستبده.
_باهي نحي الكاس من يدك
_لا خالد بش نشرب ما جيتش بش نبات كهو انا،جيت بش ننسى انا.
_ترى في روحك ناسي هكا ؟؟
_مانيش ناسيها خاطر ما نحبش ننساها والا خاطر ما انجمش ما نعرش الي نعرفو الي خمور الدنيا ما ينسيونيش في حب عمري هزيتو بيدي انا ساقط نحسب في روحي عملت موقف بطولي وانا كنت بطل من ورق مانيش بطل كيف الي حبتو هي انا ساقط ضحيت بيها ووجعتها ظالم انا ،انا بلد الاستبداد انا الي لبست عليا سواد وعملت عليا حداد.
_ايمن والله تعذب في روحك الي صار صار...
_خليني نغذب روحي كيف ما عذبت روح روحي هي معاه توا هي بيت اديه هي مرتو يا خالد راقده عندو تفهمها...ما تفهمهاش يا خالد خاطر انت ما حبيتهاش حتى لو حبيت نساء الدنيا وما جربتش الحب ومافهمتوش تتسمى خاطر ما جربتوش مع عنيها مع ملامحها انت تقلي تعرف تكتب وتعرف تتكلم مالا تخيل الحب ،اي يا خالد تعرف تحب تعرف اترجم الحب تعرف اش معناها اولي الحب مرا معناها الحب وفي ليها مش كيفي انا انا الي غدرت حبها وخذيتها ليه ليه هو ..هو ..وانت تعرف تع..
_ايمن ساي راك تترنح ايجا اتكى هاك شربتهم الكل...
_اول مره نشرب بش نكتشف الي انا عندي برشه سكران مر السايل مر كيف بعدها مغيب كيف حبها يعمل الادمان كيف حضورها
ثمل ،ثمل انا بيك في كل اااان ياااا مريييم يا مريييم.

_قمت سي الشباب
_اي راسي
_اي راسك!!اي راسي انا ،اي دبازي الكل الي شربتهم،اي مخي وانا بايت نسكت فيك وانت حالي مندبه
_اعملي قهوه
_قوم اعمل وحدك انت تو ضيفي وفي داري راك مش عرفي توا.
_تي قوم وسكر جلغتك راسي ارزن من دمك.
_تستاهل،اعمل دوش وهاني نستنى فيك في البلكون نفطرو .
دوشت وراسي ارزن من قلبي ل معبي هموووم
لبست حوايج خالد وقعدت بحذاه في البلكون
_اشبيك تتضيحك انت
_تو عرفت علاه ديما تلبس في الاكحل
_علاه!!؟
_خاطر مخيبك بالالوان هههههه
_هاك انت محلاك يزي
_نفدلك معاك اضحك برك والله وتاك مريولي الاحمر ههههه
_صب القهوه واسكت
_صب وحدك
_نصبلك؟
_اخدم وانت ساكت،نرجع اعتباري هههه ماك هكا تبدا تحكي في البيرو.
_وتبدا هي تضحك علينا ،تتذكر!،تتذكر وقت عطاتك كف!؟
_ما لقيت ماتتذكر والله شاهي نرجعهولك انسى انساه الموضوع.
_النسيان عمله نفتقرلها جدا .
_هيا باهي كيف ضربك الفقر في حاجه ،وانت ماكل الدتيا متسحر باخرتها فلوس وكراهب وحصنيه وزين جرب الفقر باهيلك.
_هاذم الكل ودنيتي فااارغه ثروتي سلبت مني.
_كمل قهوتك واخلط عليا للكوجينه.
واخيرا خالد وتمجليغو خرجو من مخي خالد يحب ينسيني يعبيلي وقتي وانا كيفاه ننسى وكل شئ حاطه فيه بصمتها حتى خالد يزيد يفكرني فيها هي ممكن تنجم نهار تكرهني خاطر انا بلد الاستبداد الي حكات عليه اما انا ما انجمش ننسى تلك المستبده الاول حبا فيها والثاني نقمه مني على وجيعه عملتهالها حليت مستبده و سرحت مع السماء الي تقرب للون عنيها ةصفاؤ روحها وشعلت سيجارو ،وانا وقهوتي ومستبده والعذاب._نقص من العذاب والسرحان وافطر
_افطر انت واخطاني
_ماكش ماكل علاه تفسد في الصحن خليهولي نعملو عشاء
_خالد بصراحة طلعت قوي انت.
_عندك شك انت ههههه
_لا بالرسمي نشهدلك كيفاه ما هبلتش وقت خسرت محبوبتك،وانت الي خسرتها مرتين مره بعرسها واخرى بموتها.
_ماض ووفى تعبت تعذبت اما وراس صاحبي السنين تنسي وانت تو تنسى.
_تكذب ،كان. جيت نسيت راك حبيت غيرها سنين طويله وانت كل يوم مع مرا ولا نجمت تحب وحده.
_مالا كيف في بالك انا كل يوم مع مرا جمعه كامله شادلي وجعي علاه هيا شلڨاتك وملڨاتك وبرا للقلعه المخيفه متاعكم
_علاه تذكر فيا الي انا بش نروح وبش نراها.
_حتى كان ماكش مروح غدوه راجعه للجريده
_تفدلك؟
_لا والله لا عندها ناس لا حصر لهم ولا عد يحبو يحكيو معاها وهي عينت غدوه في الجريده
_كيفاه بش انجم انا يا خالد
_ماك جايبها قوي اشرب بابا احمل
_مخي وقف
_نرمال الحبس للرجال.
وبالحق كلامك خالد حبس محبوس بالوقت الي ما يتعداش وانا نستنى في دخلتها مفجوع منها جمعه هروب وما احلى الهروب ،احلى ببرشه من المواجهه ودقت ساعة الصفر واذن الحكم بدخول ساحات الوغى امام عينيها امضي مهزوم دخلت مكتبي وهي تضحك هي وخالد قدها المياس بثوبها الوردي شعرها الي مايل في اتجاه واحد هارب كيفي ،،،كنت سارح اما يدها تمدتلي تسلم هزت حصوني ورجتني وقت جات يدي في يدها نار في هشيم حتى الارض وقفت على الدوران وغبت في عينيها زادت قربتلي بالباهي وهزت عنقها وسلمت عليا منا ومنا سم لذيذ دستو في الدسم نحط خدي اما ما نبوسهاش ونشم عطرها اما تمضي حلم فك قيود خيل جمحت فيا وهي خذات كرسي بجنب خالد.
حاجه ما كنتش نتوقعها تصيرلي وهي بين الناس تحكي تضحك لهذا تفدلك مع خالد ترمي كلمه يضحك عليها الحضور وانا ناااار تاكل فيا حاجه متاعي اما مش متاعي تاكل فيا غيره غليان يحرق فيا واخيرا وفى هالاجتماع المحنون وافلت نجمة الاجتماع لبيروها وقتها انتقلت من دنياهم لدنيا الوجع راسي بين اديا وانا امنيتي نعيط امنيتي نصيح تخنقت تقهرت توا دبابز خالد ما تسعفنيش ولا كتاباتي ولا مستبده توا ماشي لامي بش نحكيلها الي هي بالاساس متاعي ساي وفات الحلمه كاظم خرجت بش نروح نلقاها قاعده على الطاوله وتفدلك مع خالد الي واقف قدامها من غير حتى ذرة تركيز خطفتها من يدها وهزيت ساكها في يدي عصب وغزول وغيره وحب كانو يخدمو فيا مش عقلي كانت تقلي سيبني شبيك مااستوعبت كان كيف رميتها على الكرسي وسكرت الباب وركبت انا نسوق وهي بدات تصيح
_هبلت انت؟؟؟
_من البارح هبلت نهار لمديتك لكاظم،حكاية انا بديتها وانا بش نوفاها وين ترصي خليها ترصي
_اش تقصد؟
_نقصد الي انا بش نقول كل شئ بش نحكي بش نرجع متاعي
_ههههههه مسكين ايمن انت ترجع متاعك!!! انا مش متاعك وانا ما نرجعلكش واضح انا حتى في احلامك ماعاش تراني.
_مريم نعرف..
_ماهمنيش تعرف زالا ما تعرش الي عرفتو انا يكفي ويزيد.
_مريم افهمني
_ايمن انسى ما تقول حكايه ماتت نزوه طيش طفل وعبث مراهق،ما تبهتش فيا هكاكا تجي مراهقه الكهول.
حرقني كلامها قد ما حرقت انا دخان هبطنا للقلعه المخيفه لقلعة الهم دخلت هي لبيت الرابح الاكبر كاظم ودخلت بدلت ومشيت نفرغ في شحنات غضب ووجع مع بلاك.خارج من بيتي هابط بش نتعشى في القلعه المخيفه كل شئ منظم ومقدس .نرى في مشهد جديد في الدار
_امي من وقتاه نحن ناكلو في البلكون
_ههه ملي جاتني مريومه هبلتني انا واياها نهار وطولو نبدلو شجعتني على تكسير الروتين
_وهي مع ماظم الفوق؟
_لا ما قتلكش انا مش ولات تدخل مع حليمه للكوجينه واطيب هي واياها يد بيد بصراحه هالطفله كنز هبلتني
_امي هاني نستنى في العشاء هاني في الطاوله.
قاعد في الموقع الجديد الي معبي بالنسمه خاطر مطل على الجنينه منادل الطاوله بدلوهم زاده لونهم برتقالي زاهي مع اصحنه بيض عملو اطلاله جديده في طاولتنا عملو اشراقه حلوه امي قعدت في بلاصتها
_امي هاك ما جبتش دواك نجيبلك؟
_وشكون قلك مازلت نشرب فيهم انا حرابش النوم ماعاش نشربهم انت اكثر من جمعه ماكش معانا وليت نسهر انا ومريم نكتة العسل
_باهي امي باهي،اي والعشاء وينو.
انا كنت جيعان ليها مش للعشاء واخيرا هلت كانت تتحرك اكثر من النسمه وتحرك في كل تحريكه عنيين امي وقلبي طبست بجنبي تسربي فيا غمضت عيني ونستنشق في ريحتها اما كيف حبنا حلمه و وفات تعدات قعدت في بلاصتها ناكل عندي فضول لطبخها كيفاه ،بنين كيفها
ومانجمتش مانشكرهاش الطباخه
_ياسر بنين
_بالشفاء
امي:انت محروم مشيت ضربت اكثر من جمعه عند هاك المسود صاحبك
_ههههه علاه امي فضيله علاه مسود الساعه يقتل بالضحك
_انا نكرهواااا
_امي اقلب الصحن خلينا نتبننو العشاء ليا برشه ما كليتش البنه هذه
_واكيد مريومتي راي عملتلنا حاجه حلوه وبنينه بعد العشاء
_امي ،والسكر!!
_اما سكر تنحالي ملي جاتني مريم
_الساعه هي تعمل السكر يا امي ،،،من كثر ماي حلوه نقصد.
خزرتلي خزره من صنف ڨحره وقامت هزت الصحن من قدامي وقاتلي نتصور شبعت انت ماك فيسع اطيرلك من الحاجه .
وهزت الصحن وخلاتني مازلت جيعانه المجرمه ...
وجات جبتلنا طبق فيه عصير فراز وبسكوي فيه عفسة القطه ملي خزرتلو ضحكت وقلتلها
_وباء القطه وصل لماكلتكم
_ذوق ورد بالك يطلع لك السكر
_طلع من مده خاطر عندي برشه ناكل منو بسكوي القطه
وامي تبلنجات
_تاكل وحدك لا قلت نهار نهز لامي
هي اطرشقت بالضحك ومرا مهفه كيف امي ما تعدتهاش وقالتلنا:فهموني معاكم مش خير.
_امي فضيله هيا عاد تو يبدا المسلسل
_لا هذه قالتلهم اسكتو،امي تتفرج في التلفزه
_والله قلبتلي حياتي يزينا من الهم وايجا اتفرج معانا مسلسل يشره البطل مزيان
كانت مش حابه ندخل معاهم للصاله اما انا دخلت وقعدت بجنبها زاده حاجه وترتها اما فرحتني انا.
ايمن ماكش عادي انت طالبني نص الليل تحكيلي على عشاها بنين ،مهبول انت ؟
_كان ريت ما بنو ومحلاه والديسار والقلعه المخيفه ولات تشبه للدار وامي امي ترقد من غير حرابش وتاكل في الحلو الحاصل عنا حو مش نرمال
_الي يراك توا ما يقولش هذا غلي شدلي راسي 7ايام هم ودمار
_ندمت ما روحتش بقيت مع امي والقطه جوو مش عادي
_مليح ،اقعد في الجو وماعاش تجيني
_وعلاه بش نجيك واحنا نتعشاو في البلكون
_ههههههه فين؟
_في البلكون والمنادل برتقاليه والاصحنه بيضاء
_ههههه امك نحات الحداد
_امي نهار ما ندخل نلقاها فوق بلاك من كثر الشباب الي ولا فيها
_ههههه مالا ما تندمش انك خذيتها لكاظم
_والله متخلف اخرج ،اخرج
_جيتك على خدمه
_قتلك اخرج ،كلمتين.
نتذكر البارح وانا نتفرج معاهم في الفيلم كيفاه متكيه على ساقين امي وهي تلعبلها بشعرها لين رقدت نتذكر نومتها نومة القطط النومه الجميله الرايضه نتذكر عشانا نزيد نتوحشها
هزيت تاليفون البيرو وطلبت بيروها وحاني صوتها كان
_وي ايمن حاشتك بحاجه
_وي حاشتي
_تفضل
_حاشتي نعرف عشانا اليوم شنيه
_ايمن اكثر من الخدمه ما تزيد معايا حتى تفصيلعلقت في وجهي وهذه من الطف التوبيخات وانعمها الي خذيتها في حياتي ،ضحكت حسيت براحه بغصره مشات حطيت مستبده شعلت سيقارو وحطيت تصاورها نتفرج في كل صوره نزيد نتوحشها ونتذكر ايامنا الي تعدات الغنايه الي تقصت على قياسها وتخاطت ثوب ليها زادت فكرتني فيها خلاتني قمت حرقت ساعه من الوقت ولبست وخرجت بش نهزها ونروحوا خاطر احنا ولينا نجيو مع بعضنا ونروحو مع بعضنا ماعندهاش حل القطه وما تنجمش تهرب مني اقلهن قدام العباد.
_شنوه تشرب عمر؟؟
_مريم ما جيتش بش نشرب انا راو
_انا ما صدقت لربي رجعت تخدم بش نقعدو ونحكيو راس راس،انا نعرف من اخر كلام قلتهولك ماعاش تحب تقعد معايا ولا تراني
_عمر نسيت الكلام الكل انساه انت
_ما ننساش انا ما صدقت لربي خرج من فمي مريم.
فقت كان بايمن واقف قدام البيرو من كثر ما كنت متشنجه من عمر ما نجمتش نفيق بايمن حل باب بيروه وخرج هزيت عيني وخزرتلو فهمت الي هو متأهب للمرواح هزيت ساكي وقتلو سامحني عمر وقت مرواح.
ايمن كان يقحر ورغم انو ما فاهم شئ عمر وقف خرج والعصب كان باين عليه وعليا ومن طريقة دخان ايمن زاده.
شبيه عمر
_شبيه
_كيف نسألك جاوبني ما تزيدش تسأل
_مابيه شي صديقي و....
_بربي يزيني منها لغة صديقي نحيها من قاموسك امت ماك صديقة حد ما عنديش في قاموسي حد صديقك افهمها واستوعبها بكيفك انت والا بكيفي انا
_ايمن..
_لا ايمن لا ايسر انا عمر مازلت نراه معاك نغلط معاه واضح
_شنوه ريت منو انت بش تتكلم هكا
_ريت منو ما يفددني ويزيد انا طاقة صبري وفات المره الاخرى في الرستو اش قلك خرجت تغلي هكاكا ؟؟
_امممم ،صار انت اتبع فيا ايمن
_جاوب سمايا قبل
_تحب تعرف ايمن غش قالي.
_انطق
_شيييييي ما يهمك.
_ماعاش تحكي معايا هكا
_وانت ماعاش اتبعني
_نتبعك،واتفلق واضح
_ايمن انت ما عندك عليا حتى صلحيات نحكي مع الي نحب كيف ما نحب ووقت مانحب ووين ما نحب زاده.
وكالعاده يخيم صمتو وتتعبى بغمامة دخانو.
جيت الوقت طوااال عليا وكاظم نشد ني عليك الف مره ،هكا قالت امي وغرست سكاكن في قلبي الي معبي بكلامها الي قالتي شيهمك نطلع انا واياها في الدروج الي كيف حياتنا في وسطو مفترق ناخو انا اليمين بش نطلع لبتي رغم انو الاصل بيتي كيما خطي يسار.
اليسار الي تطلعلو هي مصحوبه بخزراتي ووجعاتي وبرشه من غيرتي وتدخل بيت كاظم ،كاظم اتعبو المرض وانا اتعبني الفراق وهي اتعبها حبنا ليها.
دخلت لراجل انا هديتهالو ودخلت لبيت بدلت وهبطت لبلاك الوحيد الي يترجم الي نحس فيه ،جامح كيف حبي ليها قوي رداح.كان كل حاجز ينقزو نطير وانا مغمض عنيا وقبلتي عيناها هو يهبط وتهبط معاه احلامي للارض ونتذكر كيفاه دخلت لبيت كاظم وتسكر عليهم باب ماعاش نحب بلاك يهبط على الارض نحبو طاير ،اما الحكايه تستحق معجزه والا نبوه بش يطير حصاني لعيناها.
وبعد ساعات من تفريغ العذاب ب العذاب ندخل للقلعه المخيفه وهكا حبيت نسميها خاطر الدار قضات كان بمصرع العشاق على اعتابها.
داخل ونشم في روايح ما كنتش تتشم في القلعه ونسمع في ضحكها هي وامي اما في الكوجينه امي في الكوجينه لا بالحق فيها سحر هالقطه مش حب...
طلعت دوشت وهبطت كنت ديما بين بيتي وبلاك فقط اما توى ولات عندي بلوت الدار خاطر في كل ركن فما ريحتها وبصمتها
هبطت نلوج عليها بعنيا وامي قاتلي ايجا شوف اش عملنا ايجا ،كنت نتبع فيها مش رغبه بش نشوف اش طيبو اما بش نكحل عيني بشوفتها دخلت ملا مهبوله !!!!!!خلعه وشورط دجين والله لاي هوني وتخلبز وتبلبز وتضحك مع حليمه قصدي كانت تضحك بالطبيعه قبل لا تبطل كيف تراني انا وتقلهم نطلع ندوش ونهبط تعدات بجنبي تضحك محلاها هكا ياسر صغرونه ومجنونه وبنييييننه._امي ايجا نحضرو الطاوله ايجا نحطو احنا الطاوله .
_اي ايجا تهبط مريم تفرح بينا.
حليمه تضحك علينا كيفاه ماشين جاين نحطو في العشاء والماعن والاصحنه وعملت حاجه حبيت نعملها من زمن حبي ليها شعلت شمعدان واستنيت نتعشى معاها على ضوء الشمع وعلى شرف عيناها .
واخيرا هبطت قطتي محلاها سلوبات شورط تحتها خلعه بيضاء وشلاكتها البيضاء المجنونه الصغيره الناعمه هابطه بكل اندفاع وقفت قدام الطاوله مبهوره بانجازي اما ما خزرتليش اصلا وتلفتت لامي
_امي فضيله ما كركش شقيت روحك تعبت معايا اليوم راك في الكوجينه
_ماما واش تعبت اما راني هكا ارتح رجعت نشطت اما انا وايمن هو الي عمل هكا
_يعطيه الصحه ،ان شاء الله فرحك.
_انت فرحي ،فرحي انا وامي بهلتك علينا.
خزرتلي بشطر عين وقعدت تاكل وتحكي مع امي ماانعمها وماالطفها تحت ضوء شمع خافت عيني ما تحبش اطاوعني وتتهز من فوقها،حتى طريقه ماكلتها مزيانه ومثيره هي وامي علاقه قويه وتحفونه قطتي حتى الجبال الشم تحبها،تعشينا وقعدنا في البلكون امي خذاتها عينها ورقدت على بلاصتها قومتها طلعتها لبيتها ودخلت لبيتي متوتر وفرحان متوحشها اما نحب ننساها صغيره وكبيره حنينه وعدائيه مزيانه .....
نحبها نحبها وكهو هذا الي نعرفو واقف في شباك ونتكيف ونرى فيها ريتها ماشيه في الجنينه اديها في اجيابها وتمشي ،وين ماشيه المهبوله النسمه بارده عليها ونخزرلها وهي تزيد تبعد تبعد لين ماعاش نرى فيها توغلت في الجنينه لداخل وين ماشيه تو كان تصيرلها حاجه والا ترى حاجه تفجعها في الليل الي مليل ان شاء الله ما تبطاش وتدخل برد عليها.
ثبتت شوي وكيف ما رجعتش مشيت اتكيت في فرشي وحطيت تصاورها وبقيت نتفرج فيها.
كنت ماشيه من غير هدف حاجه هزتني لبلاك نحب نراه اليوم وانا وايمن مقابلين بعضنا ونتعشاو الشمع بيناتنا حسيت روحي بديت نرخ حسيت روحي توحشتو حسيت روحي نحبو كل مره نسرق لمحه منو تذكرت كل ايام حلوه جمعتنا تذكرت اول مره قالي على بلااك نحبك توحشت هاك الايمات توحشت ايمن توحشت حتى بلاك طلع ايمن وانا جيتك بلاك .
بلاك الي كان واقف وماد راسو حطيت يدي على غرتو لعبتلو بشعرو بلاك حسيتو فرحان بيا والا متفاعل معايا كان يقربلي في وجهو لونو حضورو قوتو كلهم ذكروني في ايمن عنقت حب في ايمن ووحش ليه عنقتو وسيبت دموعي سرحو تحب نتنفس نحب نفرغ قلبي ل وقتاه بش نبقى نمثل في القوه بلاك رغم الصلابه الي فيه تحسو متفاعل معايا ويحك في وجهو على وجهي بلاك حنين واكحل مش كيفك ايمن اسود اما قاسي.
كنت نحس في راحه نفسيه وانا معنقه بلاك كنت نغالب في احزاني كنت ننسى فيك ايمن .ونحس في حاجه فوق كتافي هزيت راسي مرعوبه نلقى ايمن حاطلي فاست على كتافي تربثت نخبي دمعتي نخبي وجهي لمعبي بدموعي اما ايمن باين شاف وسمع بكايا
_ما تخبيش وجهك ابكي ،اتنفس
_مانيش نبكي قشه جات في عيني
_مريم ترى فيا نرضع في صبعي،ابكي .
_ايمن ابعدني اخرج من مخي.
_حتى تخرج انت مني.
_ايمن ابعدني اخطاني من كلامك هذا ،راني عبيت منو شكاير ،ايمن اخرج من مخي كيف ما خرجت من حياتي ما نحبكش ابعدني
_ابكي اتنفس نرمال فرغ قلبك خرج وجيعتك اتنفس مريم قول الي تحب ،قول اوجع كلام تحب تقلهولي اوجعني كيف ما وجعتك.
ماكنت نرى في شئ وما نحب نقلو شئ حاجه وحده كانت قدامي عيني صدرو الي كنت نضرب فيه ونقلو نكرهك نكرهك نكرهك وهو كان واقف وراكح وبعد بوقت من بكايا من صياحي من عياطي ايمن سكر عليا اديه الزوز في صدرو وحط دقنونتو في شعري وانا نبكي وهو مسكر اديه وساكت وفي لحظه تمدت صوابعو لعينيا وبدات تمسحلي في دموعي وانا علة صدرو ومسكر عليا بيد وبيد يمسح في دموعي مش يد هما صوابع تعداوعلى عنيا وبعد تعداو مشيه ورجعه على شفايفي وانا فوق صدر ايمن معبيه بريحتو وعطرو وانفاسو اضيع اتيه،اضيع......حلقة التاسعــــة.....#بدونك_لا_أكون_أنا
مريم نحبك وقت تكلم ايمن وقتها نزعة كبر وعناد فيا رماتلو يدو وخلاتني نخرج منو ونمشي نجري والفاست متاعو على كتافي دخلت للدار استوعبت دموعي دخلت نغسل في وجهي وحسيت بانكسار كبير قدام المرايا الفاست متاعك ايمن ريحتك نلم في كتافي بيها نحب نشم ريحتك ونغيب فيك اما الدموع في عنيا تنسيني فيك تكرهني فيك كرهتك ايمن من كثر ما حبيتك كرهتك كرهت نهار يتعدا مش معاك اما انت فيه
طلعت لكاظم والا جثمان كاظم الي في النهار مع الاطباءوالدياليز يقوم من دياليزو مرهق موجوع ينغمس في نوم عميق متاع بدن يعطي اشاره للحياة بالنبض والنفس قعدت بجنبو في كرسي العاده شديتلو يدو وحبيت نحكيلو كيف كل السنين واحنا اصحاب قداه كنا نحكيو قداه كنا نفدلكو ما حسيتش بروحي وانا نتكلم،كاظم كان جاء فما حاجه ملي يقول فيها عمر اكيد كنت حكيتلي مش هو حكالي ما نيش مصدقه عمر ومانيش مصدقه روحي ومانيش مصدقه شئ من هالدنيا الموجعه كل حد عاملتلو وجيعه وحدو انا وانت والعالم كل حد عندو وجيعه دنيا ظالمه ما تخلي حد يفرح القدر ديما عندو بصمه كاظم ،انا وانت طول عمرنا عشنا خوات اليوم ردتنا ازواج انا وعمر كنا اصحاب توا كرهتو وكرهني .الناس الي حبيناهم وعطيناهم حب لعبو بينا ،والناس الي لعبو معانا طلعو يحبونا كانت يدو بين اديا وقت كبست عليا وقتها انتبهت وحل هو عنيه وخزرلي وقالي
_مش انا ديما نقلك رغم طول لسانك انت مزيانه؟
_اممم
_ونزيد نقلك رغم انك مزيانه وانت تضحك الا انك ازين وانت تبكي
_امان يا ساقط؟
_ههه لا بالحق الدموع تواتيك اما انا ما نحبكش تبكي ،ما نحبكش تبكي جمله ،اوعدني
_باهي
_لا قلي وعد انا نعرف انت كلمه تقضي.
_ما نبكيش
_قلي نوعدك كاظم ما نبكي لحتى سبب.
_لا ما نوعدكش ،فما حاجات اقوى مني وتبكيني ونبكي
_مثلا انا نموت ؟!!
_:'(
_يزي من الدموع اما مثلا كيف نموت نفرح اصلا انا نستنى فيه هالنهار
_اللطف عليك كاظم بربي علاه تقول هكا
_علاخ ما تحبنيش نرتاح من العذاب من الدياليز من المرض!!!انا مثلا كان نموت نفرح اكيد بش نقابل امي وبابا الي عمري ما ريتهم ملامح جمعتهم من التصاور وحطيتهم في ايمن.ايمن حاجه قويه برشه راو مريم كان امي وبابا 20سنه وهو يعاني فيا لا نهار حسسني انو مل ،نحب نراهم من الصغره فاقدهم ومتوحشهم نحب نعرف كيفاه ماتو مع بعضهم وانا منعت وعشت اقل من اندادي!؟
_علاه تقول اقل من اندادك انت خير من برشه ناس اي ولو مريض يجي نهار وتبرا الناس الكل يحبوك اصحابك ايمن امي فضيله._وانت؟
_انا،انا نحبك اكثر منهم الكل
_اكثر من ايمن؟
_شنوه!!!!!!!!!
_باهي قد قد اسكت برك انت واياه اكثر زوز يحبوني واكثر زوز نحبهم
_الناس الكل يحبوك كوكو عمر يحبك. _عمر كل حاجه قالهالك راي صحيحه مريم ،اي كلامو صحيح...

كاظم انت حكيت لعمر الحقيقه اما عمر لقى الحقيقه الكل لقى التفاصيل عمر قالي الي انت تحبني من سنين ومخبي وقالي زاده الي انت طلبت الطلب هذا من ايمن وقالي ما اخطر قالي الي انت من زمن تعبت وماعاش تنجم تعمل علاقات مع بنات ،اما ما قالكش انت الي انا خذيتك شماته في حد كنت نحسبو يحبني شماته في حد قريبلي كيف ماو قريبلك شماته في حب صارخ وقي عمر قالي ما نخذكش يا كاظم خاطر انت قريب قريب للموت اما انا خذيتك وما يهمنيش تموت يكفي الي انت تشبثت بحبك ليا للموت يا كاظم لاخر مرحله يا كاظم حاجه فيك تطلبني اكبرت فيك حبك قبل ما تخوني ليك العاطفه انا ما نسماش تنازلت ولا ضحيت قدك كاظم انا ما ننساش كلامك ليلة عرسنا وما ننساش موقفك الي وثقتو قدام امي فضيله ما ننساش الي انت قتلي ما نحبكش تكون مرتي بقدر ما نحبك تكون دوايا مانيش طالب منك كان في كل ما نحتاجك نلقاك نحب كيف نحب ماء انت تشربني وكيف نتوحشك نلقاك وحتى كيف نموت نموت قدامك وبحذاك نعرف بش نتعبك وبش نزيد نخليلك لقب خايب ارمله بعد ما نمشي اما نحب نقلك قدام امي فضيله انا وانت اليوم وغدوه والى اخر نهار في عمري ،اصحاب واحباب كيف ما كنا.
كانت صدمه قويه عليا يا كاظم اما امي فضيله قواتني وصبرتني ووقفت معايا وانا بش ناقف معاك ديما يا كاظم ديما...
كلام كتبتو في كراستي خاطر حبيت ندونو وخبيت كراستي تفقدت كاظم نلقاه بدا يفيق
_صباح الفل
_صباح النور يا بكايه
_لاباس توا؟
_لاباس ،اش رايك تعاوني نقوم نهبط نفطر معاكم
_بالحق!!!والله فرحت على الاخر ،باهي تركز عليا.
كنت هابط من الدروج وقت هو معنقها يدو على كتفها ويدو لاخرى في عكازو كان فرحان وعلاه ما يفرحش وهي ملكو هو ومتاعو هو صبحت عليهم وسألت كاظم على صحتو وهبطت قبلهم هارب من المشهد هذا نطفي في نار غيره حرقتني قعدت في الطاوله بحذا امي وبعد بفتره خلطو هما قعدتو وقعدت بجنبو كانت تضحك معاه ما راتنيش انا نساتني كانت تكلم فيه وتضحك فيه توكل فيه بيدها اما ايمن مبروك عليه العذاب حلال فيه الوجع.مريم هيا نمشيو ماعاش وقت على الخدمه
_لا مانيش ماشيه انا اليوم
_علاه؟
_بش يجيو بحذانا عمر وهاله وبش نقعدو حابه نعملو جو مع بعضنا.
خلاتني نخرج بكلي عصب هي تلعب وانا نتعذب
في بيرويا مانيش مرتاح بيروها فارغ منها معبي بحاجاتها كل حاجه منها تخليها حاضره بالغياب اوراقها اقلامها مقلمتها كرسيها كلها
_ساعه بش تجي قدام عندي ملي كلمتك؟
_اشكي هاني جيتك
_خالد علاه الدنيا عملت معايا هكا؟
_شبيني انا ولي امرها الدنيا تسأل فيا عليها
_خالد خايب انا؟
_كان تنحي الاكحل تولي عسل
_علاه هي والدنيا عليا
_اش كوني هي؟
_بربي نقص من بهامتك وحل مخك ،تلعب وتحكي وعايشه حياتها مع راجلها اما انا اخر اهتمامها انا
_مالا تحبها تهتم بيك وبيه ماك انت عملت هكا مش انت البادي اشرب توا خليها لحياتها ايمن سيبها يزيها ما تعبتها معاك يزيها من حب جابلها كان الوجع اصلا يا ايمن انت ما عندكش حل كان ترفع الرايه ساي معاش ليك مرت كاظم.
كلام خالد ذبحني ووجعني انا ايمن !!!انا نرفع الرايه بعد ما لقيت حب عمري وحلم حياتي خرافه تخرج من الكتاب من الروايه من عالم الاحلام الورديه اما حلمه ونقوم منها فيسع كملت خدمتي وروحت ما لقيتش حس ضحكتها ولا ريحة تصنيفها دخلت نلوج بعنيا علاها فما حس تلفزه اكيد تتفرج هي وامي دخلت نلقى امي تتفرج وحدها
_شبيك وحدك؟
_وانت شبيك جيت بكري
_قالقه مني !؟
_لا اما ..
_اما شنيه؟
_اما كاظم معاه الطبه ومريم تاعبه بايته ساهره عليه وزاد اليوم جاو اصحابهم عنيها تغمظت مسكينه قلتلها اطلع اتمد في بيتك
_في بيتي؟ علاه بيتي انا بالذات ؟
_خاطر انا كنت بش نطلع لبيتي والبيوت الاخرين بربي مغبرين عليها يتحلو في العام مره،خلاها ما تقلقهاش برا قصر الوقت مع حصانك.
_اوك نطلع نهز حوايجي ونخرج ,نوعدك ما نقلقهاش جمله.ركبنا في الكرهبه وقتها تذكرت عمر وتذكرت تاليفونها الي غنالها مستبده وهزت.
_عمر بربي اكيد تسب فيا،لا سامحني ما نجمتش نجيك ،تاليفوني!!لا لا ما فقتش بيه،توا مانجمش نجيك،باهي سامحني ،باهي غدوه نتلقاو سامحني يزي من غشك يا متروش.
المهم ما خذاكش مني اليوم ولا بش ياخوك مني عادي المهم كيف نحضر انا يتنساو هما عادي.
_عمر تغشش عليا،ملا عمله عملتها فيه نسيتو...
_هو مش اهم من.. من طموحاتك
_طموحاتي!!
_مش طمحك تمشي معايا ساعات تحت المطر ؟
_ههههه لا مش طموحي
_مالا شنوه طموحك؟
_طموحاتي كبيره وبعيده
_قول لعل انجم نعاونك فيها
،_ما انجم نقلك كان طموحاتي كبيره وجميله ونتصور روحي ننجح فيها مسألة وقت مسألة فرصه ما نعرش اما فما حاجه في داخلي تقلي طموحاتي على الاعتاب .
_فما حاجه في داخلك غيري؟
غير الصداقه نقصد
_هههههه صداقتنا ما تنبعش من الداخل..
كنت نحب نقلو الحب برك ينبع من الداخل عنا والصداقه نقاب يرتديه يخبي نار حب تلظى..
اما حبيت نفتح لمجال لخيالو بش يلوج على حاجه تنبع من الداخل ويرهقو تفكيرو ويرهقو حنينو ويتعبو حبي.
كنت هابطه اما الباب المبلول ماحبش يتحل الا بتدخلات ايمن في احدى انحنأتو على الباب نضيع انا فيه وهو يد على كرسي قاعده عليه ويد تحل في الباب وجهو قدام وجهي بالضبط ريحة تدفع بيا ليه تلهب في شفتيا الي اوشكت تتهور وتبوسو وانقذتني استدارتو ليا وجات العين في العين وقت قالي يشفتان كانت هي زادا بش تتهور ،تحل.
واخيرا تحل والحمد لله تحل بش يدخلي هواء يصفعني ويفيقني على وضعي نهز ساكي ونخرج نجري من غير ما نتلفت ورايا هزا معايا الحباقه
الحب و الصداقه في تجانس سخيف الحب لا يتراجع الحب نار اما تاكل الاخضر واليابس اما تموت وتغدو رمادا على يد ماء بارد.
لكن بروده بنزين يأجج نار حبه ويحرق قلبا به متيم.
دخلت للدار نتذكر في كل ركن لمنا حكينا والا ضحكنا والا كلينا فيه نتذكر ونتمشى لين وصلت بحذا بلاك و ماجده غنات جبدت تاليفوني خالد زعمه اش حاشتو بيا؟؟
_تعرف باهي تصدقني الي انا في بالي بيك تحبها ومتوحشها برشه من قبل ما تقلي انت؟
نزيدك زباده انا في بالي بيك حبيتها من اول نهار ريتها معاك من اول ما حطت يدها عليك نعرفك حبيتها ومتوقع الحب هذا وما نلومكش عليه خاطر ما فماش حد ما يحبهاش حاجه اقوى منك حاجه تفوق طاقتك حاجه خارجه عن ارادتك داخله في ارادتها اي حد يحبها ويسعد بحضورها يمرض في غيبتها كيفك حتى عنيك باين فيهم الوحش وبدنك ذبل وقوتك وصلابتك انهارت انا وانت قدرنا واحد قدرنا نحبو قطه ...._زعمه تمطر؟
_ما نتصورش مازال ما دخلش الشتاء
_الفصول توا كيف العباد ماعاش في بلاصتها.
كنت بش نجاوبها اما المطر الي تحبها اكدتلها كلامها الفصول مشوشه كيفنا بدات قطرات تمشي وتقوى وضحكتها تمشي وتغرق زادت مدت يدها للمطر وضحكت وكأنها المطر جبدتها وقفت من الطاوله وقفت على حرف البالكون غمضت عنيها ضحكت وحركت راسها كيف النشوان باغنيه وسيبت روحها وشعرها للريح امي كانت تقلها وخر عالمطر كينها تشجع فيها للمطر زادت هبطت درجات للجنينه وامي تنادي اما انا نعرفها لاي بش تسمعها ولا بش تنجم ترتدع على الحب انا فاهم علاقتها بالمطر خاطرها تشبه لعلاقتي بيها اندفاع قوي وكبير يخليك تنساق لمحبوبك حتى لو بعد الاندفاع موتك مغريه تلك الصغيره وهي تلعب تحت المطر مره ادور ومره تمشي ساعات تجري كنت نتمنى نصورها اما امي بجنبي تشوشلي في تركيزي برا جيبها راي بش تمرض الطفله تبلت ما سكتش وهي تتويل ولا لخره بطلت الا ما بطلت المطر ورحمتها هي وقتها رجعت للفيراندا بحذانا كانت امي تخرنن عليها اما انا نخزرلها ونتذكر يوم قلتلها لشعرك المبلول سحر وسطوه يعدل جمال كل النساء كنت ضايع فيها في جمالها في ثوبها الاسود المبلول الي يوصفلي في بدنها وهو لاصق كنت غايب في اثارتها لين ماعاش نرى فيها امي تجري بيها لبيتها دخلتها معاها وقالتلها بش ندوشللك دوش دافي ونلبسك حوايج ملمومه ،اما هي تضحك عليها كيف الطفله الصغيره.
كنت عند كاظم؟
_وي راقد خليه.
كنت بش ندخل لبيتي كيف قاتلي امي راقد خليه اما كيف هبطت عيني لوطا ريتها في كرسيها الدواح قدام شباك بلار تحرك في كرسيها وشعرها المهمل الجميل محتل شطر كرسيها وانسجامها ما خلاهاش تفيق بخطواتي كنت نقرب ونرا فيها وهي مغمضه عنيها اما ما كانتش تحس بخطواتي الي عبثا حبيت نسمعهم شئ ،،كيف اقتربتلها ريت خيط التاليفون في وذنها كانت ضايعه بين موسيقى ومطر طبست لها و خذيت خيط من خيوط وذنيها وحطيتو في وذني والاحداث الكل صارت مره وحده عيناها الي تحلت في عيناي وكاظم الي قال""انت التي اسميتها تاج النساء اقسي على قلبي
مزقيه لو اساء""""وقدام عيناها القويه الجريئه قلبي لا يمكن الا ان يتمزق.
نحات الخيط الاخر ونفضت شعرها وكانها تومي براسها مطلقا ما كنتش نسمع فيها حب فيك مستحيل مش شوق ما تحسبش اني نسمع فيها خاطر نحبك رغم اني كلهم حسيتهم دوب ما سمعت الجمله وعيناها.
_مستبده
_قلقت ما لقيت ما نسمع
_تقلق في فصلك؟؟
_كان لفصلي طقوس،كنت نعمل الحاجات الي نحبهم الكل
_تكتب!؟
_نكتب ،نشطح نعمل قاطو نلعب داما نشرب قهوه نتحرك نعمل كل حاجه فيها روح.
_هات يدك
_شنوه
_قوم ،نعملوهم الكل ،انا حاس الي الشتاء هذا ساخن اما بارد.

في الكوجينه انا ايمن الي ما يقيدني شئ تقيدني هي بالمقادير هههه ايمن قص الفراز ايمن ايمن خلط هذه ايمن شبيك ما عملتش هكا ايمن ،ايمن،ايمن اوامر عندها اول ما عندهاش اخر احلى تعليمات تجيني منها ساعات الحب يصغرك ويخليك تنصاع بنفس هذا المعيار كانت هي قطتي وبنت هوايا اليوم وليت انا المتصاغر لانال الرضا اي قطتي مش لازم تبينلي حبك عادي حضورك يكفيني
فقليلكم يكفيني وقليلكم لا يقال عنه قليل.
كنا نصنعو في الحلوى الي تقطر شهدا من شفتاها الي تاكل في الفراز ما كنتش قادر نحافظ على تركيزي برشه وانا نرى في شفتين ياكلو في فراز بمذاق العسل
كالعاده هروب حسبت روحي خارج نتكيف في سيقارو بش نكبح جماح نار تقود فيا لشفتيها تدفع فيا لاسترداد املاكي ،،
نسمع في ضحكها هي وامي ونسمع فيهم وهما يحكيو نحسد امي الي كل ما تحب تبوسها تبوسها وتحب تعنقها تعنقها راحة القهوه كيفها هي بالضبط ما تستأذنش تقتحم وصوت ضحكهم يقترب ريتها بطبق في القاطو الي زيناه والقهوه تدخل للصاله تنصب هي وامي طاولة الداما ونتقابل انا واياها كيف ما نتقابلو كل يوم خصيمين وقهوه ،امي مشاهد منتبه وانا لاعب كنت متمكن قبل ما تقابلني هي وبتركيزها تشلي تركيزي وبانتباها تحتل انتباهي كانت كيف تركز تعض صبعها عضه خفيفه وانا انحصر تركيزي غادي وكانت كيف تنتبه تحل عنيها و انا يحبس انتباهي غادي وكيف اول يوم عرفتها فيه لقمه سايغه كلاتني واشبعتني هزائم لكني انتصرت خرجت من اللعبه محملا بضحكتها و فرحة عيناها مترشفا قهوه في احداقها الي سكنها الجنون حنونة كانت مهزوم انا اما بطلة حنون .حرام عليك يا ظالم سبعه ايام مافماش و مخليني نعاني وحدي
_كنت مع قطتي
_اش تعمل زاده
_نطيبو في القاطو
_تفدلك ياخي !
_لا والله كل يوم نعملو قاطو مره بالفراز مره بالكرمال..
_معناها مخليني غارق في الخدمه وتعمل في القاطوات سيادتك!؟
_اي
_وقطتك رجعتلك؟
_قطتي كل مل تقرب تزيد تبتعد ،قطتي على بعد خطوه منها وتخليك عاجز وعلى مسافة اميال تخليك عاشق
_وانت عاشق بابا والا عاجز
_انا العاشق العاجز.انا العاشق سئ الحظ.
_انت واحد كركار متقاعس مخلي الخدمه ولاهي تتمعشق في قطه الله اعلم مازالت تحبك والا نساتك
_بلاك قالي مازالت تحبك
_وبلاك نطق!!!
_،بلاك يفهم خير منك حقني حاطو هو الناطق الرسمي في عوضك.
_صحيت هاك قلتها انا الناطق الرسمي مانيش رئيس تحرير تفضل بابا شد بيروك وهي نخدمو
_شوف الطقس محلاه،الشتاء جاء
_يحلي ايامك ،في بالي قاتلي المطر ،عنا نشره جويه في دارنا.
_اما انا قاتلي فرحة عيناها قبل النشره الشتاء جاء تعرف هي كان جات طير راو العام الكل ربيع وكان جات مطره راو العام الكل الشتاء مرا قلبت موازين الطبيعه
_والله لا قلبت شئ كان مخك لا صدقتك بلاك نطق ،شئ ينطق والله
_تو شبيك انت جاي تمرج فيا هات هالخدمه.
قعدنا في الطاوله قدام برشه دوسيات مريت عليهم مرور الكرام حتى لين جاء ملفها بقيت نقرا بكل دقه
_هذه كتاباتها
_زيد قلي ربيع وخريف وبش تهزهم لبلاك يقراهم!!
_اش رايك فيهم انت
؟؟؟؟
_الحق،الحق ،كبتلك سعدك وايامك وحده الى النسيان والاخرى نفحة ولفحه ههههه والا الاخرى بلد الاستبداد عملت عليك حداد،وقتلك من يوميات مستبده
_صحيت اعز حاجه
_شنوه؟
_انشر الماقالات الكل الا هي
_لا ما نحبكش ظالم،هي كتيبتها خير منهم الكل
_برا اخدم خدمتك واسكت
_والله عندك الحق يا بلاك،تنطق.

نتصور كان تنجح فكرتي تكون اسعد النساء تسامحني تغفر تضحيتي تفهم علاه عملتها الفرقه هذه،امنيتي نرقد ونقوم نلقاه كابوس وانزاح.غمضت عنيا و شعلت سيجارتي العشرين وهي والامطار خارج نافذتي وفي لحظة سرحان في خطها وكتاباتها مخي وقف في جمال كتاباتها ياخي الحروف الي تكتب بيها هي نفسها الثمانيه والعشرون متاع الابجديه الي عنا !! والاسطر شبيها تقدملها في بنود الطاعه والولاء ،قلمها والا احرفها مانعرش اما اسلوبها وبصمتها كانت خاصه وخارقه ،احلى ما في اوراقها ريحتها الي تحتل الورقه وتعمل غزو لخشمي ماعاش عارف هذه الحقيقه والا الخيال مدام هي ولات مرضي وعلتي وطقسي واكلي وملبسي...
بين اسطرها نلقى حاجه كاتبه عليها لصاحبتها احلام
واحتاجها...

نسياني يا نسياني
امراة تشبهني بكت يوما من
رجل كم يشبهك.
هو هناك وهي هنا تراقصك

نلقى تحتها تبرير لاعتمادها السطرين هذام كتبت

نحتاج احيانا استعارة اشياء لم تكن لنا ،نستعيرها لانها تكتبنا او تدعونا لخوض غمارها تشد ازرنا تأخذ بايدينا انا لن اكتب النسيان مالم اعشه.
كلمه حلت لي افاق كبيره هي ما كتبتش النسيان هي اتسلفت خاطر هي ما تنجمش تكتب حاجه ما عاشتهاش اكيد ما نساتنيش وما تنجمش انا وهي حاجه ما تنسلخش على الاخرى .وبش تبقى طول عمرك عاجزه انك تكتب النسيان
"وانسي ان كنت تملكين نسياني"
سكرت ملفها كيف ما سكرت من مخي فرضية النسيان وضحكت عليها وماجده غنات ما حدا بيعبي مطرحك بقلبي
حطيت عيني في التاليفون ما صدقتش المستبده
هزيت الفرحه متمكنه مني
_ايمن وينك ايجاني
_شبيك،شبيك تبكي ؟
_كاظم تاعب تاعب برشه
_نص ساعه ونجيك وسع بالك لاباس ،هاني جاي ،طبيبو معاه
_اي ايمن
،_لاباس نوبه كيف كل مره لاباس ديما تصير اسكت يزي من البكاء ،يزي اسكت
_باهي
_باهي وتبكي
_باهي هاني بش نعلق
_لا هاك معايا
ما تسوقش وانت تحكي
_ما تخافش عليا عادي.
_خايفه ايمن
_ما تخافش لاباس ،هاني نأكدلك لاباس
_باهي اما حاستو تاعب قلبي ما قيلي خير
_قلبك خليه فارغ ،حاشتي بيه
_ههههه
_ابركلك كيف ضحكت.
_باهي مازلت برشه؟
_على وصول ساي
_باهي هاو يش نعلق
_قتلك لا
_باهي.
_صحيت.
دخلت للدار التاليفون في يدها وهي تمشي وتجي ملي راتني تجري ترمات بين اديا وبدات تبكي وانا نريض فيها ونبعدها في شعرها على وجها وهي مكبشه وتبكي بستلها جبينها وامي نطقت
والحمد لله انها نطقت من بكري روحها طالعه من البكاء امي كانت قاعده اما انا ما ريتهاش تركيزي كان فيها ومعاها وضاع وهي بين اديا.الحلقة العاشرة.......#رحيل_بلا_عودة...
واخيرا خرج الطبيب طلعنا نتجرا الطبيب قالنا كريز متاع العاده امي ومريم دخلولو وانا كملت مع الطبيب ودخلت نشوف كاظم الي تعسني وحطمني اما خبيت خبيت عليهم الكل قداه بش يهز قلبك يا ايمن.
_كظوم تدلل وليت انت
_ايمن اقعد
_هاني قعدت
قعدت على الكرسي مدلي يدو مديتلو يدي هو كان شاد يد مريم بيدو الاخرى هزلي يدي وحطها فوق يدها انا واياها تصدمنا اما هو قالنا انتوما اكثر زوز نحبكم.
وضحك واحنا متبهذلين ويدي فوق يدها موقف انقذتو اني بضحكه ،وانا ما تحبنيش يا ساقط كلمه ضحكنا عليها الكل وسلكتني انا واياها من الموقف وسلكتلنا ادينا من بعضها. _برا ارقد
_لاامي انا بش نسهر مع كاظم
_انا هاني طالعه نرقد ،مريم اطلع انت ارتاح في بيت ايمن.
_خليني نطلع معاك امي فضيله نرتح اعصابي معاك ما عنديش استعداد نرقد تول نفسيتي تاعبه
_هيا نطلعو بنيتي
كنت قاعده على فرشها ظهري في الحيط راسها على ساقيا ونلعبلها ب شعرها وقت قاتلي:
_فاش تخمم
_مش عاجبني كاظم كل يوم يزيد يتعب،وانا نتعب امي فضيله
_ريي يفرج عليه
_الدنيا مخيبها امي فضيله كاظم نحاتلو كل شي .
_ايمن عطاه كل شئ .
_الفلوس مش كل شئ كيف صحتو ما سمحتش ما نجم يتمتع بشئ.
_خذا الحب ،رغم صحتو تاعبه حب واتحب مش هو يهب كل ما يتعب يلقاك معاه يقوم على عنيك هاك معاه وعلى ذمتو مضحيه بعمرك وشبابك بش يكمل هو بقية ايامات فرحان وانت معانا._امي فضيله مش كينك متحامله عليه شوي
_انا من الاول نفرتو كاظم ما نكذبش عليك وقداه من مره نقول لايمن خليه يموت اما كل يوم يكبر ويبدا يدخل في روحو حبيتو وفسخت الماضي الي ما عندو حتى ذنب فيه وحبيتو رغم..
_رغم شنوه امي فضيله؟
_رغم نتمنى ربي يفرج عليه اليوم قبل غدوه علاش عذابو؟
كنت نخمم في كلامها هالمرا المحشوه بالاسرار ونخزرلها كيف نعست جبدت روحي منها بالشوي وخرجت بش نشوف كاظم...
بيت والا قبر حطيتك فيها قطتي مظلمه موحشه قدام ميت يتنفس تقاسموا غرفه وسرير .كاظم تحت رحمة ربي وماكينه تتوقف لحظه والا تقص يمشي وما يرجعش حتى انا كيفك قطتي شيعت حبي ليك مثواه الاخير وبقيت بين ظلمه ووحشه كأبه اعتراتني ليلتها،ونور اظفاه وجها الصبوح وقت حلت باب البيت وطلت بوجها وسألتني في وشوشه
_راقد
_اممم
_وشنوه وضعو
_مستقر
_باهي برا ارتاح ،هاني هوني.
_لا برا خليني ما عيني في نوم نحب قهوه برك.
_لحظات.
قلتلها مانحبش نرقد ما قلتهاش ما انجمش نرقد ونخلي كاظم وحدو بين يدي الموت...
نسهر انا وقهوه بمذاقها وقوتها وتأثيرها.
ندخل لبيت دافيه كيف حضنو ،فيها برشه من تفاصيلو ريحتو تعملك غزو وتتملك تعبث بذاكرتك ترجعك لايامات حبو اللذيذ ،ايمن الظاهري . اسم قريب برشه لاسم ايمن الظواهري متاع تنظيم القاعده ارهابي عندو ايادي في احداث حداش سبتمبر الي هزت الدنيا ودوخت امريكا العظمى ،تشابه في الاسماء او تشابه في الاحداث ام تشابه في الارهاب .فقط اختلاف طفيف في ادوات التفجير...
خزرت لمكتب مرتب كيف لحيتو منظم كيف افكارو قعدت في كرسيه وخذيت قلمو ورقتو وحبيت نكتب الاجواء الكل كانت تقود فيا للكتابه ..
اعلم ان الذي يستعير قلمك واوراقك كمن يستعير انفاسك ،،،وقد سبق ان استعرتها منك في قبله محمومه.
شئ ما يملي عليا ان اكتب لا ادري اهو الشتاء ام حبر قلمك ام بياض اوراقك.لكني انصاع كما انصعت من قبل ،سيدي الاسود غيابك كما حضورك يزيدني عشقا.
اضعفت تلك المستبده وانهكت قلبا بنار حب اكتوى
زد نارك كما تزد في تبغك كما تزد في دخانك.
امطر دمعا من رمش لك اكتحل
اشعل سيجارة من شفاه على شفتيك تحترق
واكتب،،،اكتب ان في الدنيا مستبده بها الحب استبد...
من يوميات مستبده.
خليت الورقه القلم هزيت دموعي وافترشت اطارك وتوسدت انفاسك وتغطيت غطاء نسيانك
لبيتي ندخل متسلل بعد ما ولات احدى مستعمراتها وامضي مستعمرا مفتخر.
بيتي البارده تتقد حراره وتشع نورا بعد ظلام .
متسللا استرق رشفات من انثى تنام وتحرصها الانوثه مليت عيني بيها عبيت خشمي بعطرها هذبت روحي بوجها الملائكي وكنت خارج حتى جات عنيا على اسطر في ورقه قبلها كانت بيضاء..
قريت ومن اروع ما قريت عذابات حبيبتي انات اهات في شكل اسطر في قالب خاطره تقطر حبا.
خذيت القلم وسرقت كتاباتها على صفحه اخرى هزيتها وخرجت ،سرقه شاهد عليها المطر
رجعت للبيت بحذا كاظم وقريتها الف مره وفي كل مره نقراها نستخلص حاجه حتى كتاباتك متلونه مره تفهم منها وجع في قراه اخرى تفهمها انتصار في قراه اخرى تقراها حرقه دوختني كتاباتك ياامراة دوخت الدنيا.
احبك جدا وارفض من نار من حبك ان استقيل وما همني ان خرجت من الحب حيا وما همني ان خرجت منه قتيلا...
دندنت البيت حكيت لحيتي خبيت ورقه شريه كقطتي ووقفت في الشباك نتفرج في الدنيا تحتضن المطر وصوت ضعيف قال مريم ..مريم..من فرط الحب احسب ان قلبي نطق.
انتبهت كاظم قالها
_كاظم تحب حاجه؟
_ماء
شرب شربه وطلب مني نقعدو شوي وقت هزيتو ويدو كانت على كتفي ما حسيتش ابرد من هكاكا وحتى كيف نستوي فيه قوام مطواع نسير فيه بارادتي كل الاطراف كانت بارده اما هو تبسملي
_مريم راقده؟
_ناديهالك
_خليها تاعبه،برررشه من نهار الي خذاتني طلقت النوم
_عادي النوم مخلوف
_كل شئ مخلوف ايمن ،رغم انها بش تبقى ارمله وهي صغيره ويدي ماجاتش عليها موقفك ما ننساهش ايمن هديتني سعاده وهي ما ننساش موقفها وتعبها معايا.
كلام صادم قوي رجني لحظات ،،اما رجعلي تركيزي دخولها
_كظوم صباح النور
_ايجا يا مهبوله ايجا جنبي.
تعدات بجنبو في الفرش وشدتلو يدو وهو قلها
_اول مره ما نحسش سخانة اديك،اما قلبي حاسها عنيك مازالت حاره وسخونه خلي عينيك في عنيا مريم..
كلام قوي هي ما فهمتوش وتخزرلي تطلب في ترجمه.
ااااه ياااااامريم الموت يخيم هوني قالك يا مريم اخر حاجه نحب نهزها من الدنيا عنيك،قلبي بكى وعيني جفت صبرت قويت روحي بش نقويها وما نشغبوس هو.
هو الي كان عينو في عنيها وفمو باسم النفس الي يصعد من بدنو ماعاش يهبط في نسق تصاعدي ماشي النفس مش راجع حتى لين تهزت عنيه ما هبطتش الا بتغميضه مني يوم تزف ولدك للموت قل على قلبك السلام...
ايمن شنوه عملت ايمن قلي
كاظم حل عينك ،كاظم امان،كاظم اتنفس كاظم.
ما نجمتش نقلها اما استويتو وغطيتو وجهو بملحفتو البيضاء وسلمتو لبارئه..الحلقة الحادية عشــــر.....#حزن_أم_كبرياء
صندوق اخر يخرج من القلعه بهز معاه فرحة اهل الدار الوجع الي حسيتو مع كاظم ما حسيتوش على بابا الي جابني كاظم حاجه راهنت عليها حاجه شفت معاها اوائل كل شي اول بكيه اول ضحكه اول حبوه واول وقفه اول طيحه اول حرف اول نهار في المكتب اول نهار في الليسي اول نهار في الفاك.....
وهذا الكل اول حد ينازل ايمن ويرفعلو الرايات البيض ويخرج مهزوما يبتسم اول فرح طلبني في اول حب وكان لفرحي ما سأل.
كاظم مش اول ميت ادفنه ولكنه اول ميت تذرف عليه دموعي ..
كاظم اليد الي مشاتك وخذات بيدك اليد الي مدتلك مريم غي يديك اليوم تواريك الثرى ..
حزن الدنيا عليك وما يكفيني يا كاظم امضي ويمضي خلفي رجال تعرفهم ورجال لا تعرفهم ولا اعرفهم في حشد كبير مهيب زففتك عريسا لحور عين لجنة فردوس طابت لك مقاما...
في الدار نساء يبكين رجال يتحاورون وامضي لراحتي...
فوق بلاك اتنفس عند بلاك هواء مافيهش نفاق عند بلاك نحاول ننسى فافعل كل شئ الا ان انسى..
ياخوني بلاك ووجعي ويسرح بيا الوقت ويصفعني الظلام ننتبه للوقت ندخل للدار غوغاء وضوضاء وصخب راسي بش ينفجر ندخل بيتي ونشعل سيغارو نضيع في غمامتو غمضت عنيا حطيت راسي في الحيط في شطر قعده على الفرش والباب دق...
البركه فيك،عظم الله مصيبة الموت كاظم غاضنا الكل ،اما ارتاح من عذابو ربي يعطيكم الصبر ،انا يلزمني نروح سامحوني ما عاش انجم نزيد معاكم..
_ربي معاك.
_اوك تو نكلمك،كلمني كان استحقيتني
_ما نتصورش نستحقك.
_باهي السلام..

_خااالد،اسمعني
_نعم
_الايامات انا مانيش يش نجي هنيني في الخدمه واتصرف بمعرفتك باهي؟
_باهي ما تحط شئ في بالك.
خرج خالد وخلاني مع ذكراك والوجع كاظم.
في خمار اسود مهمل تشع جمالا بعينين صفاها البكاء وزادها جمال بخدود ورديه مشات فوقها مئات الدمعات تجلس محبوبتي في احداقي تترشف احزانها وتسقين الوجت ضعفين قداه يلزمني من الوجع كي احزنك ... احزن انثى كان لي في عذاباتها النصيب الاوفى ،ابكيك ام ابكي نفسي ام ابكي احبك دون حق الحب دون حق اللمس....
كم يلزمك من قلبي لتكرهيني به وكم يلزمك من اكاليل كره تشيعين بها جثمان حبي
يوما عن يوم تفرغ الدار يغيب الناس لديارهم وتغيب الفرحه من دارنا
في عشاء ساخن اما بارد تفسد الايادي الاصحنه.من غير ما تاكل امي انا قطتي نعبثو بالاصحنه ما ناكلوش قطتي بنظراتها الحزينه ماعاش تحب ترمقني بطرفها بحزنها المترف تتجاوزني ،،،ما تناقشنيش ما تكلمنيش ما تسمعنيش الا بعد صوت وصوتان عذابات ادسها قطتي في شكل حقره نسهر انا وهي وامي قل وندر تجاوبني كيف نكلمها لون جديد تتزين بيه يا قطتي اشكال العذاب تتبدل يا معذبتي تجاهل ثم انعدام التواصل ثم قطيعه كليه علاه قطتي الجميله قطتي الوديعه بأي حق تعمل معايا هكا .
انا وفنجان قهوتي العشرون وانت والامطار خارجه نافذتي....
نتكيف ،نتكيف،نتكيف وبعد...كل
حاجع لداخل تموء تعيطلك قطتي ،احتاااجك واحتياجي ليك يقودني اليك طرقه وطرقتان وثلاث وعبثا قطة لا تجيب ..
راجع خايب مكسور ولقيتها وياليتني ما كنت القاها طالعه في الدروج لبيتها وقفت نستنى فيها تعدات بجنبي وبشطر عين ما خزرتش ولا عبرتني تعدات بجنبي وفاتتني بخطوه شديتلها يدها لا هي دارتلي ولا انا درتلها كلمنا بعضنا بالقفا
_شبيك معايا
_شئ ما بيا
_باهي ايجا نحكيو
_ماعينيش.
مولية الدبر تمضي بالظهر من غير ما تخسر عليا استداره ....
وقتها فهمت البيت
علمني حبك حين احبك تكف الارض عن الدوران ..
ووقفت الارض ووقفت عقارب الساعه ووقفت نبضاتي لولا اسعفني بلاك بليله تحت المطر اجمح ويجمح وتحتفي بي المطر.بدني سخون من داخل بارد مبلول من برا ندخل بلاك لاسطبلو وندخل الدار نطلع بيتي بدبش يبرد عليا اما انا ما نلقيلوش بالا وما نحسش بردو خاطر في الحشى نارا تلضى...
كتب لقلب عاشق الاكتواء فراق بالموت وفراق بالحياه
شعلت سيقارو وثاني وثالث وعاشر وانا اتنفسها في تبغي استحضر ضحكتها فتحضر روحي واذكر برودها فتبرد الدماء في عروقي....
امراة تطوف بيك كل الازمان وانت قابع في مكان تهديك صيفا ترديك شتاء اغدى حبك لعنة وعناء
اغدى مرض وداء
اصبحت عليلا ولضحكتك شفاء
اصبحت سقيما وحضورك دواء
اصبحت احبك بحجم السماء ،بحجم اليابس و الماء ،بحجم كل وفاء وصفاء
رغم ان الحب فيك وجع وعناء...
لا تشبه النساء،اجمل النساء
اروع النساء ارق النساء تصنع وجعي والعناء.
بعد ليل لا يخلو منك اخلد اليك ،نتوسد اشيائي المستعمره الممضات بعطرها وبصمها واغفو في احداقها واموت وجعا بالحاضرة الغائبه وانااااام....
نحل في عنين ما تحبش تتحل صوت امي كيف صورتها يأتيني من بعيد نحاول نجاوب اما ختى شفتايا كيف عيناي عصيان بدني تشنو عليا اعضائي
سمعت امي تناديلها وحسيت حضورها وعيني ما تحلتش حسيتو وقت اتسارع نبضي ولمست يدها حسيتها على جبيني وفوق خدودي كان بودي نخليها وما نسمحلهاش تسحبها اما صوتها المرتبك الخايف رجني ونسمع في خطواتها مبعثره سريعه وهي تخرج من البيت وتعاود ترجع حاجات بارده حاجات فاوحه وحاجات مبلوله وخلطات في راسي ما تفيقنيش اما تخلي عنيا تتحل شوي وتراها اول مره نرى ملامح الخوف على وجها وفي عنيها مربوثه كانت وهي تستعجل في الطبيب وترجع تبل المنشفه مرة اخرى وترجعها على جبين محموم....
_اخيرا يا دكتور،بطيت راك بربي شوف فيسع
_هدي روحك مدام ارتاح
_باهي شوفو شبيه؟
_تنجم تعاوني
_طبعا
_حل الشوميز
_باهي
بين اديه مسلملو نفسي مسلملها روحي كل لمسه منها تيار يسري في بدني حاجه تخليني نستشعر ذبذبات يديها ونحس لمستها ونهتز ليها ويقفز قلبي بين اضلعي .
_طمني دكتور لاباس ،شبيه
_نزلة برد قويه
_اي والحل؟
_دواء وعنايه فايقه وانتباه خاطر السخانه تنجم تباغتو
_لا ننتبه ونلتزملو بدواه
_الورقه هذه فيها الدواء وهذا وقتو مع شوي مغليات وشربه تو يقوم كالحصان.
_الحصان هو الي عمل فيه هكا
_علاه
_ركب على حصانو وتبل بالمطر ورقد
كنت مرهق تاعب مايل للنوم اما منتبه لكلامها معناها انت مركزه معايا اش نعمل وقتاه رقدت رغم استبداد الزكام بي انت مستبدتي.في حله من حلات عنيا يصيبني اغماء مش من زكام استبد بي بل من عيون بددتني عنيها الي جات في عنيا تدوخني فازيد على الذبول ذبول..
وانجح في استدراج تعاطفها فتستبد بي عطفا وحنانا تلك المستبده لا تخلع استبدادها كمتحجبة لا تخلع خمارها رغم انه يخفي مفاتنها الا ان الحياء يزيد حسنها وبهاها..
خوفها الي اول مره نراه على محياها زادها حب في قلبي يدها الي كانت تعبث بوجهي مره تمس السخانه مره تحط في الزهر فيه كلام شكر كان يحب يخرج من فمي اما مشاعر جمحت ترجمها لساني وقلها
_نحبك
_نعم
_نحبك
_عندك سخانه؟؟؟
هي اعتبرني نهذي من السخانه اما انا يا قطتي علمني حبك مالهذيان.
اذا اعتبرتي كلمة احبك سخانه فانا مذ اصاباني حمى هواك وانا عاشق يهذي واقولها وامضي محموم انا مذ احببتك. كانت واقفه بعيده عليا رغم انها واقفه فيا تتفرج في المطر من الشباك محبوبتها الي كيف تلعب تحتها ما تمرضهاش مش كيفي نبذتني من اول سهره معاها ثائرة ل محبوبتها منتقمة لها مني اردتني صريع زكام ولم تدري ان وجعها وجعي واني بموجع ضعفين من الوجع ...
تهرب مني للمطر واهرب من المطر اليها .
كانت بين لحظه واخرى تعبث بجسد انهكه زكام بلمسه تتفقد في سخانتي وما تعرش انو حتى برد يديها يصنع حمتي امراة تشبه النار وان بردت.
كل لمسه كنت ادندن في سر في صمت.
لجسمك عطر خطير النوايا
به تتجمع كل الانوثة وكل النساء .
عطرك يأخذني من فراشي لاي ارض يشاء..
ليله بين القهوة والحمى وعيناها تسهرني ويوجعها مصابي واتشفى في وفي مصابي ولو كان الموت كاسا لا كنت له شاربا.
قطتي الناعمه المسكينه تسهر لرجل اهداها لرجل اخر تخلى مكرها وتتخلى هي فقط كي تذيقه من نفس كاس الوجع مرا كيف قطتي صعيب تغفرلي وراجل بحبي ليها يزيد اصرارا عليها يكلفني حبك ما يكلف ساسترده يا جميلة العينينفحبك تطرف تصوف وعباده حبك كالموت كالولاده لا يعاد مرتين...
_ايمن اش تحس في روحك توا؟
_نحس في روحي نحبك
_ايمن عمتلك شربه سخونه قوم شوي،
_ما عنيش
_يلزمك تاكل بش تشرب الدواء
_انا نعرف شنوه دوايا
_حل فمك
_تحل وحدو ملي دخلت عليا بها الروب العسليه.
_ايمن حل فمك يعيشك
_بش تبوسني؟؟
_ايمن بش نخليك ونخرج
_انا خليتني من زمن
_هههههه انا خليتك !!!!
_كنت مضطر لتوا ما فهمتها ،ما نتصورش مرا فطنتك وذكاك ما تنجم تفهم الي انت كنت امنيه لكاظم وانا جيت على روحي وقبلتها فيا مش فيه.
_اي وانا وين؟
_انا ماحكيتلكش بش ما تراهاش نذاله اني نسوقك ليه عروس نيل تزف اليه تموت ليحيا ولا حبيتك تكون ممرضه ليه حبيتك تتلقى الحكايه كيفي ب صدمه وشوف روحك اليا اش تختار عيشتك لحظه عشتها وعرفت الي انت بش تختار كيفي ،كاظم ،ونتصور كاظم ما ظلمكش برشه
_كاظم ما ظلمنيش جمله كاظم حطني في الخط كاظم خلاني نرى بوضوح نرى شنوه انا ليك وشنوه ليه كاظم لين مات ما تخلاش بردت اطرافو اما قلبو لهيب بالحب اختار فقط يموت وعندو مني نظره فهمت ،تعرف شمعناها راجل قدمتلو كان نظره عيناك ومات في هواك وراجل عطيتو لب عيناك وتخلى ونساك.
عيناك سلمت عيناك ، افحمتني ب دمعه اخمدت كلماتي عيناك جعلت مني جرحا بملامح انسان
سكتت وضاع مني الكلام وقت حطتني في اعلى الميزان حي وميت منتصر يا كاظم ...
_ماكش بش تاكل
_لا ،اعطيني دخاني
_ما تتكيفش من غير ماكله وبدنك ضعيف بالمرض.
صبرا يا عمري لن تري دمعا يسيل،سترين معنى الصبر في جسدي النحيل.
خرجت وخلاتني بعد ما هبطت السخانه هبطت قلبي بكلام جارح ،كلام قوي هزني قطتي رجتني واوجعتني
نوبة من السعال تنتابتي وهي حلت الباب
_ايمن كنت تتكيف؟
_لا كحه
_ما كانش عندك كحه
_وليت نكح
_لا انت تكيفت
_قتلك ،لا
_كحة دخان هذه
_شم فمي
قلتها الكلمه وانا مغزل من تكذيبها ليا قلتها متاع نقاش بدا يحتد اما هي بدات تقرب مني وطبست عليا وقربت خشمهت لفمي وفي لحظه وقفت فيها الدنيا عندي والامطار كان تشعل حممي ،وانا نرى في عيني القطه في عنيا خشمها فوق فمي شعرها الهابط كان سجن لشفتانا ما لقاتش مفرها من قبلتي قوه منبع قلبي سطرت تلك القبله انقضاض من شفتاي على شفتاها تحلت على اثرها عيناها وبدات تناقش في عيناي وكانها اطالب بالانسحاب اما عينيا وقدوها حبي وشوقي واحتياجي اصرت وارضخت عيناها الي بدات تتسكر في اغراء لذيذ وشفتاها الي كادت ان تتفاعل لولا صوت خالد في الدروج يصيح،زعمه فايق..
انتفضت مني وقفت خبات عنيها من عنيا وخالد دق ودخل
_السلام عليكم ،لا ظاهرلي بالحق مريض في بالي تدلل،مريومه لاباس؟
_اهلا خالد شنوه تشرب
_نشرب اي حاجه من اديك الملاح
_ارتاح،اما ما تتكيفش بحذاه.
_مريقل._قلك حد الي انت ولد حرام؟
_اش بيك لاباس؟؟
_خير منك
_لا تسخف مريض
_والله اموري هذه
_اشبيك ادز
_راسي يوجع من غير ما تزيد تنفخلي راسي.
_والله نستاهل جاي نطل عليك
_يعيشك
_وشبيك على اعصابك ؟
_توحشتك ماو
_هذا علاش جيتك،عارفك متوحشني
_خالد برا روح
_حتى نشرب حاجه والا ما تضيفوش انتما؟
_لا ما نضيفوش
_دار قد القلعه ما تضيفش!!!
_ماو كيف يبدا ضيف رمز كيفك ما نضيفوهش.
دخلت والطبق في يدها طبست مدتلو ودارت ليا طبست مدتلي الكاس قاتلي وعينيها لوطا
_عملتلكم عصير برتقال باهي للبروده.
خالد طبعا كيف يتحل في الهدره ما يسكتش وانا نغلي على ضحكو معاها وتفدليكو وكلامو الي ما يوفاش واخيرا خرجت.
_بالع مسجله ،ما تسكتش الكلام ما يوفاش عندك؟
_وانت اش قلقك نحكي بفمك
_ياخويا كسرتلي راسي
_توا وليت كسرتلك راسك نسيت روحك كيف تطلبني بش تحكيلي على مكونات الكاك ؟؟
_باهي اخطاني
_شبيك تحب كاك
_ياحسره على الايام الجميله
_عاد توا بش ترجع الايام الجميله
_يضهرلك
_علاه كاظم مات توا
_بمنظورها هي!!مستحيل هي ترى فيا تخليت وكاظم بالحق يحبها خاطر كان امنيتو تبقى معاه اخر ايامو وزيد حتى لحظة منو ما سلمش فيها ومات يدو في يدها.
_تفدلك عليا بربي؟
_والله كيف نحكيلك
اغرب مرا في الدنيا هالقطه غريبه بصفه مستفزه امنيتي ندخل لراسك ونفهم تخمامها
_تدخل غي حيط يا خالد شنوه ندخل راسها مسيبه الدنيا ساق كرسي انا قدامك تحل في جلغتك وتحكي وماكش هوني.
_ههههههههه غاير انت! ما تخافش هي تحبك انت
_كانت
_والله تحبك وباين في كل تفصيل فيها ما تتكيفش بحذاه خايفه على صحتي انا،جايبه عصير خاطر انا مستبرد ساعات تبدى تتبوهم
_دوختني تلك المستبده.
_ايمن رايحة عشاكم بنين ،بش نبقى نتعشى راني.
_بربي زيد بات
_باهي على خاطر حلفت عليا تو نبات
_اتعشى و اقلب منظرك ،واضح
_ماارخصك يا ايمن
دخلت قطتي تنادي في خالد للعشاء والغيره ركبتني هو يقعد مقابلها ويتفرج فيها كيفاه تاكل وممكن يحل هو واياها مواضيع البروده كانت معششه في مفاصلي وكل عظم يوجع وحدو اما هزيت روحي وقمت .
_وين ماشي ؟
_عشيري ما انجمش نخليك تتعشى وحدك
_اووه يا ايمن فاهمك راني
_شبيكم شنوه فما،ايمن تحب نجيبلك عشاك هوني؟؟؟
_لا لاهابط نتعشى انا.
في. الطاوله نلقى اهتمام امي خالد ولا مبالاتها والا هروبها من عيناي هي ما تحبش تعترف وبش تبقى تنازع للرمق الاخير وانا كيفها بش نقاوم ونسترد حبي ليها
خالد يخزرلي ويخزرلها ويسأل فيا بعنيه شبيها؟.
بين ريتا وعيوني بندقيه هكا كانت اجابه مشفره مني لخالد وقوس نفتحو معاها.
_تعرفها خالد هذه لكتبها محمود درويش في ريتا
_شكونها ريتا؟
_محبوبة درويش اليهوديه
_محمود درويش مش فلسطيني؟
_اي فلسطيني وحب اسرائيليه
مسلم وحب يهوديه
_لا هذا شي كبير،وخذاها
_لا مالا علاه قال بين ريتا وعيوني بندقيه ومن لا يعرف ريتا ينحني ويصلي لالاه في العيون العسليه
_عمري ما ريت مستعمر يحب مستعمره.
_لا يا صديقي في الحب كل شئ جايز.حبها وكتبها وتغنى بيها .
قال اسم ريتا كان عرسا في دمي
اسم ريتا كان عيدا في دمي
وانا ضعت برتا سنتين...
_بالرسمي الحكايه هذه
_هكا قريت
_مريومه صحيح الي حكاه.
كانت تسمع فينا وبين لحظه واخرى توكل امي حاجه وكيف خالد سألها كانت نقطه دستلي انا فيها السم في الدسم.
_خالد حكاية ريتا و درويش كيف قصص الحب الشرقيه اما طبعا بامضاء اسرائيلي
ريتا كانت جنديه في الجيش الاسرائيلي ودرويش معتقل فلسطيني حبها وحباتو درويش كيف كتب احن الى خبز امي وقهوة امي ولمسة امي ...
وتكبر في الطفولة يوما على صدر امي
واعشق عمري لاني اذا مت اخجل من دمعي امي.
وقتها ام درويش تجيب للسجن لولدها قهوه فلسطنيه وخبز والعدو نكاية فيه وفيها يكبو الجيش الاسرائيلي القهوه وتبكي امو ويضحك بش ما تبكيش امو وبعد كتب احن لخبز امي وقهوة امي وقراتها ريتا ولات تسرق روحها وتاخوهم منها دخلهم لزنزانتو بالسرقه وبدا الحب...
_كيفاه نجم فلسطيني يحب يهوديه
_بكل بساطه خاطر احسانها ليه اهتمامها بتفاصيل سعادتو بان فيه كيما نقولو.كلام لخالد ال معنى ليا
واضح يا قطة تشبه ريتا..
كمل علاه سكت احكيلي علاه درويش ما خذهاش وين وصلت قصتهم.
؟؟
_ههههه بكل بساطه كل واحد رجع للعرق الفلسطيني صاحب القضيه والاسرائليه المستعمره قصة حب بقات عامان وهو سجينها حبتو اما وقت تحرر تذكرت انو فلسطيني وهي الاقوى هي اسرائيل واقتلت حبها خاطر ماعاش سجينها
_وهو؟
_وهو ككل شرقي ولانو فلسطيني لانو سيد القلم كتب شتاء ريتا الطويل.
_مازال يحبها ؟؟؟
_ههههه شرقي عمللها خرجه جميله
وكتب
ريتا ترتب ليل غرفتنا ،قليل هذا النبيذ.
وهذه الازهار اكبر من السرير
فافتح لها الشباك لكي يتعطر الليل الجميل
ضع ههنا قمرا على الكرسي
ضعه فوق البحيره
فوق منديلي ليرتفع النخيل اعلى واعلى واعلى...
وكيف سألوه قالهم شكون قال ريتا موجوده ،من القصيد ال معبي بالخيال تبرأ منها وردها انثى وهميه كتبها وقال باللا مباشر انها خيال شرقي اكيد يخرج منها وما يقولوش عليه احب العدو ولا كمل الحب للاخر.
اش قالك واش قال عليك الحب ليس رواية يتزوج بخاتمتها الابطال
ما خلات ما قالت وما خلات ما شرحت لخالد وانا نسمع في التوبيخ الفخم الفاخر وساكت من انثى من طينة ريتا تستعمرك وتحبك و تتخلى عنك...
روح خالد رقدت امي ولي مع قطتي مواااضيع طوال
_نعملو قهوه؟
_ارتاح تو نعملك
_لا انا بيدي توحشت الكوجينه ،فديت من البيت
مريم شاهي نعمل كاك نلعب داما تعبت من الجو متاع الحزن ارقني مريم يعيشك خرجني منو
_كاك يخرجك من الحزن ،هاو حزن طفيف
_بالعكس حزن عميق ،اما لانو حبك اعمق ببرشه اي تفصيل معاك ينسيني ،مريم يعيشك يزيك من تعذيبي مريم الي عملتو حب في كاظم مش خذلان ليك وكيفاه نخذلك وانت روحي ونبضي وانفاسي مريم والله نحبك
_ايمن قوس ويتغلق حتى كان حبيتني حكايه ونحب نتجاوزها وننساها
_تكذب مريم
حلت عنيها حله كبيره حلت فمها شطر حله قربتلها لبستها نتكلم وانا مسكر عليها المنافذ
_اخزرلي في عنيا ،اخزر كان تملك شجاعة تقلي ماعاش نحبك وعينيك في عنيا قل على ايمن السلام.
_ايمن ابعد من قدامي
_شفت روحك جبانه
_ايمن ماعاش تقلي جبانه
_خاطرك جبانه انت ما تنجمش تنسى ايمن اخزر لعنيا اخزر لفمي حط يدك في يدي تترج الف رجه قوتك الكل اطيح في الماء مملكتها الوهميه تنهار خاطرك تحبني تحبني صغيره على الي تحس فيه تعلم شجاعة تواجه روحك انت مفضوحه مفضوحه في ناظري نعرف الي الحب حرقلك فؤادك كيف حرقلي فؤادي قلبك كيف قلبي يبكي دم وقهر ووجع ..
سيب روحك وبطل تكذب بطل التمثيل انت ما تتقنوش راك انت متاعي واشيائي وممتلكاتي..
علاه تهرب في عنيك علاه الارتباك جاوب ماك صادقه جاوب
_تعرف علاه ايمن ،خاطر نحبك اي مازلت نحبك حاجه مش بيديا اما اني نرجعلك هذه حاجه بيديا ونطمن ونهنيك
"انا لن اعود اليك مهما استرحمت دقات قلبي"
تعرف علاه خاطر انت ميت،ميت انت مت قبل كاظم مت يوم خطبتني لكاظم مت وكفى نحبك نكرهك حاجه بيدي انا غيرو لا انا لن اعود لميت.
كنت مصدوم من قوتها حضورها الكلمي مصدوم من شجاعة الاعتراف ومصدوم اكثر خاطر طلعت ميت...
طلعت لبيت كاظم الي ولات بيتي بيت رقدت فيها بعد ما مات ..بكيت تنفست و خذيت قلمي وورقتي وكتبت كتبت برشه وجع في شوي اسطر،
نعم سابكيك فانت ميت.
قاتل الحب مجرم
والابقاء على مجرم اجرام
انتهى زمن الكلام
وانتهت هنا الاحلام...
الى النوم اخلد فغدا يوم الختام.
الصباح على طاولة الفطور نفطرو ايمن رغم بقايا الزكام والالم ورغم بقايا اثر كلامي فيه متأنق بسواده كالعاده يفطر في عجل وما يرمقنيش بطرفه حاجه اججت ناري وخلاتني نغلي حتى لبعد ما مشى لخدمتو وقهوه وراء اختها
حاجه استرعات انتباه امي فضيله
_بنيتي شبيك؟
_امي فضيله نحب نقلك حاجه
_قلي
_كاظم الله يرحمو توا ارتاح من مواجعو الناس برد حزنها وجاء دور النسيان توا
_باقي ما فهمتش
_نحب نرجع لدارنا
_علاه يا بنيتي؟
_نحب نرجع لحياتي ل قرايتي ممكن لخدمتي نحب نبدل. كل شئ
_وانا لشكون تخليني
_والله لا نخليك نوعدك نكلمك ونجيك وكان تحب نخرجو ونحوسو
_بنيتي ما نضغطش عليك والي تراه يريحك اعملو نحن لزينالك برشه وعنيتنا الكل كل حد وموضوعو وموالو اما حاجه وحده نقولهالك وحطها حلقه في وذنك ايمن يحبك ،يحبك برشه
تصدمت تربثت صار هي تعرف
_بنيتي ايمن انا امو الي حابتو الي تفهم عنيه وخزرتهم وضحكتو وهو معاك وغيرتو عليك وعذابو كيف كاظم قالو خوذهالي ومع هذا ما ندخل لا فيك لا فيه فهمت كان في العرس انا وقت هرب جمعه لخالد وقت ريت وجيعتو وعذابو عنيه لتغزل وتغار وانت مع كاظم دموعو الي تهبط في قلبو انا ريتها ودموعك زاده ووجيعتك وقلبك لكبير حبيتك كيف ما حبك كاظم كيف كا حبك ايمن حبيتك وما قلتش اش حسيت اما توا وانا نرى فيكم تذبلو مريم ما تقساش على روحك وعليه حاجه اقوى منو حاجه غلبتو اسمها المكتوب بش يعارك المكتوب.
عنقتني بكات وبكيت اما زدت فهمت الي انا ماعاش عندي وجود هوني وزيد طلعنا مفضوحين الي النسيان الى الهروب من ايمن اهرب من الحب من عنيها ما نعرش اما لحياة جديده نرجع لدارنا ونحاول نبدا في صفحه جديده.الحلقة الثانية عشـــر......#عودي_لــــي _
ايمن علاه تخدم وانت تكح ومريض روح
_لا مانحبش تمرضني وهي ترى فيا ميت ما نحبش نرى عطفها وقلبها نافرني
_اما ما كركش جيت اليوم كارك رتحت في الدار،باهي برا روح ارتاح.
زدت شوي حاولت نكمل اما نلقى روحي مرهق متعب وعلى وشك الهذيان سكرت بيرويا وروحت بالسيف وقت دخلت للدار امي كان عندها برشه كلام في عنيها اما انا ما عنيش نسمع حد ولا نسمع شئ الي في راسي من وجع يكفي
_اهلا امي
_اهلا ،ارتحت شوي!
_لاباس
_تحب تاكل حاجه والا نعيطلك في العشاء!؟
_امي طالع نرقد ما يجيني حد وما يقيمني حد مريم قلها ما تجيبلي شي وما تعبش روحها
_مريم مش هوني.
كنت ماشي وحطيت ساقي في اول درجه وقت قاتلي امي مش هوني درت بكلي وقلتلها
_مالا وين لتوا؟
_مريم رجعت لدارهم
_بربي يا امي تفدلك؟
_لا لمت دبشها ومشات
_علاه مشات وكيفاه خليتها تمشي
؟؟؟؟
_ايمن الطفله لاي ملكي لا ملكك بش ما نخليهاش تمشي
_ملكي ،ملكي انا يا امي
_ايمن عيش ولدي اعمل عقلك
_اما عقل يا امي اما عقل منين بش نجيب العقل قداه بش يحمل هالراس يا امي،
_شبيك ايمن تعمل هكا ماتت هي رجعت لدارهم
_انا متت يا امي
_اسم اللله على ولدي
_امي فما حاجه ما في بالكش بيها انا نحبها مش كيف اختي يا امي نحبها كيف مرتي.
_باهي برا ارقد تو ربي يحلها
_فديت انا نحل مشكله تركب مشكله هي تتلذذ بعذباتي تعاقب فيا يا امي
بذنب تفرض عليا يا امي
ما سيبتهاش مش حاب حاجه اقوى مني.
_باهي برا ارتاح تو يحلها ربي
_على خير يا امي بربي ما تقومني بش نطلع نرقد راني.
طلعت لبيتي شعلت سيقارو من سيقارو من سيقارو ووفات طاقة صبري وطلبتها وقت هزت برشه كلام كان بش يهرب قدامها اما استجمعت قوايا كيف ما استجمعت نبضاتي الي في حلقي في صدري وتنفست وسألتها
_شنوه تحب تعمل انت؟
_نحب نشوف حياتي
_وشفت حياتك ؟
_مش بين نهار وليله
_لا مرا كيفك ما تتصرفش اعتباطيا اكيد درست خطواتك
_انا كان جيت ندرس خطواتي اكيد راو لا حبيتك ولا انت حبيتني
_باهي توا انا حبيتك وانت حبيتني ،نحي عنادك واعطي للحب فرصه يقول كلمتو.
_لا،وفينا انا وانت حكايه ووفات
_واضح ،انت اليوم وغدوه في موقعك في خدمتك وفي صلاحياتك في الارث في علاقتك بامي وانا ميت اقرا عليه الفاتحه.
تعبني حبك واوجعني فاتوره ما عملتهاش قاصد خلصتها الف مره اعتذرت توسلت فقط انا ايمن وكلمتي تمشي عليها وعلى الحب نفسو ونسياني ليك وجع واما راحه يكفيني نارك يكفيني حريقك اني حطام.
الف سيجارو واخلد لسريري في شتاء قارص قاس مثلك.
اول مره ايمن يحكي معايا هكا ،واضح الي ايمن وصل لمخاض نسيان واضح الي انا بش يمضي كل واحد لطريقو ولحياتو حان وقت النسيان.
حطيت راسي على المخده في محاوله تعيسه للنوم وحسيت مخي تخض مخي ياخو يعطي مخي مره هوني مره في القلعه يجيب في قلب نسيتو غادي وجيت ساعات ينقطع نبضي خاطر قلبي مش معايا وبين اختناق ووجع تاخوني عيني لاحضانو في الحلم انا وايمن عشنا قصص الحب الورديه يهديني شمسا يهديني قمرا وقطيع سنونوات، يخبرني اني طفلة واساوي الاف النجمات يسمعني حين يراقصني كلمات ليست كالكلمات يبني لي قصرا من وهم لا اعيش به سوى لحظات،واعود اعود...
اعود لليقظه نحل عيني_امي خليني نحب نرقد
_قوم يزي بلا بخل ،هيا افطر وايجا عنا ما نحكيو.
_ربي يقدر الخير عنا ما نحكيو هذه لا تنبئ بخير...
قمت غسلت وجهي وقعدت نشرب في قهوتي وامي قاعده حذايا عندها ما تحكي خاطر هي فطرت مع خواتي مش بالساهل تسيب القضيه وتشد بلاصه
_مريم
_يا روح مريم
_بنتي نحب نفهم حاجه
_تفضل
_راجلك الله يرحمو
_الله يرحمو شبيه؟
_علاه هو مات وانت كملت ايامات وجيت
مش عيب؟
_مش عيب
_باهي والخدمه؟
_شبيها الخدمه
_تخدم والا لا؟
_من مده كا خدمتش ونرجع والا لا هذه مازلت نخمم.
_مالا هاذم شنوه،كل شهر يجيو مطبوعين من الجريده شهرياتك الاشهر هاذم الكل
_شبيك ما قتليش انت؟
_لا فهمتها شهريتك لا لا ماحبيتش نمسها
_امي نطلع نلبس ونهبط نلقاك لميتهم في جواب واحد نوصل بقضيه ونجيك.
_بش تمشي للخدمه
_اي امي نحب نفهم نصفي وضعيتي ونرجع والا نبطل هذه بيد ايمن مش بيدي.
لبست حوايجي هزيت الفلوس ومشيت نحب نوصل لحل معاك ايمن.
دخلت للبيرو نلقى عايده مش في بيروها معاه لداخل بقيت نستنى لين تخرج وندخل انا مشيت ،جيت ،قعدت ،قمت توترت بردت اعصابي زدت توترت نص ساعه كامله وهي معاه لداخل اش تعمل مستانسه هي تقعد معاه هذا الكل !!!
وفى عندي الصبر دقيت الباب ودخلت نلقاهم في قاعة الاجتماعات غاطسين في اوراق ما نعرش ملف شكون محلول اما الحلو عايده ولات تخدم في خدمتي انا ،جميل.
ايمن تلفت ووقت لقاني قالي اقعد استناني شوي
انا ايمن تقلي استناني شوي انا الي كنت نعدلك عقارب ساعتك انا الي انت تستناها تقوم وتستناها توصل وتستناها تكتب وتستناها تصحح معاك ولات تسناك وانت تصحح مع عايده!!!
_اوك عايده نحب الغلاف اسود كيف ما وصيتك ،واحرص على العنوان هذاكا وحاول تزربني.
حرب بالعنين بيني وبين عايده وتتقلب الدنيا وتنتصر عنيك عايده.
قربلي بخطوتو الثابته الي ولات متثاقله مدلي يدو بمنتهى البرود
_اهلا بيك،سامحني بطيت عليك.
_لا عادي التصحيح يبطى بطبعو
_(يشعل في سيقارو)مش تصحيح عايده من وقتاه تصحح معايا!
كلمه فرحتني اما رجتني وقت اتبعها
_خدمه جديده اول مره بش نخدموها انا نتوقعلها تنجح
_ان شاء الله.
ولات عايده تعرف الشارده والوارده في هالخدمه وانا اخر من يعلم
_شبيك جيت الصباح ما تقراش
_ما مشيتش
_وهذا داخل في الترتيب الجديد لحياتك!؟
_قبل ما نرتب حياتي نحب نرفع اللبس في حاجات.
_فاش انجم نعاونك؟
_اكيد،تنجم تفهمني هاذم شنوه هاذم كانو يوصلو لامي للدار
_شهريتك
_وانا ممرضه،وانا مرت كاظم ولا وانا في داركم؟؟
_اخر حاجه توقعتك تخممها
قربلي على الاخر وحل عنيه في عنيا ببرشه غش وبصوت واطي
_بطل طريقة تخمامك هذه ،في الخدمه انا ما نجاملش.
وقفت باهته مصدومه قدام انصاف الكلام الي يقول فيه.
_مريم ارتاح شوي تو بعد شوي نخرج نفطر انا واياك ونحلوها المعظله،ما تخافش غذاء عمل ،ايمن القديم ماتنخرج انا وايمن من الجريده اكثر من زملاء مسافة امان بيناتنا الطقس المغيم الكئيب كيف روحي السياره السوداء الي كانت اول شاهد على الحب.نطلع بجنبو يبدا القياده ويحل CD تنطق المستبده يسكتها عمرها ما صارت ايمن سكت المستبده لا وزاد خرجو CDنهائيا خرجو وحط غيرو وغنات ماجده
"ماحدا بيعبي مطرحك بقلبي
كيف لك قلب تجافي حدا حبك هالمحبه""..
اااه يا ايمن لو تعرف وقع جفاك عليا ممرو ،كل شئ توقعتو الا جفاك ايمن انا الي ما تصوؤتش يوم الي هديتك هالاغنيه تهديني المقطع هذا منها
" كيف لك قلبي تجافي حدا حبك هالمحبه "
ايمن علاه خترت هذه تحب تذكرني الي انا يوما كنت نموت عليك،(ولازلت) والا شنوه تحب تعمل تقصد انا ما وفيتش بالعهد !تقصد تسئلني كيغاه انا نجمت نجافيك نجاوبك اني كنت نجافيك ونجيك نجافيك ونداويك نجافيك ونحبك مش كيفك ايمن يوم قررت تجافيني سكرت كل مداخل الحب والمشاعر.
في طاوله مستديره قدام اشهى المأكولات تغيب الشاهيه وينقطع الكلام انا الي عمر الكلمه ما خذلتني،تخذلني اليوم كما خذلني الحب كما قرر هو ان يتجاهلني.
_مريم حاول تاكل شبيك ماكش تاكل تهز المغرفه وترجعها.
_ايمن احكيلي علاه جينا هوني ؟
_جينا نفطرو
_قلت الي احنا بش نحطو نقاط على الحروف.
_واضح انك مستعجله برشه ومجالستي مفددتك،بكل بساطه موقعك في خدمتك ما ينازعك فيه حد افاقك معايا نوعدك ببرشه نجاح خدمتي تحتاجك كيف ما انت تحتاجها وبش مخك ما يخوش الدوره مش نقصد تحتاجها ماديا تحتاجها للنجاح انت موهبه فذه وقويه في الكتابه والخدمه معايا عطتك فرص الظهور اكيد مازالت تزيدك،بغض النظر على علاقتنا وباعتبار ما سيكون والغاء ما كان .
انت فحل من ميت تنجم تعيش حياتك وتراعي ارتباطات العمل الي بيناتنا وتعيش حره طليقه.
_كهو ايمن؟
_لا بش نكون منصف اتنجم تعتبرني صديق او اخ اكبر تعول عليه واقف ديما وراك وفي صفك.
سكت شوي شعل سيقارو واستدرك.
_في يوم ما انا وكاظم تبادلنا الادوار وقتلك الف مره راني مرغم كاره ورفضت تسمعني وتسامحني ،انا موافق على موقعي بعد ما تبادلت انا وكاظم هو خذا ك مني ولا زوجك وانا خذيت بلاصه انت حصرتني فيها .
كان تقبل طبعا انا نحب نكمل دور كاظم اعتبرني صديقك وعشيريك
_نقبل اكيد ايمن.
_واضح صافحني مالا غذاء عمل نقطعو فيه عهد صداقه
مديت يدي بش نعاهدو على الي قالو اما من فرط حزني وارتباكي كبيت كاس الماء كيف المجنونه نزل عليا الخبر كيف الصاعقه الموقف هذا اخر موقف توقعتو من فارس اسود ان يرفع رايات بيض
_اسم الله عليك ،مريام انت لاباس؟؟
_لاباس اما نحب نقوم .
_تدلل تفضل العهد ما كتبلناش نكملوه.
خرجت في راسي غليان قدر اطفئتو المطر كنت نستنى فيه يخرج ونتمتع بمطر اطفي في نار غضبي وغليان خرج يجري للكرهبه دورها وحطها قدامي وانا متسمره نطفي في غلياني .
حليت الباب وطلعت
_تبليت برشه
_لا
حط يدو على شعري وبعد على وجهي كنت نتمنى ننقض عليه يقبله بارتماءه في احضانو كنت نتمنى نقلو انا القطه،اما هو جبد يدو وقالي لا ما تبليتش.
ندخل انا واياها الجريده يخليني نمشي وحدي ويدخل ابيرو خالد ونكمل انا لبيرويا محمله بانكسارات انا صنعتها ايمن الي قتلو لا لالف مره الي قتلو راك ميت يقلي انا من اليوم صديقك ،اما صداقه يا ايمن الحب الفاخر الفخم لا يمكن ان يتراجع ليتحول صداقه اما انا نهار الي تقلي انت انا مت انا صديق طوعا او كرها ،تكن.
وغلفنا الفرقة بالصداقة ومضينا.حكي بالرسمي انت؟؟
_مالا نكذب عليك؟
_ملا هذه نهار نحبها نهار نعمل في الكاك نهار ولينا اصدقاء ،يا ولدي اعمل مخك قبل وبعد خمم راك وليت تفركح انت
_يا ولدي قتلك ماعاش نحبها ما عاش نحب نعمل الكاك!؟ اما الصداقه هي الحل الي يرضينا الزوز،انا وهي ويخلينا قراب لبعضنا وتحت ناظر بعضنا.
_والله بهذلك الحب انت
_بهذلني وسكت !!!حتى هي تتبهذل اليوم كبت كاس الماء مش معناها الحب رجها؟؟
_والله معناها انتما تججمتوا واخرتكم زفه في مستشفى المجانين
_المهم زفه يا خالد،والله ما نعمللها عرس اسطوري.
_ثبت عاد عرس والا صداقه.
_فما حاجه لداخل ديما تصورهالي بروب بيضاء باريسيه العطر والهوى كيف ما حلمت بيها عليها اه يا خالد
_ايمن
_ نعم؛؟
_انا راني مش فاضي لعبطك برا لبيروك يرحم بوك.
_خايف
_مناش زادا
_منها
والله لا تاكل ،راي
_خايف نضعفلها كيف نخدمو مع بعضنا.
_اخر حاجه توقعتك تخاف
_لا بابا نخاف نخاف بررشه
نخاف من الحب وعيناها،اخااااف.

اشعر بالخوف من الظلماء فضميني...
اشعر بالبرد اشعر بالبرد فغطيني...
نشعر بكل الي كتبو نزار وغناه كاظم نشعر بالخوف من عيناه ومن عطرها خاطر بش نخدم انا وهي فرد بلاصه الاحاسيس الكل تنتابني وتسيبني...
لا اشد اثارة واغراء من انثى تكتب
ندخل للبيرو وكأني ندخل مضيق جبل الطارق.
فاتنه وهي منغمسه في الكتابه ناصعه كيما ورقتها الي اخذتها من الدنيا وما تخليهاش تهز راسها لحد
دخلت لبيرويا حاس بالانتصار اني نجمت نتمالك روحي ونحافظ على قوتي. ما نرتميش بين اسطرها تلك المغريه قتلتني اثارة فهي تضع حبرا على شفتاهت بدل احمر الشفاه اللاتي يضعنه سائر النسوة تتعطر بالخط وتتزين بالاسطر انثى ثرية بافكارها وبما تكتب انثى تتخذ من ورقتها زورق وتتخذ سبيل الي السعاده.كنت سارح فيها اما من وراء باب هزيت صوره اطبعت بخاطري ووجداني من عفراء تكتب وبقيت نخمم فيها في غياب الجميع وحضور سيجارتي الشهيه البهية القوية صاحبة السطوه
نحرر في الوقت بش نخرج ونوصلها واخيرا الخامسه حسبت روحي خارج بطبيعتي توقيت عملي ووفى حليت باب بيرويا وخرجت ما لقيتهاش نلقى بيرو منظم وهي مش فيه اكيد روحت ،هي ما تحتاجش ايمن وما تنتظروش وما تاقفش عليه حتى لو تحتاجو ما تنتظر شئ منو...

قد ما كان عندي رغبه في مواجهتك ومتعه في الانتصار عليك ايمن نهرب،نهرب منك ما نحبش نراك ما نحبش نقلك هاني مروحه مانحبش نملي عنيا بناظرك ما نحبش نهز معايا عطرك و انفاسك انا نحب نهرب منتصره ولا نخرج مهزومه هكذا عودني حبك الانتصار حليفي والقوه شيماتي واليوم الي تقلب الطرح ايمن نقلك ما هكذا علمني حبك.
نستنى في تاكسي تعبث الريح بشعري يجمد البرد اوصالي وتنقطع التاكسيات من الدنيا...
وتهب موجة الحراره السوداء ...ايمن يقلي اركب تحرك.
مشى البرد ،وحل الصيف بشمس سوداء تحرقني برودااا.
_انجم نفهم شنوه الي تعمل فيه!!!
_شنوه عملت؟
_نحن تفاهمنا تروح وحدك؟
_مانيش مروحه
_امممم،تنجم تفيدني ،وين ماشيه كصديق من حقي نطفل.
_ماشيه بش نشوف عمر
_علاه؟
_احتاج الى كف صديق
_هههههه تحب كف؟
_ههه ما نعرفهاش الغنايه هذه؟
_نعرفها ماو الي تقول فيها
'"انا محتاجة جدا لميناء سلام.
انا متعبة من قصص العشق وابطل الغرام!!!
هو قالها المقطع هذا بالذات بش يحسسها انو الحب اتبعها كيف ما اتعبو وان لها تسلم ،اما انثى بسطوتها مارفعتش الرايه اما ردت عليه
_هي زاده الي قالت اهتماماتي كبيره،وطموحاتي كبيره...
وطموحي ان امشي ساعات معك تحت المطر...
عندما يسكنني الحزن ويبكيني للوتر.
هي كملت كلمتها وهو وقف الكرهبه
_شبيك وقفت؟
_اهبط
_علاه؟
_مش قتلي طموحي ان امشي ساعات معك تحت المطر
_انا قلت والا ماجده؟؟
_اهبط واسكت.
_انت تمرض
_لا عندي حصانه اوا ماعاش نمرض المطر معاك ما تؤذنيش
هبطت من الكرهبه ونسات موعدها مع عمر ونسات الدنيا قدام طقس تحب مع رجل تحب ما كنتش بش ندخر جهد بش نشوف الحب على محيها خاطر المطر تغسلها وتفسخ كل اقنعتها وتخليلي عيني قطه .
كنا مبلولين فرحانين وكنا عاشقين بثوب صديقين..
جمالها تحت المطر كان يهزني ليها وقوتي تحت كلام قلتو تهزني للصداقه
_تحققت طموحاتك نمشيو تحت المطر؟
_طمحات ماجده
_انت الباديه انت قتلي احتاج لكف صديقي رغم معاهدة صداقتنا تنقضت اما مازلت حال ذراعيا لصداقتك
_مالا كن صديقي على راي ماجده.
_كيفاه تقول كلماتها
_كن صديقي ليس في الامر انتقاص للرجوله غير ان الشرقي لا يرضى لا يرضى بدور غير ادوار البطوله ؟؟
_هههه ديما قصايدك وكلامك في صفك انت؟
_هواياتي صغيره واهتماماتي صغيره هذا اش قالت ماجده
_ماريت فيك صغير كان العمر انا وكلك اكبر مما انت عليه.
_فلماذا تهتم بشكلي ،ولا تدرك عقلي؟؟
_هههه انا مهتم بادق تفاصيلك ،احم،مالا باش صديقك
_شبيك شديت في صديقك عاودتها الف مره وكأنك تتبرأ من تهمه الصداقه مواقف مش انا صديقك في الطالعه والنازله،تأكد الي انا فهمتك صديق،اما انت من كثر ما قلتها هربت عليك هههه.
منين نجيبلها كلام ومنين تجيب في الكلام هالمجنونه
هالمبلوله تجردني من اسلحتي وتستنفذ طاقات صبري عليها اما يلزمني نستمد من ضحكتها المستهزئه زادت اصراري على الصداقه كيف ما زادتني حبا فيها وحبيت نسوقلها حبي في قالب قصيد
_تعرفها ،زيديني عشاقا زيديني يا احلى نوبات جنوني ،يا من احببتك حتى احترق الحب احبيني.
_يا احلى امرأة بين نساء الكون ،احبيني؟؟لا الحق ما نعرفهاش هههه.
ابتسامتها الساخره تخليها ديما المنتصره ورغم هذا احب خساراتي التي تصنع سعادتها..ركبنا في الكرهبه وقتها تذكرت عمر وتذكرت تاليفونها الي غنالها مستبده وهزت.
_عمر بربي اكيد تسب فيا،لا سامحني ما نجمتش نجيك ،تاليفوني!!لا لا ما فقتش بيه،توا مانجمش نجيك،باهي سامحني ،باهي غدوه نتلقاو سامحني يزي من غشك يا متروش.
المهم ما خذاكش مني اليوم ولا بش ياخوك مني عادي المهم كيف نحضر انا يتنساو هما عادي.
_عمر تغشش عليا،ملا عمله عملتها فيه نسيتو...
_هو مش اهم من.. من طموحاتك
_طموحاتي!!
_مش طمحك تمشي معايا ساعات تحت المطر ؟
_ههههه لا مش طموحي
_مالا شنوه طموحك؟
_طموحاتي كبيره وبعيده
_قول لعل انجم نعاونك فيها
،_ما انجم نقلك كان طموحاتي كبيره وجميله ونتصور روحي ننجح فيها مسألة وقت مسألة فرصه ما نعرش اما فما حاجه في داخلي تقلي طموحاتي على الاعتاب .
_فما حاجه في داخلك غيري؟
غير الصداقه نقصد
_هههههه صداقتنا ما تنبعش من الداخل..
كنت نحب نقلو الحب برك ينبع من الداخل عنا والصداقه نقاب يرتديه يخبي نار حب تلظى..
اما حبيت نفتح لمجال لخيالو بش يلوج على حاجه تنبع من الداخل ويرهقو تفكيرو ويرهقو حنينو ويتعبو حبي.
كنت هابطه اما الباب المبلول ماحبش يتحل الا بتدخلات ايمن في احدى انحنأتو على الباب نضيع انا فيه وهو يد على كرسي قاعده عليه ويد تحل في الباب وجهو قدام وجهي بالضبط ريحة تدفع بيا ليه تلهب في شفتيا الي اوشكت تتهور وتبوسو وانقذتني استدارتو ليا وجات العين في العين وقت قالي يشفتان كانت هي زادا بش تتهور ،تحل.
واخيرا تحل والحمد لله تحل بش يدخلي هواء يصفعني ويفيقني على وضعي نهز ساكي ونخرج نجري من غير ما نتلفت ورايا هزا معايا الحباقه
الحب و الصداقه في تجانس سخيف الحب لا يتراجع الحب نار اما تاكل الاخضر واليابس اما تموت وتغدو رمادا على يد ماء بارد.
لكن بروده بنزين يأجج نار حبه ويحرق قلبا به متيم.
دخلت للدار نتذكر في كل ركن لمنا حكينا والا ضحكنا والا كلينا فيه نتذكر ونتمشى لين وصلت بحذا بلاك و ماجده غنات جبدت تاليفوني خالد زعمه اش حاشتو بيا؟؟
_تعرف باهي تصدقني الي انا في بالي بيك تحبها ومتوحشها برشه من قبل ما تقلي انت؟
نزيدك زباده انا في بالي بيك حبيتها من اول نهار ريتها معاك من اول ما حطت يدها عليك نعرفك حبيتها ومتوقع الحب هذا وما نلومكش عليه خاطر ما فماش حد ما يحبهاش حاجه اقوى منك حاجه تفوق طاقتك حاجه خارجه عن ارادتك داخله في ارادتها اي حد يحبها ويسعد بحضورها يمرض في غيبتها كيفك حتى عنيك باين فيهم الوحش وبدنك ذبل وقوتك وصلابتك انهارت انا وانت قدرنا واحد قدرنا نحبو قطه ....الحلقة الثالثة عشر..........#رجوع_قطتــي
_اش يهمك في امي اش نعمل طالبني توا بش تقلي اش تعمل
_وانت شبيك ما تحبش تقلي اش تعمل اكيد تعمل في الشر
_باهي نحكي انا وبلاك رتحت توا؟
_ههههه واش قلك بلاك ماو نطق حق
_قالي الي هو يحب القطه وتوحشها
_ههههه لا تقريب يحكي عليك وانت ما فهمتوش مليح
_لا والله هو ضعف وعنيه ذبلت وانا نفهمو
_اتولها بيه ووكلو ويزي بلا لغه قلو متوحشها حصان يسوى ثروه كبلو سعدو ردو عاشق
_علاه العشق كبان سعد هو؟
_اي يا مكبوب السعد
_لا محال ما تكب سعدي كان كيف حبيت اما فرحان،فرحان برشه
_فرحان بخيبتك القويه
_اعمل كيف جارك والا حول باب دارك.
_اسمع نحب نعمل كيف جاري اما خايف لا ناخو سرفاق
_خههههههه بطبيعتك متعود شبيك احكي عارفك راني بعظمتك .
_باهي فما وحده ريتها في عرس كاظم
_الله يرحمو بربي هالسيره لا عاد تجبدها
_باهي اسكت برك،المهم ريتها غادي وكيف الي دخلت راسي
_بربي ريتها من قداه من شهر وتو جاي تقلي برا شوف عليها وين
_تي في دارها وين
_اي تحب نمشي نخطبلك
_لا مش خطبه اما عاوني
_احكيلي بش انجم نعاونك
_ باهي ريتها رتني خزرتلها خزرتلي ضحكتلها ضحكتلي كلمتها جاوبتني..
_وبعدها نظرة فابتسامة فموعد فلقاء..
_اسكت اما لقاء متاعك كلمة فتاليفون من تاليفون لتاليفون طلعت حليلتها اما ...
_اما شنوه؟؟
_وما تضحكش؟
_ههههههه لا
_تضحك من قبل ما نتكلم،وتقلي لا
_ماني عارف مصايبك اش صار
_طلعت صغيره!!
_وهذه تضخك؟
_انا اكبر منها ب 17سنه معناها انجم نتبناها
_اش يهمك في عمرها المهم مخها كبير وانت عاجبها
_مخها كبير وباهي وانا من كثر ماي عجبتني كذبت عليها
_ههههه فاش يا كذاب
_قلتلها عمري 30
_ههههههه شنوه الفرق بين ثلاثين وسته وتلاثين
_سته سنين كان سمعت بيهم راي فصعت.
_هههه بربي شكونها هذه نعرفها انا!؟
_مروى
_شكون هذه ؟
_اخت القطه
_ههههه اه من عيلة القطط اه
،انا مش كيفك اما عجبتني
_هههه والمطلوب متي؟
_والله ما نعرف حبيت نحكيلك كهو
_باهي طير خليني مع بلاك تو نصقسيلك.
_تو تيقصيلي
_هاي جاتك فرصه بش تحكي مع القطه قلو نصقسي
_اعمل كيفي
_علق خليني نعمل مدامني نتبع فيك عارف روحي نتورطهيا بلاك كمل احكيلي حبك اشكيلي سامعك وحاسك نحسك كان انا ،اكيد راي تجيك في احلامك وساعات وانت تاكل والا تمشي والا في اي موقف تراها كيف السراب ساعات تشم ريحتها تتذكر لمستها تحس نعومتها حاس بيك بلاك اما ما يمنعش انك تصبر وتقوي روحك شوف انا وليت صديقها ،اش رايك في الشجاعه لا مستحيل نكرها وانا نجمت !!اما نكرها على طريقة نزار هاك الي غناها كاظم وقت قال
أكرهُها.. وأشتهي وَصْلـَها

وإنّني أحبُّ كُرهي لها

أحبُّ هذا اللؤم في عينها

وزورها.. إن زوَّرت قولها

وألمحُ الكِذبة في ثغرها

دائرة ً.. باسطة ً ظِلـَّها

عينٌ، كعين الذئبِ، محتالة ٌ

طافتْ أكاذيبُ الهوى حَولها

قد سكنَ الشيطانُ أحداقها

وأطفأتْ شهوتـُها عقلها

أشكُّ في شكيِّ.. إذا أقبلتْ

باكية ً شارحة ً ذلـّها

فإن ترفـَّقتُ بها.. استكبرتْ

وجرَّرتْ ضاحكة ً ذيلها

إن عانقتني.. كسّرتْ أضلعي

وأفرغتْ على فمي غلـَّها

يُحبُّها حقدي.. ويا طالما

وددتُ إذ طوقتـُها.. قتله وانا هكاكا نكرها ساعات من شدة ما تعذبني ببعدها ومن فرط عذابي ليها احبها واشتهي وصلها ونمشي على رموشي ليها ،لعينيها المحتاله اضحكتها الرنانه لحضنها الي يعدل وطن.كل ما نحاول نرقد تترأى لي نجم في سقف تلك الغرفه. المظلمه نتخيل الي هي مرت من هنا كتبت في المكتب هذا نامت في السرير هذا مرضت الجسد هذا نتذكر بونا ادم وامنا حواء كيف خرجو من الجنه وخرجت مت جنتي لاشقى يمكن لاني قضمت من تفاحة المكتوب حلت عليا اللعنه اما والله مش وسوسه انما قضاء وقدر ,يا قدري
انت قدري وهل يفر المؤمن من قدره.
انت ساعاتي وايامي وليلي ونهاري انام لاحلمك واستيقط لاراك يا جنة الدنيا وياغاية المنى لغيابك حضور نامي يا قطتي على انفاسي وعلى انغام المطر نغمض عنيا وكأني ااذنتلها بالحضور انا نغمض وهي ترسل ضحكه ترسل خزره محتاله ترسل شفتاها واموت حبا واحسبني انام.
انام على ضحكتها لاصحو على صورتها
حليت عيني في بالي في بقايا حلمي نرى فيها تبسمت فتبسمت تكلمت فتكلمت
قلتلها قطتي قاتلي صباح الخير ايمن صوتها الذي يقتلني يحيني صوت نرقد بيه قمت عليه في بالي نحلم طلعت في بيتي وتفيق فيا حكيت عنيا وقمت قعدت بالقاعده
_صباح الخير ،في بالي نحلم
_هههه علاه؟
_اخر حد توقعتو يقومني
_ما في باليش نومك ثقيل للدرجه هذه
_علاه ،بقيت برشه تقوم فيا؟
_مش برشه اما مش كيف العاده.
_البارح سهرت برشه
_شتعمل ؟
_مع بلاك
_صحه عليك ،انا توحشتو
_مالا ما تقليش جيت بش تراه
_ههههه تو نراه اما ماجيتش بذمتو
_ما تقليش بذمتي ما نصدقهاش
_ما قتلكش امي فضيله،البارح كلمتني وحلفت وقسمت الصباح نفطرو مع بعضنا والقهوه من يدي زاده هاني جيت ،اما قاتلي راو مازال ما قامش برا قومو قلت نقومك ونهبط نحضر قهوه
_ظاهرلي يوم سعدي هذا ،تقومني وتزيد تفطرني،،،،،احم،،،خاطر يتسمى محظوظ الي صديقتو تعملو قهوه.
_لا يتسمى مخظوظ عندو الفجعه عندو حاجه يلبس فيها للصداقه.
انا ماعاش انجم نقول قدام كلامها مستبده ولسانها طويل ما نجمت نهرب من تهمتها كان بشق الانفس
_ما توحشتش بلاك
_توحشتو برشه
_تحب تراه ؟
_اكيييد
_مالا بين ما دوشت ولبست تعمللنا الفطور نفطرو ونهزك ليه.
_شكرا ،صديقي ايمن
مخيبها صديقي من فمها شنوه هذه مرا ناريه تنجم تقلب عليك الطرح وتحاربك باسلحتك كيف قالتها حسيتها مخيبها قد ما في الصداقه من قيم نبيله كيف وجهتهالي واتبعتها بخروجها من البيت حسيت الى الحرب الي نشن فيها اسلحتي عكسين وتصيبني كان انا فاغدو في حبها الذي يشبه الحرب القاتل المقتول.

وانني احب كرهي لها.
والمح الكذبة في ثغرها دائرة باسطة ظلها.
ترجع البهجه لدارنا البسمه لطاولتنا رغم انها ان ترفقت بها استكبرت في كل ضحكه من عينايا تقابلها بعين كعين الذيب محتالة قد اطفأت ثورتها عقلها تقابلني قطه بلون ريتا تحبني ان كنت سجينها وتعذبني ،وان حاولت نتحرر منها تأخذني اليها بلؤم في عينيها.تحب تمشي لبلاك هكا قلتلها نلقاها سابقتني للباب المستبده تصبح طفله ما تخبيش سرور ها بش تمشي لبلاك.
بلاك زاده ما خباش سرورو اول ما شافها وقف على قدمين رافع قدمين بلاك زاده توحشها وفرح بحضورها اما صحه عليه ينجم يعبر اما انا تهمه نتبرأ منها وناقصني بش نحط دقات قلبي على الصامت رغم ان صدري ملك لحبيبتي ،اخفيها فيه عنها ..
_ريت قداه توحشتك ؟
_بالحق يتسمى توحشني ؟
_ناقص بش يقلك انا عاشق حد البكاء..
_ههههههه قويه هذه.
ما فماش ما اقوى من حضورك يسرق انفاسي ويلهب شرايني يعبث بنبصاتي ويردين قتيلك.
كانت تمس في بلاك من وجهو وهو يقربلها يمس خدودها تلعب بخصلاتو تبادلو الهواء ويبادلها وانا بعد السماء قرب الانفاس منها .
_تحسو يعبر لك على حبو؟
_بالحق تحس بلاك يترجم في مشاعر
_بلاك كيفي مش بالسهل ولا بالهين يحب،رغم توا احساسي غريب عاشق بلا حبيب
_الصداقة كنز لا يفنى نتذكر هكا قرينا واحنا صغار .
_انا كبار ونعرف الصداقه وقداستها،كيف ما نعرف الحب وعظمتو
_الاروع انو يكون لشخص واحد هذان المقمان الحب والصداقه.
_نقلك حاجه.
_امممم
انت لسانك داير برقبتك واضح،وانا عندي حبيب واحد مستبد وصديق واحد بدا يستبد بيه الحب.
_هههههه ما تقليش خالد عاشق!؟
_اي شبيه ما يواتيهش؟
_لا اما ما يبانش عليه.
_بدا يطيح في الحب اما يحب تدخلاتك.
_تدخلاتي انا!؟؟؟؟ باش انجم نفيدو؟
_تنجم.
_باش ،اكيد ما نبخلوش ،ما تقليش مروي؟؟
_شعلة ذكاء انت
_مالا ابد لا تشد في حوايجك شعلة ذكائي هههه
_لا انا اشب نار لما ارى احدى مع مستبدتي
_شنوه؟
_كاظم قال مش انا ،بش تعاون خالد
_نبحث في الموضوع اولا.
_حاول تعاونو
_الحب ما فيهش واسطه.
_بربي تحكيلي ليا انا على الحب ،اخزر الشيب بدا يترمى في شعري من عذبات الح..الصداقه.

_انا حالتي حاله والا انت هي صبحت في داركم جاي قريب الحداش
_اسمع التحريات تتقصى في اخباري بابا؟؟
_لا في قالب حديث سمعت القطه مستدعيتها حماتها بش تعدي معاها نهار عرفت الي النهار نهارك يا حنين.
_هو صباح يا خالد تخيل انت قهوه صباحيه قدام عيناها والمطر،وبلاك.
_بلاك العاشق !!!!
_تتمنيك،والله كان ترى سرورو بيها حبها وتعود عليها ،صحه عليه بش تعدي معاه نهار كامل
_ربي يصبرك ويصبرو ويصبرني انا عليك بش تجيبلي جلطه راك اش عملت ؟
_جبدت لها الموضوع
_بربي معناها انا نستنى واعصابي محروقه بش تجي تقلي جبدتلها الموضوع والله انا هو الي بش نجبد لك عنيك .
_لا تصدق هي وحدها عرفت الحكايه
_مروى ما حكاتلهش قاتلي لاهيه في مشاكلها و حياتها وقتها.
_اي اما توا فضاتلك وممكن برشه تعاونك
_بربي باش تعاوني وانا بيدي غرقت روحي بكذبه ..
_يا كذاااااب
_خير منك ،نفضتلك هههه
_برا اخرج برا
_خارج ،اما نفضتلك ،والله نفضتلك حطتك على جنب .
_خرجتشي توا؟؟
خرج هو وبقيت حاير بالحق نفضتلي،هي نفضتني وقت حبيت افضي اليها اما كل ما ناخذو فضوه من الدنيا وفي غفله تفضي اليا وافضي اليها.
_عايده ايجاني.
اقعد واحكيلي اش عملت؟
_سي ايمن تقريبا كل شئ على ما يرام مازالت فقط دار الطباع والنشر تبعثلنا غلافات نختارو منها .
_يعطيك الصحه وحاول تزربهم شوي بالناليفون وتنجم تروح سكر بيروك كان تحب مريم مش بش تجي.
طموحاتي كبيره انا بش نقربك لطموحك انا عرفت طموحك من غير ما ندخر جهد خاطر انت مفضوحه في عيناي نعرف خطك عطرك عمرك وحتى احمر شفتاك.
لبستك مشيتك ضحكتك وعيناك حبسي وزنزانتي ايتها السجانة الصغيره الجميلة الصديقة..نكتب شوي نقرا كتاباتهاوشوي نسمع مستبده شوي ونتفرج في تصاورها شوي وبش شويه الشويات عديت برررشه وقت مر طويل من غيرها واخيرا بش نروح لدار كئيبه بعدها منشرحة بها اكيد فيها روايح القهوه والمرطبات وعطرها ولهيب شفتيها في شكل ضحكتها الحانية الرنانه
السته متاع العشيه ندخل لدار عديت فيها عمري ولا اعرفها ما نعرفهاش خاطر قطتي من هنا مرت...
اضاءه جديده واضحه مش خافته تبين اثاث جديد مسافه فارغه خلاتها تمهد لنقله في الدار الصالة الداكنه مشات وجات وحده رماديه بلون عيناها فيها وسائد زاهيه كيف روحها ورديه كيف حضورها ستائر حريريه كيف شعرها مغايره على الي كانت فاتحه مصرعيها على الدنيا اطلاله جميله على الجنينه بيت الفطور باثاثها الابيض روح ناعمه تحل بدل القتامه
صاله اخرى بطراز انتيكا اما الذهبي يحتل الصداره ويزين الغرفه من الثريات للتحف الذهبيه رونق اخر في كل غرفه عملت غرفه لمسه مغايره عن سابقتها كأنك وانت اطوف في ال دار تعمل نقله في الزمن الدروج الي ترفعت زرابيه نهائيا وظهرت ارضياتو الخشب والمفاجأه بيت اسعد الي مسكره ولات مكتبه مرتوبه منضومه وكانها فسخت الهم والحزن بالكتب
على طاولة العشاء الجديده الناصعه الي تصنع سعاده وتشرح نفس تقابلني تلك المستبده بعينيها الماكرة المحتاله امي على يمينها اما ساعات لا اراها وكاني بالطاولة والاطباق بحر وعلى شطأنيه القى مرافئ عيناها نحس في روحي سباح ماهر ونحس في روحي غريق بين امواج عيناها اطفو واغطس فان غرقت فلا رحمني الله ولا رد جثمان من بحور عيناها.
كان لكلامها هي وامي وشوشه وفيه سحر وفيه ضحكات وفيه رفض منها بدات تمانع وامي تقلي اش رايك حشمت بش نقول لامي كنت غريق قلتلها ما سمعتش عاودتلي جمله محلاها.
_قلها تبات
_بات
قلتها ما نعرفش علاه ولا شنوه الاسباب الي قالتهم امي خاطرها انتفضت من بلاصتها ما نعرش علاش وهي قاتلي
_ما تنجمش تسوق كيف تبدا مطر؟؟؟
_نوصلك يعني؟؟.
_ لا لا ما انجمش نسوق
وامي رجعت لبلاصتها حتى امك قلتلها الي الدنيا مطر وصعيب الخروج بالكرهبه وانت بش تبات قاتلي يا من حيا للصباح.
وفي ذكر الموت و الحياة اعود غريقا لشطأن عيناه يتلقفني الموج فاما غرق واما غرق...
تقابلني صديقتي على رقعة شطرنج .
ف تحاول ان تنتصر ولكن هيهات فانا المنتصر
"" كش ملك"""
قلتها بالقوي من السعاده واخيرا انتصرت وامي حلت عنيها
فجعتني يا ولدي كنت راقده نمشي نكمل نومتي خير.
طلعت امي لبيتها وهبطت هي احداقها مطلقا لم تتغود خسارات وامضي غريقا ينتصر....
_تحب نعاودو طرح
_اعترف مره بخساره ارفع رايه بيضاء
_لا ما نتسماش خاسره الشطرنج مش ميداني
_غريبه مالا هاو فيه ملكه
_اما كيف تموت تستمر اللعبه ،اما الملك كيف يموت تنتهي اللعبه .الشطرنج تلك اللعبه التي تكبر الذكور لا اتقنها.
_انت تتقن الكلمات وتعرف تلعي بيها .
_لاجرم والكلمة انثى ،لا جرم والكلمات تحتوينا .
_مالا اش رايك نعملو تدشين للمكتب ونلعبو بالكلمات بالورق على مرأى ومسمع من التحفه من تلك القطة الشجاعه.
_على شرط تكتب انت كل خفايا صدرك
_موافق.
طلعنا للبيت في مكتب اجلس الى المكتب وتجلس فوق الطاولة الي الطرف و اكتب كلما ارى عيناها اكتب كتبت لها ..
تعالي قليلا .... لا علي و لكن على غضبك....
تعالي قليلا.... و لتسقطي كمطر حزين ....
لعلي ارتوي وجعا... فكأن وجعي لا يكفيك....
حدثيني عن ليلة مظلمه بلا قمر...
و عن صباح ضبابي و غيم رمادي ....
عن شمس لم تشرق هذا الفجر....
عن قلب يبكي بصمت من القهر.....
حدثيني عن انعكاسي الذي انكسر بعيناك....
و عن قلب تناثرت شضياه على اعتاب صدرك...
عن عناق يختنق بلا انفاسك ....
و قبلة يتيمه لا يلامسها احساسك....
عن وسادة خالية و سرير بارد...
عن قبل بعثرتها يمينا و شمالا على جسد جامد...
حدثيني عن ذاك القلب الذي يحترق ....
عن دموع ذرفتها جمرا و نحن نفترق...
قولي شيء ... لا تصمتي ... لا تلعبي بأعصابي. ..
اصرخي انتفضي زلزلي ارجاء المكان في غيابي...
عانقيني قولي حبيبي لا تفارقني ابدا....
كن لي كما الأمس كما اليوم و كذلك غدا....
موجوع يا صغيرتي و انتي وجعي الصامت....
فهل أحدثك عن صراخ قلب موجوع و ساكت....
أم أن أحزاني ما عادت تعنيك بشيء....
و حضني ما عاد يغريك بداك الحنان و الدفء....
غريبة هي قصتنا يا حبيبتي و غريب انا....
تقتلينني سرا و احييك علنا و الفراق يوجعنا....
لا انتي تتحدثين فأبادلك الحديث عناقا و قبل....
و لا انتي ترفضيني فأحمل حقائب الشوق و ارحل...
رجل كنت بالأمس في عيناك اختصرت كل الرجال....
و اليوم انا غريب و بيننا بات الرجوع أشبه بالمحال. ..
تحدثي قولي شيء كفاك صمتا و هروب ....
فلولا الحديث يا صغيرتي ما طابت القلوب...
فقولي شيء حبيبك انا أم اني اليوم أصبحت غريب...
فأنا متعب منك مني من فراقنا و صمتنا الرهيب...
يا صغيرتي انتي بين أضلع الصدر لازلتي حبيبتي...
و انا رجل إن احترق عشقا لا أخلف وعدي و كلمتي...
و أقسمت لك ذات قبلة أن أحبك حياة و عمر...
و اليوم انتي بعيدة و انا احترق شوقا أموت من القهر....
فإما عانقني و قبليني قبلة صلح تنسيني الوجع....
او اقتليني هجرا و أدفنيني بأحداقك و اسقني دمع...
فأنا اكتفيت فراقا اكتفيت انتظار....
و اليوم انتي حرة يا صغيرتي و بيدك القرار....
وقرات.الحلقة الرابعة عشــــر ......... #أحبك_أكثر
.قرات الورقه وضحكت
_انت ما كتبتش بيد ميت قبالة تحفه.
_كتبتها بيد تسكرت عليك يوما.
_على كل خطك جميل.
_كتبتها بقلب ينبض ما طلعش قلب ميت انا مازلت حي ومازلت انت نبض لقلبي وشرايني.
كانت المطر تعطي اقوى ما عندها في رعشه برق وزمجرة رعد
قمت من الكرسي بعد ما كتبت عصارة اوجاعي وشوقي ولهفتي.
وقفت خزرت للشباك وين كانت عيناه المرتعبتان تنظران كانت قاعده على حرف البيرو تخزر للشباك وكل زمجره يزمجرها الرعد تغمض عنيها كانها تنتظر مرور الكارثه وقف نخزرلها وهي بين فرحة المطر وخوف الرعد تتأرجح
اصابعها المتشابكه المتوتره استدعات اصابعي يشدولها ازرها
شديتلها يدها وانا نضحك
_خايفه؟؟
_نخاف من صوت الرعد
_هههه اول مره نراك خايفه
_فرحان انك ترى ضعغي
_فرحان خاطر نرى فيك فقط.
ما يفسد فيك شي الخوف من الرعد بالعكس يزيدك حلا ويزيدني رغبه فيك.
الكلام هذاكا الي تقال ما كنتش مخططلو كلام دفعني ليه المطر وساعدتني عيناها كل لمعه للبرق تتبعهم هي بخزره فتاكه انثى ميميته حتى في خوفها سحر وجمال كانت حاجه تقربني ليها ما نعرش اصابعنا المتشابكه اديها الي تضغط على يدي والا عيناها والا راسها الهارب من البرق وهابط لوطا وقفت قدامها وهي قاعده على الطاوله هزيتلها راسها قلتلها يا خوافه استجمعت قوتها وحبت تنتصر انثى كيفها ترفض ان تهزم ولا ترفع للخوف رايه .
ضحكت نصف ابتسامه وسحبتها مع اول صوت رعد وارتعدت فرائسها واوصالها عصفوره مكسورة جناح مبلوله بالمطر ودقت اضلعي حاجه اقوى مني خلاتني نحطها في صدري وهي قاعده على مكتبي ضميتها خبيتها من الرعد ومن البرد ومن الريح بكفيها اعاصيري وعواصف نبضات ..
راسها ما كانش تماما على صدري خاطر انا طويل عليها وهي قاعده اما يدي كانت اداعب في خصلات شعرها ووجنتاها وسكنت الي حاجه اذهبت لبي وعقلي في ان في ليل احب مع امراة احب فكيف لا احب وما يمنعني ان احبك وامارس حبك وامضي على نهديك عاشق سكنتني اللهفة كما سكنت اضلعي لاسباب لا اعلمها طبعت قبلت على جبينها .
بست جبينها وهي هزت راسها وخزرتلي ويا ليتها ما خزرتلي بتلك العين الماكرة المحتاله عين ثائرة متمرده جامحة وشفاااااه.
في وجها الكل كانت فما عيناها وشفتان
_تمشي ترقد؟
كنت نحب نقلها على اذرعي اما هي وقفت وبدات بش تمشي ويقذفها رعد الى احضاني..
عاااانقتني.
نفخت انفاسها في وجهي وكأنها نفثت نراها في هشيم ليشب حريق اججته المطر.
انفاسها السريعه متاع الملهوف ال خايف اختلطت بانفاسي السريعه متاع الولهان العاشق وهي بين اديا محاوطها باذرعي شكون له سلطان اخذها مني!!!
في حركه بطيئه انحني لها نداعبها بانفي واقبل انفاها لارى شفتها ترقص ترتعد تنتظر اقتحامي فاقتحم.
يوم جعلنا المطر الشاهد على حبنا ،شهد.
بين يديا تأخذني لا اخذها
تأجج قلبا بنارها افتحم
وفي حبك كنت احسبني المقتحم
لاجد الحب بالشوق ازدحم
شفتاك!!قلب ام وارحم
عيناك!!عيناك فيهما اغرق ومن يرحم..
بين يديا قبل ان تكون فراشي واكون غطاها
نداعب شعرها واغرق بعيناها وارسو غي سفتاها الحب احلى بمذاق شفتيها
واروع امام سطوتها المستبده واقوى تحت المطر...
وانا ننهل من شفتاها قلتلها احبك وردت بمثلها وسمعتها وعرفت انو قطتي رفعت مكرها وزورها وتمكن بيها شوفها وانهكها حبا كان دفينها..
ليل بها يغدو نهار حريق ونار سعرت وشمس اشرقت والى القعر الى سقر..
سرير بنظم يديها
وميت احيته شفتيها
وعبثت بصدره يديها
وانساق الى نهديها
وارتشف انفاسها
والريق من شفتيها...
لا املك ان اتركها ولا تملك لي تركا..
وللحب فيها مذاقات اخرى لا تشبه الحب فالحب عذاب
ولا عمري هذا قطر الشهد.
احبك
اغرق
اتورط
اتنعم
واحبك
غبت فيك كانني انك انني.
عينايا غدت عيناك.
شفتايا غدت شفتاك
اصابعي غدت يداك.
!!!انا. غدوت انت وقلبي غدى قالبك .
والتحمنا وروضتني
والتحمنا وروضتها
وانتهى جماحنا المشتت ليبدا جماحنا الموحد في سرير ساخن احمر..

كانت بنيه صغيره بين اديا تستعطف في حبي وتستجدي في قبلاتي ناعمه قطتي محتاله حتى في حبي تهزني وتردني وتصدني في ان لكن الي اين الهروب ومن اين السبيل الي اذرعي.
بين اديا و بين اديها تحتي وتحتها يداي اضمها ضمات موجعه ليغدو انينها ناري ونوري.
جسدها العمبري ما عاد يهتز من صوت الرعد ولا له يرتعد
فقط لحبي تلك العاتية العالية العابره ....
تعبرني بالقبل من الرأس الي اليدين فاغدو نصفين
اغدو ايمنين ايمن يحبها وايمن لا اكتب به اسطرا انما اكتب به حبا يدي اليمنى التى قل ما احتاجها تلتقي باليسرى في ضمة شوق مميته في ليلة شتائية حارقه.....
_ايمن!!
_احبك
_ايمن
_محبوبك.
_ايمن سيبني
_قلي محبوبي.
_قلتها في قلبي قولها انت.
_انا لا اقول الحب بل امارسه.
قبلك ما عرفت الحب وما عرفتيه الا لما عرفتيني.
وقبلي ما كتبتي الحب الا لما احببتني.
_للحظه كنا اصدقاء.
_(يتبسم)وانت صدقت؟؟
_مطلقا.
_انا خطيت خطوة الصداقه فلحظه خيبه ترفض رحيلك لكنها تمليه.
تتقلب على كرشها في الفرش ادور شعرها تهبطو على كتفها من شيره وحده وتتبسم ساخرة وتضم فمها وتطلق ضحكه من عينها وتحط سبابتها على فمي وتقلي
_"وانسى ان كنت تملك نسياني""
عضيت صبعها وشبشبت شعرها بيدي الزوز وهي تضحك في ضحكاتها المجنون وانا كلمه وحده استوطنتني وبدات تخرج في شكل فيلق منظم.
نحبك،نحبك،نحبك.

ايمن مجرم انت جنون الي عملناه.
_انا فرحان بجنوني،انا حبك علمني الجنون وانا محتاج منذ عصور لقطة تجعلني اجن.
_صدقني انت مجنون من غير الحب.
_وانت وقتاه تعرفني قبل ما نحبك.
_ريتك مرات.
_وقتها احبك ومن اول ماريتك حبيتك وقبل ما نراك حبيتك وقبل البدء ومن الازل احبك والى اللا نهاية والمنتهى احبك.
_ايمن ساعات تفصلنا على النهار نمشي نرقد انا.
_لا خليها ليلة استثنائيه ابقي معي....
_لا ماشيه نرقد
_وتخليني؟؟
_نخليك
_باهي جيعان
_هههه برا للكوجينه
_نمشي وحدي!نخاف.
هيا معايا ما نعرش نحط وحدي.
_ههههه هيا،هاو الدلال اش يعلم ،خالد مسكين انواع الماكله الكل يطيبها خاطرو وحدو.
_وانت منين عرفت
؟؟
_هو مرا قالي في سياق حديث.
_وانت كل واحد تسرح معاه في الحديث وتتحل،اسمعني من هنا فصاعدا انت واياه بقدر معلوم الحديث والتفدليك مع اي ذكر وكان ينتهي بعد السلام بسلامه.
_ااااي ،اعصابك يا عاقد الحاجبين ستر ربي خالد الي تحكي عليه
_خالد برك و اصحابك على رأسهم هاك الوشقه عمر.
_هههههه في بالك انت ظالم عمر برشه.
_عرفني تره علاه ؟
_خاطر عمر اكثر واحد قالي ايمن يحبك وانت تحبو ما تخوش كاظم خاطر كاظم مش بش يطول انا حسيت عمر تخلى على كاظم وطفيتو.
_عمر قالك هكا؟
_عمر قال ما اكثر و اخطر
_احكي هاني نسمع.
شعل سيقاروه وركز معاها وهي قاعده على كرسي لبيرو وتحكي.عمر قالي عرفت ايمن يحبك وعرفت انك تحبو وكاظم من اول الدنيا يحبك ،حب فاشل زاد تعبو ومرضو وحطمو حاجه حسستني انا بالذنب بالوجيعه قالي كاظم مش بش يمسك خاطر كيف مشاو لجربه لقاو بنات وكاظم ...
_كمل احكي.
_لقى روحو عاجز وليلتها شرب لين تعب برشه ورساتلو في سبيطار. بعد العرس عمر لاحقني بكلامو وواجهني وانا ماعاش عارفه روحي ظالمه والا مظلومه الي نعرفو الي انا بردت ضميري مع كاظم التفاصيل انت اعلم بيها مني وتو كلو فات.
_انا ما نلومكش ولا نلوم كاظم ولا روحي هذه لعبة قدر ،اختار فرقتنا وافترقنا اما اكيد لعود اجمل لحب اقوى ليل حار في الشتاء.
اول مره نرى قطه حمراء زينها الخجل.

في الكوجينه الرابعه صباحا وليل المحبين قصير...
_شنوه تحب تاكل؟
_مقرونه
_شنوه مقرونه الاربعه متاع الصباح؟
_اي انا ما نخوش مرا ما تعرفش اطيب المقرونه .
_صار انت بش تاخو مرا بش اطيبلك المقرونه.
_مالا علاه ياخذوهم النساء.؟
_هههه بش يطيبو الرجال.
_هههه يا مجرمه،يا مستبده
انا بش نقعد في الصاله نتفرج كيف الرجل الشرقي وانت تحضر المقرونه وتناديلي ناكل
_هههه باهي اجبد قشر الثوم وفي صمت زاده قلو شرقي انا زاده شرقيه كان ما في بالكش.
_لا في بالي وتاكدت وصدقت صحة راسك قوتك وسحرك وجمال لعنة تأتي من الشرق.
كنا حايسين في الكوجينه بش نكتشف انا جانب خطير فيها ،الانثى البيتوتيه ضيعتني هاته الشرقيه ..
في كل ركن من البيت تبرز بلون بشكل بروح تاخء روحي لتضعها بروحها انا وقطتي المستبده لا نشبه العشاق ولا نشبه المحبين لان كتبنا في تاريخ الحب
حبا اسودا مستبد.
_المقرونه حضرت
_ريحه واو شكون علمك اطيب؟
_مش قتلك يوما انا ابدع في كل ما احب.
_حتى انا توا فهمت لذة قبلاتك من اين تاتي.
خبات عنيها الساحره وهي تسحب في كرسي يش تقعد كنت بش نقعد ونسمع في خطوات تقترب وبعد دخلت امي
_ياخي بربي صحيح الي نشم فيه انا؟ مقرونه ؟
اطرشقت بالضحك
_لا امي انت رقدت ليله ونهار توا عشاء راو
_علاه في غيبوبه انا يزي بلا هبالك
_والله هبلت ياامي
_اسم الله على ولدي
_شاهي مقرونه هبلت عليها.
_اسم الله عليك من الهبل ما ظاهرلي المقرونه مهبلاتك.
_هيا هيا ايجا نفطرو هيا معانا.
_لا هبلت انا بش ناكل مقرونه الخمسه متاع الصباح،انا بش نعمل قهوه
_انا مهبول ،مهبول مقرونه وبش ناكل.من اروع المشاهد المهبوله الي عشتها معاها بسمات وغمزات مسروقين من امي وهي تغرق خجلا امي كانت بش تفطر قهوه قبل لا تخضع للغراء متاع فطورنا وهبالنا
_اسمعو تقريب بديت نهبل وبش ناكل معاكم.
_ياامي وشكون يراها وما يهبلش!!

المقرونه...
مجنونتي ريح عصفت بالجميع ،حتى المنضبطه امي

هيا ماشيه للخدمه
_لا مروحه نخدم بالعشيه انا
_باهي اخرج نوصلك ل داركم.
_برا تو نجي مالك ومالي
_علاه ما تحبنيش نوصلك؟
_خاطر واصله لبلاصه
_وين هالبلاصه؟
_بش نرى عمر.
_عمر ،وعلاه مخبيه؟
_هاني قتلك.
_وين بش تراه؟
_في قهوه اكيد.
_هيا نوصلك
_اوك.
في الكرهبه برشه عصب مخبيه يحرق في سيقارو.
_نحب نعرف شنوه مغششك
_مانيش متغشش.
_قولها لحد ما يعرفكش
_مالا كيف تعرفني علاه ما تحبش تفهمني؟
_لا نفهمك .
_قلي شبيك؟؟
_عمر
_شنوه وجودو في حياتك
_صديقي
_صديقك قال الي عندو ووفا راو.
_هذا مفهومك للصداقه انت؟
_مفهومي للصداقه مش هكا اما مش بش نقبل كل مره وانت قاعده معاه انا انجم نصبر اما مش برشه راو.
_ايمن هاذم اصدقائي وما نتخلاش انا راو.
_علاه هاله مش هكا؟؟
_ايمن كاظم كان هكا واكثر.
_وعلى هذا انا ريتك وخالد تبولد وعلى هذا انا ماعاش بش نسمحلك بشله وخروج ودخول.
_تسمحلي!!!تفدلك ايمن؟
_لا نحكي جد
_وانا وحياتي واصدقائي وعالمي ومعالمي.
_لخصهم فيا انا ،واكتب فقط.
_تنجم انت تبدل حياتك وتكتب فقط تنحي خالد وتكتب؟
_مش كيف ،كيف
_لا كيف كيف وبطل الانا الاعلى الي فيك الحب مش هكا.
_لا الحب هكا.
_مش عليا انا برك عليا وعليك.
طرشقت الباب ودخلت للقهوه ولا القتلي بالا وخلاتني نغلي حتى وانا في بيرويا.

_خالد كيفاه تقلي انا غالط؟؟
_انت غالط هذيكا حياتها انت كيف عرفتها عرفتها في وسط اصحابها.
_باهي لقيتها في اصحابها هزيتها من اصحابها ولات متاعي
_ما ولاتش وما توليش
_تولي شبيني انا وليت
_انت طبيعتك مش كيف طبيعتها ما عندكش برشه اصحاب ما تحبش الحس والجو مش كيفها ونهار الي تحب مرا هكاكا يتقبلها هكاكا يا تخليها لحياتها
_معناها فرقه اخرى ؟؟
_ما قلتش فرقه.
_تقصد يا انسحاب يا انبطاح؟؟؟؟الحلقة الأخيرة.........#أصبحتي_لــــــي
يا انسحاب يا انبطاح
كلمة رنت في راسي الف مره....
القطه المدمره تفرحك ليل اتعسك نهار انا غالط والا هي؟؟
كل ما نتقاربو نتكهربو مليت
من حب ارقني وتعبني نحبها لدرجة كل درج يمر وهي معاه يعذبني انا..
نساء مرت من امامي ما نجمتش تاخو مني ولو نظره وانا توا نتعذب خاطر فما نظره ترمقها مش من عيناي اتعذب بالحب وتقتلني الغيره...
نحل الباب ونرجع نتفقد فيها وصلت والا لا عايده الف مره راتني وعلاه بش نخبي وعايده الي تعرفني من سنين ما عمرها ما رات مني هذا.
واكثر انا كلفت عايده تجيبلي اي ورقه بخط يدها تنساها هي والا تلوحها خاطر انا نحب نهزها لطموحها ماصاب هي تهزني لطموحي وتكون متاعي فقط. اللحظات تتعدا بالف سنه والاروع الساعتين توا ما جاتش لتوا بديت نتوتر وماجده غنات.
_اخيرا للا كملت من سي عله متاعك
_هدي اعصابك
_هادي
_باهي اسمعني
_احكي
_انا وقت كنت مع عمر
_ياخي؟
_كلمتني مروى اختي
_اممم
_قاتلي الي هي بش ترى حد وبش تعرفني بيه وبش نتفاجئ عاد انا تفاجئت هه
_معناها انت طالبتني توا بش تقلي راك ماكش جايه خاطر بعد لقاك مع عمر بش تقابل خالد انت واختك وتروح ترقد خاطرك تاعبه من سهر البارح وايمن يتقطع امرو ويدبر راسو..
_هههه ياخي انت مش كنت ما تتكلمش برشه
_هذاكا علاه انت عامله على كيفك خاطر اكيد بش يسكت.
_هههه لا فوت عليا في الكلام..
انا طلبتك بش نقلك ايجا انت وخالد خلينا نقعدو مع بعضنا وبالمره نشوفو حل معاهم ومروى تعرف حقيقة علاقتنا.موافق؟
_علاه انا من وقتاه انجم نقلك لا،وين انت توا؟
_في القهوه الي وصلتني ليها جاتني مروى غادي فطرنا وخالد بش يجينا هوني.
_ابقاو غادي نكلمك اخرجلي
_وخالد؟
_تو نجيبو ونمشيو لبلاصه اخرى.
_مستنياك
_جايك.
خالد بجنبي ويسمع في مستبده سبحان مغير الاحوال!!!
_والله وشقلب حالك الحب
_لا مش حب غامق اما اعجاب قوي
_ياولدي نبشرك راك غارق
_ما نتصورش والا مانعرش اما شعوري استثنائي..
_هام خرجوا ،هههنه محلاك وانت متبعثر ووجهك متلون._ماريتش وجهك بكري كيف خليتها مع عمر
_خويا انا غاير على مرا نحبها صارلي هكاكا اما انت شبيك ؟؟
_خايف لا يصير لي كيفك.
طلعو الغزالاتان ورانا خالد ومريم حاجتين امنيتي نعاقبهم هو يعرف توتري كيف تفدلك معاه وهي تعرف غيرتي وتشعلني وهما يحكيو بلا صمت ويفدلكو مروى حاشمه وانا غاير و قطتي مستبده تتمتع بعذباتي وخالد ابله يجاري فيها.
قدام البحر الي تعشقو هي ناقف سرور بش يخرج من عيناها وتافف من خالد مروى توافقو عليه مروى مش كيف قطتي تعشق الرمل والريح والمطر.
مروى تدخل هي وخالد القهوه وانا و قطتي ناقفو على الرمل بحذا السياره هي عاشقة مطر وانا بحاجه تطفي نيران غيرتي رذاذ خفيف ينقر بلور السيارة ووجنتاها ،تضحك تتمايل وتستدير واحرق سيجارة واقبع.

_ايمن شبيك متبدل؟
_شئ.
_احكيلي شئ قولها للمايعرفك.
_مالا انت يالي تعرفني ما تعرفنيش انا قداه نغير ؟
_من خالد!!!!
،_من النسمه كيف تمس شعرك واطيرو من الورقه كيف تاخو تركيزك واهتمامك من امي الي تحملك وتبوسك باهيش هكا؟؟؟؟
_لا انت وليت حاله مرضيه
_تقريب يا وباء استفحل بي
_ههههه ربي يشفيك.
_لا كان انت مرضي لا شفاني الله ابداا.
_اللطف عليك هههه
_انت نبض وشريان وانفاس يعني اشيائي التي لا يسمح العبث معاها ،انت حياتي تحب شكون يمسلك حياتك والا يمر فيها.
_غلاف جميل لغيره محموده.
_محموده والا مذمومه حاول انك تعاوني وتفهمني
من فرط الحب اغار من نسيم داعب الخدود اللجين
وانأى بيها عن سلام باليدين
ومن منا يقبل اللمس في الحدقتين....
_ايمن كلامك مش عادي والله
_خاطرو صادق ما نحبش الي يمسك كيف ما نحملش واحد يمس عنيا.
_في خاطر هالبيتين الساحرين بش نتجنب المزح مع الاصحاب ونقلل المواعيد و نحاول نقلص غيرتك.
يكفيني انها قالت فامراة مستبدة لا يمكن ان تتنازل بالهين لكنها تفعل لاجل الهوى ولو لا الهوى ما كانت تفعل حين يغير الحب كل ما فيك .قل انا عاشق.
_نحبك
_نمشيو بحذاهم؟
_قلي نحبك
_مازلت تشك انت ؟
_نحب نسمعها من ثغر اغر شنيب الثنايا لذيذ المقبل والمبتسم.
_نحبك،خاطر قلت شعرا.
_وبش نبقى طول عمري نقول فيك شعرا وبش تبقى انت طول عمرك تحبني.
_شبيك واثق.
_لان لساني لا يقول في حضرتك الا شعرا وقلبك لا ينبض في حضرتي الا حبا
يا امراة حررت لساني وقيدته بها
واطلقت كلمتي واستقبلتها.
_ايمن!!!
_مستبدتي
_شنوه السحر الي خلاك هكا ؟
_انا عاشق
_اي وانا اش نعملك؟
_اعمل كيفي حبني
_تصدقني كيف نقلك اكثر منك.
_لا خاطر كان جيت قدي برك تدرأ غيرتي يا محتاله.
_يا ايمن ما تصدقنيش؟
_اثبتلي .
_تعرف حلال فيك الغيره الي شاعله فيك وتو نرجع ل اصحابي وشلتي تو ترى قداه كنت نحبك.
_هههه كنت ولا زلت وبش تبقى لاخر نفس تحبني وحتى بش تجيبلي بنيه كيفك نبقى طفلك الاول الاكبر.
_شكون قالك انا بش ناخذك؟
_قلبي الي ينبض باسمك في شكل منادات قالي انت بش تلبي يوما يا نبضي وتتوسدو الليل و النهار ._تو نخمم
_من غير ما تخمم خاطر اصلا انا بش نعملك عرس فجئي ونخطفك كالفرسان.
_ههههه،مجنون.
_سترين.
_هيا نشوفو مروى وخالد.
_حط يدك في يدي خليني ندخلو في شكل ازواج نعملو بث تجريبي كان نجح مع خالد ومروى نكبرو المشروع.
_هههههه اشهد ان الحب صنفك مجنون.

خالد ومروى كتلة انسجام وانت تخزرلهم من بعيد تقول مشروع عاشقان طبعا قبل ما نهدو احنا ونفسدولهم خلوتهم في طاوله مربعه فيها كرسيان طوال يقعد خالد بجنب مروى ونقابلو انا وايمن بجانبي ويبتدا الحوار الرباعي
ومش هذا الغريب ،الغريب الي ايمن بداه
_مروى اش عمل معاك الباك؟
_والله متعبني اما ان شاء الله ناخذو.
_نفس مشكلتي مع باكي اما يش ناخذو.
_ايمن مازلت تقرا ؟؟
_تلميذ عند قطه.
_احجيه هذه ايمن.
_يا للا حل الاحجيه نحب اختك ونحب ناخوها.
مروى ما تفاجئتش برشه خاطر عندها انطباعات قديمه حكات فيها مع خالد باطناب كيف ما قاعد ايمن توا يحكي ويحكي كيف ما لم اعده عليه الحب يا قالب الموازين
_خالد احكي شبيك ساكت؟
_علاه بابا خليتلي مجال معاك من بكري وانت لك لك
_من نهار الي عرفتك وانت تحكي جيت توا وليت تستنى فيا نكمل حديثي يش تحكي سبحان مغير الاحوال.
بربي تحكي على تغير الاحوال ،ناسي روحك انت وقتاه كنت تتكلم غير للورقه وليت ما تسكتش جمله ،هيا نقلكم حاجه قبل البروف يشك فيه جايب العدد بمجهودو يزيد يعملو استجواب وامتحان شغوي من كثر ماو في القسم ساكت في الورقه حريق.
وقتها مروى قصت عليه ووقتها فهمت انا برشه حاجات.
_علاه انت وايمن قريت مع بعضكم
_من الثناوي للجامعه
_مالا كيفاه اكبر منك ب سته سنين؟؟
_ماو كان ديما يدوبل ،في الابتدائي السنوات السته الاولى دوبلهم.ههه.
ضحكتو الصفراء وتفدليكو الي في غير محلو وايمن الي يبدل في وجهو من مروى خلاني نفهمو.
وقتها ايمن زعم انو دخانو وفالو وقالي ايجا معايا ناخذو دخان.
بعدنا شوي وهو قالي
_خالد مش قصدو يكذب عليها والا يلعب
_مالا فاش قاعد يعمل؟
_خالد قالها تلاثين كيف لقاها بنت تسعتاش ما كانش في بالو بش يتورط هكا في بالو ليلة بش تتعدا لين تعلق بيها ووحل
_حبال الكذب قصير يا ايمن.
_المهم احنا كيفاه انجمو نعاونوه؟
_ان شاء الله هو ينقض روحو مع مروى خاطر باين وحل وتشد بمحجوز؟
_وحسب ما تعرف اختك تقبل فرق السن.
_ممكن تقبل فرق السن اما الاكيد مش بش تقبل الكذب
_هيا نرجعو لعل فضوها؟
رجعنا وكانت الاجواء مكهربه باين فضوها اما مش بالحسنى بالاتعس عرفتها من عنيهم وزيد كل واحد مكبش في هيا نروحو انا وايمن طول السكه نحكيو بالعنين من المرايا نقلو ظاهر لا امل وهو يقلي خالد مسكين مش في جوو هبطنا انا ومروى المتاففه الي ودعت كان ايمن ودخلنا لدارنا .
_مروى ركزلي عيش اختي الموجات السلبيه الي تلم فيها سيادتك ما تساعدكش للفهم والمراجعه يعيش اختي هدي بالك وايجا نتناقشو بالحسنى.
_كيفاه تحب بالحسنى وهالمخلوق كذب عليا
_مش بقصدو مروى
_فما كذب مقصود وكذب بمحض الصدفه،يزيني يعيش اختي الكذب كذب.
_خالد ما قصدش يكذب ولا كان نيتو الموضوع يطور هكا ،وقت حكى معاك من الاول نيتو التعارف وكيف اي شاب في التعارف يشوط شوي ههه وقت عرفك مليح وعجبتو وحل كيفاه يعترفلك ويظهر قدامك كذاب.
_مريم يزي يعيش اختي هو حتى كيف شديتو يكذب كمل كذب وقالي ايمن يدوبل
_حب يخرج من ورطتو بتفدليك ،عادي مشكله ليها حل.
_اما حل يعيش اختي السيد اكبر مني بقريب 17سنه !!!
_ماهاش قضيه مدام انتما متفاهمين ومتقاربين على مستوى الفكر.
_لا للا قضيه ونص انا ما نرضهاش شنوه عمري انا ما تراهش توا مازال شباب اعوام اخرى انا نخلصها فاتوره فارق السن انا نكبر ونحلى وهو يكبر ويقدم بيه العمر تكبر معاه عقليتو كيف ما تكبر سنين عمرو.
_عمرك ما تحكم هكا الناس مخاخها ومشاعرها ما تتبدلش وخالد ينجم يكون حبك._حتى لو حبني انا رافظه حب بدا بكذبه
_كذبه بيضاء،في العمر والي خلاك تقبل 11ما يخليكش تقبل 17.
_قصدك هذه الوحيده الي كشفت اما ساي توا لا11ولا12 بابا حليتو وندمت سكرتو.
_معناها انت تحب تاخو مهله.
_نحب نفسخ نرجع لقرايتي فقط لا حب لا وجع قلب ولا كذب.
_باهي اعطيه فرصه برك.
_سكرنا مريم ما توحلش
_ارتاح منو الموضوع توا واكيد تو نحكيو.
خليتها على راحتها ماعاش بش نجادلها لين تكمل الباك متاعها.
_انا نحب نفهم انت اش مجيب سماك؟
_علاه بابا من انا والا من كذبك ولسانك الي ما تشدوش فضح روحو بروحو
_كان ما جيتش معانا رانا رايضين ولا حكيت عليك ولا فاقت بعمري.
_بربي ما يزيكش كذاب زيد بهيم!!
_والله بهيم نتبع فيك وفي جرتك .باهي مريم شبيها لتوا لا جات؟
_زيد شد لها الوقت بابا زيد
_بالله وقت غيرتك توا ترى فيا نخسر فيها.
_ماك قلت ما نحبهاش
_يا خويا نحبها ،والله نلقى روحي متعلق بيها على الاخر
الباب دق ودخلت قطتي وهو كان قاعد وقف
_مريام يعيش اختي طمني اش عملت؟
ملي خزرتلي بعنين معبيه بالاحباط عرفت الي النتائج وخيمه وقفت من كرسيا ووقفت بحذاها غمزتها بعنيا نستفسر رجعتلي بتميلة صغيره لراسها لا خالد وقتها قعد وحط اديه بين راسو
_خالد عيش خويا وسع بالك هي توا عندها قرايه وباك خلي تفوت هالحكايه والايامات وتركز في القرايه واكيد نوصلو لحل.
_معناها بش تبقى ما تهزش وما تكلمنيش؟
_خلي الامر يستراح شوي تكون هي هدات وخممت.
_خليه يستراح برشه ،انا صحيح كذبت اما مش بقصد ومش هذه النيه وحبيت نصلح كذبتي وسعيت فيها الوقت ما سمحش والزهر ما حبش اما خليها على راحتها الوقت يعلمها وانا كذبه صغيره خسرتني فيها وهي زادا صعبها معايا بش يخسرها في راجل شاريها.
خلانا وخرج مريم خزرتلي كانها تستأذن فيا بش تلحق بيه وما ستناتش اجابتي خلطت عليه.
وانا مسخفني حال صاحبي خاطر جربت فرقة روح تلامس روحك ،اما الفرق الي نرى فيه ويتداعى لذهني انو بالحق من الجور تدعي الحب وانت ما تنجمش تسامح الي حبيتو فرق بين انسان ما يسامحش على كذبه بيضاء وبين انسان قلبتلو حياتو وتاريخو ودنيتو ونظام مسطرو ووجعتلو قلبو وهو مازال يحبك و ينجم يسامحك،فما ناس في تسامحهم عقاب سياط تجلدك لاخر العمر من وجع وتأنيب اما حبال بحجاره تشدك لقعر الحب واغواره.
انثى لا سطوة حتى في الحلم والتسامح انثى حانيه مستبدة...

الليله هذه لا تشبه ليلة البارحة الليلة هذه بارده رغم ستائر الغرفة الحمراء ورغم السرير ورغم التحفه تغيب ناري فتنعدم الحرارة ويسكنني الصقيع اشعل سيجارة تستجدي حضورها ويرسمها تبغي فاسترحمها
اشعر بالبرد،اشعر بالبرد فضميني وتبتسم تلك الرحيمة وتهم بضمي ... وعبثا تنجلي بانتهاء السيجاره .
اغمض عينيا لاستحضرها وتاتي
تاخذني الى الحلم انام لاحلم انام لتاتي لم تعد تكفيني ساعات نهاري معاها ولا ساعات نومي فيها.
ادمنتها وتحولت تلك المستبده قيس ازماني ليل ونهار،نهار استرق كلمات من شفتيها وليلا اعصر قطر الشهد من نهديها تسقط في احلامي فلا تغادرني لا الليل يرويني ولا النهار يبقبني..
مأخوذا اليها اغادر البيت في الصباح مشتاق اليها اتي البيت ليلا احتاجها حد اللا صبر اللا وعي انام غائبا عن الدنيا حاضر فيها انام ومعي منها صوتها وقبله ارقني بعدها واحلم بليل تشاطرني وساده وتنثر شعرها وعطرها واحياها حبا..
_صباح الخير امي
_صباح الفرحه بابا
_امي
_نعم يا امي
_ما توحشتش مريم؟
_متغششه منها برشه.خاطر نساتني.
_لا يا امي والله القرايه ما خذتلها وقت والكتابه وقت وديما تقلي امنيتي نتفرغ ونمشي لامي فضيله.
_عندك كان هي تكتبلك شوف حد في بلاصتها و خليها ترتاح من الكتابه.
_لا هي تكتب ترتاح.
_مالا خليها تكتب براحتها.
_ماخذا اكثر من راحتها اما انا يا امي مش مرتاح.
_شبي ولدي؟
_نحب نعرس
_ههههه تو تعرس خلي الطفله تقرا
_ياامي انا بش نمنعها على قرايتها تعرس وتكمل تقرا
_خليها براحتها.
_راحتها معايا.
_خليها تقرا توا وبعد يعمل ربي .
_امي.
_تبع امك واسكت.انا نعرفها مريم بش تعاندك مدام مازالت تقرا وما شدتش حاجه في يدها ما تعرسش
_بربي ما نكفيهاش انا هاي حطتني بين اديها.
_ههههه لا واللله وليدي بديت تجن انت.
جننت في ليلة حب محمومة يا امي...في المكتب وانا داخله بعيني ريت ارتباكو وتوترو هو وعايده كانو مطبسين على الطاوله ما نعرش الحاجه الي لمتها عايده وهزتها شنيه هي اما توترو كان واضح وشديد دخلت نمشي بخطوة بطييئه وعايده تمشي بعكسها مزروبه خرجت وهو متوتر قعد.
_شنوه الي هزتو عايده
؟؟
_اوراق..خدمه
_انجم نعرفها؟
_خدمه مريم،حاجات قابله للنشر وافقت عليها.
_لا مش صحيح كلامك مالا انت علاه متوتر؟
_متوتر!!لاباس ماك.؟
_لا مانيش لاباس بعيني ريتك لعل تسخايبني حمقاء انت وعايده كنتو مركزين في حاجه وكيف ريتوني سكرتوها.
_انسى قطتي،صدقني خدمه.
_ايمن وليت تتلون انت توا؟؟
_يا مريم شبيك وحلت حاجه خاطيتك.
_خاطيتني!!خاصه بعايده يعني ولا عندك اسرار مع عايده.
_هاو انت عندك اسرار مع عمر
_هكا ولينا نحكيو ايمن؟اوك انا عندي اسرار مع عمر واحمد وخالد وغيرهم وانا غالطه نلغيهم من حياتي على خاطرك.
_مريم يهديك اخطانا من العرك،ايجا هوني مازلت نحكي.
_مروحه انا مانيش خادمه راو.
طربقت الباب وخرجت متغششه برا عاد انا توا كيفاه انجم نرضيها قطه وغارت ممنوع الاقتراب ...
بردت شوي وطلبتها ما هزتش وساعة وساعتان وساعات وليلة وصباح ولا تأتي القطه ،واتصل ولا ترد
مليت اتصلت بمروى بش نشوفها جايه والا نخرج نروح والا نتنفس وتقلي راي خرجت من الصباح والجحيم اذا سعرت اليوم ما تقراش وخرجت من الصباح للتلاثه متاع العشيه ما فماش الف مره نطلبها مغلق...
انا هو الي مخي مغلق مغلق مغلق ومش مسموحلها بالغياب هذا خالد كسرتلو راسو وانا نخرنن عليه كانو هو الي قلها اعمل هكاكا ورغم انو مش ناقص هم ريضني وهزني روحنا لدارو سهرنا سهريه سبت متاع عزاب في بيت عزوبي بامتياز طيبنا وحدنا وتعشينا وسهرنا وسهرت وحدي بعد ما رقد خالد وهي لم تأتي...

_الو امي ،بش نبات مع خالد
_هي ما تتكلمش؟؟
_نسيت يا امي ،نسيت
_مخك وين بابا ناسي؟
_خدمه مكدسه ومجوجمتني.
_باللطف على ولدي ،حتى الخدمه مجوجمه مسيكنه.
_شنوه امي؟
_شي بابا شي،تخبي عليا ،امك انا راو
_لا علاه بش نخبي.
!!!
_متعارك مع مريم،ماو قلي يا امي الصوره فيها وفيها.
_لا امي مناوشه صغيره ما حبيتش نشغبك بيها.
_لاصغيره لاشئ عندها الحق مريم انت تأمن عايده عليها؟؟
_اللله،الله النساء ويعملو تحالفات عاد ،وين ريتها انت مريم؟؟
_اليوم نهار كامل حذايا
_حلو وانا لا قتلي هي لا انت.
_وعلاه بش نقلولك الطفله جايا تبرد في وجها منك نقوم نجيبك انت في وجه المدفع تزيد تفد والتاليفون انا قلتلها سكرو خير ملي تبقى كل لحظه تتفقد فيك طلبت والا لا._هكا يا امي!!!
_خاطر انت الظالم وانا ماعجبتنيش عايده هذه الي تخبي على مريم حاجه معاها.
_امي مفاجئه.
_خذيتلها ذهب؟؟؟
_حاجه كيف هكا
_اش خذيتلها قلي.
_تو في الوقت المناسب تعرف اما توعدني تعاوني.
_مالا لا تي انا مذابيا راكم معرسين توا.
_والله حتى يا امي،توحشتها.
_بابا ههه برا احكي لخالد خليني نرقد.
طلبتها نص الليل ومااطول الليل الي ما فيهش صوتها وحنت وهزت.
_شبيك ما تهزش عليا
_وانت اش تحب فيا
_وانا فما حاجه ما نحبهاش فيك.
_ايمن يزيني من اسلوبك هذا ديما تاكلني بالكلام وننسى روحي وننقاد.
_خاطرك تحبني.
_حتى كان نحبك انا ما نرضاش حد يغلق الباب دوني.
_شكون قال اغلقتو دونك؟؟
_انا ريت بعيني ومع عايده.
_قطتي لكل اجل كتاب،شوي صبر تو تعرف.
_معناها انت ما طلبتش غالط والا نادم بش تقلي سامحني وتحكيلي تقلي شوي صبر انا الصبر وفالي ايمن وانا غالطه اصلا القيتلك بالا وهزيت.
_بربي!!!معناها ما كنتش بش تلقيلي بال؟؟؟
_لا
_مريم برا ارقد انا غالط.
_على خير
_على خير.

_خالد
_شبيك
_ما عجبتنيش القهوه.
_امورك اشرب والا برا روح افطر في داركم.
_باهي والخبز محروق
_خويا انا هذاك الي نعرف كول قهوه وكاك وسيبني.
_خالد
_شبيك ؟
_ضيفك راني.
_صيف ركيك كيفك ماحاشتيش بيه.
_نمشي نروح؟
_البس وانده
_خالد باهي شبيك وليت لكزه ؟
_يا خويا اموري.
_انطق سيبني قلي اش بيك؟؟
_فاد يا صاحبي ..
_على مروى؟
_على مروى ،صحيت
_لتوا ما تهزش عليك؟
_بدلت نمروها.
_هي تاو نجيبهولك.
_بريي يزي بلا بهامه تو هي بش تلقاني انا اكيد بش تعلق في وجهي وماعاش تهز جمله.
_تحبش نعملولكم برنامج مقابله!!
_قتلك الطفله ما عينهاش بالسيف!!
_برجوليه ما اصعبها
_وعلى هذا انا حبيتها .
_حبيتها خالد!!!
_والله على الاخر ايمن وكل ما تبعد نزيد نتعلق بيها.
_وراس صاحبي نوصلو لحل خلي تفوت حكاية الباك متاعها ونلقاو حل.
_مليت ايمن وتعبت وانا نستنى.
_شهر الحكايه الكل اتعدا الصعيب خلي الساهل
_زعمه ترجع؟؟
_صدقني ترجع مستحيل تلقى حد يحبها هكا وما تحبوش وما تتمناش تبقى معاه.
_مااصاب يا ايمن مااصاب
_هههه يا والله مسكين صاحبي.
_زيد كشخ زيد.في بيرويا انا وعايده وقت عطاتني فرحة حياتي
كتاب معبي باسطرها الي سرقتهم منها والي كتبتهم ليا والي حطتهم للنشر جمعتهم خبيتهم لميتهم كتاب فاخر معبي بكلماتها غلافو اسود فاخر فيه من القدام العنوان بالذهبي من يوميات مستبده ومن تالي عينا قطه ،
خبيتو هذه نسخه اولى ونسخ اخرى في المكتبات والسوق نتوقعلها مستقبل قوي في الكتابه وانا وعدتها نوصلها لطموحها وسافعل.
نخبي الكتاب في محفظتي وكاني اخبئ ثرواتي الطائله
واشد رحالي لعيناها قدام دارهم كرهبتي وقفت والزغاريط علات السعاده اعترتني فرحت لمروى لخالد لقطتي واحتفظت بالكتاب ودخلت اول المهنئين.

_ايمن عارفك بش تكر عليا راو.
_يا ولدي اسكت على روحك عارف روح اش نعمل عارف قطتي ومعمل عليها
_باهي كيف اطردني!؟
_يا ولدي ما اطردكش ،شد اعمل برفا واسكت
_يا ولدي عمري لا حطيتها الحطه هذه ،زعمه ما اطردنيش؟؟؟
_وحل في اطردني،فما واحد يطرد واحد جاي يباركلو ويهنيه ويجيبلو ورد زاده.
_والله خايف
_ههههه واللله باهيلك يا ساقط.
في دارهم داخلين خالد عارق متوتر محلاه مزيان السته السنين الي كلاهم ما كذبش فيهم نحن وقفنا في الصاله وقطتي جات ضحكتلها بعينيها قبل فمها بطلتها البهيه بروبتها السوداء بشعرها الي منتصب تاج على راسها
_هيا شبيكم واقفين ايجا خالد نحي الحشمه.
شدتلو يدو وجبدتو
_احم احم
قلتها انا لفتلها انتباهها الي شدتها ليدو كسرتلي كرايمي و فددتني وقتها خزرتلي ورجعت حطيت يدها في يدي الي كانت في جيب السروال ونساتني غيرتي بغمزه وطلعنا انا واياها وخالد لسطح معبي بالناس خالد كان مرتبك اما عينيه مركزه على محبوبتو بش تنطق سعاده واحنا واقفين ومحبوبتو جاتنا بروبتها الفضيه وشعرها المسيب وسيرتاتها الكبيره الي تشبه للوذنين
_خالد شدلي روحك سنفورتك جات
_ايمن قلبي بش يخرج.
_مروى مبروك مبروك ناجحه ديما
_يعيشك ايمن،ان شاء الله فرحك
_وفرحك انت زاده مروى.
خالد كان حاشم وهو يمدلها في الورد
_اهلا عمي خالد
_اهلا
_يعيشك،مرسي على الورد
_تستحق كل خير.
_حتى انت تستحق كل خير.
_مالا نستحق فرصه اخرى!
_خالد يعيشك ،قوس وسكرناه.
_فرصه برك ترى مني الخايب والا الغلط انسحب هاني صبرت لين كملت الباك وما حبيتش نشغشبك.
_يعيشك خالد
_باهي اش قلت
_فاش؟
_نمروك الجديد.
_هات نكتبلك
_باهي وقتاه نعملو قهوه ؟
_ههههه لا هكاكا مازال.
ريتها كيف مشات وعينو عليها مشيتلو قالي
_حتى هذه قطه.
ضربتو على كتفو
_نعم بابا!!القطط حاجه خاطياتك
_بطبيعتي نكرهم.
_صحيت مالا شد ارنوبتك وريض .
_كان تشدني هي تو نريض؟
_اي وين وصلتو؟
_لا تقريب سلكت.

_هاشبيك هاك طلبت؟
_خالد وينك؟
_مالك ومالي اخطاني
_حاشتي بيك وينك
_مع مروى نعملو في قهوه
_وين خليني نجي ؟؟
_وين عندك جايني مشوم انت اول مره جيت هلكتني
_انا والا كذبك؟؟
_باهي علاه جاي؟
_هاني جاي تو تعرف.
قلت لقطتي الي انا واصل بخدمه وخرجت لمروى وخالد.
_مروى نحبك تعاوني
_على ما نقدر.
_بش نعرس
_هههه ومريم في بالها؟؟
_لا اكيد بش نقلها وتكون على علم اما انت بش تعاوني في حاجه اخرى اصحابها الكل انت تستدعاهم وانت خالد اصحابنا الكل صحفين نقاد ادبين نحب تهنيوني وتوا نخليكم .الي قطتي امضي.
_ايمن تفدلك انت ؟؟
_لا والله بالرسمي وبكيفك والا بكيفي.
_شنوه عرسك الجمعه الجايه هذه؟
_ميسالش ماو ؟؟
_ايمن
_هاني قتلك ونزيدك زياده نهار العرس بش نجي نهزك من الصباح وتجيك حجامتك وتلبس وتركح جوك غادي.
_باهي نحب نفهم انا .
_ماتفهمش وفا الكلام قوم..
سبعه ايام والا سبعه سنين هاذم بش تهل عليا يا قمري وزادت عاقبتني جات نهار العرس وما حبتش تراني قاتلي بش تتوحشني وهي ما تعرفش الي انا حرقني وحشها كل يوم بعد تاليفونها نحط تصاورها نعنقها نبوسها نحكيلها قداه نتوحشها وقداه طوال هالاسبوع واطول ما فيه نهاري هذا رغم الاصحاب اللهوه الحجام اللبسه اشواقي غالبتني ودقت ساعة الحب هبطت انا والمجرم خالد قبل الناس الكل سبقنا.
_ياربي يا مروى متوتره
_علاه محلاك تهبل.
_بالحق امي فضيله؟؟
_وراس بنتي قمره مصوره
يخلق ربي العالي.
مروى:هيا مريم بش تهبطلهم
_علاه مش طالع يهبطني؟؟
_لا بش تهبطك حماتك وانا وامي وهاله شوي عليك؛!!
_ايمن ديما غريب ..
_اهبط واسكت.
هابطه في الدروج امي على يميني امي فضيله على يساري.هاله ومروى هازين معايا الطروحه والروبا الباريسيه الي تخيلها محبوب لمحبوبته.

قلبي وقف..

اول ما وقفت في الباب دمعتي هبطت حاجه اقوى من خيالي ومن احلامي الورديه..
فارسي الاسود الانيق على فرسه الاسود واقف قدامي والابواق الكل هتفت.
انت التي اسميتها تاج النساء
اقسي على قلبي ومزيقيه لو اساء.
يا مستبده
يامستبده.
دمعه غلبتني متاع سرور متاع سعاده متاع احلام تترجم فوق خيل بين يدي خيال اجول في دنيا الحب بلا قيد نجمح ولا يجمح حصان دوره صغيره بالحصان ما نعرش علاه ونرجعو لباب الدار فلامات تتطرشق وتهبط لافته ما فهمتهاش،
سوداء كبيره مكتوب عليها من يوميات مستبده
درت براسي نسأل في عينيه التي تشع حبا وقتها قرب خالد ومدلو كتاب خذاه ومدهولي ملي رميت عيني تصدمت كلماتي اسمي بالعريض على كتاب بخطي ولونو قادني حبيبي الي طموحي عنقتو بقوة حبي وسروري ..وانطلق بلاك انطلاقة فارسه وجموحه ياخذني من الدنيا في عرض حب يصفق الحاضرون ،
واموت باحضانه ..
بين اديه قدام جمهور نقاد يحكيولي على كتاب حايره كيفان تكتب اما اجابة وحده عندي
كتابي هذا هو صنيع الحب..

يزي من الكتابه ارتاح
_لا خليني نكتب لبنتك قداه بوها مااحلاه
_قلتلها قداه امها مستبده
_لا قلتلها قداه بوها يعشق المستبده
_لا هذاكا كيف تجي تو تراه وحدها
_علاه انت كيف تجي بنتك مازلت بش تحبني انا!!
_نحبك،نحبك ،نحبك
يا مستبده.
و مستحيل نهار يمضي ومانقلكش ،احبك.
واذا مره يوم ولم اقل لك احبك فلا تحزني من ذهولي وصمتي ولا تحسبي ان شيئا قد تغير
فحين انا لا اقول احبك فمعناه اني احبك اكثر من نفسي.

يمضي العمر وابقى احبك وانحني لقلبك الابيض حبا
واعشق قميصك الاسود بريق بنت منك اسميتها كلمات...
لتقول لك كلمات حبي.
التي اخطها في كتابي الثاني
المستبدة العاشقه وامضي بين اسطري واسودي وكلمات.
اسعد مستبدة بالدنيا.