الرئيسية غير مصنف احببت ابن خالتي الجزء الثاني

احببت ابن خالتي الجزء الثاني

قصص وحكايات 22

A+ A-

تعدات ليامات مهدي كان خانق فيهم ميرال عاللخر لازم يعرفها فين مشات و منين جات يهزها ويجيبها و كل مرة يكلمها بش يعرف هي فاش تعمل .. كان كل مرة يشك انها ممكن تكون قابلتو ولا جاها و يمرجها بالاسئلة..
بعد بجمعتين عمر ظهر و لاول مرة بعد اكا النهار كانت خارجة مالفاك كلمها مهدي و قلها شوية و نكون عندك .. كانت ماشية هي وصحبتها و طفل يقرى معاها و تلقى عمر واقف يستنى فيها من بعيد حسبت روحها مشافتش هبطت اللينات ع عينها و غطست في تلفونها لين محست بيه كان جبدها من ايدها
-ميرال ستنى
وقفت و تلفتتلو بقات تخزرلو مشوار و جبدت ايدها و تعدات زاد جبدها بقوة
-ميرال لازم تسمعني أعطيني فرصة نحكي معاك كلمتين
-ميىال هانا مشينا احنا
-باهي à demain
صحابها مشاو وهي خزرتلو كانت مربوثة و داخلة بعضها و في نفس الوقت كانت خايفة لا مهدي يوصل ويراها معاه
-منحبش نراك ولا نحكي معاك و كلامك معاش يعنيني انت بكلك معاش تعنيني و كيما قلت انت "راك حاجة و وفات " و عيشك معاش تقلقني
-ميرال متحاولش تكذب ع روحك نعرفك مزلت تحبني و مستحيل تنجم تنساني كيما انا منجمتش ع قد ما حاولت و اني نقنع روحي انك حاجة و وفات اما منجمتش و مستحيل كان نجم خاطرك احلى حاجة صارتلي في حياتي واللي خلاني نتصرف معاك هكاكة هو كثر الهم و المشاكل خلاتني معاش نجم نتحمل اما توا فقت و مستعد نضحي و نتحمل كل شي ع خاطرك كيما قبل
-ههه كلامك جاء ياسر روتار ... معاش حاشتي بيه توا و ننصحك من غير متعب روحك
مشات وخلاتو وهو بقى حابس في بلاصتو بعد قام يصيح
-منيش بش نسلم يا ميرال نوعدك بش يجي النهار و نخليك تسامحني و ترجعلي و يكون في علمك راك كل يوم بش تلقاني قدامك و في كل بلاصة ...
بقات تمشي بثيقة و مفوتة فيه بلعت ريقها و حست روحها خايفة من كلامو حستو مصمم و مهوش يلعب .. هزت راسها و بعدت شعرها ع وجها و كرهبت مهدي تحبس مقابلتها .. زادت دخلت بعضها اكثر كانت تمشي و خايفة لا مهدي يراه ولا يكون راهم وسايي .. طلعت في الكرهبة ساكتة و مهبطة راسها.. تستنى في ردة فعلو و مهدي بقى يخزرلها متحركش زادت دخلت بعضها
-شنوا ويني بوستي !!
كيف سمعتو بش تفرهدت نحات اللينات و عطاتو بوسة ع خدو
-سنستك و وحلت فيك ..
-ههه كهو منكسروش القاعدة
ميرال كانت ديما كيف تهبط مالكرهبة تعطيه بوسة ع خدو و تمشي تجري و كيف تطلع كيف كيف.. وبعد ميكملو يسهرو و كيف تجي بش ترقد تبسو و تمشي .. حاجات تعملهم بطريقة عفوية و تلقائية مهدي اول مرة كان يستغرب و يبقى يخزر ولا يضحك عليها لين ستانس و ولاتلو حاجة عادية و لازم منها وكان تنسى يحس حاجة ناقصة و يطلبها منها تقول حقو و مستحقو...

 كانت ثنية كاملة ساكتة و سارحة موش من عوايدها مستانسة ماللي تطلع و هي تحكي متسكتش و تحكيلو ع اتفه حاجة صارت معاها. ..
-احكيلي ماللخر شبيك و متقليش شي و ما شي خاطرني حافظك
-ههه شبش نحكيلك زادة
-قلي شفما ماكش قد بعضك شكون عليك !!!!!
كانت عارفتو موش بش يسيبها الا ميعرف السبب و حكاية فارغة كان بش تبقى تنكر دونك لازم تقلو ع حاجة مقلقتها
-مهدي تضربت في واحد عجبني عاللخر اما المشكلة حسيتو موش معبرني اوووف زح بش نهبل
خزرلها و قعد ساكت
-مهدي نكلم فيك راو قلي شنعمل
-معندك متعمل تلهى في قرايتك خيرلك مالحكايات الفارغة متاعك
-بقلا ع راسك ماو لازم واحد نبدل بيه الجو و نملا بيه وقتي فديت مالوحدة
-هاو بش نرميك مالشباك تو تبدل الجو ع قاعدة
-وووه مهدوشي شبيك تقلبت سملا --' جاب ربي انت شديت صحيح بش نحكيلك .. اما طلعت ياسر حزااار يا وحيٍد
ڨحرلها و فوت فيها و بعد عاود تلفتلها
-هذا يدل انك نسيت اكا الطحان
هزت حاجبها و بقات تخزرلو اخر حاجة كانت تتوقعو يقولها شو مخو فاش يخمم --'
-تكلم جاوبني! نسيتو
-باز يا مهدي و شمجبدنا فيه توا
-هيا باهي رد بالك مالا و في صورة ما جاك ولا تقابلو حتى بالصدفة تجي تقلي طول سمعتني و متعطيهش الفرصة بش يحكي معاك فهمت
-باهي يا مهدي باهي قداه من مرة تقولهولي لكلام هذا توا شبيك ياسر مالي بيه راسك تقول درا شعملك
خذا فران و خزرلها كان يحكي بصوت عالي و يحكي بيدو
-عمل و عمل بررشا زادة باين فيك نسيت دموعك نسيت الصدمة لي كليتها نسيت قداه عذبك و قعدت ماخذة ديبريسيون و متقومش مالفرش جاك شوية لي عملو معاك
-هاك قلت عملو معايااا !! معاياااا انا موش معاك انت
-وانت متااااااااعي انا
الجملة هذيكة خرجها من غير ميشعر صاح في وجها لحظتها و قعد حابس يخزرلها .. بعد بلع ريقو و حس روحو تربث شوية
-ق.قصدي انك في مقام اختي الصغيرة و اللي مسك يمسني .. .

رجع تكى في كرسيه و خدم الكرهبة دايخ موش فاهم شبيه ولا يحكي هكاكة وينفعل على مفم شي ..الحلقة 52
تعدات ليامات و مكنتش هذيكة اول مرة يجيها للفاك عمر مكان خايف من شي و من حد كان يحب يرجع للميرال و بأي طريقة .. عرف لبلاصة لي تترانا فيها و ولى يمشيلها حتى للغادي ميرال كانت بش تهبل مهيش فاهمة منين يطلعلها و منين يعرف البلايص لي تمشيلها و حتى كيف تحاول تتجنبو يشدها بالقوة بش يحكي معاها .. ساعات تخمم بش تحكي للمهدي لكن تخاف تعرفو يستنالو فيها.. تواصلت لحكاية بررشا لين ولات معاش تحب تخرج ولا تمشي تقرى .. وصل حتى دبر رقمها و ولى يقلق فيها بالتلفون كان كل يوم يبعثلها مساجات .. حست روحها تخنقت و معاش تنجم تتصرف وحدها تمنات لو مهدي جاء متفهم و مينفعلش ولى راو قتلو هو الوحيد لي تنجم تشكيلو و تتخبى عندو و يحميها مالناس الكل .. لكن في الوضع هذا متنجمش .. ع قد متعاركت معاه و سمعتو ميكره بش يبعدها و شي .. ساعات كلامو و مساجاتو تخليها تحن و تفكر انو علاش لا متعطيهش فرصة حستو صادق و نادم و فيسع متبعد الفكرة من راسها و ترجع تخمم في كلام مهدي..

لين نهار وصلت بيه الدنائة و صل مشالها للدار كانت متقراش لعشية و مكان فما حد في الدار حتى كن نجلة خرجت هي و السوفور بش تشري قضيات للدار .. ميرال كانت راكشة في الصالة تحت لغطاء تتفرج و تشرب في قهوة سخونة.. سمعت الباب يدق استغربت و قامت بالسيف تتأفف
-ااااه منك يا ريان ديما ناسي مفاتحك
حلت الباب و ترى في عمر واقف قدامها بقات حالة فمها مصدومة
-شتعمل انت هوني كيفاش خلاك العساس تدخل
-قتلو لي انا جيت بش نعطيك كور ناقصك دخلني
(عمر كان طويل و ابيض يلبس لينات كان حليلتو و يعرف يلبس سي نرمال العساس صدقو و مشكش فيه وخلاه يدخل)
-اخرج تحررررك ولا نقلب عليك الدنيا تعرف كان يراك ولد خالتي هوني شينجم يعمل فيك
دزها و دخل سكر الباب
-ولد خالتك متع وذني موش هوني سافر البارح في الليل و فيبالي يرجع كان غدوة و راجل خالتك يخدم و خالتك كيف كيف و الخدامة و الشوفور ريتهم كيف خرجو دونك مفما حد في الدار غيرنا
قامت تصيح و دز فيه بش يخرج
-ميرال انت لزيتني بش نتصرف هكا نحبك تعرف لي انا نجم نوصلك وين ما انت و نجم حتى نخطفك المفيد ترجعلي دونك يزي بلا كسوحية راس و صفي قلبك خيرلك راني منيش مسيبك افهم
-متحشمش جايني لهوني و تهدد فيا مالفوق اخخخرررررج اخخرررج شكرهتك
-انت لي لزيتني بش نتصرف هكا.. ميرال افهم راني نحبكككك للدرجة نسيت حبنا زح شبييييك فيييق راني عمررررر.. اخزرلي لعيني اخزرر و قلي كرهتك و نسيتك قولهم فعيني
كان شادها و هي دز فيه و تعيط
-تي اخررررج عليااااا اخررررج
قربها ليه بقوة و حط شفايفو ع شفايفها و باسها بكل ما عندو من قوة بوسة كلها غل و وحش و حب ..
ميىال برقت عينها و اول مستوعبت الشي لي عملو بقات تجبد في روحها و تحاول تبعد لكنو كان اقوى منها .. بعد عليها و قعد يخزرلها و يلهث و يحكي بشوية
اول بوسة بيناتنا حبيتها تكون سباسيال يكون فيها رغبة متبادلة بوسة كلها حب .. سامحني اما منجمتش نشد روحي متوحشك برررشا متوحش كل حاجة فيك متخلينيش نتوحشك اكثر ميرال بش منزيدش نغلط اكثر .. والله مستعد نخطفك و نهرب بيك و منيش نفدلك .. خمم و راجع روحك تفكر حبك ليا تو وحدك وحدك تفيق ..

خرج و خلاها .. طاحت ع ركايبها و تفلقت بالبكاء كانت حاطة ايدها ع فمها و تبكي بحرقة كبيرة كانت خايفة منو و خايفة ماللي جاي.. كانت تبكي و ترعش موش فاهمة في لحظة شصار و موش عارفة شبش تعمل ...

بعد مسحت دموعها و طلعت تجري لبست دبشها وخرجت خذات تكسي و هبطت قدام دار مذخمة .. دقت الباب و بقات تستنى لين تحل
-ميراااال شتعمل هوني !!
-احمد متفاضي حاشتي بيك !
-اي ادخل .. شفما لباس
-عندي حاجة مقلقتني عاللخر الفترة لخرة و انت اول حد جاء ع بالي بش نحكيلو ملقيت روحي كان قدام دارك
-مغلطش كيف جيتني و نوعدك اني نحاول نعاونك باللي نجم احكيلي شفما
بقات ميرال تحكيلو في كل شي بالتفصيل لين وصلت كيفاه جاها للدار و هددها
-الساقط و الله من********
سامحني انفعلت
قلي مهدي فيبالو !؟
-لاااااا منجمش نقولو نخاف من ردة فعلو نعرفو ميشدش روحو كيف يتنرفز وينجم يقتلو عادي .. زيد هاني حكيتلك قداش مهدي مغزل منو و يستنالو في الغلطة نهار لي حكى معايا في الرستو فسدلو وجهو
-اي صاحبي و نعرفو خير كيف مقتلوش ..
-احمد عاوني عيشك والله تعبت و نحب تبقى لحكاية بيناتنا
- تهنى ماليوم احسبو حاجة و رتحت منها .. اما لي مفهمتوش كيفاش ينجم يوصلك بالطريقة هذي .. و كيفاش يعرف المعلومات هذي الكل
-انا بيدي منيش فاهمة بش نهبل والله وليت نمشي ونتلفت ورايا .. لا و زيد وصل دخلي للدار
-خليني نوصلك توا جيست اعطيني لبلاصة لي يخدم فيها و رقمو و اسم عايلتو و اس ع روحك
-شدخل عايلتو احمد شبش تعمل
-متخافش اما يلزمو تكتيتة باهية
- اوعدني انك متتهورش اعرف كيفاه تخليه يبعدني من غير مشاكل
-هذاكا شبش يصيرالحلقة 53

تعداو نهارين ميرال كانت مسكرة تلفونها و ممشاتش تقرى كان متوترة و نهار على ما طولو و هي تخمم .. ساعات تبدى راقدة تقوم تصيح في النوم تتخيل فيه معاها في البيت ..
في ليلة مهدي كان قاعد في الجردة يخدم حاط البيسي فوق حجرو و حاط ساقو فوق كرسي خرجت ميرال و مشات بحذاه
-مالدار كاملة ملقيت متخدم كان هوني باردة برشا
هز راسو خزرلها و سكر البيسي و تكسل
-منيش بردان ديجا كملت
-بش تخرج؟
-لا تاعب هاني شوي اخر وندخل نمرقد زيد غدوة عندي اجتماع مهم الصباح بكري
-باهي
-انت ماك تقرى ال9 تو نوصي منصف يجيك يهزك انا منجمش..
-هه حافظ l'emploiمتاعي اكثر مني اللطف..اما منغير متقلو منيش ماشية غدوة
-مفمااش منيش ماشية عندك درا قداه غايبة توا .. غدوة تمشي تقرى
-اخطااااانييي
هو جاء بش يجاوبها ويجيه تلفون
-ااا بو حميد
-وينك غبرت هالنهارين
-والله غاطس في الخدمة
-بش تخرج الليلة هانا في بلاصة العادة اخلط
-والله منجم تاعب في حالة و ناقص نوم
ميرال كانت لاسقة في التلفون و تسمع فاش يحكيو و مهدي كل مرة يدزها
-ياااا احمددد ايجا هزووو علينا خرجو خنرتاحو
-ههههه ميرال هذي عديها بربي
مهدي مزال متكلمش و هي تفكلو التلفون
-احممددد سافااا
-خرااك وينك شبيك مسكرة تلفونك ملقيتش كيفاه نتحصل عليك
بعدت شوية ع مهدي و بقات تتمشى في الجردة
-محبيتش عمر يتحصل عليا يمرجني بالمساجات نزيد نتوتر اكثر
-اومورو واضحة عمر متاعك هه برى حل تلفونك و عيش حياتك
-هههه يا بالرسمي يعني نجم نمشي نقرى معادش بش يقلقني
-ريت في صورة ما عرضك بالصدفة بش يدور وجهو ويبدل الثنية
-اوووف حمد الله .. اما كيفاه شعمتلوووو!!!
-كبستو شوية هه
-والله منعرش كيفاش بش نشكرك وقفتك معايا عمري ما ننساها
-معندي معملت بالعكس
-هههههههههههههه..ههههه
-شبيك تضحك هه
-مهدي مركز معايا منحبش نبينلو لي انا نحكي في حاجة sérieuse مكانش تو يمرجني هههههههههههههههه
-اااه فهمتك باهي علق و برى حل تلفونك خلينا نحكيو حتى مساجات
علقت و رجعت بحذا مهدي حطتلو تلفونو فوق الطاولة قتلو ليلتك زينة و مشات مخزرتلوش حتى في وجهو
-ستنى!!!
-شبيك مهدوشي حاجتك بحاجة
هبط ساقو من على الكرسي و خزرلها
-طرس قدامي
مشات قعدت مقابلتو بكل براءة
-شفمااا
-انت لي بش تقلي شفما!! شنوا لي كنت تحكي فيه انت و احمد و انا منعرفوش
-مفما شي!!
-منيش بهيم قدامك !! فاكة التلفون و ماشية تجري باعدة عليا كيلوماتر ساعة تحكيو و تتصنع جايبتها تتضيحك بلكشي تسخايلني منفهمكش!! نلعب بعشرة كيفك.. قلي شفما بينك و بينوووو؟؟!
-مهدي شبيك ياخي تعرف صيفنا مع بعضنا و ولينا قراب شوية صحاب يعني و جاب ربي ع عينك .. و حتى كان فما حاجة راني حكيتلك تعرفني منخبي عليك شي..
-شنوا حتى كان فما حاجة فما ايدك فرقبتك كونش
-منجاوبكش ..
-شوف متستفزنيش ..
-مهدي زح ديما تقلي قداكش مربطة فراسك شوية هاك طلعت انت لمربط انا وياه مجرد صحاب مفما شي بيناتنا و موش بش يكون فما شي من اصلو مفهمتش علاش تحب تخلق مشكلة من لاشي
-ماو لباس انت ويااااه صحاب من اصلو كان جاء حتى في عمرك الطفل اكبر منك بسبعة سنين راااو فيق فاش تحكي قتلو صحاب
-علاش انا وياك موش عبارة صحاب هاك اكبر مني بسبعة سنين و مفما حتى مشكل بالعكس
-اذاكا انا وياااك و موصلنا ولينا صحاب الا على خاطرني ولد خالتك وعايش معاك موش اي حد بش تردو صاحبك و تقارني بيه فهمت
-مهدي والله مفهمتك كيفاه تخمم ..
شبيك تبدلت ياخي تي انت كنت تشجع فيا بش نعمل صحاب و..
-اعمل صحاب مع ندادك لي يقراو معاك موش جاية دازتلي الصحبة مع صاحبي ..
-شنوا لي مقلقكك مفهمتش شنوا لي فيها غالط لحكاية
-متناقشنيش ميرال كلمتين مزلت نراك تحكي معاه ولا نسمع بيك حكيت معاه ماكش بش تسلم مني لا انت ولا هو و تو نتفاهم معاه هو
-ههه ياخي غيرة هذي ولا شنية؟
-ميرااال منيش نفدلك معاااك راني
-قداش نفدك منك كيف تبدى تتصرف هكا ياسر تحب السيطرة راك ياسر فيق الزح تحب الناس الكل تتحكم فيها و تمشيها ع كيفك شتربح في لخر مفهمتش
-مندخل في حد و ميهمني في حد كونش الكعبتين لي قرابلي و اللي منهم انت بطبيعة و توا برا ارقد غدوة بش تمشي تقرى
تأففت في وجهو و طلعت تجري بش تتفلق بالغش كل مرة يزيد يخنقها اكثر و اكثر حاسة روحها نهار بش تترشق في وجهو بطريقة خايبة....

هو ضرب الكرسي لي قدامو جابو بعيد .. كان في كل مرة بعد ميعاركها يحس روحو كثرلها و انو تصرف بطريقة مبالغ فيها ويحس روحو دخل في حاجات نوعا ما موش من حقو .. اما مينجمش يشد روحو ويتصرف بطريقة اخرى هذاكا شقلو مخو ولي قلو عليه مخو ييعملوالحلقة 54

ميرال كانت غاطسة في الاڨزامانات كل يوم تسهر تحضر و كل مرة مهدي يطل عليها يهزلها قهوة ولا يقلقها شوية و يخرج .. كانت كل نهار تعدي دفوار و تروح .. و اخييييييراااا كملتهم و دخلت في العطلة نهارتها روحت فرحانة و عاملة جو اول نهار تروح و مهيش تخمم في التحضير .. عبات البانو بالماء السخون و بقات فيه بعد خرجت لبست بيجاما و بقات في مكتب سي يوسف تسرق في شوية كتبة بش تعمل عليهم جو في هالعطلة.. نهار كامل عدتو في الدار تخنتب مرة تقرى في كتاب مرة تكونكتي مرة قاعدة تهر ع نجلة في الكوجينة و في اخر لعشية خرجت للجردة و بقات تزرع كيما العادة كانت عاملة جو عالجردة و ناوية تعمل فيها بررشا حاجات الجنان متع الدار كل مرة تطلعلو بطلعة يقعد يتبع فيها مسيكن كل مرة جايبتلو نبتة بش يزرعوها --'
روح مهدي اخر لعشية يلقاها غاطسة في التراب تحفر دبشها مسخ وهي عاملة فروحها حالة ..
-اااا فرج شتعمل
-يزي بلا مصاطة
-هه شالحالة لي فيك قوم و يزي بلا لعب جردة خربتها كل مرة ناقبة نقبة
-اش فهمك انت في الحجات هذي برا اخطاني شاورت دجو و قلي اعمل لي تحب
-محلك عينك كان دجو متاعك .. قلي شعملت فدفوار ليوم
-خارق للعادة ابدعت فيه هه
-هيا صحيت و مدام كملو دفواراتك حضر روحك ليلة بش نخرجك نعشيك البرة :٤
-عهههههه ياااا تحكي بجد !!!!
 تركزت عالفاس قامت و مشاتلو تجري
قعد يخزرلها يهز فيها ويحط
-حاس روحي بديت نبدل في رايي !!
-ههههه لا لا هاو بش ندخل ندوش و نحضر روحي و نحط الحطة نعملهم الكل الحاصل

مشات بقات تحضر فروحها بعد بساعتين رجعلها عمللها ابال خرجتلو كانت حاطة الحطة و عاملة شعرها بالبابيليز و حاطتو ع جنب عاملة ماكياج خفيف في عينها مسكرة و بانسو و روج غامق طلعت في الكرهبة و تسطعو ريحت البرفان متاعها لي دوخ ابارامون شراهالها هو ..
قعد يخزرلها ويثبت فيها بكل تفاصيلها
-هيا وين بش تعشيني
كان سارح فيها و بعد نطق
-وقتاه كبرت هكااا انت
شاخت ضحك و بقات تخزر للروحها في الاكرون متع تلفونها -قررت بش نولي ديما لاهية بروحي و نبين جمالي و كمالي ههههه
-بدلتك الفاك اااه مكنتش تخزر للروحك في المراية من اصلو
-ههههه توا بش نولي كل يوم في لوك جديد^^ رد بالك لا طيح فيا و كهو
-ههههههه لا متخافش باللي تعمل تقعد ميرال البوهالية و المتهمجة لي نعرفها تتبدلش في نظري ارتاااح
-شبيك ديما لسانك معيب ياخي.. قلى محلاك ليوم قلي واو صغرونتي قداش طلعت مزيانة باللوك هذا مفاها باس راو موش بش ينقص منك شي
سكت شوية تبسملها وشدها من ايدها
-عندي انا ديما محلاك وتعجبني حتى كيف تبدى مهنتلة ولابسة اكا الشورط لصفر ههه و لا قايمة مالنوم و شعرك داخل بعضو ولا كيف تبدى غاطسة في التراب في الجردة ولا كيف تبدى غاطسة في الدفوارات وجهك اصفر وعينك ذابلين.. تعجبني و نشيخ عليك في كل حالاتك
بقات ساكتة ملقات متقول اول مرة يحكي معاها هكا اول مرة يقلها محلاك ..
تعدات لحظات سكتو فيها الزوز بعد مهدي فاق ع وضعو جبد يدو وخدم الكرهبة
-هههههه تمشيش تصدق --' نعرفك دغفة
-زايد حيواااان
-ههههههه
-محسوب ناسي روحك نفكرك ولا موش لازم
-هههه يزي عاد
كانت حابة تحكي لاكن ملقات فيه حتى عيب عمرها مراتو قايم مالنوم و حالتو حليلة ديما لاهي بروحو ديما ريحت البرفان تعطعط .. عمرها مراتو مهنتل لا في الدار لا في الخدمة ديما مكستم و حاط الحطة وعامل بريستيج للروحو .. خلي عاد كيف يبدى يترانا شي اااخر --'الحلقة 55

مشى مسافة زوز كيلوماتر و يجيه مساج من سارة قتلو لي هي مريضة و وحدها في الدار حاول يكلمها مهزتش دور الكرهبة بالوقت و تلفت للميرال لي كانت غاطسة في التلفون
-صغرونتي للاسف تأجلت الخرجة سارة مريضة و وحدها يلزمني نمشي نشوفها
-لااا عاااد لا تفسدهاش اوف ملقات وقتاش تمرض كان ليوم
يا ربي ساعتين و انا نحضر فروحي و بعد تجي تقلي فماش خرجة اوف منك و منها زح..
باهي هزني نتعشاو وبعد برالها و اقعد معاها للغدوة
مهدي جاوبني .. ولا قول هي اهم مني...عندك الحق
-ميرال كلكم مهمين عندي وانت تعرف و وتعرف قداه من مرة نبجلك انت اما هذا مرض يلزمني نمشيلها لعشاء تو يتعوض نوعدك غدوة نعوضهولك ديجا سبت نتعشاو و نمشيو للبحر كالعادة
-اي باز غدوة بش تخرجني مفيهش كلام..
شوف توا 8 برالها شوفها تهنى عليها رقدها ال10 ترجع و تخرجني ميهمنيش فيك ركبتلي الله غالب ماك تعرفني مكانش نبدى نمرج بالتلفونات
-اااه مننك باهي يا سيدي كان لقيتها سافا و نجمت نجي تو نرجع نخرجك فماش طلبات اخرى للا ميرال
-رد بالك ع روحك
-ههه حاضر
هبطت مالكرهبة و دخلت .. لقات سي يوسف و مدام الهام في الصالة بقات معاهم محبتش تنحي دبشها خاطرها كانت متأكدة انو بش يرجع ويخرجها فيسع...
مهدي طول رجع و مشى للسارة كيف وصل دق الباب حلتلو الخدامة و قتلو لي هي في بيتها.. طلعلها طول دق الباب و دخل.. قعد معاها شاف شبيها و كلملها الطبيب بالسيف عليها .. و غصب عليها لعشاء .. بعد قعد بجمبها يحكي معاها و حس النوم بدى يأثر فيها شاف الوقت لقى انو مزال ينجم يرجع ويخرج ميرال
-سارة نخليك ارقد و ارتاح غدوة الصباح بكري قبل منتعدى للخدمة نجي نشوفك.. و هاني بش نخلي تلفوني محلول تستحق اي حاجة كلمني
-امان مهدي ابقى بات حذايا
-والله منجم يلزمني نمشي ارتاح انت توا
بقات مستغربة مهدي كان يستغل الفرصة بش يبات حذاها قبل .. كانت تعرف انو معندو ميعمل يا اما خارج مع لولاد ولا راجع للميرال لي تعرفو ميصبرش عليها.. باسها و جا خارج و هي تناديلو
-حقا مهدي بربي شعمل صاحبها ميرال بش خلاها تسامحو و ترجعلو!! اذاكا لي تعاركت انت معاه في القهوة نهارتها!؟
تلفت و هز حاجبو موش فاهم هي فاش تخرف
-تي لي جاء و قلها سامحني راني نادم و حب يحكي معاها وانت مخليتوش! مفهمتش كيفاه رجعو ريتهم مرتين مع بعضهم اما والله فرحتلها باين يحبها
-سارة فاش تحكي ! باين فيها السخانة اثرت فيك و خلاتك تهز ز تنفض ميرال مستحيل تاخو قرار كيما هكا من غير متقلي
-متقليش مفيبالكش ! الساعة نعرفها متخبي عليك شي بالرسمي!!!! بون مالا يمكن انا فاهمة بالغالط هه انسى
مهدي حس روحو بدا يهبل
-قلي بالتفصيل اش شفت و وين و وقتاه منغير متلعبلي بعصابي
-تي مهدي انسى ياخي حياتها احنا شدخلها فيها و برا حتى كان انت ولد خالتها معندكش الحق تدخل فيها شتعمل سبحان الله تحبو و بعد لي عملو قررت تسامحو موش ديما بش تلقى الانسان لي يحبها و تحبو
فوت فيها و خلاها و خرج مقلها حتى كلمة عرف لحديث زايد معاها..
-هههه ايا برى توا للا ميرال اش بش يخرجك من هالمشكلة باز ماكش بش تنجم تنكر انك قابلتوالحلقة 56

مهدي رجع للدار اول مدخل بالكرهبة فاقت بيه ميرال لبست صباطها و خرجتلو تجري
-ههههع عرفتك بش تجي اما بطيت رااااك والله جاني النوم
هبط مالكرهبة و عطا لمفاتح للعساس بش يڨريها في الباركينغ بعد خزر للميرال خزرة ما دل ع خير قعد مشوار يخزرلها لين تربثت و حست انو فما حاجة
-مهدي شفما مناش خارجين ياخي
-رجعتلو؟!
-شنوا رجعتلو
-متبداش تتبهنس ع امي حل فمك قلي رجعتلو عمر
-مهدي متبداش تصيح و منين طلعت بيها هالطلعة بربي
-شوف هات ماللخر خير سارة شافتك انت وياه مرتين اكيد موش بش تجي تتبلا عليك
حست روحها تربثت و دخلت بعضها
-هه لا وه باز غالطة فيا ولا تتخيل ولا .. منعرش شفز عليها غريبة والله
هز حاجبو و قعد يخزرلها كان يفهمها و يعرفها كيف تدخل بعضها
-صورتك و شفتهم التصاور بعيني و كنت انت وياه اكيد انا منيش بش نغلط فيك زادة(كذب الكذبة هذيكة حب يا اما يحصلها بيها ولا يتأكد لي لحكاية مفماش منها )
بقات ساكتة بعد خذات نفس قوي و هبطت راسها
-مهدي صحيح قابلتو اما موش بالطريقة لي في مخك والله مرجعتلو فما برشا حاجات صارو منجمتش نقلك عليهم خفت منك و عليك لا تعمل مشكلة و...
حط ايدو ع فها قص عليها حديثها و مشى و خلاها
-مهدي خليني نفسرلك
-سافا سمعت لي حاشتي بيه و ابعد من قدامي توا بش منعملش حاجة نندم عليها ابعد
-مهدي اسمعني وبعد اعمل لي تحب نعرف من حقك تتغشش خاطر خبيت عليك رغملي وعدتك بش نقلك اي حاجة تصير اما والله مكانش عندي حل اخر خفت
طفاها و جاء داخل للدار وهي شدتو كانت تحاول تحكي معاه و هو كان شاد روحو بالسيف يحس في روحو بش يطرشق في وجها مكانش يتصور انها تولي تخبي و تكذب عليه..
بقات شادتو تجبد فيه بش ياقف و بدات تحكيلو لي صار الكل كيفاه كل مرة يطلعلها في بلاصة لين وصل جاها للدار وقتها وقف و خزرلها و برق عينو
-نعممممم وصل جاء و دخلك للدار هوني
-اي اما...
مخلاهاش تكمل حديثها و رجع طول يصيح عالعساس بش يجيبلو الكرهبة ويصيح عليها يخضخض فيها بش يهبل لي في الدار الكل خرجو
-علاه محليتش فمك وقتلي من اول نهار جاك موش نبهت عليك
كان يصيح وهي ترعش مالخوف و عينها تعباو دموع
-عرفت علاش محبيتش نقلك شوف روحك كيفاه تتصرف تو تعرف علاه
دفرها خذا نفس بش يهدى
-بعد لي صار كلمت احمد حكيتلو كل شي و هو تفاهم معاه و من وقتها وفاء كل شي معاودتش شفتو دونك مفماش علاش بش تخرج و تمشيلو و تضربو و تزيد مشكلة ع مشكلة بتصرفاتك.. لحكاية مشات ع روحها توا و سايي
هزت راسها خزرتلو لقاتو واقف يخزرلها كأنو موش مصدق ولا موش مستوعب لكلام لي قالتو
-يعني احمد فيبالو بهذا لكل مشيت حكيت ليه هو.. اي وانا وين في هذا لكل
-مهدي والله خفت...
هز ايدو اشتهى يغفصها وقتها لكنو مينجمش ...هبط ايدو وكبس عليها

جابلو العساس الكرهبة طلع طول معمل حتى رياكسيون و طار بقات هي واقفة في بلاصتها لين جاها ريان دخلها وقعد يحاول يفهم منها لحكاية..الحلقة 57

قعد يدور بالكرهبة مشى للبلايص لي يعرف عمر يقعد فيهم ملقاهش دنيا قلبها عليه وشي بعد ملقى روحو كان قدام دار احمد.. حلو الباب دخل من غير ميقلو حتى السلام مشى شوية وقف و دارلو ويجبد عليه ببونيا منغير ميشعر جابو مرمي في القاعة
احمد مفهم شي هز راسو مرهوج و خزرلو
-شبيك **** !!!
-قبل متخمم تخدم مخك تفكرها البونيا هذي بلكشي تفيقك
-مهدي فاش تحكي
-نبهت عليك بش مدورش بميرال اما باين فيك متفهمش..
كيف جاتك و حكاتلك عالمشكلة لي صارتلها علاش مقتليش شكونك انت بش تدخل! توري في روحك
قام احمد وقتها وين فهم شفما
-واللهي اسألها هي قلها علاش مجيتش حكيت ليا انا ماشية تحكي لاحمد و تقلو متقولش لمهدي تو هي تجاوبك
حس الدجاج لكحل دار بيه الجملة لي قالها حرقتو من داخل و زادت على مابيه ملقى ميقول لحظتها ميرال تخلات عليه و مشات تشكي لغيرو و بيرادتها.. محملهاش و غاضتو .. قعد ليلة كاملة يشرب روح في اخر الليل يطلفح دخل للدار يسمع في حس التلفزة في الصالة لقى ميرال و ريان مزالو مصبحين يتفرجو ميرال محبش يجيها النوم ليلتها ولى ريان قعد ساهر معاها.. اول مشافتو قامت و بقات تخزرلو عينو كانو حمر و دايخ..
-ياخي مشيت لعمر !!
-بول عليك و عليه عمر متاعك معاش يهمني فيك و معاش بش ندخل في اتفه حاجة تخصك ارتاح ابعد توا من خليقتي
دفرها و ترمى عالكانابي
-مهدي باين فيك شارب مالمستحسن منحكيوش الليلة
-مالمستحسن معاش نحكيو جملة
-مهدي راك قاعد توجع فيا بكلامك شعندي عملت بش تقلي هكا
ضرب الطاولة قلبها بما فيها و قام شدها من يدها بقوة ريان كان يجبد فيه خاف لينفعل و يعمللها حاجة.. قام يصيح ع طول صوتو الدار قلبها
-على خاطرني كنت ديما خايف عليك عطيت لروحي وعد بش منخلي حد يبكيك ولا يمسك عطيت لروحي الحق اني ندخل فيك خاطر حاطك من مسؤوليتي انت شعملت !! وليت تكذب و تخبي عليا ماشية تحكي لغيري كأني انا موش موجود في حياتك لا وزيد تقلو منحبش مهدي يسمع قال شنوا خايفة مني تسيب في طحينك عمريش ضريتك بحاجة انا. .. يعني بعد هذا الكل نطلع بالنسبة ليك مجرد شخص يخوف وميعرش يتصرف تحب تتجنبو.. هه نستاهل .. اما ارتاح والله كي تبدى بش تموت قدامي لعدت ندخل فيك و تو ينفعك احمد
-مهدي متعملش هكا تعر...
معطاهاش الفرصة تحكي دزها و جاء ماشي يلقى بوه واقف يخزر و يسمع في اللي صار الكل بعد تفلق بغش في وحهو
-شنوا شحكايتك انت كل مرة عاملي فاتارية في الدار و قالب الدنيا بصياحكالحلقة 58

ميرال حست روحها تخنقت من كلامو عرفت لكلام معاه زايد مشات تجري حبت تطلع لبيتها اول موصلت لدروج تدعثر و تجي ع وجها فمها ترشق بالدم قامت تصيح و. تفلقت بالبكاء ممكن كانتلها سبلة بش تفرغ لي في قلبها و تتفرهد.. لكلهم تلفتولها مفجوعبن و اولهم مهدي لي تنطر اول واحد مشالها يجري جبدها قومها و زاد ترعب اكثر كيف شاف الدم قعد يمسحلها فيه بسوريتو من كثرت ما تربث ..قعد يشوفلها في فمها خاف لا تطلع سنها تكسرت ولا حاجة.. اي مهدي لي دقيقة لتالي كان يقلها كي تموت قدامي لعدت يهمني فيككك... جابلها سي يوسف الماء و فكها ريان من ايدو و طلعها يغسللها في وجها.. مهدي بقى واقف عدى ايدو ع شعرو و خذا نفس طويل...
-حاول تسيطر ع روحك شوية.. موش هكا نكسبو العبد
قومو بوه من سرحتو تلفتلو معطاش انتباه لكلامو و رجع قعد و حط ايدو ع راسو
،-بابا عيشك برا شوفها سافا ولا مكانش خنهزها للطبيب
-مهدي سيطر ع حبك و اعرف كيفاش تتصرف بطريقتك هذي بش تخليها تنفر منك و تكرهك و كان كرهتك صعيب ياسر انك ترجع تكسبها
خزر لبوه و قرن حاحبو مكانش فاهمو فاش قاعد يحكي حاسو خارج الموضوع الجملة
-بابا فاش تحكي بربي
-نحكي في اللي يلزمو يتحكى.. حبك لميرال خلاك تولي تتصرف معاها كالمجنون ماكش فايق بروحك فاش تعمل ولا فاش تحكي اصلا حاسك ماكش فاهم روحك.. فيق و ركز عيش ولدي
-شقصدك بحبي ليها الساعة
-شنوا متقليش ماكش فايق بروحك للتوا
-قصدك انا نحب ميرال حب حب بعني ههه والله ضحكتني و معيني في ضحك تي شبيك تهز و تنفض بابا..
-جاوبني بصدق مالا شنوا تعنيلك بنت خالتك!!
-شبش تعنيلي بربي ماي بنت خالتي عادي يعني.. بون نعزها و نحبها وبطبيعة كيما اختي موش كيما لي في بالك صحيح في مدة قصيرة ولات قريبتلي برشا تنجم تقول صحاب و ... نسى روحو و سرح شوية بعد فاق و ترسمت ع وجهو ملامح متع غش و غل...ع فكرة هي توا معاش تعنيلي شي ربي معاها و بابا موش وقتوو لحديث هذا توا واللي فمخك فسخو ولا انساه انتوما ماو كيف تشوفو اي زوز قراب تردوهم سايي غاطسين فحبك درباني.. ملا تفكير زح ..
-مهدي راني بوك و مفما حد يفهمك قدي انت تحبها ونجم نعطيك الف سبب خلاني نقول لكلام هذا اما انت راجع روحك وحدك اخزر لتصرفاتك اخزر لغيرتك للهوتك الزايدة شوف روحك قداش تتوتر وتفد كيف تبدى تحكي مع حد غيرك واولهم ايهم ولد خالتك خلي عاد مع البراني.. ومزلت تقلي كيما اختي هه
مهدي حس روحو توتر هز روحو وطلع تعدى ع بيت ميرال لقى الباب محلول شافها تحكي مع ريان.. عرف لي هي سافا.. دخل لبيتو جاء بش ينحي دبشو خزر للمراية يلقى سوريتو مسخة بالدم قعد يخزرلها "خسارتك يا ميرال " نحى السورية رماها و ترمى عالفرش مالتعب قعد سارح .. ساعات للتالي كان شايخ و عامل جو و كل شي مريڤل كان ناوي يرجع يخرجها ويبدلو الجو كيما عادتهم.. في لحظة تقلب كل شي حاس روحو غايضتو منها و في نفس الوقت حاس روحو ناقم عليها معاش عينو بش يهتم بيها ولا يخزرلها ولا يعطيها الاعتبار .. بررشا تخمام و برشا احاسيس مخلبزة زاد كمل عليه كلام بوهالحلقة 59
من غدوة قام و مشى تعدى للسارة بش يطل عليها كان يحاول يخرج لي صار الكل من مخو و معاش يهمو في شي...
دخل لقاها مزالت تفطر
-هاك قمت مالفرش شنوا سافا
-اي عزيزي خير
-سامحني البارح ماللي روحت مكلمتكش والله معاد فيا عقل
-شبيك شصار
سكت مجاوبهاش
-تعاركت مع ميرال طلعت صحيحة لحكاية منيش غالطة !!! رجعو؟!!
-لا مرجعتلوش هو كان يقلق فيها ويمشيلها هاك علاه ريتو معاها..
-باهي شصار
-تي فكني عاااااد
حست رروحها تنبزت من صيحتو قامت و قتلو بش تمشي تلبس دبشها
قعد شوية نعل الشيطان و خلط عليها بش يرضيها.. دخل يلقاها تبدل في دبشها قرب منها عنقها منتالي
-سملا مهدي وقتاه دخلت فجعتني
-ماك عود سكر الباب تو مندخلش
كانت لابسة سروال و ملفوق كان سوتيان و شادة في ايدها شوميز كانت بش تلبسها..حست روحها حشمت.. زاد دورها ليه ..
-قبيلة صحت عليك منغير منشعر متخذش عليا والله تاعب و ناقص نوم و انت طحت تسأل فددتني..
-باهي موش مشكلة اصلا ستانست بيك و بتصرفاتك معايا
-نعرف روحي فسدتها معاك ليامات لي فاتت عاللخر معاش لاهي بيك و علاقتنا بردت برشا مفمتش شبيني .. سامحني عزيزتي و نوعدك كل شي بش يتبدل ماليوم معاش يهمنا في حد انت عندي كل شي فهمت بش نرجعو كيما كنا وخير نحبك في كل لحظة تزيد تقرب مني و تكون معايا..انت كهو....

بقات تخزرلو موش مصدقة لكلام لي تسمع فيه
- تحبني مهدي!!؟ فيبالك عمرك مقلتهالي الا ما انا نسألك ولا نطلبها منك حتى كيف تقولها ظيما نحسها كلمة عابرة ماكش حاسها!!
سكت شوي و خزرلها : .. حتى كان ممشاتش لومور ليامات لي فاتو و بردت معاك شوية هذا ميعنيش اني نسيتك نحبك تعرف راك اهم حاجة عندي منحبك كان انت و مستحيل نحب غيررررك سمعتني معاش نحبك تخاف ولا تشك فيا ولا تغير من حد . نورمالمون فهمتني!!!!!!
تبسمت و عملتلو براسها اي..(عرفتو يقصد في ميرال.. حست روحها تفرهدت)
-انا هاني ماشي وانت مالمستحسن متمشيش تخدم ابرى ع قاعدة و برا الخدمة موش هاربة..
هو جاء ماشي وهي شدتو من يدو قعد يخزرلها قربت منو غمضت عينها و رسمت بوسة خفيفة ع شفايفو كانت اول مرة هي تقرب منو اول مرة يحسها راغبة في الحاجة هذيكة لكن هو لحظتها مكانش يبادلها نفس الشعور لي كان يحسو قبل عداها بتبسيمة مصطنعة دخل بعضو و خرج طلع في الكرهبة ...ضرب الفولون مفهمش شبيه ووشنوا صارلو كان يقلها نحبك و نموت عليك كان انت و في نفس الوقت فما حاجة مخلاتوش يقربها..

-اكيد نحبها لاني نكذب عليها ولا نكذب على روحي ولاني نقنع فروحي بالحاجة هذيكة بالسيف. كان مجيتش نحبها راني منيش معاها لتوا .. !!!
هبط و رجعلها وكمل لي بداتو هي كان حاب يثبت لروحو انو يحبها حب يقربلها حب يعيش معاها برشا حاجات ويزيدو يقربو اكثر حب يأكد لروحو انو كلام بوه مجرد وهم انو عندو شكون في حياتو يحبها وتحبو...

نهارتها اول مرة يمسها و يذوق بدنها كل لحظة عداتها معاه خلاتها تحس انها أسعد وحدة في العالم.. خلاها تحس بأونوثتها..

بعد خرج مشى للخدمة بعد مضيّع اجتماع مهم و تعارك مع بوه .. عداه نهار كامل يخدم روح السبعة متع لعشية عمل دوش خفيف و هبط يلقاهم يتعشاو كان ميرال كرسيها فارغ و هي مفماش مستانسة اول وحدة تقعد عالطاولة.. حسب روحو موش هوني كمل تعشى و خرج قعد في الجردة..
قعد سارح يخمم في اللي صار ليومة موش فاهم لي عملو صحيح ولا غالط كان حاس روحو ضايع.. جبد ڨارو و قعد يتكيف بعد تفكر لي ليوم سبت هه نورمالمون راو هو وميرال شايخين كيما عادتهم عالشط يحكيو يفرغلها في قلبو و تفرغلو في قلبها نورمالكون راو شايخ عليها بمصاطتو لي ميسيبها كان معاها .. هز راسو خزر للبلكون متع بيتها يلقاه مسكر و الضوء طافي.. طفى الڨارو و دخل كيف وصل لبيتها تردد بعد حل الباب بشوية و شعل الضوء لكن ملقى حد.. قعد كل مرة يدخل لبيت يفركس هبط للكوجينة خرج للجردة التالانية دارها دار كاملة وشي لقى امو و بوه قاعدين في الصالة جاتو صعيبة بش يسأل قعد حذاهم ساكت
-غدوة ساقي ساقك للخدمة وجرب تزيد تجبد بيا في جرتك تأجل الاجتماع الله اعلم فاش كنت لاهي ومخلي الخدمة
-بابا ع مرة صارت بش تذلني سافا عاد زيد تلهيت منيش بلعاني
طلع بوه بش يرقد و هو تلفت للامو لي كانت غاطسة تخدم
-امي بنت اختك فين مفماش ريحتها في الدار
-ماو لباس تسأل عليها البارح برك كنت تتعارك معاها وقلبتها الدار بصياحك في اخر الليل كان مجيتش تاعبة راني قمتلك و وريتك الصياح ع قاعدة
-تي جاوب عاد قلي فيني!!! تطلعش خرجت و لتوا مروحت!!؟
-هذي هي لا نحبك لا نصبر عليك..
-اميييييي !!!
-هزها بوك للدار نوال حسها قالقة و مهيش حابة تراك بش متزيدش تكمل عليها بتصرفاتك و منطقك العادم هيكا بعدت ايامات و خلتهالك

-ملا راحة كلي عاد انا حاب نراها ياسر ولا كي بش نشوفها بش ندور بيها ولا نكلمها قلها ترجع و تتهنى لعدت نعاركها ولا نخزرلها من اصلو .... قعد يتهز و يتنفض وحدو و طلع بقات الهام تخزرلو
-مفهمتش لشكون طلعت نهارين لتالي كنت حاطها في عينك تدخل بيها تخرج بيها.. في نهار تقلبت قلبة وحدة مكسح قلبك..الحلقة 60
تعداو 3ايام ميرال كانت في دار خالتها و مهدي عايش عادي غاطس في الخدمة و في اخر لعشية يخرج هو و سارة ولا يمشيلها.. (كان حابب يملى وقتو ويرجع يدخلها لحياتو ويقنع روحو انو هي الانسانة لي حبها وتحبو و مفما حد غيرها )
ليلتها كان متكي حاط ايدو ورا راسو و هي كانت راقدة ع صدرو قعد سارح شوية و قرر انو يتكلم
-سارة مع شكون كنت قبلي انا
هزت راسها خزرتلو مستغربة اول مرة يسألها عالماضي
-مكنتش قبلك انت
-جاوب عاد
-انت اول حد في حياتي مهدي
-ههه تسخايلني سيدي تاتة قدامك
-شقصدك
-قصدي اني منيش انا اول حد في حياتك و نحب نعرفو شكون السيد لي كنت معاه .. من حقي نعرف المرة لي فاتت محبيتش نسألك
-...
-هاو قتلك حد
-تستبله فيا معناها..
-مهدي عيشك يزي
جات بش تقوم و هو جبدها
- كي انت مجربة علاش قبل كيف كنت حابب نقرب منك كنت تدخل بعضك و تتهرب و تولي ترعش نقول خايفة و موش مستانسة و ماكش كيما لبنات لي عرفتهم محبيتش نضغط عليك خليتك ع راحتك رغملي مكنتش مرتاح برشا نحس فيك ياسر بعيدة و جامدة معايا اما تعجبني فيك الحاجة هذيكة واحترمتك.. و عطيت لروحي وعد اني منقربلكش كونش كيف تبدى انت راغبة...شوية هه...
-اخرررررج عليااااا اخرررج قامت تصيح و تعيط..
-راني منيش نحاسب فيك انا سألتك مجرد سؤال.. خاطر حسيتك كذبت عليا... قصت عليه كلامو طاحت في القاعة و تفلقت بالبكاء
-مكذبتش عليك اما مكنتش نجم نخليك تقربلي لا انت ولا غيرك..
-باهي قوم توا و يزي بلا بكاء ..
- كيما اي طفلة حبيت شكون .. و بعد مقضى بيا حاجتو وشبع بيا.. رماني بأتم معنى الكلمة.. من وقتها معادش نجم ناثق في حد و معاش نحب نحب ولا نتعرف ع حد.. انت بيدك قتلي عجبتني خاطرك صعيبة و موش بالساهل وصلتلك... كيف عرفتك حبيت نعطي لروحي فرصة حبيتك لكن في كل مرة انت تحاول تقربلي انا منجمش نخاف و منغير منشعر نبعد ... كانت تبكي و تخرج في الكلام بالسيف
قعد ساكت بعد قام لبس دبشو و مشى حذاها..
-مهدي برى و خليني وحدي عيشككك
-حابب نحكي معاك
-مهدي اخرج اللي تحب تسمعو هاك سمعتو واللي تحب تاخذو هاك خذيتو سافا
-فاش قاعدة تخرف ياخي!! بلكشي تسخايلني قاعد نستغل فحبك ليا سارة راك انت بالذات مستحيل نخمم نلعب بيك وانت تعرف الشي هذا
بقات ساكتة مجاوبتوش بعد دخلت للسال دوبان وخلاتو ضرب ايدو عالحيط وخرج...الحلقة 61

تعدات اكثر من جمعة لومور كانت مكركبة بينو و بين سارة محبش يضغط عليها..
ميرال مزالت في دار خالتها كان كل ميحل instagram تعرضو تصاورها اول وحدة كل مرة في بلاصة هي و دار خالتها كانت باينة متفرهدة و عاملة جو و نسات حاجة اسمها مهدي و غشو و عركهم..
يحس حاجة فقلبو توجع فيه يتمنى يجبدها مالتصويرة ويحطها بحذاه يعاركها يقلها كيفاه تمشي و متشاورش يقلها كيفاه تبطى و تقعد ليامات هذي الكل وهي تبوسو و ترضيه كيما عادتها توحش يراها دور في الدار و تعمل في الحس توحش يخرج للجردة يلقاها غاطسة في التراب تزرع غي نبتة جديدة توحش وين يتلفت يلقاها غاطسة تقرى في كتاب و تاكل في الشكلاطة لكن هذا الكل احساس في قلبو مينجمش يخرجو احساس مقلقو يحب يتخلص منو يحاول كل متجي ع بالو يتفكر كان الحاجة الخايبة يحاول ميخممش فيها و يقنع روحو انها معاش تعنيلو شي..
نهارت لي روح و لقاها في الدار حس روحو تفرهد و تهنى.. لكنو كان متجنبها لاقصى درجةو كل متجي العين في العين يڨحرلها تولي تقلب وجها.. ولات كل متبدى شايخة و تضحك و تحكي هو يدخل و هي تتقلب و تسكت و تشد بيتها تعدات أيامات عالحالة هذيكة رجعت تقرى كانت كل يوم تمشي تقرى و تروح مهدي نبه على الشوفور بش يهزها ويجيبها و ميخليهاش تستنى دقيقة..

 لكنها هي توحشتو هو توحشت تخرج تلقاه يستنى توحشت تحكيلو شعملت و اش معملتش توحشت دلالو و بلادتو توحشت لهوتو بيها و حتى غشو توحشتو.
تعدى شهر كامل متبدل شي لين نهار هبطت بش تشرب شافتو قاعد يتكلم في الجردة مشات منغير متتردد قعدت مقابلتو بقات تستنى فيه حتى يكمل تلفونو و هو كيف شافها و عرفها تستنى فيه بش تحكي معاه حس روحو تربث شوية منجمش يكمل يحكي علق و خزرلها
جبدت كرسي وقعدت مقابلتو
-مهدي حابة نحكيو
-تفضل نسمع فيك
-تي يزي بلا غش و انسى بركا والله من نهارتها لحكيت معاه احمد خلينا نرجعو كيما قبل تعرف انت شنوا بالنسبة ليا مفما حد ينجم يكون في بلاصتك.. نعرف روحي غلط اما والله اخر مرة اصلا شكون عندي غيرك بربي..
كانت تحكي و داخلة بعضها معرفتش كيفاش تفسرلو و تبينلو قداشها متوحشتو و قداشها نادمة.. مهدي قعد يخزرلها تمنى يعنقها لحظتها ويقلها راني متوحشك انا زادة متوحشك ... راني منجمش نتغشش منك انا جيست غاضتني و محملتش نحس روحي شخص ثانوي في حياتك..

-ميرال شوف انا نحبك برشا واكتشفت اني انا شخص كيف نحب حد نوجعو برشا نحسو متاعي نولي نتحكم فيه لين نخنقو كيما تقول انت.. نولي نخاف عليه بزايد و نحصرو ...وانت راك تقعد بنت خالتي لليوم وغدوة وكيف تستحق حاجة بش تلقاني بحذاك اما متنتظرش بش نرجعو كيما قبل مالمستحسن نبقاو بعاد هكا خير احسن ليك و ليا و بأقل مشاكل..
-مهدي انت قاعد تتهرب مني موش متحبش تعمل مشاكل

قعد ساكت هو كان عارف انو قاعد يتهرب يحب يبعد عليها ويخليها تبعد عليه حس قربهم ياسر لبعضهم بش يضرهم نهار ..حس روحو تعلق اكثر مالازم و لازمو يحط حد لازمو يفيق ويعرف انها صغرونتو و في مقام اختو موش حاجة ملكو و تابعتو يغير عليها حتى مالنسمة...

قام هز اوراقو و البيسي و ميرال قامت تصيح
-برى عروحك اما والله لعدت ندور بيك برا زمر محسوب تو نموت كيف تبعد سيادتك.. شكرهتكككككك
تلفت خزرلها و مشى معمل حتى رياكسيون هز راسو يلقى بوه واقف في البلكون عطاه خزرة وراها برشا معاني كأنو حب يبينلو راني منحبهاش و هاني بش نبعد عليها مرة وحدة..
دخل و ميرال رجعت قعدت عالكرسي حست روحها مخنوقة ضربت الطاولة ورجعت تسب فيهالحلقة 62

من وقتها هي زادة ولات متجنبتو ولا قول عاملة روحها متجنبتو وهو عامل مولا المول موش هوني معاش يسأل ولا يبتبت في شي علاقتو بيها ولات صباح الخير ولا ليلتك زينة..
حط في مخو انو يبعد ويثبت لروحو انو ميحبهاش والي الشكوك متاعو مجرد وهم و حتى كان صحيحة لازم يتغلب ع روحو و ميخليهاش تكبر.. حتى مرواحو للدار نقص ورجع مهدي متع قبل يشوفوه مالليل لليل..

ميرال كانت كل يوم تكبر و تحلى قدامو كانت في كل مرة تحاول تستفزو تعمل اي حاجة تعرفو ميحبهاش رجعت تحكي مع احمد بونتو فيه عملت برشا صحاب اولاد ولات تخرج مع صحابها يسهرو كانت تعمل اي حاجة بش تخليه يتنرفز ويقوم يصيح كيما كان قبل ويقلها مزلت نراك تعمل الحاجة هذيكة تلوم كان روحك كانت حابة تشوف مهدي متع قبل.. لكنها نساتو كيف يحط حاجة في مخو ..

كان متحكم في روحو وحاسب روحو موش موجود وموش يفدلك كيف قلها راني معاش بش ندخل فيك.. لكنو كان يسأل عليها من بعيد..يطلب امو يتأكد انها روحت ولا، ويشوفها تستحقش حاجة ..و يحاول انو ميقابلهاش يروح اخر الليل و يخرج بكري..

نهار تعدى للدار 8 متع الليل بش يبدل دبشو ويخرج عرضتو هابطة في الدروج حاطة الحطة.. مكيجة لابسة طالون وعاملة مشطة هابطة تتبختر و تحكي في التلفون كانت كل مرة يزيد يحسها كبرت وحلات انوثتها كانت طاغية كل حاجة فيها تعشق ..
قعد يخزرلها لين هبطت تعدات بحذاه تبسمتلو و كملت مشات كأنو موش موجود قعد واقف..لين خلطت امو مدتلها فلوس وباستها
-عزيزتي تحب نوصلك انا ولا كيفاه
-لا هاي صحبتي بش تتعدالي تقلقش روحك
-باهي رد بالك ع روحك تو كل مرة نكلمك خلي تلفونك محلول
-هههه يا خالتي متخافش راني موش صغيرة
من غير ميشعر قرب بحذاهم خزر للوقت قرن حاجبو و سألها
-فين ماشية
-anniversaire sahebty
قالتها و تتسومم واثقة من روحها وعارفتو موش بش ينجم يقلها شي..هو لي خطار انو معاش يدخل..
-وين تسكن صحبتك؟
-نسيت اسمها لبلاصة مكانش راني قتلك
هيا باي باي
باست خالتها و خرجت لقات صحبتها كانت تستنى فيها البرة
-مهدي ولدي تعشيت ولا نحطلك؟
-فاش قام منها هالسهريات علاش مخلينها تمشي!!!
-عاد شبيه خليها تبدل الجو زيد نعرفها الطفلة
خرج و خلاها مزالت تحكي منجمش يشد روحو بقات الهام تناديلو مفهمتش شبيه و سي يوسف كان قاعد في الصالة ضحك و كمل يقرى في كتابو موش هوني..

طلع في الكرهبة وخلط عليها قعد يتبع فيها لين وصلت ڨارا الكرهبة بعيد وقعد يشوف فيها وين دخلت ومع شكون.. كانو برشا كراهب و كل مرة يهبطو ولاد باينة سهرية كبيرة ومخلطة.. محملش يبقى في الكرهبة هبط ومشى حب يشوف الجو من داخل يشوفها مع شكون قاعدة و اش تعمل وصل قدام باب الڨيلا وقف شوية و رجع طلع في كرهبتو و مشى
"فيييق يا مهدي فيق وسيب الطفلة وتلهى في روحك.. اش ايهمني انا توا وين قاعدة ومع شكون و فاش قام نتبع فيها وخالط في جرتها وعامل هذا الكل مهيش صغيرة ومعندو ميصيرلها ولات مسؤولة ع روحها انا معندي ممدخلني فيها ... فيق زح فييق...."
كان يحكي مع روحو و داخل بعضو معاش يحب يتصرف بالطريقة هذيكة لكنو مينجمش يتحكم في روحو .. بقى يدور بالكرهبة يحس في روحو مخنوق مرجوه صحابو بالتلفونات سكر التلفون و مشى قعد عالبحر سارح وضايع يخمم في خوفو و غيرتو ع ميرال لي ولات مقلقتو يخمم في سارة لي حاس روحو قاعد يكذب عليها و معاش يحس تيجاها بحتى مشاعر اصلا قاعد يكذب على روحو قبل كل شي ويقنع فروحو بيها ...
تعدى الوقت يجري محسش بروحو .. بعد طلع في الكرهبة وملقى روحو كان رجع للفيلا.. قعد يشوف في الوقت ويستنى فيها بش تخرج..
حتى لين تهنى عليها روحت و وصلتها صحبتها قدام البابالحلقة 63
قعد نهارات مفماش ريحتو حتى للخدمة ممشاش روح نهار للدار ال7 متع لعشية دنيا ظلامت ..هو داخل بالكرهبة و ميرال وراه راكبة مع منصف الشوفور هبطو الزوز مالكرهبة مشات وقفت بحذاه مدتلو ايدها بش تسلم عليه وخزرتلو
-وين كنت ليامات لي فاتو مفماش ريحتك خالتي و بوك قلبو عليك الدنيا
-كنت لاهي شوية
-كلمتك برشا مرات ديما تلفونك مسكر ياخي بدلتو
-لا علاه فما حاجة!
-مفما شي تشغبت عليك وبرا
قعد ساكت يخزرلها و سارح في عينها وتفاصيلها لي فيسع يتوحشها.. بعد فاق شوية من سرحتو و خزر للوقت
-كنت في دار خالتي؟
-لا..
-مالا!
-حسيت روحي فادة هزيت كتاب و مشيت قعدت عالبحر .. بعد كلمت عم منصف جا روح بيا
قعد ساكت مجاوبهاش تفكر لي ليوم سبت تفكر برشا لحظات محلاهم تنهد و دخل..
-مهدي مخيبو لبحر من غيرررك اكتشفت اني كنت نحبو خاطرني كنت نمشيلو معاك!!!!
وقف بلع ريقو بقا واقف شوية بعد رجعلها شدلها ايدها الزوز و خزرلها
-وانا حياتي الكل مخيبها من غيرك
بقات تخزرلو مستغربة مالجملة لي قالها كان يخرج في الكلام بالسيف بصوت مبحاح تحس فيه تاعب و مخنوق .. هزلها ايدها باسهم خذا نفس كبير و مشى .. اول مرة مهدي يتصرف هكا اول مرة يبوسها من ايدها اصلا اول مرة يبوسها بكمية الاحساس والضعف هذيكة..
 دخل وخلاها واقفة موش فاهمة شبيه عينها رغرغو حست حاجة متبدلة بينها وبينو خزرتو ليها كان فيها برشا معاني طريقة كلامو تصرفاتو .. موش مهدي متع العادة توحشتو و توحشت كل حاجة فيه تمنت كان يرجعو كيما قبل كانت متأكدة انو موش متغشش منها و نسى لي صار لكنها موش فاهمة شبيه مرجعش كيما قبل شبيه بعد عليها شبيه موش يسمح للروحو انو يتصرف معاها عادي و عطبيعتو كيما سنسها ولى حتى كيف يقول كلمة يسحبها حتى كيف يسأل ع حاجة تخصها يبدل السؤال ...
دخلت وطلعت لبيتها بدلت دبشها وهبطت لقاتهم يستناو فيها عالعشاء.. خزرت لبلاصة مهدي فارغة كالعادة
-هاو جاء مهدي مهوش هابط يتعشى
-قال متستناونيش
سكتت وطلعتلو دقت الباب ودخلت لقاتو فارت الدنيا دبشو الكل مفرت و جابد زوز فاليزات
-حاشتك بحاجة ميرال!
دخلت وبقات تخزر للدبش بعد خزرتلو
-باين فيك بش تبطى في السفرة هذي.. وين ماشي
-منيش مسافر لحتى بلاصة اما خذيت دار و جيت نهز في قطعات.. بش نحول يعني
بقات حالة فمها تخزرلو
-لاا باز تفدلك
مهدي قول لي انت تفدلك امان
كيف مجاوبهاش هبطت تجري تعيط لسي يوسف و الهام جابتهم يتجاراو موش فاهمين شي
-مهدي شفما !!؟
-...
-يلم في دبشو قلي بش يحول معاش بش يسكن معانا
-صحيح مهدي تكلم؟
-اي امي بش نخرج نسكن وحدي
-يعني سايي هي هي وعملت لي في مخك
يوسف: فاش قام ساكن وحدك ياخي قلقناك في حاجة ماللي رجعت استقريت في تونس معانا و احنا حاطينك فوق روسنا و عمرنا مقلقك واحد ولا دخل في خصوصيتك
-نعرف بابا اما نحب نخرج وحدي ناخو راحتي خير
-علاش ماكش ماخذ راحتك هاك تروح وقت لي تحب و تجي وقت ما تحب ولا نهار كلمك حد
-بابا منغير متحاول راني سايي مقرر ومنيش بش نرجع في رايي
-الهام: عارفتك هذا الكل بش تولي تجيب ولاد صحابك و بنات تعمل سهرياتك .. اذاكة علاش خارج توحشت اياماتك متع قبل ظاهر فيك
 -امي بربي موش وقتك تواالحلقة 64
خرجت الهام وخلاتهم و سي يوسف قعد واقف بعد خزرلو
-ع راحتك ماكش صغير اعمل الحاجة لي تريحك
خرج و ميرال خلطت عليه قامت تصيح وتجبد فيه
-متخليهوش يمشي قلو يبقى امان احكي معاه نعرفو ياخو بخاطرك
-احكي معاه انت بلكشي ياخو بخاطرك انت المرة هذي
هبط سي يوسف و ميرال رجعت لبيت مهدي
-مهدي عيشك متمشيش
-ميرال منغير متكسرلي راسي
- بش تزيد تبعد عليا اكثر بش تزيد تخرج مالدار وتخليني لا يزي معاش شابعة بيك زيد معاش بش نراك
-علاش معادش بش تراني ياخي قتلك ماشي لبلاد اخرى جيست معاش بش نسكن هوني و بطبيعة بش نبقى نجي و نراكم.. تستحقني في اي حاجة كلمني وفي اي وقت تو تلقاني بحذاك وتحب تجي حذايا مرحبا ..
تفلقت بالبكاء حطت ايدها ع وجها وبقات تبكي ..قرب منها جبدها ليه وعنقها

-يزي عيشك تعرفني منحملش نراك تبكي ..
مفما شي يستاهل دموعك معاد تخلي شي يبكيك حتى لو كنت انا
هزت راسها مسحت دموعها وخزرتلو
-باهي متمشيش امانك مهدي والله نوعدك معاش نغششك معاش نعمل حتى حاجة تقلقك واي حاجة تقلي عليها نعملها و الله .. عيشك متخلينيش خليك حذايا ...
-يزي ميرااال بربي متزيدش تكمل عليا..
 لازمني نبعددد معاش نجم راك ت...
.. ب. برى ميرال نحب نقعد وحدي
حس روحو بدى يهبل كلامها حرك فيه برشا حاجات و
 وجعو برشااا في لحظة كان بش يضعف..
-زح شبيك مهدي راني شنوا! ياخي علاش تحب تبعد شنوا لي صار ! شعمتلك ؟؟

فاض صبرو حس روحو تخنق لين شعل في وجها منغير ميشعر
-معمتلي شي نحب نبعد وكهو و منيش مطالب اني نبررلك ولا نشاورك ولا نقلك علاش ..فيق راني مجبتكش و نسيتك.. معاش تدخل كيما انا معاش ندخل فيك ..
بلعت ريقها بقات تخزرلو بغل بعد شدت الڤاليز حلتها وبدات ترميلو في دبشو وتصيح
-برا اخرررررج .. اخررج.. امشي وين متحب معاش يهمني فيك براااا
هاو دبشكككك
هاااو دبشككك
جبدها من يدها وشدها بش تهدى لكنها دفرتلو ايدو ضربتو ع صدرو و دزتووو
-كنت حاطتك في مقام خويا حتى انا ..كنت نحبببك برشاااا نحس فيك كل شي في حياتي بويا و خويا وعشيري... اما انت متستهلش في كل مرة تحاول توجعني تبعدني عليك وتعاقبني ع مفم شي ديما تستنالي في الغلطة.. براااا ع روحك اصلا شكون انا بش نطلب منك تبقى ع خاطري ..
خرجت وخلتو واقف ضرب الڤاليز بساقو وقام يصيح بعد لم دبشو كيما جاء هز الحاجات لي يستحقهم و مشى.الحلقة 65

دخل للدار كانت ظلام رمى المفاتح وترمى عالكانابي اخر حاجة بقات في مخو و تتعاود في وذنو صياحها كيف قتلو "كنت حاطتك في مقام خويا و بويا .." ضحك ع روحو ضحكة خفيفة كلها ضعف واستهزاء .. غمض عينو و هزووو النومممم...

كان غاطس في الخدمة لي لقاها مكدسة ع راسو دق الباب ودخلت منو سارة رمات ساكها فوق الكرسي و خزرتلو
-وين كنت جمعة كاملة
-قول السلام الساعة
-مهدي جمعة كاملة وانا نفركس عليك نجي لهوني يقولولي مجيتش تلفونك مسكر .. متنجمش تخلي مساج عالاقل كلبة انا عندك
-ديجا كنت جايك الليلة
-لا متجينيش موش تجيني وقت متحب و تنساني وقت متحب يزززززي
-سارة اخر حاجة نجم نعملها توا اني نتعارك معاك ولا ناقشك منيش في صحني جملة
-هه وانت من وقتاش في صحنككك عندك شهرين توا وانت فادد وديما ع عصابك متحب تحكي مع حد حتى معايا..تجيني تعطيني من وقتك اكا سويعتين تاكلني فيهم بالهف وتمشي تضربلها ايامات مختفي وترجع كالعادة.. اصلا ماللي صارت المشكلة بينك وبين ميرال متاعك وانت متبدل حاسة روحي مع جثة موش عبد للدرجة عندها تأثير عليك
-ميرال معاش تجبدها موش اي مشكلة دخلها فيها و تردها سبب لكل مشاكلنا
-خاطرها هي السبب الوحيد لمشاكلنا وعلاقتنا كان بش توفا راي هي السبب.. وشكوكي كلها في محلها خاطرني مرا و نفهم ومفما حد يفهمك قدي..
-خرررف..
-مهدي فما حاجة بينك وبينها متحاولش تخبي خاطرني نعرفك اللي مفهمتوش انت علاش قاعد معايا للتوا علاش تخلي فيا نعيش معاك في كذبة كي انت معاش حاشتك بيا شمقعدك معايا
-سااارة فاش تخرررف فيييق وكبر عقلق
-انت هو لي فيييق.. تفكر روحك قداش من مرة تغلط في اسمي وتناديلي بسمها حتى كيف تبدى راقد معايا.. تفكر روحك قداش من مرة تجبدها وتبدي تحكي عليها و ع جوكم و الضحكة مالية وجهك اي موضوع لازم تجبدها هي تقولش عليك متعرف حد في حياتك كان هي.. تسخايلني منراكش ساعات كيفاه تبدى شاد تلفونك تتفرج في تصاوركم و فيديواتكم .. كل منبدى معاك تبدى سارح بدنك في عالم ومخك في عالم.. فسرلي هذا الكل شنوا موش حب
احكي معااايااااااا جاوبني

بقى ساكات تنهد و مشى وقف مقابل الشباك
-شبيك سكت .. هذي هي السكوت علامة الرضاء سي مهدي
-جبدت روحي عليها حاولت نكذب ونتغلب على روحي.. حاولت نخرجها من حياتي ونفرض عليها تخرجني من حياتها.. بعد عليها ع قد ما نقدر.. خرجتها من حياتي اما منجمتش نخرجها من مخي ...عملتهم الكل و منفعش شتحبني نعمل اكثر ..!! حاجة اقوى مني....
بقات واقفة تخزرلو عينها تعباو دموع صحيح كانت حاسة ومتأكدة لي هو يحبها لكن متوقعتوش يستسلم ويستعرف بسهولة هذي
هزت ساكها و خزرتلو
- علاش هي موش انا... علاش مصارحتنيش ماللول ... علاش لعبت بيااااااااا
-سارة ملعبتش بيك ..اصلا مكنتش فاهم روحي ..ولا متوقع انو تنجم تصير حاجة كيما هكا.. عمري محاولت نخمم فيها بطريقة اخرى مفهمتش كيفاه!!.. .

... بون! شوف انا بش نكمل معاك منيش بش نخليك و مستعد نعرسو....
ضحكت و قصت عليه كلامو

-قداش تبدلت وليت ضايع داخل بعضك معاش تعرف تخمم و ماكش فاهم روحك كيفاه بش تتصرف هه موش هذا مهدي لي عرفتو.. شنوا تحب تزيد تصلح غلطة بغلطة تحب تزيد تغرق روحك معايا بش تسكت ضميرك.. برا مهدي للي خطارها قلبك .. معاش نحبك تجيني ولا دور بيا ولا توريني وجهك انت بدلتني بوحدة فرخة مقطوعة من شجرة تو تعمل حاجة ..مصيرك ترجعلي نادم و ليام بيناتنا يجيك نهار يا بن عبد الله ..
-اعرف شتخرج من فمك لنهدهولك الفرخة لي تحكي عليها متجيش في ظفرها انت!!!!
خزرلها خزرة ترعب بقات ترعش مالغل و الغش و خرجت تجري وتتحلف..الحلقة 66
ضياع كبير ولا يعيش فيه معاش فاهم شي معاش عارف شبش يعمل جبد روحو مالناس الكل ليامات لخرة حتى صحابو معاش يراهم ومعاش عندو خلوق بش يسهر احمد عشيرو مراهوش مالعركة. تلفون ولى ديما مسكر كره التلفونات والخدمة ولى ديما سارح يحب يقعد وحدو حاجة في قلبو مينجمش يخرجها مينجمش يستعرف بيها حتى لروحو يحس في روحو عامل ذمب كبير ميرال لي تشوف فيه في مقام خوها واللي هو كان حاطها صغرونتو ولى يخمم فيها ولات تعجبو بكل تفاصيلها حتى لي كانت تفددو... ولى يحس تيجاها في حاجات اخرى.. ولى يغير عليها اكثر من روحو يحسها متاعو مينجمش يراها مع راجل غيرو مكانش عارف كان هذا حب ولا اما لي كان متأكد منو انو تعلق بيها بزايد و ولا يخمم فيها الف مرة في النهار و مينجمش يخرجها من مخو....

في اخر الليل ملقى روحو كان قدام دار احمد الوحيد لي يفهمو ويرتاح كيف يبدى معاه نسى عركتهم ونسى كل شي ومشالو..
احمد حلو الباب واستغرب كيف رااه مهدي طيح من روحو و جاه ممكن ياسر فما مشكلة اخرى --'
-مهدي!!!
-بش تخليني واقف البرة ياسر
- ادخل اما كانك بش دور و تصرفڨني ببونيا قلي الغدرة خايبة صاحبي
تبسم مهدي و دخل تفكر روحو قادش خرج من عقلو ليلتها قداش ولى يعمل في تصرفات غريبة و هو موش حاسس..
قعد واحمد قعد مقابلو بقى يخزرلو
-شبيك! مدام جايني توا اكيد فما حاجة
-مفما شي .. ليك وحشة قلت نجي نراك عندي برشا على هالمنظر
-يا طحان معاش تجي تسهر معانا جابد روحك وين نسأل عليك لولاد يقولولي مفماش ريحتو تظهر مرة في الفال هذا الكل بش متراش منظري والله تغيض
-لا والله لا ..مكانش عيني في خروج ولا بش نقابل حد و برا..
-علاش شفما !؟
تي انطق كرزتني
- تمرج رااك
-قلي! تعاركت مع سارة ؟
سكت شوية بعد خزرلو
-ظهرلي قصيناها جملة وحدة
تعاركنا الصباح وقتلي كل حد ع روحو ...
-صار جات منها هي!!!!! غريبة..
-علاش غريبة!! عندها الحق حتى انا خريت فيه معاها
-مهيش هذي اول مرة تتعاركو نعرفك متحيرش و بكلمتين ترجعها يزينا بلا دراما توا ..

-احمد
...سارة اول مرة عجبتني وركبتلي في مخي عاللخر قربت منها و خليتها تقربلي ماللول سافا حسيت روحي مرتاح معاها وعامل جو ستانست بيها و تعلقنا ببعضنا مشى في بالي هذاكا هو الحب.. بالوقت حسيت روحي معاش مرتاح مستحيل يتعدى نهار مطلعليش فيه دم ومنتعاركوش.. برشا حاجات متفهمنيش فيها لين طارتلي حسيتها موش هي لمرى لي نتمناها فما برشا حاجات ناقصة لكني قعدت نكذب في روحي ونقنع فروحي بيها.. لين... تنهد ..لين... تي حاصيلو هي مرى و تفهم حست بيا و جبدت روحها
-مهدي كنت تنجم من اول محسيت روحك ماكش مرتاح معاها تقلها و ترتاح
-الله غالب...حاس روحي مخنوق زح كيفاه بش نتصرف منجمش نفوتها بالسهولة هذي ونخليها ومنجمش نكمل معاها
-شوف مدامكم قصيتوها انا توا نجم نتكلم بش متبقاش حاس بالذمب هي زادة مهيش خصيصة قبيلة كيف قتلي هي قصتها استغربت خاطر نعرفها تحبك برشا و مستعدة تعمل اي حاجة بش متخسركش.. وصلت تفاهمت مع عمر عطاتو فلوس بش يبقى يقلق في بنت خالتك حاسب رايك هو منين عرف لبلايص لي تمشيلها و نومروها ماي منها هي
قرن مهدي حاجبو ووقف
-فاش تحكي متأكد!!!!
- وقتلي مشيتلو وهددتو كبستو بالباهي و استعرف بكل شي كانت تشجع فيه بش يخطفها وبش يوصل يغلط معاها بش ميرال تضطر تاخذو.. كانت تغير من ميىال برشا و تسخايلك تحبها..برشا حكايات منجمتش نقولهملك وقتها اما توا مدام كل حد مشى ع روحو لازمك تعرف..
 بقى مهدي حال فمو مصدوووم مكانش يتصور الغيرة توصل تخليها تعمل هكا
-ليلتها جاية تعملي ريت بنت خالتك معاه بالصدفة تكذب و تتبهنس بش تخليني نتعارك معاها و هذاكا لي صار..
****** قلي شنعمل نهرسهم الزوز و نرتاح ن...
علاش انا اخر من يعلم في كل شي
-خاطرني نعرف دمك سخون و كان حكيتهالك بالوقت راك عملت حاجات تندم عليهم وتندمني لي حكيتلك ميرال زادة محكاتلكش خاطر خافت من ردة فعلك لا اكثر لا اقل...الحلقة 67

قعد ساكت بدنو تكبس بش يهبل بعد خزر للاحمد
-اكا الطحان وينو ماللي سمعت باللي عملو و انا قالب عليه الدنيا ملقيتوش
-بعثتو من هوني تهنى عليه قمت معاه بالواجب و سارة مشات ع روحها بربي سيبناااا مالحكايات الفارغة والله تكسر في راسك لثنين ميستاهلوش بش تبقى تخمم فيهم
بقاو ساكتين جابتلهم الخدامة زوز قهاوي بقاو يتكيفو.. و كل واحد سارح في همو...
-مهدي
-...
-آا نكلم فيك وين سارح
-شتحب
-هه مدامك قصيتها مع سارة علاش متعطيش لروحك فرصة اخرى مع وحدة تحبك ، وحدة منك وفيك بنت اصل رباية و زين... متأكد انك تنجم تحبها كان تعطيها فرصة
-حسستني قاعد مع بابا
-ههه بالرسمي نحب نكون فاعل خير
-فوتني موش وقت تفدليكك الماصط تواااا
-تي اسمعني عالاقل والله نحكي بجدي هه
ڨحرلو مهدي و قعد يتكيف موش هوني.. يعرفو صاحبو كيف يبدى يجيب و يجلب
-شوف بش نحكي.. انت دورها لحكاية في مخك و ركز اومورك..
 علاش متخممش في بنت خالتك مدامها تحبك زح مشلقة عاللخر.. اعطيها فرصة تقرّب منها متأكد بش تعجبك ماكش بش تلقى ما خير منها زيد وقيّت بش تعرس و نرتاحو منك
احمد كان يحكي و مهدي حابس يخزرلو مزال موش مستوعب الجملة لولة لي قالها..
-شبيك باهت مقلتش حاجة عيب
-م .مفهمتكش!.. شكون قتلي
-بنت خالتك شلقت بيها تحبك زدت سألتها و تأكدت
مهدي لحظتها حس قلبو بش يخرج من بلاصتو موش مصدق لي يسمع فيه حس السخانة طلعتلو لراسو طفى الدخان بلع ريقو و خزر لاحمد ضحكة ترسمت ع وجهو من غير ميشعر.. كان يحكي بالسيف و داخل بعضو:
-ك.كيفاه وقتاه يعني قتلك! شقتلك؟
-ههههه كان مجيتش نعرفك راني شكيت فيك عاشقها وانا مفيباليش!!
باهي يا سيدي عمناول كيف صيفنا مع بعضنا شلقت بيها وقتها حسيتك انت قريب من ميرال عاللخر وهي لا كيف بديت نسأل فيها عليك حسيتها من حديثها تحبك و كيف سألتها قلتلها تحبو تربثت و دخلت بعضها ...
قرن حاجبو وخزرلو مستغرب
-تحكي ع منى ياخي انت
-تي اي منى بنت خالتك! يا. ياخي عشكون نحكي من قبيلة!
وقف مهدي وجهو حمار و لخلخ بدنو تكبس حس احساس موش عادي فرحة كبيرة في قلبو مكانش يتخيلها ميرال تتطلع تحبو حاجة عمرو متوقعها في لحظة تكسر كل شي فاق من حلمتو مشات فرحتو حس بوخزة خايبة في قلبو هز مفاتحو وخرج طول طلع في كرهبتو ومشى.. حل الشباك بش يدخلو لهوا حس روحو تخنق لحظتها وين تأكد من حبو ليها لحظتها وين حس و فهم قداش ولى يعشقها ضحك ع روحو وعالحالة لي ولى فيها عمرو مكان يتصور انو يوصل يحب طفلة بالدرجة هذي و شكون ميرال.. ميرال لي كان حاسبها صغرونتو هار عليها.. ميرال لي مقبلش وجودها معاهم اول مجات.. ميراااال .. قداش ولى يعنيلو الاسم هذا.. قداش ولى يعشقو.. قداش تعبوووو ..

هيا لبنات هاو فاق ع وضعوو 👌😹الحلقة 68

ميرال روحت اخر لعشية مالفاك تاعبة دخلت البيت بدلت دبشها غسلت وجها وخرجت.. دخلت لبيت مهدي كيما عادتها ماللي مشى وهي غايضتها منو قداش تحس في روحوها وحدها قداش متوحشة وجودو بحذاها متوحشة تخرنينو عالصباح متوحشة حسو حس تلفونو لي ميسكتش متوحشة مهدي يدخللها لبيتها يطل عليها يجيبلها شكلاطة ويشوفها شناقصها... بقات دور في بيتو تشم في ريحتو لي توحشتها.. و تشوف في ادق تفاصيلو بعد هبطت قعدت مع العايلة اللي ولات تحسها عايلتها وتحس في روحها وحدة منهم.. جدها كان غادي ليلتها هو زادة ستانست بيه و حست روحها بدات تحبو لكنها منساتش موضوع امها وناوية بش نهار تجبد معاه الموضوع ومتسيبو الا متفهم كل شي.. تعشاو و طلعت لبيتها قرات شوية بحكم الدفوارات متع اخر العام قربو.. بعد طلعت لفرشها جبدت كتاب لبست ليناتها و غطست فيه هي هكاكة دق الباب و دخل ريان
-ميرال مهدي لوطة يعيطلك
-مهدي!
-اي كلمني توا قلي هاني قدام الدار قول لميرال تهبطلي
-شبيه مدخلش
-ممكن متعارك مع بابا هيا قوم البس واهبطلو ليبدا يتهز ويتنفض عليك
سكرت لكتاب كانت لابسة روبة مع الركبة متع دار سامبل رمات فوقها جيليةوهبطت.. لقاتو في الكرهبة يستنى فيها متكي راسو عالكرسي فيقو حس الباب كيف تحل طلعت بجمبو و بقات تخزرلو .. هو زادة قعد لحظات يخزرلها مهبطش عينو
- شفما؟
خدم الكرهبة و مجاوبهاش
- وين هازني

-مهدي موش وقت هبالك مقلتش لخالتي اني خارجة زيد غدوة نصبح نقرى وعندي نوم
اصلا ماو لباس جاي انت ماك مشيت شمزلت تحب عنا معاش تعنيلي شي انا وحدة مالناس
ع فكرة متتصورش قداش رتحت كيف مشيت
رتحت منننننك ومن همك و من مشاكلك
نشاء الله تكون عجبتك حياتك الجديدة وعامل جو من غيري.. من غيرنا قصدي..
نشاء الله تاكلك لحيوط
بقات ثنية كاملة توذري مسكتتش تحس في قلبها معبي عليه مهدي كان فاهمها..
وقف الكرهبة قدام دارو و هبط دار حللها الباب
- اهبط
-منيش هابطة روح بيا منحبش لا نحكي معاك ولا نرى دارك ولا شي روح بيا
-ميرال يزي بلا عناد واهبط..
-شتحب مني
جبدها من يدها هبطها حل الباب و دخل و دخلها معاه بقوة و سكر الباب
-تفهم كان بالقوة ياخي
چحرتلو تكات عالباب و بقات ساكتة
-متغشة مني؟
-هاو قتلك راك معاش تعنيلي شي دونك لعدت نتغشش منك ولا نتوحشك ولا نحبك ولا يهمني فيك كيما انت معاش مهتم بيا سي مهدي بن عبد الله
 جبدها ليه وبقى شادها بقوة
-عارفك تكذب..
-مهدي ابعد ااي سيبني وجعتني
سيبها و هي قامت تصيح
-جايبني علاش توا شتحب ماك جبدت روحك كهو ابعدني انا زادة معاش نحب نراك ولا نحكي معاك نحب نستانس نعيش منغيرك معاش نحب نستانس بدلالك وبعد من اول غلطة تبعد عليا تخليني وحدي وانت تغرم في زمانك تخليني موجوعة.. كل حد نحبو يخليني ويمشي معاش نحب نتعلق بحد..
بقى ساكت يخزرلها عينها رغرغو وجها حمار حسها قداش متقلقة و فادة قداش تعاني من داخل وحاسة روحها وحدها..
حط ايدو ع فمها سكتها
-منين طلعتلي ياخي!! علاه دخلت لحياتي .. والله كنت عايش مرتاح...
نحاتلو يدو قرنت حاجبها و بقات تخزرلو .. زاد قرب منها
-ميرااال تقبل انك تكون مع واحد كيفي

-شقصدك مفهمتكش!
-تقبل انك تكمل حياتك مع واحد كيفي
-مهدي روح بيا غدوة نصبح نقرى منيش ناقصة هبالك واسئلتك الفارغة معاش تكلمني و روح بيا
قام يصيح في وجها رعبها
-جاااوبني
-اوووف مهدي.. لا لاااا اكيد لااااا اخر حاجة ممكن نعملها في حياتي اني نكون مع واحد كيفك.
-علاش!
-هكا منجمش نكمل حياتي مع واحد كيفك بالسيف
-عطيني سبب واحد
-مهدي شبيك ياخي فاش تخررف علاش هالاسألة هذي
-خاطرني فاسد!؟ نشرب، و عندي برشا علاقات مع بنات! ااه ولا خاطرك تخاااف مني ..!؟ ولا على خاطرني ضاربو فروحي كيما تقول انت .. ولا خاطرني منقراش كتب كيفك .. خاطر مناش فرد مخ ولا خاطر مناش قراب في العمر.. شنوا السبب شنوا الحاجة لي تخليك مترضاش انك تكون معايااا
بقات حابسة تخزرلو موش فاهمة شبيه حستو عبد اخر زاد شدها وقعد يخضخض فيها
- خاطرني tout simplement عمري ما خممت فيك بالطريقة هذيكة مهدي انت بالنسبة ليا خويا لي مجابتوش امي كيفاش تحبني نجاوك ع سؤال كيما هذا.. فيق زح وين تحب توصل
-نعن د******** منيش خوووك افهمها منيش خوووك
سيبها عدا ايدو ع شعرو بعد خزرلها وحاول انو يحكي بالشوية
-باهي وكي تولي تخمم فيا بالطريقة هذيكة.. كيما انا نخمم فيك....
قصت عليه كلامو كانت داخلة بعضها ومصدومة هو يقرب وهي تبعد
-مهدي فيق امان.. ياخي شارب ولا شحكايتك هالليلة..
- .. نعرفك ذكية و نتصورك راك فاهمتني ..انا..
-مهدي عيشك خليني نروح و متكملش تتكلم خير متزيدس تفسد لي بيناتنا اكثر ماهو فاسد زح يزي كل مرة تزيد.... قرب منها عاللخر لسقها في الحيط نفسهم تخلط ببعضو كان يخرج في الكلام بالسيف بصوت مبحاح فيه رعشة
-لا بش نتكلم .. بش نحكي و نقول لي في قلبي و نرتاح.. مفماش علاش بش نبقى حابس لداخل!!! مقترفتش ذنب انا

ايا لبنات حضرو رواحكمالحلقة 69
سكت شوية وعاود خزرلها
نحبببببببك ميررال
نحببببك.. منعرش كيفاه و وقتاه و علاه لي نعرفو اني نحبك وكهووووو و موش كيف اختي بطبيعة..نحبك و متمني نكمل معاك حياتي نعيشها معاك لكل لحظة بلحظة

قالها اي قالها خرجها ..
 استعرفلها واستعرف لروحو حب يرتاح حب يصارحها و يواجه مشاعرو.. حب يعطي لروحو فرصة يعمل محاولة ويقدم خطوة ميبقاش يحبها من بعيد ويزيد في عذابو
ميرال بقات مسمرة في بلاصتها عينها وساعو و دخلت بعضها معاد فاهمة شي الكلمة لي قالها كانت كبيرة..
بعد عليها شوية وبقى شادها..

-عارفك بش تتصدم .. ممكن تضحك عليا تنجم متصدقنيش و ممكن زادة تكرهني .. المفيد انا حاجة خرجتها من قلبي و رتحت ..
خطرت اني نبعد قبل بش نجم نسيطر على روحي ومنزيدش نغرق فيك اكثر كنت نحاول اني نتجنبك منراكش و منحكيش معاك بش منضعفش لكن طلع فات الفوت زدت خربقتها الدنيا وقعدت..
ميرال سامحني.. حبيتك و فسدت كل شي فسدت علاقتنا خسرتك و ممكن على طول .. الله غالب هه كل حاجة فيك تتحب شتحبني نعمل..
 سامحني ع كل مرة وجعتك فيها مكانش بيدي كنت موش فعقلي زيد حبي ليك خلاني نكون متناقض معاك غيرتي عليك وصلتني لدرجة اني خنقتك و تعبتك معايا والله ما كنت حاسس.. زدت كملت عليك ليامات لخرة.. برشااا حاجات نحب نحكيهم اما حكاية فارغة..
عارفك متحبنيش كيما انا نحبك و عارفك تعزني برشا لكن كيما خوك لا اكثر ولا اقل قبل منحكي معاك كنت متأكد مالشي هذا لكن حبيت نستعرفلك و نتفرهد.. بش حتى كيف نمشي تكون فاهمتني و عارفة انا علاش بعدت ..منيش بش نفرض عليك حبي ونطلب منك تحبني ولا تعطيني فرصة ندخل لحياتك بطريقة اخرى نعرفها ماصطة متجيش وماكش بش تنجم تقبلني منحبكش توصل تكرهني .. ميرال المرة هذي بش نبعد بش نجم ننساك.. بش منبقاش نتعذب نراك قدامي و منجمش نكون معاك ..
اوعدني انك ترد بالك ع روحك اوعدني انك تسامحني ع كل شي و نبقى مهدي لي تحبو و تعزو نحبك تتفكرني كان بالحاجات الباهية..
تنهد سكت شوية خزر للدار و عاود تلفتلها
الدار هذي كتبتها باسمك، حليتلك compte في البانكة.. و خليتلك كرهبتي و هوكا عمتلك شوفور ع ذمتك من غدوة بش يبدى معاك.. منحب ينقصك شي منحبك تستحق لحد نحبك قوية كيما نعرفك نحبك تقرى ع روحك و تحقق كل حاجة تتمناها..
تنهد و عاود خزرلها معطاهاش الفرصة تحكي اصلا كان عارفها شبش تقول..
باينة مصدومة ماللي سمعتو الكل عينها مرغرغين و وجها احمر.. حس روحو خذلها مهدي لي وعدها انو يحطها في عينو يحميها و ميتخلاش عليها مهدي لي كانت تترمى في حضنو كالصغار و تهرب مالعالم الكل مهدي لي عمرها مخزرتلو بخزرة اخرى يخرج منو لكلام هذا الكل...
قرب منها حب يعنقها كيما قبل حب يبوسها ويشبع بيها لكنو منجمش حس انو معاش عندو الحق يحط عليها ايدو .. حل الباب عيط للشوفور و خزرلها
-تنجم تروح توااا.. حاول متخمم في شي .. غدوة تصبح تقرى...
خرجت هايمة منغير متحكي حرف حست لكلام ضاع حست كل شي داخل بعضو حست الدنيا تفرعست في لحظة..
بقات تمشي و تتلفتلو تخزرلو و لهواء يلعبلها بشعرها لين طلعت في الكرهبة و مشات هي تخزرلو و هو يخزرلها كان يتبسم بيبالها بيدو لين اختفات .. قعد واقف لحظات بلع ريقو و دخل حاول انو يكبس روحو و مخلاش الدمعة لي في عينو تغلبو و تهبط .. دخل لبيتو خزر للفاليزات تفقد كل شي بعد خرج فما حاجة مزال بش يعملها..

مشى لسارة دق الباب حلتلو الخدامة طول طلعلها لبيتها
-شتعمل هوني اخرج موش قتلك معاش دور بيا
قرب منها بقى يخزرلها
بعد هز ايدو و لفها بكف ع غفلة خلالها بلاصت صوابعو
بقات شادة خدها مصدومة مهيش فاهمة شي حست وذنها بش تطرشق
-سامحني اما لازمك تاخذو الكف هذا و كان مجيتش طفلة راني هرستك.. تخطط انت و سي الطحان و تعاون فيه عاملتلي عصابة.. بصحتك فقت بيك مخر بعد متعدات لحكاية ولى راك خلطت عليه..
منجمتش تنكر بقات واقفة مهبطة راسها
-شوف انا بش نمشي و ممكن منيش راجع نحبك تسامحني نعرفك معاش تحملني و سببتلك برشا وجايع اما والله ما كان قصدي نلعب بيك و محبيتش نوجعك حاولت اني نكون معاك اما......
-مهدي..!'
 انا حبلة ......الحلقة 70

روحت مصدومة ليلتها مهدي يقلي بفمو راني نحبك قالها وكنت نرا فيها في عينو.. مكنت فاهمة شي لحظتها اصلا لتوا ماني فاهمة شي كيفااااه ووقتاه .. صحيح كنت نحس عندو تصرفات غريبة تصرفات ميعملها كان انسان عاشق نشك ساعات اما فيسع نطير الفكرة من مخي ونفيق مهدي بن عبدالله بش يحبني انا بش يخمم فيا انا في وصت لبنات لي يعرفهم بش يختارني انا.. كنت عارفتو حاطني في مقام اختو و حبو و خوفو الزايد كان عندو مبرر..
بقيت ليلة كاملة ندادي في البيت منجمتش ناخذ غمضة..
ممكن كان جات وحدة اخرى في بلاصتي راي منرفزة ولا كيما قال هو راي كرهتو ولا راي ضحكت عليه.. اما انا فرحانة والله قاعدة نحس في قلبي يرعش يفرفط قريب يخرج من بلاصتو نحس في معدتي توجع نخمم و نسترجع في كل كلمة قالها منيش مصدقة نخاف لنرقد و نقوم نلقى روحي نحلم محلاها حلمة و محلاها كلمت نحبك منو..

ليامات لخرة حسيت روحي تبدلت وليت نسرح معاه مع ضحكتو مع بدنو مع خزرتو مع ريحتو وفيسع نفيق ع وضعي و نرزن .. حتى كيف يقولولي كيفاه تحب فارس احلامك منعرش علاش صورتو هو لي تجي ع بالي منعرش علاش نتخيلو كان هو نحسو كان هو الانسان لي نتمنى نكون معاه و نكمل معاه حياتي رغم عيوبو الكل اما يعجبني.. نعرف انو موش بش يكون هو اما حتى حد يشبهلو يزي.. يعجبني برشا.. يعجبني في كل حاجة يعملها .. والله لا نحمل ولا نجم بعدو كل منشم ريحتو و نرى بيتو و هو موش موجود تشدني البكية نسخايل روحي ستانست بيه و هذيكة دموع معزة لا اكثر لا أقل و منخليش مخي يمشي لبعيد.. زعمة نطلعش انا زادة كيفو طحت في بحر حبو و غرقت سايي..( اول مرة نخرجو لكلام هذا و نستعرف بيه حتى لروحي)
..
..الصباح طلع وانا مخذيتش غمضة .. تفكرت قرايتي و الدفوار لي يستنى فيا ..حضرت روحي وخرجت قبل الناس الكل.. وملقيت روحي كان قدام دارو ..حابة نخلط عليه قبل ميسافر و يمشي .. صحيح مزلت منيش متأكدة من مشاعري صحيح مزلت منحبوش اما ميسالش نقلو راني مستعدة نكون مع حد كيفك تي لا يا ربي مستعدة نكون معاك..نقلو خليك معايا بالطريقة لي تحبها انت وراني مستعدة نعطيك و نعطي الروحي فرصة.. نعرف روحي تسرعت في ليلة ونهار بش تتقلب علاقتي بيه.. اما ميسالش المفيد ميمشيش...
 .. اول موصلت قدام الباب قلبي ولى يدق اما لازمني نتقوى لازمني منخليهش يمشي و بعد تو كل شي يجي بطبيعتو.. قدمت وانا مترددة و خايفة منيش مقتنعة باللي نعمل فيه ياسر اما خايفة زادة لنخسرو ونبقى نادمة حياتي كاملة اني معملتش خطوة..
قعدت ندق في الباب يجي ساعة .. محلي حد.. عرفت روحي وصلت مخر ..
 اما مستسلمتش خذيت تاكسي و مشيتلو للشركة كيف ملقيتوش طلعت لبيرو عم يوسف نجري اول مشافني تفاجأ.. بسخايل دار شفما قام من بيروه مفجوع
-مهدي وينووووو ؟ياخي مشى سايي !
سكت و قعدني
-نهارين لتالي جا حكى معايا وقلي بش يرجع لامريكا الله غالب وعدتو قبل بعد محكيت معايا انت وقتلو موش بش نعرضلك منجمتش نقلو شي..
-يعني مشى!!!
-اي طيارتو ليوم الصباح بكري .. والله ماني عارف شبش نقول للامو .. انت منين عرفت ياخي
عيني تعباو دموع منجمتش نحكي قعدت ساكتة ودموعي هابطة.. بعد هزيت راسي
-البارح جاء في الليل هزني قلي لي هو ماشي .. مكارنيش خليتو كنت نجم... اوووف..
-كنت تنجم اما الله غالب ..
حسيتو يقصد حاجة ويحب يلمح لحاجة بقيت نخزرلو و هو بقى يخزرلي
-جاك البارح هزك ..مقلك شي اخر! بخلاف انو ماشي
بلعت ريقي وجاوبتو
-كيما شنوا
- علاش قرر يمشي مثلا.. مقلكش شبيه شنوا لي مقلقو ليامات لخرة تبدلو مع ناس الكل حتى مع روحو نعرفك قريبتلو
-لا مقلي شي..
قمت و هو كلملي الشوفور بش يروح بيا..
روحت بقيت شادة بيتي حاولت نكلمو حاولت نتحصل عليه بأي طريقة وشي.. روحي طلعت فديت عاللخر كلامو محبش يخرج من مخي ولتوا موش مستوعبة انو ينجم يكون مشى..

تعداو نهارين منغير منوصفلكم كيفاش تعداو عليا لين نهار قمت عالكارثة لي بالرسميالحلقة 71

مدام الهام و سي يوسف قاعدين في الصالة كانو يتعاركو ماللي سمعت لي مهدي رجع لامريكا وهي بش تهبل.. وحطت اللوم الكل ع يوسف خاطرو خبى عليها.. هوما هكاكة و يدخل عليهم مهدي .. بقاو لثنين حالين فمهم يخزرولو موش مصدقين
-يزيو بلا عرك
مشاتلو الهام تجري عنقتو و تفلقت بالبكاء.. هكا يا مهدي تخمم تمشي منغير متقلي حتى.. والله بش تهبلني منين طلعت بيها هالطلعة توا ..
-باسها من جبينها محبش يتناقش فيه الموضوع هذاكا خاطر عندو موضوع ما اهم ..
تنهد و بعد تردد نطق خرج لكلام بالسيف ..
-قررت بش نعرس .. وبعد بش نسافر
يوسف: شنواااا
-لي سمعتو بابا و منحبهاش تطوال لحكاية نهارين اخرين و بش تمشيو معايا نخطب...
قصت عليه الهام
-شبيك يا مهدي اكاكة ياخي هو ساهل العرس.. لا طاح لا دزوه بش تهزنا نخطبو عالاقل قلنا شكوني الطفلة وعرفنا عليها
-سارة لي حكيتلك عليها قبل وموش لازم تتعرفو عليها انا لي بش نعرس بيها ..
سمع حس حاجة طاحت وراه تلفت شاف ميرال طالعة في الدروج تجري.. حس الدنيا دارت بيه محبهاش تسمع بالطريقة هذيكة.. تخلطت عليه معاد فاهم شي يهزها من شيرة تتكى من شيرة..
خزر للامو بغش -ياخي موش نورمالمون تقرى شبيكم مقلتوليش لي هي هوني
-توا وقت ميرال مهدي بش تهبلني .. قلي شنية هالطلعة لي طلعت بيها

مجاوبهاش هز روحو وطلع حب يخلط ع ميرال وصل قدام باب بيتها و حبس منجمش يدخل اش بش يحكي اش بش يبرر.. بش يقلها نفدلك عليك نهارتها تمشيش صدقت ولا بش يفضح سارة ام صغيرو الجاي ويقلها راني نحبك انت اما هي حبلت مني ولازمني ناخذها..
هبط يدز في روحو دزان و خرج ..

"اول مشفتو داخل بالكرهبة عيني حوالو طرت بالفرحة رميت لكتاب من ايدي منيش مصدقة.. لبست دبشي و هبط نجري .. وانا هابطة في الدروج نسمع في خالتي تبكي بعد سمعتو هو كيف قال بش نعرس !
 بقيت واقفة و سمعت كل شي و يا ليتني مسمعت..
.. طلعت لبيتي محبيتش نراه ولا حبيتو يراني.. طلعت و ماني فاهمة شي كيفاه بش يعرس وانا من نهارين كان يقلي نحبك خلاني نحلم و نتخيل وحدي خلاني نصدقو بكلمتين خلاني نبدل احساسي ليه بكلمتنين خلاني نخمم فيه بعد ماكنت مسكرة قلبي و مخي ومنسمحلهمش يخممو فيه و يتجاوزو الحدود.. علاه عمل هكا علاه يلعب و يكذب ..
الحاجة الوحيدة لي مصبرتني اني ملقيتوش في الدار نهارتها انو مريتوش وقتلو متمشيش خليك معايا راني مستعدة نعطيك و نعطي لروحي فرصة ونكون معاك ... راو ضحك عليا وقلي شبيك دغفة فيسع متصدق .. كيما عادتوووو..
 قلبي وجعني برشاااااا اما موش انا لي نضعف و نخليه يلعب بيا يزي متعذبت .. اصلا مصار شي.. ممكن كان شارب وموش واعي بش نحسب روحي مسمعت شي .. بلعت ريقي قعدت نخزر لروحي في المراية و مخليتش دمعة تهبط مني.. اما والله موجوعة برررشا..

تعداو نهارين و خالتي لاهية من حاجة لحاجة تحضر لعرس ولدها البدري مخلات مشرات ومخلات محضرت كل يوم وهي من حاجة لحاجة سي يوسف موش هنا جملة كان منرفز منو و موش يحكي معاه.. وانا متسبلة بالقراية نعديه نهار كامل في الفاك نمشي الصباح نجي لعشية بش منراش اكا التحضيرات و منضطرش نخرج مع خالتي ونعاونها في القضيانالحلقة 72
ليلة الخطبة محبش يجيني النوم قمت في اخر الليل حسيت روحي مخنوقة والله كنت لاباس.. عايشة و متفرهدة في لحظة فرعسني يا راه مفرعس اكثر ماهو مفرعس .. دخلني بعضي منحبش نخمم فيه منحبش نحس لي نحس فيه يعرس ولا يقعد ياخي انا كنت ناوية عليه من اصلو.. (احساس خايب كيف تحس احساس ملازمكش تحسو)... هبطت نطلفح دخلت للكوجينة و قعدت نطيب في قهوة و سارحة ..
لين سمعت صوت يناديلي
هزيت راسي قمت من سرحتي مفجوعة تلفت نلقاه واقف في الباب يخزرلي.. ااه يا ربي شمجيبو راني منيش ناقصة
دورت وجهي حسيت روحي تربثت طفيت عالقهوة .. حاولت نكبس روحي ع قد منجم صبيت قهوتي في كاسو ماللي مشى وليت نشرب فيه جبدت كرسي وقعدت ..خزرتلو بكل برودة دم بكل قوة وكل احتقار اما قلبي يغلي من داخل
-أهلا بالعرييس
رمى لمفاتح و جا بحذايا(قداش باين تاعب ومهموم اما بڨلا ليه )
-لازم نحكيو ميرال ..
-ههه شنوا شبيك زارب لف لف مخليتناش حتى نحضرو رواحنا بالباهي فيبالك انا للتوا مخطرت روبتي زح والله عيب عليك

تنهد جبد كرسي و قعد مقابلني
-ميرال يزي منيش ناقص يعلم بحالي كان لي خلقني وانت تجبد عليا بالدم البارد....سكت شوية وكمل:... عارف لي انت تصدمت نهارتها كيف سمعت بيا بش نعرس بعد لكلام لي قلت هولك اما والله مضطر ساعات الدنيا تحطنا في مواقف اقوى منا وم....
-يزي اسكت خليني نقعد نحترمك حتى شوية.. مزلت ماكش حاشم عروحك مزلت تحل في فمك و تجبد فاللي صار.. حط فمخك لي انت بالنسبة ليا جيست ولد خالتي لا اكثر لا اقل حتى كلمة خويا معاش تسمعها مني.. انا مستحيل نخمم فيك وكلامك لي حكيتو دخلتو منا خرجتو منا نحلف عليك راك شارب ليلتها مخذيتش عليك ارتاح .. و ميهمنيش فيك تعرس طلق تسافر هذي حياتك ..

مهدي يحكي: خرجت و خلاتني قاعد في بلاصتي وجهي مشى الوان و جاء الوان تمنيت الارض تبلعني و منراش خزرتها ، طريقة كلامها تبدلت معايا قداش طحت من عينها قداش حسيت روحي تافه و ساقط .. كانت تحب تبينلي قداشها قوية ومعلبالها بيا لكني ريت فعينها غش اول مرة نراه كانت تحكي و ترڨل.. كنت حاس بيها موجوعة مني كنت عارف قداش مقلقها لي صار حتى لو متحبنيش الفازة مجاتش جملة...
  هلكت كل شي بيدي وقعدت.. غلط لعبت ياسر وعمري متوقعت روحي بش نتحط فموقف كيما هكا .. توا جاء الوقت بش نخلص ...الحلقة 73

مهدي بقى سارح في الكوجينة كمل شرب قهوتها لي خلاتها و قعد ييتكيف عينو مخذاتش غمضة لين طلع عليه الصباح .. دخلت نجلة بش تحضر لفطور اول ما شافتو قامت تزغرط فجعتو
-خالتي نجلة يزي
مرتاحت الا مزغرطت 3 تزغريتات
-يا ربي وليدي كبر و بش يعرس
باستو من راسو وبقات تدكك عليه
-شنوا شبيك قايم عالصباح بكري الخطبة لعشية راو .. هه ولا ماكش صابر
-...
-احكيلي عاد شكون صاحبت الحسن والجمال لي رضيت عليها وقررت تاخذها ..
تلفتت تلقاه مشى شدها الضحك
-اهي ا قبطي كبرت عليا و وليت تتحشم
مشى وطلع لبيتو .. قداش توحشها .. دوش و ترمى عالفرش حب ياخذ غمضة .. حكاية سويعتين ويدخل عليه احمد يضربو بمخدة ويقومو مفجوع حل عينو بسيف و طاح يسب فيه
-قوم عندي معاك حديث طويل
قام وقعد عدا ايدو ع شعرو خزر للوقت بعد تلفتلو
-****شبيك جايني توا
-ياخي نرمال بش تخطب وانا اخر من يعلم تقلي كان البارح.. لا وزيد كيفاه منين طلعت بيها هالطلعة موش قتلي سايي قصيتها معاها سارة وليت بش تعرس بيها جملة وحدة ياخي فايق بروحك.. موش قتلي منحبهاش
-فورت غش هاك علاه حكيت هكاكة..
-مهدي اكيد فما سبب قلي شصار
-شبش يصير بربي.. فكني
-صارت حاجة وسارة نعرفها موش ساهلة بش تخليك بالسهولة هذي اما ...
-احمد قتلك مفما شي قيل امي واخرج خليني نرقد
-وين ترقد قوم محضرت روحك الا ما جات لعشية زيد شبي حالتك هكا عينك حمرة و منفوخة وجهك اصفر وانت لايث كالشوليقة عريس الهانة
وقف وبقى يلعب في عينو
-ويني الكوستيم لي بش تلبسها
-منعرش فيبالي عندي دبش هوني حل لڨلص وشوفلي حاجة
-ياخي نرمال جيت في خطبتك وماكش ماخذ كوستيم جديدة تتقحوش..
محضر شي و ما يدري ع شي جاب ربي امو فايقة وحضرتلو كل شي.. جاء جدو و عمومتو وخالتو والعايلة لقريبة رغملي محبش يعمل حاجة كبيرة اما امو ربي يهديها .. حضر روحو واحمد معاه شيحلو ريقو بالاسئلة قبل موعد الخطبة بساعتين كان كل شي حاضر الدار تغلي بالحس والضحك هبط لعريس لكلهم بقاو يخزرولو ويصليو ع نبي .. عينو بقات تلعب يحب يرى ميرال الكلها حاضرة تستنى فيه كان هي مفماش
-هيا مهدي معاش بكري لازمنا نخرجو.. (الخطبة كانت بش تصير في دار بو سارة وهوما ميعيشوش غادي لازمهم يخرجوا قبل بساعة و نص عالاقل)
 -امي ميراااال ويني
-ميرال صبحت مريضة قد محاولت معاها بش تقوم تحضر روحها شي منجمتش تقوم..كلمتلها الطبيب و هاي نجلة بش تبقى معاها
سكت كان عارفها تمثل بش متمشيش عارفها كرهتو و معاش تحب تراه .. طلع و مشالها حل الباب بشوية كانت مظلمة البيت و راقدة في سبات يسمع كان في نفسها داخل وخارج كيف تأكد لي هي راقدة دخل .. حط ايدو ع جبينها لقاه سخون مكانتش تمثل كانت مريضة بالرسمي ..
مخرج الا ما زاد اكد على الطبيبة بش تبقى بحذاها كان ماشي ويوصي عليها في نجلة مشغوب عليها ميحملش يراها مريضة كان مجاش عيب وعباد تستنى فيه راو بطلها المشية.. اما قعادها في الدار كان اهونلو من انها تكون قدامو نهار خطبتو كيفاش كان بش يخطب غيرها وهي تخزرلو..
وصلو روتار فرحت بيهم عايلتهاا عاللخر سارة كانت حاطة الحطة بش طير بالفرحة اما فرحة متنجمش تبينها قدامو قال شنوا فوق من قلبها.. زادت شاخت اكثر كيف ما شافتش ميرال معاهم.. تعدات الخطبة لكلها كانت فرحانة و عاملة جو كان هو تقولش عليه نهار دفينتو و عداها خارج داخل يكلم في نجلة يسئل فيها ع ميرال..
تعدات الخطبة بقاو يحكيو بوها سئل عالعرس و مهدي جاوبو و كان مصمم
-العرس الجمعة الجاية
-ووه علاه هالزربة
سارة: امي احنا ديجا متفاهمين و مقررين علاش نطولو فيها زيد مهدي نعرفو عندي عامين وين ترى فيها هالزربة..
كان هذاكا الاتفاق.. روحو في الليل امو ثنية كاملة تخرنن عليه خاطرو زرب في العرس كانت حابة روبت عرس كنتها تصممها و تحضرها بيدها كانت ناوية تعمل برشااا حاجات وتفتق مواهبها لكنو قصلها قصة عربيالحلقة 74

وصلو للدار كلهم هبطو كان سي يوسف بقى في الكرهبة كان راكب بجمبو ..
-اللي قلت عليه قتلك الله يبارك .. بابا بش نخرج نسكن وحدي قلت ميسالش وعندك الحق .. بابا بش نسافر قلت ميسالش.. بابا بش نخطب سكت وخليتك ع راحتك.. وانت هاك طلعت هاك هبطت كل مرة طالع بطلعة وانا ساكت.. اما بش توصل تقرر تعرس بعد جمعة وتاخذ قرار وحدك بتسرع لهنا نوقفك ومنخليكش تزيد تغلط ومن حقي نمارس عليك سلطتي كبو
-ياخي شنوا فيها بش نعرس وين ترى فيه لغلط..
-غلط كيف تبدى بش تعرس بوحدة متحبهاش.. غلط كيف نرى فعينك الحزن وانت داخل فوق من قلبك لدارهم.. غلط كيف تكذب ع طفلة تربط روحك بيها وانت في قلبك غيرها..
-بابا مزلت مالي مخك بحكاية ميرال ياخي شبيك متحبش تفهم
-انت لي شبيك متحبش تفهم راني عارف كل شي علاش تحب تخبي عليا راني بوك موش عدوك واكثر حد يحبلك الخير علاش متحبش تصارحني و ترتاح فهمني شبيك شنوا لي دور فمخك وين تحب توصل علاش تحب تكذب ع روحك بالسيف وتغطي عين الشمس بالغربال...
مهدي بقى ساكت حس روحو تخنق

-اش بش نعمل كيف لي نحبها متحبنيش و مستحيل بش تقبلني كان جاء فما امل 1٪ راني عملت المستحيل وخليتها متكون كان ليا.. استعرفتلها لي انا نحبها كنت متأكد انها موش بش تقبل لحكاية زادت تصدمت فيا اكثر كيف سمعت بيا بش نعرس بعد نهارين ماللي حكيت معاها..
-وانت علاش فاش قام طالع بيها هالطلعة شكون ضربك ع ايدك وقتاه بش ترزن و تنقص ماللعب والله مفهمتك كيفاش تخمم.. شوف الليلة تكلم الطفلة و تقلها كل حد ع روحو نبقاو في الحشمة ولا تكمل حياتك تاعب كان موش بش تكلمهم انت انا تو نكلم بوها ونفسد كل شي
-والله منجم يا بابا..
-علاش متنجمش
-منجمش وكهو..
-مهدي راني كبرت مطلعليش الدم اكثر ماهو طالع...
-باهي اوعدني لكلام لي بش نقول هولك يموت بيناتنا..
-بطبيعة
-بعد محكيت مع ميرال وكنت مسافر عرفت لي سارة حبلة مني..
سي يوسف سمعو و برق عينو وجهو لخلخ
-والله كان جيت نعرف لنقلها نخليها في قلبي ولا يصير لي صار .. الصغير لي جاي معندو حتى ذمب انا لي غلط و بش نخلص معندي حتى حل اخر لازمني نعرس بسارة ونهزها و نمشي قبل متكبر كرشها منحب حد يحكي عليه كلمة خايبة نهار اخر ..
بقاو الزوز ساكتين ..
- متأكد هزيتها لطبيب
-اي ماللي قتلي هزيتها.. حبلة في الثاني
- علاش ما تحكيش معاها طيحو.. خير ماللي تزيد تصلح غلطة بغلطة
-منجمش نطلب حاجة كيما هذي سارة بنت عايلة و كنت ناوي عليها مهيش جرد وحدة عديت معاها ليلة ومشات ع روحها توا لي صار صار كيما قتلك غلط و بش نخلص زيد شذمبو هو ..
-عندك الحق ..
ريت ديما نوصي فيك ونقلك ارزن وريض ..
توا مالمستحسن معاش تجي لهوني خليك بعيد خيرلك بش متزيدش توجع قلبك اكثر.. كمل لي بديتو و هز مرتك و برا ربي يعملك نايب ..البعد و الوقت ينسي متدريش تنجم تحبها ويزيد الصغير يقربكم لبعضكم برا عيش حياتك ابني مستقبلك وحدك كيما تحب سي الشباب و ارتاح من تخرنيني
-بابا ..
حابب نعنقك
تبسم سي يوسف حل ايدو و عنقو .. حط راسو ع كتافو كان محتاج لشكون يحس بيه قعد برشا معنقو كان يحس في روحو ضعيف يحس في روحو وحدو
-والله تعبت
 مخي بش يتحرق
 نحس في قلبي يوجع .. يوجع بطريقة خايبة
سي يوسف بعدو ربتلو ع كتفو و هبط مسح دمعة لي في عينو محبش يبينها لولدو بش ميزيدش يضعف اكثر .. كان حاس بيه.. قلبو وجعو عليه برشا اول مرة يراه هكا كان يسخايلو تولدلو بلا قلب..
مهدي قعد في الكرهبة ..
بعد نحى الخاتم من ايدو رماه في جيبو .. خدم الكرهبة و مشالحلقة 75

جمعة تعدات طويلة عليه سافر فيها لامريكا ريڨل اومورو غادي .. نظم حكاية الخدمة هز دبشو اثث الدار ..
ميرال حاولت انها تتناسى و تتأقلم مع لي صار تمشي تقرى عادي وفي الليل تسهر مع العايلة.. اقتنعت انو لي صار غلطة مكارهاش فيسع صدقتها الدار كانت تملى و تفرغ و العريس موش موجود.. روح كان قبل العرس بنهار .. مكان يدري على شي و محضر شي تلفونو ديما مطيش ميهز على حد كان على بوه ..
لقى كل شي حاضر يستنى فيه .. لقى امو حضرتلو العرس في واحد مالوتلة متاعهم و مخلات معملت ..طلعلو الدم لراسو مكانش حابب يعمل حاجة كبيرة لكن ملقى ميقول..
.. من غدوة قوموه عالصباح اللي يوريلو في الكستيم اللي يختارلو في الصباط نجلة تبخر وتصلي عالنبي ريان يريڨلو في شعرو و هو كالكورة في وصتهم كان ميراااال كانت تخزر من بعيد .. مشات هي زادة بقات تحضر في روحها لبست روب مذخمة مكيجت وريجلت شعرها برفنت و هبطت .. مهدي كان في البيت مع صحابو شطر العايلة الكل لوطة و الضيوف في الاوتال يستناو في قدومهم.. اول مهبط جات عينو فعينها بدنو رعش بكلو .. خزرتها قوية منحاتش عينها من عليه وهو زادة منجمش يبعد عينو كانت تسحر كيما عادتها دوختو و هبلتو كان يلقى يهزها ويهرب ويبعد بيها لبعيد يبعد من واقعو و مالصراع لي عيش فيه..
وصل بحذاهم بقى ساكت
-الهام: هيا معاش بكري لعروسة راي تستنى
ريان تلفت لميرال
-ميرال هيا اطلع معايا انت
-لا انا بش نمشي مع ايهم طول للاوتال مناش متعدين معاكم نجيبو لعروسة ..
هزت روحها ومشات ومهدي بقى يخزرلها ع جنب ..

بدات السهرية مهدي كان متصدر يحس في روحو قاعد عالجمر و كل ميتلفت يلقى سارة تضحك و تشطح يزيد يهبل .. كان شاد روحو بالسيف اللي هذا يجي يباركلو يحاول يصطنع ضحكة .. سهرية كاملة وهو عينو متنحاتش ع ميراااال.. كانت مرة تضحك مرة تخزرلو مرة تسرح مرة تخرج مرة ترجع ..
حس روحو تخنق برشا حتى هبطوه بش يشطح محبش خلاهم الكل محفلينها وخالينها و هو خرج بش يعمل ڨارو ويرجع..
بقى البرة يتكيف واقف مكستم طول و وهرة وذخامة عريس بتمامو وكمالو ..
حس حاجة وقفت وراه تلفت يلقاها ميرال تربث رمى الدخان وبقى يخزرلها
-مبروووك
بقى ساكت مجاوبهاش و دور وجهو
مشات و وقفت بجمبو
-وقتاه مسافرين؟
-غدوة
بلعت ريقها خذات نفس طويل وبقات ساكتة
-يسألو عليك ادخل بش تعملو تصاور
 جات داخلة و هو جبدها من ايدها
بقى لحظات يخزرلها ..
-تمنيتك لو كنت انت لي متصدرة بحذايا ليوم .. تمنيتك تولي ميرال بن عبدالله تولي ملكي وحلالي...
بدنها رعش من قربو ليها و كلامو استفزها و منغير متشعر طرشقت فوجهو
-كي انت تمنيت هذا الكل علاش ماشي تعرس بغيري مالا .. يزي مهدي بلا لعب وفيق راني منيش صغيرة... مريييييض
جبدها بقوة ولزها ليه حطها فحضنو كانت متبانش عندو .. كبس عليها ببرشا حب ، وحش و وجيعة تنهد غمض عينو حط جبينو ع جبينها وقعد مستمتع باللحظة
-قول لي تحب مريض.. جبان.. كذاب.. موش لازم تفهم ..اما والله نحبك عمري مجربت الحب وانت لي خليتني نحسو بش تقعد احلى واجمل حاجة صارتلي في حياتي و باللي نعمل موش بش ننساك عمري لا بش نلقى حد يفهمني قدك عمري ما بش نلقى حد نسيب معاه هبالي و نعيش معاه لي عشناه الكل بالباهي والخايب والله ذكريات بش تبقى مرسومة لهناااا..
يا ليت كان عرفتك من قبل.. يا ليت لو معرفت حد قبلك... تمنيتك لو انحرفت و حبيتني كيما انا حبيتك... قرب منها عاللخر شفايفو كانت قريب تمس شفايفها .....
...
-مهدي !!! ميراااال!! شتعملو ياخي !!؟
هزو روسهم لثنين مفجوعين لقاوه احمد واقف يخزرلهم .. ميرال جبدت روحها , هزت روبتها و مشات تجري .. ومهدي دخل ايدو لجيبو و هبط راسو
احمد قعد حابس قارن حاجبو و وجهو تكبس ..
-الدنيا مقلوبة عليك لداخل غبرت ومرتك تستنى وانت هوني معنق ميرال
-احمد برى اخلط عليها متخليهاش وحدها .. روح بيها و مترجع كان متتهنى عليها
سكت و مشى .. زاد نادالو
-احمددد!! تعرفني ناثق فيك ..رد بالككك عليها في غيابي.. حطها في عينككالحلقة 76

ومرت الايااام... شهرين توا تعداو

روح مهدي في الليل مخر حل الباب يلقى سارة مزالت مرقدتش..
-شبيك ساهرة للتوا لباس
-لا لباس جيست نستنى فيك ياسر وليت تبطى
-تشديت في الخدمة وقتلك معاش تستناني سارة
-يزي بلا تخرنين وايجا خنحطلك تتعشى طيبتلك برشا حاجات تحبهم
-معينيش .. تاعب بش نرقد
-من قبيلة وانا نطيب و نكسر في راسي ونستنى فيك بعد تجي متخسر عليا كان معينيش
تنهد نعل الشيطان وخزرلها
-باهي ،.. نغسل ايدي و نجي و مطحتليش برشا..

قعد ياكل ويغصب ع روحو كيما كل مرة ماكلتها متعجبوش اما ياكل ويسكت وميحسسهاش.. كان ياكل و سارح وهي مقابلتو تخزرلو
-مهدي جاتني"كاترين" ليوم محلاها والله ونستني وانا ماللي جيت و انا وحدي
-وي فيبالي
-حكاتلي ع ايامات الجامعة و جوكم كنتو چروب محلاكم.. ياخي راجلها يخدم معاك
-لا جيست يعاون فيا و برا
مسح فمو وقام وخزرلها
-غدوة بش نهزك تعمل كونترول متنساش و مطلعلي حتى سبة
تربثت و بقات ساكتة .. هو جا ماشي وهي خلطت عليه و شدتو من يدو
-مهدي اطلع ارقد معايا الفوق علاش انت في شيرة وانا في شيرة شنوا بش يقلقك كان نباتو فرد بيت
-سارة من اول ليلة عرسنا فيها تفاهمنا فيه الموضوع هذا ...
-ياخي قداه بش نبقاو هكا مرتك راني و عنا صغير جاي في الثنية علاش منبداوش صفحة جديدة و نحاولو ن...

-كوارتنا لثنين مكشوفة مفماش علاش بش نبقاو نكذبو على بعضنا.. عرسنا جيست على خاطر الصغير لي في كرشك .. و وضحتلك ماللول قتلك متنتظر مني شي كل حد ع روحو .. بش نقدرك و نحترمك ومنخليك ناقصة شي نحبك تكون مرتاحة كل شي يجيك ليديك و تنحيلي تصرفات الزوجة المثالية يعيشك.. معاش تستناني معاش تمرجني بالتلفونات كل دقيقة على مفم شي ، معاش تبقى طيب وتعب في روحك ..ماني طالب منك شي كان انك تتلهى بروحك وبولدك لا اكثر لا اقل..
-و انا ميساعدنيش نبقى هكا موش عاجبني الوضع نحب نرجع لتونس خليت خدمتي و عايلتي وجيت معاك لهوني موش بش نبقى كالكلبة وحدي موش فاهمة لا معرسة لا مطلقة
طلعلو الدم لراسو لا يزي ميت بالتعب زيد هي كملت عليه .. اما كان موسع بالو ويراعي فيها وميحبش حتى يوصل يصيح عليها صيحة صغيرة..
-باهي شتحب توا شنوا المطلوب
-طالبة انا نعيشو مرا و راجل كيما اي زوز معرسين عندي حقوق عليك وعندك حقوق عليا .. و نحبك ترقد معايا فرد بيت موش كل حد في شيرة
-منجمش نرقد معاك فرد فرش نومي خايب نجم نضربك منغير منشعر وبالنسبة لحقوقك واللهي قايم بواجبي معاك كراجل مسؤول عليك وموش مخليك ناقصة شي... بقات حاجة وحدة منجمش نعملها توا بحكم انت حبلة نخاف عليك وعاللبيبي اولد و يعمل ربي معندي وين هارب ..
جبد عليها بدمو البارد و دخل لبيتو .. حست روحها هبلت و زادت خلطت عليه..
-متخافش سألت الطبيب وقلي مفما شي يخوف
-يااااخي شبي عزاك انت هالليلة الكلبة اش شربت! شبيك كلبت .. برى ارقد و اخطاني شدها من مرفقها خرجها وسكر ااباب في وجها..

"ليلة كاملة بت نتقلب محبش يجيني النوم فديت و تخنقت من حياتي وملي عايش فيه .. زيد حاس روحي متوحش ميرال عاللخر شهرين مريتهاش و مسمعتش صوتها اول مرة نبقى المدة هذي وهي بعيدة عليا..

 حاس بوحدة و فراغ كبير توحشت جو الدار ولمتنا عالفطور والضحك والبلادة لي نسيبوها على امي.. توحشت لولاد صحابي.. حتى مالشركة والخدمة مع بابا توحشتها.. زعمة شعامل اكا دجو... واكا نجلة راي تصنف كيما عادتها في الكوجينة..

الحاجة الوحيدة لي مصبرتني انو عندي صغير جاي في الثنية منيش مستوعب انو بعد اشهرة بش نولي بو اما "نحن لها" .. بطلت الشراب نقصت مالسهريات والحكايات الفارغة وليت نخمم في المستقبل وليت نخدم نهار و ليل نحب نعمل كل حاجة تمنيتها قبل .. حسيت روحي بديت نرزن ع قبل.. قررت نبدل كل شي في حياتي.. ..
الحاجة الوحيدة لي منجمتش نعملها اني نبدى حياتي مع سارة .. منجمتش نكون معاها .. اصلا عندي قداه مخزرتلش لوحدة ولا خممت نبات مع وحدة .. معيني بحتى وحدة ومملات عيني حتى وحدة ...
وحدة بركة سكنت في قلبي ومخي و روحي لكن،..لا نجمت ننساها و نخرجها من تفكيري ولا نجمت نكون معاااها...
زعمة فاش قاعدة تعمل توا يا ميرال.. كل مرة نحب نهز التلفون نكلمها نسأل عليها ونسمع صوتها ومنجمش.. اش بش نقلها واش بش نحكي معاها..
نقعد بعيييد خيير .. خيرلي وخيرلها..الحلقة 77
من غدوة قام دوش حضر روحو وطلع للسارة بش يقومها ويهزها لطبيب دق الباب وقعد يستنى كيف محلتش حلو و دخل .. يلقى فرشها مستوي و مفما حد في البيت.. دخل للصال دوبان زادة ملقاهاش قعد يفكرس ويعيط شي حتى تلفونها مسكر... عاود طلع لبيتها لقى شطر دبشها مفماش حس الدم طلعلو لراسو والافكار الكل دارت في مخو لين تلفت لقى ورقة فوق الكوافوز حلها وقعد يقرى فيها

"مهدي سامحني نعرف لي عملتو معاك ميتغفرش نعرف روحي كثرتلها فرضت روحي عليك خليتك تعرس بيا ووليت نعمل في حجات عمري متصورت نعملها .. اما انت السبب انت لي خليتني نكون هكا انت دمرتني لعبت بيا و بمشاعري كيما حبيت .. نحب نقلك راني كذبت عليك لا فما صغير ولا شي .. لقيت انو هذاكا الحل الوحيد بش نخليك تكمل معايا رشيت الطبيب بش يقلك راني حبلة مفهمتش كيفاه دخلت في لعبة كيما هكا .. مشى في بالي بش كيف نعرسو تتبدل حاجات قلت نجم نحبل منك برسمي و نخليك تسامحني بالوقت.. شوية لقيت روحي نعوم في الشايح الوقت يمشي وانا قاعدة نغرق وحدي .. مهدي انا منيش خايبة للدرجة والله حبي ليك عماني .. سامحني ..
هاني مشيت ومعاش بش نقلقك ولا نوريك وجهي .. عيشك متقول لحد عالي صار تتعدى ايامات و نرجع لتونس و نقلهم لي احنا طلقنا .. "

كان يقرى وجهو لخلخ وعينو حمارو قطع الورقة وقام يصيح ضرب البلار بيدو كسرو الدنيا قلبها كلب وجن .. لعبت بيه كيما حبت خلتو يصدقها خلتو يتعذب خلتو يستنى في صغير و يعيش في كذبة شهرين كاملين..

في ضرف نهار طلّع بلاصتها مشالها يلقاها في اوتال.. دخللها قلب عليها الدنيا سخسها و مرمدها وهزها بالوقت زاد عمللها كونترول حب يتأكد بش متزيدش تعديها عليه و خاف لتهربلو بصغيرو .. تأكد انو مفما شي .. بعثها طول لتونس في اول طيارة و بدى في اجراءات الطلاق لا همو كلام الناس ولا كلام العايلة اش بش يقولو...

قعد فترة كبيرة منقطع عالدنيا الكل نحى تلفونو بعد من غادي سافر وقعد في بلاصة رايضة ما همو حد و منجم حد يلقاه.. كره كل شي ..معاد ينجم ياثق في شي حتى في روحو .. نقم و خاصة ع حاجة اسمها مرى.. تعدات ايامات موش قليلة وهو عالحالة هاكي .. فترة صعيبة تعدات عليه داوا فيها روحو بروحو
..
  وين حس روحو خير وتحسن وتجاوز لي تعدى عليه .. رجع ..بقوة.. نار تڨدح.. شد خدمتو و وقف ع ساقو من جديد معاش هامو شي رجع مهدي لقوي لي ميرشفها لحد و ميخمم كان في روحو. حلف بش معاد يخلي شي يضعفو ويرجعو لتالي قرر بش يكون اناني و يعمل كان الحاجة لي تزيد تعليه الحاجة لي تمناها وحلم بيها.. ليل ع نهار وهو يخدم كان يبني ويعلي كل نهار يزيد ينجح اكثر واكثر مخو ديما يخدم حط تفكيرو الكل في الخدمة .. معاد يتواصل مع حد كان امو و بوه وبيدها قليل حتى كل ميحاولو يجوه يطلعلهم بسبة ..
مكانش عندو الوقت حتى بش يقعد بينو وبين روحو و يسرح شوية .. كثرو مشاريعو كثرو علاقاتو كثرت سفراتو و خرجاتو ...الحلقة 78

تعدا عااااام و 3 شهر ...
ميرال دخلت فعامها الثالث في الفاك.. بعد ما بعِد و خرج مهدي من حياتهم تعدات عليها فترة صعيبة ماللول لكن بالوقت نجمت تتجاوز .. ستانست بغيابو و كانت تحاول تملا وقتها بأي حاجة و متخليش لروحها الفرصة انها تتوحشو و تبقى تخمم فيه ..
ريان غاضتو برشا وعرفها قداش فقدت مهدي كان يرى فيها تذبل قدامو (البريود لولة) .. ليلتها دخللها للبيت حط ايدو ع كتفها وقلها" موش تقول مشى مهدي يعني قعدت وحدك حط فيبالك انو مزال عندك خو بش يكون ديما معاك.. نعرف روحي منجمش نكون في بلاصت مهدي لكن نوعدك اني منيش بش نخليك لحظة.. "
قداش عز عليها وقداش وقف معاها ... شخصيتها لقوية و العذاب لي تعرضتلو حياتها الكل خلاها تنجم تتحمل و تكون قوية وفيسع تتجاوز .. و تتغلب ع ضعفها و وجيعتها..
كانت عايشة و كل يوم تقدم و تتبدل عالنهار لي قبلو .. واللي في القلب في القلب ميعلم بيه كان ربي ..
تتعذب من داخل.. ومتخلي شي يأثرلها على حياتها مالبرة ....

ليلة من الليالي كانت راقدة في بيتها قامت ع صوت صياح و بكاء هبطت تلقى الدنيا مقلوبة لوطة و الامبيلونس دخلت لوصت الدار .. تشوف فيهم هازين سي يوسف .. الهام تبكي و تعيط و ريان يجبد فيها .. ساقها معاش حاملينها مشات تجري بدنها الكل يرعش و جها صفار مالخوف كانت تسأل شصار و مرعوووبة لتسمع خبر خاااايب .. ..
سي يوسف ليلتها جاتو جلطة طاح داخ بالوقت..

بقاااو عايلة كاملة في الكلينيك ليلة كاملة يستناو فيه وهو تحت العملية قلوبهم واقفة وجوهم صفرة و دموعهم هابطة كالمطر ..
مصعبها ليلة ومخيبها .. ميراال كانت معنقة خالتها و تبكي بالشهقة منجمتش تسكت ..وصل ريان يسكت فيها ويهدي فيها تقولش عليها هي بنتو موش هو .. كانت تكنلو معزة و حب كبير عمرها محستو راجل خالتها و برا..
تعداو سوايع و سوايع .. لين خرج مالعملية و تعدى مرحلة لخطر و دخلوه للبلووك.. قعد ايامات بعد خرج و حطوه في شومبر نورمال.. كان مزال تاعب برشا يتكلم بالسيف ويتحرك بالسيف اما طمنهم الطبيب ..
مخلاوهش لحظة كانو كل يوم معاه يمشي حد يجي حد .. ميرال كانت كل يوم تتعدالو مالقراية تفطرو و تضحكو و تبدلو الجو .. تبقى تقرالو كتاب .. و تروح و تزيد ترجع هي وخالتها في الليل ..

نهار كانو دايرين بيه الكل ميرال ع يمينو و الهام ع يسارو ..نوال و ريان .. نجلة و خوه و مرت خوه ..

لين تحل الباب و دخل ...
.....مهدي...الحلقة 79

حل الباب بقوة كان يلهث و مفجوع اول مجات عينو ع بوه تنطر عليه يبوس فيه ويحمل الكلهم وقفو كيف شافوه بقاو يخزرولو عينهم دمعت ..
-عيش ولدي متتفجعش هاني قمت لباس كالحصان .. غصرة وتعدات
-حمد الله.. سامحني يا بابا والله مسمعت كان البارح في الليل
-نعرف وين نسأل عليك يقولولي متحصلناش عليه.. خفت لنموت ومنراكش
سكت مهدي وطبس باسو من جبينو "اللطف عليك.. ربي طوللنا غي عمرك"
قام وتلفت خزر للامو لي كانت متغشة عليه وماخذة في خاطرها منو اما اول مجات عينها فعينو حطتو في حضنها و تفلقت بالبكاء
-وينك يا مهدي علاه تعمل فيا هكا متقولش نجي نطل ..تتطلب مرة في الفال .. منجموش حتى نتحصلو عليك.. كان مدبرش ريان نومروك في الخدمة راك لتوا مفيبالكش ببوك لي عندو جمعة ماللي عمل العملية..
باسها مهدي وقعد ساكت كان عارف روحو غالط و ملقى ميجاوب.. سلم عالجماعة الكل بالواحد بالواحد.. كان وحدة بركا متحركتش من بلاصتها و مجاتش سلمت عليه كانت واقفة تخزرلو جامدة.. كانت واقفة مالشيرة لخرة متع الفرش بحذا سي يوسف..(ملي دخل وهي موش مصدقة انها ترى فيه قدامها بطولو وعرضو .. بخزرتو و ريحتو لي منساتهاش..)
في لحظة تلفت و جات عينو في عينها .. توا بركا فين شافها.. حس برعشة في قلبو عندو برشا عليها.. بقى واقف يخزرلها ضاع فيها موش مستوعب انها قدامو ..
  بلعت ريقها و مشاتلو ..قربت منو.. .. و مدتلو ايدها بش تسلم عليه.. مدلها يدو وطبس عطاها بوستين وبقا شادها مسيبلهاش يدها وخزرلها
-شحوالك ميرال
-حمد الله
تبسمتلو تبسيمة خفيفة و جبدت ايدها و رجعت وقفت بحذا خالتها...
مهدي حس بحاجز و بعد كبير بينهم.. ويني الضحكة لي تترسم ع وجها كي تراه ويني الجرية.. مستانسة كيف يغيب حتى جمعتين تترمى في حضنو هي اول وحدة تسلم علييه .. المرة هذي غاب عام و 3 شهر .. جاتو جامدة وباردة مدتلو يدها كأنو حد غريب...
رجع قعد بحذا بوه يملى في عينو منو.. قعد يحكي معاااه ..
الكلهم روحو حتى من ميرال لي اول ملقات الفرصة تزرفت هي اول وحدة..

اول موصلها ريان حلت الباب و هبطت طلعت طول لبيتها.. كانت متوترة تتنفس بالسيف تسخايل مهدي حاجة و مشات ع روحها خرجت من حياتها لكن اول ماشافتو تبدل كل شي احساس في قلبها موش عادي..
بقات تخزر لروحها في المرايا لين شافت الشركة لي عطاهالها مهدي قبل مكتوب فيهاM.. نحاتها بالوقت خافت ليطلع يكون شافها مزالت لابستها و محتفظة بيها.. ماللي مشى وهي منحاتهاش من رقبتها.. ..
 جبدت الاجندا متاعها.. بقات تكتب في خواطرها عندها برررررشا مجبدتوش و مفرغتلوش قلبها.. بعد حطت في وصتو الشركة لي نحاتها بش متضيعش وميراها حد.. سكرتو حطتو تحت مخدتها و بقات سارحة لين هزها النوم....الحلقة 80

تعداو ايامات خرج سي يوسف و نور دارو لي توحشها ..كانت كل يوم تملى وتفرغ معارفو و صحابو ياسر .. مصارش حتى كونتاكت بينها وبين مهدي البريود هذيكة .. حتى كيف تجي العين في العين مينجمش يخزرلها.. مينجمش يحكي معاها.. وهي بطبيعتها معطاتوش الفرصة اصلا قليل فين يتقابلو .. كانت متركحش من بلاصة لبلاصة من حاجة لحاجة معاش تقعد في الدار جملة ..
هدى الوضع و نقص المشي و الجي سي يوسف تحسن ولى يقوم ويتحرك .. بش رجعت فيهم الروح عايلة كاملة..

نهار كان قاعد هو وبوه في البلكون يحكيو .. شاف ميرال هي وريان خرجو قعدو في الجردة كان كل حد فيهم شاد ڨيتارا ويدندنو عاطينهم بالظهر.. نفس لبلاصة لي كانو يقعدو فيها قبل..
-ضحك سي يوسف وخزرلو : دخلها معاه ريان للكنسرفاتوار ولات تخدم عالڨيتار بالباهي الحلوفة.. سكت مهدي وبقى يخزرلهم كان كل مرة توصلو ضحكتها .. يسمع صوتها.. حديثها.. غمض عينو وقعد مركز معاها كان متوحش يسمعها ...
-توحشتها؟
حل عينو تلفت لبوه و بقى ساكت مجاوبوش...

سي يوسف : هي متوحشتك..
- هه مظهرلي، ملي جيت وهي متجنبتني.. مشيت و خليتها متغشة مني.. جيت نلقاها معاش حاسبتني.. كأني مكنتش موجود في حياتها .. كأنها متعرفنيش..
 خزرة متخزرهاش.. كلمة صباح الخير مسمعتهاش منها ..

- كاسحة وقوية .. اصلا متبعدش عليك في الحاجة هذي كي بعضكم هه ..
 قلي شبش تعمل !
-فاش ؟
-العائق لي كان مانعك انك تكون معاها مشى ع روحو .. دونك فاش تستنى..
رجعلو شريط طويييييل .. تفكر كيفاش عداتها عليه سارة تفكر شحس واش تعدي عليه وقتها وقف و خزر لبوه
-معندي منعمل .. قتلك يا بابا راني منفرض روحي ع حد.. و يزي متبعت قلبي و تعبت.. معاد يهمني في شي ولا في حد .. لي معينوش بيا موش بش نبقى نجري وراه .. عندي حاجات ما اهم توا نحب نوصللها..و كانك ع قلبي بول عليه..

هيا ليلتك زينة ..تستحق حاجة عيطلي
مشى و سي يوسف قعد هاز حاجبو
"تكذب ع روحك كيما عادتك.. مصيرك ترذخ لقلبك "الحلقة 81
فما ليلة قامت فيها في نص الليل بش تشرب لقات دبوزتها فارغة ولات هبطت بش تعبيها..
اول مدخلت للكوجينة عرضها مهدي خارج ..تفجعت بقات واقفة تخزرلو وهو معمل حتى رياكسيون كان لابس شوميز ملفوق و مخليها محلولة حست روحها كلي شافت توشيمة جديدة ع صدرو ليسار اول مرة تراها.. كأنو اسمها !!، مكانتش متأكدة اما حست كأنها لمحت اسمها.. المشكلة انو مهدي اول مراها حطت عينها ع صدرو غطاه بالوقت وقعد يسكر في الشوميز..
هو جاء بش يحكي معاها و هي حست روحها تربثت مالفازة ومشات طول دخلت للكوجينة وحسبت روحها تخنتب.. بقى واقف يخزرلها بعد طلع...

بقات تتقلب منجمتش ترقد تحب تعرف هذاكا اسمها ولا .. مفهمتش علاش عمل هكاكة ومحبهاش تشوف.. زعمة اسم وحدة اخرى !! حست روحها بش تهبل تحب تعرف ..
قامت بقات واقفة قدام بيتو حطت وذنها عالباب كيف مسمعت حتى حس حلتو بالشوية شافتو متكي ابارامون راقد *.*
خلات الباب محلول بش يدخل شوية ضوء للبيت و دخلت ع طراتش صوابعها بقات تخزرلو وعرفت لي هو في سابع نومة "محلاه و هو راقد " سرحت معاه شوية بعد فاقت ع روحها..
حاولت انها تبعد لغطاء بشوية بشوية بش ميحسش شعلت تلفونها حبت تشوف و تتأكد ..لقاتو اسمها لي مكتوب ع صدرو بقات تخزر و تثبت و قلبها يدق بش يخرج من بلاصتو... كيف تركبلها حاجة مترتاح الا ما تعرفها.. قداش فرحت لحظتها قريب تعمل جوانح وطير كانت تتبسم وحاط ايدها ع فمها كالصغار موش مصدقة انو يوصل يوشم اسمها ع صدرو..
في لحظة.. ضحك وحل عينو كان شاد روحو بالسيف..
ماتت بالرعبة حست سطل ماااء وهبط عليها الدنيا بدات تلعبت بيها حطت ع ساقها وجات ماشية وهو جبدها
-كنت تنجم تسألني قبيلة و تتأكد علاش داخلة تتسلهب كالسراق ههه
وجها حمار تربثت و دخلت بعضها ...بعد ڨحرتلو و جاوبتو بتسوميمها لي مستانس بيه
-مفيباليش نومك ولى خفيف.. حتى هو عام يتبدل فيه لعجب
حسها ترميلو في المعنى
-.. بطبيعتي مكنتش راقد .. و كان فما حاجة تبدلت راي فيك انت
جبدت ايدها بقوة وخرجت .. مهدي من غير ميشعر خلط جبدها ليه دخلها و لزها للحيط .. كانت شادة في الحيط بدنها كل ولى يرعش مستوعبتش شقاعد يصير كان قريبلها عاللخر النفس متاعو طالع هابط ريحتو دوخ ..لين سمعتو دور المفتاح في الباب سكرو
-مهدي ابعد عليا سيبني بش نخرج
-خلينا نحكيو
-ماعنّا فاش نحكيو سيبني
-كان انا وانت معنا فاش نحكيو ..مالا شكون لي يحكيو
حست روحها تخنقت دخل و تخرج في الهواء بالسيف عرفتو موش بش يسيبها..
-باهي شعل الضوء عالاقل و ابعد خلينا نحكيو كالعباد
-خلي هكا خير ..منحبش نرى اكا العينين واكا الخزرة..
باسها من خدها بشوية وبدى يقرب لشفايفها .. .

معاش تنجم تتحمل حست روحها بدات تهبل الغل والحقد لي شادتو عليه عام و ثلاثة شهر جاء الوقت بش تخرجو جاء الوقت لي بش تفرغ قلبها وتفيقو ع وضعو
تقوات وقررت تعاملو بنفس أسلوبو.. حطت ايدها ع خدو وقربت لوذنوالحلقة 82

شنوا مهدي شبش تحكي بش تقلي توحشتك .. بش تقلي نحبك و منسيتكش و انت احلى حاجة صارتلي بش تاكلني بكلمتين.. بش تقلي السبب لي خلاك تعرس .. السبب لي انا ديجا نعرفو.. و نعرف السبب لي خلاك طلق زادة .. ارتاح راني عارفة كل شي اصلا كلنا عرفنا.. منغير متكسرلي راسي بحكاياتك خاطرك بكلك معاش تهمني..
تعرف اول مسمعت متتصورش قداش عزيت عليا قداش غضتني .. فهمتك وحسيت بيك و عذرتك .. قعدت نستنى فيك النهار لووول.. تو ترجع تو ترجع شي.. الشهر لول.. الثاني.. الثااالث... باهي الراااابع... باهي عالاقل اطلب كلمني اسأل علياااا... موش مشكل قعدت نستنى.. الخامس .. السادس .. العاااااااااااشرررر.... وشي....
 بالرسمي حكايتك فارغة مشيت و خليتني و متذكرتنيش حتى بالكذب حتى كيف تكلمك خالتي عمرك مسألت عليا للدرجة!! عمري ما جيت ع بالك حتى شوي.. متقولش زعمة اكا الطفلة شعاملة!!!.. بش تقلي راني بعدت عليك بش ننساك بش تبرولني بكلمتين.. راجع توا بعد 15 شهر وبيدها كان مجاتش مرضت بوك رانا مريناش وجهك ... شتحب مني تكلم.. شتحب؟؟؟..كمل لبديتو و أعتقني مهدي..

شعل الضوء وبقى يخزرلها عينو كانوا حمررررر و وجهو تكبس
-نرجع ! علاش بش نرجع !
تحبني نبقى معاك و قريب منك كيما قبل وانت تبقى بعيدة عليا نراك بعيني و نموت بقلبي.. علاش بش نرجع! نبقى نتعذب نحبك من بعيد وانت تخزر .. نرجع و ندللك و نكون معاك لحظة بلحظة بش انت تتفرهد ..اما كيما خوك لا اكثر لا اقل منفوتش حدودي معاك و بڨلا ليا انا شنحس!!.. هذا شتحب !!!!!
شوف معندكش الحق تلومني ميراااال! لازمك تعرف لي انا منسيتكش كيما تحكي انت.. لكني مرجعتش زادة لا بش نبررلك ولا بش نقلقك و لا بش نحاول نُدخل لحياتك مستحيل نفرض روحي عليك تهنى .. مفماش علاش بش تقلي اعتقني جاب ربي ريتني ماللي جيت ما حاولتش حتى نقربلك ولا نحكي معاك.. و لي صار توا موش بش يتكرر .. ضعفت من غير ما نشعر و سامحني..
و متنساش انت لي جيتني..!

حللها الباب هز مريولو و مفاتحو و خرج هو قبلها .. بقات واقفة في بلاصتها لين تفلقت بالبكاء.. بحرقة و ببرشا وجيعة..
"في لحظة كنت بش نستعرفلك بكل شي كنت نستنى منك في كلمة مزلت نحبك و موش بش ننساك كنت منتظرة منك تبررلي..كيما اخر مرة ريتك فيها ... تقلي اي حاجة تخليني نهدى .. تقلي راني موش بش نسيبك راني بش ندخل لحياتك من جديد و بش نخليك تحبني.... تخليني نترمى فحضنك ونقلك راني حتى انا نحبك موش كان انت شبيك ماكش حاس.. "

ميرال ع قد ما ولات تحبو ع قد ما كانت موجوعة منو بعد ما عرفت من سي يوسف لي صار مع مهدي الكل عذرتو وفهمتو كانت تحاول تكلمو لكن ملقاتش كيفاه تتحصل عليه الايامات لولة كانت متأكدة انو بش يرجع كانت تستنى فيه كل يوم و كل لحظة .. مدام يحبها اكيد بش يرجع على خاطرها .. لين لقات الشهور تعدات وهو مفماش ريحتو.. كمل عاش حياتو و متفكرهاش حتى بمجرد تلفون بش يسأل عليها...

مهدي خرج مشى قعد عالبحر ندم عاللحظة لي شدها فيها ومخلاهاش تخرج .. وترتو بكلامها وغلبت عليه.. بحكم كان موش فاهمها كان يرى فيها انانية تخمم كان في روحها .. تحبو يرجع لمجرد يكون حذاها كيما قبل لا اكثر لا اقل ميعرش لي هي كانت تتمنى رجوعو بش يهزها معاه بش تعترفلو بحبها و تكون ليه كيما يحب هو...الحلقة 83

من غدوة حجز مهدي بش يرجع حس انو بوه سافا تحسن ..تفقدلو الخدمة لي كان شادها سي المنذر يخدم معاهم من سنين راجل ثيقة و مهنيهم ع كل شي ..
قعد مع العايلة يسلم عليهم كانو ملمومين مع حكاية 6 متع لعشية كان ميرال مزالت مروحتش..
خزر مهدي للوقت وقام
-يلزمني نمشي توا وقيت
-الهام: ستنى حتى تروح ميرال والله تتغشش كان تلقاك مشيت و هي مسلمتش عليك
سكت بقى سارح بعد مشى لبس الفاست متاعو
-ريان كلمها شوفها شبيها بطات
-امي تكمل 4 راي ميرال ليوم باز في بيتها
- بش تبقى للتوا في بيتها ووه .. تره برى اطلع شوفها جرية باز راقدة مالا
طلع ريان ملقاهاش هبط و قعد يكلم فيها لقى تلفونها مسكر..
خزرلو مهدي كان يحكي و بوجيعة
-برالها تو تلقاها تعدات للدار خالتي ولا حذا جدي.. قلها مهدي مشى.. تو تروح .. (كان عارفها متحبش تراه كيف تتغشش عليه تبعد كيما عادتها و تتخبى بش متتقلقش اكثر ..غاضتو الفازة كان حابب يراها و يملا منها عينو قبل ميمشي.. لكن شبش يعمل ) باسهم سلم عليهم وكيف جاء خارج شدتو امو
-مهدي بربي لا طوٍل كل متلقى فرصة ايجا
-نشاء الله امي.. رد بالك ع روحك وعلى بابا و تصير اي حاجة كلموني بالوقت .. معاش بش نسكرو جملة تلفوني تهنى..
مشى شوية و تلفتلها
-امي رد بالك على ميرال.. قلها لي انا مفماش مرة طلبتك و مسألتش عليها .. و راني نتبع فيها و في حياتها لحظة بلحظة ..قلها راني منيش ناسيها..حتى الشكلاطة لي تاكل فيها والكتب لي جوها كل فترة انا باعثهم موش انت شاريتهملها..
-ههه شبيك بدلت رايك موش كنت منبه عليا منقلهاش
-منعرش! ممكن منحبهاش تبقى ماخذة في خاطرها مني برشا.. تسخايلني ملي مشيت متفكرتهاش جملة
...

سااافرررر ومشى..
لكن صارت حاجة غريبة ليلتها.. ميرال مروحتش و ملقوها في حتى دار الدنيا قلبوها عليها وشي.. مفما حد مفركسش عليها اللي هذا في بلاصة لين طلع الصباح ولاو خبرو الشرطة..
 مهدي وصل بعد سفرة طويلة .. كان تاعب في حالة دخل دوش و ترمى فشخ النوم لين قال يزي..
تعداو نهارين رجع شد خدمتو و تصويرة ميرال متنحاتش من بالو مفهمش اش عملتلو باش سحرتو وخلاتو يقعد هايم بيها و مينجمش ينساها ويخرجها من مخو..مفهمش علاش قدامها يضعف هكاكة وقلبو يولي يفرفط يحب يخرج من بلاصتو.. يتمنى يهزها و يهرب بيها ويكمل حياتو معاها بعيد عالعالم الكل.. هو هكاكة يخمم فيها و يخزر لتصويرتها لي حاطها فوق بيروه.. سارح يسترجع في كلامها في خزرتها في ريحتها لي مشبعش بيهم..ويجيه تلفوووون ..
-وي ريان
-مهدي لازمك تجي
-شفمااا بابا لبااااس
-لباس لباس ! اما. ..
-تكلم شفما!!!
-ميرال ضايعة ..مالليلة لي مشيت فيها انت واحنا نفركسو مفماش ريحتها
-رياااان فاش تحكي! شمعناها مفماش ريحتها وين بش تمشي!!!! فاش تخررررف
-مهدي كيما نحكي معاك ..محبيتش نكلمك بش منشغبكش كيف طوالت المدة قلت لازمك تعرف..
مهدي امي تاعبة برشا و بابا زاد تعب قبيلة هزيناه للكلينيك والله كل شي دخل في حيط وانا قعدت وحدي معاد فاهم شي .. ايجا في اول طيارة عيشك

لي تقرى تخلي جام معاش يجيوني النوتيفيكاسيون ...الحلقة 84

اول موصل يلقى الدار معبية امو تبكي خالتو و اولاد خالتو لكل غادي دايرين بيها..
دخل عرضو ريان و معطاهش حتى حاجة جديدة ميرال مزالت ضايعة و ملقاوهاش.. قعد يصبر في امو وهو متمني شكون يصبرو .. وعدها انو بش يلقاها ويرجعها مهما يصير.. سأل على بوه قالولو ملي تحسن و خرج مالكلينيك مشى يفركس مسمع كلام حد..
ليلتها عداها مهدي يفركس قلبو عاصر عليه حاس روحو بش يهبل.. حاس روحو يحلم.. السبيطارات الكل دارهم ..الوتلة.. صحابها لي يعرفهم واللي ميعرفهمش .. مشى للدار لي خلاهالها باسمها شي ملقاهاش اصلا باينة عمرها مدخلتلها كل حاجة مزالت كيما خلاها... مشى لكل بلاصة يعرفها تحبها .. لين هبل ولى يفركس في الشوارع كالمجنون ..
تعداااو نهارين اخرين و مفما شي مهدي مخذاش فيهم غمضة قلبو بش يتحرق معاش منجم يتحمل لي قاعد يعيش فيه ميرال صغرونتو ضايعة الله اعلم شصارلها الله اعلم شقاعد يصيرلها الله اعلم هي فين..لي متأكد منو انها مستحيل تهرب وتختفي بيرادتها .. مخو بش يتحرق لكنو مستسلمش مزال يفركس وقالب الدنيا و الشرطة عاملين مجهودهم واي حد يعرفها مقصرش معاهم حطولها تصاورها عالانترنات و في كل شارع ..
مفهمش علاش جاء ع بالو عمر لي كان ناسيه و بحكم ميعرش بلاصتو كلم احمد .. خذا رقمو الجديد من عند صحابو قالولو لي هو عندو مدة مساافر .. كيف متحصلش عليه خلالو مساج...

ليلتها روح تاعب يدز في روحو دزان عرضتو امو تجري
-مهدي مفما شي جديد
عمللها براسو لا وطلع خلاها تبكي محروقة.. ضيعت الامانة لي بقاتلها من اختها.. ضيعت الوردة لي كانت منورتلها الدار.. ضيعت الطفلة لي بعثهالها ربي لي ستانست بيها وتعلقت ببها تقول كبدتها.. .

مهدي دخل تحت الماء البارد يحب يفيق معاش منجم يتحمل 5 ايام و هي ضايعة و هو منجم يعمل شي .. قام يصيح ع طول صوتو يحب يخرج غصة في قلبو و يرتاح كان شاد روحو ع قد ما يقدر كان كابس روحو ميحبش يخلي حتى دمعة تهبط من عينو بش ميضعفش .. وتزيد عايلتو تضعف اكثر.. كان متأكد انها بش ترجع انو بش يلقاها .. كان في صراع كبير بينو وبين روحو .. لين سمع ريان يعيطلو .. لبس وخرج قلو لي جدو يعيطلو حاشتو بيه اكيد..
هز روحو و مشالو للفيلا لي عايش فيها
يلقاه شاد الفرش تاعب برشا .. باسو وقعد بحذاه
-لباس جدي..
-مسمعتو شي جديد ع حفيدتي
-لا اما بقدرة ربي تو نلقاوها انت متشغبش روحك عيشك
-مهدي فما حاجات لازم تعرفها ممكن تعاونكم ..
بقى مهدي يخزرلو لين شاف دمعة هبطت من عينو .. اول مرة يرى جدو ضعيف هكا
-بو ميرال..
هو قال بو ميرال و مهدي وقف
-كيفااااه نسيتو انا الساقط هذاكا .. تنجم تكون مشاتلو !!
-مهدي اقعد خليني نكمل كلامي ..
الراجل هذاكا مهوش بوها..
 بنتي تعبتني برشا مشات حبت ولد اكبر عدو ليا مخليت معملت فيها و فرقتها عليه متعرش لي هو يستغل في حبها بش يذلني انا... كانت اقوى مني مفهمتش كيفاه رجعت تقابل فيه لعبلها بمخها.. تحداتني و قتلي لي هي حبلة منو .. تسخايل روحها لواتلي ايدي وبش تخليني نسكت هزيتها بش طيح الصغير وحلفت بش نكرهها في النهار لي خممت انها تخزر فعيني و تتحداني.. مشى في بالي طيحتو ..في ليلة ونهار فقت بيها كان هربت وبعثتلي ورقة تستفز فيا قتلي لي هي مطيحتش كذبت عليا وتفاهمت مع الطبيب .. مشاتلو تحداتني كسرت كلمتي محبتش تفهمني وتعرف انو لي عملتو الكل ع خاطر مصلحتها .. كانت هي اقرب وحدة ليا واعز وحدة في بناتي.. لكن من وقتها كرهتها نكرت فيها و مسحتها من خارطة حياتي حتى اسمها معاش نحب نسمعو..
بعد مخلات عزها ودلالها ومشاتلو عرفت لي هو لعب بيها و لوحها كيما كنت متوقع.. لي يعمل بيدو ربي زيدو حتى لو رجعتلي في الوقت هذاكا مكنتش بش نقبلها..لكنها كانت قوية و محبتش طيح من خشمها كيما عادتها.. سمعت بيها عرست بالراجل لي تسخايلوه بو ميرال اما هو موش بوها هو واحد مريض كان يحب امينة بنتي برشا و مهبول بيها .. من وقتها انقطعت خبارها عليا و زادت بعدت وانا مقعدتش نتبع فيها ولا نسأل لين سمعت بيها ماتت.. مفما حد يعرف شنوا لي صار وعلاش انا غاضب عليها وحرمتها من كل شي.. اوعدني لي حكيتهولك يبقى بيناتنا كان يسمعو لبنات موش بش يسامحوني خاصة امك.. نعرف مكارنيش خليت بنت بنتي تعيش مع راجل موش بوها بعد موتت امها لكن ... هذا لي صار توا..
انت الوحيد لي تفهمني وانت الوحيد لي نجم نعمل عليك تعرفني حاطك ولدي لي مجبتوش موش حفيدي.. نحبك تلقاها اوعدني انك تلقاها وترجعها هي معندها حتى ذمب بقات تعاني في غلطة معندها فيها حتى دخل رجعها وخليني نصلح لي صار الكل منحبش بنتي تتعذب في قبرها اكثر متعذبت و عذبتني في حياتها ..
 انا شاكك في زوز ..تنجم تكون عند راجل امها.. وينجم بوها الحقاني يكون هزها ممكن سمع لي بنت امينة عايشة معانا واكيد موش بش يخليها ويخلينا رايضين وهذا لي خايف منو..
مهدي تكلم شبيك ساكت!
مهدي كان يسمع فيه وساكت .. حس جدو غلط و هو اكثر حد مسؤول عاللي قاعد يصير وعاللي صار قبل وعاللي مزال بش يصير في ميرال كيف بش تسمع.. لكن وقتها ماكان هامو شي المفيد يلقاها عايشة وبخير وبڨلا لكل شي.. يهزها ويبعدها عالعالم الكل وعلى اي حاجة تنجم توجعها...الحلقة 85
خرج من غادي اول حاجة عملها كلم الشرطة تأكد لي هوما فركسو في دار بوها ولا.. اعلموه لي هوما مشاو لكن ملقاوهش .. حققو مع مرتو معطاتهم حتى خبر بحكم طلقتو عندها مدة ..
و هو مشى للبلاصة لي لازم يمشيلها وحدو و ميعرف حد كيما وعد جدو..
حبس قدام ڤيلا .. دق الباب فاكا الليل .. دخلو العساس بعد دخلتو الخدامة للصالة .. قعد يستنى لين جاه راجل يعمل 50سنة.. باين قومو مالنوم قرن حاجبو ووقف يخزرلو بعد مدلو يدو سلم عليه
-وجهك موش غريب عليا موش عارف وين شفتك ..
-موش مهم تعرف انا شكون .. شوف جيتك وبش نحكي معاك برجلة .. منحبش نوصلو لا لمشاكل ولا ندخلو الشرطة في الحكاية ..
تفكر روحك شعملت النهارات هذم خطفتش حد.. هربتش بحد .. قر خلينا منكبروهاش ومتحاولش تخدم مخك خاطرني موش بش نسيبك
-فاااش تحكي جايني في نصاص الليل هاد عليا للداري و تتهم فيا مالفوق اخرج تحرك

مهدي طرف الصبر لي بقاو عندو سايي وفاو كان ميعرش ميرال ويني في اللحظة هذيكة ممكن يتجن ولا يعمل جريمة.. تنطر عليه شدو من كول مريولو قريب يخنقو و قام يصيح ويخضخض فيه قريب يخنقو
-تكلم حل **** فمك ويني ميراااال انت لي خطفتها متحاولش تنكر والله شاد روحي بالسيف متخلينيش نستجرم حل فمك وقلي فيني وين هزيتها تكلللللللم راني بش نباااصي فيك حل فمك

دزو جابو فوق الكانابي ملوح بعد زاد جبدو .. الراجل كان يرعش وجهو حمار معاد فاهم شي
-فاش تحكي اما ميرال واما كرفاسة تحكي عليها شكون سيادتك شتحب مني .. اخرج متخلينيش نكلملك الشرطة و نباصيك .. برى سيب هبالك ع حد اخر كيف انت فاضي شغل
-شكون ميرال .. ميرال بنت امينة ولا حتى هذي متعرفهاش.. تحب نذكرك!! امينة لي لعبت بيها ورميتها بصغيرها.. شنوا معرفتهاش !؟ ..نزيد نذكرك ..امينة بنت محمد .. شنوا باقي متفكرتش ..

 مهدي كان يحكي وخانقو سيبو دايخ يكحكح ويخرج في النفس بالسيف مرتو و بناتو هبطو يجريو ويصيحو.. بوهم اول مرجع النفس وقف على ساقو قام يصيح قلهم اطلعو .. خزر لمهدي مصدوم وقلو ايجا معايا .. دخلو لبيروه وسكر الباب كان شاد رقبتو ويكحكح

-فاش تحكي يا طفل منين طلعتلي ياخي ومنين تعرفها امينة!!
-شوف معنديش وقت نضيعو متحاولش تلعبلي بعصابي قلي الطفلة فين و رتحني
-امينة مريتهاش من سنين ..و على اما صغير تحكي انا رميتو!!! ..باهي شكون الطفلة .. وضحلي راني ماني فاهم شي وراس ولادي
مهدي حس روحو بش يهبل(جدو يقول في حاجة و هذا باين ضايع فيها طول ).. جبدو قعدو ع كرسي وبرق فيه عينو
-احكيلي كل شي.. كل حاجة صارت قبل ومتحاولش تكذب ولا تتلوعب
-باهي شكونك الساعة
-شيهمك في امي انا شكون
-منتكلم الا منعرف
-امينة تكون خالتي
-انت ولد الهام ولا نوال!
-بش تتكلم ولا تواااا مطلعليش الدم والله شاد روحي بالسيف
-باهي شوف بش نكون صريح معاك.. علاقتي بخالتك حكاية قديمة ومشات عروحها بدات بلعبة طيش متع صغر و فرد وقت نقمة.. كبرت وانا نشوف في جدك كيفاش يحاول يكسر بابا عمرو مخلاه مرتاح اعطيه يدمرو ويفسد عليه الخدمة و بابا مكانش مقصر معاه زادة.. وقتها كنت في عمرك ولا أصغر شوي.. ركبتلي .. وتقربت من بنتو خليتها تحبني بونتو فيه بش نستفزو .. كانت في كل مرة تتقوى عليه وتكسرلو كلمتو في جرتي كان يعذبها ويضربها وانا كنت نشيخ وقتها.. نشيخ اني كنت سبب وخليت علاقتو بأكثر طفلة قريبتلو تدمر و مكان ينجم يعملي شي.. بالوقت لقيت روحي تعلقت بيها نسيت حاجة اسمها غل ونقمة وحب انتقام لقيت روحي حبيتها عاللخر تحديت بابا وقررت نعرس بيها.. مفهمتش شنوا صار وقتها مشات وخلاتني ملقيتهاش قلبت عليها الدنيا لين سمعت بيها عرست وجابت صغير.. مصدقتش هبلت ومشيتلها وفعلا هذاكا لي لقيتو .. طردتني مخلات مسمعتني وقتلي لي هي عمرها محبتني عدت معايا وقيت لا اكثر لا اقل.. حسيت روحي طحت في الشي لي حبيت نعملو فيها ..نقمت عليها و على روحي و قررت نخرجها من مخي عرست وجبت صغار وكملت حياتي كأنو شي مصار كرهتها و كرهت النهار لي تقربت منها فيه.. قبل ميموت بابا اعترفلي لي هو قلها اني انا تقربت منها بونتو في بوها.. اني منحبهاش و ناوي نلعب بيها. اعترفلي انو هو لي فرقنا... لكن وقتها فات الفوت كل حد مشى ع روحو و شد ثنيتو محاولتش حتى نسأل عليها لين سمعت بيها ماتت .. مشيت نهارت الدفينة ملقيت حد من عايلتها كان الهام اختها لكبيرة ...
قعد ساكت سارح عينو مرغرغة
مجاوبوش مهدي خرج وخلاه وهو خلط عليه
-اكاكا ماشي ساهل ياخي هو.. داهم عليا لداري مخليت مقلت سمعت لي حاشتك بيه وخارج.. فسرلي كل كلمة و كل حرف قلتو قبيلة
-معندي منفسرلك برى ارجع كمل نومتك
خرج مهدي وخلاه ضايع وحاير الشكوك الكل دور في راسو خلاه يسترجع في الماضي ...
و مهدي خرج حاير اكثر منو معاد فاهم شي حكايات داخلة بعضها كل حد اش يحكي كل مرة يسمع حاجة .. لكنو تأكد انو الراجل هذا او بالاحرى بوها معندو حتى دخل في ضياعها .. .. طلع في الكرهبة ضرب الفولون وقاام يصييح "وينك يا ميرااال وينككككك .. راني معاش نجم نتحمل .. "....الحلقة 86

بعد ما خرج من عند الراجل هذاكا او بالاحرى بوها .. تعدى لدار راجل امها وين كانت تعيش ميرال .. حب يفركس ويشوف بيدو بش يرتاح مفماش بلاصة مفركسش فيها بقات كان هذيكة ..وصل غادي بعد مطلع عليه الفجر وبدات الدنيا تضوى..
 ليوم النهار السادس لي يطلع عليه وهي غايبة .. بعد مسأل وطلع الدار قعد يدق كيف محلو حد طلع عالصور ونڨز.. خلع الباب الدخلاني.. ودخل ..الدار فلاها فليان كان متنمني يلقى اي حاجة تبينلو لي ميرال جات لغادي.... لكن شي.. خرج يدز في روحو دزان .. بعد مشى يسأل في الجيران يحب يعرف وين ينجم يلقاه ..
 مشى حتى للدار بو عمر قعد يسأل في صحاب ميرال قبل.. واي حد كانت عندها علاقة بيه .. على امل انهم يكونو يعرفو عليها حاجة ولا كلمتهم..

فقد الامل من انو يبقى يفركس غادي عرف لي بوها عندو شهرين مفماش ريحتو ..

رجع للدار كان ميت بالتعب .. الخوف .. القهرة.. ملقى حد في الدار معرفش فين مشاو الكل.. جبد بش يكلم امو يلقى تلفونو مسكر طايح شارج .. طلع حطو يتشرجا .. و من غير ميشعر يلقى روحو في بيت ميرال دخل وبقى يخزر لكل حاجة .. كل حاجة ملسقتها عالحيط كل حاجة كاتبتها وناوية تعملها .. ڨيتارتها لي حاطتها في الكوان.. دبادبها لي مزينة بيهم البيت.. حكك وباكوات الشكلاطة في كل تركينة منشرين..
 قعد يخزر لكتبتها لي منظمتهم .. موش من عادتها يعرفها تحب الفوضى ..عدا ايدو ع كل حاجة.. قعد عالفرش شاد راسو لي بش يترشق.. بعد تلفت هز مخدتها قربها ليه وقعد يشم في ريحتها .. غمض عينو وقعد هايم ..سارح ..و ضايع.. كان متمني يحل عينو يلقى روحو يحلم.. يحل عينو يلقاها قدامو كيما عادتها.. لكنو حل عينو وملقى شي من هذا الكل.. بلع ريقو وقام ..ميلزموش يقعد حتى لحظة ميلزموش يرتاح الا ميلقاها .. ميلزموش يسلم...
جاء بش يرجع لمخدة لبلاصتها .. حس بحاجة يابسة .. قعد يمس فيها ظهرلو كأنو كتاب ولا كراسة صغيرة.. حل لمخدة و جبدو لقاه اجوندا في الروز متحفن .. قعد مستغرب .. مفهمش علاش ميرال حاطتو غادي كأنو حاجة ثمينة ملازم حد يراها.. فهم انها حاجة خاصة بيها وتعنيلها.. كيف جاء بش يرجعو طاحت منو حاجة ..
هبط بش يهزها يلقاها الشركة لي عطاهالها هو.. تفكر لي النسخة لخرة مخبيها لكنو خلاها في امريكا..

حل لكتاب بش يرجعها وين ما كانت .. عرضتو تصويرة ملسقتها ميرال ومنقصة فيها.. كان معنقها و شايخ ضحك وهي دز فيه تحب تبعدو و تتشوحر بخزرتها قريب تاكلو.. تفكر لي هو درا شعمللها نهارتها يدكك ويتموصت وامبدع بيها كيما عادتو.. خطفهم رايان ع غفلة.. تبسم من غير ميشعر كيف راها، بعد عينو زغلت ..
عدى عينو عالصفحات لي فيه.. لقاهم كلهم كتيبة محبش يقرى .. رجع الشركة بزربة ورجعو لبلاصتو وخرج.. بقى يضبضب في بيتو يحب يعرف شفيه لكنو في نفس الوقت جاتو صعيبة بش يقرالها حاجة خاصة بيها ومخبيتها بالطريقة هذيكة...
تغلب عليه الشيطان و اوهمو انو ممكن يلقى فيه حاجة تعاونو بش يلقاها تنجم تكون كتبت فيه هي وين ناوية تمشي ولا شناوية تعمل ولا حاجة مقلقتها من حد ..

رجع جبدو .. و قرر بش يقرى شوية ماللي مكتوب فيه...

لي تقرا تخلي جامالحلقة 87

" اكتب ويدايا ترتجفان
علني ارتاح عل وجعي يخف
لما ذهبت؟ ... فقد ادمنتك يا هذا .اعتدت رؤيتك صباحا مساءا ..اعتدت ان استيقظ على ضحكاتك ..ان استيقظ على عصبيتك المستمرة.. و غيرتك القاتلة..
لم يخطر ببالي ليوم انني سابتعد عنك
و لم اكن اعلم ان هذا الابتعاد سيشتتني و يجعلني اتلاشى شيئا فشيء. ..
لما تركتك ترحل لمااا !!

فراغ كبير يجتاح قلبي. يكسر اغصاني و يمزق اوراقي، ترابي اصبحت جافة ولن تعود فيها الحياة الا بعودتك ..
اصبح المنزل موحش منذ رحيلك..لكنّ قلبي أوحش..
جامدة هامدة أنا...لا احس ولا ارى.. لا أقدر حتى على التفكير..
حالة اكتئاب جعلتني لا اقدر على ادخال شيء الى فاهي لازمت الفراش كرهت دراستي .. اصبحت هادئة لا اصدر صوتا ولا ضحكا حتى بكائي ابكيه سرا..
لا شيء يعزيني عنك في العالم، لأنك كنت لي كل شيء فيه ،فلما فقدتك لم أجد عنك عوضا ولا بدلا..

اتمني لو كنت تسمعني الان لو كنت بجانبي تلامس خصلات شعري تمسك بيدي و تعدني ببقاءك جانبي الي الابد .. كما كنت تفعل دائما..

 فالتعلم انك كنت مصدر قوتي .. كنت تنير لي السبيل في ظلمات هذه الحياة...
..
فكيف فعلت هذا بطفلتك !
 عودتني دلالا لم اجربه الا على يديك ..
كيف تريدني ان اعيش من دونك بعدما اصبحت نصفي !!! بل كلي..
كيف اطلقت جميع السيور التي جعلتها تتوقني لمدة سنتين في لحظةو رحلت..
تظن انني قوية هه
نعم فميرال التي تركتها كانت قوية .. فقط بوجودك انت ..
لكنها الان هي عبارة عن كومة من الحزن لا غير...."

مهدي كان يقرى ايدو بدات ترعش عمرو ماكان يتخيل بش تكتب عليه لكلام هذا الكل .. قعد عالفرش و قلب الصفحة .. بكل لهفة .. وغطس مرة اخرى ..

"كان جزءا مني حقا ..
و رغم ذلك ...كنت ابني حاجزا بيني و بينه .. كان بالنسبة لي ابن الخالة.. والاخ.. والصديق .. لا اكثر .. احاول ان اقيد مشاعري ولا اسمح لها بتجاوز تلك الحدود التي بنيتها بنفسي .. لا اسمح لها بتجاوز اللامعقول.... و ما راعني إلا أن وجدته يقتحمها و يحطمها.. .
 يعترف لي بحبه ... يتزوج بٱخرى ثم يرحل.. نعم رحل و ترك باب قلبي مفتوحا للاحزان واللآلام... رحل وتركني اتخبط وحدي..
دون أن يسأل أو ان ينتظر مني جوابا حتى .
وجدته يُزعم انني لم ولن احبه يوما ...
لماذاااا!!؟
تساءلت مرارا
احقا هذا ما رآه في عيني التي تهيم به و بكل تفاصيله التي ادمنتها وصرت اعشقها!!!!
الم يرى تلك النار المشتعلة داخلي !!!
ماذا عن تصرفاتي.. خوفي.. غيرتي.. واشتياقي .. ؟؟!
نعم . و يا اسفاه لم يعلم ..
ولكن!.. أُقر انه قد أصاب ..
فأنا فعلا لم احبه!!!
بل قد صرت متيمة به.. عاشقة له.. ومدمنة عليه.. "

في لحظة سكر لكتاب ..وتفلق بالبكاء كأنو حد صغير .. وجهو حمار وتكبس .. كان يبكي في بكية كلها وجيعة ممزوجة بالفرحة والصدمة و القهرة.. سرات في بدنو رعشة قوية .. حاس روحو في عالم اخر لا عارف يفرح ولا يحزن..

زاد حل لكتاب وجات عينو ع صفحة اخرى .. مسح الدمعة لي بقات في عينو وضببتلو الرؤية وكمل يقرى

"تجتاحني سعادة ملطخة بالحزن بعض الشي.. ! فقد عرفت اليوم سبب زواجه المزيف.. وسبب طلاقه السريع الذي تم في ظروف غامضة.. نعم انا حزينة من اجله لقد كان ملزما و مضطرا.. كان كالريشة في مهب الريح تفعل به الاقدار ما تشاء..
كُسر قلبه قبل ان يكسرني..
آآهٍ عليك كم عانيت .. آهٍ وألف اه...
اتمنى لو كنت بجانبك الان اخفف حزنك ..اضمد جروحك.. واضحكك بتفاهاتي المستمرة وحكاياتي التي لا تنتهي..
... لكن ماذا عسايا افعل .. سأنتظر.. نعم سأنتظر قدومك.. سأنتظر عودتك ..
وأنت ستأتي.. انا متأكدة .. ستأتي و سأخبرك بكل شيء .. سأرتمي بين يديك لا بل سأخترق أحشائك.. أغوص داخلك ولن اخرج او ابتعد عنك ابدا .. سأكون لك وحدك كما تمنيت انت .. وتمنيت انا ...

ّفواللّه احبك.. احبك بكل ماا تحمله هذه الكلمة من معنى...أحبك بكل إحساس يتلهف لرؤيتك،.. أحبك بكل شوق لِسماع صوتك،... أحبك بكل ما تخبؤه هذه الكلمة من عَناء... أقولها لك وحدك ولا أريد سماعها من أحد غيرك،..

لا تخذلني ارجوك...."

لحظتها طاح من يدو لاجوندا وطاح هو ورااااه قعد ع ركبتو شاد راسو يحب يصيح يحب يعمل اي حاجة تخليه يرتاح ماللي قاعد يحس فيه
-سامحني يا ميرال سامحني يا روحي مرجعتش مكنتش في المستوى كيما كنت تتوقع.. سامحني خذلتك ..عذبتك .. وعذبت روحي معاك.. علاش مقتليش علاش مخرجتوش لكلام هذا و رتحتني و رتحت روحك .. علاش مفرحتنيش .. علاش خليتني نعرف الوقت هذا وبالطريقة هذي..
كيفاه تحبني نرجع وانا منعرش لي قاعدة تحس فيه اصلا
 مفهمتش كيفاه محسيتش بيك .. مفهمتش علاه عمري مشكيت لحظة انك تنجم تكون تبادلني نفس الاحساس.. . ..
 دموعو كانت هابطة كان يحكي و يبكي بالشهقة ..الحلقة 89

بعد منشفت دموعو لي اول مرة يسيبهم بالطريقة هذيكة ..قام يجري.. بعد رجع هز لاجوندا والشركة خباهم.. اول مهبط عرضتو امو و بوه وخوه وخالتو داخلين .. امو كانت تبكي وريان يسكت فيها ...
-شفمااا !؟
بعد خزر لخوه
-شصار شبيكم..
سمعتو حاجة جديدة!!! تكلم
-لا مفما شي جديد .. اما قبيلة جانا تلفون مالشرطة قالولنا لقاو طفلة في عمر ميرال مقتولة في بلاصة موش بعيدة علينا .. حبونا نتعرفو عالجثة ..اما حمد الله طلعو غالطين.. امي ماللي رات الجثة وهي في الحالة هذي..
مهدي تنطر عليه جبدو من مريولو وقعد يخضخض فيه
-فااااش تخرف ماو لباس ماشين تتأكدووووو ! ميرال مستحيل تمووووت سمعتني مستحيل تموت ..
-سي يوسف: مهدي سيب خووووك ويزي بلا هبال استغفر مولاك وادعي خلينا نلقاوها
-بابا تصيرلها حاجة نموت انا وراها .. مستحيل نعيش منغيرها ..
نحب نلقاها
اصلا لازمني نلقاها.. لازمني نحكي معاها .. فما برشا كلام لازم نقولهولها .. ملازمهاش تمشي هكاكة و تخليني ..
-الهام: مهدي شبيك اهدى عيش ولدي.. متعملش فروحك وفينا هكا ..!!!!ايجا ارتاح شوية عندك قداه مرقدتش ومحطيتش حاجة في فمك ..
-موش وقت نوم وماكلة امي توا
...
طلع في الكرهبة و مشى هو مزال كيف خرج وعرضو احمد جاي بالكرهبة.. وقف هبطلو....
-مهدي مسمعتو شي جديد ماللي ريت مساجك جيت طول .. والله ماني مصدق..
-شي.. مفماش بلاصة مشفناهاش مفماش حد مسٱلناهش..
-تأكدت وعمر معندو حتى دخل .. مفهمتش وين بش تمشي اصلا لشكون بش تمشي
-بوها مفماش ريحتو هو زادة .. عندي احساس كبير انو عندو دخل في الحكاية .. هيا معايا بش نفلي عليه لبلايص الكل ..
قبل متعرس بيه خالتي كان يعيش هوني دونك لازمني نطلع صحابو وعايلتو و كل حاجة عندها علاقة بيه..

بقاو يفركسو نهار كامل كل مرة حد يوجههم لبلاصة كل مرة يصدمو ع حد كان يعرفو .. لين لقاو حد كان صاحبو وخدم معاه قبل.. قلهم لي هو اخر مرة شافو فيها جلء تسلف منو فلوس.. كان في حالة غير طبيعية .. ولا مدمن ع الدروڨ.. ناقم ع كل شي.. وحالتو ما دل ع خير..

قلهم لي هو عندو دار بوه في بلاصة بعيدة ريف ومهجورة معاد يسكن فيها حد .. هزهم... و مشى معاهم ..
كيف وصلو وقلهم الراجل هذي الدار هبط مهدي و دخل طول يجري .. لقى الباب محلول .. واول حاجة شافها كان بوها.. لقاه مرمي عالقاعة غارق في دمو .. قعد مصدوم يخزرلو.. بعد هز راسو وقعد يلعب في عينو الدار قديمة كلها غبرة و وسخ ظلام و ريحتها كلها ندى.. خلطو عليه احمد و الراجل.. بقاو يشوفو فيه مزال يتنفس ولا و مهدي قعد يدور في الدار يفركس ويصيح ع ميرال .. لين دخل لبيت ظلام شعل الضوء بتلفونو وقعد يشوف ..
لقى حبل مقطع و مرمي عالقاعة..
بحذااه دم
 زاد خزر يلقى فردة متع صباط .. من غير ميتأكد عرفو متع شكون ... "مييييييرااال وييييينننننك"
 بدنو تكبس صاح صيحة معرفش كيفاش خرجها.. زاد خزر للدم وقلبو عصر عليه .. منجمش يتخيل لحظة شنوا ينجم يكون عمللها الساقط.. خرج يجري يلقاه مزال دايخ يزيد يشفرو بساقو ويزيد يشدو يخضض فيه ويصيح"حلللل فمكككك ميرال وين شعملت فيها يا***"* قوم تكلم وبعد موت ليفكر بيك ******"
-يا مهدي توا الراجل ناقص وانت زدت. كملت عليه.. هانا كلمنا لمبيلونس.. نشاء الله يفيق و نعرفو كل شي
-ميرال كانت هوني كلمو الشرطة لازم لبلاصة هذي تتفلى فليان.. اكيد مبعدتش
خرج يجري و احمد في جرتو
-فين ماشي توا وحدك خلي الشرطة تعرف خدمتها
رمالو مفاتح الكرهبة وقلو روح..الخلقة 90

هزهم احمد و خلط عليه يجري و الراجل بقى يخزرلهم و زاد خلط هو زادة ... كل واحد شد ثنية .. كانو كل مرة يلقاو دار في شيرة باينة مسكرة ومفيها حد.. بقى مهدي ليلة كاملة يدور لين لقى روحو في غابة كلها شجر ..
مسلمش وقعد داخل ويصيح ع طول صوتو لعلا تسمعووو و تحس بوجودو .. تعداو سوايع وهو عالحالة هذيكة يجري ويفركس ويصيح مرة يتزرف يطيح مرة يدخل في الطبعة.. مرة ترخ بيه حجرة .. مكانش مركز مكانش يخزر للي قدامو كان يجري ويعيط مخو معادش فوقو...
 لكن شي.. فقد الامل ورجع ....
 نحى الفاست متاعو خلاها مطيشة في القاعة و قعد يمشي من شيرة اخرى عالليمين.. كان هايم بدنو لكل تاعب عندو ايامات لا ذاق طعم النوم ولا حط حاجة في فمو .. كان يمشي ويخمم وين تنجم تكون .. شنوا عمل فيها.. شصارلها... ميرال صغرونتو يصير فيها هذا الكل...
قعد يمشي... يمشي... ويمشي....
لين لقى شوميز بيضة واحلة في غصن متع شجرة .. مشركة .. وفيها بلايص دم .. حس قلبو بش يخرج من بلاصتو مكانش عارف متع ميرال ولا لكنو قعد شادها و يدور في بلاصتو ينادي عليها.. معرفش منين يمشي يفركس .. ملقى روحو كان كمل في الطويل شاد الشوميز في يدو ويجري ويصيح..
....
كان مغرب الليل بدا يطيح والشرطة وصلو و بداو يفركسو هوما زادة.. كلهم يكلمو في مهدي و هو تلفونو مسكر سوايع و هو يفركس في الغابة ضايع وحدو ملي كانو يفركسو ع وحدة ولاو زوووز...

مهدي كيف فقد الامل مالطريق لي مشى منو .. رجع لنفس لبلاصة لي لقى فيها الشوميز و جاب ثنية اخرى .. حكاية كيلوماتر موش اكثر و هو يمشي ويعيط ... لين شافها ... اي شافها !!
تنطر طول مفهمش كيفاه عمل جاء بحذاها... في اللحظة هاكي كان ينجم حتى يطييير... كانت مرمية عالتراب و لحجر... في خلعة..ساقها حافية ولابسة سروال دجين .. شعرها داخل بعضو .. هبط ع ركبتو و جبدها دورها ليه بلهفة.. لقى الدم هابط من جبينها .. زاد شاف دم عالحجرة لي طاحت عليها.. بدنها كلو مجروح وازرق .. دم من خشمها ..فمها .. عينها محوقين وعينها ليمين زرقة باينة مضروبة عليها .. شعرها كان مقصوص منو ....
حالة متنجمش تتحملها حتى عين... مهدي حس قلبو بش يهبط لمعدتو... صاح صيحة قوية ولزها لييييه بقوة دموعو كانت هابطة منو عحالة صغرونتو ..لحظتها تمنى الموت ولا يشوفها في الحالة هاكي تمنى يموت قبل ميلقاها اصلا تمنى يموت قبل ميعرفها .. احساي كان يحس فيه خايب مينجمش يتحملو حد .. كان لازها ليه ويصييييح
"ميرااال قوووم حل عينك.. قوووم ... قول حاجة.... متخلينيششششش... حل عينك متخافش راني بحذاااااك .. نوعدك منسيبكش لحظة ..موش بش يصيرلك شي بش ترجعلي كيما قبل وخيير... والله منحاسب كل حد عندو سبب في اللي جرالك .. حل عينك يا روحي ... كانت دموعو خارجة بحرقة و برشا خوف وجيعة حالة مالضعف و الرعب والقهرة والنقمة حسها لحظتها متتوصفش كان حاطها عندو شادها بيدو الزوز .. كانت ذابلة كالجثة هامدة بين يدو مسيبة روحها و مستسلمة تستنى في عزرائيل بش يجي يهزها و ترتاح ..ترتاح من عذابها ترتاح من حياتها لي كل مرة وهي عاطيتها كف...
مهدي نحى الشوميز متاعو غطاها بيها مالفوق .. قعد عريان.. و هزها في حملتو وخرج بيها يجري من غادي... قبل ميطيح الليل وميعرفش الثنية حتى مالڨمرة مفماش..الحلقة 91

كانت متكية عالفرش متع لكلينيك .. في عالم اخر ..داوات جروحها.. تمسح الدم لي ع بدنها.. ركبلها السيروم.. ومهدي كان واقف البرة ع احّر مالجمر..
خرج الطبيب ومعاه زوز فراملية تنطر بحذاه مهدي يسأل فيه يحب يطمن عليها.. يحب يرتاح.. ويتأكد انها لاباس وينجم يمشي يحاسب لي كان سبب ويطفي نارو
-متخافش سي مهدي صحيح تعدات عليها بريود صعيبة بدنها لكل تاعب .. اما متخافش ايامات و تتحسن.. المفيد نشاء الله تكون نفسانيا سافا..وتقوم لباس.. وتنجم تتجاوز لي صار..
-ش. شصاراخر.!.. ف..فما اعتداء.. اعتداء..(مهدي كان يحكي بالسيف يرعش والجملة منجمش يكملها لكن الطبيب فهمو منغير ميكمل)
-لا تهنى..مصارش اعتداء جنسي عليها اما تعرضت لبرشا ضرب .. توا عملنالها دواء بش تنجم ترقد و ترتاح..تنجم تدخل تشوفها شوية من بعيد ..

حل الباب بشوية و دخل لقاها متكية .. كانت جثة هامدة قاعدة تحتضر .. وجها اصفر وتاعب.. كل ميتلفت يلقى فاصمة.. وهي هايمة متدري ع شيء مغمضة عينها ودايخة.. شعرها كان هابط على عينها .. قرب منهاوقعد بحذاها شدها من يدها وبعدلها شعرها ع وجها وقعد يخزرلها... قلبو عاصر عليه معاش ينجم يتحمل يشوفها هكاكة...
عينو حمارو و تملااااو دموع ..
باسها من يدها وقعد يحكي ويفرغ في قلبو
"حل عينك واخزرلي في عيني بالخزرة لي تحبها انت نشاء الله حتى تڨحرلي المفيد اخزرلي نحب نمتع عيني بخزرتك لي توحشتها...
تكلم وسمعني صوتك يا ميرال نشاء الله حتى سبني المفيد خليني نسمع صوتك ..
قلي اكا الكلمة لي تمنيت نسمعها منك من عام لتالي .. وانت حرمتني منها .. ولا قول انا حرمت روحي منها بتصرفاتي...
متتصورش قداه نستنى فيك بش تفيق و ترجعلي.. نرجعو كيما قبل كيما تحب انت.. مستعد نضحي بكل شي ونقعد هوني بحذاك انت فيق و كهووو...تو تشوف كل شي بش بتبدل
باسها من خدها وقام.. مسح عينو و خرج .. شاف امو وبوه و العايلة الكل جايين يتجاراو مفجوعين..
قعد يطمن فيهم مخلا حد يدخل كان امو خاطر يعرفها متصبرش شافتها وباستها وخرجت مقهورة كيف شافتها في الحالة هذيكة ...الحلقة 92
مهدي مشى وقعد يتبع في القضية.. اللي خطفها مزال في الكومان خاطر ميرال ضربتو ع راسو وهربت في اخر لحظة قبل ميخلط مهدي بشوية..
تعداو سوايع وهوما يستناو في ميرال تقوم .. وأخيرا قامت .. وياليتها ماقامت...
اول ما حلت عينها قامت تصييييح قامت مفجوعة موش فاهمة شي كانت مرعوبة تعيط وتكسر تحب تخرج من غادي تحب تهرب .. مكانتش حاسة بالوجايع لي في بدنها كانت تحب تهرب من غادي الكلمة الوحيدة لي تعاود فيها هي"قتلتووووو.. قتلتووووو"
مهدي قعد يشد فيها ويحاول يهديها هي تحاول تتزرف من يدو وهو يكبس عليها وقام يصييييح "مقتلتووووش .. مامات حد اهدى!!!!"
بقات ترعش في يدو ساكتة و هو حط جبينو ع جبينها وخزرلها في عينها
"متخااافش هانا الكل بحذاك ماكش وحدك و مينجم يمسك حد"
شدها من يدها بشوية لين حطها فوق الفرش.. دخل الطبيب يجري .. و عمللها مهدئ بش رجعت رقدت .."

خرج مهدي مخنوق وخلط عليه احمد ركب معاه في الكرهبة و طار من غادي .. حبس بحذا لبحر كان حابب يتنفس شوية..
-مهدي متخافش بقدرة ربي لباس تو ترجع كيما قبل وخير نعرفها ميرال قوية
-نشاء الله أحمد نشاء الله..
هبط مالكرهبة وقعد عالشط .. خلط عليه احمد وقعد حذاه
بقااااو ساكتين الزووووز
....
-كنت ديما نجيبها لهوني .. كنا نتفرهدو ونعملو برشا جو..نخليوها.. لعمايل الكل عملتهم فيها بدعت بيها شطر التراب لي تشوف فيه وكلتهولها .. ماء لبحر شربتهولها.. كنا نقعدو بالسوايع نحكيو كانت متسكتش.. ديما تضحك ديما طالعتلي بطلعة وعاملتلي عملة..كانت قوية حتى وهي موجوعة عمرها متحب تبين.. كنت نفهمها وعمري محاولت نجرحها في اخر فترة تبدل كل شي حتى انا تبدلت معاها فسدت كل شي ومشيت ... اما والله عمرها مغابت لحظة على مخي...
.....-
-......
-مهدي اخر مرة قابلت فيها ميرال كانت قبل منسافر.. مكنتش ناويها السفرة اما بعد محكيت معاها هزيت روحي وطرت على ما قهرتني..
تعرف لي انا نحبها.. استعرفتلها برشا مرات مخليت معملت بش نتقرب منها بعد ممشيت انت..متڨحرليش هذاكا لي صار وسايي توا.. اما تعرف شقتلي.. من غير حتى رحمة الحلوفة .. قتلي من غير متعب روحك راني انا مستحيل نحب راجل ولا نخزر لراجل بخلاف مهدي.. ومالمستحسن معاش تخليني نراك احمد ! خاطرك صاحبو تذكرني فيه كل منراك وتوجعلي قلبي.. زيد مهدي كان ميحبنيش نحكي معاك وانا وعدتو قبل ومنحبش نكسرلو كلمتو خاطرو ميحبش حد يكسر كلمتو..
هههه مشات وخلاتني واقف والله مكسح قلبها بنت خالتك..
مهدي قعد يسمع فيه محس كان بدمعتو هبطت اي حاجة كانت تنجم تفرحو ولات تبكيه ع قد ماولى ضعيف ع قد ماهو خايف عليها و موجوع...
-علاش مقتليش لي هي تحبك ؟ تعرفني كنت نحبها كنت تنجم تفيقني
-احمد قيلني بربي
-باهي جاوبني انت زادة تحبها موش هكا!
....!
-مهدي تكلمممم جاوب
-...
-مهدي!!!
-موش وقتو لحديث هذا توا
-قلي يا اي يا لا
-اي نحبهااااااا ارتاااااح نحبهااااااا.. موش نحبها برررركاااا نعشقهااااا ريت ميرال لهواء لي نتنفسو و معاد نسمح لحد يحبها ولا يقربها ولا يمسها ولا يحكي معاها نشاء الله حتى انت.. فهمت ...
-صحة صاحبي.. اما نحبك تعرف لي انا معاش تعنيلي شي من ليوم ومستحيل كان مزلت نخمم في حاجة موش متاعي وانت تعرفني دونك مفماش علاش بش تحكي معايا هكا
-نعرف احمد نعرف ..وسامحني.. اما راني فادد ومعيني في حديث .. عيشك خليني وحدي.
-باهي تو نجيك غدوة
-باهيالخلقة 93

تعدات ليامات متبدل شي في حالت ميرال كانت نفسانيا تاعبة برشا ديما تقوم مرعوبة تكسر و تصيح ومتحمل حد يقربها... الطبيب قلهم لي هي ماخذة صدمة كبيرة .. ويلزمها لهوة خاصة بش تنجم تتجاوز وتتحسن..
خرجت مالكلينيك .. كانت معظم الوقت تاخو في الدواء بش تهدى و ترقد .. لا قبلت ماكلة ولا شراب ...
مهدي كان بشوية بشوية يحاول يتقرب منها و ميخليهاش تخاف منو.. كل متقوم في الليل مفجوعة تقوم الهام تجريلها تلقى مهدي ديجا سبقها ومشالها قبلها .. يعطيوها دواها بش تهدى ولات عايشة عالدوايات ..
 بعد ولا مهدي يهزها لطبيب نفساني بدات تهدى شوية ع قبل معاش تقوم تصيح وتكسر معاش تخاف من عايلتها .. لكنها معاش تتكلم ومعاش تخرج حرف من فمها ولات هامدة ذابلة ساكتة ماعاد تعمل شي كان تخزر ...

بوها او بالاحرى راجل امها خرج مالكومان وبعد التحقيقات لي صارت معاه اعترف بكل شي... كان يحكي ويضحك ومتشمت باللي عملو فيها كان مرييض ناقم ع كل شي.. أمينة خذاتو بش تولد بنتها و تعطيها اسمو نجمو نقولو استغلتو.. هو كان يحبها بررشا وهي عذبتو كانت ديما صادتو كان يرى فيها تحب غيرو وتبكي عليه قدامو ع قد معمل معاها وهي عمرها مخزرتلو نقم عليها هي وبنتها .. ولى ديما يضرب فيها ومعذبها ويتشفى فيها وفي عذابها.. حتى لين ماتت وغليلو موفاش قعد يعذبلها في بنتها كان يرى في روحو كيف يعذب بنتها كأنو عذبها هي.. دارت بيه الدنيا حتى مهدي كان يبعثلو في الفلوس بش ميرجعش ويقلق ميرال لكن يعد مسافر قص عليه نجمو نقولو نساه جملة.. كان مدمن كيف تقصت عليه لفلوس زاد هبل وكلب خطف ميرال و فكلها لفلوس لي عندها الكل عذبها ضربها و دمدمها من غير لا شفقة ولا رحمة كان يرى فيها سبب لكل شي .. كان ناقم كيفاش بعد هذا الكل هي تعيش في العز وهو يبقى في الفقر وحظو ممعاه حد...
كان يعرف لي هي عندها فوبي مالظلام ويبيتها في الظلام يسمعها تصييييح وتعيططططط لين تتعب ويهزها النوم ولا دوخ مالتعب وقلة الماكلة.. يبدى يسمع فيها ويضحك.. قلها لي هي موش بنتو كان يناديلها بنت حرام .. منجمتش تصدق ولا تستوعب تبقى تتشحت فيه بش يسكت .. كلات صدمة كبيرة كيف شافت بوها عامل فيها هذاكا الكل .. زادت تصدمت اكثر كيف عرفت لي هو موش بوها من اصلو وانها من راجل اخر.. زاد كمل عليها الخوف والضرب والظلااااام ... كل شي تلم مع بعضو وخلاها توصل للحالة هذيكة.....

العايلة كاملة سمعت بالحكاية كانت كل يوم تصير مشكلة في الدار مرة يجي جدهم يحب يرى ميرال بنتو متخاليهش و تتعارك معاه حتى من نوال جات ضدو .. كانو يتعاركو و ميرال تسمع و مهدي يسكت فيهم بش يتجن.. يحاول ميخليها تسمع شي ويبعدها عالمشاكل واي حاجة تنجم تضرها... اخر مرة جاء بوها الحقيقي بعد محكى مع جدها و فهم وعرف كل شي ... كان حابب يراها ويحكي معاها ويدخل لحياتها بكل سهولة.. وبطبيعة مخلاه حد ...ولى رفع قضية ... كثرو المشاكل كل مرة طالعة حاجة تزيد تأثر ع ميرال ومتخليهاش تتحس...

لين قامو في ظرف ليلة ونهار ملقاو حد، لا مهدي ولا ميرااال ...... لقاو كان ورقة مكتوب فيها" هزيت ميرال بش نداويها البرة متتقلقوش عليها ومتحاولوش تفركسو ..الحلقة 94

هزهاااا معااااه ومشى ..نجمو نقولو هرب بيها وانتم تعرفوا قداشو فالح في الهروب.. هذاكا الحل الوحيد لي لقاه قدامو ونفذو.. من غير ميخمم في حد ولا همو شي الحاجة الوحيدة لي تهمو انو ميرال ترجع لاباس...

بعد ما قعدت في مصحة قرابة شهرين .. هزها و مشى هو وياها لبعيد تخلى ع خدمتو لي ضاعت و عالناس الكل.. شرى فيرمة كلها خضار كلها ورد وزيد بحذا لبحررر .. فيها دار متحفنة ..بلاصة تعشق .. جنة عالارض .. داوي كل مريض وتنسي وجايع كل مهموم ...

ليامات هاكي لي عملو معاها مهدي عمرو معملو في حياتو مع حد كانلها الام والبو والخو والصاحب كيما كان قبل.. كان كل صباح يخرجها يدور بيها يفطرها ، يوكلها، و يبدى يسايس فيها كالعضمة ، كان يحكي معاها ميسكتش كان يعرفها موش تسمع فيه و موش بش تجاوبو لكنو كان ميسكتش يسأل ويجاوب يحكي ويضحك وساعات يبكي .. لكنو مسلمش ..
كان كل ليلة يقرالها كتاب ويعمللها اي حاجة يعرفها تحبها .. يوصي الخدامة بش طيب كان الماكلة لي يعرفها تاكلها و ميسيبها الا ميوكلها ويتهنى عليها.. كانت ديما لاسقة فيه ومتحبوش يبعد ..
.. عمرو مينسى هاك الليلة لي قامت فيها مالنوم و ملقاتوش حذاها بقات دور في الدار تحب تلقاه .. تحب تشوفو بش ترتاح وترجع ترقد لكنو مفماش.. بدات ترعش .. بدات تجري من بلاصة لبلاصة ، وكل مرة طيّح حاجة لين قامت لخديمة وحاولت تهديها ، زادت هبلت ،كانت تخاف من كل حد غريب، هي تقرب وميرال تزيد تخاف و تدخل بعضها اكثر .. وقتها كلمت مهدي وجابتو يجري، ساقو اعلى من راسو .. كان قاعد عالبحر ومتهني عليها يسخايلها راقدة... كيف وصل يلقاها شادة كوان لامة ساقها وترعش... كانت في حالة غير عادية ..هدات شوية كيف شافتو وتعنكشت فيه محبتش تسيبو ..
 ليلتها مهدي حس بالذنب برشا انو خلاها.. ومن ليلتها معاش يبعد عليها لحظة كان يرقد حذاها او بالاحرى يرقدها عندو، بش كيف تفيق في الليل مرعوبة كيما عادتها تلقاه بجمبها.. و بالطبيعة كان ضوء البيت ديما محلول بش هي متخافش، لين ستانس و ولى ينجم يرقد في الضوء... كان يمشطلها شعرها .. يعاونها بش تلبس ، يدوشلها .. يحطلها افلام ويبدى يفسرلها كانت ماللول عمرها متتفاعل مع الفيلم .. تخزر وساكتة هو يبدى يحكي وهي ساكتة تخزر للفيلم وكهو .. بشوية بشوية ولى يحسها مركزة لين مرة هبطت من عينها دمعة، تأكد انها بدات تتفاعل ..و بدات تحس .. .. كان قبل كيف يخرجها تبدى خايفة .. ولا هامدة تمشي وكهو.. بالوقت ولات كيف يخرجها تتبسم.. تولي تتفرج في الجمال لي قدامها ويحس في عينها انها متمتعة بيه.. يراها كيف تاخو نفس .. تشم ريحت الشجر الفايحة تشم ريحت التراب بعد متصب لمطر .. تبدى تخزر للعاصفر تبع فيهم بعينها ومركز تسمع في اصواتهم..
رجع يرى في التبسيمة ع وجها لكن خسارة تبسيمة بعيون ذابلة .. كانت توجعو اكثر ما تفرحو..
كان كل متبدى هي راقدة يجبد الاجندا متاعها ويبقى يقرى .. مكانش يحس في روحو يقرى في كلام مكتوب ع ورق كان يحس في روحو يسمع فيها ويشوف فيها قدامو وهي تكتب في كل كلمة وفي كل حرف... لاجندا كان مصبرو و منقص عليه برشا وجايع، وبرشا وحش لصوتها ولكلامها .. كان كل ليلة يجبد و يقرى ويمتع نظرو بكلمة نحبك كيفاش كاتبتها.. الكلمة لي مستني اللحظة لي يسمعها منها...
ليلتها كان متكي عالكانابي مقابلها وهي كانت راقدة عالفرش.. كان يخزرلها وحاط يدو ع خدو .. بعد جبد لاجندا لبس ليناتو حط صفحة من صفحاتو و قعد يقرى...

"بالامس كنا .. وكان يجمعنا بيت واحد.. واليوم نحن ..بيني وبينك مسافاااات.. امياااال..بحار..و جبال.... لا تمس يدي يدك ولا تعبث اناملي بلحيتك.. ولا استنشق عبير انفاسك .. ولا تلتقي انظارنا ولا تمتزج انفاسنا.. ولا تضيء ابتساماتك ظلمات نفسي... اشتاقك و بشدة .. فلا حول لي ولا قوة .. إلا بالصبر.."

غمض عينو رما اللينات وحط ايدو ع جبينوو.. بعد ملقى روحو كان بجمبها .. جبدلها يدها باسهااا و حطها ع خدو .. حلت عينها بالشوية .. بعد قامت مرعوبة بقات تخزرلو ساكتة..
-تكلم ميرال سمعني صوتك .. ارجع كيما قبل راني والله تعبت.. 6 شهور توا وانت ع نفس الحالة رتحني عيشك .. شوف هانا في دار وحدة بعاد عالعالم الكل ..ما بيناتنا شي كان لهواء لي متعدي ..لا بحور ولا مسافات.. شوف هاي عيني في عينك.. و يدي في يدككم ..هاني بحذااااك.. زاد قرب منها اكثر .. شوف هاو النفس متاعك تخلط بالنفس متاعي.. كل شي كيما قبل لكن انا لي متوحشكككك توا .. متوحشك رغم القرب هذا الكل .. انت لي بعدت عليااا المرة هذي.. ميرال والله معاش نحمل نراك هكاا .. كان انت نجمت تصبر انا راني منجمش....
 بربي فيييق .. قول حتى حرف .. باهي تكلم قد متحب ارجع احكي كيما قبل متسكتش والله نوعدك معاش نقلك اسكت معاش نقلك راك كسرتلي راسي... سمعني حسككك..!!!
ضاع منو لكلام سكت وبقى يخزرلها عينو حمارو وهي زادة وجها بكلو حمار .. حس روحو كثر عليها وانفعل برشا... قربلها باسها من جبينها بوسة كلها حب و وجيعة.. بعد تكى بجمبها و حطلها راسها ع صدرو .. وقعد يلعبلها بشعرها و سارح لين هزهم النوم الزوز...
الحلقة 95

عمري مكنت نتوقع انو الحب يخليني نتبدل هكا اصلا عمري ما كنت نتصور اني نوصل نحب حد كيما حبي لميرال.. واكيد مافما حد حب قدي... انا متأكد..
منحبهاش بررك نعشقها ونعشق كل حاجة فيها.. ميرال ولات بالنسبة ليا كل شي .. نحس فيها سايي ولات مرتي وملكي ..
 عندي ستة شهور معاها توا فرد بلاصة وحدنا ماريت حد وما قبلت حد وماني نعمل في شي بخلاف اني نتلهى بيها.. والله متعبت وما فديت رغملي منيش مستانس بالحصرة.. بالعكس حاس روحي اسعد انسان في الدنيا ..

 توا فين حاس روحي قاعد نعيش الوقت لي عديتو في امريكا الكل مكنتش عايش فيه كنت مخنوق حاس حاجة ناقصتني رغملي وصلت للي نحب عليه وتمنيتو لكن ديما فما حاجة ناقصة...
حاس روحي مستعد نكمل معاها حياتي الكلللل في البلاصة هذي المفيد هي تكون مرتاحة وفرحانة ولباس..
خايف ملي جاي .. خايف لتبعد عليا من جديد .. خايف لتصيرلها حاجة .. خايف لنقوم منلقاهاش بجمبي ...، خايف لمنسمعش صوتها من جديد .."

مهدي قبل كان مشارك في نادي الفروسية.. وبحكم معندو شي يعملو ولا يخرج لفرص كل مرة يلهد عليها شوية ويبدل الجو ميرال كانت تخاف تقعد تتفرج فيه من بعيد .. تبقى تخزرلو تبع فيه بعينها و تتبسم..
نهارتها كان الطقس يعشق... قعد يلهد عالفرس كيما عادتو ..
وفي لحظة تتهز بيه وتتنفض كأنها درا اش شافت .. جن جنونها بقات تطلع وتهبط ومهدي شاد روحو بش مطيحش ويحاول يهديها... ميرال كيف شافتو في الحالة هاكي ماتت بالرعبة.. خافت لتصيرلو حاجة .. من غير متشعر قامت تصيح و مشاتلو تجري .. اول حاجة قالتها كانت "مهديييي

مهدي لحظتها حس روحو يحلم موش مصدق لي سمعو تلفتلها ونسى روحو .. لين تزرف من ظهر الفرس وجاء ع ظهروووو .. ميرال زادت ترعبت اكثر .. كانت تجري وطيح وتزيد تقوم لين وصلت حذاه ..
قام ونسى لوجيعة ظهرو زعمة لتفريك وهو محسش بروحو كيفاه قام .. و ترمى عليها عنقهاااا كان يضحكككك ويبكي ويعيط موش مصدق انو سمع صوتها وانها ناداتو...

-والله كان جيت نعرف انووو طيحتي بش تخليك تتكلم راني رميت روحي مالفرس ماكا العام ههههه
هزها وقعد يدور بيها ويضحك ..
بعد هبطها وخزرلها لقى وجها احمر و عينها مرغرغين
-قلي اي حاجة اخرى
بقات تخزرلو ساكتة
-باهي موش بش نضغط عليك ..الحلقة 101
حلت عينها الصباح بسيف لقات روحها راقدة ع طرف الفرش قريب طيح .. استولى عالفرش لكل .. لا وزيد فاكلها مخدتها و معنقها .. ورامي ساقو ويدو ..
-ااه منك يا مهدي فما زوز عرايس يقومو يلقاو رواحهم راقدين هكا.. لا وزيد معنق مخدة..
زايد متتبدلش --'
بقات تخرنن مسكتتش
حل عينو بشوية قعد يسمع فيها
وفي لحظة يجبدها جبدة قوية ع غفلة ملقات روحها كان تحتو ..
-فما مرا تقوم تخرنن نهار صباحها..
-مدام ماخذة راجل كيفك شتحبها تعمل
كانت تحكي وتعدي في يدها على اسمها لي موشم ع صدرو
-والله مكذبتش عليك خذيتني وانت عارفة روحك ع شنوا قادمة
-هههه مهدي زح موش مصدقة والله تعرف اول مرة كنت نكرهك اول ليلة عرفتك فيها .. كنت خايفة منك لكلهم حبيتهم اول مريتهم كان انت غلبت عليا بمنطقك وخزرتك وتصرفاتك .. شوف الدنيا وليت الmonsieur متاعي😂

-كان انت كنت تكرهني انا مكنت نكنلك حتى احساس لا حبيتك ولا كرهتك .. مكنتش حاطك فمخي جملة .. شوف كيفاه خليتني عشقتك و توا وليت الmadame متاعي ..

-ههههه فيبالك لي..
-مفيباليش .. فيبالي بحاجة وحدة انك توا وليت مرتي وانا مزلت مشبعتش بيك جملة .. يزينا مالحكايات الفارغة خلينا نعملو حاجات ما أهم ( وغرقووو في بعضهم من جديد .. شعلينا فيهم قلال تربية)
- .....

هزها ومشاو عدو شهر كامل محواس وتفرهيد .. قال شنوا شهر عسل .. لهبال لي هبلوه والجو لي عملوه والكوارث والفضايح معملهم حد --'
"من شب على شي شاب عليه"

مفماش بلاد ممشاولهاش ومفماش حاجة مجربوهاش مخلاوش حتى حاجة في قلوبهم .. كل حاجة تمنى يعيشها معاها عملها وهي حققلها كل حاجة تمنات تعيشها معاه..
حاجة بركا منفذهالهاش .. انو يعطيها لاجندا 😂😂 .. فما برشا اوراق مزال مقراهمش ...

من بعد هزها و رجعو لامريكا استقر غادي ورجع شد خدمتو .. وهي حطها تقرى كيما وعدها .. الحاجة لي مفرحتو وخلاتها تزيد تكبر في عينو انها مخلاتوش يضحي بمستقبلو وبالحاجة لي حبها .. كانت تعرف انها تنجم تضغط عليه وتخليه ميرجعش لغادي اما بالعكس كانت مساندتو في كل حاجة وواقفة معاه .. وتحبو يعمل الحاجة لي تريحو حتى لو كان ع حسابها .. وتتسمى معملت شي قدام لي عملو معاها... (اما منعرفوش ينجم يجي نهار ويرجعو)

 كان يحكيلها كل شي اتفه مشكلة تواجهو يقلها .. وهي كانت تسمعو تحاول تعاونو توفرلو جو باهي وتعملو كل حاجة يحبها.. كانتلو لمرى لقوية.. لكبيرة في مخها ينجم يعتمد عليها في مواقف لي يلزمها تكون فيها sérieuse.. وفي نفس الوقت مزالت بهبلاتها و مزالت تسيب عليه في دلالها وبلادتها ..بش تقعد ديما صغرونتو لي شيخ عليها *.*
كان كيما العادة يخاف عليها بررشا حتى من دڨة الشوكة.. يحزر ويغير عليها بررشا حتى مالنسمة..
و بطبيعة ..
حبهم لبعضهم كان كل يوم يمشي و يزيد.. كانو كل يووم يخططو بش يعيشو ويعملوووو بررررشا حاجات 😍

فما مشكلة بررركااا --' مهدي ولى حابب على صغير و كل يوم مارجها وهي حاسة انو مزال بكري تحس في روحها موش مستعدة 😑 راسها كاسح وهو راسو اكسح .. وانا راسي تجوجم منهم ومن حكاياتهم لي ماتوفاش.. هيا يا بناويييت نلمو دبشنا و نشدو ديارنا و يزونا مالتن