الرئيسية غير مصنف

قصص وحكايات 0

A+ A-

💑 #سارة_و_أمير 💑
❤ الحلقة 1 ❤
حبطت الطيارة على ارض الجزائر سارة ( طفلة شابة بزاف زين تاعها وحدو عينها ما جيين خضورا و لا صفورا شعرها marron طويل طويلة و لطاي تاعها تهبل المهم لي يشوفها يهبل على زينها ) قاعدة عند التاقة تاع الطيارة تراقب في حبوطها تنهدت تنهيدا كبيرة تشوف ملي كانت صغيرة ما جتش تحكي مع روحها : يا درا واش رآهوا يسنا فيا
قاطع تفكيرها صوت جدها : لحقنا يا بنتي انا عندي خدمة نروح في السيارة و انت راني وصيتهم يجبولك الموطو تاعك كيما حبيتي و كاين واحد يدلك على طريق باش تروحي لدار عمك
سارة : نعم جدي ما يكون لاخاطرك🙂
جد : مليح روحي ريحي و كي نجي راح نتفاهمو على كلش
حبطوا من الطيارة الخاصة و صابوا رجال ستقبلوهم في المطار (كيما معروف جد سارة شخصية كبيرة بزاف مرفه و عند رزق في كل بلاصة في الدزاير و برا الدزاير و يدوا واصلة بزاف كامل يحترموه و يخافوا منو )
جد : سارة بنتي ارواحي هذا هو لي يوريلك الطريق روحي معاه ،
سارة : حاضر جدي
و مشات مور هذاك الراجل خرجو من المطار و لقات الموطو تاعها كيما قالها جدها عند الباب
الرجل : هذي هي الطوموبيل تاعي تبعيني و نوريلك طريق
  ركبت سارة في الموطو تاعها و بدات تبع فيه و تشوف الطوموبيلات لي يجوز يرميلها كلمة ماشي مولفين مرا تسوڤ موطو المهم و صلوا لقصر كبيرة مايقلش على لقصر لي عايشا فيها سارة مع جدها في الترك
الراجل : تفضلي هذي هي الدار
دخلت سارة للقصر و و تكتشف فيه بعينيها محستش حتى حست روحها كيشغول دربت في حيط رفدت راسها بلعقل تلقا واحد الزين قدامها طول و عرض بقات غايسا فيه و هو ماشافش فيها كامل
- اسمعي شوفي قدامك😠😠
سارة تكاكات مع روحها : مشفتكش سمحلي
- المرا الجاية تشوفي 😠( يحكي معاها و هو يخزر في التليفون مخزرش ڤاع فيها )
سارة : هكا يصرا كي تمشي و انت حاط راسك في التليفون ......... ديجا علاش راك تعيط 😑😠
- رفد راسوا و شاف فيها ميلو مقابلها : ر**** نمشي كيما نحب في دارنا ( بالعياط ) فهمتي 😡😡
و راح و خلاها واقفة هي مفهمتش علاش لسانها تعقد و ماقدرت تقولوا والوا ماشي من عوايدها تسكت : ياخي جاياااااح.... مزية ما سمعهاش ، المهم هي واقفا حتى سمعت واحد يعيطلها تلفتت تشوف : اه رحاب ( بنت عم سارة )
رحاب : مرحبا بيك حبيبتي وقتاش وصلتي 😁( عنقتها )
سارة :هدا وين لحقت 😊
رحاب : جوزي دخلي لدار ڤاع راهم يسناو فيك
دخلت سارة لدار لقات عمها و مرتو و راجل رحاب وليد و بنت عمها صغيرة لميا سلمت عليهم رحبو بيها كامل يحبوها
وليد : سمحولي انا لازم نوض نروح عندي خدمة
ياسمين ( مرت عم سارة ) : مطولوش على لعشا جيب معاك امير راك تعرفوا 😉
وليد : متقلقيش روحك انا نفريها
احمد ( عم سارة ) : اقعدي خلي راجل يروح يخدم و اذا على امير راهوا فاهم مليح بلي مكاش هدرة مور هدرة بابا
سارة قاعدة غير تبع في عينها ماشي فاهمة وين راه المشكل
ياسمين : سارة بنتي طلعي دوشي و ريحي في بيتك حتى يلحق جدك اذاحبيتيِ
سارة : مادبيا حتى انا عييت بزاف
ياسمين : مايا مايا ( الخادمة ) وريلها بيتها و ستكلفي بيها
مايا : حاضر : متموزال سارة تفضلي معايا
مشات معاها سارة ورتلها بيتها دخلت دوشت لبست حويجها و رمات روحها فوق السرير تشوف في البلافون و تفكر هذاك لي خبطت فيه كي جات و تحكي مع روحها : كيفاش خليتو يهدر معايا هكاك و علاش مقدرتش نرجعلوا اووووووف (قاعد تفكر كيفاش هدر معها مبعد سوطات من السرير ) اخاااااااااااه 😦😦قالي دارنا سما هذا هو امير وليد عمي😵😵😵 ااااه يا ربي 😵😵😵 اوووووووووووووف

من الجيهة الاخرى داخل شريكة كبيرة
وليد : كالمي روحك واشبيك هكا يا خو
امير : تتعقد بيا كيفاش هذي نكالمي روحي و انا يديا راهم مربوطين ماني قادر ندير والوا 😡
وليد : جات طفلة شفتها ؟
امير : مشفتهاش ، تلاقيت مع وحدة عند الباب معلباليش اذا هي و لا ، ان شاء الله متكونش هي باسك هذيك متتحملش
وليد : ربي يعونها بنت الناس عليك 😜
امير : ( بالعياط) هي شكون قالها تقبل كانت قادرة تقول لا لجدي و يخلص ڤاع هذا الشيئ مي هي لالا خليها تشوف 😡😡
وليد : خلاص دوك نشوفو كيفاش نديروا متبقاش مقلق هكا قدام جدك يرحم باباك
امير : صح خلينا نهدروا في الخدمة كي نتفكر هذا السوجي دمي نحسو يغلي
وليد : تفاهمنا مع الشركاء بقاو واحد الورق وقع فيهم و تفرا، دوك نبعتهملك مع سكريتيرة
وليد جا خارج : اه نسيت نقلك : تسوڤ موطو 😜
امير : كيفاش 😠.. ولييييد نسبك دوكا و لا كيفاش 😡😡
وليد : هههه خلاص دوك نبعتلك لورق😂😜😒
___________________________
لحق وقت العشا و الجد وصل
جات رحاب دقدق في باب سارة
سارة : تفضل
رحاب : ماسحقيتي والوا سارة العشا وجد و جدي راهو هنا اذا راكي واجدا احبطي
سارة : لالا ختي تعيشي ......، راني جاية 😊
رحاب : أوكي رنا نسناو
حبطت سارة لقاتهم كامل مجموعين على الطابلة ما عدا امير و وليد
جد : سارة بنتي ريحتي.. ! تهلاو فيك
سارة : نعم جدي ههه الحمد لله ❤😊
احمد : كيفاش هذي نعرفو بلي سارة عينيك يا بابا و منتهلاوش فيها
جد : متهدرش هكا نحب ڤاع أحفادي بصح سارة تربات عندي عندها بلاصة و حدها
باست سارة جدها من خدو : يعيشك جدو و قعدت في بلاصتها
جد : وين راهوا هذا امير علاش بطا هكا
سارة كي سمعت اسمو حست كرشها نقزتها مفهمتش علاش
ياسمين : دوك يجي
رحاب : آيه حكيت مع وليد و قالي رانا في الطريق
سمعو الباب تفتح
ياسمين : ما يكونو غير هوما جاو🙂
سارة تحس في السطر تاع كرشها غير يزيد و هي تسنى فيه يدخل لصال لي كانوا قاعدين فيها
دخل و ليد و بعدو امير كي شافتو سارة حست الدم نشف فيها و تمتمت : و الله غير هو😨
وليد : السلام عليكم
و سلموا في زوج على الجد
جد : هذي هي بنتي سارة ، لوكان جيت تجي عندي لوكان راك عرفتها
سارة و قفت باش تخمس معاه حاس رجليها فشلو
هو دار باش يشوفها : نتيا !😳😒
💖 الحلقة 2 💖
خزر فيها : نتيا 😳😒
مدت سارة يدها تخمس معها مبعد جبدتها بلخف
ياسمين : تعرفها وليدي ؟ ( مرت باباه بصح رباتو كيما يماه و جامي حس بالفرق )
امير : آيه تلقيت بيها كي كنت خارج
الجد : اقعدو باش نحكوا فالموضوع معنديش وقت بزاف لازم نرجع .... العرس هذا لازم يفرا هذي السمانة راني موجد كلش و امير عندو دار و خدمة مكاش مشكل تحوس سارة على الروب لي تساعدها و كلش ساهل
ياسمين : خلاص مام حنا و جدنا القائمة تاع المدعويين مبقا والوا
امير : اذا كملتوا نقدر نوض 😒
ناض و راح ... الجد : احمد فهم وليدك يسڤم روحوا سارة راهي الف واحد يتمناها😡 يبركنا من هذو لفشوش هي طفلة و فهمت 😡
 قاعدة سارة تشوف فيهم بلا ما تحكي والوا جامي كانت تتخيل انها تتزوج بهذي الطريقة و امير و شبيه هكا مهوش قابل : سمحولي مام انا راني عيانة نروح نريح🙂
طالعة في الدروج حتى حست بيد جبدتها بزوور جات تعيط حتى حط يدو على فمو 😨
امير : نحي يدي بصح مطلعي حتى صوت أوكي
دارتلوا براسها اييه
امير : شوفي يا بنت الناس انا منيش قابل هذا الزواج و عندي لي نحبها و ناوي تتزوجها و علابالي بلي جدي ما يرفضلك حتى طلب الوغ اهدري معاه و قوليلوا بلي مانيش قابلة نتزوج و يفرا كلش
سارة : -----
امير : واش بيك اهدري 😠
سارة : منقولش
امير : كيفاش هذي متقوليش 😡😡
سارة : جدي قال كلمتو و معندي ما نقول مورها
امير : اسمعي متهبلينييش راني نقولك مانيش قابل و راح تتزوجي بيا نورمال ! 😤😤
سارة : آيه ، علاش راك تقولي ليا روح قلهم ليهم انا ما عندي ما ندير
خزر فيها من الفوق للتحت : صحا انت حبيتِ ....😡😠😤
 و راح و خلاها ، طلعت لشومبرا تاعها و دخلت تهدر مع روحها : واش معنتها هذي دوركا 😤..... و علاش مقدتش نهدر معاه مليح اووووف يا جدي وين دخلتني😫
بدلت حويجها و تكسلت في بلاصتها تخمم هي ثاني مهيش حاب هذا الزواج مي الله غالب ماهيش قادرة ترفض عرض جدهاهو ركب في الطونوبيل تاعو و طار بيها لدارو دخل كسر كلش كي هدا شوية قعد فوق البونك حط يدو على راسو حاير واش يدير ، حتى صونا تيليفونو شافو تبسم وحدوا ، كوبا و عاودلها ... رفدت عليه تبكي
رانية ( حبيبتو ) : واش درت فيها 😢
امير : حبسي ما تبكي دوك كلش يجوز 😕
رانية : تزوجها خلاص انا و انت ربي مكتبلناش😢😢
امير : ر***** متعوديش هذي الهدرة انت واحد ما يديك من غيري انا😡😕
رانية : مي هي راهي داتك عليا 😢😢
امير : ماتبكيش قتلك دوك نصيب حل ، شوفي غدوة نجي ليك لافاك نديك و نهدرو ملييح حبسي من البكا 😕😟
رانية : أوكي ، تصبح بخير 😘
حكم التليفون خبطو على الحيط مور ما كوبات, عيا يخمم ملقاش حل
ناض صباح راح دار sport تاعوا و رجع دوش و سڤم روحو و خرج راح لافاك و ين تقرا رانية و حبس عند الباب يسنى فيها تخرج ... خرجت شافتو جات ركبت في الطونوبيل عنقاتو و بدات تبكي
حكملها وجهها بين يديه و قعد يمسحلها في دموعها : حبسي ما تبكي ما نحملش نشوف دموعك
رانية : ملقيتش حل ياك 😢😢😢!
امير : ايه مزال ، مي كاين حاجة راني متأكد منها و هي جامي راح نسمح فيك ، متبكيش تعيشي
رانية : خلاص دير ثاني في بالك انا راني مور القرار لي تديه و جامي نزعف منك و لا نلومك 😢😢
امير : راح ندير لحاجة لي تخليك فرحانة متتقلقيش 🙂😉، أيا حبسي لبكا ❤، ...و ين نروحو ؟
رانية : نروح لدارنا لازم ندخل نخاف بابا ليوم ميخدمش
امير : أوكي مالا نوصلك لداركم لكان عطا ربي راني نديك من داركم قدامهم ڤاع معليش كلش يجوز😠 .... ايييه هذا الحجاب متزيديش تلبسيه ديق عليك😒
رانية : ايه تع ختي مبقليش عقل لبستو منزيدش نلبسو
راح وصلها لدارهم و راح لشركة لقا وليد يسنا فيه عندهم اجتماع مهم
وليد : وين كنت يا صاحبي راك درت الروطار
امير : كنت مع رانية كان لازم نشوفها
وليد : صح معليش أيا ندخلوا ناس رآهم يسناو
-------------
من الجهة الاخرى سارة ثاني تحب دير sport صباح، كانت جات دوشت و بدلت و راحت عند رحاب تهدر معاها بالك تلقى حل كانت قاعد في الجنينة
سارة : صباح الخير رحاب
رحاب : اه سارة صباح الخير علاش مجيتش فطرتي معانا
سارة : تعرفي لفطور تاعكم ماشي كيما لفطور لي متعود عليه لهيك المهم مايا وجدتهولي كيما نحب يعطيكم الصحة ،.... و ين راهي طاطا ياسمين و عمو احمد
رحاب : ماما عندها واحد الجمعية راهي مستكلفة بيها مشغولة شويا و بابا راهو يخدم مع جدي
سارة : ملييح ...، في الصح حبيت نحكي معاك في واحد سوجي مي حرت كيفاش نبدا
رحاب : احكي برك رانا كيما الخيات ياك هكا
تبسمت سارة : امير...
رحاب : ارواحي اقعدي معايا ، سارة قبل ما تحكي امير خويا ماشي ساهل مقلق بزاف و بلاك ميشبهش ليجان لي تعرفيهم في الترك عقليتو بزاف صعيبة
قطعتها سارة : ماشي في هذا حبيت نهدر ،... ماهوش قابل بهذا الزواج و عندو لي يحبها
رحاب : ايه صح ، شوفي امير كيما قتلك ماشي ڤاع ساهل بصح القوة تاعو متكفيش باش يواجه جدي ، و علابالي بلي راهو خايف على رانية من جدي ماشي على روحو
سارة : رانية !
رحاب : طفلة لي يحبها
سارة : راني فاهمتو و نحترم حبو مي رحاب جدي رباني ملي كان في عمري 5 سنين مور موت ماما ربي يرحمها ، و من هذاك لوقت لدوكا راهو عمري 20 سنة مقتلوش لالا كي قالي مقدرتش و منيش رايحا نقدر نقول لا ، و زيد قالي بلي لوكان ينجح زواجك 5 شهور راح يفتحلي المشفى لي شحال و انا نحلم بيه  
 رحاب : مشفى ! أنت طبيبة
سارة : نعم و حبيت نحل مشفى نداوي فيه الفقراء لي معندهومش باش يداوا و عندي أصدقاء تاعي طب راح يعاونوني و هذا شرط جدي باش يعاوني نفتح مشفى مجاني
رحاب : فهمت ، معلباليش كاش نقدر نعاونك
سارة : أعطيني نيمرو تاع خوك نهدر معاه دورك
رحاب : ب.. بصح ..
سارة : متخفيش منقولش بلي انت عطيتيهولي
عطتلها رحاب رقم تاعو و وجدت روحها باش تعيطلوا و تمدلوا الحل لي وصلت ليه

💖 الحلقة 3 💖
الجد قاعد مع احمد في الشركة تاعوا : وشبيه وليدك هذا خرج هكا ما يخاف حتى حاجة 😠
احمد : ساعفوا يا بابا راهو غير طيش شباب
وقف الجد من بلاصتو : تعرفني منفهمش في هذو لحوايج رجعلوا عقلوا لراسو و خلينا نجوز هذا الزواج بلا مشاكل و لا انا نعرف كيفاش نتصرف معاه نطيحو وين مينوضش 😡
احمد : هدي روحك يا بابا مشكل ما راح يصرا و هذا الزواج راح يتم بلا مشاكل
الجد : اييه مليح نشوفو
------------
امير قاعد في البيرو تاعو يخمم حتى قاطعو صوت تيليفون يصوني شاف لقى رقم مجهول
رفد : ألووو
Directement : انا سارة
امير قعد روحو مليح : واش تسحقي ؟ 😑
سارة : راني حابا نهدر معاك اذا راك فارغ
امير : انا الهدرة لي عندي قلتهالك البارح مبقاتش هدرة وحدوخرا متهدريش معايا
سارة : اصبر دقيقة... مانيش ميتا باش نهدر معاك مي بلاك يعجبك واش راح نقول
امير : ارواحي ليا لشركة منقدرش نخرج عندي خدمة
سارة : أوكي ساعة و نكون عندك
ناضت لبست حوايجها سليم كحل و تريكو بيض و ڤاست تاع كوير كحلة و سباط طالع كحل و ساكادو كحل علقاتو في ظهرها و خرجت لبست الكاسك تاعها ركبت في الموطو تاعها و راحت لشركة ، جات داخلا حبسها رجل الأمن لي واقف عند الباب : سمحلي متموزال ممنوع تدخلي و انت متخدميش هنا
سارة : كيفاش هذي ماندخولش😒 روح عند امير يقولك راني جاية ليه
الرجل : واش نقولوا شكون نتي
سارة : قولوا سارة جات
الرجل : اصبري شوية هنا حكى في التليفون خزر فيها قالها : تفضلي
دخلت و سقسات ورولها طابق لي يخدم طالعا ليه و حاسة روحها خايفة ماشي من عويدها هكا مالفا ما تخاف من حتى حاجة كي تحب حاجة ديرها اما هذا الخطرة غير كل ما تقرب كل ما قلبها يزيد يخبط كثر و كثر ، لحقت و دخلت صابتو قاعد مور البيرو تاعو ضارب حطة كي العادة قاعد بكل وهرة و ريحتو دايرة حالة خزر فيها من الفوق للتحت يهدر بتشناف : ارواحي قعدي و قولي واش حبيتِ معنديش الوقت بزاف
سارة كي شافتو تلفتلها ممبعد كي هدر معاها بهديك النبرة تقلقت و تشجعت راحت قعدا مقابلتو : حتى انا منيش فارغة مزال عندي لغوب نخيرها ( قالتها باش تقلقو )
خبط يدو في البيرو : تتقعدي بيا😡 ( بالعياط )
سارة تنفظت معاه بصح ما حبتش تبينلو : احكي معايا مليح باش نقدرو نتفاهموا 😠
ضحك امين باستهزاء وشاف فيها : انت تعلميني كيفاش نهدر 😏...... اهدري واش راح تهدري و خرجي مانيش حاملك😡😡
سارة : اي متقوليش هكا انا راني ميتا باش نبقى في بلاصا معاك يا خي حالة 😠😡، انت لازم تتزوج بيا معندكش حل وحداخر
امير : كاين حل ريحي ما تحرشي بيا ، حكمي جدك و فهميه تتحل 😡😡
سارة : هذي غير جوزها خطرش انا منقولش لجدي ، مي عندي حاجة بلاك تساعدك نزوجو على الورق ماشي صح ندير عقد 6 شهور و نطلقوا
امير يحكي و لاز على سنيه : مانزوجش بيك ، هدري مع جدك متهبلينيش****** 😡
سارة : منهدرش ، خمم واش قتلك اذا ساعدتك صحا ..و مكاش احتمال وحداخر معندكش حل🙂😉
امير وقف من بلاصتو و بدا يعيط عينيه ولوا حمورا جامي وحدة تحدتوا هكا : تندمي على هذي.... تفكريها ملييح 😡😤😤😤
سارة رفدت روحها و خرجت خافت كي شافتو هكاك ما حبتش تزيد تهدر
قعد امير في بلاصتو و الغضب و الكره عامي على عينيه : و الله غير تخلصيها ندير واش حبيتي و ندمك خامجة عريانة كيما انت تتحداني اصبري تشوفي ( يحكي مع روحو كي المهبول )
😤😤
----------------------------------------------
خرجت سارة و هي حايرا فيه وحش هذا ولا واش جاية نتفاهم معاه كيما الناس قريب كلاني كيفاش نعيش معاه 6 شهور ( رفدت رأسها لسما ) يا ربي عاوني انت عارف نيتي وفقني
ركبت في الموطو تاعها راحت شافت غوب سامبل خيرتها فوق القلب باش تسكت جدها كملت و رجعت لدار لقاتهم ڤاع مطمومين على المائدة تاع العشا
الجد : بنتي وين كنتي ارواحي تآكلي
حوست بعينيها عليه و تنهدت مريحة : مكاشو
الجد : انعم بنتي
سارة : والوا جدو رحت خيرت غوب و جيت
رحاب : اه علاش مقوتليش نجي معاك كاين واحد نعرفوا يبيع ملييح
سارة : خلاص واش عليه لقيت لي تساعدني ، انا راني شبعانة بصحتكم نطلع لبيتي نريح 🙂
الجد : سارة اصبري غدوة و جدي روحك تروحو تعقدوا
سارة : نعم جدي ، صبحوا بخير
طلعت لبيتها بدلت و تكسلت في بلاصتها تخمم في امير كي يسمع واش رايح يدير-------------------------------
الجد دخل للبيرو تاع احمد : عيط لوليدك قولوا بلي غدوة يعقدوا
احمد : سمحلي بابا انا نهدر معاه
الجد : المهم تفاهم معاه غدوة على العشرة يكون في البلدية
راح احمد لدار امير ( مايسكنش معاهم ) حل عليه الباب و دخلوا
احمد : امير غدوا تروحو للبلدية تعقدوا
امير : كيفاااااااش😠😠
احمد : امير تهدن وليدي مكاش هربا من هذا ، جدك حط في راسوا مايريحش حتى يزوجكم
امير : خلاص.... مايقدرش يحكم فيا ، انا مااااشي نتا فهمت 😤😤 ( بالعياط )
احمد : اميييييييير انا باباك متهدرش معايا هكا😠 ، راني نخمم فيك الشركة لي شاحل و انت طلع فيها حياتك جدك بكلمة منو يهدملك كلش ، صحا متخممش في روحك خمم في هذيك البنت لي راهي في بالك ....
 متخزرش فيا هكا انت في بالك راح يخليها هكا تعرفوا جدك
امير : يسيي يمسها و يشوف
احمد : اميييير غدوة على العشرة أرواح للبلدية خمم مليح وليدي علبالي راح الدير الصحيح كيما مالف بيك 😉
خرج و خلاه قاعد حاير واش يدير يعرف جدوا و خايف على رانية منو  

----------------------
جا الصباح احمد و الجد و سارة في البلدية يسناو في امير يجي
احمد كان مقلق خاف وليدوا ميجييش ڨاع يشوفو مع الباب يسناو فيه يدخل

❤ الحلقة 4 ❤
قعدوا يسناوا حتى دخل ملامحو باردة ما دل على حتى حاجة : أياااا نعقدوا معنديش وقت بزاف عندي خدمة
الجد : اصبر شويا ، ليوم نعقدو وغدوة ان شاء الله بربي العرس
امير : اه يا جدي لوكان تعمل مزية و تقوللنا وقتاش نقدروا نجيبوا ذراري 😒
الجد : اميييير احترم روحك😡 ، ايه انا نسير كل حاجة هنا عجبك صحا معجبكش راهوا قدامك الحيط😡😡
امير : كل واحد يدير حسباتو في راسوا ( غمزلوو )
الجد : واش قصدك
دخل احمد في الوسط يكالمي في الحالة حتى عيطولهم دخل احمد و الجد ممبعد دار امير لسارة خزر فيها من الفوق للتحت و درلها يبدو باش تدخل و دخل موراها المهم عقدوا و تفاهموا على كلش جاو خارجين
امير : سنااي انتي جي معايا
دارت ليه سارة : وين
امير : كي نوصلوا تعرفي
محبتش سارة تكثر معاه الهدرة شافتو مقلق ركبت و خلاتو ركب و زاد في لاڤيتاس هذا حب يقتلنا ..... وصلوا لواحد القهوة عند شط البحر حبط ممبعد جا حل الباب لسارة : احبطي 😠
سارة : واش جبتني ندير هنا
امير : واش انت لازم تسقسي على كلش احبطي دوك تفهمي 😑
زيرت سارة على يدها باش مجاوبوش و يصرا مشكل غمضت عينيها تتمالك في اعصابها 😠حبطت و مشات موراه وصلوا لطابلة كانت قاعدة فيها طفلة كي وصلوا ليها ناضت و عنقت امير و سلمت عليه
امير : ياك مطولتش عليك
رانية : لا هذا وين وصلت
و دارت لسارة تميز فيها و سارة كيف كيف
قعدوا في ثلاثة
امير : ليوم عقدت مع هذي ( على سارة ) ، مي زواجنا هذا المدة تاعوا 6 شهور
جبد ورق و ستيلوا : رانية كتبي هنا الشروط لي راكي حابتهم. نكتبهم في العقد باش نروح معاها عند المحامي و نسينيو
غمضت سارة عينيها تسيي تتمالك في روحها باش متسوطيش عليه و تخنقوا
رانية : لي راك حبها ديرها قتلك راني موراك 🙂
سارة قعدا تعكي موراها( لي راك حبها ... ياخي بهلولة) و نطقت : نقدر نفهم انا علاه جيت
امير مقيمهاش : نروح عند المحامي درك تحبي جي معانا
رانية : لالا درك نقرا العشيا عيطلي نهدروا
سارة تقلقت و ناضت : راني رايحة نسنى في الطوموبيل ، مشات و خلاتهم
رانية خررت في امير : شابة بزاف 😦
امير : ماهيش ڤاع تبان لي ( و غمزلها )
تبسمت و حبطت رأسها
امير : عشيا نعيطلك
راح ركب في الطونوبيل طريق كامل و هما ساكتين راحوا كتب العقد عند المحامي بلي طلاق بعد 6 شهور و تفاهموا كي كملوا خرجوا ركب في الطونوبيل جات تركب و تحل الباب شعل طوموبيل راح و خلاه
سارة : حماااااااااااار اوووووووف 😠😠?----------------------

لحق وقت العرس لبست سارة لغوب بيضا السامبل لي شراتها جاية ابغوتال و شوية عريضة و تتكركر طلقت شعرها بكلاتو شوية و دارت تاج تاع الورد ولات تشبة للأميرات
و امير لبس سموكينغ نواغ و سڤم شعروا مع الزين لي عندوا و الكور تاعو خرج يهبل😍
لحقت سارة معاهم لبلاصة لي وجدها جدهم جنينة كبيرة و شبحها ملييح موراها جا امير مع وليد و رحاب جاز العرس مليح شطحو و زهاو امير كان مشنف مخزرش ڤاع في سارة باينة من و جهو بلي راهوا جاي من فوق القلب بصح سارة لالا كلات و ڤلبتها بالشطيح دارت حالة ماشي ڤاع سامعة بيه و هو تقلق منها ..... لمهم لحق الوقت لي يروحو فيه لوتال ودعو ناس لي كانوا في العرس جدو يوصي فيه و قالوا بلي غدوة يجي ليهم قبل ما يسافر ركبوا هو وياه و طار امير كي العادة
امير : راكي فرحانة درتي واش تحبي.... تشطحي و معلباليش واش 😠
خزرت فيه سارة : اييييه ، مام انت هذا الشيئ يساعدك 😉🙂
حبس امير الطوموبيل حتى سارة راحت و ولات و بدا يعيط : قتلك واش يساعدني انا... هذا يساعدك انت برك غير فرحي درك لخاطرش ماكيش راح تفرحي بزاف ( بالعياط ) 😡😡😡😡
و عاود طار بطونوبيل سارة سكتت محبتش تهدر خافت يديروا اكسيدو هذا راهو مهبول ، لحقوا لوتال وراولهم الشومبرة تاعهم دخل هو و دخلت موراه راح لدوش و خبط الباب
راحت بدلت حوايجها لبست بيجما تاعها شورت و ربعت فوق البونك شدت التيليفون و قعدا تكونيكتي مع صحبتها
خرج صابها هكاك راح ليها خطفلها التليفون و خبطوا مع الحيط طلعت عينيها خزرت فيه خزر تاع حابا تقتلوا قحرتلو 😠
امير : بديتي لعبة كمليها متحصلنيش مع جدك دوكا كاش عروسة اون لين في نهار كيما هذا 😡😡
سارة : نكون اون لين الوقت لي نحب 🙂😠
حكمها من ذراعها بالقوة و نوضها : اسمعي مترجعليش الهدرة يصرا واش نقول انا فهمتي ( بالعياط ) كنت تخمي تمشي رااريك هكا قبل ما تقبلي بهذا الزواج واش حسبالك انت راح تعيشي مليح وقيلا 😡😡😡
سارة : طلق يدي وجعتني😠.... شوف خلينا نكملوا هذو 6 شهور بلا مشاكل ، ممبعد كل واحد يروح في طريقو
امير : مفهمتش كاش راح نحمل 6 شهور مع خامجة عريانة كيما نتي 😡
سارة محستش بروحها كيفاش حتى رفدت يدها و عطاتو بكف حكم هو من القلق خلفهالها من قوتو طيحها في البونك و سال الدم من شفتها بدا يعيط : ر**** تزيدي تعودي ترفدي يدك عليا يا ق*** نكسرهالك😤😤😤 و خرج و خبط الباب ، سارة قعدت كيما رماها و بدات تبكي و تعيط جامي عاشت حاجة كيما هاذي ساعة و هي مرميا هكاك ممبعد ستغفرت وناضت راحت قابلت لماريا و جها زراق شويا و شاربها تنفخ من جيهة شافت مليح في وتشها و تحكي مع روحها : شكون قال راح نعيش حاجة كيما هذي و انا لي كنت نقول لنسا كيفاش تعيشو مع رجال يرفدو يدهم عليكم هاو رفد يدو عليا و منقدرش نطلق..... دوك الذراري لي رآهم يسناو لي يداويهم نحمل كلش على جالهم...... واش يقولوا ليمات المحسوبة كيما جات جوز كلش يجوز و نوريلو كيفاش يرفد يدو عليا و يسبني😡😡 مسحت دموعها غسلت وجها و دهنت فيه حاجة لي صابتها تما باش ميزيدش ينتفخ كثر دخلت داخل لغطا و غمضت عينيها و رقدت
---------------------------------------
من الجيهة الاخرى امير كان قاعد في كرسي مقابل لبحر يخمم فواش صرا معجبوش الحال كي رفد يدو عليها و هو لي جامي رفد يدو على طفلة وقف من بلاصتو ( يحكي مع روحو ) هي لي غصبتني واش تكون باش ترفد يدها عليا زعما زعفت كي قتلها خامجة ربي عالم شاحل من راجل رقدت معاه 😡😡
طلع الصباح امير فطن على صوت التليفون يصوني محسش بروحو كيفاش رقد في الطونوبيل رفد لقاه جدو
الجد : مقدرتش نتلقا بيك عندي خدمة و تسيفت عليا نرجع لترك صباح بكري ، المهم تهلا في سارة و ما نسحق حتى مشاكل
خسر امير عليه كلمة صحا و كوبا ، رجع لوتال لقا سارة تلبس في حويجها محبتش تزخر فيه و هو كيف كيف ، ممبعد شوي هدر معها لفوق لفوق : خفي لبسي و هبطي راني نسنا لتحت نوصلك لدار عندي خدمة ( بالتشناف ) 😒
سارة : نروح وحدي
امير : وقيلا الكف تاع البارح مكفاكش😡😡
خزرت فيه و محبتش جاوبو
امير : ديري واش نقول انا و لا نطلقوا مكان لا عقد لا والوا
كي قالها هكاك قاتلوا : خلاص دوك نجي
حبطوا وصلها لدار و راح عند رانية لافاك يسنى فيها تخرج
❤ الحلقة 5 ❤
دخلت سارة لدار كانت فيلا صغيرة فيه 5 بيوت و جنان كبير فيه بيسين و في طرف الجنان داير صال دو سبور كبيرة فيها كلش فرحت سارة هذاك واش تحب😜 لمهم دارت في الدار كامل عجبتها كانت سامبل و شابة بزاف دخلت لواحد الشومبرة واسعة و فيها زجاج من الحيط للحيط يطل على الجنان زادت مشات في هذيك الشومبرا لقات بيت و لا خزانة لي معلق فيه امير حوايجوا ( تحكي مع روحها ) اه هذي بيت كازانوفا مي وين نرقد انا راحت طلت في البيوت لوخرين ندي هذي البيت باينة تاع الضياف و لا خلي حتى يجي نسقسيه نخاف يجي يتقلق
نهار كامل و هي في الدار كارها حياتها و هو خرج مع رانية فطروا كيف كيف و وصلها لدارهم و راح يخدم جا الليل سمعت سارة الباب يتحل راحت تشوف لقاتو هو جا و جاب سشيات في يديه باين قضيان حطهم في الكوزينة و طل عليها : روحي خملي واش جبت و طيبيلنا لعشا راني جيعان ندخل ندوش و نخرج نلقى الطابلة واجدا
خزرت فيه سارة و ماصبتش واش تقولوا تقولوا جامي دخلت للكوزينة و طيبت خافت يطلقها و يروح كلش😨 خمت و قالت نجبد غوسات من انترنات و خلاص طياب ماشي واعر راحت بدات تجبد من السشيات واش جاب و تقلب في التليفون تاعها كاش غوسات لقات حريرة قالت نديرها بدات طيب فيها جازت ساعة جا طل عليها : واش مزال 😡( نخلع في الكوزينة لقاها مقلوبة )
سارة : دوك 10 دقائق و توجد😨 ( تحكي مع روحها ) واش داني نديرها ليوم يقتلني 😨😨
امير : أياااا خفي لينا نتعشاو و لا نتسحرو 😡😡( بالعياط )
كملت سارة و وجدت الطابلة مليح و عيطتلوا يأكل
امير : وشنو هذا ؟ 😑
سارة : حريرة
امير : هذي حريرة 😲! ( طلع راسوا و خزر فيها خزرا تقتل ) متعرفيش طيبي ثاني ؟ 😑
سارة تلين فيها : مزال مدقتهاش 🙃
امير : نتي مريضا نذوق هذي 😡( رفد الطابلة و خطبها تكسر كلش ) هاي الحريرة تاعك 😡😡و خبط الباب راح يتعشا برا خلا سارة مقلقة تطم واش دار : يا خي حمااااار حق ما طيبتلوا تأكل الرهج ان شاء الله😡😡😡 خملت ڤاع ديك الحالة وراحت خيرت البيت تاع الضياف سڤمت حويجها فيها مكفتهاش لخزانة عندها بزاف حوايج الوغ فرغت نصهم برك لبست بيجما تاعها و دارت فيلم ف البسي و قعدت تتفرج حتى داتها عينها و رقدت و هو مزال ما جاش حلت عينيها صباح و رحت لبيتو حلت الباب بلعقل طلت صابتو راقد عاودت غلقتها و عيطت لرحاب باش تقولها كيفاش يديرو لفطور يعني القهوة تاعنا ورتلها رحاب وجدتلو كلش كيما يحب باش مينوضش يعيط لبست حوايجها تاع سبور و راحت لهذيك لصال دير موراها ناض هو دوش و لبس حوايجوا و خرج لقا الطابلة تاع القهوة محطوطة ( يحكي مع روحو ) مليح كي تعرف توجد القهوة😒 قعد يشرب شويا و جات سارة رايحا دوش كملت سبور تاعها
جازت عليه كانت لابسة تريكو فوق الصرة و فيزو ( حوايج السبور ) شاف فيها من الفوق للتحت : شكون قالك تدخلي لاصال بلا ما تسقسيني دار باباك هذي 😡( بالعياط )
قفزت سارة من عياطو و تسب فيه بينها و بين روحها : ياخي مخلوع واش بي جدك كليتهم 😒
امير : ر***** واش راكي تمتمي راني نحكي معاك 😡😡
خزرت فيه سارة خزر عيانة قحرتلو 😡 : معلباليش بلي هذي ممنوعة ثاني منزيدش ندخل متخافش
امير : مطوليش لسانك بزاف كي نهدر تقولي معليش و انت محبط عينيك 😡😡
سارة : معليش 😡
امير : عينيك حبطيهم😡😡 ( بالعياط )
زيرت سارة على يدها و حبطت عينيها و قاتلوا : معليش 😠
امير : مليح ، نجي لفطور نصيبو واجد و ماشي كيما تاع البارح خطرش هذ الخطرة منكسرش الطابلة نكسر الدار و نكملك معاها 😡
و خبط الباب و خرج
سارة موراه : حماااااار جاياااااااح..... بغل ... أه... ا لوحا ... وحش.... اا...حلووووووف ... كازانوفا ... نكرهوووووووووووووووووووو😡😡😡😡😤😤دوشت و بدلت حوايجها و عيطت لصحبتها دارين ( هذي صحبتها الانتيم من الترك كبرو كيف كيف )
دارين : واش درتي فيها مع هذاك الهم
حكتلها سارة كلش
دارين : هههههههههههه انت ! و طياب ! 😳كيفاش طيبتي 😂😂
سارة : و الله نخرج من التليفون و نخنقك مانيش ڤاع في الڤسطو و مزال لفطور يسنى فيا 😠
دارين : ههههههه وليتي مرا تاع دار ياااو 😂
سارة : داريييييين راح نكوبي.... لوكان راكي تخدمي عقلك تعطيني حل في بلاصت فمك ماشي خيير
دارين : هههه خلاص ، عيطي لهذيك ختو وسمها ؟
سارة : رحاب !
دارين : عيطيلها قولها تبعتلك وحدة تعاونك و تروح قبل ما يجي طيب ..و لا راح تقتلي راجل قبل 6 شهوور 😂😜
سارة : رنكي😡
دارين : هههههه .... ألوا سارة ..... أياااه كوبات
رجعت سارة تخمم و دارت كيما قالتلها دارين عيطت لرحاب و تفاهموا جي وحدة طيب بلا ما يعرف امير كيما كان الحال جات طيبت و راحت قبل ما يجي 12 جا لدار كي خبط الباب سارة حست قلبها حبس كانت وجدت الطابلة و فيها كلش
امير : واش طيبتي
سارة تمتم : خديمة تاع يماك انا 😑
امير : واااش😡
سارة : قتلك كلش راه واجد فوق الطابلة
امير : مليح ، نلقى حاجة ناقصة نوريلك 😡
راح قعد لقى كلش محطوط شاف و قعد و سارة جات راجعة لبيتها متحبش تقعد معاه في بلاصة وحدة
امير : وين راكي رايحة 😡( بالعياط )
سارة : لبيتي
امير : متروحيييش حتى نقلك انا روحي 😡😈
قعدت واقفة تحكي في قلبها ( تأكل الرهج 😡) و هوا يأكل كي كمل خزر فيها : المرا الجايا طيبي وحدك 😉 دوك خملي و طيري وين تحبي
سارة : وين عرف هذا ... اوووف حقا حقا حاجة ما جوزلو
خرج يخدم لعشا كيف كيف المهم جازو 15 يوم و حاجة ما تبدلت روتين و يتعاود هو دايمن يتلاقا مع رانية و يبات يحكي معها في التيليفون و سارة في الدار تخمل و تتعلم الطياب مع هذيك المرا لي بعثتها رحاب و زاد لقاتها سبة باش جوز الوقت
💖 الحلقة 6 💖
واحد الخطرة سارة كانت راح توجد الفطور حتى صونا تيليفون تاعها لقات امير رفدت : ألو !
امير : اسمعي ما طيبي والوا دوك نجي
و كوبا سارة تقلقت واش بيه هذا ماشي من عوايدو خافت و قاعدا تدعي ربي يستر و ما يكون غير الخير بعثت هذيك لمرا لي طيب معاه و قاعد تسنى فيه يجي شويا و سمعت صوت الباب راحت تجري للباب شافتو دخل و جات معاه رانية
سارة واقفة هكاك جازو ڤاع مقيموهاش 😒، غمضت عينيها و تنهدت و حلتهم تحاول تنحكم في اعصابها ياربي اعطيني الصبر ، راحت موراهم شافتهم دخلوا للكوزينة تبعتهم : نقدر نعرف واش كاين ؟
جات رانية تهدر قاطعها امير : متهدريش معاها مكان ما دخلها 😑
سارة : كيفاش مكان ما دخلني هذي ! 😡
امير ( يعيط ) : ايه ما دخلك راكي تشوفي الدار و كلش تسال فيه هي ( على رانية ) انت زيادا هنا مدخلك في حاجة متخصكش😡😡
رانية ( بدات دمع ) : خلاص امير مام هي راهي ساكنة هنا و تسال في هذي الدار 😢
امير : الخماج ميسالش في داري
خزرت فيه سارة 😡( الخزر تاعها قحرتلو ) و راحت لبست لاڤاست تاعها و سباطها خبطت الباب و خرجت
دار امير لرانية لقاها تبكي قدم ليها مسحلها دموعها و بدا يحكي بحنية تقول ماشي هو لي كان كيما الوحش يعيط مع سارة : علاش راكي تبكي ؟ 😕
رانية : مكنتش حاب نديرلك مشاكل ، خلي كي تطلق منها و نطيبلك واش تحب 😢
امير : واش من مشاكل رانية ماتهبلينيش ، و زيد حبيت نأكل من تحت يدك اليوم كاش واحد دخلوا
رانية : لالا بصح😢..
قاطعها امير : مكاش بصح واش نطيبوا
رانية : بصح علاه كانت لابسة هكاك
امير : كيفاش ؟🤔
رانية : كانت لابسة جين و تريكو متلبسش جبب كيما حنا نلبسو ؟☹
امير : ههههههه غرت منها ؟😂
رانية : منحبهاش تلبس هكا قدامك و زيد هيا شابة بزاف ☹😕
امير : خلاص عمري تعرفيني ما نشوف وحدة من غيرك 😂! تلبس واش تحب مدخلنيش فيها انا منحملهاش لوكان مقبلتش بهذا الزواج ما رناش هكا درك 😑
تبسمت رانية : واش نطيبلك🙂 ؟؟.....
__________________________
قعدا سارة في كرسي مقابلة لبحر ( كل ما متكونش ماشي مليحا تروح لبحر تحبو بزاف ) و تبكي و تخمم يا تطلق منو و تنسى فكرة المشفى يا تبقى معاه و تحمل الذل باش توصل وين راهي حابة هي هكاك حتى صونا تيليفون تاعها رفدت : ألوو 😢
دارين : سارة واش كاين علاش راكي تبكي 😨
سارة : خلاص كرهت😢😢 ..... منيش حاملة 😢... المعيشة معاه ماشي ساهلة حتى السب منقدرش نسبو في وجهو نسبو غير في قلبي 😡😢
دارين : دوك راكي تبكي كي متقدريش تسبية ! 😲
سارة : ايه ، نكره كي بسيف عليا نحمل ڤاع واش يقول بلا ما نقدر نجاوبو 😡
دارين : خلاص متبكيش كملي 6 شهور هذو و نجي انا وياك و نسبوه كيف كيف ❤
سارة : ههههه ميفهمش التركي
دارين : معليش انت تعلميني نسب اللغة لي يفهمها
سارة : ان شاء الله ، هذا واش راني حابة لواكان نسبو ڨاع حياتي منكرهش
دارين : ايه هكا انا نعرف سارة ماشي ساهل يبكوها مسحي دموعك و حكيلي واش صر ؟
حكاتلها سارة كلش
دارين : و هذي علاش جات 😒
سارة : وين علابالي انا😡 ، قاعدا دمع زعمة جيا من هذوك لبنات لي يتمسكنو 😑😡
دارين : واش راكي تغيري عليه وقيلا 🤔
سارة : انا نغير على هذاك الحطبة مريضة انت😑
دارين : اسمعي مليح سارة بالكِ تخمي فيه هذا ما هوش تاعك مانيش حابا تتعذبي 😠
سارة : حبسي هذي الهدرة😡
دارين : سكتي نعرف خير منك ، سارة انت جامي حبيتي و ماشي هذا هو لبنادم لي تحبيه راكي تغلطي
سارة : راكي غير تخلطي مكاش منها هذي الهدرة انا عندي حاجة حابة نوصللها من غير هذا نحس غير بالكره من جيهتو 😡
دارين : ايه الكره يولد الحب
سارة : دارين حبسي جياحا تاعك طاح الليل هنا انا نرجع لدار يكون خرج باش يرجعها لدارها
دارين : خلاص مالا ، كي تلحقي اذا قدرتي عيطيلي 😘
ركبت سارة و رجعت لدار ما لقات حتى واحد دخلت لبيتها بدلت و تكسلت في بلاصتها تخمم حتى سمعت الباب خبط باين جا هو
جازت سمانة سارة كامل متهدرش معاه و هو ملقاش على واش يعيط و ولاو ميتلقاوش بزاف
❤ الحلقة 7 ❤
ناضت سارة صباح راحت دارت sport ممبعد جات دوشت و بدلت و راحت توجد لقهوة قبل ما ينوض و تتلاقا بيه مي ناض قبل ما تكمل
امير : واش مزال! 😑 والفت منشوفش فيڤورتك صباح 😡
سارة مهدرتش معاه كملت واش كانت دير جبدها من يدها ضربت في صدرو و ولات : يا ر**** راني نهدر معاك 😡
خزرت فيه سارة 😡
امير : شحال من خطرة تقلك ما تخزريش فيا هكاك ، و حبسي تشناف هذا و لا نرمي في وجهك ورقة الطلاق😡
زيرت سارة على يدها : واش راك حاب دوكا 😡
امير : متشنفيش 😡😡
سارة : واش راك حاب نكون كيما صحبتك هذيك نتمسكن عليك لي تقولي ايه و كل دقيقة نبكي ! 😠
امير : متزديييش تجبديها لالاك هذيك ، خامجة و عريانة كيما انت متالحقهاش في صباعها صغير ، لوكان درتي واش قتلك قبل شهر من درك ما رناش في هذي الحالة ، خلصي واش درتي و بلعي 😡😡
طلقها و راح
حست هدراتو طاحت عليها كيشغول حجرة كبيرة فوق راسها مقدرتش حتى جاوبو وجعتها بزاف طاحت في الارض تبكي تبكي...😢😢 حايرة واش دير قالت نزيد نصبر و خلاص ، ناضت خملت الدار و وجدت لعشا تعلمت طيب شويا و لبست راحت لدار رحاب تفاهمت تتعشى عندها راحت بدلت شويا و نحات على خطرها رحاب و رجلها وليد بزاف ملاح معاهاجا لدار مصابهاش تعشى و عيط لرانية يهدر معاها مور ساعة جات عيطلها : اسمعي راني مزوج بيك متدخليش في نص الليل و جيبيلي الهدرة كي نطلقك و ديري واش تحبي 😒
خلاص سارة مبقاتش فيها القوة خزرت فيه قالتلوا ايه و راحت لبيتها
جازوا اليمات سارة ولات تسمعلوا باش تيڤيتي لعياط و الهدرة تاعوا مي بدات تحس حاجة من جيهتو ماشي فاهمتها و لا هي محبتش تفهمها لروحها خاطرش كانت خايفة تواجه حقيقة بلي هي تحبوا ولات ديقلها كي تسمعو كل ليلة يحكي ويضحك مع رانية في التيليفون وهي جامي تبسملها دايمن مشنف حتى اسمها راهي شهرين معاه و جامي خرج من فمو خبات في قلبها و قاعدا تسيي تقنع في روحها بلي هي تكرهو تشوف فيه كاش يعامل الناس و يعاملها تقول ماهوش بنادم واحد راحت تكسلت في الجنان تحت النجوم و تخمم خايفة تزيد تتعلق بيه مزال بزاف على طلاقهم 😢
______________________
طلع الصباح امير كان في الشركة حتى جا ليه صاحبو حمزة عندو أوتال
حمزة : واش ساڤا صاحبي 😄
امير : دخل هذي غيبة ماراكش ڤاع تبان 😄
حمزة : الخدمة راك عارف
امير : ايييه واش من ريح رماك عندي و تفكرتني ؟
حمزة : جيت نحكي معاك في واحد سوجي و معرفتش كاش نبدا
امير : بدا مين تساعدك ، واش كاين
حمزة : رانية
قعد امير روحو مليح : واش بيها ؟
حمزة : راهي كل خميس جي لوتال تاعي تبات فيه
امير طلع حاجب و حبط حاجب : بالك شبهتها 😒
حمزة : هي راني متأكد ( جبد CD من جيبوا و رماه فوق البيرو ) هذو تسجيلات كاميرا اذا حبيت تتأكد فيهم تاع لاصال شوف
امير : اواااه راك غالط رانية معندهاش ڤاع دوك دراهم باش تبات ليلة في لوتال تاعك 😏
حمزة : كاين واحد راهو يبات معاها يخلصلها
امير ناض مبلاصتو مقلق و راح حكم حمزة من التريكو : سڤم هدرتك يا ***** هذي ماشي هدرة 😡😡😡😡😤😤
حمزة : كالمي روحك امير تحب جي تكونفارمي أرواح غير غدوة لخميس و تشوف بعينك ، و ان شاء الله نكون غالط 😕
طبع امير حمزة جابو فالأرض : اخرج عليا قبل ما نقتلك 😡😡😡😡😡😡😡
  حمزة خرج و امير قاعد في البيرو مقلق و يخمم مايقدرش حتى يشك في رانية دير حاجة كيما هذي شاد هذاك CD في يدو و يشوف فيه مقدرش même pas يسيه باش يشوف اذا هي ولا لالا قلبو معطاهش يخمم فيها في حاجة كيما هاذي قعد حتى لليل و هو في البيرو يخمم حتى رانية مقدرش يعيطلها

#MiChou

------------------
سارة قاعدة في الدار و مقلقا عليه علاش مجاش لفطور و راهي 12 تاع الليل و مزال مدخلش ماشي عوايدو باين راهو معاها دارت فيلم تلهي روحها حتى سمعت الباب تخبط و زادت سمعت الباب تاع بيتو كي دخل خبطها سارة قفزت طلت تشوف مكاشو (تحكي مع روحها) : واش بيه هذا باينة داوس مع البكاية تاعو😒 قعدا في الصالون تتفرج حتى داتها عينها و رقدت ناضت الصباح راحت بلعقل طلت في بيتو مي ملقاتوش حارت واش راهو صاري 🤔

-------------------
هو ليل ڤاع مرقدش عيطتلو رانية طفا تيليفون اذن الفجر ناض صلى و حكم PC تاعو دخل فيه هذاك CD و قاعد يشوف هذي هي صح حمزة ماهوش غالط حس الدم يغلي فيه ممبعد ستغفر اواااه لالا sur كاين سبة باش راحت هي ماراحش دير هكا سنا طلع النهار و راح عند حمزة و تفاهم معاه يعطي لو الكارطة تاع الشومبرة لي بقاو فيها و رجع لشركة يسنى في غدوة كيشغول قاعد على جمرة ممبعد ناض من بلاصتو ( يحكي مع روحو ) منقدرش نريح هكا خرج و طار بطونوبيل تاعو راح ركب في اليخت تاعو و هام في وسط لبحر بعد بزاف حبس و بقا يعوم وحدو حتى كمل النهار رجع كي العادة سارة ما فهما والوا ما عندهاش même pas لكوراج باش تسقسيه دخل لبيتو و غلق الباب زاد غدوة من ذاك هام في البحر و كي بدات الشمس تغرب رجع و راح directement لوتال
💖 الحلقة 8 💖
وصل لوتال و راح وين الكاميرات تاع المراقبة يسنا فيها جي لحقت التسعة تاع الليل حتى شافها دخلت و طلعت لشومبرا موراها بنص ساعة جا واحد الراجل و طلع لشومبرا لي راهي فيها امير واقف ما فهم والوا واش راهوا صاري😵 حس السخانة تطلعلوا ......راح يجري لشومبرا لي راهي فيها دخل la carte في الباب و دخل لقاها في حجروا و في صورة**** حتى هو ماشفهاش فيها حس الدنيا الدور بيه😳😳😳 و هي كي شافتو ما فهمت والو 😨
نطق هذاك الراجل : شكون انت كيفاش تدخل علينا هكا وين راه المسؤول هنا 😠
امير عينيه ولاو حمورا و ميضويوش من العصب : أرواح نوريلك المسؤول😡😡😡😡😡
و سوط عليه شبعو ضرب هذاك السيد ولا غير دم و هي تسوغ و تبكي جاو الناس يسلكو حكمها من يدها رمالها الحجاب تاعها تلبسو و خرجها من وسطهم يجر فيها حتى لحقو وين حابسة طوموبيل تاعو
امير يعيط : كيفاش ديري هكا كيفااااااش😡😡😡 ( يحكي و ماشي مأمن واش صار )
و هي ساكتة و تبكي امير حكمها من كتافها و بدا يزغد فيها : اهدري ر**** علاش راكي ساكتة علاااااش درتيلي هكا علااااااااااااش😡😡😡😡
رانية : يما راهي مريضة 😢😢😢( تهدر و تبكي ) كنت محتاجة دراهم 😢
امير سمع هدرتها و زاد تقلق كثر و كثر يحكي عروقو بانو : تت***** بيا ااااااه😡😤 ...... لوكان جيتي ليا انا نحيلك ! ....شحال من خطرة قصدتيني كاش نهار رديتك؟ 😡😡 ( حكمها من شعارها ) جااااااااوبي متسكتيش تخدمي بروحك على جال دراهم لحرااااااااام تخدمي لخدمة تاع ***** على جال درااااهم 😡😡
رانية : مور متزوجة و خليتني😢😢
قاطعها : خليتك ! راااااااكي تهبلي فيااااا دورك و لا كيفااااش ....😡😡 علابالك ڤاع واش كاين حكايتها ڤاع 6 شهور مام هذا ڨاع و خليتك تروحي تخدمي ب****** وجاية تحلي في فمك 😡😡
شدت فيه رانية : سمحلي مكنتش قادرة نخمم 😢😢
طبعها رماها في الارض : نسمحلك ! وجهك صحييح نتياااا 😡😡..... تخلصيها غالية 😡😤
ركب في طوموبيل تاعو و خلاها هكاك مرمية راح لدار دخل كي الغول على سارة شافها حكمها من رقبتها و لسقها مع الحيط و بدا يعيط : كلش على جالك و على جال هذا الزواج انت سبة انت 😡😤
سارة ما فهمت والوا حاسا نفس ضيق فيها و المرة لولا لي طيحت الدمعة قدامو😢
تكاكا مع روحو جبد عليها و هي بدات تسعل قريب ماتت رقبتها رزاقت راح لبيتو جاب كابة تاع حوايج خرج و خبط الباب راح ليخت تاعوا ركب و هام في البحر ...... و سارة تبكي في الدار ما فهمة والوا واش صرا جازت سمانة و ما بان عليه والوا راحت عند وليد سقساتو عليه قالها راح يريح راسو شويا و معلباليش وقتاش يرجع محبش يحكيلها
رجعت سارة لدار تخمم باينة راح مع البكاية تاعو و انا كيما الحمار هنا متقلق عليه ان شاء الله ميجييش حتى يخلاصو 4 شهور لي بقاو
   جازت سمانة وحدوخرا سارة قاعدة في الكوزينة حتى حست عبد موراها دارت كانت شادا شوب طاحلها من يدها و عيطت : اااااااااااااااااااااه 😲😲😲
امير : علاش راكي تعيطي انا
سارة : مين دخلت محسيتش بيك
امير : لازم نطبطب باش ندخل لداري وقيل 😒
سارة : لالا...
قاطعها و خزر فيها من الفوق للتحت : واش هذي اللبسة روحي بدلي ( كانت لابسة شورت قصير و تريكو ابغوتال عريان كي كانت قاعدة وحدها )
راحت لبيتها تجري لبست فيزو و تريكو مستور و بقات تحكي مع روحها : دورك انت من نيتك فرحتي كي شفتيه انت حمارة و لا واش😡 ..... مي توحشتو☹ ..... متتوحشيهش نسيت واش دار فيك قبل ما يروح en plus كان معاها ( قاعدا تضرب روحها بكفوف ) فطني يالجايحة😡 ..... اه نروح نطم الزجاج

طمت الزجاج و راحت طلت عليه في الصالون كان داير ماتش يتفرج ( بارصا مع ريال مدريد ) : نحطلك تاكل ؟
امير : لالا فطرت
شافت في التلفزيون : ايااااااه البارصا 😃
و سوطات فوق الفوتاي وين كان قاعد : عندو بزاف ملي بدا ؟
خزر فيها بنص عين : تشوفي لماتش ؟ 😏
سارة : اييه نحب البارصا يوووو رآهم 1-0
قاعد يشوف فيها ما فهم والوا من بعد سارة تكاكات مع روحها ووقفت تجري وتحكي في قلبها ( ليوم يقتلني ) : ااااه 😨
امير : واش بيك ؟ ماشي كنت راح تشوفي لماتش ؟
سارة : ايه..... لالا .... عندي خدمة نروح نديرها ... انت تفرج و خرجت تجري من هذاك الصالون
امير : واش بيها هذي ، مهبولة😅
الحلقة 9
راحت تجري للكوزينة و بدات توجد لعشا و تخمم في امير راه كالم واش صرالوا هي غايسة حتى سمعت صوتو : فرغيلي قهوة
فرغتلوا
امير : ما جا حتى واحد سقسى عليا كي ماكنتش هنا ؟
سارة : شكون يجي ؟ حتى رانيا و ديتها معاك
امير : ساااااااااااااااارة 😡😡😡( حكم الكأس لي كان في يدو خبطو و خرج )
سارة موراه : . شكون يسقسي عليه par ex ما قتلوا والوا ناض يعيط و يخبط حيوااااااااان😡😡😡 ........ ايييي malgré راهوا مقلق مي يقول اسمي شباب جنم بنيم 😍😍
صونا تيليفون appelle caméra : سلام
دارين : سلام ، راكي فرحانة ليوم❤😀
سارة : ايه امير جا 😁
دارين : كيفاش😑 ، سارة تتقعدي مور واش دارلك ڤاع راكي فرحانة كي شفتيه😡
سارة : واش ندير نعيا نهدر ممبعد كي نشوف وجهو ننسى كلش☹
 دارين : عيطي لسارة نسحق صحبتي وين خبيتيها ،..... كيفاش هذي انت راكي تهدري هكا😑 ! سارة كان معاها و انت فرحتي كي رجع! ، بلا منحكو واش دارلك قبل ما يروح ، و زيد بقالكم 3 شهور و نص و تطلقوا
سارة : مانسيتش😒 ، واش ندير ... انا و مفهمتش روحي .... عمبالك راهوا عجبني الحال هكا 😔
دارين : مالا كي مهوش عاجبك يا تجبديه ليك و تخليه يحبك يا تنسايه و تخليه لمولاتو
سارة : واش حبيتي ندير! ، انت مشفتيهش كاش يحبها راح نسيه فيها وقيلا !
دارين : هبلتيني سارة خمي فواش قتلك و اذا سحقيتي حاجة عيطيلي 😡..... كوبات
-----------------------------------
من الجهة الاخرى امير راح لشركة و دخل للبيرو تاع وليد
وليد : هربت و خليتلي الخدمة صحيت 😜
امير : و الله لوكان مرحتش مكانش ڤاع علبالي واش كنت قادر ندير ، كان لازم نروح
وليد : نڤسر برك خو ، cv شوية ؟
امير : وي حمدلله..ً...بانلي دورك كلش و الحسابات تستفو في راسي مليح
وليد : واش راح ديرلها ؟
امير : ساهل ... دوك ما ندير والوا راني بعيد عليها غير هذي الحاجة لي تهبلها
وليد : جاو لابوليس يسقسو عليك كي رحت السيد لي ضربتو دخل كوما سمانة باش فطن مي حمد الله هدرت معاه و فهمتو قدرت نفريها 😎
امير : خليه يستهل 😒
وليد : صحا و سارة ! امير : واش بيها سارة ؟
وليد : علاش مقتلهاش وين رحت المرا تقلقت عليك
امير : علاش تتقلق عليا ! ديجا منقولهاش 😑
وليد : ما راكش شايف بلي راك تظلم فيها بزاف
امير : هي لي ظلمت روحها نهار كانت قادرة تقول لالا و ماقلتش😠 .... خلينا ، راني رايح للبيرو تاعي مبعد نهدرو --------------------------------
جازت سمانة امير و سارة بداو يهدروا شويا هو مراهش يعيط كيما كان مام هي والفت عقليتو
ناض صباح صابها موجدا القهوة : تحبي ديري سبور في لاصال ديري متزديش تخرجي ديري برا هكا 😉
سارة : علاش ؟
امير : خطرش انت مرتي و الناس تهدر متزديش تخرجي هكا و خلاص.... ، معجبتكش هدرتي نجبدوا العقد و نطلقوا
 سارة : ما نيش رايحة نزيد ندير
امير : ملييح
جا رايح رجع : ايه و متزديش تلبسي هكا في الدار لبسي جبة عريضة كيما انت كيما الناس
سارة : كيفاش 😶 راني لابسة نورمال سروال و تريكو
امير : لبسي جبة كي نجي لدار نحب نشوفك بجبة عريضة متزديش تلبسي هكا
خزرت فيه سارة 😡: معنديش جبة
امير : عندك 5 دقائق في يدك لبسي وراني نسنى فيك لتحت ،،،،،، راح
سارة : وين نروح معاه هذا دورك 😡😡
لبست سروال جين و تريكو gris و ڤاست باج و بسكات بيضة و حبطت ليه جاية تركب ميزها من الفوق للتحت : وين نروحو
امير : ---------
طريق كامل هو ساكت لحق لواحد لحانوت يبيع حوايج نسا حبس الطوموبيل قداموا جات تحبط خزر فيه : انت ريحي هنا دوك نجي😒
راح واحدو عشر دقايق رجع و في يدو ساشي عطاه لسارة
سارة : وشنو هذا ؟
امير : هكا نحبك تلبسي في الدار
حلت ساشي لقات 10 جبات لطاي كبيرة عليها en plus جايين تاع عجايز
سارة : هاذو ماشي style تاعي كامل
ضحك امير المرة لولا لي يضحك :😂😂 مي انا هذا هو style تاعي و هكا تلبسي في الدار
سارة : مي انا لي راح نلبس😑
قاطعها امير : تلبسيهم و لا نجبد العقد 😉
سارة خزرت فيه😡 : نلبسهم
امير : bien ، شفتي شحال مليح كي تصنتي
لحقها لدار و هو راح للخدمة
❤ الحلقة 10 ❤
دخلت سارة لدار و حلت الساشي بدات تجبد و تقيس : وشنوا هذا دوكا لوكان جبهوملي شابين و قدي صحا معليش 😠😒
لبست وحدة فيهم و راحت طيب لفطور ..... لحقت 12 جا امير كي شافها هكاك بدا يضحك لتحت لتحت 😂 كي دورت راسها حكم السيريو : شفتي كي يجوك لجبب شابين
ضحكت معاه ضحكة صفرة و درتلو ايه برأسها : أمممم شابين
امير : حطيلي نفطر
سارة تمتم : نحطلك الزقوم 😒
امير : واش ؟
سارة : دورك نحطلك ( ضحكت ضحكة صفرة )
جازت سمانة عليهم سارة تلبس واش تحب و كي يلحق الوقت لي يجي فيه تلبس جبة من جيهة راهي غير تزيد تتعلق بيه surtout كي مراهوش يعيط عليها كيما كان صح مزالوا مشنف بصح راهوا خير من اليامات اللولين

خطرة جا لدار و ملقاهاش قعد يسنى فيها جي شوية و جات كانت لابسة غوب موردة فوق الركبة و ڤاست تاع جين فوقها و باسكات❤ دخلت شاف فيها من الفوق للتحت : وين كنتي ( بالتشناف ) 😡
سارة : رحت نشري شوية خضرا
امير : عيطيلي انا نشري déjà متزديش تخرجي بلا ما تسقسيني ( بالعياط ) 😡😡
جات تهدر قاطعها : بلاكي تسقسي علاش ديري واش نقول و انت ساكتة 😡
خزرت فيه سارة 😡😡و مقدرتش تشد روحها كثر : و لوكان مانديرش ؟
قرب ليها و ميل راسوا ليه : كاين العقد انا منيش خاسر بالعكس كرهت منك انت لي راكي شادا في هذا الزواج معلباليش علاش ( غمزلها و خرج و خلاها النار شاعلة فيها )
سارة : ياخي حمااااااار نكرهو جااااايح حب يكرهلي حياتي سااااااااااامط صبر مبقاااااش بزاف مام انا دوك. نرجع نكرهك كثر من لي تكرهني 😡😡😡😡😡
لحق الليل جا امير تعشا و ريح يتفرج التليفزيون كملت سارة تخمال و راحت قعدت و قابلتوا
طلع راسوا وشاف فيها : واش كاين ( بالتشناف ) ؟
سارة تلفتلها كي شاف فيها ( الحب😜 ) و رحتلها الهدرة : ااا... انت شوف في التلفزيون و انا نقلك واش يعني نهدر 🙂
امير مستعجب طلع حاجب و حبط واحد : وشنوو !
سارة : متشوفش فيا شوف في التلفزيون مانيش قادرة نهدر
ضحك امين ضحكة ( تاع واش بيها هذي ) : ساااارة اهدري واش كاين 😒
سارة تمتم : اااااي و زاد قالي اسمي راح نموت هنا دوكا 😭😍
امين : ساااارة راني بديت نتقلق اهدري ر**** 😡
سارة : خلاص ..؛.؛، خلاص متتقلقش .... راح نهدر
امير : اييه اهدري
سارة : انت قتلي ما تخرجيش بلا ما تسقسيني
امين : ايييه...
سارة : غدوة كاين عرس تاع بنت خالتك عرضوني و طاطا ياسمين ( يماه ) عيطتلي قاتلي ارواحي باش تعرفني على الفاميليا , هدرت مع رحاب و قاتلي جي ليك لاميا ( ختو صغيرة ) باش نروح معاها
( باش تكونو عارفين امير و وليد في عمرهم 25 سنة و رحاب صغيرة عليهم بعام و لاميا قد سارة في عمرها 20 سنة )
امير : كملتي
سارة : ايه !
وقف امير خزر فيها قالها ماتروحيش و راح لبيتو
سارة : واش معناها ماتروحيش .... كيفاش منروحش هاذي ! ......😡 اووووووف راح يهبلني يا نقتلو يا نقتلو يا نقتلو مكاش حاجة وحدوخرا 😡😡
راحت لبيتها و بدات ترمي في الحوايج ( مجنونة😂😜 ) ، قعدت فوق البونك و عيطت لدارين
دارين : واش بيك شاعلة واش دارلك
سارة : راني حابا نجيفو😡 قلقنيييييييي ..... ( حكاتلها )😡
دارين : دقيقة دقيقة😶 .... دوكا متخرجيش حتى هو يقلك .... Pas à ce point واش من عصر رانا عايشين 😵😲..... ههههه كيما ذراري صغار😅
سارة : ايه .... En plus شارلي واحد لعفايس نلبسهم في الدار مفهمتش علاش راهوا يدرلي هكا يموووت على الزكاارة 😡😡
دارين : صبري حبيبتي مبقاش قد لي فات .... مقدرتش نحلل هذا الراجل ... صبري و خلاص ... صحا و رانية !
سارة : معلباليش : عندي شحال مسمعتوش يهدر معاها
دارين : بالك خلاها
سارة : هذاك 😒! هذاك يخلي لبكاية تاعو ! لوكان يخليها شكون راح يزينلوو حياتو بالدموع😒
دارين : 😂😂 يا خي مهبولة
سارة : خالينا دورك ماشي هذا سوجي تاعنا ، راني حاب نروح للعرس ، كرهت هنا راني مخنوقا
دارين : زيد هدري معاه
سارة : واش نحللو واقيلا ، منحللوش انا ماشي رانية تاعو
دارين : متحلليهش ، اهدري معاه و اذا محبش عيطي ليماه قوليلها تهدر معاه
سارة : اممممم كيشغول هو يسمع لكاش واحد
دارين : سيي واش راكي خاسرة
سارة : أوكي باي
دارين : باي عمري بستك❤😘

⬇👍❤هو دخل لبيتو فرحان مفهش علاش يعجبو الحال كي يقلقها و يشوفها حابا ترجعلوا مي ماتقدرش 😈 قعد و حكم التيليفون شويا موراها سمع دقديق في بابا بيتو : دخل
طلت سارة من الباب : ندخل !
تبسم تبسيمة على الجنب😏 ممبعد حكم السيريو : واش كاين ثاني
سارة : علاش مخليتنيش نروح ، واش درتلك
امير : نفحتلي تساليلي !
سارة : مي انا راني حابة نروح
امير : و انا مانيش حابك تروحي ، كنت تخمي هكا قبل ما ديسيدي كلش وحدك
سارة : واش ديسيديت قتلك واش كاين و سقسيتك
امير : خلاص سارة قتلك متروحيش سيييك ماتروحيش ماتبدايش تكسريلي في راسي 😑
شافت فيه 😡خرجت خبطت الباب ....... خرج موراها و عيطلها : ولي غلقي الباب مسڤم ( بالعياط )😡😡
قحرتلو 😡😡 رجعت غلقت الباب بلعقل جبدها ليه و كونسها مع الحيط بيديه : شحال من خطرة نقولك ماتخزريش فيا هكاك كي نحكي معاك تحبطي عينيك
هي حست السخانة طلعتلها و النفس راحلها كان قريب ليها بزاف حتى حست بالنفس تاعو و هو يهدر حبطت عينيها و قاتلو ايه و جازت من تحت يديه بلعقل و راحت لبيتها تجري دخلت و بدات تروح بيديها حست وجها راهوا يلغي ، و هو دخل لبيتو و خبط الباب 😡
زادت شوية عيطت لياسمين و قاتلها محبش يخليني نجي قاتلها ياسمين خلاص نعيطلو متخميش ، كيما كان الحال عيطتلو عيات فيه محبش ممبعد قاتلوا متخليهاش جي نزعف عليك قالها صحا نشوف و كوبا رقد

⬇👍❤
❤ الحلقة 11 ❤
ناض الصباح صابها وجدتلو القهوة شربها و طل عليها في الكوزينة : وجدي روحك نجي نصيبك واجدا ( بالتشناف )
دارت ليه : نروح 😮😁😄😄
امير : ايه رحمي على يما جزتي على وجها
سارة : أااي خلاص كي جي تصيبني واجدا ( بدات تصفق و تشطح )😁👏🏿💃
خرج مشنف و يحكي في قلبو ( اوااه هذي ماهيش صحيحة ) هي خملت ممنبعد جات عندها لاميا
لاميا : واش متروحيش عند الحفافة راح الحال ، تعرفي امير يجي ميحبش يسنا يهبلنا
سارة : لالا مانيش رايحة نمشط وحدي دوك 2 سوايع نكون واجدة
لاميا : خلاص انا مشطت نلبس و انت وجدي روحك قبل ما يجي يعيط تعيشي
رحت سارة لبست غوب حمرا قصيرة جاتها تهبل ( دوك نحطهالكم ) و شعرها دارتو بوكلي و دارت ماكياج بانو عينيها ملييح خرجت تاع الصح بوبيا ، جا امير حلت عليه لاميا سلمت عليه راح لبس و سڤم روحو مليح خرج يهبل هو ثاني
امير : واش مزال ما كملتوا ؟
لاميا : خلاص نورمالمون انا راني واجدا ( و بدات تعيط ) سارة سارة
خرجت سارة كي شافوها حلو فمهم في زوج تقولها ماشي تاع الصح كاملة من كلش ❤
سارة : خلاص كملت
لاميا : شحاااال راكي شابة الله يبارك عليك😍😍 ، لازم نرقولك اليوم و لا يعينوك 😍😜
سارة حشمت حبطت رأسها ☺ و امير مازالوا غايس فيها
لاميا : خلاص نروحو ... امير .. امير
تنبه امير مع روحو : ايه نروحو راه الوقت
سارة : أيا 🙂
امير : أووووب وين أيا
سارة : ماشي قلت نروحوا ؟
امير : ايه تروحي هكا ؟
سارة : و كيفاش نروح مالا
امير : لبسي حجاب كيما تاع لاميا ، ما تروحيش هكا
سارة : مي انا ماشي دايرة حجاب
امير : معليش ليوم تروحي بيه
لاميا : امير طفلة معندهاش حجاب و راح الحال علينا ماشي نروحو معهم نجيبوا لعروسة
امير : ما دخليش روحك ( بالعياط )😡😡 ريحو هنا و دوك نجي
راح واحد الساعة و رجع جابلها حجاب و رماهولها : هاكِ لبسي
لبساتو سارة و راحوا لاصال لخطرش راح الحال طريق كامل و هوما ساكتين غير لاميا تهدر كي لحقو مع لعروسة هذاك وين جات الحالة مخلطة و الزراناجية مڤلبينها جاو حابطين
امير : صبروا شوية متحبطوش دوكا
سارة : وقتاش نحبطوا كي يخلاص العرس 😠
خزر فيها : ساااااارة 😡😡( بالعياط)
لاميا خافت خوها ينوض بعيط تعرفوا منارڤي : خلاص سارة 10 دقايق و نحبطوا
امير : ديجا متحبطيش هكا مسح هذاك لي راهو في فمك
سارة : نمسحوا ! 😑
امير : اييييه مسحيه و زيدي تاع عينيك ثاني ممبعد حبطي
سارة ثاني تقلقت : راني جاية لعرس ولا لجنازة 😡😡
لاميا قعدا غير ساكتة خافت بعثت مساج ليماه باش جي ليهم
اميير : متهدريش بزاف مسحي و بلعي ، و لا نرجعك لدار قسمبله ماركي حاضرتها 😡
سارة : ما نمسح والوا انا ، تحب نرجعوا نرجعوا جبتني و كرهتلي حياتي 😠😡
امير : هكااا ، لاميا حبطي 😡
حبطت لاميا و جا يشعل الطونوبيل باش يروحو قاطعتلوا ياسمين طبطبتلوا في الكارو حبطوا
ياسمين : وين بيها ، سارة علاش محبطتش ؟
امير : ماهيش جاية 😒
ياسمين : علاش يا وليدي ڤاع راهم يسقسوا عليها حبوا يشوفوها خليها تحبط في وجهي
امير : تمسح واش راهي دايرا في وجها و تحبط
ياسمين : علاش ، كيفاش هذا راهي جاية للعرس نورمال
امير : انا هدرت واش عندي😠
 وسارة ساكتة خلاص تقلقت همست لاميا ليماها : ماما وليدك هبل راهوا يحوس على المشاكل هبلها الطفلة مسكينة😒
ياسمين ؛ خلاص حبط خليني نهدر معاها
حبط و طلعت ياسمين في بلاصتو
ياسمين : يا بنتي هو راه راسو يابس و انت راكي كثر منو ساعفيه شويا ، راه كي شافك شابة بزاف غار عليك هذا مكان وليدي و نعرفوا
سارة تهدر في قلبها باين الغيرة لي قتلاتو 😏
ياسمين : امسحي بنتي قيس ما يسكت و كي تدخلي عاودي ديري يا بنتي شوفي لوجهي زيد بزيادا انت شابة بالمكياج و بلا مكياج
مسحت المكياج و جات حابط عيطلها : متخرجيش من لاصال حتى نعيطلك ( مشنف )
راحت مجاوبتوش كانت تشوف فيه زوج دخلت عاودت دارت مكياج خفيف و شطحت ڤلبتها نساتو كامل تعرفت على فاميلتو عجبتهم كامل و فايت 5 نسا جاو خطبوها من عند ياسمين يحسبوها يماها .... المهم قرب يخلاص العرس عيطلها في التيليفون قالها خرجي

⬇👍❤مسحت وجها و لبست خرجت طريق كامل واحد فيهم ما هدر
ياسمين : وين راهي سارة عروسة عفاف حبت تشوفها
رحاب : عيطلها امير خرجت تجري
ياسمين : واش بيه
رحاب : تعرفيه ماما داها قبل ما تلبس العروسة لغوب بلونش و تخللط الحالة ، امير ميتبدلش 😏
ياسمين اصبري نعيطلوا نهبلوا شويا قيس ما هبل بنت الناس مسكينة مخلاهاش تتهنى بالخرجة
عيطتلوا رفد عليها
امير : وي يما
ياسمين : وين راكم متقوليش رحتوا
امير : ايه خلاص هذاك هو
ياسمين : بوووه واش نقول لمرا دوكا هذي 6 لي خطبتني في سارة محبتش تأمن بلي مرت وليدي قاتلي جيبيها نشوفها
امير : قولها راحت😒 ( بالتشناف ) و كوبا
رحاب : ماما علاش هكا دوك يدور على سارة
ياسمين : خليه يحس بقيمتها ، واش بيه هذا 😑
------------------------
   مور ما كوبا قعد في بيتوا يخبط و يرمي مفهمش علاش معجبتوش الهدرة لي سمعها مور ما تكالما شوية خرج رايح يدوش جا داخل و سارة خارجة بالكاب دو بان غوز بيبي قصير كي شافتو قدامها ساااااغت
امير قاعد يشوف معاها ❣
سارة محبطا راسها : سمحلي نجوز
بعد خلاها جوز و قعد يتبع فيها بعينيه حتى دخلت لبيتها حك راسو و دخل يدوش 😅

⬇👍❤❣ الحلقة 12 ❣
لبست سارة بيجما شورت تاعها و تكسلت في بلاصتها تتقلب و تخمم واش يصرا مور ما تطلق ما جهاش الرقاد ناضت و راحت للكوزينة كاش ما تأكل ، في هذاك الوقت امير كان مريح في الصالون يتفرج سمعها عيطلها : ساااارة ، كي سمعاتو يعيطلها حست كيشغول زنزلة في صدرها و حاجة ضربتها في كرشها راحت تجري ليه دخلت زادت تخلعت كان لابس شورت و من الفوق عريان السيد مخدوم تقول سنيوا بقلاوة و شعرو مخرب هي خلاص ذابت😍😍 : ااه.... ا..انعم !
كي شافها لابسة هكاك محبش يخزر فيها يحكي و يشوف في التليفزيون امير : وين راه خاتمك ؟ ( بالتشناف )
سارة : واش من خاتم ؟
امير : الخاتم تاع الزواج شحال كاين من خاتم
تقلقلت كي محبش يخزر فيها 😡سارة : اه راه عندي علاش ؟
امير : من و رايح ديريه في يديك متنحيهش حتى نطلقو
سارة تقلقت من جاست لي راهو دايرو 😒قاتلوا ايه و راحت لبيتها ، مور ما خرجت امير تنفس ( طلعتلوا السخانة😜 ) و هي دخلت رمات روحها فوق البونك ( تحكي مع روحها ) مليح نلبس الخاتم كيشغول هو راهوا لابسوا en plus ماعياش même pas روحو و خزر فيا الكلبة تاعو انا ياخي جااااااايح ... لوحة 😡😡

-----------------------------
طلع النهار امير لفطور راح لشركة يخدم و لا يدخل من الباب لي ملور خطرش كل صباح يلقى رانية تسنى فيه تحب تدخل مي ما تقدرش على جال هذوك رجال لي واقفين عند الباب نبههم ما يخلوهاش تدخل دخل للبيرو تاعو ، دخل موراه وليد
وليد : لازم واحد فينا يروح لفرنسا باش نتفاهمو على الخدمة معاهم
امير : روح انت انا منقدرش
وليد : على جال رانية ، ماهيش تروح منا حتى لليل
امير : ماشي على جالها ... علابالي خليها كي الكلبة هكا ما نخسرش même pas عليها الهدرة😡 .
وليد : رانية كانت رأسها مترفدوش دير هذا الشيئ😏😑 عجب
امير : خلينا كي نتفكر راسي يتزير 😡😡😡
وليد : و سارة !
تبسم امير بلا ما يحس : واش بيها ؟🙂
وليد : قالولي راك مهبلها ، و قتاش يخلاص العقد تاعكم
عاود زبط وجهو امير : بقاو ثلاث شهور هكاك 😒
وليد : علاش درتو 6 شهور بالذات !
امير : سارة حبت ، داك الوقت مكنتش حاب ني زواج ني عقد .... بلاك شافتها في كاش فيلم هذيك مهبولة نسنى منها كلش
وليد : و دوركا ؟
امير دارلوا واش براسو
وليد : و دوركا راك حاب الزواج ... العقد ... ، كي قلتلك سارة تبسمت ..... واش كاين 😉
امير : مكان ولوا من لي راك تخمم فيه ( غمزلو )
وليد : نسا ماشي ڤاع كيف كيف علابالك
امير : ايه سارة ماشي كيما رانية ، ما هي كيما هي في والوا ، مي معلاباليش اذا نقدر نحب مرة خرة خليها للوقت مام اذا حبيت مانيش راح نحب سارة ، سارة تكرهني مور ما خليتها تعيش واش عاشت راهي غير تسنى وقتاش يخلاصو هذو 3 شهور و تتهنى مني
وليد : بلاك متحبهاش مي تعجبك طفلة ماشي كيما لي تعرفهم.... راك شايف
امير : لالا قتلك ماهيش جوغ تاعي😒
وليد : ربي يجيب لي فيه الخير و خلاص ، انا نروح عندي خدمة ممبعد نهدرو
خرج و خلاه يخمم زعما صح راهي بدات تعجبو ر فد التيليفون و عيطلها قالها ما يجيش لفطور

سارة في الدار باينة راح يرهج معاها😑 خملت خرجت شرات بيتزا بلا ما تقولوا كلات مليح و رجعت لدار ماصبتش وااش دير عيطت لدارين منشرو شوية في الناس 😜 ممبعد طيبت لعشا و راحت شعلت XBOX تاع امير و دارت jeux تاع ماتش و قعدت تلعب ، شوية و امير دخل لدار سمع الحس من البيت و سارة تهدر كيشغول مع واحد وسع عينيه و راح يجري يشوف دخل للبيت صابها تهدر مع ليجواغ و تداوس : تيري منا علاش علاش أوووف ...... امير وقف و بدا يضحك عليها 😂😂 كي سماها مهبولة مغلطش حتى نتبهتلو قبل ما تنطق
امير : بلاكي تعيطي 🤚🏻
سارة : خلعتني
امير : ماشي حاجة جديدة تنخلعي
سارة سي نورمال انت تدخل كي السراق
امير طلع حواجبوا في زوج
سارة : اه...قصدي مادير حتى حس ، نحطلك تتعشا ؟
امير : خلينا من العشا دورك و قوليلي سمعتك تهدري كي دخلت معامن كنت تهدري ؟ ( حب يحشمها بلعاني ) 😜
سارة : معامن كنت نهدر ؟
امير : انا راني نسقسي فيك ، كنت تسبي وقيلا 😜
سارة : ااااه ... اا ... كنت نهدر ... ماشي نهدر يعني .... أوووف واش نقلك 😑
امير : قولي😂 ... قولي متحشميش ... قولي انا مهبولة منعرفش نلعب و كنت نحكي مع عيباد مكاش منهم😂😜 ( و بدا يضحك )
سارة شافتو يضحك ماتت ( تحكي في قلبها ) أيما ان شاء الله ما يضحك حتى واحد من غيرك😍😍
امير : قولي
سارة : انا ! مهبولة !😮 و ما نعرفش نلعب ثاني 😮، أيا لعبلي و نشوف شكون ما يعرفش يلعب
امير : من نيتك ! 😂
سارة : ايه و لي يخسر...
امير : لي يخسر... لي يخسر واش يدير ؟
سارة : لي يخسر يشبك في لابسين 3 خطرات
امير : في هذا البرد !
سارة : ايه راك خايف !
امير : ههههه خايف !😏 اسمعي اذا مرضتي منديكش لطبيب
سارة : طبيب راح تسحقو انت
بداو يلعبو و سارة تسوطي تسيي تربح راهي وقفت و قعدت و تهدر هو ميت بالضحك عليها : ما تهدريش معاهم ما يفهموكش😜
خزرت فيه سارة و ضحكت معاه ضحكة صفرة : أمممم
المهم كملو ربحها 3-6
امير : الما راهوا بارد 😜
سارة مقلقة محبتش كي خسرت و قحرتلو😡
امير : علاش راكي تخزري هكا لوكان خدمتي غير شوية يديك كيما خدمتي فمك بلاك لوكان راكي ربحتي😜 ،... شحال قلتيلي تشبكي 3 مرات 😂😜
ناضت سارة جات خارجة لجنان وين كانت البيسين حتى تعكلت في الدرجة حكمها امير بين يديه قبل ما طيح ... قعد حاكمها و يشوف في وجها بلا ما ينحي عينيه هي حست السخانة بدات تطلعلها و النفس ديقلها جبدت روحها تجري من بين يديه و دارت تخرج حكمها من يدها عاودت دارت قابلتوا طلقها : ماتشبكيش راهوا البرد بزاف
سارة تمتم : كيشغول علبالوا بيا 😒
امير : راهو البرد بزاف تمرضي
سارة : نتشبك تخاطرنا مندورش في رأي
امير : سارة ريحي ما تيبسي في رأسك راني نقلك تمرضي
سارة : كنت تخمم هكا قبل ما تربحني 😡
و راحت تجري رمات روحها لبيسين
امير : مي هذي مهبولة تاع الصح 😨😂
راح يجري موراه : خرجي سااارة
سارة : منخرجش حلاتلي
امير : دورك نروح نجيب سربيتا و نجي اصبري
راح جاب سربيتا خرجها دارهالها و دخلها لدار و غلق الزجاج
خزرت فيها خزر تاع هاه راني دارتها 🙂
امير : روحي لدوش و رمي عليك الما سخون و بدلي حوايجك ولا تمرضي ، و خطرا اخر ديري واش نقلك
خلاتو دخلت الدوش رمات الما على روحها و قعدا تضحك وحدها مفهمتش علاش كانت تحس روحها فرحانة

⬇👍❤❣الحلقة 13 ❣
ناضت سارة صباح و خرجت من بيتها تعطس و تسعل كي شافت امير جاي شدت السعلة
شافها امير بدا يضحك لتحت لتحت
دارتلوا برأسها واش 😡 مقدرتش تهدر
امير : عطسي و لا سعلي وجهك حمار راح تطرطڤي 😜😂
بدات سارة تسعل و تهدر : الحساسية جاتني كي بدا يدخل الربيع ، مي راني مليحة
امير : ايه.. ايه 😏😏، راني رايح نخدم اذا حسيتي روحك ماشي مليحة عيطيلي
ضحكة سارة ضحكة صفرة و قالتلوا ؛: ايه
 ___________
خرج امير مي بالوا بقى عند سارة كي شافها هكاك بدا يخبط في الڤلون و يهدر وحدو : علاش راني نخمم فيها علااااش 😑😑
وصل لشركة و تخمامو مزال عندها قعد قعد مقدرش يخدم حكم التيليفون عيط لرحاب رفدت
امير : رحاب روحي لسارة و ديها لطبيب دوركا
رحاب : غير الخير واش بيها
امير : ضربها شوية الريح روحي ديها و رايحة تقولك مانروحش انت ديها بسيف و بلاكي تقوليلها بلي انا لي قتلك
رحاب : أوكي مي علاش..
قاطعها : ايه ولا لالا 😒
رحاب : ايه دوك نروح
امير : أيا صحا ، كي تكملوا عيطيلي
كوبا ..... راحت رحاب عند سارة كشما كاين جات تزورها لقاتها مريضة بزاف حكمتها داتها لطبيب شراو الدوا و رجعوا لدار، شرباتو و رقدت رحاب خرجت من عندها و عيطتلوا حكاتلو
خبط البيرو يبدوا : متصنطش رأسها يابس😡😑 .... كمل خدماتو بكري و راح لدار دخل لبيتها بلعقل لقاها راقدا قعد عند راسها و حط يدوا على جبهتها لقى الحمة ماشي طالعتلها قاعد يشوف و غايس فيها ( المرة الاول لي يشوفها راقدة كيما البيبي ) ( يحكي مع روحو ) : واش درتيلي باش مانيش قادر نحكيك من تخمامي😶
هو هكاك حتى بدات تفتح عينيها بلعقل كي شافتو تقعدت تجري
امير : واش الحساسية هذي طيحاتك 😜
سارة : لالا نضت صباح بكري علابيها .... ااااه ... نحطلك تتعشا
امير : وجهك راهوا صفر
سارة : منها أااي دايمن ديرلي هكا 😨
امير : كليتي كاش حاجة باش تشربي الدوا ، عيطتلي رحاب و قاتلي كلش
سارة : 😮😨😨😨😨
سارة : مزال ماكليتش
امير : خلاص ريحي نجيبلك واحد لاسوب وجدتهالك يما كي سمعت بيك ... متتحركيش حتى نجي
سارة مخلوعة فيه واش بيه هذا ضرباتوا حجرة في راسوا قاعد يعامل فيها مليح ، جابها و عونها كلات و مدلها دوا تاعها و سارة حالااا فمها كمل و خرج من الشومبرة خلاها تريح
جازت سمانة و هوما هكاك امير تبدل بزاف ولا مليح مع سارة مام هي بدات تتصرف براحة معاه بصح من جيهة كانت غير تزيد تتعلق بيه مام هو بدا يحس حاجة من جيهتها مي محبش يبين و لا يستعرف لروحوو
-------------------
ناضت سارة صباح وجدت القهوة كي العادة ممبعد ناض هو يشرب و قاعد يخمم كيفاش يشارشيلها تحلالو كي يقلقها ، كمل و ناض يروح
امير : الدار راهي موسخة 😑
سارة : عندي يومين سيقتها كامل
امير : الناس يسيقو دايمن  
سارة خزرت فيه😡 محبتش جاوبو
امير : معليش كي نجي عشيا نلقى داري ڤاع مسيقا و منقيا ، متبقايش عايشا في باطل
خزرت فيه سارة و قاتلوا : ايه 😡
خرج من الباب و بدا يضحك عليها 😂
راحت نحات هذيك الجبة لي شرهالها و لبست شورت و تريكو ابغوتال و ربطت فولارا في راسها و شعلت لغنا و بدات تسيق و تشطح
هو في نص الطريق تفكر بلي نسى ورق يسحقهم في الدار رجع و دخل مافقتلوش الغنا كان زايد بزاف شافها وقف مشوكي كانت عطياتو بظهرها تشطح و تزعبل و تغني مع الغنية بزوووور قاعد حال فمو و يتبع فيها بعينيه حس سخانة طلعتلو دارت شافتو طيحت البيدون من يدها دفق ڤاع الما و عيطت : ااااااااااااااه 😮
مي هو بقى غايس معاها و يشوف فيها محبش ينحي عينيه فلاهاا و عرها بعينيه
خزرت فيه : واش بيك امير !
ما حستش كيفاش حكمها من يدها و جبدها حصرها مع الحيط ولاسق فيها بدا يقرب ليها عينيه مذبلهم بدات تحس بالنفس تاعو سخون في وجها ميل راسوا بلعقل و هو يفلي في وجها و قرب ليها حتى شفافو قريب تلامس شفافها حست النفس داقت فيها و دقات قلبها غير تزيد غمضت عينيها و زيرت عليهم ، حسها ترعش بين يديه طلع عينيه يشوف فيها تكاك مع روحو جبد عليها قبل ما يكمل و خرج ، خلاها مشوكية فيه قعدت شحال هكاك من بعد ناضت تجري تعيط لدارين و حكاتلها
دارين : وقيلا السيد بدا يحبك
سارة : لا يحب الوسمها تاعو ، فاقلي بلي نحبو و رهوا يديرلي هكا بلعاني باش ينتقم مني
دارين : هو قالك ! مين راكي جيبي هذو لحسابات 😒 نتي خير منها واش
سارة : بصح عينيه يشوفوها غير هي 😢 حرام عليه علاش يديرلي هكا 😢😢
دارين : حبسي ما تبكي دوكا مزال ما بانش اصبري كي يجي فالليل و شوفي واش يدير
كملت الهدرة معاها و ناضت سيقت هذيك الدنيا و هي غير تخمم فلي صرا ما عرفت تبكي و لا تفرح
هو لحق لشركة مشوكي في روحو جا دخل موراه وليد
وليد : وين راهم الورق الناس راهم يسناو
امير : نحبها 😶
وليد : واش ! 😂😂😂
دار يديه في وجهو مسحو و قعد
وليد : قتلك محبيتش تأمن
امير :ايه مي ملازمش نحبها ، ماراكش فاهمني انت
وليد : راني فهمك بقاو في يدك شهرين كسبها فيهم ما راحش الحال
امير : راك تهدر هكا لخطرش متعرفهاش
وليد : بالك هي ثاني تعجبها ولا
امير : اواه لالا ، لوكان نعرفها تحبني نموت و ما نخليهاش ، بصح لالا هكا سما راني نعوم في الناشف
وليد : حكمها و قلها
امير : جامي و انا معلباليش واش تحس من جيهتي
وليد : بقى هكا مالا ، انا راني رايح نخدم و انت حوس على حل
خرج و خلاه غارق في التخمام
لحق الليل امير راح لدار كي سمعت سارة الباب حست قلبها راح يخرج دخل و جا يهدر معاه نورمال كيشغول ما صرا والوا
قاتلوا : نحطلك لعشا
قالها : لالا
و راح دخل لبيتو و غلق الباب

⬇👍❤❣ الحلقة 14 ❣
جازوا يومين و حاجة ما تبدلت ، كملت سارة شغل الدار و قعدت مصابتش واش دير كانت مريحا تتفرج حتى صونا تيليفون تاعها نيميرو ما تعرفوش رفدت
- ألوو سارة !
سارة : انعم شكون معايا
- : انا رانية
سارة سمعت اسمها ما فهمت والوا : واش تسحقي عندي 😑
رانية : عجبك الحال كي راني تتعذب انا و امير بسبابك
سارة : كيفاش هاذي تتعذبو بسبابي😒
فهمت رانية بلي سارة معلبالهاش بالحكاية : لوكان ما دخلتيش بيناتنا لوكان راني تما في داري معاه و ين كان لازم نكون ، بصح مبقاش بزاف راهوا قالي امير بلي بقاو شهرين و يتهنى منك من بعد نتزوجو
سارة غير تسمع كيشغول خلاص كرهت مبقاتش تحمل و لا قادرا جاوب : دوركا علاش عيطت يلي مافهمتش 😖😒 و مين جبتي نيميرو تاعي !؟
رانية : عطاهولي امير .. عيطت باش نقلك بلي امير تاعي و علابالي بلي راكي تسيي تجبديه ليك مي هو جامي راح يخمم يشوف ليك
سارة : طيري بيك بيه 😡
كوبات عليه و قاعدة تبكي😢 ( يا ربي عاوني عرفتها يا ربي عاوني ننساه 😢) ناضت مسحت دموعها وخمت تولي سارة كيما بكري حاجة ما تجرحها و لا طيحها جات في بالها تروح للحفافة عندها شحال ما تهلاتش في روحها ..... من الجيهة الاخرى امير كان يخدم ويخمم في سارة حتى صونا تيليفونو عيطتلوا
سارة : عيطت باش نقلك داق خاطري و راني رايحة عند الحفافة
امير : انت كي يديق خاطرك تروحي للحفافة ؟ 😅
سارة : نروح لبحر ، مي هذي الخطرة جات في بالي الحفافة
امير : صحا البسي دوك نجي نوصلك
سارة : نعرف نروح وحدي 😒
امير ي ساااارة قتلك لبسي و دوك نجي 😑
سارة : نروح وحدي راني حابة نمشي شوية
امير : واش بيك تهدري هكا كاش ما صرا !
سارة : ما صرا والوا حبيت نمشي شوية راني مخنوقا
امير : خلاص روحي و كي تكملي عيطيلي نجي نديك 😉
سارة : أوكي
كوبات امير تحير عليها فاق بلي بيها حاجة ( واش بيها الصباح كانت لباس بيها خلي كي نروح نجيبها و نشوف )
راحت سارة للحفافة مشطت و سڤمت روحها مي بقات تحس روحها ماشي مليحة كي كملت عيطتلوا باش تنقص المشاكل جا ليها ركبت و طريق ڤاع و هي ساكتة محملتش تشوف فيه كل ما تشوف تتفكر هدرة رانية
امير : ما تقوليلش واش بيك !
سارة ما بيا والوا
امير : لالا بيك حاجة ، اهدري واش كاين
سارة : اميير تعيش مانيش حابة نهدر راني عيانة برك ☹
سكت امير ماحبش يفورصي عليها لحقو لدار حبس الطونوبيل حتى لقى رانية مقابلاتو عند باب الدار تسنى فيه شافها و لا مايضويش ، سارة حبطت و جازت عليها حلت باب الدار و دخلت خلاتو معاها برا ، حبط راح ليها
امير :ر******* واش راكي ديري هنا 😡😡
رانية : توحشتك جيت نشوفك و الله ماقدرت بلا بيك 😢😢
امير : شوفي يا بنت الناس روحي قبل ما ندير فيك حاجة 😡😡
رانية : لي ديرها راني راضية بيها ، تعيش مقدرتش بلا بيك 😢
امير : كنت تخمي هكا قبل ما ***** 😡😡😡
رانية : صح انا غلطة و درت هكا مي هذيك لي راك دايرها مرتك ماهيش نقية عليا 😡😢
امير : ما تهدريش عليها بالكي تزيد تجبديها 😡😡😡😡😡
رانية : كي رحت مور هذيك لحكاية جابت راجل كان قاعد معاه في الدار
امير : بلعي يا الرب راكي حابة نقتلك 😤😤😤😡😡😠😠😠
رانية : امير سمحلي ما نقدرش بلا بيك 😢😢😢
امير : ما نسمحلكش خطيني ، روحي قبل ما نكرفصلك وجهك😡😡😡
تعلقتلو في رجلوا تبكي طبعها دخل لدار و غلق الباب ، راح لسارة صابها في الكوزينة
امير : شكون جا هنا كي ماكنتش في الدار ؟
خزرت فيه سارة خزر تاع مفهمتش !
امير : شكون جبتي لدار كي ماكنتش هنا
بدات تفهم شافت فيه ( عيات مسكينة ) و جات رايحة ماحبتش جاوبو ، حكمها من ذراعها و راجعها
امير ( بالعياط ) : سقسيتك جاوبيني و لا.... 😡😡
مخلتوش يكمل هدراتو حكمت بزوج يديها طبعاتو من صدرو بڤاع قوتها و بدات تعيط و تبكي : ولا واش .... اه ولا واش😭😭😢😢😢
امير شافها هكاك نخلع😮😮 قعد غير يخزر فيها و هي تعيط و تبكي و طبع فيه : و لا وااااااش جيب العقد😢😭 و ين راه هذا العقد 😭😢
راحت لبيتو و هو موراها حلت الخزانة و بدات تجبد الحوايج ترمي فيهم : ( وين راهو هذا العقد😭😢) ممبعد راحت لقجور و للبيرو تاعو بدات تجبد في الدوزان و تعيط : ( وين راهو العقد😭😢 ) ممبعد راحت للكوزينة جبدت لماعن و بدات تكسر فيهم ( وين راهوا هذا العقد😭😢 ) و امير موراها بسيي يكالمي فيها ممبعد راحت لصالون بدات ترفد و تكسر ( وين راهوا العقد روح جيبوا 😭😢) قرب ليها امير يكالميها طبعاتو تبكي و تهدر حبست من العياط و بدات غير تنقص في صوتها ( خلاااااص 😢عييييت خلاااااص مانيش قادر نحمل😢 حرام عليك😢 خلاص 😢) و طاحت في الارض ( خلاااااص😢😢 عييت😢 ) حبط ليها امير و جبدها لصدروا هي خلااص قاومت تجبد عليه منبعد ستسلمت بين يديه
امير يسكت فيها : اشششششششت خلاص سمحيلي ماشي قصدي 😔 ... جازت راني هنا اششششششت 😔 قلبو وجعو كي شاف حالتها
بدات هيا تبكي تبكي😢😢 و هو معنقها ممبعد جبدت روحها عليها ناضت بسيف جا يعاونها جبدت يدها عليه و راحت لبيتها غلقت الباب
❣الحلقة 15 ❣
لحق الليل امير خمل واش دارت سارة و قعد نادم على واش دارلها و حار واش يدير باش تسامحو سارة ناضت من بلاصتها خرجت و راحت ليه كان قاعد في البيرو تاعو تاع الدار شافها دخلت وقف شاف فيها عينيها منفخين
و هدروا في وقت واحد هي قاتلوا : طلقني
و هو قالها سامحيني
خزر فيها : نطلقك !
سارة : ايه خلاص أنسى العقد و انا نهدر مع جدي نقولوا انا حبيت و كل واحد يروح في طريقو
امير : منطلقكش غير نسااي 😒
سارة :😡😡😡
( خمم ) امير : سارة انا حملت 4 شهور انت احملي هذو الشهرين راهو جاي عرس لاميا موراهم خليها يجوز بلا مشاكل ممبعد ما نطلقو
سارة قعدت تشوف فيه شويا ممبعد قاتلوا : أوكي مي عندي شروط
امير: وشنو هوما 😶
سارة قعدت مقابلتو في البيرو : اعطيني و رقة و ستيلو
امير عاود رجع قعد و عطاها
سارة بدات تكتب ( من و رايح متزيدش تعيط عليا - متزيدش تحاسبني - نلبس واش نحب - منزيدش نطيب - نخرج كيما نحب - جيب مرا كل سمانة تنقي الدار - نخرج بالموطو تاعي كيما نحب ( مكانش يخليها ) - نخدم ثاني منقعدش في الدار - و ما دخلش ڤاع ڤاع روحك فيا ) و مدتهالو : هاك اذا تفاهمنا سيني 🙃
حكم امير الورقة و بدا يقرا فيها معجبوش الحال يقر و مطلع حاجب و محبط واحد : سارة تاع الموطو لالا 😑
سارة جات تنوض : أوكي كيما تحب
امير : خلاص ريحي نتفاهمو، صحا الخدمة علاه راني نشري كلش ، كاش ماهو خاصك ؟
سارة : انا هكا ما نحب يخدم عليا حتى واحد
امير : مي بصح مانيش نخدم على جالك
سارة : معليش حبيت نخدم
امير : صحا واش تخدمي ؟
سارة : مزال ما علباليش ، دوك ايه و لالا
قعد يخزر في الورقة خمم مليح ممبعد قالها راني قابل مي عندي شرط
سارة : واش هو ؟
امير : مور ما يخلاصو 6 شهور هدووك نزيدو شهرين و نطلقوا
سارة : شهرين ! سما يبقالنا 4 شهور😱 علاش ؟ واش من سبة ؟
امير : قتلك لاميا تزوج مور شهرين و منيش حاب نفسدلها فرحتها مور عرسها علبالك مور طلقنا جدي راح يدير المشاكل و لاميا.....
قاطعاتو سارة : أوكي أوكي راني قابلة في جال لاميا برك
. سينيا على الورقة و عطاهالها حكمتها ناضت خرجت و خلاتو يغلي حكم هدووك العفايس لي كانوا في البيرو ڤاع جابهم فالأرض 😡😡

---------------------------------------
طلع النهار ناض دوش لبس حوايجوا و سڤم روحوا و حكم الريحة دوش بيها 😜 و خرج من البيت صابها قاعدة تاكل موجدا ماكلة ليها برك
امير : صباح الخير
شافت فيه : صباح الخير 😒
امير : واش حتى القهوة ماتوجديهاش !
رفدت الطبسي لي كانت تاكل فيه و خزرت فيه : ايه 🙂
و راحت داتو للكوزينة ... امير حس لجنون طلعولوا حكم زير علي يدو مبعد خرج و خبط الباب😡😡
دخل لشركة مايضويش غير يخبط كي شافوه الخادمين هكاك ڤاع خافو هو قاعد في البيرو حتى دخل عليه وليد
وليد : واش بيك صباح ربي
امير :------- 😡
وليد : سارة !
امير : ايه سارة راااااااح تهبلني😡😡 كيما سييت نتفاهم معاه ما قدرتش 😡😡
وليد : واش صرا ثاني ؟
امير : لبارح جات ليا قاتلي طلقني
وليد : كيفاااش ! ماشي هيا لي كانت غير معاك باش دير عقد تاع 6 شهور !
امير : ايه هي 😒
وليد :.واش درت لطفلة باش بدلت رأيها
امير : صحا نستعرف غلطت معاها بزاف و ندمت البارح كنت نخمم باش نعوضها و نسيي نكسبها .... حتى جابتلي الشروط تاعها 😒😡
وليد : شروط !
امير : وي دورك دير لعفايس لي ما نحبهمش بلعاني..... خلي دوك نهبلها 😈.... قولي انت فريتها خلاص تفاهمت معاهم ؟
وليد : خلاص بقى غير تسيني انت
------------------------------
من الجيهة الاخرى سارة قعدا في الدار كارهة والفت صباح تخمل و طيب لفطور و مقدرتش تخرج ما تعرفش بزاف بلايص في الدزاير ، عيطت لدارين
سارة : وين راكي
دارين : راني مع صرب و ايجه خصيتي انت كرهنا بلا بيك رانا نلعبو بولينغ 😖
سارة : اي حطة فيكم توحشتك نكون كيما كنت كرهت هنا قاعدة وحدي 😔
دارين : مابقاش بزاف ، هذا اذا قدرتي جي مور ما حبيتي هذاك الموصيبة 😜
سارة : نجي ما نبقاش هنا
دارين : كاش ما صرا ثاني
حكاتلها سارة
دارين : كلبة انت هذا ڤاع يصرا و ما تحكيش .... سما مام هو ماهوش حاب يطلق 😁😍
سارة : يووووو وين رحتي 😑، على جال ختو
دارين : مي مليح عذبييه كيما غذبك 😈
سارة : وي حاجة باينة دوك ندير ڤاع واش ما يحبش خليه يشوف 😈
كوبات من عندها منبعد شدت جرنان و قعدا تشوف و تحوس كاش خدمة
لحق وقت لعشا جا امير و جاب معاه ماكلة من برا لقاها لابسة فيزو و تريكو تع دار كيما كانت تلبس في الاول شافتو سارة سوطات عندو : أااي شريت بيتزا😁😍😍
امير : لوكان عرفت تفرحي هكا على جال بيتزا لوكان شريتها البارح 😛😅
تكاكات سارة مع روحها و زعمة تشنفت ( تحكي مع روحها ) : واش بيه هذا : ماشي كي راني جيعانة
امير : أمممم 😂
قعدوا ياكلوا
امير : واش صبتي خدمة !
سارة : خدمة !
امير : قوتيلي نخدم
سارة : ايييه ..... مزال راني نحوس
امير : اذا حبيتي نشوفلك نشوفلك
سارة مخلوعة فيه و تحكي في قلبها ( واش بيه هذا لبارح مكانش حابني نخدم😐😯 ) : لالا صحا نصيب وحدي🙂
امير : أوكي كيما تحبي
سارة حطت واش كانت تاكل تقلقت كي بدا يحكي معاها بارد هكاك
امير : كولي
سارة : شبعت😡
شافتو ساكت هكاك نطقت : غدوة نروح نشوف
امير : مليح
سارة تقلقت : ماتسقسينيش وين و لا واش
امير : مكان ما دخلني ( و غمزلها و خرج راح لبيتو )
سارة موراه حكمت المخدة و دخلت راسها فيها : ااااااااااااااااههههههه لوحة ...... جاااااااايح 😡😡😡😡😡😡😡😡

⬇👍❤❣ الحلقة 16 ❣
طلع نهار سارة ناضت لبست مليح غوب نواغ بالورد خرجت و معولة تشوف الخدمة لي لقاتها لبارح في الجرنان هدرت معاهم و قالولها جي غدوة يتفاهمو هي خارجة و امير خرج ثاني شافها من الفوق للتحت و بدا يتبسم 🙂😈 و راح يوجد قهوة ليه تبعاتوو
سارة هدرت معاه : صباح الخير ( بالتشناف )
ضحك امير : صباح الخير😁
سارة : راني رايحة نخدم ( قاتلوا زعما باش تغزلوا )
رفد الكأس تاعو و قالها bn courage 😑و خرج يضحك من الكوزينة و سارة تغلي موراه شادا روحها بسيف باش ما تعيطش 😡😡
قعدا تعس فيه لتحت لتحت و هو فاقلها كي جا خارج خرجت هيا ثاني راح للڤراج هو ركب في طوموبيل تاعو هي في الموطو تاعها شعلتها محبتش تشعل ( امير كي جا في الليل خربلها فيها و فسدها )
سارة تحكي مع روحها : علاش ما حبتش تشعل و راني روطار ليوم نتحاوز قبل ما نبدا 😩
امير كان رايح سوطات و راحت ليه حبساتو طبطبتلوا في الكارو حبطو تبسمت ( تبسيما تاع تسيتيت )
دارلها امير واش براسو ( و هو فاهمها )
سارة : ديرلي حاجة (و طلعت حواجبها و عودت تبسمت )
امير بدا يضحك لتحت لتحت : وشنوا هيا ؟
سارة : راني روطار بزاف وصلني لموطو حبست محبتش تمشي 😣☹
امير : اواااه لالا عندي خدمة و الناس راهي تسنى فيا
سارة : انت مدير واحد ما يحاسبك ، انا يحوزوني
امير : صحا ركبي 😈😂
سارة فرحت : صحا صحا صحا 😁😄 و راحت تجري ركبت
في الطريق....
امير : وين جيا ؟
سارة : هيللِك لادراس في تيليفوني
شدها عليها امير.و بعثها لوليد ( تفاهم معاه باش يروح يحكي معاهم ميقبلوهاش في الخدمة ... و كي هوما واصلين شوية مجيهش واعرة )
 المهم وصلها حبطت عيط لوليد : واش فريتها 😈
وليد : وي فريتها مي حرام عليك
امير : لوكان مانديرش هكا تبقى تيبس في راسها زكارة فيا نعرفها مابيهاش تخدم

----------------------------------------
راحت سارة مقبلوهاش قالولها صابو وحدوخرا زادت راحت حوست مي ماصبتش جازوا اليمات سارة وين تروح ميقبلوهاش و موطو تاعها قالولها ما تسڤمش 😈

⬇👍❤خطرة حوست حوست ماصبتش كي العادة رجعت لدار لحق الليل عيطلها امير : واش نجيب معايا ماكلة ؟
سارة : مجيبش ماكلة جيب طوماطيش خلاصت راني حابة نأكل سباغيتي رايحا نطيبو
كوبا نص ساعة و كان في الدار صابها بدات طيب دخل شافها كانت لابسة يبجما شابة و دايرة شعرها طوماطيشا ❤
امير : واش كملتي؟
سارة : مفهمتش كاش تدخل ڤاع ما نحسلكش😯 ، مزال درت سباغيتي يطيب و دوك نوجد لاصوص
امير : حبسي نروح نبدل و نجي ونجدها انا
سارة : اه تعرف طيب ! 😦
امير : نعرف نطيب غير هاذي ، مي عاونيني
سارة : أوكي
راح بدل حوايجوا و بداو يطيبوا و هي تعاون فيه
امير : انت قشري طوماطيش
سارة : اه راك ترمي عليا الخدمة ، هذا واش فيها لاصوص هكا انت واش دير
امير : لالا صح ڤاع في ليزپيس 😜.... صحا جيبي نقشرها و انت ديري الزيت تسخن مادريش بزاف ماشي مليح
هو قطع الطوماطيش و رپاها و وجد كلش دارها طيب و قال لسارة ديري الملح
المهم وجدوا كلش لاصوص طابت سارباو في طباس و ريحو يأكلوا داروا لقمة في فمهم امير رجعها يسعل 😨 و هي بدات تمدغ و معوجا وجها 😣
امير : راكي suur درتي الملح ، سارة هاذي حلوة
سارة تفكرت بلي البلارة تاع الملح و السكر كيف كيف حبطت راسها و عضت على شفافها : أوووف انا درت واش قوتلي اذا ما جاتش بنينة لا فوت تاعك 😒
خزر فيها ( تاع راني فايقلك ) : سااارة
سارة : اووف تخلطولي لبلاراة كيف كيف ، ها قعدنا بلا ماكلا و راني ميتا بالجوع 😩😔
امير : نوضي روحي لبسي حوايجك و أيا نخرجو
سارة : وين ؟
امير : لوكان ماتسقسيش تموتي ، رانا رايحين لبلاصا تحبيها اياا
سوطات سارة من بلاصتها min 5 نكون وجدا
امير : راني نسنى فيك التحت

لبست سروال جين و لبست من الفوق تيشورت بيض مع جيلي باج و حبطت راحو واحد يبيع لكباب قدام لبحر ( bn علابالي بلي مكاش منو في الدزاير مي حبيت نديرو ❤😜)
سارة : يااااه مام نتوما عندكم
امير : ايه حبطي
حبطوا و قعد في الطابلة جا لي يساربي
سارة ؛ انا جيبلي 2 سندويش
خزر فيها امير مخلوع 😳 و دار لسيد : جيبلها زوج و جيبلي واحد
سارة تشوف في البحر و تتبسم
امير : تحبي لبحر ؟
سارة : ايه مكاش حاجة نحب نروح ليها كيما البحر ❤
امير : عندي يخت كي نحب نريح راسي نروح ليه
سارة : اه مقوتليش 😍😍 مام جدي عندو واحد كنت نروح ليه بزاف
امير : ممبعد نديك ليه
 جابلهم ليسوندويش حطلها زوج قدمها و واحد قدامو
امير يضحك : راكي suur تقدري تكمليهم 😜
سارة : ايه مالف نأكل هكا 😐
امير : bizarre ميبانش عليك كامل و ين راكي ديريها ( حب يقلقها ) 😜😅
سارة : نحرقها ندير sport علابيها .... عندي مبدأ نعيش عليها 😎
امير : واش هوا ؟😂
سارة : نأكل ڤاع واش نحب و نحرقو ب sport واش يقولوا نعيشوا خطرا وحدا 🙂
امير : مليح 😂😂
سارة : علاش راك تضحك
امير : والوا كولي بصحتك ، اذا مشبعتيش نقولوا يزيدلك 😜
سارة ضحكت ضحكة صفرة : أمممم
امير : 😂😂😂

⬇👍❤❣ الحلقة 17 ❣
جاز شهر امير و سارة رجعوا متفاهمين بصح واحد ما قال لآخر بلي يحبو
خطرا امير ماكنش يخدم هذاك النهار قاعد يشوف تليفزيون جات سارة تجري و تعيط : امييييير.... امير امير امير
ناض امير من بلاصتو ليها : واش كاين واش بيك ؟ 😯
سارة : جدي
زبط امير وجهو : واش بيه 😒
سارة : راهوا جاي هنا
امير : مليح خليه يجي
سارة : كيفاش هاذي خليه يجي..... ماركش خايف يفيقلنا
عاود رجع قعد في بلاصتو : لوكان ما تهدريش وين راح يفيق ! 😐
سارة : اي حكمتني كرشي لوكان يفيق يروووح كلش 😩..... هذو 5 شهور
خزر فيها امير ( مستغرب ) : واش يروح ؟!
سارة : خلينا ...... دوك كي يجي انا و انت ..
امير : ايه...
سارة : كاش ما كاين رانا عايشين مليح
امير : علاش ماركيش عايشا مليح !!! انا راني عايش مليح😜 ( يهبل فيها )
سارة : لالا ماشي هكا ... يعني بذيك المعنى حنا رانا متزوجين
امير : ما فهمتش 😈😜
سارة : كيما ڤاع لي متزوجين ... و مكاش عقد .... اووووه افهم
امير : اييييه صحاااا فهمت شوية 😂😈
رفدت سارة لمخدة و تيرتها عليه : انا هنا مقلقا و انت شوف كاش راك تخمم
امير : علاش تتقلقي😏 .. وقتاش يجي ؟  
 سارة : ليوم عشيا ، يجي لينا هنا ما يروحش عند عمو احمد و يبقى عند يومين
امير : لوكان قولتيلو ما عندناش بيوت زيادة 😜
سارة : اميييييير 😡...... اووف عندي خدمة قد الدنيا ... دوك نروح نخرج حوايجي من هذيك البيت و نوجد حاجة لعشا
امير ناض و بدا يقرب ليها و هي ترجع حتى خبطت في الحيط لسق فيها : دقيقة ... دقيقة ، و ين ديريهم حوايجك كي تخرجيهم ؟ 😈 ( يحكي و النفس تاعو في وجها )
سارة ( تلفتلها ) : وي.. وين .. نديرهم ؟
امير ( بدا يفيقلها بلي تحبو كانت تهرب بعينيها ) : وين ديريهم ؟😂😈
سارة حست سخانة طلعتلها لوجها بدات تروح بيدها : ااااه بصح منقدرش نهدر و انت مقرب هكا
امير : سقسيتك برك ؟ 😇😜
سارة : ايه بعد شوية عليا باش نقدر نجاوبك ، ( دارت يدها فوق قلبها ) عندي الديقة مانيش قادرة نتنفس ( تهدر و تتعڤن )
جبد روحو عليها : اممم😂😂 ..... ايييه !
سارة : واش ايه ؟
امير : وين تديهم حوايجك 😜
سارة : نديهم لبيتك ، حنا متزوجين بلاصتهم في بيتك
امير : مام انت بلاصتك في بيتي 😉😈
سارة : راح نجي
رفد امير حواجبو في زوج خزر فيها و بدا يتبسم 😈
سارة : اه ... محسوب حنا متزوجين ... باش جدي ما يفيقش ( تمتمت : نهرب قبل ما نخربها كثر ) راني رايح نوجد
و خرجت تجري من الصالون و امير يضحك عليها ، راحت فرغت البيت ڤاع من دوزنها و وجدتها لجدها باش مايفيقش و طيبت لعشا كملت وجدت الطابلة و كلش و راحت لأمير باش تحكيلو على حكاية السبيطار كان يخدم في البيرو حلت الباب و دخلت شافها : ندخل ؟
امير : راكي دخلتي و كملتي 😂
سارة : راني خارجة 😒
امير : خلاص ادخلي ادخلي 😂😂
دخلت و قعدت في الكرسي مقابلتو : امير علبالي بلي انت ما كنتش حاب نتزوجو و جدي...
قاطعها : شكون قلك
شافت فيها سارة مستغربة و دارتلو كيفاش برأسها
امير : بكري ... بكري ماكنش حاب دوك تبدلت الحالة
سارة : واش تبدل 😳
جا يجاوب حتى سمعو الباب يصوني
امير : هذا جدي
و ناض راح يحل سارة مورها 😞 واش معنتها هاذي دوكا ) و راحت موراه
جا جدهم سارة توحشاتو بزاف تعشاو هدروا امير و سارة دارو الپوسيبل تاعم باش ما يفيقلهمش امير مكانش مهتم بصح دار هكاك في خاطر سارة ، كملوا كلش و ريحو في الصالون يڤسروا
الجد : ايه عجباتك العيشة هنا ، ما تشبهش لهيك
خزرت سارة في امير : ايه بدلت شوية مي توحشت حياتي
الجد : ممنبعد ارواحي قعدي شوية .... قتلوا لراجلك جو تعيشو عندي لهيك حاجة ما تخصكم ماحبش راسوا يابس
سارة شافت في امير : قالك !
امير : قالي و ماحبيتش .... ، نعيش هنا
الجد : شفتي كيفاش ، المهم انا عييت ورولي بيتي لي نرقد فيها
ناضت سارة ورات لجدها بيتو و عطاتو ڤاع واش يسحق رجعت لصالون لقات امير مكاشو طفات كلش و جات داخل لبيتو تنهدت قبل ما تفتحها ( اووووووووه ) و حلت الباب دخلت و غلقتها ملقاتوش ( تحكي مع روحها ) وين راح هذا ؟
حتى دخل مورها كان يدوش لابس غير سربيتا محوطها على حزاموا : راكي تحوسي عليا ؟ 😈
دارت ليها سارة شافتو😳 رفدت يديها و غطات بيهم عينيها : اااااه راك عريانة
امير : راني لابس😂
سارة : انت لبس و انا نبقى غالقا عينيا
امير : اوووه لالا لوكان تشوفي بتخبيا ( يهبل فيها )😜😂
سارة نحات يدها : علاش نشووووف 😠 و عاودت غمضت عينيها
امير : لالا لالا دوري للحيط باش نريح 😂😜
سارة دارت و هو موراها ميت بالضحك
امير : بلاكي دوري 😂😂😜
سارة : متخافش
 لبس بيجما مي غير سروال من الفوق بقى عريان
سارة : خلاص
امير : خلاص 😂
دارت شافتو : مزالك عريان 😳
امير : !!
سارة : نسيت تريكو
امير قعد في البونك : انا نرقد هكا 🙂😈
سارة تمتم : وانا نموت دوكا و لا كيفاش 😭
امير : واش قلتي
سارة : قتلك راني رايحة ندوش و نجي ... انت رقد
امير : وين نرقد ؟
سارة : انت رقد في الفوتاي و انا نرقد فوق البونك
امير : اوووه لالا يوجعني
سارة : انت راجل ، واش حبيت نرقد فيه انا
امير : انا مقتلكش رقدي فيه البونك واسع يكفينا بين زوج
سارة : لالا 😳😳
امير : علاش ؟ متخفيش ما نديرلك والوا 😜😈
سارة : نرقد في الفوتاي انا مالا
امير : خلاص خلاص ارواحي انا نرقد فيه
كيما كان الحال دوشت جات صابتو راقد في الفوتاي قعدا تشوف فيه و تتبسم واحد ربع ساعة هكاك ممبعد راحت تكسلت و رقدت

⬇👍❤❣الحلقة 18 ❣
جا الصباح و هوما راقدين حتى سمعو تطبطيب في باب بيتهم .... سارة فطنت جات تسوطي طاحت من البونك و راحت تجري عند امير : امييير نوض..نوض...نوض.. جدي راه يطبطب علينا
ناض يجري رفدوا لغطا و المخدة لي كان راقد عليهم رماهم فوق البونك ممبعد راح فتح الباب
الجد : صباح الخير
امير : صباح الخير
الجد : أيا وقت الفطور نوض سارة و ارواحوا
غلق الباب سارة حطت يدها على قلبها : اووووف قريب فاقلنا 😨
طلعت عينيها صابت امير يشوف فيها و يتبسم
سارة : واش !
امير : راكي شابة 🙂( كانت لابسة بيجما شورت و شعرها بوكلي كيما دوشت و رقدت بيه مشمخ )
سارة حشمت حبطت راسها خدودها حمارو و هو لبس تريكوه و خرج
سارة : اييي قلبي😱 ... قلبي راح يحبس😍 ... اااييي 2 شوك صباح بزاف عليا .... هادا راه يزطل .... ولا لالا هبل .... و لا انا مانيش نسمع مليح 😯
راحت وقفت عند المرايا و بدات تشوف في روحها : ايييي قالي راكي شابة ..... مي صح انا شابة هههه 😍😍😁😄
حتى سمعت جدها يعيط : سارة سااارة
بدلت حوايجها و راحت صابت جدها وجدلها فطور كيما بكري و قاعد هو و امير في الطابلة راحت ليه باستو من خدو : شحال توحشتتتك 😘
الجد : توحشتيني انا و لا توحشتي لفطور تاعي
سارة : في زوج 😜
الجد : قعدي تآكلي
سارة قعدت و بدات تاكل : كلش بنين يعطيك الصحة
الجد : بصحتك ، و انت تعلمتي طيبي ، عشت و شفت هذا اليمات العشا لي درتيه بنين غدوة نتي توجديلي لفطور
سارة : نوجد لجدي ، مي لفطور تاعي ماشي بنين بزاف ، امير صباح يشرب غير قهوة
الجد : سما انت تعرفي طيبي غير واش يأكل امير
سارة : لالا..😧.. و امير يضحك لتحت لتحت
الجد : المهم وين نروحو اليوم
امير : نخدم انا اليوم راني مشغول بزاف
سارة : معليش نخرجوا انا وجدي نحوسو كيف كيف
امير : أوكي دوك نبعثلكم واحد يديكم وين تحبو
ناض راح لبس حوايجو و خرج سارة خملت و لبست و خرجت هي و جدها حوسو لحق وقت الفطور ( الغذاء ) راحو فطرو ممبعد قالها نروحو عند احمد نشوفوه و قعدوا شدوهم لعشا عيطت لأمير قاتلوا جا تعشا تما ڤاع مطمومين يڤسروا
احمد : غدوا تروح ؟
الجد : انعم ايه عندي خدمة جيت نشوف سارة و نشوفكم و خلاص لازم نولي
لاميا : ياك جي لعرسي
الجد : ههههه bien suur نجي بنت وليدي الصغيرة تزوج و مانجيش ، أيا قوليلي واش راكي حابة كادو
لاميا : أرواح انت منسحقش كادو
الجد : اواااه لالا ممبعد نعيطلك و نهدرو .... ايه كيفاش راكم تشوفو العلاقة بين سارة و امير كيفاش راهي تمشي
امير : 😒😒😒
ياسمين : علاش رانا نشوفوها نتلاقاو خطرة في الغرة
امير : سارة نوضي نروحو راح😑😑 الحال
احمد : اميير 😠
ناضت سارة
الجد : عندو الحق هذاك هو الوقت انا غدوة مسافر و هو خدام
احمد : بابا ريح بات هنا
الجد : لالا عندي هدرة مع سارة المرة الجاية ان شاء الله
المهم خرجوا و راحو لدار كي لحقوا
الجد : قبل ما نرقد سارة ارواحي ريحي نسحقك
امير جا رايح قالوا مام انت ريح قعدوا في زوجالجد شاف في سارة : جازوا 5 شهور لي قتلك عليهم
امير : كيفاااش !
الجد : خليني نكمل تفهم ، و عجبني واش شفت سارة تبدلتي و قدرتي تكملي في هذا الزواج ..... غدوة نوجد كلش كيما تفاهمنا مور 3 ايام ارواحي نديرو افتتاح
سارة 😁😁 : معلباليش واش نقول ( سوطات عليه باستلوا راسو ) صحا ، صحا بزااااف 😃😄😀
امير : سارة معليش تفهميني
سارة : امبعد نقلك
الجد : المهم انا واش عندي قلتوا نروح نرقد صبحو بخير
سارة راحت معاه و عطاتو واش يسحق ممبعد راحت لشومبرا و هي فرحانة دخلت صابت امير قاعد يسنى فيها
سارة : مزال ما رقدتش ؟
امير : واش كان يهدر جدي الداخل
راحت سارة ريحت قداموا : ملي كنت صغيرة و انا نحلم نكون طبيبة نعاون الناس باش يفرحو قريت وليت طبيبة مي الحلم تاعي مقدرتش نحققو كامل ، سقسيتني علاش حبيت 6 شهور بالذات و لمتني كي مقلتش لجدي يحبس هذا الزواج
امير : ايه ...
سارة : جدي جا عندي قالي راني حابك تزوجي مع وليد عمك انا في الاول حكمني شوك ما كنتش حابة نتزوج و مكنتش داير الزواج في بالي قالي ماجوبيش دوك خمي مليح غدوة من داك عيطلي قالي واش قلتي اميير انت بالاك ماتفهمنيش مي جدي هذا لي وقف معايا نهار ما صبت حتى واحد لي كبرني ما نقدرش نقولوا لالا مام سي ما كنتش حاب قتلو لي راك حابها نديرها فرح هو ممبعد قالي زوجي و اذا نجح الزواج تاعك 5 شهور نفتحلك السبيطار لي راكي حابتو و انا نستكلف بكلش
امير : سبيطار !
سارة : ايه لهيك عندنا مكاش سبيطرات يداو باطل كيما هنا حبيت نحل واحد نداوي دراري و الناس لي معندهومش دراهم باش يداوا
امير راحتلوا الهدرة 😳 : علاش ما قتيليش ... سما مور 3 شهور تروحي خلاص ووجدك فتحلك السبيطار
سارة : نعم نرجع لحياتي و انت تتهنى تقدر ترجع لرانية و تتزوجو
تنهد و مسح وجهو : واش من رانية 😒 ( ناض ) : خلاص مع رانية مانيش معاها
سوطات سارة من بلاصتها : قول و الله 😳😃😀
امير : والله و الله 😂😂😂
تكاكات مع روحها رجعت قعدت : اااييي dommage كنت هكا كيما 2 فردات تاع سباط
امير : سباط !!😂😂😂 ...... تحبي نرجعو نرجعو
سارة : لالا .... لالا سقسيني علاش لالا.... خطرش .....،ماشي مليح..... واش يقولوا 2 عيباد كي يتفارقوا ماشي مليح يرجعوا psk تبقى حاجة مكسرة.... و يبقوا يتفارقوا ڤاع حياتهم ( بقات تخلط في الهدرة )
امير : شكون هاذو لي يقولوا ؟
سارة 😓 : ماشي مهم شكون قال المهم بلي كاين منها هذي الحاجة ...... وقتاش صرات هاذي ؟
امير : غلقي السوجي خلاص
سارة : قولي وقتاش برك و نغلقوا
امير : سااااارة خلااص قلنا 😡
سارة : أوووف أوكي ، اصلا انا مانيش ميتة باش نعرف juste سقسيت باش نعونك تحب تفرغ قلبك و لا
امير : وي وي 😏😏😂😂
سارة : نجيبلك غطا و المخدة تاعك
امير بيد حكم رقبتو و بيد حكم ظهرو و بدا يعيط و يتوجع
سارة : واش بيك 😧
امير : منقدرش نرقد هنا رقدت البارح نضت ڤاع مكسر مزالهم عظامي يوجع فيا من الصباح
سارة : وين ترقد مالا !
امير : في البونك .... سارة ريحي ليكي كبير يكفينا 🙂😉
سارة : ايه مي نديرو مخايد فالوصط
بدا يضحك ممبعد ناض و بدا يقرب ليها و هي ترجع : أيااااااه حبس وين راك جاي 😧😯
هو يقدم و هي ترجع حتى خبطت في الخزانة و هو مقابلها قاعد يشوف فيها و هي حمارت خلاص كسل يدو حل لخزانة جبد سروال ممبعد جبد عليها قلبها طاح مسكينة بدل و تكسل هي حطت لمخايد في وسطهم و تكسلت و تغطات و قلبها يخبط و هو ملهيك يضحك عليها
الحلقة 19
 طلع الصباح ناضت صابت روحها راقدة في حضنو و يديه محوطينها حلت عينيها و تحكي في قلبها ( اااي وقتاش وصلت هنا ) طلعت عينيها بلعقل صابتو راقد بدات تسي تخرج من تحت يدو بلعقل هي تنحي يد جيها اليد الاخرى بدات تتكور بلعقل من تحت يدو حتى جابتها في الارض كي خبطت فطن هو شافتو دارت روحها تحوس تحت البونك
امير بصوت ناعس : واش راكي ديري !
سارة : سنسلة تاعي طاحتلي راني نحوس عليها بالك راهي تحت البونك
امير : و صبتيها ؟
سارة : لالا ... معليش نحوس عليها مبعد .... نوجدلك قهوة ؟
امير : اذا حبيتي
سارة : نروح نوجد مالا
ناضت و خرجت راحت وجدتلوا القهوة هو دوش و لبس و راح يشرب
سارة : جي لفطور
امير : لالا نفطر برا عندي خدمة مع وليد
 ----------------------------------
خرج راح لشركة خدم لحق وقت لفطور راح فطروا مع عيباد و تفاهمو على الخدمة كملوا ناضوا هذوك الرجال و بقى وليد و امير قاعدين
 وليد : قسحت عليهم بزاف
امير : هكا و لا منتفهموش
وليد : راني نشوف فيك في ڤسطوك
امير : والوا عفايس ملاح راهم يصراو
 وليد : كيما واش ؟
امير : بديت نحس بلي سارة تحس حاجة من جيهتي مي ماني قادر نقلها والوا حاب نسيها فواش عاشت ماشي مليح معايا
وليد : اووو !
امير : ايه و الحكاية تاع 6 شهور العقد هذاك
وليد : اييه ..
امير : كانت حاب تحل سبيطار داوي فيه الناس باطل و جدي قالها بلي اذا نجح زواجك 5 شهور نحلك سبيطار لي راكي حابة
وليد : مسكينة شوف كاش تخمم و انت غلطت معاها بزاف بقالكم شهر تخليها تروح ؟
امير : مبقاش شهر بقاو 3 زدت انا .... مي لوكان نعرفها تحبني صح صح منخليهاش ندير الپوسيبل باش نكسبها
وليد : ان شاء الله ربي يجيب لي فيها الخير
امير : ايه حكيلي انت واش درت فيها
وليد : والوا مكان حتى جديد
   ------------------------------------
جازو يومين سارة رجعت لبيتها و رجعوا كي العادة ناضت صباح لبست و خرجت صابت امير يشرب في القهوة
سارة : صباح الخير
امير : صباح الخير .... ااااو راكي فرحانة
سارة : ايه غدوة نروح باش نلحق نديرافتتاح تاع السبيطار تاعي
امير : مي كيفاش دايره و انت مزالك هنا
سارة : ايه عندي des amis تاعي يداو يخدموا ما بيد يخلاصو 3 شهور و نولي
امير : مليح ( بالتشناف )
سارة : جي معايا ؟
امير : لالا عندي خدمة
ناض و جا يخرج عيطتلو : جي لفطور
امير : معلباليش
سارة : اذا جيت جيب معاك شوارما راني حاب نكلها
امير : أوكي
و خرج سارة موره تحكي مع روحها : لوكان منعرفوش نقول يحبني و راهي دايقتلو ستغفر الله يا ربي 😡
_______________
راح امير لشركة مقلق كي لحق وقت لفطور خرج شرا شوارما و راح لدار صابها تسنى فيه كي دخل راحت ليه
سارة : اه شريت 😀😃
امير : ايه شريت ، هاكي شريتلك 2
سارة : اييي صحا .... انا نروح نوجد الطابلة و انت غسل يديك و رواح
غسل يديه و جا قعدوا يأكلوا حتى صونا تيليفون تاع سارة دارين عيطتلها appelle caméra رفدت عليها ( يحكو بالتركي psk دارين ما تفهمش عربية )
دارين : تآكلي بلا بيا
سارة ورتلها 2 سندويش : لالا ماتخفيش نأكل حقي و حقك
دارين : واش بيك راكي تباني فرحانة
سارة : ايه راهو قدامي منقدرش نحكي
دارين : علاش يفهم تركي ؟
سارة : لالا مي نخاف يفيق بلي راني نحكي عليه السيد فايق بزاف
و امير قاعد يطلع في حواجبوا و يحبط فيهم و يضحك التحت لتحت و يسمع واش راهي تقولها حسبتلها ما يفهمش
دارين : صح أعطيني غير طرف خيط منقدرش نبقى هكا
سارة : الحاجة لولا جدي راح يفتح السبيطار و الحاجة الثانية غدوة راني جاية و نشوفكم و الحاجة الثالثة و هي لخير منهم كامل الحطبا حبس مع البكاية
دارين : امير حبس
قاطعتها سارة : ما تقوليش اسمو
دارين : خلاص قوليلو بلي تحبيه
امير سمع ما فهم والوا سي يخبي la réaction تاعو
سارة : لالا ميحبنيش ، en plus منسيتش واش دارلي ، سكتي منبعد نهدروا ... ( بدات تلين فيها ) باي غدوة نعيطلك ( و تضحك زعما و كوبات عليها )
امير شاف فيها كان حاب ينوض يعنقها و يبوسها و يقلها سمحيلي و بلي مام هو يحبها و يموت عليها
سارة : امير واش بيك ؟
امير : والوا نسيتي لكيسان نروح نجيبهم من الكوزينة
سارة : قعد انا نجيبهم
ووهو باقي يشوف فيها ماشي مأمن واش سمع
جابت الكيسان شرب و ناض باش ما يبينش بلي فهم واش كانت تهدر و جا خارج
سارة : راك رايح ؟
امير : ايه كاش ما نجيب معايا عشيا و لا كاش حاجة حاب تديها معاك
سارة : لالا صحا
❣الحلقة 20 ❣
امير خرج من الدار ركب في الطونوبيل و شعل لغنا افووو و طار ( la vitesse ) من الفرحة راح لبلاصا فارغة بدا يعيط فرحان ....ممبعد قعد يخمم و يتفكر ( علابيها كي نقرب ليها يصرالها هكاك...)
_____________
 لحق الليل سارة بدات تخمل في حوايجها لي تدي دخل امير طل عليها
امير : واش راكي ديري ( يهدر و يتبسم ) 🙂
سارة : راني نطم حوايجي
امير : وقتاش الطيارة تاعك 🙂
سارة توسوست كي شافتو يتبسم : على العشرة
   امير : وشحال تقعدي ؟ 🙂
سارة : يومين ....
امير : البسي روح نبدل حوايجي و نروحو تنعشاو برا
راح لبيتو يلبس حتى شاف سارة تعيط دخلت عندو الشومبرة و غلقت الباب و تكات عليها
امير : سارة واش كاين !
سارة : راهو جاي راهوا جاي راهو يجري مورايا 😖🤢😨😨😱
امير : شكون ؟ سارة بلاكي من الباب خليني نشوف شكون 😡😯
سارة : لالا لالا لالا لوكان نحل الباب يدخل 😱😱
حكملها وجها بين يديه : راني هنا معاك ماتخفيش خليني نشوف
سارة : لالا يدخل 😨
امير بدا يتقلق : شكون 😠
سارة : ڤرلو
امير : ڤرلو ! 😯
سارة : ايه راهو في بيتي
امير :😂😂😂😂 دقيقة هذا لي راه برا و راهو جاي و راهو يجري موراك 😂😂😂ڤرلو !😂😂😂
سارة : ايه😨 .... علاش راك تضحك عندي فوبيا منهم 😡
امير : بلاكي خليني نروح نخرجو و لا يأكلك 😂😜
سارة : لوكان نحل الباب يدخل 😨
امير : نقتلو اذا دخل😜 بلاكي يالموصيبة خليني نخرج 😂
سارة : لالا نخاف
قرب ليها امين حتى خبط ظهرها في الباب و بدات تحس بالنفس تاعو : تحبي نباتو هنا نباتو معنديش مشكل انا ❤😈
قعدا غايسا في عينيه كبار و ديك التبسيمة حست قلبها راح يخرج من بلاصتو حلت الباب و بعدت تجري و هو غير يضحك
امير : وين راه هذا الڤرلو😂😂
سارة : راه عند الباب
راح خرجو و جا : راني خرجت ها ريحتي
سارة : ايه ..... بصح معليش تبركا ما تضحك😡
امير : نوضي نروحو
سارة : لالا مانيش حابة راني عيانة نروح نرقد تصبح بخير
امير : تصبحي بخير
راحت و عاودت رجعت طلت عليه من الباب : توصلني غدوة للمطار
امير : وي ان شاء الله😂
خرجت راسها و غلقت الباب
----------------------------
طلع النهار سارة ناضت بكري توجد في روحها ناض امير وجد روحو و خرج صابها تجري
امير : ايااا سارة راح الحال تروح عليك الطيارة...... مزال !
 حبطت تجري و ركبت معاه في الطريق
سارة : راني فرحااانة راح نتلقا مع mes amis توحشتهم كامل
امير : ملييييح ....... سارة و باباك مسمعتكش ڤاع تهدري عليه
سارة : بلاك psk منحبش نهدر عليه 😒 ( بالتشناف )
امير : عايش في اسبانيا هو ماشي في الترك ؟
سارة : ايه ( تمتم ) يعيش في جهنم اذا حب 😒
امير : انعم !
سارة : والوا امير مانيش حاب نهدر عليه 😡
امير : أوكي خلاص ماتتقلقيش
لحقوا للمطار ريڤلات كلش و ودعت امير و ركبت في الطيارة قعدت قدام التاقة و قعدا طل حتى تسمع واحد يقلها : مادام لبلاص لي قدامك فارغة
دارت : امييير !
قعد قدامها
سارة : واش راك دير
امير : نخليك تروحي وحدك 😁
سارة : 🙂🙂
----------------------------------
لحقوا صابوا طوموبيل بعثها جدهم توصلهم للقصر تاعو لقاوه عند الباب ستقبلهم
سارة : راني حابة نروح نشوفو
الجد : خلي بدلي تحبو تريحو و روحو حوسو شويا تلقاي مع صحباتك
سارة شافت في امير
امير : وين نروحو ؟
 سارة : نعيط لدارين و نخرجو
عيطت لدارين و تفاهمو يتلقاو في كافيتريا راحو لقاوها تسنى فيهم تعانقو و تنادبوا
سارة : امير هذا..... امير هذي درين
دارين : ما شاء الله 😳
ضربتها سارة
دارين : هذا هو امير (هدرت معاه بانجليزية )
امير حاير فيها : نروح نغسل يديا ونجي
سارة : هبلتي 😡
دارين : شباب بومبا ديفو ما عندو ❤
سارة : قولي الله يبارك .... بلاكي كاش ما تزلقي قدامو نعرفك و الله نقتلك 😡
دارين : مانقولش بصح نحاسبو على واش دير فيك 😑
سارة : شوووووت راه جاي
جا قعد
سارة : عيطي لسافاش و صرب ( les amis تاعهم و صرب يحب سارة )
عيطولهم جاو قعدوا معهم déjà امير كي شافها ناضت سلمت عليهم و عنقتهم معجبوش الحال شد روحو بسيف باش ما يخرجهاش قعدين مڤسرين
سافاش : كرهنا بلا بيك وين نروح تخصينا
صرب : واش بطلتي الموطو
سارة : لالا تفسدتلي و محبتش تسڤم كي نولي نشري وحدا
صرب : صاحبي راهو يبيع فيهم كي جي نروح ليه و نعاودوا وحدة من تاع بكري ( غمزلها )
امير : واش تعودوا 😑😒
سارة : كنا انا و صرب نروحو في واحد لبلاصا نديرو لاكوغس تاع الموطوات
دارين : كنتي دايمن تربحيهم
سافاش : ايه واحد ماكان يديهلك
سارة : صرب ربح خطرا
صرب : هههههه تحبي نروح نشوفو دوكا انا و انت برك ! 😉
امير خلاص بدا شد روحو بسيف لوكان مهدرتش سارة كان راح يقلب الطابلة : لالا ماشي ليوم راني رايح ندور شوية انا و امير ......... غدوة الافتتاح بالكو تنساو موراه جدي راه داير حفلة ارواحو سلمت عليهم و راحوا هوما يمشوا و امير ساكت الزبل (حاشكم ) كان طالعلوا لرأس
سارة : هذو هوما لي تربيت معاهم كثر من خاوتي
امير : بصح ماهمش خاوتك😒😒
سارة : امير واش بيك ؟
امير : علاش تسلمي عليهم و تعنقيهم هكاك !؟
سارة : كيفاش ؟
امير : كي نروح لدار نهدرو ...... اه و هذاك صرب ماعجبنيش كامل 😑
سارة : 😳😑😯
راحو حوسو مليح امير راحلو شويا القلق مي بقى مشنف

❣الحلقة 21 ❣
سارة : امير خلاص علاش راك زعفان دوكا
امير : مانيش زعفان... و ماتخلطيش في ****** سارة 😡
سارة : وين راك حاب نروحو
امير: ديني نشوف وين قريتي.... وين كبرتي وين لعبتي
سارة : أرواح😄❤
راحو داتو وين قرات ملي كانت صغيرة حتى كبرت و تخرجت ممبعد راحو لقبر يماها
امير : شحال كان في عمرك كي ماتت ؟
سارة : 5 سنين .... مببعد داني جدي .. خطرات نخمم نقول لوكان ماما مزالها عايشا كيفاش راح تكون حياتي ، خلينا بلا ما نهدرو هاذ الهدرة دوكا كي نزعف و لا نفرح نجي لقبر ماما نحكيلها ممبعد نروح لواحد لبلاصة اي نروحو ليها
راحو داتو لواحد الحجرة كبيرة طل على البحر : نقعد هنا و خطرات نحبط نمشي في الشط
امير : بلاص شابة بزاف😍 ، مي البرد شوية
سارة : ايه راح تصب الشتا ... اي نحبطوا
امير : اواااه بدات تصب الشتا تمرضي سارة
سارة : تعيييش ايااا تعيش ( ذبلت عينيها و حبطت شوربها كيما لبيبي )
امير : هههه خلاص ما دريش هكاك ايا نحبطوا مي منبطاوش
سارة : اييي ( سوطات عنقاتو و هو عجبو الحال ممبعد تكاكات جبدت روحها ) شيئ... كي فرحت...😓
امير : فهمتك ... فهمتك😂 .... أيا نحبطوا الشتا راهي تقوا
حبطو هي نحات سباطها كانت لابسة روبا و هو نحا سباطو و طو سروال و بداو يجروو
لعبو بالما تشمخو كامل الما تاع الموجة لي كانت تضرب و الما تاع الشتا بداو يطارشو سارة طرشاتو وهربت بدا يجري موراها حكمها طاحت طاح فوقها و بدا يقرب ليها حتى بدات تحس بالنفس تاعو سخون في وجها و بدا يحس بقلبها كيفاش كان يخبط هو جا يلحق باش يبوسها ضربت الرعد هي ساغت
جبد روحو ناض فاد و مدلها يدو باش تنوض قلبها راح يحبس
امير : خلاص سارة تشمختي بزاف و بدات تظلام اي نعاود نطلعو
طلعوا كانت لافست تاعو في الطونوبيل ناشفا دارهالها على كتفها و ركبوا في الطونوبيل رجعو و سارة ميتا بالفرحة
سارة : ايييه وين نزيدو نروحو ؟
امير : نروحو لدار تبدلي و لا تمرضي ممبعد قوليلي لحساسية تاع الربيع 😏
سارة : خلاص نشفت مام انت نشفت كاين واحد مالف نأكل عندو الحوت شحال بنين اي نروحو ليه تعييييش
امير : لالا
سارة : تعيش امير تعيييش
امير : و انت نقدر نقلك لالا
سارة وراتلوا الطريق راحو كلاو ڨسروا و لعبو و رجعو لدار داخلين
امير : دوك تمرضي
سارة : قول الصح الحوت بنين
امير : ايه بنين😂😂
الجد : وين تبحرتو
سارة : توحشت بلايص رحت ليهم
الجد : اي خلاص راهم وجدولكم الشومبرة تاعكم طالعوا ريحوا غدوة تعياو
باست سارة جدها و طلعو لشومبرا دخلوا
سارة : اياااه وين ترقد ؟
امير : كاين بونك سارة
سارة : ايه بصح مكاش فوتاي كاين كورسي
امير : معناه نرقد فوق البونك
سارة : خلاص.... مي نديرو لمخايد في وسطنا
امير : مفهمتش اذا تخافي مني و لا تخافي من روحك تقربي ليا ! 😈😛
سارة تخلخلت : منخافش ، مين جبت هذي الهدرة ... اووف 😡
امير : صحا راح ندوش و نرقد راني عيان
المهم دوشو و كل واحد حكم بلاصتو رقد-----------------------------------------
فطن الصباح صابها راقدا في حضنو و معنقاتو غمض عينيها يشم في ريحتها البنينة ، ممبعد هي فطنت فاقت مع روحها وسعت عينيها 😳😳 و طلعتهم بلعقل تشوف اذا راهو فاطن مي هذا الخطرة صابتو نايض جبدت روحها تجري و ربعت 😳
امير : عسيتيني رقدت و جيتي دخلتي فيا ! 😛
سارة : اناااا !😳 اه عيب عليك تقولي هكا
امير : عيب ! ، دخلتي فيا و جيا تقوليلي عيب !
سارة : مدخلش déjà انت لي كاش ما درت
امير : صحا انت كنت داخلا فيا ولا انا ؟
سارة : خطرات يجيبني حمار الليل .. أوووف محسيتش اصلا منيش ميتا باش ندخل فيك
امير : 😂😂😂
وقفت تجري فوق البونك : ايااااه عندي بزاف خدمة اليوم
و سوطات قريب جابتها على راسها
امير : بلاكي طيحي 😂
ناضت وجدت روحها و حبطت فطرت مع جدها و امير كيف كيف راحوا شافو سبيطار و كيما يوجدو قرب وقت الافتتاح سارة رجعت لدار باش تبدل لبست روبة شابة و امير لبس سموكينغ
امير : شافها 😍😍😍
سارة : جاتني شابة ؟
امير : قصيرة بزاف 😑
سارة : مي شابة
امير : لالا les robes الطاول يجوك شابين خير
سارة : دوك نبدل عندي وحدخرا
راحت لبست و جات : و دوكا ؟
امير يحكي مع روحو ( دوكا انت واش تلبسي يجيك شباب انا لي حصلت دوكا😑😒 )
سارة : اميير !
امير : مليحة مي الخطرا الاخرى لي تلبسيها
سارة : اه و علاش 😑
امير : و ديري في بالك بلي لبست ڨاع ما تعجبنيش
سارة : واش بيها لبستي
امير : خلاص منبعد نهدرو
سارة : ايا نروحو راه الوقت لازم نوصل بكري
وصلوا سارة بدات ترحب بالضيوف خطرش دارو حفل و افتتاح و امير غير يتغزل ممبعد زاد جا صرب و الجماعة راحت سارة عندهم و بداو يڤسرو و امير النار شعلا فيه
لحق و قت الافتتاح سارة جات تقطع الحاشيا لحمر هذيك عيطت لأمير باش يقطعوه كيف كيف و بداو كامل يقولولها مبروك فرحو و شطحو
امير تقلق بزاف يكره هذو الاجواء و زادا سارة قلقاتو واقفا مع صرب تڤسر ممبعد عيطلوا جدو راح شافو و رجع صاب سارة تشطح مع صرب و حكمها من خصرها هو خلاص مبداش يضوي بدا من اللبسة و كمل بالشطيح معاه راح ليه بعدو عليها و بدا يضرب فيه 👊🏻👊🏻 و الناس تسلك سارة رفدت لاپوشات تاعها و خرجت امير تبعها حكمها من ذراعها حبسها
طبعاتو : امير طلق يدي 😡
امير : وين راكي رايحة😡😡 ( بالعياط )؟
سارة : واش درت الداخل علاش ضربتو هكاك ؟ 😡😡
امير : علاش ، راكي تسقسي فيا علاش ؟ 😡
سارة : bien sur دوكا فهمت ياك انا خامجة هكا انت قلتها واش راك حاب عندي ؟ ( بالعياط ) 😡
امير زاد في العياط حتى عينيه ولاو حمورا : انت تاعي واحد ما نقبل يمسك فهمتي علاش😡😡 و هذي الروبا تزيدي تلبسيها نقطعها فوقك 😡😡
سارة ( تعيط ) : انا ماشي رانية... ما تقردددش تحكم فياااااا علااااش رااااك دير هكا..
قاطعها حكمها من رقبتها و جبدها حط شفافو فوق شفافها و زير عليها النفس تقطعت فيها مام هي جاوبت معاه ممبعد جبد روحو بلعقل و هي بقات مدوخا
سارة : بلاك تعودها 😠
امير : واش منعودش نبوسك ! 😏
ساره : ايه
وجات رايحا حكمها من يدها
امير : ركبي نروحو لدار راح الحال
طلق يدي باش نركب طلقها ركبت و راحو
❣ الحلقة 22 ❣
لحقوا لدار طريق كامل هوما سكاتين طلعوا لبيتهم دخلوا و سارة خبطت الباب امير محبش يهدر معاها شافها مقلقا و لوكان يهدر تزيد تتخلط الحالة خافها ما ترجعش معاه ، شافتو سارة ينحي في لڤاست تاعو نحى l papillon و زاد بدا يحل لقفالي
سارة : ماراح تقول والوا 😡
امير : واش نقول سارة
سارة : ضربت راجل لي تربا معايا خويا و بستني !
امير ( يحكي كالم ) : الحاجة الاول ماهوش خوك شفتو كاش يشوف فيك و الحاجة الثانية متكبريهاش خاطرش مام انت عجبك الحال
سارة : عجبني الحااال ! 😳😡
امير : ايه جاوبتي معايا
سارة حلت فمها مخلوعة من واش سمعت
امير : سارة خلي غدوة نهدروا انت راكي مقلقا و انا ثاني خلي غدوة و نڤسروا ملييح
سارة : منسكتش نهدر اليوم 😡😡
امير : اهدري و انا نسكتك
سارة : واحد ما يقدر يسكتني😡
امير : مقبيل سكتك اذا راكي شافيا 😉😈
سارة خزرت فيه و حبطت عينها و راحت ديراكت لدوش غلقت الباب خزرت في المرايا و تحكي مع روحها : واش ندير معاه هذا دوكا ..... اووووف مقدرتلووووش 😡😡
دوشت خرجت صابتو يسنى يدخل هي خرجت و هو دخل راحت تكسلت ترقد شويا و خرج هو رقد ثاني
--------------------------------------
حل عينيه صباح صابها موجدا روحها
امير : وين بيها ؟
سارة : راح نطل على صرب
جا يهدر قاطعاتو : و من اليوم ما نزيد نهدر معاك ما تزيد تهدر معايا راني راجعة معاك برك على جال لاميا بقى سمانة لعرسها و مانيش حابة نفسدهولها
ناض امير مبلاصتو و بدا يقرب ليها 😳 مي هي مرجعتش للور هذي الخطرة
امير : أوكي منهدرش معاك كيما تحبي مي ask نتي راح تقدري متهدريش معايا 😉😈😛
خزرت فيه سارة : و علاش حتى منقدرش ( و هيا شدا روحها بسيف كي كان قريب ليها هكاك مي محبتش تبين )
امير : شوفي انتي 😛
بعد عليها : ارواحي قبل 4 كاين طيارة باش نرجعو
ممبعد هي خرجت و هو بدا يضحك


 ***** فلاش باك *******
لبارح كمل تدواش جا خارج يسمع سارة تحكي في التيليفون مع دارين و تقولها : جنم يااا شفتي كيفاش غار كي شافني نشطح مع صرب ... خلاص دوك تشوفي نهبلو نوريلوا سارة واش تكون--------------------------------------
سارة خرجت من الدار و دارين دخلت مورها فتحت عليها الخادمة
دارين : سارة راهي هنا
الخدامة : لالا خرجت
في هذاك الوقت جا الجد سلمت عليه دارين
الجد : كيفاش راه صرب
دارين :.منارڤي ، لوكان مهدرتش مع عمو هالوك ( بابات صرب ) لوكان راهم شتكاو
حبط امير لقى دارين قاعدة مع الجد في الصالون
الجد : انا نوض عندي خدمة
هو ناض و امير جا خارج
دارين : امير معليش جي تريح نهدروا دقيقة😁
قعد امير : انعم
دارين : كنت جايا نسبك لوكان ماشي حاجة راهي مانعتني منقدرش نقولك واشنو هي سارة تقتلني
امير خزر فيها و قالها : كيفاش ! 😒
دارين : مي نقولك عجبتني البارح كاش ضربتو كنت غير نتفرج و الله لقطة كيما هذي كنت نشوفها غير في لفيلم ❤
و امير غير يسمع معرفش ڤاع باش تبلى 😳😳
دارين : معليش نسقسيك ؟
دارلها امير برأسوا ايه
دارين : واش درت البارح حنا نسموه غيرة .... و الغيرة متكونش بلا حب ... تحب سارة ؟
امير 😂😂 : معليش نسقيك انا دوكا
دارين : ايه !
امير : نتوما ڤاع هكا مهابل
دارين : شكون حنا
امير : انت وسارة
دارين ( تحكي بنيتها ) : ايييه تأمن لوكان نقولك مالف يقولولنا الناس😍 مي بقينا حايرين اذا هي لي عداتني و لا انا لي عديتها
امير بدا يضحك مخلوع : ربي يعونو لي يديك تهدري بسلامتك ( هدرها بالدزيرية ) 😂😂
دارين : انعم
امير :.والوا كملي
دارين : كي قاتلي سارة من اللول راح نتزوج محبيتش psk هي ماكنتش حابة و محبيتش سارة تتزوج هكا ......... اه و واش درتلها مور الزواج باش نقولك ميليقش كامل عليك حرام عليك😡😡
-------------------------------
في داك الوقت الجد كان في الطونوبيل عيط لسارة : الوو بنتي دارين جات تحوس عليك بلاك راهي مسحقاتك عيطيلها
سارة : وين راهي دوكا ؟
الجد : خليتها في الدار مع امير
سارة : علاش خليتها وحدها معاه 😳😳
الجد : كيفاش
سارة : والوا دوك نروح ليها
كوبات و بدات تحكي مع روحها ( ليوم تحرڤني يا ربي ما تقولوا والوا ) 😨😨😳
------------------------------------
نعاودوا نرجعو لدارين و امير
دارين : سارة جامي كانت في علاقة مع واحد ..... شوف نجيك ملخر منيش حابا صحبتي تبكي و تتعذب 😉
امير : صح غلطة معاها بكري مي دوكا راني نادم و ندير لپوسيبل باش ما نشوفش دمعة من عينها
دارين : بلاك تبانلك هكا مي هي عانت بزاف في حياتها لوكان ماجتش عندها شخصية قوية لوكان راهي طاحت عندها شحال ملي ماتت يماه ممبعد حكاية باباه و جدها انت تعرفو كاش داير
امير فاق لدارين بلي تزرع كلش حاب يستغل الفرصة : باباها !
دارين : ايه كي ماتت يماها باباها زوج ممبعد عيط لجدكم قالوا ديها مانيش حاب نخليها عندي تحرمت من باباها و هو عايش 😩😠
امير جا يزيد يسقسي حتى دخلت سارة
سارة : دااااارين 😳😳، كملوا علاش سكتوا ؟
امير : جيتي بكري
سارة : نوجدو حوايجنا و نروحو هذاك هوا
دارين : شريتي حوايج ؟
سارة : مشريتش راحت نشوف صرب ( خزرت فيها باش تفهم )
دارين : اييييه تفكرت رحتي عند صرب
امير : انا نطلع نخليكم تڤسروا
طلع و سارة قعدت و قابلت دارين : قولي الصح واش قلتيلوا
دارين : والوا سقسيتو برك اذا يحبك
سارة : وشنوو ووو
دارين : اااااه مي مجوبنيش و نسيت أوووف 😩😯
جات نايضا حكمتها سارة من يدها قعدتها : وين راكي رايحة ؟
دارين : نقولو يجاوبني
سارة : ايه خطرش هو حابس راح يقلك ايه نحبها روحي قوليلها
دارين : أوووف .... مي باينة يحبك ... على حساب الغيرة تاع البارح
سارة : ايه البارح غار .... اليوم قتلوا راني رايحا عند صرب مدار والوا كيشغول راني نحكي مع حطبة .....😡😡 ايه كي قولنا صرب راهوا مليح شويا مزالوا زعفان عليا
دارين : تعرفيه دوك يتنحالوا زعاف😉
سارة : انا نوض باش نروح هذاك هو الوقت
دارين : انا نوصلكم للمطار
وجدو كلش و لحقوا للمطار عنقت دارين سارة
دارين : راح نتوحشك عاودوا ارواحوا 😢
سارة : نجي مام انا نتوحشك 😢😢
امير واقف حتى يشوف دارين جايا ليه تعانقو 😳و قاتلوا في وذنو ( تهلا فيها و لا انا نجي و نقتلك )
المهم كملوا و ركبوا في الطيارة و رجعوا لدزاير
❣الحلقة 23 ❣
وصلوا لدزاير و غير لح قوا تيليفون تاع امير ماحبش يحبس غير يصوني و امير يشوف و يكوپي ركبوا في الطونوبيل باش يروحو لدار حبس عند واحد الباب قالها 5 min و نولي و حبط سارة غايسا حتى سمعت تيليفون تاعو يصوني نساه محطوط رفدت تشوف لقات رانيا تعيطلو حطاتو زاد شوية لحقو مساج من عندها ( علبالي بلي راك هنا أرواح نشوفك )
سارة تحكي مع روحها ( كذاب و يقولي نسيتها و مانيش معاها 😡)
جا ركب و بقاو ساكتين لحقوا لدار حبط لبڤاج تاعهم و سارة حبطت
امير : عندي شغل نروح نفريه و نجي
سارة في قلبها ( ايه شغل هذيك هي😡 ...... طريق السد )
جازو يومين و هوما هكاك واحد ما يهدر مع الاخر
خطرا هو ناض راح يخدم و هي قاعدا حتى جات ليها رحاب و قعدوا مڤسرين
رحاب : ماشي كنت حابا تخدمي
سارة : حوست وين نروح مكاش
رحاب : كاين سكريتيرة تاع امير راح تدي كونجي 15 يوم روحي في بلاصتها
سارة : روح نخدم مع خووك اواااه لالا 😧😵
رحاب : كنت راح نقلك فتحي بيرو مي بقالك شهرين و تروحي .... صح ارواحي انا معنديش سكريتيرة و نخد مو كيف كيف ( رحاب تخدم في الشركة تاع امير مستشارة أفكار )
سارة : معاك مليح😃😄 ... صحا وقتاش نبدا ؟
رحاب : تحبي من غدو تحبي من مور عرس لاميا ،
سارة : مور العرس نبدا
تفهموا على كلش
لحق الليل جا امير سارة حطتلوا العشا بلا ما تهدر معاه و جات رايحا لبيتها حكمها من يدها و رجعها ليه حتى لصقت كامل فيه و حط يديه مور ظهرها كيشغول معنقها و بدا يحكي ( بصوت عيان ) : تبقاي هكا 🙁
سارة مقدرتش تخزر فيه خافت تضعف تحكي و محبط راسها و قلبها يخبط يخبط ؛ ك..يفاش ه...كا ؟
امير : ماتهدريش معايا ؟ 😕🙁😟
سارة بلعت ريقها تحاول تقوي روحها و هي بين يديه و النفس تاعو في وجها : ماانهدرش علاش نهدر ؟
نحى يدو وحدا حطلها على خدها و طلعلها وجها : شوفي فيا سارة علاش راكي ديري هكا 😟😕
سارة بدات تهرب بعينيها كي شافتو كاش كان يشوف فيها : امير طلقني ( بمعنى أتركني )
غمض عينيه و طلقها خرج خبط الباب ما تعشاش
هي قعدت و بدات تبكي : انت لي علاش راك دير هكا تحب رانيا و جاي تنساها بيا 😢😢
راحت تكسلت في الفوتاي تتفرج حتى داتها عينها و رقدت جا هو لقاها راقدة كيما البيبي قاعد يشوف فيها شوية😍 ( علاش راكي ديري هكا انت تحبيني و انا ثاني علاش راكي تعذبي فينا😔 ) راح جاب غطا و غطاها طفى التيليفون و راح لبيتو يرقدزاد جاز هذاك النهار كيف كيف و لحق العرس تاع لاميا ناضت سارة دوشت و مشطت و لبست ( دوك نحطلكم واش لبست ) خرجت تهبل و امير ثاني لحق الوقت راحو وصلها لصال
امير : بلا ما نوصيك ما تخرجيش حتى نعيطلك
تبسمت معاه تبسيمة صفرا و خرجت دخلت شطحو و زهاو و صوروا لحق الوقت لي يدخل فيه لعريس لبست لاميا لاغوب بلونش و دخلها بابها و امير قعدوها في بلاصتها امير شاف سارة واقفاً جا وقف قدامها و همسلها ( ديتيهالهم كامل 😍😈) بداو يدخلوا رجال تاع لافامي طلعت سارة راسها حتى تشوف بابها داخل لاصال مع جدها😳 يبست في بلاصتها بلا ما تحس حكمت يد امير و زيرت عليها : و...واش.... واش راهو يدير هنا 😯😯
امير حكمها من يدها لي كانت مزيرتها على يدو و بدا يمسحلها عليها : جا يشوفك
طلقاتو سارة و بعدت راحت دخلت فواحد البيت يبدلوا فيها راح مورها امير دخل عليها : سارة عطيلو فرصة بلاك عندو كاش حاجة يقولهالك
سارة قاعدا حكما دموعها بسيف و مجاوباتوش
راح طابس و قابلها حكملها وجها بين يديه يبعدلها في شعرها على وجها حتى طاحتلها الدمعة : امير مانيش حاباا نشوفو 😢
امير : سارة علبالي بلي خلاك وقت كنت تحتاجيه مي ماركي خاسرة والوا اسمعي واش حاب يقولك
قاطعاتو سارة ( بدات تعيط و تبكي و العرس قايم ) حكمتها هستيريا : مانيش حابة نشوفو😢😭 ...... على جالوا ماتت ماما😭😢 ..... مانيش حابا نشوفو ..... امير ديني منا تعييش ما نشوفووش
حكمها جبدها لحضنو و عنقها و هي بدات تبكي : اسسسسسسس خلاااص ماركيش حابا تشوفيه ما تشوفيهش .... خلاااص واحد ما يسيف عليك حاجة
قاعد معنقها و يسكت فيها حتى تكالمات شويا مسحلها دموعها
سارة : أيا نروحو منا 😔😢
امير : حبسي ما تبكي ( يمسحلها في دموعها ) ... دوك نروح نهدر مع يما و نجي بقاي هنا
دارتلوا ايه برأسها باسها من جبهتها و ناض خرج يمشي فالكلوار لي فيه البيت باش يخرج وين كاين الناس سمع واحدا تعيطلو دار صابها عجوزة شويا كبيرة
امير : انعم !
العجوزة : واحد الپوپيا كانت واقفا معاك مقبيل مصبح و انا نحوس عليها ما شفتهاش وين راهي
امير : سارة !
العجوزة : هديك لي كانت لابسة غوب حمرا كانت وقفا معاك
امير : غير الخير الحاجة واش ديري بيها ؟
العجوزة : عجبتني تهبل حبيت نخطبها لوليدي
امير مصاب يضحك و لا يزعف : يا الحاجة هذيك راهي مرتي 😅
العجوزة : خسارة طارت ، و معندهاش ختها ؟
امير : معندهاش😂 .... سمحيلي الحاجة عندي شغل لازم نروح
دخل و بدا يحوس على بابات سارة صابو راح ليه
كي شافو سليم ( بابات سارة ) ناض يجري و جا ليه : وين راهي سارة يا وليدي مصباح و انا نحوس عليها ما صبتهاش
امير :.عمي سارة ماهيش حابا تتلقا بيك
سليم : كيفاش ماهيش حابا جيت من بلاد بعيدة علا جالها
امير : معلاباليش عندها سببها لي خلاوها ما تحبش تشوفك 😉
سليم : وريهالي و ين راهي و انا نهدر معاها
امير : لالا سمحلي عمي مانسيفش عليها حاجة ماهيش حابتها ، اذا بدلت رأيها نعيطلك
و راح خلاه واقف و جا راجع للبيت لي كانت فيها سارة حتى سمع ياسمين تعيطلو
ياسمين : وين راك رايح و وين راهي سارة ؟
امير : راني رايح لدار يما سارة راهي عيانة شويا
ياسمين : واش من دار
امير : داري
ياسمين : لالا روحو لدار عندنا غدوة نديرو فطور لعروسة
امير : غدوة نجيبها
ياسمين : خلاص ما فيها والوا ديها و طلعوا لشومبرة واحد ما يقلقها صحا وليدي
امير : صحا يما صحا
راح دخل شافتو سارة وقفت : علاش طولت ؟
أمير : قاطعتلي عجوز خطباتك😜 ( قالها باش يضحكها شوية )
سارة ( تبسمت ) : هذا الخطرا ماشي لافوت تاعي راني داير الخاتم و (وراتلوا يدها )
امير : المكياج انا راني دايروا و الروبا هذي 😑 .... سارة يما قاتلي نروح لدار عندهم نباتو على جال فطور لعروسة غدوة ... اذا ما حبيتيش..
قاطعاتو سارة : لالا معليش🙂🙂
جبدها لحضنو و خرحو
❣الحلقة 24 ❣
خرجو من لاصال صابوهم ڤاع خارجين سارة راحت تجري ركبت في الطونوبيل تاع امير باش ما يشوفها باباها و لا تشوفو ممبعد جا امير و ركب و جاب زوج بنات خالتو باش يركب معاه شافتهم جايين معاه و يهدرو و يضحكو غارت مي محبتش تبين المهم دارو كورتاج و ڤلبوها بالغنا و الكلاكسون سارة نحات شويا الغما لي كانت في قلبها لحقوا لدار امير قال لسارة طلعي للبيت
طلعت بدلت حوايجها نحات المكياج شويا و جا امير دخل
سارة : وين راه ( على باباها )
امير : راه بايت هنا
راح دخل امير دوش و خرج راح قعد معاها فوق البونك
سارة : سما غدوة نشوفو ؟
امير : لالا تشوفيه كي تحبي déjà بلاك غدوة يروح
سارة : عمو احمد قالوا يجي ؟
امير : لالا انا ، عيطلي يسقسي عليك قلت بلاك راكي حابا تشوفيه مي كي ماحبيتيش ماشي بسيف
سارة ( تغرغرو عينيها بالدموع ) : ه😏 يسقسي عليا ، نهار كنت مسحقا يسقسي عليا ما سقساش و دوك زعما جا
امير : سارة علاش قلتيلي على جالو ماتت ماما ؟ دارين قاتلي..
قاطعاتو سارة : ما حكيت لحتى واحد حتى جدي و معلبالوش ، كي كنت صغيرة مانيش شافيا مليح ماما كانت مريضة واحد المرض تاع القلب😢 و بابا كي سمع هكذاك دار مرا يخدعها معاه لي راهي مرتو دوكا😢 قالولو بلي لازم ماتسمع حتى حاجة متحبهاش و لا قلبها يحبس و تموت
و كي فاقتلوا راه مع وحدوخرا....😢😢😢 ( مكملتش طرطڨت بالبكا )
حكمها امير من يدها و مسحلها دموعها : خلاص اذا ماركيش قادرة تحكي ما تحكيش
سارة : مور ما ماتت ماما جاب هذيك و تزوج بيها قاتلو مانيش حابا تخلي حتى حاجة تفكرك فيها و هو رماني عند جدي حرمني من ماما و زاد حرمني منو راحو في زوج و خلاوني 😢.... ( تنهدت ) من تما والفت كامل يروحو و يخلوني😢 ( تبكي بالشهقة )
امير : بصح انا جامي راح نخليك
سارة : امير برك تعيش ، انت ثاني راح تروح عندك رانية تحبها
امير : مانحبهاش سارة😑 .... نحبك انت❤
سارة : 😳😳😳
امير : خلاص مانقدرش نعيش بلا بيك ، مهدرتيش معايا يومين حسيتهم 100 سنة ، وليت نحب كل حاجة تاعك ريحتك مشيتك هبالك كاش تهدري كاش تتلفلك كي نقرب ليك حتى ديك الخزر لي تخزري بيها كي تكوني مقلقة و نعشق فيها 😍😍
سارة غير تسمع و ماشي مأمن😳😳 دموعها يطيحو و قلبها ماشي واسعها من الفرحة هو يحكي حتى يشوف فيها تقرص في روحها
امير : واش راكي ديري ؟ 😧
سارة : صح هاذي مانيش نوم
ناضت قدامو و بدات تدور في الشومبرة تتفكر كيفاش دارلها على جال رانية
امير يضحك عليها : واش راكي ديري يالمهبولة😂
دارت ليه سارة : مي انا منحبكش
امير : تحبيني 😜
سارة : منحبكش شكون قالك نحبك ؟
امير : انت قلتي لدارين نهار كنا ناكلوا و قتيلها ما يفهمش...
سارة : من ثما و انت علبالك😳😳
امير : و محبيتش نهدر باش مانحشمكش 😜😇
سارة : لالا فهمتني غالط منحبكش
امير فهمها بلي مزالها زعفانة عليه محبش يفورصي عليها ...
سارة : راني داخلا نغسل وجهي
دخلت و بدات تغني بلعقل و تشطح مالفرحة بعثت مساج لدارين حكاتلها و خرجت صابتو مزال مارقد
سارة : مازال ما رقدت
امير : كنت نسنى فيك مقدرتش نرقد بلا بيك
سارة تمتم ( ا يماااا قلبي😍😍😭 )
امير : ارواحي
سارة : وين نجي ! 😳
امير : ترقدي 😜😈
قعدت فوق البونك دخلت داخل لغطا و عطاتو بظهرها و قلبها يخبط يخبط... حاس راح يخرج من بلاصتو هي هكاك حتى حست يد حوطتها في كرشها
سارة : 😳😳
 امير قرب ليها و بقى يشم في شعرها و معنقها من اللور سنها تهدر ما قاتلوا والوا دارت روحها راقدا و محستش ( عجبها الحال الستوتة ) تبسم هو 😈 و رقدو هكاك------------------------------------------------
طلع النهار فطنت ماصبتوش قدامها ناضت تضحك و تعنق في المخدة لي كان راقد عليها كي المهبولة تشم في ريحتو حتى خرج من الدوش
امير : صباح الخير 😁
رمات لمخدة : صباح الخير
سوطات من بلاصتها و دخلت لدوش كملوا حبطو شربو قهوة ڤاع كيف كيف باباها كان خرج صباح بكري رجع لإسبانيا لحق وقت الفطور مشطو و لبسو جاز كلش بالطبع و مليح ..... كملوا و رجعت سارة و امير لدارهم دخلت لبيتها لبست بيجمتها و راحت للكوزينة كاش ما تأكل طلت في الصالون صابت امير يتفرج
سارة : واش راك دير
امير : راح نتفرج فيلم
سارة : فيلم ؟
امير : فيلم تاع خوف
سارة : نشوف معاك
امير : ماتخفيش ؟
سارة. : لالا .... اصبر ما تبداهش نروح نوجد popkorn ونجي
راحت وجداتو و قعدو يتفرجو و يأكلو كيف كيف
امير : كليتيه كامل 😜
سارة : راك تحسبيلي 😒
امير : لالا عقلي مايقدرش يحسبلك ميكفيش باش يحسبلك 😜
سارة : انا وجدتوو نأكل كيما نحب 😳😡
امير : هههه كولي 😂
هما يتفرجو و هي ( اه بلاكي تدخلي بلاكي تدخلي😨 ) و دخلت راسها في امير و طل بنص عين ( كي يحكمها قلي😨 ) ( حكمها ! )
امير : مزال😂😂
سارة : حكمها
امير : مزال 😂😂😂
خرجت راسها : حكمها علاش ما قتليش😡
امير : عجبني الحال و انت داخل فيا 😈😜
سارة تكاكات بعدت عليه و سڤمت روحها و دارت للتليفزيون تشوف محبتش ڤاع تعاود تخزر في امير
امير : 😂😂
قعدو يتفرجوا جازت واحد الساعة سارة بدات تثاوب محستش بروحها حتى حطت راسها على كتافو زاد نص ساعة و خلاص الفيلم
امير : سارة خلاص
سارة : ----
عرفها بلي رقدت ناض رفدها بلعقل و داها لبلاصتها غطاها ..... نحلها الشعرات لي كانو على وجها بيدو ( نوعدك نسيك في ڤاع واش عشتي ماشي مليح معايا و نخليك تسامحيني ) ممبعد باسها من خدها و خرج خلاها
❣الحلقة 25 ❣
طلع الصباح ناض امير لبست ( la photo ( و خرج من بيتو لقى سارة لابسة و قاعدة تشرب القهوة
امير : وين راكي رايحة ؟
سارة : نخدم
امير : تخدمي 😧! وين تخدمي
سارة : راني رايحا نخدم مع رحاب تفاهمنا على كلش
امير : تخدمي في الشركة تاعي !😈
سارة : توصلني معاك ؟
امير : انا مزال باش نروح ( خزر في ساعتو ) مي انت راكي روطار
سارة : معليش نهار اللول برك
امير : ليوم برك
خرجو ركبت معاه و راحو كيف كيف لحقوا لشركة هي دخلت ورالها وين تخدم و هو راح لبيرو تاعو و عيط لرحاب
دخلت رحاب خايفة كاش ما يقلها على جال سارة تعرفو واعر : عيطتلي
امير : ايه ادخلي ريحي
رحاب : انعم
امير : جبتي سارة تخدم معاك
رحاب : ايه شفتها حابَ تخدم و مكاش بلايص فارغين في الشركة هنا الوغ قتلها اذا حبيتي نديرك سكريتيرة تاعي و هي حبت
امير : أوكي ( بقى يخمم )
رحاب : زعفت ؟
امير : لالا مي دوك نفهمك واش ديري .... روحي ليها قوليلها خدمتك تبدلت و وليتي سكرتيرة تاع امير
رحاب : متحبش قتلها في الاول
امير : تحب تحب قولها لازم و مكاش كيفاش ممبعد بعثيهالي
رحاب : أوكي
خرجت من عندو و راحت عند سارة قاتلها واش قالها امير نص ساعة سمع امير دقديق في بابو
 دخل
دخلت سارة : قالولي نخدم معاك !
امير : ايه انا خاصتني سكرتيرة
سارة : مانيش حابا نخدم معاك راني حابا نخدم مع رحاب
امير : علاه تخافي تكوني قريبا مني 😈
سارة : لالا واش دخل هذي ؟ 😒😵
امير : انا في رأيي راكي خايفة😜
سارة : مانيييش خايفة 😠
امير : نتخاطروا !
سارة : على واش ؟
امير : لوكان تحملي تخدمي عندي شهر و لوكان متقدريش تكمليه نرجع انا و أنت نروقدو في بيت وحدة 😈
سارة : كيفاااش 😳
امير : راكي خايفة تخسري !
سارة : لالا كلمة خسارة متڤزيستيش في حياتي😎 .... و لوكان نربح و باينة انا نربح نهار لي مور ما يخلاص الشهر ديرلي ڤاع ڤاع واش نحب
امير : أوكي تفاهمنا ، كاين قواعد تاع الخدمة دوك شويا نعيطلك جي تديهم
سارة : وين راه البيرو تاعي
امير : قبل ما تدخلي للبيرو تاعي كاين بيرو .. هذاك هو
خرجت و غلقت الباب و قعدت في بلاصتها تحكي مع روحها : بيرو كيما الناس معطهوليش زعما يحبني 😑
جا وليد صابها تحكي مع روحها
وليد : سارة ! 😯
سارة : صباح الخير cv خويا ؟
وليد : cv حمد الله و انت ؟
سارة : الحمد الله
وليد : واش راكي ديري هنا ؟
سارة : نخدم
وليد : تخدمي !!!
سارة : ايه
وليد : مليح bn courage ختيتو 🙂.... اميير راهو هنا ؟
سارة : ايه راهو الداخل
وليد : راني داخل عندو
دخل عندو وليد : جبت سارة تخدم عندك ! 😂
امير : خلينا نقولو هي حبت
وليد : ربي يعونها عليك😂😜 ... جيتك على هذوك لي رحت على جالهم لفرنسا و درنا شركا معاهم
امير : ايييه ...
وليد : عندنا اجتماع معاهم اليوم نروحو نفطرو
امير : اه معلباليش خلاص أوكي
وليد :.راني خارج نعيطلهم و نتفاهمو
امير : عيط لسارة معاك قولها جي عندي
وليد : أوكي
خرج عيطلها دخلت
سارة : عيطتلي ؟
امير : ايه ( عطاها ورقة ) هذو هوما الشروط تاع الخدمة هنا
سارة شدتها عليه و خرجت تقراها صابت مكتوب فيها
{ 1 المدير يعيطولي مسيو من بابا الاحترام ( نعيطلك مسيو حطبة يا خي حالة😒 ) 2 / الخدمة عندها وقت منقبلش الروطار تبدأ من 4_16 3 / الاحترام في العمل 5 / تنفيذ كل أوامر المدير..... و عدم تنفيذ هذه القواعد يؤدي الى الطرد}
طوات الورقة وحطتها شوية و صونا تيليفون عيطلها دخلت عندو قالها جيبيلي قهوة
سارة : خدمتي نجيبلك قهوة ! 😒
امير : خدمتك ديري ڤاع واش نقول 😈
شدت روحها و خرجت راحت جابتلو قهوة حطتهالو و جات خارجا عيطلها ؛ باردا هذي القهوة جيبلي وحدوخرا
سارة : بردت في الطريق 😠
امير : أروحي تجري باش ماتبردش
جات تهدر😡 خزر فيها 😈حكمت روحها بسيف و راحت بدلتهالوا
امير : دوك شويا نخرجو عندنا فطور عمل
سارة : أوكي
امير : أوكي واش !
سارة : أوكي ... مسيو امير ( ضحكت ضحكة صفرا )
و خرجت
لحق وقت لفطور خرج امير و سارة و وليد و راحو وين تفاهموا يتلقاو فيه دخلوا قعدوا في الطابلة و يسناو هذوك الرجال يلحقو ........ حتى لحق راجل و مرا و بداو جايين من البعيد
امير و سارة : 😳😳😳
وليد : هذيك ماشي رانية لي راهي شادا فؤاد من يدو😳 ( شريك تاعهم الجديد و رانية كانت جاية معاه منحيا الحجاب و مسڤما روحها مليح قريب معقلوهاش )
المهم لحقوا لطابلة امير بقى غير يخزر مافهم والوا و سارة ليناغ طلعوالها ، مد فؤاد يدو و خمس معاهم ممبعد عرفلهم رانية على انها يدو اليمنى مدت هي يدها و خمست مع وليد كي لحقت لأمير محبش يخمس معاها
امير : وليد نوض دقيقة نسحقك
بعدو شويا على الطابلة
امير : واش هذا هبلت انت دوك و حبيت تهبلني 😡
وليد : و الله مكان علبالي ، انا تفاهمت مع فؤاد مفهمتش مين خرجت هذي رانية
امير : دوك نهدرو معاهم نفسخوا شراكة 😡
وليد : امير لالا راح نخسرو بزاف ... بركا ياخو حنا من وقتاش ندخلو حياتنا الشخصية في الخدمة
امير ( خمم مليح ) : أوكي خلينا نكملوا و نشوفو وين راهي حاب توصل 😡😡
 عاودو راجعوا لطابلة لقاوهم ڤاع ساكتين قعدوا دومنداو الماكلة و قعدوا يتفاهموا على الخدمة و امير يحكي نورمال كيشغول جامي عرف رانية و سارة ساكت الجنون طالعين لها كملوا و تفاهموا على كلش و قالهم فؤاد غدوة يبعثلهم رانية لشركة باش يكملو يسينيو على الورق لي بقاو
ناضو رانية راحت ركبت مع فؤاد و وليد ركب في الطونوبيل تاعو و سارة ركبت مع اميرفي الطريق في زوج ساكتين ممبعد نطقت سارة : راح تخدم معها نورمال ! 😒
امير : ايه
سارة : أوكي قادرة الحياة ترمي قدمنا صدف بزاف مي كيان صدف ميدخلوش لعقل
امير : واش معناه هذا دوكا
سارة : كان علبالك بلي راح تخدم معاها ؟
امير : مكانش علبالي
سارة : مليح دارتلك surprise دوك نروح خدمو كيف كيف مليح ...و انا نتنحا من الطريق
امير : سااااارة 😡😡
سارة : واااااش 😡
حبس امير الطونوبيل حتى سارة راحت و عاودت ولات
امير : جي و لا ماجيش تخدم و لالا ماني نحس قدمها بوالوا و ماهي تعنيلي والوا حبسي من تشناف و حبسي ما ترمي في الهدرة قتلك بلي نحبك انت 😡
سارة شافت فيه و قلبت عينيها سكتت خافتو وهو عاود ديمارا لحقت لشركة هو دخل للبيرو تاعو خبط الباب وهي قعدت في البيرو تاعها عيطت لدارين رفدت عليها و حكتلها كلش
دارين : قلك بلي نحبك خلاص
سارة : معلباليش راني حسا بحاجة و خايفة شفتو كاش كان يخزر فيها كي كانت شادة هذاك فؤاد و كي كانت تهدر راني خايفة يكون منسهاش صح و يعاود يرجع يحبها 😟😔😔
دارين : ايه انت متخليش هذي الحاجة تصرا متخليهاش تديه و متنسايش انت راكي مرتو و هي والوا
سارة : واش حبيتي ندير
دارين : ماديري والوا كوني غير سارة صحبتي لي نعرفها لي ما تغلبها حتى حاجة رجعي كيما كنتي و وقفي في وجها
سارة : اي معلباليش واش ندير بلا بيك مزيا راكي في حياتي ❤
دارين : متخميش و متزعفيش روحك ❤😘😘
سارة : خلاص انا نكوبي نخاف يخرج و يحاوزني ونخسر باي
كملت سارة تخدم امير معاودش ڤاع عيطلها لحقت 3 تاع العشية خرج وقفت هي : نروحو خلاص
امير : انا نروح انت مزال تكملي ساعة
سارة موراه : ياخي لوحة ياخي😒😡😡
❣الحلقة 26 ❣
كملت سارة خدمتها لحق الوقت لي تخرج فيه خرجت حكمت طاكسي و رجعت لدار و دخلت ديراكت لبيتها وقعدت بدلت حوايجها و خرجت تحوس على امير حوست في بيتو مكاش و في الصالون كيف كيف خرجت لجنان مصابتش زادت مشات la salle de sport صابتو تما قعدا تتفرج فيه هذا الكور لي عندو و كتافو لعراض ذابت و ماتت 😍😍و هو منتبهلهاش هي غايسة هكاك حتى يجيها صوتو بلا ما يشوف فيها : علاه راكي تتفرجي ارواحي ديري انت ثاني
سارة : لالا محبيتش ندير
حبس واش كان يدير و قعد يقرب ليها و هي تبعد حتى ضربت في الحيط : حبيتي تبقاي تشوفي فيا ؟ 😂😜😈
سارة تلفتلها و حمارت من خدودها : اه.. لالا... ماشي
مخلاهاش تكمل باسها من خدها و خرج يضحك
سارة : اي يا ربي انت عاوني 😨
هو راح دوش و هي طيبت لعشا حطاتو تعشاو قاعدين مڤسرين ويضحكو كملو وكل واحد راح يرقد في بيتو

-----------------------------------
طلع النهار ناض امير حوس على سارة صابها سبقاتو لبس و خرج راح لشركة شافها من البعيد بدا يتبسم 😈
امير: صباح الخير راكي مبكر
سارة : ايه داقتلك ... اه و لا خفت تخسر
امير : اذا كملتي تهدري معايا هكا انت لي راح تخسري ( غمزلها )
جا داخل للبيرو عاود طل عليها : تاخذي رايي كل ما تجي صباح عاودي ضربي طل على الشروط : 😡😡
قعدت سارة لاهيا مع الخدمة و امير مهبلها خطرا جيبلي و رقة خطرا قهوة و هي غير صابرة كانت قاعد في البيرو تاعها حتى تلقى رانية وافقا عند راسها : هههه هذي هي خدمتك خدامة عند راجلك يعرف يرجعك لقيمتك مليح
سارة خزرت فيها و تبسمت : واش ندير الجري مور الرجال المرفهين و اللصيق فيهم خدمتك ، حوست لقيت غير هذي الخدمة
رانيا : اه و سريقة الرجال خدمة شكون !
سارة : ما سرقتلك حتى واحد انت معرفتيش تشديه de tt façon منخافش عليك ماطولتيش و لقيتي وحداخر
رانيا تقلقت😡 : ضحكي و فرحي دوكا امير يحبني انا و ميقدرش ينساني لوكان شفتي واش عشنا كيف كيف واش جوزنا و هذي نقدروا نجوزها و انت تبقاي لخلا داك الوقت نشوفو كاش تضحكي مليح .... دوك قوليلو بلي جيت
سارة عيطتلوا قاتلوا هو قالها قلها تدخل و سارة قعدت مورها تضحك على روحها و تحكي ( يا خي جايحة باينة بلي راح يرجع ليه باينة بلي يحبها هي 😏..... يهدرلك زوج كلمات ملاح تفشلي.... فيقي مع روحك بيناتكم عقد برك حتى زواجك ماشي صح .... افطني😔😑 )دخلت رانيا عند امير و مشات قعدت مقابلتو
امير : وين راهم الورق ؟
رانية : اميير تعيش ماتهدرش معايا هكا 😔
امير : خلينا نخدمو و بركاي من الهدرة الزيادة ، عطيني هذو الورق نفريو كلش و بسلامة
رانية : مسمعتنيش même pas امير انا مكنتش حاب ندير هكا 😔
امير : راااانية 😡😑
رانية : هددني بالتصاور مكنتش حاب ندير هكا انا نحبك انت امير 😢
امير : ههه تصاور و هددك حكاية شابة ..... مي قديمة 😏، شوفي العفسا تاع تدخل و ديري شراكا معايا و انا نقول نورمال و نجوزها هذي لالا 😒......... الحاجة لي راكي حابة توصليها جامي راح تقدري توصلي ليها فهمتي ( غمزلها ) دوك متحكليش حياتك مديلي لورق هذو نسينيهم و طيري منا بينتنا خدمة برك 😑
رانية سكتت تعرفو مليح كي يتقلق عطاتو لورق و تفاهمو على كلش و خرجت من عندو تضحك بلعاني قدام سارة سارة كي شافتها دورت وجها ....... شويا و عيطلها امير تجي ليه ناضت دخلت عندو مدلها الورق : هاذو كي يجي وليد عطيهملو
سارة ( كانت مشنفة و بانت عليها ) : ايه ( شدتهم عليه و جات خارجا )
امير : واش بيك
سارة : والوا ( بالتشناف )
خرجت و غلقت الباب و قعدت في البيرو تاعها شادا البكية بسيف حست هذاك النهار محبش يخلاص لحقت العشية امير خرج و هي كي كملت خرجت راحت لدار مصابتوش تما لحق الليل جا صابها توجد في العشا
بدا يحكي معاها و هي جاوبو غير قيس قيس
امير : سارة واش بيك واش كاين كاش ماركي مخبيا عليا
سارة : مكان والوا ( وحاكم روحها بسيف باش ماتبكيش)
امير : كاين حاجة .... كاش ما قاتلك رانية كي جات ؟
سارة بلا ما تحس عينيها تغرغرو بالدموع دارت للبوطاجي باش ميشوفهاش : ما قتلي والوا
ناض من بلاصتو و قرب ليها و دورها ليه : واش قاتلك ؟
سارة طاحتلها الدمعة و بدات تهرب بعينيها محبتش تشوف فيه : البصل علابيها عينيا دمعو
بدا يمسحلها في دموعها : أوكي متقوليش واش قاتلك .. سارة جات على جال الخدمة.... جامي راح نولي ليها و لا حتى نخمم فيها
قاطعاتو سارة : مادخلنيش .. علاش راك تبررلي .... حنا زوجانا عقد برك يخلاص يخلاص كلش و كل واحد يروح في طريقو
بعد عليها
امير : هكا !😒 ..... مفهمتش كاش نفهمك......... مزال تهدري على العقد 😡😡.... مفهمتش كاش نهدر باش تفهمي
سارة : ah bn دوكا وليت انا لي منفهمش .... مليح
خرجت و دخلت لبيتها خبطت الباب و امير حكم الطبسي لي قداموا خبطوا فالأرض و خرج راح موراها يطبطب : سارة حلي الباب 😡
سارة : منفتحش 😡
امير : سارة حلي ر** الباب و لا و الله غير نكسرو😡😡
سارة : اه واش راك تهدر مانفهمش انا .... عاود قلي بلاك نقدر نفهم
امير : سااااارة فتحي 😡
سارة مااااااا ن ف ت ح ش 😡
امير : اوكي ... بلاكي من مور الباب
و بدا يخبط في الباب باش يحلو
سارة : واش راك دير 😵😳
مكملتش هدرتها حتى كسر الباب و فتحو
سارة : 😳😳😳
امير : واش هذو ليجاست لي راكي ديري فيهم 😡.... راح تهبليني دوكا 😡😡
سارة : كسرت الباب 😵😳
امير : خلينا من الباب ، لبارح كنت لباس بيك واش تبدل مفهمتش ، على دقيقة لي جات فيها نسيني لورق !
سارة : -------
امير : متهدريش ! 😡
سارة : ما نهدرش مانيش حابة نهدر
غمض عينيه و تنهد : اوكي متهدريش ليوم غدوة نهدروا
و خرج و طبع الباب موراه
❣ الحلقة 27 ❣
طلع النهار ناض امير مصابش سارة في الدار لبس راح لشركة لقاها قاعدة في البيرو تاعها قعد في الكورسي و قابلها : تكالميتي شويا ؟
سارة : ايه ( بالتشناف )
امير : سارة علبالي بلي ماركيش دايرا فيا confiance من مور واش خليتك تعيشي و علبالي جاتك واعرة تأمني بالحب تاعي من جيهتك .... بصح معليش مانيش مقلق يجي نهار وتفهمي شحال نحبك
سارة كي سمعاتو يهدر هكاك ما صبت ما تقول حبت غير تسوطي عليه و تعنقوا مي هو كان ناض و دخل للبيرو تاعو 😜
جازت سمانة حاجة ما تبدلت سارة تنحلها زعاف من مور هدرة امير لحق واحد النهار الشركة تاع امير و تاع فؤاد نظمو حفلة كي خرجو رابحين في المشروع الاول تاعهم لحق الليل امير لبس سموكينغ تاعو و سارة لبست خرجت تهبل
امير : ماتروحيش انت سارة
سارة : علاش 😓
امير : هكاك مخلطة بزاف مانيش حابك تروحي
سارة : مخلطة ! مي انت راك رايح 😏
قرب ليه و ميل راسو عند وذنها حتى بدات تحس بالنفس تاعو في رقبتها همسلها : راكي شابة بزاف مانحبش حتى واحد يشوفك هكا 😍
وسارة يابسة في بلاصتها
جبد راسوا و بقى يشوف في عينيها ... نيفها .... فمها
سارة : بصح رانية راح جي
امير ( بدا يضحك عجبو الحال كي شافها تغير عليه ) : خليها جي 😂
سارة : نروح انا ثاني .... مام انت راك شباب هي تشوفك هكا
امير : 😂😂😂
سارة : مانيش نضحك ... نروح
امير : تروحي مي تبقاي قدامي
دارتلو سارة ايه برأسها و ضحكت ضحكة صفرا
__________
وصلو كانوا دايرين الحفلة في أوتال شدت سارة امير من ذارعوا و دخلوا كيف كيف و بداوا يحكو مع الناس طول الحفلة و هوما مع بعض و رانية غير تشوف من البعيد و تتغزل
امير : سارة راح نجيب كاش حاجة نشربها نجيبلك ؟
سارة : لالا
راح يجيب شافتو رانية تبعاتو ، وقف يعمر واش كان راح يشرب
رانية : علاش راك ديرلي هكا 😔
دار امير : واش جيتي ديري انت هنا 😒
رانية : عمبالك مانيش فاهما راك دير هكا باش تنتقم مني ..
امير : هكا تصبري روحك انت ! 😏
قربت ليه و حكماتو من يدو هو جبدها عليها : امير انت ما تقدر تحب حتى وحدة من غيري ... علاش راك تعذب فيا هكا 😔😢
امير : مي حبيتها هي... حبيتها و علبالي بلي جامي ديرلي واش درتي انت ، هذيك مرتي و نحبها نموت عليها ، و انت مانيش دايرلك ڤاع ديك القيمة باش نخمم ننتقم منك 😉
رانية : لالا راك تكذب انت تحبني انا متقدرش تحب خامجة كيما هي
امير : تزيدي كلمة نكسرلك فمك ، نحبها 😡😡
هو يهدر رانية شافت سارة جاي من البعيد حكمت امير سوطات عليه و باستو سارة شافت تشوكات الدم نشف فيها و رجعت تجري خرجت من هذاك لوتال ...... امير طبع رانية
امير : بلاك تزيدي ديري حاجة كيما هاذي مترخصيش روحك ڤاع هكا .... و نزيد نلقاك دور من جهتي و لا من جيهت سارة ندمك 😡😡
و راح و خلاها رجع لبلاصتو ماصابش سارة
امير : رحاب سارة وين راهي ؟
رحاب : كانت جايا عندك متلاقيتش بيها
امير : وين جايا عندي 😳
رحاب : كي شافتك طولت قاتلي نروح نشوفو ... واش كاين امير
امير : اوووووووووووف 😩😳
راح يجري سقسى عليها عند الباب قالولو خرجت ، خرج ركب في الطنوبيل تاعو و راح يحوس عليها في الطريق يخبط في الڤولون و يسب حتى شافها من البعيد تمشي على طرف طريق راح موراها و بدا يتبع فيها بلعقل بالطونوبيل و هي تمشي
امير : سارة ركبي
سارة : امير روح عليا 😢( تهدر و تبكي )
امير : سارة قتلك اركبي خلينا نهدرو
سارة : ما عندي ما نهدر معاك روح عندها خلاص منسحقكش😢😢
قاطعلها بالطنوبيل و حبط حللها الباب : سارة اركبي
جات رايح حكمها من يدها : طلقني مانركبش... بسيف ! 😡
امير : ايه بسيف... سارة ركبي و لا نركبك بلافوغص
سارة : مانركبش واش دير 😡
رفدها طلعها في الطنوبيل كوانسا الباب و ركب و قلع
سارة : امير دوك تحبس 😡
امير : ما نحبسش حتى نهدر.... واش شفتي غالط
سارة : ايه غالط 😏، دوك تشوف 😡
حكمت التيليفون خطفهولها حبط الكارو تيراه من التاقة و عاود طلع الكارو
سارة : مهبوووووول ... واش درت 😡
امير : منبعد نشريلك وحداخر
سارة : امير حبس الطنوبيل😡😡
محبش يحبس لحق عند البحر ڤارا حبط من الطنوبيل و حللها الباب : احبطي
سارة : منحبطش وين جبتني 😡
امير : تموتي لوكان ماتيبسيش رأسك ياك ... سارة يا تحبطي يا نحبطك كيما طلعتك
سارة : 😡
امير : اوكي
حكمها رفدها على كتافو و هي تخبطلو في ظهروا : حبطني
كمل بلا ما يحبطها ركبها في اليخت تاعو و قلع بيه
❣الحلقة 28 ❣
سارة : راه يتحرك😲 ... امييير دووووكااا تحبس 😡
بداو يبعدو بلعقل حتى مولاوش يشوف الارض ممبعد حبس و حبط وين كانت واقفة
سارة : و الله غير ندخلك للحبس هذا واسمو خطيف ..... خطفتني 😡😡
امير : روحي قوليلهم راجلي خطفني و نشوف شكون يأمنك 😏
سارة : راجلي !! بينتنا عقد برك
امير : سارة متزيديش تجبديلي على ر*** العقد هذا 😤😤
سارة : امير ارجع مانيش حاب نهدر معاك 😡
امير : مانرجعش حتى نهدروا ... سارة هي باستني
دارت يدها على وذنيها : مانسمعش ... رجعني و لا نرمي روحي منا ... و الله غير نديرها
امير : ديريها.... ترجعي تعومي وقيلا 😏
سارة : ما دخلك 😡😡
امير : سارة دقيقة برك نفهمك
سارة : ماتفهمنيش شفت و فهمت وحدي 😡
امير : ايه واش فهمتي غالط .... سارة و الله غير كنا نهدروا ممبعد مفهمتش كيفاش باستني
سارة : ايه هكا صرا باينة
وراحت باش ترمي روحها طلعت فوق ليبارو
امير : سارة حبطي من تما دوك طيحي 😨😳
سارة : منحبطش رجع و لا مانحبطش 😡
امير : صحا احبطي و نرجعو😨 ... سارة طيحي يار** طيحي 😨😡
سارة : منحبطش حتى ترجع...
جات تزلق حكمها من يدها و جبدها جابوها في الارض في زوج
امير تقلق : بلااااااكي تعاودي حاجة كيما هاذي 😡.... لوكان طحتي😨😨😡😡
سارة : لوكان مترجعنيش نعاود 😡
امير : سااارة 😡... راح نخرج من عقلي 😡😡
حكمها رفدها و هي تخبط دخلها شومبرة و غلقها بالمفتاح و خباه في جيبو و قعد فوق البونك
سارة : انت واحد مهبوووووول😡😡 ، و الله غير تخلص واش راك دير دوكا 😡😡
امير : ريحي فآلكورسي كي تتكالماي نهدرو
سارة : منهدرش خرجني منا 😡
امير : ماكنتش حاب نحيبك بسيف مي مكاش كيفاش تخليني نهدر معاك a par هكا
سارة : هنا و منهدروش😡😡
قعدو مريحين ساعة و زوج و واحد فيهم ما هدر زاد شويا نطق هو : انت déjà ماتحبينيش علاش زعما داقتلك 😏
سارة : ايه منحبكش و نروجعوا منا نطلق منك 😡
امير : علاه راكي ديري هكا دوكا ؟
ناضت من بلاصتها : وااااش راني ندير انا.😡......اه ..... واااش راني ندير😡 .... انت لي كنت واقف تبوس فيها 😡😡
امير : ماشي انا بستها هي باستني رحت نجيب نشرب لحقتني قتلها بقاي بعيد عليا مفهمتش كيفاش سوطات و باستني و انت لوكان زدتي قعدتي شويا برك لوكان شفتي بلي بعدتها ، .........وقتاش تفهمي بلي انا نحبك انت سارة ، علبالك واش معناه نعيش معاك في دار وحدة منقدرش نقرب ليك و لا نشم ريحتك ، علاش راني صابر ....... انا نقول معليش مانخليهاش تزيد تكرهني........ ، و انت جايا تقوليلي عليها .......😡 ، سارة هي خدعتني علبالك شحال كنت نحبها و خدعتني ........ممنبعد جيتي انت رجعتيني لحياة حتى بلا ما تفيقي على جالك راني واقف و عايش...
سارة : 😯😢😢
قرب ليها و مسحلها دموعها : مقلتش هكا باش نبكيك ، سارة دموعك غاليين عليا نتمنى نموت و منشوفهمش يطيحو ، و ديري في بالك بلي جامي نخمم نقرب ليك و لا ندير الحاجة لي تزعفك...
مكملش هدراتو حتى سارة جبداتو من التريكو وقفت على طراف صبعتيها باش تلحقلو و حطت شفافها فوق شفافو ممبعد جبدت عليها بلعقل بقات الجبها تاعها لاصقة مع الجبهة تاعو و تبسمتلو هو تبسم و عاود حكمها هجملها على شفافها قطعلها النفس و صرا واش صرا .... 🔞🔞🔞😈😈😛😜----------
فطنت سارة الصباح صابت روحها راقدة في حضنو عنقاتو و غمضت عينيها شمت ريحتو 😊 😍ممنبعد ناضت حلت الخزانة صابت تريكو تاعو لبساتو جاها روبا و خرجت و وقفت طل كانت الشمس بدات تشرق البحر صافي السما الشمس ... ...شويا حتى حست واحد عنقها من اللور و باسها من خدها
امير : صباح الخير 😀
سارة : صباح الخير 😀☺
امير : لبستي تريكو تاعي بلا ماتسقسيني
سارة : مجانيش شباب !
امير : واش تلبسي يجيك شباب ، بصح ديتيلي عقلي من راسي 😍
سارة خدودها حمارو حشمت ☺ حبت تبدل sujet : امير أيا نعومو
امير : 😂😂😂 تعومي معايا ؟ 😈
سارة : نعرف نعوم وحدي
امير : 😂😂😂
كان لابس غير شورت و قف و تشبك في الما : ارواحي الما راهو هايل
سارة : معنديش مايو
امير : نحي التريكو و ارواحي 😈
سارة : لالا
وتشبكت كيما كانت قعدو يعومو و يلعبو كيف كيف 😍😍
❣الحلقة 29 ❣
جاز نهار شباب بزاف كي بدات تغرب الشمس رجعوا تعشاو برا و دخلوا لدارهم شعل التيليفون تاعو لقا وليد و رحاب معيطينلو شحال من خطرة عاود لوليد هدر معاه و هي دخلت لبيتها حكمت PC و عيطت لدارين ف Skype و حكتلها كلش شويا و سمعت طبطيب في الباب امير دخل عليها : واش ترقدي هنا ؟ 😈
سارة : اممم نرقد وين تحب انت ☺
امير : وين نحب انا !! انا نحب ترقدي في حضني و بين يديا ❤
سارة خدودها حمارو قرب ليها و باسها منهم : ههههه سارة تحشمي مني 😂
سارة : لالا،، ماشي
امير : و تتلفلك 😂😂😍
سارة : امير بركا
امير : منقدرش تعجبيني كي تولي هكا 😂😍....... ايا نوضي معايا
سارة : امير دقيقة نهدر معاك
امير : كاش مكاين ؟
سارة : دوكا انا منقدرش نرجع و العقد خلاص
امير : ايه ...
سارة : سبيطار امير كيفاش ندير
امير: انت قتيلي عندي les amis تاعي راهم يخدمو فيه و جدك يخلصهم يداوون باطل
سارة : ايه
امير : خلاص مالا نفتحلك هنا واش تحبي dicpnsare و خدمي
سارة : صح ! 😄😃😀
امير : ايه
سوطات عليه عنقاتو : صحا صحا صحا 😃😍😘😘
امير : حبسي خنقتيني يا المصيبة
جبدت روحها : من الفرحة محسيتش ، أوووف ريحت و جدي معرفش بالعقد لوكان عرف متفراش علينا
المهم رقدوا كيف كيف و الصباح ناضوا راحو لشركة كانت رانية تما شافتهم داخلين اليد في اليد ركبولها الجنون و هي واش دارت راح في باطل بدات تخمم كيفاش دير باش تفرق بيناتهم و ترجع امير ليها ، راحت عند فؤاد
رانية : راهم كيف كيف ڤاع واش درت مفهمتش كاش راهم كيف كيف 😡
فؤاد : خلاص معناه راه يحبها هي ماشي انت حتى انا و رحت معاك في باطل و تكلت عليك و خدمتك معايا انا كنت حبها من نهار العرس شفتها و انت قلتيلي بيناتهم عقد و راح يطلقوا 😑
رانية : اصبر فؤاد ، خليلي وقت برك
فؤاد : مكان حتى وقت مابقاتلي حتى خدمة معاك انت مراح تخلي امير يرجع ليك و سارة ماراحش ترجع تاعي ، اصلا باينة حمار اذا خلها على جالك
رانية : فؤاد لازم تعوني و... و لا نروح عند امير نقولوا كلش و متبقى لا شراكة لا والوا و تخرج خاسر
فؤاد : راكي تهددي فيا 😡😡
رانية : فمها كيما تحب دخلنا في هذا الحاجة كيف كيف لازم تعاوني
فؤاد : فاش نعونك 😡
رانية : جدهم .. جدهم اذا عرف بحكاية العقد لي بيناتهم راح تتخلط الحالة على حساب واش كان يحكيلي امير جدهم واعر بزاف حتى هو و ميقدرلوش
فؤاد : اوكي نمشي معاك في هذي ، مي المرة الاخرى اذا ما نجحتيش ما تبقالي حتى خدمة معاك
رانية : ايه لازم نوصل لجدهم و امير نهار تفاهمو على العقد عند المحامي عطاني نسخة زعما يصبرني بيها سما دليل عندنا
فؤاد : خلاص انا نخليك تتواصلي معاه
المهم تفاهموا على كلش جاز شهر و سارة و امير متفاهمين مليح و كل واحد يزيد يحب لخر كثر و يتعلق بيه امير ما مهبلها ما تلبسيش هكا ما ديريش هكا و هي تساعفو فرحانة بيهً....... واحد الخطرة كانت سارة قاعدة في البيرو تخدم حتى لقات جدها واقف عند راسها
سارة : جدي ! وقتاش جيت
وقفت باش تعنقو بعدها : امير راه هنا 😡
سارة : ايه راه الداخل .... واش كاين جدي ؟
دخل عند امير و قالها تبعوا و حطلوا العقد فوق الطابلة : وااااش هذا ؟ 😡😡
سارة : 😳😳😳
امير سكت
الجد : هذا العقد كاين منوا رحت عند المحامي و قالي بلي صح 😡
سارة : جدي سمعني مك..
قاطعها امير : ماشي بسيف علينا نفهموا ڤاع الناس واش درنا
سارة : امير ( ودارتلوا برأسها تاع ساعفوا )
الجد : زوجتكم درتوا عقد😡 ... هو فهمتوا ... و انتِ كيفاش درتي حاجة كيما هذي الزواج لعبة😡 ... على جال السبيطار😡😡
سارة : جدي هذا العقد كان في اللول امير ما دخلو انا درتو دوك خلاص رانا متزوجين صح
الجد : هذا الزواج لازم يحبس هنا 😡
امير كيفاااش ! 😡😡
الجد : سارة دوك نتفاهم مع المحامي يوجد وراق الطلاق تطلقوا و ترجعي معايا ... و السبيطار نغلقوا مكاااااش 😡
سارة : جدي لالا تعيش 😢
امير : ما نطلق حتى واحد😡😡 ، هذا الخطرة ماتقدرش تقولي واش ندير 😡😡
الجد : نشوفو هدرة شكون تمشي كنت تخموا هكا قبل ما تخدموا عقد
و خرج و خبط الباب امير حكم الدوزان ڤاع لي كانوا في البيرو جابهم في الارض و عيط : اااااااااه😡😡 و سارة قعدت في الكورسي تبكي :.كيفااش عرف دوك ميخليناش ، امير جدي رجو نعرفوا 😢😢
راح طابس مقابلها : ما يقدر يدير والوا ، سارة جامي نسمح فيك ، ديري confiance فيا
دارتلوا برأسها ايه 😢
امير : دوك نفريها ، علبالي شحال يهمك جدي ، مانديرش لحاجة لي تزعفك
ممبعد عنقها : راني معاك حاجة ما تصرا
❣الحلقة 30 و الاخيرة ❣
الجد خبر ڤاع العائلة عياوا معاه باش يبدل رايوا والوا امير و سارة قاعدين في الدار يتعشاو حتى جا ليهم حلتلوا سارة الباب
الجد : وجدي روحك نروحو
سارة : وين ؟ 😳
الجد : ترجعي معايا حتى نكملوا معاملات الطلاق
سارة : جدي تعيش مديرليش هكاا
جا امير : واش كاين
الجد : سارة جي معايا
امير : سارة ما تروح لحتى بلاصة تبقى هنا 😡😡
خزروا في زوج في سارة سارة نحطت في موقف وين لازم تخير بين جدها لي رباها و كبرها عطاها الحنان و بين رجلها لي تحبو و تموت عليه خمت مليح منبعد قاتلوا : جدي خلينا نهدروا ... انا نحبوا منقدرش نبعد عليه
قاطعها الجد : مكان حتى هدرة جي ولا مجيش 😡
سارة حبطت راسها و دارتلوا لالا بيه
امير : راهي جاوبتك
الجد : انتوما لي حبيتو ، تنحى اللوم عليا دوكا 😡😡و خرج خبط الباب
سارة : لوكان غير هدرة معاه راني خايفة كاش ما يديرلك 😟
امير : واحد ما يقدر يديرلي حاجة
سارة : كيفاش عرف
امير : رانية ، مكاش من غيرها
المهم رقدوا غدوة الصباح ناض امير و سارة راحوا لشركة دخل صاب وليد يسنى فيه
امير : وليد واش كاين
وليد : المشروع لي عندك عامين توجد فيه خسر
امير : كيفاش هاذي خسر 😳😨
وليد : مفهمتش جاو مشاكل معلباليش كيفاش impossible نقدروا نكملوا فيه
سارة : جدي ، جدي دار هكا
امير : 😡😡😡
دخل لبيروه و خبط الباب و سارة قعدت في البيرو تاعها تخمم شوية و دخلت ليه : راك مليح ؟
امير : ايه
سارة : امير خممت ، خليني نروح معاه
امير : متروحيش😡 ، خليه يدير واش يحب ، يخلعني ! 😡
سارة : امير سمعني تعيش الى بقينا نعاندو فيه هكا راح يزيد نعرفوا خليني نروح نقنعوا و نرجع
خبط امير يدو في البيرو : لالا 😡😡، لوقتاش يبقى يحكم فينا 😡😡
سارة : المرة لخرا تعيش امير في وجهي منحبش نروح و انت زعفان
امير : روحي معاه سمانة مترجعيش نجي نديك
المهم رجعت سارة مع جدها لحقت تما يومين و هي تسي تقنع فيه والوا محبش خطرا كانت واقف تهدر معاه حتى بدات تحس راسها يدور ممنبعد ما فقتش حتى فتحت عينيها في السبيطار دخل طبيب : راكي مليحة شويا مدام ؟ 🙂
سارة : راني مليحة . واش صرالي ؟
الطبيب : راكي في فترة حساسة بزاف لازم تبعدي على الضغوطات
سارة : اي متقوليش راح نموت😱 ... حسيت .. قولي شحال بقالي نقدر نحمل ! 😨
الطبيب : ههههه لالا فهمتيني غالط ، مدام راكي حامل
سارة : قول والله 😳😳
الطبيب : كيفاش !
سارة : راح نجيب بيبي و نولي يمات هكا قصدك 😳😱😃
الطبيب : نعم مبروك عليك
وخرج سارة الدمعة طاحتلها من الفرحة و تمنات لوكان امير كان معاها يشاركها الفرحة تاعها دخل الجد : خوفتينا عليك يا بنتي
سارة : متخافش جدي راني مليحة
الجد : علاش ما قلتيليش ؟
سارة : مكانش علبالي هذا وين عرفت .... وقتاش نخرج منا
الجد : غدوة ، راني رايح لدار نخليك تريحي الطبيب قالي لزملها الراحة غدوة الصباح نرجع
باسها من راسها و خرج و هي قاعدة تخمم كيفاش تقول لأمير .... طلع النهار سارة قاعدا تسنى في الطبيب باش تخرج حتى شافت بوكي ورد طل من الباب
سارة : جدي !
حتى دخل امير راح ليها باسها و عنقها جات تهدر سبقها : راح نولي بابات ! 😍😁😁😄😃
دارتلوا سارة ايه برأسها 😀😢: كيفاش جيت شكون قالك ، حتى دخل الجد : انا قتلو نخلي بنتي تتعذب وقيل ؟
سارة : جدي 😃
الجد : اخر مرة نسمع بحاجة كيما هذي ، انتوما دعو لحفيدي جزتو في وجهو
سارة : 😁😁
رجعوا لدزاير داروا حفلة صغيرة في اليخت تاع امير ( كيشغول عاودوا زواجهم ) لبست سارة روبا بيضا و دارت تاج تاع ورد جازت هايلة حضرو كامل دارين و صاحبها و العايلة كامل مجموعة غناو و فرحو و شطحو---------------------------
***** بعد مرور 9 أشهر *******
سارة : اميييير ، اميييير نووووض
فطن امير : واش كاين ؟
سارة : راح نولد وقيلا
ناض امير مفرفش عونها و ركبها في الطنوبيل و هو يقولها تتنفس
و هي طريق كامل : رااااح نموووت راح ..... انت درتلي هكا..... اه ياربي
امير : مارحش تموتي ، اتنفسي😨😨
لحق لسبيطار دخلوها تولد و امير مقلق عليها برا خرجت الطبيبة قاتلوا جابت ولد سماوه مهدي

و رانية حبست مع فؤاد و جاها داك المرض من الخدمة لي كانت تخدم فيها
مور مهدي ب 3 سنين جابو طفلة سماوها سيلين و عاشوا كامل فرحانين

النهاية