....................كرونيك:متعرش على دنيا شمخبيتلك .................
الوحدة خايبة خايبة بارشة تلقى روحك مالصغرة وحدك و تكبر وحدك لا عندك اخت تحكيلها حكايات نص الليل و لا خوا تشكيلوا و يعاونك و ياقف معاك لا صاحب و لا صاحبة داموا من ايامات القرايا هي اي هي وحدها الي عرفت الايامات هاذوما طفلة عاشت صغرها و حدها و كبرها وحدها هي الي شنحكي عليها تواسمها هنادي كي تراها تبقى تثبت فيها و متشبعش من شوفتها و ضحكتها لاهي طويلة و لاهي قصيرة شعرها ارطب كالحرير و خفيف لاهوا طويل و لا قصير بني فاتح عينين شهل تغزر و تبقى تثبت فيهم و كيف كيف متشبعش رغم زينها و ستيلها و دبشها اما ديما تبقى وحيدة و ماعجبها شي في الدنيا رغم عندها امها و بوها و مماتها .
ليوم نهار جديد في حياتها باش تتبدل الدنيا الكل روتينها شيتبل كلامها و ضحكتها و كل شي ليوم نتيجة الباك رغم الي هيا عارفة روحها قراية و باش تنجح اما قلبها ما قيللها خير مفجوعة و دور و دور و امها فرحانة عارفة بنيتها باش تنجح و تنورها كيما اي عام قراتوا و خذات فيه شهايد و جوائز نوقز التاليفون و اذا بيها النتيجة طلعت bien sur admise و امها زغرطت و ما ساعة من زمان ما تلقى الجيران الكل في الدار و هي بطبيعتها حشامة تسلم على لعباد و ضايعة اول مناسبة تصير في دار هذي و اول مرة يتلموا لعباد هكا و تمد الحلوا و jus و الغناا عامل حالة اما هيا راسها وجعها من حكايات النسا الكبار بطبيعتها وحدانية ديما هايمة لا يأثر فيها شي و لا يهمها في شي بقي قالبها مخبيلها حاجة حاجة باش تبدل حاجة جديدة هزت تليفونها و خارجة للحومة حومتهم واسعة وفيها jardin public و حوانت لبست دبش خفيف و خرجت بزربا باش تتنفس و ترتاح شوي مالحس هيا خارجة من الباب بزربة بطبيعتوا محلول على فراديه الزوز باش الي يسمع يدخل يباركلهم و يهنيهم هي فاكا الزربة تعمل هكا طب في واحد داخل للدارهم و تجي معنقتوا و شوي لا طاحوا الزوز هيا تفجعت و هو جا محملها و ايدوا جات على فخاذها و هي لابسا شورت قصير تفجعو الزوز اما هنادي اكثر مش مصدقة بقات تغزر و تثبت مفجوعة...
اي ايي سيف سيف ولد جارتهم ايجاو نحكيلكم على سيف سيف ولد جارتهم الحيط في الحيط اكبر من هنادي ب4 سنين خذا الباك و قرا fac في تونس بعد بعثوا بوه يكمل قرايتوا في واشنطن و يرجع و يتخرج بقى عامين غادي و ليوم روح سيف طفل عاقل و حشام و مزيان عينيه زرق فاتحين و عندوا لحية خفيفة"كيما في التصويرة" ميضحكش بارشا اما هنادي من صغرتعا كل ميراها تضحكلوا ياخي يضحكلها و يسلم عليها حتى كان متسلمش هو يسلم عليها ضحكتوا قعدت ديما في مخها طفل مزيان و طويل و شعروا محلاه يعرف يلبس و يسوق كرهبت بوه و خوه و هيا كي تبدى في الحومة تلقاه يبدى يصلح في كرهبا و الا يغسل فيها و تسلم عليه و تتدخل لدارهم عمرها ما حكات معاه و لا ضحكوا و لا شي سلام السلام و صحة صحة ماجمعتهم حتى مناسبة. غزر لهنادي ضحك و قلها ايا مبروك قالوا يعيشك و مدتلوا يدها باش تسلمم عليه ياخي سلم عليها و زيد عطاها اربعة بوسات و قلها:
زوز على جال عندي عامين في الخارج ما ريتكش و زوز للباك هاك كبرت يا صغرونة..
ضحكت و وجها حمار و بقات اليد في اليد خاتر كانوا يسلموا على بعضهم بعد قلها:
شتعمل انتي هاربا مالدار نهار الباك و لعباد جايين يباركولك و انتي خارجة تجري..
ضحكتلوا و تنهدت و قالت:
و اللهي تخنقت في الدار من بكري و هوما يحكيو و يقطعوا و يريشوا مش يباركولي للباك قلت نمشي نتنفس شوي
ضحك عليها و قلها :هكا تو ساعة انا جاي شنقطع و نريش معاهم ياخي انتي هاربة 😂😂 اما ميسالش هيا اطلع للكرهبة تو نهزك لبقعة شم هواء و نقطعوا ونريشوا مع بعضنا و نروحوا و تو ندخل معاك نسلم على طا سليمة و عم كمال "ام و بوا هنادي" توحشتهم من صغرة و انا متربي عندهم كان منسلمش عليهم ميتغششوا..
خممت شوي و قتلوا اي ايشبيه و ركبت فالكرهبة و قتلوا وين ماشين قلها لبقة باش نتنفسوا شوي..
سيف و هنادي عمرهم ماحكاو جملا و هذي اول مرة يضحكوا و يفرحوا و هنادي قلبها طمان و الحاجة الي كانت تستنى فيها ماهيش الباك طلعة سيف اول فرصة باش تعمل صحاب يمكن اكثر من صحاب ماتعرفش على الدنيا شكون يقول الي جيران حياتهم الكل ميحكيوش كان ما خذات الباك هنادي و هوما فالكرهبة الصوت لا تعدات غنايا في الموزاييك تحبها هنادي و سيف كيف كيف هنادي عيطت قالت ياااا و سيف سبقها و بدى يزيد في الصوت و قلها حتى انتي تحبها الغنايا هذي قتلواا ايي نسمع فيها ليل و نهار مشاو شوي و وقفوا في حماص بقات تغصر هيا و سيف شرى زوز بكوات شيبس كبار و زوز boite gazouz صغار و قلوب و رجع فرحت هنادي حسيلوا و ضحكت هاو توا وصلوا بقعاااا يا محلاها على البحر فيهاااا حد نسمة مش نرمال و صور صغير و مقابلهم البحر دار سيف للهنادي بعد ما قعدوا على الصور قلها البقعة هاذي نعرفها ملي انا صغير كل منحس روحي تاعب مخنوق و نحب نتنفس نجيها و نجيب حاجة ناكلها و نقعد و هذي اول مرة نجيب معايا حد ضحكوا و قعدوا حكااو برشا و حكالها شعمل في الخارج و حكالها باارشا حكايا بدات لهنادي صحبة جديدة و الا حب جديد و سيف كلي اول مرة قلبوا يدق اول مرة يضحك من قلبوا فرحتهم ظاهرة في عينيهم و زيد هنادي حبت البلاصة باارشاا قعدوا ساعة مزمان و روحوا...
روحوا و دخلت هي و سيف لدارها يخي امها ضحكت ضحكة خبث و غمزت البنتها و وقتها ميمتها غادي قلتلها اي كيفاش باش نبداو نباركوا هنادي تغصر و ماهي فاهمة شي فاش يحكيو مماتهم اما كلي سيف فهم و سكتهم قال يا طا سليمة ايجا نبوسك توحشتك و الله بقا يعنق فيها و يبوس و شدت مارجتوا و هو يحكيلها شعمل البرة اما هنادي جابتلوا كاس jus و بقلاوة هيا اكاك مالحشمة و الرعشة و تدعثر و تكب عليه الكاس حاسيلوا تفجعت و هو قام وقف يجري شدت هنادي papier تمسحلوا قتلوا طا سليمة برى اغسلها بشوي ما مشاو للتوالات هو و هنادي تمسحلوا في pul دار و قالها اي مش لازم و نحاه هي بقات باهتا تثبت في بدنوا المسكل متاعوا اول مرة ترى بدنوا اكاكا دارها قلها او اووو يا هنادي برا جيبلي مريول مالدار و الا نخرج هكا و مدلها مفاتح قلها ادخل واحدك مدام انا غسلت صدري الي كبيتلي عليه الjus مشات تجري جبتلوا pul غزر غزر و قلها كيف عرفت المريول الي نحبوا انا بقات تغزر قتلوا اكاكا بقيت ثبت قلت يطلع عليك هذااا دار يحكي مع روحوا و قاال ايي يا سيف كبرت و ولى عند شكون يختارلك ما تلبس ضحكوا و خرجوا كمل بارك لامها و روح دخل للدارهم و هنادي مشات بدلت دبشها و تكات في فرشها تغصر للسقف و تتبسم مش مصدقة السنين الي عداتهم وحدها باش يتعوضوا ليوم كيني لقات الخوااا و الصاحب و لقات الحب في نفس الانسان يمكن مش حب مازلت تكذب في روحها اما ماتعرفش شنوا مخبيتلها الدنيا سيف كيف كيف هبط الليل و هوا واقف في التيراص يخمم و يتبسم وحدوا تذكر ضحكتها و غزرتها و مش مصدق قال طفلة هاذي سنين و هي عايشة قدامي في جنبي عمري لا عمرنا كنا صحاب بقا سيف اكاكا لين خرجت هيا و وقفت في تيراس دارهم زادا تتنفس و تشرب في jus حسيلوا دارت على يسارها تلقى سيف واقف في جنبها بطبيعة ديار في جنب بعضها ضحكت و قتلوا اا كيفاش وين نمشي تطلعلي انتي قلها طار عليا النوم هاني قاعد نخمم و بعد خلط انتي مرحباا تعدات الليلة ساكتين ليل و مفما حد حذاهم و سيف حاشم باش يحكي معاها في اي sujet قعدوا يشوفوا في النجوم و قالتلوا هنادي تعرف انا مالصغرة معندي حد نحكيلوا و الا نشكيلوا كنت ناقف هنا نهز راس للسماء نحكي مع النجوم و نضحك معاهم الي راني يقول شبيها هبلت دار سيف قالها منوا هكا يا تولي تحكيلي و تشكيلي و الي نحكيو مع بعضنا للنجوم و اكاكا معاش تحس روحك وحدك تبسمت و كاينوا سيف اول عبد يقلها كلام ميحسسهاش الي هي وحيدة سكتوا سكتوا بعد قالها سيف عمرك ما حبيت في حياتك بقات هنادي باهتت على السؤال الي سؤلهولها على غفلة و قتلوا من ايامات collège حبيت واحد برك حكايت صغر و برا مبقيناش برشا و بعدنا على بعضنا اما وقف معايا برشا الطفل هكا و ونسني برشا خاتر لا عندي لا صحاب لا شيى اما لتو صحاب يعني نحكيو سعات معندنا حتى مشكلة غير هكا حبوني برشا و انا نقلها لا معينيش و عجبوني بارشا اولاد في كلامهم و تصرفاتهم اما نراهم من بعيد و ماحكيتش معاهم جملا قلها اي اي انا نعرف جيل توا ما يوصلوا لعمرك الا ما يبداو مصوحبين على الاقل 4 ضحكوا قتلوا مش جوي و قلتلوا و انتي حبيت قلها عمري ماحبيت اما كنت عندي بارشا بنات صحابي يحبوني و سعات صوحبتش وحدة و الا ثنين اما كانت عندي بنت عمتي تحبني للتو و انا ما يعينيش فيها ما تعجبنيش جملا اما اكاكا في خاتر عمتي باقي نحكي معاها فوق من قلبي قتلوا هنادي شنكره عباد ميفهموش رواحهم تعدات اكا الليلة و كل واحد رقد مرتاح بعد الي صار اليوم الكل...
ليوم نهار الجديد بعد فرحت الباك و كل جاوها cadeauett بوها شيدخلها تتعلم التسوق و باش يشريلها كرهبة و امها باش تبعثها تعدي ايامات فيhotel و تصيف تعمل جو قتلتها تحبش نمشي معاك و الا تهز صحابك بقات تخمم و قالت معندي حد شنهزواا معايا خرجت البرة و قالت نلقاش سيف و هي بطبيعتها ما تشبعش من شوفتوا و ضحكتوا تفرهدها تلقاه البرا يغسل في كرهبت بوه يعمل كا تشها بالماء و بقاو يلعبواا بعد قالوا كهو اسمع عوني في حاجة و الا اعطيني رايك امي عملت réservasion في hotellلاربعة عباد قتلي هز معاك صحابك و برى تفرهد وومعندي حد شنهزوا اول واحد فكرت فيه هوا انتي ضحكلها و قلها: سامحني نجمش نعاونك مطلوب فيك انا و شمدخلني باش نمشي معاك و الا نعاونك حكيت معاك نهار شنواليو صحاب...
تفجعت هنادي و قريب عيناها دمع و باش ترجع تدخل لدارهم شدها من ايدها و قلها: يا مهبولة نفدلك عليك شكون عندك انتي تو نمشي معا و نشوفك صاحبي اسامة و طفلة اخرى قرات مع اسامة ديما تجي كي نعملوا حفلات و الا خرجات يمشيو معانا و تو تشوف تو تواليو صحاب بطبيعتهم فدلاكا و صحاب جو ...ضحكت هنادي و قتلوا : فجعتني يا هم ديما تفدليكك ماسط ياخي.. جمعة و يمشيوا لااوتال تعدات كالجمعة هاكي خفيفة فيسع ما تعدات ضحك و اللعب جا النهار كلهم حظروا دبشهم و خارجين و سيف خذا كرهبت خوه و هزهم ركبت القدام هنادي و اسامة و سيرين مالتالي غنا و شيخة و جو و هنادي سارحة تغزر لسيف كيفاه يسوق و كي يغزرلها و تعمل روحها مش تغزروا باش متشلقش مفجوعة وصلوا للاوتيل و خذاو زوز بيوت بدلوا و اول حاجة عملوها مشا كل واحد يبدل دبشوا و باش يهبطوا يعوموا في البيسين مشات هنادي لبست 2piece روج و حطت كاش مايوا مشبك بالدونتال و هيا خارجا كالعاد شوي لا طب في سيف و هي ديما ضايعة سيف بقا باهت يغزرلها بدنها و ستيلها محلاهم ثبت ثبت بعد حشم بعد عينيه و قالها هكا شتعوم انتي و شدها من ايدها و دخلها للبيت و هو مغشش و دزها على الفرش وقتها هنادي تفجعت و قالبها دق في 100 حسيلوا قالها :اسمعني تو تنحي زوز لقشات من بدنك و تلبس حاجة مستورة ما عناش بنات تلبس هكا ماش تعرض في بدنك للناس عيب راهوا يقولوا معندهمش رجال و انا شنوا نعمل هوني بدل البس ميوا و شورت على الاقل كان عندك و الا نهبط نشريلك.. قتلوا :لا عندي و ستنا لحظة كان انا نلبس هكا هوك شطر لبنات يلبسو فيه ريتني كان انا حتى كان جيت اختك و الا نعنيلك حاجة. وقفها و كبس على ذراعها و غزرلها في عينيها و هي تدمع و قلها: اي تعنيلي و تعنيلي بارشا كان مايقلقكش و تقوم تو تبدل للقشطين الي ناويا تخرج بيهم... بعد سيبها و خرج هنادي مفجوعة و مش مصدقة و ماهي فاهمة شي اول مرة راجل يحزر عليها حتى بوها مخليها تلبس كيما تحب كيما اندادها و لا نهار دخل فاش تلبس بقات حايرة و تبكي خاتروا وجعلها ايدها كي كبس عليها مسحت دموعها و قامت تبدل و بقات تخمم في الكلام الي قالهولها و كيفاه قلها اي تعنيلي و تعنيلي بارشا سيف وقتها قاللها لكلام هكا خرج طول من قلبوا كان حاجة تقلوا عنقها بوسها قلها حاجة فهمها الي هيا ليك و انتي تغير عليها و متحبها كان انتي تشوفها اكاكا اما نجمش حشمة قتلتوا و عمروا ما عرف يعترف باي احساس يحسوا بقا العصب يهز فيه و يحط قاعد على الكرسي و معامش لين جات هي و وقفت قداموا لبست ميووا و معاه شورت و هبطت على ركايبها وين هو متكي على الكرسي و قتلوا سامحني و بدات تبكي سيف قام و عنقها وقتها حست دنيا مافيها حد كان هوا حست حاجة عمرها ماحستها يمكن كانت تنجم تكمل حياتها الكل و هي معنقتوا و قلها كهو متبكيش و مسحلها دموعما و قلها :انا قتلك اكاكا على مصلحتك نحبش حتى واحد يغزرلك غزرة خايبة. قتلوا :معاش نلبس حتى حاجة عريانا و الله على خاطرك و الله فهمتك و فهمت مصلحتي..
تعدا نهار الاول و الثاني و هوما عاملين جو سيرين و هنادي يباتوا في نفس البيت في الاوتيل و اسامة و سيف في البيت الي في جنبهم نهار الثالث سيرين جاتها قضية و لازمها تروح بقات هنادي وحدها في البيت خافت و قتلها chambre كبير نجمش نبتات وحدي قلتها سيرن :
ستنا تو نشوف سيف يلقالك حل..
الوقت الحداش تاع اليل الchambre كبير واسع هوا و نسمة تضرب في البلار و هنادي قاعدة في الفرش وحدها خايفة يدخل عليها وحدها و الا اي حاجة اول مرة تبات في بقعة وحدها ما معاه حد في بقعة بعيدة على دارهم دق الباب تفجعت قالت شكون ماجوبها حد خاتر مش باش يكون خدمة البيوت حتى باش تكلم سيف عندهاش نومروه زاد الدقان بالقوي قلت كهو شنحل و يزي قلبها في ال100 مفجوعة حتى من وجها صفار و اذا بيه سيف مالفجعة ترمت عليه عنقتوا قلها :
شبيك ساعة شتحل باب و شبيك خايفة فجعتني هاني هنا هاني معاك ..
و باسها من جبينها حست روحها مطمائنة دخلوا و قعدوا على الفرش و قتلوا اقعد حذايا امان و الا روح بيا قلها :
عندي حل ما خير .. و وحملها بين يديه و سكر الباب يجري بيها و هي تعيط هبطني امان هبطني و وقفوا و طلعوا في الاسنسور هابطين قتلوا وين ماشين مخرجني بطوب و شورت قلها نرمال ميشوفك حد تو ليل و الاوتيل فيه عرس لكل غادي كان احناا هههه خرجوا من الاوتيل و هزها يتمشاو على البحر دنيا ظلماء و السماء صافيا نجوم كانت تغزرلهم و لاهيا بيهم حابة تعرف شنوا حكايتهم موش هوما يغزرولها مشاو ساكتين يمشيو يمشيو عثرت هانادي شدها سيف من ايدها ايدهااا بارد قلها :
ياااو مبرد ايدك هات ندفيهالك..
بقى يدفيلها في ايدها بعد وصلوا قدام كوخ موش كوخ كالكابان صغيرة و متحفنة سيف دور هانادي و وقفها قداموا
قلها :دنيا هاذي كبيرة عرفت باارشا عباد ضحكت و تبسمت مع برشا عباد و الضحكة الي ضحكتها من قلبي ضحكتها كان معاك وقت نشوفك تدخل بعضك و تهبل و وقت تعمل حاجة تاع هبال ضحكتني معاك و فرحتني عديت عمري كلوا ساكت معاك في جمعتين و اكثر وليت نحكي و نعطي رايي و نعيط عليك و تسمع كلامي عديتوصغري وحدي رغم عندي خوا اما كبير و خرج للخارج نتذكرش ضحكنا و الا لعبنا بحكم البعد في العمر مكناش كيف لخوات جملا رغم الصحاب الي نعرفهم مانراهم كان من مناسبة لمناسبة تعرف غصة في قلبي عمري مالقيت لشكون نحكي لا صاحب لا صاحبة لا اخت لا جارة لا شي الا ما لقيتك اي اي لقيتك انتي..
هانادي تسمع و باهتتة عينيها شتدمع تستنى فيه شيكمل يقول ... لقيتك هنادي نجمش نخبي بارشا راني تعرف عمري نهار ريتك و مبقيتش نخمم فيك و لا شوي كل ما تتعدى نضحكلك كنت نحب نبقاو نحكيو و نعرفك بالقدى تو عرفت و قربتلك حسيتك تشبهلي ياسر و تنجم تفهمني و تفرحني هاندي انتي الي باش تكون نصفي و الله نجمش نلقى ما خير منك و القلب الي حبك هذا مش باش ينحيك من بالوا جملا اي حبيتك و حبيت تفاصيل تاعك حبيت نعرف عليك كل شيى انا كان نحب حاجة يا تكون ليا يا تكون ليا قلي موافقة و الا كيفاه نجمش نسلم فيك راني و اعرف الي انا وياك نموتوا كان مع بعضنا ما نتنفسوا كان مع بعضنا و جامي نخليك تبعد عليا..
غزرتلوا هانادي و قتلوا: سامحني ما نجمش....
قاتلوا:سامحني مانجمش نكون معاك في قلبي عبد اخر و انتي حكيت معاك على اساس صحبة سمحني و الله ..
سيف تفجع قالها:باز تفدلك..
قاتلوا :يا مهبولل نعشقك و الله و ماعندي مانزيد نقولل اعطيني نكون معاك و اكهو ..
عنقوااا بعضهم و عيط و صاح بلي هوا يحبها و يلعبوا على الشط كانوا وحدهم ضحكة ماليتهم النجوم تتفرج عليهم النسمة هادية هوما واقفين حذا الكبان الي قلتلكم عليها عجبتهم دقوا خرجلهم راجل عزوز قلهم عسلامة تقولوليش جايين تكريوها قال سيف:يا سار نجم نكريوها قلوا اي اما ليكم انتوما بلاش..
قلوا :يعيشك ..
شكروه و خلالهم المفاتح و مشى دخلوا بديلقاوها دنيا جديدة دنيا صغيرة تحسها ليهم هوما كهو فيها فرش كبير و كتب و باارشاا فازات هبلت عليهم هانادي و عجبوها كوجينا صغيرة وين طيب الي تحب يمكن احسن بلاصة تنجم تشوفها متحفنة فيها شباك كبير واسع ترى مقابل البحر ليلة هاكي احسن ليلة..
خمم سيف خمم و قالها نباتوا هنا هانادي معندها حتى قلق قتلوا كيفاه نرقدوا قلها معنى حتى حل كان على الفرش عاد التكاو و حطت هانادي راسها على كتفوا حطت هم الدنيا على جنب و راسها على جنب باش ترتاح يتفرجوا في النجوم و عملين جو على النسمة تاع البحر يحكيوا و يفدلكوا لين سيف هزوا النوم مدت هانادي غطاتوا بعدت شوي عليه و رقدت على صدروا دنيا محلاها ليلتها لقات هاندي الكتف الي باش يسندها وقت غصرتها تنجمش تتصور قداش محلاهم راقدين و نسمة وحدهم وحدة هانادي تبدلت ليوم لقات نصها لقات الي شكملها و الي شعوضلها سنين الي عداتهم وحدها لا خو لا صاحب لا حبيب ليوم لقاتهم الكل في سيف خممت خممت تذكرت ايامات الي ترقد تبكي فيهم و الليالي الي تعديهم تتفرج في النجوم وحدها مبطت دمعة مالفرحة على خديها مسحتها و رقدت مطمانة ليوم حبيبها و غدوة يكون راجلها يمكن متعرش على دنيا شمخبيتلها ..
فاق الصباح سيف قبلها بقى يغزرلها ثبت في تفاصيل وجها ماشبعش مش مصدق بقى يلعبلها بشعرها و يتبسم و عنقها بالقوي قريب يكسرلها ضلوعها ياخي قامت دارتلوا هنادي ضحكتلوا و باسها بقاو يلعبوا في الفرش يعنقو في بعضهم .
ليوم اخر نهار في الاوتيل مروحين روحوا فرحانين لموا دبشهم و ركب اسامة معاهم قاصدين ربي مروحين لديارهم وصلوا فرحت بيها امها و قلتلها :خليت عليا بلاصة بنيتي و دارت لسيف و قتلوا : اا رديت بالك عليها ...
قالها سيف:تهنا حطيتها في عينيا تفرهدنا و شخنا هو رجعت أمنتك.
هانادي صار في حياتها تغير كبير ولات تلقى فاش تخمم لقات اشكون الي شيصهر معاه الي شيضحكها و يمسحلها دمعتها دبدلت حياتها ملي كانت تعدي سوايع وحدها في بيتها وحيدة هايمة و ضايعة غنى بصوت خفيف و المخ سارح في مستقبلها تستنى شكون شيدخل يبدللها حياتها تو تستنى في كتف الي شتحط عليه راسها وقت تضيع و الي شينسيها في اي وجيعة صارتلها تعدى النهار مشات كي عادتها تكات في بيتها بدلت دبشها دوشت و رقدت تعرش شمخبيتلها الدنيا غدوة..
جا صباح فاقت نهار جديد ليوما فطرت و خرجت لبست ....... كيما في تصويرة قلت لامها هاو خارجة نحوس و نشري شوي دبش مسألتش على سيف و مكلمتوش جملا تعرفوا ميقومش الصباح يقوم مخر و قالت تو كي تروح تتعدالوا للدار خذات تاكسي و ركب معاها طفل طويل لابسضpul gris و كرتابا على كتافوا دوب ما قعد في التاكسي حط كيت و مد كتاب يقرى فيه ركزت معاه هانادي شوي لكتاب بطبيعتها متفلت حتى كتاب و تحب تقرى بزايد كتب مشدتش روحها شتسألوا على الكتاب هوما قريب يوصلوا و هي حطت ايدها على ايدوا و قربتلوا باش يعني يتلفتلها باش تسألوا و يعمل هكا ينوقز تليفونها و ياخي نحات ايدها شتهز التليفون وقفت التاكسي و هبطوا كملوا حاسيلوا دخلوا لنفس الماغزان بعد ما طلبتها امها قتلها راني منيش في الدار باش نمشي لدار خالتك نسات حكايت الطفل هوما في الماغزان و هي شافت دبش الرجل قلت نشوف pull ناخذوا كادوا لسيف ياخي هيا توخر دعثرت في طفل هو نفسوا تاع تكسي قلها:سامحني عيش اختي شبيك تتلوصق و تعمل هاكا ملي احنا في التاكسي هاو قربتلي هو حطيت ايدك على يدي لاباس ماو.. هانادي مصدومة ملقات متقول بقات مبهمة ...
قتلوا: امان فهمتني بالغالط و الله ..
دزها و قلها: ويني عايلتك مسيبينك وليتوا ترميو في رواحكم بالسيف.
هنادي دموعها هبطوا متحبش شكون يصيح عليها و شكون يقلها الي هيا غالطة منجمتش توقف دموعها اما فسرتلوا علاش عملت اكاكا في التاكسي و الماغزان الي دعثرت فيه وقت هو غادي ماهي الا صدفة و معندها حتى نية باش تبعوا و الا تتلوصق فيه و كملت بكات عينيها حمارت و وجهها كيف كيف خلط عليها سخفتوا و معجبتوش الفازا اول مرة يظلم طفلة و كلي محبهاش الفازة هانادي خرجت تجري حاشمة و تبكي عيط عليها و زيد مزبلها خاصة و انوا الفازة الي عملتهم كينها بالرسمي تتلوصق فيه خلط عليها محبهاش تبقى مغششة محبش يعدي باقي نهاروا يخمم في انسانة ضعيفة انثة بكاها بسبب تافه و ترصيلوا يعدي نهار منرفز جرى و شدها من ذراعها و دورها و عنقها بلقوي قربها لصدروا و غمرها حاجة جبدتتوا فيها يمكن برائتها و الا كاينوا لقاها تشبهلوا برشا و بعد بعد عليها شوي و شدلها يدها الزوز و قلها: سامحني و الله مقصدتش نعيط عليك و هذي اول مرة نطلب السماح من طفلة الله غالب صرتلي مشكلة من صغرتي خلاتني مندورش باي طفلة و كارهم اصل اما انتي و الله سخفتني حسيت روحي بالرسمي غششتك و طلعتهالك . هنادي مسحت دموعها و جاوبتوا: انا راو مغضتنيش الفازا الي انتي فهمت اكاكا غضتني تعلية الصوت و انا نخاف من عبد يعلي صوتوا عليا مصار شي المهم متبقاش انتي تخمم فيا الي انتي غششتني سماح و اكهو. تبسملها و قلها : على الفازة و زيد ناكدلك الي انا منقصدش نعلي صوتي هاي نشربوا قهوة و الا نهبطوا حكاية و نزيد نحكيو شوي ..
هانادي :علاش لا و زيد تحكيلي على مشكلتك مع البنات .. تمشاو القدام شوي يلقاو قهوة على الكياس و مقابلها البحر نسمة و الشمس مضوية الدنيا غناية فيروزية في الصباح الي تعرفت فيه هانادي على عبد جديد في حياتها و قاعدين يحكيوا سيف يطلب في هانادي و يعاود مقتلوش هيا وين و لا شنوا شتعمل لين ايس..
هانادي: حقا مقتليش على اسمك مدلها ايدوا و قلها: ياسين و انتي.
هانادي: هنادي البكاية و طرشقوا بالضحك ...
كملوا حكاو قعدوا اكاكا قتلوا هانادي: اي مقتليش شنوا حكاية الي خلاتك تكره في البنات.
تنهد ياسين و قلها : مش كارهم البنات اما حاس روحي كان باش نقرب من اي طفلة باش يا نحطملها حياتها يا نخسرها في حاجة .. و بعد سكت و قال: وقت كان عمري 16 15 نسيت كان في صغرتي نحب طفلة كنت نعديش نهار نحكيش معاها منفدلكش معاها نهار خبات على امها باش نخرجوا نعمل تحويسة وحدنا على نيتنا كانت قايلة لمها الي هيا خارجة مع صاحباتها تعدينا من حذا طريق كلوا كرهب و عباد وقتها ربي كان حاب اكاكة ضربت فيها كرهبا كركرتها معاه اربعة ميتروا اكاكى لقدام فجعة كليتها متتصورش قداش قلبي مات الف مرة نهارتها خلط عليها تبسط عليها قتلي قول لامي تسامحني كذبت عليها و راني حبيتك بالرسمي عيش حياتك و متقفش عليا على جالي د و معاش نجم نقاوم قلت كلماتها لخرة خاتر ضلوعا تكسروا و ايداها و سقيها تكسروا مبقى شي صحيح خلي عاد الجمجمة تهلكة و مبقى شي صحيح جراو باها جراو و مينجموا يصلحوا شيى تو الدوام لالله الله يرحمها.. دموعوا هبطت و مسحهم هانادي مصدومة و مش مصدقت و قتلوا و بعد شعملت و كيفاه تخسر عبد في حياتك و بقيت عايش كمل سيف كلاموا : صحيح انا كي حبيتها حبيتها بالرسمي رغم صغرنا كنا ديما نلقاو بعضنا و حبينا بعضنا برسمي بعد الاكسيدون عاديت عام كامل في بيتي ساكت لا كلام و لا سلام هزوني لطبة نفسية و كلموني و انا شي خسرت عام من حياتي وما كملتش فيه قرايتي كنت كل منقعد نتذكر كلامها نتذكر دموع امها نتذكر انا السبب الي خلاها تخسر حياتها هي ضحات بثيقة امها و بروحها و كل شي باش تعدي وقت معايا و انا حتى باش نرد بالي عليها لا مخلطش نبعدها على الخطر بعد كالعام بديت نتذكر و نفهم في كلامها مشيت لامها و قتلي مسامحتها دنيا و اخرى و طلبت منهم انا سماح قتلي امها: انتي لقيت كيف تفرحها و في نفس الوقت خسرتها هي ربي يرحمها و انتي وليدي ربي يلاقيك خير و رد بالك على روحك . ربي يرحمها بعدها بديت نخاف مالعباد و مالبنات كملت قرايتي و بعد على كل شي كانت ديما بين عيني كلامها في وذني منسيتوش تعداو سنين انا منكرهمش لبنات اما بقات عقدة في حياتي الي طفلة الي باش نقربلها باش نخسرها .
نهارتها بكات هنادي بكات بسكات لين جفت العين كيف كيف ياسين خرجوا مالقهوة قتلوا هانادي: ياسين وقت عينك باش تحكي اطلبني و كتبتلوا نومروها قتلي مالليوم معاش تخاف و معاش شتخسر شي
مكنتش مخممة اصل شيسير اكاكا و مكانت
حاطتها في مخهااحاجة باش تعملللها العرك سيف وقف الكرهبة و مشاا مغششا منرفز جبدها من ايدها و وجعها و هز ايدوا و عطى ياسين كف و جبدها حطها في كرهبا و سكر الباب و رجع لياسين و قلوا: اعرفها تابعة شكون قبل متحط عليها كسرتك ..
ياسين بهت قالوا:راك فاهم بالغالط .. مسمعوش و رجع سيف اول مرة يتغشش اول مرة يدافع على حاجة حسها بالرسمي تاعوا اغلب الحاجات تاعوا كي يتفكوا ميصولش يدافع عليهم كيما هنادي كان حسبها متاعوا هو كهو كل شي عيط عليها صاح و هز ايدوا باش يضربها و ضرب كرسي الكرهبة هانادي تبكي و تصيح تقلوا راك غالط افهم بعد سكتت وقت عيط عليها و هز يدوا و حلت باب الكرهبة و خرجت تجري..
سيف :معندوا ميعمل و حط راسوا على القيدون و تنهد مش عارف شيعمل شمقربوا ليها شكونوا و هيا شتعمل هنا و ماقتلوش و علاه مشات مغير متوضح و علاه هربت منوا و منجمش يوقفها و بعد دور كرهبتوا و مشا هايم بين الشوارع يسوق بزربة..
اما هانادي:مشات مشات لين بعدت بعدت على العباد و هي تبكي و تمسح في دموعها مخللهاش فرصة باش تفهوا و طول عيط على الطفل و ياسين سكت يمكن فيبالوا خوها هايمة و ضايعة تحلها من شيرة تتخرب على راسها من شيرة ختارت تسكت و تخليه يهدى على راحتوا و تو تحكي و تفهموا و ياسين عارفتوا باش يطلبها يفهم قعدت على حافو البحر وحدها تشم في نسمة همها هم اما مكانتش حاسة المهم بعدت على سيف باش ميغلطش و يضربها و ال يغششها و يبعدوا على بعظهم جملا ..
ياسين :بقا مصدوم ملي صار كان حاط في بالوا كيما قالت هانادي الي طفل هاكا خوها و بقى مستغرب كيفاه واحد يعفص طول يدز و يعيط و يضرب و قال تهدى الاومور يطلبها ...
بين بكى و غصة في قلبها تبكي في بيتها روحت و سكرة الباب يزيش سيف عمل معاها اكلكا و فهم بالغالط و حشمها قدام ياسين داخلة بعضها حتى باش تفسرلوا ملقاتش وقت في الوقت الي سيف دارها البلاد الكل بالكرهبا يجري بداء الظلام و كثروا دموعها و قريب يهزها النومم هيا اكاكا و دق تليفونها قلت لاعلا فيها خير كلمني يحب يفهم هزت اااا سيف وينك
سمعت صوت يقلها :اختي سيف في السبيطار و كان ميقلقكش تجينا راو حالتوا خطيرة ياسر و اعمل حادث قوي ياسر و ملقينا كان نومروك انتي متصل بيك باارشا مرات ... سالت على نومروا السبيطار و بعد هبطوا دموع من عينها كالشتاء بعد مسحتهم لبست دبشها و قررت باش تكون قويا كان ضعف واحد فيهم لازم واحد يقف على ساقو و يعفص على وجيعتوا هزت ساكها و تليفونها و مقالت لحد باش متفجعهمش تجري وصلت لصبيتار قلولها سيف تضر و لازموا دم و طاح على حديد لازموا كلوى خاطر تضرت كلوتوا و بقي كسور خفيفة لازم فيسع نلقاو متبرع ملقات حتى حل تجري كلمت ياسين و سالتوا على فصيلت دم و كلوا كان حاضر باش يتبرع مهما صار و زيد هيا قداه حست روحها ضعيف كي عرفت الي مش نفس الفصيلة و متنجمش تعاونوا و تنقذوا مالموت هيا مش ساعة و الا ثنين هيا ليل لصباح تعدات بكا اغلى عبد بين الحياة و الموت و العبد الي هموا اكثر من همها قاعد ينحي من روحوا بش ينقذ سيف على جالها العمليا تقدت و نجحت و قام ياسين لاباس و يرتاح و سيف عمليتوا ناجحا و كسر في ايدوا و جبسوه و سفا طرف جروح في وجهوا باقي اما في غيبوبة صغيرة تاع ثلاثة يام نهارين و يقوم هانادي دموع على خدها ملقات متعمل و تزيد كان تتدهيلوا يقوم لاباس و يرجعلها و ياسين في جنبها يرتاح مالعملية حتى هو مش ناقص بعد قالها : ريت مخيبها احساس قريب تخسر عبد و مش تخسروا معاش تراه لا تخسروا بمعنا تخطفوا الموت منك سيف كان لبارح على حافة الموت و كان مش انتيي راو زاد تضرر اكثر .. قصت علية و قتلوا: لا و الله كان مش انتي يعطيك الصحة . قالها: انا الحاجة الي عشتها هي الي خالاتني نتبرعلوا بالكلوى و عادي خاتر محبيتش يصير عليك كيما ضارلي انا ترى قدام عينك انسان عزيز عليك خطوة خطوة للموت .
قاتلوا هانادي : و الله لا ننساهالك مزيتك و ربي ينسيك و يرجع يقويك .. قعدوا يحكيو وصل لخبر للعايلت سيف جاو الكل يطلوا يستناو فيه باش يفيق و لا حد عارف شنوا الي خلاه يتغشش و يجري و يااعمل اكسيدون و روح ياسين لدارهم روحت بيه هانادي وصل للباب دقت و ياسين شاد في هانادي بحكم بقعت العاماليا توجع فيه حلت الاموا الباب و قلت : لطف على وليد تكلم شصار وينك نهارين لا تكلم و لا تجاوب على تليفون..
قالت هانادي: يا طا يا طاا ستنا ندخلوه يرتاح تو نحكيلك..
ستنواا و خليوا كمنتارات و رايكمم فيه الحلقة و خمموا شنوا شتقول ام ياسين و كي يقوم سيف شنوا ردت فعلوااا على قريب تشاالله
دخلوا ياسين قعد و حكات هانادي لاموا لحكاية الكل يلخي اموا بقات مستغربة و مفجوعة على وليدها قالها : يا ميمتي لعلا فيها خير عند ربي .. ياسين ميعمل حاجة في دنيا هذي كان خير عند ربي و يجازيها عليه يحب للناس الخير و يعيشوا لاباس . امي ياسين صحيح مقبلتش لحكاية اما عادي مدام ولدها حب اكاكة مغير متبقى تقلق فيه .
نرجعوا لسيف ثاني يوم و هو في شبه غيبوبة بعد موصلت هانادي ياسين لدارهم و رجعت لسيف تكات في جنبوا تحكي معاه : قوم يا سيف تخلينيش و الله لاعاد نعمل شي لا منشاورك قوم تخليش دنيا تاقف هنا مزال باش نعملوا بارشا حاجات و نفرحوا قوم يا سيف كل شي الا غشك ..
تحكي و دمعى على خديها لين هزها النوم و رقدت على صدروا زاد شوي سيف حل عين يحس في حاجة مدفيتوا و نفس قريباوا هز ايدوا بشوي و بعدلها شعرها على وجها بقى يغزرلها لين قامت ياخي تفجعت و عيطت يااااا سيف قام و جاء طبيب طمان عليه و قال الي حالتوا مستقرة يزيد نهارين و ينجم يخرج مالكلينيك فرحت هانادي و عنقتوا و باستوا و قتلوا حمدالله على سلامتك و بعد قعدوا وحدهم دار سيف موجوع هز عنقوا شوي و قال:هانادي سكر الباب و شنحكي معاك . تجري سكرتوا و قتلوا : سيف انسى متوجعش راسك بالحكايات الفارغة حمدالله على سلامتك و اكهو الفايدة في انك قمت انسى الي صار و السبب. قالها سيف : لا لا منيش مغشش كهو هديت اما نستتنا فيك شتحكيلي شموصلك تحكي مع عبد هاكا و علاش و يقربلك فاش قام . قالتلوا حتى بعد الاكسيدون و تضربت شوي لا مت مزلت تببت و تحب تعرف على الانسان هاكا شكون .. عيط و تعب روحوا و قال: اي نعرف و كان عجبك تكلم. قاتلوا بغش : سيد هاكا ضعف قدامي و بكى و حكالي حكايت حياتوا الكل بغصة في قلبوا ماللي الا نعنقوا و نحسسوا الي هو مش وحدوا في دنيا ينجم يلقى عباد تواسيه.. دار سيف باهت و قلها: بارسمي طاح عليك فيض مالحب و الحنان . قتلوا : اسمعني سي سيف انتي اقعد ارتاح و فك عليك مالريق البارد منحبش نزيدوا نتعاركوا لا نخسروا بعضنا .. و هزت ساكخا و خرجت تجري طول رجعت لدار ياسين غادي حلتلها اموا الباب و دخلتها حذا ياسين هو راقد في فرشوا قتلها طا شنقعد حذاها تاعبا و معندي وين نروح كان نروح لدارنا تو يبقاو يسالوا و يحبوا يعرفوا على لحكاية من ساسها لراسها قعدت على الكانباي و دارت دارت في بيت ياسين غطاتوا و رجعت قعدت لين هزها النوم مالتعب نهارين لا رقدت فيهم حتى ليلا مرعوبة على سيف بين حيا و موت ..
كان سيف بين حيا و موت و ليوم قام و نجم يعركها يعني
حتى لو كان تخلى الدنيا عمروا انسان ينسى حاجة غششتوا نهار منهرات و عمرو مينحي الغيض من حياتوا هاكا هو اي حاجة تنجم تغشش الانسان نفسها تنجم تغششوا مرة اخرى و عمرو شمينجم ينساها .. كانت زادة هي راقدة هايمة فاق ياسين بشوي مالعملية يهز في روحوا بسيف يرا فيها راقدة مقابلتوا
عيط يا .. يا هنادي .. يا هنادي مقمتش .
وقف بشوي مشالله و دوب يوصل يمشي بسيف عثر جا فوقها على جنبها فاقت مفجوعة
و عيطت ... ياا ياسين شبيك قوم شمقومك من فرشك ...
قيمتوا و رجعتوا للفرش و
قتلوا .. ارتاح عيش خوايا ارقد ..
قلها: ساعة انا جيت نقوم فيك باش نقلك بارى روح دوش و ارتاح و برى لسيف محتاجك اقف معاه .. ياخي حكاتلوا لحكاية
و قتلوا .. منمشيش حذا سيف.. ياخي قلها.. سيف محتاجك كان انتي حذاه حاشتوا شكون يقف معاه حتى يقوم لباس يمكن ردة فعلوا اكاكا هو حر و الله اما انتي لازم تفهموا و تحكيلوا الحكاية صحيحة لازمك متخليهوش فهموا ماللول اي انسان في لحظة ضعفوا يحتاج انسان ياقف معاه يحكي معاه قي وقت وجيعتوا حتى لوكنت سبب لوجيعة لو كان كل انسان يخلي لاخر فاهم حكاية بالغالط تو معاش نفهموا شي يعني انتي مالازمك الا تمشي تطلب السماح و تحكي و انتي رايضة و زيد لحظة غش و تتعدى.. قتلوا .. لا هو صاح و رعبني حسسني الي انا غالطة على عليا صوتوا حتى تناسيت و قلت خليني ناقف معاه زاد يبربش في حكاية غالط فيها جملا خليه كي يقوم لاباس تو نحكي معاه .. قلها لا تو تقوم و تمشي حذاه و الا معاش ترى وجهي احكيلوا لحكاية الكل .. قتلوا باهي .. قلها ايجا هات بوس و امشي اي .. ستغربت هانادي و بقات باهتة انا ياسين على طبيعتوا راو ميقصد شي كي اختوا مشات عنقتوا و باستوا و قتلوا رد بالك على روحك تو نرجع نطل .. خرجت فرحانا تخمم شنوا تقول لسيف بالرغم الي هيا قتلوا راو ياسين انسان ضعف حكالها حكايتوا ياخي كانت مضطرة تعنقوا و تحسسوا الي هي معاه و مزالوا عباد يحبوا بعضهم و يحسوا ببعضهم دهلت لسبيطار تجري حلت لباب باش تترمى عليه تعنقوا و تحكيلوا اووب تصدمت ..
تصدمت كي دخلت للبيت تلقاها منظمة مفيها حد خرجت تجري سألت الفرملية قتلوا راو خرج جا بوه خرجوا ياخي طمانت كلمتوا ميهزش رجعت خافت مشات لدارهم حطت دبشها سلمت على امها و قلتلها : امي سيف ماو فيبالك بالاكسيدون قوم نمشيو نطلوا عليه. قتلها : بنيتي سيف طيارتوا خرجت و الا باش تخرج تو . تخلخلت هانادي: ياا امي انا طيارة شفما. امها: جا سيف بكري طلينا عليه و بوه منرفز و كل و قصلوا تيكاي طيارة و شيبعثوا لكندا بحذى خالتوا باش يعدي شهرين و الا اكثر شيرتاح و يرجع كيف ما كان هاكى . هبطت دمعة هانادي من عينها تصدمت مالفازة تصور انسان قريبلك على الاخر و يجي في لحظة يخيروه باش يبعد بعيد عليك صحيح بعيد على عينها اما منتصورش شيكون بعيد على قلبها تصدمت قعدت و خافت خافت ترجع وحيدة خافت مالبعد تكره البعد و تكره الغدرة لا كلام لا سلام مشى يمكن ميرجع تعرش على دنيا شمخبيتلك كلمتوا مرة ثنين اربعين مسكر قلت وينوا في طيارة وصل شعمل شكون وصلوا و هو تاعب مالعملية شكون شيلقى في كندة دمعة على خدها سكرت بيتها عيطت عيطت كسرة مرايا فرتت البيت الكل بالغش و رقدت في القاعة امها حاولت تحل الباب منجمتش و قالت خليها حالة غش تو تتعدى لكن متعداتش تعدى ليل جا نهار مفقتش عيطت امها عيطت شي تعرف رايها صحيح تعدات عشية كاملة و امها كل شوي تعيطلها و هي ساكت عينها تحوقت مرقدتش علاش ربي يجازيها هكا شعملت و شي هاكي حالتها بعد حلت الباب مشات الدوش دخلت امها لمتلها البيت و بعد هانادي لبست و خرجت لعشية قالت لامها مغير متسال عليا يامي تو نروح اطلبني اما شنطول و يمكن منباتش في الدار امها حبتش تتدخل تعرف بنتها قوية و تعرف شتعمل خرجت مشات تجري لدار ياسين حكاتلوا كيفاه خلاها بوجيعتها حكاتلوا كل شي و بعد تبكي تبكي لين هزها النوم في جنب ياسين و رقدوا يمكن تو هانادي تتسمى خسرت سيف لوقت محدد و الا حتى للابد اما ربحت ياسين خو و كل شي يسمعها و وقف معاها تليفونها ينوقز ينوقز شفما نومروا مالبرى تاكدت الي هو سيف شكون غيروا مفجوعة شنوا شتقول و شنوا شيقولها ....
هزت التاليفون الوا قلها اا سيف معاك : قتلوا اهلا
وينك شبيك... قص عليها و قال: يمكن انا غالطو سامحني و الا كان انتي السماح لازم فما شكون فهم الموضوع بالغالط تو انا بعدت ماشي بعيد نعرش قداه جمعة جمعتين عام عامين نعرش اما حبيتك و حبيت نكمل حياتي معاك عمري متصورت نخليك مخليتكش اما كنت ملزوم تو راني تاعب تاااعب بارشاا اكثر ملي تتصور و قلبي تاعب اكثر من بدني صحيح ايدي و كل اما نبرى فيسع و الجروح الي في وجهي خالتي باش تخليهم يعملولي عملية تجميل هيا حبت اكاكا جرح كبير في خدي اما منتصوروش اكبر من الجرح الي في قلبي.. سكت .. عيطت هانادي : ياسيف و الله مجرحتك علاه هكا الحكايا الكل مفهومة بالغالط ..عيط قال : لا غالط لاشي مهما صار انا تو منحبش نعرفها لحكاية و عيشك علي وقفت معايا في العملية و الاكسسيدون الكل و عيشك على الوقت الي عديتوا معاك الكل فرحت ياسر و ضحكت ياسر و تمنيت الوقت كلوا معاك اما انتي خترت هكا انا تو بعيد باش نرتاح عمروا ما صار حتى شي في حياتي اكثر من هكا كانت صدمة بالنسبة لعايلتي الكل و بالاخص بابا . .. انتي رد بالك على روحك و مغير متطلبني برشا خليني نرتاح نرجع ضحكتي كيما قبل و نرجع نفهم لحكاية تو خاليوني و ياسين هاكا و الا شسموا ربي يخليهولك مهما كان شيعنيلك..
قاتلوا: باهي تعرف كيفاه بقيت عايش تعرف شصار و العملية الي عملوها و كيفاه و الا تعرف كان جرح في جنبك و كرشك و الي على وجهك و لا لا يمكن في بالك كان بيدك الي تكسرت خليك اكاكا كي تعرف احكي معايا و علقت طول .. بكات بكات اكثر ملي عاشتوا حياتها الكل عيطت و ياسين يشد فيها يرضي فيها سكتها باسها عنقها و هي شي عياط و صياح و بكات لين جفت دموعها عيطت لين بحاح صوتها . علاها لي نحبوه نجرحوه يجرحنا الكل يمشي بكرامتوا و كبرياؤوا و عمروا لا خمم في القلب الي حبوا كل يمشيو و ميدوم كان الي حبك برسمي و حتى من سيف بكى بكى لين نسى بعد 8 ايام مالاكسسدون يخلي بلادوا يخلي الي حبها يخلي عايلتوا و يسافر يبعد على جال راحتوا راحت بدنوا و بالوا و عمروا معرف الي راحتوا شتكون من بكى غيروا متصورش البعد الي شيرتحوا شيتعب هانادي وعدها باش تستناها يطلبها وعدها باش دوب ما يرتاح يرجع يسندها زعما وعدوا يدوم و الا يهون كي دمعت مظلوم لا لا كان يهون الوعد الي وعدوا يمكن تدمر عيون عيون الانسان الي حبتوا عينها باش تعاود تجف من دموع و بعد تدعي يرجع تتدعي يتذكر تتدعي تموت و هيا ممكن ماتت اما مش مالليوم
تعدى نهار لول الجمعة لولا الشهر الاول مفماش تاليفون من سيف و كي تطلبوا ما يهزش سألت عليه اموا بارشا ديما تقلها لاباس مفما شي حمدالله محكاتلهاش سبب غش سيف باش يعمل اكسيدون محكاتلهاش اصل حكايات الي هوما يحبوا بعظهم دور دور تحس في دنيا فانيا و فارغة واساتها امها باارشا سالتها برشا و عمرها ملقات جواب ياسين برى و شد روحوا ولى هو يطلب و يسال و يطل عليها في الدار و يسال عليها امها شهرين تو كالعاد لا كلمة لا سلام رجعت لقرايا و شافت دنيا جديدة في الفاك تبدلت عليها الدنيا تمشي هايمة تضحك شوي و تتبسم مع عباد متعرفهمش روتين قاتلها و ما يكسروا هالروتين كان ياسين الي في اخر عام في الفاك و يتخرج يحضر و مش لاقي وقت يحب يخرجها من حزنها و غشها و ينسيها اما كيفاه كان يمشي حذاها يعديوا عشية كاملا يلعبوا basketball و الا طرح بلاي يحكيو ياكلوا كانوا صحاب و لاو قراب و ياسين معاش يخاف مالبنات اما ديما يخمم في انوا يخسرها ايامات تعداو محلاه و هانادي بدات تنسى و ساعات تبكي كي تتذكر كانت صعيبة في جرت الاكسيدون يبعد على الاخر متوحشة تعنيقتوا الرقدة على كتفوا الضحكة معاه اما ديما تقول الله غالب اما هي فرحانا ولى عندها صاحب و خوا شكون يتعاركوا على ماكلة على شكون يربح واللى عندها الي عادي ترقد معاه راس و ذنب خوات صحاب كل شي قربوا بارشا و وساها برشوا و حبها حبها اي عادي ميعرش حب كي شنيا اما كي تقربلوا قلبوا يدق كييعنقها يغمض عينوا يحس اللحظة يتنفسها و يحب ريحتها البنينة امها على قد ماهوا ديما يجي حذاهم و ستانست بيه ولات تتعارك معاه هاو نحي صباطك هو متعفصش قاعدة نظف هاو ايجا عاوني على الماعون و في اي وقت بنتها تبكي على قوة جهدها و الا تسكر على روحها في بيتها امها متلقى كان تعيط لياسين يجي حذاها يتفرجوا على افلام على مسلسلات قراو بارشا كتب مع بعضهم عاونها في قرايتها في جامعة كانوا روح وحدة و نساها برشا و قويها ..
تعداو ستة شهور كلمها سيف تفجعت كي العادة و مش عارفة شتقول اما قلبها مدقش و ما حستش روحها حابة تقول توحشتك خاتر حتى كان تقولها ماهيش قاصدتها قلبها بدى يجف قلها .....
هزت تاليفون داخلة بعضها تفرح تتفكر تنسى و شنوا شتقول قالت الوا ترعش جاوبها: اهلا هانادي معايا.
قاتلوا اي .
قالها:وينك لاباس..
هيا:حمدالله و انتي، سامحني خاتر قبل مرجتك و طلبتك بارشا اما بعد هاوكا معاش طلبت جملا ..
قالها: ايي خير حتى انا ستانيتك وقتاش تسلم و حبيت نشوف بقعتك في قلبي و قداش شتكبش ومتنساش ... تو تبدل كل شي هانادي قلبي برد عليك و نسيتك حتى من ضحكتك نسيتها و كل تعداو بارشاا ايامات و انا هنا عرفت بارشاا عباد بدلت جو و رجعت نمشي عادي ووجهي تحسن و معاش فيه اكا الجرح اما جرح قلبي تاكدت الي ماهوش موجود مافماش منوا اصل ... جاوبتوا:هيا باهي تراه شوف الجرح وين كلاويك موجود ..
-اي موجود ..
-و سالت عليه كيفاه و علاه
-اي سالت و بلاهي نحب نقول لياسين يسامحني و مهما صار برسمي و الا لا نحب نقلوا يعيشوا خاتر نقضني مالموت و عيشك انتي خاتر وقفت معايا..
غصرت روحها مسحت دموعها و قتلوا: انتي جروحك طابوا الكل و هاك لاباس و كلمت توحشتك منطقتهاش عادي مغير متقول حاجة متقصدهاش و انا جرحي مازال في قلبي داويتوا في عقلي و مازال شنعمل فهمني بضبط شنعمل نخرجك من مخي ننسى اكا الايامات الكل ننسى ضحكا الي جمعتنا التفدليك ..
-انا خترت البعد و انتي افهم شنوا و سامحني كان دخلت لحياتك و قلبتها المهم مغلطش قلبي تكسح بعد الاكسيدون لا عاد نحب لا شي يمكن كرهتك .
تفجع ياسين و هو قاعد في جنب هانادي فك التاليفون من ايدها و قلوا : يا راجل يلي خترت تبعد تعرف شمعناها تبعد تبعد بعيد ببدنك اما المخ و القلب كان حبوا ميبعدوش حتى لو كان بعيد اسال، مريض اسال، مفهمتش حاجة حاول افهم ،امااا لا قول انا الي ماعينيش و فديت و بساهل نحب عبد و نبعد ..
سكت سيف و حتى من عينوا دمعت و قال :
اي بصراحة معنديش وقت شنحب و معاش عيني نحب يمكن في وقت حبيتها و كنت معاها ياخي البعد خالاني ننسى و رتحني..
و بعد عالق هانادي طاحت تبكي و ياسين يرضي فيها و قالها: الوقت الي عديتوا معاك اكثر ملي هوا عداها نصحتك بارشا و فهمتك قتلك انسى و قتلك كون اقوى و متخلي حد يلعبها اكسيجين في حياتك قوم كون قويا .. يمسحلها في دموعها .. قامت خزرتلوا عنقتوا و قتلوا: قلبي تو مات يمكن ماماتش يمكن تو سكر الجروح لقدم و تاكد منها و رجع عادي زدو تو يستنى عبد اخر يزهيه ..
-اي اكاكا نحبك .. قويا قوم قوم نخرجوا نهزك لبقعا عالمية .
قامت مسحت دموعا تشجعت قالها : تبسم .. تبسمت ياخي قلها: ريت الحفرة الي على خدك كي تتبسم كي نموت نحبهم يدفنوني فيها💚 ..
ضحكت هانادي و خذاتها بافدليكا اما ياسين لا عندوا احساس اخر احساس شيحبها و ينسيها و يرجعها قويا و ما يجرحهاش قلبوا يدق تو بعد الي سكت درا قداها من سنا ....
قومها ياسين و قلها شنخرجوا نهزك لبقعا نبدلوا الجو خرجوا دنيا بدات تضلام هزها لقدام البحر وقفوا بقعا فارغا ضوء قمرة تكات في القاعة قتلوا تكا نتفرجوا في النجوم تكاو..
قتلوا: قبل نخرج نتفرج انا و سيف في البركون في النجوم.
قلها: انسى امان مش اي حاجة تذكروا
قتلوا : باهي اسمع تو دنيا باردة صحيح.... اما انا منحسش البرد جملا فيبالك و الله كنت صغيرة نبقى نعوم في شتاء و نبقى نبكي باش بابا يهزني نعوم كنت منفرقش بين صيف و شتاء نعوف في اي وقت و كن ترى قداش نحب العومة في الليل
-العومة في الليل باهيا و ترتح نتذكر روحي مرة عمت 4 سوايع مالمضيساعتين لين طلعت الشمس عمت عمت لين تعبت وحدي هايم في ليلا من اخيب الليالي في حياتي اما كي عمت تفرهدت و كنت نرى في نجوم قريبة نحسهم يحكيو معايا مونسيني وقتها لا صاحب نشكيلوا و لا خو نبكيلوا و لا ميما تقدر تواسي هزيت روحي عديت الوقت الكل غادي .. سكت يلقاها قامت نحات دبشها قعدت في دبش الدخلاني بدنها منظم بيضضا يا محلاها سيبت شعرها و جرات للبحر و قتلوا هاياااااا معايا قلها يا مهبولا ايجا دنيا باردا نحى حتى هوا دبشوا و خلط عليها حطوا دبشهم على حافة الشط و عاموااااا هيا مهبولا تعمل الي يضهرلها قلبها تنعنش بماء البحر البارد اما كانلها دافي بالرغم متحسش تعبت و بدا راسها يوجع و نسمة ضربتها ببرودة بدات الدوخ تخلوضت عليها لالامور لا تبكي و الا تضحك تفرح و الا تحزن و الا تنسى بدات دوخ و رخفت روحها و داخا في الماء ياسين دار يلقاها لوطا هزها بشوي فيقها حطها على الشط و مقمتش كانت كلي بش تغرق حط فموا في فمها و حط نفس قوي و كل يقيم فيها لين قامت حلت عينها و تخضت لقات وجهوا قريب ليها و كل انفاسوا قريبة على الاخر منها ياخي قامت ملبوسة مفجوعة و عنقتوا بدوناتهم ترعش مبلولين و هو يسكت فيها و قلها تنفس و بعد طرشقت بضحك قتلوا خفت عليا قلها نخاف مالا لا هزت يدها و حطتها على صدروا العريان على قلبوا قتلوا:و قلبك يدق زادا اما هاك دافي دفيني معاك .. ياخي حملها بالقوي عنقها و قلها :ندفيك مالا لا اما قلبي بارد مالداخل و كان ميت و الوقت الي عديتوا معاك بدا يدفى و بدى يرجع يحيى ..باستوا و قتلوا : الوقت الي عديتوا نبكي كنت نلوج في شجاعة باش نحبك كنت عارفة الي لاخر معاش راجع و نسيتوا اما عارفة الي انتي معايا... قلها مادامني معاك البس دبشك لا تمرض قتلوا لا نمرضش و انا معاك و بعد اكا ليلا الباردة على ضوء القمرة معاهم البحر و صوت الموج متصورتش هانادي روحها تعاود تحب اما حبت يمكن اكثر من قبل ..
القلب لقديم مات و تزرع قلب جديد متعرش على
دنيا شمخبيتلك في ليلة و نهار تلقى عبد اخر يزهيك عبد يحلك الف طريق و نسيك وينوا تو تعداو سبعة شهور و كي كلمها زاد على ما بيها لين خرجتوا من مخها و كان ياسين معاها ليل و نهار فاقت صباح في دارهم بعد ما سهروا في ليل في البحر و قتلها امها قوم يا عروسة ضحكت و حست الي امها فاهمة كل شي و مخليتها على راحتها جاء ياسين في الصباح و ختارلها شتلبس و قلها قوم نحوسوا لبست روب بيضة و طالون عالي شوي في النوار و سيبت شعرها الي يحبوا ياسين بارشا و نضمها و هزت ساك صغير و حطت تاج فينوا فوق راسها و قتلوا شقولك قلها يا محلا زينها الqueen و حطت شويMake up و خرجوا في كرهبت ياسين هزها لبقعة عالية مقابلها بحر و فما كان شجرة و طاولة مزينة فيها اعز ماكلة و فيها قعيدة عالمية و زينة غادي فما صحابوا و صحابها الي يقراو معاها و ام ياسين و خلطوا بو و ام هانادي نبابل و زينة و كل شي قد قد حلمة العمر غمضلها عينيها كي هبطوا مالكرهبة و دوب ما نحا ايدوا هبط على ساقوا و مد خاتم و طلعوا نبايل في السماء ملونين فاتحين لونهم كي لون الدنيا عيطت فرحت فرحة متتوصفش مدلها خاتم مرصع بالديامون ترمات عليه عنقتوا باسوا بعضهم بكات مالفرحة و مرات قدامها كان ياسين الصاحب و الخو العشرة و الحب كي عبد يحب ميعرش على دنيا شمخبيتلوا وقتاه كيفاه وين و علاش و عمرك متصور تخلي عبد اخر تحبوا بعد ما حبيت عبد حد الموت اي يصير يمكن حتى في ليلة و نهار تكون مع عبد و غدرك و الا فازة بعدتكم و فجأة يعرضك في طريقك عبد يكون قريب وقتها رد بالك تسكر قلبك خاتر مش اللعباد الكل كيفكيف و متشبه حد بحد و متقولش غدرني اللول يغدرني الثانية دنيا كبيرة و مزال فيها عباد باهين و حتى كان فما عبد عمل الغالط راو كان ملزوم و الا ظروف خلاتوا بعمل اكاكا ربي خلقنا كل عباد كيف كيف اما خسارة الشيطان الي يغلط لعباد و رد بالك تسمع كلام الشيطان الي يقلك لا ابعد ارقد اسكت اقعد وحدك اكرهم راهم خيبين لا حب و شوف و متحكم على العبد الا متتعامل معاه اييي حبت ياسين في الوقت الي قاعد تنسى في عبد حبتوا ييمكن تنجم تحب ياسين اكثر خاتر وقف معاها و نساها و العبد يحب كان الانسان الي يفهموا و يقويه و يكون معاه في الغصرة ميهمش في الوقت و لا زمان ...
ليست هناك تعليقات:
إرسال تعليق