الرئيسية غير مصنف كرونيك قيس وعلياء 🥰🥰

كرونيك قيس وعلياء 🥰🥰

قصص وحكايات 1

A+ A-

مساء العسل فنفونات هاني رجعت و كيما العادة جبت معايا كرونيك كرونيك #قيس_و_عليا الحلقة الأولى اليوم بش نحكي على موضوع تناولوه برشة عباد ..حكاو عليه وبش يقعدو يحكيو عليه ..حكاية وماتوفاش ..موضوع الحب الأول ..الحب الافلاطوني ..الطاهر ..حكاية البنية الصغيرة اللي تحب وتعشق وتعطي كل ماعندها للي تحبو ..تتوجع ..تبكي ..تحزن ..تحس حياتها تاقف عندو وماعادش تزيد ....موضوع استفزني ...لقيت برشة بنات يحكيو عليه وغارقين فيه ...مانيش باش نحل مشكلة والا باش نعطي نصيحة ..بش نحكي قصة ..من منظوري انا ...مجرد حكاية ...حكاية بنوتة اسمها علياء حبت ولد حومتها وحلت عينيها فيه ..من صغرتها تغزرلو كبطل متاع القصص اللي تقرا فيهم ..هو اللي حبتو سندريلا واللي حبتو بلانش ناج واللي حبتو الاميرة النائمة ...هو اللي عينيها تلمع بالنجوم كيف تراه ...قيس ...الحب اللي سكن في روحها من اللي وعات على الدنيا ...عمرها خمسة سنين اول ماراتو ...قيس ولد خالتي بهيجة ....وقتها يقرا في الليسي ...ماكانتش تعرف شنوة معنتها حب وعشق ..اما راتو بعينين البراءة والطفولة متاعها ...تسحرت بغزرت عينيه الكحل الكبار ..بتبسيمتواللي تخلي حفرتين في خدودو ..وقتلي يبعثو بوها باش يشريلو حاجة تخلط عليه تجري وتشدو من ايدو تمشي معاه للعطار ...ساعات يضحك عليها وساعات يفد منها ويكش عليها ..اما هي تكبش فيه .. وكبرت علياء وكبر معاها حب قيس ..سكن في عروقها وفي دمها ...كانت تسخايل انبهار متاع صغر ويوفى لقات روحها غاطسة في حبو ...كانت تطلب ربي ليل ونهار انو قيس يقعد يستناها ومايتربطش بحب وحدة أخرى حتى تكبر وياخذها ..هكة كان مخها الصغير مصورلها الحكاية ...كانت تسخايل الدنيا معاها واللي قيس اول ماتكبر بش يحبها ويبنيلها قصر الاميرات ويعيشها فيه ...كبرت مع أحلام الطفولة... وكبر قيس وتوظف وولا يخدم في شركة محاسب ... كبر وولا اشب من اللي كان ..زين راجل... وكيف ولاد جيلو الكل لاهي بروحو ..يترانا في صالة متاع سبور ...بدنو مخدوم ...عامل كرهبة صغيرة يمشي بيها ويجي للخدمة ..ضحاك شهلول ياقف مع ولاد الحومة الكل ..الناس الكل تحبو ..وخاصة بنات الحومة اللي ساحرهم بغزرة عينية وتبسيمتو ولحيتو المحصورة اللي تذكرهم بالممثلين الاتراك اللي دخلوهم في حيط بشبوبيتهم ...وقيس ماكانش مخو في حتى وحدة منهم ...طموحو لكل انو يخدم ويكون روحو ..يعمل فلوس ويسافر ويحوص ويدور العالم ..طموحو اكثر من انو يعرس ويكون عايلة ويعمل دار وصغار ..يحب روحو كيف الفرززو كل مرة ينقل لبقعة وكل مرة يهبط على وردة ...يعمل علاقات كيف الأولاد الكل...علاقات عابرة ..عمرو ماحب ..قلبو عمرو مادق ..وتصور الليي عمرو مابش يدق لطفلة ..كانت البنات الكل عندو كيف كيف ..يحبو على الفيس والشبوبية والخرجات وحاجات أخرى هو قايم بيها على اكمل وجه ...في كل علاقة يخرج بتجربة جديدة تزيد تعطيه ثقة في روحو ..تزيد تغرو في روحو ..وتزيد تخليه يحتقر البنات اكثر على خاتر مايلقاش حتى مقاومة منهم وبغمزة منو قادر انو يطيحهم ويمشيو معاه لوين يحب ...عايش حياتو بالطول والعرض ...اما دارهم امو وبوه واختو الصغيرة وخدمتو عندهم الأولوية ...اول شهرية خذاها حطها في ايد امو بش تحسن بيها الدار ..وثاني شهرية كيف كيف ...وبعد مدة خذا قرض وقد دارهم اللي كانت ناقصتها برشة حاجات ..بحكم ظروفهم عادية ..بوه كان يخدم موظف في البلدية وتقاعد والشهرية الضعيفة متاعو كانت معيشتهم ومقريتهم وامو كانت تخيط في الدار لنساء الحومة ..عايشين مستورين كيف الناس وخير من الناس في حومة شعبية ..بوه يعيطولو الحاج محمد بالرغم الي هو عمرو ما حج اما كانو يقدروه ويحترموه ..راجل بهيبتو وبقدرو ...امو بهيجة مرا بحبوحة ضحاكة صاحبة نكتة ودمها خفيف ومايتشبعش من قعدتها ...اختو مريم ...قريد العش ..يخاف عليها من النسمة ...تقرا باك السنا ...تقرا مع علياء ..بطلة قصتنا ....علياء اللي كبرت وكبر معاها حلمها ..علياء ولات صبية ..تدورت وزيانت ..بدنها بدن مرا يغري أي راجل يغزرلو ..عينيها الكبار العسليين ماتنزعتش منهم نظرة البراءة ...شعرها اللي في لون عينيها يوصل لخصرها ...شفايفها كبار يعطيوها هيئة متاع مرا ناضجة ...خدودها مدورين وديما يحمارو اول مايغزرلها بعينيه ...وشكون اللي باش تحمار خدودها على خاترو الا قيس ؟ ..حلم حياتها وفارس أحلام طفولتها وصباها ...الطفل اللي مانجمتش السنين تنزعو من قلبها ومن عقلها ومع كل عام يزيد في عمرها تزيد تتعلق بيه وغزرة الطفلة البريئة ولات غزرة مرا في بداية نضجها ...احاسيسها تبدلت من ناحيتو ..ماعادش عينيها هي اللي تحس بيه ..بدنها الكل ولا يحس بيه ..قلبها اللي يبدى بش يتنطر من بقعتو اول ماتراه قدامها ...تغرمت بالقصص الرومانسية وكل بطل تقرا عليه تتخيلو قيس ..تتخيل لمسة ايديه كيف يحطها على شعرها ..تتخيل شفايفو كيف يحطهم على شفايفها ...تتخيل بدنو وهو قريب لبدنها ...وجهها يشعل وتضحك وحدها ..تعنق المخدة وتتخيلها قيس وهي حاطة راسها على صدرو ...كانت اكثر وحدة قريبتلو بحكم تقرا مع اختو ...يجيهم لليسي يروح بيهم وساعات يهزهم الصباح ...كيف تمشي للدارهم باش تراجع مع اختو تبدى عينيها تفركس عليه ..امو تحبها وتموت عليها ..وملي كبرت ولات تعيطلها كنتي ..تقلها نتمنى قيس يعمل عقلو ويريض والله مانلقى وحدة خير منك ليه ..غير هو يقول أي وانا من غدوة نخطبك ...وبوه يبدى يعارك في مرتو ويقلها خلي الطفلة تقرى على روحها مازالت صغيرة وانت تعبيلها في مخها بالحكايات الفارغة...الروح والعقل قيس وكان يطلب عينيها تعطيهملو ...اما هو ما يطلب شي ..وما حشتو بشي منها ...قيس كان يغزرلها كيفها كيف مريم اختو ..عمرو ما خدم مخوم معاها كيف بنات الحومة لخرين اللي راميين رواحهم عليه ..كان عارف اللي هي تحبو ..وموش هو برك عارف ..ولاد الحومة الكل يعرفو ..الحومة الكل تعرف اللي علياء تحب قيس ..وكانوا عاملينهالو تفريكة كيف يقعد في القهوة معاهم ..تبدى تتعمد تمشي وتجي برشة مرات باش تلفت انتباهو ..عينيها تلمع وهي تغزر على جنب فماش ما يتلفتلها ..ما كفهاش انها تراه وهو مروح بيهم من الليسي تحبو ديما قدام نظرها ...اما نظرو هو معمي على الطفلة الصغيرة اللي تعشقو ...ساعات يفد وساعات يضحك عليها وساعات تسخفو ..مايحبش يجرحها .اما هو عمرو ماحبها ولا جات على بالو كانسانة ممكن يحبها في نهار من النهارات ..كانت بنت حومتو كبرت قدامو ..تربات قدام عينيه ...لا اكثر ولا اقل ...ومن هنا تبدى معاناة علياء مع الحب من طرف واحد ..حب قتلها ودمرها ..حب عيشها في حلمة وفيقها مع كابوس الحلقة الثانية موعود على عيونك انا موعود .... وشو قطعت كرمالن ضيع وجرود ... فانت ..انت منك عارفة ..شو بيعملو فيا ...العيون السود .. عهدير البوسطة اللي كانت نقلتنا …. من ضيعة حملايا على ضيعة التمورين تذكرتك يا علياء ..وتذكرت عيونك ..يخرب بيت عيونك يا علياء شو حلوين .... كان قاعد يشيش في القهوة مع ولد حومتو وصاحبو بسام..شادد تليفونو يبربش فيه يشوف في شكون بش يكلم يلقاش وحدة من البنات اللي يعرفهم يعمل معاها سهرية فتوق ..عشية سبت ومايلزموش يفلتها ..صوت فيروز يشرقع جاي من بيتها ..بيتها اللي شباكها يطل على القهوة من الفوق ...كان حاسس بيها تغزرلو من الفوق ..تنهد ..حك لحيتو وهز كاس التاي يشرب فيه ..تلفتلوبسام يضحك - يا معلم الطفلة رقبتها باش تتقطع وهي تغزرلك من قبيلة هههه...عبرها يا ولدي ..اغزرلها ..الناس الكل شالقة بيها تحبك ..تي موش تحبك برك تعبدك عبادة . - اسمعني بسام كان بش تقعد تحكي معايا هكة راني بش نقوم ونخليك ...(حس العصب تطلعلو لراسو وقحرلو ..عاود هز الجباد متاع الشيشة جبد جبدة قوية ...) تي الفرخة مازال حليب أمها بين سنيها ركحتلها عليا انا ..مانحبش نجرحها حاسبها كيف اختي وقدر في بوها عم سالم مانحبش نسمعها الكلام ...والله حاسس روحي تخنقت وين ندور نلقاها قدامي ..فددتني يا معلم ..مافما كان انا في الحومة ؟ تمشي تشوف واحد أخر ترمي روحها عليه ...تي مشلقة على روحها بالظبط .. - ههههه تتذكر وقتلي كانت صغيرة كيفاش تبدا تجري في جرتك من بقعة لبقة ...نبداو نكورو في الحومة وتبدى واقفة تتفرج فيك مبهورة ..ههه تقول رونالدو يلعب معانا ...يا ولدي سكنتلها في مخها من الصغرة ..والله كان جيت كيفك نخمم فيها بلقدا ياقيس ..ياخي بش تلقى ماخير منها ؟ طفلة مازالت حليب ...لا مخالطة لا تعرف شي من الدنيا ..متربية قدام عينيك وتعرفها علاش تمشي وعلاش تجي وزيد مزيانة من الفوق وفتوق الطفلة ... - تو هذاكة حد نيتك ؟ وتبسم شطر تبسيمة ضهرت الغمازات اللي في خدودو ..عمري 26 سنة راهو ..تحبني نربط روحي من تو علاش؟ وزيد مانغزرلهاش هي وكان تقعد وحدها في الدنيا ..يا ولدي اختي هذيكة اختي ..كيفها كيف مريم ..ساعات تسخفني ..اما ماعندي مانعمللها ....مانحبهاش ترخص روحها ...اما برجولية عملت العار ...وحط الجباد فوق الطاولة كمل كاس التاي وقام ..هيا هيا نمشيو نعملو كعبات فك علينا من الحكايات الفارغة ...نهار سبت اليوم وسهرية للصباح مشات معاك معلم هههه قامو خلصو القهوة وجاو ماشيين ..يسمع فيها تعيطلو بالشوية ...غزرلو بسام على جنب وضحك -هههه أيا برا سلكها تو هههه - اففف ماهيش نورمال بصراحة ...نفخ صدرو بقوة وتلفتلها فادد ...كانت تلهث شوية ظاهرة شافتو خارج من القهوة من شباك بيتها وحبت تخلط عليه قبل مايمشي ..شعرها العسلي محلول طويل هابط وراء ظهرها من غير ترتيب ...عينيها الكبار تلمع وهي تغزرلو خدودها حمر ..كانت مربوثة وهي تغزرلو...هبطت عينيها من الحشمة وهوقعد واقف يستنى فيها اش تحب تقول ..حاط يديه في مكتوبو ويلعب بساقية بتوتر ... - عسلامة قيس ...قاتلو بالشوية وهي باقي مطبسة راسها وشطر تبسيمة على وجهها .. - عسلامة ..وي اش حاشتك ؟ - نها...نهار الاثنين عندي دفوار مات ومانيش فاهمتو ..حبيتك تفهمهولي كان عندك وقت ؟ هز حواجبو مستغرب وقحرلها - هههه تو تحب نفهمهولك ؟ عشية سبت راهو .باش نخرج مع صوحابي اليوم !! - معاكم بنات ؟ سالتو وهزت راسها وجهها لكلو مطمطم .. تفاجات بسؤالها اكثر ما تفاجئ هو ..قعد يقحرلها عاقد جبينو وهي زادت حشمت وتربثت ..هزت ايدها حطتها على خدها حستو سخن من الحشمة وعاودت طبست راسها - برا ادخل علياء لداركم وماعادش تسأل ... السؤالات هاذم اكبر من مخك ...تو غدوة نفهمك المات انت ومريم مع بعضكم ... - باهي ...حست صوتها غارق لداخل ..سامحني قيس ...ماقصدتش ... - باهي برا ادخل قص عليها وصوتو ولا بالعصب ...وعض على شفتو ..حركة زادت دخلتها في حيط ..رجعت بالتوالي تحس في قلبها تخلع من الدقان كيما كل مرة تراه ...ولات ترعش بكلها ودارت راجعة قعدت تمشي وتتلفتلو وهو واقف يغزرلها يتبع في حركاتها لين دخلت لدارهم ...سكرت الباب وهو تنفس وهز راسو الفوق ..كبس يديه بغزول ..وبسام يضحك عليه شايخ - معاكم بنات ؟ ههههه هاي تغير عليك القطوسة ههه تلفتلو دزو من كتفو يكركر فيه ويصيح -امشي امشي خير ما نرتكب جريمة هالنهار ....موش عارف شنية اللي في مخها وهي تسال فيا وشنوة تحبني نجاوبها ؟ بالرسمي بديت نفد انا ..تي هي بهيجة وعمرها ماتدخلت فيا وين نمشي والا مع شكون نمشي ... هيا هيا نعمر راسي وتو بعد نحكيو ههه... شققت الباب شوية وقعدت تغزرلو وهو يمشي ..تحس في بدنها لكل سخن مش وجهها برك ..حشمت وماتت بالحشمة ..وهاك القحرة اللي قحرهالها ياميمتي تقتل ...قعدت تشوف في خيالو من بعيد وتتعشق فيه ..قداش محلاه ومحلا بدنو وهولابس سروال نوار وبودي ازرق مواتيه السخطة ...تتبع فيه بعينيها لين ركب في الكرهبة ومشا ...سكرت الباب واتكات بظهرها عليه ..غمضت عينيها وتنهدت ..تنهيدة من جواجي قلبها ...مانجمتش تتحرك ..حست ساقيها ثقلو كيما كل مرة تراه فيها ...هزت يديها حطتهم فوق خدودها وضحكت ..بدنها لكلو يرعش من خضان قلبها ..احاسيس قوية ركبتها في الوقت هذاكة.... دخلت لبيتها وصوت فيروز مازال يشرقع ...رمات روحها على الفرش والتبسيمة ما فارقتش شفايفها العذراء اللي ماتباستش بلكل .. حطت ايدها عليهم وقعدت تعدي بصوابعها بالشوية عليهم وهي تتخيل في شفايفو فوقهم تتخيل في يديه تمسحلها على شعرها بكل حنان ..اه ياربي وقتاش نتجمعو انا وياه تحت سقف واحد ؟ نحس بيه ونحس بقربو ليا ..وقتاش تهز راسها وتغزر لعينيه بكل جراة ..عينيه اللي تذوب الثلج ...عينيه اللي بدنها لكل يتخلخل ويتكهرب بنظرة منهم ...غمضت عينيها وعنقت المخدة وضمت ساقيها على بعضهم ودخلت في احلامها.. الساعتين ونص متاع الليل وقف الكرهبة قدام دارهم وهبط يتسروس بالشوية ..يحب يدخل لدارهم بالسرقة من غير مايفيق بيه بوه ..الحومة كانت مسكتة وظلام ..وصّل بسام قدام دارهم وجاء... يسمع في نباح الكلاب من بعيد ..عينيه مخبلة يشوف في المفاتح بش يحل الباب ويسمع في صوتها يكلم فيه بالشوية -قيس اشبيك لتو ؟ تفجعت عليك وانا نستنى من قبيلة • الحلقة الثالثة عض على شفتو بقوة وتلفت على جنب ...مخو كان مرهوج بالكعبات اللي شربهم وزيد تاعب من السهرية والسياقة ...كانت واقفة في تركينة ظلام ضامة يديها فوق بعضهم وهازة كتافها ...قعد يغزرلها بغل ..لابسة بيجاما مصور فيها دبادب وشلاكة في ساقيها ...شعرها الطويل محلول وهابط على وجهها مغطي شطرو ...عينيه قعدت تحوص في بدنها الكل ..من راسها لساسها ...تنهد بالقوي وبدا يقربلها ..قعدت واقفة ماتحركتش ..عينيها مرة تهزهم وتغزرلو وتعاود تهبطهم فيسع ..وقف قدامها..شمت ريحة الشراب عليه ..زادت طبست راسها ..وبدات تلعب بصوابعها بربثة -تشغبت عليك ...قاتلو بصوت واطي ..حاسة اللي صوتها عالي في وسط الهدوء والظلام اللي داير بيهم ..هز حواجبو وضم شفايفو على بعضهم وكتف يديه يغزرلها بغزول – ياخي ماكش باش تنحيها الصنعة هذي ؟ ياخي شبيه سماك ماتفهمش ؟نورمال انت خارجة الوقت هذا ؟ ماتقولش كان يشوفني حد من الحومة اش يقول عليا ؟ ما يهمكش في سمعتك انت ؟ ماتخممش شوية هكة ؟ اللي في مخك تعملو !! وقربلها دزها من كتفها بالشوية وهي شهقت ..هزت راسها تغزرلو تلقى عينيه شاعلة نار ...حتى في وسط الظلام حست بلمعت الغضب الي فيهم .. - تشغبت عليك قيس والله ... -انا تشغبت وانا سماك .!!...قبل كنت نعديهالك ونقول صغيرة تو تكبر وتعمل عقلها ...وانت عمال متمادية ..وين نتلفت نلقى خليقتك في وجهى !قيني ..ابعدني ...باش تحب نفهمك ؟؟ بانا لغة تفهم ؟؟ دموعها هبطو وقعدت تغزرلو باهتة ...اول مرة يعيط عليها بالطريقة هذي ... - قيس اشبيك تحكي معايا هكة ؟ اش عمتلك انا ؟ كانت تحكي بالشوية وخايفة من صياحو االي بدا يقوى ...ماكانتش خايفة من الناس لا يشوفوهم خاتر الناس لكل تعرف االي علياء تحب قيس ...زاد قربلها ....طبس راسو وحط وجهو في وجهها ...غزرلها في عينيها ...عينيها كانت مدمعة ...اول مرة يثبت فيهم مليح ...كانو كبارفي لون العسل وزادت الدموع خلاتهم يحلاو اكثر ....ترهوج وهو يغزرلهم ...غمض عينيه وعاود حلهم ...لازم السكرة عطات مفعولها ...مابقا كان باش يغزر لعلياء تو !!!تي هي هكة وخانقتو خلي كان يعطيها شوية امل!! حط يدو على كتافها ودزها على الحيط متاع دارهم ...عينيها وساعت وتفاجات ....اول مرة يحط ايدو عليها ...بدنها الكل تبلنتا ....حست بالنفس تقطع عليها ...وبدات تخرج فيه بالسيف ...دور وجهو تلفت من ااشيرات الكل يثبت فماش حد يغزرلهم ...لقى الدنيا مسكتة وما فما حد ...زاد رجع يغزرلها ...بهت من ردة فعلها ....كانت بكلها ترعش بين يديه وتغزرلو مركزة مع وجهو ....هبطت عينيه لشفايفها ...كانو محلولين شطر حلة ...كبار ومغريين ...دخل بعضو ...قعد يحل ويغمض في عينيه ....نحا يديه من كتافها .وبعد عليها شوية ...خلاها لاصقة في الحيط ...قعدت لاصقة ماتحركتش ...هازة راسها وباقي تغزرلو مبهورة ..تنهد وبعد عينيه على وجهها ....حس روحو ضعف ....اول مرة يثبت في وجهها ...كل شي فيه كان يغري ...من عينيها المدمعة لخدودها المليانة الحمر ...لشفايفها الي ترعش ....تغريه بش يحط شفايفو عليها ويذوق طعم بنتهم ....هز راسو الفوق وبهت من تفكيرو ...مستحيل كان بش يخمم فيها كمرا......الطفلة مازالت صغيرة وكيف اختو ...حط ايد على الحيط والايد لخرى حطها على خصرو ..طبس راسو وبدى يحكي بهدوء اسمعني علياء عيش اختي ... - مانيش اختك ..قصت عليه - لا اختي ....انت اختي ...وباش تقعد في نظري ديما اختي ...يزيى راني فديت ..تخنقت ...وين نتلفت نلقاك في جرتي وولات عادة هذي كل نهار سبت نلقاك تستنى فيا وقتاش نروح ...ههه تي هي امي االي جابتني ماتستناتيش ... -خفت عليك قيس ...قاتلو بصوت يرعش فيه غصة البكاء.. ضرب ايدو على الحيط وزاد طبس عليها النفس متاعو فوق وجهها . .زادت لصقت في الحيط اكثر ...حست روحها بلحق دخلت في حيط من غزرت عينيه . . - شوف رويق خفت عليك ودور قصص عبير اللي تقراو فيهم انتوما البنات مايمشيش معايا ...ابعدني راني موش متاعك ..انا راني مانخممش في الارتباط من هنا لعشرة سنين اخرين ..تكون وقتها عرست وعملت ثلاثة صغار على الاقل - لا نستناك ...نستناك حتى عشرين سنا قيس المهم توعدني ماتبعدش عليا .. - يابنتي بانا لغة تفهم .؟ مانحبكش ..مانحبكش ..ومانيش باش نحبك ..لا تو لا مبعد ..اصلا ماكش في مخي جملة ..ولات تبكي بالشهقة وهو يقلها مانحبكش ...طبست راسها ودموعها تجري فوق خدودها الحمر ...حست بقلبها باش يهبط من بقعتو ...ترف الامل انو يحبها في نهار من النهارات قطعو تو بكلامو الجارح ...حطت يديها على وجهها وقوات في البكاء ...قعد يغزرلها ساكت ...كتف يديه ووقف قدامها ...حب يهز يديه ويعنقها يسكتها على ماسخفتو ..اما لا ..كان يعنقها تو تحسها تشجيع منو بش تزيد تقربلو ...يلزمو يقسى عليها تو .. يلزم يخليها تفهم اللي هي ماعندها حتى دور في حياتو ....يلزمها تعيش حياتها بعيد عليه ... - باهي برا روح تو يزي من البكاء ..صوتو كان ضعيف ..بلحق سخفتو اما ماينجم يعمللها شي كان لازم تفيق على روحها ليوم والا غدوة .. - مايهمكش فيا !! كان صوتها بالدموع ..هزت ايدها تمسح في خدها ومطبسة راسها ...ماك قتلي ماتحبنيش برا على روحك ..برا امشي ارقد وارتاح ..مايهمكش فيا انا .!! ي اش معنتها نخليك الثلاثة متاع الصباح في الشارع وندخل نرقد ؟ هكة قالك مخك الصغير ؟ ايا برا ادخل لداركم هاني نغزرلك ...ويزي بلا تفوريخ ..اكبر علياء اكبر كبر مخك وفيق على روحك راك السنا باك ..تلهى في قرايتك خير من الحكايات الفارغة اللي تتبع فيها –حبك ماهوش حكاية فارغة .قصت عليه وبدات تهدى شوية من البكاء - لا فارغة وتو ترا كيف تكبر وتدخل للجامعة وتتعرف على ناس اخرين تولي تضحك علبهم الايامات هاذم ...مازلت صغيرة والمستقبل مازال طويل قدامك ..انساني انا ..نحيني من مخك تو ترتاح .. - مانجمتش .. مانجمتش .نحبك قيس نحبك ...نعرف اللي انا قاعدة نرخص في روحي معاك اما الله غالب موش بيدي !!! من اول ماحليت عيني في الدنيا لقيتك انت قدامي ..حبك موش وليد البارح والا اليوم ..حبك معشش من صغرتي ..الناس الكل تعرف اللي انا نحبك ...علاش انت ماتحسش بيا ؟ كانت تحكي وراسها مطبس ...وجيعة كبيرة في كلامها وهي تحكي ...حس بالذنب وهو يسمع فيها ...قد ماسمعها الكلام وهي باقي مكبشة ومش مأيسة ...يلزمو يلقى حل بش يبعد عليها ..يلزمو يهرب من وجهها ..كان يقعد قدامها كل يوم بش تقعد متعلقة بيه وماهيش بش تسيبو .. .يلزمو يقطعلها الامل جملة .. - باهي برا ادخل تو ..انا تاعب وشارب وليت نفلطي في الكلام ..برا ارقد من هنا الغدوة يعمل الله دليل .. - عيشك قيس ...تبسمتلو شطر تبسيمة ....قعد واقف يغزرلها ...بدات تقربلو وقفت قدامو وهزت راسها شوية وباستو من خدو ...عينيه تحلت بعد ماكان دايخ ...مازال متفاجائ من الحركة متاعها وهي هربت تجري دخلت لدارهم وسكرت الباب ..هز يدو حطها على خدو بقعة البوسة متاعها ...حسها تحرق نار الحلقة الرابعة {انت كل اللذين احبهم ، وتأتي بعدك كل الكلمات ....قيس} زادت زينتها بقلوب روز وحطتها وسط الكراسة ...تبسمت ووجها احمار وهي تغزر وتعاود للورقة باستها وسكرت الكراسة ..تنهدت تنهيدة قوية ..غزرت لروحها في المراية وبدات تدور وتشوف في روحها ..كانت فرحتها ماتتوصفش ..باش تمشي بحذا مريم ويراجعو مع بعضهم وقيسون هو اللي بش يقريهم ..الايامات لكلها غاطسة في الامتحانات ..العام بش يوفى وهذي اخر ستريمستر ..يلزمها تجيب معدل باهي بش قيس يفرح بيها ..موش هو الأستاذ متاعها ؟ يلزمها توريه اللي هي لاهية بقرايتها وموش مضيعتها كيما هو يتصور ..يلزمها تثبتلو اللي هي في المستوى ...قرصت خدودها بش يحمارو وخرجت تجري من بيتها ..دخلت للكوجينة وين أمها تطيب في العشاء -ماما هاني ماشية .. -وين على خير ؟ -تي بش نراجع بحذا مريم ..ماهو في بالك .. تلفتتلها أمها وقعدت تغزر لوجهها المورد...كانت تعرف بنتها علاش فرحانة كيف تبدى ماشية بحذى مريم - قيس بش يقريكم ؟ هزت كتافها ضمت الكراسة لصدرها وضحكت -أي - باهي عيش بنتي ...(قعدت ساكتة مترددة وبعد كملت ) ارزن قدامو عيش بنتي ...راهم الرجال يحبو المرا الرزينة ...ماتبداش تتضيحك وتوري في روحك ..ماتخليهش يأخذ عليك الهف ويسترخصك -علاش يسترخصني ؟ قصت عليها ..ياخي نحبو ماما !! انت تعرف والناس الكل تعرف اللي انا نحبو من الصغرة ...وزيد ..وزيد هو تبدل في معاملتو معايا ...وقربتلها باستها من خدها فرحانة ...في بالك ولا سيس وماعادش يكش ....وزادة قلي ..قلي كمل قرايتك وبعد يعمل الله دليل .ههه - هو قالك هكة ؟ وقتاش قالك ؟ هزت حاجبها تغزرلها باهتة قعدت تلعب بصوابعها فوق الكراسة وطبست راسها حاشمة -المرة لخرى ...قالي تلهى بقرايتك وماعادش تخمم في شي ...المهم انجح ..حسيتو مايحبش يلهيني على القراية ...(وبدات تنقز كيف الطفل الصغير)ياماما تصور كان قيس يخطبني بعد نتيجة الباك ؟ هههه والله لاما ندوخ ...خطبتو هو اهملي من النتيجة .. أمها قعدت تغزرلها متحسرة ..خايفة عليها لا تجيها صدمة من حبها القوي لقيس ...عمرها ماحست اللي هو يحب بنتها ..ولا عمرو لمّح لبوها بأي كلمة بخصوصها ..انشالله يطلع كلام بنتها صحيح ويجي يخطبها بعد الباك ...غايضتها حالها وتخمم عليها ليل ونهار ..هذيكة لكسيبة اللي عندها ترا فيها وفي ربي ..جابت طفل بعدها ومات ..هي وبوها مدللينها على مايقدرو وموش مخلينها ناقصة شي ..والطفلة طلعت حساسة برشة ورقيقة ..لا تخالط ولا تحكي مع حد ..لا عندها لا دخول لا خروج كيف البنات ..نهار كامل يا تقرى قرايتها يا تقرى كتب تكرديهم من المكتبة وبوها بعد يمشي يخلص ..منغلقة على نفسها الطفلة الوحيدة اللي مصاحبتها هي مريم ..طفلة دافية كيفها وعاقلة ...والاهم من هذا هي اخت قيس اللي روح بنتها فيه ...تنهدت ورجعت تحرك في العشا ..تغزر للفرحة في عينين بنتها وتتمنى يطلع كلامها صحيح ...انشالله قيس مايخيبهاش وماينزعلهاش الفرحة من قلبه باهي برة عيش بنتي ..ربي يسهل انشالله ...المهم تلهى في قرايتك تو وبعد يعمل الله الدليل ..ماتبطاش عاد في المرواح ...السهرية مقينة في الدار بلاش بيك عيش بنتي هههه - باهي ماما دوبة مانكمل نجي ههه ..باستها من خدها وخرجت تجري ساقيها اعلى من راسها ...دار قيس كانت مقابلة دارهم ...هوما في اخر النهج ودار قيس في اولو وفما قهوة بيناتهم ..القهوة اللي يقعد فيها حبيبها ..تلفتت بالشوية مالقاتوش قاعد ...كرهبتو كانت واقفة قدام الدار ..دقت الباب بالقوي وقلبها يدق في الف دقة في الدقيقة ...حلت مريم دوب ماراتها ضحكت - أيا حمدالله عليك كيف شرفت للاه هه ادخل ادخل ...اك قيس شادتو بالسيف ...عاملينلو حصار انا وامي..وتزيد انت تبطى - هههه سامحني كان بطيت كنت نحفض في السيانس.. دخلت تنقز بش تطير طيران .تلقى امو وبوه قاعدين يتفرجو في التلفزة ناصبين القعدة متاع كل عشية ..التاي الأخضر باللوز وكعبات المقروض ... - عسلامة طاطا بهيجة ..عسلامة عم محمد - عسلامة بنيتي ..انشالله ربي ينجحكم ويفرحكم بجاه هالنهار الفضيل ..قالتلها امو وهي تضحكلها دخلت لبيت مريم تجري تلقاه قاعد على الطاولة حاط يدو على جبينو ويقرى في الكراسة قدامو ..تنطرت جات بجنبو وهي تلهث معنقة الكراسة حطتها قدامها وهو هز راسو غزرلها ...وجهها احمار وبدنها لكلو رعش من غزرتو ..كيف السحر نظرة عينيه ...تهزلها عقلها .. - ع..عسلامة قيس ..قاتلو مربوثة وطبست راسها من الحشمة - عسلامة ..علياء ..قعد يغزرلها شوية وعاود طبس راسو ..جات مريم قعدت مقابلتها وهو كان بيناتهم في الوسط ... - أيا نحبكم تركزو معايا تو ..مانقعدش نفهم مرتين انا ..واللي عندها سؤال والا حاجة مافهمتهاش بالوقت تقلي ماتخلينيش نفوت الشابيتر تفاهمنا - تفاهمنا ..قالولو الزوز مع بعضهم وهوما يضحكو ... بدا يفهم فيهم وتعدى الوقت وهي تغزرلو اكثر من اللي تفهم فيه .حاطة مرفقها على الطاولة ويدها فوق خدها وعينيها هايمة في وجهو ..نظرة حالمة فيهم لمعة براءة ..تغزرليديه كيفاش يتحركو وهو يفسر ..محلاهم يديه ...قوييين ..صوابعو طوال وظوافرو مقلمين مفينهم ...كانت صوابعها تلعب بالورقة اللي كاتبتها تستنى وقتاش تجي الفرصة بش تعطيهالو ..تحب تشوف ردة فعلو وهو يقرى فيها ..تبسمت وحدها وغمضت عينيها تحلم ... قاعدة تفهم فيا شنوة نحكي انت ولا غاطسة في عالم اخر ؟ تسمع فيه يوجهلها في الكلام ..حلت عينيها تلقاه يقحرلها وعاقد حواجبو بتنرفيز ..هزت راسها واستوات في قعدتها ترعش -اه ؟ أي أي نفهم نفهم ..من قبيلة نسمع فيك وفاهمة كل شي ... - أيا باهي ...انشالله تكون فاهمة خاتر انا ريقي شاح وماعادش عندي مانفسر .. تسمع في ضحكة مريم تلفتتلها تلقاها مطبسة راسها وغاطسة في الضحك ..بعد قامت من بقعتها قالتلهم - خلي نمشي نعمل قهاوي ونجيب دبوزة ما باردة لخويا مسكين ريقو شاح ...قحرلها وهبط حواجبو يهمز فيها بش ماتخليهش وحدو مع علياء اما هي مافهمتو ش والا عملت روحها موش فاهمة وخرجت تجري ...خلاتهم وحدهم ...كانت تحس في قلبها بش يتخلع ..شدت الورقة بين صوابعها ونحاتها من الكراسة وهو قام من كرسيه - خلي نمشي نعمل سيقارو ونرجع ..قالها بالشوية وهو مدور راسو باش يخرج تنطرت جات واقفة مقابلتو والورقة في يدها مدتهالو وايدها ترعش ..حطتها في كف يدو صوابعها تلمست صوابعو ..ذابت من الحشمة ومن احساسها القوي بلمستو ..طبست راسها ووقفت قدامو تستنى في ردة فعلو ..قعد يقلب في الورقة باهت ..ورقة روز مقطعة من كتاب ذكريات متاع بنات ظاهرة ...قرا الجملة والقلوب المصورة اللي عليها اسمو في كل قلب..بلع ريقو وعاود هز راسو غزرلها ..ضيق عينيه وجبد نفس قوي - شنوة هذي ؟ سالها بغش بهتت من ردة فعلو هزت راسها ..وجهها كان احمر وعينيها وساعت ..هزت حواجبها - ما ...ما عجبتكش !! كمش الورقة وحطها في مكتوبو ..قعد ساكت يغزر لوجهها ..رد فعلها كان في غزرة عينيها البريئة ..شاف فيهم حزن كبير...كانت متوقعة انو يفرح باللي كتبتو ..لكن هو مافرحش بالعكس ..معاملتو الباهية ليها هالايامات خلاتها تزيد تتمادى وتحاول بش تقربلو اكثر ..وهو الغرض متاعو انو مايشغشبهاش بريود الامتحانات وزيد قاعد يراجعلها مع اختو ..حط ايدو في مكتوبو وعاود تنهد -عجبتني عجبتني علياء يعطيك الصحة...اما راك كبرت على الحكايات هذي ..عمرك ثمنتاشنسنا تو ..ماعادش متاع رويق الأوراق الروز والقلوب ..في بالي متاع كولاج هذي ههه.. - يعني ماعجبتكش ؟ سالتو بنبرة فيها حزن .. غمض عينيه وخذا نفس قوي ..هز يدو يحب يفسرلها وهي مدت يديها الزوز وشدتلو يدو قربتها ليها ...حل فمو باهت من تصرفها اللي ماتوقعوش ..وقفت قدامو والتبسيمة مافارقتش وجهها ..طلعتلو يدو الفوق وحطتها فوق خدها المدور وبدات تمسح بيها عليه ..خدها كان ارتب حرير ..وهي مغمضة عينيها وتستحلى في لمستو ...حس برجة قوية في صدرو وهو يغزرلها ...سحر قوي في اللحظة هذيكة منعو بش يبعد ايدو وينطرها ... -محلاها يدك قيس ...حلت عينيها وغزرتلو وعينيها تلمع وكلها براءة ...بلع ريقو وغزر لفمها ولتبسيمتها اللي مافرقتهاش ..بدا يقربلها وهز ايدو لخرى وحطها على شعرها ...النفس متاعو قوى قرب وجهو لوجهها -علياء ...قالها بالشوية ..علياء راني راجل مانيش طفل صغير تتعامل معايا هكة...مانحبش نضرك يا سخطة ...النفس متاعو في وجهها وهو يتكلم ...طلعت راسها وزادت قربتلو - نعرف اللي انت راجل ..انت الراجل اللي نحبو ..نحبو عاللخر زادة ...ونعرف اللي انت ماتضرنيش خاتر انت زادة تحبني .. الكلمة الاخرة فيقتو على روحو ..هز راسو ونطر ايدو فيسع وبعد عليها ..رجع قعد في الكرسي وحط وجهو بين ايديه وكمشهم ... - برا روح علياء ..برا روح تو . - قي.... - قتلك روح ..انا ماعادش باش نفسر شي ... - والدفوار ؟ - قتلك برا روح باش تفهم ؟ بدا صوتو يعلى ويصيح تكبست وخافت من صياحو ..ومريم دخلت تجري تغزرلهم باهتة .. -اشبيكم اش فما ؟ قحر لاختو بغزول عينيه كانت تلوم فيها خاتر هي السبب ..خروجها هو اللي خلاه يتصرف معاها بالطريقة هذيكة ...ماعادش فاهم روحو ..حس مخو تكونسى ووقف في لحظة قربها ليه ..تنطر من الكرسي ورما الكراسة اللوطة شيعها على طول ايدو وخرج يجري من البيت -هاني خارج انا ومخليكم فيها الخربة الحرفة الحلقة الخامسة "قلبي يسير اليك ..وخير مايفعل هو ان يظل حائما حواليك ...يحرسك ويحنو اليك " سكرت الكراسة وحطتها تحت مخدتها وغمضت عينيها ودخلت في احلامها الوردية ... الصباح قامت بكري ...اليوم بش يشوفو النتيجة ..حاسة بشوية خوف اما اللي متاكدة منو انها بش تنجح بقدرة ربي ...هي واعدة روحها بالنجاح خاتر قيس اللي شجعها ...تنهدت تنهيدة عميقة من القلب ...نحات البيجاما ولبست حوايجهاوخرجت من البيت تلقى امها تحضر في فطور الصباح - صباح الخير ماما - صباح الخير يا روح ماما انت ..وباستها من خدها تضحك فرحانة ...اليوم بنتوتي بش تنجح وتولي تقرا في الجامعة ...بش تولي كبيرة وتقرا وتتخرج وتولي طبيبة سعدي بيها يا ربي !!! - هههه ماما مانحبش الطب انا ...فك عليا منو صعيب - لا صعيب لا شي ..انت ادها وادود يقول المصري .. - ومشات عنقتها ...اي وماما زعمة قيس يوافقلي على قراية الطب تو ؟ قحرتلها امها وعاودت تلفتت تقص في الخبز قعدت ساكتة شوية وبعدت قالتلها -انت بنتي انا ماعندو حتى واحد دخل فيك ...لا قيس لا غير قيس ...وبعد هذا ودونو اش رحلو فيك هو ...ياخي شاور هو في قرايتو حتى نشاوروه احنا ؟ - تي لا ماما موش قصدي !! اما خاتر قراية الطب برنامجها طويل وفيها قارد وتاخذ برشة وقت .. - اي شنوة المشكل تاخذ قد ماتاخذ !!اش عندك زاربك انت مازلت صغيرة اقرى في عقل عقلك ...وقتلي تتخرج تتخرج ... - باهي ماما تو نشوف مع قيس ونخمم !! - لا تشوفلو لا يشوفلك قيس متاعك هذا ...وهزت السكينة ورماتها بقوة على الطاولة ...شكونو قيس هذا اللي عاملة منو راس مال ؟ اهم من امك اللي جابتك ؟ فيق على روحك عيش بنتي فيق ..الطفل عايش حياتو بالطول وبالعرض كل يوم نشوفو في الشارع واقف مع بنية شكل ...بنات الحومة متاعنا والحوم اللي دايرين ببنا الكل صوحبهم وانت لتو مازلت تحلم بيه ؟ طبست راسها وجاتها غصة البكاء كيف سمعت امها اش تحكي - يا ماما ماتقولش عليه هكة ؟ قيس موش متاع هذا ...يحكي معاهم نورمال بنات حومتو ياخي !! والله بش تهبلني بتبهليلك انت !!! قاتلها بغش وعينيها تتشاعل ...يا بنتي فيق على روحك فيق ...اغزر لمستقبلك وقرايتك وانساه السخطة من مخك ...ماهوش متاعك ...ماهوش يخمم فيك من اصلو ...قلنا حب صغر ونبداو نضحكو عليك قبل كيفاش تبدى تتبع فيه وتجري وراه وهو مرا يدز ..مرا يكش ....هي تو عاد كبرت راك ..معادش صغيرة قنوشو ..الطفل لا حاشتو بيك لا عينو فيك بالفلاقي ياماما علاش تقول هكة امان ..؟ شكون قالك ماعينوش ؟ - انا نعرف ...وتلفتتلها تغزرلها ..قلبها عصر عليها وهي تشوف في وجه بنتها المنفخ بالدموع ..مشاتلها عنقتها وهي ترمات في حضنها وزادت في البكاء ...كانت عارفة الي كلام امها صحيح ... ماتحبش تصدق ...ماتحبش تقطع الامل ...قيس هو الحلم اللي عايشة بيه ...قيس هو النفس اللي تتنفس فيه ...تحب تاكد لروحها اللي هو بش يدور يدور ويجيها ليها هي خاتر موش بش يلقى وحدة تحبو والا تخاف عليه قدها ...قيس يحبها اما مازال مش فاهم مشاعرو ... - عيش بنتي يزي من البكاء ..قالتلها وهي تبطبلها على ظهرها ...اليوم نهار فرحتك ..نهار نجاحك ...نهار وصولك للهدف متاعك .. - فرحتي كيف قيس يراني كمرا مش طفلة صغيرة ..قصت عليها وهي تمسح في دموعها ...ونجاحي نهار الي هو يقلي نحبك كيما انا نحبو ...و الهدف متاعي اني نكون مرتو ...اسمي يتحفر مع اسمو ...ماما راني نحبو ...نحبو ..والله نحبو .. - اش تحبنا نعملو ؟ نمشيو احنا نخطبوه ؟ هاو ماتحلحزش هو جملة !! يا بنتي والله كان نلقى نشريهولك بالفلوس هاقيس ! الله لا يشويني فيك ...انشاله يسمع قلبك ويهديه ربي ويركح ...والله خالتك بهيجة نهارها المبروك السعيد وقتلي هو يقول يا ماخذة ...قاتلك مانخطبك كان انت !!! تحبك وتموت عليك وحاسبتك كيفك كيف مريم !! - حتى انا نحبها برشة طاطا بهيجة ..وضحكت ومسحت دموعها ...حست قلبها تملا بالامل من اول وجديد ...اكيد قيس ما يكون كان ليها ...اكيد وقتلي يختار بش يعرس يختارها هي وهي مستعدة تستناه لاخر العمر ... - باهي برة عبش بنتي جيبنا شوية شامية من عند عمك عمر العطار ...جيت بش نحطها نلقى الحكة فرغت ... - باهي ماما .. هزت الفلوس وخرجت ...تسمع في صوت ام كلثوم في القهوة ...طبست راسها ومشات تجري لعم عمر العطار ...دوب مادخلت هزت راسها تلقاه واقف يشري ...قلبها ولا يخض مش يدق ...عينيها وساعت وقعدت تغزر لظهرو من تالي ...قداش محلاه ووهرة حبها ؟ من وقت اللي صارت الفازة في دارهم وهو يتجنب فيها ..ولات تتوحشو من كثرت ماهي ماعادش تراه ...بعد ماقربلها نهارتها حست الدنيا تدور بيها ...تدور وتاقف في اللحظة هذيكة ...تاقف في لمسة يدو على خدها وعلى شعرها ...تاقف في انفاسو الي حستها في وجهها ...بدات تلهث موش تتنفس وقتلي دار وجاء قدامها .. - ص...صباح الخير قيس .. - صباح الخير ..غزرلها وطبس راسو كمل يمشي ...تعدى من قدامها وكمل ثنيتو ماعبرهاش ...ترهوجت وماعرفتش اش تعمل ..توحشتو تحب تزيد تقعد معاه ...تلفتت فيسع وعيطتلو بالشوية - قيس ..امان حشتي بيك .. وقف عاطيها بالظهر ..شاد بقات في يديه كبس عليها هز كتافو ودارلها ...وجهو ماكانش يعطي حتى تعبير ..اما من داخل فادد ...كان يتجنب فيها على قد ما يقدر ...الغلطة االي عملها معاها المرة لخرى يلزمها تنساها وتمحيها من مخها ...ماكانش بش اتعبو ...وبش ترجع تفددو في حياتو ..نفخ بفمو وضيق عينيه وغزرلها - نعم علياء حشتك بحاجة ؟ مزروب راني عندي مانعمل !! قربتلو وقفت بحذاه ...حطت يديها القدام بدات تلعب بصوابعها بتوتر ...طبست راسها من الحشمة ..كانت تتجنب غزرة عينيه مع انها تعشقهم اما ماتنجمش تثبت فيهم ..كل مايغزرلها وجهها يولي فراز -ما...ماكش بش تتكلم في التليفون تسال على النتيجة متاع مريم ؟ - مبعد عاد موش تو ؟ جاوبها بنطرة وتحرك بش يمشي ..شدتو من مرفقو وقفتو ..هز حاجبو وقحرلها ...وهي جبدت يدها كاينو لسعتها نحلة - لاباس ماهو ؟ شنية بش نرجعو لمعبوكة العادة ؟ سالها بالشوية ..وعمللها بعينيه معنتها فما عباد يغزرونا ومركزين معانا ...دورت وجهها تلقى جارتهم تقضي وتتلفتلهم تشوف فيهم اش يحكيو .. - سامحني قيس ...كنت ...كنت نحب نحكي معاك في موضوع يخصني ...حكيت فيه انا وماما الصباح ! - اي انا اش مدخلني في حكاياتكم انت وطاطا روضة ؟ اموركم !! - حبيت ناخذ رايك !! هز يديه حك لحيتو وقعد يثبت فيها ...عينيها مرة تهزهم ومرة تهبطهم تتجنب في غزرتو ..واقفة مربوثة قدامو كيف التلميذة المعاقبة ...اففف حار اش بش يعمل معاها ...كان بش ينبزها بش تسخفو !!كان بش يتحل معاها في الحديث بش يعطيها امل يزيد يخليها تخنقو !! - باهي تخلي مبعد الحديث خاترني مزروب وعندي مانعمل ...خذيت كونجي اليوم بالذمة عندي قضيات ....ومن غير مايخليلها الفرصة بش تحكي هز روحو ومشا ....قعدت تغزر لخيالو وهو يمشي وعينيها بش يتحرقو من قوة النار اللي شاعلة فيها ... تعدات الصبحية الكل وهي تحضر مع امها في الدار ..جاء نص نهار وبوها روح من الخدمة ...بدات اعصابها تتحرق بعد ماكانت واثقة من روحها ...تسمع في الزغاريط في ديار في الحومة تزيد تتوتر اكثر ...بوها بعث الميساج وقعد يستنى لين وصلو الخبر ...اول ماحلو بدا يصيح ويعيط - زغرط يا راضية زغرط بنتك نجحت .. ماهيش مصدقة روحها وهي تعنق في بوها وامها وبدات تبكي ..اخيرا فرحتها كملت ...مازالت ماكملتش ...ماتكمل كان مع قيس ...يلزمها تمشي تخبرو وتشوف اش عملت مريم ...خرجت عجاجة تجري ...خلات بوها وامها متكونسيين ...دقت الباب تسمع في الزغاريط ...خرجت مريم تجري وبداو يعنقو في بعضهم وينقزو من الفرحة ...دخلت معاها تلقى امو حاطة طاولة الماكلة عنقتها تبوس فيها وتضحك عيشك طاطا ...وبدات تدور في عينيها تغزر مالقاتش قيس في الدار ..تلفتت لمريم تسال فيها - ياخي وينو قيس ؟ موش قال خذيت كونجي اليوم على خاترك !! - على خاتري ؟ ههه واش خص سعدي !! خذاه لروحو يحضر في اوراقو بش يسافر ... رماتلها القنبلة وقعدت تغزرلها ...حست الدنيا بدات تدور بيها غمضت عينيها وحلتهم موش مصدقة االي سمعتو ...تسمع في امو تصيح على بنتها - يكب سعدك !تو وقتو تحكيلها على السفر ؟ اش بش ندعي بيك بنيتي !! - علاش تدعي بيا ؟ ياخي لازمها بش تعرف اليوم والا غدوة !!ماهوش سر هذا!!!!! هوما يحكيو ويتعاركو وهي في عالم اخر تحس في قلبها غم عليها ...ركزت ايدها على طاولة الفطور ترعش بكلها وجهها تقلب من الفرحة للحزن ..صوتها هارب منها وهي تسال في مريم بالشوية - وين مسافر يا مريم ؟ قعدت تغزرلها ما حبتش تجاوبها ..بدات تقربلها شدتها من ايدها اللي ترعش - لاباس علياء اشببك سمالله عليك !؟ - امان جاوبني وين ماشي قيس ؟ ماشي في رحلة وراجع فبسع ؟ وين ماشي بالضبط؟ جاتها امو شدتها من اكتافها من تالي وتنهدت تغزرلها بشفقة - لا بنتي ماشي بخدم في الخليج صحح على كونتراتو تابع الشركة اللي يخدم فيها ...بش يقعد يخدم غادي !!! ساقيها ماعادش هزينها من قوة الصدمة ...دقات قلبها تسمع فيهم يزنو في وذنيها ماعادش فاهمة شي ؟ ماعادش مستوعبة شي !!الدنيا لكل تقلبت سافيها على عاليها في اللحظة هذيكة ...نفاس ضياق عليها وبدات تتهز وتتحط ...وفي اللحظة هذيكة يدخل قيس..... حلقة السادسة هَلْ لَګَ ان تُقَبَّلَ قِلَبِيِّ الْمَوْجُوعَ مِنكَ.." فَرُبَّما يَغْفُوَ وجعَى قَلِيلَا.. . - اشبيه وجوهكم مقلوبة ؟ اش فما ؟ سكر باب الدار وقعد يغزرلهم باهت ...اختو طبست راسها وامو تغزرلو بلوم ..علياء كانت واقفة موش قد بعضها ...يشوف في وجهها اصفار والحمورية متاع خدودها منزوعة منو ..تفجع قربلها وقف بحذاها يسال فيها - اشبيك علياء ؟ تقليش مانجحتش ؟ ماجاوبتوش ...اصلا حاسة روحها في عالم اخر ...ماعادش واعية بشي قدامها ...تغزرلو وموش مستوعبة ...موش مستوعبة الي الوجه الي قدامها ...اللي تعشقو ...بش يمشي ويخليها !!حست بقريصة في بدنها ولات ترعش ...كل شي ولات ترا فيه اكحل وظلام ..طبست راسها وهزت ايدها االي ترعش ضمتها لصدرها ... - لا نجحت ..جاوبتو امو ..وشدتها من ايدها - مالا اش فما ؟ وغزر لامو يسال فيها بعينيه - بلحق ...بلحق قيس بش تسافر ؟ سالتو بصوت واطي ومخنوق عينيه وساعت وغزر لامو واختو بنظرة لوم ووجهو تقلب ...حط الساشى اللي جابها فوق الطاولة ..ووقف يثبت في تعابير وجهها ....كتف يديه ونفخ بفمو فادد موش عارف اشنوة بش يقلها لكن كبس على روحو وهز عينيه لمو وتكلم -اي بش نسافر علياء!! مازال ماكملش كلامووهي فحمت بالبكاء ...ساقيها ماعادش تنجم تهزهم طاحت على الكرسي وحطت يديها على وجهها ...حست دنيتها تزعزت الوقت هذاكة ....كل قطعة في بدنها تخدرت ...اتعس احساس ممكن تحسو في حياتها ....حياتها اللي وفات اللحظة هذيكة ... كل شي وقف بالنسبة ليها ....حياتها ...نجاحها ....مستقبلها ...حبها الكبير ..القوي ...حب الطفلة الصغيرة والصبية العاشقة ...حب حياتها الكل ...بش يمشي وماعادش بش تشوفو ...قيس بش يمشي ...وروحها بش تمشي معاه !! دموعها ماحبوش يكفو ...كل شي بان وتفضحت ...حزنها الكبير بان مافما حتى شي ممكن يواسيها حتى تعنيقة مريم ليها ...ترمات في حضنها وهو واقف داهش من ردة فعلها ....قد ماتخيل حزنها على فراقو ماكانش يسخايلها بش تنهار بالطريقة هذيكة ...عاود غزر لامو اللي عينيها دمعت ونظرتهم فيها لم كبير ليه ..عقد حواجبو وقالها بالشوية - علاش تقولولها انتوما ؟ نهار متاع الحديث هذا اليوم ؟ ياخي مسافر غدوة انا ؟ باهي المنوحة اللي حلتها تو ؟ قعدت تقحرلو بغزول ...دزتو من كتفو دخلتو لبيتو وسكرت الباب ..مشا قعد فوق الفرش متاعو باهت من ردة فعلها - اشبيك امي تدز فيا قداش قلبك حجر ولا !! ماسخفتكش الطفلة وهي هكاكة ؟ ماغاضتكش دموعها نهارت فرحتها بنجاحها ؟ - افففف!! نطر ايدو بالقوي وجبد سيقارو من مكتوبو شعلو من العصب بالرغم االي يحترم امو ومايتكيفش قدامها ....اش تحبني نعمل ؟ مانمشيش ؟ نضيع مستقبلي خاتر وحدة فرخة الله اعلم بيها اليوم تحبني غدوة تنجم تحب غيري ؟ - تحب غيرك ؟ طيح والله سعدك !!تي الطفلة بش تموت عليك ..بش تهبل .. - اسمع امي قص عليا الموضوع ..مخي ماهوش معاها جملة انا تو !!لا معاها لا مع غيرها ...ربي يوجهها للخير ..اليوم تبكي غدوة تو تنسى ... - باهي خلينا نعطيو فيها الكلمة على الاقل وانت برى امشي اتلف وين تالف - اسمع امي لا كلمة لا كلمتين ....وهز راسو بعصب وقف ينفخ في الدخان وعاود تلفتلها ...ماتعطيهاش امل الطفلة مانعرفش على روحي انا وقتاش مروح ولا اش بش نعمل غادي ؟ ماشي للمجهول تو ..مخي كان في الخدمة وتكوين روحي ...تي هي هكة وخانقتن ي وين نتلفت نلقاها في وجهي خلي كان نخطبها ؟ - الصبر يا وليدي والله الصبر ..تسخف الطفلة تحبك لاما تندم عليها نهار اخر يا قيس وقول امي قالتها !! خرجت وخلاتو يتهز ويتحط بالعصب ...قعد ينفخ في السيقارو بغل ...وقف حل الشباك يتنفس بالقوي ..هبل كيف شاف دموعها ...سخفتو ...سخفتو وغاضتو نهارت فرحتها تبكي بالطريقة هذيكة ..اما ماعندو حتى حل !!مايحبهاش ...ماهوش بش يربط روحو معاها خاتر يشفق عليها وزيد مازالت صغيرة ...مازالت ماجنحتش ..يمكن كيف تخرج من الدايرة اللي هي فيها وتعرف ناس اخرين وتخالط تو تنسى وتعيش حياتها ...تو يولي بالنسبة ليها ماضي ...حب اول ويتنسا مع الوقت ....تلفت للطاولة وين رما الورقة االي جابتهالو المرة لخرى وعاود قراها ...عينيه لمعت ...عدى ايدو على لحيتو وخرج من البيت يلقى امو واختو قاعدين تقول في زنازة وعلياء موش موجودة .. - اشبيكم ؟ اش صار زادة ؟ - اش تحب اخر يصير ؟ قاتلو امو من غير ماتغزرلو ..الطفلة روحت بدموعها على خدها بش تموت مش عارفة اش بش تقول لدارهم ؟وهوما فرحانين بيها ... - ووه على ولديا تو !!!عقد جبينو بغش ...تي فكني عاد امي بش نقعد نتحاسب انا على دموعها ؟ اكهو تو اللي صار صار ماتزيدش تكعرر فيه ...حس روحو فادد ومخنوق ...هز الورقة حطها في مكتوبو وخرج ..... افتقدك ثم احن ثم أتألم ثم ابكي ثم اصمت ثم انام .....كانت دموعها هابطة كيف الشتا...جمعتين ماخرجتش من بيتها وما حبت تقابل حد .. سكرت الكراسة وتكات راسها على المخدة ...كانت مبلولة بدموعها ...المخدة اللي شاهدة على ضحكتها ..على فرحتها ..تو بش تولي شاهدة على دموعها ...وجيعة قوية تحس فيها في قلبها البريء ...وجيعة ماعادش متحملتها والا طايقتها ...روحها تاعبة ...منهارة ..صدمة جاتها في اول حياتها االي مابداتهاش ....قوة مشاعرها وحبها القوي لقيس حستو نار ..نار وتحرق في جواجيها ...ماذبيها تتخدر ..ترقد وماعادش تفيق ...والحاجة اللي حرقتها اكثر انها سمعت االي غدوة الصباح مسافر ...يعني ماعادش بش تشوفو ...يعني شوية الامل اللي كان عندها ضاع ...قيس بش يمشي وينساها ...ممكن ياخذ وحدة من غادي ويعيش حياتو ...عنقت المخدة بقوة وغرست راسها فيها بش امها ماتسمعش دموعها ....قد ماهي تذبل كل يوم امها تذبل معاها ...حاسة بيها وبوجيعتها ...قد مانصحتها وقد مانبهتها ماسمعتهاش ...ثقتها في حبها واملها فيه عماوها على كل شي ...قيس مايحبهاش ...كان لازم نفهمها هذي من قبل ...كان لازم تعرفها ....لكن اندفاعها ناحيتو خلاها ماتراش نظرتو ليها ..يحبها كيف اختو ...هذي كلمتو ديما ....ماصدقتوش وماحبتش تصدقو اما هذاكة هو الصحيح!!! بدات تتقلب في الفرش كيما كل ليلة ..قامت شعلت الفايوز ...شربت شربة ماء ومشات طلت من الشباك ...ليوم نهار سبت ...تعودت انها ستناه ...هذا اخر سبت تستنى فيه قبس بعد مايروح من سهريتو سكران ....اخر سبت تشوفو فيه ...كانت تطل عليه بالسرقة في الجمعتين لخرنين ...اما ماعادش تخرج ...حتى امها منعتها انها تخرج بش ماتقابلوش صدفة ..قالتلها بش يسافر نهار الاحد سمعت من عند امو ..حتى مريم مشات لدار عمها تحرك في عرس بنتو ...لقات روحها وحدها هي والوجيعة ...هزت الكراسة وكتبت اللي هذا اخر نهار تشوف فيه فيس ...واالي هي يلزم تودعو ..الفارس متاع طفولتها وحلم شبابها لازم تودعو ...تشوف في الضو ساطع من بعيد وبعد وقف .. هزت كراستها وهبطت تجري ..حلت الباب بالشوية وخرجت تتسروس كيف العادة حل الكرهبة وجبد اوراقو وخرج ...حاس روحو تاعب وموش قد بعضو ....يمكن خاتر اليوم اخر نهار ليه في تونس ..حب يستمتع بيه لاخر وقت سهر وشرب وشاخ لين ماعادش فيه ...بش يفقد اصحابو وجوو هوني ...بش يفقد الحومة ولمة العايلة وضحكتها ...بش يفقد .... - قيس !!! يسمع في صوتها غارق في الظلام ...تلفت بالزربة يفركس عليها ...كانت تقدم بالشوية لين ظهرت قدامو ...عينيه مخبلة قعد يثبت فيها ...كانت واقفة لابسة سروال قصير ومريول عريا وحاضنة كتاب قي يدها ...مطبسة راسها كيف العادة ...وساعة ساعة تهزو تغزرلو وتعاود تهبطو ...غمض عينيه وعض على شفتو ....ههههه بالرغم اللي تقلق منها برشة اما بش يتوحشها ...بش يتوحش جريانها في جرتو ...ومستنيتها ليه كل نهار سبت حتى لين يروح ...بش يفقد هذا الكل كيما بش يفقد لمة العايلة .. كيما بش يفقد مريم اختو ... . - علياء ؟ هههه وينك الايامات لكل ماعادش تضهر ؟ كان يحكي معاها عادي ...ضحكلها وهي زادت غرقت اللوطة تتجنب في غزرتو ... زادت قربتلو بالشوية ووقفت قدامو ....حسها موش قد بعضها وشادة الكراسة في صدرها مكبشة فيها ..تنهد وقعد يستنى في الخطوة اللي بعدها ..كان تاعب ويحب يرقد ...هزت راسها وغزرتلو ..والمرة هذي جات العين في العين ... - قيس ...مو...موش انا اختك ؟ . تربث وبهت من سؤالها !!! هز حواجبو الفوق مستغرب ...حل فمو وعاود سكرو يحاول يفهم تعابير وجهها وجاوبها - بالط...بالطبيعة انت اختي ههه كيفك كيف مريم ... - مالا عنقني !!! الحلقة السابعة حين يغمُرك الحزن ، تأمل قلبك من جديد ، فسترى أنك في الحقيقة تبكي مما كان يوماً مصدر بهجتك ... قعد يغزرلها مش مستوعب اللي قالتو ...تنهد وحك راسو ...حالتها كانت قريبة للانهيار ..من شعرها الهايج لوجهها التاعب لعينيها المحوقة... حتى في الضو الناقص كان يثبت في تفاصيل وجهها وتعابيرو الحزينة ...طبس راسو وعاود هزو ..عينيه تحوم على البقعة الكل ..كان خايف لا يشوفهم حد ..الدنيا صيف والطقس سخون..والعباد تبدا مفرتة في الحومة ..عاود غزر لعينيها ..كانت ذابلة كايني تستعطف فيه ...اخر طلب كان ليه وماكانش يحب يرفضهولها ..لكن زادة كان خايف ..موش عارف علاش خايف ومن شنية ؟ حياتو كاملة وهو رافضها ..رافض قربها ليه ..لكن هي كان عندها إصرار قوي انها تدافع على حبها ليه ...في اللحظة هذيكة حس باحساسها البريء ومشاعرها الافلاطونية من ناحيتو ..حس قداش وجعها وصدمها ...لكن في قرارة نفسو كان يقنع في روحو اللي مشاعرها عابرة ..بش يجي نهار وتنساه وتعيش حياتها .....عدا ايدو على لحيتو وتبسملها - علياء ..قالها بصوت دافي ..مانحبكش تعمل في روحك هكة على خاطري ..وقربلها.. كانت مكبشة في الكتاب هازة راسها ليه .. غزرة عينيها ضايعة ...سخفتو ومن غير مايشعر هز ايدو حطها على شعرها وقعد يعدي فيها بالشوية عليه ..يسرحلها في الخصلات المخبلة ..وسرحت صوابعو عليه ..كان يغزر لعينيها الي ولات تلمع ..حس بالنفس متاعها على وجهو ..قلبو رف ...وفي لحظة جبدها ليه وعنقها بقوة ....حطلها راسها على صدرو ودور يديه على اكتافها وكبس عليها - بش نتوحشك يافرخة والله بش نتوحشك !! قالها بالشوية وهو مطبس راسو بحذا وذنها ...كانت يديها ضامة الكتاب فوق صدرو ..حس ببدنها الكل ترخى في حضنو وولا يرعش ...هزلها راسها بالشوية وعدا صوابعو بحنية على جبينها وشعرها ..دموعها غلبوها وهبطو سخان فوق وجهها الطفولي البريء ... - علياء يزي من البكاء على خاطر قيس يزي من البكاء ...مانحبش نشوف دموعك تو ..علاش تعمل هكة علاش ؟ - ماتمشيش قيس امانك ماتمشيش ...قاتلو بصوت مخنوق فيه عبرت البكاء ..ماتمشيش وتخليني ..اقعد معايا ..نحبك قيس نحبك... - تو تنسى ياعلياء ... في نهار من النهارات بش نكونلك ذكرى حلوة وين تتفكرها تضحك وتقول انا كنت نحب هذاكة هههه ؟ - لا مانقولش ..وعملتلو براسها لا بكل إصرار ...مانيش بش ننساك حياتي الكل ...امان قيس ماتمشيش !! حطت جبينها على صدرو وزادت لصقت فيه ...انتبه اللي هو مازال معنقها واللي يدو مازالت دايرة على كتافها ...حس روحو تورط ..دخل بعضو موش عارف كيفاش يتصرف ؟ كانت رقيقة ودافية بين يديه ..حس بمسؤولية كبيرة تجاهها..كانت ضعيفة ..مسلمة روحها ليه ..هز ايدو وحطها على راسها من تالي وزاد لزها لبدنو لصقها ...قعد معنقها حط دقنونتو فوق شعرها ويهدي فيها وهي تبكي ...مشوار وهو معنقها ساكتين الزوز..يسمع في حس كرهبة متعدية جبد روحو فيسع ..ترهوج وقتلي بعد بدنو على بدنها ..قعد يغزرلها باهت ... مصدوم ... إحساس قوي جاه وقتلي بعد ...كايني حاجة منو ..لاصقة في ضلوعو وتنحات ...دور راسو وبلع ريقو ...اكيد الشرب والسهرية اثرتلو على مخو برا علياء تو خايف لايشوفنا حد ..(.راسو مطبس يسترجع في انفاسو القوية) هاني عنقتك اش تحب اخر ؟ - نحب نزيد نقعد معاك ..قاتلو بصوت ضعيف مهزوم وزادت قربت . - - ياخي فاش تحكي علياء ؟ برا روح عيش اختي ..برا ماعادش بكري يلزمني نرقد عندي برشة حاجات بش نعملهم قبل مانمشي .. - خليني معاك امان قيس ..خليني الليلة هذي كهو وبعد ماعادش بش تشوفني جملة ..كانت تترجى فيه ودموعها تجري ...تعنيقتو ليها زادت هيجتها وحبت تزيد تقعد في حضنو اكثر وقت ممكن ...ماتحبوش يبعد عليها ..تحب تحس بحنيتو معاها حتى دقايق أخرى حك رقبتو وأول مرة يحس روحو حاير ..موش حاير برك ..حس اللي هو مايحبش يصدها ...مايحبش يبعدها عليه ..يحب يعاود يعنقها ويطعم حلاوة بدنها الطري...هز راسو مستغرب من الأفكار اللي جاتو في اللحظة هذيكة .... أفكار صدمتو ...عمل كل شي بش يبعد عليها ..قدم دموند بش يسافر ويبعد ..كان قربها ليه يوترو ...اول ماعنقها لقاء روحو يحب يزيد ...يحب يغرسها بين ضلوعو ويسكر عليها ...حرك راسو ايمين ويسار كاينو مرهوج !يحب يقاوم الفكرة في مخو ... يحب ينسى دموعها ..ينسى ضعفها ... ينسى الانوثة اللي حسها في بدنها وهو يعنق فيها ...ومن غير مايشعر بروحو قالها وهو يغزرلها في عينيها - ادخل معايا للدار ....نكونو وحدنا خير مايرانا حد في الشارع ..دار يحل في الباب ..حس بايدو ترعش وهو يحل ..غمض عينيه وتمناها تمشي وماتطاوعوش ...تمناها تبعد ..تهرب ...ندم على الكلمة اللي قالهالها ..على لحظة الضعف اللي هو فيها ..سمعها تسال فيه - وطاطا بهيجة كان تراني ؟ حس في صوتها تردد ..دارلها يشوف في ردة فعلها ..عينيها كانت فيها الحيرة .. - مفما حد هوني الكلهم مشاو لدار العرس وانا بش نمشي غدوة غادي نسلم عليهم ...كان يسنتى في ردة فعلها ..حل الباب ...ووقف يستنى فيها ...هزت كتافها ودخلت من غير تردد ...شعل الضو وبدا يمشي وهي وراه ...دخل لبيت نومو ..دخلت وراه ...كانت مربوثة وخايفة من مشيتها ..مع انو الدار هذي تربات فيها كاينهي دارهم ..اما دخولها معاه وهوما وحدهم كان إحساس اخر ... مشا قعد فوق الفرش وغزرلها وهي واقفة ..مترددة ...مطبسة راسها وتغزرلو من تحت لتحت وباقي مكبشة في الكتاب اللي في ايديها ...تبسم شطر التبسيمة متاعو اللي تعشقها وطبطب بايدوفوق الفرش بحذاه -ايجا اقعد بحذايا اشبيك واقفة ؟ مشات تجري قعدت بحذاه ..قلبها ولا يدق بقوة غريبة ...مش مصدقة اللي قيس عنقها ...تعنيقتو حركتلها برشة مشاعر في بدنها اول مرة تحسها ...اول مرة تسطعمها ...اول مرة تحس اللي بدنها محتاج لحاجات ملموسة ...حاجات كانت تتخيل فيها في مخها الطفولي .. حطت الكتاب بحذاها فوق الفرش وتلفتتلو ..كان مطبس راسو جبد سيقارو يشعل فيه ..زادت قربت منو وهو هز راسو مستغرب... -عليا... ماخلتوش يكمل كلامو رمات روحها فوق صدرو وعنقتو بالقوي ..عنقتو بقوة الحب اللي مخزتنو في السنين هذي الكل ...تفاجىء بحركتها ..من الأول ماتجاوبش ..حط ايدو اللي فيها السيقارو على مرفقها بش يبعدها وهي كبشت - علياء مايجيش هكة راهو !! راك قاعدة تستفز فيا !! ندمت اللي قتلك ادخل ..شفت كيف تندمني ؟ صوتو بدا يضعف وهو يكلم فيها ..ماعادش حاس بشي كان بطراوة بدنها البكر الي ماتمسش بلكل ...حس بروحو لهب من داخل ..دقات قلبو تخلطت مع دقات قلبها ..رما السيقارو بقوة في القاعة وحاوطها بيديه رجعلها التعنيقة ..زاد لزها ليه اكثر واكثر .. - يا علياء راني مانحبش نضرك علاش تعمل فينا هكة ؟ همسلها وراء وذنيها .. - نحبك قيس نحبك محلاها تعنيقتك محلاها ... - موش كان تعنيقتي اللي محلاها !!.. وهزلها راسها يخزر لوجها الفراز... لعينيها المزغللة.. لشفايفها الكبار وهي ترجف ..هبط راسو بالشوية وحط شفايفو على شفايفها بالشوية ...عاود هز راسو يشوف في ردة فعلها ..شهقت ..وعينيها وساعت فيهم لمعة زادت اغراتو ...قعدت تغزرلو باهتة حتى بوستي محلاها ...قالها بصوت مغري وعاود هبط عليها والمرة هذي طوّل ...كان يطّعم ويعاود ..يذوق ويتبنن في شهدهم..في اللحظة هذيكة نساء كل شي ..نسا اللي هو مسافر ..نسا المسافة اللي كان عاملها بيناتهم ... كانت بين يديه كيف العجينة الطرية ..تطاوع فيه وبدنها لكل لاصقو ..زاد كبش فيها وهبط فمو من شفايفها لرقبتها ..لكتفها ...شعل الوقت هذاكة ...نار ولهبت في جاشو ..كل شي كان جديد بالنسبة ليه ...حلاوتها فيها طعم بنين برشة في فمو اللي نهشها ..يسمع في لهاثها القوي ويزيد يقوي في لمستو... لهاثها يزيد يستفز رجولتو ..مشاعر ورغبة قوية عمرو ماحسها مع حتى وحدة ..نحى مريولو وهي تغزرلو مش مستوعبة ..كانت دايخة من قوة اللي حستو ..صدمة في بدنها الي تحرق وشعلت فيه الف نار من لمساتو ...تسمع كان صوت انفاسهم القوية ...نحالها مريولها وهبط على صدرها يبوس فيه ...من قوة رغبتها ولات تصيح... - قيس امان قيس ...قيس خايفة ...كانت تشدلو في راسو وهي تتكلم - ماتخافش ...هز راسو جاء وجهو مقابل وجهها...عينيه شاعلة رغبة وعينيها شاعلة خوف ولذة ..ماتخافش مانضركش ... كان يلهث وهو يتكلم ...كمل نحالها حوايجها الكل وطلع فوقها ...عدا يديه على بدنها الكل ..وهي مكبشة فيه موش مصدقة اللي صاير بيناتهم ..موش مصدقة اللي قيس اللي تحلم بيه حياتها كاملة كان فوقها يبوس فيها وشاعل معاها ..بدنها الكل كان يرعش كيف الفروج تحتو ...بدنها البنين اللي احلى منو مافماش ... هبل معاها ..اندفاعها وقربها ليه للدرجة هذيكة خلاوه يشعل عليها ...ماعادش ينجم يتحكم في تصرفاتو ...يسمع في صوت بكاها مع صوت الرغبة اللي طالع من فمها ....طبس باسلها بدنها الكل من فوق للوطة وهي بدات تفرفت ..قوة مشاعرها صدمتها ...وهو بخبرتو خلاها في عالم اخر ... - محلا بدنك ياسخطة ...محلاه ...كان صوتو يرعش وهو يبوس فيها - قيس نحبك نحبك ..ماتخلنيش وتمشي ...قيس اقعد معايا هنا وماتمشيش ...صوتها كان لاهب كيما بدنها ..هز راسو يغزرلها ...وجهها كان مغصور ..عينيها مليانة بالدموع ....صدرها يتهز ويتحط تحتو ..... رجع يبوس في شفايفها بقوة ورغبة قوية ...وهي تتجاوب معاه بطريقة فطرية ....تتفاعل معاه ..تكبس على ظهرو واهاتها القوية شعلتلو نارو اكثر واكثر ...وقتلي حس روحو ماعادش فيه قام من فوقها وقعد على جنب ...حط راسو بين يديه ...مازال دايخ من اللي حسو معاها ..موش مستوعب اللي صار بيناتهم !! موش مصدق ...بدنو لكل كان يغلي من داخل ...شاعل ..لاهب ...محتاج ...قوة ارادتو وعزيمتو انهزمت قدام انوثتها ..قدام اندفاعها ..قدام نظرة عينيها المليانة محبة وشوق ليه ...كان يهز ويحط في النفس بالسيف .. - قوم البس حوايجك ..قالها بصوت ثابت قوي ... - قيـ.. - قتلك البس حوايجك ..البس حوايجك علياء البس وبدا يصيح .. اخرج من هنا فيسع خير مانعملو حاجة نندمو عليها الاثنين... - نحب نقعد معاك ...قاتلو بصوت موجوع ..كانت تلبس في حوايجها وتغفص في دموعها وتغزرلو ..خليني بحذاك ماعادش تبعدني عليك استجمع قوتو الكل ... لبس مريولو وقام من الفرش ...مشا للشباك حلو خذا نفس عميق ...كانت قاعدة في الفرش مطبسة راسها ...شعل سيقارو وتلفتلها ...كان لازم يقوي روحو ..لازم ينهي كل شي وفي اللحظة هذي ...اللي صار الكل بالنسبة ليه غلطة كبيرة ..غلطة كان هو السبب فيها خاتر جاراها ..خلى مشاعرو كراجل تطغى عليه ونسا اللي هي طفلة صغيرة ...بريئة ..في لحظة كان بش يحطمها ويحطم روحو ..طبق سنيه على بعضهم بتوتر وقدّم وقف بحذاها ..هزت راسها تغزرلو بعينين كلها محبة وعشق ...لكن براءتهم كانت طاغية اكثر .. - علياء نحبك تروح لداركم وتنسى الليلة هذي ..تمحيها من مخك ...وتنساني انا معاها ..انسى اللي انت عرفت في نهار من النهارات واحد اسمو قيس - ننساك....مانجمش ننساك واللي صار اليوم تحفر هنا وحطت ايدها على قلبها وعينيها تترجى فيه بش يقولها أي كلمة غير انها تنسى اللي حستو معاه .. نزل على الكلام وهو يقلها -بالنسبة ليا انا انت كارطة محروقة ..يشوف فيها كيفاش شهقت وحطت ايدها على فمها من الصدمة ...عض على شفتو بقوة لين حس الدم بش يخرج منهم لاكن كان لازم يكمل كلامو للاخر ..كان لازم يقطعلها كل امل ممكن يخليها تتعلق بيه ... - انا شفت بدنك وشخت فيه ...وحتى كان ماوصلناش للاخر اما اللي صار يخليني نعيفك وما عادش نغزرلك ..خليقتك ماعادش نحب نشوفها قدامي ...كيما عطيتني بدنك بسهولة تنجم تعطيه لواحد اخر بسهولة زادة ... - قيس ؟ ماكانتش مصدقة الكلام اللي قالهولها ..موش مصدقة الكلام اللي خرج من فمو ..وقفت بصعوبة جات قدامو ..عينيها الذليلة في عينيه الحادة ... - قيس امان ماتقوليش هكة ..ماتقوليش هكة ...انت تحبني تحبني موش هكة ؟ انت عملت معايا هكة خاتر تحبني ؟ صوتها كان ضايع ..خايف ..متردد .. - هزت ايدها وحطتها على كتفو - وهو نطرها بقوة ..دزها للباب وصاح عليها - مانحبكش ..مانحبكش ..قتلك اخرج اخرج باش تفهم ؟ نصبلك قمع في مخك ؟ ابعد ..اخرج ..امشي ..ماعادش نحب نشوفك !! - وقفت في شطر لبيت تغزرلو ...عينيها الواسعين والدموع اللي هابطة منهم ... نظرة الألم اللي فيهم ...فمها المحلول شطر حلة .. ..كانت تبكي بقهرة ...عينيه دمعت ...اما كان مقوي روحو بش مايمشيش يعنقها ويقلها سامحني ... يعرف روحو جرحها ...دور راسو ووقف يغزر للشباك ...يسمع في خطواتها وهي تجري ...ويسمع في صوت الباب تحل وتسكر ..هي خرجت وهو ضرب ايدو على الحيط بقوة لين وجعتو ..حس بغل كبير في قلبو ...نار شعلت فيه وهبل ...تلفت للطاولة وبدا يكسر في اللي قدامو الكل يكسر ويصيح ..سيب غلو الكل في البيت دقدق اللي فيها الكل ..وهبط في القاعة على ركايبو يبكي ...لفت راسو يلقى كراستها ملوحة في القاعة ...كراسة ذكرياتها نساتها هوني وهي هاربة تجري الحلقة الثامنة {اياك ان تخسر امراة رأت كلّ عيوبك ومازالت تحبك } " اليوم حبيبي قيس وصلني انا ومريم لليسي ...محلاه يقتل يقتل ..لابس شوميز في النوار وسروال بلو مارين ..صدرو بالشعر ...نتمنى كان نحط راسي عليه وهو يعنقني ...حبيبي اول نهار ليه في الخدمة انشالله ربي يوفقو ويحميه ...ويخليه ليا ّ " سكّر الكراسة وتنهد ...هز راسو للسقف وقعد يغزر للفراغ ...ثلاثة سنين تعداو ...ثلاثة سنين على اخر لقاء بينو وبينها ...وثلاثة سنين وعينيها المقهورة المدمعة بين عينيه ...ضحكتها فرحتها ...دموعها ...براءتها ..حشمتها ..كلها تحفرت في قلبو ..وكل يوم تزيد تغطس اكثر واكثر ...تعدات المدة هذي الكل بش يفهم اللي علياء جزء منو ..بش يفهم الي هي تخلقت ليه وهو تخلق ليها ...مدة كبيرة من وقتلي سافر وخيالها معاه ..تطبع في قلبو لكن كان يكذب ..يكذب ويقول مستحيل انو يحبها ..كان يشفق عليها برك ...تسخفو ..كل شي الا انو يحبها ...وقتلي بعد كان محتاج للمدة هذي بش يحس بيها ..يحس بحبها الكبير ليه ..حبها كان في الكراسة اللي نساتها عندو وقتلي خرجت تجري ..الكراسة كانت الونيس الوحيد في غربتو ...كانت عايشة معاه ..في كل لحظة في كل دقيقة في كل ثانية ..في كراستها عرف قيس جديد ماكانش يعرفو ..كان يشوف في روحو من كتيبتها عليه ..كتيبة طفلة صغيرة عمرها عشرة سنين مبهورة بالبطل متاعها ...كتيبة المراهقة على فارس احلامها ..وكتيبة المرا العاشقة ...كل تفاصيل حياتو محطوطة في كراستها ..شنوة يحب ؟ شنوة يكره ؟ وقتاش يقوم ؟ وقتاش يروح من الخدمة؟ شنوة لبس في المناسبة الفلانية ...محور حياتها الكل كان هو ...حب كبير غمرتو بيه وهو ماكانش عارف ..جرحها وماكنش يقصد يجرحها ..كسرها ..وماكانش يقصد يكسرها ..كان يسخايل هذا في مصلحتها ..بش تنساه ..لكن تو مايحبهاش تنساه ..يحبها تقعد متذكرتو ..يحب يرجّع ملكو ..علياء كانت ملكو ..حاجتو .متاعو ..لكن هو كان معمي عليها ..غرورو وتكبرو وشبابو غرّوه وخلاوه يرفضها ..الغربة خلاتو ينضج ..خلاتو يكبر ويفهم ..خلاتو يحس بقيمتها ..لهفتها وخوفها عليه ..مستنيتها ليه كل نهار سبت حتى يروح ..فقد حنيتها واهتمامها ..الاهتمام اللي كان يحسو خنقة تو ولا مصدر فخر ليه ..انو مرا تحبك بكل عيوبك ..بكل تصرفاتك الخايبة معاها ..كانت مستعدة تعطيك كل شي ..روحها وقلبها وبدنها ....مرا كيفها كانت جوهرة ..جوهرة ماعرفش قيمتها كان كيف فقدها ...جبد الكراسة متاعو واكتب فيها " حبك يا عميقة العينين تصوف تطرف عباده حبك مثل الموت و الولاده صعب بأن يعاد مرتين" حاجة جديدة تعلمها منها ...انو يكتب اللي يحسو ..مشاعرو ناحيتها ..اشتياقو الكبير ليها ..كل شي كان يكتبو ..الحاجة اللي كان يتمنيك عليها ويقلها متاع مراهقين ولا هو يطبق فيها ...قيس المغرور ..المتملح ..قيس المستهتر تبدل ..علياء بحبها الكبير ليه بدلتو ..ولا رومانسي ...عاشق ...اي ههه قيس ولا عاشق .. حبها كان الضو اللي جهرو ...وتوحشها ..قداش توحشها ..توحش كلامها ..رقتها ....ضعفها ...بوستها..بدنها الي رجف تحتو...رعشة صوتها وهي بين يديه محفور ة في وذنيه كاينهي موسيقى سمفونية يحطها ويعاود يسمعها ..كل لذة حسها معاها .. محفورة في بدنو وبين ضلوعو ومانجمت حتى مرا عرفها قبلها والا بعدها تنسيه فيها .. حتى وحدة مانجمت تعيشو الإحساس اللي عاشو معاها ...ريحتها ..بنتها ...براءتها الممزوجة باندفاعها وسعيها لاكتشاف الحب معاه خلاوه يعيش اسير اللحظات هذيكة تنهد وغزر من شباك الطيارة ...السماء كانت صافية كي صفاوة افكارو تو ...عقلو وقلبوكانو يتعاركو ...عقلو كان يحب يكمل الكونتراتو متاعو اللي كان خمسة سنين ويكون روحو على قاعدة ...وقلبو كان يقلو ارجع ..ارجع لحبك ..ارجع للانسانة اللي حبتك لدرجة العبادة ..ارجعلها واعطيها الحب اللي تستحقو منك ..الحب اللي حرمتو منها وذليتها على خاطرو ...وقلبو هو اللي ربح ..الوحش قتلو ..وكان لازم يرجعلها ..جاء الوقت اللي يلزم تكون ليه ... علياء متاعو يلزمها تكون ليه ...تنهد تنهيدة قوية وتبسم ..حك لحيتو اللي تعشقها هي ...لحيتو اللي عملتلها صفحة كاملة في كراستها توصف فيها بانبهار ههه ...ومن دقة وصفها ليه حس روحو ملكها ...من عينيه لخشمو لفمو للغمازات اللي في خدودو ..لشعرو ... لصدرو ..لبدنو ..كل وصف يخليه مبهور اكثر بيها ..ويخليه يزيد يضعف ويغرق في حبها اكثر واكثر ..قداش كان بهيم ؟ ..حط الكيت في وذنيه وبدا يدندن مع الغناية " تذكرتك يا علياء ..وتذكرت عيونك ...يخرب بيت عيونك ياعلياء شو حلوين " - علياء عيش بنتى قوم حضر معايا الطاولة بوك وحسام عدك بيهم جاو من الجامع !! - باهي ماما نكمل نكتب اللي في يدي ونجيك ..." الحبُ الأولُ لا يموت بل يأتي الحب الحقيقي ليدفنهُ حيّاً" تبسمت وسكرت الكراسة وخرجت للصالة ..تلقى أمها محضرة صفرة طويلة وعريضة فيها الشهاوي الكل .. - وه ماما شنوة هذا الكل ؟ ياخي قداش من واحد بش يفطر بحذانا ؟ حسام وحدو راهو مامعاش عرش جايبو معاه !! - وجيت حسام جاتك شوية ؟ قالتلها وهي تحط في الاصحنة فوق الطاولة ...هذاك ولدي كان يطلب عينيا نعطيهالو ..نعرف الماكلة الكل اللي حضرتها يحبها هو ..وانا اللي يحبو نطيبهولو .. - أيا ماما بديت نغير راهو في بالك ؟ ضحكت ومشات حطت يديها على اكتاف أمها وعنقتها وباستها من خدها ..صحة عليه حسام عندو حماة كيفك ههه يلزم يبوس يدو وجه وقفا على النعمة اللي عطاهالو ربي - وانا قد مابش نعملو مانجمش نكافيه عاللي عملو معانا ..ومعاك انت بالذات ...رجعلي بنتي للدنيا بعد ماستخايلتها ماتت ..وتنهدت وتلفتت عنقتها ..الله يهلك ولاد الحرام ..كنت بش تضيع من بين يديا ونخسرك كان مش منو هو .. - ماما فك علينا من السيرة هذي ..قالتلها بصوت فادد وعينيها سرحت للماضي ..الماضي التعيس اللي ماتحبش تتفكرو ..تحب تمحي الصفحة الخايبة من حياتها ..هي تو دخلت مرحلة جديدة في حياتها ..مرحلة النضج ....هزت ايدها وتبسمت وهي تغزر لخاتم الخطبة ..تسمع في الباب تحل مشات تجري بش تتعرضلهم ...بوها دخل ومعاه راجل طويل اسمر ..عينيه مارون غامقين وشعرو اكحل..لحيتو طالعة شوية ..تبسملها وغمزها بعينيه من وراء بوها وهي ضحكت وطبست راسها .. - قبل الله - اجمعين .جاوبو الزوز - أيا اش محضرتنا حماتي الغالية فطور راني جيعان .. - الخير والبركة ..قاتلو أمها ..اللي تحب عليه تلقاه هوني .. قدّ م وقف قدامها باسها من جبينها -ربي يخليك ليا يا احلى حماة في الدنيا ..راني الدلال ماعرفتو كان كيف عرفتك ...نسيتني في امي اللي فقدتها .. - الله يرحمها وينعمها ..ماني قتلك الف مرة راك انت ولدي اللي ماجابتوش كرشي والله يا حسام معزتك عندي في معزة علياء بنتي !! - احم احم ..قاتلهم علياء وهي تضحك ..ونحنا مانضحيوش هههه ؟ - هههه يا مغيارة ...غرت خاتر فكيتلك بلاصتك هههه؟ مشات وقفت بين بوها وامها وعنقتهم الزوز -حتى حد ماينجم يفكلي بلاصتي عند الزويز هاذم ..نعرف معزتي عندهم مليح مليح ..وباستلهم جبينهم .. قعدو يفطرو ويضحكو ..وعينيهم تتقابل ..وفي كل مقابلة يغمزلها ويتبسملها تبسيمة تذوبها ...كانت سارحة في نظرة عينيه ..في صوابعو الطوال وظوافرو المقلمين... تعدات العشية بين الضحك والجو العايلي الدافي ..الدنيا كانت باردة شوية ..قام حسام بش يروح وهي مشات توصل فيه لباب الدار ..وقفت معاه قدام الباب حلو و وتلفتلها ..طبس راسو وخطف بوسة من خدها - محلاك اليوم - اليوم برك ؟ قاتلو بدلال - كل يوم تزيد تحلى اكثر من النهار اللي قبلو ..وكل يوم تزيد تهبلني ..اااه وقتاش توفى هالقراية ونعرسو راني ماعادش ننجم نصبر ؟ دزتو من كتفو بالشوية تخرّج فيه وتضحك...تلفتت على غير رادة ..وجات عينيها في عينيه ... وجها تقلب والضحكة فارقتو ...عينيها وساعت من المفاجأة ....كان واقف مقابلها من بعيد .. قيس واقف مقابلها ...مكتف يديه ويغزرلها ويغزر لحسام مصدوم الحلقة التاسعة { اشعر وكأن قلبي يحترق شوقا لذلك الغائب البعيد...} كيف تقول الأرض تزعزعت تحت ساقيها ...الشعور اللي حستو وهو واقف يغزرلها اقوى من هكة ببرشة ....في لحظة رجع بيها الوقت ثلاثة سنين لتالي ...بوجايعها وبقهرتها ..بالذل اللي حستو معاه ..بفقدانها لاحاسيسها الكل ...كل الدموع اللي هبطتهم على خاترو ..كل شي كل شي تعدى فلاش قدام عينيها ...قسوتو وكرهها ليه اللي عمال يقوى ويزيد مع كل نهار يتعدى وهو بعيد ....هبطت عينيها وبلعت ريقها حستو نشف ..بدنها شدتو رعشة قوية ولبها العرق من ساسها لراسها ..مفاجاة ماكانتش متوقعتها انها تراه بعد السنين هذي الكل .. مفاجاة رهوجتها ...بعد مابدات تنسى وتعيش حياتها ياقف قدامها بكل استفزاز ...تسمع في صوت حسام كاينو جاي من بعيد -عزيزتي نخليك تو ..برا راجع شوية خاتر تعرفني انا مع القراية مانرحمش ..ماتقولش خاترني استاذك بش نجاملك ههه ؟؟ حاولت تنتبه لكلامو ..هزت راسها وغزرتلو ومخها ضايع وسارح ..تبسمتلو شطر تبسيمة ..كانت تحاول تسترجع قوتها ..القوة اللي اكتسبتها في السنين هذي الكل .. مشات معاه وهو بش يركب كرهبتو ...شافت لاخر قاعد يقدم بالشوية لجهتهم هوما ..من غير ماتشعر كبشت في ايد حسام ..غزرلها وضحك ...زادت قربت اكثر وطلعت راسها باستو من خدو ..حركة فطرية عملتها بش تثبت لروحها اللي هي مازالت ثابتة ..مازالت عزيمتها قوية وماتهزتش من رأيتها ليه قريب ..ضحكتو وساعت وشدها من راسها بيديه الزوز وباسلها جبينها -تعرف بش نتوحشك حتى الغدوة ..بش يتعدى الليل طويل عليا اليوم ههه؟ -حتى انا بش نتوحشك زادة ..وتبسمتلو ..شدلها ايدها باسهالها وطلع في الكرهبة عمللها باي بايديه ومشا ..من غير ماتتلفت ناحيتو دارت تجري بش تدخل لدارهم -علياء ؟ تسمع في صوتو يعيطلها ...نفس الصوت اللي قهرها وذلها ..نفس الصوت اللي قتلها من داخل ...اللي قتل فيها كل شي حلو كانت مؤمنة بيه ..كملت تمشي من غير ماتتلفتلو .. -علياء نكلم فيك راني اشبيك حاقرتني ؟ نفس التعنطيز والقوة في صوتو ..نفس لهجة الامر اللي يمارسها معاها ديمة ...كبست ايديها وخذات نفس عميق ..لازم تواجهو وتثبت لروحها اللي هو ماعادش يعنيلها شي ..رسمت تبسيمة على شفايفها وقوات نظرتها وتلفتتلو ...كان واقف قدامها بالظبط ..ما فماش مسافة بيانتهم ..نفس النظرة الواثقة ...ماتبدل فيه شي الا انو زاد زيان وبدل كوب متاع شعرو ...كان عاقد حواجبو ويغزرلها نظرة فيها الف تعبير وتعبير ....وقفتو فيها قوة ورجولة ضعفتها في لحظة ...حاولت تكبش في التبسيمة المصطنعة متاعها ورسمت نظرة اسغراب في عينيها - قيس ؟ والله ماعرفتك ههه وقتاه جيت ؟ قعد يغزرلها بتمقصيص ..هز حواجبو الفوق وعينيه وساعت ...كاينو فاهم اللي هي تفلم عليه ...خرج لسانو عداه على شفايفو وطبقهم على بعضهم ..هز ايدو عداها على لحيتو - تو مازلت كيف وصلت ..اممم ماعرفتنيش مالا ؟ هههه ..ماك كنت لاهية في حاجات أخرى اهم من انك تغزرلي وانا جاي !! شكونو السيد اللي كان معاك ؟ سالها ولهجتو فيها امر ..كاينو من حقو بش يسال ...رجعت راسها لتالي وعقدت جبينها ..كتفت ايديها وضحكت - ههههه الناس تقول عسلامة ..اشنوة حوالك ؟ أش عاملة ؟ اشبيك ؟ ثلاثة سنين راهو ماريناش بعضنا ؟ - تحسب فيهم انت السنين ؟ سالها وتبسم باستفزاز لين ظهرت الغمازات متاعو ..كان واثق من روحو لاقصى حد ...ما ..ماتبدلش وماتزعزعش جملة في لحظة تربثت من نظرتو الثاقبة وكلامو الواثق ... هبطت ايديها اللوطة وتعمدت تقدم ايدها اليسار بش يشوف الخاتم المرسوم في يدها ...حست بلذة كبيرة من داخل ..متعة لا تضاهيها متعة وهي تشوف في عينيه كيفاش تبدلت نظرتهم وهو يثبت في الخاتم ويعاود..حستو تهز ..من حركة بدنو اللي تكبس ..من غزرتو اللي تقلبت وولات شاعلة - شنية هذا ؟ سالها مستغرب ونبرة غش في صوتو - هذاكة خاتم خطبة ...والسيد اللي ريتو معايا هو حسام خطيبي ...فهمت تو سي قيس ؟ وتو نقلك بسلامة اكيد راك متوحش داركم برا امشي سلم عليهم .. - عليـ... ماخلاتوش يكمل..دخلت تجري للدار وسكرت الباب ..تكات ظهرها عليه ووقفت ...تسمع فيه يعيطلها ..وقف شوية وبعد ماعادش تسمع فيه ..وقتها حست بالصدمة ...صدمة السنين اللي ماراتهمش فيه ...قلبها تحس فيه يخض بالقوي ..يديها ترعش ...هزت راسها الفوق ..الدنيا باردة لكن هي حست فوارة خارجة من بدنها ..معدتها تقلبت ..وقفت تلهث ..تلهث ..تلهث ...موش مصدقة اللي عملتو ؟ سكرت الباب في وجه قيس !!ههههه ..اخيرا سكرت الباب في وجهو ...خلاتو يتكلم وسكرت عليه الباب ...علياء ماعادش أسيرة لقيس !! نجمت تسكر في وجهو الباب ...نجمت تتغلب على ضعفها قدامو ...نجمت تاقف قدامو بكل تحدي وتناقشو وتحكي معاه ...تحط عينيها في عينيه !! ضحكت ...قعدت تضحك بالشوية لين حست بغصة كبيرة في قراجمها ...غصة سنين القهر اللي عاشتهم وهي تحب في انسان اناني ..انسان مغرور ..متسلط ..دموعها هبطت .. طلعت تجري لبيتها بش ما يشوفوهاش أمها وبوها وهي في الحالة هذيكة .. يزيهم ماعاناو من جرتها ...اول ماحلت الباب ..رمات روحها على الفرش وعنقت المخدة وفرغت قلبها بالبكاء ..تبكي بقهرة .بغل ..بكره ..علاش رجع علاش ؟ علاش حستو تغشش كيف راها مع حسام ؟ شكونو هو حتى يحاسبها ؟ ماعندوش الحق ...موش هو اللي قالها انساني وعيش حياتك ؟ انساني وتو تتعرف على واحد أخر ينسيك فيا ؟ هي عملت بنصيحتو ..هي نساتو ..علياء نساتو ...حسام هو الراجل اللي نساها فيه ..اصلا هو عمرو ماهتم بيها ...عمرو ماخمم في مشاعرها ..عمرو ماسال عليها في الثلاثة سنين اللي غاب فيهم ..بالنسبة ليه كانت كارطة محروقة !! بالنسبة ليه هي حتى شي في حياتو ..كيفها كيف الحيط ..كيف الطاولة ...كيف الكرسي ..هزت راسها وقعدت على الفرش هزت الكراسة وحلتها وبدات تكتب { انا اليوم ريت قيس ..قيس ماعادش يعنيلي حتى شي ...وقفت قدامو وواجهتو ..ماعادش عندي حتى مشاعر تجاهو غير الكره ..نكرهو ..نكرهو ..نكرهو ...} وعبات صفحة كاملة بكلمة نكرهو بش تزيد تاكدها لروحها ....تسمع في صوت أمها يعيطلها من اللوطة ..قالتلها حسام يكلم فيك ..وقفت قدام المراية وغزرت لروحها ...علياء متاع قبل تبدلت .نضجت وكبرت وزادت زيانت شعرها اللي كان طويل ولا يوصل لاكتافها ..ولات لاهية بروحها اكثر وكل خطوة تخطيها تحسب حسابها قبل ..اما كيف تغزر لعينيها وتتعمق فيهم ترا تجربتها الفاشلة في نظرتهم ..نظرتهم اللي كساحت وتنزعت منها البراءة ...نظرتهم اللي قوات وولات قادرة تواجه الدنيا بكل ثقة في النفس ....مسحت دموعها وريقلت روحها وهبطت ... {هل حقا تتألم؟ .. هل تشتاقني؟ يؤلمني السؤال وأخشى أن تؤلمني الإجابة أكثر...} - علاش ماقلتوليش ؟ علاش أنا آخر من يعلم ؟ سالهم بغش ..كان قاعد في الصالة مع بوه وامو واختو ..ناصبين القعدة متاع التاي بعد العشاء - وليدي اش تحبنا نقولولك ؟ قاتلو امو وهي تشرب في التاي ..انت لا سالت واحنا لا جاوبنا !! - كيفاش ماسالتكمش ؟ هز راسو مستغرب ..قداش من مرة نسالكم عليها تقولولي لاباس ..والا اناغالط ؟ - لا ماكش غالط ..قتلو اختو وهي قاعدة بجنبو معنقتو ..اما وقتلي سالت عليها هي بلحق وقتها لاباس ..وزيد انا حبيت نقلك وقتلي هي حاولت تنتحر اما امك قتلي لا من غير ماتشغشبو تو زايد .. - يامي علاش تقلها لا ؟ هز ايدو وضربها على ركبتو بغل ..الطفلة كانت بش تموت من جرتي وانتوما مخبيين عليا ؟ - تي ياخي مابكاتش قدامك هنا وداخت بالبكاء وانت ماعبرتهاش ؟ حطت الكاس فوق الطاولة وتحزمتلو هزت يديها ..مش قتلك انا الطفلة بش تموت في جرتك ..قتلي تبكي وتنسى ؟ مش قتلك خللي نعطيو فيها الكلمة قتلي لا كلمة لا كلمتين ؟ تكلم تره ؟ كلامي غالط انا تو ؟ كيف بش نقلك راهي شربت الحرابش وشعرة لا ماتت على خاطرك اشنوة كنت بش تعمل انت وقتها ؟ ترجع منين جيت ؟ تسيب خدمتك ومستقبلك وترجع ؟ وحتى كان رجعت اش بش تعمللها ؟ ماك ماتحبهاش ..فادد منها ..قلت عليها لصقة ...تو ولا غايضك حالها يا ولد بهيجة؟ ( ههه ولد سعاد ) تو وليت تحس انت ؟ ماسخفتكش وقتلي تبكي دم هنا وهاي الطاولة تشهد ..(ودورت صبعها للطاولة الي وقفو قدامها وقتها) أي عاد لواه نقلك ؟ - أيا باهي اسكت اسكت .(.وهز ايدو يسكت فيها ) التوارخ الكل جبدتهملي تو يعطيك الصحة !! - أي نجبدلك مالا لا ؟ هاك انت ماللي جيت وانت ماتحكي كان عليها ..في اش عاملة ؟ وقتاش تخطبت ؟ اش تقرا ؟ حرقك الحليب عليها ؟ تو تفكرتها المغبونة ؟ حمدالله كيف نساتك وجاها ولد الحلال اكا حسام والله راجل ..راجل وسيد الرجال قص تو يامرا ..قالها بوه وهو يغزر لولدو ..بنظرتو الثاقبة فهم اللي ولدو نارو شاعلة من الحديث على حسام ..يشوف في غزرتو كيفاش تبدلت ووجهو تقلب ...تلفتلو وقالو - برا ولدي ارتاح جاي من السفر تاعب ..برا ارتاح هاو مازالت الايامات تو نحكيو ونشبعو بالحديث .. ماكانش من العا كسين ..قام يجري دخل لبيتو وسكر الباب بقوة ...غل كبير ونار شاعلة في جواجيه من داخل اش بش يطفيها ؟ هز سيقارو شعلو وقعد يمشي ويجي في البيت ..كان يسخايل روحو كيف بش يجي بش يلقا كل شي مسهل وعلياء تستنى فيه ..يبرولها بكلمتين ويحطها في مكتوبو ..ماكانش عارف اللي هي حاولت تقتل روحها على خاطرو ..هانت عليها روحها بعدو هو ..كسرها ..قتللها روحها !!كيفاش بش ينجم يسامح روحو كيفاش ؟ هبل ..وكل مايخمم اللي هي كان ممكن تكون ماتت يزيد يهبل اكثر .. حل الفليجة اللي جابلها فيها حوايج ليها هي ...كان يختار فيهم بالكعبة ..على ذوقو قطعة قطعة ..كان حاطط الكراسة متاعها من الفوق جبدها وحل الصفحة الأخيرة وين كانت كاتبة " اليوم بش نودع حبيبي قيس ...بش نودعو لاخر مرة خاتر ماعادش بش نشوفو " ..كان ممكن تكون اخر مرة بلحق ..كان ممكن يفقدها لاخر عمرو ..رجع كراستها للفاليجة وسكرها وجبد كراستو وكتب " كل شيء جائز في الحب وفي الحرب " الحاجة اللي متاكد منها تو واللي مؤمن بيها اللي هو يلزم يرجع علياء لحضنو .لمكانها الطبيعي ..بين ضلوعو وفي قلبو ...الحاجة اللي متاكد منها اللي بش يحل حرب شعواء ..حرب كبيرة ويرجعها مهما كانت التكاليف ..مهما كانت المخاطر هو بش يرجعها ليه الحلقة العاشرة {إشتقتُ إليكَ.. فعلِّمني أن لا أشتاق علِّمني كيفَ أقُصُّ جذورَ هواكَ من الأعماق علِّمني كيف تموتُ الدمعةُ في الأحداق علِّمني كيفَ يموتُ القلبُ وتنتحرُ الأشواق}. .!! تسمع في صوت الريفاي ..هزت روحها بالشوية عين مسكرة وعين محلولة ..مازالت دايخة وماعينهاش بش تقوم...زاد تليفونها نوقز هزت تلقاه حسام يكلم فيها - أي بخلية قوم ماعادش بكري ربع ساعة وتلقاني بحذاك - باهي عزيزي تلقاني حاضرة ونستنى في بقعة العادة ...تبسمت وعلقت التليفون ..حاسة بخنقة وغصرة في قراجمها وصدرها مقبوض ..خايفة يا علياء ؟ خايفة من اللي جاي ؟ خايفة من الماضي؟ حطت ايدها على جبينها اللي يستر عليها من البكاء متاع البارح ..اما لا !!!اكيد هي نساتو قيس ..ماعاد يعنيلها شي ..اللي صار انها ترهوجت كيف شافتو قدامها ..ذكرها بالسنين التعيسة اللي عداتها تحلم بيه ...السنين الي عايشة فيهم تتخيل في روحها اميرة وهو الفارس متاعها ..هههه قداش كانت ساذجة وبهيمة ...كانت حاطتو في مرتبة اعلى من انو يكون فيها ...لازم تبعد عليه وتتجنبو ...موش عارفة علاش رجع ؟ اكيد ماخذ عطلة بش يعديها مع دارهم يلزمها هي في الوقت هذا تحاول تبعد من طريقو وماتشوفوش احسن ..هي رتبت اوراقها وحزمت امورها ...مش مستحقة ترجع بالتوالي اكيد رؤيتها ليه بش تأثر عليها ..مازال جرحها طري ..مازالت مابراتش منو ..حتى ولو ماعادش تحبو لكن الوجيعة مازالت ساكتة في قبلها ..وكلامو الجارح ليها اخر نهار مازال يرن في وذنيها ...تنطرت من الفرش تجري حضرت روحها وهبطت تجري ..تلقى أمها حضرت فطور الصباح ..باستها من خدها -صباح الخير ماما عديلي سوندويتش صغير تو ناكلو في الكرهبة حسام يستنى فيا ماعادش بكري ..وبدات تشرب في قهوتها بالزربة ...امها قعدت تثبت في وجهها وتعاود ..وهي تتجنب في غزرتها ...عارفة اللي هي قامت وجهها مقلوب وعينيها منفوخة ..وامها موش من النوع اللي تفوتها حكاية وولات تركز معاها برشة في الثلاثة السنين هاذم ..يمكن من خوفها الكبير واللي تعدى عليها ولات ترعش عليها بالزايد - في بالك بولد بهيجة رجع ؟ سالتها وهي تغزر لعينيها تحاول تقرا اللي فيهم - أي في بالي ..كانت تحكي بلامبالات وطبست راسها تشرب في قهوتها ..وانت منين عرفت ؟ - مشا يشري في الخبز الصباح يلقاه عند العطار يقضي زادة هو ..اما انت منين في بالك ؟ هاو قالو جاء البارح العشية ؟ - ياماما اش يهمني فيه انا !! تي حسام يستنى فيا ماعادش بكري خليني نمشي .. - قتلك وقتاش قابلتو الطحان جاوبني ؟ بدا صوتها يعلى وهي تقحرلها..... (كيف كشفت أمّها النقاب عمّا كانت تودّ قوله ؟ هل يبدو تأثير لقائها المفاجئ به، بعد كلّ هذه السنوات واضحا إلى هذه الدرجة أم أنّه سحر خفي تملكه الأمّهات وحدهنّ ؟ إستجمعت شجاعتها و أجابت على سؤال أمّها الذي بدت الإجابة مستبطنة فيه .. أجل أمّي ، لقد إلتقينا مجدّدا بعد أكثر ثلاث سنوات عقب الإنفصال... إلتقينا بمحض الصدفة).. - ريتو البارح وانا نسلم على حسام قدام الدار كهور يتو من بعيد لا كلمني لا كلمتو ...كذبت ..كان لازمها تكذب خاترامها بش تكبش .. - اممم ..اي مالا رد بالك تحكي معاه حتى كان تلاقيتو مرة أخرى ..يزي اللي صار فينا جرتو...يزي انا مانيش ناقصة وجايع عيش بنتي .. - تي لا ياماما وفا كل شي باللاهي لا تقعد تخمم وتكسر في راسك كان وفا كل شي ماتصبحش عينيك منفوخة هكة بالدموع -ماهيش دموع... سهر هذاكة.. بايتة نحضر وزيد عاملة برومو انا وحسام ساهرين يراجعلي بالتليفون . . وخرجت تجري بش ماتقعدش تستجوب فيها .. .. قيس كرا كرهبة جابها معاه بش يقضي بيها قضياتو حتى تهبط كرهبتو ويريقللها اوراقها ....قام الصباح بكري ...قول اذا كان جاه النوم من اصلو ..ليلة كاملة وهو يتقلب ...يخمم في الطريقة اللي بش يرجعها بيها ...هو مايعرفش وماتعودش يلحلح وماهياش طريقتو أصلا ...ماهوش من النوع اللي يبكي قدام مرا ويهبط على ركايبو بش ترضى عليه ..واكيد علياء موش من نوع البنات اللي يحبو الراجل الذليل.. هو يعرفها ويعرف شخصيتها ...روحها الكل كانت موجودة في الكتاب متاعها ..يرحي في الدخان ويستنى في اختو بش تخرج من الدار وعينو على دارها هي ...خرجت مريم بش تركب في الكرهبة وعلياء خرجت من دارهم ....رمى السيقارو ووقف يستنى فيها .. - أيا قيس ماعادش بكري عليا ..قاتلو اختو وهي تحل في الباب ..تلفتت تلقاه موش مركز معاها جملة ..دارت تلقى علياء جاية شيرتهم ..هي راتهم طبست راسها وعنقت الكلاسور بايديها ..تبسم وهو يغزرلها .ههه ذكرتو بليلة اللي جات تودع فيه وهي معنقة الكراسة ..الليلة اللي تحفرت في قلبو ..مابنها هاك الليلة !! - صباح الخير علياء قالها بصوت رقيق وهو يتبسم - صباح الخير جاوبتو وهي باقي ماشية وتلفتت لمريم صبحت عليها وتعدات ...خلط عليها وقف قدامها ..حاولت تمشي من الشيرة لخرى جاء وقف قدامها ..وين تجي تتملص منو تلقاه واقف كيف اللوحة قدامها ..ركبها العصب وهزت راسها جات عينيها في عينيه ..كانو مزغليين بالضحك.. التبسيمة المستفزة متاعو زادت طلعتلها العصب اكثر - مانا قلنا صباح الخير ..خليني نمشي عيشك -- ايجا نوصلك مع مريم كيما كنت نعمللكم قبل - لا مرسي عليك عيش خويا ..خطيبي يستنى فيا واكيد راهو وصل تو .. ضمت شفايفها لبعضهم غزرتلو بتحدي ..عينيها لمعت وفرحت كيف رات التبسيمة فارقت شفايفو وعينيه تقلبو - عيش خويا ؟ وخطيبك ؟ وين يستنى فيك ؟ (وغزر للخاتم في يديها ..بلع ريقو بغزول) اشبيه ماجاكش لهنا ؟ - يستنى فيا ديما في الاتوروت خاتر السركيلاسيون الصباح برشة ماينجمش يدخل ويخرج فيسع ..اما العشية يوصلني قدام الدار ...كل كلمة تقولها تتعمد بش تغزلو بيها ..موش عارفة شنوة اللعبة اللي يلعب فيها معاها ؟ ..اما اكيد هي مش بش تخليه يوصل لغايتو ويعاود يوجعها مرة أخرى .. - باهي ايجا نوصلك لكرهبتو هاني بش نتعدى من غادي .. - لا يعيشك خطيبي مايحبش يراني راكبة في كرهبة أخرى مع غريب .. - غريب ؟ انا غريب ؟ حست بالنار في عينيه وهو يقحرلها ..تو هو القريب وانا الغريب وليت علياء ؟ - اكيييد ..قاتلو ببرود وهي تغزرلو في عينيه ..تتلذذ ههه .هو بش يولي راجلي ...اما انت شكونك ؟ ولد حومتي ؟ تسمع في تليفونها ينوقز هزتو وتبسمت وهي باقي تغزرلو - الو عزيزي هاني جاية ..تعطلت شوية هههه كتف يديه والعصب يخض فيه ...يغزرلها وهي تتضيحك ...علقت التليفون وجات ماشية وهو شدلها يدها كبس عليها لين وجعها ..غزرتلو باهتة - سيبني قيس يعيشك ماعادش بكري اشبيك ؟ وجهها احمار وتربثت من لمستو وهو طبس راسو لين حست وجهو بش يلصق في وجهها ..انفاسو تخلطت مع أنفاسها - مش قيس اللي يتحكا معاه هكة يا علياء ..قالها بالشوية وهو يغزر لعينيها كل عضلة في وجهو تتحرك وحدها من الغش ..وعينيه هبطت لشفايفها قعد يثبت فيهم لين حست بالدم جمد في عروقها ..عاود هز راسو وتبسم بعصب ..حتى كان تكذب على الدنيا الكل ماتنجمش تكذب عليا ..وماتنجمش تقول اللي انت ماحسيت بشي كيف ريتني البارح ؟ ومهما بش تقول عينيك فاضحتك ..ساهرة تبكي ومارقدتش خاترك تخمم فيا ..وانا زادة مارقدتش وانا نخمم فيك ..شدلها دقنونتها وطلعلها راسها وقعد يدور في صبعو عليها ...مازال عندنا برشة حديث بش نقولوه لبعضنا ..ميسالش اعمل فيا اللي تحب ..(.وسكت شوية وبعد قالها وعينيه في عينيها ) اما بش نخليك لغيري تكون غالطة ....تصدمت من كلامو ..عينيها وساعت ..بدنها الكلو حستو يرجف ..قوات روحها على قد ماتقدر وشدتلو يدو نطرتهالو بقوة - ياسر غالط في روحك سي قيس ياسر ..غرورك صورولك برشة حاجات في مخك غالطة ..هه علياء القديمة اللي تصدقك وتمّن بيك وتعبدك مشات ..انساها ...اللي قدامك وحدة أخرى .. علياء أخرى قوية واثقة من روحها ..علياء واقفة على ساقيها ..ثابتة ..ماعادش تحلم ..وكان عندك فكرة في مخك انزعها من تو ..خاتر انا مستحيل نخليك تدخل في حياتي مرة أخرى ولا حتى فرصة واحد في المائة .. - تو نشوفو مالا للا علياء !! قالها بنبرة تحدي ونظرة قوة في عينيه هزت راسها الفوق وكملت مشات من غير ماتتلفت وراها ..تحس في عينيه بش ينقبولها ظهرها ....وترها كلامو وحست بالعصب والغل ركبها في بدنها الكل ...اش يحب من عندها السخطة ؟ اش مازال ماعملوش معاها جاي بش يكملو تو ؟ بدات تسرع في خطواتها هاربة من نظرة عينيه .... مشا طلع في الكرهبة ..خدمها وشعل سيقارو وبدا يسوق ..تلفت يلقى اختو تغزرلو باهتة -اشبيك ؟ هز حاجبو يقحرلها - انت اشبيك ؟ اشتحكي انت وعلياء من قبيلة ؟ كبشت فيها ماسيبت !! - هههه شي اقوى من مخك ..جاوبها بتمقصيص - قيس اخطاها الطفلة ..قالتلو بالشوية ..راهي تعبت بعد مامشيت انت ... - سكر فمك ..صاح عليها ..مازال كان بش نسمع كلامك يا فرخة ؟ وتلفت من الشباك يتبع فيها بالشوية ...يشوف فيها كيفاش قصت الكياس ومشات تجري طلعت في الكرهبة ...تنهد بالقوي وكبس عالفولون بقوة يحاول يفرغ غشو الكل فيه ....يستاهل ..هو اللي يستاهل اللي خلاها تخرج من طوعو ...اما موش مهم ..اللي تكسر تو يصلحو الحلقة الحادية عشر {علمني حبك كيف الحب يغير خارطة الازمان...علمني اني حين احب تكف الارض عن الدوران...علمني حبك اشياء ماكانت ابدا في الحسبان} اتكات على الفرش تسمع في غناية ام كلثوم "اسال روحك" وعلى قد ماتسمعها ماتفدش منها ...السنين اللي تعدات الكل وهي تحسها تغنات على خاطرها ....تعبت ...بلحق تعبت ...وقد ماتقول تعبت وشوية ...انك تحاول تنزع واحد كان هو روحك في نهار من النهارات ...انك تخرجو من قلبك ..من حياتك حاجة اصعب اصعب ببرشة من كونها تكون فكرة في مخك ..تحاول تكذب على روحك وتقول نسيت وبمجرد انك تراه تتمحى سنين لعذاب الكل وقلبك يولي يرفرف ...قلبك يولي يحن ...قلبك يحب يرجع لعبودية متاعو ...يحب يرجع محبوس في قفص ...رافض الحرية ...هكة علياء احساسها وقتلي راتو ...عقلها رافض لكن قلبها المسكون بيه حن ...قيس الي استعبدها سنين رجع ...والمرة هذي موش عارفة اش يحب من عندها ؟ اذا كان هو رفضها وسمعها الي مايتسمعش !!شنوة طالب تو ؟ علاش جاها طول اول ماراها ؟ علاش حستو تقلق كيف عرف االي هي مخطوبة ؟ علاش قالها انا زادة بايت مارقدتش نخمم فيك ؟ لوين يحب يوصل ؟ جمعة كاملة من هاك الصباح اللي استفزها فيه ماعادتش راتو ...تحاول تتجنبو الصباح والعشية كيف تروح ماتلقاش كرهبتو ...جمعة وهي على اعصابها والافكار تهز فيها وتجيب...ماعادش فاهمة روحها ...الحاجة الوحيدة اللي كانت ثابتة هي حسام ...حسام كان الصخرة اللي تتكى عليها وماتطيحش ....يحاول بكل الطرق انو ياقف معاها ..يسعدها....يقويها ...مازالت ماقالتلوش على رجوع قيس ...هو يعرف كل شي عليها بحكم الي هو كان الطبيب متاعها وقتلي دخلت للسبيطار ...من الاول لقاتو الاذن الصاغية اللي يسمع وساكت وبعد تطورت علاقتهم وولات صداقة ...وشجعها بش تدخل طب بما انو هو استاذ جامعي عاونها ووقف معاها ...ماخلاهاش ...علمها الصبر ...علمها القوة والارادة ...ووقفت على ساقيها بفضلو هو ....رجعت فيها الروح ...ورجعت لقرايتها ولمستقبلها ...وكان حسام في ظهرها وين تطيح يشدها ويوقفها من جديد....قد مابش تكافيه شوية ....هذاكة علاش في الجمعة هذي زادت قربتلو اكثر ....ولات في كل بقعة معاه ...يخرجو اكثر ....وجودها معاه يطمنها ...يقويها ....تحب تنسى ...تحب تمحي قيس من تفكيرها للابد خاتر الجرح اللي جرحهولها والوجيعة االي حستها معاه مستحيل تتصلح ...مستحيل تتنسى...السنين هاذم علموها اللي كرامتها وانفتها وعزة نفسها كمرا اهم من كل شي ....اهم من حتى من الحب .... يهز في راسو بالشوية ويحاول يسرق نظرو للشباك متاعها ...لكن هي ما طلتش ...جمعة كاملة كان لاهي في الاوراق ..يجري من بلاصة لبلاصة بش يهبط كرهبتو ويردها تونسية ....مالقاش الفرصة بش يشوفها مرة اخرى .حتى الصباح ولات تتجنب فيه ...ياتخرج قبلو يا بعدو ...اما ديما يرا كرهبت خطيبها واقفة على الكياس ..لكن ماعادش يحب ياقف ....حتى هو ولا هارب مايحبش يشوفها كيف تطلع معاه ....مخو بش يتحرق ...حاجة اصعب من اللي يتصور انها ترجعلو ... علياء القديمة مشات وجات قي عوضها وحدة اخرى شخصيتها قوية ....تاقف معاه ند لند ....يحس االي قوة وجيعتها منو خلاتها تكون مناعة ضدو ....سور بناتو يلزم يهدو بالحجرة بالحجرة ...ويلزم يعمل هذا قبل ما يفوت الفوت وتمشي عليه ....على الاقل الامل قايم مادام رجع لقاها مخطوبة مش معرسة ...نحى الشيشة من فمو بعصب وهو يرا في كرهبة خطيبها داخلة للحومة ...قعدت عينيه مرشوقة فيه لين هبط من الكرهبة ...تلفت حسام على غير رادة يغزر للقهوة جات عيينيه في عينين قيس ..قعدو يغزرو لبعضهم ..حسام ماكانش يعرفو هز يدو قالو صحة من بعيد وقيس قعد يتشوحر عليه ..الغزول والعصب ياكل فيه من داخل ....الغيرة قتلتو ...هبلتو ..دق الباب وعاود تلفتلو يغزرلو ..وقيس باقي يقحر لين تحل الباب ودخل ...هز سيقارو شعلو بعصب وعينيه على الباب المسكر ...مانتبهش لبسام كيف جاء قعد بحذاه -بصراحة عشيري يعطيك الصحة في هاالفكرة...والله لينا برشة عليها القهوة مسكرة ملي مات عمك محسن ماكهب عليها حد ...والله كيف عاودت حليتانها رجعت فينا الروح من جديد ... ماكانش مركز مع كلام صاحبو اكثر ماهو مركز على الدار اللي مقابلتو ...فد فدة كلبة هز روحو وقام ايدو باكو الدخان باهي هايكة القهوة امانة في ايديك انت تو انا ماعنديش الوقت ليها ..تو عندي وين ماشي -تي اشبيك انت تقلبت ؟حاسك فادد وڨالڨ اش فما؟ - اففف!!حتى شي بسام حتى شي...خوك حاسس روحي غارق في بير ومافماش شكون يطلعني !! - اشبيك ؟ احكيلي ياولدي !!مستانس انت هكة ؟ هز راسو يسمع في الباب تحل وعلياء خارجة مع خطيبها ...كانت لابسة روبة قصيرة فوق الركبة في النوار فوقها كبوط ...شعرها محلول والاهم من هذا الكل كانت شادتو من ايدو ويضحكو الزوز...طلعلو العصب لراسو ...حس سنيه يوجعو فيه من كثر مانزل عليهم ...عينيه بش تخرج من بقعتها من كثر التثبيت فيهم وهوما مانتبهولوش ركبت معاه في الكرهبة ومشات. - هههه شفتها الفرخة العاشقة متاعك ههه كبرت ....قالو بسام وهو يغزر للكرهبة خارجة من الحومة ويضحك ..وعاود تلفتلو ...والله تعبت بعدك اما خطيبها طلع رجال برشة ..لاهي بيها صاحبي لهو... - سكرتش عليا فمك انت تو ؟ صاح عليه قيس وهو يقحرلو والنار شاعلة في عينيه ... -اشبيك قيس لاباس ؟ سالو بسام باهت فيه وفي العصب اللي مكنو ...ماجاوبوش .. عينيه كانت التبع فيهم خارجين ...كل همو وقتها انو يخلط عليهم ... خلا صاحبو حال فمو يغزرلو ومشا طلع في كرهبتو وقعد يتبع في كرهبتهم وين ماشية. -وين تحب نتعشاو حبي ؟ سالها حسام وهوما ماشين في الثنية -لوين تحب المهم نخرج نتفرهد تعبت من المراجعة وجوجمة السبيتارات .. -ههه وانا اش قاعد نعمل !نفرهد روحي ونحيلها التعب الكل . عيشك حسام ...ضحكت حطت ايدها فوق ايدو وهو يسوق ...موش عارفة من غيرك انت في حياتي شنوة كنت نعمل ؟ -انت قوية وماتستحق الحد كون واثقة من هذا ..وضحكلها وزاد كبس على ايدها..قعدو ساكتين بعد سالها - حقا ياخي القهوة اللي مقابلتكم هاي عاودت حلت ؟ - اي البارح رجعت حلت مانعرفش شكون الي حلها!قالتلو مستغربة - اي مايساعدنيش انا تقعد ماشية جاية قدام الرجال...شنوة هذي قهوة في وسط حومة؟ تي انا ماصدقت لربي تسكرت شكون زعمة عاود حلها؟ - والله مانعرف !!هزت ايدها...تو بابا يعرف ويقلي وكانك على الولاد اللي يقعدو فيها هاذوكم بيدهم اللي نراهم واقفين تحت الحيط وفي كل تركينة ..الحق ولاد حومتي نظاف ويقدرو بابا ويحترموه بعمرهم لاسمعوني كلمة والا تبولدو نهار - ايا باهي ...انشالله يقعدو هكة ؟وتلفتلها وضحك خاتر انا اللي يمسك بكلمة نمحيه من الدنيا تبسمتلو وعينيها سرحت ...تلفتت وقعدت تغزر من البلار ..تذكرت قيس ...عاودت تلفتتلو -حسام !!نحب نقلك حاجة !! -شنية؟ - نحبك تسمعها منى قبل ماتسمعها من عند حد اخر ...سكتت شوية قعد يغزرلها ورجع يسوق - احكي علياء!!اشفما؟ طبست راسها وقعدت تلعب بصوابعها بتوتر -ق...قيس رجع..وغزرتلو لوجهو تشوف في ردة فعلو ..كان جامد مايعبر على حتى شي ...وهذيكة طبيعة حسام ...ماكانش يضهر اللي في قلبو ...ماتنجمش تفهم والا تعرف فاش يخمم كيف تصيرلو مشكلة ...هذي حاجة عرفتها بالتجربة ...كان كتوم وصبور لاقصى درجة ...وترها سكوتو ...قعدت تهز في راسها وتثبت فيه -حسام سمعتني؟ - اي سمعتك ..قالها بهدوء من غير ماتلفتلها ...شنوة المشكلة كيف رجع ؟انا ماعنديش مشكلة !!انت عندك؟وغزرلها لعينيها يسال فيها ويديه كابسة على الفولون ...تفاجات بسؤالو ..حستو توتر اما مابينش ..حاولت تهدي روحها وهي تجاوب فيه -بالطبيعة حاجة ماتهمنيش ...ح...حبيت نعلمك وكهو ... -هاني في بالي ...قص عليها ...المهم ماحاولش يكلمك والا يدور بيك ؟ - لا...عملت براسها لا وطبستو بش مايراش كذبها في عينيها ...وقف الكرهبة قدام رستورون مذخم ومعروف ...هزلها راسها الفوق وعينيه الثاقبة جات في عينيها ..تربثت وهبطتهم ماحبتش تغزرلو لا يفضحوها ويبينو المشاعر اللس حاستها وقتها . -انا مايهمنيش مشا والا جا سي قيس اللي تحكي عليه ...الي يهمني هو انت !!انت تكون معايا بقلبك وبروحك وبعقلك ...المهم عندي اللي انا الحاضر متاعك وهو الماضي ...موش هكة علياء؟ بالطبيعة هكة ... انت الحاضر متاعي حسام وكان مش انت في حياتي موش عارفة كيفاش كنت بش نعديها ؟..تنفست بالقوي وحاولت ترسم تبسييمة على وجهها وهي هابطة من الكرهبة ...اول ماهزت عينيها تلقى قيس واقف مقابلها مكتف يديه ومتكي على الكرهبة يتكيف في سيقاروويغزرلهم من بعيد سهرية كاملة عداتها على اعصابها وهو قاعد مقابلها ...عينيه ماهبطتش من عليها ...تحاول تتصنع الضحكة مع حسام وهي مخها الكل في اللي قاعد وراه ...علاش يتبع فيها؟ اش مازال يحب من عندها ؟ موش هو اللي خرجها من حياتو !!شنوة يحب تو ؟ على شنوة ناوي؟مخها تحرق..تشوشط ...كان يغزرلها ويتبسم وين تجي عينها في عينو يغمزها ...الحاصل مررلها السهرية....وزيد وين تتلفت تلقى البناويت يغزرولو ويتضيحكو ...عندهم الحق ..واحد بزينو هو وقاعد وحدو اكيد كل وحدة تحب تجبدو ليها ....ركبها العصب ومش عارفة علاش ركبها؟ هي اصلا اش يهمها فيه ؟حتى كان يصوحب بنات تونس الكل هو ماعادش يعنيلها حتى شي !! ...قحرتلو بغزول وهو تبسملها على جنب وزاد غمزها وطبس راسو ياكل ويضحك ...وترها لين ماعادش وهذا الكل وحسام مافايق بشى هو يحكي معاها وهى سارحة ..تجاوبو باقتضاب ساعات ماتجاوبوش جملة ...كملو العشا الي تعدالها مرار ...قامت ماشية لتوالات ...مازالت بش تدخل وهو خلط في جرتها ...ماتفطن بيه كان قالها -هذي روبة تخرج بيها ؟ كان جيت خطيبك راني حشيتلك ساقيك ..تسمع في صوتو وراها ...ركبها الفحول وتجنت ...حاولت تقوي اعصابها الي حستهم تكبسو ...لايزي سهرية كاملة في وجهها ماخلاهاش تتمتع بعشاها وزيد جاي خالط عليها لهنا ويعطي في رايو في لبستها ...كاينو يهمها رايو اصلا؟؟؟ - نورمال انت بربي في مخك ؟ سالتو بعصب وهزت حاجبها باهتة كان واقف قدامها عينيه بش تاكلها وهو يهز فيها ويحط لين حست وجهها احمار من غزرتو -اي نورمال ...جاوبها ببرود ...ونورمال عاللخر زادة ..ومازلت تحطها على بدنك هذي لاما نحشهملك بلحق ساقيك !!تي شوف كيفاش مفصلتلك بدنك ...صدرك بش يخرج على برة ...يتكلم ويغزر لصدرها ...وهز عينيه جات في عينيها ...قعدت تغزرلو وحلت فمها مصدومة من صحة رقعتو وحاشمة من نظرة عينيه اللي تحسهم عراوها ...اما ماحبتش تبينلو ...يزيه ..علياء متاع قبل اللي طبس راسها وتسكت يحلم كان مازال يراها. -الحاصل ماصح رقعتك والله ...بش ريت اصح منها مافماش!!وتلفتت بش تكمل تمشي وهو جاء وقف قدامها سكر عليها ...حست بفوارة قوية وهو واقف قدامها بطولو سد عليها النفس ... -ماصح رقعتي خاتر نغير عليك ؟!! -تغير عليا ؟سالتو باهتة .. بانا حق ياسيد تغير عليا ؟ اش تسخايب روحك سي قيس ؟ بالكشي خطيبتك وانا مافيباليش ؟ تكى ايدو على الحيط وطبس عليها لين قرب وجهو ولصق في وجهها ..حست بدنها الكل تكهرب ...بعدت شوية لا اراديا..كاينو ضربها كورون ..وهو تبسم اكا شطر تبسيمة المستفزة متاعو وقعد يثبت فيها على قريب انشالله ...على قريب بش تتبدل برشة حاجات ...وبش نكمل انا وياك حاجة بديناها لينا ثلاثة سنين ...بش نكمل اللي ناقص معاك ..اما المرة هذي بطريقة صحيحة ...وقدام الناس الكل ... النفس متاعها طالع هابط ..كلامو استفزها وخلاها تفرك وتحط...كان يفكر فيها في الليلة اللي عداوها مع بعضهم . ..الليلة اللي كانت تسخايلها احسن ليلة في حياتها ...ذاقت فيها مشاعر عمرها ماحستها ..وعمرها ماجربتها ...كانت تسخايل اللي هو عمل معاها هكاكة خاتر يحبها لكن كلامو بعد حطمها ...قتلها ...وتو مازال يحل في فمو ويفكر فيها ...كايني هي نسات !!كل لجظة مازالت محفورة في قلبها وعقلها ...اما موش كيما هو متصور ...هي محفورة بش تخليها تتفكر قداش كانت ساذجة وعلى نيتها وقداش الحب عمالها قلبها على انانيتو وحبو لذاتو ...كتفت يديها وقحرتلو بتسوميم -الدنيا ماتمشيش على كيفك سي قيس ...موش وقتلي انت تقرر تلقى اللي حشتك بيه ...الوقت ماعادش يرجع بالتوالي ...يلزمك تستوعب هذا وتحطو في مخك ...وكانك مقرر حاجة في مخك انساها ...خاترماك بش تحصل شي في الاخر ..لذا ماغير ماتعب روحك ...ودزتو من كتفو ودخلت للتوالات ..ماكانتش حاسة برعشة بدنها الا كيف دخلت ...خذات نفس قوي وحلت السبالة بردت وجها تحس فيه فور .. هزت راسها وغزرت للمراية ...عينيها لمعت بتحدي ..وكبست على يديها ...باهي سي قيس !!مادامك التبع فيا خليني نوريك وبالملموس زادة اللي انت ماعاد تعنيلي شي !!ورسمت تبسيمة على وجهها ورجعت للطاولة وين قاعد حسام يستنى فيها .. غزرت وراه تلقى قيس رجع لبقعتو ونظرتو فيها تحدي ...تلفتت لحسام وباستو من خدو وضحكت -ببي تعرف اش شاهية ؟ شاهية نمشي نقعد على حرف البحر ونتكي راسي على كتفك ونقعد نسمع في صوت الموجة ... -غالي وطلب على الرخيص وضحك ...وانا نجم نقول على الحاجة هذي لا؟ تبسمت وتلفتت وراها وين كان قاعد يغزرلهم . ..اليوم ...اليوم يلزمك تتاكد ياقيس المغرور انك خرجت من حياتي جملة الحلقة الثانية عشر {انتي التي اسميتها تاج النساء..اقسي على قلبي و مزقيه لو اساء...يااا مستبدة } {تعالي واسقطي مطرا على عطشي وصحرائي وذوبي في فمي كالشمع وانعجني بأجزائي} شفت كيف الراجل يبكي ؟؟...يعني تقهر ..يعني قهرتو فاقت طاقتو ...يعني جبل وتهد ...يعني كبرياؤو ورجولتو تمسو في الصميم ...وهذا اللي صار لقيس ...حط راسو على الفولون وبكى ...قيس اللي عمرو ماتحركتلو شعرة ..قيس الاناني المغرور يبكي بالشهقة ...حس بقهرة قوية ..غل ..نار شاعلة في قلبو ..في جواجيه من داخل ...نار ماطتفاش وعمرها مابش تطفى ...انك ترى المرا اللي تحبها ..تعشقها ..تعبدها ..بين يدين راجل أخر ...في حضن راجل آخر ...انك تاقف عاجز وماتنجمش تمشي تفكها منو وتضربو وتفرغ غل وغش سنين الوحش الكل فيه ...انك تشوفها وهي فرحانة وتضحك وهي بين يديه ...حاجة أقوى من طاقتو ..ولا انو يستوعبها ..قهرتو ..قهرتووذلتو .. ضربتو الضربة القاضية ...حطتو في موقف عمرو ماكان يتصور في نهار انو يتحط فيه ..علاش علياء علاش ؟ علاش عاقبتني بأخيب طريقة ؟ اضربني ..شد سكينة واغرسها في صدري وماتخلينيش نشوف يدين راجل اخر تمسلك في بدنك ..ماتخلينيش نشوف شفايف واحد آخر تتحط فوق شفايفك .. !! ماكانش ينجم يهز راسو ويزيد يشوفهم مع بعضهم ..قعد يضرب في راسو على الفولون ويبكي ..يبكي على اللي ضيعها من ايدو ..عاللي خلاها لراجل آخر وهي كانت تعبد التراب اللي يمشي عليه ...حسها عملت هكة بلعاني ...حبت توريه ..تفهمو ..حبت تكتب اخر سطر من قصتهم مع بعضهم ..حبت تقلو الي انت خرجت من حياتي وجاء الانسان اللي نساني فيك ...خدّم الكهربة وهز راسو لاخر مرة يشوف فيهم ..كانت متكية راسها على كتفو وهو حاط يديه وراء ضهرها ...هزت ايدها توري فيه في النجوم وتضحك ..في عالم آخر كانو ...وهو كان يشوف في الجحيم بعينيه ... عالي واسقطي مطرا على عطشي وصحرائي وذوبي في فمي كالشمع وانعجني بأجزائي} - ماقرستش عزيزتي ؟ سالها حسام وزاد كبس عليها قربها ليه ... - هههه مانحسش بالبرد وانا معاك ...حضنك وقوتك ديما يدفيوني وينسيوني في البرد - ياميمتي على الكلام الحلو !! ضحك وهزلها راسها بين يديه وباسها من جبينها وتنهد احلى حاجة في حياتي انك دخلت فيها ..قالها بالشوية ...تبسمتلو وعاودت تكات راسها على كتفو وسرحت مع الموجة ...كانت تحب ترتاح ..تنسى همومها الكل ...تنسى قلبها المقبوض وهي تعرف اللي عينيه تراقب فيهم ...طلبت من حسام انو يجيبها للبحر ..طلبت منو يعنقها ..يحضنها ..كانت تحبو يشوف بعينيه الي هي نساتو ..اللي هو آخر اهتماماتها ...اللي هي بدات حياة جديدة ومع راجل اخر ..راجل احسن منو واقوى منو ..واحن منو ..راجل أي وحدة تتمنى تكون في بقعتها معاه ..راجل قبلها بكل أخطاءها ..تفهمها ...كانت بالنسبة ليه اميرة فوق كل النساء ...قاومت روحها انها تدور وتشوفو وهو يغزرلهم ...قاومت احساسها بالمرارة ..مرارة السنين اللي عاشتهم وهي تعشق فيه ..شوف يا قيس بعينيك ...شوف اللي انا نسيتك !! نسيتك وتحررت منك !! انت بالنسبة ليا حتى شى ..ماعاد تعنيلي شي ...شوف علياء الجديدة ..شوف علياء اللي صنعتها انت بقسوتك وداواها حسام باهتمامو ...علاش حاسة بغصة في قلبك ياعلياء؟ علاش تخمم فيه حتى وانت في لحظات من المفروض تكون رومانسية بينك وبين خطيبك ؟ ارمي وراك وعيش لحظتك ..حس بلهوة حسام بيك ..حسام هو الراجل اللي تحبو ..هو اللي بش يكون راجلك وبو أولادك ...حصرت الدموع في عينيها ودورت وجهها ورماتو في حضنو بقوة ...قوة فاجإتو ..حوطها بايديه وضحك - صغرونتي !! مافيباليش بيك ناقصة حنان لها الدرجة ههه؟ عنقني حسام عنقني ..قاتلو بصوت يقرب للهمس ..عنقني محتاجة لحضنك ..محتاجة نطمان ..محتاجة لقوتك ...قوتك تعطيني شحنة تخليني ثابتة وواقفة على سقيا ..عنقني امان عنقني ..كبس عليها وعدى يديه على شعرها يهدي فيها ..كان محتاج زادة يهدي روحو معاها ... كان عارف اللي في داخلها ..عارف اللي هي تزعزعت من داخل كيف رات قيس ...وعارف اللي موش بالساهل بش يحارب حب سنين ..حب عاشت معاه وفيه طفولتها الكل ..كان محتاج يطمنها ويطمن روحو ..انها تكون ليه حاجة يحلم بيها ويحب يحققها ..يحققها وهي مقتنعة وفرحانة موش على خاتر تحب تهرب من الماضي متاعها ..مايحبش يدخل في صراع مع قلبها ..يحب قلبها الكل يكون ليه ... - ارتحت عزيزتي ؟ تحب نروحو ؟ سالها بالشوية وهزلها راسها وتبسم عملتلو براسها أي ...قومها من فوق الصور اللي كانو قاعدين فيه ..شاددها من ايدها ..كابس عليها كاينو خايف لا تهرب عليه ...قد ماكانت عندو الثقة في روحو قد ماكان تو خايف ...خايف من الشبح اللي ساكنلها في مخها ..ثنية كاملة مروحين ساكتين ..كان شادلها يدها وهو يسوق ...وكل واحد سارح في افكارو .. وقتلي وصلت للحومة ماراتش كرهبة قيس ...كانت عينيها من غير ماتشعر تفركس عليه ...حتى بحذا البحر ماراتوش ...زعمة ماخلطش عليهم ؟ يعني ماشافش حسام وهو يعنق فيها ؟ موش عارفة علاش حست بالراحة ..راحة كبيرة كيف خممت اللي هو ماشافهاش ...يكون احسن ...حست بأفكارها الكل مشوشة وهي داخلة لدارهم ...طلعت لبيتها طول من غير ماتحكي مع حد ..بدلت حوايجها ورقدت .. عنقت المخدة بقوة كيما كانت تعمل قبل وغمضت عينيها ...حست ببدنها الكل مستنزف ...حست بالذنب ...ذنب مرا خانت راجلها ..خانت ماضيها ..خانت مشاعرها ...حست بضعف كبير ...ضعف خلاها تبكي ..تبكي بحرقة كبيرة ..حرقة السنين اللي عداتهم محتاجتلو فيهم ..هزت راسها و جبدت كراستها كتبت فيها { لن يؤلمك الوقوع في الحب ... ولكنك ستصرخ الما وانت تخرج منه } ماذيساعتين متاع الليل وقف الكرهبة قدام الدار ..قعد في وسطها يغزر لقدام ..يغزر لدارهم ...النهج كان ظلام والدنية مسكتة ...مازالت النار شاعلة فيه ..شرب قد ماشرب وماطفاتش ...عمال تلهب ...عمال تقوى وتزيد ..قلبو يحس فيه تحرق لين ماعادش طايق يقعد في بقعتو ..يحب يهز سكينة يغرسها فيه ويخرجو يلوحو ..يرميه ..القلب اللي ذلو ..اللي خلاه يبكي ...اللي خلاه يضعف ...القلب اللي خلاه يعرف الحب في أسوأ حالاتو ....هزمو الحب وهزمتو علياء بقوتها ....هزمتو بتحديها ليه ..هزمتو بالمناعة اللي كونتها ضدو في سنين صبرها عليه ...حل الكرهبة بالسيف ..دخل لدارهم ...مشا غسل وجهو بالماء البارد فماش مايفيق ..رما روحو عالفرش داهش وتاعب ...جات الكراسة الروز قدامو ..هزها حلها وبدا يقرا " محلاه صدرو حبيبي قيس ..معبي بالشعر نتمنى نحط راسي عليه وهو يعنقني" ....." حبيبي قيس كيف يضحك نشوف الدنيا الكل في هاك الضحكة البنينة متاعو ...نتمنى نتمنى نتمنى يهزني كيف الطفلة الصغيرة بين يديه ويحطني على صدرو ويخبيني عندو " ... قام من الفرش زاد مسح الدموع اللي بدات تهبط ..عينيه كانت حمر وتحرق كيف الجمر ...شد كراستو كتب عليها { بحثت عنك حتى وجدتك , ولم اجدك } ...هز كراستها بين ايديه وخرج ..مشا لبيت اختو مريم كانت راقدة في سابع نومة ...فركس على تليفونها مالقاهش ..وهو يفرت سمعت اختو وقامت مفجوعة -قيس ؟ قعدت باهتة فيه تغزر لحالتو المزرية ولعينيه الحمر بهتت ...قيس اشبيك لاباس ؟ -اعطيني نومروها ...قالها بالشوية بصوت مبحاح -نومروشكون ؟ -علياء ..نومرو علياء .. -اش ...اش تعمل بيه ؟ سالتو مستغربة وقامت قعدت في الفرش ..قيس اشبي حالتك هكة امان عيش خويا ؟ - اعطيني النومرو وسكر فمك ماعنديش الوقت بش نحكي تو ...بدا يصيح لين خوفها ...هزت التليفون وملت عليه النومرو ..خذاه وعاود غزرلها...ارجع ارقد مريم واللي صار يقعد بيناتنا مانحبش بهيجة تسمع بيه .. - بــ .باهي جاوبتو وهي باقي تغزرلو مصدومة في حالتو الي دخللها بيها.... .. خرج البرة للشارع وقف يغزر لدارهم ..شد التليفون وطلبها نوقز شوية وبعد هزت -الو ؟ كان صوتها بالنوم ..كانت راقدة ومتهنية وهو قاعد لهنا يعفس عالجمر -اخرج حاشتي بيك ..قالها بصوت قوي - أ ..أشكون معايا ؟ - أخرج علياء يزي بلا تبهنيس ..صوتو زاد قوا ...حتى كان نسيتني ومحيتني من حياتك مازال صوتي مانسيتوش أكيد ..أخرج هاني نستنى فيك قدام الدار ..يسمع في النفس متاعها في التليفون وبعد جاوبتو - اش تحب عندي قيس ؟ مانجمش نخرج الوقت هذا؟ -لا بش تخرج ..وتو بش تخرج كيما كنت تخرج قبل على خاتري ...دقيقة ونلقاك قدامي ...ماكانش اللي في راسي نعملو .. علقت عليه التليفون ...الدم غلا في عروقو ..بدا يقدم قدام دارهم ..هبل في مخو ..مازال ماوصلش وهي حلت الباب يالشوية وخرجت تتسرسب ...تبسم بغزول ..كيف شافها قدامو تفكر كل شي ..تفكر تعنيقة لاخر ليها ..مخو تشوشط ..تحرق ..كانت تمشي بالزربة لافة جيلية على كرشها وقفت قدامو وعينيها تتشاعل -اش تحب عندي انت تو ؟ هبلت جايني الوقت هذا وتقلي أخرج ؟ كانت تغزرلو وهي تحكي ..حست اللي حالتو موش عادية ..والاكيد انو شارب ...تنفست بالقوي وهبطت راسها ..قيس كان عندك حديث خليه لغدوة تو موش وقتو ..عندي قراية الصباح بكري ...تلفتت وجات راجعة وهوشدلها ايدها كبسلها عليها ولزها ليه لين وجعها ..حبت تتملص منو مانجمتش ..كان يغزرلها ويغزل ..عينيه تتشاعل حمر ...خافت منو ... - قـ...قيس أشبيك ؟ سيبلي يدي وجعتني - موش أكثر من وجيعتي ...قالها بصوت مبحاح ..وقتلي سمعت الكلمة عرفت اللي هو شافها ... قعدت تغزرلو ساكتة ...ماتكلمت حتى كلمة ...شدها من كتفها وبدا يكركر فيها ...عينيها وساعت وقلبها حستو تخلع من الفجعة . - قيس وين ماشي بيا ؟ - سكر فمك وماتحكي معايا حت كلمة ..حتى كلمة ما نحب نسمعها منك ... دزها رماها في الكرهبة وركب خدمها وهزها ومشا الحلقة الثالثة عشر {ضميني إليك معذبتي كي أغدو جميلا كالصبيان ...كي يتلو البجع أغانيه عند الشطآن .....كي أشعر بأني ما عدت كالحبة في سبحة شيطان... لأقول لموج البحر الهادر أسكن يا بحر فأنا القبطان ....ضميني إليك لأمطرك شغفاٌ ورحيقاً.... وأجدّل بين أناملك توقي واللهفة والحرمان ...لأقبل كل ورود الحقل وشجيرات الرمان... واخطف من عينيك بريقا يصنعني ذكرى إنسان} ثنية كاملة ساكت ماتكلمش تغزرلو على جنب كيفاه قسمات وجهو متشنجة ...يجري بالكرهبة كيف المهبول يرحي في الثنية رحيان لين وصل للبحر وفي نفس البقعة اللي كانت فيها هي وحسام ..غزرتلو باهتة - اشبيك جبتني لهنا ؟ قاتلو بصوت عالي شوية حقرها ماجاوبهاش .تحس كان في النفس متاعو طالع هابط... هبط من الكرهبة ومشا لشيرتها هي ..حل الكرهبة وجبدها بقوة فاجاتها ..بدات تقاوم وتجبد في روحها منو وتصيح - سيبني ياخي اشبيك اليوم سيبني ؟ - عيطلو سي روميو متاعك ..كلمو تو عيطلو خلي نزيد نشوف تمعشيقكم مليح !!.بالكشي فاتتني حاجة ماشفتهاش قبيلة خلي نزيد نثبت ؟ كان يصيح ويعيط فوق وجهها قد قد ترعبت وخافت حاستو ماهوش في حالتو الطبيعية...عينيه كانت شاعلة نار .. ماحبتش تبين ضعفها قدامو ..دزتو بكل قوتها وماعطاها ربي ..بعدت شوية عليه ...شدت نفسها وقحرتلو بقوة وتحدي .. - ابعد سيبني ..اش مدخلك انت فيا ...لا قتلك شوفني لا قتلك تبعني...ابعدني قيس ..اش تحب عندي ؟ بدا صوتها يعلا وتشوف فيه يخض بكلو من العصب ...اذا كان هو راكبو شيطان في بدنو هي اكثر منو وماهيش بش تخليه يرهبها والا يخوفها ...حست بقوة كبيرة في داخلها ...قوة تنجم تخليها تواجهو ند لند ... - اش نحب عندك ؟ صوتو علا اكثر منها ...علاش عملت هكة علياء؟علاش جبتو لهنا ؟ علاش حبيتني نشوفك معاه؟شنوة حبيت توصللي ؟ اللي انت نسيتني ؟ نسيتني بيه هو ؟...كان يغزرلها في غزرة متاع غل .. - كان لازم تفهم اللي انت خرجت من حياتي...( قاتلو وهي تغزرلو في عينيه بتحدي ) واللي انت ماعاد تعنيلي شي...انت بالنسبه ليا توا كارطه محروقه …تتفكرها الكلمه هذه ..هههه ..انا توا نرا فيك كارطه محروقه قدامي...انت غلطة بش نبقىى عمري الكل نادمه عليها... - تكذب على روحك وعليّا قيس عمرو ماكان غلطة في حياتك !! ...علياء اللي حبت قيس الحب الاسطوري وحتى كيف بدلتو بدلتو بواحد يشبهلو ههه واحد نسخة منو خاتر كيف تحط راسك في حضنو كيما قبيلة تتخيل حضني هو اللي يعنق فيك ..خاتر انت عمرك مانسيتني...هز صبعو يتحدى فيها ...يمشي ويجي ويعاود ياقف قدامها يغزرلها في عينيها ... خاتر انا الوحيد اللي متربع على عرش قلبك و خاتر انت الاميرة متاع قيس...قالها بالشوية ..زاد قربلها ...قربلها لين قريب يلصقها ..موش طول عمرك تتمنى تكون الاميرة متاعي ..هز يدو وعداها على خدها بالشوية ..غمضت عينيها وتنهدت ...احساس يوجع ..احساس حلو ...بين المد والجزر كانت مشاعرها وقتها ..تتمنى تقربلو ..تتمنى تعنقو ..تتمنى تتمتع بلمسة ايدو ...وتخاف ..تخاف من الوجيعة ..تخاف من حريقتو ليها ..تخاف من روحها لا تضعف مرة أخرى ..تمالكت نفسها وعاودت حلت عينيها ...جات في عينيه ..قاومت روحها بش ماتضعفش قدام نظرتهم الهايمة فيها ...قاومت نفسها الضعيفة قدام انفاسو السخونة الشاعلة... - ح..حسام ...حسام انا ماخترتوش ....هو اللي اختارني ..(عينيها لمعت ورجعت نظرة التحدي فيهم ).. غرورك هيالك اني اخترت حسام جيست خاطر يشبهلك ههههه انا كان جيت نفركس على نسخه منك راني بقيت عاشقه فيك يمكن فيكم شبيها صحيح لكن هو عكسك في كل شي وهذاكه اللي نعشقو فيه تعرف حسام شنوا...حسام ضهري ...تفهم شمعناها ضهري...معناها هو عزة نفسي هو كرامتي هو قيمتي اللي انت عفست عليها و هو رفعها ...انا تولدت على يديه من جديد وقتلي انت قتلتني بالحياه هو عطاني ثقه في روحي وقتلي انت زعزعتهالي بكلامك ..و الاهم من هذا الكل هو علمني الحب... الحب اللي بالحق متاع خوذ و اعطي...حب من طرفين ...حب حياني و ماقتلنيش....حب خلاني نشوف الدنيا بنظرة أخرى ...نظرة وردية موش سوداوية كيما خليتني انت نشوفها ... عينيه شعلت وهو يسمع فيها تحكي عليه ..هبل ..شعل ..قلبو رج ...هز يدو ضربها على السور بغل قوي .... عينيه شعلت وهو يسمع فيها تحكي عليه ..هبل ..شعل ..قلبو رج ...هز يدو ضربها على السور بغل قوي .....نزل على سنيه بقوة لين حسهم بش يتكسرو ...حاولت تشد روحها ووقفت تغزرلو بتحدي ..كان لازم نوجعك ..كان لازم ..كيما وجعتني كان لازم نوجعك ...كانت تقول في قلبها ...هز سيقارو شعلو وقف يغزر للبحر ..حست بانفاسو قوية طالعة من صدرو ..يحارب في روحو ..يداوي في غرورو اللي مصورلو اللي هو ديما فوق الناس الكل ...رما السيقارو في القاعة وعاود تلفتلها قالها بصوت حاول يكون هادي بقدر الإمكان.. -اذا كان تسخايل روحك تستفز فيا وانت تشكر وتمجد فيه تو ساعة نقلك اللي انا ماتتحركلي حتى شعرة منو ..واذا انا اللي قتلتك كيما قلت انا اللي بش نعاود نحييك انا اللي بش نرجعلك الروح لبدنك ولقلبك ولحياتك ...انا حب سنين وهو حب ثلاثة سنين مافماش وجه مقارنة بيني وبينو ..علياء انا بش ننسى اللي ريتو قبيلة ...خاتر نحب ننسى... نحب ننسى كل شي انا وياك ونعاودو من اول وجديد...انسى الوجيعة ..انسى السنين الي تعدات وارجع لليلة اللي عديناها مع بعضنا...اقف غادي وخلينا نكملو اللي بديناه !!...قعدت تغزرلو باهتة في صحة رقعتو وثقتو الكبيرة في نفسو ..هزت حواجبها متعجبة وكتفت يديها وقفت مقابلتو ..كانت الريح تلعبلها بشعرها ..سرح معاه ..قداش يتمنى تو يعدي يديه عليه ..يلعب بيه بين صوابعو ...قداش يتمنى وقداش يتمنى وقداش يتمنى ..لكن كلامها فيقو وهي تحكي بنبرة تحدي شوف نحبك تفهم حاجه بالقدا شوفت كي نبدى بش نموت و يقولولي قيس فيه الشفاء نرضى الموت و انت لا لا لاااا افهمها... انا وصلت للموت من جرتك غمضت عينيا وكانت تصويرتك اخر حاجه ريتها و كلامك الجارح ..الموذي اخر كلام تفكرتو.. وصلت للموت...ورجعت منو بفضل ربي و فضل حسام..رجعت لروحي ..لكياني ... تصويرتك و صوتك تنحاو من مخي حبيتك صحيح حبيتك حب انت ماتستحقوش لكن اللي حبتك طفله مراهقه صغيره كانت ترا فيك البطل متاعها حبيتك بقلبي واحساسي وهذاكه اللي خلى عينيا تتعمى عليك خاطر كان جيت حبيتك بعقلي راهو قالي اللي انت ماتستاهلش وماتستحقش الحب الكبير اللي عطيتهولك واللي كنت مستعدة نعيشو ليك ...كان صوتها فيه طعم المرارة وجاء بين عينيها الماضي الكل ..بكل الوجايع والدموع اللي حرقتها في الليالي اللي كانت تحلم فيها بيه ... عض على شفتو بحسرة وهو يغزرلها ...جرحها كبير ...موش عارف يلوم روحو والا يلومها كيف شافها مع حسام ...يحاسبها والا يحاسب روحو عاللي عملو معاها ؟ ...علاش بش يحاسبها كيف راها معاه؟ موش هو اللي خلاها ؟ موش هو اللي هرب ..هرب من مشاعرو وخلاها تقاسي وحدها ..خلاها توصل للموت وحدها ...خلاها تتعذب وحدها ..موش هو اللي ما سالش عليها ثلاثة سنين قعدت متفكرتهم ؟عدا ايدو على شعرو بتوتر ...نفخ بالقوي وقدم شفايفو لقدام ..يحس في النار شاعلة فيه ..لاهب وموش عارف اش يعمل ؟ طبس راسو وقالها بهدوء بصوت فيه برشة حنية -مهما بش تقول ياعلياء مانصدق حتى كلمة مللي حكيتو ...علياء اللي نعرفها تغفر وتسامح علياء اللي نعرفها تخاف على قيس وماتحبش فيه دقة الشوكة ....علياء اللي نعرفها لقيتها في الكتاب متاعها ...خلاتني نحبها ونحب روحي معاها....رجع للكرهبة فيسع ..شافتو يفركس بيديه ورجعلها وفي يديه كتاب ...كتابها الروز كان بين ايديه ...الكتاب اللي كتبت فيه أحاسيسها الكل ومشاعرها تجاهو مللي هي عمرها عشرة سنين ...عينيها زغللت بالوقت ...وتفكرت وجايعها الكل ..عذابها ...جرحها الكبير اللي مازال مابراش ..هزت راسها وغزرتلو بربثة ..تلقى عينيه يثبتو فيها بنظرة حادة ....حاولت تتمالك نفسها ..السنين اللي عداتهم تتوجع علموها تخبي مشاعرها مليح ..تخبي اللي في داخلها ومايبان شي في وجهها اش يعمل عندك هذا ؟ قاتلو بصوت حاولت تخليه بارد على قد ماتقدر وهزت ايدها بش تاخذو وهو جبدو ليه وقعد يغزرلها وهو يحكي - هذا كتابك اللي خليتو عندي في اخر ليلة تقابلنا فيها انا وياك ...هزيتو معايا كيف سافرت... ؟ تتذكرها الليلة هذيكة؟ تتذكرها علياء ؟ - نسيتها !!...لفت الجيلي على كرشها ..(حست برجفة قوية في بدنها طبست راسها ودورت وجهها تغزر للموجة تمشي وتجي ...حستها كيف مشاعرها هي من داخل ... ) كل اللي نتذكرو في الليلة هذيكة هو كلامك الموجع ....استهتارك بيا وبمشاعري البريئة تجاهك ... قتلت فيا كل حاجة حلوة كانت في داخلي ...قتلت فيا الحلم اللي حلمتو سنين فيك ...قتلت ايماني بالحب ... قتلت فيا الانثى اللي كانت متعطشة انها تذوق الحب من الراجل اللي تمناتو في سنين عمرها الصغير الكل ...شنوة تحبني نتذكر قيس ؟ قاتلو بصوت مخنوق ..نتذكر كلمتك الموجعة اللي قلتهالي هههه انت كارطة محروقة بالنسبة ليا ...وكيما اعطيتني بدنك تنجم تعطيه الواحد آخر ..حست بطعم المرارة في قراجمها وهي تتفكر ..مازالت موجوعة مازال الجرح كبير في قلبها ...كل كلمة كانت محفورة..مزروعة سكاكن في قلبها.. قعد يغزرلها وساكت ...حط الكراسة فوق الصور وقربلها ...قربلها لين حس بسخانة بدنها على بدنو ..كانت عاطيتو بظهرها تغزر للبحر هز يديه ولفهم من وراها فوق كرشها وكبس على يديها ..حسها جمدت وتفاجإت بالحركة متاعو ..لكن هو زاد كبسهم وقربها ليه اكثر .....حس بذبذبات تسري على بدنو الكل كيف الكورون ..قداش توحشها؟ ..قداش توحشها وتمنى لحظة القرب هذي معاها ؟ قداش تمنى يرجع بيه الوقت لتالي في اللحظة هذيكة ...في الليلة هذيكة ويكمل معاها اللي بداه ؟ وجعها يعرف روحو وجعها ..قهرها ....حط جبينو على راسها من تالي ..غمض عينيه يشم في ريحتها ..قعد يعدي في خشموفوق راسها وحط شفايفو على شعرها باسو .. بدنها يرعش بين يديه زاد لزها ليه أكثر وأكثر ... -سامحني علياء سامحنى !!قالها بصوت اقرب منو للهمس .. سامحني وجعتك نعرف ...ماحسيتش بيك غلطت ..سامحني ماكنتلكش الفارس اللي حلمت بيه في كراستك ...سامحني على كل كلمة قلتهالك خايبة ووجعتك في حياتك ...قد مابش نقلك سامحني شوية في اللي عملتهولك .. حسها بدات تفيق وتتملص منو ..تجبد في روحها بقوة وتدز فيه -سيبني قيس سيبني ...سيبني ماعنديش علاش بش نسامحك !!انت ماغلطتش ..انا اللي غلطت ...انا اللي حطيت روحي وحطيت حياتي تحت رحمتك من غير ماتطلب مني انت ..كل الكلام الخايب اللي سمعتو منك كنت نستاهلو ...كل وجيعة كنت نستاهلها خاتر حبيت واحد اناني كيفك ...كانت تتكلم وتصيح وتجبد في روحها ..حست النفس بش يتقطعلها وهي تدز فيه ...صوت الريح وصوت الموجة والظلام كانو مشاركينهم في أحاسيسهم الوقت هذاكة ...دورها ليه بقوة وحطها قدامو ..جبدها من كتفها غزرلها في عينيها المدمعة ..الموجوعة ...وعنقها ..عنقها بقوة ..بعنف ..بكل الجهد اللي عندو عنقها ...ايد على ضهرها وايد فوق راسها غرسلها وجها في صدرو ...خنقها ..عصرها بين يديه ...ضعفت ..ذابت ...سخنت ..شعلت ....المشاعرالكل حستها في الوقت هذاكة وهي بين يديه هنا بقعتك علياء ..قالها بصوت حنين ...في صدري ..بين يديا ...في حضني ..هنا بقعتك كيما تمنيت تكون ...هنا بقعتك خاتر قيس رجعلك ...هزلها راسها بصوابعو ..كانت مخدرة تغزر لعينيه اللي في لون الليل ...عينيه اللي ياما سهرت ليالي تحلم بالغزرة الذابلة متاعهم ..حط شفايفو فوق جبينها باسهولها ..كانوسخان يحرقو ..من جبينها هبط لخشمها ..لخدها ...غزر لشفايفها اللي كانت ترعش ..عدا صوابعو فوقهم يمشي ويجيب بكل رقة ..رقة ذوبتها ..في لحظة غمضت عينيها وسلمت روحها لاحاسيسها القوية ..في لحظة نسات وجايعها الكل ..وفي لحظة حست بشفايفو فوق شفايفها ... عداهم بالشوية وطبع بوسة خفيفة ..هز راسو غزرلها يشوف في ردة فعلها ...مالقاش مقاومة منها ..تبسم وعاود طبس دزها على الصور تكاها عليه وهبط بقوتو الكل عليها ..كان يحس في بدنو الكل يغلي ..يغلي بالرغبة والوحش ...البوسة الخفيفة ولات عنيفة ....سيب فيها غل السنين اللي بعد فيها الكل ...ماكانش ينجم يتحكم في روحو وهو يعدي بلسانو على شفايفها الطرية ...شفايفها الكبيرة المغرية ..زاد هبل وهو يسمع فيها تإن ..خنقها بالبوس لين حس النفس تقطع عليها ...بدنها يرعش تحتو ..يتحرك .يحاول يقاوم الضعف الي حستو معاه ...كل شعور ..كل إحساس حستو في حياتها مايجيش قدام اللي تحس فيه تو ...سخانة شفايفو ولسانو شعلو النار في بدنها ...لمسة يديه وهو يعدي فيهم على بدنها الكل كانت كيف الثلج الذايب فوق النار تمشي وتسخن ...مشاعرها الكل كانت تحت رحمتو في الوقت هذاكة ..قادر انو يلينها كيف العجينة بين يديه ...ورضختلو من اول وجديد ..في لحظات ضعف خلات مشاعرها القديمة تطفو وتطلع وتتغلب على كل حقد تكنهولو في قلبها ...لحظات ضعف وامنية انها تكون بين يديه ...انها تحس ببدنها لاصق بدنو ...مشاعركانت ناقصة وتحب تكملها بيه ...مشاعر ليلة ذوّقها فيها الحب وهرب ..مشاعر مكبوتة داخلها ...مشاعر انثى تحب تسترجع كرامتها اللي تجرحت في نهار من النهارات بلسانو اللي يبوس فيها بيه ...بلسانو اللي حرقها ..لهبها ...وجرحها ....مشاعر انثى تحب تسترجع كرامتها وهي تشوف في اللهفة والشوق في عينيه ...هو اللي ذلها واحتقر حبها ليه !!...هو اللي قالها انت كارطة محروقة !! هو اللي قالها انا عفتك وماعدش نغزر لبدنك خاتر اللي شفتو منو يخلينك نعيفك ...كل كلمة رجعت تزن في وذنيها بقوة ...تزن ..تزن ...تزن ..لين ماعادش طايقة تسمعو ..هزت ايديها وبكل قوتها دزتو ... - ابعد عليّا ...ابعدني نكرهك نكرهك ابعدني ...كانت تلهث وهي تصيح ...شدتها هستيرية متاع بكاء ..حطت يديها على وجهها وبدات تصيح وتبكي -نكرهك ونكره ضعفي قدامك ...نكره انوثتي اللي دست عليها بساقيك ...نكره روحي اللي طاوعتك ..نكره قلبي اللي في كل مرة يرضخلك بالرغم اللي عملتو فيه ...كان يغزرلها وعينيه فيهم برشة احاسيس من العطف والشوق والرغبة والمحبة ..روحو وكايانو مازالو متاثرين بلحظة قربو ليها ...بدنو مازال تحت تـاثير العاطفة القوية اللي اجتاحاتو ..ماكانش يحب يبعد عليها ...زاد قربلها وحط ايدو على كتفها بش يجبدها ليه -عليا... - نحي كسرتك .. قاتلو بصوت قوي وثابت وهي تسترجع في أنفاسها هزت ايدها ورماتلو ايدو بقوة ...نحي كسرتك ماعادش تمسني ..مسحت دموعها بصوابعها وبعدت عليه ...دورت وجهها رات الكراسة قدامها فوق الصور هزتها ورماتها بقوة فوق القاعة وقعدت تعفس عليها ..تعفس عليها كاينهي تعفس على ماضيها الكل المحبوس غادي ... ماضي وكان لازم تتحرر منو .. - الكراسة هذي انساها ...قاتلو وهي تغزرلو بتحدي ..الكراسة هذي مولاتها ماتت ..ماتت نهارت اللي شربت الحرابش ..الحرابش هذوكم قتلوها وخلقو علياء جديدة اللي واقفة قدامك ..فاهم ياقيس ؟ فاهم ؟ كانت تصيح واقفة قدامو ضعفها الكل تحول لقوة ..قوة خلاتو ياقف باهت قدامها ...كتف يديه وقعد يغزرلها ...يغزر للقسوة اللي ولات في لمعة عينيها ....يغزر للوجيعة اللي سكنت فيهم ...تنهد وعدى يديه على شعرو ..خلاها تبرّد قلبها لين حسها هدات ..اتكى على الصور وحط ساق فوق ساق ..هز سيقارو شعلو وغزرلها على جنب ...كانت مطبسة راسها لافة الجيلية على بدنها ...خذا نفس وبدا يتكلم - علياء انا رجعت لتونس على خاطرك ... - ههههه باركالله فيك !!قاتلو بصوت حس في طعم المرارة ..ياخو بخاطرك - نعرف اللي الكلام الي بش نقوهولك جاء مخّر ...نعرف روحي غلطت معاك ...اما حتى انا وقتها كنت صغير وطايش ..غارتني الدنيا ..ماكنتش نخمم في حتى شي .وماكنتش نحب نربط روحي بحد ..في الثلاثة السنين اللي قعدتهم غادي ..كان عندي الوقت بش نفكر ونستوعب ونفهم ...في الثلاثة سنين هذوكم كانت كراستك هي الونيس الوحيد ليا .. ضحكت باستهزاء وهي تسمع فيه - مانتصورش اللي هي الونيس الوحيد ؟ هههه مانتصورش اللي كراستي والكتيبة التافهة اللي فيها تعنيلك حاجة ؟ - كانت تعنيلي كل شي علياء ...كراستك هي اللي عرفتني بروحي ...كنت نشوف في روحي من عينيك انت ....كنت نشوف في فرحة القلم بين يديك وانت تكتب عليا ... كراستك ردتني قيس جديد ..بدلتني ..غيرتني ..كل جملة ....كل كلمة ...كل حرف تحفر في قلبي ...تزرع كيف النبتة اللي كل يوم تسقيها حتى ولات شجرة ...وحبك كل يوم يزيد مع كل حرف نقراه ...( طيش السيقارو وغزرلها ) علياء انا قررت نرجع خاتر ماعادش ننجم نعيش بعيد عليك ...ماكانش في بالي اللي انت حاولت تنتحر على خاطري ..وسامحني على كل وجيعة وجعتهالك - وشنوة المفروض نعملو انا تو قيس ؟ سالتو بصوت فيه بحة ...ننقز موش هكة ؟ نطير بالفرحة ونولي نصيح ونعيط ؟ تحبشي نشطح ؟ بعد ثلاثة سنين قيس تفكر اللي هو يحب علياء ههه ...بعد ثلاثة سنين قرّر انو يرجعلها خاتر حس اللي هو ماينجمش يبعد عليها ..خاتر هو ..خاتر هو ..خاتر هو ...والمفروض على علياء انها تقعد تستنى قرارات قيس !!تاقف حياتها وهي تستنى في قيس الاناني المغرور وقتاش قلبو يحن ..وقتاش يلين ويتفكر فجأة اللي فما وحدة بهلولة ميتة عليه تستنى فيه ...لاصقة في الحيط كيف الكواترو اللي لاعبة عليه الغبرة حتى تجي انت وتنفضها وتهزو ؟ ضحكت ضحكة بطعم المرارة وهي تغزرلو باحتقار تهز فيه وتحط - اذا كان تسخايل روحك تبدلت فانا نعلمك اللي انت ماتبدلتش ...بالعكس انت وليت اتعس من اللي كنت ...كيف كنت نعرف اللي انت ماتحبنيش وماتعبرنيش اهون من اللي عرفتو تو !!قربتلو ووقففت قدامو وتغزرلو بتحدي ...ماكنتش طالبة حبك انا قبل قيس ..كنت عارفة في قرارة نفسي اللي انت ماتحبنيش ...اما الوجيعة اللي وجعتهالي قبل ماتمشي لاخر لحظة ماننساهاش ...كان ممكن نغفر ونسامح وننسى كان الليلة هذيكة ماكانتش بيناتنا ...الاحتقار اللي في عينيك والكلام اللي سمعتو منك لتو محفور هنا ..وحطت ايدها على قلبها ...الذل اللي حسيتو وقتها والطعنة اللي طعنتهالي لانوثتي وانا في قمة فرحتي معاك عمري مابش ننساها والا نعديها ...مريت بلحظة ضعف معاك تكلفتلي غالية ومانيش مستعدة بش نسلملك قلبي مرة أخرى ...حتى وكان تبدى روحي فيك ...وهزت روحها ومشات ركبت في الكرهبة ...ركبت وخلاتو واقف ...حط ايدو على فمو وعداها على لحيتو ...وقف يغزر للموجة تمشي وتجي ...وقف يغزر وحس روحو قداش عاجز في اللحظة هذيكة ...غزر للكراسة ملوحة في القاعة طبس هزها نفضها من الرمل حل صفحة وقرا " نتمنى حبيبي قيس يغزرلي بعينيه الحلوين ...يغزرلي بحب كيما نحبو انا ...نستنى وقتاش بش يجي النهار ونكبر ونولي مرتو مصاب مصاب حبيبي يولي راجلي خاتر نحبو برشة " كلمات بريئة من طفلة بريئة ...غمض عينيه ..حس الدموع بش تهبط منهم .. عض على شفتو بقوة وهز راسو غزرلها وهي قاعدة في الكرهبة مربعة يديها وتغزرلو بتحدي ...وعاود غزر للورقة قدامو وعاود قرا ...المشكلة انو كان يتعامل مع علياء اللي في الكراسة ..علياء اللي ترا فيه البطل متاعها ...كان يحب يمارس دور البطولة معاها وموش عارف اللي البطلة تبدلت ...كبرت ومشاعرها تغيرت... علياء الجديدة اللي محتاجة لراجل موش لبطل ..راجل يحس بيها ..يفهمها ..يقدرها ...علياء اللي لازم يحارب على خاترها كراجل يحارب على مرا... الحلقة الرابعة عشر "وحين عثرت عليك ...فقدت قلبي" قام يتكسل الصباح ...اول ماحل عينيه حكهم وجبد تليفونو يشوف في الوقت يلقلاه السبعة تبسم وحل مسانجروبدا يكتب " مااجمل الصباح حين تتلاقى العيون ..عيون عسلية بلون الشهد وعيون سود بلون الليل ...احلى صباح لاحلى عيون ...عيون مجنونتي علياء ...نحبك ...قيسون " عض شفتو وقعد يغزر للمسانجر حتى شاف اللي هي قراتو ...ضحك وقام من الفرش وهو حاس بنشاط كبير ...اكثر من جمعتين وهو على نفس الموال...يكتبلها كل يوم في الاشعار والقصائد والغناء وكل انواع الكلام الحلو ويحللها الغناء اللي يعرفها تحبو في القهوة ويخليه يشرقع لين يوصل لبيتها ....حرب احاسيس حلها معاها ...في كل وقت يبعثلها ...يفكرها بروحو ...كل ليلة يبنك في القهوة ويعديهالها مساجات حب وغرام لوجوه الصباح....اما الحاجة الوحيدة اللي قلقتو انو مانجمش يقابلها وحدها من وقت اللي روحو مع بعضهم االليلة هذيكة ...روحو وقتها ساكتين ثنية كاملة ...ماكانتش عندو القدرة بش يواسيها ..حس روحو وقتها ضعيف ...وهي كانت منهارة ...هوما الزوز في الوقت هذاكة ودعو الماضي بكل اللي فيه من وجيعة وغل وحقد ...على الاقل هذا اللي ودعو هو على خاتر في الوقت هذاكة قرر بش يكسبها ...قيس الجديد بحبو القوي ليها قرر يكسب علياء الى تولدت من جديد ...قرر يخطفها .. يعاود يجبدها ليه ...قرريحارب ويحارب ويحارب على خاطرها ...مهما بش تكون النتيجة في الاخر يلزم علياء متاعو ترجعلو ....واليوم قرر انو يبدى الخطوة الثانية ... يدخل لعرين الاسد ... يواجه اللي يلزمو يتواجه !!! اشبيك عزيزتي سارحة ؟ سالها حسام ...كان يشوف فيها تغزر لتليفونها وتعاود..غزرلها على جنب وتبسملها ...هزت التليفون وخباتو في ساكها مربوثة ...كانت عاملتو سيلانسيون اما كيف يفبري تفيق بيه ...ومن غير ماتشعر تهزو وتحلو ... تقراه بلهفة ...لهفة عقلها رافضها ...لكن قلبها كل مرة يضعف ويخليها تجبدو من غير ماتشعر ...الف مرة تراجع روحها ...الف مرة تتلفت لحسام وتجي بش تقلو وتتراجع ..والف مرة تقول نسكر الفايس بوك والمسانجر وماعاد نحب نسمع عليه شي ..لكنها تتراجع ...ماتنجمش تنكر اللي الرسائل اللي قاعد يبعثلها فيهم ولغة الحب اللي يعبر بيها كانت تروقلها ...تروقلها موش على خاتر تحبو ....لكن على خاتر كانت ترضي غرورها كانثى ...انثى تجرحت كرامتها وعزت نفسها منو ...وكاني تسترجع فيهم من خلال تبزنيسو عليها بالطريقة هذيكة ....هو كان يسخايل اللي بالطريقة هذيكة ممكن تلين !!وماكانش عارف اللي قرارها انو مستحيل تعطيه حتى ترف امل انها ترجعلو ...مستحيل تخليه يسيطر عليها من اول وجديد بعد ماسترجعت نفسها منو .....الحكاية بالنسبة ليها ولات تحدي !!!والضعف عندها يعني ذل ....وهي مستحيل ترجع ذليلة ....هي علياء ....شامخة ....قوية .....مراحرة ....قادرة انها تواجه وحدها الدنيا الكل .... رجعت للواقع ...هزت راسها وغزرت لحسام وضحكتلو - تاعبة هالايامات !! ياخي انت خليتلي راحة .؟ ياسر دكتاتور راك !!! - هههه تعرفني مع القراية مانفهم شي ....اللي لازم بش يتعمل تعملو ! - تي حتى شوية راحة هكة !!وهزت صبعها تفسرلو وهي تغمز بدلا ل ...هههه راني خطيبتك !!تي حتى في السبيتار عاملينيي الف حساب على خاترك ...مافيبالهمش اللي كان تشلق بيهم لاما تعاركهم ههههه - ايا باهي !!كيف قتلي خير هههه تو نتفاهم معاهم غادي ...ماعنديش واسطات انا ....الناس الكل كيف كيف الزح مصعبك !! - ماو قلنا ماعادش تقولو الكلام هذا!!شنوة الزح هذي ؟ وقحرلها على جنب عامل روحو متغشش...راك طبيبة ما يليقش بيك الي تقول فيه ...اعرف اش تخرج من فمك !! - اووه حسام بش تشدلي عالكلمة تو !! تي خرجت من غير مانشعر ايا فكنا من الموضوع !!وين بش تفطرني اليوم ؟ - بش نفطرك في السبيطار اليوم هههه خاترعندي برشة مواعيد وبرشة مرضى وعندي فيزيت في سرفيس المعدة وبالطبيعة انت بش تكون معايا واتبع اللي نعمل فيه الكل !! وهزلها صبعو يحذر فيها ويضحك ...كانت تغزر ليديه الفينو ..قداش يذكروها بيدين قيس وقتلي كان يبدى يقري فيها هي ومريم..وقداش وقتها كانت تتمنى انو ايديه تمسها ! تذكرت وقتلي قالها اللي هي اختارت حسام على خاتر يشبهلو !!هو حسام يشبهلو ؟ حسام كان اسمر ...طويل ...عينيه مارون ضيقين شوية ..حواجبو خشان وعندو باربيش ...في الوصف كان يشبهلو غير العينين كانو مختلفين ...والشعر ...ودورة الوجه ...واللحية ....و..و..و. ..اااااه ...قيس .. قيس ما كانش احلى راجل ...يمكن حسام احلى منو ...لكن عندو كاريزما ...وقفة ...غزرة عينين ...تبسيمة ..غم..زة...تسحر ...اه ياعلياء !!!نحيه من مخك وارتاح !!نحيه مايستحقش حتى انك تقارنو بحسام !!!...حسام احسن منو بالف مرة !!! يكفي انو يعتبرك ند ليه ...يقدرك ويحترمك ويخاف ربي فيك ..انسان نظيف ...مصلي ... الناس لكل تحترمو وتقدرو ...طبيب واستاذ جامعي اي وحدة تتمناه ...اي وحدة تحسدها على حبو ليها ...هي بيدها حاسدة روحها ...كيفاش قبلها !!..كيفاش حبها بعد ماعرف عليها كل شي ؟؟؟: تعدات الصبحية في السرفيس وحسام يعدي على المرضى ويضحك معاهم ويفسرلها ليها هي ولبقية التلامذة اللي معاها ...ماكانش عامل فرق بينها وبينهم وهذاكة الي يعجبها فيه ..انو مايخلطش الخدمة بالعلاقات الشخصية ...بعد ماكملو مشا هو بش يعدي على المرضى اللي في service externe وقعدت هي مع التلامذة يراجعو في اللي تعلموه الكل ...خرجت مع صحابها للبيفات بش تشري قهوة وبعد ترجع تقعد بحذا حسام وهو يعدي .. شرات قهوة ليها وقهوة لحسام وجات راجعة ...هزت راسها تلقاه واقف قدامها ...كان واقف بطولو قدام السرفيس اللي تعدي فيه .!! بكل ثقة في النفس والغرور اللي عندو كان يتبسم وهو يغزرلها ...حاط لينات شمس فوق شعرو ومشمر سوريتو الفوق ....سوريتو الزرقة ...اللون المفضل عندها ...قعدت واقفة في حالة ذهول تغزرلو مش مستوعبة ...منين عرف اللي هي تقرا في السرفيس هذا؟!! منين عرف اصلا الي هي في السبيتار موش في الفاك!؟؟وشنوة اللي جابو ؟ اش يحب من عندها ؟ حست بترهويجة وهي تغزرلو مكتف يديه وعينيه مزغللة بالضحك ...وقفت مبهمة فيه ...قريب الثلاثة جمعات وهي تتجنب فيه ..تحاول تهرب منو... مابيناتهم كان المساجات اللي يبعثلها فيهم ....وعمرها ماجاوبتو ..حتى بش تسبو لا!!حست بيديها ترخفت وشوية لا بزعت القهاوي من قوة المفاجأة ...حاولت تتدارك أمرها ....قدمت بالشوية ووقفت مقابلتو..قحرتلو بتسوميم وقاتلو بصوت بارد -اش تعمل انت هوني ؟ قعد يغزرلها ويهز فيها ويحط من فوق للوطة ...السخطة مصح عينيه ...!!قربلها لين ريحة البارفان متاعو دخلت في خناخشها ...شدتها رعشة في بدنها وخرت خطوة بالتوالي تحاول تتجنب قربو ...يديها الزوز فيهم القهاوي ..قعدت تدور في راسها تحاول تشوف بقعة تحطهم فيها ...والا تهرب منو ...اي حاجة تجنبها نظرتو وقربو ....حست بيدو مستلها صوابعها ..بعدتها ترعش تبزع شوية من القهوة ...تربثت وهو ضحك - يا بنتى اشبيك ؟ بش ناخذ القوبلي متاع القهوة !!اشبيك تفجعت ؟ - اش تعمل هوني قيس ؟ سالتو بتوتر ...حطت القهاوي فوق محبس لقاتو على جنب وحط يديها في بلوزتها بش تخبي الرعشة اللي فيهم - جيت نعدي لهنا ؟ - ههه على شنية بش تعدي ؟ سالتو بتمقصيص علاه انت مستحق تعدي في السبيتارات؟ماك وليت لاباس عليك تو ؟ - حمدالله وهز راسو للسماء وعاود رجع غزرلها ..مستورة واكهو ...جيت نعدي على قلبي ...نحس فيه يوجع فيا برشة ...وهز يدو حطها على قلبو اممم ..سرفيس القلب موش هوني ....برا للبنية اللي مقابلتنا ...هنا سرفيس المعدة !! -باهي مالا عديلي على معدتي ..نحس في روحي فاقد الشاهية هالايامات وماعينيش في الماكلة ...قربلها وباقي يتبسم ...قعدت تغزر للغمزات اللي في خدودو ..سرحت معاهم ...مع تبسيمتو اللي تعشق ...كان عارف وفاهم نقاط ضعفها الكل تجاهو ...عارف كل شي خاتر كل شي كان موجود في الكتاب متاعها اللي عندو ...وهو لبس الازرق خاتر كان عارفها تحبو ..وتعشقو كيف يبدا لابسو ...خذات نفس قوي ...قلبها يرجف من داخل ...وقتلي يبدا بعيد كانت تحس بقوة وقدرة انها تقاوم وتنسى ...لكن كيف يقرب ...تحس اللي هي تحارب في روحها ...في مشاعرها ...قرار بعدها عليه وخذاتو ...لكن قرار ضعفها ناحيتو ما تنجمش تتحكم فيه .... -اش تحب عندي قيس ؟ سالتو بهدوء وهي من داخل تغلي ....نازلة على يديها بقوة في وسط مكاتبها -توحشتك !! قالها بالشوية وعمال يقرب ...توحشت نغزر لعينيك الحلوين قدامي ...توحشت تبسيمتك ...ضحكتك ...توحشت بوستك .. -قيس !!قصت عليه وهي تحذر فيه بعينيها ...هوني وين نخدم راهو ...والكلام اللي تقول فيه ماعاد يحركلي حتى شعرة ..كيفو كيف الاشعار والغناء اللي نهارالكل تحطلي فيهم ...فاهم والا نزيد نفهمك ؟ -تكذب على روحك ...قالها وهو مركز مع عينيها ...تكذب علياء خاتر كل شي نعملو انا يعنيك ...كيما انت تعنيني ...هز ايدو بالشوية حطها على خدها ...تفاجٱت بالحركة متاعو...حلت عينيها وقعدت تغزرلو ...خدها سخن من لمستو ...لا نجمت تبعد ولا نجمت تقرب ...حست العينين الكل عليهم...هزت ايدها وبعدتلو ايدو بقوة -نحي كسرتك ...الف مرة نقلك ماعادش تحط عليا ايدك .هي اللمسة صارت في لحظة ووفات في لحظة ...اما وقتلي هزت عينيها اللي تتشاعل بالغش ..لقات حسام واقف قدامها ورا قيس بالظبط اممم ..سرفيس القلب موش هوني ....برا للبنية اللي مقابلتنا ...هنا سرفيس المعدة !! -باهي مالا عديلي على معدتي ..نحس في روحي فاقد الشاهية هالايامات وماعينيش في الماكلة ...قربلها وباقي يتبسم ...قعدت تغزر للغمزات اللي في خدودو ..سرحت معاهم ...مع تبسيمتو اللي تعشق ...كان عارف وفاهم نقاط ضعفها الكل تجاهو ...عارف كل شي خاتر كل شي كان موجود في الكتاب متاعها اللي عندو ...وهو لبس الازرق خاتر كان عارفها تحبو ..وتعشقو كيف يبدا لابسو ...خذات نفس قوي ...قلبها يرجف من داخل ...وقتلي يبدا بعيد كانت تحس بقوة وقدرة انها تقاوم وتنسى ...لكن كيف يقرب ...تحس اللي هي تحارب في روحها ...في مشاعرها ...قرار بعدها عليه وخذاتو ...لكن قرار ضعفها ناحيتو ما تنجمش تتحكم فيه .... -اش تحب عندي قيس ؟ سالتو بهدوء وهي من داخل تغلي ....نازلة على يديها بقوة في وسط مكاتبها -توحشتك !! قالها بالشوية وعمال يقرب ...توحشت نغزر لعينيك الحلوين قدامي ...توحشت تبسيمتك ...ضحكتك ...توحشت بوستك .. -قيس !!قصت عليه وهي تحذر فيه بعينيها ...هوني وين نخدم راهو ...والكلام اللي تقول فيه ماعاد يحركلي حتى شعرة ..كيفو كيف الاشعار والغناء اللي نهارالكل تحطلي فيهم ...فاهم والا نزيد نفهمك ؟ -تكذب على روحك ...قالها وهو مركز مع عينيها ...تكذب علياء خاتر كل شي نعملو انا يعنيك ...كيما انت تعنيني ...هز ايدو بالشوية حطها على خدها ...تفاجٱت بالحركة متاعو...حلت عينيها وقعدت تغزرلو ...خدها سخن من لمستو ...لا نجمت تبعد ولا نجمت تقرب ...حست العينين الكل عليهم...هزت ايدها وبعدتلو ايدو بقوة -نحي كسرتك ...الف مرة نقلك ماعادش تحط عليا ايدك .هي اللمسة صارت في لحظة ووفات في لحظة ...اما وقتلي هزت عينيها اللي تتشاعل بالغش ..لقات حسام واقف قدامها ورا قيس بالظبط الحلقة الخامسة عشر {إذا لم يزدك البُعد حُباً فأنت لم تُحب حقاً !!!} تلفت وراه كيف را عينيها مرشوقة وراء ظهرو ..نظرة مصدومة خلاتو يدور فيسع ...كان واقف وراه حاط يديه في مكتوب البلوزة البيضة متاعو عينيه فيهم نظرة استغراب ...كل مرّة يغزر لوجه واحد فيهم ...علياء تنطرت جات قدامو ووقفت ...شدتو من يدو وتبسمت بربثة ..-ح...حسام ..ههه مش كنت... مش قلت بش تعدي على المرضى ؟ هـ ...هاك .. - شكونو السيد هذا ؟ مانتبهش حتى لكلامها وماعبروش أصلا ..عينيه كانت مركزة على قيس يقحرلو ...الزوز كانو واقفين مقابلين بعضهم ..الزوز طوال وخشان ...الزوز يتشابهو في برشة نقاط ...الا في الطبيعة ...قيس كانت طبيعتو حامية ..حادة ..دمو سخون ..واي انفعال يظهر على وجهو ..عكس حسام الهادى ..واللي كان في اصعب المواقف وجهو مايظهر شي ..وماتنجم تتوقع منو حتى شي ..كيما كان وجهو تو وهو يغزر لقيس ..كانت واقفة بيناتهم الزوز ..مكبشة في ايد حسام ...قلبها يرعش من الخوف ...غزرت لقيس تستعطف فيه بش يمشي ويقص النزاع ...كان مكتف يديه عينيه تتشاعل وهو يرافي ايدها اللي مكبشة في ايد حسام ...واقف بكل تحدي ماتحركتلوش حتى شعرة يستنى فيها بش تجاوب خطيبها ...هزت راسها ...حست العباد الكل ولات مركزة معاهم ..حشمت ..بدات تمهمه -هذا ...هذا...و..ولد ..ولد حومتي ..جاء بش يعدي ...جاء .. - انا قيس ...جاوبو بنبرة تحدي ...اكيد راك سمعت بيا حتى كان ماتعرفنيش ...وماجيتش بش نعدي ...جيت بش نشوفها خاتر توحشتها ...ليا ثلاثة جمعات ماريتهاش ..من نهارت اك الليلة اللي خرجت انا واياك فيها ...وتفلتلها يتبسم ضم شفايفو على بعضهم ...حط ايدو في مكتوبو وكمل يحكي وهو يغزر لردة فعل خطيبها ...مانتصورش الي انت خبيت على خطيبك اللي أحنا تقابلنا وعدينا الليل مع بعضنا على حرف البحر ؟ وتبسملو ...ابتسامة فيها برشة استفزاز مخلطة بغش ...بغل .. بتحدي ...وهي تصدمت ...وجهها تحس فيه سخن ...مانجمتش حتى تهز راسها وتغزر لحسام ...فمها تحس فيه بكش ...لبها العرق ...كل اللي عملتو انها قعدت تغزر لقيس كاشخة فيه ...موش مصدقة اللي سمعتو خرج من فمو ..راسها كبس عليها والنفس ضاع منها ...تحس في حسام يملص في ايدو من ايدها ....هزت راسها بالشوية جات في رقبتو راتو يبلع في ريقو ...لعبت عليها الدوخة ...زادت قربتلو وحطت ايدها على مرفقو - ح ..حسام .. -اكيد خطيبتي ماتخبي عليا شي ...سمعتو يقلو بنبرة هادية لكن حست بالتوتر في نبرتو ...هزت عينيها جات في عينيه ....كان فيهم لوم وحزن كبير ...خيبة أمل ...عينيها زغللت بدموع الندم ..الاحساس بالذنب شواها وهي تغزر لعينيه ...ماكانتش عارفة شنوة تقلو بش تبرر موقفها ...؟ شنية تنجم تعمل بش تنحي نظرة اللوم من عينيه ؟ -حسام ...انا ... - برا امشي لدكتور رياض قلو يكمل يعدي على المرضى متاعي ...(قالها بالشوية وعاود غزر لقيس اللي واقف يشوف فيهم الزوز كيفاش يتصارعو بعينيهم) ....اقعد معاه غادي حتى نرجع .. - وانت وين ماشي حسام ؟ سالتو بنبرة فيها خوف ...عينيها وساعت وهي تغزرلو بتساءل ... - عندي مانحكي انا و...سي قيس ...فما حديث لازم يتصفى بيناتنا !!موش هكة سي قيس ؟ سالو وهو يغزرلو بنظرة ثابتة هادية ..حاس روحو شاعل في داخلو ..لكن ابدا كان يظهرلو ضعفو وخوفو منو ...الخوف من المواجهة اللي كان يستنى فيها من وقت اللي سمع اللي هو رجع ...مواجهة الماضي اللي كان ساكن في قلب خطيبتو ... -حس..ام -برا اعمل اللي قتلك عليه علياء ...وقحرلها ...جبد مرفقو من ايدها وقدم لقدام ..وقف قدام قيس وهز يدو تفضل سي قيس ...قالو بهدوء ...كان عندك ماتحكي وماتواجه انا موجود تنجم تحكي معايا !!. .وبدا يمشي من غير مايستناه قيس بلع ريقو وتلفت لعلياء يلقاها تغزرلو يغل وحقد كبير ...عينيها مليانة دموع ..حس روحو حطها في موقف خايب ...موش هذا االي حب يوصلو !!...لكن ماكانش عندو حتى حل غير انو يحرك الماء الراكد ...غير انو يزعزع العلاقة ويثبت وجودو باي طريقة ...غزرلها بنظرة متأسفة ولفت ظهرو يتبع في خطيبها ...خلاها واقفة ..مسمرة في بقعتها تغزرلهم وهوما ماشيين .... -ايواه سي قيس ؟ هاني نسمع فيك كان مازال عندك ماتحكي !!! كان قاعد في كرسيه ..على بيروه ...شادد ستيلو يلعب بيه في يدو ...يحاول ينزع التوتر والرعشة اللي مكنتلو بدنو ...كان جاء ليديه راهو من اول مارمالو كلمة سهرية مع خطيبتو راهو عطاه بونية في جداقو وخلي يصير اللي يصير ...لكن طبيعتو الهادية تحكمت فيه ...كان لازم يفهم ...يسمع ....حسام موش من النوع اللي يتسرع في قراراتو ...كان ياخذ الكلام ويدرسو قبل ما ياخذ قرارو .... قعدو يغزرو لبعضهم ..كان قاعد مقابلو على البيرو ...قيس زادة متوتر ...الشخصية اللي قدامو قوية وثابتة ...وهذا فهمو من طريقة كلاموليه ... -النجم نشعل سيقارو ؟ سالو قيس -هه بالطبيعة خوذ راحتك !!جاوبو هز سيقارو وقعد ينفخ فيه عينيه تمشيى وتجي على البيرو المنظم والشهايد اللي معلقة فوقو ...عاود غزرلو ..كان قاعد يستنى فيه بش يحكي ...حس اعصابو بش تتحرق ...اول مرة يحس بالطريقة هذي ...انو يواجه راجل على خاتر مرا يحبوها الزوز ...كان هو ديما في موقف المنتصر ...لكن تو امكانية الخسارة عندو واردة ...خسارة ممكن يكون وقعها عليه قوي برشة ...خذا نفس قوي ...عض شفتو يالشوية وقالو -اكيد تعرف قصتي مع علياء ؟ -ههه شنوة نعرف؟ هز حاجبو مستغرب..قصتك معاها هي الي عرفتني عليها ..كان يحكي بصوت حاول يكون هادي لكن التوتر كان موجود ...وحاسين بيه الزوز -سي قيس اكييد ماجيتش بش تحكيلي على الماضي متاعكم !! خاتر كل شي نعرفو على علياء ..ادق التفاصيل الي صارت بيناتكم ...يعني اذا كان جيت ومعمل بش تسفزني لهنا بالماضي متاعك فانا نقلك راك غالط في الادريسة ...خاتر انا ماتعنيلي شي ذكرياتك معاها ..المهم هي مع شكون تو ؟ هي معايا انا !! -لا ماجيتش بش نحكيلك على الماضي ...قالو بصوت متوتر ...اما مادامك جبدت عليه فانا نحب نقلك اللي انا كان عندي تأثير قوي على خطيبتك ..ك.. -كنت ....قص عليه حسام وهويتبسم بتحدي ...شادد الستيلو يلعب بيه وينزل بقوة قريب يكسرو ...لكن تو ما عادش عندك حتى تاثير ...انت باانسبة ليها ماضي ...وانا بالنسبة ليها الحاضر والمستقبل .. -الحاضر ممكن ...قالو وهو يطفي في السيقارو وقحرلو بنظرة فيها قوة ...لكن المستقبل نخليوها هي تقرر مع شكون بش تكملو .. - ههههه ...امر محسوم بالنسبة ليا انا ...تكى ظهرو على الكرسي ورجعلو القحرة ...هي بش تكمل معايا انا ... -يظهرلك ...قام من بقعتو ...حط ايدو في مكتوبو ومشا وقف بحذا الشباك ...كان امر محسوم قبل ما نرجع انا ...لكن تو ؟..اكييد موش بش نخليلك الساحة فارغة ليك انت !! وتبسم بطريقة استفزازية ....حبها ليا حب سنين ...تربات وكبرت بيه ..حبك انت حب عامين ..واكيد الكفة بش تميل ليا انا ...وتنهد نزل على سنيه ...كبس على يديه وكمل يحكي عينيه سرحت ...اكيييد هي بش تكون حاقدة عليا علي عملتو معاها ....والا اللي هي تحسو عملتو معاها ...لكن انارجعت تو ...وناوي بش نصلح اللي تكسر الكل .... على حساب شكون ؟ سالو حسام شاف في عينيه لمعة ..حسو توتر والهدوء اللي كان يتظاهر بيه بدا ت قشرتو تتنزع. على حسابك وعلى حسابي وعلى حسابها ... علياء بالنسبة ليا حياتى ...رجعت على خاطرها ...خليت كل شي غادي وجيت على خاطرها ..نحبها ...ومستعد نواجه اي حد ...اي حد يوقفني بش مانوصللهاش ..وهز ايدو يحذر فيه -بش تواجهني انا مالا ....قالو بصوت يغلي ...قام من بقعتو ومشا وقف مقابلو ..هز يدو االي فيها الستيلو وحطها قدامو بتحدي ...بش تواجهني انا ...خاتر انا موش بش نخليك تقربلها حتى شعرة .. -جرب مالا ! ونزل على بونيتو بانفعال كبير ...خلينا نتواجهو انا واياك راجل لراجل ..خلي ساحة الحرب محلولة واللي يربح صحة عليه .. -علياء موش غنيمة بش نتقاسموها ...هي كيان ....انسانة حساسة ...جرحتها ....قتلتها بالحياة ...مرمدتها حتى لين قالت يزي ...حتى لين خممت بش توقف حياتها ...حتى لين ايست لدرجة انها هانت عليها روحها ...وجاي تو تحب ترجع ؟ قالو بصوت فيه غضب كبير ...شنوة بش ترجع ؟...ترجع جروح لملمتها انا !!....ترجع ضحكة انا كنت السبب فيها ؟..ترجع روح انا كنت السبب في اعادتها للدنيا .؟ ...علياء انت قتلتها وانا حييتها ...انت ذبلتها وانا سقيتها ...انت طيحتها وانا بنيتها ....حب السنين االي تحكي عليه ماذاقتش فيه نهار فرحة !!...ماشافت فيه كان الذل والعذاب ...على اما حب تحكي ؟.... هههه ضحكتني ....الحب اللي خلاك تسمعها وسخ وذنيها قبل ماتمشي ....الحب اللي خلاك تسافر وماتتلفتش وراك ....الحب اللي عرفتو وفقت بيه تو ماهوش حب ...هذا اسمو تملك !! كنت تحبها تقعد تستناك لين ترجع ...تلقاها حالة يديها تستنى فيك ...فرحانة برجوعك وبعطفك عليها ...غرورك مصورلك اللي علياء ماتنجمش تحب غيرك ...حط يديه في مكتوبو وضم شفايفو بقوة لبعضهم ....لا يا سي قيس ...نجمت تعيش من بعدك ..ونجمت تحب ...ونجمت تنجح ...نجمت تاقف على ساقيها ...ماعادش حاشتها باستعطافك ...ولا بذلها قدامك .....هي تو معايا انا ...راسها مرفوع ....وبش يقعد مرفوع وماتوطي لحد ... حس بالعجز قدام كلامو ...ركبتو غصة ومرارة في حلقو ...كان عندو الحق في كلامو ....هو خلاها وقتلي هي تسخايل اللي هو اعطاها ....هرب وقتلي تسخايلو قرب ...حرقلها مشاعرها البريئة لكن كانت غايتو انو يحميها وقتها ...يحميها من روحو ومنها ...ماكانش عارف االي هو من وقتهى بدا يحبها ...حبها القوي ليه ...مشاعرها الرقيقة اللي كان رافضها وحاسبها خنقة ...حربها ودفاعها على حبها لاخر لحظة خلاوه يعشقها ...هي من صغرتها وهي تحارب ..تحارب في مشاعرو ....بقربها ليه واهتمامها بيه االي فقدهم ....تحارب في قلبو اللي كان رافضها وخايف بش ياخذ خطوة اتجاهها ..الخوف متاعو تنحى وقتلي هي ماعادش حاشتها بقلبو ...الحاجة الوحيدة اللي بش تخليه يقاوم ومايتهزمش انو حسها تجاوبت معاه وقتلي عنقها وحطها في حضنو ...حسها علياء القديمة متاعو ....كاينو الثلاثة سنين االي تعداو ماكانوش حاجز بيناتهم بلع ريقو ...حسو نشف ...انفاسو تسارعت ... غمض عينيه وكبس على يدية لين حس الدم جمد في عروقهم ...تلفت للشباك يغزر للجنينة وعاود طبس راسو ...حسام كان مربع يديه واقف يستنى في ردة فعلو ...كان عارف اللي هو ربح الجولة ...لكن ثقتو ما تنجمش الطول وخاصة كيف سمع بخروجهم مع بعضهم ...كرامتو ما سمحتلوش بش يسالو هو ...لكن هي اكيد مطالبة بش تعطيه اجابات ...والسبب اللي خلاها تمشي معاه ... -فما حاجة اخرى تحب تقولها سي قيس ؟ سالو بصوت بارد وهو واقف مقابلو ...اذا كان مافماش خليني نمشي خاتر عندي مرضى يستناو فيا ...قدم بالشوية حلو للباب وتبسم تبسيمة صفراء -تشرفنا بمعرفتك سي قيس ...انشالله معرفة طيبة ...وانشالله في العرس تو نبعثلك بطاقة دعوى .. -هذا اذا ماعرستش بيها انا قبلك ...جاوبو بعصب ...ووقف قدامو قبل مايمشي ...ماتضنش االي لهنا بش تاقف المواجهة سي حسام .!!مازالت بيناتنا برشة مواجهات والاكيد بش نكون انا الرابح فيها ...عينيه كانت تلمع بتحدي استفز حسام الي جاوبو -اللي تقدر عليه اعملو هههه.... اما علياء انساها ونحيها من قاموس مخك -يظهرلك ...اكيد انت قادر انك تسايسها وتدللها وتحميها وكل اللي قلتو قبيلة ...اما الحاجة الاكيدة ...انك ماتنجمش تحركلها مشاعرها كمرا كيما نحركهملها انا ... وتبسملو بتحدي وخرج ....... الحلقة السادسة عشر { يَا عزيزى ..انآ سيده تبتلع ضعفها بتوحش ،....كى لآ يجرنى إليك فى لحظه حب تكسرنى} كانت تطل من الكلوار وتعاود ..قلبها مرعوب من اللي ممكن يصير بيناتهم ..مخها الكل كان معاهم ...الدكتور رياض كان يفسرلهم في حالة المريض وهي سارحة ...وفجأة تحل الباب ودخل حسام ...مشيتو كانت تدل على حالة التوتر اللي هو فيها ...دقات قلبها تسارعت وهي تغزر لوجهو تشوف في قسماتو اللي ماعبرت على شي ..كان يتجنب في غزرة عينيها ..ماتلفتلهاش وهو يحكي مع الدكتور رياض ..كمل شرح الدرس وعدى على المرضى متاعو ..كاينو ماصا رشي ..الحاجة الوحيدة انو ماخاطبهاش بلكل ..ماغزرلهاش ..ماحسسهاش اللي هي موجودة أصلا ...قعدت ترحي وتفرك من داخل ..موش عارفة شنوة اللي قالهولو قيس وشنوة التبرير اللي بش تعطيهولو على خروجهم مع بعضهم ؟...حاسة بذنب كبير وموجوعة ..تعرف اللي حسام يخبي في قلبو ومايصرحش عاللي في داخلو ..تعلم يخبي وجايعو من يوم اللي ماتت أمو في حادث وخلاتو صغير ....تعود يعمل على روحو ومايستناش من حد انو ياقف معاه ...يمكن قوة صبرو واحتمالو هوما اللي خلاوه يفهمها ويتفهمها ...هوما اللي خلاوه ياقف معاها كيف سمع حكايتها مع قيس ..كانت تحكيلو كل شي اللي صارلها كصديق ..ماكانتش عارفة اللي علاقتهم بش تتطور وتولي حب ...قربو ليها واهتماموبيها خلاها تتعلق بيه ...خلاها تتعود عليه وترتاحلو ...كان يفهمها ..يفهم بكاها ..يفهم حزنها ..حتى وهو في قمة حبو ليها يعذرها كيف تتفكر قيس ..كيف تغلط في اسمو ...تحمل منها وقبل ..دخولو لدارهم ومحبت أمها وبوها ليه زادت متنت علاقتهم أكثر وأكثر ... تلفتت تلقاه يلم في دبشو من البيرو سلم على التلامذة وخرج من غير ماتلفتلها ...وجهها احمار وحشمت كيف راتهم يغزرولهم باهتين وخصوصا اللي التلامذة الكل يعرفوهم مخطوبين ...سلمت عليهم وخرجت تجري في جرتو ..كان يمشي بخطوات سريعة لبيروه ...هو دخل وهي دخلت في جرتو ..كانت تلهث من الزربة ...سكرت الباب وتلفتتلو ...كان ينحي في بلوزتو ..مطبس راسو ...تنهدت وقربت منو حاسة بربثة كبيرة وموش عارفة كيفاش بش تبدى .. -.قـي.. - اسمي حسام ...جاوبها ببرود وتلفتلها وعينيه فيهم وجيعة ..اسمي حسام موش قيس يا علياء !! -سامحني ...حست بوجهها سخن وبالدموع تحصرت في عينيها ....حسام ..سامحنى واسمعني ... - على شنية تحبني نسامحك ؟ وشنوة تحبني نسمع ؟ مازلت تحب تكذب علياء ؟ مازال عندك ماتقول ؟ مشا وراء بيروه حل لقجر وجبد سيقارو وقعد يشعل فيه ..تفاجإت وهي تغزرلو يتكيف !!مللي عرفتو عمرو ماحط سيقارو في فمو ...كان ينفخ فيه ومدور وجهو للشباك ..الهدوء اللي في وجهو ينذر بعاصفة قوية .. عضت عل شفتها وعينيها دمعت مشات قعدت في الكرسي تمسح فيهم وتتكلم - نعرف حتى شي مايبررلي اللي عملتو ...موش عارفة شنوة قالك ...هو ؟ اما ...اما صدقني ما صار شي بيناتنا ..صدقن.. - مانحبش نسمع علياء ..قالها بعصب - لازمك تسمعني حسام لازم !! (مشات وقفت بحذاه ...وقفت مقابلتو نزلت على يديها من التوتر اللي حاسة بيه اما كان لازم تخرّج اللي في قلبها وتحكي ) ... اسمعني المرّة هذي كصديق ..كيما كنت تسمعني قبل .. - لكن انا تو مانيش صديق علياء ...قص عليها بنبرة فيها عصب وهو يقحرلها ويتكيف ..انا تو خطيبك ...الانسان اللي مفروض تحبو ويحبك ...الانسان اللي عطاك ثقتو ..اللي مايخبي عليك شي في أدق تفاصيل حياتو ...واللي المفروض تعاملو بالمثل .. -حسام انت تعرف اللي انا وحدة عندها ماضي ...ماضي مجروحة منو جرح كبير ..قبلت مني هذا وتقبلتو ...(كانت تحكي بصوت موجوع )...الماضي يجي ياقف قدامك في لحظة ..في لحظة تسترجع كل شي ...مخك يتشوش ..ثقتك في نفسك اللي قعدت تبني فيها سنين تتزعزع ...كل شي يتعدى مابين عينيك ..نكذب عليك ...نكذب كيف نقول اللي رؤيتي لقيس ماهزتنيش من داخل !! نكذب عليك كيف نقلك اللي التأثير ماكانش قوي واللي هو كان حاجة عابرة والا عادية كيف ريتو قدامي بعد ثلاثة سنين ..حاجة كانت محصورة في داخلي وحبيت نخرجها ..غصة كبيرة ..غصة حبيت نفجرها ...كيف طلب مني نتقابلو مانجمتش نقلو لا ...حاجة بيني وبينو وكان لازم نفضوها وحدنا وفضيتوها ؟ قص عليها ...كان يغزرلها وفي عينيه لوم كبير ..مشا قعد على كرسيه ينقر على الطاولة بتوتر ...فضيتوها مش هكا ؟ وبالامارة جاك لهوني بش يكمل يفضها معاك على قاعدة !! بدا صوتو يعلا والهدوء الكل تنحى من وجهو ...مانجمتش تقلو لا ..اما انا طز فيا !!شكوني أنا حتى تشاورني ؟ ههه تقلي ثقتك في نفسك تزعزعت ؟ الثقة اللي قعدت نبنيلك فيها انا تزعزعت في لحظة اللي ريتو فيها ؟ يعني لها الدرجة تأثيرو قوي عليك ؟ لها الدرجة علياء ؟ يعني اللي بنيناه مع بعضنا لكلو طاح في الماء بمجرد انك ريتو ؟ - حسا.. -اسكت خليني نكمل ..صاح عليها وهو يغزرلها والشر خارج من عينيه ..وقف وقعد يمشي ويجي في البيرو يهز في ايديه ويحكي معاها ...تإنت دوب مادخلت لهنا غلطت وعيطلي قيس !! عيطلي بإسمو ....الوقت اللي عديناه مع بعضنا الكل طار ..تمحى ..كل شي بيناتنا محيتو في لحظة اللي ريت قيس ... كل اللي تشاركنا فيه مع بعضنا ...كل اللي حلمناه ..اللي تمنيناه ...كنت نسخايل روحي نسّيتك فيه ..كانت عندي ثقة كبيرة فيك وفي روحي اننا نكملو مع بعضنا ..نبنيو مانهدوش ..هههه...لقيت روحي واقف وحدي ..نغزر للوهم ..للسراب ..لقيت روحي بديل لواحد يشبهلي ..موش هكة علياء ؟ ...وقف يغزرلها بلوم ..في عينيه نظرة وجعتها ..قتلتها ..عذبتها ..ماعادش فاهمة شي !!أفكارها لكل تشوشت ..دموعها هبطت ...غطاتو بيديها وبدات تبكي ...فرغت مخ راسها بالبكاء ..ماللي عرفت قيس وهي تبكي ...وقتاش بش توفى وجيعتها منو وقتاش ؟ ...لوقتاش بش يقعد حاجز بينها وبين حريتها وسعادتها ؟ لوقتاش بش يقعد ظاغط على تفكيرها ؟ - سامحني حسام !! قاتلو بصوت غالبة عليه الدموع ..سامحني كيف ماقتلكش ..ماقصدتش نكذب عليك ...حبيت نسكر الماضي ونبدا معاك صفحة جديدة ..حبيت ... - انت مامشيتش تسكر في الماضي علياء ..قص عليها بصوت فيه برشة وجيعة ..انت عاودت حليت الماضي ...انت حبيت تكمل اللي بديتو معاه ....حبيت تسترجع كبرياءك المجروحة منو كيف لقيتو هو راغب فيك ...حبيت توريه علياء الجديدة وتثبتلو وجودك ...حبيت تقلو اللي انت وقفت على ساقيك بلاش بيه وتخليه يتحسّر ويندم ..وهذاكة اللي صار ههه ..هو ندم وجاي طالب السماح ... - مش صحيح حسام ..مش صحيح ...قامت تجري شدتو من ايدو بدات تدور في راسها على الايمين وعلى اليسار ...الحاجة اللي لازمك تكون متأكد منها إني مستحيل نرجعلو ..مستحيل ...حسام نحبك تاقف معايا ..نحبك تعاونني كيما عاونتني قبل ..حسام انا محتاجتلك ماتخلينيش ..كانت مكبشة في يدو كيف الغريق اللي شاد لوحة لقاها في البحر ...حسام نحبك انت اللي تكون معايا موش هو .. - علياء انا ماعادش ننجم نعيش معاك دور الصديق ..انا نحبّك ...انا تو راجل عاشق ..يحس ..يتوجع كيف يرا المرا اللي يحبها تفكر في غيرو ...ماعادش عندي القدرة بش نزيد نداوي ...انا محتاج زادة لشكون يداويني من وجيعتك ...محتاج اني نمحي لحظة رؤيتو قدامي وهو حاط ايدو على خدّك وانت مستحليتها ..محتاج اني ننسى كلامو وهو يقلي اللي هو راجع على خاترك ويتحدى فيا خاتر كانت عندو ثقة انا مانكسابهاش ..(شدها من وجهها يايديه الزوز وطلعلها راسها غزرلها في عينيها المعبية بالدموع ) تعرف علاش مانكسابهاش الثقة هذي علياء ؟ قالها بالشوية وهو يتنفس في وجهها ....خاتر اخر كلمة قالهالي قبل ما يخرج اللي مهما بش تعمل معاها علياء ومهما بش تعطيها ماتنجمش تحركلها مشاعرها كيما نحركمهلها أنا !!! حست بالدموع في عينيه وهو يكلم فيها ...بعد عليها ..خلاها واقفة مصدومة من كلامو ..هز كرتابتو وخرج من غير مايتلفت وراه طربق الباب بالقوي وخرج ....خلاها واقفة في وسط البيرو كيف المشلولة ...مشوار وهي تغزر للباب موش مستوعبة ...حست بتعب كبير وارهاق في بدنها ...هزت روحها بالشوية وقعدت فوق الكرسي ...تسمع في تليفونها يفبري حلتو تلقاه باعثلها ميساج { انتِ لستِ احَد اضلُعي ، بَل انتي مَابينهُما...ياروح قيس } شدت نفس قوي ..وعينيها نظرتهم قوات ..شدها غل قوي ..غل على ضعفها ...على شخصيتها المهزوزة ..على روحها الي بش تعاود تخسرها كان رضختلو ...كانت تحارب بش تخليه يحبها ..وتو ولات تحارب بش تخليه يبعد عليها ...هههه شوف سخافة الدنيا قداش ديما تخلينا نعيشو عكس اللى نتمناوه !! هزت التليفون وطلبتو ....صوتها غالب عليه الدموع ...هز التليفون وهي ماخلاتلوش الفرصة بش يتكلم ..تكلمت طول -تعرف قيس ...تعرف ...كل حاجة عملتها قبل كان ممكن نسامحك عليها ..ممكن نغفر ...لكن رجوعك لحياتي بطريقتك الهمجية خلاني نزيد نحتقرك ..موش نحتقرك برك ..انت بالنسبة ليا حشرة ..تافه ..حيوان ...ريحة الرجولية ماتكسبهاش ..ومهما بش تعمل ياقيس ماعادش تحلم بيه ظفر علياء ..فاهم والا لا ؟ وعلقت ...علقت التليفون وقعدت تغزرلو ...تغزرلو بقهرة ووجيعة ...حلت المسانجر وفسخت مساجاتو الكل ...كانت تحب تمحي كل حاجة تتعلق بيه من حياتها ...حطت راسها فوق البيرو ورجعت تبكي ..تسمع في التليفون ينوقز ماهزتش ... كانت حاسة بوحدة كبيرة ...وحدة وفراغ في قلبها الحلقة السابعة عشر {البعض يقول أن إنتظار أحدهم مؤلم ....والبعض آلاخر يقول أن نسيان أحدهم مؤلم ....وأنا أقول إن أسوأ ألم هو حين لا تعرف إذا كان يتوجب عليك النسيان أو الإنتظار !!} كل كلمة خرجتها من فمها تخليه يزيد يشرب ...حس بقلبو يحرق فيه من داخل ..يوجع ...حس بالدنيا توفى في صوتها وهي تبكي ..صوتها المقهور وهي تبكي ..حس قداش الرفض خايب ..حس قداش كانت وجيعتها وقتلي كان هو رافضها ...رافض حبها ليه ..رافض اهتمامها بيه ..عرف اش معنتها واحد يكون حياتك بين يديه وترفضو بكل قسوة ..تخرجو من حياتك بكل سهولة ...تحسسو اللي هو حتى شي ..ماتعمل حتى اعتبار لمشاعرو ..فهم واستطعم معنى الألم ..معنى الوجيعة القوية وانت تشوف في حب حياتك رافضك وكارهك ..انك تجيك فكرة الانتحار وانك تتخلص من روحك المعذبة من حبو ..انو حياتك تهون عليك خاتر ماتنجمش تكمل تعيش بلاش بيه ....هذا الكل فهمو قيس لكن مخّر !! - شنوة اليوم في الايامات ههه؟ تلفت لصاحبو بسام وهو يسإل فيه ..كان دايخ من كثرة ماشرب ..ماعادش حاسس بالدنيا قدامو ..كل شي يرا فيه فلو ..مخو مشوشط ..حريقة في بدنو الكل ....وجيعة وراء وجيعة ..ضربة وراء ضربة ..ماعادش طايق روحو ..ماعادش طايق يتنفس ..خنقة ..حصرة ..غصة في قراجمو ...يحب يمشي لاقرب حيط قدامو ويبدا يضرب في راسو عليه لين يفقد الوعي ..لين يدوخ وماعاد يحس بشي .. - شنوةعشيري ؟ من كثر الشرب ماعادش تفرق بين الايامات ههه !!اليوم السبت يا سيدي ...وهز راسو يغزرلو ويضحك ..الزوز كانو شاربين ..اما بسام كان اهون من صاحبو ..ماحبش يشرب برشة بش يقعد فايقلو ..خاتر حسو ماهوش قد بعضو ..من البارح لليوم وهو في سينة أخرى ..البارح ماشربش خاتر نهار جمعة ههه اليوم فداه الكل ..صبو مع بعضو لين ولا خايف عليه ..قام شدو من كتفو يوقف فيه - -هيا هيا صاحبي ...هيا نروحو برا شد فرشك وارتاح ..عم محمد راهو رقد تو ..خير مللي بش يراك في الحالة هذي .. - راهي تستنى فيا تو ...يسمع فيه يهتري وحدو ...قعد يغزرلو باهت - شكون اللي تستنى فيك ؟ ههه شنوة عندك مقابلات من ورانا يا معلّم ؟ - هي ....ههه ..هي راهي تستنى ..تس..تسن....كان يكلم فيه وهو في عالم اخر ..موش واعي باللي يقول فيه ... - قيس ؟ ياولدي اشبيك وليت تهتري ؟ تي على شكون تحكي انت ؟ - نح..نحب نروح ..بسام ..هزن..هزني ليها ..نحب نشوفها ...اكيد راهي تستنى فيا ههه.. - أيا أيا انت ظاهر فيك ضبعت جملة !!حتى انت كثرت في الدوزة اليوم ...ايا معلم اتو نهزك ليها ههه ..شدو من اكتافو وبدا يكركر فيه وهو دايخ ماهو حاس بشي ..ركبو في الكرهبة ومشا يسوق وهو يغزرلو كيفاش حالتو ..متكي راسو على الكرسي ويهتري وحدو - نحب..ها ..قلها ..قلها تس..تسامحني ..والله نحبها ...قعد بسام يغزرلو باهت في كلامو .موش عارفو على شكون يحكي ...حسب مايعرف اللي قيس ماعندو حتى علاقة ..وبعمرو لا حكالو على مرا معينة والا حسو مهتم بوحدة ..يعني علاقاتو لكل عابرة ..وماللي رجع من السفر ...قد ماخرجو مع بعضهم حسو مش مهتم بالنساء وماعادش كيما قبل ..حتى كيف يقلو هيا ندبرو زويز نعديو بيهم الليلة يقلو مانحبش ...تبدل ورزن لكن الأهم من هكة حسو هاز هم الدنيا فوق اكتافو ..مايحكيش برشة اما حس بيه ...وهاي طلعت الحكاية فيها مرا زادة !! وقف قدام قهوة ..مشا شرا زوز قهاوي قوين ورجع ..بدا يشرب فيه ولاخر من الدوخة يحل في فمو ويزعد ماهو فاهم شي - اشرب اشرب بش تفيق شوية عالقليلة ههه ...والله صاحبي حوالك ماتعجبش انت !! قعد يشرب في القهوة ويغزر للثنية ويتفكر في كلامها الكل ..يتفكر في حقدها الكبير عليه يزيد يغلغل ...حس الي ماعادش عندو أمل انو يرجعها ليه ..انو يحس بدفا حضنها من أول وجديد...انو يعيش مع غزرت عينيها الحالمة ليه ...غزرت عينيها اللي ماكانت تشوف كان هو ..اللي تنزعت منهم نظرة المحبة وولات كلها حقد وعناد وكره...يتمنى يرجع بيه الوقت ..يتمنى يرجع الوقت بالتوالي ويعطيها الحب اللي استحقتو منو ... وقف بسام الكرهبة قدام باب دارهم وتلفتلو -سافا تو تحس في روحك ؟ -سافا سافا ..هز راسو بش يأكدلو ...خير تو ..وتنهد تنهيدة من جواجي قلبو وهو هابط ..مازال مرهوج ودايخ اما خير من قبيلة - على شكون تحكي قبيلة قيس ؟شكوني المرا اللي تحبها ماقتليش عليها ؟ كبس على الباب وهو يحل فيه ..عقد حواجبو وتلفتلو -موش وقتو بسام امان تو دايخ ...فادد خوك مخنوق مخنوق .. -باهي وسّع بالك ...حتى وحدة ماتستحق اللي عاملو في روحك وراس خويا ...وطبطبلو على كتفو قبل مايمشي ...تصبح على خير ..رد بالك لا يفيق بيك عم محمد بركة !! عملو براسو أي ومشا يحل في الباب ...تلفت للظلام ...عينيه قعدت تفركس عليها ..تفركس على ريحتها ...على خطوتها ...هز راسو وغزر لشباكها كانت مطفية الضو وراقدة ...كانت راقدة وماهيش حاسة بالنار اللي شاعلة فيه ..النار الي حارقتو وكل يوم تقتل فيه عرق بعد عرق ..قدم بالشوية لين بلعو الظلام ..وقف قدام دارهم ...مقابل بيتها ...شدتو عبرة البكاء ..هزالتليفون وطلبها ...نوقز تليفنها ..قعد شوية وهزت ..صوتها كان بالنوم - اش تحب عندي انت تو ؟ اش تحب ؟ سالتو بغل .. - نحبك انا يا علياء .. توح.. توحشتك انا ..صوتو كان ملكون من كثرة الشراب ...وينك ؟ هههه علاش ماستنيتنيش ؟ وين نستناك وين ؟ كونشي في جهنم اللي بش تدخللها من كثر اللي عاملو في حياتك ...اخرج من مخي قيس أخرج ..مافديتش ؟ ماعيتش ؟ امشي تكب خلي نتكب حتى انا ...انساه النومرو هذا انساه ..صاحت عليه وعلقت التليفون ...قعد يسمع في الطنين متاعو ...علقت عليه التليفون من غير حتى ما تحس بيه ....موش حاسة بالنار الشاعلة فيه ...زاد قرب قدام بيتها ..هز راسو وبدا يصيح -يا علياء ...ياعلياء ...قيس جاء ياعلياء ..قيس رجع ...روّح مخّر مالقاكش تستنى فيه !! ياعلياء ..ههه يجيك النوم وترقد وقيس ماروحش ..موش قتلي ما..مانجمش نرقد الا ماتروح انت من السهرية ؟ ...موش قتلي نتشغب عليك ؟ وينك يا علياء ؟ وينك تخليني وحدي ..وينك ؟ بدات الأضواء متاع الحومة تشعل والناس فاقت من صياحو ... ماكانتش مصدقة وذنيها وهي تسمع فيه يصيح ويعيطلها !! مشات تجري طلت من الشباك ..هزت الريدو وقعدت تغزرلو ...كان واقف تحت شباكها يعيط ..سكران ميّت ..يترهوج ...تشوف في العباد تحل في بيبانها وتطل وهو ماعلى بالو بحد .. -نحبك يا علياء نحبك ...ورحمة بابا نحبك ...والله نحبك ...يا علياء سامحني ..سامحني ...ربي يغفر ويسامح وانت ماتسامحش ... شدتها خنقة البكاء وهي تشوف فيه في الحالة هذيكة ..تكات راسها على الشباك وبدا تبكي ...تبكي بالشهقة ... - يا علياء غلطت غلطت ومنك السماح ...ماعطيتش لروحي فرصة بش نتمتع بحبك الكبير ليا رفضتك صحيح رفضتك ومخيبو الرفض رفضتك ومش عارف اللي انا جرحتك وجرحت روحي ....قتلتك وقتلت روحي ...ضيعتك وضيعت روحي .....حسيتو الرفض يا علياء حسيتو واللي حسيتو والله ...انت وقفت على ساقيك وانا طحت على ركايبى ...ياعلياء ماتخلينيش ...ماتخلينيش اعطيني فرصة نظهرلك حبي ..اعطيني فرصة ننسيك وجايعك الكل ...اعطيني فرصة ماتقتلنيش وانا حي ....ما تحرمنيش منك.... برك على ركايبو في القاعة و باقي يصيح - ارجعلي يا علياء بجاه ربي ارجعلي ..بجاه ربي لا تذوقني اللي ذقتو مني راهي توجع ..وبدا يبكي ويصيح ...والله توجع والله ..كيفاش تحملت تعيش هكة سنين كيفاش ؟ ياعلياء راك قوية ..راك أقوى مني ..تعبت ياعلياء ..تعبت أرجعلي ..تعبت .. هبط راسو اللوطة وبدا يبكي ...تشوف في بوها حل الباب وخرجلو ...ماعادش تنجم تستحمل ..مشات تجري لفرشها حطت راسها على ركايبها وبدات تبكي ...على قوة جهدها تبكي ...امها حلت الباب ودخلت عليها تلقاها هكاكة مشات تجري تعنق فيها وتسكت فيها .. - اسكت عيش بنتي اسكت والله لايرا ظفرك الهامل الساقط !!تو ندم ويحب يرجع !!كان يبكي دم لا عاد نخليك ترجعلو ..ترمات في حضن أمها وزادت في البكاء - ماما سكتوه ..سكتوه ماعادش ننجم ..سكتوه ياماما ...كانت تصيح بوجيعة ...بحرقة ...تحس في روحها بش تخرج منها وهي تشوف فيه في الحالة هذيكة .... بوها بدا يشد فيه ويقوم فيه مع ولاد الحومة اللي خرجو بعد ما سمعو العرض وهو يغزرلو ويصيح - والله نحبها ياعم سالم والله ...نحبها بنتك نحبها ...جيت على خاطرها انا ...جيت ...جيت بش ناخذها .. - باهي باهي تو موش وقتو لحديث ..قالو بوها ..برا روّح عيش ولدي ..تو انت سكران ولا فايدة في الحديث ..ربي يهديك وكهو ...باهي الفضايح اللي عملتهم تو ولدي ؟ باهي هكة ؟ - يا عم سالم نحطها في عينيا ..والله نحطها في عينيا .... - عما في عينيك ياكلب يا ولد الكلب ...جاه بوه يجري من دارهم..وامو واختو في جرتو يشدو فيه وهو يتهدد عليه بش يضربو ... - ادخل يا ولد الحرام يا خسارة تربيتي فيك ...يا كلب ..شدو يكركر فيه للدار والناس واقفة تتفرّج ...اللي يضحك واللي متأسف ... - يابابا نحبها ..نح..ب. - وباية توبيك ياهامل ..تهد على دار الطفلة وتفضحها عقابات الليل ومازال عندك وجه تقابلهم بيه بعد اللي عملتو ؟ ادخل لعنة الله عليك ... دخلوه للدار وهو يتطايح ...امو ضربتو على كتفو ودخلتو لبيتو وسكرت الباب - ارقد يا سي الشباب ...ارقد يا ولد بهيجة تو لا فايدة في الحديث معاك ..غدوة عندنا حديث طويل أنا وياك !! رما روحو على الفرش بحوايجو ..دايخ من غير مايشعر وغمض عينيه وهو باقي يتمتم ..توحشتك يا علياء توحشتك ... هزت راسها للسقف ودموعها مازالت تجري فوق خدودها ...امها رجعت رقدت والحس بات بعد اللي عملو قيس ...قلبها يوجع فيها .... يوجع على الحالة اللي راتو فيها ...حست بضعف قوي يجر فيها للماضي ...ضعف رافضتو...ورافضة ترضخلو ...هزت راسها من المخدة وشدت التليفون وطلبت حسام ...قعد ينوقز شوية وبعد هز -الو ..كان صوتو فيه استغراب وهو يكلم فيها ..علياء الو ؟ - الو حسام ...كانت تكلم فيه وعبرت البكاء خانقتها ...سامحني قيمتك من النوم - لا انا بطبيعتي قمت نصلي في الفجر ...قالها بالشوية ..يسمع فيها تبكي سالها - اشبيك تبكي علياء ؟ اش فما ؟ لاباس ؟ سالها مفجوع - حتى شي ...قاتلو ودموعها هابطة ...حسام امان ماتخلينيش ...ماتخلينيش ...محتاجتلك .. - باهي ماتبكيش ...علاش تبكي تو ؟ برا أرقد تو غدوة نحكيو ...يعمل الله الدليل لغدوة .. - تاعبة يا حسام تاعبة ..محتاجة لقربك ليا كيما كنت قبل ...محتاجة تسمعني وتفهمني .. -باهي ماني قتلك تو نحكيو ..غدوة تو نجي نفطر بحذاكم ونحكيو ..باهي هكة ؟..سالها يسايس فيها - باهي حسام نستناك .. علقت التليفون وهزت راسها وتنهدت تنهيدة طوييييييييلة ...تنهيدة عبرت على المرارة علقت التليفون وهزت راسها وتنهدت تنهيدة طوييييييييلة ...تنهيدة عبرت على المرارة اللي تحس فيها في داخلها ... شنوة بش يصير بين علياء وقيس نتيجة اللي صار ؟؟ - ماما سكتوه ..سكتوه ماعادش ننجم ..سكتوه ياماما ...كانت تصيح بوجيعة ...بحرقة ...تحس في روحها بش تخرج منها وهي تشوف فيه في الحالة هذيكة .... بوها بدا يشد فيه ويقوم فيه مع ولاد الحومة اللي خرجو بعد ما سمعو العرض وهو يغزرلو ويصيح - والله نحبها ياعم سالم والله ...نحبها بنتك نحبها ...جيت على خاطرها انا ...جيت ...جيت بش ناخذها .. - باهي باهي تو موش وقتو لحديث ..قالو بوها ..برا روّح عيش ولدي ..تو انت سكران ولا فايدة في الحديث ..ربي يهديك وكهو ...باهي الفضايح اللي عملتهم تو ولدي ؟ باهي هكة ؟ - يا عم سالم نحطها في عينيا ..والله نحطها في عينيا .... - عما في عينيك ياكلب يا ولد الكلب ...جاه بوه يجري من دارهم..وامو واختو في جرتو يشدو فيه وهو يتهدد عليه بش يضربو ... - ادخل يا ولد الحرام يا خسارة تربيتي فيك ...يا كلب ..شدو يكركر فيه للدار والناس واقفة تتفرّج ...اللي يضحك واللي متأسف ... - يابابا نحبها ..نح..ب. - وباية توبيك ياهامل ..تهد على دار الطفلة وتفضحها عقابات الليل ومازال عندك وجه تقابلهم بيه بعد اللي عملتو ؟ ادخل لعنة الله عليك ... دخلوه للدار وهو يتطايح ...امو ضربتو على كتفو ودخلتو لبيتو وسكرت الباب - ارقد يا سي الشباب ...ارقد يا ولد بهيجة تو لا فايدة في الحديث معاك ..غدوة عندنا حديث طويل أنا وياك !! رما روحو على الفرش بحوايجو ..دايخ من غير مايشعر وغمض عينيه وهو باقي يتمتم ..توحشتك يا علياء توحشتك ... هزت راسها للسقف ودموعها مازالت تجري فوق خدودها ...امها رجعت رقدت والحس بات بعد اللي عملو قيس ...قلبها يوجع فيها .... يوجع على الحالة اللي راتو فيها ...حست بضعف قوي يجر فيها للماضي ...ضعف رافضتو...ورافضة ترضخلو ...هزت راسها من المخدة وشدت التليفون وطلبت حسام ...قعد ينوقز شوية وبعد هز -الو ..كان صوتو فيه استغراب وهو يكلم فيها ..علياء الو ؟ - الو حسام ...كانت تكلم فيه وعبرت البكاء خانقتها ...سامحني قيمتك من النوم - لا انا بطبيعتي قمت نصلي في الفجر ...قالها بالشوية ..يسمع فيها تبكي سالها - اشبيك تبكي علياء ؟ اش فما ؟ لاباس ؟ سالها مفجوع - حتى شي ...قاتلو ودموعها هابطة ...حسام امان ماتخلينيش ...ماتخلينيش ...محتاجتلك .. - باهي ماتبكيش ...علاش تبكي تو ؟ برا أرقد تو غدوة نحكيو ...يعمل الله الدليل لغدوة .. - تاعبة يا حسام تاعبة ..محتاجة لقربك ليا كيما كنت قبل ...محتاجة تسمعني وتفهمني .. -باهي ماني قتلك تو نحكيو ..غدوة تو نجي نفطر بحذاكم ونحكيو ..باهي هكة ؟..سالها يسايس فيها - باهي حسام نستناك .. علقت التليفون وهزت راسها وتنهدت تنهيدة طوييييييييلة ...تنهيدة عبرت على المرارة علقت التليفون وهزت راسها وتنهدت تنهيدة طوييييييييلة ...تنهيدة عبرت على المرارة اللي تحس فيها في داخلها ... شنوة بش يصير بين علياء وقيس نتيجة اللي صار ؟؟ الحلقة الثامنة عشر {حبك واحة هدأت عليها كل أحزاني... أحبك نسمة تروي لصمت الناس ألحاني ...أحبك نشوة تسري وتشعل نار بركاني.... أحبك أنت يا أملا كضوء الصبح يلقاني.... أمات الحب عشاقا وحبك أنت أحياني ....ولو خيرت في وطن لقلت هواك أوطاني ....ولو أنساك يا عمري حنايا القلب.. تنساني إذا ما ضعت في درب ففي عينيك.. عنواني} يحل في عينيه بالسيف ...راسو يوجع واخلاقو دايرة ...هزراسو بالشوية يلقى خيال واقف قدامو ...حك عينيه يثبت يلقاها امو واقفة وحاطة ايدها على حزامها وتقحرلو -فقت سي الشباب ؟فقت يا متاع الفضايح ؟برة اليوم شوف وين تخبي وجهك يا هامل يا فاسد ..بوك يستنى فيك من قبيلة قالك وجهك ماعادش نحب نشوفو ... -اووه امي شفما زادة ؟ هز راسو وحط ايدو فوق جبينو يتوجع ...عقد حواجبو واتكى على الفرش يغزرلها مستغرب ...مازال دايخ من ليلة البارح وزادت سطعتو بكلامها عالصباح ... -اش فما ؟ وتسال فيا انا اش فما ؟ نسيت الفضيحة اللي عملتها البارح للطفلة وانت تعيط وتصيح فزعت الجيران والحومة الكل سمعت .. -اما فضيحة ؟ غزرلها باهت ..هز سيقارو شعلو ..اش عملت انا؟ -ووه يا ولد بهيجة ؟ نسيت عياطك البارح قدام دار علياء ؟ وانت تقلها سامحني ..وارجعلي ..وليتلي رونيو والا اش اسمو ياطحان !!وقعدت على حرف الفرش ...صبحت نخبي في وجهي من عينين الناس يا مكبوب السعد وانت جاي تتطايح سكران ميت وتصيح على طول جهدك ...بوك هاوك شاددلك العسة حتى الخروج ماخرجش قالك لاما نفصلها معاك اليوم ... قعد يتكيف ويغزرلها وكايني ماهيش تحكي عليه ...هز راسو الفوق ونفخ فادد ...ماهوش متذكر شنوة صار ..اللي متذكرو كان الوجيعة اللي حاس بيها وعلياء بعيدة عليه ...فاقد الامل في رجوعها ليه ...مستعد يعمل اي حاجة بش يرجعها ليه -باهي اش تحب مني انت تو ؟ اللي صار البارح ماني متذكر منو شي ..وكانك على بابا تصرف معاه كيما تتصرف ديما ...المهم ما تخلينيش نواجهو ...وبجاه ربي يامي راهو راسي يوجع فيا مانيش ناقص كلام وسب عالصباح ..اللي فيا مكفيني .. -اي عندك الحق ...تستاهل ياولد بهيجة تستاهل ...وقتلي قتلك خلي نعطيو فيها الكلمة وخليها تحت طوعك قتلي لا وتو جاي تتندم !!تو وللا فيها العسل البنية وقتلي تخطبت ونساتك.. -مانساتنيش ..قص عليها يصيح ...هز يدو ورما السيقارو بقوة ...مانساتنيش خاتر الي بيني وبينها مايتنساش ...اكبر من انو يتنسا !! -اش تقصد ياهامل ؟ سالتو وهي تغزرلو مستغربة ...اش بينك وبينها ؟ ماك كنت مانحبهاش وماعينيكش فيها ..!!اش زاد عليك تو؟ احكي هنا واجبد الي عندك ..!!اش تحب من عندها الطفلة ؟ -نحب ناخذها ...قلها وهو يحك في راسو ...قام من الفرش وغزرلها ... -ياخذك العام ....وين تاخذها؟ الطفلة مخطوبة* وتحب خطيبها ماصدقت لربي نساتك جاي تو تحب تفسدلها حياتها !!ابعد عليها هاني ننبه عليك !! قاتلو وهي تحذر فيه -مانيش باعد .. قالها بصوت قوي ...وهاني بش نعطيك الداقزة ...الطفلة غلطت معاها قبل مانمشي ونحب تو نصلح غلطتي وناخذها ...برة تصرف بهيجة وخوذهالي .. قعدت تغزرلو مصدومة من كلامو ...مش مصدقة اللي سمعتو منو ...قامت وقفت قدامو ضربتو على كتفو تصيح -يكب سعدك وليدى وايامك !!ياشومي !! وضربت خدها بكف ..وقتاش صار هذا؟؟ وقتاش يامكبوب ؟ هذاكة علاش الطفلة حبت تقتل روحها بعد مامشيت انت ؟؟ صار انت خمجتها قبل ما تقلب وجهك ؟؟ دور وجهو وطبس راسو اللي صار صار ...تو انا نحب نرجع وناخذها ...امي شوفلي حل كيفاش ترجع خاتر انا عييت ...مللي جيت وهي رافضة حتى تعطيني فرصة ...وين نحل معاها باب تسكرو في وجهي ...شوفلي حل معاها ..شوفلي حل ماكانش انا اللي بش نقتل روح ونباصي المرة هذي -الله لا يردك يا هامل ...قاتلو وهي تصيح عليه ...هذا الكل وانا راقدة على وذنيا مافي بالي بشي ...وقتاش صار هذا الكل ؟ تكلم وقتاش ؟ -ليلة اللي بش نسافر ..جات تسلم عليا و...ودخلتها معايا ..وكهو ...تنهد وغزر لامو يستعطف فيها بعينيه ..امي لا فايدة في الحديث على القديم ...انا نحبها علياء ...نحبها ومانجمش نعيش بلاش بيها ...خلينا نفضوها الحكاية ...مالقيتش معاها حل وهي هاربة منى وما تحبش تقابلني وخطيبها واقف بيناتنا ...عيطلها انت وخليني نتفاهم معاها هوني ...خليني نحكي معاها بلكشي نقنعها .. -وخطيبها في بالو ؟ -في بالو اي .. -راجل والله راجل ...تسيبو هو وتاخذك انت ..كنش هبلت ؟ -امي انت جاية معايا والا معاه ؟ قحرلها بغزول والعصب يخض فيه ...يامي حس بيا راهي نار شاعلة فيا ... قتلك نحبها ...نحبها ..مانيش مسلم فيها ...مستعد نبوسلو يديه عم سالم وطاطا روضة المهم يسامحوني ويعطيوهالي الطفلة ... قعدت تغزرلو تثبت في وجهو التاعب ...ماكانتش فاهمة اشبيه الايامات اللي تعدات الكل وهي تشوف فيه قاعد يذبل كل يوم كيف النوارة اللي بلا سقي ...سخفها حالو بالرغم اللي كانت متغششة عليه ...تنهدت -خلي نشوف اخرتها معاك ياولد بهيجة وين بش ترصي !! برة اغسل وجهك وامشط شوشتك خلي نبعث لمريم تعيطلها ...انشالله تجي معاها بركة ! -يعيشك يامي ربي يخليك ...باسها من جبينها وعنقها تعنيقة قوية وهو يضحك ..دزتو وهي تصيح -سيب دا على لونك ريحتك مازالت تطبق بالشراب برا نضف حالتك وفيق يامكبوب -باهي يا احلى بهيجة في الدنيا ..باسها من خدها وخرج من البيت يتسرسب للتوالات بش مايشوفوش بوه ... بعد ربع ساعة يسمع في صوتها في وسط الدار تحكي مع امو ...تنهد وعض على شفتو ...حس بقلبو يدق بالقوي ...كبس على يديه وهز راسو الفوق ...يحاول يتمالك نفسو ...يحاول يقوي روحو ..خاتر حس ماعادش عندو جهد ...تعب ...تعب وحاس بيأس قوي ...حل الباب وخرج من بيتو جات عينو في عينيها ...وجها كان تاعب اعظم من وجهو ...عينيها محوقة كاينها مارقدتش ليلة كاملة ...تبسم بتوتر وهي قحرتلو بغزول ورجعت بالتوالي -طاطا سامحني ..كان في بالي بيه هوني راني ماجيتش من اصلو ..وزيد ماما كان تسمع لاما تشوملي النهار تو عدك بيها جات من المرشي . -عليا..جاء بش يتكلم قصت عليه امو -اسكت انت سكر ..وتلفتت لعلياء شدتها من كتفها ...بنيتي يعلم ربي معزتك عندي قداش ...كيفك كيف مريم ..كيف مكبوب السعد اللي واقف قدامك .. قحر لامو وضم شفايفو لبعضهم بغزول..وهي كملت تحكي ..فما برشة كلام بيناتكم لازم تفضوه ...انت تعبت وهو زادة نشوف فيه كيفاش عمال يوخر وصحتو بالتوالي .. -امورو طاطا ...قالتلها بغزول ..حاحة ماتعنينيش ...يوخر والا يقدم ..صحتو وهو حر فيها ... -تو ولات صحتي ماتعنيكش علياء ؟ سالها بغش وهو يقدم في اتجاهها ...طبست راسها تحاول تتجنب غزرتو ..تحس في بدنها لكل ولا يرعش ..كونو واقف هنا مقابلها يخليها تتربث وتزيد تهبل -صحتك تعنيك انت ...اذا كان عاجبتك روحك وانت نهار الكل مروح سكران تتطايح وتزيد تعمل في الفضح من الفوق ..وتسمع في الجيران ..هذي حاجة ماتعنينيش ...فيق على روحك ماكش صغير - خوذني تو نبطل الشراب والدخان واللي تحب انت ...تبسم وهو يغزرلها في عينيها ...زاد قرب اكثر ناسي اللي امو واختو واقفين يتفرجو في العرض ...اعطيني فرصة بش نتبدل على يديك ...تحبشي نولي نصلي ؟ -من وجهك هي الصلاة ..قحرتلو بغزول ...مازال عندك فم وتحلو بعد االي عملتو البارح؟وتلفتت لامو ..سامحني طاطا ماعادش نجم نقعد ونسمع اكثر من هكة !! -لا بش تقعد ...قالها بعصب وشدها من ايدها كبس عليها ..بش تقعد وبش تسمعني زادة .. . بدات تجبد في ايدها تحاول تتملص منو وامو بدات تضرب فيه على كتفو -سيب الطفلة والله لا تحشمها ..وتلفتت لبنتها تكلم فيها -امشي انت للكوجينة تفقد الفطور .. عندنا مانحكيو كلام موش لازم تسمعو ....مشات مريم ... وهي شدتها من ايدها وقعدتها فوق الكرسي شدتها من ايدها -شوف عيش بنتي ...قيس حكالي كل شي عاللي صار بيناتكم قبل مايمشي ..غزرتلها باستغراب ووجها لكل ولا طمطومة ..تحس في وذنيها ولاو يزنزنو من الحشمة ولبها العرق ...تلفتتلو مصدومة وفمها محلول طاقة ... -اش حكالك طاطا ؟ را..راك فاهمة بالغالط ...ماكانتش تنجم تعبر وهي حاسة بالربثة ..تبهذلت وعاودت غزرتلووعينيها مليانة حقد ...كان يغزرلها ولمعة في عينيه وساكت ...يترقب في كلامها ورد فعلها كيفاش بش يكون ...قامت من الكرسي بكلها تغلي ..تحس في روحها مخنوقة تبلع وتخص ... -طاطا سامحني لازم نروح ...ح..حسام بش يجي يفطر بحذانا ... هو سمع اسم حسام والدم طلعلو لراسو ..ركبو الغل والعصب ..نزل على سنيه بقوة ..وقف قدامها وشدها من كتافها وكبس دزها رجعها بالتوالي -ماكش ماشية لحتى ر...بقعة الا مانحكيو ونفصلوها اليوم ...وسي خرا متاعك هذا مازلت تذكرو على لسانك لاما نباصي عليك وعليه ... تشوف في وجهو تقلب وتحول لسينة اخرى ...من غير ماتشعر قربت بحذا امو ...تستجمع في قوتها ...شدتها هي تعنق فيها وهزت ايدها تكلم فيه -كسرة في ايديك انشالله ماعادش تحط عليها ايدك ...قاتلو امو وهي تصيح عليه ...كبس على يديه وبدا ينفخ ...حس بالدم بش يخرج من وذنيه من كثر العصب ..ماعادش طايق يسمع حتى كلمة امي خليني وحدي نحكي معاها ...اخرج انت من الطرح وخليني تو نتصرف .. -لا ماتمشيش طاطا ...قالتها وهي مكبشة فيها ...وتلفتتلو تكلم فيه بغزول ...كل يوم تثبتلي اللي اسقط من النهار اللي قبلو ..وكل يوم نحس اللي انا اختياري صحيح كيف قررت ننساك ونعيش حياتي ... -تنساني وتعيش حياتك هاذي بش نتفاهمو فيها !!!قالها بغل وعينيه تتشاعل ...وعاود غزر لامو .. امي خليني نحكي معاها ..شدها من ايدها ونزل عليها وهي كبشت في امو ... -طاطا ماتمشيش ...انا بش نخرج ...ماعادش عندي مانحكي معاه ولدك ..! -عيش بنتي استهدى بالله واقعد اسمعو وافهم منو اش بش يقول .كبست على يدها اطمن فيها وتلفتت لولدها قحرتلو -رد بالك تعمل حاجة ..هاني نبه عليك ..وهزت ايدها تحذر فيه ..عمللها براسو باهي ...هي خرجت وهو شدها من ايدها وكركرها لبيتو ..حلها ودخلها .... طول جات عينها على الفرش ...تربثت وبدنها لكلو رعش ...تذكرت اللي صار معاها الكل في البيت هذي وفي الفرش هذا ..تذكرت احاسيسها وبدنها اللي تصهر مع بدنو فوقو...تذكرت ولادة مشاعر كانت ماتعرفهاش .......حست بضعف كبير وهي قاعدة معاه وحدها في البيت اللي شهدت على تفتح مشاعرها واحساسها القوية معاه ...وشهدت على وجيعتها وكلامو الي قضا عليها ...كان ضام يديه فوق بعضهم ويغزرلها بترقب ..فاهم اللي يدور في راسها الكل وحاس بيه كيما هي حاسة كان واقف مقابلها ..شعل سيقارو ويغزر لتعابيروجهها...كان عارف اللي هي بش تتاثر كيف تدخل لبيتو ...كان مصر انو يراها في البيت هذية ...البيت اللي نها فيها علاقتهم وحكم عليها بالاعدام ...كان لازم يحيي كل شي من اول وجديد ويصلح اللي تكسر بيناتهم وفي البيت هذي بالذات .....هزت راسها وغزرتلو بتحدي ...ماتحاولش تبين ضعفها ليه وهو عمال يقرب ..وقف قدامها وبدا يتكلم -علي... -اسقط منك ماراتش عيني ..قصت عليه تتكلم بفحول ...ماشي تقول لامك عاللي صار بيناتنا .؟ هذي اخر حاجة كنت نتوقعها منك !! شنوة مازلت ماعملتوش بش تاذيني شنوة ؟ فهمني اش تحب من عندي؟ في بالك باللي عملتو البارح واليوم زدت طحت من عيني اكثر ؟ في بالك الي انا كرهت حاجة اسمها قيس في الدنيا هذي ...؟ كانت تتكلم بوجيعة قوية ..وجيعة حرقتو من داخل ..هز ايدو وجبدها من ايدها وقفها قدامو ..كانت بكلها ترعش بين يديه ...من عينيها الي غزرتهم ضايعة ..لشفايفها المحلولة ..ليديها اللي كانو باردين في ايديه ...زاد قربها ليه اكثر ...حبت تتملص منو مانجمتش ..كان اقوى منها ...ضعفها تجاهو قهرها خلاها كيف الطير المكسرة جناحاتو ...وين تحاول تهرب تلقى روحها قاعدة في نفس البقعة ...عينيه ماهبطتش من عينيها وهو يرا فيها تفرفت ...يغزرلها بقوة ...بتحدي ...مركز مع نظرتها ...يحاول يسيطر عليها بنظرتو االي يعرف مليح ضعفها قدامها ..جبدت روحها وفارعت لين ايست وتعبت ...هبطت راسها وخباتو من عينيه الثاقبة -اش تحب عندي قيس ؟ سالتو بصوت قوي في ضاهرو مهزوم في باطنو -نحبك ..قالها بصوت حنين ...صوت دغدغلها مشاعرها ..حركلها برشة حاجات كانت راكدة تستنى في شكون يفيقها ...في شكون يسقي عطشها ...لكن قاومت ...قاومت ضعفها وهزت راسها تغزرلو بتحدي -وانا مانحبكش ...انا نكرهك ... -حتى انا نكرهك ...قالها وعينيه مزغللة بالضحك ...نكره اك الغزرة العسل في عينيك وقتلي تبدا متغششة مني ...ونكره اك الشفايف الكبار وقتلي يبداو يخرجو في الكلام الماسط وانت تسب فيا ...ونكره البدن اللي خلاني كل يوم نحلم بيه وهو بين يديا ..كل كلمة يقولها في وذنها تزيد تخليها تضعف...بدنها قشعر ...وقلبها رف ...رجعت بيها الايامات لتالي ...رجعت للي كانت تتمناه ...رجعت للي كانت تحلم بيه ....حست الوقت وقف بيهىا هوني ...ثلاثة سنين لتالي ...كانت تتمنى تكون في حضنو ...تتمنى كلمة نحبك منو ...تتمنى تحس الحنان معاه ....هزت راسها ..جات عينها في عينو ...نفس الغزرة الي عاشت فيها طفولتها الكل ...تحصرت في عينيه ...تنهد ..حس بضعفها قدامو ..ماكانش ينجم يمنع رحو ....عنقها ....عنقها بقوة ....حطلها راسها على صدرو وظغط عليها ...حسها حاجة ملكو ورجعت ليه ...حاجة فقدها ثلاثة سنين لتالي في البقعة هذي ...فقدها وضاعت منو وتو لقاها ...حس ضلع من ضلوعو رجعلو نحبك ياعلياء والله نحبك ...افهم اللي انا نحبك ...غمض عينيه وزاد غرسها في قلبو اكثر واكثر ....اسمع قلبي ....اسمعو كيفاش يدق وانت حاطة راسك عليه ...اسمعو بقلبك ...موش بوذنيك ...حس بيا ياعلياء ...راني تعبت ...نحبك ومالقيتش حتى حل ...مانحبش نخسرك ...مانحبش نضيعك ..راك انت روح قيس اللي يتفس بيها ...علاش تكابر وتعاند ؟ ...خلي نعطيو فرصة لبعضنا ..خلينا نرجعو منين وقفنا ...لهنا ...في البيت هذي االي شهدت على ولادة مشاعرنا ... -مانجمش نعطيك فرصة اخرى ....صوتها كان ضعيف وهي تجاوب فيه ...غارسة راسها في صدرو ...حاسة روحها طايرة وفي عالم اخر .. حاسة بدفا غريب في بدنها ...مانجمتش تبعد وماحبتش ...هزت ايدها وبدات تبعد فيه...تحاول تقاوم ...تحاول ماتتهزمش قدام حنية بدنو وحلاوة يديه ...تحاول تسترجع نفسها الموجوعة منو ...اللي في لحظة نسات كل شي ...نفسها الخاينة االي استحلات لمستو ...استحلات حضنو ...استحلات كلامو ... -ق..قيس مانجمش نعطيك فرصة ...انا سطرت حياتي بلا بيك سايي ..انت ماكش موجود في حياتي ... كانت تتكلم مربوثة ..مهزومة ..صوتها ضعيف.. كانت تقنع في روحها قبل ماتقنعو .. -انا موجود يا علياء ..ديما موجود في حياتك ..حاضر والا غايب موجود في قلبك وفي عقلك ..كيما انت موجودة في قلبي ومانجمش ننزعك منو ...حسها بدات تضعف ...بدا يعدي في ايدو بالشوية على شعرها ...حلهولها وفرتو على ضهرها ...هزلها راسها اللي كان راقد على صدرو ..شاف دمعة محصورة في عينيها ...شفايفها كانت ترعش ...عدا صبعو بالشوية فوقهم ...تبسم.. -انت علياء متاعي ..متاع قيس ... تولدت وجيت للدنيا هاذي بش تكون لقيس ...بقعتك هنا في حضني ...بين يديا ...في عينيا ....مانحس روحي كامل كان كيف نعنقك .. كان كيف نبوسك ...وهبط باسلها عينيها ..كل وحدة وحدها ...غمضت عينيها ...كانت تستحلى في شفايفو على وجهها ...هبط لخشمها ...لخدها ...كان يستمتع بكل بوسة وياخذ راحتو فيها ...حس روحو لهب ماعادش ينجم يقاوم ...حط شفايفو على شفايفها بالشوية يعدي فيهم...بدات تنازع وتبعد فيهم لكن هو ماخللهاش الفرصة ...نزل عليها ..شدلها راسها بين يديه وبدا يبوس فيها بكل قوة ...حطت شفايفو على شفايفها ... لسانها على لسانو قضات على كل مقاومة كانت تتظاهر بيها ...سلمت ورمات اسلحتها الكل وخلاتو هو يتحكم في العبة ...خلات احاسيسها تطفو وبدنها يفيق من الرقدة االي كان راقدها ...بوستو نعوشتها وهزتها لعالم اخر ...عالم مافيهش حقد ولا كره ...نسات احقادها الكل عليه ....بدا يكركر فيها بالشوية ...حطها على الفرش وقعد بجنبها ...زاد لزها ليه لين انصهر بدنو مع بدنها ..قلبو مع قلبها ....كانو سارحين في عالمهم ومافاقوش بالباب كيف تحل وامو دخلت تجري -اخرج امك جات من المرشي وتفركس عليك الحلقة التاسعة عشر {تباً لحلم صغير ...لايكبر.... تباً لوجع بقي ولم يذهب....تباً لشوق بقي...فأوجع...تباً لأيام ذهبت ...ولن ترجع...تباً لحياة أبكت تلك العينين ...ولم تشبع} تذكرتك ياعلياء.... وتذكرت عيونك ... يخرب بيت عيونك يا علياء شو حلوين ... كانت تغزر من شباك بيتها ...تطل عليه وهو قاعد في القهوة ...يضحك مع الاولاد ويشيش ...ورجعت بيها الذاكرة ..ورجع الوقت ...ورجعت اللحظة ...لكن مع اختلاف الزمان والعمر ..واختلاف مشاعر الشخص اللي مقابلها ...واختلاف مشاعرها هي ...هبطت دمعة سخونة على خدها ...مسحتها وهو هز راسو غزرلها ...تبسم ...تبسميتو كانت حنينة ...دافية ...عينيه بش ينطقو من بعيد ...وشفايفو تتحرك بكلمة نحبك وين يهز راسو ويغزرلها ...علاش تو قيس ؟ علاش تو رجعت ؟ علاش بعد ماسطرت حياتي ؟ ..تكات راسها على حرف الشباك ومانجمتش تبعد ولا تتحرك من بقعتها ...ماكانتش تنجم تبعد نظرها من نظرو ... حط غناية عهدير البوستة ومقوي فيها عاللخر في القهوة ...ووين توفى يعاودها ...ويعاودها ويعاودها ....مع كل اعادة قلبها يهزها للماضي اللي كانت تتمناه معاه !! مع كل اعادة قلبها يرفرف ويتذكر كل احساس حستو معاه ....كل لمسة حنينة من يديه ...كل تعنيقة ...وكل بوسة ..البوسة اللي تهزها لبعييييد ...بعيد ...لعالم اخر مايعرفو كان قيس ...عالم خاص بيه ...ضعفت وماتحبش تضعف ....نسات وماتحبش تنسى ...قلبها وعقلها ولاو في حرب كبيرة خسرت فيها نفسها ...خسرت كرامتها اللي قعدت تبني فيها سنين .....تنهدت بقوة ...تنهيدة تعبر على الاعصار في داخلها ...المد الي يحب يخليها واقفة في بقعتها ثابتة ..قوية ...والجزر اللي ضعفها وخلاها تحنلو ...اللي خلاها ترجع علياء القديمة اللي تعدي نهار كامل واقفة في الشباك تتمنى في غزرتو ....غزرتو الي لقاتها بعد سنين عذاب وحب من طرف واحد ...غزرة تطلعها الفوق في السماء وتخليها تحلم ..تحلم وكيف تفيق من الحلمة تلقى روحها مكتفة ...مقيدة بعايلتها وبحياتها اللي سطرتها مع حسام ...عايلتها اللي رافضين قيس وكارهينو وحسام اللي ماعندو حتى ذنب في اللي صاير الكل ....قلبها مهموم وجيعتها قوية .....روحها تاعبة ....غمضت عينيها وحلتهم تلقاه يغزرلها ....كاينو حاس باللي هي فيه ....كاينو فاهم اللخبطة اللي في مشاعرها ...وقف وقدّم قدام بيتها .... تبسملها تبسيمة عريضة .....هز ايديه وحطهم بين شفايفو وبدا يعيط بالشوية -نحبك يا علياء ....نحبك ...والله نحبك ....كون معايا وماتخاف من شي ... وجهها احمار وحشمت ....الرجال اللي في القهوة الكل يضحكو ..تسمع في تمقعيرهم خبات وجهها وتكاتو على الحيط مربوثة -ا معلم ههه بش تكمل طرح البارح هههه؟ كل واحد يقول كلمة...تسمع في ضحكهم وضحكتو هو اقوى ...الحومة الكل سمعت بالي عملو البارح ...والحومة الكل عرفت اللي قيس يحب علياء ...قيس يحب علياء ...جملة تمناتها قبل ....جملة كانت عايشة على خاطرها ...لكن تو جات مخر يا قيس !!!جات مخر برشة ....علياء تبدلت ...ماعادش مشاعرها هي اللي تهزها ...ماعادش قلبها هو اللي يحكم فيها ... فما حاجات اقوى من الحب ولات تتحكم فينا ياقيس !!فما التزام ...فما واجب ....فما انسان اخر في حياتي مانجمش نعمل فيه اللي انت عملتو فيا قبل !!مانجمش نكسرلو قلبو اللي هداهولي ...قلبو الكبير اللي عطا من غير ما يطلب مقابل ....مانجمش نكسرهولو يا قيس ....مانجمش ... ياريت جيت قبل يا ريت !! ياريت حسيت بيا وقتلي انا كنت محتاجتلك فيه . ..مشات اتكات على الفرش ...دمعتها نزلت على المخدة ...وقوات ..قوات لين ولات شهقة ...شهقة الوجيعة الي مكنتها في جواجيها ...وجيعة قوية ...قوية خنقتها ...تعبت بدنها الضعيف وروحها المكبوتة ...ضمت ساقيها على بعضهم وغمضت عينيها تحب ترتاح ...مازال صوت الغناية يرن في وذنها تسمع فيه ...حلت امها الباب تلقاها ضامة روحها وتبكي ....قعدت تغزرلها بعين فيها شفقة وعين فيها رفض ...مشات طلت من الشباك تلقى قيس واقف قدامو يغزر ...حاط يديه على جنابو وواقف كي الصخرة جامد كيف التصويرة ...قداش نقمت عليه وكرهتو؟ ...سكرت الشباك بقوة ورجعت بحذا بنتها وشدتها من ايدها ...كانت ملوحة كيف الشوليقة ...سخفها حالها نزلتلها على ايدها يالشوية -قوم عيش بنتي ...قوم هز راسك ...هز راسك ويزيك من الدموع يزيك من البكاء مازلت صغيرة والعمر قدامك ...قوم خطيبك عدو جاء ...خطيبك اللي يحبك بلحق ...اللي ضحى وسهر ليالي بش تهز انت روحك ...ماتخذلوش عيش بنتى ....ماتخذلوش ...االي كان واقف قدامك عذبك وتعبك سنين في جرتو ...خلاك كيف الكلبة تدور في جرتو...تعبك وعذبك ...جاي تو ويقلك نحبك !!يحب كل شي يسطرو على كيفو ....قوم بنتي وهز راسك ....عمرو ماكان الحب ذل ....عمرو ماكان ضعف ...الحب قوة واعطاهالك حسام ....الحب كرامة وحافضلك عليها حسام ....هز راسك واقف على ساقيك كيما كنت واقفة بلا بيه ....احسب اللي صار في حياتك تجربة وتجاوزها وانسى ...الوقت ينسينا برشة حاجات ...ماتخليش نفسك تضعف وترضخ ...اللي خلاك البارح ينجم يخليك اليوم ...ينجم يخليك غدوة ..انت بارادتك وعزيمتك تسطر حياتك وحدك ...ماتخلي حد يسطرهالك ....كلام امها حستو كيف الحبل اللي يستنى فيه الغارق بش يمنع ....هزت راسها وحطتو فى حضنها ...عنقتها بقوة ...تستمد في الشجاعة من حضنها -تعبت ماما تعبت ....تعبت ... -مافماش علاش بش تتعب وراس بنتي ...قالتلها وهي تطبطب على ظهرها ...كمل حياتك كيما كنت مخطتتها مع خطيبك وتذكر الايامات الحلوة اللي عديتها معاه ...تذكر الضحكة وتذكر الفرحة ...تذكر رجوليتو وحنيتو معاك ...وانسى الى فات ...انساه خاتر ماهوش بش يجيبلك كان الوجيعة ....الماضي بش يقعد بيناتكم انت وقيس ....بكل تعبو بش يقعد بيناتكم ...يفوت العسل ويجي البصل ...وتبداو تتذكرو وتتعاتبو حتى لين يوفى الحب وتنقشع الغمامة ...اما حسام ...صفحة بيضة مازلت ماكتبت فيها حتى سطر ...حياة جديدة وروح جديدة ....انسان يحبك ويخاف عليك ماتخسروش ...ماتضيعوش من ايدك وبعد تقول ياريتني تبعت عقلي ....خاتر القلب يهزنا ديما للثنية الغالطة ....وهزتلها راسها تغزر لوجهها المعبى بالدموع ... -قوم اغسل وجهك ...البس احسن ماعندك ومكيج وفيق ...عيش حياتك وارمي وراك ...خطيبك مزيان ...حنين و الف وحدة تتمناه ....قوم وخليه يحس بحبك ليه ...قوم عيش بنتى ... مسحت دموعها وقامت من الفرش ..قبل ماتخرج غزرت للشباك ...منعت روحها بقوة انها تمشي وتطل عليه... قعد واقف كيف الصمبة ..عينيه معلقة في الشباك ..روحو كانت غادي ..شارد ..سارح ...قلبو الكل كان معاها ..في بيتها ..في عينيها المدمعة وهي تغزرلو ..أملو الكل حطو في لحظة قربها ليه ..في تعنيقتو ليها واحساسها وهي بين يديه ..كان فرحان ..فرحان ..ماذابيه يطير ..يجنح ....ماذابيه يعنق الدنيا الكل معاها ...وهي بين يديه حس علياء متاعو ..ملكو ..روحو رجعتلو ..قلبو استقر في بقعتو بعد ماكان هايم ..بدنها الدافي الرقيق وهي في حضنو ..شفايفها المغرية اللي هزوه لاقصى درجات العشق ....يحبها ..يعشقها ..محلاها ومحلا حشمتها وقتلي دخلت امو عليهم وهو يبوس فيها ..تحمات في صدرو ..حطت راسها عليه وخبات وجهها ..قداش حس وقتها بمسؤوليتو تجاهها ؟ ..قداش حس بالفخر ؟ انو المرا اللي تحبها تتحما فيك ..انو صدرك يكون الملجأ الوحيد ليها ...انك تحس روحك مسؤول عليها وعلى حمايتها ...علياء ...أرجعلي ياعلياء وانا نوعدك نكونلك أقوى سند في حياتك ...أرجعلي ونوعدك نكونلك أحن صدر تتكى عليه وترتاح ..أرجعلي يا عليتي أرجعلي ....تنهد وغمض عينيه ...هبط راسو المشنقل ...حط ايدو في مكتو بو ورجع للقهوة ...على دورتو يشوف في حسام داخل للحومة ...تسمط ..يحس في مخو تشوشط وراسو ولا يغلي ..تذكر اللي هي قالت اللي حسام جاي يفطر معاهم اليوم ...كبس يديه من العصب ...قعد يتبع في الكرهبة لين وقفت قدام دار علياء ...عينيه شعلت ومكنتو فوارة في بدنو الكل ...حس روحو سخن ...حسام كان هو حجر العثرة اللي واقف بينو وبينها ...هو الحاجة الي مانعتو بش يوصللها ...يشوف فيه هابط من الكرهبة وفي ايدو بوكي نوار ..من غير مايشعر بروحو مشالو يجري ...يسمع في صوت بسام صاحبو يعيطلو ..حقرو وكمل يمشي ..حسام تلفت يلقاه قدامو ..عينيه تتشاعل وناوي على الشر ....قعدو يقحرو لبعضهم الزوز ..كل واحد يتشوحر على لاخر ... - تفضل اش حاجتك ؟ سالو حسام بهدوء اما وجهو ماكانش هادي حتى ترف - انت اش حاجتك هنا ؟ سالو قيس بعصب - ظاهرلي مانيش مستحق نشاورك بش نجي نطل على خطيبتي ... - علياء ماعادش خطيبتك من اليوم ...علياء بش ترجعلي ليا انا ...يسمع في خطوات وراه ..تلفت يلقى ولاد الحومة بداو يتلمو ..بسام شدو من ايدو وهمسلو - قيس عيب اللي تعمل فيه ..خلي الراجل يدخل يزي بل بلادة متاعك .. - بسام فك عل ز... ابعد انت مايهمكش ...وحتى حد مايدخل ..يا انا يا هو اليوم ...كان العصب يخض فيه ..حالة يأس خلاتو يتصرف كيف المهبول ...حس روحو فقد عقلو ... بدا يقدم وحسام وجهو احمار وحس روحو تهنتل قدام الولاد ..رما بوكي النوار في القاعة وقدملو يجري ..عطاه بونية على خدو حمل فيها غلو الكل - انت ظاهر فيك ماكش بش تفهم روحك جملة .. قالو بعصب وصدرو يتهز ويتحط ...من قوة الضربة طاح قيس على القاعة ..شد خدو باهت ..اول مرة واحد يضربو...اول مرة واحد يغلبو ويغلّب عليه ...من قوة العصب هز روحو ورجعلو الضربة ...بداو يتضاربو وولاد الحومة تحز فيهم وولات خوضة قدام الدار .. خرجت علياء وبوها وامها يجريو يسمعو في السبان والصياح ..اول ماحلت الباب تصدمت ...وقفت كاشخة فيهم الزوز وهوما شادين في خناق بعضهم ..بوها مشا يحز فيهم ...يبعد في حسام اللي حوايجو تقطعت وتمرمد وقيس فمو بالدم وشفتو مفلوقة ...حست بقلبها بش يطيح من بلاصتو وهي تشوف في حالتهم ..تشوف وماتحبش تصدق اللي صاير قدامها ..مشات تجري ووقفت بيناتهم ...غزرولها الزوز ...قعدت تدور في وجهها بيناتهم وهوما يلهثو كاينهم كانو يجريو ..حسام طبس راسو وماحبش يواجهها خاتر تعرف اللي طبيعتو ماهيش همجية لكن هو لزلو لين ماعادش فيه ..وقيس قعد يغزرلها بنظرة فيها تحدي ..فيها قوة ..عناد ..وجهو لكل متوتر .. - علياء قلو اللي انت تحبني ...قلو اللي انت رجعتلي ..قلو اللي انت ليا انا برك ..قلو علياء ..صوتو يلهث وهو يكلم فيها ...حسام قعد يغزرلها مستغرب ..يسال فيها بعينيه ...حست العينين الكل عليها ..الكلهم يستناو في إجابتها ..حتى من بوها وامها قعدو يغزرولها ما حبوش يتكلمو ..حست بالنفس تقطع عليها لين ولات تلهث ..دوامة كبيرة وهي تدور فيها ..غمضت عينيها ..شدت قلبها اللي بش يتخلع ...مشات لشيرة حسام وشدتو من ايدو قعد يغزرلها ..يستنى فيها بش تتكلم ...هزت عينيها وحطتهم في عينيه ..تستمد في قوتها منهم وهي تتكلم - قيس أنا مانحبكش ..ومارجعتلكش ومانيش بش نرجعلك ...ودورت وجهها وغزرتلو بكل تحدي ...انا بش نكمل حياتي مع حسام ... حسام هو الراجل اللي اخترتو بش نكمل معاه حياتي ...انت بالنسبة ليا كنت ماضي ...ماضي ونسيتو ..وحسام هو الحاضر والمستقبل ... من قوة صدمتو من كلامها حتى صوتو عجز انو يخرج ..وجهو الكل تقلب من قوة اللي سمعو ..ممسمر في بلاصتو موش مصدق...حسام نفض حوايجو وغزرلو بتحدي ...ماكانش واعي بيه ولا باي حد قدامو ..عينيه لكل كانت مركزة عليها ..على كلامها اللي قعد يتعاود في مخو برشة مرات ...يتعاود ويتعاود لين يحس في وذنيه طرشت ...هكة حسيت يا علياء وقتلي طردتك من البيت وقتلك مانحبكش ؟ هكة حسيت وقتلي قتلك ماعادش نحب نشوف خليقتك قدامي ؟ مت وقتها ياعلياء وأنا مت تو ...انا مت تو ...احساس انسان قاعد يطلع في ا لروح من بدنو ...قلبو نبضاتو قاعدة تاقف بالشوية لين ماعادش يسمع في دقاتو ...كل شي فيه وقف ...دخلو للدار وسكرو الباب يسمع في بسام يكلم فيه لكن ماكانش مستوعب حتى كلمة منو ....يحس في ايد تطبطبلو على كتفو ..تلفت بالشوية يلقى بوه واقف قدامو ...كان يسمع في كل شي ..ومن اللي كان بش يعارك ولدو غاضو حالو ...حل ايديه الزوز وهورما روحو بيناتهم ...كبش في حضن بوه كيف الطفل الصغير ...رما وجيعتو لكل في حضنو الكبير الحلقة العشرون {في ذلك المساء يا ملكتي سيملكك غيري ..وسينفطر قلبي ..وسانقسم الى نصفين ....نصف سعيد جدا لك ... ونصف سيكون حزين جدًا دونك....ونصف يتلو دعوات لعينيك ....و نصف يلعن نفسي و ألعن من أخذك مني ....و ما بين إنقسامي و نصفي سأموت أنا...سأموت قهرا و سترقصين أنتِ على قلبي} واقف قدام الشباك يغزر ..سارح بنظراتو بعيد ..بعيد يحلق في السماء ..يشوف في الطيارة كيفاش بش تهبط في المطار ...قعد يتبع فيها بنظراتو لين هبطت ...يسمع في الباب يدق تلفت بالشوية والسكرتيرة متاعو دخلت ...قعدت تغزرلو وهو واقف بحذا الشباك ...لابس كسوة بلو مارين مسطرة على بدنو ..بدنو يغري أي مرا بش تقربلو ...وقد ماحاولت بكل الطرق مالقاتش منو حتى تجاوب ...نساء الشركة الكل كانت مبهورة بيه وبشخصيتو الجدية والأكثر من هذا انو مايغزر لحتى مرا ..وهذا الي زاد هبلهم وطير ترف العقل اللي عندهم ..البنات الكل كانو حاسدينها انها تخدم معاه ..اما مايعرفوش اللي هو حتى وجهها ممكن مايعرفوش من كثرت ماهو مش مهتم ههه ...وجهو ديما هادي وعابس ..ماشافتش الضحكة فيه من نهارت اللي دخل تو ليه ثلاثو اشهر ... نظرة عينيه كانت حزينة ..وكايني مخزنة حكاية في وسطهم ...حكاية أثرت في حياتو وخلات التبسيمة تفارق شفايفو ... -سي قيس تستحق حاجة مني ؟ تنهد وحك لحيتو ومسّح على شعرو ...هبط عينيه ومشا قعد في بيروه ..اتكى على كرسيه وغمض عينيه - لا مرسي عليك برا روح دومازال مانحب شي ...كان يتكلم بهدوء ..حتى اسمها مايقولوش ..أصلا موش حافظو والا مهتم بش يعرفو .. -سي قيس كان مستحق حاجة ننجم نقعد راهو ..مايقلقنيش ...و..وعلى فكرة اسمي هالة سي قيس..هز راسو وقحرلها على جنب -مانحبش شي قتلك تنجم تروح !! تفاجإت من صياحو خرجت تجري وسكرت الباب ... نفخ بفمو وغزر للباب المسكر ...كيف حياتو ..كيف قلبو ... كيف بدنو اللي ماينجم يتجاوب مع حتى مرا ...اربعة شهر من اخر مرة راها ..اربعة شهر من وقت اللي ذاق الرفض وحسو وعرف اش معنتها عذابو ...اربعة شهر وهو عايش كيف الميت ...روبو يتحرك ..الف مرة خمم بش يرجع منين جاء ...الف مرة خمم في هجة من البلاد ويقعد ...لا قلبو طاوعو ولا ساقيه طاوعتو ...يحرق في روحو ...كل يوم قاعد يحرق في روحو وهو يتخيل فيها معاه ...يتخيل في ايدها على ايدو ..عينيها وهي تغزرلو بكل حب وتلفتلو وقاتلو انت كنت الماضي متاعي ...وهو الحاضر والمستقبل ..ااااااااااااااااااه ..خرّج صرخة من جواجي قلبو ...خرجها بقهرة بغل ...حط مرافقو فوق الطاولة وتكا راسو عليهم ..راسو بش يطرشق كيف قلبو ...مايحبش يمشي ..قاعد يعذب في روحو مع كل نهار يتعدى ...كان يتجنب فيها ...لكن إحساس قربها ليه كان مصبرو ...واي بقعة بش يسافرلها ماهيش بش تسيبو خاتر هي ساكنة في وسط روحو ..ماعادش قادر ينزعها منها ..مهما بش تكون البقعة اللي هو فيها ...امو وبوه تعبو كيف شافوه عمال يهزل ويقتل في روحو بالحياة كل يوم ...وكان لازم يعاود ياقف على ساقيه على خاترهم ...الشركة اللي كان يخدم فيها في الخليج عندها فرع هنا في تونس ..في البحيرة ..ربط الخيوط معاهم وولا يخدم المدير المالي فيها ... رما روحو في الخدمة كيف الغريق اللي لقا سفينة انقاذ ...غطس في وسط الخدمة ...حياتو الكل ولات فيها ..يخدم لين يتعب ..الدارمعادش يحب يروحلها ..الحومة ولا هارب منها ..حتى القهوة سلم فيها لبسام لاهي بيها وربحها الكل يعطيه لبوه اللي لزّم عليه بش يبني الطاق الفوقاني ..قالو دوب مايكمل بش يمشي يخطبلو بنت عمو من البلاد ويعرسلو بيها ...كان يطاوع فيه وماحبش يعارضو ...حاس اللي روحو ماعادش ملكو ..يمشي ويجي جهامة بلا روح ...بعد مايكمل الخدمة يمشي يترانا في صال متاع سبور ..وغادي يفرغ غلو الكل .. طاقتو الكل يحطها فيها ...يترانا حتى يدهش وماعادش فيه ..يروح للدار ميت بالتعب طول يمشي للنوم بش مايفكرش ...ماعادش يحب يفكر ...ماعادش عندو طاقة للتفكير ...تعب ...هز راسو شوية يلقى الكراسة قدامو ...كراستو اللي يكتب فيها خواطرو الكل ..ولات ديما ترافق فيه ...كاينو يعوض بيها في علياء ...هههه علياء ...موش مصدق اللي هي ماعادش بش تكون ليه ...موش مصدق الي هي ولات لواحد اخر ...اللي حكايتهم وفات ..ختمتها علياء ..وقفت كل شي بكلمتين ...كلمتين قتلوه بالحياة ...حطموه ...عينيه زغللت بالدموع ..حل الكراسة وبدا يكتب اللي خطرلو " احبك جدا ...ويسعدني ان أمزق نفسي لأجلك أيتها الغالية ..ولو خيروني لكررت حبك للمرّة الثانية " سكرها وعاود هز راسو يغزر للسقف بعينين شاردة خرجت الصباح كيف العادة ...هازة ساكها وتبليتها في ايدها ....اشهرة ماراتوش قدامها ...كاينو رجع سافر من اول وجديد ...كانت عارفة اللي هو ماسافرش ...ساعات تشوف الكرهبة واقفة قدام دارهم ...لكن ماعادش يقعد في القهوة ...ماعادش يقعد في الحومة جملة ...مش عارفة هذي حاجة تفرحها والا....؟ مشاعرها مضطربة ... كل يوم تفيق الصباح تقول تو يعرضني !! تو نشوفو!اكيد هو ماسلمش !!اكيد قاعد يخطط لحاجة اخرى بش يبعدها على حسام !اكيد ...اكيد ..بش يعاود يفددها في حياتها ..ويقلقها ...و..لكن هو ماظهرش !!..من نهارت اللي تعارك هو وحسام ماعاودتش راتو ...ولا قلقها ...ولا عرضها ...يمكن هكة احسن !!اكيد احسن ...هزت راسها شافت مريم خارجة من دارهم ... سرعت في خطواتها بش تخلط عليها ...علاقتهم توترت من نهارت رفضها لقيس وتهنتيلها ليه قدام الحومة الكل ...ولاو السلام السلام ...وحتى السلام ساعات مايوصلش بيناتهم ...قربتلها وبدات تكلم فيها -صباح الخير مريم -صباح الخير ..جاوبتها على طراطش لسانها من غير ماتتلفتلها ... -شبيك مريم تعامل فيا هكة ؟ اش عمتلك انا ؟ سالتها باستغراب -ماعملتي شي ..قتلك انا عمتلى حاجة ؟ -مالا علاش علاقتنا ولات باردة انا واياك ؟ نحسك بعيدة عليا معادش كيف قبل؟ اشبيك مريم رانا تربينا مع بعضنا.. - كان جيت ترا بالعشرة راك ماعملتش في خويا اللي عملتو ..وقفت وقعدت تغزرلها بلوم وحواجبها مشنقلة الفوق ...قعدت تغزرلها باهتة من كلامها - انت تقول هكة مريم ؟ انت اللي شفت عذابي واللي صار فيا بعد ماسافر ؟ شوية اللي عملو فيا خوك ؟ - شنوة اللي عملك هو ياخي ؟ حطت ايدها على حزامها وقعدت تحكي بنبرة فيها غش ...من وقت اللي مشا وهو يسإل عليك ..احنا اللي مانقولولوش بركة وحتى خطبتك ما حكينالوش عليها ....وزيد كيف رجع قعد يلوم فينا كيفاش ماقلنالوش على فازت انتحارك ..وعارك امي وعمل فينا .... -مالا هذاكة علاش حب يرجعلي حس بالذنب سي خوك ؟ قلو ماغير ماتحس ..الحمدالله هاني رجعت وقفت على ساقيا وتعدى كل شي ... جاوبتها بعصب - لا نقلو لا يقلي ...حتى نشوفو انا بش نقلو ... - ع..علاش وين مشا هو ؟ سإلتها بربثة وعينيها تترقب في الإجابة - ماعندو وين مشا ..قالتلها وهي تقحرلها بلوم ...من وقتلي شد الخدمة وهو غاطس فيها ..حتى الدار مايروحلها كان من الليل لليل ميت بالتعب ..يمشي يرقد طول ...لا عاد يحكي معانا ولا عاد نقعدو كيما قبل ..الزح يمكن وقتلي كان مسافر نشوفو خير من تو على سكايب .. - سامحني مريم ..اما ماتحطنيش أنا السبب في الحكاية ...انا ماعملت شي ..مانجمش نبدل حياتي زادة على خاطر هو رجع ويحب كل شي يبدا على كيفو .. - لا نلومك لا تلومنى قالتلها وتنهدت ...انت ربي يهنيك ..وهو زادة على قريب بش يخطب ...على الأقل كيف يعرس تو المرا تحصرو في الدار بالسيف .. وتبسمت ... قعدت تغزرلها مصدومة من كلامها ...كلمة مصدومة ماتعنيش اللي حستو وقتها ...كاينو شكون صب عليها سطل ماء بااارد في نهار ثلج ...جمدت ...بدنها الكل برد ...حست بقلبها غطس ومعدتها كاينو شكون شاد مطرقة ويضرب فيها عليها ....لبها العرق ..مكنتها الرعشة ..كل الاحاسيس المخيفة جاتها في الوقت اللي سمعت فيه اللي قيس بش يخطب ..بش يعرس !!الماضي الكل جاء بين عينيها ..بضحتو وبدموعو ..بفرحتو وبحزنو ...يعني هي وياه صفحة وتطوات ؟ صفحة من كتاب قديم تسكر وتحط على الرف ...ممكن كان لازم هذا يصير !! الأكيد انو هذا اللي لازم يصير !! قيس صفحة من الماضي ولازم تنساها .. -م..مبروك عليه ..صوتها تحس في خارج من قاع بير ...حست بغصة في حلقها ..نزلت على ايدها بالقوي بش تنحي التوتر اللي هي فيه ...و..وقتاش بش يخطب ؟ -بابا قالو دوبة مانكملو بني الطاق الثاني بش يمسي يخطبلو بنت عمي من البلاد ..تخدم أستاذة ..والعرس بعد الخطبة قد قد - وهو ..هو وافق ؟ نق..نقصد ...ماكانتش تنجم تكمل مكنتها الغصة وحس الدموع بش تهبط ..حتى من الدوخة لعبت عليها ...علاش علياء علاش ؟ انت اللي اخترت ..والقرار كان قرارك انك تبعد عليه !! موش المفروض انك تحس عليه ..هو حر ..هو قرر يعيش حياتو كيما انت بش تعيش حياتك ...دورت وجهها وحاولت تخرج الكلمتين بالسيف ...ربي يهنيه ويسعدو ... - عيشك ويهنيك انت زادة ..جاوبتها مريم ودارت .. أي خليني نمشي ماعادش بكري عليّا .. ما جاوبتهاش ...قعدت مسمرة في بقعتها ..لا نجمت تقدم لا توخر ..ركايبها تحس فيهم يرجفو ..كيما قلبها ..كيما يديها ...كيما بدنها الكل ...كيف العادة مريم ترميلها القنبلة وتمشي وتخليها في حالة صدمة ...عدم استيعاب ...وقع كلامها تو كيما وقع كلامها وقتلي قالتلها قيس بش يسافر ...نفس الإحساس انتابها ..نفس الشعور بالمرارة ...نفس الحزن ..وكل شي عاود من اول وجديد في قلبها اللي ولا يدق بشراسة ... هبطت دمعات سخونة في خدودها بدات تمسح فيهم ...جماعة الحومة الي يتعدى يقعد يغزرلها وهي واقفة جامدة ودموعها هابطة ..مافيقها كان صوت التليفون غزرتلو تلقى حسام طالبها ...حاولت تلطف من صوتها على قد ماتقدر وهي تكلم فيه - وي عزيزي هاني جاية ..هاني في الثنية .. - باهي روحي ازرب بركة عندي برشة خدمة اليوم ....تسمع في صوتو كاينو جاي من بعيد ...حاولت تتمالك نفسها ورجعت تمشي بخطوات ثقيلة في اتجاه الراجل اللي اختارتو ...الراجل اللي اختارت تكمل معاه حياتها .... الحلقة الواحدة والعشرون {ﺳﺎﻣﺤﻴﻪ ،... ﻳﻜﻔﻲ ﺍﻥ ﺍﻣﺮﺃﺓ ﻣﺜﻠﻚ ﺗﻈﻞ ﻋﺎﻟﻘﺔ ﻓﻲ ﺭﺍﺳﻪ ﻛﺎﻟﺬﻧﺐ ﺍﻟﺬﻱ ﻻ ﻳﻐﺘﻔﺮ.... ﻳﻜﻔﻲ ﺍﻧﻪ ﻳﺒﺤﺚ ﺑﻴﻦ ﺍﻟﻨﺴﺎﺀ ﻋﻦ ﻭﺟﻬﻚ ﻭﻻ ﻳﺠﺪﻩ.... ﻓﻴﺠﻦ..} قعدت تمشي وتجي في بيتها كيف المهبولة ...مخها تحس فيه تشوشط ..بدنها تحرق ..شعل ..تجوجمت ...من وقتلي سمعت اللي قيس بش يخطب وهي ولات في سينة أخرى ..يعني هو نساها ؟ ..يعني اللي عملو الكل من وقتلي جاء كان إحساس بالذنب من ناحيتها ؟؟يعني ماصدق لربي الي هي رفضتو واختارت حسام عليه دور ضهرو وكمل عاش حياتو كاينو حتى شي ماصار ؟ ..يعني تخلى عليها مرّة أخرى ..ياربي راني بش نهبل !!أش يهمني فيه أنا يخطب والا يقعد ؟ ماني حتى أنا مخطوبة ونحب خطيبي ...قعدت على فرشها كايني قاعدة على جمرة ..بدات تفرك في يديها على بعضهم بتوتر ..حتى بقعة ..حتى بقعة ماهي سايعتها ...تحس في فوارة خارجة من راسها ...مشات حلت الشباك وطلت منو ..الدنيا كانت مسكتة و ظلام كان ضو القمرة مضوي على الحومة ..خذات نفس قوي بارد تبرد بيه الناراللي شاعلة فيها ..ماعادش قادرة تتحمل ..ماعادش منجمة الوجيعة ...معدتها نهار كامل مقلوبة ..حتى الماكلة مانجمتش تاكل ..كانت مظطرة انها توري الوجه الضاحك قدام خطيبها وقدام العباد وهي القلب مايعلم بيه كان ربي ...تلفتت تشوف في ضو كرهبتو قعدت اتبع فيها حتى لين وقفها قدام دارهم ..قلبها ولا يرجف ..صدرها لكل ولا يخظ من دقاتو ..توحشتو !!...توحشتو ياعلياء ؟ غمضت عينيها وسكرت الشباك ..اتكات عليه وتنهدت تنهيدة قوية ..غزرت لباب بيتها ..من غير ماتشعر مشات تجري وحلتو وخرجت ... هبط من الكرهبة ...هز المفاتح ومشا لباب الدار بش يحلو ...هز راسو يتفقد في الطاق الثاني ...اصلا هو مش قاعد لاهي بيها المرمة والا مهتم ..بوه هو اللي يبنى ويقد ووين يشاورو في حاجة يقلو اعمل اللي يضهرلك ... تنهد وهبط راسو ..حط المفتاح في الباب ويسمع فيصوتها -قيس ...قعد واقف جامد ..اكيد موش صوتها ..اكيد هو يحلم !! هه تي هيا نساتو من أصلو ولا عاد تخمم فيه ..هي اختارت حياتها وانت مازلت تحلم ؟ -قيس ؟ هز راسو المرة هذي تأكد من صوتها ...دور وجهو بالزربة يشوف في خيالها واقف في الظلام ..خيال علياء كيما كانت تستنى فيه قبل وقتلي يروح نهار السبت شارب ...لكن اليوم ماهوش سبت وهو ماهوش سكران !!هو يتخيل في وهم في مخو ..بدا يقدم بالشوية في اتجاه الظلام ..كل مايقدم خيالها يزيد يقرب ويولي واقع ...علياء كانت واقفة قدامو ...بشحمها ولحمها ..ببدنها اللي كان يتخيل فيه كل ليلة بين يديه ...كانت واقفة تغزرلو ..ضامة يديها على بعضهم ..كيما كانت تاقف قدامو قبل .. -ع..علياء ؟ صوتو مستغرب وهو يغزرلها باهت ...مازال مخو مش مستوعب اللي هي مقابلتو ...توحشها ..قداش توحشها !!لكن مانجمش يعمل حتى شي غير انو يسإلها -لاباس ؟ هه الزوز كانو مربوثين ..لا هي عرفت علاش جات ولا هو عرف شنوة بش يسالها ؟ الظلام مااكانش مبينلها تقاسيم وجهها ..نور القمرة كان ساطع فوقها عطاها هالة من الخيال ..حس كايني نجمة من نجوم السما هبطت تغازل فيه ..قعد واقف يغزرلها ..عينيه التاعبة كانت ملهوفة ..متشوقة لجوابها ...طبسة راسها ...وتكلمت بربثة - سمع...سمعت بيك بش تخطب ..سمعت ...مريم ...عرضتني مريم ..قتلي بش .... بش تخطب ... ح..حبيت نقلك ... نقلك انشالله مبروك كانت تخرج في الصوت بالسيف ..كانت مرتبكة صوتها ولا يوكوك ...قعد يغزرلها مشوار باهت ...استوى في وقفتو وكتف يديه ..هزت راسها وغزرتلو ...كان لابس كسوة غامقة موش واضح لونها في الظلام ..لكن بدنو كان مفصل عليها ..كتافو زادو عراضو ..بدنها الكلو فوّر وهي تغزرلو ...حست روحها رجعت سنين لتالي وقتلي تبدا تحلم بلمست ايديه على بدنها ..عضت على شفتها بالشوية ووجها سخن ...سكوتو وغزرتو المبهمة فيها زادو وتروها ..كان يطلع في النفس ويهبط وعينيه حتى في الظلام تحس في نظرتهم الحادة عليها ..هزت ايدها ورمات شعرها وراء وذنيها ...ماكانتش عارفة كيفاش بش تخرج من الموقف اللي حطت روحها فيه - اش تحبني نقلك علياء ؟ قالها بهدوء وعوج راسو على جنب ...ههه يبارك فيك ...هز ايدو وحك لحيتو ..كان يتصرف معاها ببرود ..برود قتلها وحمسها ...تستاهل هي حطت روحها في الموقف هذا تستاهل !!رجعتلها الغصة في حلقها وحست بخنقة في صدرها ..دورت وجهها ورجعت بالتوالي ..كانت تحب تهرب .ماعادش منجمة تاقف اكثر من هكة - تصبح على خير ...صوتها خرج مخنوق مانجمتش تتحكم فيه ...سرعت في خطواتها وجات راجعة وتحس في ايدو شدتها من كتفها بقوة ودورها ليه ...عينيها جات في عينيه ...وبدنها لصق في بدنو ...شدها من كتافها الزوز وقربها ليه لين تحرقت المسافات بيناتهم وتحرقت انفاسهم فوق بعضها ...ريقها نشف وهي تشوف في لمعة عينيه ...وبدنها لكل لهب من لمستو ... - هذاكة اش حبيت تقلي علياء ؟ سالها بصوت واطي عاللخر وعينيه بش تاكلها وهي تدور على قسمات وجهها الكل وكاينو يحب يحفر فيهم كل تفصيلة وكل عضلة منو...خارجة في عقابات الليالي بش تقلي مبروك ؟ هه يهمك برشة خطبت والا عرست والا مت حتى ؟ صوتو كان فيه نبرة متاع يأس ومرارة ...قعدت تثبت في قسمات وجهو ..عينيه كانت تاعبة تفقدت منهم لمعة الشقاوة اللي كانت مميزتهم .. ووجهو غلب عليه طابع الهدوء ..حتى غمازتو ماعادش باينين من كثر ماهو عابس وجبينو مقطب ... - كنت ...ك..كن.. - كنت كنت كنت ...كنت شنية علياء ؟ قداش بش تقعد توكوك حتى تفسرلي ؟ صوتو علا شوية .. رخف ايديه من كتافها ..لقات روحها قاعدة تلهث ..هبطت راسها جاء على صدرو ... ريحة بدنو كانت بالجال دوش والبارفان اللي دوختها ونعوشتلها مخها المكهرب ...كيفاش ينجم يقعد بالريحة هذي وبالاغراء هذا نهار كامل حتى عقاب الليل ؟ عينيها كانت واسعة وهي تغزر لصدرو ...قداش اشتهات تحط راسها عليه وتعاود تحس بحنانو مرّة أخرى ..وكاينو حاس بالجوجمة اللي في راسها ..جبد روحو منها ....ووقف مقابلها يغزرلها ...كتف يديه بش يمنع روحو انو يعنقها بقوة وهي ضمت ايدها على جنابها - علاش جيت علياء ؟ سألها بصوت جامد ...جاية تحيرلي في مواجعي مرّة أخرى ؟ جاية بش تقلي راني موجودة ماتنسانيش ؟ مانسيتكش تهنى ...اما يلزمني نعيش وناقف على سقيا كيما عشت انت ! نفرح بابا وامي كيما انت فرحتهم ... حط ايدو على جبينو وقعد يغزرلها ...من جبينو هبطها على وجهو الكل ..على لحيتو .. حطها على فمو وبدا ينفخ فوقها ... ساكتة ماتكلمتش وكاينهي فقدت النطق في حضورو ...كانت تحب تقلو برشة كلام لقاتو تبلع قبل ماينطق بيه لسانها ..طبست راسها ...قعدو ساكتين كل واحد سارح بأفكارو ..لا هي حبت تتحلحز وتمشي ولا هو مشا وخلاها اطلع معايا للكرهبة نمشيو نحكيو شوية ..قالها بصوت هادي ومتوتر في نفس الوقت ... هنا أي واحد ينجم يرانا وغدوة تصبح منشورة في الحومة الكل ...كبس على المفاتح في ايدو ومشا للكرهبة وقف بحذاها ...قعد يستنى فيها ..وقفت تغزرلو مترددة ... ماتعرفش على ساقيها كيفاش هزتها وركبت بجنبو ... قعد يمشي يحرث في الكياس حرثان ..ايديه نازلة على الفولون بقوة ....تكات راسها على الكرسي وغمضت عينيها وتنفست براحة ..راحة فقدتها ليها برشة ...بمجرد قربو ليها ..بمجرد انو معاها ..بمجرد انها تشم ريحتو بجنبها ترجع فيها الروح وتحس بالأمان ...تحس إحساس طفل صغير ضاع وأخيرا لقا حضن امو ...لقا الملجأ متاعو .. دورت راسها تغزرلو ..وجهو كان جامد ..تفقدت فيه كل أنواع التعابير ...ثنية كاملة ماتكلموش ...وصل بحذا الكرنيش وقّف الكرهبة ...شعّل الضو الدخلاني وهز سيقارو شعلو وبدا ينفخ فيه ...نسمة باردة قشعرتلها بدنها تزوغبت ..تلفتلها قعد يغزر لقسمات وجهها في الضو ...شعرها كان هابط مغطيلها شطر وجهها ..ضامة يديها فوق بعضهم ..وجهها لابيض حموريت خدودو زادو في حلاوتو الشطر وفمها الكبير شفايفو كانت بلون الفراز شهاوه بش يطعم بنتهم ...افكارو سرحت لبعيد وهو يغزرلها بش ياكلها بعينيه ...لكن كان مانع روحو ...مانع روحو خاتر يعرف اللي قربها عذاب ...عذاب قاعد يخلص فيه ..وبش يقعد يخلص فيه حياتو كاملة ... اكيد زعلت على اللي كان انا ليّا فيه وعنّو تنازلت ...اول ماشفت وحده ايدها بين ايديه فجاة تصدمت... مع انها ممكن تكون روحو وحبيبتو... مع اني انا اللي طلبت نبعد لما سبتو.. معرفش ليه غرت عليه كإانو خاني... ودموعي نزلت ومن عينيا غصب عني .. حسيت بڨد اني تأتلت.. بصيت لتحت وإدّاريت وخفت لا يشوفني تڨرحت... ومشيت اوام من المكان يا قلبي ليه خليتني رحت ... بعد الفراق ماڨاش في بالي اني اقابلو...فكرني تاني بللّي بينا وتنحسبلو.. انا كنت عايشة براحتي في اليوم اللي قبلو....... ايه اللي جرالي حنيت لما شفتو ....ياالبي انسى لو سمحت ..( هذي غناية لجنات للي يحب يسمعها ) نغمات لغناية في الراديو كسرت الصمت اللي بيناتهم ....اما اهم من هذا كسرت الحاجز اللي كانت عاملتو بينها وبين قلبها .. كشفت الدخلاني اللي كان مخبي في صدرها ...عينيها دمعت ...كانت هابطة على خدودها كيف الشتاء ومانجمتش تمنعهم ....مانجمتش تقيدهم ...تحبسهم في القفص الي حصرت روحها فيه ....حطت يديها على وجهها وولات تبكي بالشهقة ...بلوعة كبيرة ...تلفتلها بكلو وقعد يغزرلها ساكت ....فهم اللي في داخلها الكل من غير ماتتكلم ...رما السيقارو من الشباك وقربلها .....حط ايديه بكل رقة على يديها وبعدهم على وجهها ...هزلها راسها وغزر لعينيها المليانة بالدموع ...غزرتو كانت حنينة ...حنينة ذوبتها وكملت على مابيها ... تبسم تبسيمة فيها برشة وجيعة ..وحط صوابعو على خدودها يمسحلها في الدموع اللي باقي تشرشر وماحبتش تكف ... -غرت علياء ؟ سالها بكل رقة ...لكن كان عارف الاجابة من غير ماتقول ....غرت كيف سمعت اللي انا بش نخطب ؟ ...ضم شفايفو على بعضهم كاينو يحبس في التنهيدة القوية اللي في داخلهم ...هبطت عينيها تخبي في غزرة الوجيعة ..عاود شدلها وجهها بين ايديه الزوز وطلعولها ... -هز راسك علياء واغزرلي ...نحب نشوف عينيك كيف نبدا نحكي معاك !!!هزت عينيها وعلقت في نظرتو - ماتبكيش علياء ...ماعدش نحب نشوف دموعك ...ماتخافش ماعادش بش نجرحك والا نخليك تتوجع مرة اخرى ...قيس اللي باس شفايفك مستحيل يبوس وحدة اخرى ....مستحيل نخلي مرا اخرى تدخل في حياتي بعدك ... مستحيل بدني يلامس مرا اخرى خلافك انت ...ماتبكيش ...عمري لا بش نخونك ....ولا نخون الحب اللي حبيتهولك .. قعدت تغزرلو ...تغزرلشفايفو وهو يكلم فيها ... وجهو الكل كان الكل كان متبسم ... -مر ...مريم ...قالت ...اللي انت بش ...بش تخطب .بنت عمك ..قالت ...كانت تكلم فيه بصوت متقطع من البكاء -مريم تقول اللي تحب ....وانا نعمل االي نحب !! -و..وبوك كان شد صحيح اش بش تعمل معاه ؟ ...كانت تستجوب فيه ...ضحك على جنب ....نفس الضحكة اللي تعشقها ...الضحكة اللي تبين الغمازات في خدودو ... -حد ماينجم يغصبني على حاجة انا مانحبهاش علياء ...نحا ايديه من وجهها ...خلاها معلقة فيه ...تغزرلو تملي في نظراتها منو ..تكى راسو على الكرسي وعاود هز سيقارو شعلو ....خذا نفس قوي وغمض عينيه وهو يحكي مانيش بش نذوقك من الكاس اللي ذقت منو انا ... مانيش بش نخليك تشوفني مع مرا اخرى ...ولا نحط ايدي في ايد وحدة اخرى ...ماتخافش علياء... مانيش بش نتعبك والا نخليك تعيش العذاب من جرتي مرة اخرى ...عقاب واخترتو لروحي وحدي ومتلذذ بيه وفرحان هههه ..( تلفتلها وغزرلها بكل حنية وبكل ثقة في النفس )....نعرف اللي انت تحبني ...نعرف اللي انت اخترتو هو على خاترو تظلم في حكايتنا ...الوقت اللي بعدت فيه خلاني نخمم ونفكر ونستوعب ....وخلاني نفهم اللي فما حاجات مانجموش نتجاوزوها في حياتنا باسم الحب ونكونو انانيين ...مانجموش نتجاوزو ناس وقفو معانا وحبونا من دون مقابل وهذا اللي عملو معاك هو ...يستحق انو ياخذ فرصتو معاك ....يحبك ...يعطيك الحب اللي تستحقو ...اللي تستاهلو ... قعدت تسمع فية ساكتة ...مسهمة ...شاردة في صوت الموجة ... نبرة الوجيعة في صوتو كانت كيف السكاكن داخلة في قلبها ...كانت تحس في روحها مقيدة ...عاجزة انها تنطلق ...تتنفس ...تجري ... ماعادش مستحملة كلامو حلت الباب وخرجت من الكرهبة ...وقفت قدام الصور ...وقفت تغزر للبحر كيفاش هايج كيف مشاعرها هي ...هزت ايديها وحطتهم فوق راسها وكبست عليه من قوة الوجيعة ...حست بخطواتو وراها ...خذات نفس قوي ...شهيق زفير ...من قوة الخنقة اللي في داخلها ماعادش حاسة بالنفس كيفاش طالع ...تحس في يديه فوق اكتافها سخان مع البرد اللي ماكنها في بدنها ...حطلها الفاست متاعو عليهم وكبس بيديه يستوي فيها -الدنيا باردة ..علاش خرجت من الكرهبة ؟ قالها بصوت رقيق وهو يلم في الفاست على جنابها ....ماعادش طايقة تسمع صوتو والا نبرة الحنان اللي فيه ...!! ولات ترعش بكلها ...بدنها يغلي ...يغلي كيف طنجرة معبيه بالماء السخون ...هزت راسها وغزرتلو على جنب ...صوتها كان متألم وهي تحكي معاه - امان قيس ماتكونش هكة !!امان ارجع قيس الاناني المتكبر ...ارجع قيس اللي يحب كان روحو ومصلحتو اعطيني سبب خلي نكرهك بيه ...اعطيني سبب يخليني نجم نعيش حياتي بلاش بيك !! ماتكونش حنين قيس ..ماتكونش حنين ..اعطيني سبب بش ننساك ...سبب بش نواصل ونكمل ..سبب يخليني نقول يستاهل اللي صار فيه الكل ....كانت تترجى فيه بعينيها المدمعة ...تتوسل ...تسطعطف ...النار تحس فيها تاكل فيها من داخل ... اتكى على الصور وطبس راسو ...نفس الوقفة اللي وقفها اشهرة لتالي في البقعة هذي ...وقتها كانت هي علياء اللي تفدي في ثارها وكان هو قيس الي واثق اللي الدنيا تتحرك على خاطرو ...تنهد وحط ايدو على لحيتو ...وتبسم بمرارة ماعادش ننجم نرجع بالتوالي وماعادش ننجم نكون كيما كنت ...ههه انا تصلحت ..حبك صلحني ...فيقني على روحي ...اعطاني كف خلاني نعرف قيمة الحاجة كيف تضيعها من ايديك ...انا غلطت صحيح !! غلطت كيف ماعطيتش فرصة لحبك ليا ...استهونت بيه ... ماعطيتوش اهمية ...ماحاولتش نفهمك....كنت حتى انا صغير وطايش ...ماكانش عندي هدف في الحياة غير اني نشيخ ونعمل جو ...نسافر ..نصوحب هه..حبك البرئ كان بالنسبة ليا خنقة ...وقتلي انت عايشة بيا و ليا انا كنت لاهي نغرم في زماني ...لتو مانيش عارف الغلطة منين بدات !!...صدقني ....كنت نحارب فيك ونحارب في مشاعري ناحيتك ..كنت خايف منك ....كنت ...كنت هارب ...هارب من قلبي اللي بدا يدق ليك ليه توا سنين ...خايف من عمرك الصغير ومخك االي كان ينجم يتبدل ويرفضني وقتلي تكبر ...(كانت تسمع فيه وساكتة ...تحاول تفهمو وتعرف مبرراتو ...وهو كمل يحكي .)..في الليلة الاخرة وقتلي تقابلنا ...وقتها مشاعري الكل تفضحت وخرجت وانت كشفتها ...واضطريت اني نجركحك ...وجرجت روحي قبلك ..اللليلة هذيكة كيما كانت محفورة في قلبك كانت محفورة في قلبي ....خليتلك الوقت بش تنضج ...خليتلك الوقت بش تفهم مشاعرك وانت بعيدة عليا ...وقتلي ...قريت كراستك قلت مستحيل انك تنساني ....الحب اللي كان مكتوب فيها ...ههه خلاوني نحس االي انا وليت اسطورة ...وليت بطل قصة ....قصة سطرتها انت بيديك البريئة ...كنت نسأل عليك في دارنا وين نكلمهم لكن هوما مايقولولي شي ديما لاباس هايكة تقرا ....ماكنتش نعرف االي صار فيك بعدي ....كنت نسخايل االي كيف نرجع بش نلقى الطريق مسهل والامور ماشية كيما نحب انا ...لكن لقيت العكس وتصدمت من اللي لقيتو ...وماصدقتش ...وهذاكة االي خلاني ندخل في حرب مع خطيبك ..كنت نحس فيك ديما ملكى ...حاجتي ...متاعي ...مستحيل حد اخر يحط ايدو عليك والا يمسك !! كنت مغرور وانت اللي خليتني مغرور ...(دور وجهو بش مايغزرش لوجها ويضعف)خليتنى مغرور بكتيبتك عليا وانبهارك بيا ...خليتني مغرور وقتلي نشوف ادق تفاصيل حياتي كنت متابعتها حتى من لبستي تكتب عليها ....لحيتي ....عينيا ...ههه كيفاش راجل يلقا الحب هذا الكل ومايكونش مغرور؟....كيفاش مايحاربش على خاطرو؟ ...كنت طالب فرصة ...فرصة وحدة نثبتلك فيها حبي ...وخسرتها ...ولتو مش عارف اذا كانت الغلطة مني والا منك والا من المكتوب اللي جاء ضدنا وفي عوض يلمنا فرقنا .... ( طبس راسو وعينيه دمعت ..كانت تسمع فيه مقهورة ..اتكات على السور ..ساقيها ماعادش حاسة بيهم ودموعها ماحبوش يكفو ) سامحنى علياء ...سامحني اذا اعتبرت محافضتي عليك وقتلي انت ضعفت اهانة ...سامحني كيف سمعتك الكلام وجرحتك ..كنت نسخايل روحي قاعد نقوي فيك ونحافض عليك ...انا جرحت روحي قبل مانجرحك...حطمت روحي قبل مانحطمك ...ماكنتش عارف االي طريق المطار بش يخسرني فيك للابد ...سامحني على كل وجيعة وجعتهالك وانت فرحانة بيا ...من اليوم قيس تبدل ...قيس ولا خوك وبوك والصاحب اللي تشكيلو همك ...من اليوم بش تلقاني الظهر والسند االي تتكى عليه ... وين تستحق حاجة انا موجود ...حتى ...حتى كان تتعارك انت وراجلك اشكيلي وانا ناخذلك حقك منو ... انا ديما موجود على ذمتك ...في كل وقت ...تخليت عليك كحبيب لكن عمري ما بش نتخلى عليك كخو كلامو دمرها وقضى على طرف العصب اللي قعدت شادة روحها بيه ..هبطت في القاعة ..تكات روحها على الحيط وضمت ساقيها على بعضهم ..حطت راسها عليهم وبدات تبكي ...دموعها ماحبوش ينشفو ولا قلبها حب يهدى من وجيعتو ..تحس كان في ايديه جبدوها ليه ..حست بالدفاء ..قعد بحذاها في القاعة ولزها ليه حاوطها بيديه الزوز ونزل عليها على قوة جهدو ..تكالها راسها على صدرو وبدا يطبطب على كتافها -يزي علياء ...يزي ماعادش تبكي ..براس قيس لاعاد تبكي ..انسى ..انسى وأرمي وراك ...(صوتو كان حزين ..مخنوق ..موش عارف يواسيها والا يواسي روحو ) ...يزي ماعاديت صغرك الكل تبكي من جرتي ..سامحني ياروحي ..سامحني على كل دمعة كنت أنا السبب فيها ...اتكى على الحيط ومد ساقيه ...حطلها راسها فوق صدرو وقعد يمسحلها على شعرها وعلى وذنيها بصوابعو بكل رقة ..صوابع يديه كانو كيف البلسم اللي يداوي الاجراح ...بدات تهدى شوية ...كان صوت الريح يزفر في وذنيها وهي حاطة راسها على صدرو ..هنا تكمن راحتها وهنا ملجأها وهنا مسكنها ..مهما تكابر ومهما ترفض ومهما تهرب من مشاعرها ماتنجمش تنساه ..ماتنجمش تنزعو من قلبها خاتر ساكن فيه وحتى حد ماينجم ينزعو والا يقلعو من بقعتو اللي محتلها فيها ...خذات نفس قوي وهزت راسها تغزرلو ..كان مغمض عينيه ومتكي راسو على الصور ..قعدت تثبت في ملامح وجهو اللي تعشقها وتموت فيها ..هزت ايدها بالشوية وعداتها على لحيتو ..حستو جمد ..ويديه اللي كانت اتطبطب عليها ركحت ...صدرو كان يتهز ويتحط فوق ايدها ...زادت لزت روحها ليه ..وزادت طلعت راسها اكثر ..قدمت شفتها وباستو فوق دقنونتو ..بوستها كانت ملهوفة ..باستلو غمازتو على جنب شفتو ..حل عينيه وغزرلها ...جات في عينيها ..هز راسو واستوى في قعدتو ... -علياء خلينا نروحو ..صوتو كان ضعيف ..خلين....ماخلاتوش يكمل شدتلو راسو بين ايديها وباستو ...عينيه وساعت من المفاجأة ...كانت حاسة بفوارة في بدنها ..فوارة وحريقة ماينجم يطفيهالها كان هو ...غمضت عينيها وقعدت تسطتعم في بوستو ..ريحة بدنو دخلت في خناخشها ..تخلطت مع ريحة بدنها ...زادت طلعت روحها الفوق أكثر بش تزيد تقربلو ..وهو كان مسلم امرو لكل ليها ...حط ايديه على جنابها وخلاها تتصرف فيه كيما تحب ...رحيق لسانو تخلط مع رحيق لسانها عطاها طعم الشهد ... لخص كل الحب والاشتياق متاع سنين ..لهفتها عليه خلاتها كيف المهبولة ..شفايفها تعداو على وجهو الكل ..من خشمو ..لعينيه ..لخدودو ..نسات الدنيا ونسات روحها وهي بين ايديه ..كان العالم هو يديه ..محصور في تدويرتهم على بدنها...شدتلو راسو وغرستهولو في صدرها ...قعدت بين ساقيه ..وعنقتو وكبشت فيه ...صوتها كان ضعيف وهي تتأوه - نحبك يا قيس ..نحبك ..نحبك ..مستحيل أي حد ياخذلك بلاصتك في قلبي ... بدنو لكل لهب ...ماعادش ينجم يشد روحو عليها ..كان يقاوم ..يقاوم في مشاعرو وفي رغبتو ..ريحة بدنها وصدرها سكروه ...نارو شعلت ..كل قطعة في بدنو كانت محتاجتلها .. - يزي علياء يزي ..قالها بصوت محشرج بكلو رغبة ..يزي مانحبش نضعف ..مانحبش ..ضعفت مرّة وتكلفتلي غالية ...حاول يقوم ماخلاتوش ...كبشت فيه كيف القرنيطة ماخلاتلوش فرصة للهروب ...عاودت هبطت عليه تبوس فيه ..المرة هذي جبدها هو ليه بقوة ..دزها اللوطة وحطها تحتو ...حط شفايفو على شفايفها بكل غل ..بكل وحش ..قطعهوملها بالبوس ... يبوس ويرتاح ..ماخلالهاش الفرصة بش تأخذ نفس صدوراتهم المهزوزة كانت تعبر على شعورهم القوي ...هبط لرقبتها كلاهالها ..كانت تتأوه وتصيح من الرغبة ...صياحها على قلبو كيف العسل ..زادو رغبة وزادو قوّة ..شهوتهم وصلت لذروتها ..لكن في لحظة هز راسو ...وفي لحظة تفكر الوضع اللي هوما فيه ...خذا حاجة ماكانش من حقو ياخذها ..حاجة ماعادش ملكو ...ولات ملك غيرو ...علياء ماعادش ملكو وحتى كان ضعفت على خاتر تحبو مايلزموش يطاوعها .....لهاثو كان قوي لدرجة قطعان النفس ..قام وقف على ساقيه وهي تغزرلو داهشة ..عينيها تلمع بكلها رغبة وحب وضعف ...شدها من ايدها ووقفها ...نفض حوايجو ..حاول يتمالك روحو قدام عينيها اللي المليانة استغراب ..خذا نفس قوي ..طبس هز المفاتح بايديه اللي ترعش ..حس بدنو الكل برد بعد ماكان لاصق في دفا بدنها الطري قيس ؟ ...قيس علاش تعمل فيا هكة ؟ شدتو من ايدو وكبشت فيه ...تغزرلو بهاك العينين الامعة الي يذوبوه - خاترني قاعد ناخذ في حاجة ماهيش ملكي علياء ...قالها بصوت ضعيف مجروح ...انت ماعادش ملكي علياء ..ماعادش ..يلزمنى نستوعب هذا ونفهمو ..مانحبش أخر لقاء لينا يكون معاه إحساس بالذنب يقعد مرافقنا لآخر حياتنا ...نحبك ليلة عرسك تهز راس بوك وأمك ...مانحبش أول ليلة مع راجلك تعيشو في خدعة ... نحب راسك ديما مرفوع قدامو وماتطيحوش خاتر لحظة ضعف عديتها في حياتك ...قربلها شدها من خدودها بكل حنان ...وهي تغزرلو مبهورة ...عمري مانضرك يا علياء ..مهما يكون ضعفي قدامك عمري مانضرك ... شدها من ايدها وهي مسمرة ..داهشة ...بدنها لكلو ترخف من وقع كلماتو ...مالقاتش حتى كلمة بش تعبر بيها عاللي حستو وقتها ...على كمية الرجولية اللي كانت في قيس ...على قوة حبو ليها اللي ماكانتش حاسة بيها وعماها الحقد عليها ...طول عمرو كان محافظ عليها ...حاجة ماكانتش فاهمتها ..لكن تو استوعبت وعرفت شنوة المعدن متاعو ...تو عرفت شكونو قيس ؟ وتعدى بيها شريط الماضي بين عينيها ..وتفكرت قداش كانت ترمي في روحها عليه ...حتى وهو سكران ميت عمرو ماضعف ...عمرو ماستغل حبها ليه وقلبو لمصلحتو بالرغم الي سمعتو كانت سابقتو ...تو فهمت كل شي ...فهمت لكن مخر ..فهمت وقتلي حسام دخل حياتها ..حسام اللي كان يداويلها في جرح هو أصلا ماكانش موجود ...خاتر كانت صغيرة ..صغيرة برشة بش تنجم تفهم اللي قيس عمل هكاكة بش يحميها ... وقف الكرهبة قدام الدار ...ساقيها كانت رزينة ....ثنية كاملة وهي مكبشة وحاطة راسها على صدرو ..وهو احلى على قلبو من العسل ..يد شاددها بيها ويد تسوق ..كانت مغطسة راسها فيه تشم في ريحتو اللي بش تتوحشها ..ماحبتش تبكي ..منعت روحها على البكاء بالسيف ..ماتحبش اخر حاجة يشوفها هي دموعها ...كانت تدعي بش تطوال الثنية وتقعد معاه اكثر وقت ممكن .وهو كان يمشي بالشوية بش يزيد يطول المسافة ..الزوز كانو غارقين في احاسيس بعضهم ..لكن كل بداية ليها نهاية ...ونهاية الطريق وصلت ...جبد يدو بالشوية من كتافها ..غزرلها بكل حنان اللي في قلبو تجاهها ..شدلها راسها من تالي وقربو ليه باسلها جبينها ..بوسة تعبر على قوة الحب اللي يكنهولها ..غمضت عينيها وخذات- بش نتوحشك يا فرخة ..بش نتوحشك قد صبري في هاالدنيا الكلبة ..اففففف نفخ بالشوية وعدا ايدو على شعرو بتوتر ..عض على شفتو واتكى على الكرسي - اهبط علياء ..اهبط .. - و..انت ماكش هابط ؟ سالتو مرتبكة ...ضحك بمرارة وحل عين وغمض عين - ماعادش حتى بقعة بش تهزني تو ..خليني نمشي نسرح في ارض ربي فماش مانبرد شوية . - خليني نمشي معاك ..قاتلو باستعطاف .. - لا ..النهار قريب يطلع ...برا شد فرشك وارتاح قبل مايفيق بوك ويمشي يصلي الفجر ... حلت الباب ..حتى ساقيها ماحبوش يطاوعوها ...حاسة روحها رزينة ..قلبها بش يتخلع من بقعتو ...اخيب إحساس ...اخيب إحساس عايشتو في حياتها في اللحظة هذي ...لحظة اللي بش تخليه وتمشي ..هي جات هابطة وهو قالها استنى ...تلفتت ملهوفة تغزرلو ...طبس راسو وحل القجر ..جبد كراسة زرقة ..اللون اللي تحبو ..هز راسو وغزرلها وتبسم .. - الكراسة هذي كنت نكتب فيها في خواطر ليك انت في الثلاثة سنين الي تعداو الكل ...غرمتني بالكتابة اميرتي ...كل حاجة حلوة كانت تذكرني بيك نكتبها هنا ...مدهولها في يديها وهي حلت فمها باهتة تغزرلو ....خليه عندك ..ماعادش من حقي تو ..هو ولا ملكك ..اعمل فيه اللي تحب ..احرقو ..لوحو ...خبيه .ههه انت حرة .. هزت الكتاب وضمتو بقوة على صدرها كاينها تضم فيه هو ...عينيها دمعت وغزرتلو في عينيه الحنينة - بش نستحفض عليه ...بش نستحفض عليه ونحطو في قلبي كيما مولاه ...بش نخليه احلى واعز ذكرى في حياتى ... - اهبط علياء ...قالها بصوت موجوع ..اهبط خليني نمشي ...هز راسو يغزر للسقف ..وهذي كانت اخر نظرة بيناتهم ....هبطت من الكرهبة تبكي معنقة الكراسة متشبثة فيها كايني هازة روحها بين يديها ...وقفت قدام باب دارهم وعاودت تلتفتتلو ..كان يغزرلها من بعيد ...شافتو يمسح في دمعة هبطت من عينو ..خدم الكرهبة وخرج عجاجة ... الحلقة الثانية والعشرون {وبكيت في غيابك كما لم افعل من قبل... بكيت من كل الحواس بكيت ...كأني لا أبكي بل أذوب دفعة واحدة وأمطر..} " ياحلى لحظة في حياتي ..خوذ الحاضر خوذ الاتي... انت في عيوني سهرانة ..وانت في نبضي سلطانة ...وانا عاشق يا مولاتي..." تعرف علياء ...ترددت برشة بش نكتب ونخرج اللي في قلبي الكل ...ههههه حسيت روحي مراهق وانا هاز الستيلو ..مشيت شريت كراسة من المكتبة وحطيتها قدامي ..نخمم اشنوة بش نكتب ..كراستك خلاتني نعيش دور الأمير في القصص متاعك ...خلاتني نحلم ..خلاتني نمن بالحب الأبدي ..خلاتني عاشق ..هربت منك لكن لقيت روحي غارق فيك وليك وعايش بيك ..هربت من مشاعري لكن لقيت روحي من أول لحظة جيت فيها الهوني انخمم كان فيك ...ماذبية ناخذ أول طيارة ونرجعلك ...ماذبية نسكر المسافات اللي بيناتنا ونرجع نحطك بين أحضاني ...سلطانتي ..روح قيس ..قطوستي الصغرونة ..توحشتك ..قررت بش نقعد هنا ونخدم ونكوّن ونرجعلك ايديا مليانة موش فارغة ..قررت نخليلك الوقت بش تفهم مشاعرك وتنضج أكثر ....وقررت كل يوم نكتبلك رسالة ..كل يوم نحطها هوني بش تقعد احلى حكاية بيناتنا ..وكيف يكتب المكتوب ..وانشالله يكتب ...نحب نخليوها لاولادنا ولاولاد ولادنا ..نحبهم يقراوها ويتعلمو منها ويعرفو قوة الحب اللي بيناتنا ...يعرفو قداش أمهم كانت مصرة وملحة ههه بش تخليني نحبها ..ووصلت للي تحب عليه ..خاتر قيس ولا يموت عليها ، يعشقها ..روحو وعقلو فيها ..خاتر قيس ولا ملكها هي برك ...خاتر علياء ولات النبض اللي يدق في قلب قيس ....نحبك يا سلطانتي ...يامولاتي ...يا معشوقتي وعاشقتي نحبك .... سكرت الكراسة وعينيها مدمعة ...تنهدت وضمتها لصدرها ...حفظتها وحفظت كل فقرة وكل سطر وكل كلمة وكل حرف فيها ... سرات في عروقها كيما يسري الدم في العروق ...ولات عايشة بيها ..في كل بقعة ترافقها ...وين تمشي وهي في ساكها ...شهر من اللي عاودو تفارقو ...شهر وهي عايشة في ازدواجية ..في النهار ترسم الضحكة بش ماتبينش للعباد الهموم الي في قلبها وخاصة حسام ..حسام اللي كان فرحان بعلاقتهم وباختيارها ليه ..وفي الليل تبات بدموعها على المخدة ...تعبت وقلبها تعب ودموعها نشفت ..قداش الدنيا ظالمة ؟ وقداش اختياراتنا ظالمة على حساب حياتنا وسعادتنا ؟ قيس حسم أمرو بش ماعادش يحارب على خاطرها بعد اختيارها لحسام ..فضّل كبرياؤو وكرامتو ورجولتو على حبهم ..وهي كانت اضعف ..اضعف من إنها تكسر قلب حسام ..حسام الي عانى في حياتو وتعب ...ماكانش ناقصو إنو يعيش بقلب مكسور وروح مجروحة ...هوما الزوز تنازلو على سعادتهم ..تنازلو على حبهم وفرحتهم ...تنازلو على أنانيتهم في مقابل انو واحد آخر يعيش فرحان ...ومن حقو إنو يعيش فرحان ..ومن حقو عليها إنها تعيشو الفرحة حتى على حساب مشاعرها ... كان يغزرلها من بعيد وهي تستنى فيه في القهوة ...واقف يتأمل فيها ..يتأمل في الحيرة والحزن اللي باينين في عينيها وهي شادة الكراسة ...الكراسة اللي مافارقتهاش ليها ايامات ..ووين تختلي بنفسها تحلها تقراها ...وكل ماتقراها مشاعرها الكل تبان عليها ..مشاعر حزن والم ..كانت تتصنع في الفرحة في حضورو ..كانت ترسم في البسمة ..لكن هو حاس بقلبها المهموم وروحها الحايرة ...كان فاهم كل شي من عينيها اللي يحاولو يتجنبو غزرتو ..من ايدها الباردة كيف يحط عليها يدو ...وهذا اللي خلاه يأخذ قرارو ...خمم برشة لاكن لقا اللي هذا أحسن حل ...بدا يقدم بالشوية لين وقف بحذاها ..هزت راسها ورسمت البسمة متاع العادة ...اللي تحاول تقوي روحها بيها ...قعد بحذاها وتبسم بتوتر - كملت الخدمة تو ؟ - امممم ...وانت مازال عندك كور ولا كملت ؟ سالها وهو يلعب بالمفاتح فوق الطاولة ..كان متوتر وهي حست بتوترو ...قعدت تغزرلو - هه حسام انت في بالك اللي أنا كملت !!أشبيك اليوم حاستك موش قد بعضك ؟ عينيها كانت تسإل فيه وهو طبس راسو بش ما يواجههاش ...قعد يلعب بالمفاتح وهي تلهي في روحها بشربان القهوة وساعة ساعة تغزرلو ..هز راسو وغزرلها ..نظرتو كانت عميقة ..قوية ..ثابتة ..قالها بصوت هادي - علياء أحنا لازم نحكيو !! - انشالله خير ...وهزت حواجبها مستغربة ...وقف وهو ايدو حك راسو - نحكيو بعيد ميسالش ؟ خرجت هي وياه ركبو ومشاو ...ثنية كاملة ساكت وهي تغزرلو على جنب ...الايامات الكل حاستو متبدل ..حتى دارهم ماعاش يحب يمشيلها ..وين تقلوا أمها طيبت الماكلة الي يحب عليها يقلها لاهي عندي مانعمل ...دخلت ايدها للساك وشدت الكراسة بيديها ..كايني تستمد منها في القوة بش تنجم تواجه وتكمل ... وقّف الكرهبة بحذا جبل قمرت ..قعد يغزر سارح بعينيه ...مربعة يديها وتستنى فيه بش يتكلم ...تنهد وقعد يلعب بالفولون بيديه علياء ...انا بش نسافر ...قالها بالشوية لدرجة إنها ماصدقتش اللي سمعتو ..هزت حواجبها وعينيها وساعت ..قعدت تغزرلو باهتة - وين ؟ أشبيك ماقتليش ؟ - هاني قتلك ... - عندكم كونقري ؟ قداش بش تقعد ؟ ضم شفايفو لبعضهم وهز راسو يتجنب في غزرتها - لا ..مش كونقري ...انا ماشي ...ماشي على طول ...مش مستوعبة كلمتو طولت في نظرتها ليه ...حتى الصوت ماحبش يخرج من حلقها ..نبضات قلبها قوات..كبست على يدها بالقوي وغزرت لقدام - ي...يعني بش نوليو نعيشو البرة ؟ قاتلو بصوت واطي - لا ... انا اللي بش نعيش البرة ..انت بش تقعد هنا !! - ما ..ما فهمتكش ؟ بش نعيشو كل واحد في شيرة ؟ سالتو مستغربة - بش نعيشو كل واحد في شيرة خاتر هذا اللي كان لازم يصير علياء ...وتلفتلها يغزرلها نظراتو كانت قوية ...لامعة ..متاع انسان ماخذ قرارو وجاي يعلم فيها ...انا اليوم جيت ومقرر بش ننهيو المسرحية اللي بديناها ...مسرحية متكونة من زوز ممثلين فاشلين ..انت اللي كل يوم تتظاهر بالفرحة لكن الحزن باين في عينيك وأنا اللي مانجمتش نخليك تنسى الماضي متاعك بكل مافيه ... - حسا... - خليني نحكي علياء ماتقصش عليا ...قالها بصوت متوتر ...خليني نحكي لاخر مرة ..ماصدقت لربي استجمعت شجاعتي الكل بش نحكي ...(كانت تغزرلو مصدومة تشوف في الوجيعة في غزرتو ..في صوتو ...خذا نفس وكمّل ) علياء انا حاولت بش نكونلك الراجل اللي تحلم بيه طول عمرك ..حاولت نفرحك ..ننسيك ...لكن موش ساهل ..ههه كنت نسخايل اللي القلب ينجم يساع برشة ..ينجم ينسى ويعاود ويحيا من أول وجديد ...لكن قلوبكم انت وقيس ماينساوش ...(تلفتلها وجهو الكل كان متوتر .متألم ...موجوع) ..علياء انا قريت من الكراسة اللي كاتبهالك قيس ..قريت كمية الحب والاحساس اللي يكتب بيه عليك ... - ك..كيفاش...كيفاش وصلتلك ؟ سالتو وحطت ايدها اللي ترعش على فمها ..عينيها دمعت وطبست راسها المرة لخرى وقتلي مشيت انت للتوالات انا جبدتها من الساك وقريت منها ..سامحنى كان تطفلت عليك لاكن كان لازم نعمل هكاكة ..الفضول قتلني ..لكن فضول جاء في محلو وفي وقتو ..خاتر بيها هي عرفت قداش هو يحبك ..عرفت قداش انت مهمة في حياتو ...ههه كنت نعرف اللي انت تحبو واللي انت ضعيفة اتجاهو ..لكن الفكرة اللي كانت عندي عليه انو اناني ..يحب التملك ..انسان همجي ...انسان ...انسان يحب يستعبدك على خاتر كنت بالنسبة ليه ملكية خاصة ...لكن ..بعد اللي قريتو ..فهمت ...وعرفت شكونو هو وعلاش عمل هكاكة وقتلي روّح ؟..فهمت اللي هو كان يائس وكان يحاول بأي طريقة بش يرجعك ليه ..يرجعك خاتر يحبك ..خاتر انت دنيتو ..خاتر ...خاتر الحب اللي في كتيبتو مستحيل علياء ..مستحيل يعطيهولك حد آخر غيرو ... - حسام سامحني ...صوتها كان بالدموع وهي تحكي ...سامحني كنت نتمنى نعطيك الحب اللي تستحقو ..كنت ..كنت نتمنى نعوضك وننسيك الوجيعة اللي عشتها في حياتك بفقدان أمك ..زدت ركبتلك وجيعة أخرى ...سامحني - ماعنديش علاش نسامحك علياء ...قالها بصوت واطي وتبسم بتوتر ...قلوبنا ما نجموش نتحكمو فيها ...مانجموش نقولولها حب هذاكة وماتحبش هذاكة ..مانجموش نوجهوها ..هي الي توجهنا ...ساعات ..ساعات تهزنا لثنية غالطة ..تهزنا لثنية ظلام ..تعذبنا ..وهذا اللي كنت نحب نحميك منو ..كنت نحب نحميك من قلبك اللي كنت نسخايلو هازك لثنية ظلام ..كنت عارف اللي انت تحبو لكن كنت مستعد نكمل معاك خاتر كنت نحب نحميك منو ..من أنانيتو ومن غرورو ..كنت مستعد ناخذ الريسك ومانخليكش تعيش تحت رحمتو وتحت كلاكلو ...ههه ...لقيت روحي انا اللي غارق في الانانية لشوشتي ...ماخليتوش يظهر حبو ليك ...ماخليتوش يأخذ فرصتو معاك ...جاني وواجهني ..حل معايا حرب وانا اللي كسبتها ...ماكنتش عارف اللي انا كسبت على حساب قلبو وقلبك ... كان ماجاتش الكراسة بين يديا وقريت منها رانا واصلنا في الغلط متاعنا ...رانا كملنا الطريق مع بعضنا وراني كسرتلك قلبك وقلبو .. - -قد ما بش نقلك سامحني حسام مانجمش نوفيلك حقك ...انت اللي وقفت معايا وقتلي استحقيت شكون ...وقتلي حسيت الدنيا وقفت والقلب ماعادش بش يدق انت اللي رجعتو ... ههه رجعتو بش يرجع يدق لمولاه ...انت علياء عمرك مانسيتو ...انت خذيتني كبديل ليه ....كنت انا الصورة الايجابيه الي كنت تتمناها فيه ...كنت اللسان الحلو والحنان اللي كنت تترجاهم منو ...انا كنت الحاجة الناقصة الي فيه هو ...انا ماعوضتوش ...انا كنت هو لكن في شكلي انا ... ورجعت النسخة الاصلية كيما تحبها انت واكثر ...رجعت بش تاخذ بقعتها ..وهنا تاقف مهمتي ... - يمكن ..يمكن كلامك صحيح ..كنت نرا في صورتو هو فيك انت ...كنت الحاجة اللي نتمناها فيه ..وهذاكة علاش ارتحتلك وخليتك تتقربلي ..لكن بعد ماعرفتك ..وعرفت طبيعتك وطيبة قلبك تنحالي اللبس اللي كنت فيه...قاتلو بصوت مخنوق ...انت حاجة مهمة في حياتي حسام ...صدقني انت شخص عزيز على قلبي برشة ..حت..حتى قيس ماينجمش ياخذ بلاصتك في قلبي ...ماتحطهاش بمفهوم الحب ...علاقتي بيك انبل من هكة واقوى ...كنت شطري الثاني ...الشخص اللي افكاري وافكارو متقاربة ...الشخص الي يكملني ...االي شخصيتو تكملني ...ق..قيس النقيض متاعك ..قيس اعصار ...عاصفة في حياتي .. قيس يمكن الف والف حاجة مانتفاهموش فيها ..حياتي انا واياه متناقضة ..انا هادية وهو بركان ..انا الركود وهو الغليان ..انا واياه نكملو بعضنا ...لكن انا واياك نفس الشخص ...حبيتك ...لكن بطريقتي الخاصة حبيتك ...حاجة اساسية في حياتي مانحبكش تخرج منها ...مانحبش توفى حكايتنا ويجي نهار ونوليو غرباء على بعضنا ...مانحبش ...مانحبش يجي نهار واسمك وصورتك يتمحاو من ذاكرتي ومن حياتي وانا زادة كيفك علياء ...قالها بصوت واطي وهو ينزل على الفولون بتوتر ....انت وعايلتك وليتو جزء من حياتي ...ماتتصورش قداش باش نتوجع خاتر بش نفارقكم ...نحبها امك ونعتبرها كيف امي ...بوك زادة عم سالم نعتبرو كيما بابا ...حسيت حياتي تربطت بيكم ...اكيد ...اكيد علاقتنا مش بش توفى هنا ...انا مانيش بش نقطع الجسور ..انا ديما موجود وقتلي تحتاجلي ولو انو نعرف االي هو موش بش يخليك تحتاجلي ههه... لكن انا بش نقعد موجود في حياتك كصديق ...كاستاذ كشخص تحتاج منو نصيحة خاتر هو مامنوش رجا في النصايح ههه ... ضحكت وفي نفس الوقت دموعها هبطو ...ماكنتش تحب تتحط في الموقف هذا ...مخيبو الاحساس بالذنب ....انك ماتنجمش تحب انسان حبك وعطاك كل ماعندو ...انك تخليه يتوجع وتقعد تغزرلو وماتنجم تعمل شي خاتر انت بيدك قلبك معلق مع انسان اخر !! انسان ماتنجمش تتجاوزو والا تبني حياتك بعيد عليه خاتر بكل بساطة هو حياتك ...هو روحك وهو النفس اللي تتنفس فيه ...يخليك عاجز وحواسك الكل موقفة عليه هو ...غمضت عينيها وتنهدت ...كانو الزوز ساكتين ...يغزرو سارحين ...قطعت هي حبال الصمت كيف تكلمت - حسام انت انبل انسان عرفتو في حياتي ...قد مابش نشكرك مانوفيلكش حقك عاللي عملتو معايا ...كنت حايرة خايفة ..ماكنتش نحب نوجعك ...لكن انا بيدي وفي قرارة نفسي قررت ننهيها العلاقة ....ماكنتش نحب نعيشك في خدعة ...خاتر انت تستحق تكون مع انسانة تحبك وتهتم بيك وتعطيك الحب اللي تستاهلو ..موش مع وحدة قلبها مربوط مع واحد اخر ..لا تنجم تسعدك ولا تنجم تسعد روحها ... انت .. انت ما ..ماسإلتنيش منين جبتها الكراسة ؟ ما.. - -موش مهم منين جبتها علياء ...قص عليها صوت هادي ...انا من اليوم ماعنديش حق والا سلطة عليك بش نسإلك ...من اليوم انت حرة وحل من اي ارتباط ...لكن هي اللي فيقتني على روحي من السبات الي كنت فيه ...وفهمتني برشة حاجات كانت مخفية عليا ...والاهم من هذا خلاتني ناقف ومانواصلش في الغلط ...خلاتني نعرف اللي الحب انواع ودرجات كيف الجنة والنار ....كل درجة اعلى من اختها ...وحبك انت قيس كان في الدرجة الاعلى وهذا اللي وراتهولي الكراسة وهذا اللي زادة يخليني نفرح رغم اسفي على روحي ...نفرح خاتر كنت نعرف بحبك ليه لكن ماكنتش نعرف كمية الحب والعشق اللي في قلبو اتجاهك ...هذا يخليني نسافر وانا مطمن عليك وعارف اللي بش تعيش معاه اسعد وحدة -مانحبكش تسافر ...ولات تبكي ...ضحك وشدها من كتافها ...عنقها ...مانيش حجرة ياعلياء راني انسان ...مهما يكون ما نجمش نشوفك ...مانجمش نحضر لعرسك معاه ...هو كان اقوى مني خاتر قرر يبقى .. .قرر يتوجع ويقعد المهم يكون قريب ليك ...لكن انا مانيش كيفو ...خليني نمشي ونتنفس هواء جديد ...وكون متأكدة اللي أنا بش نتعافى وبش نعيش حياتي ومانيش بش ناقف ...كون متأكدة اللي انا بش نداوي روحي وناقف مرة أخرى ... - -توعدني حسام ...قاتلو بصوت غالبو البكاء وهي تعنق فيه ...توعدني تاقف على ساقيك ...توعدني تعيش حياتك ؟ توعدني ؟ - -نوعدك علياء ...ورحمة امي نرجع ناقف ...وكيما قتلك مانيش بش نقطع لجسور معا ك والا مع داركم ..وبش نقعد ديما على اتصال معاكم ...وحتى كان ...كان ماحبش هو ...انا مانيش بش نقطع علاقتي بيك ...وبش نقعد ديما نسإل على اخبارك ونقلك على اخباري ...وتاكد اللي انا بش نلقى وحدة أخرى تعوضني بيك ..وتأكد زادة اللي انا مانيش من النوع اللي يعيش على الاطلال كيفكم انتوما الزوز ههه!! ضحكتو كانت متوترة ...غالبها الحزن ...لكن كانت متفاءلة زادة ...فيها طاقة ونظرة مشرقة للمستقبل ...دور وجهو وخلاها تبرد قلبها بالبكاء ....خذا نفس قوي وخدم الكرهبة - -خلينا نمشيو لداركم ونعلموهم بقرارنا وزيد نسلم عليهم قبل مانسافر .... بعد جمعة كان قاعد في بيروه ...كانت السكرتيرة تعطي فيه في الاوراق وهو يصحح ...ثاني سوريتو ومنحي الفاست متاعو ...قعدت تغزرلو شاردة فيه وبدنو اللي يسحر ...وهو كان مطبس راسو ومش منتبهلها اصل ...قد ماحاولت تقرب منو شي ماعطاهاش الجنب بالكل ...كانت واقفة بجنبو قريب تلصقو ...لابسة جيب قصير وفخاذها الكل محسوب عريانة وهو لا تحركتلو شعرة ...ولا حتى انتبه ...ههه ..نزقز تليفونو غزر يلقى صاحبو بسام يكلم فيه ..هز حواجبو مستغرب ...مش مستانس يكلمو في الخدمة ..قعد باهت .... -الو بسام لاباس ؟سالو مستغرب -الو تي وينك ياسلعة ؟قالو بسام ... ماعادش نشوفوك جملة .. -تو انت طالبني عالصباح بش تترومز ؟هز راسو يلقى السكرتيرة تغزرلو وتتبسم ...عمللها براسو بش تخرج ...وكمل يحكي ...اشبي سماك ؟ اش تحب انت تو؟ -اي والله نستاهل ههه ...ساعة انا جايبلك خبير فرشك . -شنوة هالخبر اللي جايبهولي اكيد راهو كيف وجهك ...وسهريات لا هاني نقلك ماغير ماتلح ... –هههه لا مانيش نحكي على سهرية عارفك وليت الحاج قيس وماعادش منك رجا ههه ...ايا زعمة قداش بش تعطيني على هالخبير اللي بش نقولهولك ؟ -تي تكلم الزح ... تكلم خاللي نرجع نغطس في خدمتى مانيش ناقصك تو !! -ههههه باهي ياسيدي .....علياء بطلت من حسام ....وسكت شوية ....قعد يسمع فيه وكاينو ماسمعش ...كاينو ماصدقش ... كايني حاجة عادية سمعها ....موش مستوعب ....تكى ايدو على الطاولة وعينيه وساعت ....يحس في صوتو بحاح وهو يكلم فيه -اش قلت بسام ؟ هه عاود اش قلت ؟ ع..عاود ...مافهمتش ؟ -قتلك علياء بطلت من خطيبها ....كهو بح ....الساحة ولات فارغة ليك انت تو !!هههه ايا قداش نستحق على هالخبر ؟ حط ايدو على راسو موش مصدق ...عداها على وجهو وقعد يغزر للتليفون ....قال علياء بطلت ؟؟هه قال ...قال االي هي حرة تو ؟ يعني ...يعني هي رجعتلو ..! يعني ....بش يكملو االي بداوه مع بعضهم ؟ ...هبل ....اكيد هبل ...هز التليفون والمرة هذي صوتو اقوى اثبت -بسام ماكش تفدلك اه؟ وراس امي كان تطلع تفدليكة ومساطة منك لاما ندفنك بالحياة ...نباصي عليك ... -ياولدي بطلت ههههه افهمها هذي .... قام يجري من كرسيه يعيط ...حس روحو فاق من الصدمة متاعو ..حس الروح بدات ترجعلو ...حس بروحو حي ...حي من اول جديد ...حواسو الكل تحركت ...بدا يصيح -بسام شكون قالك ؟ منين عرفت ؟ اشبيهم ماقالوليش دارنا؟ بسام احكي ر....انطق !! -هههه ياولدي خليتلي فرصة انت !!اليوم سمعت ...موش مهم اشكون قالي تو تعرف مبعد ....المهم عشيري اللي هي بطلت والفرصة تو جاتك ليك انت ....برة تصرف .... هز راسو يغزر للسقف ....خذا نفس قوي ...كاينو كان في سباق وجاء هو الاول ...فرحة المنتصر ...هز يدو عداها على شعرو وبدا يضحك ...يضحك كيف المهبول .... -اكيد بش نتصرف ....اكيد المرة هذي علياء بش تكون ليا انا كهو ...اكيد ماعادش بش نخليلها الفرصة حتى تتنفس ....علق التليفون ودخلت السكرتيرة تجري على صوت صياحو - لاباس سي قيس ؟ انشالله خير ؟ قعدت تغزرلو باهتة فيه ..اول مرة تراه يضحك ..واكالغمازات يهبلو دوخوها ...وجهو كان فرحان وعينيه تلمع وهو يجاوب فيها - لاباس ...ههه لاباس ..من اليوم ما فما كان الخير انشالله ....وقّفلي مواعيدي الكل اليوم مانيش راجع ...وخرج يجري ....ساقيه اعلى من راسو ...يجري كيف الطفل الصغير ...حاس روحو خفيف ..قلبو طاير ...روحو مجنحة ....دموعو كانت هابطة وهو يسوق ....الدموع اللي كان حابسها الوقت هذا الكل ...دموع فرحتو ودموع حزنو تخلطو مع بعضهم .....واخيرا بش يرجعلها ....واخيرا بش يكون اللقاء الحلقة التالثة والعشرون {حمل الزهور إليّ كيف أردّه وصبايا مرسومٌ على شفتيه.....ما عدت أذكر والحرائق في دمي كيف إلتجأت إلي زنديه....خبأت رأسي عنده كأنني طفل أعادوه إلى أبويه.....حتى فساتيني التي أهملتها فَرِحت به....رقصت على قدميه....سامحته وسألت عن أخباره وبكيت ساعات على كتفيه....وبدون أن أدري تركت له يدي لتنام كالعصفور بين يديه....ونسيت حقدي كله في لحظة ...من قال إني قد حقدت عليه...كم قلت إني غير عائدة له ورجعت.... وما أحلى الرجوع إليه...} يغزر للمراية يريقل في لحيتو بعد مااستواها وريقل روحو ...امو كانت واقفة قدام الباب تغزرلو حاطة يديها على حزامها ومعوجة راسها على جنب ...قالبة شفتها وتغزل -صحة عليها بنت راضية .!!تبطل من هذا تاخذ هذا ...الرجال على ذمتها وهي على شكون ترضى اكا المسبوعة ... -امي بربي لا تفلقلي راسي ...خليني فرحان زاهي في مخي ...شايخ انا تو ...قحرلها على جنب وهو يستوي في الشوميز متاعو وريقل في السبتة -اي عندك الحق ...سعود مش تعرية زنود ...هي زوز يتعاركو عليها ويتضاربو ...واختك هاويني قاعدة ماكهب عليها حد !! -يامي مازالت صغيرة الطفلة ...هز حواجبو مستغرب ...تو يجيها مكتوبها ... -اي واشبيها بنت راضية خير منها ؟ تطيح في قدرك وقيمتك بعد ماذلتك قدام الحومة الكل وقالتلك لا مانحبكش ...وزيد امها تخرج وتضرب على صدرها قدام نسا الحومة وتقول بنتي اختارت راجل ..والله والله كانت بش تنطقني وزعمة لافضحتها اللي تقول بنتي اختارت راجل ...نقلها شوية مارمات روحها على ولدي حتى لين طيحتو ...ولدي هو الراجل اللي ماضرهاش بنتك !! -امي رد بالك الخبر يخرج البرة ..صاح وهو يغزرلها يحذر فيها ...والله نهج ونخليهالك كان نسمع ربع كلمة على بنت الناس ...انا السبب في االي صار الكل ...هي مهما يكون صغيرة ...ومازالت صغيرة وزيد تو ولات شرفي وعرضي ..كل كلمة تخرج عليها بش تضرني انا قبلها هي .. -نعرف ولدي راجل وسيد الرجال ... نحبها انا علياء هذيكة كيف مريم وعمري لابش نحكي عليها بالخايب ونفضحها ..انا على اك القرهمانة امها ...اللي متشمتة فيك عالي صارلك وقتها ... ضحك وطبس على راسها باسو .. - اش عندك فيها طاطا راضية مشوية على بنتها واللي صار فيها بعدي ...تو بعد يتبدل كل شي ...المهم تو خليني نريقل اموري وناخذ الطفلة تو كل شي يتصلح ... - ربي يهنيك وليدي ...قاتلو وهي تمسحلو على خدو ...راك ولدي المزيان الغالي ...والله اكا بنت راضية سعدها قوي اللي طاحت بواحد كيما ولدي ... - وحما كيما امي زادة هههه قالها بتمقعير ... امي إدعيلي نقنع دارهم ونخليهم يرضاو بيا ... - علاش وليدي ماتخلينيش نمشي معاك ونحكي معاهم والا بوك يحكي مع بوها ؟ - لا مانحبكش تتدخل تو لا انت لا بابا ..هوما متغششين عليا وينجمو في الحديث يسمعوكم كلمة والا يجرحوكم ..خلاها فيا انا ..يلزمني نصلح وحدي وبعد تو يجي دوركم انتوما خرج من البيت نوقز تليفونو هزو اه .وي .! اش عملت بسام ؟ - حاضر كل شي ارونيو تقول خالتي بهيجة هههه ...هاني ريقلتك الامور خمسة على خمسة - باهي عيشو صاحبي ... علق التليفون و خرج من الدار - قاعدة في بيتها تمشي وتجي .. كلات ظافرها من التوتر ..قعدت فوق الفرش وهزت ساقيها ضمتهم على بعضهم ...تخمم في اللي صاير الكل ..اليوم الصباح مشات قالت لبسام اللي هي بطلت ..كانت تحب الخبر يوصلو لكن مش على طريقها هي ..ماحبتش تحط روحها في مواجهة معاه ولا تحط من روحها قدامو ..حبت تعرف شنوة بش يكون تصرفو؟ ..لكن متأكدة في قرارة نفسها اللي قيس يحبها ..والمرة هذي ماهوش بش يسلم فيها ..كانت عندها ثقة كبيرة فيه وفي روحها ..قيس تبدل ..وهي زادة تبدلت ... شوية وتسمع في غناية تشرقع على طول النهج في القهوة ...غناية وليد التونسي { في الليل وحدي ساهر .....نتخيلك في احضاني وبين يديا ..ونتصورك وجهك قمر وزاهر....وعينيك تغزر هايمة في عنيا.. حسيت روحي طاير وبحبك عامل وسط البحر ثنية....} مشات تجري وحلت الشباك .. اول ماحطت عينيها جات على لافتة كبيرة في الحيط اللي لاصق دارهم مكتوب عليها " نحبك يا قلب قيس نموت عليك يا أميرتي " حطت ايدها على فمها وهبطت راسها تلقاه واقف يتبسم ...شاد بوكي نوار في ايدو ويغزرلها بايبالها بايديه ...كان لابس شوميز في الأزرق مخططة وسروال نوار مسطرين على بدنو ...ياميمتي محلاه !! يعشق يعشق ..!! دخلت بعضها حتى من النفس تقطعلها من الفرحة ... حطت ايدها على فمها وقعدت تغزرلو ..عينيها زغللو بالدموع ..ماكانتش عارفة اش تعمل ؟ كان جاء لايديها راهي هبطت تجري ..وراهي رمات روحها في حضنو ..تتمتع بحنيت صدرو وحلاوة تعنيقتو ...هز التليفون يكلم فيها وهي سمعت التنوقيزة رجعت تجري هزتو ..كانو كيف المهبلة الزوز هه والعباد اللي يتعدى يقعد يغزرلهم... روميو وجولييت - سافا قطوستي ؟ سالها بصوت كلو حنية ذوبها - اممم جاوبتو براسها ...سافا .و. وانت ؟ كانت تحس في صوتها تمص من الربثة والفرحة - انا جاي لداركم تو ..وقبل ماندخل حبيت نسإلك انت قبل ..بش تكون معايا والا لا ؟ - معاك قيس ..انا معاك ..قاتلو بصوت يرعش ...قلبها كان يرف ..طاير ..مجنح ..وخايفة فرد وقت .. - بكلمتك هذي تخليني نواجه الدنيا الكل ..وتبسم ابتسامة فيها برش ثقة ..الابتسامة اللي طول عمرها مسحورة بيها ومانجمتش تنزعها لا من قلبها ولا من مخها - ايجا حلي الباب ..هبطت تجري مش عارفة كيفاش هزوها ساقيها ..مشاعر مختلطة في بدنها وفي احاسيسها خلاوها تطير موش تجري ...مشات بش تحل الباب وامها عرضتها اللوطة تسمع في الباب يدق مشات حلتو كان واقف قدامهم ..اول ماتحل الباب جات عينيها في عينيه ... كن مادابيه يمشيلها طول يعنقها ..يشم ريحتها ..يدخلها في ضلوعو ويسكنها فيهم ..من الربثة ماكانش عارف اش يعمل ..موقف صعيب تحط فيه ..بدنو لبو العرق والسخانة والبرد فرد وقت -عسلامة طاطا راضية ...ماجاوبتوش قعدت تقحرلو وتلفتت لبنتها عطاتها قحرة متاع موت ..خرج بوها من الصالة يلقاه واقف - عسلامة قيس ...ادخل اشبيك واقف البرة ؟ - وين يدخل ؟ جاوبتو أمها بغزول ...غيب ياقط العب يافار ؟ مشا حسام من هنا جيت انت تجري ؟ بدنو لكل توتر وهو يغزرلها ..يحس في العصب طلعلو كيف جبدت على حسام .نزل علي يديه الي شادة البوكي وحاول يتمالك نفسو وهويجاوب فيها بكل هدوء - طاطا راضية أنا مانيش طالب غير تعطيني فرصة وتخليني نحكي ... - على شنوة بش تحكي ؟ سالتو بعصب - ماناش بش نقعدو نحكيو البرة ...قص عليهم بوها ..وقدم حل الباب ..ادخل نحكيو لداخل ونتفاهمو - عيشك عم سالم .. التوتر كان سيد الموقف والجو مكهرب ...ماكانش عارف كيفاش بش يبدا .يهز راسو ويغزرلها وهي قاعدة مقابلتو عينيهم كانت في عالم اخر غير العالم ..سارحين مع بعضهم في دنيا اخرة ..ناسيين فيها المشاكل الكل ... -ايواه ..قص عليه بوها حبل افكارو ....شنية الموضوع اللي جيب بش تحكي فيه .هانا نسمعو فيك !! عم سالم ...قالو بصوت كلو ثقة ...كبس على ايدو وهو يحكي ..جيتك خاطب راغب في بنتك وانشالله المرة هذي ماترجعنيش خايب ...ونوعدك ..نوعدك المرة هذي نحطها في عينيا ...نوعدك تعيش معايا متهنية ومانقصها شي ...بلع ريقو ووجهو سخن واحمار ...وقعد يغزر لتعابير وجهو الرزينة ... -اي مسهلو هو جاوبتو امها تغزل ...انت تجي تخطب ونحنا نعطيو وطاح الكف على ضلو.. لا ياسيد ماعنديش بنات تحض الزواج انا وليك انت بالذا ت...كان هي مغفوقة في مخها ونسات الي عملتو فيها انا مانسيتش ...بنتي وصلت للموت من جرتك ...ماتت وحياة وانت وينك وقتها ؟ لاهي تغرم في زمانك وتكون في روحك - ياماما.. -اسكت انت ..قصت عليها تنبه فيها بيديها ..ماتحكي حتى كلمة .. - -طاطا راضية كان تحب تسمعني تو نفسرلك ..قالها بصوت هادي ...يحاول يتمالك روحو ..حاس بقلبو بش يتخلع من الفجعة ..اذا كان ماينجمش يقنع امها يعني كل شي طاح في الماء....نعرف االي بنتكم تعبت من جرتي ...اما حتى انا تعبت.... - -فاش تعبت انا فاش !!تصيح وتهز في يديها تناقش فيه ...هاك سافرت وشخت وكونت ..اشنوة اللي تعبك تره ؟ - يا مرا خليه يحكي ..صاح بوها ..غزر لبنتو شافها تتغصور وتبلع وتغص ...حب يفهم الحكاية ويفهم علاش بنتو سامحتو بعد ماكانت رافضتو ورافضة تشوفو ؟ وعاود غزرلو ليه هو يلقى وجهو اصفر على اخضر من الربثة -أي هاني نسمع فيك سي قيس ..فسرنا واحكينا .. - عم سالم ..... انا غلطت صحيح ... مستعرف ..ماحاولتش نفهمها قبل ...كليت كف وبالقوي زادة ... تعذبت وتعبت من بعدها عليّا وفهمت وعرفت اش معنتها يأس ...طاطا راضية مانجمش نفسرلك ولا نبررلك اللي فات خاتر مايتفسرش وماعنديش مبرر ليه غير انو كان طيش صغر ..حتى انا كنت صغير ومانيش فاهم روحي ومانيش عارف على الدنيا وين هازتني ...كيف بعدت عرفت قيمتها وقيمة وجودها في حياتي ...الله غالب فقت مخر ..واللي فات ياريتني كنت ننجم نرجعو ونصلحو ...اما مانجمش نرجعو .يمكن هذاكة اللي علمني قيمة الحاجة الغالية كيف تفقدها وخلاني نفيق على برشة حاجات وخلاني نكون واعي اكثر ...عم سالم انا نحبك تعطي ثيقتك فيا المرة هاذي ...وغزر لامها ...اعطيوني فرصة .. اعطيوني فرصة وحدة نصلح غلطتي ..اعطيوني فرصة نكون معاها نوعدكم مانخذلكمش المرة هذي ...نوعدكم نحطها في عينيا ونسكر عليها لاخر العمر ...احسبوني ولدكم وغلطت .....ماني طول عمري كيف ولدكم ...جاكم واحد في ثلاثة سنين نساكم فيا ؟ ... قعدو يغزرولو الزوز ساكتين ..خذا نفس قوي وهز راسو غزرلها ..عينيه لمعت وعينيها زغللت بالدموع .....نحبها انا بنتكم ..والله نحبها ..ذقت مرارة الوجيعة كيما ذاقتها هي واكثر ...احساس الموت حسيتو وانا بالحياة ..تعبت... قداش بش نقعد نتعاقب ؟ قداش بش نقعد نخلص ؟ - ماعندكش علاش تخلص ..قصت عليه وهي تغفص في دموعها .. غزرت لامها وبوها تجاوب فيهم ...قيس ماعندو حتى ذنب في اللي صارلي ..انا اللي كنت ضعيفة ..اضعف من اني نواجه روحي وحطيت اللوم عليه هو ..كسرت روحي وحدي ..كيما هو تعلم وكبر انا زادة تعلمت وكبرت ..وعرفت اللي موش كل شي نحبو عليه نلقاوه في الدنيا هذي ..انا فرضت روحي عليه من اللي انا صغيرة وطالبتو بش يحبني بالسيف عليه ..ماخليتلوش الفرصة بش يتنفس والا يفهم روحو ...كنت حاطة حبو ليا امر مسلم به وخذيت قراري اللي هو ليا من غير حتى مانشاورو والا نعرف مشاعرو ناحيتي .. حسستو بذنب عملتي في روحي ...انا اللي غلطت ...انا اللي دخلت في علاقة وقلبي وروحي متعلقين بواحد اخر ..ظلمتو وظلمت روحي وهزني تيار الحقد عليه ..سامحني بابا ..( وغزرت لبوها وامها بعينين مليانة بالوجيعة ) ماما ..انا كبرت تو وماعادش صغيرة وماعادش ضعيفة ..قيس هو حب حياتي وحب عمري الكل ..خذيت قراري بش مانتخلاش عليه المرة هذي ..نحب ناخذ فرصتي زادة انا معاه ..نحب نكمل حياتي قريبة ليه .. جربت نبعد ..جربت ننسى ..لكن مانجمتش ..كل حاجة كانت تهزني ليه ..وكل خطوة نقدمها كانت ترجعني عندو ..هذا زادة انا فهمتو ممخر ...انا زادة تعبت ...( وغزرتلو ..عينيه كانت مليانة حنية ورقة وهو يبادلها في النظرة ) نحب نرتاح ....ومانجمش نرتاح كان مانكون معاه ... بلع ريقو ..كان يحب يقوم يعنقها ويمسحلها دموعها ...دموعها كانت غالية عندو ...ماعادش يحبها تتوجع ..يحبها تنسى ..يحبها ترتاح ...تفرح - معنتها انتوما الزوز ماخذين قراركم ومتفاهمين ؟ سالها بوها بصوت رصين وهويثبت فيها ... بعد اذنكم انتوما الزوز بالطبيعة ..جاوبو قيس ..وغزر لامها ...وكان لازم يقدم على خطوة يخليها ترضخ ..قام من بقعتو ومشالها .طبس عليها باسها من راسها وهي غزرتلو متفاجاة ..تبسم وشدلها راسها وزاد باسلها جبينها وهبط على ركبتو يحكي معاها - طاطا راضية انا طول عمري نعتبرك كيف امي ...صدقني ماتخافش عليها بنتك معايا ..والله نحطها في عينيا ..احسب الي فات مات وخلينا نبداو صفحة جديدة ...هذيكة عمري ..وحياتي وعينيا اللي نشوف بيهم ..ماعادش نحبها تتوجع .. خليني ناخذ فرصتي معاهاونحبك تكون راضية علينا ..نحب قلبك يكون صافي من ناحيتي ...وبنتك من تو على مسؤوليتي ..اللي يضرها يضرني واللي يوجعها يوجعني ...قعدت تغزرلو ساكتة كلاها بالهف ...وهي كيما أي ام كانت تلوج على هنا بنتها ..غزرت لراجلها الي تبسم وهز راسو ..عاودت غزرتلو ..حست المرة هذي الصدق والحب الي كان يكنولبنتها في عينيه ..ترددت شوية قبل ماتهز يدها وتعديها على خدو - وتوعدني تحافظ عليها قيس؟ تبسم ووجهو انشرح ...حس غمة وانزاحت من قلبو تنفس براحة وضحك .... - نوعدك ..والله نوعدك نحافظ عليها ..وتلفت لعلياء وعينيه فيها برشة وعود ..وعينيها كانت تزغرط من الفرحة ... -نعمبو عمري الي عديتو سلاطة على خاطرك مارجتني ..حياتك كاملة وانت مارجتني ....معلقة في كرومتي كي القضاء ...خانقتني ماخليتليش وين نتحرك.....كان يضحك وهو يعنق فيها ...تعدى شهر على اللي صار في دارهم ...بعد ماصلح امورو مع دارهم جاب عايلتو وخطبها وحددو العرس اللي بش يصير بعد اشهرة يكون هو كمل بنا الدار واثثها ... - اي مالا كيف انا وليت خنقة فكك مني مالا ..قاتلو بدلال وهي معنكشة فيه حاطة راسها على صدرو ومعنقتو هههه تحلم يا قطوس بعد ماشبكتني وحطيتني في مكتوبك والله لاما نفديهولك مثني ومثلث.. . - اش بش تعملي؟ هزت راسها وعدات صوابعها على كرومتو بالشوية ..كانت تعرف اللي الحركة هذي تثيرو وديما تستفزو بيها ..بعد راسو وعض على شفتو غزرلها بنقمة وعينيه مزغللة - موش تو نقلك .. وشوشلها في وذنها باغراء ..خلي بعد العرس تو تعرف وقتها قيس وقدراتو االي دمرتهالو ... وجهها احمار وزادت غطست راسها في حضنو اكثر ..قعدت تشم في ريحتو البنينة غمضت عينيها وتنهدت ...وزادت كبست بايديها ودورتهم عليه اكثر ...كانت ماذابيها تدخل في وسطو ...ماعادش حاملة فراقو عليها والا يتعدى نهار وماتشوفوش فيه ...ضحك وعدى صوابعو على شعرها يمشطلها فيه - يا روح قيسون انت ...وقتاش يجي العرس راني شادد روحي بالسيف عليك ؟ كان متكي عالقازون حاط ساق فوق ساق وهي متكية بجنبو حاطة راسها على صدرو ...رغم البرد ماكنوش حاسين بحتى شي ..دفا بدنو ماخلهاش تحس بيه ..شعل سيقارو وجبد نفس وهي هزت راسها وقعدت تغزر لوجهو اللي تعشقو وتموت في تفاصيلو .. اش عملت في السكرتيرة متاعك ؟ -شنية تحبني نعمل؟جاوبها وهو ينفخ في سيقاروه ... هزت راسها واستوات في قعدتها وغزرتلو بغش -مش قتلك انا شوفلها صرفة المصفارة هذيكة ؟والا عاجبتك القعدة معاها ؟ سالتو وعينيها مزغللة وشاعلة بالغيرة -تو نكلم عمك محمد بابا يخرجها جملة ماهي الشركة متاعو ...قالها يدكك عليها -تتمقصص!!وضربتو على كتفو بالشوية ودورت وجهها متغششة طيش السيقارو وتبسم ...قام اتكى بايدو على القازون والايد لخرى شدها بيها دورها ليه ...طبست راسها وحشاتو في كرومتو ...بدنو رعش ...غمض عينيه وتنهد -اش تحب انت تو ؟ شارية عركة ؟ سالها بالشوية وبصوت حنين -لا قاتلو بصوت فيه برشة دلال ...اما هذيكة بالذات ماعجبتنيش وماارتحتلهاش ...وديما مهدعة وافخاذها عراية وتبدى تتزعبن عليك.. عاجبتك الحالة الي عاملتها في روحها؟ -هههه يابنتى والله لاغزرتلها ولاانتبهتلها جملة ...قالها بصوت رقيق وزاد لزها ليه اكثر ..تي هاك انت مركزة معاها اكثر مني انا !! وهزلها راسها غزرلها في عينيها ذوبها بهاك الغزرة العسل متاعو والتذبيلة اللي يذبلها ..وزيد هاك مركية البريزونس انت غادي كل يوم وليت اكثر من الخدامة ههه ...باسها من خدها شعللها نارها اكثر ماهي شاعلة ...حطت صبعها على صدرو وعملتلو فيه خط على طولو -موش عاجبك جياني ؟ تو ماعادش نجي .. -عاجبني عاجبني ههه قص عليها تي كان مش من ترف التمعشيق االي نعملوه في البيرو راني هبلت ...هذاكة ااي مصبرني ومخليلي شوية عقل نركز بيه في الخدمة ...ههه وليتلي كيف الحربوشة متاع المرض المزمن كبف مانشربهاش في وقتها تصيىرلي مضاعفات ...جاية تحكيلي على سكرتيرة وغايرة منها!! وهبط عليها عدى شفايفو بالشوية على خدها هبط بالشوية وحط شفتو على شفتها اللوطانية عضها .ع..معدتها تقلبت بالوقت وهبلت ...قلتهالك مرة ونعاود نقولهالك ...قييس االي باس ااشفايف هاذم مستحيل يبوس شفايف اخرين غيرهم .. النفس متاعو سخون جاء على وجهها ..تنهدت بالقوي وشدتلو راسو بين يديها وباستو فوق خشمو ... مشاعرها كانت لاهبة كيما مشاعرو ..وكل يوم اشتيقهم لبعضهم يزيد اكثر واكثر ... - نعرف ياروحي ..وعندي الثقة فيك ... اما الغيرة مانجموش نتحكمو فيها ..كل يوم قاعدة تقتل فيا ...ووين نتخيلها بحذاك وتعرض في مفاتنها عليك نزيد نهبل اكثر ... - ماعادش تهبل واعرف اللي قيس ليك وحدك ...وماينجم يغزر لحتى مرا غيرك انت ...يابنتي راك الشهد ..العسل يمشي على ساقيه ..توشويشتو دغدغتلها وذنها ورعشتلها بدنها ...لصقت فيه اكثر وهزت راسها تتبسم بدلال -باهي شوف حل فيها وخرجها ... -ظاهرلي بش نشوف حل ليك انت تو حل نسكتك بيه جملة !!...قالها وهو يقحرلها وعينيه تلمع فيها شقاوة وبرشة حب .. وشدها من راسها غطسها اللوطة تحتو هي ضحكت وهوهبط عليها كيف النسر االي ينقض على فريستو ... الحلقة الرابعة والعشرون والأخيرة {هل عندك شك أنك عمري وحياتي....وبأني من عينيك سرقت النار وقمت بأخطر ثوراتي....أيتها الوردة والريحانة والياقوتة والسلطانة والشعبية والشرعية بين جميع الملكات....يا قمرا يطلع كل مساء من نافذة الكلمات....يا آخر وطن أولد فيه وأدفن فيه وأنشر فيه كتاباتي..غاليتي أنت غاليتي لا أدري كيف رماني الموج على قدميك...لا أدري كيف مشيت إلي وكيف مشيت إليك....دافئة أنت كليلة حب...من يوم طرقة الباب علي.. ابتدأ العمر...كم صار رقيقا قلبي حين تعلم بين يديك....كم كان كبيرا حظي حين عثرت يا عمري عليك....يا نارا تجتاح كياني...يا فرحا يطرد أحزاني....يا جسدا يقطع مثل السيف ويضرب مثل البركاني.....يا وجها يعبق مثل حقول الورد ويركض نحوي كحصاني} تبسمت وحلت عينيها على وجه الشمس ...حاسة روحها في حلمة وماهيش بش تفيق منها ...تكسلت وغزرت للسقف ..اليوم هو نهار البداية ..بداية حياتها مع قيس ..حب عمرها وصغرها وصباها ...الحب اللي حلمت بيه حياتها الكل ..الحب اللي كانت تسخايلو ماعادش يرجع ..اللى تعذبت منو وذاقت الامرار ..الحب اللي سكن وعشش في قلبها ومانجمتش تنزعو قد ماحاولت ..اليوم بش تبات في حضنو والمرة هذي من غير ماتسرق من الوقت بش تقابلو ... خاتر بش تولي العمر الكل معاه ....اليوم بش تولي متسمية بإسمو ...ومحلاه اسمو ... هزت راسها وقامت تضحك وهي تسمع في غنايتها " ....تذكرتك يا علياء ...وتذكرت عيونك ...يخرب بيت عيونك ..ياعلياء شو حلويين ..." تليفونها نوقز حضنتو في ايديها وتنهدت ... - صباح الخير ياعسلة ...قالها بصوت رقيق ...حنين يذوب اصل - احلى صباح لاحلى قيسون في حياتي ...توحشتك ..وشوشتلو في التليفون - باهي حل الشباك خلي نشوفك !! - ههه ممنوع ...ماما محلفتني ..قاتلو بدلال تدكك عليه - يابنتي حل شنوة تو؟ قالها بغزول ...توحشتك نحب نشوفك .. - اش مازال عزيزي ؟ ساعات ونوليو مع بعضنا على طول ...قاتلو بصوت فيه برشة وعود ..وقفت بحذا الشباك تغزرلو من البرسيان وهو يضبضب قدام القهوة وراسو مشنقل يغزر في اتجاهها ...ماتت بالضحك وهي تشوف في حالتو ..لحيتو هايجة وشعرو منكوش كاينو قايم من فرشو خرج طول ينده بيها هي ..لابس شورط وخلعة وشلاكة بلاستيك في ساقيه هههه ياخي بايت تحلم بيا انت ؟ سالتو وهي تضحك وتغزرلو - علاش ؟ قالها مستغرب .. - تي اشبيه حالتك هكة خارج ..حتى شعرك موش ممشوط !!برة ريقل روحك هز راسو وغزر طول لشباكها - صار انت تتفرج فيا وشايخة عليا وانا قاعد هنا كيف البهيم نستنى فيك بش تمن عليّا ؟ قالها بعصب وحط ايدو في حزامو - حاشاك حبي ههه ..مبنك وانت متغشش ...نموت فيك وانت راكبك العصب ...وجهك يولي احلى هههه - زيد تدكك زيد ....هاني تو نعوضهولك يا علياء وبعد بش تجي بين يديا وماعندك وين تهرب ... شعلت وهي تتخيل في الموقف ...قداش توحشتو ؟ ...قلبها ولا يرعش رعشان ... - حبي ؟ سالتو بالشوية مربوثة - اممم اشبيك ؟ - بش تسايسني ماهو مبعد ؟ سالتو بصوت رقيق فيه برشة دلال وخوف - هههه على عمايلك فيا ...ياذنوبي ...قالها وهو يدكك عليها - قيس امان ؟ هزت حواجبها ...لحمها ولا شوك شوك وتحس في عروق بدنها نشحو من الدم من الخوف ...راني متوترة ماتزيدش تكمل على مابيا ...راني نسمع على ليلة العرس نولي نرقل بكلّي !! - وانت لواه تمد في وذنيك وتسمع في القباحة ههه ؟ قالها وهو يضحك شايخ عليها ...حلي الشباك تو نوليلك سكة بعد تمشي عليها - لا ..مانحلش ..ريقها تحس فيه شاح ولخلخت بكلها - مالا تو تشوف !! .. - امان قيس ؟ قص على حديثهم بسام جاي هاز ساك في ايديه وقف بحذا قيس - أيا رونيو حاضر؟ هههه النهار لف لف راهو .. !! هز راسو وبايبلها بيديه عارفها تغزرلو - أيا عزيزتي نخليك ماشي للحمام ...تو بعد نحكيو فيه الموضو ع ههه - باهي ..صحة بالمسبق ... قعدت تتبع فيه بعينيها وهو ماشي ...كان يتفارع هو وصاحبو شايخين ...هزت راسها غزرت للبلاكة مقابلتها اللي بداكلامها يبلاح من الشمس والمطر اما قعد محفور في قلبها ..ياروح قيس ..نحبك يا اميرتي .. تعدات العشية في الحجامة ضحك ولعب وتمقعير عالفاميليا هي ومريم وشوية من صاحباتها اللي يقراو معاها .... - والله يابنتي ليلة وفراقها صباح كيما يقولو فيها هههه قالتلها مريم وهي شايخة بالضحك - صحة عليكم ..قالتلها بغزول والحجامة تجبدلها في شعرها ...نسمع فيكم وبش نموت بالغلبة ..تمنيت راني بحذاكم ونتفرج في قيس وهو يشطح !! - يابنتي داخ بالشطيح ..اللي هبلو البارح قيس واللي عملو ...تسيب الحاصل لين داخ - مالا راهو شرب عاد !! - ههه لالا شوية مش برشة ..حاشم من بابا وزيد صوحابو متاع الخدمة جاوه ياميمتي ملا كعب ههه وبدات تفسرلها بإيديها .مزز مزز ههه ..يشعلو هكة ...يبرقو برقان .... - اكيد ماهومش ازين من قيسونتي !!ماتقليش اك السكرتيرة متاعو جات زادة ؟ غزرتلها باهتة - وانت منين تعرفها السكرتيرة ياوحيدة ههه ؟ هزت حواجبها تتمقصص عليها - تي ..تي ماني مشيتلو للخدمة مرة والا زوز ... جاوبتها بربثة ووجها احمار ..ريتها الحق ماعجبتنيش ...تترومز هكة وتوري في روحها ..غزلتنى ..قالتها بنبرة فيها قهرة .. - أي مالا بعد العرس وخيتي شدلو العسة ..قالتلها الحجامة وهي تضحك ..تقول امي الرجال والزمان مافيهمش امان هههه ... - وه ؟ غزرتلها باهتة من المراية ...خير عاد !! مازلت عروسة راني !! ههه اعطيوني طرف امل ...بديتوها من الأول تشككو فيا في راجلي ؟ منين ماتمكيجلها العروسة ومريم تعس عليها في خويا مايحبش هكة ..في مايحبش الغامق ....حتى شعرها قالها ماتصبغوش وماتحط عليه حتى لكزة ههه ...الحاصل ماكملتلتها الا بشياح الريق... قيس قدام دارهم يستنى على نار ..ناقصو شوية وبش يخرج من عقلو وهو نهار كامل مارجها بالتليفونات ..مرة تجاوبو هي ومرة اختو ...يحس في بدنو الكل متشوق بش يشوفها ... مشا بسام بش يجيبها من الحجامة ...وقتلي دخلت الكرهبة للحومة قلبو ولا بالدقداقة ..ويرعش بكلو ...حط ايدو في مكتوبو وشعل سيقارو بش مايضهرش توترو ..امو كانت واقفة قدام الباب وهازة كانون البخور وتصلي عالنبي وتعاود على ولدها ههه ...دوب ماخرجت من الكرهبة ...عينيه كانت بش تخرج معاها ..هبل ...حواسو الكل تحركت ...سر العروسة هبط عليها مع الماكياج واالروبة مع زينها الرباني ولات كيف باربي ... شعرها خلاتو في لونو كيما يحبو هو ..وهابط على ظهرها زاد زينها ...بدنو بش ينطق ..قربلها وهي هزت راسها غزرتلو وذبلت عينيها ..كان لابس كوستيم في النوار ..منحي الفاست متاعها وضلوعو الكل ظاهرة من تحت السورية البيضة ..يفتق ..تحس في روحها بش تدوخ وهي تشوف فيه وتتخيل في هاك اليدين على بدنها مبعد ... - صحة عزيزتي ..قالها بصوت رقيق وهو يبوس فيها من خدها ..محلاك...توحشتك عاللخر وشوشلها في وذنها .. .شدها من ايدها وايدو ترعش كبش فيها وهي طبست راسها حاشمة - يعطيك الصحة ...حتى انا توحشتك ..بلعت ريقها ..تغصورت ...ذابت بالحشمة ...باركولهم الناس الكل وتلمو بيهم ..وركبو في الكرهبة مشاوللبلدية ..ثنية كاملة وهوما مكبشين في يدين بعضهم ..تهز راسها تلقاه يغزرلها بعينيه الحادة بش ياكلها ..نوع من الخوف والرهبة والفرحة مكنوها في بدنها ...حس بالتوتر متاعها تبسملها وهزلها يدها باسهالها ..مكنتها قريصة وغزرت لبسام اللي كان يسوق وموش لاهي بيهم والا عامل روحو موش لاهي ههه...قعد يحكي هو وبسام ويفدلكو بش يخليلها الوقت تتمالك روحها ....الحاصل تعدات العشية في البلدية ...وأخيرا كتبو الصداق...وولات مرت قيس رسميا ...الحاجة اللي تمناتها حياتها الكل حققتها .. ساقيها ماكانتش هازتها من الفرحة وهو اكثر منها ..بعد ماصححو وقف وغزرلها عدو بش ينقز عليها هه شد روحو بالسيف ..طبس عليها باسها من جبينها - مبروك يا مدام هه !!تو وليت مرتي رسميا وماعاد ينجم يفكك مني حد ههه يبارك فيك ...قيس ماتزيدش توترني ..ويزي بلا دك متاعك .. - هههه ماك عملت فيا كيما حبيت ؟ بش تخلصو الكل ..زاد هبلها بكلامو ...هبطو للجنينة تصورو مع الفاميلية ..ملصدق لربي كملت العشوية .كانو تاعبين الزوز ويحبو يروحو ... وأخيرا كمل كل شي ...واخيرا روحو لدارهم ...كانت تحب تعدي ليلتها الأولى في دارها وبعد يمشيو للوتيل ...طلعو لدارهم فوق دار بوه معاها أمها وحماتها واختو ...قلبها يدق بش يخرج من بلاصتو ..وهو يمشي وراهم يتمهل في مشيتو ويتبسم ...باست أمها وسلمت عليها وحلو منوحة تقول بش يسافرو على بعضهم ....قعد هو في الصالة يمشي ويجي فادد غير يخرجو عليه برك هه . ماصدق الربي امها باركتلو وخرجت بعد ماقعدت توصي فيه عليها وهو كلمت تهنى عليها يمكن قالها الف مرة ههه.. عيط لامو قالها تهز بنتها وتخرج - وه وليدي خللي ننحيولها الروبة على الأقل ؟ - تو تتصرف وحدها امي ..ماناش بعاد هانا هوني ..خليني نرتاح تعبت ...قامت تتبسم فاهمتو عيطت لبنتها وخرجو ..وهو مشا يجري سكر الباب بالمفتاح ودخللها لبيت النوم ههه - وأخيرا وحدنا .....بدا يقدم باشوية وين كانت قاعدة قدام المراية تنحي في الاكسسوار متاعها ...هي راتو دخل قامت تجري مفجوعة وقفت لابدة بحذا الحيط وجهها ملخلخ - ق..قيس اش بش تعمل ؟ - قيس اش بش تعمل ؟ يقلد في صوتها وعمال يقرب ..وقف قدامها غزرلها في عينيها الخايفة وضحك ..اشبيك خايفة مني ياخي هه؟ راني قيس ؟ ايجا عندي ...قالها بصوت حنين ومد يديه يستنى فيها ...من خير ماتخمم مشاتلو تجري وترمات في حضنو وعنكشت فيه ...كبشت كيف القرنيطة ههه غطست راسها في كرومتو ..غمضت عينيها ..وقعدت لابدة عندو وهو شايخ عليها بالضحك - طول عمرك وانت لاصقة فيا كيف القرادة.. كيف البقة ..ملي تولدت سطرتلي حياتي وحسمت امرك اللي انا ليك سايي ههه..حكمت فيا وخليتني تحت سيطرتك ...فرخة كيفك ولات تحكم فيا وفي احاسيسي...اليوم بش ننتقم منك يا مجرمة عاللي عملتو فيا الكل ...هزت راسها وقعدت تغزرلو باهتة ..عينيها زغللت بالدموع كيف الطفلة الصغيرة .مدت شواربها القدام تثبت في تقاسيم وجهو اللي كانت مايلة للجدية ...قلبها تخلع ..وريقها نشف ... - قيس...امان اش بش تعملي؟ - قداش من مرة تسإلو هالسؤال؟ باهي هاني بش نجاوبك !!بش ناخو حقي ..قالها بصوت جدي وعينيه لامعة ..بدات تجبد في روحها من صدرو هو كبش فيها يديه نزلت بقوة على يديها وبدا يكركر فيها بالتوالي للفرش وهي ترعش بكلها وتلحلح بيه - ق.قيس امان اشبيك ياخي ..؟ رماها عالفرش ...هزت روحها بش تقوم وهو عاود شدها ورجعها وكبسلها على يديها ..كانو يلهثوا الزوز طلع فوقها وقعد على ركايبو - أيا قلي اش نعمل فيك تو ؟ حتى شي امان ..ولات تبكي وعينيها ضببو من كثر الدموع غمضتهم ...ماهيش مصدقة اللي تسمع فيه منو ..حست بيديه ترخفو من عليها والفرش ولا يخض حلت عينيها تلقاه ميت بالضحك ويغزرلها كيفاش تتغصور ..قعدت تغزرلو باهتة والدموع هابطة تشرشر ...استوى في قعدتو وهزلها راسها بالشوية رماه في صدرو وهو باقي يضحك - يامهبولة ..قالها بصوت حنين ..صدقت اللي قيس ينجم يوجعك والا ياذيك ؟ نوجع روحي ومانوجعكش يا سخطة ...كانت ترعش بين يديه كيف الفروج شدها من دقنونتها هزلها راسها مقابلو وهبط راسو بالشوية حط شفايفو على شفايفها ..طعمهم كان مالح بالدموع متاعها ..عنقني ..وشوشلها ..رمات يديها الزوز وراء ضهرو وكبست عليه - فجعتني قيس ..علاه هكة ؟ والله والله مت بالخوف ..قاتلو بصوت فيه دلال ومدمع - حبيت نرجعلك شوية من اللي عملتو فيا ههه ...اما مستحيل ناذيك ....راك مرتي وقطعة مني وام اولادي وعشيرتي وكل شي في حياتي ..اللي يتعبك يتعبني واللي يمسك يمسني ..ماتخافش منو قيس ...قتلك عمري مانضرك في حياتي .. - نحبك قيس ...وشوشتلو في وذنو وزادت غرست راسها في كرومتو ..نفسها دغدغلو احاسيسو وحس ببدنو الكل شاعل ومايل ليها ..غمض عينيه يستطعم في المشاعر البنينة اللي غرستها فيه ...خذا نفس وتلفتلها ..نظرتو كانت حنينة ..حنينة عاللخر ... - ماتخافش روحي ...طاوعني وتو بالشوية بالشوية يصير الي تحب عليه ...وانسى اللي حكاوهولك وقالوهولك الكل ههه ...تبعني انا وتو ننسيك في أي كلمة سمعتها واضح ؟ عملتلو براسها باهي ...طبس راسو باسلها رقبتها بالشوية وحللها السلسلة متاع الروبة من تالي .. غمضت عينيها وسلمت روحها ليه ..وبدنها لمكبوس بدا يترخف بين يديه ..نسات كل شي وهي بين يديه ..شفايفو تتحرك في بدنها كيف النار تحرق فيها ..قعد يسايس فيها بالشوية ...يديه كيف الدواء على الجرح ...ماخلالهاش الفرصة بش تتردد والا تخاف ..وولات ملهوفة اكثر منو.. وروحها تايقة ليه ...ورغبتها زادت فيه اكثر واكثر ...وين يهز راسو يغزرلها في عينيها ويطمنها بعينيه ...يحسسها بالأمان ..نحالها الخوف وولات تحس كان بلهيب انفاسو ولهيب بدنو على بدنها ...وفي لحظة تكبست وكبشت فيه ...كان مزيج من المتعة والالم ...وفاء بعدو كل شي ..حست باعصابها الكل ترخفت ..تبسم وهز راسو حط شفايفو على شفايفها وباسها ..بكل رقة .. - مش قتلك ماتخافش ياروحي ..عمري مانضرك .انا ..شدها من خشمها بايدو وضحك ...مبروك عليك دخولك لعالم النساء .. غرست راسها في صدرو وعنقتو وجهها احمر ...بدنها موجوع لكن حاسة بلذة غريبة ...لذة استطعمتها قبل معاه لكن كانت ناقصة وكملهالها ...والمرة هذي كملهالها وهي مرتو حلالو ..متاعو ...كملهالها من غير خوف ومن غير إحساس بالذنب ومن غير عذاب ..كملهالها باروع مايكون احساسهم وهوما مع بعضهم ..بدنها مع بدنو انصهرو في بعضهم وعزفو احلى سمفونية في حياتهم بعد اشهرة كان قاعد في الصالة يتفرج في الكورة وهي جابت الطبق في ايديها وجات قعدت بحذاه ....عطاتو كاس التاي وقعدت تغزرلو وهو مركز مع الماتش ... نفخت فمها من الفدة وزادت قربتلو لصقت فيه ..هز حواجبو وتلفتلها مستغرب ...طلع يديه وراها ولزها ليه عنقها - اشبيك تنفخ زادة ؟ - النهارالوحيد اللي نقعدو فيه ونفهمو رواحنافيه هو نهار الاحد ..وزيد انت تعديه الصباح في القهوة والعشية تتفرج في الكورة ..وانا وويني في هذا الكل ؟ اشبيك ماعادش لاهي بيا كيما قبل ؟ ياخي قلقلت مني والا اشبيك ؟ يا.. - أي أي ..هز يدو يسكت فيها يابنتي بالعة مسجلة والا اشبيك هههه ؟ شنوة قلقت مني وماعادش لاهي بيا ؟ مالا اشكون اللي لاهي بيك للا ؟ هاني وليت بونيشة انا في الدار على خاتر ك..نقضي ونغسل الماعون ونمسح وكان لزم نطيب على خاتر سيادتك تعدي في الامتحانات ...وتزيد تقعد ساهرة تراجع وتخليني نرقد وحدي مبوّم ..وانا سكتت وماشكيتش ومابكيتش وانت على ساعة نقعدها في القهوة مع الأولاد نهار في الجمعة رديتلي روحك ضحية ؟ وزيد ماتنساش اللي هذيكة قهوتي وبابا ماينجمش وحدو... هاك السويعة هذيكة نعديها في الحسابات اكثر ماني مرتاح .. - باهي حبي سامحني انا الغالطة ..قاتلو بدلال وهي تعدي في صوابعها على صدرو ...هزت راسها وباستلو غمازتو الي تموت عليها وزادت هبلت عليها هالايامات اكثر واكثر ...نحبك ديما بجنبي وماتغيبش على عينيا بالكل .. - والله قولو لروحك هالكلام !!انا قايم بواجبي على اكمل وجه ..نهز ونجيب ونقضي بخلاف الشهاوي متاع عقابات الليالي وخاصة كيف تحرن على حاجة وتكبش ...ابليس مايقدكش فيها العركة كيف تشريهالي .. - امان قيس ؟ هزت راسها وقدمت شفايفها تغزرلو بغزول قارنة حواجبها ...انا وليت ابليس ؟ - هههه غزرلها عينيه مزغللة بالضحك يدكك عليها ..انت مش ابليس ..انت اقوى ...ماكذبش الراجل كيف قال ان كيدهم عظيم في النساء ووه هههه ...اطرشقو بالضحك الزوز ..هزلها راسها وغزرلها عينيه مزغللة - ماتوحشتنيش ؟ قالها بصوت دافي حركلها بركان في بدنها البارد ..باستو على اطراف شفتو زادت لهبتو - توحشتك ...قاتلو بصوت رقيق يرعش - مستانسة تصبر عليا انت جمعة كاملة ؟ مخليتني وحدي كل ليلة نستناك نقول تو تجي وانت تقعد تراجع. ومطفيتني - هاك تشوف فيا كيف المهبولة الايامات الكل حتى روحي ماعادش لاهية بيها ...الامتحانات قربت والريتم قوا ... - باهي هيا تو معايا بردلي على قلبي توحشتك صغروتني ... ماعادش ننجم نصبر ..وشوشلها في وذنها بانفاس لاهبة - ماني قتلك مانيش لاهية بروحي ..وشوشتلو حاشمة وطبست راسها فوق صدرو - تي مايهمش عزيزتي ههه قالها بتمقعير ..قابلك كيما انت بحشيشك وبريشك ...ايا اش قلت ؟ - دا على لونك ..ضربتو على كتفو ووجها احمار ...ضحك سكر التلفزة وهزها بين يديه دخلها لبيت النو م - مادام دعيت بيا نعتبرها موافقة منك هههه ... بعد ساعة كانت متكية على صدرو ترسم في خط طويل عليه ...تطلع وتهبط في صبعها تمشي فيه وتجيب - علياء ؟ - امممم - تحب تقلي حاجة ؟ هزت راسها واتكات على مرفقها - كيفاش عرفت ؟ سالتو باهتة - من الفقرة الي تكتب فيها على صدري من قبيلة وانت تبربش فيه تسخايلو لوحة متاع صبورة - ههه مبلدك ..سكتت شوية وبعد غزرتلو ...ح..حسام جاي لتونس قحرلها على جنب وهز راسو نفخ فادد .. - مش بش نوفاو منها حكاية حسام متاعك هذي ...يجي لتونس والا يقعد اش يهمنا فيه احنا ؟ حس بنار تغلي في جواجيه ..وين تجبدلو عليه يتقلب وبدنو يتفرعس ..هز راسو يفركس على باكو الدخان من الغلب الي يحس فيه امان قيسون اسمعني ؟ - لا نحب نسمع لا السماء ..فكنى تو ..عيط عليها بعصب هبطت عليه تعنق فيه وتبوس فيه وهو يجبد في روحو ....لين ركح ههه تعرف روحها ماتغلبو وتجيبو للثنية كان بالطريقة هذيكة هه - اش تحب انت تو ؟ سالها بصوت هادي - حتى شي ...نحب نفهمك بركة .. - باهي فهمني هاني نسمع فيك !!قعد على الفرش وتكى ظهرو لتالي وهي تربعت قدامو شادتلو يديه - حسام جاي بش يعمل محاضرة في الفاك متاعنا ..وبش تكرمو الجامعة بعد المحاضرة وهو استدعاني انا ودارنا في حفل التكريم متاعو .. - على أساس انا طرطور ..طحان في النازلة انا .. - اللطف عليك حبي ..قاتلو بلهجة فيها تزعبين ..وهبطت باستو من خدو ..انت ارجل واحد عرفتو في حياتي ...اما حسام تعرف علاقتي بيه كيفاش ؟ ..وزادة علاقتو بدارنا ...وهو مااستدعانيش انا وحدي ...استدعاك حتى انت معايا ..وهو حب يكلمك اما خاف منك لاتنبزو ...قتلو خليها عليا انا ... - انا خليتك تكلمو ..ومامنعتكش المدة هذي الكل وانا نتفرج وساكت ..ريتلو بالفازة متاع الرجلة اللي عملها معانا ..اما بش تولي علاقات مع خطيب مرتي عاد نمشي نعاود نطهر خير ...مكنو العصب من راسو لساسو ..جاء بش يقوم وهي رجعتو وكبشت فيه - سيبني علياء خلي نقوم ...نطر ايدو وهي عاودت شدتهالو - بجاه ربي يا قيس بجاه ربي صفي قلبك ونيتك من ناحيتو ...والله والله راهو محبتي ومعزتي ليه عبارة خويا الكبير... ما تربطني بيه كان مشاعر الاخوة كهو - والبوس والتمعشيق نسيتو والا نفكرك فيه ؟ سالها والعصب يخض فيه - مافماش بوس وتمعشيق..وقتها كان خطيبي وحبيت نغزلك... عنقني برك وانا حسيتها تعنيقة خو لاختو ماحركتلي حتى شعرة ..البوس عمرو ماخليتو يبوسني ..في حياتي مامديت شواربي كان ليك انت ...والف مرة نقولهالك الحكاية هذي ...افهمها ... - باهي اش طالبة مني انت تو ؟ حست من لهجتو بدا يلين - نحبك تمشي معايا .. - مانمشيش ..قالها بعناد - عيش حبي ...وغزرت لكرشها الي بدات تكبر وتدور ..حطتلو يدو عليها وعوجت راسها وتبسمتلو بدلال..براس ددو ..بنوتتنا.. -اممم ماني عارفك انا !!وين توحل تحطلي ايدي على كرشك بش تضعفني ...باهي يللا خلي نشوف اخرتها معاك انت وداركم ...تو نمشي ... ترمات عليه تبوس وتعنق ماخلاتوش يكمل جملتو نقزت عليه ... -بوزينو حبيبي هو ...ياربي قداش ياخو بالخاطر راهو ...كاتت تكلم فيه بلهجة فيها تربيجة ..تبسم وضهرت اك الغمازات هبطت عليهم كلاتهم ماكلة بالبوس ....شهوتها الكل تحطت عليهم من وقتلي حبلت ... -باهي ابعد خنقتني بالبوس ...دزها شوية وقام من الفرش ...خليني ندوش ونمشي نصلي المغرب مع الحاج ... -باهي حبي وماتنساش وانت طالع تجيبنا العشاء من عند بهيجة ...قاتلي بش تطيبلي مرقة جلبانة بلحم العلوش نودك ولا نشهيك -والله ماني عارف انا ماخذ مرا بش نتهنى وليت عقاب عمري نهز ونجيب ونكركر ...مشات ايام عزك ياقيس !! وينو الدلال والجو اللي كنت عايش فيه وينو؟ رمات عليه المخدة وهوخارج من البيت شايخة بالضحك -قول للزمان ارجع يا زمان... دخل للبيت يلقاها تحضر في روحها ...رما مفاتح الكرهبة بعصب فوق الطاولة ودارلها يصيح عليها -شنية هذا اللي لابستو؟ تفجعت من لهجتو بدنها تهز وتحط -وه قيس !!اشبيك تعيط؟ هاك تشوف فيها روبة ...وعادية -روبة عادية؟كان صوتو عالي وهو يهز فيها ويحط عاقد جبينو وقارن حواجبو ...هز يديه يشيرلها -برا نحي المهرجان اللي عاملتو في روحك ماكانش مافماش مشي النهار الازرڨ.. -تي علاه امان اشبيك هكة ؟ والله عادية تي شوفها مليح ...مشاتلو بش تشدلو يدو وهو نطرها ...المرة هذي حستو شاد صحيح ومكبش -كلمتين ومانعاودهمش ...ياتنحيها وتلبس سروال وفوقو مريول مستور ..وتلم شعرك وتنحيلي الهلمة الي عاملتها في خليقتك ....ياتقعد هنا ومافماش مشي ...ومن غير ماستناها تجاوب خرج وخلاها ... كان قاعد في الصالة يتفرج على التلفزة ماهوش مركز ...يخض في ساقيه وياكل في ظوافرو من العصب االي ماكنو ...يسمع في خطواتها تلفت قعد يهز فيها ويحط ...كانت لابسة سروال قصير شوية وفوقو شوميز طويلة مغطيتلها كرشها اللي بدات تبان ...لامة شعرها ذيل حصان وماسحة الماكياج ...مازالت مزيانة وتقتل زادة ...اما شي اهون من شي ... -باهي تو هكة ؟ قاتلو بلهجة واطية فيها غش -ماتزيدش تحكي معايا تكسرلي راسي ..انا العصب يهز فيا ويحط ماتكملش على والديا ...قعدت تغزرلو كيفاش فادد ...حاسة بغيرتو ..وماكانتش تحب تحطو في الموقف هذا ...اما حتى حسام زادة جزء من حياتها ويلزمو يتقبل الوضع هذا ....ثنية كاملة ساكت وامها من تالي تهر زادت ركبتهالو مضروبة بالسفود وهي تشكر في حسام وتعاود ...حبت تهمزها شي ولا حبت تفهم وهي تتغصور وتقعد وتقعد وتغزرلو كيفاش وجهو يتبدل .. في الفاك دوب مادخلو يراو في حسام واقف مع شلة من الاساتذة ...دوب ماشافهم من بعيد جاء يجري بش يسلم عليهم ... -امي راضية ..والله توحشتك ..شدها عنقها بالقوي وهي تبوس وتوشحل -عيش ولدي والله حتى انا توحشتك ...اشبيك بابا ضعفت ؟.ماكش لاهي بصحتك وليدي ؟ -هههه بالعكس تي ولات عندي كرش من كثر ماناكل ههه وتلفت لبوها سلم عليه بالتعنيق كيف امها ...وتلفتلهم ..قعدو يقحرو لبعضهم هو وقيس ..حس بربثة ..مد يدو يسلم على علياء -شنوة احوالك علياء ؟ نتمنى تكون لاباس ؟ وتبسم وعينيه هبطت طول لكرشها اللي باينة تحت الشوميز -لاباس عليها اكيد ...جاوبو قيس ومدلو يدو يسلم عليه ...حسو لكلهم بالارتباك من الموقف الي تحطو فيه ضحكت بش تبرد الجو وقيس قحرلها -اش عامل حسام ؟ سافا الخدمة في فرنسا ؟ حك لحيتو وتبسم بش ينحي التوتر -ههه والله الحمدالله ...لا انا مقصر ولا هوما مقصرين معايا ....المهم انتوما لاباس ...وعاود تلفت لعلياء -مبروك ...ههه هاك بش تجيب صغرون ؟ ...انشالله يتربى في عزكم ... -عيشك ...زاد جاوبو قيس ...لعاقبة ليك انت زادة ... -انشالله ياربي نفرح بيه وبصغارو ...قالتلو امها وهي تمسحلو على خدو ...ضحك وعاود غزر لقيس وعلياء -علاش لا ...اكيد يجي نهار ونعرس ... بلعت ريقها وغزرت لقيس ..وجهو كان يابس كيف الحجرة ..شدتو من يدو وكبست عليها ..هزت راسها وتبسمتلو بكل حنان ... -قيس ...كان مقلقك الجو هيا نروحو ميسالش !!تو ماما بابا يروح بيهم حسام والا يشدو تاكسي !! كانت تكلم فيه بالشوية .. امها وبوها ماهمش يسمعو فيهم...وقتلي غزرت لراجلها وشافت في عينيه نار الغيرة ماكانتش تنجم تخليه يتحمل الضغط اكثر من هكة ...مهما يكون حسام حاجة مهمة في حياتها ...في الوقت الحاضر راجلها اهم ...واهم ببرشة ..ماتنجمش تخليه يتعرض لموقف خايب تجرحو بيه ....قعد يغزرلها وسرح في نظرتها الحنينة وفهم اللي تقصدو من غير ما تتكلم ...وفهم زادة اهميتو عندها في اللحظة هذيكة ...هز ايدها باسهالها وغمزها اك الغمزة اللي طول عمرها مدوختها ... -بش نقعد على خاترك عزيزتي والحاجة المهمة في حياتك هي زادة مهمة في حياتي ...هبط راسو باسها من خدها ومانتبهوش االي الجماعة دخلو و خلاوهم وحدهم...ضحكو وشد يدين بعضهم ودخلو ... تعدات الاشهرة بحلوها ومرها ..بعركهم ومحبتهم ...وجات نهار ولادتها .. شدها الحس وهو كان في الجامع مع بوه ...بدات تصيح تكلم فيه ماهزش عليها مسكر تليفونو ..خرجت تعيط لمريم وهي تترهوج وتتدحح -يامريم قول لطاطا بهيجة راني بش نولد ....راني بش نولد سايي ...طلعولها الزوز ...وكلمو امها وتلمو لكلهم وهي شدتها وجيعة قوية وتصيح ..وجيعة موت حاستها ...من راس النهج يسمع قي صياحها تلفت لبوه وعمو وجهو ملخلخ -هذا صوت علياء !!ياربي قدر الخير ...طلع يجري ساقيه اعلى من راسو يشوف فيهم محضبين عندها وهي تتصكك بالوجيعة ...قلبو يحس فيه بش يتخلع من الفجعة -اش فما ؟ اشبيها علياء ..؟ بدا يصيح شد يعنق فيها وهي كبشت فيه كيف العلقة -بنتك يا قيس ...بنتك تحب تخرج للدنيا... -اي اش نعمل انا تو ؟ غزر لامو وحماتو وجهو اصفر كيف الكركم -بش تهز مرتك تولد اشنية بش تعمل .؟ ماعاد فاهم شي من الربثة ...هزها وطار بيها وهوما في جرتو كيف القطيع هههه ...ماصدق لربي وصل بيها للكلينيك ...دخلوها..وهي باقي مكبشة في يدو وخايفة تبكي ... -قيسون ...حاسة بوجيعة موت ...خايفة -اللطف عليك ياروح قيس ..كان متوجع لوجيعتها ..خايف اكثر منها ..لكن كان لازم يقويها ويصبرها ..خاتر هو السند متاعها ...وهو الصدر الي تتكى عليه في لحظة ضعفها ... بعد شهرين ..حطت درة في وسط فرشها باستها من خدها وتبسمتلها ...تلفتت تلقاه واقف قدامها ..مشات تجري رمات روحها على صدرو وكبشت فيه عنقتو .. -بنتك هذي ولات تزاحم فيا ههه ..ناقص انا قرايتك وهي ياسر عليا ...ماعادش عندي فيك باي ...وليت نتوحشك ..قالها بصوت رقيق ...هزلها راسها وباسها من شفايفها ...بوسة رجعت فيها الروح ..ورواتلها العطش اللي حاسة بيه -حتى انا توحشتك ...وتوحشتك برشة برشة ..قاتلو بصوت مغري وضحكت ضحكة متاع تزعبين ودلال..حس برعشة وبدنو سخن ...هزها بين يديه وحطها على الفرش وهبط عليها -تعرف بنتك هذي بش نحصرها في الدار ومانخليهاش تخرج جملة !! -سمالله على بنتي !!علاش تحصر فيها ؟قاتلو وهي تعدي في يديها على شعرو وتجبد فيه ليها تبوس فيه ...غطس معاها في بوسة عميقة وهز راسو يلهث من قوة ماحس -ههه حاسس اللي هي بش تتمكن بواحد من الحومة وتبهذل بحالتو وتعذبو كيما صار في بوها ....غايضني كان الطفل انا نحب نمنعو هههه ...نربح فيه ثواب مسكين .. -مسكين ...اللي بش تحط عليه بنتي عينيها هذاكة بش يولي اسعد راجل في الدنيا ..قاتلو بكل ثقة في النفس وزادت قربتو تبوس فيه .. -اي هاني نشوف في العرض مع روحي ...وهبط يبوس فيها -يعني انت ماكش فرحان معايا؟سالتو وضربتو على اكتافو طلع شوية نحى مريولو وعاود انقض عليها فرحان فرحان ..وكان نتولد من اول وجديد ويخروني شكون بش نحب نعاود نختارك انت . ...ونقعد ديما مانختار كان انت وماتملالي عيني حت وحدة بخلافك انت ... ضحكت بدلال وغطست تحتو تتمتع بحلاوتو -اي هكاكة تلم وافهم روحك ههههه النهاية ...........