الحلقة الأولى :
أحبسي أحبسي من البكاء يا بقرة أحبسي أمسحي دموعك ( تهدر مع رحها و تمسح في عينيها بالقوة ) .. مايستاهلنيش الرخيس أنا الي قيمتو أنا الي عطيتو قيمة أكبر منو ....(تفلقت بالبكاء ) بصح علااااااااه عمل فيا هك وعلاه خدعني علاااااه ...علاه دموعي الرخاس ماحبوش يحبسو عليه ....خسارة عليك منذر أنت الي كنتي تقلي موحال نخلي دمعة تنزل من عينيك !!!
(الباب يطبطب ) شكووووون ؟؟
أنا ....حلي نجود حلي يعيشك أختي نهدر معاك ...
خليني قتلك موش باغية نهدر حتى مع حد خلووووني ..
(تبكي بالصوت ) خلووووني ...علابالي راح وخلاني نعرف اني موش من مستواه نعرف أني ماقدرتش نكون المرأة الي تعبي عينو و تشرفو قدام أصحابو ..
لقمان : هو الي مايوصلش لمستواك و هو الي خسر يا أختي ماتعمليش في روحك هك على خاتر ن*** مايستاهلش كون موش بابا راني كسرتلك عظامو عظم عظم ماتبكيش أختي تعيييشي ...
نجود : كيفاه مانبكيش و أنا ماعرفتش غيرو و ماحلمتش بغيرو ماحبيتش غيرو .... عاوني ننساه يا ربي ...
فاتت الأيام و نجود مازالها منهارة قافلة على رحها باب بيتها تخرج تاكل اللقمة و تدخل تقفل على رحها ....
***نرجعو شوي بالزمان
كل يوم على هذا الحال آه يا زمان أنا نجود الي كانت الرجال تتمنى نرضى عليها و نشوف معاها تزوجت بحبيبي الي ذلني و حطملي حياتي .... حكايتي موش كيما باقي الحكايات الي تفض بالزواج و الحياة السعيدة أنا حياتي فضت النهار الي تزوجت و بدات التعاسة وكرهت حياتي ....
أنا كيما قلتلكم أسمي نجود 23سنة سمرة و شعري أكحل زينة و مسرارة و عندي طاي تاخذ العقل كل حاجة فيا تركع سيد الرجال ...كنت الطفلة المدللة الصغيرونة تاع الدار أخت ل 3 ذكورة كانو يعاملوني كامل على أني بنتهم موش أختهم تربيت في عائلة مليانة حب حتى لقيت روحي عايشة في نص الجحيم ....
تعرفت على واحد العام الأول تاعي في الجامعة واش نقوللكم الزين و العقلية و القراية و الثقافة و زيد وليد عايلة محترمة
الحلقة الثانية :
كل يوم كنت نعشق فيه أكثر نحبو و نموت عليه خلاني نحس الحياة من غيرو ماتسواش و كانت أول تجربة ليا في الحب كان منذر فارس أحلامي بكل معنى الكلمة .... بقيت معاه عامين في علاقة حب علمني فيها كيفاه نحب كيفاه نبوس كيفاه نتخيل راجل معايا خلاني نتمنى نكون ليه و كيما كان الحال خرج معايا راجل و خطبني منذر و فرحت فرحت عمري ....القصة الأسطورية تاعي فضت بالزواج و في نفس الوقت حبيبي بدأ يتبدل بدات الأوامر و النواهي ديري و ماتديريش بدأ بقرايتي الي كانو مازالي عام و نكملها بصح هو حطني تحت الأمر الواقع و خيرني بينو و بين قرايتي الي كان ديما يطيحلي فيها بحكم أنو طبيب مختص و أنا كنت نقرأ حقوق كان يقلي مرتي نحبها سلطانة في الدار نروح نلقاها تستنى فيا و الحاجة الي تخصها راني هنا ....
و كيما كان الحال قبلت بالشرط تاعو و قلت نحبو و يحبني بزايد و ماسمعتش لكلام ماما الي قاتلي شهادتك في يدك للزمان الرجال مافيهمش أمان و كان مهبلني على الدخلة و الخرجة على اللبسة و الماكياج على صحاباتي و على لافامي المهم كان دايرلي الحبس كل شيء يمشي على رايو و مشورتو ....حتى كثرت المشاكل بيناتنا كي كان صاحبي يعيط في كل وقت يكونو عندو ليمالاد و يعيطلي و كي عدت خطيبتو عاد حتى في الليل يقلي تعبان و مايعيطليش
حددنا موعد العرس بعد 6شهور خطبة كنت كل يوم نشوفو يتبدل و نقول لا راهي الضغوط تاع الخدمة و المصاريف تاع الزواج حتى جاء عرسنا و تزوجنا و كل شيء كان هايل فات العرس و فات الفواياج دونوس و روحنا للدار ...كنا متفاهمين نأجلو موضوع الأولاد عام حتى نعيشو مع بعضانا و نشبعو تحواس و حب بصح هو غير روحنا قالي غير الهدرة هذي الي ماتقوليهاش أنا عمري 33سنة نحب الأولاد...و كانت أول مشكلة كبيرة بيناتنا ...
منذر : واش راكي ديري ..
نجود : نشرب في الدواء ..
منذر : متفهميش ربك انتي قتلك ماتشربيش نحب نجيب الأولاد ...
نجود : الجسم تاعي و أنا حرة فيه مازلت موش مستعدة نجيب الأولاد و هك تفاهمنا قبل الزواج .
منذر : (ضربها بكف ) كي نقلك ماتشربيش يعني كلمتي الي تمشي ...
نجود : تضربني منذر ؟؟
منذر : و نكسرلك راسك ..(هز الدواء و راح)
نجود نبكي و نعيط موش مصدقة أنو ضربني قاعدة في الأرض نبكي نستنى فيه يجي يرضيني ...نستنى يجي يقلي سامحيني غلطت ....بصح والو لا حياة لمن تنادي بكيت بكيت كي الكلبة و سكتت و ثم عرفت أنو دلال والديا موش راح يتعاود و انو الرجال قلوبهم كحل و يحبو المرأة روبو تعمل الي يحبوه و فمها ساكت ...
بدات حياتي تتعقد ...
منذر : صباح الخير ...
نجود : نحب نروح لدارنا اليوم ...
منذر : ماكانش عرضت يما و بابا ..
نجود : عرضتيهم من غير ما تقلي ؟؟
منذر : واقيلا تستني نطلب الإذن منك يما و بابا نعرضهم وقتاه نحب ...
الحلقة الثالثة :
نجود : كنت مصدومة موش مصدقة أنو هذا هو حبيبي الي كان نص هدرتو "كيما تحبي " و" الي تساعد" ؟؟؟؟ خرج و خلاني لميت الطابلة تاع الفطور و بديت نوجد للغداء كيما قالي نعلت الشيطان و قلت خلاص هذي أول مرة تجي عندي عجوزتي و شيخي لازم نستقبلهم بوجه فرحان مالڨري قلبي كان محطم ...
12:30
نجود : ألو يما واش راكي ؟؟
أم منذر : واش راكي يا بنتي ؟؟
نجود : وينكم هذا ؟؟
أم منذر : رانا نتغداو راهي مريم هنا و وليداتها هذا وين وجد غدانا ههههه.
نجود : (حسيت الأرض حبست تحت رجليا و ضربتني الدوخة ) بصحتكم يما سلمي عليها باي باي ...كوبيت و أنا مشوكيا من الراجل هذا كيفاه يقلي راني عارض دارنا أنا مازالني مصدومة حتى يدخل منذر ...
منذر : ممممم ريحت الطياب تشهي واش درتيلنا غداء ؟؟
نجود : تتمسخر بيا ؟؟
منذر : واش كاين ثاني ؟
نجود : قلتيلي عارض داركم ..!!!
منذر : أوووووف نسيت خلاه خلي خلي غدوة ...
نجود : تسمى أنا الخديمة تاعك كل يوم دايرلي الشونطي ؟؟ كل يوم أنا شايطة مع الكوزينة ؟؟
منذر : (حكملها ذراعها دورو وراء ظهرها ) كلمة مانزيدش نسمعها من فمك أني نشوف في عينيك بداو يتحلو ..
نجود : أي أي وجعتيني
منذر : أنا الراجل تاع الدار و الي نقولها تمشي ...
نجود : وعلاه تعمل هك واش درتلك واش بيك منذر ....
منذر : راح تبقاي ديما صغيرة ؟؟ راكي مرأة و لازم تتصرفي كيما النساء ...
بقيت حايرة واش صرالو الراجل هذا وعلاه تبدل عليا و من الي بدات المشاكل زادت و تعقدت حتى وصلت بيه يمارس معايا الجنس بالسيف و كنت نشري لابيليل و هو يطيشهالي و يعطيني طريحة ...من الخارج طبيب محترم و مثقف و من الداخل رجل شرقي متخلف و متوحش كان يعاملني كيما الجارية كل ليلة نحس جرح قلبي يزيد و حبي ليه يموت .
تبدلت أحوالي و الي يشوفني من فاميلتي ولا صحاباتي يتخلع كيفاه وليت و شينت و مابقيتش نعتني بروحي ...
السيد منذر ماكفاهش أنو كل ليلة يعتدي عليا كان كل شهر يديني للجينيكولوڨ يفحصني يشوفني إذا بالكرش و لا لا و كي يقلو ماكانش كان يروح يفرغ غشو فيا و يقلي أكيد تشربي في الدواء من ورايا مع أنو والله ماكنت نشرب ...و قطع عليا كل وسائل الإتصال مع دارنا و منع عليا نزورهم ....
الحلقة الرابعة :
فاتت عامين و كره مني و كرهت منو و زادت تبدلت معايا معاملتو للأسوء رجع مايهدرش معايا و مايرقدش معايا و كان داير صحاباتو كانو يجيبولي أخبارو ...و أنا نخبي في قلبي و نسكت ...
حتى جاء نهار الجمعة نعيطلو في البورطابل مايهزش من الصباح وين راه ؟؟ لبست و رحت للعيادة نوصل نلقى الباب الكبير مفتوح حليتو و دخلت بالشوي و نسمع في الهدرة و الضحك تاع وحدة معاه كنت نمشي و دموعي سابقتني و تخيلت واش راح نلقى من وراء الباب تاع البيرو حليت عليهم الباب و تخلعت من المنظر الخليع الي شفتو راجلي المحترم بالبوكسار و في حضنو وحدة بالدوبياس و المفاجئة شكون؟؟ الفرملية تاعو ...
تخيلتو معايا قدر الصدمة الي كنت فيها و هو الخاين في هذاك الموقف و يقلي كيفاه خرجتي من غير ما تخبريني ؟؟
تحطم كل شيء و عرفت أنها الهدرة معاه تطياح قدر يا جماعة الفرملية هذي بدات تخدم عندو من فترة الخطوبة تاعنا يعني الفترة الي بدأ يتبدل فيها عليا صار كل شيء واضح عرفت درك علاه تبدل ....خرجت و خليتو في الوسخ الي كان فيه .....كنت ماشية الطريق مخي حبس والله الإنسانة هذي الي كان معاها ماتشبه حتى لشيء خامجة و باشعة و قليلة تربية بزاف نصحوني نقلو يسحتها بصح أنا قلتلهم يتيمة و تخدم على شرها ظهرت تخدم في الشر ليا أنا ..
ديريكسيون الدار لميت كابتي الحوايج الي نحتاجهم و خلاص .....جيت نخرج من الباب لقيتو في وجهي ...كانت خزرتي ليه كلها إحتقار أما هو كان وجهو صحيح مازالو يشرك في فمو و يحاسب فيا ...
منذر : وين رايحة يا لالة ؟؟
نجود : ههههه بعد من وجهي ...
منذر : هذي كامل راهي الشبعة تاعك .... هذا كامل الدلال تاعي ليك ....ماكفاكش أني قابلك و انتي عاقر ماتضنايش . .. ماكفاكش أنك بلا مستوى و قبلت بيك ... دخلتك عيلتنا الي ماكنتيش تحلمي بيها ....و زيد هازة قشك و رايحة .. روحي تلفة بصح عندك ترجعيلي كي الكلبة بعد نهارين .
نجود : كل كلمة قالها كانت موس تغرس في قلبي واش بيه العبد هذا مهبول ؟؟ أنا أنا أنا عاقر و جاهلة و موش مستواه ؟؟؟ أنا ......حصلتلي الكلمات في ڨراجمي بلعت مرارة الهدرة الي قالها و خرجت من غير ما نبرد قلبي فيه .....
منذر : راني قتلك ماترجعيش تحاوليني ....سمعني يا بوهالية ...
نجود : آه منك يا زمان ضحكتي عليا عرت الرجال ....
رجعت لدارنا و سمعو خاوتي و كانو راح يروحو يعفسوه تحت رجليهم مع أني ما قلتلهمش واش قال كامل ....الحقيقة لقيتهم واقفين في كتافي و كامل شجعوني نمشي في خطة الطلاق ....بصح مشكلتي درك قلبي الي ماعرفش غيرو حياتي الي ماتخيلتهاش مع غيرو كيفاه ننساه و كيفاه نبدأ من جديد ...و كيفاه راح نستحمل نظرة المجتمع ليا ...
جاو فاميلتو و حاولو يرجعوني بصح قلبي جرحو كان غارق و الدواء تاعو صعيب ....
الحلقة الخامسة :
منذر : طلبت الطلاق ؟؟؟؟ تسمى مازالها مخشنة راسها بصح قولولها أنا مانطلقهاش .....و تخبط راسها للحيط ...صااااااحا يا لالة نجود تحلو عينيك و بغيتي تولي هجالة ....
نجود ....كنت عايشة الصدمة و موش قادرة نتجاوزها كنت نبكي ليل و نهار و ماقدرتش نرجع ثقتي بنفسي الي عفسها منذر تحت رجليه ....
وينها طاطا خليني نهدر معاها تعيشي ...
ام نجود : أطلعي راهي في بيتها و إذا قبلت تفتح عليك ...
طبطبطبطب ...حلي نجود أنا سارة ...
سارة : حلي نجود علاه راكي عاملة في روحك هك ...؟
(سارة صاحبة نجود من الطفولة حتى للنهار الي تزوجت و منعها منذر تتاصل بصحاباتها ..)
فتحت نجود الباب و كانت خيال تاع طفلة ...
سارة : واش راكي يا حبيبة توحشتك ...
نجود : حتى انا توحشتك ...
سارة : واش بيك نجود عاملة في روحك هك شوفي لحالتك كيفاه ولات وين راحت العين المكحلة من عند ربي وين راحت لاطاي البومبة وين هي الت**** الي الرجال تذوب كي تشوفها ...
نجود : هههه مازاتي تشفي ؟؟؟ راح كل شيء ..
سارة : شوفي فيا نجود علاه راح كل شيء تعرفي قداه عمرك ؟؟22سنة واش معناها ؟؟أصغر مني ...يعني مازلتي طفلة صغيرة الحياة قدامك شوفي لروحك حبيها ماديريش هك على جال واحد رخيس مايستاهلكش ...
تفلقت نجود بالبكاء و طاحت في حجر صاحبتها بردت قلبها ..
سارة : أمسحي دموعك و هيا ....
نجود : وين موش قادرة ....
سارة : هيا قتلك عارضاتك تتغداي ....
لبست نجود على ذوقي بالتأكيد موش ستيل راجلها الطحان ...
خرجنا رحنا فاست فود و تغدينا و حكينا و رجعت لنجود شوي من حيويتها ....
سارة : و درك واش راح ديري ؟؟
نجود : ماحبش يطلق راني نستنى ..
سارة : ماتستنيش ....طلقيه أنتي ...
نجود : لا لا مانقدرش ...
الحلقة السادسة :
سارة : علاه موش قلتي رخسك و ضربك و تعدى عليك بالعنف رجعيلو معاملتو ليك ...و ديجا هيا تروحي عندو و بردي قلبك فيه و ماتخليهاش تحرق ....
نجود : مجنونة ؟؟ والله يقتلني ..
سارة : يقتلك ؟؟؟ خليه يجرب زهرو و الله ما نفرج فيه أمة لا إله إلا الله ..
خممت شوي في هدرت سارة و لقيت أنها عندها الحق أنا موش ضغيفة للدرجة الي يتخيل فيا الطفلة الضعيفة هو الي زرعها فيا ...
نزلنا من الطاكسي و دخلنا للكابيني تاعو ...
سارة : الطبيب هنا أصلا أنتي بالذات أربطي فمك ...
حلت سارة الباب و قاتلي أدخلي ....دخلت و قلبي طايح بين رجليا راح نموت بالخوف ...
نجود : جيت جيت ...
الحلقة السابعة :
منذر : جيتي تحاوليني يا كلبة ؟؟
نجود : جيت نقلك زوج كلمات أنت الكلب و الرخيس و الموسخة الناتن و قليل التربية و قليل الرجولة ...سمعتني و أنت ماتستاهلش وحدة كيفي هاهو مستواك (شورت للفرملية ) و موش راح نستناك تطلقني خاتر أنا الي راح نخلعك نعطيك زوج دورو يا ساقط يا قليل النخوة تفوووووه عليك ...و خرجت .
سارة : ههههههههههههههه برافو حبي نستعرف بيك ..
حسيت جبل و طاح من فوق كتافي حسيت روحي ولدت من جديد روحت للدار و أنا إنسانة أخرى غير. الضعيفة مرت منذر ....
منذر : واش بيها هذي أكيد شربت كاش دواء ؟؟؟
بديت إجراءات الخلع و هو بعد ما حس أني موش راح نتراجع على موقفي قبل يطلقني باه يلم رجولتو ....
تطلقت و الحمد لله بابا حي و خاوتي موش مخليين عليا حتى شيء ...و سارة الي وقفت معايا في كل خطوة ...
سارة : و درك راح تبقاي بين ربع حيوط هذم ؟؟
نجود: لا كنت نخمم نرجع نقرأ أصلا مازالي عام واحد و نكمل و نزيد ندير capa و نشوف ...
سارة : صحيتي تسمى العام هذا تقراي معايا يا واحد السامطة كل عام ندوبل حتى لحقتي عليا .....
نجود : ههههه مليح ...
سارة : حبيت نحكيلك يا حبي على حبي ...هذي مدة حبيت نعرفك بيه و ظروفك كانت ...
نجود : أووووه باتمان يعشق ؟؟ أووووه مستحيل هههه شكون ...
سارة : أسكتي يزيد يسمعك ...
نجود : لااااااااا ماتقوليش ؟؟
نجود : شكون سامي ؟لقمان ؟ شكون أهدري هيا ..
سارة : لقمان هههههه.
نجود : يا كلبة طحتي واقفة و كيفاه ووقتاه أحكيلي يا مڨملة أنا آخر من يعلم ؟؟
سارة : والله والو ماكانش بزاف ....درك نحكيلك كل شيء ...
حكتلي سارة كيفاه طاحت مع لقمان خويا الي كان أكبر واحد في خاوتي 30سنة يخدم في الشرطة و سارة كانت 24سنة ربي يكمللهم فرحتلها ...
الحلقة الثامنة :
فات الصيف و بدات القراية سجلت و قبلوني سنة ثالثة رجعت نجود البطبوطة الزينة الي كانت ...انا ماكنتش ندير حجاب و ستيلي يقتل في اللبسة بحكم أني كنت مغرومة بلامود و المكياج و كل حاجة عندها علاقة بالجمال ...
اول يوم في الجامعة لبست روب ميني روز كلار و معاها سوندال نفس اللون و صاك نوار و ليزيكسسوار كامل أكحل جيت توب الي في الجامعة كل يكحلو ...بصح أنا في داخلي مازال ساكن منذر مهما صرى و مهما كرهتو مازالت حاجة في داخلي تحن لأيام الحب ...و ماكنتش مستعدة نبدأ علاقة من أي نوع كان درك قرايتي و خلااااص .....رجعت ثقتي بنفسي تعلمت مانخلي حتى واحد يهينني و ينقص من قيمتي رجعت مثال للقوة و قررت نعاون النساء الي كيفي الي يتظلمو و يسكتو خوف من المجتمع كملت الجامعة و درت الكاپا و ماقتلتكمش سارة صاحبتي خطبها لقمان خويا و الصيف هذا العرس كانت أول فرحة في دارنا بعد فرحتي أنا الي ماكملتش ...
نجود : ألو سارة واش شفتو لاصال ؟ حضارات أو ماحبش يحلبني عييت نسقسي ..
سارة : أوووووه يا الكبدة كون رحتي معانا ؟؟ تهبل تفتق طار عقلي بيها تشوفي الكوشة تاعها و الستيل تاع ليطابل و كل شيء غدوة غدوة نروحو نزيدو نشوفوها و نقرعجو مليح ...و نسيت و البلاج الي أونفاس ليها خادمتلي نتصور معاه فيه في الليل
نجود : يووون فكرة طوب غير يقبلك برك السامط ...
سارة : فرحانة فرحانة راح نزوج بعد ما برت و شبعت هههههه.
نجود : ربي يهنيكم برك يا الكبيدة و الباقي كل ساهل ....
كنت فرحانة لسارة و لقمان و كنت نوجد و نجري خيرت ليروب الي راح نلبسهم و كل شيء هايل ...
نهار العرس ...
لبست غوب روج طوييييلة و مع لاطاي كان كتفها عريان و فيها شقة طويلة من القدام و معاها صباط دوري و لبست بارير تاع ذهب عندي سامبل و شيك و ماكياج دوري كلاااار و غوجالافر لون لاروب ...جيت كعبة وحدة ...
نجود : تفضلو مرحبا بيكم ....(تستقبل في الضياف ) ...شكون هذا ماما ؟
أم نجود :أسسسسكتي .... أهلا بالشاف تفضل حضارات مرحبا بيك ...
هو : بيك يعيشك الحاجة سامحيني جيت من الخدمة و لبستي ....مكرفصة شوي ...بصح مستحيل نفوت عرس لقمان ...
أم نجود : الباراكة فيك أنت كي جيتينا تفضل مرحبا .... وصليه نجود لباباك مانعرف وين راح ....(و قرصتها )
نجود : أي هاني رايحة أح ... أنا نجود أخت لقمان (و مديت يدي ) بصح هو فات عليا من غير ما يقيمني ...
لقمان و بابا : أهلا أهلا بالشااااف جوز عندنا أقعد أقعد ....
نجود: رجعت عند ماما و أنا نغلي ...شكون السامط هذا ؟؟
أم نجود : سامط ؟؟ ياو أنتي الي رغن ...هذا راهو الشاف الكبير تاع خوك و إسمو رائد ....
نجود : ممممم عليها شايف روحو يحساب منو و فضت ...
أم نجود : هيا نروحو تبانلي فضو المعاريض هذهم كل ...
دخلت مع ماما و كنت نحس الي في لاصال كامل يشوفو عندي نص يهدر على زيني و قدي و النص الثاني على سعدي المسود الي تزوجت و تطلقت في عمر 22سنة ....الحمد لله درك كملت قرايتي و نحوس على مستقبلي الي مازال قدامي و مازلت صغيرة...
نجووود ، نجووود أرواحي يا بنتي حبيت نسقسيك ؟؟
نجود : بسم الله الرحمن الرحيم ربي يسمعني خير ؟؟ خير خالتي الطاوس كاشما خصك ؟؟
الطاوس : والو والو ...بصح جيت قاصداتك لوليدي منصف هاو ليك وين قاعد .
الحلقة التاسعة :
نجود : منصف ؟؟ ممممم الي قاعد من هيك ...نخمم و نرد عليك خالتي مرحبا بيك عندنا وقفت و أنا حاكمةالضحكة بالسيف يا ربي لشكون نحكيها سارة متصدرة الله لا يتربحها والله غير نقولهالها ...
سارة : واش كاين تضحكيني نقتلك ....(بالشوي )
نجود : شكون خطبني ؟؟
سارة : شكون ؟
نجود : ولد ورديا ....يماااااا أعطيني التشقشاقة ...
سارة : هههعههههههههههههههه الله لا يتربحك قتلك ماتضحكينيش ههههه كيفاه راح نسكت درك هههههه منصف ؟؟
نجود : بشحمو و لحمو هههههه
سارة : الببون تاع خالتي الطاوس ؟
نجود : هيه ههههههههه
كانت لاصال كل يشوفو معانا و حنا شايخين بالضحك ...
لقمان : واش صرى ضحكونا معاكم قريب يحبسو الغناء و الشطيح و يتفرجو معاكم ...
سارة : أمشي خليني يا كلبة قلبتيني كي البوهالية ..
نجود :سارة هي الوحيدة طول العمر الي تخليني نضحك من قلبي ...
كنت أنا الي متكفلة بكل شيء و وقت الي جاو يقصو فيه لاتارت جاتني البكية ماعرفتش علااااه ممكن تفكرت ليلة عرسي مع منذر و اللحظات الرومنسية الي مازالت محفورة في مخي خرجت للبالكون بعد ما غلبتني البكية و ماقدرتش نبقى واقفة و الناس تشوف معايا خرجت و تخبيت في شوكة ظلمة و بقت نبكي بالحرقة ...حتى يخرج هذاك رائد الشاف تاع لقمان يتكيف في الدخان ....
نجود : وواش خرجو هذا ظرك ...؟ ...إووووف هذي 5دقايق و هو ڨارو من وراء ڨارو ...يبان عبد داخل بعضاه و موش محترم جاي للعرس بالسروال دجين و الفاست تاع الجلد و السلاح في ظهرو باين و شعرو باين من الصباح ما مشطوش أععععع موسخ ...اح أح وقتك ثاني يا الكحة أح أح أح أح .
درت نجي نشوف نلقى وحدة قاعدة في الشوكة الظلمة تاع البلكون ووجهها يقول كانت تبكي ...
رائد : شكون أنتي ... درت الضو تاع البوطابل بانتلي وحدة كحلها سايح و دموعها هابطين و خايفة مني ...شكون انتي ..
نجود : أخت لقمان ...بعد خليني نفوت ...
رائد : أحبسي وين داخلة ؟؟ أمسحي وجهك راهو حالة ..
نجود :(شوف أسيدي حتى أنت تعرف ) واش بيه ؟؟
رائد : أمسحي الكحل راه ساح ...
الحلقة العاشرة :
نجود : حشمت متت خاصة بعد ماجبدت المرايا و شفت حالتي كيفاه و كيفاه شافني يووووون حشومتي غولة و خلاااه ...
زاد جبد القارو رقم 4و بدأ يتكيف و أنا درت للحيط و مسحت الي ساح و عاودت كحل أوخر ...
رائد : حسبت روحي وحدي يضربني الحزن كي نروح للعراس ...
نجود : مانيش حزينة تفكرت حوايح قلقوني ...
رائد : كيف كيف ...تشرفنا (مديت يدي نسلم عليها بصح هي حڨرتني ) انا رائد الكوميسار الي يخدم معاه لقمان ....
نجود : (في قلبها هههه وحدة بوحدة ) تشرفنا شاف و انا وليتي تعرفني ...باي معريفة خير ...
رائد : هي مشات و أنا بقيت نشوف معاها ....عندها طاي اوووووف واش راني نشوف أنا ....واقيلا بديت نحس بالنقص العاطفي هذي سنين ماحيرتنيش مرأة و ماخزرتش حتى مع وحدة من بعد موت حبيبة قلبي الغالية الي وحدة ما تجي في بلاصتها .....
دخلت و كأن شيء لم يكن شطحت و بردت قلبي أنا و البنات كل ...
رائد : كل مرة و من غير ما نحس نلقى روحي نشوف مع أخت لقمان مع ضحكتها و حركاتها الي كلهم أنوثة و كانت تبان غير هي في نص البنات كل هذيك لاروب الروج الي مفصلة لحمها و كانت هي الي زادت النص في لاروب ....من غير ما نخبي عليكم بصح لاطاي تاعها كارثة عظمى سيف عليك تلقى روحك تشوف ....كأنها مرسومة باليد ...كرش مسطحة ماكانش خلااااه و مؤخرة و صدر بارز السمورية الناعمة .أوووووف وقتاه يفض العرس نروح نروّح .
فض العرس ...
كانو الناس المعروضين بزاف و تحتمت علينا نستناو يروحو كامل و باه نروحو خاوتي محمد و سامي و بابا راحو يوصلو واحدين لافامي تاعنا و بقيت أنا و ماما نستناو يرجعولنا ..
نجود : ألو وين راك بابا ؟؟
بابا نجود : رانا في السبيطار ...
نجود : علاه بابا واش صرى ؟؟
بابا نجود : محمد ...
نجود : واش بيه بابا أهدر فشلتيلي رجليا ..
ماما : السبيطار محمد واش بيه ولدي ...
بابا نجود : سلامات راهي ديراپات الطوبيل بالذراري و تقلبت ديناهم للسبيطار و عملولهم راديو لاباس غير تكسرت رجلو و سامي لاباس ....
نجود : و سامي وينو قولو يجي يدينا ...نشوفوه ..
ماما بدات تبكي و ماصدقتش أنو ولدها لاباس ....أدوني نشوف ولدي ....
بابا : سامي مايقدرش يسوق مخلوع.
نشوف في لاصال مابقى حتى واحد غير هذاك الشاف تاع لقمان رحت عندو و قلتلو الي صرى و أنو بابا مايسوقش في الليل و مايقدروش يخلي الذراري ....
الحلقة الحادية عشر :
رائد : ماكانش مشكل دقيقة نجيب الطوموبيل و نجي ...
جاب الطوموبيل و وصلنا للسبيطار ماما تبكي كي شافات وجه محمد مخبوش و رجلو مكسرة و رائد بقى معانا حتى زاد وصلنا للدار
رائد : تصبحو على خير ربي يجب الشفاء و خلاااص ...
ماما و بابا: ربي يحفضك يا وليدي و كثر خيرك شقيناك معانا ...
رائد : من غير مزية حطوني في بلاصة لقمان .كان رايح ..
نجود : تصبح على خير شاف .
رائد : (ضحكة خفيفة ) و أنتي من أهلو ...
غير وصلت للدار تطيشت فوق السرير كان نهار طويييييل و زدنا كملناه في السبيطار .... بديت نعاود فيه من الأول للأخير و حاجة وحدة تجي بين عينيا ...الضحكة الأخيرة تاع الشاف تاع لقمان ...
كملت القراية و درت كونكور تاع المحضرين القضائيين و نجحت و وليت "لوسي" كنت فرحانة أني قدرت نثبت وجودي و ماحبستش عند قصة حبي الي فشلت .....فتحلي بابا بيرو و بديت نخدم و كنت مشغولة على طول النهار ماكانش عندي وقت للعلاقات الرومنسية عرضو عليا بزاف الزواج بصح قررت لازم الي نخيرو المرة هذي يكون يستاهلني عمري درك 25سنة و الحياة قدامي .. ...
نجود : دقيقة ترجع السيكريتار تقعد في البيرو و نروح...
رحت للدار الي عيطولي عليها و كانت تاع راجل طلق مرتو و ماحبش يرجعلها حوايجها مع العلم كل حوايج الدار شراتهم هي خاتر هو سكارجي و مايخدمش كان معول عليها ....
13:30
دخلت و أنا بحكم خدمتي واقفة و نعمل في المحضر تاعي ...حتى نلقى الراجل هذاك بدأ يسب.... الوقت الي هزو البلازمة هو جن جنونو و بدأ يكسر فيها و يكسر في الدنيا ...
بداو لابوليس يهدأو فيها و يبان تكالما ...(و هو في الحقيقة يمثل )
ماشي في الدار رايح جاي حتى وصل قدامي ...قالي أنتي اللوسي ؟؟
نجود : هيه أنا
و قلبي حبس كي جبدني عندو و حطلي الموس في رقبتي ... جبدني دخلني لشومبرة و قفل عليا و بدأ يهدد فيهم رجعولي حوايجي ولا نقتلها ...
أنا كنت جامدة و غير عينيا يشوفو ...ربطني في الكرسي و قفلي فمي و يعيط و يسب في الناس كل و في طليقتو ..
الشرطة الي ثم حاولو معاه بكل الطرق بصح هو كان يكفر عليهم و يهدد انو يقتل روحو و يقتلني خاتر موش راح يخسر والو ....و بيني و بينكم كنت متأكدة راح يعملها ....و بديت نشهد و نستغفر ...و غير دموعي تهبط وحدها ...
الحلقة الثانية عشر :
17:00 فاتت قريب ثلاث سوايع و نسمع في الهدرة البرة زادت و ناس بزاف تحاول فيه مايدير والو من بينهم والديه و هو بدأ يضطرب و يخاف و يندم ولا بمعنى آخر بدأ يفض مفعول المخذرات الي في دمو ...
هك شوي و نسمع الباب تفتح و واحد حكمو يخنق فيه فوق السرير
الحمد لله يا ربي ...كان رائد صاحب لقمان خويا ..ضربو و دارلو ليمينوت و هو مازال موش فاهم واش صرى هههه كيما حالتي ..
رائد : ربع سوايع و انتم تشوفو في بعضاكم واش تستناو ؟؟(يهدر مع لابوليس ) تستناو يقتلها ؟ ياخي خدمة .....كان قلقان و وجهو راح يتفلق ..
و الي كانو في الدار كل غير يشوفو و حايرين فيه كيفاه قدر في 5دقايق يسلكني ...
نجود : ممممم ااااااا(نهدر و فمي مغلوق بالسكوتش )
رائد : أوه سامحيني مدام
فتحلي يديا و بدأ يسقسي فيا ماخي لاباس ماعملك والو ماضربكش؟
نجود : لا ماضربنيش ...
رائد : شكون ؟؟ ....ااااا أخت لقمان سلمحيني ماعرفتكش .
نجود : ماعليش . ....
جيت خارجة من الدار هذيك و أنا موش مصدقة مازالني حية الحمد لله يا ربي ...
رائد: لازم تشكي بيه هيا تروحي معايا للسوترال ندو أقوالك
رحت معاه و أنا فشلانة من الخلعة الي جوزتها اليوم .
رائد : سامحينا خليناك اليوم تتعرضي للموقف هذا نرجع للخدمة و نبهدلهم ...
نجود : أنا الي راح نقلك مارسي كي منعتيني كون ماجيتيش انت مانعرف واش كان راح يصرالي ...سامحني البورطابل ...ألو لقمان واش راك ؟؟
لقمان : صح الي قالوهولي الجماعة ؟؟
نجود : ماصرى والو راني رايحة للسونترال نتلاقو تم ...
وصلت مديت أقوالي و رفعت شكوى على هذاك و داني لقمان للدار ...
غدوة على الصباح رايحة للخدمة حتى نلقى منذر قدام الباب ...
منذر : جيت نشوفك توحشتك ..
كانت هذي آخر كلمة تمنيت نسمعها منو هو بالتحديد ...
نجود يتوحشك الخير ....تقدر تروح درك هذي بلاصة الخدمة تاعي موش كيما العيادة تاعك ...
منذر : مستحيل نصدق أنك نسيتيني ستنيتك ترجعيلي بصح قلبك أكحل ماتوقعتكش كيما هك . حب يحكملي يدي بصح ماخليتوش
حبيت نبزق عليه و جاتني حشومة . .
حتى نلقى رائد جاي من هيك ...
رائد: أسمع واش راك دير ؟؟
الحلقة الثالثة عشر :
منذر : و انت واش دخلك راني نهدر مع مرتي ..
نجود : كنت مرتك تقدر تتفضل درك بلا مشاكل ..
رائد : سمعتيها و لا نعاودلك أنا بطريقتي ..
راح منذر كي الكلب الي ضربوه على خشمو ههههه
نجود : تفضل حضرات مرحبا بيك ..
مممم كنت نشوف معاه و مع زينو و رجولتو الي تبان من خزرتو و لبستو و هدرتو و كل شيء فيه ..
رائد : الحقيقة مانعرف علاه جيت باه ماتفهمينيش غالط كنت معدي حتى شفتو يهدر معاك و.... ماخي ماتدخلتش في حاجة ماتخصنيش برك ؟؟
نجود : لالا خلاااص حكاية قديمة و فضت ....تحب تشرب حاجة؟ ...بسمة ...جيبيلنا!!
رائد : قهوة ثقيلة ...
نجود : كاس جي دورنج و قهوة تعيشي ..
بقيت أنا وياه نشوفو مع الحيوط و الهدرة فضت مالقينا ما نقولو و هو توتر و بانت عليه حتى تجيب بسمة الفنجان تاع القهوة هذيك تنقذو بيه ..
نجود : واش راح يعملولو الراجل تاع البارح ؟
رائد : لكن في يدي أنا يشنقوه ههه ...يمدولو 2_3سنين حبس ..
نجود : مسكين الي فيه يكفيه ..
رائد : منك بالصح ؟؟؟
نجود : عبد خسر كل شيء في حياتو باينة خلاص يغيض ...
رائد : يتحمل مسؤوليتو ....
بديت نحكي معاه و هدرة تجيب هدرة و الفنجان و الكاس تاع الجي ماحبوش يفضو ....عجبني أسلوبو و ثقافتو و كل حاجة فيه واقيلا قلبي بدأ يتحرك ..
رائد: (هي تضحك و هي تزيد تزيان الطفلة هذي راح تهبلني.)
جيت خارجة معاه نوصلو للباب .
رائد: قصرتي ولا أنا الي ماتولهتش نهار العرس ..
نجود : كثر خير الطالون ههههه
رائد : هيه صح .عههههههه معليش الرقم تاعك بلاك نحتاجك ؟؟ (قلتها و أنا العرق يسيح )
نجود : أكيد ..مدلي بورطابلو كتبتو فيه ماتخيلتش واحد في 2015مازال عندو نوكيا 1100 ههه..
رائد : ماتضحكيش على تليفوني خاتر خاطيني الحضارة من الي ماتت......خلاص هيا بالسلامة ..
هو راح و أنا بقيت نخمم شكون الي ماتت أمو ؟ أختو ؟بنتو ؟ .... مانعرف مزوج ولا لا يبان كبير ...مع الوقت يبان كل شيء ..
فاتت ليام و كنت سعات ندير سبة بالخدمة و نعيط لنجود نهدر معاها و بدات تزيد معزتها في قلبي حتى قررت خلااص لازم نتلاقى بيها و نعتارفلها بكل شيء ...
نجود:رائد يمممم قلبي أوووف ... ألو ؟؟
الحلقة الرابعة عشر :
رائد : سلام واش راكي نشالله مانكونش نوضتك من النوم ؟
نجود : لا أنا ديما نسهر ...
رائد : ممم راكي لاباس ؟؟ ماشفتكش اليوم تحيرت عليك ..
نجود : رحت مع ماما للطبيب ...
رائد : وغدوة مانلقاش نص ساعة محتاجك ؟
قلبي راح يطير و موش مصدقة وذنيا ...
نجود : أكيد وقت الغداء تساعدك ؟؟
رائد : مالا غدوة راكي معروضة ..
اوكي ..
رقدت و مارقدتش و أنا نستنى يطلع النهار و نتلاقى معاه ساعتين و أنا واقفة مع المراية و نلبس و نحي حتى قررت نلبس غوب ڨري ميني و معاها بوط نوار و ماكياج سامبل و مليح و جيت نهبل ...خدمت لل12:00و أنا نستنى فيه يجي ...
رائد : أول ماشفتها جاتني فكرة في راسي نروح نروح كيفاه راح نقعد مع وحدة بالزين هذا و لاطاي زاد التوتر تاعي كي حلت الباب تاع الطوموبيل و ركبت قدامي ...
نجود : سلام ..
رائد : وعليكم السلام (بغيت نقلها جيتي تهبلي و حشمت )
رحنا للروسطورون قعدنا ووطلبنا الماكلة و بدينا نحكيو في زوج حشمانين
رائد : راح نسهلها عليك و عليا ...نجود تعجبيني ...و حبيت نكون معاك ..
نجود : ممممم حشمتيني واش راح نقول ؟؟
رائد : هيه ولا لا .. انا من نهار عرس لقمان و أنت في بالي ...و زدت تعلقت بيك في الفترة الأخيرة و لقيت انك انت الي تساعديني .
نجود : (راسها في الأرض ) و كيفاه مفهمتكش ..؟
رائد كيما راكي تشوفي مارانيش صغير عندي 38سنة و من بعد ما ماتت مرتي ماحاولتش نزيد نبدأ حياتي خاتر أنا من النوع الي صعيب في إختيارو ...بصح رشقتلي عليك و حبيت نخطبك ووتكوني حلالي ...
نجود : ديراكت الزواج ؟؟ و أنا كيما تعرف مطلقة و طليقي كان اول و آخر عبد دخل حياتي و كانت صدمة كبيرة خلاتني نفقد ثيقتي بنفسي و موش باغية نعاود الغلطة ...
رائد ؛ نديرو فترة الخطوبة نتعارفو ..و في يدك كل شيء ساعداتك ربي يكمل ماساعداتكش ربي يسهل ...راني بربي نهنيك ...
رائد بصح عندي حاجة نقولهالك أنا راني عندي طفلة في عمرها 14سنة و عايشة في بيت بابا ...
نجود :أوكي ....نفاهمنا ..
الحلقة الخامسة عشر :
حددنا موعد الخطبة و دارنا فرحو بزاف خاصة لقمان خويا الي كان يشكر في رائد و يعاود قدام بابا و أنا كنت فرحانة و في نفس الوقت خايفة تزيد تصرالي كيما المرة الأولى ...
تخطبت مع رائد و كل يوم نزيد نعشق فيه و هو كيف كيف ...
حتى جاء نهار ...
سارة : ألو جوجو صافا؟؟
نجود : بخير وينك هذا يا الهرابة سمانة ماشفتكش ...
سارة : صاحبتك ماتهزش راسها من التوالات ...راني مع القيء و الوحم دار فيا حالة ...و راكي تعرفي خوك راهو كونجي و باغي نروحو نحوسو و أنا والله موش قادرة ...
نجود : بالشوي برك يا حبوبتي ...
سارة : واش راح نقلك لقمان راهو حكم في الأوتال و حكملك معانا ربي يعيشك ماترفضيش راهي سمانة وحدة ماتقوليش لا بليييييز ..
نجود : ماخليتيلي مانقول أوكي أنا ثاني قلقانة ...
لازمني نقول لرائد أولا باه مايقلقش عليا ...
ألو ....
رائد : حبيبي واش راكي ؟؟
نجود : بغيت نقلك حاجة ...
رائد : قولي ..
نجود : رايحة مع لقمان و سارة لجيجل سمانة نبدل جو ..
رائد : صح ؟ حتى أنا مالا نروح معاكم ...
نجود : لاااااا عيب لقمان ..
رائد : درك نهدر معاه .
تفاهم رائد و لقمان و رائد جاب معاه بنتو باه يعرفها عليا و في نفس الوقت تبدل جو ...
وصلنا لجيجل أنا و سارة و لقمان و لحق رائد و بنتو "مايا"..
رائد : السلام عليكم واش راكم ؟ لحقتو قبلنا ...
لقمان : هذي هي الفحلة الصغيرونة ...
رائد : مايا قولي سلام لطاطا سارة و طاطا نجود ...
سلمت علينا مايا و باين عليها فوق قلبها جيست قاست خدها مع خدي و بعدت لهيه كانت تشوف معايا من الفوق للتحت ..
مايا : ( في قلبها ) مممم جاك الي يخرجلك قلبك يا لالة نجود حبيتي تدي بابا مني ...😈😈 لكن يصرى الزواج هذا نقتل روحي ...
تغدينا مع بعضانا و سارة و لقمان راحو لشومبرتهم يرتاحو و مايا كانت رايحة من بعد قررت تقعدلنا على قلوبنا ...أول حاجة عملتها جيت نركب قدام رائد جات تجري ركبت هي ...
رائد : عيب مايا خلي نجود تركب هنا ...
مايا : ماها بابا طول عمري نركب بحذاك ...
نجود : نورمال كيف كيف ....
و إستمرت نوبة الغيرة تاع بنت رائد نهار كامل و كانت تدخل في كل حوار ولا موضوع نهدرو فيه ...
و رائد تقلق من تصرفاتها الي بانت فيهم الغيرة لدرجة كانت قاعدة في حجرو كيما ليبيبي الصغار ... كنت نحكم في أعصابي و نقول هذي 12 سنة و باباها غير ليها صعيبة تتقبل فكرة انها تشاركها فيه مرأة أخرى راح نطول بالي معاها على خاتر رائد الي نحبو و نموت عليه....
الحلقة السادسة عشر :
جاء الليل و مايا نعست و كانت قريب ترقد بالقاعدة و مازالت تقاوم باه ماتخليناش وحدنا رجعنا للوتال من بعد ما غلبنا و طاحلنا فيزوج المورال خاتر ماقدرناش نهدرو حتى زوج كلمات من غير ما تقاطعنا ...وصلني رائد لشومبرتي و مايا حاكماتو من يدو و تجبد فيه .....
رائد : غير دخلنا لاشومبر مايا طيشت رحها فوق السرير و رقدت من غير ما تنحي حتى صباطها ياخي طفلة ياخي عنيدة كيما أمها ربي يرحمها ...عدلتها في بلاصتها و جاتني الحالة و ماقدرتش نرقد و أنا نخمم في نجود ...ألو نجود رقدتي ؟؟
نجود : لا مازال ...
رائد: راني جاي ....
نجود : توترت و قلبي بدأ يخبط راح يطير من بلاصتو ...طبطب الباب و الساعة كانت 12:30..حليت و كان حبيبي ...
رائد : سامحيني ماقدرتش نصبر ...
نجود كنت حشمانة و راسي في الأرض و من الخلعة نسيت اني كنت لابسة واحد لاروب قريب عريانة كانت بيضاء و قصيرة خلااااه و لاطاي كل باينة فيها ...
رائد :نشوف معاها و ناري شاعلة الهدرة راحت و أنا أمور الحب هذي نسيتهم عمري ما قربت مرأة من بعد زوجتي ... نجود سامحيني اليوم على الطوايش الي عملتهم مايا أصبري عليها صغيرة ....
نجود : نورمال راني عارفة صعيبة و مع الوقت درك توالف ونوليو صحابات ..
رأئد :عندي بزاف حوايج في قلبي ماخلتنيش نقولهملك ..قدمت عندها حكمتلها يدها و بقيت نعدي في يدي على وجهها و نهز في الشعرات الي هابطة على وجهها
نجود : الدقيقة هذي كنت نشوف مع عينيه الي تعباو حنانة و كانو يبرقو و أنا رغبتي ليه زادت ...
رائد : نحبك و وقتاه يجي النهار الي تولي حلالي ..
نجود : مابقى والو أصبر شوي .
نهدرو و وجوهنا تقرب لبعضاها حتى لقيت خشومنا قاست في بعضاها كأنو مغناطيس يجبد فينا لبعضانا فمي و فمو بيناتهم 5سم و أنا نقاوم في روحي مانبداش نبوس فيه أنا الأولى و هو متردد خايف من ردة فعلي ...
رائد : بغيتك نجود نحبك .. حطيت يدي في مسلانها و جبدتها عندي لصقتها في جسمي و أنا نتلمس في تفاصيل الجسم هذاك الي كلو أنوثة
بدأ يبوس فيا و أنا مستسلمة لمشاعر جامي جربتها من قبل حتى مع زوجي الأول الي كان حبيبي .. وااااو واش يعرف يبوس كانت حركاتو كل تقول أشعلي زيدي ...كملنا البوسة و هو محضني عندو و روحو راح تطلع و أنا أكثر ...ودعنا بعضانا بالسيف
رائد : مع ندخل للاشومبر تفيق الطفلة هذيك ...
مايا : بابا وين كنتي
رائد:تكيفت و جيت ...
الحلقة السابعة عشر :
رجعت مايا للنوم و أنا ناري مازالها شاعلة و هذيك البوسة ما نفعت والو غير أنها زادت هيجتني أكثر ....
كانت هذي أول بوسة بيني و بين رائد و ماكنتش الأخيرة هههه خاتر كنا كي السرارقة وين نلقو فرصة نتباوسو و كنا كي المهابيل أنا و هو كنا كي النار و ليسونس وين ما نتلاقو نشعلو ...فاتت سمانة ولا في الأحلام رجعت أنا و رائد لأيام المراهقة هههه بصح الفرق الوحيد أنو ماكناش نهربو و ندرڨو على والدينا كنا نترڨو من بنتو الي شيطتنا ...
نجود : هههههه يا مجنون ....
رائد : بالسيف نهبل و نجن كي نشوف الزين هذا و لاطاي و واشي هو الحل نطيرهم الشوارب هذم نديهم معايا ...كيفاه راح نصبر كي نروحو ...
كنا متخبيين تحت واحد الدروج و نبوسو في بعضانا...
فضت السمانة و تمنيتها ماتفضش ....روحنا كل واحد فينا لخدمتو و رجعنا للرسمية أنا اللوسي نجود و هو الكوميسار رائد ....
رائد : مابقيتش نصبر نجود واش رايك نديرو العرس بزايد ..
نجود : ممممم تقدر غدوة تهدر مع بابا و تفاهمو على الوقت الي يساعدك ...
رائد : صح نجود ...!! نحبك نموت عليك وقتاه يجي النهار الي نديرك في داري و تولي مرتي حلالي ...
تفاهم بابا و رائد العرس بعد شهر و بديت التحضيرات و كنت معولة ندير عرس ولا في الأحلام ....عرس ينسيني في عرسي اللي فات ....
و كيما كان الحال جاء نهار العرس و كل الناس فرحانة و أنا بلاروب بلونش كأني عمري ماتزوجت...
الحلقة الثامنة عشر :
كانت ليلة العمر الي أي وحدة تحلم بيها لبست و تصدرت و شطحت أنا و حبيب قلبي رائد ...
رائد : مابقيتيش تبكي في الأعراس من اليوم ...
نجود : جامييي بعد الفرحة هذي مابقالي والو نبكي عليه ...
رائد : نسيتيه ؟؟
نجود :(بخلعة ) مازلتي تسقسي ؟؟
رائد : هههههه ليطمئن قلبي ...
نجود :( ماعجبنيش سؤال رائد خاتر كان في غير وقتو )
مايا : أشطحي أشطحي يا لالة مازلتي ماعلابلكش واش راهو يستنى فيك ...رحت حوست على الكونتار تاع لاصال و طفيتو ....هههههه..
مايا :جيت راجعة في الظلمة حتى ندخل في واحد ... أي شوف قدامك يا جحش ...
محمد: وعلاه كشما شفتي أنتي حتى نشوف أنا ؟؟
مايا : كنت نحب نفوت بصح وين نروح ندخل فيه .
محمد : هيا فوتي برك ديجا واش راكي ديري هنا وحدك ....تكوني أنتي الي طفيتيه ؟؟ أحبسي أحبسي يا كلبة حكمتك. .
مايا : هربت نجري و أنا خايفة يحكمني و يفيقو بيا أنا الي طفيتو ...
راح الطفل هذاك شعل الكونتار و نشوف فيه يحكيلهم أنو لقى طفلة هي الي طفاتو الخامج كان أخ نجود الصغير في عمرو 17سنة كي أختو ....كرهتو
نجود : قصينا لاتارت و تصورنا و لعبنا و جاء وقت لاشومبر صح أنا مطلقة بصح تجربتي الأولى تاع العنف و الإغتصاب خلاتني نكره فكرة الجنس من أساسها ....
رائد : أووووبلاااا
نجود : حطني رائد خلعتيني ...
رائد : خايفة مني ؟؟
نجود : موحال نخاف منك يا قلبي ...
بدلت قشي و لبست نويزات بيضاء قصيرة بانت فيها لاطاي تاعي تقتل و زدت ماكياج سامبل و شعري هابط على كتافي ..
رائد : أوووووه حبيبتي الزينة ..مرتي ...
واقف قدامي و أنا نرجف بكلي بدأ يبوس فيا و يحضن و هابط مع رقبتي و صدري كان ياكل فيا ماكلة راقدة فوق السرير و قتلني بالحنانة كنت أنا مستعجلة أكثر منو ...طالع فوق صدري و يطعم فيه يشم في رقبتي و حسيتو قداه كان محروم 🔞🔞🔞🔞و فضت ليلتنا و بديت حياة جديدة معبيا حب و حنانة ....
ثلاث يوم بعد العرس جات الحاجة الي راح تفسدلنا حياتنا و تحطملنا أحلامنا ...
رائد : وعلاه يا بنتي ماعيطتيليش نجي نديك. .
مايا : حبيت نديرهالك مفاجئة نحبك بابا و بغيت نعيش عندك طول عمري عايشة من غير أب ..
رائد : يا كتكوتة تاع بابا هيه تقعد عندي بنتي مرحبا بيك هذي سنين و أنا متمني ..
مايا : درك جبتي عروسة على الأقل نتونس معاها (نظرة تاع خبث لنجود )
بدات مايا دير في الخطط باه تكره باباها في نجود بصح نجود كانت تعامل فيها بكل حب ..
الحلقة التاسعة عشر :
مايا : يزي برك بلا تمثيل دور مرت الأب الحنونة علابالي راكي تتمسكني حتى تتمكني ...بصح راكي تحلمي نكرهك و راح نكرهلك حياتك .
نجود : تشوكيت من الي سمعت طفلة صغيرة تقول فيه ...وعلاه مايا كشما عملتلك ...
مايا : يوصلك ربي و تعمليلي ؟؟!!
دخل رائد و لقانا نهدرو و كان واضح التريسيتي ماشية بيناتنا ...
رائد : واش كاين ؟
راحت مايا تجري و طيشت رحها عند باباها و تقلو وصلني لنانا هذي موش بيغيتني نعيش معاكم ...طول عمري يتيمة الأم واش فيها نزيد الأب نعتابرك ميت و خلاااص و هبطت زوج دمعات ...
نجود : غير نشوف و موش مصدقة التمثيلية الي عملتها ...والله يا رائد ما قلتلها شيء ...بصح هو راح مع بنتو و خلاني و الظاهر ماصدقنيش ...
في الليل ..
رائد : لازم تتقبلي فكرة أنها بنتي و صارحتك في الأول .. و حبت تعيش معانا راهي دار باباها تجيها في أي وقت ..
نجود : جاتني البكية و مالقيت ما نقول ....
هذي كانت أول المشاكل و موش آخرها ...
مايا : ههههه نشوفو درك كي يكتشف بابا الحبيب مرتو الجديدة تخون فيه واش راح يعمل فيها .. . بيراطيت الكونت تاع الفيس بوك تاع نجود و ديبلوكيت طليقها و بديت نهدر معاه في الحب و الغرام و أنو مانساتوش و مازالت تحبو ....
الكونت هذا كان قديم و بدلاتو نجود بعد ما تطلقت...
منذر : (في المسنجر ) توحشتك نجود نجيك غدوة للبيرو نشوفك ؟؟
مايا : (بالكونت تاع نجود ) مهبول أنت عندك تعملها لا جامي تزيد تخمم فيها حتى نشوف كيفاه راح نتلاقى بيك ..." البهيم هذا يزيد يفسدلي كل شيء ."
محمد : سلام نجود رجعتيه الكونت هذا ؟؟
مايا : كي هدر معايا خوها زربت قفلت ...
مايا كل يوم تزيد تتعمق مع منذر في الحكايات الي هو بدورو يحساب فيها نجود ...
مايا : (في المسنجر ) سلام حبيبي ..
منذر : سلام الكبدة ...
مايا : تجي تشوفني الليلة مابقيتش نصبر ...
منذر : و راجلك ؟
مايا : هههه يخدم و بنتو بعثتها عند بيت جدها تبات ...
منذر : تسمى أنا و انتي برك ؟؟
مايا : هيه ههههه نستناك 22:00..
منذر : 😘😘😘😘
محمد : ألو واشك يا الحڨارة ؟
نجود : أنا حڨارة ؟وعلاه واش عملت ..
محمد : قتلك سلام البارح في الفيس مارديتيش ؟؟
نجود : لا ماحليتش خلاه البارح .
محمد : في الكونت تاعك القديم. .
نجود : لاااااا عندي 4سنين مافتحتوش !! بلاك غلطتي برك
محمد : والله مانعرف جابلي ربي متأكد ..
جات الليلة المشؤومة ...
رائد كان خدام و مايا نفذت الخطة تاعها و عيطت لمنذر و فتحتلو الباب تاع الدار و في الوقت الي كان منذر جاي في الطريق عيطت لباباها قاتلو راني مريضة في الموت و السخانة قتلتني ...
دخل منذر للدار بعدها ب 5دقايق دخل رائد و كانت المفاجئة الكبرى ..
رائد : واش راك دير في داري يا كلب اليوم نقتلك ...
بدأ رائد يتعارك مع منذر و مايا خرجت من بيتها و نجود مسكينة الي كانت راقدة ناضت مخلوعة و موش فاهمة حتى شيء حتى يحكمها رائد من شعرها و بدأ يضرب فيها ....يا خاينة يا خداعة يا ق***هذي آخرة عشقي ليك ....
منذر هرب بالروح من بعد ما خذا فيها طريحة تاع كلاب و قعدت نجود تاخذ في الضرب حتى داخت و كانت مغطية بالدم من راسها لرجليها ...
الحلقة العشرون :
مايا : ماتخيلتش بابا راح يضربها بالطريقة هذيك كنت متخيلة راح يطردها و يطلقها و خلااااص ...
بعد ما طاحت نجود في الأرض و كانت متغاشية هزها رائد لطبيب من معارفو و عمل اللازم خاتر آثار الضرب المبرح كانت باينة على وجهها و في جسمها و كان ممكن في السبيطار يبلغو الشرطة و.....
الطبيب : وعلاه يا رائد ولدي درتيلها هك ؟ حتى كون هي تستاهل الي في كرشها واش ذنبو ..سترها ربي منع البيبي الي في كرشها ...
رائد و مايا : بالكرش ؟؟؟؟؟؟؟؟
مايا تمنيت كون متت قبل مانلعب لعبة كيما هذي بديت نبكي و أنا نشوف في روحي شيطان كيفاه قدرت نعمل هك ....لكن طاح الي في كرشها نسمى قتلت خويا ؟؟؟ يا ربي سامحني ...
نجود : كانت تحاول في رائد يصدقها أنها ما عملت والو أما هو كان مخشن راسو و مستحيل راح يصدقها ....
مايا هي الي كانت قايمة بنجود بعد ما حست بالذنب ....
فاتت 3شهور
مازال الحال على حالو رائد كان مقرر يطلق نجود بعد ما تولد و زاد الطين بلة كي راح هدر مع منذر و نعتلو ليميساج تاع المسنجر تاع نجود ......تضاربو و خرج هايج
رائد : أول مرة في حياتي نبكي أول مرة تبكيني مرأة وعلاه يا نجود راني عشقتك ...
دخل من الباب ...نجوووووود
نجود : جيت واش كاين رائد (مع العلم هذي مدة مايهدرش معايا )
رائد : تفوووووه عليك يا خاينة طعنتيني في ظهري و ربي عالم هذا ولدو ولا ولدي ...
نجود : نقسملك بالله غير عمري ما خممت حتى فيه من النهار الي تطلقت معاه صدقني ماعرفتش واش صرى (نجود قاعدة على ركايبها في الأرض و تبكي )
رائد : هذا الكونت تاعك ؟؟
نجود : هيه تاعي القديم ....
رائد : شوفي أقري ليميساج تحبيه و تعشقيه و مانسيتيهش ...
نجود :تقرأ و مصدومة بواه نحلفلك إني خاطية خاطي أنا عندي سنين مافتحتوش ...أكيد بيراطاوه هيه شوف شكون دير التحقيق تاعك و شوف شكون ....أجبد شكون كان يهدر بيه ...
مايا : قريب نموت غير هذي ماتوقعتهاش ...والله يقتلني بابا واش داني ...
رائد : كل شيء باين وعلاه حتى نفضح روحي ....
هك ولات حياة الجميع جحيم رائد يخمم في خيانة مرتو و نجود تبكي على الي في كرشها و مايا خايفة يفيق بيها باباها ...
نجود : أحبس عندي هدرة معاك ...
رائد : مابقى مالو يتهدر بينلتنا ....
نجود : طلقني ....
رائد : كيفاه ؟؟ راكي تحلمي هنا تموتي تحت رجليا حتى نخلص حق خيانتك ليا أنا الي عشقت فيك ..
نجود : راح ندير شكوى نشوف شكون هدر بالفايس تاعي و راني خاينة حتى للنهار الي يبان كل شيء ...
رائد : حكمها من يدها بالقوة ...ماكفاكش خنتيني راح تزيدي تفضحيني في الخدمة ؟؟
نجود : هههههه هيه خمم أنت برك في روحك بصح قتلك الي في راسي نديرو ....
رائد : أنت راسك خشين ....ماشي يا خاينة درك ندير اللازم بيدي مع أني نعرف أنو موش راح يتبدل والو ...
رائد كان تعرف عل واحد يخدم في المعلومات عندهم و طلب منو يعرفلو شكون كان يحكي بالفيس هذا ....
نجود : هذي 3شهور نبكي الليل و النهار على كرامتي الي تجرحت و ثقة راجلي الي تحطمت ...و على البيبي الي في كرشي الي راح يعيش بين زوج والدين منفاصلين ...
سمانة و تخرج نتيجة التحقيقات ....
الحلقة الواحدة و العشرون :
نجود راحت لدارهم و هددتني أنو في الحالتين راح نطلقو و مازالت ما خبرتش دارهم ... و نقلكم الحقيقة الثقة تاعها أنها بريئة خلتني نخاف نكون ظلمتها ...و بديت نراجع في روحي ...
رحت عندها للبيرو ..
رائد : السلام عليكم ..
نجود : السلام ... راني مشغولةدرك ...
رائد : حبيت نهدر معاك ....
نجود : (راسها في الورقة ) قول و أخرج ..
قفل رائد الباب و بدأ يهدر ....
تعرفي أني حبيتك ...تعرفي أني 12سنة ميت حتى جيتي أنتي و حيتيني ؟؟ وعلاه رجعتي قتلتيني و طعنتيني بين كتافي ...علااااه كنت نحسك تحبيني ...واش تبدل في واش غلطت معاك ...
نجود : قتلك ماخنتكش و عمري ماتخيت نعملها حسبتك أنت الي راح تعوضني على الي فات كيفاه تشك اني خدعتك كيفاه نرجع ليه و أنا هربت منو بالروح أنت مهبول خمم شوي بعقلك ؟؟؟
رائد : واش تحبيني نكذب عينيا ؟ لقيتو في داري كيفاه دخل ؟ شفت ميساجاتك بعينيا ...أعذريني بصح ماكانش عاقل يقدر يصدق .....نروح نجيب النتيجة و بعدها نتفاهمو على كل شيء .
نجود : ننصحك انساني من درك كرامتي خلاص تجرحت ...
رائد :رحت جبت نتيجة التحقيقات و ضربتني صاعقة كي شفتها ....مايا بنتي ؟؟ مستحيل ...
نجود :رجع رائد في الليل و لقاني نلم في حوايجي رايحة لدارنا للأبد ...كانو عينيه حمر دخل طول فات لبيت مايا ...حتى نسمعو يعيط و مافهمت والو كانت تبكي بالصوت ...
نجود : خير واش كاين هبلتي ؟حضنتها عندي و هي تبكي و غاطسة راسها في صدري ...فهمني رائد واش عملت ..
رائد : أنا الي ماعرفتش نربي أنا الي ولدت الشيطان ...انتي مايا؟ أنتي الي كنت تقلك طول عمرك ملاكي الصغير ...كبرتي و وليتي شيطان علااااااه حطمتيلي حياتي علاااااه كنتي تشوفيني بعد موت أمك جسم بلا روح عجبتك ؟؟ ماعجبكش الحال كي لقيت وحدة حبيتها و حبتني ؟؟؟
نجود : بعدتها عليا شوي ؟؟ انت الي .... مايا ؟؟
الحلقة الثانية و العشرون :
مايا : سامحيني نجود كنت نكرهك ...بصح درك سامحيني غلطت ماتخيلتش يصرى الي صرى غلطت ربي يخليك سامحيني (تبكي )
نجود : تعرفي واش عملتي ؟؟ وعلااااه علاااه
مايا مكمشة فوق سريرها حاكمة رجليها بيديها و تبكي ...
رائد حاط يديه على راسو و مشوكي ...
و أنا بقيت نخمم واشي هو الحل .... خرجت من بيت مايا و رحت لبيتي ...
بطلت ما رحتش لدارنا و مايا كان الندم ياكل فيها و رائد ما يهدرش معاها و غضبان عليها ...أما علاقتي برائد كانت باردة من جيهتي و هو كان يحاول غير نرضى عليه و أنا بيني و بينكم مازلت نحبو و زيد أي راجل في بلاصتو يعمل الي عملو و كثر قررت نمد لروحي فرصة و للناس الي عايشة معاهم درت عشاء و لميت البنت و باباها ...
نجود : عندي قرار بعد العشاء نخبركم بيه ...
كملنا و رائد و مايا حاطين يديهم على قلوبهم و يستناو واش راح نقول ...
نجود : قررت يرجع كل شيء كيما كان ...(فرحو)بصح بشرط ...
مايا تندمي على الي عملتيه و ماتزيديش تغلطي و من اليوم تحطيني كي أمك ...
مايا : نوعدك مانزيدك
نجود : و انت رائد من بعد نقلك ..
دخلنا لاشومبر تاعنا رائد يشوف و عينيه يحاولو في نجود ...
نجود : شرطي أنك في حالة شكيتي فيا مرة أخرة يفض كل شيء من غير نقاش و تحبني ...قص عليها هدرتها و هزها ...
رائد: نحبك .....حطيت فمي في فمها و بستها أطول بوسة في العالم على فمها و رقبتها و صدرها نموت عليك يا قلبي سامحيني ....
رجعت المياه إلى مجاريها و ولدت إبني الصغير و سميتو مجد و رائد طاير بالفرحة بولدو و مايا بخوها و قررت هي الي تعاوني في تربيتو ...
الحلقة الثالثة و العشرون : (الأخيرة )
في نفس الوقت لاحظت أنها في علاقة مع خويا محمد و عادت تحب تروح معايا لدارنا و وصيتو عليها و هددتو نقتلو كان يغلط معاها ...
رائد : مايا ...عندك على خوك نتعشاو و نجيو ....
رحنا نهار 40يوم من بعد الولادة تعشينا عشاء رومنسي على شط البحر و الشموع و لاميزيك و الحب واش نحكيلكم و قضت الليلة بحنانة كبيرة ...
والحمد لله رانا عايشين أجمل حياة أنا و حبي و أولادي فيزوج مايا و مجد ...
النهاية ...
ليست هناك تعليقات:
إرسال تعليق