في وسط حي شعبي وين يعيشوا الناس البسطاء.. و مثل جميعالاحياء الشعبية.. الجيران مجمعين ..النساا تقضي و طيب مع بعض و الرجال مجمعين فالمقاهي
.. اصوات الضحك معمرة المكان ...
و بالتحديد فقسم فوسط مدرسة ابتدائية كانت وااقفة مغطية وجهاا بيديهاا تشحڨ من البكاا لابسة روبتهاا البيضاا و طابلية فوقهاا .. شعرهاا الطويل لي عاملتواا زوج ضفيراات زايد فيهاا النص
- قدااااه من مرة و اناا نقلك حظري واجبااتك علاه متفهميش تحوسي على الضرب ؟ اصلا هذاا ماا ينفع معااااااكم
" صااح عليهاا فالوقت لي الثلاميذ بكل سكتواا هبطوا ريوسهم خاايفين من الاستاذ و هي زادت قوات فبكيتها "
خرج صوتهاا البريء مخلط بالبكى
ريناس : ساا..امحني اا..ستاذ
- مكاااانش سمااااح المرة هذي ...علاه صحااابك بكل يحلواا وااجبااتهم غير نتي
ريناس : كنت .. مريضة
زادت غطاات وجهاا و قوات فصوت بكاهاا شيء من صيااحوا و شيء من التبهديل و الضرب لي كلاتوا قدام زملائهاا
رمى العود لي ضربهاا بيه فوق المكتب
- هزي حواايجك و اخرجي علياا متزيديش تجي حتى يجيني باباك فااااااهمة ؟
صاح عليها دورت هزت كرتابلهاا و خرجت تجري بسرعة و دموعهاا محبسوش
فالوقت لي كان هو يلعب فماتش مع صحاابوا فالحومة بعد مااهرب من المدرسة ..
- فهد هنااااا اعطييهاالي
- لااا فهد رمييلي الباالون ليااا هااات
طنشهم لزوج و مشاا يجري يتفادى فأعضاء الفريق المنافس باه مينحيولوش الباالون فالوقت لي وصل قدام حارس المرمى رمى الكرة بكل قوتواا جات داخل الشبكة ..
مشاا يجري و يعيط فرحاان بالهدف نتااعواا يقلد فالحركات تاع الاعبين كي يسجلواا اهدافهم وقت يشوفهم فالتلفااز
فهد : ههههههههه ڨووووول ڨووووول ڨووووول
مشاو لعندواا صحاابوا يحضنو فيه و لي كانوا يلعبوا ضددواا قلبوا وجوهم مش قاادرين حتى يشوفواا معااه من خوفهم منواا ..
فهد و اااه من فهد من صغر سنواا تاع 12 و هو عاامل العماايل ولاد الحومة الكل يخاافوا منواا مكاانش لي ياقف فوجهواا
فالوقت لي هواا كان فرحان و يصوطي مع صحاابواا جااه خوه الصغير يجري من بعيد
نزيم : فهدددددد ... فهدددد
بعد على صحابوا يشوف فيه جاي يجري لعندوا .. طلع حاجبواا و قدملواا ..
وصل لعندواا يلهث حط يدواا الصغيرة على قلبواا يرد فالنفس
طابس لعندواا على ركبة باه يوصل لطولواا
فهد : وشبيك نزيم علاه تجري ؟ كشماا واحد ضربك ؟؟
حركلوا نزيم راسواا بمعنى لاا
"حركلوا راسوا بمعنى لا "نزيم : رينااس ..
سمع اسمهاا شهق هز يديه يخض فييه
فهد : وشبيهاا ريناااس نزييم اااانطق
نزيم : ضربهاا .. ضربهاا الاستااذ تعهاا و خرجت ثبكي من المدرسة
"غمض عينيه بعصب و ناض " فهد : ارجع نتاا لدار كون تسقسيك ماما علياا قولهاا مشفتوش فاااهم ؟
شهق نزيم قدم لعندواا لف يديه على رجلوا كبس عليه ... طلع راسواا يشوف معااه
نزيم : لااا فهد مثرووحس بااباا يضربك
رجع طبس لعندوا جبدواا من عليه تبسم معاه يطمن فيه
فهد : متخافش مش راح يفيق .. هااياا صغروني امشي لداار شوي و نجي
هزلوا راسواا و دور يجري رااجع لداار .. فالوقت لي هواا نفض قشواا من غبرة التراب و مشاا راايح للمدرسة يخض فروحوا .. وقف قدام الباب طبق ييديه يستنى فالجرس يدق ..
خرج لعندواا الحارس شاف معاه متكي على الحيط مطبق يديه و قالب وجهواا
- فهد و ليدي وشبيك ؟
فهد: واالواا عمي
شوي و الجرس تااع المدرسة دق .. بدااو اللولاد يخرجوا لي يضحك و لي يدز فخوه و لي يضرب فالآخر يعني حاالة الاولاد لي يقرااو فالإبتداائي
شوي و خرج الاستاذ لي يقري ريناس .. يااا ذوب شاافواا فهد تنفض لعندواا
هبط الاستاذ راسواا يشوف فطفل صغير مايوصلش لرجلواا جااي لعندواا يا ذوب ماا وصلواا تلاح عليه يضرب فيه بيديه الصغار
- ااااي نتاااا بعد هك ياااا طفل وش قاااعد دير
كمل يضرب فيه بكل قوتواا مش متحمل يفكر بلي كااين وااحد يضربهاا و لا يهز يدوا عليهاا
فهد : كيفااااه تضربهااااا ياااا ككلب ااااععع كي شفتهااا صغيرة و عاااقلة تقويت عليهاا
هبط الاستااذ يبعد فيه من عليه و فهد هاايج كيف الثور مش حااب يطلقواا
- حسسن ااالفاااظك و اامشي من هناا راااني قد بااباااك
كمل فهد يضرب فيه مش معبرواا ومش ساامع لكلامواا الحاجة الوحيدة لي بين عينيه صورتهاا و هي تبكي
فالوقت لي كاان محمد بابا فهد معدي و شااف ولدوا يضرب فراجل كبير .. ماشاا لعندواا يجري
محمد : فهدددد
شهق كي سمع صوت باباه حبس فبلاصتواا ..بدى يطلع فراسوا بالعقل طااحت عينوا فعينين محمد لي كااان معصب و وااصلة معااه للخر .. بلع ريقواا عرفهاا خلات عليه
فهد : بابا خليني نفهمك
مشاا ليه سحبوا من تريكوه يخض فيه
محمد : امشيي قدااامي يااا ولد الكللب جبت مااافيااا مجبتش طفل انااا .. عقاااب عمري نلقااك تضرب فراااجل كبيير
- يخي وشيااا هذاااا لي صااير هناااا
محمد : سامحناا خوياا الطفل صغير
فهد : علااااه تطلب فسمااااح بااابااا اطلقني خليينيي نورييلواا كيفاااه يضرب ريناااس
محمد : سكر فممك ياااا كلب ليوم حسااابي معاااك .." رجع دور للأستاذ " ساامحناا مرة آخرة ..
"عوج الاستاذ فمواا "- سمااح
مشاا و جبد فهد معااه يخض فيه
محمد : ليوم نربييك ياا كلب
فهد : لاا لااا بااابااا اسنى نننفهك هذااا ضرب رينااس
محمد : سسسسكر فمك قتتلك
وصل لداار .. دقدق بقوة شوي و فتحتلواا شهرزااد لي كي شاافتهم شهقت
شهرزاد : وووه محمد وشبييكم و ش عمل ثااني
محمد : ولدك المافيا لي عندي حكمتواا يضرب فوااحد قدي فالعمر محوس يوطيلي راسيي انا
فهد : مااامااا لااا ضربتواا على خاطروا ضرب رينااس
دزواا محمد جاا وااقع على الارض
محمد : رينااس هذي لي راااح تهبببلك
حط يديه على حزامواا يفتح فالسبتاا و فهد شهق .. جبدهاا و طااح عليه ضرب و هواا يفرفط تحتواا
شهرزاد : محمد خلاااص خلييه الطفل صغييير
محمد : صغيير هييه لاازم التربية تتعااودلواا من جديد ..
بسيف بااه نااض من فوقواا يلهث بعد ماشبعواا ضرب .. هز صبعوا يهدد فيه
محمد : والله يااافهد و نزيد نشوفك و لا نسمع عليك حاجة و رحمة امي غير نقتلك
قحرلواا و دور طالع فالدروج يلهث و شهرزاد جنبواا
شهرزاد : شربت دواك ؟
محمد : علاه ولدك خلى عندي عقل باه نتفكر دوااياا
هوماا يحكيو و يسمعواا الباب تفتح .. دوروا لزوج شهقوا وقت شافوه خاارج يجري
حكم محمد فقلبواا لي تكبس
محمد : ياا ربي راااح يجيب آخرتي الطفل هذاا
شهرزاد : وووه اللطف عليك تعرف ولدك و الطيش تااع الصغار
خرج يجري من الدار دور شااف من وراه يشوف فباباه لكان لحقواا و لا لا
حبس يلهث تكى على الحيط يرد فالنفس لحموا تسطر من الضرب لي كلاه .. هذات انفاسوا شوي و كمل ماشي لدار ريناس ..وقف قدام الباب و هز ييديه يدق بكل قوتواا .. شوي و تفتح الباب
سميرة : وشبيك دق هك قريب كسرت البااب
فهد : ويني ريناس عيطيلهااا نحب نشوفهاا
حطت يدهاا على حازمهاا قحرتلوا تحكي
سميرة : ريناس مش هناا اي تقراا ديجااا مش قتلك بعد عليهااا متزيدش دور بيهاا محوس تردهاا طايشة كيفك
مردش عليهاا رجع يصيح
فهد : رييناااااس رييناااااس اهبطي نحكيي معاااااك
سميرة : قتتتلك مهيييش هناااا متفهمش امشيي من هنااا و لاا نعيط لشهراازااد
عوج فمواا عرفهاا مكانش كي مردتش عليه
دور مااشي راايح جيهة الغابة لبلاصتهم لي يعرفها غير هواا و هي .. دخل فوسط الغاابة بين الشجر ..شوي و وصل لبلاصة تهبل خضرة معمر ازهار و ورود و نهر جنبهاا .. دور عينيه قابلتواا قااعدة فوق حجرة و تشوف لبعيد .. مشاا ليهاا قعد قدامهاا
فهد : خلاص راني ضربتواا مش راح يزيد يدور بيك
هزت راسهاا شافت معااه بعينيهاا المدمعين ..
ريناس : ضربني قدام لي يقرااو معاياا أماني ناضت تضحك علياا
فهد : اوووفف كون مجااتش طفلة أماني هذي والله نقتلهاا ..
ريناس : وشبيهاا حالتك هك نتاا ؟
فهد : حكمني بابا نضرب فالاستاذ نتااعك
حطت يديهاا على فمهاا و زادوا نزلوا دموعهاا
فهد : خلااص رينااس علاه تبكي
ريناس : ضربك عموا محمد بسبتي
فهد : علاه اول مرة يضربني ..عاادي .. هههه شوفي وش شريتلك
جبد من جيبواا شوكولا لي تحبهاا ريناس و لي وقت شافتهاا لمعواا عينيهاا مسحت دموعهاا بيديها الصغار و خطفتهاا تاكل فيهاا
فهد : هههه كولي بالعقل
خرجتلواا لسانهاا بتبهليل و رجعت تاكل ..
سمعواا حس جااي من جهة الاشجاار دوروا لزوج
ريناس : وشيا هذاا .. اااععع بلااااك دب جااا
فهد : اااووشش اسكتي
قدمت لعندواا كبشت فيه بيديهاا
ريناس : اااعع فهد هذااا دب
فهد : رينااس اسكتي بركي بلا تبهليل وش راح يجيب الدب لهناا .. نوضي قداامي
ريناس : مااهااا منجييش
فهد : اقعدي هناا باه يجي يااكلك
ناض جا مااشي و هي لحقتواا كبشت فيه متخبية من خلفواا .. وصلوا لمكاان الصوت .. شافوا زوج كوبل يضحكواا لاصقين فبعضاهم
ريناس : شكون هذوا ؟؟
دور لعندهاا عمللها اشارة باه تسكت .. ومشاو تخباو من وراا حجرة كبيرة
ومشاو تخباو من وراا حجرة كبيرة يطلواا عليهم
ريناس : يااا فهد هذي مش ايمان بنت طاطا ناجية ؟
فهد : هيه هي و هذاا ياسر جاارناا
رجعوا يشوفوا معااهم حتى لقاوهم يبوسواا فبعضااهم
ريناس : وش قاعدين يديروا ؟
فهد : يبوس فيها
ريناس : علاه يبوس فيهاا من تم ؟
"عوج فموا " فهد : منعرف بلاك شفافها حلوين كيما الحلوة
ريناس : و انا شفافي حلوين ؟
فهد : منعرف ..هاتي نجرب درك نقولك
ريناس : اوكي .. قربت لعندواا حط شفافوا فوق شفافهاا يحاول يبوسها كيماا عمل هذااك ..شوي و دزتواا هزت يدهاا تمسح ففمهاا
ريناس : ااايييعع علااه قتلي حلويين
دزتواا هزت يدهاا تمسح ففمهاا
ريناس : ااايييعع علااه قتلي حلويين
"عوج فموا "فهد : وين علابالي اناا عند بالي حلوين
سمعواا الكوبل حس فهد و ريناس تنفضواا بعدوا على بعضاهم
ياسر : شكوون هنااا ؟
" حطت يدهاا على فمهاا "ريناس : سمعونااا
فهد : ااشش اتخباااي
طاابسوا تحت الحجرة و جبدهاا لعندواا باه مايشوفهمش
ايمان : ياسر حبيبي خليناا نمشيو
حكمهاا من يدهاا و دورواا خارجين من الغابة .. فالوقت لي فهد هز رااسوا يطل عليهم من خلف الحجرة
ريناس : راحواا ؟
فهد :امم راحواا
عطاهاا يدواا حكمت فيهاا و نااضت .. نفضت رجليهاا من التراب
ريناس : خلينانروحواا حنا ثاني درك يوصل بابا لدار و ميلقانيش
هزت كرتابلها لبستوا و مشاو راجعين للحي .. شوي و كانوا قدام دار ريناس ..
فهد : ريناس ؟
هزت راسهاا شاافت معااه بنظراات بريئة
فهد : متزيديش تبكي اوكي ؟
تبسمت معااه و هزتلوا راسها بمعنى ايه ... دورت رايحة لباب الدار طبطبت فالباب و رجعت دارت لعندواا لقاتوا واقف فبلاصتوا يشوف معااهاا .. تبسمت معااه عملتولوا باي باي بيديهاا الصغاار .. شوي وحلتلها امها الباب
سميرة : على سلامتك ياا اللاة شرفتي
دخلت و قفلت الباب من ورااها
ريناس : بابا هناا
سميرة : مزال مروحش من الخدمة علاه تحوسي عليه ؟
نحات سبااطهاا بلعت ريقها هبطت راسهاا تلعب بصوابع يديهاا
ريناس : اااا..
سميرة : احكي وشبيك تعڨنتي ؟
ريناس : قالي الاستاذ متزيديش تجي تقراي حتى يجي باباك معااك
سميرة : وش عملتي ثااني نتي محوسة تهبلي باباك .. هذاا بكل من سي فهد لي قااعدة دوريلي معااه رااح يهبلك عدااك بطيااشتواا
ريناس : لااا ماماا متحكيش عليه هك خااطيه هواا
"حطت يديهاا على جنابهاا " سميرة : و تزيد تحاامي عليه و الله علكيف هذي ولاد آخر زماان فقصة قفلت الباارح 7 سنين جاياا تصوحبلي
ريناس : ااووفف ماما علاه تكرهيه هك وش داارلك
سميرة : وش دارلي مشتيهش قبيل كيفااه جاا كيف المكلوب قريب كسر الباب
قلبت عينيهاا نحات كرتابلهاا رمااتوا و مشاات للكوزينة لقات خاوتهاا الصغار مجمعين فوق الطابلة ياكلوا
دينا : ريناااس ههه زيتيي
مشات ليهاا باستهاا من خدهااا
سارة : ستنيتك منين الجامع لعشياا و ملقيتكش
ريناس : خلصت بكري
دخلت سميرة للكوزينة شافت معاهاا
سميرة : نحطلك تاكلي ؟
ريناس : لا شبعاانة
فالوقت لي تحل البااب و دخل باباهاا قالب وجهواا .. مشات ليه هي و سميرة
ريناس : بااباا نحب نقولك حاجة
هبط عينيه شاف معاهاا بلع ريقواا بقاا يثبت فيهاا .. هز يديه عداهم على وجهوا نفخ بعصب
كمال : مش درك منبعد قوليلي
ريناس : بصح
كمال : رينااااااس قتلك منبعد اطلعي لغرفتك درك
صااح عليها مشات تجري طالعة لغرفتهاا .. فالوقت لي هواا دور مشاا لغرفتواا دخل و خبط الباب ... لحقتوا سميرة ..
سميرة : كمال وشبيك ؟ علاه صحت على الطفلة ؟
هز راسواا شاف معااها تنهد .. قعد فوق السرير حط راسوا بين يديه .. مشات ليه سميرة قعدت بحدااه هزت يديهاا تعدي فيهاا بحنانة على ظهروا
سميرة : كمال يا روحي وشبيك ؟
كمال : اليوم جاا صاحب المحل كان راح يخرجني على جالت الأجرة لي مدفعتهااش .. حتى صاحب الدار قالي فيدك اسبوع ولا تخرجوا من الدار وزييد فاتورة الكهربة و المااء مش مدفوعين ااوووففف اوووفف
عوجت سميرة فمهاا و كملت تمسحلواا على ظهروا تهدي فيه
سميرة : خلااص ياا روحي هدي روحك مش مليح لصحتك ربي معااناا .. كلش يفوت
كمال : اليوم جاتني زينب للحانوت
"طلعت حاجبها مستغربة " سميرة : وش رجعهاا بعد السنين هذي ؟ و كيفااه عرفت بلاصتنا ؟
كمال : منعرفش ..سمعتني نحكي مع صاحب المحل و .. و .. (سكت مقدرش يكمل )
سميرة : وو .. واش ؟
كمال : تحوس على ريناس قاتلي ردهالي و نعطيك ..و نعطيك لفلوس لي حاب
شهقت سميرة حطت يدهاا على فمهاا
سميرة : هذي وجهاا صحيح و جااياا تحكي فيهاا عاادي تشري فيناا بدراهمهاا ؟
نفخ بعصب هز يدوا عداها على شعروا
كمال : سميرة المراا عندهاا الحق يكفيني حارمهاا من بنتهاا سنين هذي الكل
سميرة : حتى ريناس بنتك نتا ثاني مش بنتها وحدهاا
كمال : غدواا تجي تديهاا
"تحل فمهاا و وسااعوا عينيهاا " سميرة : عطيتهاا بنتك ؟ كمال رااهي رينااس ريناس لي تخااف عليهاا من نسمة الهوااء راح تعطيها لزينب ؟ رااك نورماال ؟
كمال : وش رااح ندير محوستناا نبقااو فالشوارع ..منقدرش نعيش ثلاث بناات بالخدمة هذي قاعدين يكبرواا و مصروفهم يكبر معاهم .. ديجاا رااح تعيشهاا فمعيشة احسن من هذي منيش مهبول نعطيهاا بنتي هكااك
سميرة : اييه يمكن احسن ليهاا .. راح تكبر فوسط العز خير من الفقر ..و زينب امها مش راح ضرها
كمال : مش عارف كيفااه راح نكمل نعيش و بنتي بعيدة لياا
سميرة : صعيبة ياا روحي نعرف حتى اناا صعيبة علياا رااهي بنتي صحيح مش اناا لي ولدتهاا بصح اناا لي ربيتهاا و سهرت معاهاا 7 سنين كاامل
هز راسواا حط يدوا على خدهاا تبسم معاهاا قدم بااسهاا على جبتهاا
كمال : راح نطلع نحكي معاهاا .. و نتي سجيلهاا ثيابها
هزتلوا راسهاا بمعنى ايه
فالوقت لي ريناس كانت طل من شبااك غرفتهاا تشوف في فهد يلعب فالبالون مع ولاد حومتهاا و كي العادة فريقواا هو الراابح .. عينيهاا متنحااوش من عليه تتبسم وقت تشوفواا يسجل فالاهداف و تخاف وقت تشوفواا طااح وهو يجري .. الوحيد لي مصااحبتواا فحياتهاا معندهاش صحاب من غيرواا اصلا علاقتهاا مش مليحة مع بنات الحومة من طبعهاا الحااد متحب دخص عليهاا حتى واحد من غير فهد و عايلتهاا
سمعت الباب يدق تنفضت سكرت الشباك و ردت الريدواا بسرعة
وقت تحل الباب و دخل كمال .. شاف معاهاا تبسم و مشا ليها هزها بين يديه
كمال : تغشت اميرتي كي صحت عليها ؟
هبطت راسها عملتلوا لا
كمال : وش كنتي حابا تقولي ؟
ريناس : باباا ..
كمال : يا روح بابا
"غرغروا عينيهاا " ريناس : الاستاذ قالي متزيديش تجي حتى تجيبي باباك
"شد ضحكتوا من منظرها و خوفهاا " كمال : علاه وش درتي ؟
ريناس : والله مادرت حاجة لبارح كنت مريضة سقسي ماما تقولك و مقدرتش نكتب الواجب برك
كمال : معليش ديجا مش راح تزيدي ترجعي للجامع
وساعوا عينيهاا من حكيوا مش فاهمة قصدوا
ريناس : علاه بابا و الله نحب نروح نقرى البارح برك كنت مريضة
بلع ريقوا و هو يشوف مع ملامحهاا و برائتها و صوتهاا الحنين ... سحبهاا لعندوا حضنهاا بكل قوتواا يشم فريحتهاا و يبوس فيهاا .. غرغروا عينيه بالدموع مش مصدق بلي راح يخليها تروح تعيش بعيدة عليه .. هبطهاا على الارض و رجع باسها من جبهتها و خرج من الغرفة مقدرش يحكي معاها و يفهمها يحس فروحوا ضعيف كون مش الدنيا جبرتوا مستحيل يبعد عليها هو لي حارب الدنيا الكل على جالتهاا و على جال يحصل على الحضانة نتاعها بعد ما طلق هو و زينب لي زوجوا عن حب اماا مقدروش يتفاهموا لاهوماا لا عايلاتهم بحساب زينب من عايلة غنية و هو فقير من حي شعبي بسيط ... وقت قدر يحصل على ريناس تزوج من سميرة بنت عموا لي حبتوا و قبلت بيه
صباح جديد و احداث جديدة
خرج من الدار بعد ما عدى الليل كامل سااهر مقدرش يرقد من التخمام ... خرج قابلتوا سيارتها الجيب الكحلة نزل الشوفور حللها الباب هبطت مراا سمرااء منها لابسة روب باج فوق الركبة و مونطوا فوقها شعرهاا كحل طويل .. قدمت ليه نحات اللينات من عينيهاا
زينب : صباح الخير كمال
كمال : صباح الخير
هزت ساكها جبدت منوا ورقة شيك
زينب : المبلغ لي تفاهمنا عليه
لز على سنيه طول عمروا بخشموا كون مش على جال عايلتوا عمروا يعمل حاجة مثل هك
زينب : كمال تعرفني و تعرف نيتي مش سيئة كون مش نتا لي حرمتني من بنتي عمري نعمل هك
"تنهد بحسرة " كمال : استنايني هنا نجيبها و نجي
فالوقت لي هي بدات تحل فعينيها قابلتها سميرة تعدي فيدها بحنانة على شعرها .. تبسمت معاهاا
ريناس : ماماا
دمعوا عينيهاا بسيف باه حاكمة روحها باه متبكيش تبقى هي لي رباتها و تعتبرها وحدة من بناتها
سميرة : يا روح ماما نتي صباح الخير
ريناس : قداه الساعة منوضتينيش بكري ؟ " تنفضت من فراشها " ااوفف ماما علااه علااه يكون فهد يستنى فياا
تبسمت سميرة فوسط دموعهاا تشوف فيها كيفاه داخلة بعضها بسبت فهد هابلة عليه ترقد بفهد و تنوض بفهد
سميرة : مش قتلك بعدي على الطوايشي هذااك ااه ؟
قعدت مقابلتهاا عوجت فمهاا ذبلت عينيها
ريناس : لاا ماماا و الله ماهواا طوايشي
سميرة : هيه مسكين اناا لي ظالمتواا
هزتلها ريناس راسها بمعنى ايه
سميرة : ههه معلييش ... نوضي البسي ثيابك و اهبطي باباك اللتحت يستنا فيك
خرجت من الغرفة هبطت للصالة قابلها كمال قاعد فالصالة .. هز راسوا شاف معاها
سميرة : وصلت زينب ؟
كمال : ايه ويني ريناس ؟
سميرة : اي جايا تلبس ثيابها و تهبط
جبدت روب وردي لبستهاا مشطت شعرهاا و دورت خارجة .. فجأة تفكرت الصور مشاات تجري راجعة حلت الدرج جبدت منواا صور ليها و لفهد وقت
حلت الدرج جبدت منوا صور ليها و لفهد وقت صورواا فالعيد .. خباتهم فجيبهاا بااه تمدهوملواا و خرجت من غرفتهاا ..هابطة فالدروج تسوطي و تغني وقت لي سمع صوتهاا كمال و هي تغني مسح دمعتواا لي طاحت و ناض رايح ليهاا هزهاا
كمال : صباح الخير لأحلى اميرة
ريناس : بونجوور بابااتي
مشاا بيهاا جهة الباب حطهاا على الارض لبست صباطهاا ورجع هزهاا
ريناس : وين راايحين ؟
تبسم معاهاا حل الباب و خرج ..
هزت زينب راسها تشوف معاهم ... دمعوا عينيهاا وقت شافت رينااس لاول مرة من نهار داوهالهااا ..مشات ليهاا بسرعة هزتهاا من عند كمال تبوس فيهاا
زينب : يا روحي نتي كبرتي .. كنتي لحمة وقت شفتك آخر مرة
عوجت ريناس فمهاا مش فاهمة .. تنهد كمال بحسرة وقت لي قدمت ليه سميرة حطت يدهاا تمسح على ظهرواا تهدي فيه
ريناس : شكون نتي طاطا ؟
جات راح تجاوبها وقت لي جبدهاا كمال من بين يديهاا حطها على الارض .. طابس على ركبة لمستواهاا .. حكم وجهاا الصغير بين يديه الكباار
كمال : ريناس حبيبتي شفتي هذي ؟ هذي تكون ماماك
"طلعت حاجبها مستغربة " ريناس : كيفاه ماما ؟ و ماما سميرة ؟ يعني انا عندي زوج مامات ؟
تبسم .. قدم باسها من خدها و رجع يحكي : ايه يا روحي عندك زوج مامات بصح ماماك تع الصح هي طاطا هذي
هزت راسها شافت معاهاا .. تبسمت معاهاا زينب
ريناس : بصح علاه جامي شفتها ؟
كمال : على خاطر تخدم بعيد من هنااا و اليوم ... "سكت شوي بلع ريقواا يحاول يكمل جملتواا " و اليوم جات تديك تعيشي معاهاا
"وساعوا عينيهاا " ريناس : كيفاااه ؟ لا بابا منحبش نروح مش قتلي تخدم بعيد قلهاا هي تجي تعيش معاناا
كمال : ريناس يا روحي ماماا عايشة فقصر كبيييييييير كيماا تاع الاميرات راح تكون عندك بييتك كبيييرة وحدك معمرة العااب و حديقة قدام الداار تلعبي فيهااا كيمااا تحبي
دمعوا عينيهاا قدمت لعندوا كبشت فتريكوه
ريناس : مااهااا منحبش نروح نحب نعيش فدارناا منحبش قصر
كمال : بصح ماما تحبك و تحب تديك معاهاا
رينااس : ماهاا منعرفهااش اناا و منحبهااش
بلعت غصتهاا زينب من حكيهاا
ريناس : راح الحاال الاستاذ بداا فالدرس لازم نروح
جات داخلة لدار تهز كرتابلهاا حكمهاا كماال
ريناس : باباا طلقني خليني نروح فهد يستنى فياا
كمال : رينااس .. (قصت عليه تصيح )
ريناس : اااااطلقنيي قتلك منحبش نروح معاهاا (هزت عينيهاا تشوف معاا سميرة لي كانت تبكي ) .
طبست سميرة جبدتهاا لعندهاا تبوس فيها و تبكي
زينب : ريناس حبيبتي وقت بااه نروحواا
قدمت لعندهاا مسكتها من يدهاا وقت لي ريناس سحبت يدها منهاا
ريناس : قتلك منرووحش معااك متفهميش .. باباا احكي معاهاا قلهاا تروح من هناا
دور كمال وجهواا مش قادر يشوف معاهاا .. رجعت زينب حكمتهاا
زينب : حبيبتي عندي مفااجأة ليك فالدار متحبيش تشوفيهاا ؟
ريناس : منحببش قتتلللك اطلقيينيي
زينب : كمال راح نمشيو
مردش عليهاا بقاا مدور وجهواا يمنع فدموعواا يهبطواا .. سحبت رينااس من يدهاا تمشي فيها لسيارة و هي تفرفط بين يديهاا تصيح و تبكي
ريناس : اااااطلقينيييي قتتلللك منحببش نجييي معاااااك بااااااابااااا بااابااااا قلهااااا تطلقنييي ااااااععععع مااامااا مااامااا احكي معااهااا منحبهاااش نحببك نتيي مااامااا
غطات سميرة وجهاا بيديهاا تشحڨ من البكى وقت لي كمال الاخر حط راسواا على الحيط هز يدواا يخبط فالحيط بكل قوتواا
ريناس : اااااطلقيينيي ااااطلقيينيي قتلك ، دررك يجييك فهددد يضضررربك ففففههد فهددددد
طلعتهاا فالطوموبيل و طلعت جنبهاا سكرت البااب .. هزت ريناس يدهاا تخبط فالباب لي محبش يتحل
ريناس : حليييي حللللييي الباااااااب
عطات زينب امر لشوفور يقلع .. مشاات السياارة و زاادواا قوااو دموع رينااس صوتهاا وجعهااا من العياااط يديواتهاا الصغار رجعواا حمر من الخبيط فالباب
فالوقت لي فهد دور ماشي لدار ريناس بعد ما بقى يستنى فيهاا .. مثل العادة كل صباح يستناها باه يمشيو يقراو مع بعض .. دور رايح لدارها بعد ماطولت.. مااشي هاز كرتابلوا فوق ظهرواا و لابس طابليتوا الزرقة
كملت ريناس تبكي و تشوف معا الشباك وقت لمحت فهد تبسمت وسط دموعهاا رجعت هزت يديهاا تخبط فالكارواا تعيط
ريناس : فهددد فهددد فهددد ..
دارت لعند زينب هزت يديهاا الصغار تضرب فيها
زينب : اااعع رينااس ااركحي وشبييك ااايي
ريناس : قلوااا يحبس السياااارة قلوااااا
زينب : خلااص خلااص بعديي .. سامر وقف
حبس الشوفور السيارة .. حلت البااب و هبطت تجري رايحة لعندوا
ريناس : ففففففهددد
دور بعد ماا سمع صوتهاا شاافهاا هاابطة من سياارة سودااا كبييرة و مرااا من ورااهاا
زينب : ريناااس نحكيي معاااك حبسيي ويين ماااشية
كملت ريناس تجري لعند فهد وصلت لعندواا صوطاات حضنتواا بكل قوتهاا بحكم كاان طويل عليهاا شوي .. قوات فصوت بكيتهاا
فهد : ريناس وشبيك ؟ علاه تبكي ؟ شكون هذي ؟
حبست زينب قدامهم تشوف معاهاا محضنة طفل صغير
فهد : رينااس نحكي معااك شكون هذي ضرببتك ؟؟
هز فهد راسواا يشوف معااا زينب بعصب .. جبد ريناس رجعهاا خلفواا ...
"صاح عليها " فهد : وش درتييلهاااا اننطقييي شككون نتيي ؟؟
"طلعت زينب حاجبها مستغربة " زينب : عفواا ؟
ريناس : فهد...
دار لعندهاا مسحلهاا دموعهاا بيديه الصغار
فهد : شكون هذي ريناس ؟
ريناس : قالي بابا هذي تكون ماما
"طلع حاجبوا مستغرب " فهد : كيفاه ماماك و طاطا سميرة ؟
ريناس : مش عارفة
فهد : وش كنتي ديري معاها ؟
ريناس : راح تديني نعيش معاهاا
"وساعوا عينيه " فهد : كيييفاااااااه ؟ ويين تعيش هذيي
"زادت قوات فصوت بكيتها " ريناس : منعرفش
فهد : ااووشش خلااص متبكيش
ريناس : مش راح نزيد نشوفك
فهد : لااا متحكييش هك رااح نرجعواا نتلاقااو ونشرييلك الشوكولا تااعك كيماا متعود
زينب : هاياا ريناس حبيبتي خليناا نمشيو راح الحال
ريناس : راح نتوحشك معنديش صحاب من غيرك
فهد : حتى انا راح نتوحشك
ريناس : فهد نحب توعدني بحااجة
فهد : وشياا ؟
ريناس : اقراا ملييح و متزيدش تتعاارك مع اللولاد و خوذ رااي طاطا شهرزاد و عموا محمد و متلعب مع حتى طفلة من غيري
تبسم معاها و هزلها راسوا بمعنى ايه
ريناس : وعد ؟ .هزت صبعهاا الصغير مقابل وجهواا فالوقت لي هو شبك صبعوا الصغير مع صبعهاا
فهد : وعد... و حنى نتي اوعديني بحااجة
ريناس : وشياا ؟
فهد : متزيدي تبكي على جاال حتى وااحد كوني كيما اناا قاوي منبكيش
"تبسمت معاه وسط دموعهاا " ريناس : وعد .. حقااااا فكرتنيي (جبدت زوج تصااور من جيبهاا ) هذوا تصاور صورناا عموا علي فالعيد خلي وحدة معااك و وحدة راح نخليها معااياا عندك تودرهاا اوكي ؟؟
فهد : اوكي
قدمت ليه رجعت حضنتواا
زينب : هاياا ريناس
سحبت روحهاا منواا باستواا من على خدواا فالوقت لي هو طلع وجهواا احمر
ريناس : باااي فهد
فهد : باااي ردي باالك على روحك
دور لزينب طلع راسواا لعندهاا يڨحرلهاا هز صبعواا يهدد فيهاا
فهد : ردي
بعيداا عن الاجواء الصاخبة تع المدينة و فمنطقة خالية فيهاا غير التراب بعيد على اعين الناس كاانواا شبااب مجمعين .. تسمع غير الضحك و الغناا البناات المعري اكثر من المغطي و الشباب نصهم مش صااحي من المشروب
تسوق فسيارة رياضية آخر موديل زاايدة فالسرعة تحرق فالطريق حريق لين رجعوا عجلات السياارة مايلامسوش الارض السيارة قريب طير فالهواا .. تتبسم في ابتسامة عريضة هزت عينيهاا لل rétroviseur شافت سيارة زرقاا قربت تلحقهاا .. عوجت فمهاا و زادت فسرعتهاا كملت تسوق مخلية غير غبار التراب خلفهاا
طلقت ضحكة طويلو وقت شافت ال drapeau لي يعلن على نهاية السباق .. رجعت هزت عينيهاا تشوف فنفس السيارة تقربلهاا حركت راسهاا و ضحكة بستهزاء و كملت تسوق لين عداات خط النهااية
هبطت البنت لي كانت واقفة قدام خط النهاية .. هبطت الdrapeau بمعنى انتهااء السباق .. ناضواا الكل يصفقواالهاا بحيث كل سبااق تشاارك فيه تكون هي الراابحة عمرهاا لاخصرت
حبست السيارة و نزلت منهاا الضحكة متناحتش من على وجها ..
جات ليها صحبتهاا تجري عنقتهاا
ليديا : هههههههههه صحبتي قوة داايماً الاولى
"ضحكة بتكبر "ريناس : معلوم دايماا الاولى متولدش لي يسبقني
حبست نفس السيارة الزرقاا لي كاانت خلفهاا ..نزل منهاا بكل وهرة بكتافواا العرااض ، سموريتوا و زينوا لي يقتلواا اي وحدة تشوف معاه .. رسم ابتسامة على وجهواا و مشا لعندهاا مبهور فقوتها و شجاعتهاا رغم صغر سنهاا
ادم : بصحتك عزيزتي
"ضحكت بتكبر هزت يديهاا طبقتهم " ريناس : قتلك متلعبش معااياا راح تخصر
"عوج فمواا هز صبعواا حك لحيتوا "آدم : حبيت نجرب الناافس الطفلة لي خصرت صحابي الكل
ريناس : و خصرتك معاهم ههههه
قدم ليهاا اكثر طابس لعندهاا حتى صار وجهواا مقابل وجهاا و هي شعرة لاتحركتلهاا و الابتسامة متنحاتش من على وجهاا
" شاف معاها بعينيه لي يسحروا "ادم : معليش تتكرمي تقبلي طلب الخاصر و تشرفيه للعشا الليلة ؟
" عوجت فمها " ريناس : ااممم نخمم
"ذبللها عينيه يتمسكن " ادم : ماايكفيش قلبي لي تحطم من السباق لي خصرتوا وراح تزيدي تحطميه برفضك .. حني على الخااصر هذاا
ريناس : هههع معليش سي ... ؟
ادم : ادم ههه شايف منيش محل اهتماامك مدام نسيتي اسمي
ريناس : تقدر ترجع هههه
ضحك ضحكة خفيفة .. هز يدهاا باسهاا بكل لباقة
ادم : راح نعدي عليك الساعة 8 كوني جااهزة
تبسمت معاه فالوقت لي هو غمزلهاا و مشا راجع لطوموبيلتوا ركب و قلع طااير
قلبت عينيها و دورت راجعة لسيارتها
ريناس : اللصقة هذاا ااووفف
شافت معاهاا ليديا لي كنت واقفة جنبها و سمعت حديتهم الكل
ليديا : نحب نعرف نتي داب ؟ حمار ؟ بغل ؟ حيوان ؟ وش تكوني لربي ؟
ريناس : ليديا متبدايش مش ناقصتك من غير شيء تعبانة
ليديا : يا بنتي راهواا آآآدم آآآآآآدددمممم ااااااااااااددممم
ريناس : علاه انا قتلك سامر ؟ شبيك تعاودي في اسموا عشرين نخطرة نعرف اسموا ادم
" قلبت عينيها " ليديا : اسطورة المدينة لي بإشارة من صبعوا بنات البلدة الكل تركعلواا اللاة صحبتي تتكبر عليه
ريناس : تعرفيني و تعرفي طبعي و علاقتي بالرجال كيفاه
ليديا : رينااس
(قصت عليهاا )ريناس : ايتاااان اسمي ايتااان مش ريناس تعرفينيي نكره الاسم هذاااا و قدااه من مرة نبهتك متعيطيليش بريناس
ليديا : انا نحكيلها على ادم و هي تقولي كيفاه نعيطلها .. بالناقص الهدرة معاك
ريناس : اااف بااي
مشات راجعة لسيارتهاا .. لابسة سروال نوار مزير عليهاا طالع لكرشها و تريكواا نوار قصير فوق سرتهاا مكتوب فيه puma بالابيض ... لامة شعرهاا الطويل لفوق ..وجهاا مفيهش قطرة تع مكيااج اماا زينهاا يسحر من غير ماتحط مكياج عينيهاا النوازات الكبار لمشفرين خشمهاا الحااد و شفافهاا الوردي الصغار المعمرين .. رغم صغر عمرها الى انهاا قنبلة تع زين .. فبعد ال 13 سنة لي تعداات قدرت الحياة تمحي رينااس الطفلة الصغيرة البريئة بااه تجي فبلاصتهاا انثى مغرية بأتم معنى الكلمة ... حلت باب سيارتهاا ركبت و قلعت رايحة للفيلاا تحرق فالطريق كي عاادتهاا تموت على السرعة
****
وصلت للدار و لا خليناا نقولواا لقصر .. ركات سيارتهاا و نزلت منهاا .. جاا لعندهاا راجل فعمر الستين هااز فيدواا مقص تع الحشيش و حااط طابلية على خصرواا
لطفي : على سلامة بنتي
ريناس : عمواا لطفي دخل السياارة للڨاراج مش راح نزيد نخرج بيهاا
عطاتلوا المفتاح و كملت مااشية .. حبست و دارت راجعتلواا
ريناس : وصلت سلمى ؟
لطفي : اييه وصلت يكثر خيركم ياا بنتي كون مش نتي و مدام زينب مكانتش بنتي راح تقدر تكمل قرايتهاا
"تبسمتلواا " ريناس : لا عمي معملناا شيء و سلمى نعرفها شاطرة حرام يروح تعبهاا تع القراية سنين هذي الكل فالباطل
حلت باب الدار دخلت و رجعت سكرتواا .. مشات للصالة قابلتها زينب قاعدة لابسة روب بيضاا فوق الركبة و شعرهاا طايح على كتافها كلها اناقة .. هزت عينيهاا شافت معا ريناس تبسمتلهاا .. طبقت الجريدة لي كانت تقرى فيهاا حطتها فوق الطابلة و نحات اللينات من على عينيهاا .
زينب : ريناس جيتي بنتي ؟
"نفخت بعصب " ريناس : ايتان ماماا ايتان
قدمت لعندها باستها على خدها
زينب : وينك من الصباح و انا نعيط عليك علاه مسكرة تيليفونك ؟
ريناس : كنت مع البنات و تيليفوني طاحتلوا الباتري
"طلعت حاجبها مش مصدقتها " زينب : ريناس يا روحي نظن حكيناا و بعدتي على الهم تع السباقات و سكرنا عليه الموضوع هذا عندنا زمان مش هك ؟
"بلعت ريقها تبسمت بتوتر " ريناس :هييه ماما قتلك مش نلعب على كل حال راح نطلع نجهز روحي معروضة للعشاا الليلة
زينب : اوكي حبيبتي .... رينااس
ريناس : ماامااا ( قاطعتها )
زينب : ني ماما ني زوج اسمك ريناس مش فاهمة منين خرجتيلي ايتان هذاا على كل حال وش كنت راح نقلك
ريناس : واش ؟
زينب : عيطلي كمال... " قصت عليها قبل ما تكمل حكيهاا "
ريناس : شكون كمال منعرف حتى حد فحياتي انا اسموا كمال
زينب : يا بنتي علاه تعملي هك راهوا باباك مشوي عليك 13 سنة مشافكش راهم 13 سنة حرام لي تعملي فيه
رجعت قصت عليها تصيح
ريناس : و هوووااا مش حرام عليه كي طيشنيي على جاال الدراااهم رماااني بااه يكمل يعييش مرتواا و بنااتواا و اناا مشاافش فيااا
زينب : مرمااكش عطااك لامك عطاااك ليااا مرماااكش لعبد خلاااف " طاحتلهاا دمعة مسحتهاا بالخف " الحق علياا اناا مكاانش لازم نااخذك منواا بصح وش ذنبيي اني حبيت نعيش مع بنتي .. يعني لهااذ الدرجة متحبيش المعيشة معاياا ؟
مشات ليها تجري حضنتهاا
ريناس : اششش مااماا متحكييش هك تعرفينيي نحبك منيش زعفانة منواا على خاطر عطاني ليك ، زعفانة على خاطر حرمني منك سنين صغري الكل و منبعد رجع رماني و مسألش علياا .. عندك تحطي فبالك بلي نكرهك و لا نكره حياتي معااك بالعكس رااكي أمي شفتي وحدة تكره امها لي جابتها للدنيا ااه ؟
مسحت زينب دموعهاا لي طاحوا تبسمت معاهاا و هزت يديهاا تعدي فيها على شعرهاا بحنانة
زينب : نعرف يا روحي نعرف اما حااجتك قسوة على باباك خلي ...( قاطعتها كي نااضت )
ريناس : ماما من فضلك مش راح نبقاو نتعاركوا كل يوم فنفس الموضوع قتلك منحبش نشوفوا و اصلا نحيتوا
دخلت لبيتها خبطت الباب تحس فالعصب ياكل فيها كل مرة تجبدلها على سيرة بوها .. قدمت للفرش هزت ترمي فالمخاذ على الارض تجبد فالاغطية و تعيط
ريناس : اااععع نكرهوا نكرهوا مش باابااا مش باابااا
طاحت فالارض تبكي حطت وجهاا بين يديهاا تشحڨ من البكى تتذكر وقت هزتها زينب و هي طفلة صغيرة وقتها كانت تشحڨ من البكى تترجى فيه باه متروحش اما هو كفى انوا يدور للحيط و ميردش عليهاا من تم و هي حااقدة عليه انواا تخلى عليهاا و حقدها زاد وقت سمعت زينب تحكي مع خالهاا بلي قبل يعطيهالها على جالت الدراهم و انواا سنين هذي الكل مخبيهاا عليهاا
تنهدت من اعمااق قلبهاا هزت يديهاا تمسح فدموعهاا و ناضت رايحة للدوش ..
نحات ثيابها طلقت شعرهاا الطويل لي واصل لخصرهاا و دخلت تحت الماء ..
غمضت عينيهاا تعدات صورة فهد عليهاا لي متنحااش من بالهاا مزالت تتذكروا و تتذكر ملامحوا حتى انهاا تتذكر الاوقات لي عداتهاا معاه بالتفصيل
رجعت بيهاا الذاكرة وقت قفلت 10 سنين سألتها زينب على الهدية لي تحب تجيبهالهاا .. و هي طلبت انوا تديهاا تشوف فهد ..
وقتها حبست السيارة قدام دار فهد حلت الباب و هبطت تجري فرحانة لانها راح ترجع تشوفواا بعد سنين لي تعدات الكل .. هزت يديهاا تخبط فالباب بكل قوتها و تعيط .. حللها الباب راجل غريب عمرها شافتوا وقت سألتوا على فهد و عايلتواا خبرها بلي عندهم سنتين من لي نتااقلواا خارج البلدة بعد ما بابا فهد جاتوا خدمة خارج البلاد بااع داروا لي فالحي و سافر هو و عاايلتواا ..
قفلت عليهاا السباالة تع الما تنهدت مبقالهاش امل تشوفواا غمضت عينيهاا تحاول تفكر كيفااه ولاا كبر زياان قراا كيماا وصااتواا آخر مرة تبسمت بوجيعة قدرت تنسى سنين طفولتهاا الكل غير فهد لي مقدرتش تنحيه من باالهاا... لفت المنشفة على لحمهاا و خرجت من الدوش .. مشات للدريسينڨ تعهاا لي اشكال انواع من الثياب و الاحذية و الاكسسوارات .. وقفت تشوف مع ثياابهاا عوجت فمهاا مش عاارفة وش تلبس
بعيد على الفيلا و بالتحديد فأكبر شركة للهندسة ... كان قاعد فوسط بيروه غاطس يوقع فالاوراق وقت ذق الباب .. دخلت منواا السكرتيرة لابسة جيب مزيرة عليهاا يا ذوب تغطيلها داريارهاا و شوميز بيضة راح تطرشق من عليهاا بلاشي طاابلواا المكياج لي في وجهاا
لارا : موسيواا جبتلك القهوة
كمل يصحح فالاوراق مكلفش روحواا يرفع راسوا يشوف معاهاا حتى
فهد : حطيها فوق المكتب و اخرجي و متزيديش تدخلي حتى تسمعيني قتلك ادخلي فااهمة ؟
هز راسواا شااف معاهاا بعينيه الزرق خزرتواا خزرة تع الصقر تقتل مع عينيه لي يسحرواا
فهد : فاااهمة ؟
حركتلواا راسهاا بمعنى ايه و خرجت من البيرواا
حرك راسواا و كمل خدمتوا فالوقت لي صونالواا تيليفونواا هز عينوا شاف مع المتصل رمى ستيلوا من يدوا و هز تيليفون
نزيم : اسمع نحتااجك فحااجة
فهد : والله لباس و نتاا ؟
نزيم : اافف فهد مش وقت نسقسيك على احولك .. راك فالشركة ؟
فهد : امم علاه كشماا صراا ؟
نزيم : لا خليك لتم رااني جااي
سكر عليه الخط .. طلع فهد حاجبوا مستغرب من حالة خوه .. رمى تيليفون فوق المكتب تنهد .. هز الكاس لي فيه القهوة ترشف منهاا .. وقت لي جات عينواا على الإطار لي حاطواا فوق مكتبواا .. تبسم لاح يدواا هزواا يشوف مع الصورة لي عندواا سنين مستحفظ بيهاا من نهاار مدتهاالواا .. تنهد من اعماق قلبواا خرج صوتواا ضعيف
فهد : رينااس
تحل الباب على وسعوا دخل و رجع سكروا بسرعة مشاا طول قعد مقابل فهد لي بقى داهش فتصرفواا
فهد : لباس ؟ وشبيك نتا من الصباح ؟
نزيم : نحبك تعاوني فحااجة
فهد : لي هياا ؟
"عوج فمواا و نفخ مش عاارف كيفاه يبداا " نزيم : اا.. يعني اناا .. يعني ..
فهد : وشبيك انطق ؟
نزيم : ااففف من الاخر عااجبتني وحدة و عرضتهاا اليوم العشاا نحبك تعااوني تعرف علاقتي بنساا و منعرفش نتصرف معااهم نحبك تعلمني مش حااب نخصرهاا
بقاا يشوف معااه مذهول منواا كيفاه يهدر بسرعة و يحرك فيديه باه يشرحلواا .. سكت شوي و طرطق بالضحك
فهد : ههههههههههههه
شاف معاه نزيم لي رجعوا عينيه حمرمن العصب
نزيم : شبيه *** تضحك الحق علياا اناا جاي نحكيلك
فهد : هههههههههههه حبس حبس هههههه خلاااص سكت
نزيم : خلاص سكر ***** ال**** هذااا
" رجع زبط وجهوا " فهد : اعرف كيفااه تحكي معااياا راني خوك الكبير و شياا الالفااظ هذي
قلب نزيم عينيه فالوقت لي رجع فهد يضحك
فهد : ههههههه
فهد : ههههههههه روح شوف حاالتك كيفااه حسستني كيماا لي عرضهاا صاحبهاا و جاياا تسقسي فصحبتها وش تلبس هههههه
نزيم : روح **** بالناقص الهدرة معاك
وقف ضحك يرد فالنفس لي تقطعلوا
فهد : خلااص خلااص و الله سكت هههه ..
نزيم : تحبس ضحك و لا تخليني نمشي نحوس على واحد خلاف
فهد : نووو تحوس على واحد خلاف و خووك هناا متجييش .. بصح يعني كيفااه حتى نزيم خوياا الصغير لي لبنات آخر همواا عااجبتوا وحدة
" تنهد من اعماق قلبواا عدل قعدتواا "نزيم : وااشمن اعجااب راني نعشق
فهد : هههههههه مش قاادر نشد روحي شوف حاالتك كي روميواا
" قحرلوا يزيد شوي و ينوض يخنقواا " نزيم : مش راح تحبس ***** المهزلة هذي درك
فهد : هههه سيبون والله سكت .. ااححمم نوليو لموضوعناا هييه احكيليي
نزيم : وش نحكيلك ؟
قلب عينيه رجع بكرسيه للخلف حط رجل على رجل و طبق يديه
فهد : كيفاه وش تحكيلي مش طول عمرك مطيقش لبنات كيفاه حتى هذي قدرت تدخل مخك ؟
نزيم : منعرفش كيفاه و وكتااه المهم نحب عليهاا و قتلك عرضتهاا اللعشاا اليوم و جيتك تعلمني حركاات هك
فهد : هههه معلييش نعلمك
حل درج مكتبواا جبد منواا سماعاات تاع بلوتوت رمالواا وحدة
نزيم : وشياا هذواا ؟
****
من جهة اخرى بعد ماا خلصت وقفت تشوف مع روحهاا فالمرااية لابسة ensemble فالاحمر مزير عليهاا جيب قصيرة و التريكواا فوق صرتها مبينلهاا صدرهاا طلقت شعرهاا الاصفر مع مكيااج خفيف .. لبست طالون فالاسود مع بوشات فنفس لون الطالون .. صونالهاا تيليفونهاا وصلتها رسالة من ادم بلي وصل .. خرجت من غرفتهاا هبطت للتحت
ريناس : ماماا راح نمشي
زينب : مطوليش
ريناس : حاااظر
خرجت من الدار قابلهاا واقف متكي على سيارتوا لابس شوميز مبينتلوا عضلات صدروا المخدوم و سروال كلاسيك فالازرق ، ماشط شعروا مرجعوا على جنب و حاصر لحيتواا .. طلع عينيه شااف معاهاا شهق من زينهاا طالعة تفتق مع لي لابستواا و المكياج لي زايد فيهاا النص كلمة تفتق قليلة عليهاا .. تبسملهاا و قدم لعندهاا هز يدهاا باسهاا بكل لباقة
آدم : طالعة تجنني
تبسمت بدلال " ريناس : هه مرسي حتاا نتاا
عطاهاا يدوا كروشاتواا وصلها للسيارة فتحلها الباب باه تطلع حركاتوا كلها تع الجانتل مان تبسمتلواا و طلعت سكر الباب و رجع طلع قدامها جهة الشوفور
ريناس : عجبتني السيارة نتاع الصباح احسن
ادم : هههه يعني كل سيارة ووقتها هذيك مخصصها للسباقات و هذي ... (قصت عليه )
ريناس : وهذي لمواعيدك هههه
ادم : هههه ايه تقدري تقولي
بعد دقايق حبس قدام مطعم فاخر نزل راح جيهتها حللها الباب هبطت عطاها يدوا حكمتوا و رما المفتاح للحارس لي كان واقف جنب المطعم
دخلواا وقفوا قدام طابلة ..جبدلها الكرسي قعدت و قعد مقابلها هزت عينيها تشوف مع الناس لي لتم باين عليهم
باين من وجوهم و لبستهم انهم من الطبقة الراقية .. قطع عليهاا صوت السارفور
- مرحبا بيكم وش تطلبواا ؟
هزت المينيو تشوف معااه عوجت فمها
ريناس : جيبلي من هادي
- حاظر .. و نتا موسيوا ؟
آدم : جيبلي من نفس طلب الآنسة
مشاا سارفور فالوقت لي هواا رجع راشق عينيه فيهاا
ريناس : هههه شبيك تشوف هك ؟
آدم : هههه والوا.. هيه مش راح تعرفيني بروحك ؟
حطت مرفقهاا فوق طابلة و يدها على خدهاا
ريناس : ااممم نظن تعرفني
آدم : نعرف اسمك ايتان و عنوانك هههه برك
ريناس : ههه معليش .. عندي 20 سنة عاايشة مع امي نقراا ادارة أعمال السنة الجاية عامي تع التخرج
آدم : معندكش خااوة ؟
" بلعت ريقهاا " ريناس : لا معنديش
آدم : وو .. (قاطعتوا )
ريناس : خليك مني ههه حكيلي على روحك
فالوقت لي حبس فهد سيارتواا نزل منهاا بكل وهرة عدل الفاست نتااعوا و رمى مفاتح السيارة للحارس .. حط يديه فجيابواا و مشاا داخل للمطعم يمشي كأنواا ملك زمانواا العيون الكل ترشقت فيه بعد ما دخل ... قعد فطابلة على الجنب فالوقت لي جااه السارفور طلب منوا كاسة مشروب برك
شوي و دخل نزيم قعد فطابلة بعيدة شوي على فهد ..
هز يدواا حطهاا على ودنواا تكى على السماعات
فهد : ويني مجاتش معااك ؟
هز نزيم هواا الاخر تكى على السماعات لي فوذنواا باه يسمعواا
نزيم : لاا قاتلي راح تجي وحدهاا .. هااي جاات
دخلت من الباب لابسة روب فالاسود مزيرة عليهاا حاكمة شعرهاا الفوق صوت طالونهاا ينقب فالارض
ناض من الكرسي هز يدواا شاورلهاا
فهد : ااقعد ياا دااب وين حااط روحك فملعب كون هاادي
تبسم نزيم بثوتر هبط يدوا لي كان يمروح بيها فالوقت لي هي وصلت لعندواا
ياسمين : هااي
فهد : قتلك كون هادي هز يدك حطها على خصرها اجبدهاا ليك
عمل نزيم مثل ماقالواا حط يدوا على خصرها جبدها لعندواا
فهد : بوسها على حافة شفتهاا
قدم لعندهاا طبع بوسة على حافة شفتها فالوقت لي رجعت هي حمرة
فهد : سقسيها على احوالهاا و تبسم
"تبسم " نزيم : لباس ؟
حركتلوا راسها بمعنى ايه رجع تبسملهاا
فهد : صحيت درك تمشي تجبدلها الكرسي باه تقعد و ترجع نتاا لبلاصتك
عمل مثل ما قالواا جبدلهاا الكرسي قعدت تبسمتلواا و رجع هو لبلاصتواا
فهد : درك قولهاا حااجة اتغزل بيهاا
رجع تبسملهاا بتوتر مش عاارف وش يحكي ميعرفش يغازل لبناات .. فالوقت لي فهد نفخ على جنب كي شافوا ماقال والواا
فهد : نتاا لازمك سطااج تع صح متعرفش تقول زوج كلمات يخي حالة .. احكم يدهاا و قلهاا طالعة تجنني و خلي عينيك فعينيهاا
حط يدوا فوق يديهاا عينيه تركزوا فعينيهاا
نزيم : طالعة تجنني
ياسمين : ههه مرسي
جاا لعندهم السرفور
- مساء النور وش تطلبوا ؟
فهد : سقسيهاا هي الاولى وش تحب
نزيم : علابالي ..
ياسمين : ااه كشماا قلت ؟
نزيم : ههه شيء .. وش تحبي تاكلي ؟
ياسمين : اامم جيبلي من هذي .. و نتا وش تاكل ؟
فهد : اطلب نفس طلبهاا
هز نزيم عينيه السارفور
نزيم : نفس طلب الآنسة
تبسملهم السارفور و مشاا
من جهة آخرى كاانواا قاعدين يتعشاو بهدوء
آدم : تعرفي بصح مزلت تحرق فقلبي كي خصرت ههههه
ريناس : ههههه رااح تنسى
آدم : نوو مشكيتش ننسى بالسهولة هذي هه ... كشماا عندك مخططاات للصيف هذي .. يعني رحلات ولا ؟
ريناس : الصراحة مزلت مقررتش مزال الصيف فبدايتوا .. و نتاا ؟
آدم : نحب ندور العاالم الكل
ريناس : ههههه علاه مزال ما درتش العالم الكل ؟
آدم : كااين بلايص مزال مزرتهااش
رجع السارفور لعندهم حطلهم زوج كيسان و قرعة مشروب حللهاا صبلهم و رجع ..
هزت الكاس ترشفت منواا فالوقت لي هواا هز يدوا حطهاا على يدهاا
آدم : و نحبك تكوني معااياا نحب ندوروا الكرة الارضية شبر شبر اناا و يااك
تبسمت بتوتر جبدت يدهاا منواا بالعقل و رجعت تسب فروحهاا من داخل لي قبلت تخرج معااه
آدم : ايتاان مش قاادر نخبي عليك أكثر من هك نظن رااكي فهمتيني من عينياا و فااهمة بلي تعجبيني و يمكن حتى تحول الاعجااب الى حب
ريناس : آدم...
آدم : رااني نحكي صح كلشي فيك خلاني نعشققك جرأتك ،قوتك، زينك تعرفي من نهاار عرفتك صرت نهتري بيك
ريناس : آدم من فضلك خليناا من المواضيع هذوا و خليناا صحااب احسن
"تبسم بإنكسار " آدم : منعجبكش ؟
ريناس : لا مش حكاية اعجااب راك حلم اي طفلة اماا منحبش ندخل فعلاقة و خااصة الوقت هذاا
آدم : علاه ؟ جربي مش راح تندمي وقت تعرفي حبي ليك قدمااه ايتاان . ..
قاطعتواا " ريناس : آدم مش حاباا نحكي فالموضوع هذاا اكثر من هك اتفهمني من فضلك
آدم : على رااحتك مش رااح نضغط عليك
"تبسمت معااه " ريناس : راح نمشي دقيقة للحمام
هزلهاا راسواا فالوقت لي هي ناضت عطاتواا بضهرها مااشية للحمام
"تمتمت بين شفافها "ريناس : يلعن السااعة لي قبلت نساابقوا فيهاا اافف
****
هز راسواا شااف صاحبواا مقابلواا شاورلواا ناض رايح ليه تعدى قداموا السارفور هااز صينية فيهاا كيسان تع مشروب هز واحد من عندواا ..و كمل ماشي لصاحبوا
فهد : ااووه سي انييس مفااجأة نشوفوك هناا
ناض ليه صاحبواا سلم عليه
انيس : ههههه فهد اخر حااجة كنت متوقعهاا اني نشوفك
فهد : يخي كتااه رجعت من فرنسا ؟
انيس : من شي يومين برك
دور فهد عينيه لعند لي قاعدة مع انيس
انيس : نعرفك رانيا حبيبتي
تبسم معاهاا فهد طابس لعندها هز يدهاا باسهاا
فهد : متشرفين مدموازال
رانيا : الشرف لياا موسيو
رجع هز راسوا لعند انيس
فهد : نخليكم مالا ههه نستنااك تشرفني فشركتي
انيس : نفرز اموري و نجي نطل عليك
تبسم معااه و دور راجع لطابلتواا .. هز عينيه لطاولة نزيم لقاه يتصرف عادي و كلاموا لي قاعد يسمع فيه فوذنوا عاادي ..
فالوقت لي هي جات معدية بحدااه تخض فروحهاا .. متحس غير بطالون صبااطهاا لي تعوج كانت رااح طيح كون مش يديه لي لقفوها جاات فحضنواا طار الكاس تع المشروب لي كان فيدواا وسخلوا الشوميز نتااعواا
يديه ملفوفين على وسطهاا و هي لافة يديهاا على رقبتواا طااحواا عينيهاا فعينيه الزرق لي يسحرواا بلعت ريقهاا بقات تركز معااه ملامحواا مش غريبة عليهاا .. و هواا الاخر بقاا يشوف معااهاا دور عينيه على كامل وجهاا يثبت فملامحهاا .. لزوج بقااو غاارقين فتفااصيل بعضااهم و قلوبهم رجعواا يدقواا بالقااوي ... قطع عليهم صوت السارفور لي تعدى بحداهم
- موسيوا لبااس ؟
فيقواا من سرحتواا .. جبدت روحهاا منواا نفضت الروب نتاعهاا
فهد : لبااس لباس
مشاا السارفور و هو دور عينيه يشوف معااهاا
"بلع ريقواا " فهد : رااكي مليحة ؟
ريناس : اااه .. اييه مرسي
شاافت معاا الشوميز نتاعوا لي رجعت حمرة من المشروب لي تكب عليه .. شهقت
ريناس : اااه ساامحني مش قصدي طالون تعوجلي
هبط عينيه لشوميز نتاعواا عوج فموا نفخ على جنب
فهد : معليش
ريناس : خليني نعااونك
فهد : لاا قتلك معليش درك نظفهاا
ريناس : موسيوا من فضلك
هزلهاا راسوا بمعنى
وصلوا للحمامات جات داخلة سحبهاا من يدهاا رجعهاا للخلف .. جاا وجهوا مقابل وجهاا رجع بلع ريقواا
فهد : وين داخلة ؟
"بلعت ريقهاا هي الاخرى من قربوا " ريناس : للحمام ..
فهد : مشفتيش بلي الحمام تع الرجال ؟
جات راح تحكي .. قلب عينيه حكمهاا من يدهاا و دخللها للحمام النسا و دخل من وراهاا
مشاا للفيستيار حل السبالة يمسح فالشوميز نتاعواا
ريناس : خليني نعااونك
جاات قربواا ... هزت شعرهاا حكمتواا و رماتواا للخلف .. بلت يديهاا و رجعت تمسحلوا فالشوميز .. تحس فالسخانة تطلع من وجهاا بعد مالامست عضلات بطنواا المشدودين
هبط عينيه يشوف معاهاا حااسهاا مش غريبة عليه عوج فموا يحاول يذكر وين شاايفهاا
ريناس : اافف آسفة مرة آخرى بسبتي تبهدلت حالتك
***
صوناا تيليفون ياسمين هزت تحكي فالوقت لي نزيم استغل الفرصة .. حط يدواا على ودنواا و هبط راسواا باه ماتشوفوش
نزيم : فهد نحتااجك ..فهد
"سكرت ياسمين الخط " ياسمين : ماماا عيطت ههه
نزيم : والديك خارج البلاد ؟
ياسمين : اييه ساافرواا ايام و يرجعواا
فالوقت لي فهد بقاا يثبت فرينااس مش ساامع بخوه لي قااعد يحاول يهدر معااه
طااح شعرهاا على وجهاا بعدتواا بكف يدهاا مكملة تمسحلوا فالشوميز لي بقاات حمرة محبتش تتنحى منهاا البقعة تع المشروب
رجعت حركت راسهاا تحاول تبعد فشعرهاا لي طااح على وجهاا .. هز يدواا بدون وعي هز الشعرة لي طااحت على وجهاا رجعهاا خلف ودنهاا .. فالوقت لي هي طلع وجهاا حمر اصلا مش عارفة وش قااعدة دير معااه كون خلاتواا يمسح وحدوا وش همهاا فيه.. حط صبعواا تحت ذقنهاا هزلهاا راسهاا لمستوااه تقابلواا عينيهم
فهد : تلاقيناا من قبل ؟
حركتلوا راسهاا بمعنى لا مش قادرة تنطق ريحتواا لي دخلت لخشمهاا و قربواا ليهاا روهجوهاا
حط يدواا على وسطهاا بحركة خفيفة دورهاا شهقت رجعت محصورة بين الحوض و بينواا جسمواا لاصق فجسمهاا .. قرب وجهواا لوجهاا اكثر تخالطت انفاسهم
فهد : حاسس روحي نعرفك
حط نزيم يدوا فوق يد ياسمين بعد ماجاه صوت فهد و حسبوا يحكي معااه
نزيم : حاسس روحي نعرفك
ياسمين : هههههه نزيم وشبيك كيفااه حاسس روحك تعرفني ؟ راك تعرفني ديجاا
تبسم بتوتر و رجع يسب ففهد فداخلواا من جملتواا
فهد : شوفي معااياا
طلعت عينيهاا لعينيه خزرتلواا زادواا دقاات قلبهاا اول مرة تكون قريبة من شخص مثل هك .. هز يدواا حطها علي خدهاا يعدي فيهاا بسيااسة .. غمضت عينيهاا و زاادت قوات فصوت تنفسهاا
" خرج صوتوا هاامس حنين " فهد : عينييك .. عينيك وين شاايفهم .. عينيك يسحرواا ...
***
نزيم : عينيك يسحرواا
" طلعواا خدودهاا حمر " ياسمين : هههه مرسيي ..
***
بلع ريقواا هبط عينيه لشفافهاا يشوف فيهم مفرقين حمر من الروج لي عاملتواا .. معرفش وش صرالواا و الاحساس لي تملكواا قدم لعندهاا مش قاادرة يتحكم فروحواا .. فالوقت لي هي معاادش تحس فرجليهاا حاملينهاا .. حست بنفسواا لي رجع يضرب فوجهاا و شفافواا لي قريب يلمسواا شفافهاا .. فجأة فااقت على روحهاا لواش قااعدة تعمل .. البوسة لي طول عمرهاا تحلم بيهاا و مع لي تحبواا مش حاابتهاا تكون هك فوسط حماام و مع شخص غريب .. استرجعت قوتهاا هزت يديهاا حطتهم على صدرواا و قبل مايلامسوا شفافوا شفافهاا و يغطس فيهم دزتوااا بكل قوتهااا
ريناس : وش قاااعد دييير هبلللت ؟؟؟
فااق مع روحواا لواش كاان يدير .. هز يدواا عداهاا على شعرواا
فهد : ااا ..آسسف مش عاارف وش صرالي
**
نزيم : آسف مش عارف وش صرالي
"طلعت حاجبهاا مستغربة " ياسمين : من وااش آسف ؟ نزيم لبااس ؟
بلع ريقواا و هزلهاا راسواا بمعنى ايه
نزيم : يلعن جدك ياا فهد
ياسمين : اانعم ؟
نزيم : ههه والواا .. كولي مكملتيش اكلك
***
"خزرت فيه من فوق لتحت " ريناس : اللحق علياا لي جاياا نعااون فيك ...حمااار
دورت خارجة من الحمام هزت يديهاا تمروح على وجهاا مش عارفة وش صرالهاا وقت قربلهاا ،طول عمرهاا محاافظة على روحهاا و مخلية مسافة بينها و بين الرجاال متخلي حتى حد يقربلهاا مش عاارفة وش صرالهاا معااه و كيفااه كانت راح تخليه يبوسهاا بكل سهولة
هز يديه عدااهم على شعرواا بعصب حل السباالة يغسل فوجهواا .. اول مرة يطيح فموقف كيماا هك و ميقدرش يتحكم فروحواا
دخلت مراا للحمام شافت معااه وساعوا عينيهاا
- ااااااااعع وش دييير هناااا اخررج
فهد : افف خلااص راني خاارج بركي بلا عيااط
خرج من الحمام يكفر بالمعوج رجع لطاولتواا حط الحساب فوقهاا .. شاف معاا نزيم لقااه غاطس مع ياسمين يحكي .. نفخ بعصب نسااه خلااص .. جبد تيليفونواا بعتلوا ميساج بلي راه رايح .. دور خاارج من المطعم قاابلتواا قااعدة مع وااحد طااحت عينيها
فعينواا قحرتلواا و دورت عينيهاا منواا
شااف معاا لي كان قااعد معااها شاب فمقتبل العمر .. عوج فمواا اكيد يكون حبيبهاا .. حط يديه فالجيااب و كمل ماشي خارج من المطعم
آدم : ايتان لباس شبيك تباني مش قد بعضك ؟
ريناس : آدم نقدرواا نمشيو نحس فروحي مش مليحة
آدم : ايه لا خلصتي نمشيو
هزت السربيتة مسحت فمهاا و هواا جبد لحساب حطوا فوق الطاولة و مشااو خاارجين
بعد دقايق حبسلها قدام دارهاا
آدم : مرسي على خااطر قبلتي تخرجي معااياا
تبسمت معاه لاحت يدهاا تحل فحزام السيارة
ريناس : تصبح على خير
آدم : و نتي من اهلواا
نزلت من الطوموبيل و مشات داخلة للدار طبطت حلتلهاا الخداامة طلعت طول لبيتهاا
دخلت و خبطت الباب من ورااهاا نحاات سباطهاا رماتواا و رمات روحهاا فوق السرير غمضت عينيهاا رجع مخهاا يعاود فاللقطة تع قبيل كيفاه كان راح يبوسهاا.. حشاات راسهاا فالمخدة
ريناس : اااعع هاااااااامل
****
فالوقت لي نزيم ركى السيارة قداام مبنى عاالي فبلاصة فخمة .. بعد ما وصل ياسمين لدارهاا.. نزل و دخل طلع فالمصعد للطابق 13 .. شوي و كان قدام الباب هز يدواا يدق .. دقاايق و حلواا فهد الباب شعرواا داخل بعضوا و شوميز نتاعواا محلولة .. قحرلواا نزيم .. دزوا من كتفواا بعدوا من جنب الباب
نزيم : الرخيص لي يزيد يعول عليك
دخل مشاا للصالة رمى روحواا فوق البونك
فهد : خلصت تمعشيق نتاعك ؟
نزيم : خلصت خلصت و قريب تبهدلت بسبتك
قعد مقابلواا هز يدواا عداهاا على شعرواا
نزيم : وشبيها حالتك هك ؟
فهد : تعرف بلي الحفلة تع الشراكة لجديدة غدواا .. محبستش من الاتصالات من قبيل
نزيم : رااحت من باالي خلاص علاه مفكرتنيش
فهد : مش مهم .. راح تجي ؟
نزيم : منعرف نشوف.. تعرف الحفلات هذواا مش جويي
فهد : المهم .. عرفت تتصرف بعد مامشيت ؟
"هز كتاافوا " نزيم : عادي قدرت نمنع روحي
فهد : بصح مقتليش بلي الطفلة تفتق ههههههه
"هز المخدة رماهاا عليه قحرلواا " نزيم : سكر فمك رااك تحكي على مرتي
فهد : رااح تزوج قبلي متجييش مش اناا الكبير لازم نزوج انا سع هههههههه
نزيم : كي تحبس من ال**** نتااعك و تحط مخك فرااسك ارجع خمم فالزواج
فهد : تباان نتاا الطفل الكبير لي قااعد ينصح فخوه الصغير الطاايش هههه
نزيم : عيطتلي امي قبيل تحبناا نمشيولهم عطلة الاسبوع هذي
فهد : عندي خدمة منقدرش نروحلهم
نزيم : والله حراام لي تعمل فيه تزور والديك خطرة فالشهرين
فهد : وش رااح ندير تعرف الخدمة و الاجتماعات منقدرش نتحرك
نزيم : على كل حال راح نمشي تصبح على خير
ناضت الصباح على صوت تيليفونها لي يصوني هزت يدها تحوس على البوشات نتاعهاا . لقاتهاا حلتها جبدت التيليفون و عينيها مزالوا مغمضين
ريناس : الواا
ليديا : نوضي يا بڨرة مزلتي راقدة
هزت يدها حكت عينيهاا جاوبتها بصوت ناعس " ريناس : ليديا وش تحتاجي على الصباح
ليديا : كاين سباق اليوم
ريناس : على قداه ؟
ليديا : الساعة 22:00 راح تشاركي ؟
ريناس : ااممم سكري درك راح نعاود نعيطلك
ليديا : حبسي محكيتيليش وش صرا البارح ؟ ..
يا ذوب فكرتهاا رجعت تصويرة فهد بين عينيهاا
ريناس : الله الا تربحك يا ليديا كلواا منك كون مكسرتيليش دماغي بآدم نتاعك مكنتش راح نشوف الهم هذااك
ليديا : شبيك تعيطي وش صراا ؟
سكرت عليها الخط فوجهاا و رجعت رمات التيليفون معندهاش خلق تحكي .. تقعدت فوق السرير هزت يديهاا غلغلت صوابعهاا داخل شعرهاا .. هبطت عينيهاا تشوف مع روحهاا مزالت بنفس ثياب البارح .. نفخت على جنب و ناضت رايحة للحمام
بعد نص ساعة خرجت من بيتها هبطت لصالة لقات زينب و خالها يفطروا
ريناس : بونجوور
نبيل : صباح الخير بنتي
تبسمت معاه .. جبدت الكرسي قعدت معاهم فالطاولة تفطر ..
زينب : نظن كلشي جااهز مكانش حاجة ناقصة ؟
نبيل : قتلك كلشي جاهز جات حاجة ناقصة راهم عيطواا خبروناا
ضيقت عينيهاا تشوف معاهم يحكيو و مقلقين
ريناس : ماما وش كاين ؟
زينب : يخي خبرتك على الحفلة لي راح نديروهاا بمناسبة شريكنا الجديد ... ريناس متقوليليش مش راح تجي و الله نتغشش
تبسمت بتوتر بلعت ريقها نسات موضوع الحفلة هذي اصلا لازم تروح تعرف امهاا راح تقلب عليها الدنيا كون متمشيش
ريناس : لا راح نجي
نبيل : راح يجي جواد اليوم
زينب : تحكي صح ؟
نبيل : اييه عيطلي خبرني و مش راح يزيد يرجع للخارج جا وقت يحكم بلاصتوا فالشركة
زينب : كبرناا عدنا منقدروش للشركة و همومها حتى انا نستنى فريناس تتخرج باه تااخد بلاصتي
ريناس : ايتاان .. ايتاان.. (سكتت شوي ) مقلتوليش شكون جواد ؟
زينب : تي ولد خالك لي حكيتلك عليه عايش فلندن
طلعت حاجبها مش مذكرة بلي امها حكاتلها عليه اصلا جامي شافتوا
" عوجت فمها "ريناس : راح نطلع نحضر روحي للحفلة
زينب : ريناس البسي حاجة تليق للسهرة مش كيماا آخر مرة جيتيني بجين و خلعة
"قلبت عينيها اصلا مش حابة تروح " ريناس : حاااااضرر
ناضت من الطابلة رجعة طلعت لغرفتها هزت تيليفونهاا كلمت ليديا
ريناس : الوااا ليدياا .. وش كنت راح نقلك مش راح نجي الليلة للسباق
ليديا : تمسخري علاه ؟
ريناس : ماما عندها حفلة تع الشركة و تعرفي بلي كون منروحش تاكلي راسي
ليديا : اافف خسارة درك وين كنت نتباهى بيك قدام لبنات
ريناس : معليش خطرة آخرى
***
وقف قدام المراية يعدل فالكراافت الحمرة نتااعواا ..لابس كوستيم فالاسود مزير عليه من الفوق مفصلوا عضلات صدرواا و ريحتواا مالية البيرواا .. هز يدواا عداا صوابعواا على خصلات شعرواا الغامق وقت طبطب الباب و دخل منوا صاحبوا
أسامة : جاهز ؟
فهد : تعرف ساعات نقول كون فتحت باار و لا كاش مطعم مش احسنلي من خدمة الشركات هذواا
حط يديه فالجياب و قدم لعندوا " اسامة : و تعرف بلي غيرك يحلم بيهم الشركات هذواا
فهد : نعرف نعرف
اسامة : خليناا نمشيو
فهد : شكون لي راح ترافقك ؟
اسامة : صاحبك وحداني خاطيه البنات هههه
(قهقه) فهد : ههه قريب صدقت ..
اسامة : رميساء مش جاية ؟
فهد : اافف منعرفش و كون متجيش احسن مش حاب نشوفهاا
اسامة : غريبة كيفاه كنتوا و كيفاه وليتواا
فهد : طول عمري نعتابرها صديقتي هي لي فسدت علاقتناا "دور لعندواا حط يديه فالجياب تنهد" .. خليناا نهبطوا قربوا يوصلواا الضياف
خرجواا من البيرواا لزوج هاابطين لتحت لمكاان الحفلة ..وقفواا قدام طاابلة .. هز فهد يدواا لسارفور جابلهم كيساان نتااع شرااب
فهد : اسامة كون تكمل فبلاصتي مش قاادر نحكي مع حتى وااحد
"دور لعندوا قحرلواا " اسامة : رااح تبقى هك ديما هارب و اناا نغطي عليك
فهد : تعرفني نكره الحفلات هذوا اافف
اسامة : اصبر توصل مدام زينب و نبيل يشوفوا وجهك كيفاه مخدوم و روح عندناا سنين نخدموا معااهم جامي شاافواا خلقتك
فهد : علاه يشوفوني و صااحبي كااين هههه
اسامة : هييه واالفت حضرتك .. نتاا اهمل و انا نغطي عليك
فهد : هههه رااح نمشي نعمر كااسي و نرجع
فالوقت لي هو دور ماشي .. دخلت زينب لابسة روب حمرة فوق الركبة و جنبهاا نبيل مكروشيتواا .. دخلواا لزوج يضحكواا.. هز اسامة راسواا شااف معااهم تبسملهم .. مشااو ليه .. فالوقت لي هي دخلت من ورااهم تتبختر صوت طالونهاا يتسمع من بعيد لابسة روب فالاسود طوييلة مزيرتلهاا بدنهاا طالقة شعرهاا .. هاازة بوشاات نواار فيدهاا.. شاافت حواليهاا غير رجال و نساا كباار فالعمر قليل لي تلقااهم تحت ال40 .. نفخت بعصب تكره الاجواء هذواا .. مشاات من ورراهم تبعتهم .. حبسواا قدام ااطاولة تع اسامة ..
زينب : بونسوار
اسامة : مسااء النور .. شرفتوناا
هز يدواا صاافح نبيل و رجع صافح زينب .. طلع راسواا قابلتواا ريناس تشوف حواليهاا و قالبة وجهاا
زينب : هذي ريناس بنتي .. رينااس
فاقت من سرحتهاا على صوت زينب لي تناديلهاا
زينب : نعرفك اسامة *** شريكناا الجديد
تبسمت معااه .. ردلها الابتساامة .. هز يدهاا طبعلهاا بوسة بكل لباقة
ريناس : اسمي ايتان مش ريناس
اسامة : هه متشرفين آنسة ايتان
نبيل : وينواا شريكك مش راح تصحلناا الفرصة نتعرفوا عليه
"تبسم بتوتر هز يدواا حك راسوا بصبعوا " اسامة: ههه يكون قااعد يحكي مع كش واحد درك يجي
زينب : ااه موسيواا اياد هنا خليناا نمشيولواا
اسامة : اتفضلي
مشااو الثلاثة فالوقت لي ريناس بقات وحدهاا .. حطت بوشتتها فوق الطاولة تعدى سارفور بحداهاا هااز صينية تع مشروب.. هزت من عندوا كااس
بعد ما سلم على صحابوا دور راجع لطاابلتواا .. وقف في بلاصتواا بلع ريقواا يشوف فنفس الطفلة تع الباارح وااقفة قدام طااولتواا... شاف معاهاا تاايهة تشوف مع الحظور قالبة وجهاا .. تبسم على جنب و قدم لعندهاا
فهد : سلام
دورت راسها وقت سمعت صوتواا .. شافت معااه شهقت وساعوا عينيهاا بقات ثبت فيه ثواني
ريناس : نتاا ؟
حط كااستواا فوق الطاولة و لاح يدواا يسلم عليهاا
فهد : فهد..
بقات تشوف معااه و مع يدواا ليرماهاا باه يسلم عليهاا .. تفكرت الموقف تع البارح .. حماروا خدودهاا .. هزت عينيهاا قحرتلواا ..
ريناس : وش دير هناا
"طلع حاجبواا " فهد : نتي لي وش ديري هناا
قلبت عينيهاا رمات يدهاا هزت بوشتتهاا من فوق الطاابلة و جاات راح تمشي .. حكمهاا من يدهاا
فهد : حبسي دقيقة
"نطرت يدهاا منواا " ريناس : وش تحتااج ؟" عوج فمواا معرفش وش يحكي "فهد : ااا .. اا..نحب نعتذر على تصرفي تع الباارح جاوبتوا ببرود :معليش
"تبسم معااهاا " فهد : مقلتيليش وش ديري هناا شفتك من بعيد قالبة وجهك بااين مش عااجبك وجودك هناا
"تنهدت " ريناس : اييه كون مش امي لي اصرت علياا منجيش منحبش الاجواء هذي
" طلع حاجبواا " فهد : امك ؟
ريناس : اامم الحفلة تعهاا
"وساعواا عينيه " فهد : زينب امك ؟
ريناس : اييه .. و نتا تخدم هناا ؟
"رجع تبسم معاهاا " فهد : لا ..صااحبي دعااني للحفلة
اسامة : فهددد
هز فهد رااسواا شاف اساامة يشااورلواا عملوا بيدواا حركة بمعنى اروااح .. دور عينيه منواا شاف مع رينااس عطاهاا يدواا
فهد : خليناا نمشيو لبلاصة خلااف
"طلعت حااجبهاا " ريناس : لوين ؟
فهد : منعرفش مش حااب نزيد نقعد هناا نحس فروحي راح نتخنق
رسمت ضحكة خفيفة على وجهاا .. رجع اساامة يعيطلواا
اساامة : فهددد
ريناس : مش كأنواا هذااك يعيط علييك
فهد : ميهمش خليناا نمشيو
عوجت فمهاا دورت راسهاا تشوف فأمهاا و خالهاا يحكيو معاا عباد متعرفهمش .. دورت عينيهاا على الحفلة علابالهاا تزيد دقيقة تهبل .. تبسمت معااه حطت يدهاا فيدواا و هو مااصدق حكمت يدواا .. ضحك لين باانواا سنيه .. كبس على يدهاا و مشاا خاارج من الحفلة بسرعة
ريناس : هههه بالعقل
خرجواا من الحفلة فالوقت لي اساامة رجع يكفر يشوف فيه كيفااه حكم الطفلة من يدهاا و خرج يجري
"غمض عينيه بعصب كبس على بونيتواا " اسامة : الله لا تربحك يااا فهد
جبد تيليفونوا من جيبوا يعيطلواا ميهزش نفخ بعصب رجع التيليفون لجيبوال و دور راجع للجماعة
نبيل : مش راح يجي فهد
"بلع ريقوا " اسامة : اااا.. ااا.. بعتلي رسالة درك قاالي خرجتلواا طلعة مهمة ميقدرش يجي
"عوج فمواا " نبيل : معليش خطرة خلاف
زينب : نبيل مشفتش ريناس ويني ؟
نبيل : تكون قااعد فمااش زااوية
زينب : رااح نعيطلهاا نشوفهاا ويني
حلت البوشات جبدت تيليفونهاا .. عيطتلهاا خطرة و زوج متهزش
فالوقت لي هوماا الزوج خرجواا يضحكواا ركبوا فسياارة فهد
ريناس : ههههه تعرف اليوم تقتلني ماما
فهد : هههه منيش احسن منك
حطت يدهاا على كرشهاا غمضت عينيهاا تضحك مش قاادرة تحبس
ريناس : ههههههه خرجنااا نجريو كي السراارقة
فهد : هههه شوفي هااو يعيط
جبد تيليفونوا منجيبواا نعتهولهاا كان اسامة يعيطلواا .. رجعت تضحك بالصوت .. فالوقت لي هو تبسم بقاا يشوف معااهاا سرح فضحكتهاا مزال حااسهاا مش غريبة عليه يحس فروحواا شاايفهاا ضحكتهاا يعرفها اماا وين ؟ مش عاارف
ريناس : ههههه اافف مش قاادرة نحبس ضحك
فهد : كيفاااه اسمك هههه ؟
ريناس : ايتاان هههه
دور مفتااح السياارة راح يقلع
فهد : وين تحبي تروحي اللاة ايتان ؟
ريناس : يخي قدااه فالسااعة ؟
"هز يدواا شاف معاا السااعة " فهد : ال21:30
"لمعت فراسهاا فكرة تبسمت بخبث " ريناس : تحب المغاامراات؟
"طلع حااجبوا " فهد : هههه وش كااين فراسك ؟
ريناس : قلي سع هيه و لا نو ؟؟
فهد : هيه نحب هههه
تبسمت على جنب جبدت تيليفونهاا عيطت لليدياا
ريناس : الواا ليدياا جهزيلي السياارة نصف السااعة و نكون اللتم ..
مستناتهاش ترد عليه سكرت الخط .. دورت تشوف معاه لقاتوا سارح فيهاا
ريناس : انزل خليني نسوق
فهد : علاه ؟
ريناس : تي انزل ازرب رااح الحاال
حلت الباب و هبطت ..تبسم و نزل هو الاخر .. تبادلواا البلايص
ريناس : جااهز ؟
فهد : جاااهز بصح نحب نعرف وسن رايحين ههههه
ريناس : ههههه اصبر درك تشوف
****
بعد دقاايق كاانوا فبلاصة بعيدة على المدينة قربت لمكان السباق .. مثل العادة بلاصة معمرة شباب طايشين الشراب و الغنى و البنات المعري اكثر من المغطي... طلع حاجبواا مش فااهم علاه جااو للبلاصة هذي
فهد : وش كاين هنااا
تبسمت على جنب و حبست الطوموبيل ..
ريناس : هههه وصلنااا..
هبطت و هبط هو من ورااهاا .. هز عينيه يشوف فالحالة مروبلة .. تسمع غير صوت الضحك لي معبي البلاصة و الغناا
هزت رينااس يدهاا شاورت لليدياا لي كانت قاعدة مع وااحد و بعد مااشافتها جاتهاا تجري
ليديا : ريناا ... ( مكملتش حكيهاا قحرتلهاا ريناس قحرة تقتل ) .. هههه ايتاان حبيبتي جيتي كنت مفكرتك مش جاياا
"طلعت كتاافهاا و تبسمت " ريناس : وجيت ههه
ليديا : سيارتك جااهزة راح تناافسي زوج رجال
ريناس : يعني 3 برك ؟
ليديا : ايه نتي و زوج خلاف
ريناس : ااممم مليح ..
"شاف معاهم فهد مش فااهم حاجة " فهد : يخي وش كااين هناا ؟
"دارت لعندواا ريناس تبسمتلواا " ريناس :تحب السرعة ؟
"ردلهاا مستغرب " فهد : سرعة ؟
قلبت عينيهاا و مشاات ليه سحبتواا من يدواا " ريناس : خليناا نمشيو درك يبداا السبااق
كركرتواا معااهاا لبداية السبااق .. وسااعواا عينيه و هوا يشوف فثلاث سيااراات مركية قداام بعضهاا و خط البدااية لي بالاسود و الابيض مسبوغ فالارض و الشباب مقصومين .. نصف واقف فالجهة اليمنى و النصف الاخر فالجهة اليسرى .. بداات الفكرة تتوضح فراسواا
فهد : متقوليليش... ؟
ريناس : ههههه ايه متحبش ؟
" دار شاف معااها فالوقت لي هي الاخرة طبقت يديهاا تشوف معاه و تتبسم "
فهد : تعرفي باللي لي قااعدين تعملواا فيه غير قاانوني و كون تحكمكم الشرطة تروحوا فيهاا كامل كيماا بعضااكم
"هز كتاافهاا بغير مبالات " ريناس : نعرف
فهد : عندك حبيبك راح يشاارك و نتي راح تركبي معااه يعني جبتيني باه نتفرجكم ؟
" قلبت عينهاا منواا " : اااوفف وااشمن حبيب اناا لي رااح نشاارك
وساعواا عينيه شاف معاهاا من فوق اللتحت يكيل فيهاا فرخة ماتوصلش لكتفواا ربع تااع وزنواا تشاارك فسبااقاات آخر حااجة كان متوقعهاا .. بقاا ساكت يشوف معااهاا منبعد طرطق بالضحك
فهد : ههههههههههههه نتي ؟ هههههه تحكي صح
"قحرتلواا " ريناس : تقدر تفهمني وش لي يضحك فيك ؟
فهد : هههههههه مش كااأنواا واثقة فروحك زياادة عن اللزوم هههههه من نيتك راح تشااركي فسبااق مثل هك
ريناس : مش اول مرة
فهد : هههههه اخر مرة خرجتي قبل الاخيرة و لا الاخيرة ، بلك حتى هوماا وصلواا لخط النهااية و نتي مزلتي مبديتيش تسوقي هههههههه اوووفف مش قااادر نحبس
"تبسمتلواا بكل برود مش غريبة عليهاا لأنواا مش اول واحد يستخف بيهاا " ريناس : جربني
مشاات حلتلواا باب الطوموبيل لي رااح تسابق بيهاا
ريناس : تقبل تكون شريكي و تشوف بعينيك ؟
فهد : ههههه معليش بصح شعلي الرااديوا مش حااب نرقد فالطريق
رجعت قلبت عينيهاا منواا الضحك نتااعوا بداا يستفزهاا .. حط يديه فالجياب و قدم ليهاا و ركب من القداام سكر الباب فالوقت لي هي مشاات ركبت جهة الشوفور .. سكرت الباب هزت طواط ( ايلاستيك ) لمت بيه شعرهاا و هزت يدهاا عدلت الrétroviseur ..
بقاا سارح فيهاا يشوف معاا حركاتهاا ريحتهاا معبية السياارة مزال يحس روحواا يعرفهاا اما وين مش متذكر .. شافت معااه لقاتواا باهت فيهاا حمحت
ريناس : دير حزام الامان راح نبدااو
" تبسم على جنب " فهد : منظنش نحتااجوا ههههه
"رجعتلوا نفس الابتساامة " ريناس : كيماا تحب بصح وقت طير و تخرج من الشباك و يتكسرواا عظاماك متلومنيش
بعد ما الكل ركبوا فسيارااتهم وقفواا قدام خط البدااية كل وااحد حاط يدوا على مقود .يستنى فإشارة البداية
مشات وحدة سمرااء وقفت فالنص لابسة شورط قصيييير مزير عليهاا و تريكواا فوق سرتهاا ، طالقة شعىهاا الاسود و لابسة cavalierre فالسود يوصل لفوق الركبة .. هاازة داربواا ( drapeau ) فيدهاا .. فجأة عمت السكيتة تسمع غير صوت محركات السيارات لي شعلوهم ، هزت يديهاا لزوج فالسماا بقاات تشوف معااهم و رجعت هبطت يدهاا لي فيهاا الدرابواا ...
ريناس : are you ready ؟
ضحك على جنب فالوقت لي هي قلعت فوسط السيارات تسوق بسرعة بعدت شوي على الزوج لي كانوا معااهاا ولات سابقتهم
فهد : بداية موفقة ههه
"حركت راسها و تبسمت على جنب " ريناس : مزلت ماا شفت شيء ..
كملت تسوق تحرق فالطرييق لين عجلات السياارة رجعواا ماايلامسوش الارض
هزت عينيه للمرااية تع السياارة تشوف شكون لاحقهاا .. بدات سيارة تقرب ليها و كل ماا تزيد تبعد تلحقهاا السياارة الاخر لين ولات بجنبهاا
ريناس : الهم هذاا
قدمت السيارة لي بجنبها ليهاا تصدمواا السيارات مع بعض قريب طااروا في زوج .. كبش فهد فالكرسي ..فالوقت لي رجعوا سياراات يضربواا فبعضااهم
فهد : وشبيييك هبلتيي بعدي عليه محوسة تقتلييناا
مردتش عليه كملت تشوف مع الطريق .. رجعت خبطت سيارتهاا بقوة مع سيارة مناافسهاا لين فقذ السيطرة عليهاا .. يا ذوب شاافت السيارة دارت بيه زادت فسرعتهاا و كملت تسوق ..
وساعوا عينين فهد حل فمواا متعجب من شجاعتهاا و جرأتهاا هو راجل و مايقدرش يسوق كيماا هك
ريناس : اغلق فمك تزيد تدخلك ذبانة هههه
فهد : نقصي السرعة محوسة تقلبي بينااا الطوموبيل
ريناس : هههههههه شبييك خاااايف ؟
مردش عليهاا كمل يشوف القداام و هي تحرق فالطريق كون تلقى دير جنحين و تفر
دقاايق قليلة و لحقوها زوج سيااراات رجعواا قرااب ليهاا و كل ماا تزيد فالفيتااس يرجعوا يلحقوها ... نفخت بعصب كون تبقى هك مش راح تقدر تتجااوزهم .. قربت ليهم سياارة من الخلف ضربت بيهم .. مشاات بيهم الطوموبيل يمين و يساار
" صااح فهد مصدوم " فهد : وشبيييه هذااا مهبووول
رجعت السياارة تضرب فيهم و هي تحااول تحكم توازن سيارتهاا باه مااتتقلبش بيهم .. زادت فالسرعة اكثر بعدت على السياارة اماا بااقية مقربة ليهم .. رجعت ضربتهم من الخلف مرة اخر .. فقدت ريناس السيطرة على السيارة مشاات بيهم على اليمين .. و رجعت السياارة الاخر جنبهم ..
دورت عينيهاا تشوف فروحهاا محصورة بين زوج سيااراات فجأة لمعت فرااسهاا فكرة تبسمت بخبث
ريناس : اااحكم فالكرسيي مليييح
قوات فالسرعة وصلت للأخر مخلية غير التراب خلفهاا .. سبقتهم و فجأة نقست سرعتهاا و دورت السياارة رجعت مقاابلة زوج السيااراات الخرة .. فالوقت لي رجال لي كاانواا يسوقواا شهقوااا يزيدواا شوي و يدخلواا فيهاا و يموتواا كاامل فبعضااهم .. شدواا الفراان فقذواا السيطرة على السيااراات بحيث وحدة راحت على اليمين و وحدة قريب تقلبت من الجهة يسرى
تبسمت ابتساامة عريضة وقت شافتهم فقذواا السيطرة ..رجعت شعلت السياارة .. دورتهاا ورجعت تسوق بسرعة باه ماايلحقوهااش ...
بقاا فهد باااهت فيهاا مش مصدق العرض لي شاافواا بعينيه شقفة طفلة صغيرة قدرت تعمل الشيء هذاا بكل .. الناس قريب راحواا فيهاا و هي تتبسم عاادي بعد ماكاان مفكرهاا متقدر دير والواا
شوي و كاانت قداام خط النهااية نقصت السرعة و تعداتواا بكل سهولة .. فالوقت لي رجعت هزت نفس البنت ال drapeau بمعنى انتهااء السبااق .. نااضواا الشباب يزفرواا و يصفقواا فرحاانين بيهاا اصلا كاانواا متوقعين انهاا تطلع هياا الراابحة
حبست السياارة تنهدت برااحة و البسمة مالية وجهاا دور راسواا يشوف معاهاا مزاال متفااجأ شيء من السبااق لي قريب ماات فيه و شيء من جرأتهاا و هدوئهاا كأنهاا مااعملت واالواا
هزت يدهاا نحاات الطواط من شعرهاا طااح كلواا على كتاافهاا .. و دارت لعندواا غمزتلواا
ريناس : وش راايك هههه ؟
فهد : اخر حاجة كونت متوقع نديرهاا فحيااتي اني نشاارك فسبااق تااع هباال كيماا هك .. قريب خصرت حيااتي و اناا مزلت مااعشت والواا
"قلبت عينيهاا منواا " ريناس : اافف الظااهر نتاا مُمِل معندكش روح المغاامرة
جاا حايرد عليهاا قطع عليهم صوت ليدياا لي كانت الدق من الشباك بسرعة .. طلعت ريناس حاجبها و حلت باب السيارة شافت مع ليدياا لي تلهث
ريناس : ليديا وشبيك ؟
ليديا : بسرعة .. الشرررطة جاايااا فالطرييق اخروجواا بسرعة
وساعوا عينيهاا بلعت ريقهاا دورت تشوف مع فهد لي نزل من السيارة و مشاا جيهتهاا جبدهاا من يدهاا
فهد : خلييناا نمشيو بسرعة
ريناس : استنى لييدياااا هياااا
ليديا : روحيي نتي رااح نمشي اناا مع اميين
فهد : تحركي ايتااان بسررعة
جبدهاا من يدهاا يكركر فيهاا راجع لسياارتواا .. يا ذوب ما وصل شاف سيارات الشرطة وصلت
فهد : اااااطلعيي بسررررعة
ركبواا اللزوج و دور المفتااح قلع مبعد على البلاصة و سياارة شرطة من ورااه
ريناس : راااهم لااحقيينااا خلاات تقتلني مااماا اليووم
" صاح عليهاا " فهد : كون خممتي فيهاا قبل ماا تجي هناا اافف
كمل يسوق و وحدة من سيارات الشرطة ملاحقينهم
ريناس : فهدد اازررب
فهد : اني نزررب محوسستنيي نطيير
ريناس : زييدفالفيتااس. . مش كون خليتني نسوق اناا خيير
" قلب عينيه " فهد : العزري لي عنديي
دخل وسط سياراات و زاد فالسرعة يحاول يضيعهم داار على الجنب و دخل لوسط الغااباات .. دورت ريناس تشوف خلفهاا ملقااتهمش تنهدت برااحة
ريناس : خلاص ضيعنااهم
وصل لحاافة الجبل لي يطل على المدينة
ركى السيارة .. حط راسواا على الفولون و تنهد ..
شافت معاه رينااس و دورت حلت الباب و نزلت مشاات تكاات على سياارة من الاماام تشوف مع اضواء المدينة منظر و بلاصة تفتق ..
هز يدواا شاف معاا السااعة لقاهاا قريب منتصف الليل .. فالوقت لي صونالو تيليفونوا هز لقااه
هز شااف معااه لقااه اساامة سكر عليه الخط مش قاادر يااخذ و يعطي معااه علابالوا راح يبخصوا كيما مشاا من الحفلة ، رجع تنهد و هبط لعندهاا تكى على السيارة جنبهاا .. هزت عينيهاا شافت معااه بقاو يخزرواا فبعضااهم دقاايق فجأة طرطقوا لزوج بالضحك
ريناس : ههههههههه كون تشوف وجهك كيفااه كاان وقت لحقتناا الشرطة
فهد : هههههههه و الله من اياام مرااهقتي مطحتش فموقف كيماا هك
ريناس : بفضلي هههههه
كملواا يضحكواا لزوج فجأة سكتواا و عم السكوت .. شاف معاهاا تاايهاا مع اضواء المدينة محضنة روحهاا من البرد .. نحى الفاست نتااعواا حطهاا على كتاافهاا هزت راسها شافت معااه تبسملهاا
فهد : خليهاا البرد ..
طبق يديه لصدرواا و رجع يشوف معاهاا
ريناس : ههههه وشبيك ؟
فهد : رااح نكملواا سهرتناا هك ؟
هزت حاجبهاا مش فااهمة
تبسم على جنب و مشاا فتح صندوق السياارة .. بقاات تاابع فيه بنظراتهاا تشوف وش قااعد يدير .. رجع و فيديه زوج قرااعي مشروب
فهد : ملقيتش الكيسان
ريناس : ههه معلييش
فتحلهاا القرعة و عطاهاالهاا .. هزتهاا قربتهاا لفمهاا ترشفت منهاا و هو رجع تكى على السيارة بحداهاا
فهد : من وكتااه و نتي تشااركي فالسباقات ؟
ريناس : من لي كان فعمري 17
فهد : واااو و نتي صغيرة.. متخافيش ؟ .
"ضحكة و رجعت هزت القرعة شربت منهاا " ريناس : الخوف معندوش بلاصة فحيااتي هههه
فهد : ههههه و قدااه فعمرك درك ؟
ربناس : يخي ديرلي فإستجواب هناا ؟
فهد :هههه لا جيست نحب نتعرف عليك
ريناس : ماالا نقلك احسن ماتبقاا تصقسي .. قتلك اسمي ايتان قريب نقفل 20سنة .. نقراا دراسة اعمال و السنة عامي الاخير باه نتخرج
" عوج فموا " فهد : مليييح
ريناس : و نتااا ؟
فهد : عندي 25سنة
ريناس : هههههه هذاا برك ؟
فهد : ايه ههههه
ريناس : تخدم ؟
فهد : اااممم.. مهندس
وساعواا عينيهاا دورت تشوف معااه متعجبة
ريناس : نتااا تااني ؟
فهد : انا ثاني ؟
ريناس : هههههه حتى انا نقرا باه نرجع مهندسة ..
فهد : يعني عندنا نفس الطموح مليح ههه
" عوجت فمها " ريناس : صار عليها كنت فالحفلة
فهد : قلتلك صاحبي عرضني
ريناس : بصح علاه خرجت معايا واحد مهندس كيما نتا نظن الحفلات هذوا يعجبوه باه يعرف بروحوا و يكسب معاارف
فهد : وي بصح مش جوي حفلات العمل هذوا منحبهمش
ريناس : حتى انا نحس روحي قاعدة نتخنق كي نعود بيناتهم
بعد دقاايق رجعت تشوف فالدنياا تروح و تجي غمضت عينيهاا و عااودت حلتهم بداا المشروب يأثر عليهاا حتى هو مش احسن منهاا لزوج سكرواا بعد مااكملواا القرع نتااعهم ..
حطت يدهاا على راسها جات راح تمشي لعبة عليهاا الدوخة فقذت توزنهاا .. قريب طاحت كون مزربش حكمهاا
"حل فموا يحكي بسيف لسانوا ثقيل من المشروب " فهد : ههههه..بلل..لعق راح طيحي
رجعت تضحك نحاات يدواا من عليهاا و رجعت وااقفة مقابلتواا فجأة طرطقت بالضحك رجعت مش متحكمة فروحهاا
فهد : ههههههه شبيك ضحكي !؟
ريناس : والواا هههههه
بسيف بااه حبست ضحك حضنت روحهاا مزاالت تحس فالبرد .. كبشت فالفاست نتاعوا لي على كتاافهاا .. فالوقت لي هواا بقا يشوف معاهاا ساارح فيهاا منظرها مغري مع شعرهاا لي داخل بعضواا من مفعول الهوااء و روبتهاا المسنترة عليهاا و الفاست نتاعوا لي على كتاافهاا
هزت راسهاا تخزرلواا طاحواا عينيهاا فعينيه بلع ريقواا و هو يشوف معاهاا تذبلواا فعينيهاا
فهد : وشبيك ؟
ريناس : بردت
"تبسم و حللهاا يديه " فهد : اروااحي هناا
"طلعت حاجبهاا و عوجت فمهاا " ريناس : لااا منحبش .. خليناا نمشيو
جاات رااح تمشي .. بحركة سريعة جبدهاا من يدهاا لحضنواا كبس عليهاا حتى صاار محضنهاا .. جات راح تجبد روحهاا زاد لزهاا ليه
ريناس : وش ديير ؟
"غمض عينيه حط خشمواا يشم فريحة شعرهاا " فهد : ااشش خلييك
رجعت خنست .. ستحلات دفاا بدنواا .. غرست راسهاا تشم فريحتواا لي تجنن لفت يديهاا على وسطواا و غمضت عينيهاا تسحب فالنفس من رقبتواا .. فجأة تعداات صورتواا قدام عينيهاا تبسمت بوجيعة و هزت راسهاا قابلت وجهواا
بلع ريقواا من قربهاا انفاسهم لي تخلطت ، حطت يدهاا على خدواا تعدي فصوابعهاا على لحيتواا و جبهتهاا فوق جبهتواا مش صااحية لواش قاعدة الدير من المشروب لي مكمل عليهاا
غمضت عينيهاا و حلت فمهاا تحكي بوجيعة بحيث شفافهاا قراب من شفافواا
ريناس : تعرف بلي تشبهلواا .. لون عينيك نفس لون عينيه ، نفس الخزرة ، حتى اسمك كيماا اسمواا " تنهدت من اعماق قلبهاا " فهددد توحشتك
طاحتلهاا دمعة من عينيهاا هز يدواا مسحالهاا و زااد قربهاا ليه اكثر .. بلع ريقواا مش قاادر يتحكم فروحواا اكثر من هك يشوف فيهاا قريبة ليه و ديخاانة بين يديه .. هبط عينيه لشفافهاا حاب يدوقهم و يستطعمهم .. فالوقت لي هي حلت عينيهاا شافتواا يشوف معاا شفافهاا تملكتهاا رغبة هي الاخرة انوا يبوسهاا .. حلت شفافهاا بدون وعي و غمضت عينيهاا تستنى فيه يبوسهاا و هو ماا صدق عطاتواا اشاارة تلاح على شفافهاا يبوس فيهاا غلغل يدواا فشعرهاا و يدواا الاخرة دورهاا على وسطهاا لصقهاا فيه
هزت يديهاا لفتهم على رقبتواا مخليتوا يتفنن فبوستواا ..
بعد عليهاا بعد ما انقطع عليهم نفس ، لزوج يلهثواا .. رجعت حطت راسهاا على كتفواا
و تكلمت بصوت ضعيف " ريناس : نحب نرقد
سحبها من يدها و رجع فتح بابا السيارة .. قعد و قعدها فوق حجروا .. و هي كانت داخية مش حاسة بشيء يكفيها انهاا قاعدة تحس بحضنوا الدافي .كبشت فيه بيديها الصغار و غرست راسها فرقبتوا ، غمضت عينيها العياا و المشروب مكملين عليها
فالوقت لي هو الاخر غمض عينيه و هز يدوا يعدي فيها على شعرها يشم فريحتهاا
تعدات ليلة الكل و هي راقدة فحجروا لزوج مكبشين فبعضاهم .. زوج صغار كبروا و تربااو مع بعض فرقتهم الايام و رجع القدر جمعهم مع بعض بااش يكبر حب الطفولة لي كاان دااخلهم
بداات تحل فعينيهاا حركت راسها و جعتهاا رقبتهاا تحس فحاجة مكبسة عليها و يدين دايرين على وسطها .. شمت ريحة مش غريبة عليها فجأة شهقت ، فتحت عينيهاا على وسعهم شافتوا راقد و مكبس عليهاا فحضنوا ...
صاحت و سوطات من بلاصتهاا رجعت قااعدة فكرسي السيارة الاخر ..
ريناس : اااعععع وش ديييير
فالوقت لي هوا تنفض فتح عينيه من عياطها .. شاف معاهاا وجهاا ميتفسرش .. هز يدوا حك عينيه الذابلين من الرقاد
فهد : وش ندير فرايك ؟ .. راقد.. زح هك تنوضي العباد نتي ؟
ريناس : و علاه اناا راقدة فوق حجرك ؟
تبسم بخبث حك لحيتوا بصبعوا و عوج فموا
بلعت ريقهاا من الجاست نتااعوا لي هبلهاا اصلا كلوا على بعضواا يهبل يجنن يسلب العقل
فهد : والله هذي سقسيها لروحك نتي لي راقدة فوق حجري مش انا
قحرتلواا فجأة رجعت تفكرت وش صرا البارح كيفاه باسها و كيفاه طاوعتوا
سكرت عينيها بعصب و تنفضت لعندوا تضرب فيه و تصيح
ريناس : ياا هاااامل يااا حمااار شكون قااالك ااقربليي
فهد : ايتاااان بعديي صبحي على صبااح ربيي
ريناس : نصصصبححح اييه شكون قااالك بوسني ياا هاااامل
فجأة حكمهاا من يديهاا دورهم خلف ظهرهاا و جبدهاا ليه لصق صدرهاا فبدنواا .. حبست ثلهت صدرهاا طاالع هاابط يلامس فيه
فهد : مبستكش بالغصب
ريناس : كنت سكرانة
" تبسم بخبث "فهد : بصح تجااوبتي معاايا نسيتي ؟
لزت على سنيهاا حاولت تجبد روحها منوا بصح هوا باقي مكبس عليها مخلهاش تتحرك
ريناس : قتلك كنت سكراانة
فهد : المهم تجاوبتي
ريناس : اااععع ياا هاااامل بعد علييااا
رجع جبدهاا لعندوا قابل وجهواا لوجهاا حرق المسافة لي بيناتهم
فهد : اناا هامل ؟
ريناس : قتلك بعد
بلع ريقوا يشوف معاا شفافها حاب يرجع يغطس فيهم
فهد : متعطينيش بوسة الصباح ؟
وساعواا عينيهاا من جرأتواا و وجها طلع حمر شيء من الحشمة و شيء من العصب لي ركبهاا رجعت تفرفط و تصيح تحاول تجبد فروحهاا
ريناي : بعععدد ياااا حمااار يااا خمااج اااطلقنيي ااااعععع ساااااااعدوونييييي رااااح يغتاااصبنييي
فهد : ههههههه من نيتك تعيطي ؟ اول حاجة راناا فوسط الغاابة ياا اللاة وحدناا و واحد مارااح يسمعك و ثااني حااجة مانيش متوحش بااه نغتاصبك بصح لكان تحبي عاادي مداامك فكرتي فيهاا
غمزلهاا فالوقت لي هي رجعت تشوف فيه الدوبل و صلت معاهاا للخر
ريناس : خمااااااااج
فهد : ااافف سااي اسكتي
طلقهاا .. قحرتلواا و رجعت لبلاصتهاا تكمشت على روحهاا .. تبسم على جنب من هبالهاا... حمحم عدل صوتوا
فهد : وين تسكني ؟
" قحرتلوا " ريناس : هبطني قدام اقرب موقف تع سيارات
" قلب عينيه " فهد : وين تسكني لا نهبطك و نخليك هناا و روحي لموقف السيارات على رجليك
ريناس : جرب ديرها
فهد : ياااا ربيبي صبرك
دور مفتااح السيارة و قلع خاارج من الغاابة
بعد مدة حبس قدام دارها بعد ما عطاتوا العنوان ، ركى السيارة جنب البوابة الكبيرة تع الدار و دور لعندها
ريناس : نتمنى منزيدش نشوفك مرة اخرى
فهد : حتى انا مش قاتل روحي باه نشوفك
قحرتلوا هزت بوشتتها و حلت الباب نزلت و رجعت خبطتوا بكل قوتهاا .. مشاات داخلة لدار و تخض فروحها
فالوقت لي هو تبسم من جرأتها جات وحدة خلاف راهوا نزل كسرها اما هذي مش عارف وش صرالوا معاها حتى رجع ميتحكمش فروحوا قدامها ، تنهد هبط عينيه لكرسي وين كانت قاعدة لقى السنسلة تعها لاسقة فالكرسي طاحت منها وقت ناضت و بعدت عليه هزها فيدوا يشوف معاها سنسلة بيضة سامبل فوسطها قلب صغير ، كبس عليها فيدوا و رجع حطها فجيبوا و قلع راجع لداروا
دخلت للدار نحات الطالون هزتوا فيدها و مشات بالعقل على حواف صوابعها باش متفيقش امها و تبدا تعيط عليها كي روحت وجه الصباح
وصلت لغرفتها دخلت و سكرت الباب تنهدت براحة شافت مع الساعة 7:00 شوي و تنوض امها باه تمشي للشركة ، زربت دخلت لدوش عمرت البانيوا نحات ثيابها و غطست فيه .. غمضت عينيها و رجعت راسها للخلف ، كل ما تفكر بلي استسلمتلوا و خلاتوا يبوسها تكره روحها ، ندمت على الساعة لي خرجت فيها معاه من الحفلة .. هزت يدها تحك ففمها تحب تمسح اثار شفافوا لي مزلت لدرك تحس بيهم
ريناس : خمااااج ااعع
نفخت بعصب و رجعت مدت راسها للخلف
بعد ساعة رجعت ناضت من البانيوا لفت منشفة على لحمها و خرجت من الدوش مشات لخزانتها و قفت تشوف مع ثيابها تخمم واش تلبس
حست بأنفاس تضرب فرقبتها و يد تحطت على كتفهاا ، مشا اصابعوا على طول يدها ، ريحة تسلب العقل دخلت لخشمها ، شهقت و دارت بسرعة قابلها راجل زينوا يفتق شافت معاه ثبت فيه لابس شوميز مبينتلوا جسموا المخدوم حاط يديه فالجياب و يتبسم
ريناس : شش..شكون نتا ؟
تبسم على جنب و زاد قربلها .. رجعت على خلفها لين لصقت فالخزانة .. كبشت بيديها فمنشفتها باه مطيحش و رجعت خزرت فيه
ريناس : شكون نتاا قتلك ؟ وش دير فبيتي ؟ اااخرج
زاد قربلها هز سبلة من شعرها المبلول دورها على صبعوا يلعب بيها
- تعرفي بلي ريحتك تجنن ؟ نتي كلك تجنني مكنتش حاطك هك
غمضت عينيها بعصب زاد قربلها يحب يبوسها .. هزت يديها و دزتوا بكل قوتها ..
" صاحت عليه " ريناس : يخي وش تسخاايل فروحك نتااا اااااخرج مااااماااا ماااماااا
سكرلها فمها بيدواا و حكم يديهاا رجعت تفرفط بين يديه
_" همس قدام ودنها " ااشش خليك راكحة راني خارج
بعد عليها فالوقت لي هي بقات حالة فمها و عينيها مستغربة و متفاجأة من جرأتوا
غمزلها و تبسملها ابتسامة تسحر و دور خارج من الغرفة
بقات دقايق تشوف مع الباب مش فاهمة شكونوا و كيفاه دخل .. فاقت على وضعها حركت راسها و رجعت للخزانة هزت شورط قصير و خلعة لبستهم ، سرحت شعرها و خرجت من الغرفة
هبطت للصالة لقات زينب قاعدة تفطر
رينااس : صباح الخير
" قحرتلها " زينب : وشمن خير معاك يخي وينك من البارح هك تخرجي و تخليني مامبا تخبريني ؟
قلبت عينيها و جبدت الكرسي قعدت قدامها
ريناس : تخنقت مقدرتش نزيد نقعد و ديجا لقيتك مع الناس محبيتش نقلقك
زينب : و علاه متهزيش على التيليفون ؟
ريناس : مسمعتوش
قص عليهم صوت داخل للصالة .. هزت عينيها تشوف معاه داخل بكل هيبة حاط يديه فجياب السروال و تبسيمة تقتل على وجهوا .. شهقت و دارت لزينب تشوف معاهاا
زينب : صباح الخير وليدي رقدت مليح ؟
جواد : وي عمتي الرقدة عندكم تقتل
ريناس : ماما وش كاين هنا شكون هذا علابلك بلي ..
قصت عليها قبل ما تكمل تحكي
زينب : ريناس هذا جواد ولد خالك لي حكيتلك عليه
قدم لعندها هز يدها باسها
جواد : متشرفين ريناس
ريناس : ايتان
جواد : انعم ؟
ريناس : اسمي ايتان منحبش ريناس
"رجع تبسم " جواد : متشرفين ايتان
كبس على يدهاا .. فالوقت لي صونا تيليفون زينب
زينب : دقيقة و نرجع .. جواد وليدي اقعد تفطر
خرجت زينب من الصالة .. ناضت ريناس من فوق الكرسي جات راح تسحب يدها زاد كبس عليهاا
ريناس : ااطلق يدي .. و على قبيل شكون لي سمحلك تدخل لغرفتي ؟
جواد : شفتك كي دخلتي الصباح قلت نجي نشوفك
ريناس : و تدخل بالطريقة هذيك مريض نتا ؟
" تبسم "جواد : و الله من اول مااشفتك رجعت مريض
رجعت زينب دخلت .. طلق يدهاا و مشاا قعد مقابلهاا
زينب : باردون عيطولي من الخدمة
جواد : معليش
(رجعت قعدت فبلاصتها ) زينب : هيه مقلتليش وش جااتك البلاد بعد ماا رجعت ؟
جواد : حوايج بزاف تبدلواا الصراحة مكنتش حااب نرجع " دور عينيه شاف مع ريناس " بصح درك نظن بلي كي رجعت احسن كنت مضيع بزااف حواايج
زينب : ههههه حتى انا نقول كي رجعت احسن باباك كبر و صار وقت تحكم بلاصتوا ..
جواد : نعرف نعرف
زينب : ريناس خلصي فطورك و امشي مع جواد للشركة
هبطت الفرشيطة من يدها و هزت عينيها تشوف معاها
ريناس : انعم ؟
زينب : كيماا سمعتي و نحبك ترجعي تخدمي فالشركة من اليوم و روح .. عندي رحلة لفرنسا الايام هذي و نحبكم نتوما لزوج تقوموا بالشركة فغيابي انا و نبيل
ريناس : ماماا واش من رحلة تحكي عليهاا و تعرفيني مزلت منعرفش فالخدمة مليح
زينب : و جواد وش يدير ؟ راح يساعدك مش هك ؟
" تبسم معاهاا " جواد : وي بيانسير ..( هز السرفيطة مسح فموا ) خلصتي فطور ايتان تحبي نمشيو ؟
ريناس : روح نتا منبعد نلحق بسيارتي
" صاحت عليها " زينب : ريناااس نوضي متهبلينيش
ريناس : اااففف ااف
ناضت من الكرسي خبطتوا هزت تيليفونها و مشات تزرب فخطواتها خارجة من الصالة
تنهدت زينب و قامت لعند جواد
زينب : جواد وليدي رد بالك عليها راهي طاايشة الشيء لي فراسهاا ديرواا
جواد : ههههه معليش عمتي فعينيااا
تبسملها و ناض .. خرج قابلتواا متكية على سيارتوا و قالبة وجهاا .. حط يديه فالجياب و قدملها
جواد : متحبيش تروحي للشركة و لا متحبيش تروحي معاياا ؟
طبقت يديها لصدرها و خزرتلوا من فوق لتحت كيلتواا بشوفتهاا ..
ريناس : لزوج
تبسم على جنب و زاد قربلها حصرها مع السيارة
جواد : و وجهك ديماا قالبتوا و لا معاياا برك ؟
ريناس : بعد علياا
جواد : جااوبي سع
قحرتلواا و هزت يديهاا دزتواا و رجعت هزت صبعها فوجهوا تهدد فيه
ريناس : راك قاعد تتخطى فحدودك زيد جرب قدملي كيماا هك وشوف السع وش نديرلك و مش كي سكت على المهزلة تع الصباح يعني دير وش تحب .. محبيتش نحكي قدام امي برك و بمناسبة انوا اول لقاء بيناتنا فااااهم ؟
مستناتوش يحكي رجعت دزتوا بيدها بعدتوا من قدامها و حلت باب السيارة ركبت
بقا يشوف معاها و يتبسم هز يدوا عداها على لحيتوا .. عدل شعرواا بصوابعواا و رجع ركب هو الاخر معاهاا فالسيارة
جواد : ديري الحزام
مردتش عليه قلع يسوق صوناا تيليفونها صوت ميساج المسنجر كي توصل رسالة .. دور راسوا شاف معاها تخزر لتيليفون و تتبسم .. رجع صونا مرة خلاف و باقي يصوني كل دقيقة توصلها رسالة
جواد : زح يخي و شياا هذاا انا و تيليفوني ميصونيش هك
ريناس : خليك فأمورك متحوسش تفهم ( جاوبتوا و هي تكتب فالميساج مكلفتش روحها حتى تهز راسها و تشوف معاه )
"طلع حاجبوا و رجع يشوف مع الطريق " جواد : نشوف بلي المهمة صعبة
ريناس : كشما قلت ؟
جواد : والوا والوا
قلبت عينيها و رجعت تبعت فليميساج لليدياا لي صدعتلها راسهاا تحوس تفهم شكون فهد و منين تعرفوا
بعد دقايق حبسوا قدام الشركة نزل و نزلت معاه دخلوا لزوج مع بعض العيون الكل تصوبت ناحيتهم عينين النساا خارجين فجواد بحسب انوا اول مرة يشوفوه داخل للشركة و الرجال راح ياكلواا ريناس بخزراتهم ..
طلعوا فالمصعد تكى جواد على الطابق الثالث و رجع وقف بحداهاا
جواد : مش كأنوا ناسية حاجة ؟
" طلعت حاجبها " ريناس : واش ؟
"هز صبعواا اشاار لوجهواا " جواد : مكياج نسيتي محطيتيش
ريناس : لا يا روحي منديرش انا مكياج جمالي جمال طبيعي
شااف معاهاا ثواني و طرطق ضحك
ريناس : خير وش يضحك فيك ؟
جواد : ههههههههه الصرااحة اول مرة نمشي مع مراا بلا ما تكون حاطة طابلواا فوجهاا
تحل باب المصعد قابلتهم وحدة لابسة المزير و وجهاا لوحة تع الوان
جواد : و هااو ليك المثل
غمز لمراا و تعداا من قدامهاا ماشي لبيروا باباه و ريناس من خلفوا
" قحرتلوا تحكي "ريناس : منيش كيما لي تعرفهم
جواد : ويي حاجة باينة هذي ههههه
وصلوا قدام بيروا نبيل وقفوا قدام السكرتيرة
- بونجور مدموازال ايتان
ريناس : بونجور
جواد : بابا فالمكتب ؟
- وي موسيو دقيقة نخبروا
جواد : لا خليه ..
مشا فتح الباب و دخل قابلوا نبيل قاعد خلف البيروا يشرب فقهوتوا
نبيل : معلموكش فصغرك دق الباب قبل ما تدخل
دخل و قدم قعد فالكرسي لي مقابل نبيل
جواد : و الله سقسي العباد لي رباوني
نبيل : يا الهاامل مزال وجهك صحييح
"قحرلوا و دور يشوف مع ريناس تبسملها " نبيل : بنتي لباس ؟ المجنون هذاا مدارلك والوا لحد الان ؟
ريناس : يعني ههههه
دور جواد شاف معاها
جواد : صار .. ؟
نبيل : كشما يديرلك خبريني لازملوا إعادة تربية
تبسمت معاه و مشات قعدت فالكرسي لي مقابل جواد
نبيل : راح نخبر واحد يجي يعرفكم على الشركة مليح .. ريناس راهي تعرفها شوي راح تساعدك
جواد : اوكي
نبيل : قريت الاوراق لي بعتلك البارح ؟
جواد : امم نتاع الشركة الجديدة طلعت عليهم بصح مفهمتش علاش دخلتوا فشراكة معاهم نظن الشركة نتاعنا مليحة متحتاجش شريك
نبيل : نتا شوف شغلك طلبتك باه تكمل خدمتك مش باش تناقش قراراتي انا و عمتك ، على كل حال شركائنا راح يوصلوا عندنا اجتماع معاهم و انا لازم نطلع روح نتا و ريناس استقبلوهم
جواد : وين رايح نتا ؟
نبيل : تحب نعطيك تقرير على حياتي ثاني ؟
" قلب عينيه " جواد : شبيك وليت هك مامعاكش الهدرة ؟
ضحكت ريناس من كلاموا فالوقت لي نبيل قحرلوا
نبيل : مكنتش غالط كي قلتلك يلزمك إعادة تربية
ناض من الكرسي عدل فاست الكوستيم نتعوا هز تيليفونوا و مشا خارج من البيروا
رجع جواد يخزر فريناس و ينقر بصوابعوا على الطابلة
ريناس : خير ؟
تنفض من بلاصتوا حتى خلععهاا ، هز زهرة من المزهرية لي كانت على جنبواوو قرب لعندها ، رجعت على وراها لين لصقت فظهر الكرسي
حط يديه على يدين الكرسي و طابس لعندها
ريناس : وش قاعد دير ؟
مردش عليها ، هز الوردة لي كانت فيدوا حطها من وراء ودنها و رجع بعد عليها
جواد : هك احسن
تبسملها و هي قحرتلوا ، بعد عليها و هي ناضت من بلاصتها نحات الوردة رماتها على الارض و عفصت عليها
ريناس : بعد عليا احسنلك
رماتلوا الكلمات و خرجت تجري من البيروا .. وقفت قدام السكرتيرة تتنفس بعصب
ريناس : وصلوا الشركاء ؟
- وي مدموازال راهم فقاعة الاجتماع يستناو فيكم
خرج جواد وقف قدامها يتبسم قحرتلوا و مشات تجري ..
وقفت قدام غرفة الاجتماعات عدلت شعرها بصوابع يديها و رسمة تبسيمة على وجها
جواد : حبيبك يستنى فيك الداخل حتى قاعدة تعدلي فروحك ؟
ريناس : وش دخلك نتا حكيت معاك ؟
نفخت بعصب و حلت الباب دخلت و تحلوا عينيها معاه بقات واقفة فبلاصتها بوش B تشوف معاه مش مصدقة بلي رجعت شافتوا بعد ماقالت مش راح تزيد تتلاقى بيه حياتها الكل
تعداها جواد دخل من خلفها
جواد : سامحونا خليناكم تستناو
تبسملوا اسامة لي كان قاعد و ناض سلم عليه
اسامة : لا حتى حنا درك وين وصلنا
دور جواد خزر لفهد لي كان قاعد
دور جواد خزر لفهد لي كان قاعد حاط رجل على رجل و يشوف مع ريناس
اسامة : فهد نعرفك هذا جواد ولد موسيو نبيل
تبسملوا فهد و ناض لاح يدوا سلم عليه .. قدمت ريناس لعندهم و عينيها متنحاوش من عليه
اسامة : و هذي ايتان بنت مدام زينب
تبسم معاها فهد ضيق عينيه يشوف معاها و قربلها هز يدها طبع عليها بوسة
فهد : متشرفين
دور خزر لجواد لي رجع يحكي مع اسامة استغل الفرصة و زاد قربلها همس قدام ودنها
فهد : شايف مقدرتيش تبعدي عليا معندناش ساعتين ملي تفارقنا لحقتي تتوحشيني ؟
" خزرت فيه بعصب " ريناس : وش جاابك هناا علاه مقلتليش بلي نتا لي راح تخدم معانا ؟ علاه كذبت علياا ؟
هز كتافوا بلا مبالات
"عوج فموا " فهد : منعرفش ههههه
ريناس : نتاا وااحد ...
قطع عليهم صوت جواد و قبل ما تكمل جملتها
جواد : اتفضلوا اقعدوا
رجع فهد قعد قدام اسامة و جواد و ريناس مشاو قعدوا مقابلينهم فالطابلة .. سحب جواد الكرسي لريناس باه قعدت و رجع قعد جنبها
اسامة : خبرني موسيو نبيل بلي راح يسافر هو و مدام زينب يعني راح نرجعوا نخدموا معاكم
جواد : وي الاجتماعات من اليوم راح تكون معايا و معا ايتان بابا و عمتي راح يتقاعدوا و حنا لي راح نحكموا الشركة .. مش هك ايتان ؟
دور خزر فيهاا هزتلوا راسها بمعنى ايه ، فالوقت لي فهد هز حاجبوا من خزرات جواد لإيتان
فهد : قداه فعمرك ؟
جواد : 34
فهد : محكيتش معاك نتا سقسيت الانسة
شهق اسامة لين رجع يكح من جملة فهد و جواد غمض عينيه يتمالك فروحوا
هز فهد يدوا يخبط على ظهر اسامة و هز كاس ماء كان فوق الطابلة
فهد : هااك اشرب
قحرلوا اسامة كون صاب راهوا صوطا عليه فشخوا ضرب
فهد : مجاوبتينيش ؟
ريناس : نظن علابالك
جواد : كيفاه علابالوا ؟
فاقت على حكيها رجعت تبسمت بتبهليل
ريناس : ههه قصدي عمري يبان من شكلي ..قداه نبان ؟ " لزت على سنيها و دورت تقحرلوا "
فهد : 18 يعني مزلتي صغيرة وش راح تخدمي هنا ؟
هزت الستيلوا لي كان فيدها خبطتوا فوق الطابلة استفزها من طريقة حكيوا
ريناس : راني فال 21 و قرايتي قريب نخلصها
فهد : يعني كي 18 كي 21 مكانش فرق
" صاحت عليه " ريناس : وااش تحسب فروحك نتااا حتى تحكي معااياا هك ؟
عينيها رجعوا حمر من العصب و هوا قاعد يشوف معاها بكل برود .. هز جواد يدوا حطها على يدها يهدي فيها
شاف فهد معاه و رجع شاف مع يدوا لي فوق يدها و قلب عينيه
قص عليهم صوت اسامة لي حمحم
اسامة : خليناا نرجعوا لخدمتناا .. " قرب همس لفهد " .. و نتا سكر ر** فمك متخلينيش نغلط فيك درك خلي الاجتماع يعدي على خير
فهد : ااففف سكت
رجعوا يحكيو في أمور الخدمة و ريناس ساعة ساعة تقحر لفهد لي يستفز فيها و لا جواد لي كل دقيقة يتغزل بيها ..
دق الباب و دخلت السكرتيرة هازة صينية فيها كيسان قهوة ، صوت طالونها ملا القاعة لابسة المزير ، حطت كوب القهوة قدام ريناس و جواد و رجعت لاسامة و فهد لي غمزلها
شافتوا ريناس وقت غمز السكرتيرة قحرتلوا و تمتمت بين شفافها
ريناس : خماج
دار جواد شاف معاها : ااه كشما قلتي ؟
ريناس : اااا شيء
اسامة : على كل حال نظن حكيناا فكلش و مبقاتش حاجة ناقصة
جواد : وي .. ايه نسيت مقلتلكمش الليلة عامل حفلة بمناسبة رجوعي بعد ما كنت خارج البلاد ، على كل حال الحفلة تع شباب و نتمنى تشرفوني
اسامة : نجي اناا لعادت حفلة تع شبااب
جواد : هههه راح نستنااك .. و نتا موسيو فهد ؟
فهد : منعرف نشوف انا و احوالي
جواد : راح نكون فرحان كون تجي
تبسم معاها و ناضوا للاربعة رجعوا سلموا على بعض باليدين
اسامة : متشرفين مرة خلاف نظن راح نحققوا نجاح كبير مع بعض
ريناس : ههه نشااله
دوروا لزوج خارجين من القاعة و بقا جواد و ريناس وحدهم .. تنهدت ريناس براحة و رجعت رمات روحها على الكرسي و غمضت عينيها
وقف جواد حاط يديه فالجياب يشوف معاها
جواد : تعرفيه ؟
" حلت عين و خلات اللخرة مغمضة "ريناس : ااه ؟
جواد : فهد حسيتكم تعرفوا بعض من قبل
ريناس : منعرفوش
"طلع حاجبوا مش مصدقهاا " جواد : نظراتكم لبعض متقولش هك ، شفتك كيفاه تشوفي معاه
ريناس : جواد يرحم باباك معنديش ساعة نعرفك متخلينيش نكرهك و نحطك فالليستة الكحلة راني نفد من الاسئلة هذواا
ناضت من الكرسي جات خارجة حبسها
جواد : راح تجي الليلة ؟
ريناس : منعرفش
عوج فموا و قرب ليهاا وقف قدامها هز يدوا بعدلها خصلة من شعرها لي كانت طايحة على وجها
ريناس : وش دير ؟ قلتلك متزيدش تقربلي
جواد : جيبي صحاباتك معااك
غمزلها و كمل طريقوا خرج و خلاهاا
هزت يديهاا غلغلت صوابعها فشعرها و نفخت بعصب تحس فروحهاا راح تجن .. شيء من فهد لي مش عاارفة وش حكايتوا كل دقيقة يخرجلهاا و جواد لي راح يهبلها بتصرفاتوا
•••••••
فالليل كانت واقفة قدام المراية حطت اخر لمسات مكياج على وجها هزت يدها شافت مع الساعة قريب ال10 صار وقت باه تخرج ، فجأة تهد عليها الباب و دخلت منوا ليديا لابسة و محطحطة ( معلاباليش منين جبت الكلمة هذي 😂😂 ) تقول الحفلة حفلتها
ليديا : يهااياا ياا زحي مزلتي مجهزتيش من الصباح و انا نستنى
قلبت ريناس عينيها و دارت لعندها
ريناس : ليديا متخلينيش نندم لي استدعيتك تجي معايا
ليديا : اافف خلاص سكت بصح و الله راسي شاب و انا نستنى فيك
ريناس : سيبون خلصت امشي قدامي
هزت ساكها و مشاو خارجين من الغرفة
ليديا : طاطا زينب مكانش ؟
ريناس : اامم عندها خدمة
ليديا : و جواد هذا بقلاوة ؟
"هزت عينيها تشوف معا السما " ريناس : يااا ربي صبرني حياتي معمرة مجانين
هزت ليديا يديها حطتهم على خصرها
ليديا : صااار ياا االلاة ريناس وليت مجنونة ؟
وصلوا قدام السيارة وقف العم لطفي قدام ريناس
لطفي : تحبي نوصلكم يا بنتي ؟
" تبسمتلوا " ريناس : لا عموا لطفي راح نسوق وحدي مرسي
فتحت باب السيارة ركبت و طلعت ليديا جنبها
ريناس : نوصيك من درك ..
قاطعتها ليديا قبل ما تكمل حكيها
ليديا : اسمك ايتان و نرد بالي نعيطلك ريناس قدام كاش وااحد و منحكيش بلي تشاركي فالسباقات .. سيبون راني حافظتهم مش لازم كل نهار تعاوديهملي
"شافت معاها و عوجت فمها " ريناس : مليح
ليديا : رااح نموت بااه نشوفواا زح معندكش تصويرتوا ؟
ريناس : من كل عقلك نتي ؟ وش ندير انا بتصويرتوا
ليديا : وين نعرف اناا راهوا ولد خالك متعرفيش حسابوا فالانستغرام و لا فايسبوك ؟
ريناس : انا نقلك جامي سمعت بيه البارح وين عرفت بلي عندي ولد خال و نتي تقولي حساب و لا مش حساب
ليديا : بالناقص الهدرة معااك نتي ولا ميتحكاش معااك
وصلت قدام الفيلا تع جواد لي راح يعمل فيها الحفلة ، صوت الموسيقى يتسمع من بعيد حبست السيارة على الجنب و نزلت هي و ليديا
ليديا : شوفيني معدولة ؟ روج متنحااش ؟ روب جاتني مليحة ااف كون لبست الحمرة احسن
فالوقت لي ريناس قلبت عينيها و مشات داخلة للحفلة مردتش عليها و مشفتش معاها حتى ، لحقتها ليديا بسرعة تمشي من وراهاا
ليديا : هااي اسناايني
ريناس : ليديا من غير ما تبداي بتصرفااتك الطايشة و تبدااي ترمي فروحك عليه راهوا ولد خالي منحبش يهز نظرة مش مليحة عليا و لا عليك فاهمة
ليديا : راح نتغشش هك تقوليلي فيها فوجهي صار رجعت نرمي روحي على الرجال
ريناس : من غير دراما
ليديا : اوكي فهمت
وصلت للباب صوناات شوي و فتحتلها الخدامة و زاد قوى صوت الموسيقي كي تحل الباب دخلت هي و ليديا دورت عينيها على البلاصة تشوف فشباب متعرفهمش لبنات المعري اكثر من المغطي لي يشطح و لي يشرب و لي يتمعشق ،
شافها كي دخلت اصلا من صباح و هو يعس فالباب يستنى فيها تدخل ، حط الكاس لي كان فيدوا فوق الطابلة و رجع يحكي مع المراا لي كانت معاه
جواد : سامحيني شوي و نرجع
شافتوا جاي لعندها و يتبسم لابس شوميز بيضة فاتح ازرارها اللولين و سروال جين حاصر لحيتوا و راد شعروا على جنب ، تبسمتلوا من فوق قلبها ، فالوقت لي هو وصل لعندها هز يدها بين يدوا باسها
جواد : طالعة تجنني
ريناس : مرسي
ليديا : اااحممم
هز عينيها شاف معاهاا تبسمتلوا
ريناس : يعني قبيل كي قتلي جيبي صحابك ..
جواد : لا من غير ما تشرحيلي
هزت ليدياا يدها باه تصافحواا رجع حكمها و طبع عليها بوسة
ليديا : انا ليديا
جواد : و انا جواد متشرفين آنسة
ليديا : الشرف لياا
تبسم معاها و رجع يخزر لريناس
جواد : اتفضلوا
مشاا معااهم وقفوا قدام طابلة هز يدوا لواحد لتم يسربي فالمشروب عطاهم كيسان
جواد : كنت حاطك مش جاية
ريناس : و جيت
وقفت قدامهم وحدة من لبستها تبان خدامة
- موسيوا جواد تقدر تجي معاياا دقيقة ؟
" قلب عينيه و نفخ بعصب " جواد : درك نرجع
ريناس : اوكي
مشا و ليديا قربت من ريناس
ليديا : علاه مقلتيليش بلي السيد ضارب فيك عشقة
ريناس : وشنواا ؟؟
ليديا : نتي مشفتيهش كيفاه يشوف معاك قريب كلاك بعينيه .. افف على كل حال درك نرجع
مشات و ريناس عوجت فمها هزت الكاس فيدها ترشفت منواا و هزت عينيها تشوف مع الناس ، فجأة تفكرت بلي جواد عرض فهد و صاحبوا للحفلة زعما راح يجي
قطع عليها صوت يهمس فودنها و انفاس تضرب فخدها
فهد : تحوسي عليا ؟
شهقت و دارت بسرعة لعندوا بلعت ريقها تشوف معاه طالع يفتق لابس خلعة مبينتلوا عضلاتوا و حاصر لحيتوا و ريحتوا سابقتوا
ريناس : وش دير .. وش دير نتا هنا ؟
"عوج فموا " فهد : وش ندير فرايك ؟ جااي للحفلة
ريناس : و علاه جااي ؟
"تبسم على جنب " فهد : يخي تحاوزي فيا ؟
ريناس : لا وش يهمني فيك
دارت عطاتوا بضهرها هزت الكاسة تشرب منها ، رجع وقف قدامهاا طابس لمستواهاا قرب وجهوا لعندها يحكي فودنها
" ضربتوا ريحتها البنينة لي دخلت لجواجيه غمض عينيه و كمل يحكي " فهد : بصح طالعة تفتقي
بلعت ريقها زادت توترت من قربوا رجع قلبها يدق و وجها طلع احمر ، جبدت روحها منوا و دورت وجها باه ماتشوفش معاه
ريناس : علابالي
اسامة : سلام
قطع عليهم صوت اسامة لي وقف قدامهم ، جبد فهد روحوا من على ريناس
فهد : وش جابك نتا ؟
"طلع حاجبوا " اسامة : كيفاه وش جابني ؟ نسيت بلي جينا مع بعض
فهد : قصدي وش جابك لعندي تبع فيا نتا درك روح شوف كاش وحدة كمل معاها سهرة متبقاش لاصق فيا
وساعوا عينين اسامة شاف معاه و رجع شاف مع ريناس
اسامة : وشبيه هذا ؟
طلعت كتافها بمعنى منعرفش
فهد : خلصت اسئلتك ؟ تقدر تمشي درك
جواد : وين يمشي ؟
قلب فهد عينيه يا ذوب باه صحتلوا الفرصة يحكي معاها جاو لزوج حرموا عليه
" تبسم معاه " اسامة : معندي وين نمشي يضحك برك هههه
جواد : هههه مرحباا بيكم
اسامة : يعني كون قلتلي بلي الحفلة فيها بنات يفتقوا مثل هك كنت جيت بكري
جواد : مزال الليل طويل قداامك هههه
هز اسامة يدوا لسرفور لي كان هاز صينية تع مشروب عطالوا كاس
فهد : مش وقت تروح تشوف البنات لي يفتقوا ؟
اسامة : شبيك نتا زح يخي شفتني قاعد فوق راسك سبحان الله نمشي من هنا احسنلي
قحرلوا هز كاستوا و مشا رايح
قحرلوا هز كاستوا و مشا رايح ، رجع فهد يخزر فجواد لي كان يشوف مع ريناس
جواد : تحبي ترقصي ؟
ريناس : لا منحبش
قطع عليهم صوت ليديا لي جات تضحك و تصوطي معاا الموسيقى
ليديا : هههههههه اييتااااان هايااا معاايااا
مشات حكمتها من يدها تجبد فيها
ريناس : ليدياا اطلقيني
ليديا : نووو هاياا تشطحي معايااا هههههه
"قحرتلهاا و لزت على سنيهاا " ريناس : ليديا اطلقيني
طلقتها و رجعت تتأفف دورت لعند جواد تحكي معاه
ليديا : تعرف بلي كون جاات السماطة عبد راهي بنت عمتك
شاف جواد مع ليدييا و رجع شاف مع ريناس لي كانت تقحرلها
جواد : العسل هذاا بكل جااك ساامط ؟
طلع فهد حاجبوا من جملتوا و ريناس تبسمت من فوق قلبنا ، دورت ليديا لفهد تشوف معااه ضيقت عينيه تتذكر وين شايفتواا ، فجأة صاحت
ليديا : نتاااااا ؟ مش نتااا لي جات مع ايتاان فالسبا...
قطع عليها صوت ريناس وهي تصيح
ريناس : ليييدياااا
فاقت لواش كانت راح تحكي بلعت ريقهاا و حطت يدها على فمها
جواد : تعرفوا بعضاكم من قبل ؟
نطقوا الاثنين جاوبوا مع بعض
ريناس : لا
فهد : هيه
جواد : هيه ولا لا ؟
"حكمت الكاس لي كان ف يدها خبطتوا مع الطابلة و صاحت " ريناس : وش يهمك نتاا فنعرفوا بعضانا و لا لا ؟ " دارت لعند ليديا تقحرلها " و نتي تعلمي تحكمي فمك شوي
فهد : وشبيك تصيحي على الطفلة ؟
ريناس : وش دخللك نتا صحبتي و نصيح عليهاا كيما نحب
دار فهد لعند ليديا يحكي معاها
فهد : كيفاه راكي متحملتها لربي ؟
"غمضت عينيها بعصب ورجعت حلتهم " ريناس : لثاني مرة نقلك وش دخلك ؟
ليديا : سيبون ههههه متتعاركوش على جالتي
و لثاني مرة صاحوا لزوج مع بعض
ريناس : مش قاعدين نتعاركوا على جالتك
فهد : مش قاعدين نتعاركوا على جالتك
ريناس : بركاا متعااود فكلاامي
فهد : نتي لي قااعدة تعااودي فكلامي
بقا جواد يشوف معاهم حال فمواا فكمية المجانين لي قداموا صااح عليهم قص عليهم الكلام
جواد : خلاااص حبسوااا
سكتوا لزوج و بقاو يقحرلوا لبعض فالوقت لي ليديا رجعت مشات و بقاو ال3 مع بعض
جواد : ايتان تحبي تجي معايا نعرفك على اصحابي ؟
ريناس : منحبش
جواد : اوكي ... نخرجوا للحديقة تشمي شوي هواء ؟
ريناس : منحبش
جواد : نطلبلك. . ( قص عليه فهد )
فهد : قالتلك منحبش متفمش ؟
جواد : اانعم ؟
فهد : كيما سمعت
"نفخت بعصب فددوها لزوج " ريناس : درك نرجع
مشات و خلاتهم لزوج يقحرلوا لبعض دخلت للحمام ..فتحت السبالة غسلت وجها و رجعت سكرتها ، مسحت وجها هزت راسها تشوف معا روحها فالمراية رجعت تنهدت و خرجت من الحمام ، شافت مع الضو رجع خافت و الغناا تبدل ل slow
محست غير بيد دارت على وسطها و سحبتها لنص وين كانوا يرقصوا ... عرفتوا من ريحتوا شكون بما أنوا الضوء خافت و مش تشوف فوجهوا ... حط يدوا فيدها و يدوا الثانية دورها على خصرها جبدها لعندوا يرقص ببطىء مع ألحان الاغنية
فهد : وش بينك و بينوا ؟
بلعت ريقها شيء من قربوا لي دايما يدخلها فحيط و شيء من صوتوا الهادي لي يهمس فودنها
فهد : نسمع فيك ؟
ريناس : على شكون تحكي ؟
فهد : في رايك على شكون نكون قاعد نحكي
ريناس : مش مضطرة نفسرلك
زاد جبدها لعندوا لين ولات لاصقة فيه طلعت راسها طاحوا عينيها فعينيه
فهد : عينيك ..
عدات لسانها على شفافها و هي تشوف مع شفافواا
ريناس : وشبيهم ؟
فهد : عينيك هَلاَكْ تعرفي ؟
حركت راسها بمعنى لا ، رجع هبط يدوا الثانية على خصرها و هي لفت يديها على رقبتوا
فهد : مش راح تقوليلي وش كاين بيناتكم
ريناس : مكاين والوا
فهد : بصح ..
" قصت عليه " ريناس : قلتلك مكاين والوا مش راح نكذب عليك
"تبسم على جنب " فهد : لسااانك طوييييل
ريناس : نعرف
فهد : و وجهك صحيح
ريناس : حتى هذي نعرفها
فهد : و ريحتك تقتل
بلعت ريقها فالوقت لي هوا هبط راسوا حط خشموا على شعرها غمض عينيه و سحب نفس من ريحتوا
ريناس : نقدر نطلب منك حاجة ؟
جاوبها و هو مزال حاط خشمواا على شعرهاا يشم فريحتها
ريناس : عايلتي متعرفش بموضوع السباقات حتى جواد منحبوش يعرف
فهد : يعني راح تقوليلي منخبرهمش ؟
هزت راسها بمعنى ايه .. سحب روحواا و رجع قابل وجهاا
فهد : مش راح نخبرهم
"تبسمتلوا و هو كمل يحكي " فهد : بصح بشرط
"ضيقت عينيهاا تشوف معااه " ريناس : وش تحتاج ؟
فهد : ههههه بالعقل متزربيش تقحريلي نحس نظراتك راح يقتلوني
ريناس : يعني لازم شروط بااه تحكم فمك راح تندمني على الساعة لي ديتك فيهاا اافف
فهد : شرطي بسيط
ريناس : لي هوا ؟
فهد : تسافري معااياا نهااية الاسبوع و بالأحد نرجعواا
ريناس : وااش وااش ؟؟ تحكي من نيتك نتاا وين راح نسافر معااك ...لاا منحبش
خلصت لغنااياا و رجع الضوء عاادي سحبت روحهاا من عليه
فهد : فكري سع منبعد رجعيلي إجابتك
خزرت فيه من فوق لتحت و دورت مااشية
تعدااو 5 ساعات بداات ناس تمشي لين بقااو في 5
ريناس : ليديا خليناا نمشيو
فهد : تحبي نوصلك ؟
ريناس : لا مرسي راح نمشي وحدي
جواد : خليكم مزاال الحاال
ريناس : راه قريب الفجر
جواد : و اذا تحبوا باتوا الليلة هناا غدواا امشيو
ريناس : لا منحبش
قربت لعندها ليدياا حكمتها من يدهاا ذبلتلها عينيهاا
ليديا : ايتاان حبي نزيدوا نقعدوا شوي بلييز
ريناس : حابة تقعدي اقعدي انا راايحة
اسامة : هاياا ايتاان راح نحاولوك درك بالواحد ؟
شافت معاهم و رجعت شافت مع فهد لي كان هو الثاني يشوف معاها بنظرات باردة
ريناس : اوكي
صوطاات لعندها ليدياا حظنتهاا فالوقت لي هي تبسمت
" خزر في فهد " جواد : راح تقعد ؟
هز فهد يدوا ضرب كتف اسامة
فهد : لكاان صاحبي يقعد نقعد اناا ثااني
جواد : خليناا نخرجواا للحديقة " هز يدواا يعيط للخدامة " ليييلى.. ليييلى...
جات مراا كبيرة فالعمر لابسة لبسة الخدمة
- وي موسيو ناديتلي ؟
جواد : جيبي شوي مكسرات و مشروب للحديقة
- حااضر
رجعت مشات و هو دور لعندهم
جواد : اتفضلوا
خرجواا من الفيلا كان الضوء خاافت و نسمة باردة تع الليل
قعدوا مقابلين بعض فوق مخااد كانوا محطوطين فوق العشب مقابل المسبح ، شاف فهد مع ريناس لي كانت محضنة روحهاا من البرد دور عنييه لقى غطاا هزواا و ناض ليها حطوا على كتافهاا
فهد : خليه لبرد
" تبسمتلوا " ريناس : مرسي
رجع لبلاصتوا و جواد باقي يخزر فيه
نطق اسامة لي كان مش واعي مليح بسبة المشروب لي شربوا
اسامة : اهييه وش رااح نديروا درك هههههه
هزت ليدياا يدهاا كيماا يعملوا الثلاميذ وقت يسألهم الأستاذ
ليديا : عندي فكرة
اسامة : ااتفضلي هههه
ليديا : نلعبواا لعبة .."قصت عليها ريناس "
ريناس : واشمن لعبة شايفتينا ولاد صغاار ؟
ليديا : تي خليني نكمل اافف ..
" قلبت عينيها " ريناس : كملي
"تبسمت رجعت عدلت قعدتها و كملت تحكي " ليديا : حقيقة و جرأة
ريناس : لاااا منحبهااش اللعبة هذي
جواد : عجبتني اناا
فهد : حتى انا عجبتنيي
ليديا : 3 يغلبواا زوج ههههه
اسامة : رااني معااكم انا يعني 4 يغلبوا واحد هههه
نفخت ريناس بعصب فالوقت لي جواد ناض رجع دخل لدار شوي و خرج فيدوا قرعة ، رجع لبلاصتواا و حط القرعة فالنص
" هز يدواا لجيهة فم القرعة " جواد : هذا يسقسي و الاخر يجاوب
جواد : جاهزين نبداا ؟
ليديا : ابدا هههههه
تبسم و دور القرعة دارت ثواني و حبست عند اسامة و ليدياا ، خزرلوا لزوج في بعض
اسامة : جرأة و لا حقيقة ؟
" عوجت فمها " ليديا : ااممم جرأة
"هز صبعواا حطواا جنب شفافوا " اسامة : بوسيني هههه
تبسمت على جنب و قدمت لعندوا وقفت على ركايبها مقابلتواا قربتلوا طبعت بوسة خفيفة على شفافوا جات راح تبعد رجع جبدها لعندواا يبوس فيهاا لين طاح و هي فوقواا
ضحك فهد و جواد من منظرهم و رينااس قريب ترد
ريناس : ايييع نوضواا تعيفوااا
فهد : علاه متحبيش ههه ؟
دورت لعندواا تبسمتلوا ببرود و حركت راسها بمعنى ايه ، فالوقت لي ليدياا ناضت رجعت لبلاصتهاا و اسامة باقي يضحك
قطع عليهم الخدامة لي جات فيدها صينية تع مشروب حطتوا و رجعت دخلت ، رجع جواد دور القرعة و المرة هذي حبست عندوا و عند فهد
تبسم فهد على جنب و جواد باقي يخزر فيه
فهد : وش تخير ؟
جواد : حقيقة
ضيق عينيه يشوف معاه و هز يدوا يعدي فصبعوا على شفافوا حركة يديرهاا وقت يعود يخمم
فهد : شكون ايتان بالنسبة ليك ؟
"هزت ريناس يدها وجهت صبعهاا لوجهاا " ريناس : تحكيو علياا ؟
فهد : نحكيو عليك مش معاك
جواد : بنت عمتي
فهد : يعني نفهم بلي تعتابرهاا بنت عمتك برك ؟ مش حاجة آخرى
جواد : بلك مع الوقت تتغير لحاجة اخرة ههه
فهد : وش قصدك ؟
جواد : قصدي واضح
" قحرتلهم لزوج "ريناس : ااااحمم راااني هناا
شاف معااها فهد طاحت عينوا فعينهاا بقاا يخزرلهاا بخزرة معرفتش تفسر معناها
ليديا : هاياا خلصتواا كمل
حرك جواد راسوا و رجع دور القرعة و المرة هذي كانت بين اسامة و ريناس
اسامة : جرأة و لا حقيقة هههه ؟
شافت معاه و فكرت أنوا كون تقولواا جرأة راح يطلب منها تبوسوا و هي مش كيماا ليدياا باه تقبل
ريناس : حقيقة
"عوج فمواا يفكر وش راح يسقسيها " اسامة : قداه من خطرة بستي راجل ؟
فهد : وش بيه ر*** نتااا مع البوس ؟
بلعت ريناس ريقها و وجها رجع حمر مش عارفة وش راح تجاوبوا اصلا اول مرة ليها كانت مع فهد و وقتها كانت مش صاحية
ليديا : ههههههه متعرفوش بلي ايتان عمرهاا ما باست واحد ؟
وساعوا لثلاثة عينيهم و دارواا يشوفوا معاهاا مش مصدقين
ريناس : ليديا سكري فمك
ليديا : لاا عااادي خليني نكمل ههههه حتى انواا عمرها ما دخلت فعلاقة مع واحد
حماروا عينين ريناس من العصب صااحت على ليديا
ريناس : ليديااا قتلللك سكرييي فمك
ليديا : اافف خلاص سكت
بلع فهد ريقوا و بقاا يشوف معاهاا كيفاه عصبت منحاش عينيه من عليهاا و جواد مش احسن حال منوا
اسامة : وااو الصراحة تفااجأت
ريناس : انا رايحة تصبحوا على خير
ناضت و ناضوا الكل معاهاا
ليديا : خليناا نزيدوا شوي مش حابة نروح درك
" قحرتلها " ريناس : ديجا شوفي معا شكون تروحي خاطر مش راح نديك معااياا
جواد : اسنااي نوصللك للباب
ريناس : نعرف الطريق
هزت بوشتتها و مشات خارجة تخض فروحهاا
هزت بوشتتها و مشات خارجة تخض فروحهاا العصب مكمل عليهاا ، خرجت من الفيلا وصلت لباب سيارتهاا يا ذوب فتحتواا جاا من خلفها رجع سكروا و دورها لعندواا حصرها مع السيارة
ريناس : بعد علياااا
هزت يديها تبعد فيه و هو حجرة متحركش
فهد : علاه مقلتيلهمش بلي بستك
ريناس : ماابستنيش علاه راح نكذب عليهم
فهد : بستك تحبي نفكرك ؟ كوناا متكيين على السيارة و نتي قدمتي لعندي
" صاحت عليه " ريناس : خلاااص اسكت مش مذكرة
فهد : قلتيلي عينيك يشبهوا لعينيه شكون هذاا ؟
" بلعت ريقها " ريناس : مقلتلكش
فهد : قلتي و قلتيلي حتى اسمك كيفوا نحب نعرفوا شكون
ريناس : ميهمكش تعرفواا شكون
فهد : صحبتك قالت بلي جامي دخلتي فعلاقة كان حب من طرف واحد ؟
ريناس : لعااااشر مرة الييووم نقلك ميهمكش
فهد : تحبيه ؟
غمضت عينيها تهدي فروحها هبطت يديها من عليه و حبست ضرب
ريناس : فهد بعد عليا
فهد : جاوبي سع تحبيه ؟
ريناس : علاه تحوس ؟
فهد : انا لي نسقسي مش نتي
ريناس : مش راح نجااوب
بقاا يخزر فيهاا ثواني من بعد هز يدوا غلغلهاا فشعرهاا من الخلف و جبدهاا لعندواا غطس فشفافهاا يبوس فيهاا بقوة ، هزت يديها رجعت تضرب فيه و هو مكبس عليها باه متبعدش ، مفاقش على روحواا غير وقت حس بطعم الدم ..بعد عليه و رجع همسلها
فهد : باش تكون الثانية
ضربتوا بكل قوتها لين رجع على وراه و هزت يدهاا تمسح في فمها
ريناس : خمااااااج زييد قربليي كون منقتللكش
قحرتلوا و ركبت فسيارتها قلعت تسوق بقوة مخلية غير الغبار من وراهاا فالوقت لي هو هز يدوا عدى صبعوا على شفافواا و تبسم يعني هوا اول واحد يبوسها و اول واحد تجرب طعم البوسة معاه تنهد و بقى يخزر لطريق منين راحت مفاقش غير وقت خبطوا اسامة على ضهروا
اسامة : وين سارح ؟
فهد : شيء .. هناا " دور خزر فليديا لي كانت مكبشة فأسامة
اسامة : راح نوصلوها معاناا
فهد : روح وحدك راح نمشي شوي
اسامة : على راحتك تصبح بخير
تبسملوا و دور يمشي خارج من الفيلا
بعد مرور 4 ايام :
الساعة سبعة تاع الصباح الشمس معندهاش بزاف من لي طلعت و في بلاصة العادة خارج المدينة كانت قاعدة تسوق بسرعة تبسيمة عريضة على فمها يفصلها بعض سنتيمترات من خط النهاية ، هزت عينيها لمراية السيارة تشوف فالسيارات بعااد عليهاا و مستحيل يقدروا يلحقوهاا حركت راسها و نقصت فالسرعة تجاوزت خط النهاية هذاك بسهولة تاامة
فالوقت لي هو كان متكي على سيارتوا حاط لينات على عينيه يتفرج فيها من اول ما بدا السباق لثاني مرة يشوف فيها تربح و يشهد على فوزهاا
حبست السيارة و نزلت منهاا لابسة سروال مزير عليها و تريكوا فوق الصرة هزت يدها نحات الطواط من على شعرها و خلات خصلاتوا طيح على كتافها و وجهاا ، هزت راسها طاحت عينها فعينوا بلعت ريقها اخرة حاجة كانت متوقعتها انها تشوفوا درك صرلها ايام تتجنب فيه حتى الشركة مش تروحلها بعد الشيء لي صار بيناتهم اخر مرة ، تبسم معاها و قدم لعندها و هو يصفق لين رجع واقف قدامهاا
فهد : مبروك الفوز
ريناس : وش دير هنا ؟
"عوج فموا و رجع يديه فالجياب " فهد : توحشتك
حماروا خدودها رجعت بلعت ريقها و هو كمل يحكي
فهد : متوحشتينيش ؟
ريناس : علاه نتوحشك و بصفتك شكون حتى نتوحشك؟
فهد : بصفتي اول واحد باسك يا روحي مش يقولو بلي الطفلة تعشق فأول واحد يبوسها ؟
ريناس : لا يا روحي مكانش منها هذي
فهد : معليش مع الايام راح ترجعي تعشقيني ( هبط اللينات شوي من عينيه غمزلها و رجعهم ) و درك جااي ناخد جوابك
" طلعت حاجبها مستغربة " ريناس : وش من جواب ؟
فهد : نظن طلبت منك تسافري معاياا مقابل سكوتي
ريناس : على هذي جيت ؟
هزلها راسوا بمعنى ايه و هي رجعت تحكي
ريناس : مش قابلة سيبون تقدر تمشي درك
شاف معاها ثواني و جبد تيليفونوا يصور فيهاا شعل الفلاش في وجها
ريناس : ااااي وش ديير
مردش عليها كمل يصور فيها و في المكان
ريناس : وش ديير نحكي معاااك
فهد : مجرد ادلة برك نبعتهم لمدام زينب
وساعوا عينيهاا رجعت تشوف فيه مستغربة
ريناس : تحكي صح ؟
فهد : باه يبدا ب 07 ولا 05 ؟
ريناس : واااش ؟
فهد : اااووف حاجتك اسئلة و اعطيني رقم امك نبعتلها التصااور
فجأة رجعت تصيح و صوطات عليه تحاول تنحيلوا فالتيليفون
ريناس : اااعع جرب ابعتلهاا و تشوف وش نديرلك
طلع يدوا لي فيها التيليفون فالسما و هي رجعت تضرب و تخبش فيه
فهد : وششبييك كلبتيي بعديي
ريناس : نتااا المكللووب ياااهم يخيي مننين خرجتليي ااااععع هبط ييددك
زرب رمى التيليفون فجيبوا و حكملها يديهاا لفهم من ورى ضهرهاا و جبدها لعندواا
" صاح عليها " فهد : ارركحيي
رجعت تفرفط بين يديه و تضرب فيه برجليهاا
ريناس : اااطلقنييي ااطللقنيي ياااهم
ليست هناك تعليقات:
إرسال تعليق