#الحلقة_الأولى :
أخرجي أخرجي ..... دكتور دكتور أجري أجري .....
دخلو كامل عندها و قفلو عليا الباب ماخلونيش ندخل معاهم كنت نسمع في هدرة الفرمليات و نشوف في جريهم من وراء الباب تاع الزجاج كنت نبكي من غير صوت مشرعة عينيا و نستنى نسمع الخبر علابالي بأمي ماتت علابالي فقدت آخر أمل ليا في هذي الدنيا نعرف أني راح نبكي من اليوم و مانلقاش الي يمسح دمعتي و يسكتني و يصبرني نعرف أنهم دموعي موش راح ينشفو بعد اليوم....
فاتت قريب ساعة و هذاك الطبيب و الفرمليات يحاولو يرجعو روح أمي العزيزة الي خلاص طلعت لمولاها ماتت بسبتهم هم الي قتلوها أعمومي و عماتي.. مستحيل نسمحلهم قدام ربي حبو يشردونا و يطيشونا في الطريق و زادو قتلولي الفرحة في قلبي و عينيا .
تحل الباب و كانت لاشومبر سكاااااات و كالم كبير دزيت الباب نقرأ في الوجوه بعينيا كنت نشوف في نظرت العزاء في عينيهم الشفقة على حالي نشوف مع الطبيب و العرق تاعو يصب من جبهتو و هبط عينيه و قالي البركة في راسك ..... تعمرو عينيا بالدموع و هبطو وحدهم نحيت الغطاء على وجه ماما يا ربي ملااااك راقد وجه الجنة..... حكمتني الفرملية تحسابني راح نخبط ولا نعيط و لا نقطع شعري شفت معاها و قلتلها ربي يخليكم خلوني مع ماما وحدنا ....كانو كامل حايرين في الكوراج الي عندي ماتوقعوش تكون هك ردة فعلي ....
جبدت الكرسي و قعدت قدامها سبحان الله تقول راقدة موش ميتة ...."وعلاه يا الحبيبة رحتي و خليتيني مزلت محتاجاتك مزلت مخصوصة حنانتك خليتيني في وسطهم ياكلوني .....؟؟؟"
#حلقة_الثانية :
بكيت حتى شبعت حتى نسمع في صوت عمتي الشريرة دخلت من الباب و تلعب في روحها تبكي و تعيط على ماما و بدات تضرب في وجهها و باغية تندب خلاه مافقتش بروحي حتى حكمتلها يدها و قلتلها حبيتي تندبي أخرجي برااااا ماما درك ماعندها ماديري بدموعك تجوز عليها غير الرحمة عندك كلمة طيبة قوليها ماكانش سكتينا ....ماعرفتش كيفاه هدرت هك و لا منين جبت الكلمات بصح حسيت أنو قلبي حجرة تاع أڨلاص .... كنت موجدة روحي لواش راح يصرالي من بعد ماما الي كانت تاكل بسنيها الي يهدر عليا و لا يقربلي ربي يهديهم ماخلاو دعاية مالقصوهاش فيها و كي زدت كبرت أنا بداو فيا .... كي كانت جداتي أم بابا حية كانت تربط فم الناس كل كي تهدر كانت تدافع علينا للنهار الي ماتت و النهار الي غابت بداو يطالبو فينا بحقهم في دار جدي الي هي في الحقيقة ڨربي كوخ قولو عليها واش تحبو غير دار لا...... F2 موش مخدمومة الميزة الوحيدة تاعها أنها في قلب العاصمة قريب يهزونا يطيشونا في الطريق بصح ماما وقفتلهم و كانت مرأة و نص في وجهوهم و قالتلهم النهار الي تحطوني تحت التراب ديرو رايكم 23 سنة زواج شافت فيها المرار شويء من بابا ربي يرحمو و شوي من خاوتو و خواتاتو ربي يسامح غير جداتي ..... بصح هم تفاهمو على راس ماما و وصلو حتى يضربوها و قطعولها قسمها و دخلونا للشرع و أمي مسكينة ماقدرتش تتحمل بعد ما خرج حكم القاضي في صالحهم و طلب منا نفرغولهم الدار في أجل 15يوم ماما فقدت الأمل و قررت تنتاحر شربت باطة كاملة تاع دواء تاع القلب قررت تنساحب من هذي الحياة و تخليني ندبر راسي وحدي ...
#الحلقة_الثالثة:
مسكينة ربي يرحمها أمي الحبيبة لا ربحت في دنيا ولا آخرة ...
رجعنا للدار و عمومي يكملو في الإجراءات باه يخرجو الجثة من السبيطار قاعدة في دارنا الي مابقاتش دارنا من اليوم نشوف في السعادة على وجوه عماماتي و بناتهم الي عمرهم ما حنو عليا و لا ضموني عندهم، الرحمة في الجيران الي ماقصرو في حتى شيء كانت عينيهم تبكي عليا أكثر ماتبكي على ماما ....
دفنو الحبيبة تاعي و فاتو 3أيام تاع العزاء بديت نشوف في جوايج دارنا ينقصو بالحاجة كنت لميت حوايجي و أوراقي تاع الجامعة و وثائقي الشخصية و الباقي كنت مسمحة فيه لازمني نبدأ نخمم وين راح نروح .
نضت الصباح الرابع نلقى العصابة تاع عمومي و عماماتي مجتامعين في الصالون و يستنو فيا نوض من النوم كنت فاهمة كل شيء دخلت للدوش غسلت وجهي و هم كانو يستنو فيا ندخل عندهم ولا نسقسيهم واش كاين بصح كل شيء باين .... دخلت لبيتي لبست قش الخرجة لميت قشي نص في الكابا نص في الصاك أدو على ظهري و دخلت عندهم و شفت في عينيهم الدهشة و الفرحة في نفس الوقت خاتر نقصت عليهم ياسر هدرة ....
عمي الكبير :وين هذا يا بنتي ؟
أنا : لأرض الله الواسعة ...
عمتي الصغيرة : هههه كانت معولة عليها ماصدقت درڨت عين أمها راح تبدأ دير في رايها ...
أنا: ربي يهديكم ماخي بغيتو الدار هاي ليكم ....
عمي الوسطاني: شوف أسيدي و تزيدي تحلي في فمك تروحي تهملي في الزقاق واش راح يقولو علينا الناس خلاص عندك وين تروحي لا قراية و لا هملة هدرلي واح عليك و راح نزوجك .
أنا غير نشوف وين وصلت بيهم الحقارة ...
#الحلقة_الرابعة :
أنا : صج راح تزوجني يا عمي العزيز و شكون الراجل هذا ؟؟؟
عمي الوسطاني : عزيز الميكانيسيان .....
أنا : ههههههههههه والله ماحطيتك حنين للدرجة هذي الله يبارك خيرتيلي واحد من مستوايا مشوه و مزطول و يشبه للوحوش أكثر من العباد ....
حتى نلقى عمي هز يدو و ضربني بكف حنا بغينا نستروك و أنتي باغية الهملة مالا هنا تموتي شر و عطش حتى تترباي علابالنا أمك مارباتكش هذيك الق..... ....
أنا : أمي أشرف منكم يا ........
حتى يتفتح الباب تاع الصالون و نشوف راجل كبير في وجهو الوقار لحية بيضاء و علامة الصلاة على جبهتو و في جنبو عجوز كيفو الله يبارك في وجهها النور و من وراهم شاب كبير شوي.....
يقطعلنا الفوضة الي كنا فيها خبط بالعكازة تاعو الطابلة تاع الزجاج و راحت كل طرف في جيهة و الناس كل تخلعت و سكتت و حارت شكون يكون من بينهم أنا ..
حتى نشوف عمي الكبير يتبسم تبسيمة تاعو كي يحب يشيت لكاش حد ...
عمي : أهلا أهلا بالحاج سليمان هذي مدة و سنين زارتنا براكة ....
الحاج سليمان : فمكم تبلعوه مانحبش نسمع كلمة من حتى واحد فيكم يا كلااااب ماكفاكمش الي عملتوه في بنتي زدتو راح تكملوه في بنتها ..... لكن جيت مانخافش من عقوبة ربي نلمكم كل و نحرقكم كي اليهود ......
الحاج سليمان: حنين هيا معانا ....
أنا : من هدرتو فهمت أنو جدي بابات يما من غير مانفكر هزيت كابتي و رحت للعجوز الي أكيد جداتي حضنتني بكل قوتها و ثم شميت ريحة ماما و عرفت الحنانة تاعها من جابتها كانت تبوس فيا و تبكي بكل حرقة ....
الحاج سليمان الي هو جدي قعد يهدد في الحشرات تاع عمومي :: " شوفو مانزيدش نشوف خليقة واحد فيكم ولا نسمع صوتو بغيتو الڨربي هاو ليكم و أنساو أنو عندكم بنت خوكم إسمها حنين .....تفووووه كلااااب ...
#الحلقة_الخامسة :
خرجت معاهم و أنا حاسة بالأمان جدي ماشافش فيا خلاااه و جداتي تبوس فيا بكل شوق و تقلي "يا كبدتي يا كبدتي " ركبنا في طوموبيل أقل مانقول عليها قمة الفخامة الطفل الي جاء معاهم يسوق و جدي قدامو و أنا و جداتي من التالي ....
نرجع درك شوي بالزمان 24سنة و نحكيلكم قصة ماما و بابا .... هذا يا خياتي ماما أصلها شاوية من الشرق كانت طفلة وحدة و أخت ل 6 ذكورة و أصغرهم و كان جدي سليمان محافظ خلااااه بصح يحبها و مايرفضلهاش طلب تاجر كبير الناس كامل تعرفو و عندو قيمتو في المجتمع بحكم أنو كان يخدم الذهب و كان عندو أكبر محل في المدينة .....بابا كانو ناس على قدهم باباه راجل تاع راسو يعني سكير ماعمل والو لمستقبل أولادو غير صوارد فرونسا يعني كان (ڨومي) .
ماما و بابا تعرفو على بعضاهم كي جاء بابا يعقب الخدمة الوطنية في مدينتهم و ثم بدات قصة حبهم و النهار الي جاء جدي بابات بابا يخطب ماما من جدي سليمان رفض رفض قاطع على خاتر هو كان مجاهد كبير و ماتخيلش يزوج بنتو لولد ڨومي واش راح يكون موقفو بين الناس ....
بصح ماما كان راسها خشين و حاولت تقتل رحها عملت إضراب على الماكلة سمانة كاملة حتى وصلت للسبيطار و ثم جدي سليمان. عيط لبابا قالو أرواح أديها عليا و هدد ماما أنو راح يتبرأ منها للنهار الي يموت بصح ماما كانت صغيرة و الحب عاميها تزوجت مع بابا و فرطت في كل شيء على خاترو و راحت .
بصح غير وصلت عندو تبدل كل شيء حب بابا ليها برد و بدات المشاكل بابا ماكانش يخدم خدمة ثابتة نهار خدام و عشرة لا و جدي بابات بابا يكره ماما كره العمى بعد الي عملو باباها و أعمامي و عماماتي كيف كيف غير جداتي الحبيبة كانت معاها للآخر .
العام الي ولدت فيه مات جدي و زاد مرض بابا و حكم الشوكة بعد ما تشل من رجليه و و ماما كانت فحلة و مافرطتش فيه رغم المعاملة تاعو السيئة ليها ....
و في الجيهة الأخرى جدي سليمان كان إتخذ موقف مارجعش فيه رغم أنو الناس كامل حاولت معاه و جداتي أم ماما مرضت من الحزن على فراق بنتها الوحيدة ...
ماما كانت تقلي كلش كلش و لا رضاية الوالدين خاتر حست أنو العذاب الي عاشاتو في دنيتها كل بسبب أنو جدي سليمان موش راضي عليها .....
أنا عمري و لا شفت عايلة ماما و لا حتى أجدادي كانت أول مرة نشوفهم.... الطريق كانت طويلة بعد ماقطعت الأمل في الحياة و قلت نعول على روحي مابقالي حتى حد يعاوني .... ظهر عندي عرش كامل ..
#الحلقة_السادسة :
وصلنا لدار جدي سليمان ماكنتش مصدقة أنها ماما خلات العز هذا كل و راحت مع بابا عزبة كبيرة سور كبير في وسطو جنينة أو بمعنى آخر جنة فوق الأرض و فيلا بالبيسين أنا غير حالة فمي و نتفرج .....
وصلنا لباب الفيلا داخلين نلقى علامات الحزن و العزاء في كل بلاصة فيها الناس كل لابسة الأسود ناس حزينة على ماما و الدقيقة هذيك برك صدقت أنها ماما ماتت و تدفنت جاوني نساء أخوالي و فاميلة جدي و جداتي كل كان غاشي كبير يحضنو فيا و يبكيو و جداتي قاعدة و الناس تصبر فيها .... الحمد لله يا ربي ماما تحرمت من كل شيء في حياتها بصح في موتها عوضها ربي بناس حزنت و بكات و دعاتلها من كل قلبها ...
جدي سليمان كان يعمل كل ليلة وليمة يطعم فيها مئات المساكين صدقة على روح أمي كان يتصدق و يطلب من الناس تدعيلها بالرحمة الحمد لله يا ربي ....
فاتت مدة تاع شهر كنت غريبة في دار جدي غير جداتي فطيمة نهدر معاها و كانت تجي تفقدني ساعة ساعة في الليل و كانت الصباح تمشطلي شعري و تحكيلي على أمي ....بنات أخوال 4كانو تقريبا في نفس عمري كانو يحبو يتقربو مني بصح أنا كنت غالقة على روحي ...
راحو روحو الناس كل و بقيت غير أنا و جدي سليمان و جدة فطيمة و لطفي ولد خالي كان عايش معانا بصح مانشفوش خلاااه غير في الطابلة تاع العشاء هو الي كان حاكم الحنوت الكبير تاع جدي ...
أنا حنين عمري 22سنة طويلة و خمرية نشبه لجدي سليمان عينيا كبار و مارون و الباقي كل الي فيا مرسوم كنت مسرارة خلااااه شعري من النوع المجعد الي مهما تعملي معاه مايتسرحش و أنا ماكانش يهمني الأمر ....هذا عامي الأول في الماستر أدب عربي ...
كي جيت مع جدي كنت متأكدة أنو موش راح يخليني نقرأ كثر خيرو الي لمني من الشارع و لقيت بلاصة ناكل فيا و نشرب و بقدري الحقيقة موش مخليين عليا والو ...
جاء وقت العشاء كنت في الكوزينة مع الخدامة نوجد دخل لطفي الأول و لحق جدي و جداتي للصالون مونجي و أنا كنت نوجد في لاطابل كنت نحس روحي ثقيلة قلت نخدم غير حاجة قليلة في الأول و الأخير هم عملو فيا مزية ...
قعدنا ناكلو حتى يهدر جدي مع لطفي :
جدي : وقتاه تبدى القراية تاع الجامعة ..؟
لطفي : إيييه عندهم سمانة من الي بداو ..
جدي : و أنتي يا طفلة واش كنتي تقراي ؟؟
حنين (بخلعة)أنا ؟؟؟؟
جدي : هيه هلا الحاجة فطيمة !!
حنين : سجلت العام هذا في الماستر أدب عربي ...
جدي : جبتي أوراقك و لا داوهملك ..؟
حنين :جبت كل شيء ...
#الحلقة_السابعة :
جدي : غدوة يا لطفي تعمل اللازم شوف كيفاه تبدلها هنا ...
جدي : ولا موش حابة تقراي ؟؟؟
حنين جيت نطير بالفرحة هذا الحلم الوحيد تاع ماما ...
حنين :أكيد نحب نقرأ ربي يعيشك و يخليك يا جدي ..
جداتي كانت تضحك أنها شافت الضحكة في وجهي أول مرة من النهار الي جيت ..
لطفي : ساهلة خلاااه سمانة و هي بدات القراية ...
كملنا لعشاء و دخلت لبيتي الي كانو وجدوهالي و فيها كل شيء تخيلوه التابلات الميكرو البورتابل أيفون التيليفيزيون لاكليم والله ماتخيلت يجي نهار و يفرجها عليا ربي فرحانة أني راح نبدأ حياتي من جديد دخلت عليا جداتي ....
جداتي : مازلتي مارقدتيش يا الغالية بنت الغالية ؟؟
حنين مزال يا جدة ..
جداتي : جبت نمدلك هذم مدهملك جدك تخرجي غدوة تقضي واش تحتاجي ...
#الحلقة_الثامنة :
حنين كنت مشوكية خاتر يبان مبلغ كبير مالقيت كيفاه نشكرها حتى لقيت روحي حضنتها و هي فرحت خلاااااه.
حنين : بصح حبيت نسقسيك جداتي نورمال كي راني بلا حجاب جدي ...؟؟
جداتي : النهار الي تقتانعي به ديريه جدك ماعندوش مشكل ..
رقدت الليلة هذيك و مارقدتش بالفرحة ....
طلع النهار نضت بكري فطرت مع الجميع ماكنتش نوض بكري ...
جدي حسيتو فرح كي لقاني قاعدة معاهم قال لطفي يحبطني معاه للبلاد نقضي واش حبيت و يزيد يجيبني نروح كي نكمل ....
لبست قشي و أنا نجري و هزيت صاكي و خرجت لقيت لطفي في الطوموبيل يستنى فيا ..
لطفي : صباح الخير .
حنين : صباح النور .
لطفي شوفي نوصلك للبلاد نعتلك منين تروحي ووين تجي و إستكشفي وحدك و نعتلك الحنوت تاعنا و إذا هملتي قوليلهم حانوت الحاج سليمان تعرفي ولا نروح معاك ؟؟
حنين : واقيلا نسيتي أني بنت العاصمة راح نهمل هنا ؟؟
لطفي : هههههه مالا يا بنت العاصمة هاكي الرقم تاعي باه إذا هملتي عيطيلي نجي عندك ...
مدلي لطفي الرقم تاعو و مشينا .
"لطفي 34سنة ولد خالي متخرج من الجامعة و قرر جدي يمدلو الحانوت الكبير ليه يحكمها خاتر جدي كبر و ماعادش يقدر يخدم وحدو يروح ساعة ساعة و برك ..لطفي معنى كلمة الرجل الشاوي الرزين و كل ملامحو تقول أنو فحل من خزرة عينيه لسموريتو الي تجي غامقة شوي ملامحو تشبهلي كيما يقولو الدم ...
وصلنا للسوق نعتلي الحانوت تاع جدي يا إلاااااهي واش كبير اللله يبارك فيه ذهب كبير و بزاف عباد تخدم فيه حسبتو حنوت عادي .
المهم رحت نحوس و ندور شريت الي عجبتني كل قش الخرجة و الدخلة و الملابس الداخلية و شوي إكسسوار و على خاتر تربيت على قدي ماقدرتش نصرف الصوارد كل متت بالجوع قلت نروح نتغدا و نرجع للحنوت عند لطفي حتى نلقى واحد واقف في جنبي و حاطلي موس في جنبي و قالي تتحركي تموتي أنا متت بالخوف .
#الحلقة_التاسعة :
كان يمشي فيا في هذاك السوق و حاط الموس في جنبي حتى ندور نلقاه طايح في الأرض و لطفي يقلي راكي لباس حنين أنا من الخلعة نبكي و حضنتو و قتلو كان راح يقتلني ...هو حكمني و قالي ماتخافيش و التجار الي في البلاصة هذيك تكفلو بهذاك السراق خليناهم طايحين فيه بالضرب و الدبز ....
لطفي : سامحيني خليتك رحتي وحدك أنا السبب الكلب هذاك .....
حنين : عادي تصرى كتبها ربي مانقولوش لجدي برك باه مايتقلقش ...
لطفي : أكيد جعتي هيا نروحو ناكلو ...
دخلنا لروستورون كبير الناس الي فيه كامل تعرف لطفي من العساس لمول الشيء بدأ يطلب في الماكلة من غير ما يسقسيني واش حبيت ....الحقيقة طلب كل ما لذ و طاب بصح أنا كان بالي في كسكروط شاورما ....
حنى جابلنا السارفار الماكلة قتلت للسارفار خويا معليش كسكروط شاورما و خزرت مع لطفي لقيتو حاير ..
حنين : ماتخممش أنا الي نخلصو ...
لطفي : براحتك ...
بدأ ياكل الله يبارك إتيكات كبيرة ههههه طلو عليا أنا كي نعود ناكل ههه
كنت قريب نموت بالجوع كي جاء الكسكوط طحت فيه كي المجاعة تاع إفريقيا ماهزيتش راسي خلاه حتى نلقى لطفي حاط يدو على خدو و يتفرج معايا ...
حنين : خير واش بيك تحسبلي في اللقم أني قتلك نخلصو أنا و لا سخفتي ؟؟ هاك ذوق ..
لطفي : هههه بصحتك أمسحي فمك برك راهو تمسخ ...
حنين متت بالحشمة مسحت فمي و شربت الجي و غطست راسي غي الأرض من البهادل الي نعمل فيهم ...
حتى نلقى لطفي شمخ السارفيات في الماء و مسحلي جيهة من فمي أنا تخلعت نحيتهالو و مسحت وحدي
#الحلقة_العاشرة :
حتى هو تخلع قالي أي لهريسة برك ماتنحاتش ....
وقفنا و كل واحد منا حاشم من الآخر مانعرف علااااه ..
لطفي : واش راني ندير أنا الطفلة صغيرة قد بنتي و ديجا واش قاعد نقول أنا جدي جابها تعيش معانا خاتر واثق مني و حبني نعاملها كي أختي ...
ركبنا في الطوموبيل مروحين وصلنا للدار دخلت و طلعت ديراكت لبيتي فرحانة بقشي الجديد و قعد قريب نص المبلغ قررت نرجعو لجداتي ..... بدلت قشي و لبست بيجاما حمراء فيها نقط بيض و جات قد لاطاي سوا سوا خرجت نحوس على جداتي نمدلها الدراهم حوست عليها في كل بلاصة مزال غير البيرو تاع جدي دخلت نشوف في المكتبة تاعو وااااااو كل دواوين الشعر و الصحيحين مسلم و البخاري كاملين مكتبة فيها كل كتاب تمنيت نقراه و ماقدرتش نشريه ... حتى يهدر من ورايا عبد يقلي واش عجبوك ؟؟ طرت في السماء و نزلت ...
كان لطفي يصلي ورايا و ماشفتوش .
حنين : والله ماشفتك تقبل الله ...
لطفي :منا و منكم ... تحبي تقراي الكتب ..
حنين : أكيد على هذيك درت أدب عربي ...
لطفي : مازال ماشفتي والو الأدب كامل راهو لفوق ....تحبي تشوفيهم ...
حنين : أكيد بصح كنت نحوس على جداتي مالقيتهاش ماشفتهاش
#الحلقة____11 :
لطفي: قالولي راحو زيارة لواحد مريض ...
طلعنا لبيت لفوق في السقيفة فيها الخرداوات و الكتب القديمة قالي لطفي بعد ما حج جدي نحى كتب الشعر الجاهلي كامل و المعلقات .... كنت مذهولة نقرأ و كي شغل لقيت كنز حتى نلقى تصويرة تاع ماما كي كانت أصغر مني حكمتها بين يديا و جاتني البكيا ولطفي قعد بصبر فيا ..: هذي هي سنة الحياة كثريلها من الدعاء والله مازالني نتفكرها و نتفكر ضحكتها لدرك ..
حنين : تشفى على ماما؟؟
لطفي : باينة خلااااه العام الي نجحت في السيزيام هي تزوجت و بكيت عليها حتى شبعت ...كانت هي الي تنعتلي في الرياضيات على هذيك قريتها في الجامعة ....
حنين : مليييح و أنا عكسك عيااااات معايا الفهامة والو على هذيك طلعت أدبية ههههه
مافقتش مع روحي حتى لقيت روحي نضحك والله حسيتو خويا الي ماجاباتوش يما ...
لطفي : " قلبي وجعني و أنا نشوف معاها و هي تضحك الله يبارك تهبل ... مانعرف واش بيا موش لازم نخلي الشيطان يوسوسلي الطفلة راح تعيش معانا يعني راح نشوفها كل يوم يعني لازم نتربى ....."
هابطين في الدروج و عينيا في نصها الي لتحت أووووف و زدت قعرت الباش كي قلتلها ديما تلبسي هك في الدار ؟؟
حنين : علاااااااه جدي مايحبش ؟!!
لطفي : أنا مانحبش ....
حنين : سامحني أنا موش محجبة و ما عرفتش أنك سلفي نحساب فيها لحية برك سامحني مانزيدش نحرجك ...
لطفي بإجابتها هذي زادت خلطتني خلاااه ...لا لا موش سلفي بصح أكي تعرفي ماعنديش خواتات بنات مانعرفش البنات كيفاه يلبسو في الدار على هذيك سقسيت .... حسيت نبتولي وذنين و ذيل تاع حمار و بديت نحڨ أووووف ..
حنين : هيا صحا و دخلت لبيتي ....واش بيه لطفي يبان حشااام خلاه ...
فاتت سمانة و تقبل طلب التحويل تاعي و غدوة أول نهار ليا في الجامعة الجديدة تاعي كنت خايفة خاتر كنت منطوية و مانحبش نخالط نضت الصباح تدوشت و لبست سروال دجين و ليكات بيضاء و صوندال دومي طالون فطرت و قالي لطفي نوصلك كان طريق كاملة يوصي فيا... يقلقوك عيطيلي ...أي حاجة خصاتك قوليلي في أي وقت و أنا قلبي يخبط تقول راح ندخل نقرأ سنة أولى إبتدائي .
#الحلقة___12 :
دخلت قريت الساعة الأولى عادي القراية نفسها في كل بلاصة عندي ساعة فارغة في النص خرجت لقيت كرسي فارغ قعدت نتقرج في فيديو في اليوتوب و دايرة الكيت مان و مقابلني كلون تاع بنات و ذراري يشوفو معايا و يضحكو أنا ماقيمتهمش مامبا شعري كان طويل بوكلي كيما موالف ... حسيتو لصق في حاجة ندور نلقى واحد حاكمو و يدير في مسرحية من ورايا كيشغل يغسل في المواعن بيه أنا نحيت الكيت و قتلو بصح ماتحشمش و مشيت و صحابو الي مقابليني ميتين بالضحك و هو وجهو صحيح قعد ماشي من ورايا و يقول :: كشرووود ..كوكاوة ... كريبيتو ...ميريام فارس أهدر معانا أزين واش بيك تقيم في روحك تبان جديد ....
حنين : أنت تبان مجنون روح داوي راك كبير .....
أحبسي نهدرو برك؟؟
حنين : أهدر نسمع ؟؟
ممممم واش راكي ؟
حنين : اهيه !!!
أنا عبد القدوس متخرج ماستر 2 سبور و قاعد شوماج ...
حنين : مانقدرش نقلك تشرفت خاتر باين فيك كبير و جايح ....و مايشرفنيش نعرف عبد كيفك نقطة أرجع للسطر .
خليتو واقف في بلاصتو و مسمر ههههه شح فيه و رحت قريت و خرجت باه نروح عيطلي لطفي قالي أخرجي راني نستنى فيك برا .
خرجت نلقى هذاك الجايح واقف كان حاب يهدر معايا بصح زربت ركبت ....
لطفي : كيفاه كان أول نهار ليك ؟؟
حنين : عادي ...
لطفي طيشت عيني نلقى القفلة الفوقانية تاع لاشيميزي محلولة و صدرها باين شوي ....فرينيت في نص الطريق و قلقت و بديت نخلط حكمتها من الليكات و قلتلها و هذي علاه محلولة ولا هذي تتحل غير كي تدخلي للافاك .
#الحلقة_____13 :
حنين : تخلعت زربت قفلتها و أنا خايفة منو و بديت نحلف والله ماشفتها كي تفتحت والله موش بالعاني سامحني ....حسيتو خويا
لطفي فقت مع روحي أني زودتها و ردة فعلي موش نورمال من الي جات و أنا عدت نعمل ياسر حوايج و نندم عليهم مع أنها بنت عمتي و برك ماعندي عليها حتى سلطة .
كملنا للدار و فاتت ليام و أنا يديني لطفي و يجيبني و مابقاش يهدر معايا كي الأول جبد روحو بصح أنا ماكانش يهمني ...
لطفي: رايح نهبل و أنا نخمم فيها كل يوم معايا و أنا نمثل أني نورمال طحت فيها من غير مانحس ...
نهار دخلت للفاك نلقى هذاك الطفل الي إسمو عبد القدوس واقف و يبان يهبل من بعيد تحسي حاجة تجذبك باه تخزري فيه و هو عينيه فيا من الي دخلت حتى راحتلي المشية دارت رجلي و طحت و تبهدلت و جيت نوقف ماقدرتش ..
جاء يجري يسقسي فيا إذا لباس ؟؟
حنين : أخطيني كلو بسبابك .
عبد القدوس : هههه وأ نا واش درتلك ؟؟
حنين : روح أخطيني ..
عبد القدوس : خليني غير نعاونك تقعدي في الكرسي يزي بلا خشونية راس ....
حنين : حكمني من يدي و حط اليد الأخرى تحت ذراعي باه يهزني و أنا نسيت الوجع تاع رجلي و حكمتني القشعريرة في كامل جسمي ...حمار وجهي و كذبت نلحق للكرسي ....
قعدت في الكرسي و هو هبط لرجلي و نحالي الصوندال و بدأ يدلكلي فيها .
حنين : واش راك تعمل الناس كامل تشوف فينا جبدت رجلي بصح هو زاد حكمهالي و قالي نسيتي أني قتلك راني أستاذ تاع سبور يعني قريت عليهم الحوايج هذم يشوفو على رواحهم الغاشي كي نحب نديرو حاجة نروحو لبلاصة مدرقة ولا غلطت ...و غمزلي ...
حنين : قتلك راك مهبول واش من حاجة نديروها و خذيتي راحتك عللخر هيا تقدر تتفضل و شكرا تنحى عليا ...
عبد القدوس : مستحيل تقدري توقفي منا راهو تقطعلك لحم هيا نديك لسبيطار ..
حنين : مارسي درك نعيط لولد خالي ...
عبد القدوس : مممممم مول الشكارة ... حبيب القلب ..
حنين : موش حبيبي راهو كي خويا ...
عبد القدوس : ههههههه قديمة البنات تاع درك كامل كيف كيف تحبو مول الحديدة و تكرهو الزوال
#الحلقة______14 :
عبد القدوس : خاتر أنا الي ضربتك بعين طيحتك و لكن ماتخلينيش نوصلك للسبيطار قادر مفعول العين تاعي يمشي و يتفشى و تتشلي لاقدر الله بعيد الشر ..
حنين : ههههههه علاه هذي عين ولا حصبة ...خلاص عاوني نوصل للطريق و حبسلي تاكسي و كثر خيرك و مسلمين مكتفين يا الشيخ عبدو ...
عبد القدوس: دقيقة و التاكسي تكون عندك ..
راح دقيقة و نلقاه مڨاري قدامي يسوق في طاكسي حضري ..
حنين : أووووف أنت توت أولسيون ؟؟ ماخي موش راح تخطفني برك ؟
عبد القدوس : والله نوصلك لداركم بخير و على خير راني شاوي و فحل .
حنين : أممممم حوحو يشكر روحو ...
ركبت معاه و هو كي الإذاعة يهدر في كل شيء يقتل بالضحك وصلنا للسبيطار دارولي بونداج تاع ألكول لرجلي و قالولي لازم ماتعفسيش عليها 3أيام حتى يرتاح اللحم خرجنا و هو يسايس فيا و مازال حاكمني و فات علينا واحد صحبو ...
واش عبدو واش بيها المدام ؟؟؟؟
عبدو : أونسانت لعقوبة ليكم هههههه
حنين : تبانلي مختل عقليا أنت هيا كمل الأجر تاعك بلا هدرة زايدة ...
عبدو : قلقتي أكشرودة ؟؟
حنين : خليني نروح وحدي أنت ماتعرفش تبلع شوي لازم تشرك فمك ياخي سامط .
عبدو : هههههههههههه خلاص خلاص والله غير نضحك معاك والله تهبلي ...
حنين حشمت متت أول مرة يقلي واحد راكي مليحة موش خاتر أنا موش مليحة بصح عمري ما مديت الفرصة لحتى واحد يفوت حدودو بصح الكلون هذا يمرمدني و يقول واش يحب عادي ...
نعتلو الدار وين و كي وصلنا حسيت وجهو تبدل .
عبدو : ماتقوليليش تسكني هنا ؟؟
حنين : هيه واش فيها ..
عبدو : هيا بالسلامة و ربي يجيب الشفاء و سامحيني على الإزعاج .
حنا حبسنا و لطفي حبس من ورانا و كنت نشوف فيه يبان قلقان .
لطفي وين راه تيليفونك ووعلاه ماتهزيش ؟
حنين: قعدت ساكتة حليت الباب و حاولت نهبط و عبدو قالي أصبري نعاونك ...
#الحلقة_____15 :
ثم قالو لطفي مايشقاش يعطيك الصحة و جبد باه يخلصو بصح عبدو ماقبلش يحكم عليه قالي ربي يجيبلك الشفاء و راح .
لطفي : شكون هذا ؟ واش بيها رجلك ووعلاه ماتهزيش ؟؟
حنين : أصبر ندخل نقعد قتلني الستر ...
لطفي حشمت على روحي واقيلا غرت كي شفتها مع هذاك البوقوص بصح باين طاكسيار وعلاه حتى نغير ؟؟ راح نهبل واقيلا أصلا علاه نغير ...
دخلنا للدار تخلعت جدة و جدي و قعدو غير يسقسو فيا واش بيك و حكيتلهم و خلاص ...
راقدة في بيتي حليت الفبسبوك حتى نلقى لافوطو تاعي دور في واحد القروب أنا قاعدة و عبدو حاكملي رجلي و كاتبين فوقها شوفو الحب الجزائري ... أنا جيت نهبل يعني يكون عبد القدوس الي دارها حوست كامل ليكومنتار حتى لقيتو مكومونتي و يسب فيهم و قاللهم درك تنحوها لافوطو ثم إرتاح بالي أنو خاطي هو الي نشرها .. بعثتلو في المسنجر قتلو "مارسي على الي عملتيه و تعيش قوللهم ينحوها "
ثم بعد رد عليا .. واش راكي شوي واش راهي رجلك ...
حنين : لاباس خير من الصباح .
عبدو : الحمد لله عندك على روحك و ماتزيديش تلبسي الطالون ...
حنين أوووف منك ماتعرفش تسكت مادبرش ...؟؟
عبدو : خلاص درك تنتشر العين تاعي ...
حكاية تجيب حكاية هدرنا قريب ساعتين ...حكالي فيها قصة حياتو من النهار الي زاد ...
عبد القدوس 26سنة ماستر 2و يحضر في الدكتورة و يخدم فرودار ناس على قدهم عندو 3خواتات أصغر منو يعاون في باباه باه يقريهم حكالي كل شيء وعلاه ديما في الجامعة يفرودي..
بصح أنا قتلو غير رؤوس أقلام بابا و ماما ميتين و كنت نسكن في العاصمة و درك نسكن في دار جدي ..
#الحلقة_16 :
حنين: معليش نبقاو أصدقاء ؟
عبدو : أنا مانضمنلكش مانأمنش بصداقة بين مرأة و راجل ...
حنين : خلاص كيما تحب معريفة خير و بالسلامة ...
عبدو ': علاه تتقلقي في ساع أعطيني النيمرو تاعك ...نحب نسمع صوتك مرة على مرة
حنين : ماعندك ماتعمل بيه رانا نحكيو في الفايس ...
حتى نلقاها عيطلي في الماسنجر كوبيت عليه مرة و زوج بصح والو ....هزيت و غير ساكتة .
عبدو : ماتهدريش على روحك حبيت نقلك عجبتيني من النهار الي شفتك فيه و نحب تكون بيناتنا علاقة غير أختي و صديقتي فهمتيني ؟؟ ماتجاوبينيش درك خممي مع روحك و ردي عليا ... تصبحي على خير
حنين : بقيت نخمم واش راح نقول عمري ما شفت واحد جريء كيفو مانكذبش عليكم عجبتني طريقتو كي يفرض عليا رايو نحسو شخصية قوية و زيد مشاعري تحركت الصباح كي حكملي يدي ....
في الجهة الأخرى كان لطفي يبات يحلم بحنين ماتروحش من خيالو ...
طلع النهار ...
حنين فتحت التاقة تاعي نشوف لطفي في البسين يعوم الله يبارك راجل كامل مكمل مانعرف عندو حبيبة ولا لا ؟؟ و يقص عليا صوت لاپال في المسنجر ...
عبدو : صباح الخير كشرودتي الجميلة ...
حنين : خلاص وليت تاعك وواشي هي كشرودة تاعك شعري يهبل واش خصو ...
عبدو : ماخي قتلك تهبلي و تسحري ... واش صبحت رجلك ؟؟
حنين : لاباس بصح موش رايحة ...
عبدو : نجي نوصلك راح نتوحشك ...
حنين : خلاااااص صدقتك ...هيا طير خليني نهبط نفطر ...
عبدو : عندك على روحك ..
حنين ماعرفتش كيفاه دخل عبدو روحو في حياتي حتى لقيت روحي نخمم فيه ...
فاتت سمانة مارحتش نقرأ فيها و بعد محاولات كثيرة من عبدو هدرت مع جدي باه نعود نروح وحدي للافاك بلا ما يوصلني لطفي ...و قبل جدي بصح لطغي تقلق و قالي دبري راسك ..
هذي السمانة الأخيرة قبل الفاكونس تاع الربيع كل يوم نشوف عبدو 4مرات من الي يفوت قدام الجامعة يعيطلي يشوفني ..
5تاع العشية كملت آخر TD. نستنى في عبدو يجي يوصلني جاء ركبت معاه ..
عبدو : واش راهي القطة تاعي ...
حنين : لاباس (حشمت )
عبدو : ماتزيديش ديري كيما هك نزيد نهبل .... عندي ليك مفاجئة ..هيا نروحو ..
حنين مانكذبش عليكم هدرة عبدو و نظرتو و تبسيمتو كل حاجة يعملها تخلي بلاصتها في قلبي وليت نحبو من غير مانحس رجولتو الي يمزجها في قالب فكاهي يخليني نضحك من قلبي معاه ننسى الهم الي عشتو في صغري ننسى قسوة أعمامي
#الحلقة____17:
حنين تعيش عبدو قلي وين رايحين راح الحال راهي قريب6
عبدو : أصبري رانا وصلنا ....
حنين كانت صح غابة و تبان تخوف و حنا ماشيين فيها بديت نخاف و الأسئلة تاعي تكثر بصح غير حبسنا و هبطنا تفاجأت ....
عبدو : هيا واش رايك في البلاصة ؟؟
حنين كنت نمشي و دهشانة من الي راني نشوف فيه وااااااو عبدو وين لقيتيها البلاصة هذي شكون خدمها ...
عبدو :سر مانقولكش ...
كانت بلاصة في الغابة أشجارها كأنهم ريدو هابطين و غير هزيتهم لقيت كرسي مخدمو من الحطب و المنظر الي يطل عليه كان اللارج يعني البحر و غروب الشمس و غير تشوفي التحت تلقي جرف عظيم واش راح نقلكم حسيت أني معلقة في السماء و قاعدة في نص النجوم ..
حنين : عبدو واش لبلاصة هذي يا ربي تقول راني نحلم ...
عبدو قرب عندي و حكملي يدي ...و قالي ..
حنين و أنا عندي حلم حبيت تحققيهولي حنين نحبك و نحب نكون معاك ..
حنين : جبدت يدي بالشوي و قلبي يضرب بالقاوي ... راني معاك عبدو ... واش باغي تزيد .
عبدو : حبيتك حبيبتي و مرتي في القريب . ...
حنين حسيت حاجة تقلي حضنيه و قوليلو نحبك حتى أنا بصح سيطرت في روحي و درت للجيهة الأخرى ماقدرتش نخزر فيه .. قابلة نكون معاك بصح ماتزيدش تطلب كثر ...
عبدو مافقتش بروحي حتى حضنتها هكاك و بستها على رقبتها و قلتلها نموت عليك حبي ...
حنين : كنت راح ندوخ و نطيح في الأرض حكمتني لافيشلاس هههه بصح جبدت منو و قتلو أديني نروح لا يسحتونييييي
عبدو : ندي الكبدة ندي عمري حتي يجي النهار الي نديك لداري .
#الحلقة__18:
وصلني عبدو للدار و أنا في عالم الأحلام طايرة فوق السحاب ...
الي يعدر معايا يلقاني سرحانة و نخمم في النفس تاعو في رقبتي في شواربو في رقبتي الكيمياء تاع جسمي تقلي هذا هو العبد الصحيح هذا هو القالب تاع مشاعري ....
كانت وسام بنت خالي ضيفة عندنا ...
وسام : "طبطب طب .... معليش ندخل حنين ؟؟!
حنين : تفضلي البيت بيتك ...
وسام: سامحيني حبيبة مازدتش رجعت من بعد العزاء حبيتك تريحي شوي و توالفي على الوضع الجديد ..
حنين : السماح أصلا أنا الي كنت رافضة نهدر معاكم أنتم عملتو الي عليكم و كثر ...
لطفي يهدر من وراء الباب معليش ندخل ؟؟
حنين تفضل ...
وسام خلي خلي نعدل شعري .... و توترت بطريقة غريبة ...
لطفي واش راكم تتوانسو شبعتو حكايات ...؟!
حنين : هاني نتعرف بأفراد الأسرة بالشوي ..
قعد بحذا وسام و حضنها و قلها واش الغيبة هاذي ألالة واشي نسيتي أنك عندك ولد عمك لا تلفون و لا ميساج وينك ؟؟
وسام نشوف في وجهها راح ينفجر بالسخانة ...والله والو راك تعرف الخدمة و زيد مانحبش نديرونجيك ...
لطفي :أهدري الصح برك ولا قبلتي بولد البروفيسار و درتيلنا ليكيديشن ..
وسام : لا لا لا لا والله ماقبلت راني قلتلهم لا ..
لطفي:هيا مليح واش أخبار السبيطار و عمي لاباس ..
وسام : راهم يسلمو عليكم كل .
لطفي بزايد قصايص و هيا تتعشاو أم يستناو فيكم.
حنين :روح رانا لاحقين ..
خرج لطفي و قعدت نشوف مع وسام كأنو واحد كان حاكم النفس تحت الماء و خرج .... كانت حاطة يدها على قلبها و تتنفس بالقوة
#الحلقة_____19:
حنين : ماخي لاباس وسام ؟
وسام : مارانيش لاباس من الي نشوفو تصرالي هك ... شفتيه كي حضني ؟؟
حنين : ماتقوليليش تحبيه ؟؟
وسام : غير نحبو برك ؟؟
حنين و هو ؟؟
وسام موش عارفة المهم أنا من الي يقربلي يضربني الزلزال هههه.
حنين : ههههههه هيا نروحو نتعشاو يا ضحايا الزازال و الليلة نسهرو عليها ....
تعشينا و طلعنا لبيتي و بقيت نحكي أنا و وسام كانت طايحة في لطفي للنخاع على فكرة وسام بنت خالي 27سنة المخ تاع العائلة تخدم طبيبة و تعشق في لطفي من أيام الطفولة عمرها ملعرفت غيرو و عايشة على أمل يجي نهار و يخطبها ...
وسام : شفتي عينيه واش ملاح شفتي كتافو واش عراض يهبل يهبل...
حنين :راهي 3تاع الصباح ماتعبتيش و أنتي تحكيلي عليه ؟؟
أنا نهدر و البورطابل صونالي ...
وسام: مانتعبش ....و قصت عليها حنين أسكتي أسكتي ....
حنين : ألوووو...
عبدو :واش راهي حبيبت قلبي ..
حنين لاباس واش راك أنت ؟؟
عبدو :مارقدتيش تستني فيا نعيطلك عمري ؟؟
حنين : لا لا راني سهرانة مع بنت خالي وسام راهي غايبة عندنا ...
عبدو :سلمي عليها و قلها راني نحسد فيك أنت راح ترقدي الليلة في جنب قلبي ...
حنين : أحشممممم.... و هيا تصبح على خير ...
عبدو : ماتمديلي والو ..
ماش نمدلك ؟؟
أممممموااااح .
ياخي سامط باااي
نحبااااااااك.
كوبيت مع عبدو وسام كانت تسقسي فيا ..
يا واحد الوحييدة و مخليتني من الصباح و أنا نرحي و نهدر على لطفي و أنت عندك حبيبك و ما قلتيليش ..
حنين : وعلاااه خليتيني نهدر هههه
صح كي نجبد عليه ننسى روحي نولي نهدر 1000في الساعة
نحكيلك مالا على المهبول الي نخرج معاه
#الحلقة___20:
حكيتلها كل شيء و هي عايشة معايا في القصة من الأول للآخر ...
وسام : والله عجبني عبدو رومنسي و مهبول ههههه
حتى أنا هذا واش يعجبني فيه ..
نحبيه ؟؟
والله مانعرف بصح والفت بيه في وقت قصير ملأ عليا دنيتي يعيطلي في كل وقت و يسقسي عليا ...
هذا هو الحب يا بقرة هو الإهتمام ...
هيا نرقدوووووووو
رقدت أنا ووسام و من بعد ما كنت الطفلة الوحيدة الي ماعندها لا أم و لا أب و لا إخوا و لا أخوات عوضني ربي بعايلة كاملة مليانة حنان ناس يهمهم أمري و يحبوني ..
فاتت الأيام كان حبي لعبدو كل يوم يزيد و هو عاد مجنون بيا ماتفوتش دقيقة مايهدرش معايا و اليوم عندي 9 شهور من الي عرفتو ...
ألو حبوبتي دقيقة نكون عندك
هيا راني نستناك ...
كان لطفي دوزيام أبال في وذني كوبيت على عبدو و هزيت على لطفي ..
ألو لطفي لاباس ؟؟
لطفي عندي ليك حاجة راح تعجبك راني جايك للجامعة ..
بصح عندي حاجة نقضيها ...معليش تأجلها لطفي ...
ميتحيل لازم دقايق و نكون عندك ...
حنين : عبدو ماكان لاه تجي لطفي راح يجي يديني و يقلي كاين حاجة مهمة محتاجك فيها ..
عبدو : ماتروحبش قلبي موش مهنيني ...
حنين : موحال مانروحش أفهمني حبيبي ...
عبدو : على كلمة حبيبي هذي روحي و تطوليش راني نستناك تعيطيلي نتقابلو و ماتخليهش ياخذ راحتو معاك و عندك يخطبك ...سمعتي !!
ياخي مهبول كشما كاين أخ يخطب أختو باي راهو وصل .
ركبت مع لطفي و موش عارفة واش مخبيلي ...
لطفي : (في قلبو )نعرف أنها بعد الكادو هذا راح تعشق فيا و لازمني نصارحها على الي في قلبي و الي يصرى يصرى ...
وصلنا لقاراج كبير نعرف أنو تاع جدي
بصح لطفي علاه جبتني هنا ؟؟
أصبري تشوفي ....
ضغط على الكوموند تاع الباب بدأ يتحل بالشوي و نشوف في طوموبيل حمرة ميني كوبر و فيها بابيون روز كبيرة و في وسطها دبدوب أحمر كبير ...
لطفي :سنة حلوة يا جميل كل عام و أنتي بخير ..
أنا دهشانة و ستعجبة من الي راني نشوف فيه هذي ليا ؟؟؟
باينة خلااااه ليك عجباتك ..
حنين :وعلاه فيها حاجة ماتعجبش تطير العقل ... بصح لطفي بالزاف هك لا لا مستحيل نقبلها ....
لطفي :حاجة ماهي ياسر عليك هذي أقل حاجة ...
حنين بصح جدي ....؟؟
لطفي : واش بيه ؟؟ أصلا هو صاحب الفكرة ..هيا وجدي روحك من غدوة نبدأ نعلمك تسوقي ..
حنين موش مصدقة جدي !! و الله ظهر أحلى جد في الدنيا كل ..
لطفي :و أنا ؟؟
أنت هو خويا الي ماولدتوش ماما و حضنتو بكل قوتي أنت أحلى أخ بالدنيااااا .
#الحلقة___21:
لطفي : شعلت فيا النار حبيت نحكمها نبوسها و نقلها نعشق فيك بصح كلمة خويا فسدت عليا كل شيء ...
روحنا للدار جريت عند جدي و ترميت في حضنو و الله يا جدي نحبك و أنت أحلى حاجة ظهرت في حياتي أنت و جدة طبعا ... بصح بالزاف عليا هك راح تخليني نحشم .
جدي : ماتحشميش و عمرك ماتحشمي و مادام أنا حي هزي راسك و عاودي راني هنا .
ثقة كبيرة تزرعت في نفسي من النهار الي جيت مابقيتش الطفلة الضعيفة المسكينة اليتيمة الي الناس كامل تشفق عليها وليت مرأة واثقة أنو عندها ناس مستعدة تضحي على خاطرها ...
ألو حبيبي راني جاية أستناني نوصل و نقلك واش صرالي ...
وصلت عند عبدو ركبت معاه في التاكسي و رحنا لبلاصتنا لقيتو وجدلي كل شيء بمبونات حمر على شكل قلوب و تارت و كل شيء حفلة صغيرة في الغابة أنا ما كنتش متفاجئة كنت نعرف أنو نهار عيد ميلادي و راح يديرلي سوربريز ..
عبدو : واش رايك؟؟
حنين مليحة ... حبيت نقلك واش جابلي لطفي في عيد ميلادي موش راح تصدق ؟؟ و جبدت المفاتح من صاكي
#الحلقة_____22:
و قتلو تاراراراا طوموبيييييل ..
و ثم حسيت عبدو قلق و تبدلت ملامح وجهو ...
عبدو :أهيييه و واش يكون لطفي هذا باه يجيبلك طوموبيل ؟؟
حنين : ولد خالتي الي تعرفو ..
عبدو : (بصوت العالي )علابالي نعرفو واش يكون بالنسبة ليك أنتي...؟
حنين : واش بيك تعيط ؟!راني قتلك راهو كي خوبا ...
عبدو : راني راح نبدأ نتحول و مانوليش بشر نحبك ترجعيلو المفاتح و تقوليلو ما سحقيتش و ديجا ماعندكش البارمي و ماتعرفيش تسوقي ..
حنين : راهو قالي كل يوم نديك نعلمك شوي ...
عبدو عاد الدخان يخرج من وذنيه أنتي بهلولة ولا تلعبي فيها كيفاه كل يوم يعلمك هو.... يعني كل يوم و أنتي معاه و كل يوم و هو يزيد يتقرب منك أكثر غير فيقي و ماتحشيليش السيد راهو قاعد ينصب في الشبكة ليك و أنتي مازالك في حكاية خويا ماكانش راجل يعمل هك حتى لأختو غير إذا كان يعشق فيك ....
حنين أنت مهبول و عماتك الغيرة لطفي عمرو ما غلط معايا ولا عمل حاجة خاطية أنت الي موسوس ..
عبدو هيه موسوس و تعرفيني مهبول و ما نقدرش نتخيلك مع غيري ..حكملي يديا بالقوة و يهدر معايا ..
آييي عبد و جعتني ...
عبدو تعرفي لكان يديك عليا نطيش روحي منا نحلفلك بربي ...
حنين : جاتني تصويرة ماما بين عينيا و هي ميتة و مافقتش بروحي غير و أنا حاكماتو و محضناتو و نقلو لاااااا غير هاذي ماتقولهاليش تعيش راك تعرفني نحبك عبدو
شفت في عينيه نظرة العشق الي ماعندوش حد عشق لحد الجنون .
من غير مقدمات جبدني عندو حط شواربو مع شواربي و أنا غمضت عينيا و إستسلمت للشعور الي راني فيه حركة فمي مع فمو لمسة إيدو ليا كانت أطول بوسة في تاريخ الإنسانية كنت نبعد في فمي و هو يمص فيه و في الأخير ختمها بعضة صغيرة صح وجعتني شوي و خلت أثرها في شفايفي بصح كانت أحسن حاجة صرالتي ...
كنا قاعدين في الأرض مقابلين البحر راقدة بين رجليه مغمضة عينيا و يدو تلعب في رقبتي إحساس لا مثيل له حسيتو حابب يهبط لصدري بصح ماخليتوش نحيتلو يدو بالشوي و هو قالي ..
حبيبتي لكن يخطبوك تزوجي غيري و لا تهربي معايا؟...... و رجعت لحكاية ماما و بابا و تحطيت في نفس المقارنة بصح في داخلي نقول مستحيل نعاود حكاية ماما. ..
قتلو خلينا من تخيلاتك أنت كمل الدكتوراة تاعك و الباقي ساهل .
رجعت للدار فرحانة أني عايشة أحلى قصة حب في الدنيا كل قلت ندخل ندوش و نرقد كان نهار طويل و مليان أحداث.
دخلت تدوشت و خرجت في السورتي دبان و عاملة المنشفة على شعري حتى يخرج لطفي من بيتو عريان غير في الشورت ....
الحقيقة أنا و هو توترنا في زوج بصح حطيت راسي في الأرض و عديت حتى نشوف الأرض لعبت تحت رجليا و ضربتني الدوخة و طحت ...
و مافقتش غير و أنا في بيت لطفي راقدة في سريرو و حسيت شفايفو كانت فوق شفايفي و يعدي جدي في الكولوار و يشوف هذاك المنظر ....
جدي واش ..... يتبع
#الحلقة___23:
جدي:: واش راكم تعملو. يا ولاد الكلااااب ؟؟
أنا الموت حضرت عندي و لطفي حسيتو راح يبول على روحو ...
لطفي والله ماتفهمنا بالغالط والله ماكان شيء أجدي ...
جدي : أسكت لا نضربك نقتلك الليلة هذا الشيء يتعمل في داري؟؟؟? في دار الحاج سليمان؟؟؟؟! وانا وجه نقابل بيه ربي و أنا فاتح بيتي تبرنة ليكم ....كان لازم نعرف أنو النار و التبن مايتحطوش قدام بعضاهم . بصح في الدار هاذي غير كلمتي الي تمشي سمعتو ؟؟؟ و تحبو تعملو الشي هذا كاين حاجة إسمها الحلال ....
لطفي : و الله يا جدي كنت راح نهدر معاك والله كنت راح نقلك أخطبهالي راك تعرفني و تربيتك والله راهو الشيطان..... الله يلعنووو راني كل يوم نقول نفاتحك في الموضوع و مالقيتش فرصة ... و حنين خاطية أنا الي قربتلها ...
حنين كنت مازلت نشوف في الدنيا دور بيا كنت ندعي ربي أني نكون مازلت فاقدة الوعي و الي صرالي و الي سمعتو كامل حلم مستحيل الي سمعتو صحيح
جات جدة تجري و كانت مشوكيا حتى هي من منظرنا و تقلي وعلاه يا حنين بنتي تمسخي في روحك بالفعايل هاذو و أنا مبكشة موش عارفة واش راح نقول غير نبكي يا ربي واش الي صار ...
جدي : شوفو أنت غدوة على الصباح تروح لداركم تهدر مع أمك و باباك و لعشية نحب نلقاكم واقفين هنا قدامي و ديرو في الواجب الطفلة هذي أمانة عندي موش راح نخليك تلعب بيها هيا أقلب خليقتك عليا و ألبس حاجة تغطي بيها لحمك ....
حنين دخلت لبيتي و دموعي تسيح كي المطر مرة أخرى التاريخ يعيد نفسه كأنها هدرة عبدو منامة و تحققت كأنو شافني و أنا راح نزوج و نخليه يا ربي واش راح ندير
#الحلقة_____24:
وعلاه و وسام مسكينة تعشق في لطفي مستحيل نخدعها و في نفس الوقت مانقدرش نعاود اللقطة تاع ماما و نكسر كلمة جدي بعد الي عملو معايا كل ياربي جيبلي حل من عندك ....
كانت هذي نقطة تحولية في حياة حنين القرار المصيري الي راح تحسم بيه حياتها .... ثلاث منعطفات لازم تخير واحد فيهم ....
إما تكون أنانية و تخير تعيش حياتها مع لطفي الي ظهر يحبها و مع الوقت تتعلم تحبو ...
و إما تكون أنانية ثاني و تخير حبيب قلبها و تعفس على قلوب و كرامة الناس كل الي أحسنو ليها و عاونوها في الوقت الي قررت أمها تتخلى عليها ...
و إلاااااا...
7تاع الصباح الشمس حزينة على غير العادة الطيور الي في السماء عاملين حداد مانعرف على شكون نضت بعد نص ساعة رقدت فيها و فقت على كابوس يخبرني نروح ....لبست أغمق لون عندي في الخزانة حاجة تعكس مورالي ....خرجت ... حبست تاكسي ...
مدموزال أنتي الي تخرجي مع صحيبي عبدو والله ناس ملاح و يعشق فيك و..... (مازالو يهدر )....
دموعي ويدان تهبط من غير حساب وصلت لقمة الإكتئاب وصلت لمرحلة بينتلي فيها الدنيا أنو ماعنديش بلاصة فيها كانت الحياة رافضة تخليني نعيش سعيدة ههه كيما يقولو "الطفلة تخرج لأمها ""
وصلني التاكسيار لبلاصتي أنا و عبدو قاعدة في الكرسي نتفرج السماء تقلي طيري و أرواحي عندي ...
و البحر بقلي أعطسي و أرواحي عندي ...
الخيار الثالث ننهي حياتي و مانجرح حتى واحد يبكو عليا شهر و ينساوني هذا هو الحل عمري ماكنت أنانية عمري ماكنت إنسانة قليلة خير دموعي تهبط و أنا نخمم في عبدو الي عشقني من أول نظرة .. .و نحب يكون صوتو آخر صوت نسمعو في حياتي ...
عبدو :يعطيك الصحة أجاري ....تعيش كي قلتيلي بصح والله ماعملتلها حاجة الطفلة رانا أنتيك ....
واش بيها حنين رايحة ثم على الصباح لازم نروح نشوف واش بيها ....مابقاليش و نلحق للبلاصة صونالي البورطابل حنونتي حبيبتي عرفتها راح تقلي أرواح مانهزش عليها حتى نلحق ....
حنين: واش بيه مايهزش حراااااام هذا آخر طلب ليا يا دنيا حتى صوتو حرمتيني نسمعو حرااااام و إنفاجرت بالبكاء ...
عبدو خلاص أني وصلت يا حبي أصبري ....حبست الطوموبيل شوي بعيد و رحت على رجليا باه ماتفيقليش ...نجي نطل عليها ....حنين واش ديري أجبدي هنا لا طيحي ....
حنين : علاه جيتي شكون قالك أرواح أخطيتي خليني نمووووووت ...
عبدو :ماتهبليش أجبدي هنا الأرض مبلولة تزلقي هيا حبي لا ماتعملي والو ...
حنين : سامحني عبدو بصح مانقدرش نزيد عيش حياتك و حب غيري و أنساني راني نحبك و عشقت فيك ...
#الحلقة_____25:
عبدو : أحكيلي واش كاين تخليني و تحبيني نعيش ما تعرفيش أنك أنتي روحي و إذا رحتي مابقاتلي حتى حياة أستني إذا راكي حابة طيشي روحك خلي نطيشو كيف كيف و نشوفو شكون يوصل للأرض الأول (و جاء وقف بحذايا و حكملي يدي )
حنين : واش راك تعمل مهبول مارانيش نضحك معاك ...
عبدو :شفت الخيبة و الحزن في عينيها شفت وحدة مابقالها حتى شيء تعيش على خاطرو حنين حبيبتي تبدلت بين ليلة و نهار لازم نحط حد للدراما هذي ....
حكمتها طيحتها في الأرض و راقد فوقها تحسابي ساهلة تروحي و تخليني نعيشو كيف كيف و لا نموتو كيف كيف ....هي تبعد فيا و تبكي خليني أخطيني قيلنيييي علاه عبدو علااااه خليني. ...ً
عبدو : حطيت فمي في فمها و بسستها بالقوة حتى سكتت و تكالمات و بدات تبوس فيا حتى هي ...
نحبك يا مجنونة حسبت غير أنا نحب الأكشن طلعتي أكثر مني ماتزيديش تعاوديها ماكانش حاجة في الدنيا تستاهل حتى أنا .
حضنتني و تبكي و عرفتها حاجة كبيرة ....
ساعة و حنا قاعدين و عبدو محضني لصدرو حتى رجعت فيا شوي الروح و تنحت عليا هذيك الغمامة على عينيا ...
بدات حنين تحكيلي بالشوي و قاتلي لطفي لعشية يجيب أمو و باباه و يخطبني من جدي و جدي قابل و أنا مانقدرش نقول لجدي لا و عاودت حكاتلي قصة أمها من (أ_ي) و ماتصدقوش واش تأثرت وواش تحطمت حبيت أنا ننتاحر و نخليها تعيش مرتاحة حسيت روحي حجرة في طريقها مانقدرش نقللها روحي عيشي حياتك خاتر حب حياتي و مستحيل نسمح فيها .... أصبري برك يا قلبي درك نلقالها حل درك نهدر مع لطفي و نحكيلو على الي بيناتنا ...
حنين : نخاف يقول لجدي ...
عبدو :شوفي في عينيا ماتزيديش تخافي من والو و أنا معاك ..
حنين حسيت بأمان كبير و رجعلي الأمل في الحياة ...
أعطيني النيمرو تاعو درك نروح عندو درك و نهدر معاه قبل ما توصل لدارهم و تكبار أوكي حبيبي هيا نوصلك للدار و أوعديني ماتعملي في روحك والو و تعيشي بيا و لا من غيري راني والله نحبك ...
حنين : حتى أنا نحبك ...
خرجنا من البلاصة تاعنا الخاصة و ماشيين رايحين نركبو غي الطوموبيل حتى يهجمو علينا 4رجال مغطيين و جوههم و في يديهم السيوف و السكاكين ...جبدني عبدو وراء ظهرو و قالي كي نقلك أهربي أهربي ....بصح للأسف بعد عركة كبيرة قدرو يخطفوني من بين يديه بعد ما خلاوه يتخبط في وسط دمو ...ركبوني معاهم في طوموبيل مقرقرة و ربطولي يديا و رجليا بسلاسل تاع حديد و قفلولي فمي بسكوتش كان صوت واحد فيهم من النوع المألوف بصح ماعرفتوش شكون ...
عبدو : طايح في الأرض لازم نلحق عليهم مستحيل نخليهم يعملو حاجة لحنين إستجمعت القوة الي مازالت فيا بالسيف كانو ضربوني في كرشي بالموس و حسيت كليتي تضررت ركبت في الطوموبيل و كنت ننزف بزاف لازم نلحق عليهم كانت الطريق تروح و تجي و راح نفقد الوعي تاعي واش لازم ندير لازم نخبر واحد .....كنت نرجف بكلي هزيت البورطابل و أول رقم في الجورنال عيطلو و كان رقم لطفي ولد خال حنين ...
ألو ... شكون معايا ...
عبدو :مايهمش أنا شكون حنين خطفوها و راني نتبع فيهم كي نوصل لبلاصتهم نعيطلك جيب لابوليس و أرواح راك تسمع فيا أزرب ....
لطفي :شكون معايا واش راك تهدر على صباح ربي ؟؟
عبدو :(بعيطة كبيرة خلااااه)نهدر مع عزرينك جيب لابوليس حنين خطفوها ....و كوبيت ..
لطفي : حنين ماتهزش من الصباح و صبحت ماكانش نزرب نروح للشرطة ..
كنت نتبع فيهم و هم في بالهم أني مازال نطايش مالحقتهمش .... وصلو لحي قزديري غير تاع بائعي المخدرات السرارقة و الزاطلجية و قتالين الأرواح حبسو قدام مخزن كبير أنا حبست بعيد عليهم و هبطت متخبي و دمي يسيح في كل مكان هزيت البورطابل زدت عيطت لطفي و عطيتو العنوان بالتفصيل كاينة طاقة مكسرة تخبيت تحتها و نطل على هاذو الحرايمية الي خطفو حبيبتي قلت لازم نحبس غير شوي الدم باه نقدر نسلكها قطعت التريكو تاعي و بونديت بيه الجرح ...
في داخل النخزن ....
أعطينا رقم جدك و نشوفو قداه راح يشري روح بنت بنتو العزيزة ....
حنين : كي تبوس عينك إذا حاب تقتلني غير أقتل ....
المعلم تاعهم : هز يدو ضربها بكف ... مازلتي في طبايعك تاع القباحة و صحة الوجه بصح ماتخافيش اليوم نربيك ... و زادلها كف. حتى طار الدم من خشمها ....
هاتي هنا الموبيل ... قداه المودباس ؟؟؟
مانقولش تفوووووه ...
درك نعرف كيفاه نطقك ....سخن سيلان كبير تاع حديد حتى حمار و راح يكويها في ذراعها ثم دخل عبدو و طاح في الزعيم تاعهم بالضرب و البونيات حتى داخ و نحالو عبدو الغطاء على وجهو الرجال الي كانو معاه جراو حكمو زوج عبدو و الثالث يفيق في الزعيم تاعهم ....
بصح حنين كانت مصدومة و تقول
عععععععممميي لا لا لا ...
ربطو عبدو في الكرسي قدام حنين و حنين كانت تبكي و تقول راهو عمي هذا وعلاه عمل فيا هك ...
#الحلقة____26:
هذاك الزعيم تاعهم كان نفسو عم حنين الوسطاني سمير الي كان مجرم كبير في العاصمة و من الحبس مايخرجش حب يخطفها و يبتز جدها يعطيه دراهم ....
بعد ما فاق عم حنين سمير هجم على عبدو يخنق فيه و يضرب فيه و يقلو أنا تضربني يا كلب
و أنتي يا ق... حسابك معايا هذا على واه داك جدك عندو باه ت...... مع الرجال مالا هذا حبيب قلبك قوليلو باي باي خاتر ماعندي ماندير بيه ...
طاحو فيه رجال عمي بالضرب شيء بيديه شيء بالعصا شيء بسلسلة تاع حديد كانو يضربو فيه من غير شفقة ولا رحمة وين جات جات ....
و أنا نعيط خلووووووه سيبوه أقتلوني أنا عبدوووووو لااااا و هم والو قتلوه بالضرب و في الأخير خلص عليه عمي بضربة بالموس أنا وليت كي المهبولة نعيط و نبكي موش مصدقة الي عملوه في حبيبي قدام عينيا لااااااا لااااا عبدو لااااا حبيبي ماتموتش ماتخلينيش يا عبدو كان الدم يخرج من فمو و وجهو بكلو دم من قوة الصدمة و العياط فقدت الوعي ....
و فقت لقيت روحي في السبيطار و جداتي و جدي و لطفي ووسام و الناس كل دايرة بيا و الدموع في عينيهم ...
حنين : وين راني وين راه عبدو كامل كانو يبكيو وسام حاكمتني و تبكي.
وقفت رايحة نحوس عليه و نزعق على وسام وين راه حبيبيييي انطقي خرجت نمشي كي المجنونة في الكولوار نحل في البيبان تاع ليشومبر و نعيط عبدووووو وين راك و دموعي تسيح ....أهدري وسام وينو عبدو.....؟؟!
وسام : في لامورڨ البقاء لله ....
حنين : جربت من قبل تجربة نفقد أمي بصح كنت كالم خاتر رضيت بالأمر الواقع بصح فراقي لعبدو كان شيء ثاني ....كنت نخبط و نعيط و نكسر و رجعت لشمبرتي و نضرب في الناس كل و نقللهم تكذبو عليا عبدو ماماتش أنتم سباب كل شيء أنتم أنتم وساااااام أنتي طبيبة علاااه خليتيه مات وينو بورطابلي نعيطلو درك يجي .... ظرك يقلي 5دقايق نكون ثم .... وينو ... وينو. ... عمي الرخييييييس قتلتيني يا عمي الكلب قتلتوني قتلتوني طحت في الأرض وواحد ماقدر يقربلي نبكي و موش مصدقة حكمني لطفي يحب يحضني ....
حنين : أنت بالذات ماتقربليش أنت بالذات نكرهك أنت الي حطيتك خويا طلعتيلي ذيب و خلطيلي حياتي ....(لافامي كل تسمع و من بينهم وسام الي تصدمت ) وعلاااااه تحبني وعلاه تحب تزوجني شكون قالك نبغييييك أخطيني ...
دخل طبيب يخدم في السبيطار خرجهم كل و ضربلي أبرة مهدئة و رقدت ...
فاتت الأيام :
مات عبدو و تدفن و راح و أنا مازالني حية علااااه واش ندير في هذي الدنيا ؟؟ مابقالي والو نعيش على جالو مسكين تحرقت كبدة يماه مسكين كان الأمل الوحيد تاع باباه .
الطبيب النفساني : هذي هي سنة الحياة كان كاتبتلو يموت في هذاك النهار موش أنتي السبب هك كتبت ...
حنين : أنا السبب على جالي جاء لهذيك البلاصة على خاطري لحق على عمي و أنا السباب باه قتلوه ....
الطبيب :لا حولة ولا قوة إلا بالله ماتقوليش هك يا بنتي ..
خرج الطبيب و أنا مازالني في هذيك لاشومبر البيضاء قالولي عندك 30يوم و انتي هنا بصح أنا فقدت الإحساس بالوقت نحب غير نرقد باه ننسى نفرح كي تجيبلي الفرملية الدواء حبيت نرقد 24ساعة موش باغية نشوف السماء و لا الأرض و لا النجوم و لا أي حاجة خاتر كل شيء يفكرني بعبدو
#الحلقة___27:
لطفي : واش صبحت اليوم دكتور ؟؟
الطبيب : والله يا ولدي حالة الإكتئاب الي عندها صعيبة بزاف و معاها ميول إنتحارية قادر في أي لحظة تنهي حياتها خاتر تشوف فيها بلا قيمة و لا معنى لازملها حياة جديدة تنسيها في الي فات
.اليوم خرجوها بصح لازملها عناية خاصة ..
لطفي : خليها عليا حكيم بربي نشالله نقدر نخرجها من الي هي فيه ...
خرجني لطفي من السبيطار و رجعني للدار بدلي لاشومبر تاعي كل تفصيل فيها بدلو اللون الديكور حتى الميكرو و التليفيزيون بدلو ...
وسام راحت تكمل التخصص تاعها في الخارج و خلتلي رسالة قاتلي فيها :
" حبيبتي حنين نشالله راكي بخير راني رحت بعيد و خليت الماضي من ورايا خليت ذكريات الطفولة و حبي و كل شيء... بعد حكايتك عرفت أنو التضحية سعات تكون طعمتها أفضل من الحب في حد ذاتو ...
و أنا ضحيت بحبي على خاتر لطفي ... لطفي عمرو ما حب من قبل و عمرو ما خرج مع طفلة حبي ليه كان من طرف واحد بصح عشق فيك .
علابالي جرحك كبير و مايداويه غير الزمان بصح نحبك تبداي حياة جديدة و تفكري أنو كاين ياسر ناس تحبك و ماتستاهلش تعيش العذاب..
لكن شفتي دموع جدي و انتي في هذيك الحالة جدي الي عمرو مانزلتلو دمعة ...
لكن شفتي لطفي و هو عايش في السبيطار أنتي راقدة و هو غير يشوف معاك يستناك تنوضي و تضحكي مرة أخرى ...
حنين يا أختي ماتظلميش الناس الي تحبك و أنا راني نتمنالك السعادة من كل قلبي .....
كلام وسام أثر فيا بزاف بصح جرحي كبير نخليه للزمان يداويه ....
فات عام
كان لطفي مايخلي عليا حتى شيء كان علمني نسوق و كان يخرجني يحوس بيا يعشيني و يغديني يسقسي عليا في كل وقت و يشريلي الحاجة الي تعجبني و نقول عليها ...
حنين : ألو طاطا كريمة دبري عليا واش نزيد ندي وجدت ليبوات و ليسارفيات تاع الجي و القهوة و وصيتهم يوجدو البوفي ....
طاطا كريمة : قتلك خلي عليك الشيء هذا كل اتهلاي في لبستك و مكياجك و لاميموار تاعك و خلاااص و ماتتوتريش ...
حنين : والله خايفة راح نموت ...هيا باي ماطوليش طاطا ربي يخليك راني ندير بيك الكوراج ...
آية هيا أبنتي تروحي للحفافة يا ربي نكملو ....
حنين :كوثثثثثثثر جيبيلي الصباط تاعي البلو نوي نسيتو في لاشوبر ....
_طاطا كريمة أم لطفي
_آية أخت وسام و قدي في العمر
_كوثر بنت خالنا واحد أوخر العام هذا جوزت الباك ...
اليوم لاسوتنونس تاعي و راني خايفة بزاف ...
لطفي : خلي نوصلك حنين كيفاه راح تسوقي وأنتي ترجفي هك ...
حنين : لطفي أوصل قبلنا تعيش للافاك و vيريفي كل شيء في بلاصتو ولا لا راني ماعنديش لاكونفيونس حتى في حد غير فيك ..
لطفي : من عينيا واش تزيدي تأمريني يا الباترونا ...
حنين : والو مارسي ...
وصلت للحفافة جبدتلي شعري الي كان ديما كشرود كيما يقول عبدو و لبست عندها لاروب الي شريتها و كانت ستيل كلاسيك تحت الركبة بشوي و سيري خلااه و كتافها ترونسبارون و عندها كول صغير لونها بلو نوي جيت توب و صباط تالون بلو نوي خرجت أنا و آية نجريو ركبنا رايحين للافاك ...
آية : يا عمري على بنت عمتي الزينة واش جيتييي تقتلي يشوفك لطفي يتغاشى ههه أول مرة نشوفك أنيقة هك طفلة و عشقت فيك ..
حنين : بزايد يزيني راني نسيت واش راح نقول كي نوقف قدام اللجنة أووووف قلبي راح يسوطي من بلاصتو ...
وصلنا جينا داخلين الي شافوني طالعة في الدروج كل حايرين فيا جيت نهبل حتى ندخل للاصال دوكونفيرونس نلقى لافامي كامل و أخوالي و نساهم و أولادهم و بناتهم و جدي و جداتي عديت سلمت على راس و يد جدي و جدة و قلتلهم أدعولي حتى نعدي قدام لطفي كان غير يشوف معايا و موش مصدق عينيه .... حبست عندو ..
حنين : لطفي طلعلي المورال بكلمة خليني نروح ...
لطفي : تهبلي تهبلي بون كوراج ...
حنين طلعت للمنصة العينين كل عليا اللجنة قاعدة من جيهة و أنا في الوسط بديت في لاميموار تاعي كان موضوعها في الأدب المعاصر عجبت اللجنة خلااااه و كنت متمكنة منها في الأخير كنت كملت قصة قصيرة زدتها في المرفقات تاع الميمواري عاونني جدي طبعولي منها 60نسخة بعنوان "مجزرة القلوب " عجبت الناس الكل و مدولي علامة 18فيها و تقدير إمتياز .
فضت لاسوتنونس بعد ما زهاو الناس كل و شطحو و كلاو و شربو ..
لطفي : مبروك عليك حنين لعقوبة للدوكتورا هذا الكادو تاعي نشالله يعجبك ...
حنين : مارسي لطفي أصلا عاونتني في كل شيء ... أوووه واش مليحة !!! تقتل ...هايلة لطفي علاه شقيتي روحك ... بصح نسقسيك وين راه نص القلب الي في السلسلة ....
لطفي : نتمنى يجي النهار الي نكملهولك القلب
#الحلقة___28:
حنين : توترت و ما عرفتش واش نقول
أوووو وسام تعيط ..
ألو وسام واش راكي ألكلبة خسارة عليك ماحضرتيش أصبري نفتحلك لكام تشوفي و أقعدي وحدك أنتي ...
وسام : مبروك عليك ألحبيبة نشالله في أقرب فرصة نجي و مانسيتش الكادو تاعك ...
حنين : ربي يخليك ...
وسام : عندي ليك خبر ... راح نتخطب ....لقيت فارس الأحلام تاعي .
حنين :ياااااه كلبة و ماتقوليليش ؟؟! كي نروح نحب نعرف كل شيء على المعلم الجديد ...
رجعنا للدار كان جدي عملي عشاء كبير عرض فيه لافامي كامل كملنا تعشينا عيطلي جدي ....حنين ألحفيني للبيرو ...
حنين لحقت جدي نحب نعرف واش باغي .
أنعم جدي
جدي : أقعدي يا بنتي نهدر معاك... من الي جيتي ماخرجتبش من المدينة الكادو تاعي هو هذا ...
حنين عملي جدي كارت فيزا قالي أصرفي كيما تحبي و ....
جدي : و نحبك تعملي الدوكتوراة تاعك في دبي و الي تحتاجيها راني هنا ...
حنين : نحبك يا جدي ما تتخيلش واش فرحتيني والله راني حاسة روحي نحلم .
جدي : بصح قبل ما تروحي نحبك تروحي فاكونس مع بنات خالك كوثر و آية و طاطاك كريمة و خالك عمار تنحي فيها على بالك و نتساي الي فات عليك كامل ....
حنين : ربي يعيشك يا جدي و يخليك تاج فوق راسي و يقدرني ربي و ترفعلك راسك ...
رتحنا أيام من التعب تاع لقراية و لاسونتونس ووجدنا روحنا نروحو للبحر ...
جدي كانت عندو دار على شط البحر في بجاية قررنا نروحو أنا و خالي عمار (أب لطفي )و كوثر و آية و لطفي و صحبو يخدم معاه
ركبت أنا و طاطا كريمة مع لطفي و صحبو و آية و كوثر مع خالي ...
وصلنا للدار عملنالها ميناج كبير كان لطفي يعاون فيا ....
كوثر : أي أي أي أرواح لطغي عاوني نهر هذي ولا كاين غير حنين هنا ....
لطفي : ههههه أصلا أنتي الجثة تاعك تاع راجل هزي برك ...
حنين : حرام عليك لطفي خلي الطفلة ...راهي مخلوعة من الباك و تزيد عليها انت ...
لطفي : على خاتر حنونتي برك نجي نعاونك .
كوثر : يا عيني على الحب ..
أنا و لطفي في زوج حشمنا ...
تعشينا و كنا تعبانين من الطريق دخلو كامل رقدو ...
حنين كان البحر يفكرني ديما في عبدو مابقيتش نبكي عليه بصح ديما في بالي راقدة في الكرسي مقابلة البحر و نتفكر في ذكرياتي معاه ..
لطفي: بارد الحال عليك حطي هذي على كتافك ...(زورة صغيرة )
حنين : مارسي ..
لطفي تمنيت نكون أنا الي غي خيالها و هي سرحانة و تشوف مع البحر عدت نغير من العبد هذاك حتى و هو ميت ...
لطفي : حبيت نحكي معاك في موضوع عندو عام و هو في قلبي ....
حنين : من فضلك لطفي لا ماتهدرش ...
لطفي : ربي يخليك خليني نخرج الي في قلبي ..
سامحيني حنين أنو موقف واحد عملتو من غير وعي خلطلك حياتك نعرف أني تسرعت و حطيناك تحت الأمر الواقع أنا و جدي في هذيك الحكاية بصح صدقيني لكن جاء هدر معايا الطفل و قالي على حكايتكم كنت إنسحبت بشرف و تمنيتلك كل خير ... مانكذبش عليك و نقلك ساهلة و عادي خاتر حتى أنا نعشق فيك و عشقتك أول ما شفتك يعني حتى قبل ما تعرفيه و درك عندي عام نستنى قلبك ينسى و تسامحيني ...
و نزيد نصارحك نحبك و و ماحبستش من حبك رغم الي صرى كل رغم أني كل يوم نشوف دموع الحزن تاعك عليه في عينيك...
موش راح نطلب منك الموحال طالب منك تعطيني فرصة نحبك ...
والله جدي يحلم بالنهار الي يشوفنا مع بعضانا فيه و موش حابب يجرحك ولا يحتم عليك حتى حاجة و أنا كيف كيف ....
حنين كنت نسمع في كلام لطفي و قلبي حن و حسيت روحي قاسية خلاااه و أنانيتي و حزني عماتني نشوف الحب هذا الي في قلب لطفي ليا ...
حنين : موش راح نرجعك و لا نعكسك بصح عندي طلب ...واحد تخطبني و نزوجو ...
لطفي ماعرفتش كيفاه راح نفرح نبوسها ولا واش ندير لقيت روحي حاكملها يدها نبوس فيها و قلتلها غالية و طلبت الرخيس راني نحلم بالنهار هذا من الي شفتك ...
حنين كان لازم نتاخذ موقف و نكمل حياتي و كيما قالت وسام سعات التضحية طعمها أحلى من الحب في حد ذاتو ...
طلع النهار و لطفي ماصدق عيط لجدي خبرو و هدر مع طاطا كريمة و خالي عمار و فرحو خاتر كانو يحبوني خلاااااه .
آية : هذا كامل و حنا راقدين يا ستوتة ..
حنين : عادي هدرنا و تفاهمنا عادي ..
آية : والله ما تلقاي عبد يحبك كي لطفي راهو باين خلاااه لافامي كامل علابالها و زيد والله راهو صبر معاك ..
كوثر : الله لا يتربحكم أنتم اتخطبو و تزوجو و أنا الريزو ماكانش كيفاه راح نشوف الريزيلتا تاع الباك اليوم تخرج ...
كوثر :هيا برك نهبطو للبحر ...
حنين هبطنا كنت لابسة مايو نوار و شعري كيما تعرفوه .كوثر حاكمة البورطابل و تخروض فيه و آية و صاحب لطفي يتوانسو باين كاين حاجة بيناتهم و طاطا و خالي راحو يجددو الذكريات . ...
لطفي: مليت هيا نهبطو نعومو ...
حنين : أنا مانعرفش ...
لطفي : تتمسخري ماتعرفيش تعومي ؟؟؟!
حنين هيه نورمال .
لطفي أوقفي أوقفي نعلمك ..
#الحلقة___29:
خلنا للماء لطفي كان راسي راح يحبس و أنا نشوف مع هذيك لاطاي في الماء تقول حوتة ...
حنين مانبعدش مانقدرش ..
لطفي : ثيقي فيا أحكمي فيا و ماتخافيش .
كنت لاصقة في رقبة لطفي و هو عينيه الزرق عادو كيما لون البحر أول مرة نلاحظ قداه لطفي بوقوص ....
حنين كنت نعيط و نقلو راح نغرق أحكمني لطفيييي .
حسيت لطفي هزني في الماء و أنا لاصقة بيديا في رقبتو و هو عينيه ذبلانين ...
حنين ماهرفتش علاه حسيت حاجة تحركت في قلبي غمضت عينيا ....
لطفي : كي شفتها غمضت عينيها مافهمتش لازم نبوسها والا واش ندير قربت وجهي ليها خلااااه و حتى قاس خشمي في خشمها و ستنيت تبعدني عليها ولا واش راح دير ....
حنين : كنت حاباتو يبوسني مانعرف شوقي لعبدو خلاني نعمل هك و لا حاجة أخرى ...
لطفي : بديت نبوس فيها و أنا موش مصدق انها خلاتني نبوسها فرغت الوحش تاع عامين من الحنين للشوارب هذم ....
.............
كملنا التبحيرة عمري ماشفت لطفي فرحان و يضحك و زاهي كيما النهار هذاك ...
كوثر نجحت في الباك و تحتمت نروحو نروحو بعد ما جوزنا 4أيام هايلين ...
رجعنا و تفاهمنا على كل شيء في الخطبة تاعي و زادت روحت وسام و حددنا نفس اليوم للخطبة باه نعملوها مع بعضانا كانت رغبة جدي ...
تخطبت للطفي الي كان حاطني في عينيه و بديت نوالف بعلاقتي الجديدة معاه
لطفي : تعرفي يا حنونتي موش مصدق غدوة تكوني حلالي موش مصدق راح يتغلق علينا باب واحد ...
حنين : غدوة تصدق مازلتي مسحتك جدي؟؟؟ هههههه
لطفي : خايف لا نعمل كارثة ههههه
حنين : ممممممم عوايدك ...
لطفي : وجدتي الفاليز تاع لفواياج ؟؟
أكيد والله راح نتوحش الفيلا و جدي و جدة كيفاه راح نبعد عليهم ...
لطفي : راني معاك نكفي ونوفي و بعد 9شهور يزيد يجي ولدنا و لا بنتنا و تعبي علينا الدنيا ...
حنين : نشالله ...
نهار العرس ...
حنين : شوفيلي آية لاكوافير أووووف شعري الكشرود ما يصلح فيه والو ..
آية : يا بنتي تهبلي مازالت كيما راهي ..
البنات راهو طالع العريس يهبط العروس يويو يوي يويويييييوووو
حنين : حنين قلبي يضرب قريب يخرج من بلاصتو ...
دخل لطفي يخرج حنين و الزغاريت في كل مكان ..
لطفي كانت عيني غير عليها تمنيت الناس كامل تروح و نبقى غير معاها ...
هبطتا للجنبنة تاع الفيلا الي كانة زبنةها و حطو فيها ليطابل و جات تهبل قعدنا كلينا شربنا شطحنا الناس كل فرحانين جدي كان فخور بيا الي حققتلو الرغبة تاعو و عوضتو على خيبة أملو في ماما ...
حسيت شعور ماعندو حتى مثيل ...
فضت السهرة ووقت نروح أنا و لطفي كنت نترعد بكلي و هو حاكملي يدي ركبنا في الطوموبيل وحدنا ...
لطفي : راكي خايفة ؟؟
حنين راح نموت ...
#الحلقة___الاخيييررة 😘😍
لطفي : ماتخافش حبيبتي راكي أنتي روحي ...
دخلنا للاشومبر تاع لوتال .
حنين قعدت على طرف السرير و حشمانة ...حتى يجي لطفي يركع بين رجليا و يحكملي يديا في زوج و ينحيلي ليفوال على وجهي ....
لطفي : الله يبارك يا الكبدة تاعي كل ما تشوفك نزيد نتسحر بيك راني والله يا حنين و عمري ما نجرحك ولا تعذبك راهو وعد مني للنهار الي نموت ...
حنين : مافقتش كيفاه حطيت صبعي على فمو و قتلو ماتزيدش تذكر كلمة الموت ...
بدينا نمارسو في الحب الحلال الطاهر النقي الي طعمتو ماكانش كيفها الي مهما كثر النزوات و قصص الحب و الذكريات كي يكون الحب الحلال يمحي كل شيء و بستعمر الجسد و الروح ...
مستحيل الإنسان يمنع نفسو يحن للماضي بصح حنين بعد المعاناة الي عداتها عوضها ربي بإنسان على قد النية ...
سافرت حنين و لطفي لدبي باه تكمل الدكتوراة و ولدت و جابت طفلة و سمتها روعة ....
كانت حياتها الجديدة قمة السعادة و الحب
<<<<<<<<<<<<>>>>>>>>>>>>
#النهاية ...
<<<<<<<<<<<<<<>>>>>>>>>>>
وشكرا على قلة التفااعل 😂😂
ليست هناك تعليقات:
إرسال تعليق