ﻛﺮﻭﻧﻴﻚ ﺑﻌﻨﻮﺍﻥ " ﺯﻭﺟﻲ ﺍﻟﺴﺠﻴﻦ ''
ﺍﻟﺤﻠﻘﺔ :1
- ﻳﺎ ﺑﺎﺑﺎ ﻋﻴﺸﻚ ﻛﻴﻔﺎﻩ ﺗﺤﺒﻨﻲ ﻧﺎﺧﻮ ﻭﺍﺣﺪ ﻓﺎﺭ ﺣﺒﻮﺳﺎﺕ
- ﺍﻟﻄﻔﻞ ﻭﻟﺪ ﻋﻤﻚ ﻭ ﻛﻲ ﺧﻮﻳﺎ ﺣﻜﺎ ﻣﻌﺎﻳﺎ ﻓﻲ ﻣﻮﺿﻮﻉ ﺍﻟﻌﺮﺱ ﺍﻟﺤﻖ ﻳﺎ ﺭﺑﻲ ﺣﺸﻤﺖ ﺑﺎﺵ ﻧﻘﻠﻮ ﻻ
- ﻳﺎﺧﻲ ﻧﻮﺭﻣﺎﻝ ﻓﻲ ﻣﺨﻚ ﺗﺨﻠﻴﻨﻲ ﻧﻌﺮﺱ ﺑﺮﺍﺟﻞ ﻣﺎﺯﺍﻝ ﻓﻲ ﺍﻟﺤﺒﺲ .. ﺭﺍﺟﻞ ﻗﺎﺗﻞ ﺭﻭﺡ ... ﻭ ﻻ ﺷﻜﻮﻥ ﻗﺎﺗﻞ .. ﻗﺎﺗﻞ ﻣﺮﺗﻮ
- ﺃﺳﻤﻌﻨﻲ ﺗﺴﻨﻴﻢ ﻭﻟﺪ ﻋﻤﻚ ﺃﻭﻟﻲ ﺑﻴﻚ ﻣﻦ ﻏﻴﺮﻭ ﻭ ﻫﻮ ﺗﺎﺏ ﻟﺮﺑﻲ ﻭ ﺯﻳﺪ ﻗﺘﻠﻬﺎ ﻣﻮﺵ ﻣﺘﻌﻤﺪ
- ﻣﻮﺵ ﻣﺘﻌﻤﺪ ﻭ ﺿﺎﺭﺏ 10 ﺳﻨﻴﻦ ﻓﻲ ﺍﻟﺤﺒﺲ ... ﻣﺎﻻ ﻛﺎﻥ ﻣﺘﻌﻤﺪ ﻗﺪﺍﻩ ﺑﺎﺵ ﻳﻘﻌﺪ
- ﻳﺰﻱ ﺑﻼ ﻗﻠﺔ ﺣﻴﺎﺓ ﻭ ﺗﻠﻢ ﺍﻧﺘﻲ ﺯﺍﺩﺍ ﻣﺎﻛﺶ ﺻﻐﻴﺮﺓ ﺑﺎﺵ ﺗﻘﻌﺪ ﺗﺘﺸﺮﻁ
- ﺃﻧﺎ ﻋﻨﺪﻱ ﺷﻜﻮﻥ
- ﻭﻳﻨﻮ ﺧﻠﻴﻪ ﻳﺠﻲ ﻳﺨﻄﺒﻚ
- ﻣﺎﺯﺍﻝ ﻣﺎﻫﻮﺵ ﺣﺎﺿﺮ
- ﻣﺎﻫﻮﺵ ﺣﺎﺿﺮ ... ﺧﻠﻴﻪ ﻳﺤﻀﺮ ﺭﻭﺣﻮ ﻋﻠﻲ ﺭﺍﺣﺘﻮ ﻭ ﺍﻧﺘﻲ ﻋﺮﺱ ﻭ ﺳﻜﺮ ﻋﻠﻲ ﺍﻟﻤﻮﺿﻮﻉ
- ﻟﻜﻦ ﺑﺎﺑﺎ ....
- ﺳﺎﻳﺎ ﺗﺴﻨﻴﻢ ﻭﻟﺪ ﻋﻤﻚ ﺑﺎﺵ ﺗﺎﺧﺬﻭ ﻋﻴﻨﻚ ﻭﻻ ﻣﻌﻨﻜﺶ ﻳﺢ ﻛﺒﺮ ﺭﺍﺳﻚ ﻭ ﻭﻟﻴﺖ ﺗﻨﺎﻗﺶ ﻓﻴﺎ ﺯﺍﺩﺍ
- ﺑﺎﺑﺎ ﻋﻴﺸﻚ ﻫﺬﺍﻛﺎ ﻻ
- ﻛﻠﻤﺔ ﻭ ﻋﻄﻴﺘﻬﺎ ﺳﺎﻳﺎ ﺗﻮ
ﻣﺸﺎﺕ ﻭ ﺧﻼﺗﻮ ... ﺳﻜﺮﺕ ﺑﺎﺏ ﺑﻴﺘﻬﺎ ﻋﻠﻲ ﻗﻮﺓ ﺟﻬﺪﻫﺎ ﻭ ﺭﻗﺪﺕ
ﻧﻤﺸﻮ ﻟﻘﺎﺳﻢ ﺇﻟﻲ ﻣﺎﺯﺍﻝ ﻣﺘﻜﻲ ﻋﻠﻲ ﻓﺮﺷﻮ ﻓﻲ ﺍﻟﺤﺒﺲ ﻭ ﻳﺨﻤﻢ ﻓﻲ ﻛﻼﻡ ﺑﻮﻩ -" ﻗﺎﺳﻢ ﻭﻟﺪﻱ ﺃﻭﻝ ﻣﺎ ﺗﺨﺮﺝ ﻣﻦ ﺍﻟﺤﺒﺲ ﺑﺎﺵ ﻧﻌﺮﺳﻠﻚ ﺑﺘﺴﻨﻴﻢ ﺑﻨﺖ ﻋﻤﻚ
- ﺑﺎﺑﺎ ﻣﻨﺤﺒﺶ ﻧﻌﺮﺱ ﻭ ﺯﻳﺪ ﻛﻴﻔﺎﻩ ﺑﺎﺵ ﺗﺮﺿﻲ ﺑﻴﺎ ﻭ ﺍﻧﺎ ﺣﺎﻟﺘﻲ ﻫﺎﻙ ﺗﺸﻮﻑ ﻓﻴﻬﺎ ﻛﻴﻔﺎﻩ ﻭ ﺯﻳﺪ ﺣﺘﻲ ﻭﺟﻬﺎ ﻧﺴﻴﺘﻮ
- ﻓﻲ ﺍﻟﻮﺟﻪ ﻣﺸﺎﺀ ﺍﻟﻠﻪ ﻋﻠﻴﻬﺎ ﻭ ﻣﺘﺨﺎﻓﺶ ﺣﻜﻴﺖ ﻣﻊ ﺑﻮﻫﺎ ﻭ ﻫﻮ ﻭﺍﻓﻖ ﺑﺎﺵ ﻧﻌﺮﺳﻠﻚ ﺑﻴﻬﺎ
- ﻭ ﻫﻲ ﻣﻮﺍﻓﻘﺔ
- ﺃﻱ ﺑﺎﻟﻄﺒﻴﻌﺔ
- ﺑﺎﻫﻲ ﺑﺎﺑﺎ ﺭﺑﻲ ﻳﺴﻬﻞ """'
ﻳﺘﺬﻛﺮ ﻭ ﻣﺨﻮ ﻳﻬﺰ ﻓﻴﻪ ﻭ ﻳﺠﻴﺐ ﻣﻴﺤﺒﺶ ﺇﻟﻲ ﻋﺎﺷﻮ ﻗﺒﻞ ﻳﺰﻳﺪ ﻳﺘﻌﺎﻭﺩ ﻣﺮﺓ ﺃﺧﺮﻱ
-'"" ﺑﺴﻮﻣﺔ ﺣﺒﻲ ﺍﻟﻠﻴﻠﺔ ﻣﺎﻧﻴﺶ ﺑﺎﺵ ﻧﺮﻭﺡ
- ﻋﻼﻩ ﺣﺒﻴﺒﻲ
- ﻋﻨﺪﻱ ﺧﺪﻣﺔ ﺑﺎﺵ ﻧﻤﺸﻲ ﻧﺴﻠﻊ ﺃﻧﺎ ﻭ ﺍﻷﻭﻻﺩ ﻟﻠﺤﺎﻧﻮﺕ
- ﺑﺎﻫﻲ ﺭﺩ ﺑﺎﻟﻚ ﻋﻠﻲ ﺭﻭﺣﻚ
ﻛﺎﻥ ﻣﻌﺒﻲ ﺑﺎﻟﺸﻜﻼﻃﺔ ﻭ ﺍﻟﻮﺭﺩ ﻭ ﻫﻮ ﻓﻲ ﻃﺮﻳﻘﻮ ﻟﻠﺪﺍﺭ ﻓﺮﺣﺎﻥ ﺑﻤﺮﺗﻮ ﺇﻟﻲ ﻋﻨﺪﻫﻢ ﺷﻬﺮﻳﻦ ﻣﻌﺮﺳﻴﻦ .... ﻣﻦ ﺃﻭﻝ ﻣﺪﺧﻞ ﻟﻠﺪﺍﺭ ﻳﻠﻘﺎ ﺍﻟﺒﺎﺏ ﻣﻔﺘﻮﺡ ... ﺇﺳﺘﻐﺮﺏ ﺃﻣﺎ ﻓﺮﺡ ﺧﺎﺗﺮ ﻟﻘﺎﻫﺎ ﻓﺮﺻﺔ ﺑﺎﺵ ﻳﺪﺧﻞ ﻭ ﻣﺘﺴﻤﻌﺶ ﺍﻟﺼﻮﺕ ... ﺩﻳﺮﺍﻛﺖ ﺩﺧﻞ ﻟﻠﻜﻮﺟﻴﻨﺔ ﻭ ﻗﻌﺪ ﻳﺤﻀﺮﻟﻬﺎ ﻓﻲ ﻃﺒﻖ ﻣﻌﺒﻴﻪ ﺑﺎﻟﺸﻜﻼﻃﺔ ﻭ ﻗﻌﺪ ﻳﺰﻳﻨﻠﻬﺎ ﻓﻴﻪ ... ﻟﻴﻦ ﻳﺴﻤﻊ ﻓﻲ ﺻﻮﺕ ﺍﻟﺪﺍﺭ ﺗﺤﻞ ﻭ ﺩﺧﻞ ﺭﺍﺟﻞ ﺩﻳﺮﺍﻛﺖ ﺗﻌﺪﺍ ﻟﺒﻴﺖ ﺍﻟﻨﻮﻡ ... ﻟﺤﻘﻬﻢ ... ﻭﻗﺘﻬﺎ ﻭﻳﻦ ﺗﺼﺪﻡ ﻛﻲ ﻟﻘﺎ ﻣﺮﺗﻮ ﻣﺤﻤﻠﺔ ﺍﻟﺮﺍﺟﻞ ﺑﻜﻞ ﻗﻮﺗﻬﺎ ﺑﺎﻳﻦ ﻗﺪﺍﻩ ﻣﺘﻮﺣﺸﺘﻮ .......
ﺍﻟﺤﻜﺎﻳﺔ ﻫﺬﻱ ﻣﻬﻤﺸﺘﻮ ﻭ ﺧﻼﺗﻮ ﻳﺪﺧﻞ ﻓﻲ ﻭﺣﺪﺓ ﻭ ﻛﺂﺑﺔ ﻣﻌﺎﺵ ﻳﺤﺐ ﻳﻌﻴﺶ ﺍﻟﺸﻲ ﺇﻟﻲ ﻋﺎﺷﻮ ﻣﺮﺓ ﺃﺧﺮﻱ ﻭ ﺗﺰﻳﺪ ﺣﻴﺎﺗﻮ ﺗﺪﺧﻞ ﺑﻌﻀﻬﺎ ﺃﻛﺜﺮ
ﺍﻟﺤﻠﻘﺔ :2
ﻭﺍﻗﻒ ﻗﺪﺍﻡ ﺍﻟﺤﺒﺲ ﻭ ﺷﻨﻄﻮ ﻋﻠﻲ ﺿﻬﺮﻭ .... ﻳﺘﻨﻔﺲ ﻋﻠﻲ ﻗﻮﺓ ﺟﻬﺪﻭ ﻳﺤﺐ ﻳﻌﺒﻲ ﺻﺪﺭﻭ ﺑﻬﻮﺍﺀ ﺍﻟﺤﺮﻳﺔ ﻭ ﻳﺨﺮﺝ ﻫﻮﺍﺀ ﺍﻟﺴﺠﻦ ... ﻟﺤﻈﺎﺕ ﻣﻦ ﺍﻟﺰﻣﺎﻥ ﻭ ﻳﻜﻮﻥ ﺑﻮﻩ ﻗﺪﺍﻣﻮ
- ﻗﺎﺳﻢ ﻭﻟﺪﻱ ﻗﺪﺍﻩ ﺗﻮﺣﺸﺘﻚ
- ﻛﺎﻥ ﺗﺸﻮﻑ ﺃﻧﺎ ﻳﺎ ﺑﺎﺑﺎ ﻗﺪﺍﻩ ﺗﻮﺣﺸﺘﻚ ... ﻋﻴﺸﻚ ﻋﻠﻲ ﻭﻗﻔﺘﻚ ﻣﻌﺎﻳﺎ ﻧﻮﻋﺪﻙ ﻣﻌﺎﺵ ﻧﺨﻴﺒﻠﻚ ﺿﻨﻚ ﻣﺮﺓ ﺍﺧﺮﻱ
- ﻣﻌﺎﺵ ﺗﻘﻮﻝ ﻫﻜﺎ ﻳﺎ ﻭﻟﻴﺪﻱ ﺇﻟﻲ ﺻﺎﺭ ﻛﺎﻥ ﻣﻜﺘﻮﺏ ﻭ ﻫﺬﺍ ﻗﻀﺎﺀ ﺭﺑﻲ ﻭ ﺗﻮ ﺍﻟﺤﻤﺪ ﻟﻠﻪ ﻫﺎﻙ ﺧﺮﺟﺖ ﻭ ﺃﻣﻮﺭﻙ ﻭﺍﺿﺤﺔ ﻭ ﺍﻟﺤﺎﻧﻮﺕ ﻣﺎﺯﺍﻝ ﻳﺴﺘﻨﻲ ﻓﻴﻚ
- ﺣﺎﻧﻮﺕ ﻣﺘﺎﻋﻲ ﻣﺴﻜﺮﺗﻮﺵ
- ﻫﻬﻬﻪ ﻻ ﺧﻠﻴﺘﻮ ﻳﺨﺪﻡ ﻭ ﺃﻣﻮﺭﻭ ﻭﺍﺿﺤﺔ ﻭ ﻫﻮﻛﺎ ﻣﺼﻮﺭ ﻣﻨﻪ ﺍﻟﺨﻴﺮ ﻭ ﺍﻟﺒﺮﻛﺔ
- ﻋﻴﺸﻚ ﻳﺎ ﺑﺎﺑﺎ ﻭﺍﻟﻠﻪ ﺣﺘﻲ ﺃﻧﺎ ﻛﻨﺖ ﻧﺨﻤﻢ ﺷﻨﻮﺍ ﺑﺎﺵ ﻧﻌﻤﻞ ﺑﻌﺪ ﻣﻨﺨﺮﺝ ﻭ ﺷﻨﻮﺍ ﺑﺎﺵ ﻧﺨﺪﻡ
- ﻻ ﻭﻟﻴﺪﻱ ﻛﻞ ﺷﻲ ﺣﺎﺿﺮ ﺍﻟﻔﺎﻳﺪﺓ ﻓﻴﻚ ﺃﻧﺖ ﻛﻲ ﺭﺑﻲ ﺧﻠﺺ ﻭﺣﻠﻚ ﻭ ﺭﺟﻌﺘﻠﻨﺎ
ﺣﻤﻞ ﺑﻮﻩ ﻭ ﻗﻌﺪ ﻳﺒﻮﺱ ﻓﻴﻪ ... ﻗﺪﺍﻩ ﻓﺮﺣﺎﻥ ﻛﻴﻔﺎﻩ ﻭﻗﻒ ﻣﻌﺎﻩ ﻟﻠﺪﺭﺟﺔ ﻫﺬﻱ ﻭ ﺳﺎﻧﺪﻭ ﻓﻲ ﻣﺤﻨﺘﻮ ﺑﻌﺪ ﻣﺎﻟﻨﺎﺱ ﺍﻟﻜﻞ ﺧﻼﺗﻮ
ﺭﻭﺡ ﻟﻠﺪﺍﺭ ﻭﻳﻦ ﻳﻠﻘﻲ ﺃﻣﻮ ﻭ ﺧﻮﺍﺗﻮ ﺃﻟﻔﺔ ﻭ ﺇﻳﻨﺎﺱ ...
- ﻋﺴﻼﻣﺔ ﺃﻣﻲ
ﻗﺮﺏ ﺑﺎﺵ ﻳﺒﻮﺳﻬﺎ ﺑﻌﺪﺕ ﻋﻠﻴﻪ ﻭ ﺧﻼﺗﻮ ﻓﻲ ﺍﻟﻬﻮﺍﺀ ﻃﺒﺲ ﺭﺍﺳﻮ ﻭ ﺣﺸﻢ ﻣﻨﻬﺎ ﻭ ﺟﺎﺀ ﺑﺎﺵ ﻳﺴﻠﻢ ﻋﻠﻲ ﺧﻮﺍﺗﻮ ﻛﻴﻒ ﻛﻴﻒ ﻣﺴﻠﻤﻮﺵ ﻋﻠﻴﻪ ﻏﺰﺭ ﻟﺒﻮﻩ ﻳﺤﺐ ﻳﻌﺮﻑ ﻣﻨﻮ ﺷﺒﻴﻬﻢ ﻭ ﺷﻨﻮﺍ ﺻﺎﺭﻟﻬﻢ
- ﻗﺎﺳﻢ ﻭﻟﺪﻱ ﺇﻳﺠﺎ ﺧﻠﻴﻨﻲ ﻧﻬﺰﻙ ﻟﺪﺍﺭﻙ ﻫﻮﻛﺎ ﺑﺪﻟﺖ ﻓﻴﻬﺎ ﺷﻮﻱ ﺩﻳﻜﻮﺭ ﺇﻧﺸﺎﺀ ﺍﻟﻠﻪ ﺗﻌﺠﺒﻚ
- ﺑﺎﻫﻲ ﺑﺎﺑﺎ
ﻗﻌﺪ ﻳﻐﺰﺭ ﻷﻣﻮ ﻭﺧﻮﺍﺗﻮ ﻭ ﻗﻠﺒﻮ ﺩﻡ ﻗﺪﺍﻩ ﺗﻮﺣﺸﻬﻢ ﻭ ﻳﺘﻤﻨﻲ ﻛﺎﻥ ﻳﺤﻀﻨﻬﻢ ﻭ ﻳﺒﻮﺳﻬﻢ ﺃﻣﺎ ﺍﻟﻠﻪ ﻏﺎﻟﺐ
ﻣﺸﺎ ﻣﻊ ﺑﻮﻩ ﻟﺪﺍﺭﻭ ... ﻳﻠﻘﺎﻫﺎ ﺗﺒﺪﻟﺖ ﺗﻘﻮﻟﺶ ﻋﻠﻴﻬﺎ ﻣﻮﺵ ﺩﺍﺭﻭ ﺍﻟﻲ ﻋﺮﺱ ﻓﻴﻬﺎ ﺯﺍﺩﻫﺎ ﺑﻴﻮﺕ ﻭ ﺩﻳﻜﻮﺭ ﻳﻬﺒﻞ ﻭ ﻣﺮﻳﺢ ﻟﻠﻌﻴﻦ .. ﻛﺎﻧﺖ ﺑﻴﺖ ﻣﺸﺮﻫﺔ ﻋﻠﻲ ﺍﻷﺧﺮ ﻧﺴﺎﺗﻮ ﻓﻲ ﻣﺮﺗﻮ ﺍﻟﻲ ﻣﺎﺗﺖ ﻓﻴﻬﺎ
- ﻗﺎﺳﻢ ﻛﺎﻥ ﺗﺤﺐ ﺃﻗﻌﺪ ﻫﻮﻧﻲ ﻫﻮﻛﺎ ﺑﺎﺵ ﺗﻜﻮﻥ ﻣﺮﺗﺎﺡ ﺃﻛﺜﺮ
- ﺑﺎﺑﺎ ﺃﻣﻲ ﻭ ﺧﻮﺍﺗﻲ ﻣﻮﺵ ﻣﺴﺎﻣﺤﻴﻨﻲ ﻣﻮﺵ ﻫﻜﺎ
- ﺍﻟﻠﻪ ﻏﺎﻟﺐ ﻭﻟﻴﺪﻱ ﺍﻟﻘﻠﺐ ﺗﺤﺒﻠﻮ ﺑﺎﺵ ﻳﺪﺍﻭﻱ ﻭ ﺯﻳﺪ ...
- ﻭ ﺯﻳﺪ ﺷﻨﻮﺍ
- ﻣﺎﻙ ﺗﻌﺮﻑ ﻗﺒﻞ ﻻ ﺗﺪﺧﻞ ﺍﻟﺤﺒﺲ ﻛﺎﻧﻮ ﻣﺨﻄﻮﺑﻴﻦ ﻭ ﻋﺎﻳﻠﺖ ﺍﻟﻌﺮﺳﺎﻭﺓ ﻛﻲ ﺳﻤﻌﻮ ﺑﻴﻚ ﺑﻄﻠﻮ ﻭ ﻓﺴﺨﻮ ﺍﻟﺨﻄﻮﺙ ﻭ ﺗﻮ ﻣﺎﺷﻲ ﻓﻲ ﺑﺎﻟﻬﻢ ﺍﻧﺖ ﻫﻮ ﺍﻟﺴﺒﺐ
- ﻋﻨﺪﻫﻢ ﺍﻟﺤﻖ ﺇﻧﺸﺎﺀ ﺍﻟﻠﻪ ﻳﺴﺎﻣﺤﻮﻧﻲ
- ﺇﻧﺸﺎﺀ ﺍﻟﻠﻪ ﻭﻟﻴﺪﻱ ﺇﻧﺸﺎﺀ ﻭ ﺗﻮ ﻧﺨﻠﻴﻚ ﺗﺮﺗﺎﺡ ﻭ ﻫﻮﻛﺎ ﺍﻟﻜﻮﺟﻴﻨﺔ ﻭ ﺍﻟﺜﻼﺟﺔ ﻓﻴﻬﻢ ﻛﻞ ﺷﻲ ﻣﺘﺒﻘﺎﺵ ﺟﻴﻌﺎﻥ ﻭ ﺃﻧﺎ ﺑﺎﺵ ﻧﺸﺮﻱ ﻗﻀﻴﺔ ﺍﻟﺨﻄﺒﺔ ﻭ ﻏﺪﻭﻱ ﺇﻧﺸﺎﺀ ﺍﻟﻠﻪ ﻧﻘﺼﺪﻭ ﺭﺑﻲ
- ﺇﻧﺸﺎﺀ ﺍﻟﻠﻪ
ﺍﻟﺤﻠﻘﺔ :3
ﻋﺪﺍ ﻗﺎﺳﻢ ﻟﻴﻠﺔ ﻛﺎﻣﻠﺔ ﻭ ﻫﻮ ﻳﺨﻤﻢ ﻓﻲ ﺑﻨﺖ ﻋﻤﻮ ﻛﻴﻔﺎﻩ ﻭﻻﺕ ﺑﻌﺪ ﻣﻜﺒﺮﺕ ﺧﺎﺗﺮ ﻭﻗﺘﻬﺎ ﺧﻼﻫﺎ ﺻﻐﻴﺮﺓ ﻋﻤﺮﻫﺎ 14 ﺳﻨﺔ
ﺑﺪﺍﺕ ﻋﺎﻳﻠﺔ ﺗﺴﻨﻴﻢ ﺗﺤﻮﺱ ﻭ ﺗﺠﻮﻝ ﻓﻲ ﺍﻟﺪﺍﺭ ﻓﻲ ﻫﺎﻭ ﺳﻼﻳﻂ ﻭ ﻃﺎﺟﻴﻦ ﻭ ﺣﻠﻮ ... ﻛﻞ ﺷﻲ ﻣﺤﻀﺮﻳﻨﻮ ﻫﻮﻛﺎ ﻣﻨﻮ ﻟﻠﺨﻄﺒﺔ ﻭ ﻣﻨﻮ ﻓﺮﺣﺎﻧﻴﻦ ﺑﺨﻼﺹ ﻭﺣﻠﻮ
ﺟﺎﺀ ﻗﺎﺳﻢ ﻭ ﺑﻮﻩ ﻟﺪﺍﺭ ﺗﺴﺘﻨﻴﻢ ... ﺩﺧﻠﻮ ﻭ ﺑﻘﺎﻭ ﻳﺤﻜﻮ ﻣﻨﺎ ﻭ ﻣﻨﺎ ﻟﻴﻦ ﺟﺎﺑﺖ ﺗﺴﻨﻴﻢ ﺍﻟﻘﻬﺎﻭﻱ ﻭ ﻫﻲ ﻭﺟﻬﺎ ﺃﺻﻔﺮ ﻛﺎﻥ ﻋﻴﻨﻴﻬﺎ ﺗﺘﺸﻮﺣﺮ ﻋﻠﻴﻪ ﻣﻮﺵ ﻋﺎﺟﺒﻬﺎ ﺍﻟﻮﺿﻊ ﻣﻦ ﺃﺻﻠﻮ ﻻﺑﺴﺔ ﺟﺒﺔ ﺩﺍﺭ ﻭ ﺷﻼﻛﺔ ﺻﺒﻊ ﺗﻘﻮﻟﺶ ﻋﻠﻴﻬﺎ ﻣﻮﺵ ﺧﻄﺒﺘﻬﺎ ... ﺧﻠﻮﻗﻬﺎ ﻛﺎﻥ ﺿﻴﻘﺔ ﻛﺎﻥ ﺗﺸﺪﻫﺎ ﻣﻦ ﺧﺸﻤﻬﺎ ﻃﻴﺮ ﺗﺘﻤﻨﻲ ﻛﺎﻥ ﺗﻨﻘﺰ ﻋﻠﻲ ﻗﺎﺳﻢ ﺗﻘﺘﻠﻮ ﻭ ﺗﺮﺗﺎﺡ ﻣﻨﻮ ﻋﻠﻲ ﻣﻘﻬﺮﻫﺎ ﻭ ﻭﺗﺮﻟﻬﺎ ﺃﻋﺼﺎﺑﻬﺎ ﻭ ﻫﻮ ﻳﺘﺒﺴﻢ ﻭ ﺳﺎﻛﺖ .. ﺷﻌﺮﻭ ﻣﺤﺠﻢ ڨﺮﻋﺔ ﻭ ﻟﺤﻴﺘﻮ ﻛﻴﻒ ﻛﻴﻒ ... ﺃﺻﻠﻊ ﻳﻌﻨﻲ
ﻛﺎﻧﺖ ﺗﻐﺰﺭﻟﻮ ﻭ ﺗﻨﺪﻡ ﻓﻲ ﺳﻌﺪﻫﺎ ﻋﻠﻲ ﻣﺎﻫﻮ ﻣﻜﺒﻮﺏ
ﻗﺎﺳﻢ ﻛﺎﻥ ﻳﻐﺰﺭﻟﻬﺎ ﻣﻦ ﺗﺤﺖ ﻟﺘﺤﺖ ﻭ ﻳﺘﺒﺴﻢ ﻛﺎﻥ ﺣﺎﺳﺲ ﺑﻠﻲ ﻫﻲ ﻣﻮﺵ ﻣﺮﺗﺎﺣﺔ ﻭ ﻣﻮﺵ ﺑﺎﻳﻨﺔ ﻋﻠﻴﻬﺎ ﺍﻟﻔﺮﺣﺔ ﻣﻦ ﺃﺻﻠﻮ ... ﻣﺤﺒﺶ ﻳﺤﻜﻲ ﻣﻌﺎﻫﺎ ﻗﺪﺍﻣﻬﻢ ﺣﺐ ﻳﻌﺪﻱ ﻫﺎﻟﻠﻴﻠﺔ ﻭ ﻳﺤﻜﻲ ﻣﻌﺎﻫﺎ ﺑﻌﺪﻫﺎ ﻭ ﺇﺫﺍ ﻫﻲ ﻣﻮﺵ ﻣﻮﺍﻓﻘﺔ ﻫﻮﻛﺎ ﻛﻞ ﻭﺍﺣﺪ ﻋﻠﻲ ﺭﻭﺣﻮ
ﺗﻤﺖ ﺍﻟﺨﻄﺒﺔ ﻭ ﻗﺎﺳﻢ ﻭ ﺑﻮﻩ ﻗﺒﻞ ﻣﻴﺮﻭﺣﻮ ﺣﺪﺩﻭ ﺍﻟﻌﺮﺱ ﺇﻟﻲ ﺑﺎﺵ ﻳﻜﻮﻥ ﺑﻌﺪ ﺟﻤﻌﺘﻴﻦ ﻫﻮﻛﺎ ﻳﺤﺒﻮ ﻳﺘﻬﻨﻮ ﻋﻠﻴﻬﻢ ﻓﻴﺴﻊ ﻓﻴﺴﻊ ﻣﺪﺍﻡ ﻛﻞ ﺷﻲ ﺣﺎﺿﺮ
ﺗﺴﻨﻴﻢ ﻛﺎﻥ ﻗﺮﻳﺐ ﺗﻐﺺ ﻭ ﺭﻳﻘﻬﺎ ﺷﺎﺡ ﻛﻲ ﺳﻤﻌﺖ ﻛﻼﻣﻬﻢ ﺣﺴﺖ ﺑﺤﻴﺎﺗﻬﺎ ﺳﺎﻳﺎ ﻭﻗﻔﺖ ﻣﻌﺎﺵ ﺗﻨﺠﻢ ﺗﻌﻴﺶ ... ﺗﻤﻨﺎﺕ ﻟﻮ ﺗﻜﻮﻥ ﻫﺬﻱ ﺣﻠﻤﺔ ﺧﺎﻳﺒﺔ ﻭ ﻭﻓﺎﺕ ﺃﻣﺎ ﻻ ﺍﻟﺪﻧﻴﺎ ﻋﻄﺎﺗﻬﺎ ﻛﻒ ﺑﺎﺵ ﻳﺪﻭﺭﻟﻬﺎ ﻭﺟﻬﺎ ﻭ ﺗﺸﻮﻑ ﺣﻴﺎﺕ ﺟﺪﻳﺪﺓ ﻋﻜﺲ ﺍﻟﺤﻴﺎﺓ ﺇﻟﻲ ﺗﻤﻨﺎﺕ ﺗﻌﻴﺸﻬﺎ ﻣﻊ ﺭﺍﺟﻞ ﺗﺤﺒﻮ ﻭ ﻳﺤﺒﻬﺎ
ﺭﻭﺡ ﻗﺎﺳﻢ ﻣﻊ ﺑﻮﻩ ﻟﺪﺍﺭ ﻋﺎﻳﻠﺘﻮ ﻭﻳﻦ ﻳﻠﻘﺎ ﺃﻣﻮ ﻭ ﺃﺧﻮﺍﺗﻮ ﻳﺘﻔﺮﺟﻮ ﻓﻲ ﺍﻟﺘﻠﻔﺰﺓ ... ﺩﺧﻞ ﺩﻳﺮﺍﻛﺖ ﻟﻠﺤﻤﺎﻡ ﻳﻐﺴﻞ ﻓﻲ ﻳﺪﻳﻪ ﻭ ﻭﺟﻬﻮ ﺑﺎﺵ ﻳﺮﻗﺪ ﺧﺎﺗﺮ ﻛﺎﻥ ﺣﺎﺑﺐ ﺑﺮﺷﺎ ﻳﺮﻗﺪ ﻋﻨﺪﻫﻢ ﻭ ﺯﻳﺪ ﺑﻮﻩ ﻗﺎﻟﻮ ﺑﺎﺵ ﻳﺮﻗﺪ ﻣﻌﺎﻫﻢ ﻭ ﻳﺴﺘﺮﺟﻊ ﺃﻳﺎﻡ ﺯﻣﺎﻥ
ﻫﻮ ﺟﺎﺀ ﺧﺎﺭﺝ ﻣﻦ ﺍﻟﺤﻤﺎﻡ ﻭ ﻳﺴﻤﻊ ﻓﻲ ﺃﻣﻮ ﺗﺤﻜﻲ ﻣﻊ ﺑﻮﻩ ﻭ ﻫﻲ ﺗﺼﻴﺢ
- ﺷﻨﻮﺍ ﺳﻲ ﺍﻟﺴﻴﺪ ﻣﺘﻘﻠﻴﺶ ﻧﺎﻭﻱ ﺗﺨﻠﻲ ﻭﻟﺪﻙ ﻳﺮﻗﺪ ﻫﻮﻧﻲ ﻣﻌﺎﻧﺎ
- ﻛﺎﻥ ﻛﺘﺐ
- ﺃﺳﻤﻊ ﻫﻮﻧﻲ ﻋﻨﺎ ﺑﻨﺎﺕ ﻭ ﻣﻨﺤﺒﺶ ﻳﺒﺎﺗﻮ ﻣﻊ ﻗﺘﺎﻝ ﺭﻭﺍﺡ ﻳﻘﻌﺪﻭ ﻟﻴﻠﺔ ﻛﺎﻣﻠﺔ ﻳﺪﻳﻬﻢ ﻋﻠﻲ ﻗﻠﻮﺑﻬﻢ
- ﺳﻜﺮ ﻓﻤﻚ ﻭ ﻭﻟﺪﻱ ﻳﻘﻌﺪ ﻭﻳﻦ ﻣﻴﺤﺐ ﻣﻮﺵ ﺃﻧﺖ ﺑﺎﺵ ﺗﺤﻜﻢ ﻓﻴﻪ ﻭﻳﻦ ﺑﺎﺵ ﻳﺒﺎﺕ
- ﺇﺫﺍ ﻳﻘﻌﺪ ﺍﻟﻠﻴﻠﺔ ﻫﻮﻧﻲ ﻭﺍﻟﻠﻪ ﻧﺤﻜﻴﻠﻮ ﻛﻞ ﺷﻲ ﻭ ﻧﻘﻠﻮ ﺑﻠﻲ ...
ﺧﺮﺝ ﻗﺎﺳﻢ ﻣﻦ ﺍﻟﺤﻤﺎﻡ ﻭ ﻫﻮ ﻳﺘﺒﺴﻢ ﻭ ﻓﻲ ﻗﻠﺒﻮ ﻭﺟﻴﻌﺔ ﻛﺒﻴﺮﺓ ﻳﺤﺐ ﻳﺨﺒﻴﻬﺎ ﻭ ﻣﻴﺸﻮﻓﻬﺎ ﺣﺪ
- ﺑﺎﺑﺎ ﻧﺨﻠﻴﻚ ﺑﺎﺵ ﻧﻤﺸﻲ ﻟﺪﺍﺭﻱ
- ﻋﻼﻩ ﻭﻟﻴﺪﻱ ﺃﺭﻗﺪ ﻫﻮﻧﻲ
- ﻻ ﺑﺎﺑﺎ ﻋﻴﺸﻚ ﻧﺤﺐ ﻧﻘﻌﺪ ﻭﺣﺪﻱ
- ﺑﺎﻫﻲ ﻋﻠﻲ ﺭﺍﺣﺘﻚ
ﺧﺮﺝ ﻗﺎﺳﻢ ﻳﺪﻭﺭ ﻓﻲ ﺍﻟﺤﻮﻣﺔ ﻳﺤﺐ ﻳﺸﻢ ﺷﻮﻱ ﻫﻮﺍﺀ ﻧﻈﻴﻒ ﻭ ﻳﺮﺗﺢ ﻣﺨﻮ ﺷﻮﻱ ﻣﻦ ﺍﻟﻤﺸﺎﻛﻞ ﺇﻟﻲ ﺑﺪﺍﺕ ﻣﻦ ﻭﻗﺖ ﻣﺨﺮﺝ ﻣﻦ ﺍﻟﺤﺒﺲ
ﺍﻟﺤﻠﻘﺔ :4
ﻛﺎﻥ ﻳﺘﻤﺸﻲ ﻭ ﻣﺨﻮ ﺳﺎﺭﺡ ﻟﻴﻦ ﻳﺴﻤﻊ ﻓﻲ ﺃﻭﻻﺩ ﺍﻟﺤﻮﻣﺔ ﻳﺤﻜﻮ
- ﻟﻮﻻﺩ ﺷﻮ ﻣﻮﺵ ﻫﺬﺍﻛﺎ ﻗﺎﺳﻢ ﻗﺘﺎﻝ ﺍﻷﺭﻭﺍﺡ
- ﺇﻳﻪ ﻭﺍﻟﻠﻪ ﻫﻮ
- ﻳﺘﻮﻻﻩ ﺭﺑﻲ ﻛﻴﻔﺎﻩ ﻗﺘﻠﻬﺎ ﻣﺮﺗﻮ ﺑﻌﺪ ﺷﻬﺮﻳﻦ ﻋﺮﺱ ﻭﺍﻟﻠﻪ ﺣﻠﻴﻠﻮ ﻣﻦ ﺭﺑﻲ ﺑﺎﺵ ﺑﻴﻘﺎﺑﻞ ﻧﻬﺎﺭ ﺃﺧﺮ
- ﺇﻱ ﻭﺍﻟﻠﻪ ﺭﺑﻲ ﻳﺴﺘﺮﻧﺎ ﺇﻧﺸﺎﺀ ﺍﻟﻠﻪ
ﻛﻞ ﻛﻠﻤﺔ ﻳﺴﻤﻌﻬﺎ ﺗﺪﺧﻞ ﻓﻲ ﻗﻠﺒﻮ ﻛﻲ ﺍﻟﺴﻬﻢ ... ﺗﺠﺮﺡ ﻭ ﺣﺲ ﺭﻭﺣﻮ ﻳﻨﺰﻑ ﺩﻡ ﻭ ﺭﻳﻘﻮ ﺷﺎﺡ ... ﺭﺟﻊ ﺑﺨﻄﻮﺍﺕ ﺛﺎﺑﺘﺔ ﻭ ﺭﺯﻳﻨﺔ ﻟﻠﺪﺍﺭ ﻋﻤﻞ ﺩﻭﺵ ﺑﺎﺍﺍﺭﺩ ﻳﺤﺐ ﻳﻨﺤﻲ ﺑﻴﻪ ﺍﻟﻬﻢ ﻭ ﺍﻟﻨﻜﺪ ﺍﻟﻲ ﻋﺎﻳﺶ ﻓﻴﻪ ... ﺣﺎﺟﺔ ﺑﺮﻛﺔ ﻣﻄﻤﻨﻮ ﻫﻲ ﺗﺴﻨﻴﻢ ... ﻳﺴﺘﻨﻲ ﻭﻗﺘﺎﻩ ﻳﻌﺮﺱ ﻭ ﻳﺮﺗﺎﺡ ﻋﻠﻲ ﺃﻣﻞ ﺃﻧﻮ ﺗﺤﺲ ﺑﻴﻪ ﻭ ﺗﺎﻗﻒ ﻣﻌﺎﻩ ﻓﻲ ﻣﺤﻨﺘﻮ ﻭ ﺗﺮﺟﻌﻠﻮ ﺿﺤﻜﺘﻮ
ﺗﻌﺪﺍﻭ ﻧﻬﺎﺭﻳﻦ ﻋﻠﻲ ﺍﻟﺨﻄﻮﺑﺔ ﻭ ﻣﺸﺎ ﻗﺎﺳﻢ ﻟﺪﺍﺭ ﻋﻤﻮ ﻭﻳﻦ ﻳﺸﻮﻑ ﻓﻲ ﺗﺴﻨﻴﻢ ﻗﺪﺍﻡ ﺍﻟﺪﺍﺭ ﺗﺴﻘﻲ ﻓﻲ ﺍﻟﻮﺭﺩﺍﺕ ﻭ ﺗﻀﺤﻚ ﻫﻲ ﻭ ﺧﻮﻫﺎ ﺍﻟﺼﻐﻴﺮ
- ﻋﺴﻼﻣﺔ
- ﺳﻼﻡ
- ﺗﺴﻨﻴﻢ ﻧﺠﻤﻮ ﻧﺤﻜﻮ ﺭﺍﺱ ﺭﺍﺱ
- ﻣﻌﻨﺎ ﻣﻨﺤﻜﻮ
- ﺃﻧﺎ ﻧﺤﺐ ﻧﺤﻜﻲ ﻣﻌﺎﻙ ﻓﻲ ﻣﻮﺿﻮﻉ ﻛﺎﻥ ﻣﻴﻘﻠﻘﻜﺶ
- ﻻ ﻳﻘﻠﻘﻨﻲ ﻭ ﺗﻮ ﺳﺎﻣﺤﻨﻲ ﻣﻌﺎﺵ ﻧﺤﺐ ﻧﺸﻮﻓﻚ ﻫﻮﻧﻲ ﻟﻨﻬﺎﺭ ﺍﻟﻌﺮﺱ
- ﺑﺎﻫﻲ ﻋﻠﻲ ﺭﺍﺣﺘﻚ
ﺭﺟﻊ ﻗﺎﺳﻢ ﻟﻠﺪﺍﺭ ﻭﻳﻦ ﻳﻠﻘﺎ ﺑﻮﻩ ﻳﺴﺘﻨﻲ ﻓﻴﻪ
- ﻗﺎﺳﻢ ﻭﻳﻦ ﻣﺸﻴﺖ
- ﻫﻮﻧﻲ ﻧﻌﻤﻞ ﻓﻲ ﺩﻭﺭﺓ
- ﺃﻱ ﺑﺎﻫﻲ ﺻﺤﻴﺘﻚ ﻋﻴﺶ ﻭﻟﺪﻱ .. ﺍﺍﺍ ﻣﻘﺘﻠﻴﺶ ﻧﻤﺸﻮ ﻟﻠﺤﺎﻧﻮﺕ ﻧﺸﻮﻓﻮﻫﺎ ﻛﻴﻔﺎﻩ ﻭﻻﺕ ﺑﺎﺵ ﺗﺮﺟﻊ ﺗﺎﻗﻒ ﻋﻠﻴﻬﺎ ﻛﻴﻤﺎ ﻗﺒﻞ
- ﻫﻴﺎ ﺑﺎﺑﺎ ﺣﺘﻲ ﺃﻧﺎ ﺗﻮﺣﺸﺘﻬﺎ
ﻣﺸﺎ ﻟﻠﺤﺎﻧﻮﺕ ﻭ ﻗﻌﺪ ﻳﺘﻔﺮﺝ ﻓﻴﻪ ﻗﺪﺍﻩ ﺗﺒﺪﻝ ﻋﻠﻲ ﻗﺒﻞ ﻭﺳﻊ ﻓﻴﻪ ﻭ ﺟﻬﺰﻭ ﺃﻛﺜﺮ ﻣﻦ ﻗﺒﻞ
- ﻋﻴﺸﻚ ﺑﺎﺑﺎ ﻭﺍﻟﻠﻪ ﻓﺮﺣﺘﻨﻲ ﻋﻤﺮﻱ ﻣﺘﻮﻗﻌﺘﻮ ﺑﺎﺵ ﻳﺠﻲ ﻧﻬﺎﺭ ﻭ ﻳﻮﻟﻲ ﻫﻜﺎ ﻋﻴﺸﻚ ﻭﺍﻟﻠﻪ
- ﺃﺳﺲ ﻳﺰﻱ ﻋﺎﺩ ﻣﻌﺎﺵ ﺗﻘﻮﻝ ﻫﻜﺎ ﺃﻧﺎ ﻣﺪﻓﻌﺖ ﺷﻲ ﻣﻦ ﺟﻴﺒﻲ ﺭﺍﻭ ﻫﺬﺍ ﺍﻟﻜﻞ ﻣﻦ ﺍﻟﺤﺎﻧﻮﺕ ﺍﻟﺨﺪﻣﺔ ﻓﻴﻪ ﻣﺎﺷﻴﺎ ﺑﺎﻟﻘﺪﺍ
- ﺍﻟﺤﻤﺪ ﻟﻠﻪ ﻳﺎ ﺭﺑﻲ
ﻳﺪﻭﺭ ﻓﻲ ﺣﺎﻧﻮﺗﻮ ﻭ ﻓﺮﺣﺎﻥ ﺃﻣﺎ ﻛﻲ ﻳﺘﺬﻛﺮ ﺗﺴﻨﻴﻢ ﻭ ﺷﻨﻮﺍ ﻋﻤﻠﺖ ﻣﻌﺎﻩ ﺗﺨﺘﻔﻲ ﺍﻟﺘﺒﺴﻴﻤﺔ ﻭ ﻳﻜﺘﻔﻲ ﺑﺎﻟﻬﺪﻭﺀ ﻣﺘﺎﻋﻮ ﻋﻠﻲ ﻋﻜﺴﻬﺎ ﻫﻲ ﺇﻟﻲ ﻗﺮﻳﺐ ﺗﻬﺒﻂ ﻟﻘﺸﺔ ﻣﻦ ﺍﻟﺤﻴﻂ
- ﻫﺬﺍﻛﺎ ﺷﻨﺎﻗﺺ ﻭ ﻫﺬﺍﻛﺎ ﺃﺵ ﻣﺎﺯﺍﻝ ﻛﺎﻥ ﻳﺠﻴﻨﻲ ﻟﻬﻮﻧﻲ ﻭ ﻳﺤﺒﻨﻲ ﻧﺤﻜﻲ ﻣﻌﺎﻩ ﻣﻼ ﻭﺍﻟﻠﻪ ... ﻣﺴﻘﺘﻮ ﻫﺎﻟﺨﺮﺍ ﺃﺵ ﻣﺎﺯﺍﻝ ﺑﺎﺵ ﻧﻘﺎﺳﻲ ﻣﻨﻮ ﻫﺎﻟﻬﻢ ﺣﺘﻲ ﻛﺎﻥ ﻳﺮﺟﻌﻮ ﻳﺸﺪﻭﻩ ﻭ ﻧﺮﺗﺎﺡ ﻣﻨﻮ ﺑﻔﻔﻒ ﻣﻼ ﻣﻨﻈﺮ
- ﻳﺰﻱ ﻳﺎ ﺗﺴﻨﻴﻢ ﻫﻮ ﻣﻌﻤﻞ ﺷﻲ ﺍﻧﺘﻲ ﻛﺒﺮﺕ ﺍﻟﺤﻜﺎﻳﺔ
- ﺳﻜﺮ ﻓﻤﻚ ﻭﻗﺘﺎﻩ ﻛﺒﺮﺕ ﺍﻧﺖ ﻭ ﻭﻟﻴﺖ ﺗﺤﻜﻲ ﺃﻩ
- ﺗﻲ ﺷﺒﻴﻚ ﻳﺎﺧﻲ ﻭﺍﻟﻠﻬﻲ ﺭﺑﻲ ﻳﺼﺒﺮﻭ ﻣﻼ ﺣﺼﻠﺔ ﺣﺼﻞ ﻓﻴﻬﺎ ﺗﻲ ﺍﻟﺤﺒﺲ ﺃﺭﺣﻢ ﻣﻨﻚ
- ﻭﺍﻟﻠﻪ ﻧﻠﻔﻠﻚ ﻭﺟﻬﻚ ﺑﻜﻒ ﺃﺗﻠﻒ ﻣﻦ ﻗﺪﺍﻣﻲ ﻓﺮﺥ
ﻣﺸﺎ ﺧﻮﻫﺎ ﻭ ﻫﻲ ﺑﻘﺎﺕ ﻛﻲ ﺍﻟﺜﻮﺭ ﺍﻟﻬﺎﺋﺞ ﺗﻤﺸﻲ ﻭ ﺗﺠﻲ ﺑﺎﻟﺠﻨﻴﻨﺔ ﻗﺮﻳﺐ ﺗﺘﺠﻠﻂ ﺑﺎﻟﻐﺰﻭﻝ
ﺍﻟﺤﻠﻘﺔ :5
" ﺍﻟﻠﻴﻠﺔ ﻋﺮﺳﻲ ﺍﻟﻠﻴﻠﺔ ﻋﺮﺳﻲ ﻭ ﺑﺎﺵ ﻧﺘﺼﺪﺭ ﻓﻲ ﺍﻟﻜﺮﺳﻲ .... "
ﺗﺴﻨﻴﻢ ﺻﺤﻴﺢ ﻣﺘﺼﺪﺭﺓ ﻭ ﺭﺍﺳﻤﺔ ﺍﻟﻀﺤﻜﺔ ﻋﻠﻲ ﻭﺟﻬﺎ ﺃﻣﺎ ﻗﻠﺒﻬﺎ ﻳﻘﻮﻝ ﻋﻜﺲ ﻫﻜﺎ ﺧﺎﺗﺮ ﺑﺎﻟﺮﺳﻤﻲ ﺣﺎﺳﺔ ﺭﻭﺣﻬﺎ ﻣﺨﻨﻮﻗﺔ ﺧﺎﺻﺔ ﻛﻲ ﺗﺸﻮﻑ ﻓﻲ ﻋﻴﻨﻴﻦ ﺍﻟﻨﺎﺱ ﺍﻟﺒﻬﺘﺔ ﻭ ﺍﻟﺤڨﺮﺓ ﻛﻴﻔﺎﻩ ﻋﺮﺳﺖ ﺑﻮﺍﺣﺪ ﻛﺎﻥ ﻓﻲ ﺍﻟﺤﺒﺲ
ﻗﺎﺳﻢ ﺯﺍﺩﺍ ﻛﺎﻥ ﻳﻐﺰﺭ ﻟﻠﻨﺎﺱ ﻛﻴﻔﺎﻩ ﺗﻐﺰﺭﻟﻮ ﻭ ﻣﻬﻤﻮﻡ ﻳﺘﻤﻨﻲ ﻛﺎﻥ ﻳﻬﺮﺏ ﻭ ﻳﻤﺸﻲ ﻟﺒﻼﺻﺔ ﺑﻌﻴﻴﻴﻴﻴﺪﺓ ﻳﺒﻘﻲ ﻓﻴﻬﺎ ﻫﻮ ﻭ ﻣﺮﺗﻮ ﻭ ﻳﺒﻌﺪ ﻋﻠﻲ ﻛﻼﻡ ﺍﻟﻨﺎﺱ ﻳﺤﺐ ﻳﺮﺗﺎﺡ ﻳﺰﻳﻪ ﻣﺎ ﻗﺎﺳﻰ ﻭ ﺗﻌﺐ ﻓﻲ ﺣﻴﺎﺗﻮ
ﻭﻓﺎﺕ ﺍﻟﺴﻬﺮﺓ ﻭ ﻛﻞ ﻭﺍﺣﺪ ﺷﺪ ﺩﺍﺭﻭ .... ﺧﻠﻴﻨﺎ ﻧﻤﺸﻮ ﻟﺘﺴﻨﻴﻢ ﻭ ﻗﺎﺳﻢ
- ﺗﺴﻨﻴﻢ ﺳﺎﻓﺎ ﺍﻟﻌﺮﺱ ﺗﻌﺪﺍ
- ﺳﺎﻓﺎ
- ﺑﺼﺮﺍﺣﺔ ﻋﻨﺪﻱ ﻣﻮﺿﻮﻉ ﻋﻨﺪﻱ ﺑﺮﺷﺎ ﻧﺤﺐ ﻧﺤﻜﻲ ﻓﻴﻪ ﻣﻌﺎﻙ ﺃﻣﺎ ﻣﻠﻘﻴﺘﺶ ﻓﺮﺻﺔ
- ﺷﻨﻮﺍ
- ﺃﻧﺎ ﺣﺎﺳﻚ ﻛﻠﻲ ﺗﺘﻬﺮﺏ ﻣﻨﻲ ﻭ ﻣﻮﺵ ﺣﺎﺑﺔ ﺗﻌﺮﺱ ﺑﻴﺎ ﻛﻞ ﻭﻳﻦ ﻧﺠﻲ ﺑﺎﺵ ﻧﺤﻜﻲ ﻣﻌﺎﻙ ﻓﻲ ﺍﻟﻤﻮﺿﻮﻉ ﺗﻠﻔﻨﻲ ﻭ ﺗﺘﻬﺮﺏ ﻣﻨﻲ ﻫﺬﺍﻛﺎ ﻋﻼﻩ ﻧﺤﺐ ﻧﻌﺮﻑ ﺇﺫﺍ ﺑﺎﻟﺤﻖ ﺗﺤﺐ ﺗﻜﻮﻥ ﻣﻌﺎﻳﺎ ﺑﺎﻟﺮﺳﻤﻲ ﻭﻻ ﺟﻴﺴﺖ ﺗﻠﻮﺝ ﻋﻠﻲ ﺭﺿﺎﻳﺔ ﺍﻟﻮﺍﻟﺪﻳﻦ .. ﺇﺫﺍ ﻛﻨﺖ ﻣﺎﻛﺶ ﺣﺎﺑﺔ ﺍﻟﻌﺮﺱ ﻫﺬﺍ ﻗﻠﻲ ﻣﻴﺴﺎﻟﺶ ﻭ ﻫﻮﻛﺎ ﻧﻠﻘﺎﻭ ﺣﻞ ﻟﻴﻦ ﻧﻄﻠﻘﻮ ﻭ ﻣﻨﻐﻴﺮ ﻣﻨﻘﻠﻘﻚ ﻛﻞ ﻭﺍﺣﺪ ﻳﺮﻗﺪ ﻓﻲ ﺑﻴﺖ
ﻛﺎﻧﺖ ﺗﺘﻤﻨﻲ ﺗﻘﻠﻮ ﺃﻱ ﺧﻠﻴﻨﻲ ﺑﻌﻴﺪﺓ ﻋﻠﻴﻚ ... ﻧﻜﺮﻫﻚ ﻭ ﻧﻜﺮﻩ ﻭﺟﻮﺩﻙ ﻣﻌﺎﻳﺎ ﻛﺎﻥ ﻗﻠﺒﻬﺎ ﻣﻌﺒﻲ ﻋﻠﻴﻪ ﻭ ﺗﻐﻠﻲ ﻏﻠﻴﺎﻥ
- ﻻ ﻣﻔﻤﺎ ﺣﺘﻲ ﻗﻠﻖ ﺍﻟﻌﺮﺱ ﺑﻘﻨﺎﻋﺘﻲ ﻭ ﺍﻧﺎ ﻣﻮﺍﻓﻘﺔ
ﺗﺒﺴﻢ ﻭ ﺷﺪﻟﻬﺎ ﻳﺪﻫﺎ ... ﺣﺲ ﺑﺮﻭﺣﻮ ﻓﺒﺮﺍ ﺑﻜﻠﻮ ﻭ ﺗﻤﻨﻲ ﻛﺎﻥ ﻳﺪﺧﻠﻬﺎ ﻓﻲ ﺿﻠﻮﻋﻮ ﻭ ﻣﻌﺎﺵ ﻳﺨﺮﺟﻬﺎ ﺣﻴﺎﺗﻮ ﺍﻟﻜﻞ ﻓﺮﺣﺎﻥ ﺑﻴﻬﺎ ﻭ ﻓﺮﺣﺘﻮ ﻣﺘﺘﻮﺻﻔﺶ
ﺻﻼﻭ ﺻﻼﺗﻬﻢ ﻭ ﺗﻮﻛﻠﻮ ﻋﻠﻲ ﺭﺑﻲ
- ﺗﺴﻨﻴﻢ ﻗﺒﻞ ﻣﺘﻤﺸﻲ ﺗﺘﺼﺪﺭ ﻣﻊ ﺭﺍﺟﻠﻚ ﻧﺤﺐ ﻧﻘﻠﻚ ﺣﺎﺟﺔ
- ﺗﻔﻀﻞ ﺑﺎﺑﺎ
- ﻫﻨﻴﻨﻲ ﻋﻠﻴﻚ ﺭﺍﻧﻲ ﻭﺍﻟﻠﻪ ﻟﻮﻛﺎﻥ ﺗﻌﺎﻛﺴﻨﻲ ﻭ ﻳﺠﻴﻨﻲ ﻗﺎﺳﻢ ﻳﺘﺸﻜﻲ ﻣﻨﻚ ﻻ ﻧﺴﺎﻣﻚ ﻻ ﻣﻴﺖ ﻭﻻ ﺣﻲ ﻭ ﻏﺪﻭﻱ ﻧﺒﻌﺚ ﺃﻣﻚ ﺗﺠﻴﺒﻠﻲ ﺍﻟﺼﺤﻴﺢ
- ﺑﺎﻫﻲ ﺑﺎﺑﺎ
ﻛﺎﻧﺖ ﺗﺘﺬﻛﺮ ﻓﻲ ﻛﻼﻡ ﺑﻮﻫﺎ ﻭ ﺗﺒﻜﻲ ﺩﻣﻮﻋﻬﺎ ﺳﺎﺑﻘﻴﻨﻬﺎ
- ﺗﺴﻨﻴﻢ ﺷﺒﻴﻚ
- ﺷﻲ
- ﺇﺫﺍ ﻣﺘﺤﺒﺶ ... ﻣﻮﺵ ﻻﺯﻡ ﺭﺍﻭ
- ﻻ ﻋﺎﺩﻱ
- ﺑﺎﻫﻲ
ﺑﺎﺳﻠﻬﺎ ﺟﺒﻴﻨﻬﺎ ﻭ ﻛﻤﻞ
ﺍﻟﺤﻠﻘﺔ :6
ﻗﺎﻣﺖ ﺍﻟﺼﺒﺎﺡ ﻋﻠﻲ ﺻﻮﺕ ﻗﺎﺳﻢ ﻳﻔﻴﻖ ﻓﻴﻬﺎ ﻟﻠﻔﻄﻮﺭ ﻭ ﻫﻲ ﻣﺪﻫﺸﺮﺓ ﺑﺎﻟﻨﻮﻡ ﻭ ﺧﻠﻮﻗﻬﺎ ﺩﺍﻳﺮﺓ .. ﺍﻟﺸﻴﻄﺎﻥ ﻭﺍﻗﻒ ﻋﻠﻲ ﺧﺸﻤﻬﺎ ..
- ﺻﺒﺎﺡ ﺍﻟﺨﻴﺮ ﻣﺮﻳﺘﻲ ﺍﻟﻐﺎﻟﻴﺔ ﺳﺎﻓﺎ ﺍﻟﻴﻮﻡ
- ﺷﺘﺤﺐ ﻋﻠﻲ ﺍﻟﺼﺒﺎﺡ
- ﺟﺒﺖ ﺃﺣﻠﻲ ﻓﻄﻮﺭ ﻷﺣﻠﻲ ﻣﺮﺃﺓ ﻓﻲ ﺍﻟﺪﻧﻴﺎ
ﺣﻂ ﺍﻟﻔﻄﻮﺭ ﻋﻠﻲ ﺍﻟﻜﻮﺍﻓﺎﺯ ﻭ ﻗﻌﺪ ﺑﺠﻨﺒﻬﺎ ﻋﻠﻲ ﺍﻟﻔﺮﺵ ﻫﻮ ﺷﺪﻟﻬﺎ ﻳﺪﻫﺎ ﻭ ﻫﻲ ﻧﻄﺮﺗﻬﺎﻟﻮ
- ﻣﺘﻠﻤﺴﻨﻴﺶ
- ﺗﺴﻨﻴﻢ ﺷﺒﻴﻚ
- ﻻ ﺷﻲ ﻣﺎ ﺑﻴﻨﻲ ﺍﻟﺴﺎﻋﺔ ﺃﻧﺎ ﻓﺮﺣﺎﻧﺔ ﻋﻠﻲ ﺍﻷﺧﺮ ... ﺷﻜﻮﻥ ﻛﻴﻔﻲ ﻣﻌﺮﺳﺔ ﺑﺮﺍﺟﻞ ﺣﻴﺎﺗﻮ ﺍﻟﻜﻞ ﻣﻌﺪﻳﻬﺎ ﻓﻲ ﺍﻟﺤﺒﺲ ﻟﻴﻦ ﺍﻟﺸﻴﺐ ﺧﺮﺝ ﻓﻴﻪ
- ﺗﺴﻨﻴﻢ
- ﺇﺳﻤﻲ ﻣﻌﺎﺵ ﺗﺠﺒﺪﻭ ﻋﻠﻲ ﻓﻤﻚ ﺍﻟﻤﺴﺦ ﺃﺻﻼ ﺃﻧﺖ ﺃﺵ ﻣﺨﺮﺟﻚ ﻣﻦ ﺃﻣﻮ ﺍﻟﺤﺒﺲ ﻛﻨﺖ ﻋﺎﻳﺸﺔ ﺣﻴﺎﺗﻲ ﻣﺮﺗﺎﺣﺔ ﻭ ﻓﺮﺣﺎﻧﺔ ﻋﻠﻲ ﺍﻷﺧﺮ ﺃﻣﺎ ﺃﻧﺖ ﻛﻲ ﺍﻟﺘﺎﺑﻌﺔ ﻧﻐﺼﺘﻠﻲ ﻓﺮﺣﺘﻲ
- ﻛﻲ ﻗﻠﺒﻚ ﻣﻌﺒﻲ ﻋﻠﻴﺎ ﻫﻜﺎ ﻋﻼﻩ ﺧﻠﻴﺘﻨﻲ ﻧﻠﻤﺴﻚ ﺑﺤﻘﻚ ﻗﺘﻠﻲ ﻋﻠﻲ ﺍﻷﻗﻞ ﺣﺘﻲ ﺑﻌﺪ ﺍﻟﻄﻼﻕ ﺗﻨﺠﻢ ﺗﻬﺪﻱ ﻟﺮﺍﺟﻠﻚ ﺣﺎﺟﺔ ﻣﺰﻳﺎﻧﺔ ﻣﺤﺎﻓﻈﺔ ﻋﻠﻴﻬﺎ ﻣﻮﺵ ﺳﻠﻤﺖ ﻓﻴﻬﺎ ﻟﻮﺍﺣﺪ ﻛﻴﻔﻲ ﻣﺘﺤﺒﻮﺵ
- ﻛﺎﻥ ﻣﺠﺎﺵ ﺑﺎﺑﺎ ﻓﻲ ﺍﻟﻌﺮﺿﺔ ﻭﺍﻟﻠﻪ ﻻ ﻧﺨﻠﻴﻚ ﺗﻠﻤﺴﻨﻲ
- ﻭ ﺷﻤﺪﺧﻞ ﺑﻮﻙ
- ﻫﻮ ﻗﺎﻟﻲ ***************
- ﻋﻼﻩ ﻣﻘﺘﻠﻴﺶ ﻣﻦ ﻟﻮﻝ ﺭﺍﻧﻲ ﺗﺼﺮﻓﺖ
- ﺗﻮ ﺳﺎﻳﺎ ﻟﺼﺎﺭ ﺻﺎﺭ ﻭ ﻫﻮﻛﺎ ﻓﻲ ﺑﺎﻟﻚ ﻭ ﺗﻮ ﺃﺧﺮﺝ ﻋﻠﻴﺎ
- ﺑﺎﻫﻲ ﻫﻮﻛﺎ ﻓﻄﻮﺭﻙ ﺣﺎﺿﺮ ﺃﻋﻤﻞ ﺩﻭﺵ ﻭ ﺑﺪﻝ ﺩﺑﺸﻚ ﻭ ﺃﺧﺮﺝ ﺗﻮ ﻳﺠﻮ ﻋﺎﻳﻠﺘﻚ ﺧﻠﻴﻚ ﺣﺎﺿﺮﺓ
- ﺑﺎﻫﻲ
ﺧﺮﺝ ﻗﺎﺳﻢ ﻭ ﺩﺧﻠﺖ ﻫﻲ ﻟﻠﺤﻤﺎﻡ ﺗﺒﻜﻲ ﻭ ﺗﻨﺪﺏ ﻋﻠﻲ ﺯﻫﺮﻫﺎ ﺍﻟﻤﺴﻮﺩ .. ﺗﺒﻜﻲ ﺑﺎﻟﺴﺎﻛﺔ ﻣﺘﺤﺒﻮﺵ ﻳﺴﻤﻌﻬﺎ ﺗﺤﺐ ﺗﻘﻌﺪ ﺩﻳﻤﺎ ﻗﻮﻳﺔ ﻗﺪﺍﻣﻮ ﻭ ﻣﻴﻬﺪﻫﺎ ﺷﻲ .. ﺗﺤﺐ ﺍﻟﻲ ﻋﻤﻠﻮ ﻓﻴﻬﺎ ﺍﻟﻜﻞ ﺗﺮﺟﻌﻬﻮﻟﻮ ﻭ ﺗﻨﺪﻣﻮ ﻋﻠﻲ ﺍﻟﻨﻬﺎﺭ ﺍﻟﻲ ﻋﺮﺱ ﺑﻴﻬﺎ ﻓﻴﻪ
ﺗﻜﺮﻫﻮ ﻭ ﺗﻨﻘﻢ ﻋﻠﻴﻪ ... ﻣﻮﺵ ﻣﻨﺠﻤﺔ ﺗﺘﻘﺒﻞ ﻓﻜﺮﺓ ﻋﺮﺳﻬﺎ ﻣﻦ ﺭﺍﺟﻞ ﻓﺎﺭ ﺣﺒﻮﺳﺎﺕ ﻭ ﻣﺘﺤﺒﻮﺵ ﻭ ﻓﻮﻕ ﻣﻦ ﻫﺬﺍ ﺍﻟﻜﻞ ﻗﺎﺗﻞ ﻣﺮﺗﻮ
ﺍﻟﺤﻠﻘﺔ :7
ﺗﻠﻤﻮ ﺍﻟﻌﺎﻳﻠﺘﻴﻦ ﻓﻲ ﺩﺍﺭ ﻗﺎﺳﻢ ... ﺗﺴﻨﻴﻢ ﻛﺎﻧﺖ ﺗﻘﺤﺮ ﻣﻦ ﺗﺤﺖ ﻟﺘﺤﺖ ﺍﻟﺴﻢ ﻳﻠﻌﺐ ﻓﻲ ﻋﻴﻨﻴﻬﺎ ﻭ ﻫﻲ ﺗﻐﺰﺭ ﻷﻣﻮ ﻭ ﺃﺧﻮﺍﺗﻮ ﻗﺪﺍﻩ ﺗﻜﺮﻫﻢ ﻭ ﻳﻔﺪﺩﻭﻫﺎ .. ﺍﻟﻮﺣﻴﺪ ﺍﻟﻲ ﺗﺘﺒﺴﻢ ﻓﻲ ﻭﺟﻬﻮ ﻫﻮ ﻋﻤﻬﺎ ﻣﻦ ﻭﻗﺖ ﻭ ﻫﻲ ﺻﻐﻴﺮﺓ ﺗﺤﺒﻮ ﻭ ﺗﺤﺘﺮﻣﻮ ﺧﺎﺗﺮ ﻫﺬﺍﻛﺎ ﻳﺴﺘﺤﻖ ﻛﻞ ﺧﻴﺮ
ﺩﺧﻠﺖ ﺗﺴﻨﻴﻢ ﻟﻠﻜﻮﺟﻴﻨﺔ ﻟﻴﻦ ﻟﺤﻘﻬﺎ ﻗﺎﺳﻢ
- ﺗﺴﻨﻴﻢ ﺷﺒﻴﻚ ﺗﻘﺤﺮ ﻫﻜﺎﻛﺎ ﻷﻣﻲ ﻭ ﺍﺧﻮﺍﺗﻲ
- ﺍﻟﺪﺍﺭ ﺩﺍﺭﻱ ﻭ ﺍﻧﺎ ﺣﺮﺓ ﻓﻴﻬﺎ
- ﻋﻴﺐ ﺭﺍﻫﻢ ﺿﻴﺎﻑ ﻋﺪﻧﺎ ﻭ ﺯﻳﺪ ﺍﺣﺘﺮﻣﻨﻲ ﺷﻮﻱ ﻋﻠﻲ ﺍﻷﻗﻞ
- ﺃﺳﻤﻊ ﻫﺎﻭ ﻧﺒﻪ ﻓﻴﻚ ﺭﺩ ﺑﺎﻟﻚ ﺗﻘﻠﻲ ﺷﺒﻴﻚ ﺗﻌﻤﻞ ﻫﻜﺎ ﻭ ﺍﻋﻤﻞ ﻫﻜﺎ ﺭﺍﻭ ﺃﻗﺴﻢ ﺑﺎﻟﻠﻪ ﻧﺨﺮﺝ ﺗﻮ ﻭ ﻧﺘﺒﻠﻲ ﻋﻠﻴﻚ ﻧﺮﺩﻙ ﻓﻀﻴﺤﺔ ﻗﺪﺍﻣﻬﻢ
- ﺷﺒﻴﻚ ﻳﺎﺧﻲ ﻫﺒﻠﺖ ﻓﻲ ﺷﻨﻮﺍ ﺷﺘﺘﺒﻠﻲ ﻋﻠﻴﺎ
- ﺧﻠﻴﻨﻲ ﺳﺎﻛﺔ ﺧﻴﺮ ﻭ ﺍﺧﺮﺝ ﻋﻠﻴﺎ ﺧﻴﺮ ﻣﻨﻘﻮﻝ ﻓﻴﻬﺎ ﻭﻭﻩ
ﻛﺒﺲ ﻋﻠﻲ ﺳﻨﻴﻪ ﻭ ﺧﺮﺝ ﻗﺮﻳﺐ ﻳﺘﺠﻠﻂ ﻣﻦ ﺍﻟﻐﺶ
ﻗﻌﺪ ﻗﺪﺍﻫﻢ ﻭ ﻫﻮ ﺑﺎﻳﻦ ﻋﻠﻴﻪ ﻳﻔﺒﺮﻱ ﻣﻦ ﺍﻟﻐﻞ ﻟﻴﻦ ﺣﻂ ﺑﻮﻫﺎ ﻳﺪﻭ ﻋﻠﻲ ﺳﺎﻗﻮ
- ﻗﺎﺳﻢ ﻭﻟﺪﻱ ﻟﺒﺎﺱ
- ﻟﺒﺎﺱ ﻋﻤﻲ
- ﺗﺴﻨﻴﻢ ﻣﻮﺵ ﻣﻘﻠﻘﺘﻚ ﻓﻲ ﺷﻲ ﻣﺘﻔﺎﻫﻤﻴﻦ ﻣﺘﻬﻨﻴﻴﻦ
- ﺍﻱ ﻋﻤﻲ ﺍﻟﺤﻤﺪ ﻟﻠﻪ
- ﺑﺎﻫﻲ ﻭﻟﻴﺪﻱ ﻋﻴﺸﻚ ﻫﻨﻴﺘﻨﻲ
ﺗﺒﺴﻢ ﺗﺒﺴﻴﻤﺔ ﺻﻔﺮﺍﺀ ﻭ ﻫﻮ ﻳﺮﺣﻲ ﺩﺧﻼﻧﻲ ﻣﻴﺤﺒﺶ ﻳﺨﺮﺝ ﺍﻟﺠﺎﻧﺐ ﺍﻟﺨﺎﻳﺐ ﺍﻟﻲ ﻓﻴﻪ ﺃﻣﺎ ﺗﺴﻨﻴﻢ ﺗﻠﺰ ﻓﻴﻪ ﺑﺎﻟﺴﻴﻒ ﻭ ﻫﻲ ﺍﻟﻲ ﺑﺎﺵ ﺗﻨﺪﻡ
ﺭﻭﺣﻮ ﺍﻟﺠﻤﺎﻋﺔ ﻭ ﻗﻌﺪ ﻗﺎﺳﻢ ﻳڨﺤﺮ ﻟﺘﺴﻨﻴﻢ ﻭ ﻫﻲ ﻋﻴﻨﻴﻬﺎ ﺗﻘﺪﺡ ﺷﺮ
- ﺃﺳﻤﻌﻨﻲ ﺗﺴﻨﻴﻢ ﺭﺩ ﺑﺎﻟﻚ ﺗﻘﺮﺑﻨﻲ ﻭﻻ ﺗﻌﻤﻞ ﺍﻱ ﺟﺎﺳﺖ ﻣﻌﺎﻳﺎ ﺭﺍﻧﻲ ﻣﺎﻧﻴﺶ ﺻﻐﻴﺮ ﺷﻨﻘﻌﺪ ﻧﻌﺪﻳﻠﻚ ﻓﻲ ﻛﻞ ﻏﻠﻄﺔ
- ﻋﻠﻲ ﺃﺳﺎﺱ ﺃﻧﺎ ﻣﻴﺔ ﻋﻠﻴﻚ ﻳﻌﻨﻲ ﻫﻬﻪ ﻭﺍﻟﻠﻪ ﺣﺎﻟﺔ ﻓﻴﻚ ﺑﺼﺮﺍﺣﺔ
- ﻧﺘﺠﺎﻭﺯﻙ
- ﺃﺣﺴﻦ ﻣﻼ ﺭﺍﺣﺔ
ﻫﺰ ﺟﺎﻛﺎﺗﻮ ﻭ ﺧﺮﺝ ﻣﺸﺎ ﻟﻠﺤﺎﻧﻮﺕ ﻳﺨﺪﻡ ﻳﺤﺐ ﻳﻨﺴﻲ ﺷﻮﻱ ﻣﺸﺎﻛﻞ ﻳﺤﺐ ﻳﺨﺮﺝ ﻣﻦ ﺍﻟﻬﻢ ﺍﻟﻲ ﻳﻌﻴﺶ ﻓﻴﻪ .. ﺑﻘﺎﺕ ﻫﻲ ﻓﻲ ﺩﺍﺭ ﻭ ﺗﺘﻔﺮﺝ ﻓﻲ ﻛﻞ ﺗﺮﻛﻴﻨﺔ ﻗﺪﺍﻩ ﻋﺎﺟﺒﺘﻬﺎ ﻭ ﺣﺴﺘﻬﺎ ﺩﺍﻓﻴﺎ ... ﺣﻄﺖ ﻳﺪﻫﺎ ﻋﻠﻲ ﻗﻠﺒﻬﺎ ﻭ ﺗﻨﻬﺪﺕ ﺗﻨﻬﻴﺪﺓ ﻛﺒﻴﺮﺓ ﺧﺮﺟﺖ ﺑﻴﻬﺎ ﺍﻟﻬﻢ ﻭ ﺍﻟﻨﻜﺪ ﺍﻟﻲ ﻓﻲ ﻗﻠﺒﻬﺎ ﺍﻟﻜﻞ
ﻧﻤﺸﻮ ﻟﺒﻮ ﻗﺎﺳﻢ ﻳﺤﻜﻲ ﻫﻮ ﻭ ﻣﺮﺗﻮ
- ﺍﻣﺎ ﺑﻨﺖ ﺧﻮﻙ ﻣﺰﻳﺎﻧﺔ ﻣﻮﺵ ﻫﻜﺎ
- ﺍﻱ ﻣﺸﺎﺀ ﺍﻟﻠﻪ ﻋﻠﻴﻬﺎ ﺭﺑﻲ ﻳﻮﺍﻟﻒ ﺍﻟﻘﻠﻮﺏ ﻋﻠﻲ ﺑﻌﻀﻬﺎ
- ﻫﻬﻬﻬﻬﻪ ﺗﺤﻠﻢ ﻛﺎﻥ ﺑﺎﺵ ﻳﺘﻬﻨﺎﻭ ﻣﻊ ﺑﻌﻀﻬﻢ ﺍﻟﻄﻔﻠﺔ ﺑﺎﻳﻨﺔ ﻣﺴﻤﺎﻣﺔ ﻭ ﻣﻮﺵ ﻧﺎﻭﻳﺔ ﺍﻟﺨﻴﺮ
- ﻻ ﺗﺴﻨﻴﻢ ﺑﻨﻴﺔ ﻋﺎﻗﻠﺔ ﻭ ﺭﺯﻳﻨﺔ ﻣﺘﺄﻛﺪ ﺍﻧﻮ ﺑﺎﺵ ﻳﺼﻴﺮ ﻛﺎﻥ ﺍﻟﺨﻴﺮ
- ﻣﺘﻨﺴﺎﺵ ﺃﻧﻮ ﻣﻤﻜﻦ ﻳﺠﻲ ﻧﻬﺎﺭ ﻭ ﺗﺘﻜﺸﻒ ﺍﻟﺤﻘﻴﻘﺔ ﻭ ﺗﺨﺮﺝ ....
- ﺃﺳﻜﺖ ﻋﻠﻴﺎ ﻭ ﺍﻧﺖ ﺗﺠﺮﻱ ﻛﺎﻥ ﻋﻠﻲ ﺧﻼﻫﺎ ﻣﻔﻤﺎ ﺷﻲ ﺑﺎﺵ ﻳﺼﻴﺮ ﻗﺎﺳﻢ ﺑﺎﺵ ﻳﻘﻌﺪ ﻣﻊ ﺗﺴﻨﻴﻢ ﻃﻮﻝ ﻋﻤﺮﻭ ﻭ ﺗﻮ ﺗﺸﻮﻑ
- ﻫﻬﻬﻪ ﺍﻱ ﺗﻮ ﻧﺸﻮﻓﻮ
ﻛﺎﻧﺖ ﺗﻀﺤﻚ ﺿﺤﻜﺔ ﺍﻟﻨﺼﺮ ﺑﻄﺒﻴﻌﺘﻬﺎ ﺗﻜﺮﻩ ﻗﺎﺳﻢ ﻣﻠﻲ ﻫﻮ ﺻﻐﻴﺮ
ﺍﻟﺤﻠﻘﺔ :8
ﺍﻟﺪﻧﻴﺎ ﻟﻴﻞ ﻭ ﻗﺎﺳﻢ ﻣﺮﻭﺣﺶ ... ﺑﺪﺍﺕ ﺗﺴﻨﻴﻢ ﺗﺨﺎﻑ ﻭ ﻗﻠﺒﻬﺎ ﻳﺪﻕ ﻭﻳﻦ ﺗﺘﺬﻛﺮ ﺑﻠﻲ ﺍﻟﺪﺍﺭ ﻣﺎﺗﺖ ﻓﻴﻬﺎ ﻣﺮﺗﻮ ﺗﺤﺲ ﺑﺴﺎﻗﻴﻬﺎ ﻳﺒﺮﺩﻭ ﻭ ﺑﺪﻧﻬﺎ ﻳﺮﺧﻒ ... ﻧﺺ ﻟﻴﻞ ﻭﺻﻠﺖ ﻭ ﻫﻲ ﺭﺑﻲ ﻳﻌﻠﻢ ﺑﺤﺎﻟﻬﺎ ﻛﻴﻔﺎﻩ ﻋﺪﺍﺕ ﺍﻟﺴﻮﺍﻳﻊ ﺗﻘﻮﻟﺶ ﻋﻠﻴﻬﻢ ﺳﻨﻴﻦ ... ﻓﻲ ﻟﺤﻈﺎﺕ ﺗﺴﻤﻊ ﻛﺎﻥ ﻓﻲ ﺣﺲ ﺍﻟﺒﺎﺏ ﻳﺘﻔﺘﺢ ... ﺗﺨﺒﺎﺕ ﻓﻲ ﺍﻟﻔﺮﺵ ﻭ ﺗﻘﺮﺍ ﻓﻲ ﺍﻟﻘﺮﺃﻥ ﺧﺎﻳﻔﺔ .. ﻟﻴﻦ ﺗﺤﺲ ﺑﻴﻪ ﺣﻂ ﺍﻟﻤﻔﺎﺗﺢ ﻋﻠﻲ ﺍﻟﻄﺎﻭﻟﺔ ﻭ ﺩﺧﻞ ﻟﻠﺪﻭﺵ .... ﻗﺎﻣﺖ ﻣﻦ ﺍﻟﻔﺮﺵ ﻭ ﻫﻲ ﺗﺘﺨﺘﻞ ﺗﺤﺐ ﺗﺸﻮﻑ ﺷﻜﻮﻥ ﻓﻲ ﺩﻭﺵ ﻳﻄﻠﻌﺶ ﺟﻦ ﻳﺤﺐ ﻳﻘﺘﻠﻬﺎ ﺧﺎﺗﺮ ﺍﻟﺠﻨﻮﻥ ﻳﺤﺒﻮ ﺍﻟﺤﻤﺎﻡ
ﺣﻠﺖ ﺍﻟﺒﺎﺏ ﻋﻠﻲ ﻗﻮﺗﻬﺎ ﺗﻠﻘﺎﻩ ﺳﺎﻳﺎ ﺑﺪﺍ ﻳﺘﺤﻤﻢ ... ﺭﺟﻌﺖ ﺳﻜﺮﺕ ﺍﻟﺒﺎﺏ ﻋﻠﻲ ﻗﻮﺓ ﺟﻬﺪﻫﺎ ﻭ ﺗﻜﺎﺕ ﻋﻠﻴﻪ ... ﻭﺟﻬﺎ ﺣﻤﺎﺭ ﻭ ﻗﻠﺒﻬﺎ ﻳﺪﻕ
ﻗﺎﺳﻢ : ﺃﻧﺎ ﺩﺧﻠﺖ ﻧﻌﻤﻞ ﻓﻲ ﺩﻭﺵ ﻭ ﻧﺤﺲ ﻛﺎﻥ ﺍﻟﺒﺎﺏ ﺗﺤﻞ ﻋﻠﻴﺎ ﺑﻘﻮﺓ ... ﻛﺎﻧﺖ ﺗﺴﻨﻴﻢ ﻣﻦ ﺃﻭﻝ ﻣﺎ ﺷﺎﻓﺘﻨﻲ ﺣﻠﺖ ﻓﻤﻬﺎ ﻭ ﺭﺟﻌﺖ ﺳﻜﺮﺕ ﺍﻟﺒﺎﺏ ﺑﻘﻮﺓ ... ﺑﺎﻳﻦ ﻋﻠﻴﻬﺎ ﺣﺸﻤﺖ ﻣﻨﻲ ﺃﻣﺎ ﻣﻔﻬﻤﺘﺶ ﻋﻼﻩ ﺗﺘﺼﺮﻑ ﻫﻜﺎ ﻣﻌﺎﻳﺎ ﻟﻠﺪﺭﺟﺔ ﻫﺬﻱ ﺗﻜﺮﻫﻨﻲ ﻭ ﻣﺘﺤﻤﻠﻨﻴﺶ ﻭﻻ ﻓﻤﺎ ﺣﻜﺎﻳﺔ ﺃﺧﺮﻱ ﻭ ﺍﻧﺎ ﻣﻨﻌﺮﻓﻬﺎﺵ ... ﺇﻧﺴﺎﻧﺔ ﻗﺎﺗﻠﻬﺎ ﺍﻟﻐﻤﻮﺽ ﻭ ﺍﻟﻜﺒﺮﻳﺎﺀ ﻣﻨﻌﺮﺵ ﻛﻴﻔﺎﻩ ﻧﺘﺼﺮﻑ ﻣﻌﺎﻫﺎ ﺍﻣﺎ ﻻﺯﻣﻨﻲ ﻧﺨﻠﻴﻬﺎ ﻋﻠﻲ ﺭﺍﺣﺘﻬﺎ ﻭ ﻧﺴﺎﻳﺮﻫﺎ ﻋﻠﻲ ﻋﻴﻨﻴﻦ ﻋﻤﻲ ﻭ ﻋﻠﻲ ﻋﻴﻨﻴﻦ ﺍﻟﻨﺎﺱ
ﻛﻤﻞ ﺍﻟﺪﻭﺵ ﻭ ﺧﺮﺝ ﻳﻠﻘﺎﻫﺎ ﻗﺎﻋﺪﺓ ﻋﻠﻲ ﺍﻟﻔﺮﺵ ﺗﻔﺒﺮﻱ ﺑﻜﻠﻬﺎ
- ﺷﺒﻴﻚ ﻣﺎﻭ ﻟﺒﺎﺱ
- ﻭﻳﻦ ﺑﻘﻴﺖ ﺳﻴﺎﺩﺗﻚ ﻟﺘﻮ
- ﺑﻘﻴﺖ ﻓﻲ ﺍﻟﺤﺎﻧﻮﺕ ﻣﺤﺒﻴﺘﺶ ﻧﺘﻘﺎﺑﻠﻮ ﻭ ﻧﻌﻤﻠﻮ ﻋﺮﻛﺔ
- ﺷﻮﻑ ﻗﺪﺍﻩ ﺍﻟﻮﻗﺖ ﺗﻮ
- ﻭﻳﻦ ﺍﻟﻤﺸﻜﻞ
- ﺇﺫﺍ ﺗﺰﻳﺪ ﺗﻘﻌﺪ ﻟﻴﻠﺔ ﺍﻟﺒﺮﺍ ﻛﻴﻤﺎ ﺍﻟﻠﻴﻠﺔ ﻭﺍﻟﻠﻪ ﻧﺮﻭﺡ ﻟﺪﺍﺭﻧﺎ ﻭ ﻟﻌﺎﺩ ﻧﺮﺟﻌﻠﻚ ﻟﻬﻮﻧﻲ ﺣﻴﺎﺗﻚ ﺍﻟﻜﻞ
- ﻣﻮﺵ ﺗﻜﺮﻫﻨﻲ ﻭ ﻣﺘﺤﻤﻠﺶ ﺗﺸﻮﻓﻨﻲ
- ﻣﺎﻧﻴﺶ ﻛﺮﺩﻭﻧﺔ ﻣﻄﻴﺸﺔ ﻧﻬﺎﺭ ﻛﺎﻣﻞ ﻭﺣﺪﻱ ﻭ ﻓﻲ ﻟﻴﻞ ﻭﺣﺪﻱ ﺑﺮﺑﻲ ﻛﺎﻥ ﻳﻬﺪ ﻋﻠﻴﺎ ﺳﺎﺭﻕ ﺷﻨﻮﺍ ﻧﻌﻤﻞ ﻓﻲ ﻫﺎﻟﻠﻴﻞ ﻭ ﺣﺘﻲ ﻋﺎﻳﻠﺘﻚ ﻣﻮﺵ ﻗﺮﺍﺏ ﻟﻬﻮﻧﻲ
- ﻧﻌﺮﻓﻚ ﻗﻮﻳﺔ ﻭ ﻣﻴﺨﻮﻓﻚ ﺷﻲ
- ﺃﻧﺎ ﻟﻜﻼﻡ ﻟﻌﻨﺪﻱ ﻗﻠﺘﻮ ﻭ ﺍﻧﺖ ﺣﺮ
- ﺑﺎﻫﻲ ﻳﺼﻴﺮ ﺧﻴﺮ
ﺗﻜﻲ ﻋﻠﻲ ﺍﻟﻔﺮﺵ ﻭ ﺗﻜﺎﺕ ﻫﻴﺎ ﺑﺠﻨﺒﻮ ... ﺗﻮﻗﻌﻬﺎ ﺗﻘﻠﻮ ﻣﺘﺮﻗﺪﺵ ﻣﻌﺎﻳﺎ ﺃﻣﺎ ﻻ ﻫﻲ ﻣﺘﻜﻠﻤﺘﺶ ﻭ ﺑﺎﻟﻌﻜﺲ ﺣﺘﻲ ﻓﻲ ﺍﻟﻨﻮﻡ ﻛﺎﻧﺖ ﻗﺮﻳﺒﺔ ﻣﻨﻮ ﺑﺮﺷﺎ ... ﻣﻮﺵ ﻣﺤﺒﺔ ﻓﻴﻪ ﺍﻣﺎ ﺍﻟﺨﻮﻑ ﻣﺴﻴﻄﺮ ﻋﻠﻴﻬﺎ ﻭ ﺑﻄﺒﻴﻌﺘﻬﺎ ﺧﻮﺍﻓﺔ ﺗﻜﺒﺮ ﻓﻲ ﺭﺍﺳﻬﺎ ﺑﺎﻟﻔﺎﺭﻍ
# ﻧﻮﺭﺱ _ ﺍﻟﺪﺍﻳﻤﻲ
ﺍﻟﺤﻠﻘﺔ :9
ﻗﺎﻣﺖ ﻋﻠﻲ ﺿﻮ ﺍﻟﺒﻴﺖ ﻛﻲ ﺷﻌﻞ
- ﺗﻲ ﺳﻜﺮ ﺍﻟﻀﻮ ﻋﻼﻩ ﻫﻜﺎ ﺍﻟﺰﺡ
- ﻋﻼﻩ ﺗﺤﺒﻨﻲ ﻧﺒﺪﻝ ﺩﺑﺸﻲ ﻋﻠﻲ ﺍﻟﻈﻠﻤﺔ
- ﺧﻮﺫ ﺩﺑﺸﻚ ﻭ ﺑﺮﺍ ﺑﺪﻝ ﻓﻲ ﺑﻴﺖ ﺃﺧﺮﻱ ﺧﻠﻴﻨﻲ ﻧﺮﻗﺪ
- ﻗﻮﻡ ﺣﻀﺮﻟﻲ ﻓﻄﻮﺭﻱ ﺑﻼ ﻗﺘﻠﻮ ﻧﺮﻗﺪ
ﻏﻄﺎﺕ ﺭﺍﺳﻬﺎ ﻭ ﺭﻗﺪﺕ ﻣﻌﺪﻟﺘﺶ ﻋﻠﻲ ﻛﻼﻣﻮ ﺟﻤﻠﺔ ... ﻗﻌﺪ ﻳڨﺤﺮﻟﻬﺎ ﻭ ﻳﻬﺰ ﻓﻲ ﺭﺍﺳﻮ ﻭ ﻳﻬﺒﻂ ﻭ ﻫﻮ ﻣﺘﻴﻘﺮ ﻣﻨﻬﺎ
ﺧﺮﺝ ﻫﻮ ﻳﺨﺪﻡ ﻭ ﺑﻘﺎﺕ ﻫﻲ ﻭﺣﺪﻫﺎ ﻓﻲ ﺍﻟﺪﺍﺭ ﺷﺒﻌﺖ ﻧﻮﻡ ... ﺑﻌﺪﻫﺎ ﻋﻤﻠﺖ ﺩﻭﺵ ﻧﻌﻮﺷﻬﺎ ﻭ ﻓﺮﻫﺪﻫﺎ ﻭ ﺩﺧﻠﺖ ﻟﻠﻜﻮﺟﻴﻨﺔ ﺗﻔﻄﺮ ﻟﻴﻦ ﺳﻤﻌﺖ ﺑﺎﺏ ﺍﻟﺪﺍﺭ ﻳﻨﻮﻗﺰ .. ﻣﺸﺎﺕ ﻓﺘﺤﺘﻮ ... ﺗﻠﻘﺎﻫﺎ ﻣﺮﺃﺓ ﺷﻌﺮﻫﺎ ﺃﺻﻔﺮ ﻭ ﻋﻴﻨﻴﻬﺎ ﻋﺴﻠﻴﺔ ﻣﺰﻳﺎﻧﺔ ﻭ ﻭﺟﻬﺎ ﻣﻨﻮﺭ
- ﻋﺴﻼﻣﺔ ﺗﻔﻀﻞ
- ﺑﺮﺑﻲ ﻫﺬﻱ ﺩﺍﺭ ﺣﻴﺎﺓ
- ﻻ ﺃﺧﺘﻲ ﻏﺎﻟﻄﺔ
- ﺳﺎﻣﺤﻨﻲ ﻏﻠﻂ ﻓﻲ ﺍﻟﺪﺍﺭ
- ﻣﻮﺵ ﻣﺸﻜﻞ
- ﺑﺎﻟﺴﻼﻣﺔ
ﺳﻜﺮﺕ ﺗﺴﻨﻴﻢ ﺍﻟﺒﺎﺏ ﻭ ﺑﻘﺎﺕ ﺗﺘﻔﺮﺝ ﻓﻲ ﺍﻟﺘﻠﻔﺰﺓ ﻭ ﺗﺎﻛﻞ ﻓﻲ ﺍﻟﻐﻠﺔ ﻟﻴﻦ ﺑﺎﺏ ﺩﺍﺭ ﻧﻮﻗﺰ ﻣﺮﺓ ﺍﺧﺮﻱ
- ﻋﺴﻼﻣﺔ ﻋﻤﺘﻲ ﺗﻔﻀﻞ
- ﻭﺻﻠﺖ
ﺩﺧﻠﺖ ﺣﻤﺎﺗﻬﺎ ﻭ ﻫﻲ ﻫﺎﺯﺓ ﺭﺍﺳﻬﺎ ﺍﻟﻔﻮﻕ ﻭ ﺗﻐﺰﺭ ﻟﻠﺪﺍﺭ ﻣﻦ ﺗﺤﺖ ﻟﺘﺤﺖ
- ﻳﺎ ﺑﻨﻴﺘﻲ ﻳﻔﺮﺣﻚ ﻣﻴﺴﺎﻟﺶ ﺗﺠﻴﺒﻠﻲ ﻛﺎﺱ ﻣﺎﺀ ﺭﻳﻘﻲ ﺷﺎﺡ
- ﺑﺎﻫﻲ ﻟﺤﻈﺔ ﺑﺮﻙ
ﻣﺸﺎﺕ ﺗﺴﻨﻴﻢ ﻟﻠﻜﻮﺟﻴﻨﺔ ﻭ ﻫﻲ ﻓﺎﺩﺓ ﻟﻴﻦ ﻏﺰﺭﺕ ﻟﺤﻤﺎﺗﻬﺎ ﺷﺎﻓﺘﻬﺎ ﺗﺘﺤﺮﻙ ﻛﻠﻲ ﺗﺨﺒﻲ ﻓﻲ ﺣﺎﺟﺔ .. ﻗﺘﻠﻬﺎ ﺍﻟﺸﻚ ﻭ ﻗﻠﺒﻬﺎ ﻭﺳﻮﺱ .. ﺑﻘﺎﺕ ﺣﺎﻃﺔ ﻋﻴﻨﻴﻬﺎ ﻋﻠﻴﻬﺎ ﻭ ﻓﻴﺴﻊ ﻣﺠﺎﺑﺘﻠﻬﺎ ﺍﻟﻤﺎﺀ ﻭ ﻗﻌﺪﺕ ﺑﺠﻨﺒﻬﺎ
- ﻋﻴﺶ ﺑﻨﺘﻲ ﻳﺴﺘﺮﻙ
- ﺑﻴﻨﺘﻨﺎﺵ ﻳﺎ ﺣﻤﺎﺗﻲ ﺍﻟﻌﺰﻳﺰﺓ
- ﺃﻱ ﻣﻘﺘﻠﻴﺶ ﻣﺮﺗﺎﺣﺔ ﻣﻊ ﻗﺎﺳﻢ ﻭﻻ ﻋﺎﻣﻞ ﻓﻴﻚ ﻛﻴﻤﺎ ﻛﺎﻥ ﻋﺎﻣﻞ ﻓﻲ ﻣﺮﺗﻮ
- ﻻ ﺍﻟﺤﻖ ﺃﻧﺎ ﻭ ﻗﺎﺳﻢ ﻣﺘﻔﺎﻫﻤﻴﻦ ﻓﻲ ﺻﺤﻔﺔ ﺍﻟﻌﺴﻞ ﺭﺑﻲ ﻳﺒﻌﺪ ﻋﻠﻴﻨﺎ ﺍﻟﺤﺴﺎﺩ ﻭﻛﻬﻮ
- ﺗﻬﻨﻴﺘﻮ ﻣﻊ ﺑﻌﻀﻜﻢ
- ﺃﻱ ﺍﻟﺤﻤﺪ ﻟﻠﻪ ﻳﺎ ﺭﺑﻲ
- ﺃﻱ ﺑﺎﻫﻲ .. ﺟﻴﺖ ﺣﺒﻴﺖ ﻧﻘﻠﻚ ﺑﻠﻲ ﺃﺣﻨﻲ ﺍﻟﻠﻴﻠﺔ ﻋﺎﻣﻠﻴﻦ ﻋﺸﺎﺀ ﺑﻤﻨﺎﺳﺒﺔ ﻋﺮﺳﻜﻢ ﻭ ﺟﻴﺖ ﺑﺎﺵ ﻧﻌﻠﻤﻚ ﻭ ﻫﻮﻛﺎ ﺗﺠﻲ ﺍﻧﺘﻲ ﻭ ﻗﺎﺳﻢ ﻓﻲ ﺍﻟﻠﻴﻞ ﻋﻠﻲ ﺑﻜﺮﻱ
- ﺇﻧﺸﺎﺀ ﺍﻟﻠﻪ
- ﻫﻴﺎ ﺑﺎﻟﺴﻼﻣﺔ ﺗﻮ
- ﺑﺎﻟﺴﻼﻣﺔ
ﻣﺸﺎﺕ ﺳﻜﺮﺕ ﺍﻟﺒﺎﺏ ﻭ ﺭﺟﻌﺖ ﺩﻳﺮﺍﻛﺖ ﺗﻘﻠﺐ ﻓﻲ ﺍﻟﻤﺨﺎﺩﺩ ﻭ ﺍﻟﺤﺮﺍﺭﻱ ﺗﻔﺮﻛﺲ ﻓﻲ ﺣﻤﺎﺗﻬﺎ ﺷﻨﻮﺍ ﺣﻄﺖ ... ﺑﻘﺎﺕ ﺗﻐﺰﺭ ﻭ ﻣﺼﺪﻭﻣﺔ ﻣﻠﻲ ﺗﺸﻮﻑ ﻓﻴﻪ
- ﺃﻣﻲ ﺃﻣﺎﻧﻚ ﺍﻳﺠﺎﻧﻲ ﺗﻮ
- ﻭﻭﻩ ﺗﺴﻨﻴﻢ ﺷﺒﻴﻚ
- ﺃﻣﻲ ﻋﻴﺸﻚ ﺇﻳﺠﺎﻧﻲ
- ﺑﺎﻫﻲ ﻟﺤﻈﺔ ﻫﺎﻧﻲ ﺟﺎﻳﺘﻚ ﺗﻮ ﻣﺴﺎﻓﺔ ﺍﻟﻄﺮﻳﻖ
ﺑﻘﺎﺕ ﻗﺎﻋﺪﺓ ﻭ ﺗﺒﻜﻲ ﻭ ﻫﻲ ﺗﺘﻔﺮﺝ ﻓﻲ
ﺍﻟﺤﻠﻘﺔ :10
ﻭﺻﻠﺖ ﺍﻣﻬﺎ ﺗﻠﻘﻲ ﺍﻟﺒﺎﺏ ﻣﻔﺘﻮﺡ ﺩﻳﺮﺍﻛﺖ ﺩﺧﻠﺖ ﻭ ﻗﻠﺒﻬﺎ ﻋﻠﻲ ﻳﺪﻳﻬﺎ ﻣﻔﺠﻮﻋﺔ ﻋﻠﻲ ﺑﻨﺘﻬﺎ
- ﻭﻭﻩ ﻳﺎ ﺗﺴﻨﻴﻢ ﺑﻨﻴﺘﻲ ﺷﺒﻴﻚ
ﻗﺮﺑﺖ ﻣﻨﻬﺎ ﻭ ﺿﻤﺘﻬﺎ ﻟﺼﺪﺭﻫﺎ - ﻗﺎﺳﻢ ﻋﻤﻠﻚ ﺣﺎﺟﺔ
- ﺃﻣﻲ ﺃﻣﻲ ﺷﻮﻑ
- ﺷﻨﻮﺍ ﺗﺴﻨﻴﻢ ﺷﻨﻮﺍ ﺑﻨﺸﻮﻑ ﺷﻔﻤﺎ
ﻗﺎﻣﺖ ﺗﺴﻨﻴﻢ ﻭﺭﺍﺗﻬﺎ ﺍﻟﺘﺼﺎﻭﺭ ﺍﻟﻲ ﺣﻄﺘﻬﻢ ﺣﻤﺎﺗﻬﺎ ﻭ ﺗﺴﻴﺒﺖ ﺑﺎﻟﺒﻜﺎﺀ
- ﺗﺴﻨﻴﻢ ﺑﻨﺘﻲ ﻣﻨﻴﻦ ﺟﺒﺘﻬﻢ ﻫﺎﺫﻡ ﺗﺼﺎﻭﺭ ﺑﺴﻤﺔ
- ﺵ ﺷﻨﻮﺍ
- ﺑﺴﻤﺔ ﻣﺮﺕ ﻗﺎﺳﻢ ﻳﻤﻜﻦ ﺍﻧﺘﻲ ﻭﻗﺘﻬﺎ ﺻﻐﻴﺮﺓ ﻣﺘﺬﻛﺮﻫﺎﺵ ﻣﻠﻴﺢ
- ﺃﻣﻲ ﺃ ﺃﻧﺎ ﺍﻟﻴﻮﻡ ﺟﺎﺗﻨﻲ ﻧﻔﺲ ﺍﻟﻤﺮﺃﺓ ﻟﻬﻮﻧﻲ
- ﻳﺰﻱ ﺗﺴﻨﻴﻢ ﺃﻛﻴﺪ ﺗﺴﺘﺨﺎﻳﻞ ﻭﺣﺪﻙ ﺧﺎﺗﺮﻫﺎ ﻣﺎﺗﺖ ﻋﻨﺪﻫﺎ 10 ﺳﻨﻴﻦ ﻛﻴﻔﺎﻩ ﺑﺎﺵ ﺗﺸﻮﻓﻬﺎ ﺑﺮﺑﻲ
- ﻭﺍﻟﻠﻪ ﻳﺎﻣﻲ ﺟﺎﺗﻨﻲ ﻭ ﺷﻔﺘﻬﺎ ﻭﺍﻟﻠﻪ
- ﺗﺴﻨﻴﻢ ﺑﻨﺘﻲ ﻳﺰﻱ ﻣﻔﻤﺎ ﺷﻲ ﺍﻧﺘﻲ ﺑﺮﻙ ﺗﺴﺘﺨﺎﻳﻞ
ﺗﺮﻣﺎﺕ ﻓﻲ ﺣﻀﻦ ﺃﻣﻬﺎ ﺗﺒﻜﻲ ﺗﺤﺐ ﺗﻘﻨﻊ ﺭﻭﺣﻬﺎ ﺑﻠﻲ ﻫﻲ ﺗﻮﺳﻮﺱ ﻭ ﻣﻔﻤﺎ ﺷﻲ ﺃﻣﺎ ﺩﻣﻮﻋﻬﺎ ﺧﺎﻳﻨﻴﻨﻬﺎ ﻣﻮﺵ ﻣﻨﺠﻤﺔ ﺗﻜﺬﺏ ﻋﻴﻨﻴﻬﺎ
ﻗﻌﺪﺕ ﻣﻌﺎﻫﺎ ﺃﻣﻬﺎ ﻟﻴﻦ ﺑﺪﺍ ﺍﻟﻠﻴﻞ ﻳﻘﺮﺏ
- ﻫﻴﺎ ﺻﻐﺮﻭﻧﺘﻲ ﻗﻮﻡ ﻣﻦ ﻋﻠﻴﺎ ﺧﻠﻴﻨﻲ ﻧﺮﻭﺡ ﻣﻌﺎﺵ ﻋﻠﻴﺎ ﺑﻜﺮﻱ
- ﺃﻣﺎﻥ ﺃﻣﻲ ﺯﻳﺪ ﺃﻗﻌﺪ ﻣﻌﺎﻳﺎ ﻣﻨﺠﻤﺶ ﻧﺒﻘﻲ ﻭﺣﺪﻱ
- ﻣﺘﺨﺎﻓﺶ ﺑﻨﺘﻲ ﻭ ﺯﻳﺪ ﻗﺎﺳﻢ ﻋﺎﺩﻙ ﺑﻴﻪ ﺭﻭﺡ
- ﺑﺎﻫﻲ ﺃﻣﻲ ﺳﻠﻤﻠﻲ ﻋﻠﻲ ﺑﺎﺑﺎ ﻭ ﻫﺎﻛﺎ ﺍﻟﺸﻴﻄﺎﻥ ﻟﻤﻌﺎﻛﻢ ﻓﻲ ﺍﻟﺪﺍﺭ
- ﻫﻬﻪ ﺑﺎﻫﻲ ﻳﻮﺻﻞ
ﺭﻭﺣﺖ ﺃﻣﻬﺎ ﻭ ﺩﺧﻠﺖ ﻟﺒﻴﺖ ﺍﻟﻨﻮﻡ ﺗﻐﺴﻞ ﻓﻲ ﻭﺟﻬﺎ ﻭ ﺗﺤﺐ ﺗﻨﺴﻲ ﺍﻟﺸﻲ ﺍﻟﻲ ﺻﺎﺭ ﻣﻌﺎﻫﺎ ﺍﻟﻴﻮﻡ .. ﺩﺧﻞ ﻗﺎﺳﻢ ﻣﻬﺪﻭﺩ ﻣﻦ ﺍﻟﺨﺪﻣﺔ ﺩﺧﻞ ﺩﻳﺮﺍﻛﺖ ﻟﻠﺤﻤﺎﻡ
- ﺍﻧﺘﻲ ﻫﻮﻧﻲ ... ﻣﺎﻭ ﺳﻜﺮ ﺍﻟﺒﺎﺏ ﻋﻠﻲ ﺍﻷﻗﻞ
- ﻫﺎﻧﻲ ﺧﺎﺭﺟﺔ
ﺧﺮﺟﺖ ﻭ ﻫﻮ ﺩﺧﻞ ... ﺑﻘﺎﺕ ﺗﻤﺸﻲ ﻭ ﺗﺠﻲ ﻓﻲ ﺍﻟﺒﻴﺖ ﻣﺘﻌﺮﺵ ﻛﻴﻔﺎﻩ ﺗﺒﺪﺍﻟﻮ ﺍﻟﻤﻮﺿﻮﻉ .. ﻗﻠﺒﻬﺎ ﻳﻘﻠﻬﺎ ﻣﺘﻘﻠﻮﺵ ﺧﻴﺮ ﻣﻠﻲ ﺗﺘﺤﻴﺮ ﻣﺮﺍﺟﻌﻮ ﻭ ﻋﻘﻠﻬﺎ ﻳﻘﻠﻬﺎ ﺣﻂ ﺣﺪ ﻟﻠﺤﻜﺎﻳﺔ ... ﺑﻘﺎﺕ ﻓﻲ ﺻﺮﺍﻉ ﻛﺒﻴﺮ ﺑﻴﻦ ﺗﻘﻠﻮ ﻭﻻ ﻣﺘﻘﻠﻮﺵ ﻟﻴﻦ ﺧﺮﺝ
- ﻗﺎﺳﻢ ﻧﺠﻢ ﻧﺤﻜﻲ ﻣﻌﺎﻙ ﻓﻲ ﻣﻮﺿﻮﻉ
- ﺇﻧﺸﺎﺀ ﺍﻟﻠﻪ ﺧﻴﺮ
- ﺃﻧﺖ ﻣﺘﺄﻛﺪ ﺑﻠﻲ ﺑﺴﻤﺔ ﻣﺎﺗﺖ
- ﺷﻨﻮﺍ ﻣﺠﺒﺪﻙ ﻓﻴﻬﺎ ﺑﺮﺑﻲ ﻭﻻ ﺃﻧﺘﻲ ﺗﺤﺐ ﺗﻀﺮﺑﻨﻲ ﻋﻠﻲ ﺍﻟﻮﺗﺮ ﺍﻟﺤﺴﺎﺱ ﻭ ﺗﺬﻛﺮﻧﻲ ﺑﺎﻟﻤﺎﺿﻲ ﺩﻳﻤﺎ
- ﻗﺎﺳﻢ ﻣﺘﻔﻬﻤﻨﻴﺶ ﺑﺎﻟﻐﺎﻟﻂ ﺃﻧﺎ ﻧﺴﺄﻝ ﺑﺮﻙ
- ﺗﺴﻨﻴﻢ ﺃﺧﺮﺝ ﻣﻦ ﺣﻴﺎﺗﻚ ﻛﺎﻥ ﺗﺤﺐ ﻋﻠﻲ ﺍﻟﻄﻼﻕ ﺗﻮ ﻧﻄﻠﻘﻮ ﻭ ﻣﻮﺵ ﻻﺯﻡ ﺗﺘﺼﺮﻑ ﻣﻌﺎﻳﺎ ﻫﻜﺎ ﻳﺰﻱ ﻟﻠﺼﺒﺮ ﺣﺪﻭﺩ
- ﺗﻲ ﻟﻴﻮﻡ ﺷﻔﺖ ﺑﺴﻤﺔ ﻗﺪﺍﻣﻲ ﻭ ﺟﺎﺕ ﺩﻗﺖ ﻋﻠﻲ ﺍﻟﺒﺎﺏ ﻭ ﺣﻜﺎﺕ ﻣﻌﺎﻳﺎ
- ﺗﺴﻨﻴﻢ ﻳﺰﻱ ﻭ ﺳﻜﺮ ﻋﻠﻲ ﺍﻟﻤﻮﺿﻮﻉ
- ﻭﺍﻟﻠﻪ ﻳﺎ ﻗﺎﺳﻢ ﺟﺎﺕ ﻟﻬﻮﻧﻲ ﻭ ﺣﻜﻴﺖ ﻣﻌﺎﻫﺎ ﺳﺄﻟﺘﻨﻲ ﻋﻠﻲ ﺩﺍﺭ ﺣﻴﺎﺓ ﻭ ﻣﺸﺎﺕ
- ﺗﺴﻨﻴﻢ ﻫﺒﺎﻝ ﻣﺘﺎﻋﻚ ﻧﺤﻴﻪ
- ﺗﻲ ﻭﺍﻟﻠﻪ ﻳﺎ ﻗﺎﺳﻢ ﺟﺎﺕ ﻭ ﺩﻳﺠﺎ ﺃﻣﻚ ﺟﺎﺕ ﻟﻬﻮﻧﻲ ﻭ ﺭﻣﺎﺕ ﺍﻟﺘﺼﺎﻭﺭ ﻓﻲ ﺍﻟﺒﻴﺖ ﻭ ﻛﻲ ﺷﻔﺘﻬﻢ ﺗﺼﺪﻣﺖ ﺧﺎﺗﺮ ﻧﻔﺲ ﺍﻟﻮﺟﻪ
- ﺗﻲ ﺷﺒﻴﻚ ﺍﻧﺖ ﻓﺎﺵ ﺗﺨﺮﻡ ﻭﺣﺪﻙ
- ﺃﻣﺸﻲ ﻣﻌﺎﻳﺎ ﺗﻮ ﻧﻮﺭﻳﻚ ﺍﻟﺘﺼﺎﻭﺭ ﺃﻧﺎ ﺣﻄﻴﺘﻬﻢ ﻋﻠﻲ ﺍﻟﻄﺎﻭﻟﺔ
ﻫﺰﺗﻮ ﻣﻦ ﻳﺪﻭ ﻣﻌﺎﻩ ﻟﻠﺼﺎﻟﺔ ﺷﺘﻮﺭﻳﻪ ﺍﻟﺘﺼﺎﻭﺭ ﺑﺎﺵ ﻳﺼﺪﻗﻬﺎ
++++ ﺗﻮﻗﻌﺎﺗﻜﻢ ﻣﻦ ﻏﻴﺮ ﻛﻠﻤﺔ ﻛﻤﻞ
#
ﺍﻟﺤﻠﻘﺔ :11
ﻫﺎﺯﺗﻮ ﻭﺭﺍﻫﺎ ﻭ ﺗﺠﺒﺪ ﻓﻴﻪ
- ﺷﻮ ﻫﺎﻭ ﺣﻄﻴﺘﻬﻢ ﻋﻠﻲ ﺍﻟﻄﺎﻭﻟﺔ ﻫﻮﻧﻲ
- ﺷﻨﻮﺍ ﺗﺴﻨﻴﻢ ﺗﻠﻌﺐ ﻣﻌﺎﻳﺎ ﻭﻻ ﺷﻨﻮﺍ ﻃﺎﻭﻟﺔ ﻣﻌﻠﻴﻬﺎ ﺷﻲ
ﻫﺒﻄﺖ ﺭﺍﺳﻬﺎ ﺗﻐﺰﺭ ﻟﻠﻄﺎﻭﻟﺔ ﺗﻠﻘﺎﻫﺎ ﻓﺎﺭﻏﺔ ﻣﺎ ﻓﻴﻬﺎ ﺷﻲ
- ﻭﺍﻟﻠﻪ ﻗﺒﻴﻠﺔ ﻛﺎﻧﻮ ﻫﻮﻧﻲ ﻣﻨﻌﺮﺵ ﻭﻳﻦ ﻣﺸﺎﻭ
- ﺗﺴﻨﻴﻢ ﻣﺎﻧﺎﺵ ﻓﺮﻭﺥ ﺭﺍﻭ ﺑﺎﺵ ﻧﻠﻌﺒﻮ ﻫﺎﻟﻠﻌﺐ ﺍﻟﻤﺎﺳﻂ
- ﻗﺎﺳﻢ ﻋﻴﺸﻚ ﺻﺪﻗﻨﻲ ﻭﺍﻟﻠﻪ ﺭﺍﻧﻲ ﻧﻘﻮﻝ ﻓﻲ ﺍﻟﺤﻘﻴﻘﺔ
- ﺑﺎﻫﻲ ﺗﺴﻨﻴﻢ ﺑﺎﻫﻲ ﺍﻣﺸﻲ ﺃﺭﻗﺪ ﺗﻮ
- ﻭ ﺃﻧﺖ ﺷﺘﺮﻗﺪ ﻣﻌﺎﻳﺎ ﻣﻮﺵ ﻫﻜﺎ
- ﻣﺬﺍﺑﻴﺎ ﻛﻞ ﻭﺍﺣﺪ ﻳﺮﻗﺪ ﻭﺣﺪﻭ
- ﻻ ﻳﻔﺮﺣﻚ ﺃﺭﻗﺪ ﻣﻌﺎﻳﺎ
- ﺑﺸﺮﻁ
- ﻣﻦ ﺍﻟﻴﻮﻡ ﺃﺳﻢ ﺑﺴﻤﺔ ﻣﻌﺎﺵ ﻧﺤﺒﻮ ﻳﺘﺠﺒﺪ
- ﺇﻧﺸﺎﺀ ﺍﻟﻠﻪ ﺃﻧﺎ ﺑﻴﺪﻱ ﻣﻌﺎﺵ ﻧﺤﺒﻮ ﻳﺘﺠﺒﺪ ﺃﻣﺎ ﺍﻟﻴﻮﻡ ﺍﻟﻲ ﺻﺎﺭ ﻣﻌﺎﻳﺎ ﺷﻲ ﻏﺮﻳﺐ
- ﺍﻭﻙ ﺗﻔﺎﻫﻤﻨﺎ
ﺭﻗﺪﺕ ﺟﻨﺒﻮ ﻭ ﻫﻲ ﻣﺘﻌﻨﻜﺸﺔ ﻓﻴﻪ ... ﻛﻼﻣﻬﺎ ﻣﺎﺯﺍﻝ ﻳﺮﻥ ﻓﻲ ﻭﺫﻧﻮ ﻛﻲ ﻗﺘﻠﻮ ﺑﻠﻲ ﺑﺴﻤﺔ ﻋﺎﻳﺸﺔ ... ﻏﺰﺭ ﺑﺠﻨﺒﻮ ﻳﻠﻘﺎﻫﺎ ﻣﺘﻌﻨﻜﺸﺔ ﻓﻴﻪ ﻭ ﺗﻐﺰﺭﻭ ﻛﻲ ﺍﻟﻄﻔﻞ ﺍﻟﺼﻐﻴﺮ ﺍﻟﻲ ﺧﺎﻳﻒ ... ﺣﺲ ﺭﻭﺣﻮ ﻛﻠﻲ ﻳﺨﻮﻥ ﻓﻲ ﺑﺴﻤﺔ .. ﻋﻄﺎﻫﺎ ﺑﺎﻟﻈﻬﺮ ﻭ ﻗﻌﺪ ﻳﺨﻤﻢ ﻟﺒﻌﻴﺪ ﻳﺘﺬﻛﺮ ﻓﻲ ﻣﺎﺿﻴﻪ
ﺗﺴﻨﻴﻢ ﻛﺎﻧﺖ ﺣﺎﺳﺔ ﺑﻠﻲ ﻫﻮ ﻣﻌﻴﻨﻮﺵ ﺑﺎﺵ ﺗﻘﺮﺏ ﻣﻨﻮ .. ﻫﺰﺕ ﻳﺪﻳﻬﺎ ﻣﻦ ﻋﻠﻴﻪ ﻭ ﺑﻌﺪﺕ ﻋﻠﻲ ﺣﺎﻓﺖ ﺍﻟﻔﺮﺵ ﻭ ﻋﻄﺎﺗﻮ ﺑﺎﻟﻈﻬﺮ ... ﻫﺰ ﺭﺍﺳﻮ ﻏﺰﺭﻟﻬﺎ ﻛﻴﻔﺎﻩ ﻣﺘﻌﻨﻜﺸﺔ ﻓﻲ ﺍﻟﻔﺮﺵ ﻭ ﻫﻲ ﺑﻌﻴﺪﺓ ﻋﻠﻴﻪ ﺣﺲ ﺑﺨﻮﻓﻬﺎ ﺍﻣﺎ ﻣﻨﺠﻢ ﻳﻌﻤﻞ ﺩﻭﺭ ﻭﺟﻬﻮ ﻭ ﺭﻗﺪ
ﻃﻞ ﺍﻟﺼﺒﺎﺡ ﻭ ﺍﻷﺫﺍﻥ ﻳﺆﺫﻥ ﻟﺼﻼﺓ ﺍﻟﻔﺠﺮ .. ﻗﺎﻣﺖ ﺗﺴﻨﻴﻢ ﻛﻲ ﻋﺎﺩﺗﻬﺎ ﺗﺼﻠﻲ ﻭ ﻗﻴﻤﺖ ﻗﺎﺳﻢ ﻣﻌﺎﻫﺎ ﺑﺎﺵ ﻳﺼﻠﻮ ﻣﻊ ﺑﻌﻀﻬﻢ .. ﻫﻮ ﺭﺟﻊ ﺭﻗﺪ ﻭ ﻫﻲ ﺑﻘﺎﺕ ﻓﺎﻳﻘﺔ ﺗﺤﺐ ﺗﻘﻀﻲ ﻓﻲ ﺍﻟﺪﺍﺭ ﻋﻠﻲ ﺑﻜﺮﻱ ﻭ ﺗﺮﺗﺎﺡ ... ﻗﺎﻣﺖ ﺷﻌﻠﺖ ﺍﻟﻀﻮ ﻓﻲ ﺍﻟﺼﺎﻟﺔ ﻭﻳﻦ ﺗﺘﺼﺪﻡ ﻭ ﺗﻠﻘﻲ ﺍﻟﺘﺼﺎﻭﺭ ﻋﻠﻲ ﺍﻟﻄﺎﻭﻟﺔ ... ﺻﺎﺣﺖ ﺑﺄﻋﻠﻲ ﺻﻮﺗﻬﺎ ﻭ ﻣﺸﺎﺕ ﺗﺠﺮﻱ ﻟﺒﻴﺖ ﺍﻟﻨﻮﻡ
ﻓﺎﻕ ﻗﺎﺳﻢ ﻋﻠﻲ ﺻﻮﺗﻬﺎ ﻭ ﻫﻲ ﻃﻮﻝ ﺑﺪﺍﺕ ﺗﻔﻴﻖ ﻓﻴﻪ
- ﻗﺎﺳﻢ ﻓﻴﻖ
- ﺷﺒﻴﻚ ﺗﺴﻨﻴﻢ ﺷﻔﻤﺎ
- ﺍﻝ ﺕ ﺗﺼﺎﻭﺭ ﺭﺟﻌﻮ
- ﺷﻨﻴﺎ ﻫﺬﻱ ﻟﻌﺒﺔ ﻭﻻ ﻛﻴﻔﺎﻩ
- ﻭﺍﻟﻠﻪ ﻳﺎ ﻗﺎﺳﻢ ﺷﻔﺘﻬﻢ ﻭﺍﻟﻠﻪ ﺃﻣﺎﻥ ﺍﻳﺠﺎ ﻣﻌﺎﻳﺎ
- ﻳﺎ ﺭﺑﻲ ﺻﺒﺮﻧﻲ
ﻗﺎﻡ ﻣﻌﺎﻫﺎ ﺷﻴﺸﻮﻑ ﺍﻟﺤﻜﺎﻳﺔ ﻭ ﻛﻲ ﺍﻟﻌﺎﺩﺓ ﻣﻠﻘﻲ ﺷﻲ
- ﺷﻨﻮﺍ ﺗﺴﻨﻴﻢ .. ﺷﻨﻮﺍ ﺍﻟﻲ ﺗﻌﻤﻞ ﻓﻴﻪ
ﻛﺎﻧﺖ ﺗﻐﺰﺭﻟﻮ ﻭ ﻣﻮﺵ ﻣﻨﺠﻤﺔ ﺗﻘﻮﻝ ﺣﺘﻲ ﻛﻠﻤﺔ
- ﺗﻜﻠﻢ ﺷﺒﻴﻚ ﺑﻜﺸﺖ ﻭﻻ ﻛﻼﻟﻚ ﺍﻟﻘﻄﻮﺱ ﻟﺴﺎﻧﻚ
- ﻡ ﻣﻨﻌﺮﺵ ﺷﻨﻮﺍ ﻗﺎﻋﺪ ﻳﺼﻴﺮ ﺑﺎﻟﻜﺶ ﺍﻟﺪﺍﺭ ﻣﺴﻜﻮﻧﺔ ﻭ ﺍﻟﺮﻭﺡ ﺗﺤﺐ ﺗﻨﺘﻘﻢ ﻣﻨﻲ
- ﺯﻳﺪ ﺧﺮﻑ ﻫﻜﺎﻛﺎ ﺯﻳﺪ
- ﻗﺎﺳﻢ ﺧﺎﻳﻔﺔ
- ﺃﻧﺎ ﻫﺎﻧﻲ ﺧﺎﺭﺝ ﻧﻔﻄﺮ ﺍﻟﺒﺮﺍ ﻭ ﺍﻧﺘﻲ ﺃﻗﻌﺪ ﻓﻲ ﺃﺣﻼﻣﻚ ﻭ ﺧﺮﺍﻓﺎﺗﻚ ﻭﺣﺪﻙ
- ﻣﺘﺨﻠﻴﻨﻴﺶ ﻭﺍﻟﻠﻬﻲ ﺧﺎﻳﻔﺔ
ﻫﺰﻫﺎ ﻣﻦ ﻓﻮﻕ ﻟﻮﻃﺎ ﻭ ﺧﺮﺝ
++++ ﺑﺮﺍﺱ ﻣﻴﻤﺘﻜﻢ ﻣﻨﻐﻴﺮ ﻛﻠﻤﺔ ﻛﻤﻞ ﺧﺎﺗﺮ ﺩﻳﺠﺎ ﻗﺎﻋﺪﺓ ﻧﻜﺘﺐ ﻭ ﻧﻬﺒﻂ
ﺍﻟﺤﻠﻘﺔ :12
ﻗﻌﺪ ﺗﺴﻨﻴﻢ ﻋﻠﻲ ﺍﻟﻜﺮﺳﻲ ﺣﻴﻠﻬﺎ ﻣﻬﺪﻭﺩ ﻭ ﻗﻠﺒﻬﺎ ﻳﺪﻕ ﻣﺘﻌﺮﺵ ﺷﻨﻮﺍ ﻗﺎﻋﺪ ﻳﺼﻴﺮ ﻣﻌﺎﻫﺎ ﻭ ﺷﻨﻮﺍ ﺍﻟﻲ ﻗﺎﻋﺪ ﻳﺪﻭﺭ ﻣﻦ ﻭﺭﺍﻫﺎ
ﻫﺰﺕ ﺗﻠﻔﻮﻧﻬﺎ ﻭ ﻣﺸﺎﺕ ﻟﺪﺍﺭ ﺣﻤﺎﺗﻬﺎ
- ﺗﺴﻨﻴﻢ ﺗﻔﻀﻞ ﻣﺮﺣﺒﺎ ﺑﻴﻚ
- ﻳﺰﻳﺪ ﻓﻀﻠﻚ
ﺩﺧﻠﺖ ﺗﻜﺎﺕ ﻓﻲ ﺍﻟﺼﺎﻟﺔ ﻭ ﺣﻄﺖ ﺳﺎﻗﻴﻬﺎ ﻋﻠﻲ ﺍﻟﻄﺎﻭﻟﺔ ... ﻗﻌﺪﺗﻬﺎ ﺍﺳﺘﻔﺰﺕ ﺣﻤﺎﺗﻬﺎ ﺑﺮﺷﺎ ﻟﻴﻦ ﻧﻄﻘﻚ
- ﺇﺣﺘﺮﻡ ﺷﻮﻱ ﻋﻴﺸﻚ ﻫﺬﻱ ﻣﻮﺵ ﻗﻌﺪﺓ ﺗﻘﻌﺪﻫﺎ ﺑﻨﺎﺕ ﺍﻷﺻﻮﻝ
- ﺷﻜﻮﻥ ﻓﻴﻨﺎ ﺍﻟﻲ ﻻﺯﻣﻮ ﻳﺤﺘﺮﻡ ﺍﻷﺧﺮ ﺃﻧﺎ ﻭﻻ ﺃﻧﺘﻲ ﺍﻟﻲ ﺟﺎﻳﺘﻨﻲ ﻟﻮﺳﻂ ﺩﺍﺭﻱ ﻭ ﺣﺎﻃﻴﺘﻠﻲ ﺗﺼﺎﻭﺭ ﺑﺴﻤﺔ ﻭ ﺧﺮﺟﺖ ﻭ ﺑﻘﻴﺖ ﺗﻠﻌﺐ ﻣﻌﺎﻳﺎ ﻣﺮﺓ ﺗﺤﻄﻬﻢ ﻭ ﻣﺮﺓ ﺗﻬﺰﻫﻢ
- ﻓﺎﺵ ﻗﺎﻋﺪﺓ ﺗﻘﻮﻝ ﻳﺎﺧﻲ ﺍﻧﺘﻲ ﻣﺎﻭ ﻟﺒﺎﺱ
- ﺃﺳﻤﻌﻨﻲ ﺃﻧﺎ ﺭﺍﻭ ﺷﻔﺘﻚ ﺑﻌﻴﻨﻴﺎ ﻭ ﻣﺎﻧﻴﺶ ﻧﺘﺒﻠﻲ ﻋﻠﻴﻚ ﻭ ﺍﻟﻲ ﺗﻠﻌﺐ ﻓﻴﻪ ﻟﻌﺐ ﺗﺎﻉ ﺻﻐﺎﺭ
- ﻭ ﺇﺫﺍ ﺃﻧﺎ ﻋﻤﻠﺖ ﻫﻜﺎ ﺷﻨﻮﺍ ﻣﺮﺑﻮﺣﻲ ﻣﻦ ﺍﻟﺤﻜﺎﻳﺔ ﺑﺮﺑﻲ
- ﺗﺤﺐ ﺗﺨﺮﺟﻨﻲ ﻣﻬﺒﻮﻟﺔ ﻗﺪﺍﻡ ﺍﻟﻨﺎﺱ
- ﻭ ﺇﺫﺍ ﻫﺒﻠﺖ ﺷﻨﻮﺍ ﺑﺎﺵ ﻧﺴﺘﻔﺎﺩ ﻣﻨﻚ ﺃﻧﺎ
ﻗﺎﻣﺖ ﺗﺴﻨﻴﻢ ﻭ ﻋﻴﻨﻴﻬﺎ ﺗﻘﺪﺡ ﺷﺮ ... ﻏﺰﺭﺗﻠﻬﺎ ﻏﺰﺭﺕ ﻣﻮﺕ ﻭ ﺣﻄﺖ ﺻﺒﻌﻬﺎ ﺑﻴﻦ ﻋﻴﻨﻴﻬﺎ ﺗﻬﺪﺩ ﻓﻴﻬﺎ
- ﺃﻗﺴﻢ ﺑﺎﻟﻠﻪ ﻟﻮ ﻛﺎﻥ ﺍﻟﺪﻭﺭ ﺑﻴﺎ ﻭﺍﻟﻠﻪ ﻻ ﻧﺮﺣﻤﻚ
ﺑﻘﺎﺕ ﺣﻤﺎﺗﻬﺎ ﺳﺎﻛﺔ ﻭ ﺗﻐﺰﺭﻟﻬﺎ ﺑﻐﺰﺓ ﺇﺳﺘﻔﺰﺍﺯﻳﺔ ﺧﻼﺗﻬﺎ ﺗﺨﺮﺝ ﻣﻦ ﺍﻟﺪﺍﺭ ﻭ ﻃﺮﺑﻖ ﺍﻟﺒﺎﺏ ﻭﺭﺍﻫﺎ
ﻣﺸﺎﺕ ﻟﺪﺍﺭ ﺃﻫﻠﻬﺎ ﻭ ﻫﻲ ﻗﻠﺒﻬﺎ ﻳﺒﻜﻲ ﺩﻡ ﻋﻠﻲ ﺣﺎﻟﻬﺎ ﺍﻟﻲ ﻭﻻﺕ ﻣﻦ ﺩﺍﺭ ﻟﺪﺍﺭ ﺩﻭﺭ ﻛﻲ ﺍﻟﻤﻬﺒﻮﻟﺔ ﺗﺤﺐ ﺗﻠﻮﺝ ﻋﻠﻲ ﺣﻘﻴﻘﺔ ﺍﻟﺸﻲ ﻟﺼﺎﺭ ﻭ ﻣﻮﺵ ﻣﻨﺠﻤﺔ ﻣﻔﻤﺎ ﺣﺪ ﻣﺼﺪﻗﻬﺎ
- ﺃﻣﻲ ﺗﻌﺒﺖ
- ﺷﺒﻴﻬﺎ ﺑﻨﻴﺘﻲ ﺍﻟﺴﻤﺤﺔ
- ﺍﻟﺘﺼﺎﻭﺭ ﺍﻟﻲ ﺷﻔﻨﺎﻫﻢ ﺃﻣﺲ
- ﺷﺒﻴﻬﻢ
- ﻛﻲ ﺭﻭﺡ ﻗﺎﺳﻢ ﺑﺎﺵ ﻧﻮﺭﻳﻬﻤﻠﻮ ﻣﻠﻘﻴﺘﻬﻤﺶ ﻭ ﺍﻟﺼﺒﺎﺡ ﻟﻘﻴﺘﻬﻢ ﻭ ﻛﻲ ﺭﺟﻌﺖ ﺃﻧﺎ ﻭ ﻗﺎﺳﻢ ﻣﻠﻘﻴﻨﺎﻫﻤﺶ
- ﺗﺴﻨﻴﻢ ﺑﻨﺘﻲ ﻣﻌﺎﺵ ﺗﺨﻤﻢ ﻓﻲ ﺍﻟﺤﻜﺎﻳﺔ ﺑﺎﻟﻚ ﺻﻐﺎﺭ ﺍﻟﺤﻮﻣﺔ ﻳﻠﻌﺒﻮ ﻭﻻ ﺍﻧﺘﻲ ﺣﻮﻟﺘﻬﻢ ﻭ ﻧﺴﻴﺖ ﺭﻭﺣﻚ
- ﻻ ﺃﻣﻲ ﻓﻤﺎ ﺣﺎﺟﺔ ﻗﺎﻋﺪﺓ ﺗﺼﻴﺮ ﻣﻨﻌﺮﺵ ﺷﻨﻴﺎ ﻣﺨﻲ ﺑﺎﺵ ﻳﺘﺤﺮﻕ
- ﺣﻜﻴﺖ ﻟﻘﺎﺳﻢ
- ﺃﻱ ﻭ ﻣﺼﺪﻗﻨﻴﺶ ﻋﻤﻠﻲ ﻋﺮﻛﺔ
- ﺷﻔﺖ ﻣﺎﻭ ﻳﺎ ﺗﺴﻨﻴﻢ ﻛﻲ ﻣﺘﺴﻤﻌﺶ ﺍﻟﻜﻼﻡ ﺷﻨﻮﺍ ﺗﺤﺒﻮ ﻳﻘﻮﻝ ﻋﻠﻴﻚ ﺑﺮﺑﻲ ﺍﻟﺸﻲ ﺍﻟﻲ ﺗﻌﻤﻞ ﻓﻴﻪ ﺗﻌﻤﻠﻮ ﻛﺎﻥ ﺍﻟﻤﻬﺒﻠﺔ ﻣﻮﺵ ﺍﻟﺒﻨﺎﺕ ﺍﻟﻌﺎﻗﻠﻴﻦ ﻭ ﺍﻟﺮﺯﺍﻥ ﺍﻟﻲ ﻛﻴﻔﻚ
- ﺯﻋﻤﺎ ﻳﺎﻣﻲ ﺃﻧﺎ ﻧﺤﻠﻢ
- ﺃﻱ ﺃﻛﻴﺪ ﺑﻨﺘﻲ
- ﺃﻣﺎ ﻛﻴﻔﺎﻩ ﺍﻟﺘﺼﺎﻭﺭ ﺷﻔﺘﻬﻢ ﺃﻧﺎ ﻭﻳﺎﻙ ﺭﺍﻧﻲ ﻭﺍﻟﻠﻪ ﻫﺒﻠﺖ
- ﺃﺳﺴﺲ ﺳﻜﺮ ﻋﻠﻲ ﺍﻟﻤﻮﺿﻮﻉ ﻋﻴﺶ ﺑﻨﺘﻲ ﻭ ﻣﻌﺎﺵ ﺗﺨﻤﻢ ﻓﻴﻬﺎ ﺗﻮ ﺑﻌﺪ ﻣﺪﺓ ﺗﻘﻌﺪ ﺗﻀﺤﻚ ﻋﻠﻲ ﺭﻭﺣﻚ
- ﺇﻧﺸﺎﺀ ﺍﻟﻠﻪ ﻳﺎﻣﻲ ﺇﻧﺸﺎﺀ ﺍﻟﻠﻪ ... ﻭ ﺗﻮ ﺧﻠﻴﻨﻲ ﻧﺮﻭﺡ ﻗﺒﻞ ﻣﻴﺮﻭﺡ ﻗﺎﺳﻢ ﺧﻠﻴﻨﻲ ﻧﻄﻴﺒﻠﻮ ﺣﺎﺟﺔ ﺃﻧﺎ ﻭﻳﺎﻩ ﺑﺎﺵ ﻳﻘﺘﻠﻨﺎ ﺍﻟﺠﻮﻉ
- ﺑﺎﻫﻲ ﺑﻨﺘﻲ ﺳﻠﻤﻠﻲ ﻋﻠﻴﻪ
- ﻳﻮﺻﻞ
ﺍﻟﺤﻠﻘﺔ :13
ﺩﺧﻠﺖ ﻟﻠﺪﺍﺭ ﻭ ﻫﻲ ﻳﺪﻫﺎ ﻋﻠﻲ ﻗﻠﺒﻬﺎ ﺗﺨﺎﻑ ﻛﺎﻥ ﺗﺰﻳﺪ ﺗﻠﻘﺎ ﺣﺎﺟﺔ ﺃﺧﺮﻱ ﺗﻌﻜﺮﻟﻬﺎ ﻟﻴﻠﺘﻬﺎ ﻭ ﺗﺰﻳﺪ ﺩﺧﻠﻬﺎ ﺑﻌﻀﻬﺎ ... ﺩﺍﺭ ﻫﺎﺩﻳﺔ ﻭ ﻣﻔﻤﺎ ﺣﺘﻲ ﺻﻮﺕ .. ﺷﻌﻠﺖ ﺍﻟﻀﻮ ﻭ ﺩﺧﻠﺖ ﻟﻠﻜﻮﺟﻴﻨﺔ ﻃﻴﺐ ﻭ ﺩﻧﺪﻥ ﻭﺣﺪﻫﺎ ﺗﺤﺐ ﺗﻨﺴﻲ ﻛﻞ ﺷﻲ ﺻﺎﺭ ﻣﻌﺎﻫﺎ ﻭ ﺗﺒﺪﺍ ﺻﻔﺤﺔ ﺟﺪﻳﺪﺓ
ﺩﺧﻞ ﻗﺎﺳﻢ ﻟﻠﺒﻴﺖ ﻳﺸﻢ ﻓﻲ ﺭﻳﺤﺔ ﺍﻟﻌﺸﺎﺀ ﻭ ﻳﺘﺒﻨﻦ ﻭ ﻫﻮ ﻛﺮﻩ ﻣﺎﻛﻠﺔ ﺍﻟﺸﺎﺭﻉ ﺍﻟﻲ ﻫﻠﻜﺘﻠﻮ ﻣﻌﺪﺗﻮ
- ﺍﻫﻼ ﺗﺴﻨﻴﻢ
- ﺃﻫﻠﻴﻦ ﻫﺎﻙ ﻋﻠﻲ ﺑﻜﺮﻱ
- ﺳﺎﻳﺎ ﺣﻄﻴﺖ ﺻﺎﻧﻊ ﻓﻲ ﺍﻟﻠﻴﻞ ﻭ ﻳﺸﺪ ﺍﻟﺤﺎﻧﻮﺕ
- ﺃﻱ ﺑﺎﻫﻲ
- ﺷﻨﻮﺍ ﻃﻴﺒﺘﻠﻨﺎ ﻋﺸﺎﺀ
- ﻣﻘﺮﻭﻧﺔ
- ﻳﺎ ﻗﺪﺍﻩ ﻋﻨﺪﻱ ﻋﻠﻴﻬﺎ ﺃﻣﺎﻥ ﺃﻭﻝ ﻣﺘﺤﻀﺮ ﻗﻠﻲ ﺷﻨﻤﺸﻲ ﻧﻌﻤﻞ ﺩﻭﺵ ﻭ ﻣﻨﺒﻄﺎﺵ
- ﺑﺎﻫﻲ
ﺩﺧﻞ ﻗﺎﺳﻢ ﻳﺪﻭﺵ ﻭ ﺑﻘﺎﺕ ﻫﻲ ﻃﻴﺐ ﻭ ﺗﺤﻀﺮ ﻓﻲ ﺍﻟﻄﺎﻭﻟﺔ ﻟﻴﻦ ﺧﺮﺝ ... ﻗﻌﺪﻭ ﺍﻟﺰﻭﺯ ﻳﺘﻌﺸﺎﻭ ﻭ ﺭﺍﻳﻀﻴﻦ ... ﺧﺬﺍﺕ ﺗﺴﻨﻴﻢ ﻛﺎﺱ ﻣﺎﺀ ﺷﺘﺸﺮﺏ ﻭ ﻫﻲ ﺗﻐﺰﺭ ﻟﻠﺸﺒﺎﻙ ﺷﺎﺭﺩﺓ ﻓﻴﻪ ... ﻟﻴﻦ ﻗﺺ ﻋﻠﻲ ﺷﺮﻭﺩﻫﺎ ﻭ ﻫﻲ ﺗﺸﻮﻑ ﻓﻲ ﺑﺴﻤﺔ ﻻﺑﺴﺔ ﺑﺎﻷﺑﻴﺾ ﻭ ﺩﺑﺸﻬﺎ ﺩﻡ ﻭ ﻫﻲ ﺣﺎﻃﺔ ﻳﺪﻳﻬﺎ ﻋﻠﻲ ﺍﻟﺒﻼﺭ ﻭ ﺷﻌﺮﻫﺎ ﺍﻟﻜﻞ ﻋﻠﻲ ﻭﺟﻬﺎ ... ﻣﻦ ﺍﻟﺼﺪﻣﺔ ﻟﻴﻦ ﺷﺮﻗﺖ
- ﺗﺴﻨﻴﻢ ﺷﺒﻴﻚ ﻟﺒﺎﺱ
ﻋﻴﻨﻴﻬﺎ ﻣﺮﺷﻮﻗﺔ ﻓﻲ ﺍﻟﺸﺒﺎﻙ ﻭ ﻫﻲ ﺗﻜﺢ ﻗﻠﺒﻬﺎ ﻗﺮﻳﺐ ﺷﻴﺎﻗﻒ ... ﻟﻴﻦ ﻗﺮﺏ ﻣﻨﻬﺎ ﻗﺎﺳﻢ ﻭ ﻗﻌﺪ ﻳﻄﺒﻄﺒﻠﻬﺎ ﻋﻠﻲ ﻇﻬﺮﻫﺎ ﻟﻴﻦ ﺍﺭﺗﺎﺣﺖ ﺷﻮﻱ ... ﺗﺒﺴﻤﺘﻠﻮ ﺗﺒﺴﻴﻤﺔ ﺻﻔﺮﺍﺀ ﻭ ﺭﺟﻌﺖ ﺗﻐﺰﺭ ﻟﻠﺸﺒﺎﻙ ﺍﻟﻲ ﻣﻠﻘﺎﺕ ﻋﻠﻴﻪ ﺷﻲ
ﻛﻤﻞ ﻗﺎﺳﻢ ﻋﺸﺎﻩ ﻭ ﻫﻲ ﺑﻘﺎﺕ ﻛﺎﻥ ﺗﻐﺰﺭ ﻟﻠﺸﺒﺎﻙ ﺷﺎﺭﺩﺓ ﻓﻴﻪ ﺗﺤﺐ ﺗﻜﺬﺏ ﺭﻭﺣﻬﺎ ﻭ ﻣﻮﺵ ﻣﻨﺠﻤﺔ
ﺩﺧﻠﺖ ﺍﻟﻤﺎﻋﻮﻥ ﻟﻠﻜﻮﺟﻴﻨﺔ ﻭ ﻏﺴﻠﺘﻮ ﻭ ﻃﻮﻝ ﻗﻌﺪﺕ ﺑﺠﻨﺐ ﻗﺎﺳﻢ ﻓﻲ ﺍﻟﺼﺎﻟﺔ ﻣﺘﺨﺒﻴﺔ ﻋﻨﺪﻭ
- ﺗﺴﻨﻴﻢ ﺷﺒﻴﻚ
- ﻻ ﺷﻲ
- ﺑﺎﻫﻲ ﺃﺑﻌﺪ ﻋﻠﻴﺎ ﺭﺍﻙ ﻗﺮﻳﺐ ﺷﺘﻘﻄﻊ ﻋﻠﻴﺎ ﺍﻟﻨﻔﺲ ﻭ ﺍﻧﺖ ﻣﻜﺒﺸﺔ
- ﺳﺎﻣﺤﻨﻲ
ﺳﻴﺒﺘﻮ ﻭ ﺩﺧﻠﺖ ﻟﺒﻴﺖ ﺍﻟﻨﻮﻡ ﺗﺒﻜﻲ ﻭ ﻫﻲ ﻣﺤﻤﻠﺔ ﺍﻟﻤﺨﺪﺓ ﻭ ﻛﺎﺑﺴﺔ ﻋﻠﻴﻬﺎ ﺗﺤﺐ ﺗﺨﺮﺝ ﻣﻦ ﺍﻟﺪﻭﺍﻣﺔ ﺍﻟﻲ ﻗﺎﻋﺪﺓ ﺗﻌﻴﺶ ﻓﻴﻬﺎ ﻭ ﺗﺮﺟﻊ ﻟﺤﻴﺎﺗﻬﺎ ﺍﻟﻄﺒﻴﻌﻴﺔ
ﻛﻤﻞ ﻗﺎﺳﻢ ﻓﻴﻠﻢ ﻣﺘﺎﻋﻮ ﻭ ﺩﺧﻞ ﻟﺒﻴﺖ ﺍﻟﻨﻮﻡ ﺑﺎﺵ ﻳﺮﻗﺪ ... ﻳﻠﻘﺎﻫﺎ ﻓﻲ ﻭﺳﻂ ﺍﻟﻔﺮﺵ ﻣﻜﺒﺸﺔ ﻓﻲ ﺍﻟﻤﺨﺪﺓ ﺍﻟﻲ ﺑﻜﻠﻬﺎ ﻣﺒﻠﻮﻟﺔ ﻣﻦ ﺩﻣﻮﻋﻬﺎ ﻭ ﺷﻌﺮﻫﺎ ﻃﺎﻳﺢ ﻋﻠﻲ ﻭﺟﻬﺎ ﺍﻟﻲ ﻛﻴﻒ ﻛﻌﺒﺔ ﺍﻟﻘﺎﺭﺹ ﻣﺎ ﻓﻴﻪ ﻣﺎ ﻳﺘﻔﺴﺮ ... ﺣﻂ ﻳﺪﻭ ﻋﻠﻲ ﺟﺒﻴﻨﻬﺎ ﻳﻠﻘﺎﻫﺎ ﺗﻐﻠﻲ ﺑﺎﻟﺴﺨﺎﻧﺔ
ﺟﺎﺑﻠﻬﺎ ﻛﻤﺎﺩﺍﺕ ﻭ ﻗﻌﺪ ﻟﻴﻞ ﻛﺎﻣﻞ ﺳﺎﻫﺮ ﻳﺪﺍﻭﻱ ﻓﻴﻬﺎ ﻟﻴﻦ ﺧﻔﺖ ﻋﻠﻴﻬﺎ ﺍﻟﺴﺨﺎﻧﺔ ﻭ ﺭﻗﺪ
ﺍﻟﺤﻠﻘﺔ :14
ﻗﺎﻣﺖ ﺍﻟﺼﺒﺎﺡ ﻋﻠﻲ ﺻﻮﺕ ﻗﺎﺳﻢ ﻳﻔﻴﻖ ﻓﻴﻬﺎ ﺷﺘﻘﻮﻡ ﺗﺼﻠﻲ ﻭ ﺭﺟﻌﻮ ﺭﻗﺪﻭ ﺍﻟﺰﻭﺯ ﺗﺎﻋﺒﻴﻦ ﻧﻔﺴﻴﺎ ﻭ ﺑﺪﻧﻴﺎ ﻻﺯﻣﻬﻢ ﺑﺮﺷﺎ ﻭﻗﺖ ﺑﺎﺵ ﻳﺮﺗﺎﺣﻮ ﻭ ﻳﻨﺠﻤﻮ ﻳﻘﺪﻣﻮ ﻟﻘﺪﺍﻡ
- ﺻﺒﺎﺡ ﺍﻟﺨﻴﺮ ﻗﺎﺳﻢ
- ﺃﻣﻤﻢ
- ﻗﺎﺳﻢ ﺣﻀﺮﺗﻠﻚ ﻓﻄﻮﺭﻙ ﻗﻮﻡ ﺃﻓﻄﺮ ﻣﻌﺎﺩﺵ ﻋﻠﻴﻚ ﺑﻜﺮﻱ
- ﺧﻠﻴﻨﻲ ﻧﺰﻳﺪ ﺷﻮﻱ
- ﻗﺎﺳﻢ ﻳﺰﻱ
ﺟﺒﺪﻫﺎ ﺗﺤﺘﻮ ﻭ ﻗﻌﺪ ﻳﺒﻮﺳﻠﻬﺎ ﻓﻲ ﺟﺒﻴﻨﻬﺎ ﻟﻴﻦ ﺷﻤﻠﻬﺎ ﺷﻌﺮﻫﺎ ... ﻓﺎﻕ ﻋﻠﻲ ﻭﺿﻌﻮ ﻛﻲ ﻟﻘﺎﻫﺎ ﻣﻮﺵ ﺭﻳﺤﺖ ﺑﺴﻤﺔ ﻏﺰﺭ ﻟﻮﺟﻬﺎ ﻳﻠﻘﺎﻫﺎ ﻣﻐﻤﻀﺔ ﻋﻴﻨﻴﻬﺎ ﻋﺎﻳﺸﺔ ﺍﻟﻠﺤﻈﺔ
- ﺗﺴﻨﻴﻢ ﺷﺘﻌﻤﻞ
- ﺵ ﺷﻨﻮﺍ ﺷﻨﻌﻤﻞ ﺍﻧﺖ
- ﺃﺳﻤﻌﻨﻲ ﺍﻟﻲ ﺻﺎﺭ ﺗﻨﺴﺎﻩ
- ﺑﺎﻫﻲ ﻗﺎﺳﻢ ﻣﺼﺎﺭ ﺷﻲ
ﻟﺒﺲ ﺩﺑﺸﻮ ﻭ ﺟﺎﺀ ﺧﺎﺭﺝ
- ﺷﺒﻴﻚ ﻣﻔﻄﺮﺗﺶ
- ﻣﻨﺤﺒﺶ ﺑﺎﻟﺴﻼﻣﺔ
ﺧﺮﺝ ﻭ ﺣﺎﺳﺲ ﺭﻭﺣﻮ ﻣﺨﻨﻮﻕ ﻳﺤﺐ ﻳﺒﻌﺪ ﻗﺪ ﻣﻴﻨﺠﻢ ... ﻛﻠﻢ ﺍﻟﻄﻔﻞ ﺑﺎﺵ ﻳﺴﻜﺮ ﺍﻟﺤﺎﻧﻮﺕ ﻭ ﻗﻌﺪ ﻋﻠﻲ ﺣﺎﻓﺔ ﺍﻟﺒﺤﺮ ﻳﻐﺰﺭ ﻟﺒﻌﻴﺪ ... ﺗﺴﻨﻴﻢ ﻛﺎﻧﺖ ﻛﻴﻤﺎ ﻓﺮﺻﺔ ﻋﻄﺎﻫﺎ ﻟﺮﻭﺣﻮ ﺑﺎﺵ ﻳﻨﺴﻲ ﺑﺴﻤﺔ ﺃﻣﺎ ﻻ ﻫﻮ ﻗﺎﻋﺪ ﻳﻜﺬﺏ ﻋﻠﻲ ﺭﻭﺣﻮ ﺑﺴﻤﺔ ﻣﺎﺯﺍﻟﺖ ﻋﺎﻳﺸﺔ ﻓﻴﻪ ... ﻋﺎﻳﺸﺔ ﻓﻲ ﻛﻞ ﻗﻄﻌﺔ ﻣﻦ ﺑﺪﻧﻮ .. ﺳﺎﻛﻨﺔ ﻗﻠﺒﻮ ﻭ ﻋﻘﻠﻮ ﻣﻮﺵ ﻣﻨﺠﻢ ﻳﻘﺒﻞ ﺣﺘﻲ ﻣﺮﺃﺓ ﺃﺧﺮﻱ ﺗﺎﺧﻮ ﺑﻼﺻﺘﻬﺎ ... ﻭﺟﻮﺩ ﺗﺴﻨﻴﻢ ﻭﻻ ﻳﻘﻠﻘﻠﻮ ... ﻳﺤﺐ ﻳﺘﻔﺎﺩﺍﻫﺎ ﺃﻣﺎ ﻣﻮﺵ ﻣﻨﺠﻢ ﻛﻞ ﻭﻳﻦ ﻳﺒﻌﺪ ﻫﻲ ﺗﻘﺮﺏ ﺗﺴﻨﻴﻢ ﻛﺎﻧﺖ ﻗﺎﻋﺪﺓ ﺗﻔﻄﺮ ﻭ ﻫﻲ ﺗﺨﻤﻢ ﻓﻲ ﺍﻻﺣﺪﺍﺙ ﺍﻷﺧﻴﺮﺓ ﺍﻟﻲ ﺻﺎﻳﺮﺓ ﻣﻌﺎﻫﺎ ... ﺑﺎﻟﻨﺴﺒﺔ ﻟﻴﻬﺎ ﻭﺟﻮﺩ ﻗﺎﺳﻢ ﻣﻌﺎﻫﺎ ﻳﺨﻠﻴﻬﺎ ﺗﺤﺐ ﺗﺘﻘﺮﺏ ﻣﻨﻮ ﺍﻛﺜﺮ ﻣﺘﻌﺮﺵ ﻋﻼﻩ ﻛﻞ ﻛﻠﻤﺔ ﻳﻘﻮﻟﻬﺎﻟﻬﺎ ﺗﺄﺛﺮ ﻓﻴﻬﺎ ﺑﺎﻟﺮﻏﻢ ﻣﻦ ﺃﻧﻮ ﺭﻓﻀﻬﺎ ﻟﻴﻪ ﻗﺒﻞ ﺍﻟﻌﺮﺱ ﻛﺎﻥ ﺭﻓﺾ ﺗﺎﻡ ﻋﻤﺮﻫﺎ ﻣﺘﻮﻗﻌﺖ ﺣﻴﺎﺗﻬﺎ ﺗﺘﻘﻠﺐ ﻫﻜﺎ .. ﻓﻲ ﻟﻴﻠﺔ ﻭ ﻧﻬﺎﺭ ﺗﻠﻘﺎ ﺭﻭﺣﻬﺎ ﻫﻲ ﺍﻟﻲ ﺗﺤﺐ ﺩﺧﻠﻮ ﻓﻲ ﺣﻴﺎﺗﻬﺎ ﻭ ﻫﻮ ﻳﺘﺠﻨﺐ ﻓﻴﻬﺎ ﻳﻤﻜﻦ ﻓﺮﺍﻏﻬﺎ ﺍﻟﻌﺎﻃﻔﻲ ﺍﻟﻲ ﻋﺎﺷﺘﻮ ﻓﻲ ﺣﻴﺎﺗﻬﺎ ﻟﻜﻮﻧﻬﺎ ﻋﻤﺮﻫﺎ ﻣﺼﻮﺣﺒﺖ ﻭﻻ ﻋﺮﻓﺖ ﺣﺒﻴﺐ ﺧﻼﻫﺎ ﺩﻳﺮﺍﻛﺖ ﺗﻘﺒﻞ ﺑﻴﻪ ﺣﺒﻴﺐ ... ﻓﻜﺮﻫﺎ ﻣﺸﻮﺵ ﻭ ﺗﺤﺐ ﺗﻠﻘﺎ ﺣﻞ ﻟﺤﻴﺎﺗﻬﺎ ﻣﻦ ﺟﻴﻬﺔ ﻗﺎﺳﻢ ﻭ ﻣﻦ ﺟﻴﻬﺔ ﺍﻟﻀﻮﺍﻫﺮ ﺍﻟﻐﺮﻳﺒﺔ ﺍﻟﻲ ﻗﺎﻋﺪﺓ ﺗﺸﻮﻑ ﻓﻴﻬﺎ ﻭﺣﺪﻫﺎ ﻭ ﺣﺪ ﻣﺎﻫﻮ ﺣﺎﺳﺲ ﻭﻻ ﻋﺎﻟﻢ ﺑﻴﻬﺎ ... ﻋﺎﻳﺸﺔ ﻓﻲ ﺻﺮﺍﻉ ﻭﺣﺪﻫﺎ ﺍﻟﻲ ﺩﺍﻳﺮﻳﻦ ﺑﻴﻬﺎ ﺍﻟﻜﻞ ﻣﻜﺬﺑﻴﻨﻬﺎ
ﺟﺎﺗﻬﺎ ﺣﻤﺎﺗﻬﺎ ﺗﺤﺐ ﺗﺰﻳﺪ ﺗﺴﺘﻔﺴﺮ ﻋﻠﻲ ﻋﻼﻗﺘﻬﺎ ﺑﻘﺎﺳﻢ ﻗﻠﺒﻬﺎ ﻣﻌﺒﻲ ﻭ ﻋﻘﻠﻬﺎ ﺩﻳﻤﺎ ﻳﺨﺪﻡ
- ﻋﺴﻼﻣﺔ ﺗﻔﻀﻞ ﺣﺎﺟﺘﻚ ﺑﺤﺎﺟﺔ
- ﺟﻴﺖ ﺣﺒﻴﺖ ﻧﺼﻔﻮ ﺍﻟﻘﻠﻮﺏ ﻭ ﻧﺴﻴﻚ ﻓﻠﻲ ﺻﺎﺭ ﺧﺎﺗﺮ ﺍﻧﺘﻲ ﻗﺎﻋﺪﺓ ﺗﻮﻫﻢ ﻓﻲ ﺭﻭﺣﻚ ﺑﺤﻜﺎﻳﺔ ﻓﺎﺭﻏﺔ
- ﺑﺎﻫﻲ ﺗﻔﻀﻞ ﻧﺤﻜﻮ ﻟﺪﺍﺧﻞ
++++ ﺗﻮﻗﻌﺎﺗﻜﻢ
ﺍﻟﺤﻠﻘﺔ :15
ﺩﺧﻠﺖ ﺣﻤﺎﺗﻬﺎ ﻟﻠﺪﺍﺭ ﻭ ﻗﻌﺪﺕ ﻣﻘﺎﺑﻠﺘﻬﺎ
- ﺷﻮ ﺗﺴﻨﻴﻢ ﺃﻧﺎ ﻧﻌﺮﻑ ﺑﻠﻲ ﺃﻧﺘﻲ ﺗﻜﺮﻩ ﻗﺎﺳﻢ ﻣﻔﻤﺎﺵ ﻋﻼﻩ ﺗﺨﺒﻲ ﺷﻲ ﻫﺬﺍ ﺃﻧﺎ ﺯﺍﺩﺍ ﻣﻨﺤﻤﻠﻮﺵ ﻭ ﻣﻨﺤﺒﻮﺵ ﻭ ﺇﺫﺍ ﺗﺎﻗﻒ ﻣﻌﺎﻳﺎ ﺍﻟﻴﺪ ﻓﻲ ﺍﻟﻴﺪ ﺧﻠﻴﻨﺎ ﻧﺨﺮﺟﻮﻩ ﻣﻦ ﺍﻟﺒﻘﻌﺔ ﻫﺬﻱ ﻟﻸﺑﺪ
- ﻓﺎﺵ ﺗﺤﻜﻲ ﺃﻧﺘﻲ ﻳﺎﺧﻲ ﻗﺎﺳﻢ ﻭﻟﺪﻙ ﻭ ﺟﺎﻳﺎ ﺗﺤﻜﻲ ﻋﻠﻴﻪ ﻫﻜﺎ ﻳﺎﺧﻲ ﺃﻧﺘﻲ ﺃﻡ ﻭﻻ ﺷﻨﻮﺍ
- ﺣﺘﻲ ﻛﺎﻥ ﻭﻟﺪﻱ ﺃﻧﺎ ﻣﻨﺤﺒﻮﺵ ﻭ ﻣﻨﺤﻤﻠﻮﺵ
- ﻻ ﻋﺎﺩ ﻫﺬﻱ ﻗﺘﻠﻬﻢ ﺃﺳﻜﺘﻮ
- ﺷﻨﻮﺍ ﺗﻮ ﻣﻘﺘﻠﻴﺶ ﻣﻮﺍﻓﻘﺔ ﻧﺨﺮﺟﻮﻩ ﻣﻦ ﻫﻮﻧﻲ ﻭﻻ
- ﻻ ﻭ ﻣﺴﺘﺤﻴﻞ ﻛﺎﻥ ﻧﺨﻤﻢ ﻧﺨﺮﺟﻮ ﻗﺎﺳﻢ ﺭﺍﺟﻠﻲ ﻟﻴﻮﻡ ﻭ ﻏﺪﻭﻱ
- ﺑﺎﻫﻲ ﻋﻠﻲ ﺭﺍﺣﺘﻚ ﺗﻮ ﻧﺨﺮﺟﻮ ﺃﻧﺎ ﺃﻣﺎ ﺭﺩ ﺑﺎﻟﻚ ﺗﺠﻲ ﺗﺘﺒﻠﻲ ﻋﻠﻴﺎ ﻭ ﺗﻘﻠﻲ ﻋﻤﺘﻠﻲ ﻭ ﻋﻤﺘﻠﻲ ﺧﺎﺗﺮ ﺃﻧﺎ ﻣﺴﺘﺤﻴﻞ ﻳﻜﻮﻥ ﻋﻨﺪﻱ ﻣﺸﻜﻞ ﻣﻌﺎﻙ ﻭ ﺑﺎﻟﻨﺴﺒﺔ ﻟﻠﺘﺼﺎﻭﺭ ﺃﻧﺎ ﺣﻄﻴﺘﻬﻢ ﺣﺒﻴﺖ ﻧﺨﻠﻴﻪ ﻳﺨﺮﺝ ﻣﻦ ﻫﻮﻧﻲ ﻭ ﻳﺒﻌﺪ ﻋﻠﻲ ﺍﻟﺪﺍﺭ ﻛﻲ ﺗﻮﺭﻳﻬﻤﻠﻮ ﻳﺎﺧﻲ ﻣﺼﺎﺭﺵ
- ﻛﻴﻔﺎﺵ ﺑﺎﺵ ﻧﻮﺭﻳﻬﻤﻠﻮ ﻭ ﺍﻧﺘﻲ ﻣﺮﺓ ﺗﺎﺧﻮﻫﻢ ﻭ ﻣﺮﺓ ﺗﺮﺟﻌﻬﻢ
- ﻻ ﻋﺎﺩﻱ ﻫﺬﻱ ﻗﺎﺗﻠﻬﻢ ﺃﺳﻜﺘﻮ ..
ﻗﺺ ﻋﻠﻲ ﻛﻼﻣﻬﺎ ﺻﻮﺕ ﺭﻳﺢ ﻣﻮﺣﺶ ﻭ ﻳﺨﻮﻑ ﺑﺎﻟﺮﻏﻢ ﻣﻦ ﺃﻧﻮ ﺍﻟﻄﻘﺲ ﻛﺎﻥ ﻣﺤﻼﻩ ... ﻟﺤﻈﺔ ﻣﻦ ﺍﻟﺰﻣﺎﻥ ﻭ ﻧﻘﺰ ﺑﻴﻨﺎﺗﻬﻢ ﻗﻄﻮﺱ ﺃﻛﺤﻞ ﺻﻮﺗﻮ ﻗﻮﻱ ﻳﺮﻋﺐ
- ﺑﺴﻢ ﺍﻟﻠﻪ
- ﺷﻨﻮﺍ ﺗﻮ ﻳﺎ ﺣﻤﺎﺗﻲ ﺃﺣﺸﻢ ﺭﺍﻭ ﻣﻴﺠﻴﺶ ﺍﻟﻲ ﺗﻌﻤﻞ ﻓﻴﻪ
- ﺵ ﺷﻌﻨﺪﻱ ﻋﻤﻠﺖ
- ﺗﺤﺐ ﺗﺨﻮﻓﻨﻲ ﻭ ﺗﻘﻨﻌﻨﻲ ﺑﻠﻲ ﺑﺴﻤﺔ ﻋﺎﻳﺸﺔ ﻭﻻ ﺗﺤﺐ ﺗﺨﻮﻓﻨﻲ ﺑﻠﻲ ﻫﻲ ﺭﻭﺡ ﺳﺎﻛﻨﺔ ﻓﻲ ﺍﻟﺪﺍﺭ
- ﺃﺳﻤﻊ ﺗﺒﺪﺍﺵ ﺗﺨﻠﻮﺽ ﺍﻟﺪﺍﺭ ﻗﺪ ﻣﻘﻌﺪﺕ ﻣﺴﻜﺮﺓ ﻭ ﺑﺴﻤﺔ ﻣﺎﺗﺖ ﻓﻴﻬﺎ ﻋﻤﺮﻭ ﺣﺪ ﻣﺘﺸﻜﻲ ﻣﻦ ﺣﺎﺟﺔ ﻭ ﺃﻧﺎ ﻣﺎﻧﻴﺶ ﺑﻨﻔﻴﻘﻬﺎ ﺑﺴﻤﺔ ﺑﺎﺵ ﺗﺨﻮﻓﻚ ﻭ ﺗﻮ ﺑﺎﻟﺴﻼﻣﺔ
ﺭﻭﺣﺖ ﺣﻤﺎﺗﻬﺎ ﻣﺰﺭﻭﺑﺔ ﺧﻼﺕ ﺗﺴﻨﻴﻢ ﻓﻲ ﺣﻴﺮﺓ ﻋﻠﻲ ﺍﻟﺸﻲ ﺍﻟﻲ ﻗﺎﻋﺪ ﻳﺼﻴﺮ ﻣﻌﺎﻫﺎ
ﺗﻜﺎﺕ ﺭﺍﺳﻬﺎ ﻋﻠﻲ ﺍﻟﻜﺮﺳﻲ ﻟﻴﻦ ﺭﻗﺪﺕ ﻓﻴﻘﻬﺎ ﺻﻮﺕ ﺍﻟﻤﻐﺮﺏ ﻳﺄﺫﻥ ... ﻗﺎﻣﺖ ﻣﻦ ﺍﻟﻨﻮﻡ ﺗﺘﻜﺴﻞ ﺗﻠﻘﻲ ﻗﺪﺍﻣﻬﺎ ﺳﻜﻴﻨﺔ ﻣﺤﻄﻮﻃﺔ ﻋﻠﻲ ﺍﻟﻄﺎﻭﻟﺔ ﺑﻜﻠﻬﺎ ﺩﻡ ﺗﺼﺪﻣﺖ ﻗﺎﻣﺖ ﻃﻮﻝ ﺣﻠﺖ ﺍﻟﺒﺎﺏ ﺑﺎﺵ ﺗﻬﺮﺏ ﻟﻴﻦ ﺗﺘﺼﺪﻡ ﻓﻲ ﻗﺎﺳﻢ
- ﺗﺴﻨﻴﻢ ﺷﺒﻴﻚ
- ﺕ ﺗﻮ ﻟﻘﻴﺖ ﺳﻜﻴﻨﺔ ﻋﻠﻲ ﺍﻟﻄﺎﻭﻟﺔ ﻭ ﺑﻜﻠﻬﺎ ﺩﻡ
- ﺷﻨﻮﺍ ﺭﺟﻌﻨﺎ ﻟﻨﻔﺲ ﺍﻟﻤﻌﺒﻮﻛﺔ
- ﻭﺍﻟﻠﻪ ﻳﺎ ﻗﺎﺳﻢ ﻭﺍﻟﻠﻪ
- ﺑﺎﻫﻲ ﻭﻳﻨﻲ
- ﻫﻮﻧﻲ ﻋﻠﻲ ﺍﻟﻄﺎﻭﻟﺔ
ﺩﺧﻞ ﻟﻠﺼﺎﻟﺔ ﻳﻐﺰ ﻣﻠﻘﺎ ﺷﻲ ... ﻗﻌﺪ ﻳﻐﺰﺭﻟﻬﺎ ﻭ ﻳﻬﺰ ﻓﻴﻬﺎ ﻭ ﻳﺤﻂ
- ﻻ ﺃﻧﺘﻲ ﺳﺎﻳﺎ ﻫﺒﻠﺖ ﻭﻟﻴﺖ ﺗﺴﺘﺨﺎﻳﻞ ﻓﻲ ﺣﻜﺎﻳﺎﺕ ﻭﺣﺪﻙ
ﺑﻘﺎﺕ ﺳﺎﻛﺔ ﻣﺼﺪﻭﻣﺔ ﻣﻦ ﺍﻟﺸﻲ ﺍﻟﻲ ﺻﺎﺭﻟﻬﺎ
ﺍﻟﺤﻠﻘﺔ :16
ﻋﺪﺍﺕ ﻟﻴﻠﺔ ﻛﺎﻣﻠﺔ ﻓﺎﻳﻘﺔ ﺗﺘﻔﺮﺝ ﻓﻲ ﺍﻟﺴﻘﻒ ﻭ ﺍﻟﺸﻲ ﺍﻟﻲ ﺻﺎﻳﺮ ﻣﻌﺎﻫﺎ ﺍﻟﻜﻞ ﻗﺎﻋﺪ ﻳﺘﻌﺎﻭﺩ ﻗﺪﺍﻡ ﻋﻴﻨﻴﻬﺎ ﻣﻮﺵ ﻣﻨﺠﻤﺔ ﺗﻜﺬﺏ ﺭﻭﺣﻬﺎ ﻗﺪ ﻣﺤﺎﻭﻟﺔ ﺗﻘﻨﻊ ﺭﻭﺣﻬﺎ ﺑﻠﻲ ﻣﻔﻤﺎ ﺷﻲ ﻣﻨﺠﻤﺘﺶ ﺣﺎﻟﺘﻬﺎ ﻭﻻﺕ ﺗﺴﺨﻒ ﻣﻌﺎﺵ ﺗﻨﺠﻢ ﺗﻘﻌﺪ ﻭﺣﺪﻫﺎ
ﻛﺒﺸﺖ ﻓﻲ ﻗﺎﺳﻢ ﺣﻄﺖ ﺭﺍﺳﻬﺎ ﻋﻠﻲ ﺻﺪﺭﻭ ﻭ ﺭﻗﺪﺕ ... ﻓﺎﻗﺖ ﻋﻠﻲ ﺗﻜﺒﻴﺸﺘﻬﺎ ﻭ ﻫﻲ ﻣﺤﻤﻠﺘﻮ ... ﻣﺤﺒﺶ ﻳﻔﻴﻘﻬﺎ ﻗﻌﺪ ﻳﻠﻌﺒﻠﻬﺎ ﺑﺸﻌﺮﻫﺎ ﻟﻴﻦ ﺣﺴﻬﺎ ﺗﺮﺧﻔﺖ ﻭ ﻧﺤﺎﺕ ﺍﻟﺨﻮﻑ
ﻛﺎﻥ ﺣﺎﺳﺲ ﺑﻴﻬﺎ ﻭ ﺑﺎﻟﺼﺮﺍﻉ ﺍﻟﻲ ﺗﻌﻴﺶ ﻓﻴﻪ .. ﺧﻮﻓﻬﺎ ﻣﻦ ﻭﺟﻮﺩﻫﺎ ﻓﻲ ﺩﺍﺭ ﻓﻴﻬﺎ ﺇﻧﺴﺎﻥ ﻣﻴﺖ ﻳﻘﻠﻘﻬﺎ ﻭ ﻳﺨﻠﻴﻬﺎ ﺗﺘﺤﺴﺲ ﻣﻦ ﺍﻟﺤﻜﺎﻳﺔ ... ﻣﻮﺵ ﻣﻨﺠﻢ ﻳﺘﺼﺮﻑ ﻣﻌﺎﻫﺎ ﺑﺤﺘﻲ ﻃﺮﻳﻘﺔ ﻳﺤﺐ ﻳﺨﻠﻴﻬﺎ ﻣﺮﺗﺎﺣﺔ ﻭ ﻣﻴﺘﻌﺒﻬﺎﺵ ﻣﻌﺎﻩ ... ﻫﺰﻭ ﺗﻔﻜﻴﺮﻭ ﻟﺒﺴﻤﺔ ﻛﻴﻔﺎﻩ ﻛﺎﻧﺖ ﺗﺮﻗﺪ ﻋﻨﺪﻭ ﻣﺤﻤﻠﺘﻮ ﻟﻴﻦ ﺭﻗﺪ
ﻗﺎﻡ ﻗﺎﺳﻢ ﺑﻜﺮﻱ ﺻﻠﻲ ﻭ ﺧﺮﺝ ﺧﻼﻫﺎ ﺭﺍﻗﺪﺓ ﻭﺣﺪﻫﺎ ﻣﺤﺒﺶ ﻳﻔﻴﻘﻬﺎ ﻳﺤﺒﻬﺎ ﺗﺮﺗﺎﺡ ﻭ ﺗﻨﻘﺺ ﺷﻮﻱ ﻣﻦ ﺍﻟﺘﺨﻤﺎﻡ ﺍﻟﻲ ﻫﻠﻜﻬﺎ
ﻓﺎﻗﺖ ﻋﻠﻲ ﺿﻮ ﺍﻟﺸﻤﺲ ﺳﺎﻃﻌﺔ ﻓﻲ ﻭﺟﻬﺎ ﺗﻜﺴﻠﺖ ﻓﻲ ﺍﻟﻔﺮﺵ ﻭ ﺣﻄﺖ ﻳﺪﻳﻬﺎ ﻋﻠﻲ ﺟﻨﺐ ﻗﺎﺳﻢ ﻭﻳﻦ ﻣﻠﻘﺎﺗﻮﺵ ﻋﺮﻓﺘﻮ ﺧﺮﺝ ... ﺩﺧﻠﺖ ﻟﻠﺤﻤﺎﻡ ﻭ ﺑﻘﺎﺕ ﺗﻐﺴﻞ ﻓﻲ ﻳﺪﻳﻬﺎ ﺑﺎﺵ ﺗﻐﺴﻞ ﻭﺟﻬﺎ ﻟﻴﻦ ﺗﺤﺲ ﺑﺪﻡ ﻫﺎﺑﻂ ﻣﻨﻬﻢ ... ﺗﺮﺑﺜﺖ ﻭ ﺑﻘﺎﺕ ﺗﻐﺰﺭ ﻟﻴﺪﻳﻬﺎ ﺍﻟﻲ ﻣﺎ ﻓﻴﻬﻢ ﺣﺘﻲ ﺧﺪﺵ ... ﺧﺮﺟﺖ ﻣﻦ ﺍﻟﺤﻤﺎﻡ ﻭ ﻫﻲ ﺗﻔﺒﺮﻱ ﺑﺎﻟﺨﻮﻑ ﺧﺎﺻﺔ ﻛﻲ ﻟﻘﺎﺕ ﻓﺮﺵ ﻗﺎﺳﻢ ﺑﻜﻠﻮ ﺩﻡ ﻭ ﺳﻜﻴﻨﺔ ﻣﺤﻄﻮﻃﺔ ﻋﻠﻴﻪ ﻭ ﺑﺮﺷﺎ ﺃﻭﺭﺍﻗﺪ ﻣﻜﺘﻮﺏ ﻋﻠﻴﻬﻢ ﻛﻼﻡ ﻳﺨﻮﻑ ﺑﻜﻠﻮ ﻳﻮﺣﻲ ﺑﺎﻟﻤﻮﺕ ﻭ ﺍﻹﻧﺘﻘﺎﻡ ... ﺑﺪﺍ ﺍﻟﻌﺮﻕ ﻳﺼﺐ ﻋﻠﻴﻬﺎ ﺻﺒﺎﻥ ... ﺧﺬﺍﺕ ﺗﻠﻔﻮﻧﻬﺎ ﻭ ﻛﻠﻤﺖ ﻗﺎﺳﻢ ...
- ﺃﻟﻮ ﻗﺎﺳﻢ ﻋﻴﺸﻚ ﺇﻳﺠﺎﻧﻲ ﺗﻮ ﻓﻴﺴﻊ
- ﺷﻔﻤﺎ ﺗﺴﻨﻴﻢ ﺷﺒﻴﻪ ﺻﻮﺗﻚ ﻫﻜﺎ
- ﻗﺎﺳﻢ ﺍﻳﺠﺎ ﻓﻴﺴﻊ ﻋﻴﺸﻚ ﺃﻣﺎﻥ
- ﺑﺎﻫﻲ ﻫﺎﻧﻲ ﺟﺎﻱ
ﺑﻘﺎﺕ ﻭﺍﻗﻔﺔ ﺗﻔﺒﺮﻱ ﺑﻜﻠﻬﺎ ﻣﻮﺵ ﻣﻨﺠﻤﺔ ﺗﻌﻤﻞ ﺣﺘﻲ ﺷﻲ ﻭ ﻫﻲ ﻣﺼﺪﻭﻣﺔ ﻣﻦ ﺍﻟﺸﻲ ﺍﻟﻲ ﺗﺸﻮﻑ ﻓﻴﻪ ... ﻫﻲ ﻫﻜﺎﻛﺎ ﻟﻴﻦ ﺗﺤﺲ ﺑﺨﻄﻮﺍﺕ ﻗﺎﻋﺪﺓ ﺗﻘﺮﺏ ﻣﻨﻬﺎ ... ﺩﺍﺭﺕ ﻭﺭﺍﻫﺎ ﻃﻮﻝ ﻣﻠﻘﺎﺕ ﺷﻲ .. ﺯﺍﺩ ﺑﻴﻬﺎ ﺍﻟﺨﻮﻑ ﻭ ﻭ ﺳﺎﻗﻴﻬﺎ ﺑﺪﺍﻭ ﻳﺮﺧﻮ ﺑﻴﻬﺎ ﻣﻌﺎﺵ ﻣﻨﺠﻤﻴﻦ ﺣﺎﻣﻠﻴﻨﻬﺎ ... ﺑﻘﺎﺕ ﺷﺎﺩﺓ ﺭﻭﺣﻬﺎ ﺗﺴﺘﻨﻲ ﻓﻲ ﻗﺎﺳﻢ ﻭﻗﺘﺎﻩ ﻳﺠﻴﻬﺎ ... ﻧﻔﺲ ﺍﻟﺼﻮﺕ ﺧﻄﻮﺍﺕ ﻭﺭﺍﻫﺎ ﻣﺎﺷﻴﺎ ﻭ ﺗﻘﺮﺏ ﻣﻨﻬﺎ ... ﺩﺍﺭﺕ ﻭ ﻧﻔﺲ ﺍﻟﺤﻜﺎﻳﺔ ﻣﺘﻠﻘﺎ ﺷﻲ .... ﺭﺟﻌﺖ ﺩﻭﺭﺕ ﺭﺍﺳﻬﺎ ﻭ ﻧﻔﺲ ﺍﻟﺼﻮﺕ ﺭﺟﻊ .. ﻋﺎﻭﺩﺕ ﺩﺍﺭﺕ ﻣﻠﻘﺎﺕ ﺷﻲ ... ﺍﻟﻤﺮﺓ ﻫﺬﻱ ﺣﺘﻲ ﻛﻲ ﺳﻤﻌﺖ ﺍﻟﺼﻮﺕ ﻣﺪﺍﺭﺗﺶ ﺗﺤﺐ ﺗﻘﻨﻊ ﺭﻭﺣﻬﺎ ﺑﻠﻲ ﻣﻔﻤﺎ ﺷﻲ ﻟﻴﻦ ﺗﺤﺲ ﺑﻀﺮﺑﺔ ﺟﺎﺗﻬﺎ ﻋﻠﻲ ﺭﺍﺳﻬﺎ ﻟﻴﻦ ﺩﺍﺧﺖ
ﺍﻟﺤﻠﻘﺔ :17
- ﺗﺴﻨﻴﻢ .. ﺗﺴﻨﻴﻢ ﻓﻴﻖ
- ﻕ ﻗﺎﺳﻢ ﺃﻧﺎ ﻭﻳﻦ
- ﺗﺴﻨﻴﻢ ﻓﻴﻖ ﺃﻧﺘﻲ ﻓﻲ ﺩﺍﺭ
ﺗﻐﺰﺭ ﻟﻠﺪﺍﺭ ﻭ ﺗﺜﺒﺖ ﺗﺤﺐ ﺗﻌﺮﻑ ﺷﻨﻮﺍ ﺻﺎﺭ ﻣﻌﺎﻫﺎ
- ﺍﻟﻔﺮﺵ ﺑﻜﻠﻮ ﺩﻡ
- ﺃﻣﺎ ﻓﺮﺵ ﺗﺤﻜﻲ ﻋﻠﻴﻪ ﻭ ﺃﻣﺎ ﺩﻡ ﻣﻔﻤﺎ ﺷﻲ ﺭﺍﻭ
- ﻭﻳﻨﻮ ﻓﺮﺷﻚ ﻗﺎﺳﻢ .. ﻛﻲ ﻓﻘﺖ ﻟﻘﻴﺘﻮ ﺑﻜﻠﻮ ﺩﻡ ﻭ ﻋﻠﻴﻪ ﺳﻜﻴﻨﺔ ﻭ ﺑﺮﺷﺎ ﻛﻼﻡ ﻳﺨﻮﻑ
- ﻣﻔﻤﺎ ﺷﻲ ﺗﺴﻨﻴﻢ ﺍﻟﺒﻴﺖ ﻛﻴﻤﺎ ﺧﻠﻴﺘﻬﺎ ﻣﺘﺒﺪﻝ ﻓﻴﻬﺎ ﺷﻲ
- ﺃﻧﺎ ﺷﻔﺖ ﻛﻞ ﺷﻲ ﻭ ﺩﻳﺠﺎ ﻛﺎﻥ ﻓﻤﺎ ﺣﺲ ﻳﻤﺸﻲ ﻭﺭﺍﻳﺎ ﺃﻣﺎ ﻭﻳﻦ ﻧﺪﻭﺭ ﻣﻨﻠﻘﺎﺷﻲ ﻭ ﻣﻦ ﺑﻌﺪ ﺣﺴﻴﺖ ﺑﻀﺮﺑﺔ ﻗﻮﻳﺔ ﻋﻠﻲ ﺭﺍﺳﻲ ﻟﻴﻦ ﺩﺧﺖ
- ﺗﺴﻨﻴﻢ ﻛﻲ ﺧﺮﺟﺖ ﺧﻠﻴﺘﻚ ﺭﺍﻗﺪﺓ ﻭ ﻛﻲ ﺭﻭﺣﺖ ﺧﻠﻴﺘﻚ ﺭﺍﻗﺪﺓ ﺭﺍﻭ
- ﺷﻮ ﺭﺍﻭ ﻣﺎﻧﻴﺶ ﻗﺎﻋﺪﺓ ﻧﻜﺬﺏ ﻋﻠﻴﻚ ﻭﺍﻟﻠﻪ ﻧﺤﻜﻴﻠﻚ ﻓﻲ ﺍﻟﺤﻘﻴﻘﺔ
- ﻳﺎﺧﻲ ﻧﻮﺭﻣﺎﻝ ﻓﻲ ﻣﺨﻚ ﺍﻧﺘﻲ
- ﺍﻱ ﻧﻮﺭﻣﺎﻝ ﺍﻧﺖ ﺍﻟﻲ ﻭﻳﻦ ﻧﺤﻜﻴﻠﻚ ﺣﺎﺟﺔ ﺗﺘﻘﻠﺐ ﺿﺪﻱ ﻭ ﺗﻜﺬﺑﻨﻲ ﻣﺎﻧﻴﺶ ﻣﻬﺒﻮﻟﺔ ﺭﺍﻭ
- ﺟﻴﺴﺘﻤﻮﻥ ﺃﻧﺎ ﺣﺎﺳﻚ ﻣﻬﺒﻮﻟﺔ ﻋﻠﻲ ﻫﺬﺍﻛﺎ ﻣﺎﻧﻴﺶ ﻗﺎﻋﺪ ﻧﺼﺪﻕ ﻓﻴﻚ
- ﺍﻭﻙ ﻣﺮﻳﻘﻞ ﺃﺑﻌﺪ ﻋﻠﻴﺎ
ﺩﺯﺕ ﻭ ﻗﺎﻣﺖ ... ﻟﻴﻦ ﺻﺎﺣﺖ ﻣﻦ ﺍﻟﻮﺟﻴﻌﺔ ﺇﻟﻲ ﺣﺎﺳﺔ ﺑﻴﻬﺎ ﻋﻠﻲ ﺭﻗﺒﺘﻬﺎ ﻭ ﺭﺍﺳﻬﺎ
- ﺗﺴﻨﻴﻢ ﺷﺒﻴﻚ
- ﻗﺎﺳﻢ ﺳﻴﺒﻨﻲ
ﺩﺧﻠﺖ ﺣﻤﺎﻡ ﻏﺴﻠﺖ ﻭﺟﻬﺎ ﻭ ﺭﺟﻌﺖ ﺗﻠﻢ ﻓﻲ ﺩﺑﺸﻬﺎ ﻓﻲ ﺍﻟﻔﺎﻟﻴﺰ
- ﻓﺎﺵ ﻗﺎﻋﺪﺓ ﺗﻌﻤﻞ
- ﺑﺎﺵ ﻧﺮﻭﺡ ﻟﺪﺍﺭﻧﺎ ﻧﺤﺐ ﻧﺮﺗﺎﺡ ﺷﻮﻱ
- ﻣﻔﻤﺎﺵ ﺧﺮﻭﺝ ﻭ ﺗﻮ ﻧﻠﻘﺎﻭ ﺣﻞ ﻟﻠﺤﻜﺎﻳﺔ ﺍﻟﻲ ﻗﺎﻋﺪﺓ ﺗﺸﻮﻑ ﻓﻴﻬﺎ
......-
- ﻧﺤﻜﻲ ﻣﻌﺎﻙ ﺭﺍﻭ ﺟﺎﻭﺑﻨﻲ
- ﻛﻴﻤﺎ ﺷﻨﻮﺍ ﺍﻟﺤﻞ ﺍﻟﻲ ﺑﺘﻠﻘﺎﻩ ﺑﺮﺑﻲ
- ﺳﺎﻳﺎ ﻟﻘﻴﺖ ﺩﺍﺭ ﺑﻌﻴﺪﺓ ﻣﻦ ﻫﻮﻧﻲ ﺑﺎﺵ ﻧﺴﻜﻨﻮ ﻓﻴﻬﺎ
- ﺍﻱ ﺑﺎﻫﻲ ﻛﻲ ﺧﻤﻤﺖ ﺗﻬﺮﺏ ﻣﻦ ﺭﻭﺡ ﺑﺴﻤﺔ ﺍﻟﻲ ﺳﺎﻛﻨﺔ ﻓﻲ ﺍﻟﺪﺍﺭ
- ﺑﺴﻤﺔ ﻣﺎﻫﻴﺶ ﺷﺮﻳﺮﺓ ﻛﻴﻤﺎ ﺗﺘﻮﻗﻊ ﺍﻭﻙ ﻭ ﻣﻌﺎﺵ ﺗﺠﺒﺪﻫﺎ ﻋﻠﻲ ﻟﺴﺎﻧﻚ
- ﻛﻲ ﻫﻲ ﻣﻮﺵ ﺷﺮﻳﺮﺓ ﻭ ﻣﻼﻳﻜﺔ ﻋﻼﻩ ﻗﺘﻠﺘﻬﺎ
ﻫﺰ ﻳﺪﻭ ﺑﺎﺵ ﻳﻀﺮﺑﻬﺎ ﻭ ﻣﻨﺠﻤﺶ ﻛﺒﺲ ﻋﻠﻴﻬﺎ ﻭ ﻋﻠﻲ ﺳﻨﻴﻪ ﻭ ﻫﻮ ﻳﻐﺰﺭﻟﻬﺎ ﺑﻌﻴﻨﻴﻦ ﺗﻘﺪﺡ ﺷﺮ
- ﻣﺮﺓ ﺟﺎﻳﺎ ﻧﻠﺤﻘﻚ ﻟﻴﻬﺎ
ﺧﺮﺝ ﻭ ﻃﺮﻳﻖ ﺍﻟﺒﺎﺏ ﻭﺭﺍﻩ
ﺍﻟﺤﻠﻘﺔ :18
ﺗﻜﺎﺕ ﻋﻠﻲ ﺍﻟﻔﺮﺵ ﻣﻦ ﺍﻟﺨﻮﻑ ﺍﻟﻲ ﺣﺴﺘﻮ ﻛﻲ ﺣﻜﺎ ﻣﻌﺎﻫﺎ ﻣﻨﻐﻴﺮ ﻣﺘﺸﻌﺮ ... ﺃﻋﺼﺎﺑﻬﺎ ﺗﻮﺗﺮﺕ ﻣﻦ ﺍﻟﻬﺴﺘﻴﺮﻳﺎ ﺍﻟﻲ ﻗﺎﻋﺪﺓ ﺗﻌﻴﺶ ﻓﻴﻬﺎ ﻣﻌﺎﺵ ﻣﻨﺠﻤﺔ ﺗﺘﺤﻤﻞ ... ﺣﻄﺖ ﻳﺪﻫﺎ ﻋﻠﻲ ﺭﺍﺳﻬﺎ ﺍﻟﻲ ﻗﺮﻳﺐ ﻳﺘﺮﺷﻖ ﺑﺎﻟﻮﺟﻴﻌﺔ ... ﻣﻠﻘﺎﺕ ﺑﻴﻬﺎ ﻭﻳﻦ ﻛﺎﻥ ﺗﻤﺸﻲ ﺗﺸﺮﺏ ﻗﻬﻮﺓ ﺗﻨﻘﺼﻠﻬﺎ ﺷﻮﻱ ﺿﻐﻂ
ﺩﺧﻠﺖ ﺍﻟﻜﻮﺟﻴﻨﺔ ﺗﻜﺮ ﻓﻲ ﺷﻼﻛﺘﻬﺎ ﻓﺘﺤﺖ ﺍﻟﺜﻼﺟﺔ ﺑﺎﺵ ﺗﺠﺒﺪ ﺍﻟﺤﻠﻴﺐ ﻟﻴﻦ ﺗﺸﻮﻑ ﻛﺎﻥ ﻓﻲ ﺭﺍﺱ ﻣﻘﺼﻮﺹ ﺑﻜﻠﻮ ﺩﻡ ﻭ ﺷﻌﺮ ﻣﻐﻄﻲ ﻭﺟﻬﻮ ... ﺻﺎﺣﺖ ﺑﺄﻋﻠﻲ ﺻﻮﺗﻬﺎ ﻟﻴﻦ ﺩﺍﺧﺖ ﻣﻦ ﺍﻟﻔﺠﻌﺔ ..
ﻗﺎﺳﻢ ﻣﺒﻌﺪﺵ ﺑﺮﺷﺎ ﻋﻠﻲ ﺍﻟﺪﺍﺭ ﻭ ﺣﺲ ﺑﺼﻮﺕ ﻗﻮﻱ ﺭﺟﻊ ﻃﻮﻝ ﻳﺠﺮﻱ ... ﺩﺧﻞ ﻟﺒﻴﺖ ﻧﻮﻡ ﻣﻠﻘﺎﻫﺎﺵ ﻓﻲ ﺻﺎﻟﺔ ﻛﻴﻒ ﻛﻴﻒ ﻣﺸﺎ ﻟﻠﻜﻮﺟﻴﻨﺔ ﻳﻠﻘﺎﻫﺎ ﻃﺎﻳﺤﺔ ﻓﻲ ﺍﻟﻘﺎﻋﺪﺓ ﻭ ﻛﺎﺱ ﺑﻼﺭ ﻓﻲ ﻳﺪﻫﺎ ﻣﻜﺴﺮ ﻭ ﻳﺪﻳﻬﺎ ﺑﻜﻠﻬﻢ ﻣﺠﺮﺣﻴﻦ ﺩﻡ
- ﺗﺴﻨﻴﻢ ... ﺗﺴﻨﻴﻢ ﻓﻴﻖ ﻟﺒﺎﺱ ... ﺗﺴﻨﻴﻢ
ﻳﺨﺾ ﻓﻴﻬﺎ ﻭ ﻳﻌﺎﻭﺩ ﻟﻴﻦ ﺑﺪﺍﺕ ﺗﺘﻤﻠﻤﻞ ﻭ ﺗﻔﻴﻖ ﺑﺎﻟﺸﻮﻱ
- ﺗﺴﻨﻴﻢ ﺷﺒﻴﻚ ﻟﺒﺎﺱ
ﻏﻤﻀﺖ ﻋﻴﻨﻴﻬﺎ ﻭ ﺗﺴﻴﺒﺖ ﺑﺎﻟﺒﻜﺎﺀ ... ﻛﺎﻥ ﺑﻜﺎﺀ ﻫﺴﺘﻴﺮﻱ ﻣﻮﺵ ﺗﺎﻉ ﺍﻧﺴﺎﻥ ﻣﺨﻮﻓﺘﻮ ﺣﺎﺟﺔ ﻭﻻ ﻣﻮﺟﻮﻉ ... ﻻ ﻫﺬﺍ ﺑﻜﺎﺀ ﺧﻮﻑ ﻣﺴﻴﻄﺮﺓ ﻋﻠﻴﻪ ﻇﻮﺍﻫﺮ ﻏﻴﺮ ﻃﺒﻴﻌﻴﺔ ﻣﻨﺠﻤﻮﺵ ﻧﺘﺤﻜﻤﻮ ﻓﻴﻬﺎ ...
- ﺃﺣﻜﻴﻠﻲ ﺷﻔﻤﺎ
- ﺷﻲ ﻗﺎﺳﻢ ﺷﻲ ﻧﺤﺐ ﻧﺨﺮﺝ ﻣﻦ ﻫﻮﻧﻲ ﻓﻲ ﺃﻗﺮﺏ ﻭﻗﺖ
- ﺑﺎﻫﻲ ﻗﻮﻡ ﻣﻌﺎﻳﺎ ﻧﻠﻤﻮ ﺩﺑﺸﻬﺎ ﻭ ﻧﺨﺮﺟﻮ
- ﺗﺤﻜﻲ ﺑﺎﻟﺮﺳﻤﻲ
- ﺃﻱ
- ﺑﺎﻫﻲ
ﻗﺎﻣﺖ ﻣﺮﻫﻮﺟﺔ ﻣﻮﺵ ﻣﻨﺠﻤﺔ ﺗﺎﻗﻒ ... ﻫﻲ ﺟﺎﺕ ﺑﺎﺵ ﺗﺴﻨﺪ ﻋﻠﻲ ﺍﻟﻄﺎﻭﻟﺔ ﻭ ﻗﺎﺳﻢ ﻫﺰﻟﻬﺎ ﻳﺪﻫﺎ ﺍﻟﻔﻮﻕ
- ﺷﺒﻴﻚ ﻳﺎﺧﻲ ﻣﺎﻛﺶ ﺗﺸﻮﻑ ﻓﻲ ﻳﺪﻙ ﺑﻜﻠﻬﺎ ﺑﻼﺭ ﺍﻳﺠﺎ ﻧﺪﺍﻭﻳﻬﺎﻟﻚ ﻗﺒﻞ
- ﻭﻗﺘﺎﻩ ﺗﺠﺮﺣﺖ ﻣﻨﺬﻛﺮﺵ
- ﺍﻛﻴﺪ ﻛﻲ ﺩﺧﺖ ﻛﺎﻥ ﻛﺎﺱ ﻓﻲ ﻳﺪﻙ ﻳﺎﺧﻲ ﻛﻲ ﻃﺤﺖ ﺗﻜﺴﺮ
- ﻻ ﻣﺤﻄﻴﺘﺶ ﻓﻲ ﻳﺪﻱ ﻛﺎﺱ ﻣﺘﺄﻛﺪﺓ
- ﺑﺎﻫﻲ ﻣﻮﺵ ﻫﺬﺍ ﻣﻮﺿﻮﻋﻨﺎ ﺗﻮ ﺧﻠﻴﻨﻲ ﻧﺪﺍﻭﻳﻚ ﻣﻦ ﺑﻌﺪ ﻧﺤﻜﻮ
ﺗﺒﻌﺘﻮ ﻛﻲ ﺍﻟﺒﻨﻴﺔ ﺍﻟﺼﻐﻴﺮﺓ ﻭ ﻫﻮ ﻣﺮﺓ ﻳﺪﺍﻭﻳﻬﺎ ﻭ ﻣﺮﺓ ﻳﻔﺪﻟﻚ ﻋﻠﻴﻬﺎ ﺑﺎﺵ ﺗﻨﺴﻲ ﺍﻟﻮﺟﻴﻌﺔ ... ﺩﺧﻠﻮ ﻟﺒﻴﺖ ﺍﻟﻨﻮﻡ ﻭ ﺑﻘﺎﻭ ﻳﻠﻤﻮ ﻓﻲ ﺩﺑﺸﻬﻢ ﻳﺤﻀﺮﻭ ﻓﻲ ﺭﻭﺍﺣﻬﻢ ﺑﺎﺵ ﻳﺨﺮﺟﻮ ﺍﻟﺰﻭﺯ ﻣﺬﺍﺑﻴﻬﻢ ﺑﺄﻗﻞ ﻣﺸﻜﻠﺔ
ﻣﺸﺎﻭ ﻟﻠﺪﺍﺭ ﺍﻟﺠﺪﻳﺪﺓ ﺑﻘﺎﻭ ﻳﺤﻄﻮ ﻓﻲ ﺩﺑﺸﻬﻢ ﻓﻲ ﺍﻟﺨﺰﻧﺔ ﻭ ﻗﺎﺳﻢ ﻗﻌﺪ ﻳﻄﻴﺐ ﻓﻤﺎﺵ ﻣﻴﺸﺪﻭ ﻗﻠﺒﻬﻢ ﺷﻮﻱ ﻭ ﻳﻨﺴﺎﻭ ﺍﻟﻔﺠﺎﻳﻊ ﻭ ﻫﻲ ﺑﻘﺎﺕ ﺗﺘﻔﺮﺝ ﻣﻦ ﺍﻟﺸﺒﺎﻙ ﻋﻠﻲ ﺍﻟﺤﻜﻮﻣﺔ ﺍﻟﺠﺪﻳﺪﺓ
ﺷﺎﺭﺩﺓ ﻓﻲ ﻣﻠﻚ ﺭﺑﻲ ﻟﻴﻦ ﺗﺤﺲ ﺑﻴﺪ ﺿﻮﺍﻓﺮﻫﺎ ﻃﻮﺍﻝ ﻛﺤﻞ ﻭ ﺑﻜﻠﻬﺎ ﺑﻴﻀﺎﺀ ﺗﺤﻄﺖ ﻗﺪﺍﻣﻬﺎ ﻭ ﺍﺧﺘﻔﺎﺕ ﺑﺴﺮﻋﺔ ﺷﻬﻘﺖ ﻭ ﺣﻄﺖ ﻳﺪﻫﺎ ﻋﻠﻲ ﻓﻤﻬﺎ ﻣﺘﺤﺒﺶ ﻗﺎﺳﻢ ﻳﺸﻠﻖ ﺑﻴﻬﺎ
ﺍﻟﺤﻠﻘﺔ :19
ﺩﻭﺍﻣﺔ ﻭ ﺭﻋﺐ ﻣﺘﻌﺮﺵ ﺳﺎﺳﻬﺎ ﻣﻦ ﺭﺍﺳﻬﺎ ﻣﻌﺎﺵ ﻣﻨﺠﻤﺔ ﺗﺼﺒﺮ ﻣﺨﻬﺎ ﻳﺰ ﻭ ﻳﺠﻴﺐ ﻭ ﻗﻠﺒﻬﺎ ﻣﺎ ﻗﺎﻳﻠﻠﻬﺎ ﺧﻴﺮ
ﺗﻜﺎﺕ ﻋﻠﻲ ﺍﻟﻔﺮﺵ ﻭ ﻗﺎﺳﻢ ﺭﻗﺪ ﺑﺠﻨﺒﻬﺎ ﺗﻌﺐ ﻣﻦ ﺍﻟﺘﻨﻘﻴﻞ ﻭ ﻧﺎﻗﺺ ﻧﻮﻡ ... ﺍﻣﺎ ﻫﻲ ﻛﺎﻧﺖ ﺷﺎﺭﺩﺓ ﺗﺨﻤﻢ .. ﻟﻴﻦ ﺗﺤﺲ ﺑﻴﺪ ﻛﺒﺸﺖ ﻓﻴﻬﺎ ﻣﻦ ﺗﺤﺖ ﺍﻟﺴﺮﻳﺮ ﻏﺮﺳﺖ ﺿﻮﺍﻓﺮﻫﺎ ﻓﻴﻬﺎ .... ﺻﺎﺣﺖ ﻃﻮﻝ ﻭ ﺑﺪﺍﺕ ﺗﻌﻴﻂ ﻟﻴﻦ ﻓﺎﻕ ﻗﺎﺳﻢ
- ﺗﺴﻨﻴﻢ ﺷﺒﻴﻚ
- ﻑ ﻓﻤﺎ ﻳﺪ ﺟﺒﺪﺗﻨﻲ ﻣﻦ ﺗﺤﺖ ﺍﻟﻔﺮﺵ
- ﺑﺮﺑﻲ
- ﻭﺍﻟﻠﻪ
- ﺗﺴﻨﻴﻢ ﻓﻜﻨﻲ ﻣﻦ ﺍﻟﺪﺭﺍﻣﺔ ﻣﺘﺎﻋﻲ ﺿﻴﻘﺘﻬﺎﻟﻲ ﺑﺼﺮﺍﺣﺔ ﺃﻧﺎ ﺑﺎﺵ ﻧﻤﺸﻲ ﻧﺮﻗﺪ ﻓﻲ ﺍﻟﺒﻴﺖ ﺍﻷﺧﺮﻱ ﻭ ﺃﻧﺘﻲ ﺃﻗﻌﺪ ﺇﺳﺘﺨﺎﻳﻞ ﻭﺣﺪﻙ
- ﺃﻣﺎﻥ ﻗﺎﺳﻢ ﻣﺘﺨﻠﻴﻨﻴﺶ ﻭﺣﺪﻱ
- ﻻ ﺑﺎﺵ ﻧﻤﺸﻲ ﻳﺰﻱ ﺭﻛﺒﺘﻠﻲ ﺍﻷﻋﺼﺎﺏ ﺭﺍﻙ
- ﺑﺎﻫﻲ ﻧﻤﺸﻲ ﻣﻌﺎﻙ ﻭ ﻧﻮﻋﺪﻙ ﻧﻘﻌﺪ ﺳﺎﻛﺔ
- ﻻ
ﻫﺰ ﻣﺨﺪﺗﻮ ﻭ ﻏﻄﺎﻩ ﻭ ﺧﺮﺝ ﺭﻗﺪ ﻓﻲ ﺑﻴﺖ ﺃﺧﺮﻱ ﺑﻘﺎﺕ ﻭﺣﺪﻫﺎ ﺷﺎﺩﺓ ﻓﻲ ﺍﻟﻐﻄﺎﺀ ﻭ ﻗﻠﺒﻬﺎ ﻳﺪﻕ ﺧﺎﻳﻔﺔ .. ﻟﺤﻈﺎﺕ ﻭ ﻧﻔﺲ ﺍﻟﻴﺪ ﺟﺒﺪﺗﻬﺎ ﺍﻟﻤﺮﺓ ﻫﺬﻱ ﺧﻼﺕ ﻳﺪﻫﺎ ﻳﺴﻴﻞ ﻣﻨﻬﺎ ﺍﻟﺪﻡ ﻭ ﺗﺘﺠﺮﺡ ﺃﻛﺜﺮ ... ﺻﺎﺣﺖ ﺑﺄﻋﻠﻲ ﺻﻮﺗﻬﺎ ﻭ ﺯﺍﺩﺕ ﺗﺨﺒﺎﺕ ﻓﻲ ﺍﻟﻔﺮﺵ ﺃﻛﺜﺮ ... ﻣﺮﺓ ﺗﺴﻤﻊ ﺻﻮﺕ ﺭﻳﺢ ﻭ ﻣﺮﺓ ﺻﻮﺕ ﻧﺎﺭ ﻻﻫﺒﺔ ﺗﺤﺮﻕ .... ﻏﻤﻀﺖ ﻋﻴﻨﻴﻬﺎ ﺗﺤﺐ ﺗﻨﺤﻲ ﺍﻟﺨﻮﻑ ﻟﻴﻦ ﺗﺤﺲ ﺑﺤﺎﺟﺔ ﺗﺘﺤﺮﻙ ﺑﺠﻨﺒﻬﺎ ... ﻏﺰﺭﺕ ﺑﺨﻮﻑ ﺗﻠﻘﺎﻫﺎ ﺃﻓﻌﻲ ﻗﺪ ﺳﺨﻄﺔ ﻣﺎﺷﻴﺎ ﻭ ﺗﻘﺮﺏ ﻣﻨﻬﺎ ... ﻗﺎﻣﺖ ﻧڨﺰﺕ ﻣﻦ ﺍﻟﻔﺮﺵ ﻭ ﻫﺮﺑﺖ ﻣﻦ ﺍﻟﺒﻴﺖ ﺗﺠﺮﻱ ﻟﻌﻨﺪ ﻗﺎﺳﻢ
- ﻗﺎﺳﻢ ﻓﻤﺎ ﺃﻓﻌﻲ ﻛﺒﻴﺮﺓ ﻋﻠﻲ ﺍﻟﻔﺮﺵ
- ﻭ ﺑﻌﺪﻫﺎ
- ﻭﺍﻟﻠﻪ ﻗﺎﺳﻢ ﺃﻣﺎﻥ ﺇﻳﺠﺎ ﻣﻌﺎﻳﺎ
- ﺃﻭﻭﻭﻑ
ﻣﺸﺎ ﻣﻌﺎﻫﺎ ﻣﻴﻠﻘﻲ ﺷﻲ ﻭ ﺍﻟﺒﻴﺖ ﻛﺄﻧﻮ ﻣﺼﺎﺭ ﺷﻲ ﻓﻴﻬﺎ ﺣﺘﻲ ﺍﻟﻔﺮﺵ ﺗﻨﻈﻢ
- ﺷﻮ ﺗﺴﻨﻴﻢ ﻧﺘﺼﻮﺭ ﻛﺎﻥ ﺗﺒﻌﺪﻧﻲ ﻫﺎﻟﻠﻴﻠﺔ ﺍﻟﻜﻠﺒﺔ ﺧﻴﺮ
- ﻫﺰ ﺭﻭﺡ ﺑﻴﺎ ﻟﺪﺍﺭ ﺑﺎﺑﺎ
- ﻓﻲ ﺍﻟﻮﻗﺖ ﻫﺬﺍ ﻣﺴﺘﺤﻴﻞ
- ﻣﻔﻤﺎ ﺷﻲ ﻣﺴﺘﺤﻴﻞ ﺍﻧﺎ ﻣﻌﺎﺵ ﻧﺠﻢ ﻧﻘﻌﺪ ﻫﻮﻧﻲ
- ﺗﺴﻨﻴﻢ ﺃﺩﺧﻞ ﺃﺭﻗﺪ ﻭ ﺃﺳﻜﺖ ﻋﻠﻴﺎ
- ﻻ
ﻗﻌﺪ ﻗﺎﺳﻢ ﻳﻐﺰﺭﻟﻬﺎ ﻟﻴﻦ ﻳﺤﺲ ﺑﻈﻞ ﺗﺤﺮﻙ ﻭﺭﺍﻫﺎ ﺟﺒﺪﻫﺎ ﻋﻨﺪﻭ ﺧﺒﺎﻫﺎ ﻭ ﻭﺟﻬﻮ ﻟﺨﻠﺦ ﻣﻌﺮﻓﺶ ﺷﻨﻮﺍ ﺍﻟﻲ ﺷﺎﻓﻮ ﺣﻘﻴﻘﺔ ﻭﻻ ﻳﺴﺘﺨﺎﻳﻞ ﻛﻲ ﺗﺴﻨﻴﻢ
- ﻏﺪﻭﻱ ﻧﺘﻔﺎﻫﻤﻮ ﻭ ﺗﻮ ﻧﺮﻗﺪ ﻣﻌﺎﻙ ﻓﻲ ﺍﻟﺒﻴﺖ
- ﺑﺎﻫﻲ
ﻫﺰﻫﺎ ﻣﻌﺎﻩ ﻭ ﻫﻮ ﻣﺨﻮ ﻳﻬﺰ ﻭ ﻳﺠﻴﺐ ﻋﻠﻲ ﺍﻟﻈﻞ ﺍﻟﻲ ﺷﺎﻓﻮ
ﺍﻟﺤﻠﻘﺔ :20
ﺗﻌﺪﺍﺕ ﻟﻴﻠﺔ ﺻﻌﻴﺒﺔ ﻋﻠﻴﻬﻢ ﺍﻟﺰﻭﺯ ﻻ ﺟﺎﻫﻢ ﻧﻮﻡ ﻭﻻ ﺟﺎﺗﻬﻢ ﺭﺍﺣﺖ ﺑﺎﻝ ﻣﻔﺮﺣﻮ ﻛﺎﻥ ﻣﺠﺎﺀ ﺍﻟﺼﺒﺎﺡ ﻭ ﻧﻘﻠﻮ ﻣﻦ ﺍﻟﺪﺍﺭ ﻭ ﺭﺟﻌﻮ ﻟﺪﺍﺭﻫﻢ
- ﺗﺴﻨﻴﻢ ﺇﺭﻗﺪ ﻟﺤﻈﺎﺕ ﻭ ﺗﻮ ﻧﺠﻴﻚ
- ﻭﻳﻦ ﺑﺎﺵ ﺗﻤﺸﻲ ﻭ ﺗﺨﻠﻴﻨﻲ ﻭﺣﺪﻱ
- ﻫﺎﻧﻲ ﺭﺍﺟﻊ ﺗﻮ
- ﺑﺎﻫﻲ
ﺧﺮﺝ ﻗﺎﺳﻢ ﻭ ﺑﻘﺎﺕ ﺗﺴﻨﻴﻢ ﻓﻲ ﺍﻟﺒﻴﺖ ﻭﺣﺪﻫﺎ ﻟﻴﻦ ﺟﺎﺗﻬﺎ ﺣﻤﺎﺗﻬﺎ
- ﺗﻔﻀﻞ
- ﻋﻴﺸﻚ ﻳﺰﻳﺪ ﻓﻀﻠﻚ
- ﺃﻱ ﻋﻼﻩ ﺟﻴﺖ
- ﻳﺎﺧﻲ ﻧﻮﺭﻣﺎﻝ ﺗﺴﺘﻘﺒﻠﻨﻲ ﻛﻴﻤﺎ ﻫﻜﺎ
- ﻋﺎﺩﻱ ﻭﻳﻦ ﺍﻟﻤﺸﻜﻞ
- ﺍﻣﻤﻦ ﺑﺎﻫﻲ ﻣﻮﺵ ﻣﺸﻜﻞ ﻗﻠﻲ ﻳﺎﺧﻲ ﺷﻨﻮﺍ ﺻﺎﻳﺮ ﻣﻌﺎﻛﻢ ﺗﻮ ﻗﺎﺳﻢ ﻛﺎﻥ ﻋﻨﺎ ﻭ ﻗﺎﻝ ﺑﻠﻲ ﻛﻞ ﻣﺮﺓ ﺗﺼﻴﺮﻟﻚ ﺣﺎﺟﺔ ﻏﺮﻳﺒﺔ
- ﻣﺎﻭ ﻛﻲ ﺗﺒﻄﻞ ﺍﻧﺘﻲ ﻣﻠﻲ ﺗﻌﻤﻞ ﻓﻴﻪ ﺗﻮ ﻧﻮﻟﻲ ﻟﺒﺎﺱ
- ﻟﺘﻮ ﻣﺎﺷﻲ ﻓﻲ ﺑﺎﻟﻚ ﺑﻠﻲ ﺃﻧﺎ ﻫﻲ ﺍﻟﻲ ﻧﺨﻮﻑ ﻓﻴﻚ
- ﻋﻼﻩ ﻣﺎﻻ ﺷﻜﻮﻥ ﺗﺤﺒﻬﺎ ﺗﻜﻮﻥ ﺍﻣﻲ
- ﺗﺴﻨﻴﻢ ﻳﺰﻱ ﺑﻼ ﻫﺒﺎﻝ ﺑﺮﺑﻲ ﺷﻨﻴﺎ ﻣﺼﻠﺤﺘﻲ ﻣﻦ ﺍﻟﺤﻜﺎﻳﺔ ﻛﺎﻥ ﻧﻌﻤﻞ ﻫﻜﺎ
- ﻫﻜﺎﻛﺎ ﺃﻧﺘﻲ ﺗﻌﺮﻑ ﺃﻛﺜﺮ
ﺣﻂ ﺣﻤﺎﺗﻬﺎ ﻳﺪﻫﺎ ﻋﻠﻲ ﺭﺍﺳﻬﺎ ﻭ ﻧﻔﺨﺖ ﺑﺎﻟﻘﻮﻱ
- ﻳﻬﺪﻳﻚ ﺭﺑﻲ ﻧﺤﻲ ﺍﻟﻔﻜﺮﺓ ﻣﻦ ﺭﺍﺳﻚ ﺧﻴﺮ ﻣﻠﻲ ﺗﻜﺒﺮ ﺍﻟﺤﻜﺎﻳﺔ ﺑﺎﻟﻔﺎﺭﻍ
ﻫﺰﺕ ﺗﺴﻨﻴﻢ ﻳﺪﻫﺎ ﻗﺪﺍﻡ ﻭﺟﻬﺎ ﻭ ﺑﻘﺎﺕ ﺗﻬﺪﺩ ﻓﻴﻬﺎ
- ﺑﺎﺵ ﻧﺸﻜﻲ ﺑﻴﻚ ﻭ ﺗﻮ ﺗﺸﻮﻑ
ﺣﻤﺎﺗﻬﺎ ﻛﺎﻧﺖ ﺗﻬﺰ ﻓﻴﻬﺎ ﻣﺖ ﻓﻮﻕ ﻟﻮﻃﺎ ﻟﻴﻦ ﺗﺸﻮﻑ ﻓﻲ ﻳﺪﻫﺎ ﻛﻴﻔﺎﻩ ﻣﺠﺮﻭﺣﺔ
- ﺃﻩ ﺗﺴﻨﻴﻢ ﺷﺒﻴﻬﺎ ﻳﺪﻙ
- ﻋﻠﻲ ﺃﺳﺎﺱ ﺃﻧﺘﻲ ﻣﺘﻌﺮﻓﺶ ﺷﻨﻮﺍ ﺻﺎﺭﻟﻲ
- ﺗﻜﻠﻢ ﺷﻨﻮﺍ ﻫﺬﺍ
- ﺍﻟﺠﻦ ﺍﻟﻲ ﻣﺘﻠﺒﺴﺘﻮ ﻭﻻ ﺗﻜﺮﻱ ﻓﻴﻪ ﻫﻮ ﺍﻟﻲ ﻋﻤﻠﻲ ﻫﻜﺎ
- ﻻ ﻣﺴﺘﺤﻴﻞ ﺟﺮﺡ ﻛﺒﻴﺮ ﺑﺮﺷﺎ ﻫﺬﺍ ﻣﻮﺵ ﺗﺎﻉ ﺟﻦ
- ﺃﻱ ﺍﻧﺘﻲ ﺍﻟﻲ ﺟﺮﺣﺘﻨﻲ ﺧﺎﺗﺮ
- ﺃﻧﺘﻲ ﺍﻟﻜﻼﻡ ﻣﻌﺎﻙ ﻣﺎ ﻓﻴﺶ ﻣﻨﻮ ﻓﺎﻳﺪﺓ ﻧﻤﺸﻲ ﻧﺮﻭﺡ ﺧﻴﺮ
ﺭﻭﺣﺖ ﺣﻤﺎﺗﻬﺎ ﻭ ﻫﻲ ﺗﻔﺮﻙ ﻓﻲ ﻳﺪﻳﻬﺎ ﻣﻮﺵ ﻋﺎﺭﻓﺔ ﺷﻨﻮﺍ ﺗﻌﻤﻞ ﻓﻲ ﺣﻜﺎﻳﺔ ﺗﺴﻨﻴﻢ ﺣﺎﻟﻬﺎ ﺳﺨﻔﻬﺎ ﻭ ﻫﻲ ﻛﻲ ﺍﻟﺒﻮﻫﺎﻟﻴﺔ ﻓﻲ ﻭﺳﻂ ﺩﻭﺍﻣﺔ
ﺭﻭﺡ ﻗﺎﺳﻢ ﻭ ﺟﺎﺏ ﻣﻌﺎﻩ ﺭﺍﺟﻞ
- ﻋﺴﻼﻣﺔ ﻣﺪﺍﻡ
- ﻋﺴﻼﻣﺔ ... ﻗﺎﺳﻢ ﺷﻜﻮﻥ ﺟﺒﺖ ﻣﻌﺎﻙ
- ﺳﺎﻋﺔ ﺧﻠﻴﻨﺎ ﻧﺪﺧﻠﻮ ﻭ ﻣﻦ ﺑﻌﺪ ﺗﻮ ﻧﺤﻜﻮ
- ﺑﺎﻫﻲ ﺗﻔﻀﻠﻮ
ﺩﺧﻞ ﻗﺎﺳﻢ ﻭ ﺩﺧﻞ ﻣﻌﺎﻩ ﺭﺍﺟﻞ ﻭ ﺗﺴﻨﻴﻢ ﺗﺴﺘﻨﻲ ﻓﻲ ﺗﻔﺴﻴﺮ ﺑﺎﺵ ﺗﻌﺮﻑ ﺷﻜﻮﻥ ﺍﻟﺮﺍﺟﻞ
- ﺃﻱ ﻗﺎﺳﻢ ﻣﻘﺘﻠﻴﺶ ﺷﻜﻮﻧﻮ
- ﻫﺬﺍ ﻃﺒﻴﺐ ﻧﻔﺴﻲ ﻧﺤﺐ ﻧﺸﻮﻑ ﺷﻨﻴﺎ ﺍﻟﺤﺎﻟﺔ ﺍﻟﻲ ﻋﻨﺪﻙ
- ﺗﺤﻜﻲ ﺑﺎﻟﺮﺳﻤﻲ ﻣﻌﻨﺎﻫﺎ ﺷﺎﻙ ﻓﻴﺎ ﻣﻬﺒﻮﻟﺔ
- ﺃﻱ
......
ﺍﻟﺤﻠﻘﺔ :21
- ﻗﺎﺳﻢ ﻧﺠﻤﻮﺭ ﻧﺤﻜﻮ ﻋﻠﻲ ﺍﻧﻔﺮﺍﺩ
- ﺑﺎﻫﻲ
ﻣﺸﺎ ﻗﺎﺳﻢ ﻫﻮ ﺗﺴﻨﻴﻢ ﻟﻠﺒﻴﺖ
- ﻗﺎﺳﻢ ﺷﻨﻮﺍ ﻫﻠﻲ ﺗﻌﻤﻞ ﻓﻴﻪ
- ﻧﺤﺐ ﻧﺪﺍﻭﻳﻚ ﻭ ﻧﺮﺟﻌﻚ ﻟﻄﺒﻴﻌﺘﻚ
- ﻻ ﻗﺎﺳﻢ ﺍﻧﺖ ﻇﺎﻫﺮ ﻓﻴﻚ ﻫﺒﻠﺖ
- ﻻ ﺍﻧﺘﻲ ﺍﻟﻤﻬﺒﻮﻟﺔ ﻣﻮﺵ ﺃﻧﺎ
ڨﺤﺮﺗﻠﻮ ﻭ ﺧﺮﺟﺖ ﻟﻠﻄﺒﻴﺐ ﺗﺤﻜﻴﻠﻮ ﻓﻲ ﻛﻞ ﺷﻲ ﺻﺎﺭ ﻣﻌﺎﻫﺎ ﻣﻦ ﺃﻭﻝ ﻧﻬﺎﺭ ﺑﺪﺍﺕ ﺍﻟﺤﻜﺎﻳﺎﺕ ﻣﻌﺎﻫﺎ ﻟﺘﻮ .... ﺣﻜﺎﺕ ﻣﻌﺎﻩ ﻋﻠﻲ ﺇﻧﻔﺮﺍﺩ ﻣﺤﺒﺘﺶ ﻗﺎﺳﻢ ﻳﺴﻤﻊ ﺍﻟﺸﻲ ﺍﻟﻲ ﻗﺎﻋﺪ ﻳﺼﻴﺮ ﻣﻌﺎﻫﺎ .... ﻛﻤﻞ ﺍﻟﻄﺒﻴﺐ ﻭ ﻋﺮﺿﻮ ﻗﺎﺳﻢ ﺩﻳﺮﺍﻛﺖ
- ﺃﻱ ﺩﻛﺘﻮﺭ ﻃﻤﻨﺎ ﻣﺮﺗﻲ ﻟﺒﺎﺱ
- ﺣﺴﺐ ﻣﺎﻧﻲ ﻧﺸﻮﻑ ﻣﺮﺗﻚ ﻟﺒﺎﺱ ﻋﻠﻴﻬﺎ ﺃﻣﺎ ﻓﻤﺎ ﺣﻜﺎﻳﺎﺕ ﻗﺎﻋﺪﺓ ﺗﺼﻴﺮ ﺗﺤﺐ ﺗﻬﺒﻠﻬﺎ ﺧﺎﺗﺮ ﻣﺮﺗﻚ ﻭﺍﻋﻴﺔ ﺑﺎﻟﺸﻲ ﺍﻟﻲ ﻳﺼﻴﺮ ﻓﻴﻬﺎ ﻭ ﺯﻳﺪ ﻫﺎﻭ ﺍﻟﺪﻟﻴﻞ ﻭ ﻳﺪﻫﺎ ﻣﺠﺮﻭﺣﺔ ﻭ ﺍﺫﺍ ﻛﺎﻥ ﻓﻤﺎ ﺭﻭﺡ ﺳﺎﻛﻨﺔ ﻓﻲ ﺍﻟﺪﺍﺭ ﻣﺘﻠﺤﻘﻬﺎﺵ ﻣﻦ ﺑﻼﺻﺔ ﻟﺒﻼﺻﺔ ﻭ ﺗﺠﺮﺣﻬﺎ ﻛﺎﻧﺖ ﻣﻤﻜﻦ ﺗﻘﺘﻠﻬﺎ ﻓﻲ ﻟﺤﻈﺔ
- ﻛﻴﻔﺎﻩ ﻣﺠﺮﻭﺣﺔ
- ﺍﻱ ﻭ ﺟﺮﺡ ﻛﺒﻴﺮ ﺷﻮﻱ
- ﻳﻌﻨﻲ ﻣﻤﻜﻦ ﺍﻟﻲ ﻗﺎﻋﺪ ﻳﺼﻴﺮ ﺍﻟﻜﻞ ﺗﻤﺜﻴﻠﻴﺔ
- ﺃﻱ ﻣﻤﻜﻦ ﺍﻧﺖ ﺗﻌﺮﻑ ﺑﺎﻟﻤﺤﻴﻂ ﺍﻟﻲ ﻋﺎﻳﺶ ﻓﻴﻪ ﺷﻜﻮﻥ ﻣﻤﻜﻦ ﻳﺤﺒﻠﻚ ﺍﻟﻤﺬﺭﺓ
- ﻣﺸﻜﻠﺔ ﻣﻌﺪﻧﺎ ﺧﻠﻄﺔ ﺑﺤﺪ ﻭ ﻣﻨﺠﻨﻢ ﻧﺸﻚ ﻓﻲ ﺣﺘﻲ ﻭﺍﺣﺪ
- ﻟﻮﺝ ﺍﻛﻴﺪ ﺗﻮ ﺗﻠﻘﻲ ﺷﻜﻮﻥ ﻧﺎﻗﻢ ﻋﻠﻴﻚ
- ﺑﺎﻫﻲ ﺩﻛﺘﻮﺭ ﻋﻴﺸﻚ
ﺭﻭﺡ ﺍﻟﻄﺒﻴﺐ ﻭ ﻗﺎﺳﻢ ﺩﻳﺮﺍﻛﺖ ﻫﺪ ﻋﻠﻲ ﺗﺴﻨﻴﻢ ﺍﻟﺪﺍﺭ ... ﺟﺒﺪﻟﻬﺎ ﻳﺪﻫﺎ ﻳﻠﻮﺝ ﻓﻲ ﺍﻟﺠﺮﺡ ﻭﻳﻨﻮ
- ﻫﻜﺎ ﺗﺘﺠﺮﺡ ﻭ ﻣﺘﻘﻮﻟﺶ
- ﺳﻴﺒﻨﻲ ﺷﻜﻮﻧﻚ ﺍﻧﺖ ﺑﺎﺵ ﺗﺘﺪﺧﻞ ﻓﻴﺎ
- ﺗﻲ ﺟﺮﺡ ﻛﻴﻤﺎ ﻫﻜﺎ ﻭ ﺗﺨﺒﻴﻪ ﻋﻠﻴﺎ ﻣﺎﻭ ﻟﺒﺎﺱ ﻭ ﺗﺰﻳﺪ ﺗﺨﻠﻴﻪ ﻫﻜﺎﻛﺎ
ﺟﺎﺑﻠﻬﺎ ﻣﻌﻘﻢ ﻭ ﻗﻌﺪ ﻳﺪﺍﻭﻱ ﻓﻴﻬﺎ ﻭ ﻫﻲ ﺗﺘﻮﺟﻊ ﻣﻌﺎﺵ ﻣﻨﺠﻤﺔ
- ﻗﺎﺳﻢ ﺳﻴﺒﻨﻲ ﻋﻴﺸﻚ ﻟﺤﻈﺔ
- ﺷﺒﻴﻚ
- ﺑﺎﺵ ﻧﺮﺩ ﻣﻌﺎﺵ ﻧﺠﻢ ﻧﺘﺤﻤﻞ ﺍﻟﻮﺟﻴﻌﺔ
ﺩﺧﻠﺖ ﻃﻮ ﻟﻠﺤﻤﺎﻡ ﺗﺮﺩ ﻭﺟﻬﺎ ﺻﻔﺎﺭ ﻭ ﺧﻠﻮﻗﻬﺎ ﺩﺍﺭﺕ
- ﺗﺴﻨﻴﻢ ﻣﺎﻭ ﻟﺒﺎﺱ
- ﻟﺒﺎﺱ ﻟﺒﺎﺱ ﺟﻴﺴﺖ ﻣﺤﻤﻠﺘﺶ ﻧﺸﻮﻑ ﺍﻟﺠﺮﺡ
- ﺑﺎﻫﻲ ﺗﻤﺪﺩ ﻋﻠﻲ ﺍﻟﻔﺮﺵ ﻭ ﻣﻌﺎﺵ ﺗﻐﺰﺭﻟﻮ ﺑﺎﻫﻲ
- ﺑﺎﻫﻲ
ﺗﻤﺪﺩﺕ ﻋﻠﻲ ﺍﻟﻔﺮﺵ ﻭ ﺑﻘﺎ ﻫﻮ ﻳﺪﺍﻭﻱ ﻓﻴﻬﺎ ﻛﻴﻔﺎﻩ ﻣﺪﻭﺭﺓ ﻭﺟﻬﺎ ﻭ ﻫﻲ ﺻﻔﺮﺍﺀ ﻛﻲ ﻛﻌﺒﺔ ﺍﻟﻘﺎﺭﺹ .. ﺑﺎﻳﻦ ﻋﻠﻴﻬﺎ ﺍﻟﺘﻌﺐ ﻭ ﺍﻟﻘﻠﻖ .... ﻛﻤﻠﻠﻬﺎ ... ﻏﻄﺎﻫﺎ ﻭ ﺧﺮﺝ ...
ﻧﻤﺸﻮ ﻟﺤﻮﺍﺭ ﻳﺪﻭﺭ ﺑﻴﻦ ﺣﻤﺎﺗﻬﺎ ﻭ ﺷﺨﺼﻴﺔ ﻣﻮﺵ ﺑﺎﺵ ﻧﻘﻮﻝ ﻋﻠﻴﻬﺎ ﺷﻜﻮﻥ
- ﺍﻧﺖ ﺍﻟﻲ ﻗﺎﻋﺪ ﺗﻠﻌﺐ ﻣﻊ ﻛﻨﺘﻲ ﻓﻲ ﻟﻌﺒﺔ ﻣﺴﺨﺔ
- ﺷﻨﻮﺍ ﺗﺤﺒﻨﻲ ﻧﻌﻤﻞ ... ﻭﻻ ﺗﺤﺐ ﺍﻟﻔﻠﻮﺱ ﺍﻟﻜﻞ ﺗﻤﺸﻴﻠﻮ ﻫﻮ ﻭﻳﺎﻫﺎ ﻭ ﺃﻧﺎ ﻧﻘﻌﺪ ﺣﺎﻝ ﻓﻤﻲ
- ﻭ ﻛﻨﺘﻲ ﻓﺎﺵ ﺟﺎﺕ ﻣﺴﻜﻴﻨﺔ
- ﻟﻴﺎ ﻭ ﻟﻴﻬﺎ ﺭﺑﻲ ﻣﻌﻨﺪﻱ ﻣﻨﻌﻤﻠﻬﺎ ﺟﺎﺕ ﻓﻲ ﺍﻟﻌﺮﺍﺿﺔ
- ﺇﺫﺍ ﻣﺎﺯﺍﻝ ﺗﺼﻴﺮ ﺃﻱ ﺣﻜﺎﻳﺔ ﺗﻠﻮﻡ ﻛﺎﻥ ﺭﻭﺣﻚ
- ﻣﻌﺎﺵ ﺗﻨﺠﻢ ﺗﻮﻗﻔﻨﻲ ﺗﻮ ﺧﺎﺗﺮ ﻓﻤﺎ ﺷﻜﻮﻥ ﻣﻌﺎﻳﺎ
- ﺷﻜﻮﻥ
******-
- ﺑﺎﻟﺮﺳﻤﻲ
- ﺃﻱ
- ﻭﻗﺘﺎﻩ ﺭﺟﻌﺖ
- ﻣﻌﻨﺪﻫﺎﺵ ﺑﺮﺷﺎ ﻭ ﻗﻠﺒﻬﺎ ﻳﻐﻠﻲ ﻋﻠﻲ ﻗﺎﺳﻢ
- ﻳﺎ ﺳﺎﺗﺮ ﺃﺳﺘﺮ
ﺍﻟﺤﻠﻘﺔ :22
ﺗﻠﻢ ﻓﻲ ﺩﺑﺸﻬﺎ ﻭ ﻗﻠﺒﻬﺎ ﻳﻐﻠﻲ ﺑﺎﻟﻐﺰﻭﻝ ﻭﻳﻦ ﺗﺘﺬﻛﺮ ﺷﻨﻮﺍ ﺻﺎﺭ ﻣﻌﺎﻫﺎ ﺍﻟﺪﻡ ﻳﻄﻠﻊ ﻟﺮﺍﺳﻬﺎ
- ﺍﺍﺍ ﺗﺴﻨﻴﻢ ﺷﺘﻌﻤﻞ
ﻃﻔﺘﻮ ﻭ ﻣﺠﺎﻭﺑﺘﻮﺵ ﻭ ﻫﻲ ﺗﻠﻢ ﻓﻲ ﺩﺑﺸﻬﺎ ﻣﻌﻼﺑﺎﻟﻬﺎﺵ ﺑﻴﻪ
- ﻧﺤﻜﻲ ﻣﻌﺎﻙ ﺭﺍﻭ ﻣﺘﻌﺎﻣﻠﻨﻴﺶ ﻫﻜﺎ ﺍﻭﻙ
- ﻧﺘﺠﺎﻭﺯﻙ
ﻗﺮﺏ ﻣﻨﻬﺎ ﻭ ﺩﻭﺭﻟﻬﺎ ﻳﺪﻫﺎ ﻭﺭﺍﺀ ﻇﻬﺮﻫﺎ
- ﻛﻲ ﻧﺤﻜﻲ ﻣﻌﺎﻙ ﻣﺘﺘﺼﺮﻓﺶ ﻣﻌﺎﻳﺎ ﻫﻜﺎ
- ﻳﺎ ﺑﻬﻴﻢ ﻳﺪﻱ ﻣﺠﺮﻭﺣﺔ ﺍﻟﻬﻢ ﻫﺬﺍ
- ﺍﻭﻙ ﻫﺎﻧﻲ ﺳﻴﺒﺘﻚ ﻭ ﺗﻮ ﻗﻠﻲ ﺷﺒﻴﻚ ﺗﻠﻢ ﻓﻲ ﺩﺑﺸﻚ
- ﺑﺎﺵ ﻧﺮﻭﺡ ﻟﺪﺍﺭﻧﺎ
- ﻭ ﺃﻧﺎ ﺷﺒﻴﻨﻲ ﻣﺎ ﻓﻲ ﺑﺎﻟﻴﺶ
- ﻋﻼﻩ ﻻﺯﻡ ﺗﻌﺮﻑ ﻛﻞ ﺷﻲ
- ﺃﻛﻴﺪ ﻻﺯﻡ ﺑﺎﻟﻄﺒﻴﻌﺔ
- ﺷﻮ ﻣﻨﺤﺒﺶ ﻧﺘﻌﺎﺭﻛﻮ ﺑﺮﺷﺎ ﺑﺎﺵ ﻧﻤﺸﻲ ﻧﻌﺪﻱ ﺃﻳﺎﻣﺎﺕ ﻓﻲ ﺩﺍﺭﻧﺎ ﻧﺤﺐ ﻧﺮﺗﺎﺡ ﺷﻮﻱ ﻭ ﻧﺮﺟﻊ
- ﺯﻳﺪ ﺃﻗﻌﺪ ﻧﻬﺎﺭﻳﻦ ﺃﺧﺮﻳﻦ ﻭ ﺍﻣﺸﻲ
- ﻻ ﻣﻌﺎﺵ ﻧﺠﻢ ﻧﻘﻌﺪ ﻫﻮﻧﻲ
- ﺃﺳﻤﻌﻨﻲ ﻫﻴﺎ ﻛﻠﻤﺔ ﻭﺣﺪﺓ ﻧﻬﺎﺭﻳﻦ ﻭ ﺗﻨﺠﻢ ﺗﻤﺸﻲ ﺗﻮ ﻻﺯﻡ ﺗﻘﻌﺪ ﻫﻮﻧﻲ ﻟﻴﻦ ﻧﺸﻮﻑ ﺷﻨﻴﺎ ﺣﻜﺎﻳﺔ ﻫﺎﻟﺰﻣﺎﺭﺓ ﻟﻘﺎﻋﺪﺓ ﺗﺼﻴﺮﻟﻚ
- ﺑﺎﻫﻲ ﺑﺎﻫﻲ ﺑﺎﻫﻲ ﺃﺑﻌﺪﻧﻲ ﺍﻟﻬﻢ ﻫﺬﺍ ﻣﺨﻴﺐ ﺭﻳﺤﺘﻚ ﺍﻣﺸﻲ ﺃﻋﻤﻞ ﺩﻭﺵ
- ﺑﺮﺑﻲ ﺳﺎﻋﺔ ﺃﻧﺎ ﺗﻮ ﻛﻲ ﺧﺎﺭﺝ ﻣﻦ ﺩﻭﺵ ﻭ ﺑﺮﻓﺎﻥ ﻟﻨﺴﺘﻌﻤﻞ ﻓﻴﻪ ﻣﺒﺪﻟﺘﻮﺵ
ﺣﻄﺖ ﻳﺪﻫﺎ ﻋﻠﻲ ﻓﻤﻬﺎ ﻭ ﻣﺸﺎﺕ ﺗﺮﺩ ﻟﻴﻦ ﻓﺸﻠﺖ
- ﺗﺴﻨﻴﻢ ﻟﺒﺎﺱ
- ﻟﺒﺎﺱ ﻟﺒﺎﺱ
ﺗﻜﺎﻫﺎ ﻋﻠﻲ ﺍﻟﻔﺮﺵ ﻭ ﻗﻌﺪ ﻣﻘﺎﺑﻠﻬﺎ
- ﺗﺴﻨﻴﻢ ﺷﻨﻮﺍ ﺗﺤﺲ ﻓﻲ ﺭﻭﺣﻚ ﺗﻮ
- ﺳﺎﻓﺎ ﺷﻮﻱ ﺩﻭﺧﺔ ﻭﻛﻬﻮ
- ﺗﺤﺐ ﻧﻬﺰﻙ ﻟﻠﻄﺒﻴﺐ
- ﻻ ﻣﻔﻤﺎﺵ ﻋﻼﻩ ﻳﻤﻜﻦ ﺗﻌﺐ ﺍﻟﻤﺪﺓ ﺍﻷﺧﻴﺮﺓ ﺭﺟﻊ ﻋﻠﻴﺎ
- ﺑﺎﻫﻲ ﻛﺎﻥ ﺗﻘﻠﻘﺖ ﻗﻠﻲ ﻣﺘﺤﺸﻤﺶ ﻣﻨﻲ
- ﺑﺮﺑﻲ ﺃﻧﺎ ﻣﻦ ﻭﻗﺘﺎﻩ ﻧﺤﺸﻢ ﻣﻨﻚ
- ﻧﻌﺮﻓﻚ ﺭﻗﻌﺔ ﺯﺍﻳﺪ
ڨﺤﺮﺗﻠﻮ ﻭ ﺗﻜﺎﺕ ﺭﻗﺪﺕ .... ﻗﻌﺪ ﻗﺎﺳﻢ ﺑﺠﻨﺒﻬﺎ ﻳﺘﻔﺮﺝ ﻓﻴﻬﺎ ﻛﻴﻔﺎﻩ ﺭﺍﻗﺪﺓ ﻭ ﻳﺘﺒﺴﻢ ﻭﺣﺪﻭ ﻣﻨﻐﻴﺮ ﺳﺒﺐ ... ﺳﺎﻋﺎﺕ ﻳﺤﺲ ﺭﻭﺣﻮ ﻣﺮﺗﺎﺡ ﻣﻌﺎﻫﺎ ﻭ ﺳﺎﻋﺎﺕ ﻳﻘﻠﻘﻮ ﻭﺟﻮﺩﻫﺎ ... ﺍﻟﺸﻲ ﺍﻟﻲ ﻗﺎﻋﺪ ﻳﺼﻴﺮ ﺍﻟﻔﺘﺮﺓ ﺍﻷﺧﻴﺮﺓ ﺧﻼﻫﻢ ﻗﺮﺍﺏ ﺑﺮﺷﺎ ﻟﺒﻌﻀﻬﻢ ﻳﻤﻜﻦ ﻛﺎﻥ ﻣﻮﺵ ﻫﻲ ﺧﺎﻳﻔﺔ ﻣﺘﺨﻠﻴﻬﺶ ﻳﺮﻗﺪ ﻣﻌﺎﻫﺎ ﻓﻲ ﻧﻔﺲ ﺍﻟﺒﻴﺖ ﺟﻤﻠﺔ ﺃﻣﺎ ﺍﻟﻲ ﺻﺎﺭ ﺍﻧﻮ ﻫﻲ ﻭﻻﺕ ﻃﺎﻟﺒﺘﻮ ﺑﺎﺵ ﻳﻜﻮﻥ ﻣﻌﺎﻫﺎ
ﺩﻧﻴﺎ ﺩﺧﻠﺖ ﺑﻌﻀﻬﺎ ﻭ ﻛﻞ ﻭﺍﺣﺪ ﻳﺨﻤﻢ ﻓﻲ ﺃﻟﻒ ﺣﻜﺎﻳﺔ ﻭ ﺣﻜﺎﻳﺔ ... ﻓﻲ ﻟﺤﻈﺎﺕ ﻳﻐﺰﺭ ﻟﻠﺒﻼﺭ ﻳﺸﻮﻑ ﻋﻠﻴﻪ ﻛﺘﻴﺒﺔ ﺑﺎﻟﻠﻮﻥ ﺍﻷﺣﻤﺮ ... ﺗﻔﺠﻊ ﻛﻲ ﺷﺎﻓﻬﺎ ﻭ ﻗﻌﺪ ﻳﻘﺮﺍ ﻓﻴﻬﺎ
" ﺍﻟﻤﺎﺿﻲ ﻳﻌﻴﺪ ﻧﻔﺴﻪ ﻣﺎ ﻓﻌﻠﺘﻪ ﻗﺒﻞ 10 ﺳﻨﻮﺍﺕ ﺳﻴﻨﻌﺎﺩ ﻻﻛﻦ ﺑﺘﻐﻴﺮ ﺍﻟﺸﺨﺼﻴﺎﺕ "
ﺣﺲ ﻗﻠﺒﻮ ﺿﻐﻂ ﻋﻠﻴﻪ ﻣﻴﻌﺮﺵ ﻳﺨﺎﻑ ﻋﻠﻲ ﺭﻭﺣﻮ ﻭﻻ ﻳﺨﺎﻑ ﻋﻠﻲ ﺗﺴﻨﻴﻢ ﺍﻟﻲ ﺟﺎﺕ ﻓﻲ ﺍﻟﻌﺎﺭﺿﺔ ﻭ ﻫﻲ ﻣﻌﻨﺪﻫﺎ ﺩﺧﻞ ﻓﻲ ﺣﺘﻲ ﺷﻲ
ليست هناك تعليقات:
إرسال تعليق