جبدها لعندواا و كبس عليهاا رجعوا يتنفسوا فنفس وااحد
"لز على سنيه " فهد : ايتاان اركحي
ريناس : نحي التصااور السع
فهد : مش راح نحيهم
ريناس : وش تحتاج مني ؟
هبط عينيه لفمهاا بلع ريقوا و هو يشوف مع شفافهاا الحمر رجع غمض عينيه يتمالك فروحوا و فتحهم
فهد : نحبك تجي معاياا
ريناس : علاه ؟
فهد : تقبلي و لا نخبر أهلك
"شافت معاه بغل كون تلقى راهي بزقت في نص وجهوا " ريناس : يلعن الساعة لي شفتك فيها
"تبسم على جنب " فهد : الجواب ؟
ريناس : يومين مش أكثر
فهد : 3 ايام
ريناس : قتلك يومين
فهد : اافف اوكي الليلة نعدي عليك
ريناس : تقدر تطلقني درك ؟
رجع شاف مع شفافهاا يحس فروحوا راح ينفجر
فهد : وش رايك تعطيني بوسة قبل مانروح ؟
ريناس : وش راايك فكف دورلك وجهك مش احسن
عوج فموا و طلقهاا بعد عليها ، رجع يديه في الجياب و شاف معاه نظرة آخيرة
فهد : راح نعيطلك كي نعود جاي
مشا و هي بقات تمسد فيديها مكان وين حكمها و تقحرلوا
ريناس : روح تروح منك الروح
قطع عليها صوت وحدة من الشباب لي كانوا لتم يتفرجوا فالسباق
- ايتان مش راح تكملي ؟
ريناس : وش نكمل ؟
- السباق..بقيتي نتي و 3 خلاف
شافت معاه و نفخت " ريناس : لا خبريهم بلي انسحبت عندي اشغال ...
°°°°°
بعد دقايق وصلت لدار ركات سيارتها و نزلت ، هزت عينيها تشوف فزينب خارجة و لطفي من خلفها يكركر فالفاليز
"طلعت حاجبها " ريناس : ماما ؟
زينب : وين كنتي ؟ من الصباح نستنى فيك
ريناس : ااا.. كنت .. كنت عند ليديا
زينب : وش ديري عند ليديا من صباح ربي ؟
ريناس : اافف يخي تحققي معايا ؟ راح تسافر و طلبت مني نروح معاها
زينب : وين تروحي معاها و انا مسافرة اليوم مع خالك و امور الشركة كيفاه ؟
ريناس : ماما كلهم يومين تع الويكاند و نرجع مش راح نطول
زينب : منبعد يرجعوا اليومين هذوا 8 ايام منعرفكش انا
ريناس : لا والله يومين و نرجع اصلا مش حابة نروح كون مش هي اصرت علياا
" تنهدت " زينب : على راحتك ديري بالك
تبسمت معاها ريناس و مشات لعندها حضنتها
ريناس : راح نتوحشك
" هزت يدها تمسحلها على شعرها " زينب : حتى انا يا روحي خليك عاقلة و رايضة مع جواد بلاش مشاكل
ريناس : حاضر
سحبت روحها منها باستها على خدها و زينب مشات ركبت فالسيارة
بقات واقفة ستناتها حتى بعدت ، تنهدت و دورت داخلة لدار ، طلعت لبيتها هزت تيليفونها تعيط لليديا لي هزت عليها بصوت ناعس
ليديا : ااامم
ريناس : الناس يقولوا صباح الخير ، على كل حال راح نسافر اليومين هذوا و خبرت ماما بلي راح نسافر معاك فاهمة ؟
تقعدت ليديا من فراشها عينيها مزالوا مغمضين و شعرها داخل بعضوا
ليديا : ريناس .. ااوفف قصدي ايتان ، منين خرجتيلي بموضوع الرحلة هذي مش حابة نروح عندي موعد غدوا مع اسامة
"غمضت ريناس عينيها بعصب و هزت يدها خبطت راسها من بهامتها " ريناس : ركزي معايا يا وحد الداب قلتلك مسافرة و مش معاك و قلت لماما بلي مسافرة معاك باه تخليني فاهمة ؟
ليديا : فهمت فهمت بصح مع شكون رايحة ؟
ريناس : كي نجي نخبرك و ايه ديري بالك يشوفك جواد اليومين هذوا اوكي ؟
ليديا : يزح قوليلي مع شكون رايحة لايكون ... ( سكتت شوي منبعد شهقت ) .. لا يكون تعرفتي على وااحد و مخبرتينيش
ريناس : ليديا راح نسكر باي يا روحي ارجعي ترقدي
سكرت عليها الخط و نفخت على جنب رجع تيليفونها رن وصلتها رسالة من عند رقم مجهول فتحتها << نستناك الساعة خمسة تحت الدار جهزي روحك >>
غمضت عينيها بعصب و رمات تيليفون فوق السرير هزت يديها غلغتهم فشعرها و مشات دور فالغرفة رايحة جاية العصب ياكل فيها
ريناس : اااااعع حمااار ياا ربي منين خرجلي يعني مكفااونيش الهموم لي فحياتي يزيد يخرجلي هذا
جواد : شكون هذا ؟
بلعت ريقها و دارت بسرعة لجهة الصوت شافتوا واقف عند الباب
ريناس :وشدير نتا هنا ؟
جواد : جيت نطل عليك
ريناس : مطلش عليال اخطيني نتاا ثاني مش نااقصتك و شكون قالك ادخل لغرفتي بلا مدق البااب ااخر مرة تعااودها فااهم مش كي سكتلك الخطرة لي فاتت يعني تااخد رااحتك
جواد : وش بيك مكلوبة على صباح ربي ؟
ريناس : جواد يرحم باباك اخرج عليا اخرج و متزيدش ترجع
بقا ثواني يشوف معاها منبعد دخل و قعد فوق الكرسي تع بيروها حط رجل على رجل و طبق يديه يشوف معاها و هي ولات تغلي قدمت لعندوا تخض فروحها
ريناس: متفهمش نتا بوااه نحكي ؟
جواد : صحيح مسافرة ؟
ريناس : حاجة متهمكش
جواد : تهمني يا روحي تهمني و درك قوليلي وين مسافرة و مع شكون ؟
هزت يديها عداتهم على وجهاا بعصب و مشات جيهة الباب حلتوا و وقفت قداموا
ريناس : قتلك داك نهار معنديش بزاف من لي عرفتك متخلينيش نحطك فالليستة الكحلة نتاعي بصح الظاهر راح نسجل اسمك اولهم بكل ، و درك تفضل و يا ريت تنقص زياراتك لدار هذي حتى ترجع ماما و خالي فاهم ؟
جواد : تحاوزي فيا ؟
ريناس : افهمها كيما حبيت و درك اتفضل "دارتلوا جاست بيدها باه يخرج "
جواد : وين مسافرة ؟
ريناس : لثاني مرة نقلك ميهمكش
جواد : مش متحرك من هنا حتى نعرف
"نفخت بعصب و صاحت عليه " ريناس : مسااافرة مع ليديااا يومين و نرجع فههمت دررك ؟
جواد : لوين مسافرين
"هزت راسها لسمى " ريناس : يا ربي وش درت فحيااتي حرام
وقف من الكرسي و مشى ليها رجع مقابلها
جواد : تعرفي بلي ترجعي تهبلي كي تعصبي
ريناس : مرسي على المجاملة و درك تقدر تروح
جواد : يعني راح نعدي يومين بلا منشوفك ؟
ريناس : جواد اخرج يرحم باباك اخرج
خزر فيها عوج فموا و مشا خارج
جواد : ردي بالك على حالك
سكرت لباب من خلفوا و تكات عليه غمضت عينيها من العصب لي ركبلها تمتمت بين شفافها تلعن فالساعة لي عرفتوا فيها ، شافت مع الساعة مزال الحال و مزال الوقت باه يجي احسن حاجة ترقد و تريح راسها شوي لأنوا باين راح تشيط الايام هذوا
فالوقت لي فهد كان فداروا يحضر فروحوا هز تيليفونوا يكلم فواحد من رجالوا
فهد : عملت لي قتلك ؟ الباخرة جهزتها ؟ ... مليح مليح
سكر عليه رمى التيليفون فوق السرير و كمل يلم فثيابوا فالوقت لي دق الباب رمى لي فيدوا و مشى يفتح
فهد : نزيم ؟
نزيم : شبيك تشوف معايا هك ؟
عوج فموا و بعدلوا من على الباب باه يدخل
فهد : كنت حاسبك مسافر
"رمى روحوا على البونك فالصالة "نزيم : رجعت ليوم و راح نديك معاياا شهرزاد راح تمرضني بيك
فهد : مستحيل عندي سفرة
نزيم : ياا ولدي واش من سفرة امك راح تهبل باه تشوفك و زيد رجعوا للحومة لقديمة
" طلع حاجبوا " فهد : الحومة لقديمة ؟
" تنهد "نزيم : اييه الحومة لقديمة بابا حب يرجع يعيش لتم بعد ما المستأجر خرج من الدار قالك توحش ناسها و حاب يكمل بقية حياتوا معاهم
على الجملة اللخرة رجعت بيه ذاكرتوا لقبل 13 سنة لطفولتوا و حياتواا ، تبسم و هو يشوف فصورة ريناس تتعدى بين عينيه مزال يتذكرها بكل تفاصيلها رغم السنين لي عداات الكل
قطع عليه تفكريوا نزيم و هو يطرطق فصوابعوا مقابل وجهوا
نزيم : هاااي وين ساارح ؟
فهد : هناا .. " حمحم "..هيه قتلك عندي سفرة كي نرجع نمشيلهم
نزيم : سفرة تع خدمة ؟
فهد : لا إجازة برك
" قلب عينيه " نزيم : يا ولدي روح شوف اهلك من بعد روح إجازات
فهد : خلصت حكيك ؟ تقدر تتفضل و تخليني نكمل نهز ثيابي و نخرج
نزيم : بالناقص الهدرة معاك
فهد : تعرف الباب بلا مانشقا نوصلك
خزر فيه نزيم و ناض خارج
سمع صوت الباب كي تسكر تنهد و حط راسوا بين يديه يتفكر فالايام تع صغروا لي عداهم فوسط الحومة هذيك او بالاخص يتفكر فريناس لي متنحاتش من بالوا للدرك رغم انوا من نهار راحت مزادش شافها و لا سمع بيها
• في المساء كان ديجا وصل قدام دارها جبد تيليفونوا بعتلها رسالها باه تهبط ، شوي و شافها خارج من الدار تكركر في الفاليز نتاعهاا ، نزل من السيارة و مشا ليها
فهد : يا عمري علاه جبتي الفاليز هذي بكل كلهم يومين و لا حابة تقعدي معاياا اكثر ؟
هزت راسها قحرتلوا و هو باقي يتبسم بكل برود قرب منهاا هز الفاليز من يدها حطها فصندوق السيارة و رجع حللها الباب ركبت و ركب جنبها
فهد : صدقيني راح تعدي احلى يومين فحياتك
دورت شافت معاه غمزلها بعينيه لي يقتلوا ، اما هي فخزرت فيه بكل برود و رجعت طبست راسها جبدت تيليفونها من ساكها و ركبت السماعات زادت فصوت الموسيقى على الاخر لين صار هو يسمعواا ، رجعت راسها للخلف و غمضت عينيهاا مش حابا تحكي و لا تشوف معاه
فالوقت لي هوا باقي يخزر فيها كيفاه مطفيتوا عوج فموا الطفلة هذي صح راسها خشين و متجيش بالباهي
تبسم على جنب و قلع يسوق
فهد : معليش مزال الحال طويل
شوي و وصل قدام الميناء حبس السيارة و دور ليها نحالها الكيت من ودنها و هي تنطرت مفجوعة
ريناس : اااااي
فهد : وصلنا
عوجت فمها و نفخت بعصب نزلت من السيارة ضربها هوااء البحر غمضت عينيها تستنشق فيه
فهد : خلينا نمشيو الباخرة تستنى
مشا و مشات هي قبلوا وصلوا قدام الباخرة شاف فهد مع لي كان لتم حكم عليه ليفاليز و هو طلع و رجع عطاهاا يدوا باه تطلع ، شافت مع يدوا و رجعت شافت مع الحديد لي لتم حكمت فيه و طلعت وحدها
عوج فموا و دور يحكي مع زوج رجال لي كانوا لتم
فهد : مرسي راح نكمل وحدي
هبطوا الرجال و هو مشاا من خلف ريناس شافها واقفة عند الحافة ضامة يديها لصدرها تشوف مع البحر ساكتة على غير عادتهاا ، حرك راسوا و دخل لغرفة المحركات شغل الباخرة
شوي و رجع لعندها وقف جنبها
فهد : وشبيك ساكتة ؟
دارت لعندوا رجعت مقابلتوا شافت معاه من فوق لتحت
ريناس : شوف يا وش اسمك مجيتش فرحلة معاك باه ناخد و نعطي خلي اليومين يعديو على خير و منبعد مانعرفك ماتعرفني فاهم ؟
فهد : لا صعييبة هذي
" طلعت حاجبها " ريناس : واش لي صعيب
فهد : صار انا راح نضربها فيك بعشقة و نتي تقوليلي منعرفك ماتعرفني ؟
حماروا خدودها من حكيواا و قلبها رجع يدق بالقاوي بلعت ريقها و زربت دورت وجها للبحر باه مايشلقش بتوترهاا
رمى روحوا فوق البونك لي كان لتم حط رجل على رجل
فهد : خلينا نحكيو شوي
ريناس : وش راح نحكيو ؟
فهد : يعني مش راح نعقبوها و حنا ساكتين ديجا مزال باه نوصلوا
ريناس : وين رايحين ؟
فهد : درك وين خطرلك باه تسقسي وين رايحين
ريناس : جاوب
فهد : كي نوصلوا تشوفي
قعدت مقابلتوا الهواء يدي و يجيب فشعرهاا
فهد : معندكش إخوة ؟
ريناس : معنديش
فهد : عايشة وحدك مع امك ؟ باباك وين ؟
خزرت فيه ثواني منبعد هبطت راسها شبكت يديها مع بعض و هو حس بتوترهاا من سؤالوا
ريناس : معنديش
فهد : مات ؟
ريناس : حاجتك اسئلة في حوايج ميهموكش
" قلب عينيه " فهد : صحيح جامي دخلتي فعلاقة ؟
ريناس : يخي ديرلي في تحقيق هنا ؟
فهد : لا مجرد اسئلة نحب نتعرف عليك برك
ريناس : متتعرفش عليا خليك هك احسن
فهد : نتي دايما راسك خشين هك ؟
ريناس : جبتني هنا باه نتعاركوا ؟
"وقف من بلاصتوا " فهد : ندخل للداخل احسن مزال الحال و مش حاب نتعاركوا درك
•°•° بعد مدة وصلوا لجزيرة منظرها من بعيد يجنن جبال خضر و بحر ازرق شفاف بقات واقفة تتأمل فيها اول مرة تشوف بلاصة هك مكانتش تعرف بوجودها
حبس اليخث في الشاطىء خرج فهد من الغرفة و مشا لريناس
فهد : وصلنا
ريناس : البلاصة تجنن من وين تعرفها ؟
فهد : مزالوا بزاف بلايص يجننوا نعرفهم خليك معايا
ورح نحرص اني كل اسبوع نديك لبلاصة
غمزلها و هي شافت معاه ثواني من بعد قلبت عينيها و مشات , رجع هز ليفاليز و لحقها لآخر السفينة نزل و عطاها يدوا نزلت معاه هزت راسها تشوف البلاصة اوتيل عبارة عن اكواخ صغار بعاد شوي على بعضاهم منظرهم يجنن ،
طبست نحات صباطها باه ميقلقهاش و هي تمشي فوق الرمل ، قطع عليهم صوت انيس لي خرج من الكوخ المجاور لابس لينات و تريكوا ابيض معاه شورط
انيس : يااا مرحباا
شاف معاه فهد و تبسم ،وصل لعندهم انيس حضنوا بعض
فهد : ملحقتش نشكرك فالتيليفون
انيس : و لو يا صاحبي مبينتناش " دور خزر فريناس لي كانت تشوف معاهم " هذي المدام ؟
طلعت حاجبها جات راح تجاوبوا قطع عليها فهد لي لف يدوا على وسطها و طبع قبلة على خدها
فهد : نقدملك ايتان حبيبتي
وساعوا عينيها و هو حس برعشتهاا كبس على وسطها اكثر باه تسكت
تبسم معاها انيس و هز يدها طبع عليها بوسة
انيس : متشرفين
تبسمت معاه و هو كمل يحكي
انيس : حكالي فهد عليك بصح محطيتكش بمثل هاذ الزين
" قحرلوا " فهد : انييس
انيس : هههههه نتمسخر احكم مفتااحك الكوخ الاخير لي على اليمين
رمالوا المفتاح تبسملوا فهد و هو دور راجع للكوخ
فهد : خليناا نمشيو
شافت معاه و شافت معا المفتاح لي فيدوا
ريناس : اصبر اصبر اصبر
دور شاف معاهاا و عملها براسواا وااش
ريناس : عطالك مفتاح وااحد ؟ وين راح الثاني اكيد مش راح نبقى معاك فنفس الغرفة
"هز كتافوا و تبسم بتبهليل " فهد : و الله حسب معرفتوا بلي نتي حبيبتي يعني تقعدي معاياا و يعني يعطيناا مفتاح واحد
" قحرتلوا و رجعت تصيح " ريناس : وعلاااه قتلواا بلي حبييبتك
فهد : وش رااح نقولواا ختي مثلا ؟
ريناس : صديقتك
فهد : يعني ايتاان شوفي مليح مع المكان .. هذي بلاصة يجيب فيها الصديق صديقتوا ؟
بلعت ريقها من جملتوا و حست بإحساس غريب يعني كي هي مش صديقتوا وش راح يعتابرها ؟ أختوا اكيد لا اصلا قال بلي ميعتابرهاش اختوا ، قطع عليها صوت افكارها يدوا لي سحبتهاا تكركر فيها من خلفوا
حل الباب تع الكوخ دخل و هي دخلت من خلفوا دورت عينيها على المكان عبارة عن غرفة كبيرة فيها غرفة نوم و حماام مفتوح جنبهاا و زيد زجااجوا شفاف يعني تقدر تشوف لي يدوش منواا بلاصة مثالية باه يقضيو فيها العرسان شهر عسلهم
فهد : عجبك ؟
ريناس : كاين سرير واحد ؟
" قلب عينيه " فهد : يعني شفتي غير السرير نتي ؟ رجع تسبم بخبث و هي حماارت من شوفتواا
ريناس : مش قصدي هكااك اااعع
ضحك لين بانواا سنيه و عينيه تغمضوا معاهاا ، سرحت فضحكتوا لي تنسيك فإسمك ، سنانوا بيض يشعلوا و عندوا غمازة على الجنب زاايدة فيه النص
فهد : ههههههه ارتاحي راح نخرج نكمل نجيب فاليزتي
تعدا من حداهاا خرج و سكر الباب من وراه ، و هي رمات روحها فوق السرير غمضت عينيهاا يعني راح تعدي يومين معاه وحدهم و زيد فكوخ صغير فيه سرير واحد بلاشي صاحبوا لي لبرى و لي خبروا بلي تكون حبيبتوا ، عاودت حلت عينيها و تقعدت فوق السرير لماا جاتها فراسها فكرة انها تكون حبيبتوا .. حبيتة فهد.' هي عمرهاا كانت حبيبة واحد اصلا متحبش و ماتمنش بالعلاقات هذواا .. زعما كيفاه يعامل حبيبتوا ؟ يبوسها مثل ما باسهاا يتغزل بيها يقلها نحبك ؟ يرقد معاها ؟
فجأة وسااعوا عينيهاا خبطت راسهاا بيدهاا
ريناس : اااعع ريناس فيقي رااح تهبلي فااش قاعدة تخميي
قطع عليها وقت رجع دخل رمى الفاليز فالارض و هز يديه يتكسل منظرواا مغري مع التريكوا لي مبينلوا عضلاتواا بلعت ريقها و حركت راسهاا من الافكار لي جاتهاا
ريناس : ظااهر السخانة فالبلاصة هذي اثرت علياا
فهد : كشما قلتي ؟
ريناس : قلت هيه كيفاه راح نتحمل المنظر هذاا اناا بزاف عليا
" طلع حاجبوا " فهد : واش من منظر ؟
" بلعت ريقها و وجها لخلخ " ريناس : قصدي .. قصدي .. ااووف نحكي على الحماام علاه عاملينواا هك كيفاه راح ندوشوا ؟
تبسم بخبث و قرب لعندهاا قعد قدامهاا فالفرش و هي بعدت عليه
فهد : كيفاه راح تدوشي مثلا ؟ تدوشي عادي
فهد : كيفاه راح تدوشي مثلا ؟ تدوشي عادي و لا متعرفيش تحبي نعلمك ؟
ريناس : اااععع خماااج بعد عليااا بعد
فهد : منيش لاصق فيك حتى نبعد عليك
شافت معاه قااعد بعيد عليها و هي فآخر السرير ، غمضت عينيها بعصب تتغزل منواا تمتمت بين شفافهاا تعد للعشرة باه متنوضش تخنقواا
بعد ماا خلصت عّد تنهدت و حلت عينيهاا لقاتواا مقابلهاا ، شهقت وهو دزهاا حشرها مع حرف السرير
طبس لمستواهاا حط شفافوا على شفافها بلامايبوسها و هي ذابت بين يديه حتى انها مقاومتوش
فهد : ظاهرلي راح نتعذب معاك بزااف
ذبالواا عينيها رجعت تتنفس بالقااوي و رعشة حكمتهاا فكامل بدنها نفسوا الاحساس لي يتملكها كل مرة يقربلهاا مثل هك
" خرج صوتها متقطع " ريناس : علاااه
بلع ريقوا و هز يدوا يعدي فيهاا على وجهاا ، غمضت عينيها تستحلى فلمساتواا ،حتى هو مش احسن حال منها صحيح انوا مش زير نساء و مش من نوع لي كل يوم مع وحدة اصلا بطبعوا يكره النساا وعلاقتوا محدودة معاهم. بصح هي شي ثاني يحس بشعور غريب إتجاهاا لحد الان معرفش يفسر معنااه
فيقهم صوت الباب يلي دق بعد ماكانوا غارقين في بعضاهم
هزت ريناس يدها بعدتوا عليها و هو مشا حل الباب لقى انيس واقف
فهد : انيس ؟ ادخل ..
.دخل شاف مع ريناس لي وجها طلع حمر تبسم معاهم يحكي
انيس : كاين حفلة عاملينها الليلة جيت نستدعيكم
فهد : لا مرسي مش راح نجيو نفضل نبقاو وحدنا شوي مش هك حبيبتي ؟ " دور شاف معاهاا "
انيس : فهد بركاناا كلهم عشاا و حفلة تع رقص و منبعد استفرد بحبيبتك على راحتك
عوج فهد فموا و رجع يشوف مع ريناس يسقسي فيهاا
ريناس : راح نجيو
انيس : مالا راح نخليك تحظري روحك و نتا امشي قدامي درك نحتاجك
فهد : وين نمشي معاك يا ولدي اخطيني من لي جيت و نتا لاصق فيا راح تندمني لي جيت هنا
انيس : زح وشبيك كليتني راح نعرفك على واحد صاحبي مهندس قلت قادر تحتاجوا فشغلك
قلب عينيه و مشا هز لينات نتاعوا من فوق السرير
فهد : جهزي حالك نخلص و نجي
قرب لعندها غفلها ببوسة على حافة شفتها دوختها عدى يدوا على خدها بحنانة ، تبسملها و دور خارج
بعد ما خرج فهد وانيس مشاو لكوخ تع الاستقبال ، رمى فهد بدنوا فوق الفوتاي و انيس قعد مقابلوا
فهد : وينوا صاحبك هذا ؟
انيس : ويني مش وينوا هه
" طلع حاجبوا " فهد : مراا ؟
انيس : ويي ..
هز تيليفونوا بعت رسالة و رجع يحكي مع فهد
انيس : درك تجي .. كشما نطلبك تشرب ؟
فهد : لا مرسي
انيس : هييه مش راح تخبرني بعلاقتك المفاجئة كيفاه بدات ؟
طلع فهد كتافوا و عوج فموا
فهد : كيفاه راح تبدا يعني ؟ عجبتني عجبتها حبينى بعض
" ضحك ضحكة خفيفة " انيس : ههه اول مرة نشوفك طالع عطلة مع وحدة يعني العلاقة جدية
فهد : ااممم
قلب عينيه اصلا ما صدق جابها لبلاصة بعيدة باه يبقى وحدوا معاها خرجلوا هذا الثاني
فهد : اافف ويني هذي مش راح تجي ؟ نبقى نستنى درك ديجا مفهمتش علاه حرنت تجيبني كنت قادر تعرفني عليها من بعد
انيس : هااي جاات
دور راسوا يشوف خلفوا جهة الباب ، وساعوا عينيه من المنظر لي قداموا آخر وحدة كان متوقع يشوفها هنا هي نجوى
قدمت لعندهم تمشي و تتبختر لابسة روب فولار طويلة و صندال طالونها ينقب فالارض
نجوى : سامحوني خليتكم تستناو
قعدت قدام انيس و قربت باستوا من خدوا
انيس : تهبلي حبيبي
تبسمتلوا و هزت عينيها لفهد لي باقي مستغرب
نجوى : فهد لباس ؟
" حرك راسوا " فهد : لباس
انيس : تعرفوا بلمتناا هذي رجعتلي الذكرة لأيامنا فالجامعة خاص اسامة
نجوى : هههه توحشتوا وش عامل ؟ صرلي اعوام مشفتوش ، سمعت بلي فتحتوا شركة مع بعض
فهد : ممم
"عوجت فمها " نجوى : شايف مفرحتش بشوفتي ؟
فهد : وعلاه لي يشوفك يفرح ؟
وساعوا عينيها من جوابوا و انيس بقى داهش
فهد : قصدي مش برك فرحان راح نموت هههههه
تنفست و طلقت ضحكة خفيفة
نجوى : ههههه فهد مزالت عندك روح الدعابة
تبسملها من فوق قلبوا و رجع يحكي مع انيس
فهد : بصح مقلتليش بلي نجوى راح تكون هنا
هزت يدها حطتها فيد انيس و غلغلت صوابعها فصوابعوا
نجوى : حتى هو مكانش يعرف عملتهالوا مفاجأة الصباح
شاف فهد مع انيس لي راح ياكلها بعينيه و زاد شاف مع يديهم ، هز صبعوا آشار ليدها لي ماسكة يدوا يسقسي فيهم بعينيه
فهد : صحيح وش قاعد نشوف ؟
انيس : اممم نجوى حبيبتي
" طلع حاجبوا " فهد : من وكتاه ؟
انيس : من شي شهرين " دور يشوف معاهاا و طبع بوسة على خدها "
صوناا تيليفونوا انيس سحب روحوا من نجوى
انيس : سامحوني درك نرجع
مشاا انيس خرج لبرى يحكي فالتيليفون ، دور فهد خلفوا يا ذوب شاف انيس بعد هز يدوا خبطها فوق الطابلة لين هي تنفضت
فهد : وش ديري هناا
نجوى : بااردون ؟
فهد : كلامي وااضح سقسيتك وش ديري هناا
شافت معاه بكل برود و جاوبتوا
نجوى : جاياا نقضي نهاية الاسبوع مع حبيبي عندك مشكل ؟
فهد : خليني من كذبك لزوج نعرفوا بلي متحبيهش " هز صبعوا يهدد فيها " نجوى بعدي على انيس احسنلك منيش حابوا يكون ضحيتك الجديدة
نجوى : وش قصدك ؟
فهد : قصدي واااضح
نجوى : قصدك بلي نتاا كنت ضحيتي ؟ فهد كنت نحبك
شاف معاها بإشمئزار من فوق لتحت و ناض
فهد : غنااياتك غنيهم لوااحد آخر غيري و آخر مرة نقلك بعدي على انيس لامش حابتني نفضحك قدااموا
"قحرتلوا " نجوى : انيس نحبوا و مش راح نبعد عليه
فهد : ويي تحبيه كيماا حبيتيني و حبيتي اساامة ثااني
نجوى : فهد ..
"قاطعهاا " فهد : منعااودش حكيي
رجع رمقها بنظرة تع موت لبس لينات تاعواا و خرج راجع لكوخ من لي كان مقرر يعدي يومين بعاد على المشااكل و الضغط خرجتلوا الحشرة هذي كمل يمشي لين وصل للكوخ قابلتواا واقفة تلعب برجليهاا بمااء البحر و شعرهاا يطااير مع نسماات الهوااء ، حاكمة الجيب فولار لي لابستهاا بيدها باه متطلعش بسبة الريح ، تبسم و قرب لعندهاا بلا متفيق ، حط يدوا على خصرها العريان و هي شهقت
فهد : وشياا لبسة هذي ؟
بعدت بسرعة رجعت مقابلتواا
ريناس : وشبيهاا لبستي ؟
فهد : كون خرجتي عرياانة مش احسن
" طلعت حاجبها و حطت يديها على وسطهاا ڨحرتلواا "
ريناس : معجبتكش لبستي ؟
فهد : جات عاجبتني منحكيلكش عليها
تبسمت برود و طبقت يديهاا
ريناس : دور شوف خلفك كاين كوخ ؟
هزلها راسوا بمعنى ايه
ريناس : صحيت و مش برك كوخ كااين بزااف اكواخ و الكوخ باه مخدوم ؟ من حطب ويي ماالاا ياا سي فهد كي معجبتكش لبستي رااهم كااينين لحطب اخبط رااسك فالحيط يلي يعجبك
حل فمواا داهش من جرأتهاا و هي باقياا مطبقة يديهاا و تتبسم بكل برود
فهد : تعرفي لسانك الصغير هذاا ياا نهاار نقصواا
شافت فيه من فوق لتحت و دورت وجهاا عليه لين شعرهاا قاص وجهواا كي عطاتوا بظهرهاا
رجعت تشوف مع البحر و مع منظر الغروب لي يااخد العقل و مخلية الوحش خلفهاا يخض فبعضااه و يهدي فروحواا باه مايديرش فيها حاجة يندم عليهاا من بعد
فهد : ندخل نبدل ثيابي و نرجع
مردتش عليه دخل للغرفة وسكر الباب خلفواا مشا هز فاليزتواا حطهاا فوق السرير يفرغ فثيابوا و دور فتح الخزاانة قابلوه ثيابهاامستفيين و حااكمين مسااحة الخزانة كاامل تبسم على جنب عمروا يفهم النساا يعني يومين ميحتاجوش كل هااذ الثيااب هز وشااح كان محطوط وسط ثيابهاا و قربواا لخشمواا ، غمض عينيه يشم فريحتهاا لي تسكر و تجنن تنهد و رجع غلق الخزانة لأنواا مكانش بلاصة وين يحط ثيابواا
، رمى الوشاح نتاعهاا ففاليزتواا راح يخليه ذكرة عندوا ،
بعد ربع سااعة رجع خرج قابلتواا واقفة وين خلاهاا و الظلام طااح انعكااس القمر ضاارب فالبحر و شوي اضوااء شاعلين و نجوم حااطينهم للزينة خلى منظر الجزيرة يكون فالليل أروع من النهار
قدم لعندهاا رجع حط يدوا على خصرها فيقها من سرحتهاا
ريناس : يخي شبيك تجي بلا حس كي سرااق
فهد : نتي لي شاردة مخك ابصر وين رااه يدور
قلبت عينيه و هو رمى يدوا ليها
فهد نمشيو
شافت معاه و رجعت شافت مع يدوا
ريناس : نقدروا نشميو بلا متحكم يدي
فهد : صحابي لدااخل و راني قلت بلي راكي حبيبتي اكيد مش راح ندخلوا للحفلة و انا فالشرق و نتي فالغرب
بلعت ريقها و هزت يدها حطتها فيدواا ، غلغل صوابعوا وسط صوبعها و هي رعشة سراات فكامل جسمها من ملمس يدوا ، رجع قلبها يدق بالقاوي حتى خاافت انوا يكون قادر يسمعوا
كبس على يدها و مشا هو و ياهاا لمكاان الحفلة دخلواا كانت موسيقى هاادية و اغلبية الموجودين شباب كااين لي مزوجين عن جديد و ليكوبل يعني وين يقدروا العشاق يعديو وقتهم و يستمتعوا فبلاصة رومنسية مثل الجزيرة هذي
وقفوا جنب طاولة هز فهد يدوا طلب كاس ليه و ليهاا
فهد : تبسمي شوي
ريناس : راني نتبسم و ش تحبني ندير اكثر من هك ؟
فهد : نحبك تبيني بلي تعشقيني بدلي علياا النظرة هذي تاع كون تصيبي تنطي علياا تنتفيني
ريناس : مليح كي عدت تعرف وش حابة ندير فيك
هز راسوا لقى انيس و نجوى داخلين و بسرعة لف يدوا على وسطها لصقهاا فيه
فهد : راهم جااو بلا منوصي
طلعت عينيهاا شافت نفس الشاب لي استقبلهم الصباح و معااه وحدة زينهاا يفتق طويلة حتى انهاا قدوا فالطول مكبشة فيدواا بااينة حبيبتواا لابسة روب حمرة مفصلتلهاا بدنهاا و تمشي مثل عارضاتت الازياء
انيس : سلام
قدموا لعندهم وقفوا جنبهم فالطاولة
شافت ريناس مع نجوى لي باقياا مكبشة فأنيس و تكيل فيها بعينياا
نجوى : شكون الآنسة ؟
هز فهد يدوا حطها تحت ذقن ريناس و طلعلهاا راسهاا طاحوا عينيهاا فعينيه
فهد : ايتان حبيبتي
بلعت ريقهاا من عينيه لي مبعدهمش على عينيها و كلاموا خلاهاا ترعش
نجوى : متشرفين انا نجوى صديقتهم
قطعت عليها سرحتها في فهد دارت لعندها تشوف معاهاا و مع يدها لي رماتهاا باه تسلم عليها
ريناس : الشرف لياا
تبسمتلها نجوى من فوق قلبها
انيس : خليناا نمشيو لطاولة العشاا
حكم نجوى من يدهاا مشااو هوما لولين و ريناس و فهد من خلفهم ، قعدوا فالطابلة في اربعة و طلبوا العشاا
هزت نجوى كاس ترشفت منواا و طلعت راسها تحكي مع ريناس
نجوى : من وقتاه و نتوما مع بعض ؟ مسمعتش بعلاقتكم
ريناس : معندناش بزااف
نجوى : وين تعرفتواا ؟
"قلب فهد عينيه من اسئلتهاا " فهد : ايتان تكون بنت شريكتي
طلعت حواجبها " نجوى : ااه صاار
°•°•°•°•°•
بعد ما كملوا عشااهم اخيراا رجع صوت الموسيقى للقااعة و نقص الضوء هز ريوسهم و قت تسلط الضوء لنص القااعة كاانت وااقفة وحدة من الرقاصات لابسة لبسة غجرية تريكواا فوق السرة و جيب طويلة فيها فتحة على الجنب طالعة لفخاادهاا ، شعرهاا اسود و بوكلي و مداايرة فولار على وجهاا يباانوا غير عينيهاا ، مغرية لأقصى درجة ، شعلت الموسيقى الشرقية و بداات تتحرك معااها و عيون رجاال يتبعواا فيهاا
شافت ريناس مع فهد لقاتواا مطبق يديه و يشوف مع الرقااصة ، قلبت عينيهاا منواا و رجعت تتفرج مع العرض فجأة نااضت من فوق كرسيهاا ، شاف معاه فهد
فهد : وين ؟
ريناس : الحمام
مشاات و خلاتواا دخلت للحمام و خبطت من ورهاا الباب، حلت العين ( السبالة ) تغسل فيديها
ريناس : خمااج .. اااعع قريب كلاهاا بعينيه
رجع تفتح الباب و دخلت منواا نجوى ، هزت ريناس عينيه شافت معاهاا من المرااية.
وقفت جنبهاا تعدل فالروج نتااعهاا
نجوى : معجبكش العرض ؟
ريناس : معجبنيش
" تبسمت على جنب " نجوى : غرتي ههه ؟
" طلعت حاجبها " ريناس : انعم ؟ علاه نغير مثلا
" عوجت فمها و طلعت كتاافهاا " نجوى : منعرفش بلك كي بقى فهد يشوف معاهاا
رجعت ريناس تبسمتلها ببرود
ريناس : لا ياروحي فهد يحبني و حتى كون يباات يشوف معاهاا مش راح يتغير شيء
نجوى : هههه يعني متأكدة ؟ .. ملييح
طلعت ريناس حاجبها وطبقت يديها تشوف معاها و هي تعدل في الروج نتاعهاا
ريناس : وش قصدك بلي متأكدة ؟
عدات نجوى لسانها على فمها ،عدلت شعرها و دارت تحكي مع ريناس
نجوى : يعني فهد عينوا زايغة شوي وقت كنت معاه كان مهبلني كل يوم تخرجلي وحدة
"وساعوا عينيهاا ، قطبت حواجبها مستغربة " ريناس : وقت كنتي معاه ؟
حطت نجوى يدها على فمها عاملة روحها متفاجأة
نجوى : ااه متقوليليش مخبركش .. آسفة كنت حاطتوا حكالك على ماضيه
غمضت ريناس عينيها تتمالك فروحها باه متسوطيش لعندها تخنقها و رجعت فتحتهم ، تبسمت ببرود
ريناس : لا حبيبتي فهد حكالي على ماضيه كامل و نظن بلي نتي مكنتيش مهمة فحياتوا عليها محكاليش عليك و بالنسبة لعينوا لي زايغة نظن بلي مكانش يحبك عليها كل يوم كانت تخرجلك وحدة .. و درك سامحييني حبيبي يستنى فياا
خرجت من الحمام و رجعت للطاولة لقات فهد قاعد وحدوا و الرقاصة مكانش
"طلع راسوا يشوف معاها " فهد : طولتي
جبدت الكرسي قعدت بغزول العصب ياكل فيها
ريناس : احسنلك متحكيش معاياا خلي الليلة تعدي على خير
" طلع حاجبوا " فهد : وشبيك لباس ؟
قحرتلوا بعينيها يعني بعد ماكانت مفكرتوا جابهاا باه يقضي معاهاا عطلة هنا وحدهم ظهر جايبهاا باه يغير حبيبتوا السابقة
فهد : ايتان نحكي معاك وشبيك ؟
" لزت على سنيها " ريناس : قتلك متحكيش معايا متفهمش ؟
نجوى : وينوا انيس ؟
هزت ريناس راسها لعندها زادت قحرتلها و نجوى جبدت كرسيها قعدت
فهد : راح يشوف زبون درك يرجع
نجوى : ااممم .. "سكتت شوي و رجعت تحكي " .. وش رايكم فرحلة فاليخت ؟
فهد : فالوقت هذا ؟
نجوى : ايه نباتوا في وسط البحر و منوا نسترجعوا ايام تاع الجامعة
جا فهد راح يحكي قاطعتوا ريناس
ريناس : لا شكرا اصلا رانا تعبانين مش هك حبيبي ؟
دارت لعندوا تتبسم معاه و هو طلع حاجبوا
فهد : ايه تعبانين
دخلوا للكوخ و رجع فهد سكر الباب شاف معااها تمشي رايحة جااية في وسط الكوخ مش عاارف وش صراالها من لي رجعت من الحمام فالمطعم و هي تغلي وحدهاا
فجأة وقفت في بلاصتهاا و دارت لعندوا تقحرلواا
ريناس : يعني حااطني لعبة فيديك تمشي فياا كيماا تحب اااعع
مشاات لعندوا تضرب فيه من على صدرواا و هو مستغرب من تصرفاتهاا
فهد : ايتاان حبسيي ... ايتاان حبسي نحكيي معااك
بحركة خفيفة دزهاا فوق السرير و طلع فوقهاا تبثلهاا يديهاا فوق راسهاا باه متتحركش
فهد : وش بيك كلبتي ؟
ريناس : و تزيد تسقسي فياا ااععع وجهك صحيح
رجعت تفرفط تحتواا تحااول تجبد روحهاا منواا وهو حيط شعرة لا تحركتلواا
ريناس : بعد عليااا يااا هااامل بعدد
فهد : تعرفي بلي كون تبااتي تعيطي مش رااح نسيبك حتى تقوليلي وشبيك هبلتي مش ڨبيل كنتي لبااس
حبست من الحركة و هزت عينيهاا ركزتهم فعينيه تقحرلوا
ريناس : تسقسي فياا وشبياا ؟ جاايبني بااه تغيَّر حبيبتك و تقولي وشبيك ؟
" عقد حواجبوا " فهد : حبيبتي ؟ فااش تخرفي
سكرت عينيهاا بعصب و رجعت حلتهم
ريناس : حااجتك كذب نجوى حكااتلي كلش ... متحشمش حااط عينك على حبيبة صااحبك خماااج
لز على سنيه اصلا كاانت بااينة بلي مش رااح تعدي على خير مع نجوى ، نفخ بعصب و ناض من فوقهاا
فهد : هيه و نتي آمنتيهاا ؟
ريناس : وعلاه ما نآمنهااش ؟ وش رااح يكون كااين سبب يخليك تجيبني لهناا من غيرواا ؟" سكتت شوي و رجعت تحكي " لا تكون معجب فياا و معلاباليش هههههه
هز عينيه خزرلهاا خزرة طيحت منهاا النص ، بلعت ريقهاا وهو قرب لعندهاا ، حط يدواا على خذهاا يمسح عليه بصوابعواا
فهد : ماالاا راني معجب بيك و هذا هو السبب لي خلاني نجيبك لهناا و نجوى هذيك لي غنااتلك فوذنك وحدة مريضة نفسياا بسيكوبات
بلعت ريقهاا من انفاسواا لي تضرب فوجهاا رجع قلبها يخبط بالقاوي مش مصدقة وش سمعت رااه قالها راني معجب بيك
قرب لعندها راح يبوسها يا ذوب شفافوا لامسوا شفافهاا هزت يديهاا بعدتوا عليهاا
ريناس : بصح قالتلي بلي كنتوا مع بعض
هز يدوا عداها على شعروا بغزول
فهد : اافففف ايتااان متجهلينيش ليل لييل قتللك هذييك مرييضة نفسيا وحدة كذاابة
فهد : ايتان بعدي على نجوى و متصدقيش كلشي تقولوا راهي اكبر منافقة تقدري تتعرفي عليها فحياتك الكل اوكي ؟
ريناس : بصح علاه كنت معاهاا كي عدت تقول بلي منافقة
فهد : شووو كيفاااه مزاالت تقولي كنت معااها راح تجهلني ، وش قاااعد نهدر من الصبااح انااا قتلك كذاابة و انا عمري خممت فيهاا
شافت معااه و عوجت فمهاا تفكر دااخلها يعني هذيك كاانت تكذب عليهاا ؟ و علاه راح تكذب عليها مثلا ؟ اكيد تكون تحبوا و ديجا هي وش دخلهاا فيه علاه هبلت وقت سمعت بلي كاان معاهاا .. حركت راسها تنفض فالافكار لي تزااحمواا فداخلهاا
فهد : و درك خليناا نرجعواا لموضوعناا
قرب لعندها حط يدواا على خصرهاا جبدها لعندوا و هي شهقت ، حط خشمواا فوق خشمهاا و تبسم بخبث
فهد : غرتي ااه ؟
" بلعت ريقها و وجها طلع حمر " ريناس : فااش تحكي .. علاه راح نغير
فهد : وش تسمي مالاا لي كنتي تعملي فيه ؟
ريناس : ماا عملت والواا
حطت يديها على صدروا تبعد فيه فالوقت لي هو تنهد من اعماق قلبواا
فهد : تعرفي بلي راح تهبليني ؟
ريناس : فهد بعد علياا خليني نرقد عييت
جبد روحوا منهاا و هي دارت لخزانة تجبد فبيجامتهاا
ريناس : تقدر تخرج تخليني نبدل ؟
هزلها راسوا بمعنى ايه و دور خاارج ، فتح الباب و خرج ضربتوا نسمة البحر تنهد و سحب نفس طويل من ريحتوا ، جبد ڨاروا من جيبواا شعلواا و حطوا بين شفافوا يرحي فيه و عقلوا مزال الداخل عندها ، ضحك على جنب كي تفكر ردة فعلها لما سمعت بنجوى اكيد تكون غارت عليه و لا علاه تعمل مثل هكاك رجع يرحي فالڨاروا و يتبسم
فالوقت لي هي خرجت من الدوش لابسة الكاب ، وقفت قدام الخزانة جبدت ثيابها بدلت و قعدت فوق السرير مقابلة المراية تنشف فشعرها بالمنشفة
تفتح الباب و دخل مرة اخرى ريحتوا كلها دخان طاحت عينوا فعينها من انعاكس المراية بلع ريقوا و قدم يمشي لعندها يمشي كيف المخذر
طلع فوق السرير و قرب لعندها لين لمس صدروا ضهرها
حط خشموا على شعرها يسحب فريحتها لجواجيه و هي غمضت عينيها ، هز يدوا بعدلها شعرها من على رقبتها و نزل راسوا طبع بوسة حنينة و من بوسة رجعوا بوسات ، دورها لعندوا لقاها مغمضة عينيها و مكبسة على يديها ،
حط يدوا على خدها يحكي بصوت حنين
فهد : لكان راح تبقاي ديما بالحلاوة هذي مش راح نضمنلك نتحكم فروحي باه مانكلكش
فتحت عينيها بالعقل مزالها دايخة من قربوا طاحوا عينيها فعينيه .. بقاو ثواني سارحين فبعضاهم من بعدت تنهدت و جبدت روحها من عليه
ريناس : نحب نرقد
هبطت راسها تلعب بصوابعها و هو ناض
فهد : راح نبدل ثيابي
دخل لدوش و هي تسطحت فوق السرير و دارت للجيهة الثانية باه متشوفوش بما انوا زجاج الحمام شفاف
شوي و سمعتوا خرج .. غطات راسها باللحاف عاملة روحها راقدة .. حست بيه وقت رمى تقلوا على السرير و قرب لعندها لصق صدروا فضهرها و حاوط خصرها بيدواا ،
حاولت تتملص منوا و هو زاد لزها ليه ، قوات وتيرة التنفس تعهاا غمضت عينيها تدعي فربي يعدي الليه هذي على خير
اما هو فكان مستحليها على اللخر يحس فروحوا يحلم احساس حلو نتاابوا و هي راقدة بين يديه و يشم فريحتها ....
في الصباح
فاق من النوم حل عينيه قابلوا ضوء الشمس القاوي رجع سكرهم و تقلب فالفرش للجيهة الثانية ، حط راسوا تحت المخدة و رمى يدوا على الجنب للأخر للسرير لقاه فارغ
رجع فتح عينيه بالعقل و هز راسوا يشوف مع بلاصة ريناس فارغة
هز يدواا حك عينيه و ناض من فوق السرير ، طلع يدواا يتكسل ، مشى للحمام لقاه فارغ و الكوخ فارغ
غسل وجهوا باه يصحصح شوي و خرج من الكوخ
هز راسوا لقاها خارجة من البحر تحل فموا و وساعوا عينيه من منظرها ، لابسة دوبياس مغريين بدنها منحوت نحت باين انوا مهتمة بيه و تمارس بزاف رياضة ، شاف معاها وقت حركت راسها على جنب تنفض فالبلل من شعرها منبعد جبدتوا على الجنب و مشات رايحة لعندوا
تبسمتلوا وقت شافتوا و هو هبط لعندها يمشي كيف السكران يبلع فريقوا و يعاود
ريناس : صباح الخير
يا ذوب وصل لعندها لاح يدوا لفها على وسطها و جبدها لعندوا
فهد : وش قاعدة الديري؟
ريناس : البحر يجنن مقدرتش مندخلش النعوم
فالوقت لي وصل انيس و نجوى لعندهم قطعوا عليهم
انيس : صباح الخير
دار لعندوا فهد و ريناس ردتلوا صباح الخير
نجوى : عصافير الحب مبكرين اليوم
لفت ريناس يدها على وسط فهد دخلت فحضنوا و هزت راسها طبعت بوسة على رقبتوا و هو جمد فبلاصتوا من شفافها الدافيين لي تحطوا على رقبتوا
ريناس : انا لي مبكرة حبيبي درك وين ناض
شافت معاها نجوى من فوق لتحت و رجعت تبسمت من فوق قلبها
نجوى : وش رايكم نفوتوا النهار كيف كيف حنا الاربعة ؟
انيس : ايه فكرة مليحة و منوا نتعرفوا على الانسة مليح
رد عليهم فهد
فهد : لا شكرا اليوم مقررين نبقاو وحدنا
سحبها من خصرها عمللهم بيدوا باي و دور راجع للكوخ
"طبس همس فوذنها " فهد : منبعد نتفاهمواا على البوسة
بلعت ريقها هزت عينيهاا لوجهوا لقاتوا يشوف معاها جات راح تبعد زاد كبس على وسطها
دخلوا للكوخ اول ماسكر الباب جبدها من يدها حشرها فالحيط
ريناس : وش دير ؟
فهد : نتي لي وش درتي قبيل ؟
هربت عينيهاا منواا تحاول تلقى كاش جملة تقولهالوا اصلا وش داها تبوس فيه لعنة روحهاا الف مرة
فهد : هااي وين رحتي ؟
ريناس : ااانتاا .. يخي نتاا قلت .. قلت بلي
"طلع حاجبوا " فهد : وش قلت انا ؟
ريناس : ااوفف مش نتاا قلت بلي راناا حبيبين و ناا عملت هكاك باه يصدقوا برك
فهد : صااار ؟ علاه شفتيهم مش مصدقين
ريناس : هييه مشفتش هذيك كيفاه كانت تشوف معاناا و ديجا علاه راح نبوسك مثلا ؟
" عوج فموا و هز اكتفوا " فهد : منعرفش .. بلك تشهيتيهاا كيماا تشهيتها اناا
" رجعت بلعت ريقهاا " ريناس : فهد بعد علياا
مردش عليها هبط راسوا لرقبتهاا و هي غمضت عينيهاا ، طبع بوسة حنينة و رجع هز راسواا ليهاا
فهد : خلفتهاا
بقات تشوف معاه و هو حاشرهاا مش حاب يبعد عليهاا ، ثواني و نطق
فهد : جهزي روحك باه نخرجوا
بعد عليها و خرج من الكوخ و هي مشات تلبس فثيابهاا و مخها معااه راح تهبل من الاحاسيس لي تحس فيهم
بعد ما جهزوا رواحهم و خرجوا مشا فهد و هي تبع فيه معلبالهاش حتى وين رايحيين
فهد : عندك فوبيا من المرتفعات ؟
عوجت فمها تخمم لا معندهاش اصلا بطبيعتها مغاامرة
ريناس : لا
فهد : مليح ملا
سحبها من يدها و مشاها لوين كانت الهليكوبتر تستنى فيهم ، شافت مع الهليكوبتر و طلعت حاجبها علا صوتها تحكي معاه لانوا ميسمعش مليح مع صوت الهليكوبتر
ريناس : فهدد وييين رااايحييين ؟
هزت يدها تعدل فشعرهاا لي طاار مع الهواا و هو باقي يسحب فيها من يدها الثانية بلا ما يرد عليها
طلع و طلعها جنبوا رمى يديه يربطلها فحزام الاماان و طلعوا زوج خلاف معاهم
ريناس : تقدر تجاوبني وين رايحين عندي عشرين ساعة و انا نسقسي
فهد : بفففف متقدريش تقعدي زوج دقايق و نتي ساكتة
قلبت عينيها و هو عطى آمر للشوفور باه يقلع ، بدات الهليكوبتر تطلع لين صاارت فوق السحاب شوي وحبست
تبسم فهد و هو يشوف لتحت من الشباك
فهد : بسم الله
فتح حزاموا و دور يفتحلها فحزامها ، ناض واحد من لي كانوا معاهم جبد مظلة كبيرة و بداا يجهز فيها ، شافت معاه ريناس و فهمت وش راح يعملواا تبسمت لين بانوا سنيها طول عمرها تحلم تجربها بصح و لا مرة صحتلها الفرصة
فهد : قدمي خليني نربط هاذي عليك
- موسيو تحب ننزل معاكم ؟
فهد : لا راح ندبر راسي
ريناس : رااح نقفزوا من هنا ؟
هزلها براسوا ايه و مكمل يربطلهاا فالحزام ، دورهاا و لصق صدروا فظهرهاا زاد ربط الحزام عليهم في زوج
- اتفضلوا البسوا هاذوا
عطاهم نظرات باه يحطوهم على عينيهم و قبعات فوق رايسانهم ، تفتح باب الهليكوبتر و قدموا للحافة ، تنهدت ريناس بعد ماشاافت تحتهاا ولي ماباين والواا من غير السحااب
فهد : جاهزة ههه ؟
"تبسمت و كبست على يدوا لي كانت محضنة كرشها " ريناس : داايماا جااهزة ههه
فهد : كي نحسب لثلاثة صوطي اوكي ؟
هزتلوا براسهاا ايه
فهد : 1...2...3.. صوطيييي
صاااح وهي رماات روحهاا بدات تصيح تشوف كيفااه هابطين بسرعة و الهوااء قااوي يضرب فوجوهم يعني كون مش النظرات لي حااطينهم راهم مقدروش يفتحوا عينيهم
فوتوا نهارهم الكل و هوماا يحوسوا من بلاصة لبلاصة فهد مخلاش مكان و مداهاش ليه عقبوا احلى نهار طبعا مع شوي من معاراكاتهم و فهد لي يطلق فهبالوا عليها مُصِر يغزلها
فالليل قاعدين فكرااسى على الشط مقابلين البحر :
ريناس : ااخ رجلياا راح نموت من الصباح و انا واقفة
فهد : الناس يقولوا مرسي على النهار نتاع اليوم
دورت خزرت فيه تبسمتلوا بتمهبيل و قربت لعندوا طبعت بوسة خفيفة على خدوا
ريناس : مرسي فهدوشيي
" طلع حاجبواا و زير وجهوا لاعبها مقلق " فهد : وشنو فهدوشي هذي ثاني ؟
ريناس : خارجة عليك احسن من فهد ههههه فهدوشي
" قلب عينيه و ناض من فوق الكرسي "
فهد : خلينا نمشيو نتعشاو راح نموت شر و منبعد نتفاهموا على فهدوشي و البوسة لي على خذي خوك انا تبوسيني من خذي ؟
رجعت تبسمت و ناضت هي الاخرى جبدها لعندواا لف يدوا على وسطها مشايين لمطعم الاوتيل
°•°•°•°•°•°•°•°•°•°
بعد ما طلبوا عشاهم و قعدوا ياكلوا
ريناس : مشفتش صاحبك اليوم و المصفارة لي معاه
فهد : احسن حتى انا مش حاب نشوفهم
شوي و نقص ضوء الصالة و بدات موسيقى اسبانيولية ، تقدم واحد لوسط الصالة يدعي فزوج يفتتحوا السهرة برقصة التانغو
شاف فهد مع ريناس و تبسم على جنب
ريناس : خير ؟
ناض من بلاصتوا و قدم لعندها مدلها يدوا
فهد : تشرفين بهاذ الرقصة يا برنسيسة ؟
بقات ثواني و هي تشوف معاه من بعد تبسمت و ناضت من بلاصتها حطت يدها فوسط يدوا و هو كبس عليها
جبدها للوسط وين الاضواء تسلطت عليهم ، هزت يدها حطتها فيدوا وهو جبدها لعندوا لين لامسة صدرواا حط يدوا الخرى على خصرها و جبدها ليه اكثر لين صار وجها مقابل وجهوا ركزت عينيها مع عينيه ،
فهد : عينيك جنة
دفعها للخلف باه يتقدم هو .. مشات خطوات للخلف و هو للقدام .. جبدها على لجنب مالت و رجعت مقابلتوا..
فهد : ريحتك مسك
هزت رجلها حطت فخدها جنب فخدوا و هبطت رجلها بطريقة مغرية على طول رجلوا ..
فهد : لمستك تقتلني
دزها بعيد عليه دورها على روحهاا و رجعهاا لعندوا ..
فهد : ايتان راح تهبليني مش قادر نحبس التخمام فيك
بلعت ريقها و هزت يدهاا حطتها على خدوا و رجعت تمشي بخطوات صغار على الجانب اليمين و ترجع لجانب اليسار .. مرة توخر و هو يقدم و مرة هو يوخر و هي تقدم
بقاو على نفس الحال لين خلصت الموسيقى ، بداو الناس لي لتم يصفقولهم , تبسمولهم لزوج و رجعوا لبلاصتهم
فهد : ضهرتي راقصة محترفة
" تبسمت على جنب و هزت الكاس لي قدامها شربتوا دفعة وحدة " ريناس : هههه حتى نتاا مكش قليل
رجع تبسم و هز السربيتة يمسح ففموا
فهد : كملتي نوضوا ؟
ريناس : ايه
خرجوا يتمشاو على شط البحر ، قعدت ريناس فوق اقرب كرسي لقاتوا و قعد فهد جنبها
هزت يديهاا تعدي فيهم على درعيها العريانين بعد ما حست البرد
فهد : بردتي ؟
ريناس : لا
"قلب عينيه من عنادها و حل ييديه " فهد : ارواحي هنا
ريناس : لا فهد قتلك مبردتش ..
سحبها من يدها جات فحضنوا لف يديه عليها و دخلها فوسط صدروا لعريض الدافي
ريناس : فهد..
فهد : ااشش خليك سااكتة
خنست و زادت حشات راسها فرقبتوا خليها على الاقل تتمتع باللحظات هذوا لي راح تتوحشهم غدوا يرجعوا و يخلص الحلم هذا
فهد : ايتان
ريناس : امممم
فهد : نقدر نسقسيك ؟
"طلقت ضحكة خفيفة " ريناس : يخي من وكتاه يا سي فهد وليت مؤدب هك تطلب الإذن باه تسقسي
فهد : خليك من الادب و جاوبيني .. علاه جامي دخلتي فعلاقة ؟
تنهدت و فكرت وش راح تقلوا .. اكيد مش راح تقولوا انوا عقبت عمرها كامل تستنى في فهد احلامها و حب صغرتها عايشة بأمل انوا راح تقدر ترجع تشوفوا مرة اخرى و بلي القدر لعب لعبتوا و حطلها فهد فطريقها اما مش فهد لي مزلت لدرك تستنى فيه
فهد : ايتان نحكي معاك وين رحتي
حمحمت و رجعت تهدر
ريناس : باردون وش قلت ؟
فهد : سقسيتك علاه جامي دخلتي فعلاقة
ريناس : قلبي لي مادق لحتى واحد
جبدها بحركة خفيفة جات فوق حجروا ، شهقت و هو حط يدوا على خدهاا قرب وجهوا لوجها و حط خشموا فوق خشمهاا
فهد : و انا ؟
بلعت ريقها تحس فروحها راح دوخ عينييه .. اااه عينييه يجننوا مع انعكاس القمر لي ضارب فيهم
فهد : جاوبيني
ريناس : وشبي..ك نتا ؟
فهد : قلبك مدقش ليا ؟
رجع قلبها يدق بالقاوي قريب يخرج من بلاصتوا .. هربت عينيها منوا وحاولت تتملص من فوقوا و هو زاد كبس عليها
فهد : خليك راكحة مش راح نطلقك حتى تجاوبيني
ريناس : معنديش جواب
" طلق ضحكة خفيفة " فهد : يعني دق
ريناس : فهد سيبني
فهد : مش حاب نسيبك
ريناس : اافف فهد سيبني قتلك
فهد : قوليها درك نسيبك
ريناس : وش نقولك ؟
فهد : بلي تحبيني و قلبك يدق ليا هه
فجأة حبست الحركة و شافت معاه تحاول تخبي فالإحساس لي قاعدة تحس فيه
ريناس : نتا مريض ؟ وش قاعد تهدر
فهد : اوكي مالا تحبي نباتوا هنا و نتي فوق حجري معليش
"غمضت عينيها تتمالك فروحها " ريناس : سيبني
فهد : قولي بلي تحبني 😈
"قحرتلوا " ريناس : منحبكش
فهد : وراسك تموتي علياا
ريناس : فهد خلااااااص قتلك
فهد : وشبيك تصيحي ؟
ريناس : على خاطر نتاا متفهمش
فهد : ايتان غدوا الصباح راجعين خلينا ننهيو الرحلة هاذي بحاجة تفرح
ريناس : وش كاين فراسك متفهمش ؟ قتلك منحبكش .. سبحان الله
قلب عينيه و رخف يدوا من عليها خلاها ناضت و ناض هو من خلفهاا ، مشات بلا متستناه راجعة للكوخ اصلا تعبانة راح تموت من النهار نتاع اليوم
°•°•°•°•°•°•°•°•°
في الصباح بعد ما جهزوا رواحهم رجعوا للمدينة هاذ المرة فالهليكوبتر مش فاليخت كيماا جاو ..
حطت الهليكوبتر فالمطار و نزل فهد عاون ريناس نزلت .. خرجوا من المطار
فهد : الصراحة كانوا اجمل يومين نعديهم
ريناس : حتى انا مرسي على العطلة
مدت يدها باه تسلم عليه و هو حكمها و جبدها لعندوا حضنها
فهد : راح نتاصل بيك
ريناس : مش لازم
فهد : ايتان ..
ريناس : اافف اوكي
جبدت روحها من حضنوا .. طلعت راسها تشوف معاه و هو حط يدوا على خدها يعدي فيها بحنانة
فهد : وش رايك نزيدوا نمشيو لرحلة ثانية مش حاب نرجع
ضحكت ضحكة خفيفة و حطت يدها على يدوا لي على خدها سحبتها
ريناس : هههه وشبيك فهد محوس ماما تقتلني ديجا الشركة راهي تستنى فياا
فهد : حتى انا الشركة تستنى فيا .. وش رايك نهربوا اسبوع و نرجعوا ؟ مزال الحال خليناا نشوفوا كاش رحلة
ريناس : فهد يخي تحكي منك صح ؟
هزلها راسوا بمعنى ايه و هي رجعت تبسمت
ريناس : لا يا روحي بزاف عليك يومين معاياا و درك باي
طلعت على حواف صوابعها باستوا من خدوا بوسة خفيفة و رجعت هزت فاليزتهاا ركبت فسيارة اجرة ، عملتلوا باي باي من الكارواا و ديمارات السيارة
ريناس : اديني لشارع *****
فالوقت لي هو حط يديه فالجياب و باقي يشوف مع الطريق لي راحت منوا التاكسي و يتبسم وحدواا منبعد حرك راسوا و ركب هو ثاني فسيارة اجرى
اول ما وصلت لدار قابلها العم لطفي
لطفي : علاسلامتك بنتي
ريناس : يسلمك عموا لباس ؟
لطفي : نحمدوا ربي
ريناس : الحمدلله .. ماما رجعت من السفر
لطفي : لا مزاالت
"عوجت فمها " ريناس : ممم اوكي مرسي
لطفي : هاتي عليك الفاليز خليني ندخلها
ريناس : لا متعبش وروحك ندرك ندخلها ديجا خفيفة
تبسمتلوا و دخلت لدار طلعت طول لغرفتها دخلت و قفلت الباب نحات سباطها رماتوا و طلقت روحها فوق السرير .. غمضت عينيها و رجعت تفكرت اللحظات لي عداتهم معاه بالتفصيل تبسمت و حطت يدها على قلبها
ريناس : اافف حبس علاه قااعد تدق هك قريب فضحتني قداامواا ااووفف
قطع عليها افكارها التيليفون لي صوناا قلبت عينيها و نفخت على جنب ملحقتش حتى ترتح و بداوها بالاتصالات .. ردت عليه
ريناس : الوا
ليديا : الحمدلله لي سمعنا صوتك اللاة ريناس .. شبيه تيليفونك يومين و انا نعيطلك يخرجلي مسكر
ريناس : هيه انا لي سكرتوا .. ليديا تقدري تجي عندي درك ؟
ليديا : نكمل شغلي وحد الساعة هكاك و نجيك سجي روحك باه تحكيلي بعد.. بااي حبي
°°° بعد ساعة كانت ليديا قاعدة جنب ريناس فوق السرير
ليديا : هييه بسم الله ابداي
ريناس : وش نبدا ؟
" قلبت عينيها " ليديا : كيفاش وش تبداي .. وين كنتي يومين و نتي مختفية مع شكون كنتي و وين رحتي ؟
ريناس : نقولك بصح متعيطيش اوكي ؟
ليديا : هيه هييه احكي برك
" عوجت فمهاا و هبطت راسها تلعب بصوابعها " ريناس : رحت مع فهد رحلة ..
مكملتش حكيها حتى تلقى ليديا صوطات
ليديا : ااااعععع و اللله كنت حاااسة بليي كاااين حاااجة بينااتكم ااععع ههههههه وش صرااا ؟ بااسك ؟ قالك نحبك ؟ رقدتوا مع بعض ؟؟؟
هزت ريناس المخدة لي كانت جنبها رماتها عليها
ريناس : سكري فمك وشلي رقدناا مع بعض هذي مرييضة نتيي و نقصي حسك الخدامات يسمعوا فيك مش حابة يوصل لخبر لمااماا
ليديا : ااافف وش ندير من حمااسي بزااف
رجعت قعدت جنبها فوق السرير
" غمزتلها " ليديا : بصح نقولك خارجين على بعضااكم يا روحي تهبلواا ... ياااااي مش مصدقة يعني من هناا على 5 اشهر نديرواا عرس وااحد انا و اسامة و نتي و فهد شوفي من درك نقولك العرس نحبوا على شط البحر و راح نعرض بزاف ناس فااهمة
هزت يدها عداتها على وجهاا بعصب
ريناس : ليدياا متندمينيش لي حكيتلك انا و فهد مكااين والوا بيناتناا
ليديا : كيفااه مكاين والوا يا بنتي و نتي يومين كامل و نتي معاه تمسخري بياا ؟
ريناس : تسكتي درك تخليني نحكيلك و لا تخرجي تخليني نرقد من غير شي راني عياانة
ليديا : خلاص سكت ابداي احكي نحبك تحكيلي من A - Z
بدات ريناس تحكيلها من اول خطرة قابلتوا حتى لصباح كيماا تفارقواا و منقصت والواا .. بعد ما خلصت هزت ليدياا يدها حطتها على فمهاا
ليديا : ياا طفلة السيد ضربهاا بعشقة فيك
ريناس : ااف ليديا واشمن عشقة يرحم باباك الرجال بكل زي بعضهم ليوم يضحكلك و غدوا يبكيك
هزت ليدياا يدها تحسب بصوابعها
ليديا : باسك .. هددك باه رحتي معاه رحلة .. عرفك لصحابوا على انك حبيبتوا.. رقص معاك و بلاشي كلام الغزل لي قالهولك .... لا يا روحي هذوا مش تصرفات تع واحد قااعد يفوت فوقتواا
عوجت ريناس فمها و حطت يدها على خدها تنهدت من اعماق قلبهاا
ريناس : يعني مش قاعد يتمسخر صح ؟
طلعت ليديا حاجبها من حالتهاا
ليديا : شوفي معاياا يا طفلة .. متكونييييش " شهقت و رجعت حطت يدها على فمها " متكونيش ضربتيها بعشقة فالراجل ههههههه والله عرفتهاا الحمدوووووله ياا ربي لي عيشتني للحظة هذي و شفت ريناس تعشق
ريناس : وش تخرفيي هبلتيي ؟
ليديا : اييه هبلت -_- .. ياا طفلة شوفي حاالتك كيف جولياات و تقوليلي تخرفي ؟ .. نقولك ياا بنتي غير نوضي امشي ليه قبل مايديوه من يدك الراجل كيف العسل منظنش راح يتحمل وحدة باردة لوقت طويل
" عوجت فمها مش عاجبها الحال " ريناس : صاار انا وحدة بااردة ؟
ليديا : بياانسير هذي و تزيدي تسقسي فياا .. على كل حاال رااح نمشي لازم نروح غدواا نتلاقااو و نحكيو اوكي ؟ بااي
خرجت ليديا من عندها و ريناس رجعت رمات روحهاا فوق السرير تخمم فكلام ليدياا .. زعما صح تحبوا ؟ ... لا لا مستحيل اكيد اعجاب برك و بما انوا عمرها كانت قريبة من راجل و هذي اول مرة بياانسير راح تحس بأحاسيس كيما هك .. نفضت راسها من الافكار لي تزاحموا عليهاا و رجعت حشات راسها فالمخدة تحاول ترقد
من جهة اخرى فهد بعد ما رجع لدار و بدل ثيابوا ، عاود خرج و مشى للشركة ،
دخل لمكتبوا و عيط للسكرتيرة طلب منها تجيبلوا الاوراق يصححهم باه يتفضى الاسبوع هذاا و يمشي يزور اهلوا
دق الباب و دخلت السكرتيرة لعندوا
- موسيو فهد .. موسيو جواد هنا و حاب يشوفك
طلع حاجبوا يخمم وش راح يجيب جواد لعندوا درك
فهد : دخليه
هزتلوا براسها ايه و عاودت خرجت
- تفضل راه يستنى فيك
شاف معاها جواد من فوق لتحت تبسملها بخبث و قرب همسلها فودنها
جواد : ندخل نحكي مع مديرك و نرجعلك ستنايني يا سكر
تبسمت هي بخجل و هو عدل الفاست نتاعوا و دخل لعند فهد
فهد : يا مرحباا
تبسملوا جواد و قدم لعندوا صافحوا و قعد مقابلوا
جواد : جيتك البارح قاتلي سكرتيرتك بلي كنت مساافر
فهد : ويي مكنتش هنا اليوم وين رجعت
جواد : مليح .. المهم جيت نخبرك بلي جبت مهندسة تخدم معاناا المراا ذكية و ناجحة فخدمتها
عوج فهد فموا : بصح نظن منحتاجوش واحد جديد معانا حناا نكفيو
جواد : لا راح تعاونة بزاف فخدمتنا راح تعجبك صدقني
فهد : ايه مدامك مصِّر خليهاا تجي نتعرفوا عليها
جواد : اصلا غدوا الاجتماع تاع مشروع المستشفى و راح تحضر معانا الاجتماع
سكتوا ثواني من بعد فهد رمى الستيلوا لي كان فيدوا و عدل قعدتواا
ضيق عينيه و هو يشوف معاه و هز يدوا يعدي فصبعوا على شفتوا التحتانية جاست يعملوا كي يعود يخمم
فهد : نظن مجيتش لعندي باه تحكيلي على المهندسة الجديدة .. اكيد كاين سبب آخر
" ضحك ضحكة خفيفة " جواد : صح عندك الحق مجيتش على هذي هههه
فهد : على واه مالا ؟
جواد : حبيت نسقسيك ...
"طلع حاجبوا " فهد : وش راح تسقسي ؟
"تنهد و حط رجل على رجل و هز راسوا يشوف معاه " جواد : ايتان
فهد : ايتاان ... ؟
جواد : ايه ايتان .. مكاين والوا بيناتكم ؟ يعني سقستيها هي و قاتلي منعرفوش بصح حسيتها مش تهدر فالصح
فهد : و نتا علاه تحوس تعرف وش كاين بيناتنا ؟
جواد : ايتان بنت عمتي و من حقي نعرف
فهد : بنات عاايلتك بكل تسقسي عليهم هك و لا ايتان برك ؟
جواد : ايتان حالة خاصة
فهد : وش قصدك بحاالة خاصة ؟
جواد : يعني مشاعري اتجاهاا مش مشاعر الولد لبنت عمتوا مشاعر اكبر
" غمض عينيه يتمالك فروحوا مش عارف علاه حكموا العصب من حكيوا " فهد : وش حاب تقول ؟
جواد : مش حاب نقول حتى حاجة سقسيتك و نحب ندي الجواب
فهد : الى حد الآن مكاين حتى حاجة بيناتنا
" طلع حاجبوا " جواد : الى حد الآن ؟ وش قصدك بيها ؟
فهد : قصدي واضح و كيما فهمتوا سي جواد
لز على سنيه و ناض من فوق كرسيه حط يديه فوق المكتب و طابس وجهوا لعند فهد .. فالوقت لي فهد كان يشوف معاه بكل برود
جواد : هوما كلمتين و بس بعد على ايتان
قدملوا فهد لين صار وجهوا قريب من وجه جواد لزوج يخزروا فبعضاهم
فهد : نتا لي بعد على ايتان
" نفخ على جنب " جواد : ااف منحبش نعاود هدرتي مي معليش نعاودها .. قتلك بعد على ايتان
فهد : امنعني كون تقدر
وقف جواد عدل الفاست نتاعواا و رمقوا بآخر نظرة
جواد : معليش الايام بيناتناا
مشاا خارج من البيروا يا ذوب سكر الباب ، ضرب فهد الكاس لي كان قدامواا تكسر
فهد : ال**** راح نعلمك كيفاه تكون مشاعرك مدايرة لبنت عمتك
خرج جواد من عند فهد يتغزل .. وقفت السكرتيرة وقت شافتوا
- من الصباح و انا نستنى فيك
مشى هابط مردش عليها و مكلفش نفسوا حتى انوا يشوف معاها .. ركب فطوموبيلتوا و جبد تيليفونوا يعيط لريناس .. و كي العادة متهزش .. نفخ بعصب و رمى التيليفون
جواد : ااووفف ايتاان ااووفف
دور المفتاح و قلع رايح لعندها هي قاتلوا يومين و نرجع اكيد تكون رجعت .. دقايق و كان قدام دارها .. ركى السيارة و نزل منها مشا يدق على الباب فتحتلوا الخدامة
جواد : ايتان جات ؟
- اييه وصلت الصباح
دخل و هي سكرت من وراه الباب
- الانسة راقدة تحبني نطلع نخبرها ؟
"شاف معاها و عوج فموا " جواد : لا خليك درك نطلع انا
طلع فالدروج رايح لغرفتها يا ذوب ما وصل فتح الباب و دخل بلا مايدق .. قابلتوا راقدة على كرشها و شعرها طايح على وجها ، ضحك من منظرها و قدم لعندها طابس قعد على ركايبوا و هز يدوا يبعدلها فشعرها من على وجها ...
كانت راقدة فسابع نومة حتى حست على يد تمسحلها على شعرها و على وجها ، فكرتها فالاول زينب منبعد تفكرت بلي زينب مكانش
فتحت عينيها بسرعة قابلها وجهوا و هو يتبسم
جواد : صحة النوم
" تنفضت من بلاصتها بعدت عليه " ريناس : اااععع وش ديير هناااا
جواد : ااشش شبيك تعيطي درك يقولوا راه يغتاصب فيهاا
غمضت عينيهاا بعصب و هزت يديها تمسح على وجهاا
ريناس : وش ديير هناااا نتاا مهبولل ؟
جواد : جيت نشوفك
" صاحت عليه " ريناس : متشوفنيييش رووح اخطييني علاه كل دقيقة نلقاك فوجهيي
جواد : ايتان تقدري تحبسي عيااط ؟
" هزت يديها غلغلتهم في وسط شعرها " ريناس : ياا ربي الصبر يااا ربي ... وش جيت دير درك ؟
جواد : جيت نشوفك متنسايش بلي عمتي خلاتك آمانة عندي
ريناس : شفتني درك ؟ تقدر تتفضل
جواد : حاب نفهم علاه منين نجي هنا نتعرض للطرد
ريناس : مليح كي فهمت بلي مش مرغوب فيك
عمل روحوا تغشش و حط يدوا على قلبوا
جواد : راكي تكسريلي فقلبي بحكيك
قلبت عينيها و ناضت من فوق السرير
ريناس : شوف جواد راني عياانة من السفر راح نموت و راك جيت و شفتني لباس بياا تقدر تروح تخليني نرجع نرقد
" عوج فموا و حط يديه فالجياب " جواد : اوكي راح نروح .. على كل حال غدوا عندنا اجتماع الصباح على 8:00 تحبي نعدي عليك ؟
ريناس : لا راح نجي وحدي
جواد : حااجتك .. تصبحي بخير
ريناس : و نتا من اهلوا و ل 3 خطرة نوصيك كي تعود داخل لغرفتي كااين باب طبطب
تبسم على جنب و مشا خارج بلا ميرد عليها
في الصباح فاقت على صوت المنبه ، ناضت من فراشها و هي تثاوب دخلت للحمام عملت دوش و خرجت سرحت شعرها لبست روب فوق الركبة فالاسود مزيرة على بدنهاا و معاها طالون فالاسود بعد .. عملت مكياج خفيف و وقفت تشوف مع روحهاا فالمرااية .. لازملها تظهر انيقة قدام موظفين الشركة و مع انوا مش ستيلهاا الثياب الكلاسيكية بصح لازم ،اكيد مش راح تروح بشورط للشركة .. شافت مع روحهاا آخر مرة و مشات خارجة
اول ما خرجت من الدار قابلها لطفي
لطفي : صباح الخير بنتي
ريناس : صباح نور عموا جيبيلي سيارتي السوداء
لطفي : تحبي نوصلك ؟
ريناس : لا راح نسوق وحدي
ركبت فالسيارة و قلعت حارقة الطريق كي عادتهاا قريب طير .. ساعات تحير فروحها كيفاه مزالها عايشة و بكامل صحتها مع سياقتها المجنونة هذي
وصلت للشركة عطات مفتاح السيارة للحارس لي لتم و هي دخلت .. طلعت فالاسونسور للطابق الثالث .. اول ما تحل الباب خرجت رايحة لقاعة الاجتماعات .. وقفت قدام مكتب السكرتيرة لي قدام مكتب امهاا
ريناس : وصلوا الكل ؟
- وي مدام تفضلي راهم يستناو فيك
تبسمتلها و كملت ماشية .. فتحت الباب و دخلت ، طاحت عينها فعينوا قاعد مقابلها لابس كوستيم فالاسود زايدوا كريزمة على كاريزمة ، بلعت ريقها و قلبها زاد فدقاتوا ، عضت على لسانها تهدي فروحها و قدمت لعندهم
ريناس : صباح الخير
ردلها جواد و اسامة صباح الخير و فهد باقي غير يشوف معاها ، سحبت الكرسي لي جنب جواد و قعدت مقابلة فهد
ريناس : يخي طولت ؟
جواد : لا اصلا مزال نستناو فالمهندسة الجديدة
" طلعت حاجبها " ريناس : المهندسة الجديدة ؟
جواد : ايه ملحقتش نخبرك .. انا لي جبتها تخدم معانا ، عندها خبرة عالية و راح تساعدنا
عوجت شفتها و قدمت لعندوا تحكي بالشوي باه مايسمعوهاش
ريناس : و متعرفش تخبرني
جواد : والله يا مدام قداه نخطرة نعيطلك و يخرجلي تيليفونك مغلق مش شغلي انا درت لي علياا
قلبت عينيها و رجعت عدلت قعدتها هزت عينيها لفهد و هو غمزلها رجعت بعدت نظرها عليه ..فالوقت لي تحل الباب و دخلت منوا بكل وهرة صوت طالونها وريحة برفانتها ملاو القاعة
وساعوا عينين فهد و ريناس بلعت ريقها
نجوى : سلااام
جواد : مرحبا نجوى
اسامة : نجوى .. ؟
ناض من بلاصتوا و نجوى مشات لعندوا حضنتوا
نجوى : هههه اسومتي توحشتك
اسامة : هه ويننك يا طفلة غيبتيها توحشناك
نجوى : هااني رجعت يا روحي و راح تكرهوا مني هههههه
بعدت على اسامة و قدمت لفهد سلمت عليه بالبوس
نجوى : رجعنا تلاقينا بالخف مش هك ههه ؟
دارت لعند ريناس شافت معاها من فوق لتحت و تبسمت فالوقت لي ريناس بقات تشوف معاها بدهشة مكانتش خلاص متوقعة تزيد تشوفها
نجوى : ايتان حبيبتي لبااس ؟
حركتلها ريناس راسها بمعنى ايه ..
فالوقت لي جواد باقي مستغرب
جواد : يخي من وين تعرفيهم ؟
تبسمت و جبدت كرسي لي جنب فهد قعدت فيه
نجوى : فهد و اسامة و انا صحاب من وقت الجامعة و ايتان عرفني عليها فهد من يومين فالجزيرة
" طلع حاجبوا " جواد : فالجزيرة ؟
نجوى : هههه اييه الظاهر العشاق كرهوا من جو الشركة عليها هربوا للجزيرة ريحوا ريوسهم يومين و رجعوا
رمش جواد عينيه عدة مرات مش مصدق و اسامة مش احسن منوا
اما فهد فكان قاعد يشوف فريناس لي عاضة على شفايفها و وجهاا طلع حمر
رجع جواد غمض عينيه بعصب و كبس على يدوا لين عروقواا برزواا ..
فهد : خلينا نبداو الاجتماع مدام الكل هنا
طول الاجتماع و ريناس سااكتة يا ذوب تحكي كلمة ، فهد حس عليها بلي مش قد بعضها حتى هو مش احسن منها وجود نجوى معاهم مش راح يجيب الخير ، اما جواد فكان بسيف متحكم فروحوا باه ماينوضش يضرب فهد و لا ريناس لي كذبت عليه ،
الوحيدين لي كانوا مرتاحين و يحكيو فالخدمة عادي هوما نجوى و اسامة لي مش هامهم شيء
بعد ما خلص الاجتماع سكرت ريناس الدفتر و ناضت من بلاصتها شافت مع نجوى نظرة اخيرة
ريناس : مرحبا بيك معانا مرة اخرى
دورت خارجة من القاعة فالوقت لي لحقها جواد
جواد : ايتان استنااي
كملت تمشي بلا مترد عليه و هو لاحقها ، ناض فهد من مكانوا باه يلحقهم لكن اسامة حبسوا وقت حكموا من دراعوا
اسامة : حبس نتاا و فهمني وش قاعد يصير هناا
مردش فهد عليه و دور لعند نجوى يقحرلها
فهد : وش جاب ر** لهنا نتي ؟
نجوى : فهد لبااس ؟ وشبيك تحكي معاياا هك
فهد : معليش اصبري راجعلك
جبد يدوا من قبضة اسامة و خرج يزرب فخطواتوا باه يلحقهم
فالوقت لي ريناس كانت ماشية تزرب فخطواتها و جواد يجري من وراها
جواد : ايتااااان حبسي قتللك
يا ذوب وصل لعندها جبدها من يدها و كركرها معاه لمكتبوا
ريناس : جواد اطلقني وشبيك هبلت الموظفين يشوفوا معاناا
مردش عليها كمل يسحب فيها حتى وصل لمكتبوا دخلها و سكر الباب خلفوا ، هزت يدها تمسد فالبلاصة لي كان حاكمها منها
" هزت عينيها تقحرلوا "ريناس : وشبييك نتاا مرييض
هز يدوا عداها بغل على شعروا و مشا رايح جاي فوسط البيرو
جواد: تقدري تفهمي ر** و ش كانت قاعدة تهدر هديك ؟
ريناس : و نتا وش دخلك ؟ علاه تحوس تفهم ؟
" صاح عليها " جواد : ايتااااان متجهليينييش جاااوبي صحيح لي قاالتواا ؟
طبقت يديها و شافت معاه بكل برود
ريناس : لثاني مرة نقولك وش دخلك ؟ وش دخلك لكان صحيح و لا غالط ؟ اول حاجة هذي حياتي و ندير فيها وش نحب و ثاني حااجة وش تكون حتى تحاسبني ؟
جواد : ششوو كيفاااه مزاالت تقولي وش دخلك رااح تهبلنيي
قلبت عينيها و نفخت بعصب
ريناس : مش ناقصتك نمشي من هنا احسنلي
يا ذوب ما وصلت لباب جات راح تحلوا رجع غلقوا بيدوا و دورها لعندوا
جواد : مخلصتش هدرة
غمضت عينيها بعصب و دارت لعندوا
ريناس : و انا خلصت
جواد : علاه كذبتي عليا و قلتيلي منعرفوش
ريناس : على خاطر مش مهم تعرف
جواد : لكان مش مهم مكنتيش تكذبي عليا
تنهدت و رجعت تحكي بنبرة جدية
ريناس : جواد من الاخر وش راك حاب ؟
جواد : حاب نفهم وش العلاقة لي بينك و بينوا
ريناس : مكاين حتى علاقة بيناتنا
هز يدوا كبس على زندها لين صاحت من الوجع
ريناس : جواااااد وجعتنيي
جواد : ماتجهليش ر** درك و احكيلي وش بيناتكم
فالوقت لي فهد سقسى السكرتيرة على ريناس وين مشات و هي خبرتوا بلي راهي فمكتب جواد .. مشى يجري للمكتب يا ذوب وصل فتح الباب و دخل لقاه حاكمها من يدها و هي تتوجع تحاول تجبد فروحها منوا
مشى ليه بدون سابق إنذار دزوا و عطاه بوكس خلاه يتراجع على و راه
" صاح عليه " فهد : زيد عااود حط كسررتك عليهااا و تشوف وش نعمل فييك
هز جواد يدوا حطها على شفتوا مكان الضربة لقى دم ضحك ضحكة خفيفة و هز راسوا يشوف مع فهد
جواد : وش راح تعمل هه ؟
جا فهد راح يرجع يضربوا لكن ريناس جرات حكمتواا من ذراعوا
ريناس : يزيي فهد راح تلموا علينا الشركة الكل
جواد : اروااح شبيك حبست هههه
فهد : يااا ****
جبد يدوا من ريناس و مشا لعندوا يضرب فيه طاحوا خبط في بعضاهم ساعة فهد لي يضرب و ساعة جواد لي يضرب
" مشات ليهم تحاول تجبد في فهد من على جواد و هو مكمل يضرب فيه مش سامعلها
ريناس : فهدد يزيييي نوووض من فوقوااا ... فهددد
ضربوا اخر بوكس و ناض يمسح فخشموا لي كان بالدم
" هز صبعوا يهدد فيه " فهد : يا ويللك نزيد نشوفك قربتلها
تف جواد الدم من فموا و رجع يضحك
جواد : راح تزيد تضربني هههه ؟
فهد : مي هذاا مايفهمش
جرات ريناس لعندوا حكمتوا من يديه قبل ما يرجع لعند جواد
ريناس : فهد خلاااص راح تقتلواا
هز يدوا عداها على شعروا بغزول و هي طابست لعند جواد لي كان مرمي على الارض و وجهوا بالدم
ريناس : جواد رااك مليح ؟ ااففف شوف وش عملت فيه
دور شاف معاها زاد كلب كي لقاها مطابسة قدام جواد و حاطة يدها على وجهوا تمسحلوا فالدم .. مشا ليها بسرعة نوضها من قداموا
فهد : خلي **** مرمي وش دااك ليه ؟؟
" قحرتلوا " ريناس : وشبييك هبلت نتاا ثاني ؟ بعد.. نحي يدك
فهد : امشي قدامي هك
مشااا خارج من البيروا و يجرجر فيها معااه
" لزت على سنيها "ريناس : فهد اطلقنيي .. فهدد نحكيي مع *** اطلقنيي
فهد : امشيي امشيي درك نتفااهموا على *** هذي ثااني
وقفت فنص الشركة محبتش تمشي اما هو باقي يكركر فيه
ريناس : النااس يشوفواا معااناا حبس
فجأة وقف في بلاصتوا هز عينيه لقى الموظفين بكل يخزروا فيهم داهشين .. تبسملهم بتبهليل و طابس لعند ريناس هزها على كتافواا
ريناس : مي نتااا بسيكوباات اااااععع هبطنيي .. هبطنييي
كمل ماشي بلا ما يرد عليها مخليها تخبط فيه من ضهروا و الموظفين بكل باهتين فيهم
خرج من الشركة و مشى للباركينغ وقف قدام سيارتوا و نزلها ...يا ذوب مالامسوا رجليها الارض هزت يديها تضرب فيه من على صدروا
ريناس : ااااععع يخي حااااب تهبلنييي وش يكوونوا قاعدين يحكيو علينا درك اااععع
حكمها من يديها و جبدها لعندوا
فهد : اركحي يا روحي حراام اليدين هذوا تاع بوس مش تاع ضرب
جبدت روحها منوا شافت معاه يتبسم بخبث ، من الاحسن انها تمشي لأنوا مش حابة تتعارك معاه
خزرت فيه بغل من فوق لتحت و دارت ماشية بلا متحكي حتى كلمة .. فالوقت لي هو طلع حاجبوا و مشا من وراها
فهد : هاااي حبسي وين رايحة ؟
ريناس : لجهنم حجزت حق زوج بلايص تجي ؟
" قلب عينيه و كمل يمشي من وراها "
فهد : راني مسافر
ريناس : طريق السد لي تدي ما ترد
فهد : مش راح تشوفيني اسبوع
ريناس : الله لا يجعلي باه نزيد نشوفك حياتي كامل
فهد : راح تتوحشيني
ريناس : تتوحشك الموت نشااله
" قلب عينيه " فهد : مش مخلصة دعااوي درك ؟
سارع فخطواتوا لين لحقها و جبدها لعندوا حاوط خصرها بيدوا بطريقة خلاتها ترجف .. هبط يهمس فوذنها بصوت هاذي
فهد : راح نتوحشك انا و بزاف ثااني .. مش راح تعطيني تصبيرة تع اسبوع ؟
دارت لعندوا تتبسم بخبث .. هزت يديها حطتها على كول الشوميز نتاعوا تعدي فصوابعها عليها بإغراء
ريناس : تحوس على تصبيرة ههه ؟
و فالوقت لي هو ذاب من لمست يدها ، بلع ريقوا و هزلها راسوا بمعنى ايه
ريناس : شوف يا روحي تمشي درك تركب فسيارتك و تخرج من الشركة قول هيه ؟
طلع حاجبوا مستغرب
ريناس : االف قول هييه
فهد : هيه
ريناس : كي تخرج من هنا تكمل تمشي قد قد و دور على اليمين تزيد تمشي تلقى دخلة على اليسار ادخل فيها
"تبسم بخبث و غمزلها " فهد : علاه يا روحي وش كاين لتم ؟
ريناس : كاين مشفى الامراض العقلية راك روشارشي
تبدلت نظرتها و رجعت تقحرلوا دزتوا من صدروا دارت بسرعة و كملت تمشي لين وصلت لسيارتها ركبت فيها و قلعت بلا مدور تشوف معاه
اما هو فبقى واقف في بلاصتوا يتبسم راح تهبلوا بتصرفاتهاا .. قطع عليه افكاروا يد اسامة لي تحطت على كتفوا
اسامة : فهد وشبيك يا صاحبي ؟
" دار لعندوا فهد يتبسم " فهد : صاااحبك رااهوا يطييييييير فساااابع سمااا هههه
اسامة : وش قاااعد تخرف ؟ و وشياا البهدلة لي درتها فالشركة ؟
فهد : ااففف اففف اففف اسامة جرب لمرة فحيااتك متفكرش فالشركة و الخدمة تع الهم هذي لمرة وحدة بس
قلب عينيه و رجع ركب فسيارتوا هو الثاني
بعد دقايق وصلت ريناس لدار فتحتلها الخدامة الباب
- على السلامة آنسة ..
تبسمتلها و مشات داخلة لصالة
زينب : ريناس جيتي بنتي ؟
طلعت حاجبها مكانتش متوقعة ترجع امها اليوم .. رجعت تبسمت و قربت لعندها حضنتها
ريناس : توحشتك مامااتي
زينب : حتى انا يا عمري توحشتك
بعدت من عليها و قعدوا لزوج فوق البونك
ريناس : علاه مخبرتينيش بلي راجعة اليوم
زينب : خليك مني .. ريناس عندي خبر لازم تعرفيه
" ضيقت عينيها " ريناس : وش كاين ؟
"عقبت لسانها على شفافها و تنهدت " زينب : باباك ..
قاطعتها ريناس قبل حتى ما تكمل حكيها
ريناس : زدناا رجعناا لنفس الموضوع مرة آخرة ماما تعرفيني منحبش نحكي عليه
زينب : ريناس اسمعيني وش راح نحكي
قلبت عينيها و ناضت من بلاصتها
ريناس : طالعة لغرفتي
" لزت على سنيها "زينب : ريناس ارجعي لبلاصتك و اسمعيني وش راح نحكي
نفخت بعصب و رجعت قعدت و هي تخض فروحها
ريناس : انعم درك ؟
زينب : باباك ..
ريناس : مش بابا
زينب : طاح فالخدمة من الطابق الرابع وو..وفقد الحركة تع رجليه رجع مايمشيش
" وسااعوا عينيها حلت فمها مش مصدقة " ريناس : كك..كيفااه ؟ ماما تحكي منك صح ؟ اكيد تتمسخري راكي تحكي هك بالدمة باه نمشي لعندوا مش هك ؟
مسحت زينب دمعة طاحت من عينها تنهدت بحسرة و حركت راسها بمعنى لا
تجمعوا دموع فعينيهاا صحيح الشيء لي عملوا الكل بصح يبقى باباها و تبقى تحبوا و اكيد مش راح تتمانلوا الشر
ريناس : نحب نشوفوا
"تبسمتلها زينب بوجع " زينب : روحي اقعدي معاه يامات يا بنتي راهوا مشوي عليك بلك تتحسن صحتوا وقت يشوفك
هزتلها راسها بإيه و ناضت من مكانها
ريناس : طالعة نجهز روحي
خرج من اللابارتومون نتاعوا هاز معاه فاليز .. ركب فسيارتوا و جبد تيليفونوا كلم نزيم
نزيم : عاش من سمع صوتك
فهد : راك فالحومة ؟
نزيم: هيه علاه ؟
فهد : عيطت نقولك برك بلي راني جااي .. متخبرهمش خليها مفاجأة
نزيم : ااخ الحمدلله لي تنازلت و جيت تشوف والديك راني رايح انا درك بصح مش راح نقولهم بلي راك جاي
سكر عليه الخط و ركب فسيارتوا مقلع
فالوقت لي كانت ريناس حاطة راسها على الكاروا و سارحة فتخمامها لبعيد مش مصدقة بلي راح ترجع للحومة وين كبرت و وين عاشت طفولتها و وين حبت لأول مرة .. بعد ما حلفت متزيدش تحط رجلها لتم اماا ساعات الظروف تلزك باه تعمل حوايج عمرك تفكر انك تعملهم .. تحس فقلبهاا راح يخرج من بلاصتوا خايفة من المواجهة لي راح تصرى بينها و بين باباها وش راح تكون ردة فعلوا وقت يشوفها اكيد راح يفرح و خواتاتها و المراا لي كانت حاطتها امها زعما راح يرجعوا يتقبلوها من جديد ؟ افكار تدي و افكار تجيب تحس فراسها راح يطرشق من كثرة التخمام .. فتحت الكارواا و خرجت راسها .. غمضت عينيها تستنشق فالهواء البارد كشماا يهديها شوي
بعد ساعة دخلت السيارة للحومة ، فتحت ريناس الكاروا على وسعوا تشوف مع الشوارع و مع الناس و تبسيمة مالية وجهاا .. هناا كانت تلعب مع البنات .. و هنا كانت تجي مع فهد .. و من الحانوت هذا كان باباها يشريلها الحلوى
مسحت دمعتها لي طاحت بالخف و رجعت تتأمل فالحي .. بزاااف حوايج تبدلوا من نهار راحت ، بناو بنايات جدد و قطعوا الاشجار و عاودوا المحلات .. و حتى الناس لي قاعدة تشوف فيهم درك مش نفسهم الجيران لي كانت تعرفهم
قطع عليها الشوفور وقت حبس السيارة و هز راسوا يشوف معاها من المراية
- آنسة وصلناا
هزت يدها حطت شعرها من ورى ودنها و تنهدت من اعماق قلبها .. نزل الشوفور و مشا لعندها حللها الباب خلاها هبطت و رجع حل صندوق السيارة جبدلها الفاليز نتاعها
فاللحظة لي هي كانت تشوف مع الدار و تبلع فريقها و تعاود .. نفسها و نفس القرمود الاحمر و نفس الشجرة لي كانت مع بيتها .. تبسمت على جنب يمكن دارهم الوحيدة لي متبدلتش فالحي هذاا .. حكمت الفاليز تكركر فيها و مشات حتى للباب
وقفت تستجمع فشجاعتها باه دق .. هزت يدها باه طبطب و رجعت سحبتها
ريناس : ريناااس calme-toi ..
رجعت تنهدت للمرة الالف و طبطت .. كبست على الفاليز نتااعها تستنى فالباب يتحل و قلبها يدق فال100
شوي وقت و حلتلها الباب طفلة تكون فعمر 18 شعرها طويل فالاصفر و صابغة خصلات منوا بالازرق و الوردي ، عاملة كحل قاوي فعينيها و لابسة جيب و تريكوا فالاسود .. يعني كيما يلبسوا تاع الروك
سارة : انعم ؟
ضحكت ريناس ضحكة خفيفة و تجمعوا الدموع فعينيها
ريناس : ساارة ههه ؟؟
" نفخت على جنب " سارة : هيه سارة شكون نتي ؟
شافت سارة مع السيارة اخر موديل لي من خلف ريناس و الشوفور لي لابس كوستيم فالاسود واقف جنبها .. و رجعت تشوف معاا ريناس من فوق لتحت لين وصلوا عينيها للفاليز ..
" طلعت حاجبها " سارة : فاه نقدر نساعدك ؟
ريناس : معرفتينيش ؟
سارة : اافف الظاهر فيك غالطة فالعنوان
جات راح تسكر الباب لكن ريناس حبستها
ريناس : يخي هك تحكي مع ختك لكبيرة !
وساعوا عينين سارة رجعت تشوف معاها مش مصدقة
" حركت راسها بمعنى لا و الدموع تجمعوا فعينيها " سارة : رر..رينااس ؟ لااااا مستحييل
" ضحكة ضحكة خفيفة " ريناس : وشبيك ساارة وش لي مستحيل يخي شفتي شبح قداامك ؟
فجأة صااحت و صوطات لعندها تحضن فيهاا
سارة : ااااععع ريييناااااااس مش مصدققة
رجعوا يحضنوا و يبوسواا فبعضااهم لزوج يبكيو ، فرحانين لي رجعوا تلاقااو مرة آخرة
قطع عليهم صوت سميرة لي خرجت بعد ما سمعت صوت الصياح
سميرة : سااارة وش كااين هناا وشيا الصياح هذاا ؟
شافت مع ريناس و رجعت شافت مع سارة
سميرة : ااه بنتي سامحيني مخبرتنيش سارة بلي صحبتها جااية .. اتفضلي ادخلي
سارة : ماما هذي ...
قاطعتها ريناس قبل ما تكمل حكيها
ريناس : اافف يعني لهااذ الدرجة تبدلت حتى معرفتونيش
طلعت سميرة حاجبها مش فاهمة .. و ريناس قدمت لعندهاا هزت يديهاا حطتهم على خدودهاا تقرس فييها
ريناس : ااووخخ سمووورتييي توحششتك ..
فاللحظة لي سميرة وساعوا عينيهاا تحاول تكذب فروحها اكيد مش هي .. ريناس تكرهم و مستحيل تجي عندهم
خرج صوتها متقطع
سميرة : رر..ريناا..س ؟
" قلبت عينيها " ريناس : يخي وشبيكم لي يشوفني يرجع يهجي
فجأة هزت سميرة يديها تخبط فيهاا و ريناس هااربة
سميرة : هك يااااا بنت الكلللب تروووحيي و مترجعييش اااه
مشات ريناس تجري و سميرة تلحق فيها تقرس و تضرب
ريناس : اااعععع ماامااا حبسيي وجعتيي .. اععع مااامااا يزيي سااارة اروااحي بعديهاا
قفلت سارة الباب ووقفت تتفرج فيهم شايخة عليهم
طلعت ريناس فوق البونك هاربة من سميرة لي كانت هازة البليغة
سميرة : اهبطيي هناا نربييك نعتلك كيفااه تروحي و متحبيش ترجعي
ريناس : ماما يزيي خلااص واالله لحمي زراق شوفي ..
هزت يديها تنعتلها فالبلايص و تتوجع .. فاللحظة لي سميرة رمات البليغة من يدها و قعدت فوق البونك تشوف معاها كيفااه كبارت البارح برك وين كانت قد يدها تمشطلها شعرها و تلبسلها و اليوم صارت مراا ، مش مصدقة لي رجعت و راهي تشوف فيها قدامها رغم السنين لي تعداو الكل و هوماا يسييو يشوفهاا
طابست ريناس لعندها حاكمة بكيتها على الشعرة تشوف معاها مزاالها كيما راهي المراا القوية و الفاتنة رغم السنين لي تعداو الكل حاجة ماتبدلت فيها
" خرج صوتها متقطع " ريناس : تتوو..حشتكم
جبدتها سميرة لعندها تحضن فيها و تزير فيها لعندها
سميرة : حتى حناا ياا روحي توحشنااك حراام خليتينا السنين هذوا الكل نتعذبوا انا وباباك صحيح مكيش بنتي بصح انا لي ربيتك و تبقااي دايما بنتي الكبيرة
تبسمت ريناس وسط دموعها و رجعت تبوس فيها و تحضن
ريناس : بابا وينوا ؟
تنهدت سميرة بحسرة و هزت راسها بمعنى الفوق
ريناس : راح نطلع نشوفوا
تبسمتلها و هي مشات طالعة تعمل فالخطوة بالبسيف خطوة القدام و عشرة للخلف
يا ذوب ما وصلت هزت يديها دقدقت شوي و فتحت الباب دخلت .. قابلها راقد فسريروا مغمض عينيه
كمال : سميرة مش قلتلك منحب حتى واحد يدخل اخرجي
ريناس : حتى انا ؟
فتح عينيه يشوف معاها واقفة عند الباب و عينيها فالارض .. بلع ريقوا مش مصدق لي يشوف و يسمع فيه بنتوا لي عداا نص حياتوا و هو يحلل باه يشوفها اليوم واقفة قدامواا
" خرج صوتوا ببحة تع البكى " كمال : بنتي ..
و هي ماصدقت سمعت صوتوا مشات ليه تجري ترمات عندوا تحضن فيه... الحضن الدافي لي تحرمت منوا سنين و كبرت بعيدة عليها
" تبكي "ريناس : باباا.. توحشتك
حكملها وجها بين يديه يبوس فيها و رجع حضنها
كمال : حتى انا يا روحي توحشتك .. توحشتك بزااف ساامحيني ياا بنتي نعرف روحي غلطت و الغلطة كلفتني غالية .. ساامحيني
هزت صبعها مسحتلوا الدمعة لي طاحت من عينوا و تبسمت وسط دموعها
ريناس : خليناا ننساو الماضي و نبداو من جديد مش حابة نحكي فيه
رجع جبدها لحضنوا يحب يشبع منهاا مش مصدق لي هي بين يديه بعد سنين الفراق
في الليل كاانت قاعدة مع سميرة و سارة فالصالة يشربوا فالقهوة
هزت سميرة يدها عداتها على راس ريناس بحنانة
سميرة : بنتي كبرت و رجعت تهبل غدوة وقت يشوفوك ولاد الحي راح يديروا الدالة قدام الباب باه يخطبوك
ضحكة ريناس ضحكة خفيفة و سميرة كملت تحكي
سميرة : احكيلي بصح كااين واحد و لا نو ؟؟
حماروا خدودها
ريناس : ماما وش تحكي .. ؟
ضحكت سميرة و هزت يديهاا تقرس فيها من خدهاا
سميرة : ههههه وووه الطفلة حشمت يخي وليتي تعرفي الحشمة ؟؟
سارة : ههههه ماما يزي خطيهاا لا تزيد مترجعش بسبتك
سميرة : خليها مترجعش المرة هذي و الله نكسرلها رجليهاا
ضحكت ريناس و رجعت حضنتهاا
ريناس : من اليوم راح نبقى فوق ريوسكم متخافوش ههه
رجعوا يحكيو و يضحكوا وقت لي دق الباب
مشات سارة تحل لقات طفل صغير هاز فيدوصحن تاع بغرير
- بعتتو طاطا شهرزاد
سميرة : ساااارة شكوون ؟؟
جاها صوت امها فالوقت لي هي تبسمت لطفل ، غلقت خلفوا الباب و مشات داخلة
سارة : طاطا شهرزاد بعتت البغرير
ناضت سميرة حكمت عليها الصحن
سميرة : ووه علاه عليها من لي رجعت و هي كل يوم تبعت اكلة
فاللحظة لي ريناس رجع قلبها رجع يدق بالقاوي مش مصدقة لي تسمع فيه زعما هي نفسها شهرزاد ؟
مشات لعند سميرة لي راحت للكوزينة
" بلعت ريقها و هبطت راسها تلعب بيديها " ريناس : ماما.. شهرزااد .. نفسها .. ااقصدي .. ام..
قطعت عليها سميرة و هي تتبسم فاهمتها علاواه حابة تسقسي
سميرة : اييه نفسهاا ياا روحي رجعوا من اياام .. فهدك رجع
لمعوا عينيها و تبسمت ابتسامة عريضة قلبها دق بفرحة كبيرة .. سوطات لعند سميرة تحضن فيها و تضحك
ريناس : ههههه اااعع صح رجعوااا ههههه مش مصصدقة ..
جبدت روحها منها و مشات للباب بزربة تلبس في صباطهاا .. لحقتها سميرة للباب
سميرة : ياا طفلة وين راايح الدنيا ليل و الظلام البراا
ريناس : ماما عقبت حيااتي الكل و انا نستنى فيه ميهمنيش فالظلام
فتحت الباب و خرجت تجري رايحة لدار فهد و كلما تقرب قلبها ماشي و يزيد فدقاتوا تحسوا راح يخرج من بلاصتوا
وقفت مقابلة الدار تنهدت من اعماق قلبها و قربت هزت يديها الدقدق ،،
شوي و فتحتلها شهرزاد الباب شافت معاها من فوق لتحت و طلعت حاجبها
شهرزاد : انعم بنتي .. ؟
ضحكت ريناس و حضنتها بدون سابق انذار فاللحظة لي شهرزاد بقات داهشة
جبدت روحها منها
ريناس : ههههه توحشتك حتى نتي
"عقدت حواجبها " شهرزاد : بنتي راكي لبااس ؟
ريناس : عندي بزااف مكنتش لباس كيما اليوم هههههه .."سكتت شوي منبعد عوجت فمها".. يخي معرفتيش ؟؟
شهرزاد : نعرفك ؟
تبسمت ريناس بتبهليل
ريناس : اححم رينااس قداامك ..
شهرزاد : ريناس ..؟
رجعت ضيقت عينيها تتحاول تتفكرها منبعد شهقت ..وساعوا عينيها و دارت جاست بيدها بمعنى الطول تع الاولاد
شهرزاد : رينااس اللفعة ؟ الطايشة بنت كمال ؟؟
رجعت ريناس ضحكت ضحكة خفيفة كي نادتلها اللفعة .. و طابست عملت الجاست لي يديروه الاميرات
ريناس : بشحمهاا و لحمها ههه
ضحكت شهرزاد و جبدتها لعندها تبوس فيها
شهرزاد : يااا عمريي على بنتيي كبااراات و رجعت مراا تهبلل خمووس علييهاااا
ريناس : اااعع طاطا بلعقل على خدودي
جبدت شهرزاد روحها من الباب و عملتلها جاست بيدها باه تدخل .. سكرت الباب من خلفها فالوقت لي ريناس هزت عينيهاا تدور فيهم على الدار تحوس عليه
تبسمت شهرزاد و هي تشوف مع حالتها اصلا بايناا علاواه جاات
شهرزاد : راهوا في غرفتوا راقد درك وين وصل
ريناس : اااه .. ؟
شهرزاد : فهد ياا اللاة راهواا فغرفتواا اطلعي نوضيه و ارواحوا تتعشاو قبل ما يبرد العشاا
يا ذوب ما خلصت حكيها طلعت ريناس تجري فالدروج رايحة لعندوا مزالت تذكر مكان غرفتواا كانت دايماا تجي تلعب معاه .. اول ما وصلت فتحت الباب و دخلت ثلهث .. عوجت فمها و هي تشوف فالغرفة فارغة .. بقات ثواني تشوف معاها منبعد دورت راجعة .. فاللحظة لي تحل باب الدوش و خرج منوا يمشي حفيان لاف منشفة على خصروا و هاز منشفة فيدوا ينشف فشعروا .. و قطرات ماء هابطة على صدروا ..
دارت بسرعة .. تحلوا عينيها على وسعهم مش مصدقة لي تشوف فيه.. غمضت عينيها حركت راسها بمعنى لا .. اكيد تكون تحلم مستحيل لي تشوف فيه ..
فالوقت لي هو مكانش احسن حال منها .. مستغرب بوجودها فغرفتوا
فهد : ايتاان .. ؟
فجأة رجعلها شاهد العقل .. نفس العينين و نفس الخزرة و حتى نفس الاسم .. كيفاه مقدرتش تعرف و هو اليام هذي بكل قدام عينيها ..تجمعوا الدموع فعينيها و تبسمت ابتسامة عريضة و بدون سابق انذار .. جرات لعندوا حضنتوا بكل قوتها لين طاح و هي فوقواا ..
حشات راسها فرقبتوا و طرشقت بالبكى ..
اما هو فكان مستغرب مش فاهم حاجة .. هز يدوا يعدي فيها على طول ضهرها
فهد : ايتان ..
قاطعتوا قبل ما يكمل حكيواا .. هزت راسها لعندوا حكمتلوا وجهو بين يديها حطت جبهتها فوق جبهتوا و تبسمت وسط دموعها
ريناس : كيفاه مقدرتش نعرفك .. توحشتك فهد توحشتك ..
فهد : ايتاان .. "بلع ريقوا " .. وش ديري هنا ؟ .. و علاه تبكي ؟
ريناس : مانيش ايتان اسمي ريناس هه
ضيق عينيه مش فاهم وش قاعدة تحكي
فهد : ريناس ؟
ريناس : ايه ريناس يا روحي ..هههه مش مصدقة بلي رجعنا شفنا بعض بعد ما كنت مفكرة انو مستحيل نرجع نشوفك مرة اخرة
بقا يشوف معاها و يحاول يركب فحاديثها داخل مخوا .. فاللحظة لي قاطعتوا
ريناس : اافف فهد مزال مخك تقيل .. مش فاهمة كيفاه رجعت مهندس
" طلع حاجبوا " فهد : نعتاابرها إهانة هذي ؟ ديجا وش تحبيني نفهم و نتي داخلة عليا بوس و تحضاان مش فاهم حتى كيفاه جيتي و كيفاه دخلتي
" تبسمت بغباء " ريناس : دخلتي طاطا شهرزاد ..
فهد : طاطاك شهرزاد ؟
ريناس : ااوفف شبيك تعاود فالهدرة من قبيل ..
هز يدوا عداها على وجهواا بزربة
فهد : اافف تقدري تفهميني وش صاري درك ؟
رجعت تبسمت و جبدت روحها منوا .. قعدت على ركايبها مقابلتوا
ريناس : تذكر بنت كمال ريناس لي كنت صحاب نتا و هي و كنت تعيطلها صغرونتي و كل يوم تشريلها شوكولا و تضرب اي واحد يبكيها .. و لي كنت ديما تلعب معاها و الحاجة لي تحبها تجيبهالها ؟
وساعوا عينيه و حرك براسوا بمعنى لا ..
ريناس : لي قداامك يا روحي صغرونتك ريناس
بقا يشوف معاها يفلي فوجها .. علا هذي كان دايماا يحس روحوا يعرفها و شايفها من قبل و طلعت هي نفسها ريناس صغرونتوا
فهد : رر..ينااس ؟
" قلبت عينيها " ريناس : شو كيفاه مزال يعاود فالهدرة .. يا ولدي ريناس بشحمها و لحمها قدامك
لمعوا عينيه تبسم ابتسامة عريضة و بدون سابق إنذار جبدها من يدها جات فحجروا .. حنضنها بكل قوتوا يضحك الدنيا مش واسعتوا .. فاللحضة لي هي رجعت حشات راسها فرقبتوا تشم في ريحتوا و تبكي .. الطفل الصغير لي عشقتوا فطفولتها و عدات حياتها الكل تخمم فيه هو نفسوا الراجل لي دق ليه قلبها
رجع جبدها حطلها وجها بين يديه يشوف معا عينيها لي يسحروا
فهد : تعرفي قداه و انا نحلم باللقاء هذا ؟ عديت عمري الكل و انا نحوس عليك .. من نهار رحتي محبستش تخمام فيك .. كل دقيقة تعدي .. تعدي نتي معاها فقلبي .. تعرفي قداه توحشتك ؟
ريناس : حتى..حتى انا ..توحشتك
دور يدوا على وسطها و يدوا اللخر غلغلها فشعرها و جبدها لعندوا يبوس فيها .. بوسة تعبر على مدى حبوا و إشتياقوا ليها .. احساسوا الكل ترجموا فالبوسة هذي ..
قطع عليهم صوت شهرزاد و هي تعيط عليهم باه يهبطوا .. جبدت روحها منوا و هي دايخة عينيها مغمضين و شفافها حمر جمر من بوستوا ..
تبسم و هو يشوف معاها دايخة بين يديه .. عدى صوابعوا على خدها بحنية و قرب وشوشلها فوذنها
فهد : تعرفي نزيد دقيقة وحدة نغتاصب جدك هنا
حلت عينيها بزربة بلعت ريقها هذا وين تولهت لحالتها قاعدين فالارض .. او بالأصح هو قاعد فالأرض و هي فوق حجروا ، و زادت بلعت ريقها وقت شافتوا حاط منشفة برك على وسطوا و لي على شوي و تتحلل
تنفضت من بلاصتها و عطاتوا بضهرها ، حطت يديها على عينيها تعيط
ريناس : اااععع اسسستر روحك علااه عرياان
طلع حاجبوا و ناض من بلاصتوا عدل المنشفة لي كانت راح طيح
فهد : شووف اسيدي منعرف شكون لي داخل عليا كيف مكافحة الإهراب
ريناس : راني خاارجة ..
جات ماشية و متحس غير بيديه داروا على وسطها و بدنوا لصق بدنها من الخلف
" قرب لوذنها يحكي " فهد : وين رايحة..؟
بلعت ريقها و حاولت تجبد روحها منوا
ريناس : راح نهبط لتحت .. البس ثيابك و اهبط
طبع بوسة خفيفة على رقبتها خلاتها ترعش و كمل يحكي بصوت هادي يذوب
فهد : خليك متوحشك
كمل يبوس فرقبتها و هي غمضت عينيها تستحل فملمس شفافوا عليها
ريناس : فهد .. "بلعت ريقها " .. درك تطلع امك و تشوفناا
فهد : خلي تشوفنا ميهمنيش و ديجا احسن لأنوا راح تزوجنا فأسبوع كون تحكمنا بالمنظر هذاا
"ضحكت ضحكة خفيفة " ريناس : فهد يزي خليني نخرج
فهد : امممم
غمض عينيه سحب نفس من ريحتها و رجع باسها آخر بوسة
فهد : نلبس و نجيك
يا ذوب ما طلقها هبطت لتحت تجري لأنوا هي لي راح تغتاصبوا كون تزيد معاه دقيقة مش هواا ..
هزت يدها تمروح على وجها لي كان أحمر و بدنها مزال يغلي من قربوا
ريناس : اااه سخااانة
خرجت شهرزاد من الكوزينة شافتها واقفة تمروح على وجها و تتبسم وحدها
شهرزاد : ههه ارواحي اقعدي العشا وجد
تبسمت معاها و جبدت كرسي قعدت فالطابلة و شهرزاد تجيب تحط فالماكلة
فالوقت لي هبط فهد من غرفتوا بعد ما لبس و عدل ..
فهد : نوضي خاارجين
مشا سحبها من يدها
شهرزاد : وين رايحين ؟ اقعد العشا وجد
فهد : يماا خارجين شوي و نرجع
شهرزاد : يا ولدي وين خارج و نتا حاكم الطفلة هك وش يقولوا الجيران وقت يشوفوكم راكم كبرتوا مبقيتوش ولاد
" قلب عينيه " فهد : يماا تعرفيني ميهمني حتى واحد ني الجيران ني غيرهم ، نعمل وش يقولي راسي
قاعدين فمكان جهة الغابة ..
فمكانهم وقت كانوا صغار ،، نفس البقعة لي كانوا يهربولها باه يبقاو وحدهم ..
متكي على الشجرة الكبيرة يلي ياما لعب هو وياها تحتها .. قاعد و ساند ضهروا على جدعها و هي فوق حجروا ضهرها لاصق صدروا ، يد مغلغلها فيدها و يد يعدي فيها على شعرها يشم فريحتوا لي سكرتوا من اول مرة
مغمضة عينيها تستحلى فقربوا و لمساتوا و نفسوا لي يضرب فرقبتها ، تحس فروحها تطير فسابع سما الدنيا مش واسعتها
"تبسمت " ريناس : تعرف قداه عندي و انا نحلم باللحظة هذي
ضحك ضحكة خفيفة و هبط يحكي جنب وذنها متعمد يذوبها
فهد : مع فهد الكبير و لا الصغير ؟
ريناس : هههه الثنين
"رجع تبسم " فهد : يعني تستعرفي بلي عشقتيني ؟
حلت عينيها و هزت راسها قابلتوا
ريناس : يعني لازم تفسد اللحظة بمصاطتك ؟
فهد : رجعت صامط درك ؟
" عوجت فمها كيما يديروا اللولاد " ريناس : ايه صامط
تنهد تنهيدة من أعمااق قلبواا
فهد : علاه مرجعتيش ريناس ؟ علاه خليتيني هابل عليك ؟ كنت كل يوم نقول غدوا نكبار و ننساها اماا شيء كبرت و بقيت نفكر فيك مقدرتش نحيك من بالي و لا لحظة .. كنتي دايما محفورة فنص قلبي و قد ماعملت باه نخرجك مقدرتش ..
تبسمت بوجيعة و هزت روحها .. طبعتلوا بوسة جنب خدوا
ريناس : رجعت و رجعت على جالك .. بصح ملقيتكش " تنهدت و كملت تحكي " وقتها حلي الباب راجل غريب كي سقسيتوا عليك قالي بلي انتاقلتوا ومش راح تزيدوا ترجعواا .. وقتها حسيت صح بلي راني وحدي ولي نحبهم الكل يمشيو و يخليوني .. بالأول بابا و منبعد نتاا
هز يدوا حطها على خدها و قرب وجهوا لعندها
فهد : ااسسس متزيديش تعاودي الكلام هذاا عمري خليتك اناا .. كنت صغير ووقت كبرت ربي يعلم قداه شقيت و انا نحوس عليك حتى اني حكيت مع باباك و قالي ميعرفش عنوانك
رجعت باستوا من خدوا .. هبطت و حطت راسها على صدروا
ريناس : خليناا من الماضي .. فهد .. ؟
فهد : عينين فهد
ريناس : اوعدني متزيدش تخليني .. راني تعبت و انا بعيدة عليك من نهار حليت عينيا عرفتك غير نتاا راجل فحياتي و نحب نغمضهم و تبقى نتا برك الراجل فحياتي
طبع بوسة على راسها
فهد : نوعدك يا روحي نوعدك
بدات تحل فعينيها بشوي حركت رقبتها وجعتها .. تحس فحاجة لاصقة فيها و مكبسة على صدرهاا .. فتحت عينيها شافت روحها راقدة على الارض جنب الشجرة شمس طلعت و صوت العصافير لي تزقزق مالي المكان .. هبطت عينيها تشوف معاه راقد عندها كيف البيبي ، حاط راسوا على صدرها و مكبس على وسطها بيديه تقول راح تهرب عليه ..
تبسمت و هزت يديها تعدي فيهم على راسوا تلعب بصوابعها على خصلات شعروا
ريناس : فهد .. فهدوشي قوم يزي نوم
بعد محاوالات منها باه تفيقوا بسيف باه بدا يفيق
تململ فبلاصتوا و فتح عينيه بشوي يشوف معاها تتبسم معاه و يدها تلعب على شعروا
ريناس : صباح الخير ههه
تبسملها بعينيه لي يسحروا و زيد مع فيقتوا من النوم رجع منظروا مغري
بلعت ريقها تمنع فروحها متصوطيش تبوسوا و هو كلي حسلها قرب لعندها طبع بوسة على شفافهاا
فهد : هك تكون صباح الخير ههه ..
رجع يبوس فيها من كل بلاصة فوجها وهي شايخة ضحك
فهد : يخي نتي ديماا هك عسل ياا طفلة مش قادر نشد روحي راح نااكلك
ريناس : ههههه فهد يزيي هههه
فهد : ارواحي نخطفك نمشيو لبلاصة ميلقانا فيها حتى واحد غير انا و نتي 😈
ريناس : ههههه محوس يطلعوا بروحي " فجأة شهقت " .. دزتوا بكل قوتها من فوقها و ناضت
ريناس : اااعع الييوم تقتلنيي راااحت عليااا
فهد : رينااس وشبيك ؟
بلعت ريقها و هزت عينيها تشوف معاه
ريناس : ماما سميرة اليوم تطلع بروحي اليوم تدفني و انا حياا رااح تقتلني ااععع
مشا لعندها يهدي فيها ، حكملها وجها بين يديه
فهد : ريناس بالعقل مصراا والوا و مزال الحال شوفي الساعة راهي 6 يكونوا مزالوا مفاقوش .. خلينا نمشيو
هزتلوا راسها بمعنى ايه و مشات معاه فجأة وقف فبلاصتوا قدام حجرة كبيرة نفسها الحجرة لي نهار تخباو خلفها يعسوا فالزوج لي كانوا هنا يتمعشقوا
تبسم بخبث و دار لعندها جبدها لحضنوا ولف يديه على وسطها
ريناس : فهد وشبييك هبلت امششي خليني نرجع قبل مايفيقوا
فهد : متفكرتيش حاجة صرات هنا عندها 13 سنة يا اللاة ؟
ضيقت عينيه و شافت حواليها ،، حماروا خدودها و هي تتفكر فالنهار هذاك وقت باسوا بعض بكل برائة
فهد : تفكرتي هههه ؟
عوجت فمها و هبطت راسها فالوقت لي هو شااخ عليها
فهد: هههه لاا و تزيدي تكذبي على العباد و تقوليلهم عمري بست من قبل و نتي الله يباارك بديتيها من 6 سنين
"هزت راسها تقحرلوا " ريناس : علاه هذيك تسميها بوسة ؟ يا ذوب تلامسوا شفافنا و بعدنا
تبسم بخبث و رجع قدم لعندها لين صاروا يتنفسوا نفس واحد
فهد : خلي مالا نعاودوهاا درك تشوفي البوسة تع الصح كيفاه تكون
ريناس : ماما ..
مخلاهاش تكمل حكيها و نقذ على شفافها يبوس فيها كيما جامي باسها من قبل كلالها شفافها ماكلة كل ما يحس النفس ذاق عليها يجبد روحوا منها يخليها تتنفس و يرجع ينقذ عليها مرة آخرى
مبعدش عليها غير كي حس بطعم الدم في فموا ..
جبد روحوا منها يشوف معا شفافها كيفاه منفوخين و حمر جمر راح يطرشقوا ، شفتها التحتانية بالدم
فاللحظة لي هي هزت يدها ضربتوا على كتافوا
ريناس : يعطييك ضربة كيفااه رااح نروح درك اافف
هزت يدها مست شفافها و زربت جبدتها كي وجعتهاا
رجع قدم لعندها و هي حطت يدها على فمهاا غطات شفافهاا
ريناس : يزيي فهد محوسني صح نموت اليوم
ضحك و جبدها لحضنوا يحضن فيها
فهد : بعييد الشر على روحي اناا ههه
تبسمت من كلاموا وهو جبدها من يدها يكركر فيها ورااه ..
شوي و كانوا قدام دارهاا واقفين
ريناس : سيبون روح درك
فهد : شبيك تحاوزي فيا يخي بالعقل ، مزلت مشبعتش منك
ريناس : فهد يرحم باباك روح تعرف كون تطل ماما درك و تلقانا مع بعضانا تقيم قيامتناا لزوج
بلع ريقوا وهي يشوف مع شفافها يتحركوا مزال مشبعش منهم و عمروا يشبع منهم مش سامع ليها و لي قاعدة تقول فيه
جبدها بخفة و طبع بوسة خفيفة على شفتها التحتانية وين كانت مجروحة
اما هي فزربت جبدت روحها منوا راح تموت بالخوف هزت عينيها تشوف مع الديار خايفة يكون واحد من الجيران شافهم
ريناس : وشبييك هبلت راناا فالحومة مش فالمدينة
هز كتافوا بعدم مبالات
فهد : ميهمنيش فيهم يخي نبوس فحبيبتي حرام ؟
سرحت فكلمة حبيتي بقات تشوف معاه و تتبسم
فهد : هههه بطلتي مش راح تدخلي ؟
فيقها من سرحتها بلعت ريقها ، قحرتلوا و مشات داخلة لدار
وصلت قدام الباب هزت يديها عدلت شعرها و تنهدت تدعي في قلبها تعدي الصبحة هذي على خير .. هزت يديها دقت الباب بشوي .. دقايق و فتحتلها سارة الباب
جبدتها من يدها لداخل و رجعت سكرت الباب
ريناس : ويني ماما ؟
سارة : ااسس نقسي حسك درك تسمعك ، وينك نتي من البارح نستنى فيك علابالك بلي مرقدتش ليل كامل و انا نستنى فيك
هزت عينيها تشوف حواليها الدعوة ساكتة
ريناس : خلينا نطلعوا الغرفة درك تنوض و تشوفني تطلع بروحي
قلبت سارة عينيها و مشات طالعة هي وياها ، يا ذوب ما دخلت للغرفة و سكرت الباب تنهدت برااحة تشكر في ربي لي محكمتهاش ، قريب كانت راح تعملها تحتها تعرف سميرة و جنونها ، حتى زينب مكانتش تخاف منها لدرجة هذي وقت تدخل موخرة لدار
سارة : وين كنتي يا اللاة ؟
شافت معاها و تبسمت بغباء
ريناس : ههه وين راح نكون كنت هنا برك
" طلعت حاجبها " سارة : وين كنتي بايتة ؟
ريناس : محسيتش بالوقت و من الغلبة رقدت عندهم
سارة : نشوفوا ماما لكان تصدق الهدرة هذي ، البارح بسيف باه خليتها ترقد و هي مكبشة باه تروح تجيبك
نفخت و رمات روحها فوق السرير
اما فهد فستناها حتى دخلت و مشا راجع لدار اول ماوصل فتحتلوا شهرزاد الباب بلا حتى ما يدق
فهد : بسم الله الرحمان الرحيم
" قحرتلوا " شهرزاد : وين كنت ياا هامل
قلب عينيه و دخل لدار
فهد : يخي فعمري 5 سنين انا درك ؟
حطت يديها على وسطها تصيح
شهرزاد : مخرج بنت النااس فعقااب الليالي و راجعلي فطلوع الفجر مهبول نتاا ؟ وش يحكييو الجيراان كي شوفوكم
فهد : اطمني مالا واحد ماشافنا
مشا طالع لغرفتوا مخليها تصيح وحدها
شهرزاد : فهد اروااااح هنااا مزلت مخلصتش هدرة
فهد : يمااا راااني مش رااقد و مش قاادر باه نسمع عيااطك
دخل لغرفتوا نحى تريكوه رماه بعيد و رما روحوا فوق السرير غمض عينيه و تبسم اخر حاجة كان متوقعها انوا ايتان تطلع ريناس ، مش مصدق بلي رجع شافها بعد ما قطع اليأس من شوفتها ،جبد تيليفونوا من جيبوا بعتلها رسالة و رجع حشا راسوا تحت المخدة يحب يرتاح شوي
رقدت شيء ساعة ورجعت ناضت ، تململت في بلاصتها و هزت لغطا من فوق راسها ، شافت مع الساعة لي جنب السرير قريب الثمنية ، تقعدت في بلاصتها و هزت تيليفونها راح تتصل بأمها ، لمعوا عينيها وقت لقات رسالة منوا ، ترسمت على وجها ابتسامة عريضة و زربت فتحتها << نستناك الساعة عشرة قدام الباب صغرونتي ♥ >> هزت التيليفون تحضن فيه و رمات روحها فوق السرير تضحك فرحانة الدنيا مش واسعتها
فالوقت لي دخلت سارة هازة منشفة تنشف فشعرها ..
سارة : صباح الخير
ناضت ريناس حضنتها و باستها من خدها
ريناس : صباح الخير يا أحلى اخت
تبسمت سارة على جنب حركت راسها و مشات للخزانة تحوس وش تلبس
ريناس : معليش نسقسيك
سارة : سقسي ..
ريناس : يخي علاه نتوما تع الروك ديماا هك عابسين و قالبين وجوهكم ؟
قلبت سارة عينيها و دارت لعندها
سارة : منيش تع الروك ستايلي برك
عوجت فمها ريناس و ناضت لعندها حكمتها من خدودهاا
ريناس : يخيي اضحكي شوي وريلناا سنيك هههههه
هزت سارة يديها تبعد فريناس عليها و الثانية مكملة تتمسخر بيها
سارة : اففف رينااااس يزيي بعديي عليااا و اخرجيي خليناا نجهز روحي نمشي نقراا
ريناس : متقوليليش دينا ثاني هك ؟
رجعت دزتها و دارت للخزانة تجبد فثايبها و تحكي معاها بلا متشوف فيها
سارة : كي تجي منبعد تشوفي ..
عوجت ريناس فمها و مشات هابطة للتحت وين لقات امها تحط فالفطور و اول ماشفتها تبسمتلها
سميرة : صباح الخير ياروحيي
ريناس : بوونجوور
مشات ليها باستها من خدها و حكمت بلاصتها فالطابلة
سميرة : البارح رقدت مقدرتش نستناك كنت عيانة
بلعت ريقها و هزتلها راسها تتبسم بتبهليل
ريناس : هههه ..اييه .. نعرف سارة قالتلي .. اصلا نتي رقدتي و انا دخلت والله محسيتش بالوقت كيفاه عداا مع طاطا شهرزااد
سميرة : مع طاطاك شهرزاد و لا مع الطايش هذااك ؟
"طلع وجها حمر " ريناس : ماما يزي متزيديش تقوليلوا الطايش راهوا كبر
" طلعت حاجبها " سميرة : جاك النيف عليه ؟ ديجا متشوقة نشوفوا كيفاه رجع باين مزال سلوڨي و طولوا ربع متر كيما كاان
تنهدت ريناس و حطت يدها على خدها
ريناس : اااخ وتشوفيه راه يهبل يجنن ياخذ العقل ..طول و عرض و هيبة و كاريزمة رجولة تنطق عينين زرق كتااف عرااض حضن داافي اااااااه ..
و هي سارحة في وصفوا متحس غير بالبليغة تعدات جنب راسها قريب قاصتها
سميرة : ااامشي من قداامي نااقص غير تعلني عشقك لييه .. يخي جيل يخيي تقوول صحبتهاا هنا مش امهاا
فاللحظة لي تنفضت ريناس تجري هاربة من سميرة لي كانت ترمي عليها بالحوايج
ريناس : ااعع يزيي مااماا خلااص
سميرة : اروااحي هناا ياا هاملة درك نوريلك الحضن الدافي و الكتاف العراض كيفاه يكونواا
دخلت لبيت باباها وسكرت الباب بزربة وقفت تلهث حطت يدها على قلبها ترد فالنفس كون بقات شوي راهي ردتها زرڨة ، تبسمت على جنب توحشت عراكها مع سميرة و خبطها و صياحها عليها ، تنهدت و هزت راسها لكمال لي كان قاعد فشرفة على كرسي متحرك و هاز فيدوا الجورنال يقرى فيه
قلبها غمها و هي تشوف فيه عاجز و حاكم الشوكة ... كانت طول عمرها تشوفوا الراجل القوي و الثابث لي ريح ماتهزوا و درك قاعد فوق كرسي متحرك وقوتوا الكل تهدت ،
طلع راسوا وقت حس بحركة شاف معاها واقفة عند الباب و تخزر فيه ، طبق الجرنال حطوا فوق الطابلة و تبسملها بحنانة
كمال : صباح الخير اميرتي
تبسمت و تجمعوا الدموع فعينيها قداه عندها مسمعتش الجملة هذي .. جرات لعندوا حضنتوا بكل قوتها دخلت فحضنوا العريض و حطت راسها على صدروا تشهق فالوقت لي هو هز يدوا يعڨب فيها على ضهرها يسكت فيها
كمال : وشبيها اميرتي تبكي شكون زعفها ؟
كملت تبكي من غير ما ترد عليه يكفيها انها فحضنوا و هو معاها
بعد دقايق بدات تهدى جبدت روحها منوا و طلعت راسها تشوف معااه
كمال : وشبيك يا روحي نتي ؟
حركت راسها بمعنى شيء و تبسمت
ريناس : توحشت كلمت اميرتي برك عندي سنين مسمعتهاش
بلع غصتوا و رجعوا عينيه حمر شوي و يبكي ، تنهد بإنكسار و هبط عينيه منهاا
كمال : كون يرجع بياا الزمان نتشرد البرى و منعاودش الغلطة لي درتهاا
ريناس : مدرت حتى غلطة نتا عطيتني لأمي انا لي مخي كان صغير و كبرت الحكاية
كمال : و انا لي حرمتك منها و بعدتك من حضنها و نتي لحمة خليتها كيف المجنونة تحوس عليك و راني نسلك في غلطتي شوفي حالتي درك كيفاه راني عاجز
غمض عينيه يتمالك فروحوا باه ميطيحوش دموعوا ، اما هي فقربت منوا طبعت بوسة على خدوا و تبسمت
ريناس : كلناا نغلطوا مكانش واحد ميغلطش .. و راح تتعالج راح نديك عند احسن الاطباء راح ترجع تااقف على رجليك و راح تهزني على كتفك و تمشي بياا كيماا كنت تهزني وقت كنت صغيرة ههه
كمال : شوي صعيبة اللخرة هذي منقدرلهاش رااني كبرت هههههه
ريناس : مااهاا ميهمنييش هههه
هز يدوا عداها على شعرها بحنانة وباسها من جبهتها
كمال : ربي لا يحرمني منك يااا روحي
تبسمت معاه و ناضت خارجة من الغرفة
وقفت قدام المراية شافت مع روحها آخر مرة و تنهدت دورت هزت تيليفونها من فوق السرير شافت مع الساعة ال10 ، سكرت التيليفون و حطتوا فجيب الشورط من الخلف و مشات هابطة ، تعدات على سميرة لي كانت فالكوزينة
ريناس : مااماا راني خارجة
سميرة : وين ؟
ريناس : شيء هناا برك عندي بزاف مشفتش الحومة
هزتلها سميرة راسها بمعنى
سميرة : ااه ريناس خلي معاك مفتاح الدار راه فوق الطابلة
هزت المفتاح من وين قالتلها و مشات خارجة
اما فهد فكان متكي على الشجرة لي مقابلة دارهم يستنى فيها و كانت مجموعة تع شباب قاعدين قداموا يلعبوا فالدومينوا ، اول ما تفتح الباب و خرجت شاف معاها من فوق اللتحت و طلع حاجبوا
فهد : وش لابسة هذي ؟
كانت لابسة شورط قصيير يغطي لي لازم و تريكوا ربع متر كرشها بكل على برى و طالقة شعرها الاصفر طايح على كتافها
غمض عينيه بعصب وقت سمع كلام الشباب لي قداموا
- سسسس شوف القطوسة هذي يخي منين خرجت
- قنبلة يااا *** منين نزلت هذي ؟
دور ليهم فهد يشوف معاهم راح ياكلوها بعينيهم كبس على قبضتوا و مشا ليهم حكم اول واحد من كول تريكوه
فهد : درك نوريلك منين جاات اليوم نحييلك الرحمة نتااعك
طاح فيهم خبط و ضرب و رغم انوا واحد مقابل خمس شباب الا انوا قدر يدمدمهم في خمسة كان غشوا مسيطر عليه يضرب بكل قوتوا مزال مخلقش لي يحط عينوا عليها ، فاللحظة لي ريناس مشات تجري تحاول تجبد فيه و هو حيط شعر ما ترحكتلوا
ريناس : فهدد يزيي يااا مهبووول وش ديير
تلموا سكان الحي عليهم يفرقوا فيهم بسيف باه جبدوا فهد من عليهم و الشباب لي كانوا لتم هربوا منوا بحكم بنيتهم ضعيفة و متتقارنش قداموا هوا مع قوتوا و عضلاتوا
حكموه زوج رجال كبار فالعمر يهديو فيه و هو يصيح
فهد : سيبووني الكللااب نورييلهم كيفااه يحكيوو علييهااا
مشات ليه ريناس تهدي فيه و لي معلابالهاش وش صاار و علاه طاح فيهم خبط بعد ما خرجت تضحك و فرحانة رايحة لعندوا لقاتوا داخل فعركة مع شباب ميتجاوزش عمر الكبير فيهم ال 20
دور راسوا يخزر فيها عينيه ظلمة مشا حكمها من يدها يجبد فيها
فهد : امشيي بدلي عليااا لبسة ال**** هذي
حاولت تتملص من قبضتوا لي وجعتها اما هو زاد كبس عليهاا
ريناس : فهد راك توجع فياا
وصل قدام باب دارها
فهد : تحركي ولبسي حاجة محترمة .. " سكت شوي وهز صبعوا يهدد فيه " .. و الله يا ريناس و نزيد نلقاك بشورط و لا لابسة لبسة ال**** هذي راح يكون حسابك معايا غالي
" قحرتلوا " ريناس : وشبييك نتااا مريض ؟ هذي لبستي و ديماا بيهاا
فهد : بكري هذيي من الييوم تتولهي وش تلبسي محوسة نباااصي على جااالتك ؟
صاح عليها خلاها تبلع ريقها و تجبد المفتاح من جيبها بيدين يرعشوا باه تحل الباب
فتحت الباب و دخلت تخض فروحها ناقص غير يتحكم فلبستها و يزيد يعيط عليها من الفوق
سميرة : ريناس رجعتي ؟
مشات طلعت لبيت بلا مترد عليها العصب ياكل فيها فتحت الخزانة و جبدت جين و معاه تريكوا لبستهم و رجعت هبطت فاتت على سميرة بلا متشوف معاها خرجت وقت هو كان واقف يهدي فروحوا اول ماشافها خرجت ومبدلة تنهد
فهد : كون من الاول هك مش احسن
ريناس : متحكيش معايا
مشات في وجهو و خلاتوا مبهم وساعوا عينيه يشوف فيهامبعدة هز صبعوا اشار لوجهوا
فهد : تحكي معايا هذي ؟
دار شاف خلفوا مكان كاين حتى واحد ،، حرك راسوا و مشا لاحقها
فهد : ايت.. " غمض عينيه مزال يغلط فإسمها " .. ريناس حبسي وين رايحة
ريناس : متحكيش معاايا متفهممش
فهد : زح وش درتلك ؟
مردتش عليه و دخلت عند اول حانوت قابلها
ريناس : اعطيني كعك تاع الفراز راني بلا فطور بسبة شي عباد
هزت عينيها قحرت لفهد لي دخل من خلفها و الراجل لي لتم مشا جابلها الكعك
هزت الكيس تع الكعك شافت معاه منبعد صاحت على الراجل لي جابوا
ريناس : قلتلك لي بلفراز علااش جاايبلي حب الملوك ( الكررز 😂 )
- عفوا غلافهم يشبه غلطت
ريناس : متغلطش ..
قاطعها وقت حط يدوا على ذراعها قبل ما تبدا تتعارك مع الراجل لي لتم
فهد : رينااس متكبريش الموضوع خلاص قالك متولهش
ريناس : كيفاااه ميتولهش هذيك فيها صورة الفراز و هذي فيها صورة الكرز لازم يكون اعمى باه ميتولهش
فهد : وين يعرف هو معندوش عينين يشوفوا بالاشعة السينية كيفكم نتوما النساا
شافت مع فهد و رجعت شافت مع الراجل لي كان باهت فيهم
ريناس : صح لأنوا كون جيتوا صح تشوفوا كيفنا كان التواليت تاعكم انظف من تاعنا
قحرتلهم لزوج و مشات خارجة فالوقت لي جبد فهد دراهم من جيبوا عطاهم للراجل و هز الكعك
فهد : ههه ساامحنا مرتي تتوحم و تعرف الحال كيفاه هههه
خرج لاحقها مخلي الراجل لي لتم حاير فيهم
- توبة استغفر الله
فهد : نقدر نفهم علاه مغشة؟
ريناس : كي تتعلم متهزش صوتك معايا نقولك علاه راني مغشة
قلب عينيه و زرب فخطواتوا حكمها من يدها دورها لعندوا
فهد : كون مش نتي لي خارجة باللبسة تع ال*** هذيك مكنتش نعيط مسمعتيهمش وش كانوا يهدروا محوسة نباصي في جرتك ؟
قحرتلوا و جات راح تعيط عليه لكن البنات لي كانوا مقابلينها خلاوها تسكت شافت معاهم كيفاه ذايبين في فهد و عينيهم خارجين قلوب فيه يشوف معاه راح ياكلوه بعينيهم
غمضت عينيها بعصب تتغزل تحكم فروحها بسيف باه متمشيش تنتفهم بالوحدة
رجعت فتحت عينيها و شافت معاه تبسمتلوا بحنانة و هزت يدها حطتها على خدوا تمرر فيها على لحيتوا
ريناس : خلاص يا روحي خليناا نمشيو
غلغلت صوابعها مع صوابعوا و قربت لعندوا لصقت فيه ، هزت عينيها للبنات تقحرلهم
فاللحظة لي هوا بقا مشوكي فيها كيفاه تغيرت
فهد : ريناس راكي مليحة ؟
هزت راسها طبعتلوا بوسة على خدوا
ريناس : جامي كنت مليحة كيما اليوم ههه
طلع حاجبوا و هي مكملة تمشي فيه ، تعداو على البنات لي كانوا راح يبكيو حاسدينها فيه
بعدوا شوي عليهم و دارت تشوف خلفها لقاتهم مكانش ضحكت بفرحة تقول عملت إنجاز ، فجأة شافت معاه و جبدت يدها منوا رجعت تقحرلوا
ريناس : بعد علياا علاه لاصق فياا ، ديجا شبيك لابس و حاط و مبرفن يخي رايح لعرس ؟ صاروا رجال يهتموا بالمظهر اكثر من النساا ااااه ياا دنيااا
مشات في وجهوا خلاتوا مبهم مخوا تبلوكا منها شيء من الجاست لي دارتوا وشيء من هدرتها ، صح دار برفان و عدل روحوا بصح عمل هذوا بكل باه يعجبها
فهد : يا ربي الصبر راح تهبلني عقااب عمري .. ريناااس ريناااس حبسي نحكي معاك
ريناس : ان مراسلكم لا يرد على المكالمة يرجى عدم المحاولة ابدا
وصلوا قدام بلاصة خالية شاف حواليه مكاين حتى واحد نفخ و جبدها من يدها دخلها جهة مبنى مهجور حشرها مع الحيط حاوطها بيديها
ريناس : بعد علياا وش قاعد الدير
فهد : هذا وش ينفع معاك نتي و درك تقدري تفهميني وشبيك تعملي هك ؟
هزت يديها حاولت دزوا و تبعد عليه لكن هو زاد لصق فيها لين جسموا تصدم بجسمها ، بلعت ريقها تشوف مع رقبتوا ريحتوا راح تجننها تعرف انوا نقطة ضعفها هي قربوا و حضنوا
هبط وجهوا لمستواها شافت مع بحر عينيه لي كل مرة تشوف معاهم تغرق فيهم تنهدت من اعماق قلبها
فهد : ريناس .. ؟
قلبت شفافها كيما الاولاد الصغار
ريناس : متزيدش تصيح عليا
تبسم من الجاست تعها و طبس طبع بوسة على خدها
فهد : ههه حاضر منزيدش نصيح على صغرونتي بصح كون مش نتي لي تخرجيني من عقلي منصيحش عليك
" رجعت قلبت شفافها " ريناس : مدرت والوا
تنهد من جواجيها لي جاست تعها راح يهبلوه راح يهبل من حلاوتها كون يصيب يفتح صدروا ويخبيها فنص قلبوا وين واحد ميقدر يشوفها من غيروا ، رجع طبس طبع بوسة على رقبتها تحت ودنها خلاتها ترعش
فهد : يخي وش درتي فيا يل طفلة
تبسمت معاه بالبسيف تحاول تخبي الرعشة لي سرات فبدنها من قربوا
ريناس : وين كنت راح تديني ؟
تنهد من اعماق قلبوا و هز راسوا حط جبهتوا فوق جبهتها
فهد : خلينا نمشيو
شوي و كانوا فبلاصتهم تع العادة ، شافت ريناس مع البلاصة و تبسمت ابتسامة عريضة
ريناس : ههههه فهد وشيا هذا ؟
حضنها من الخلف و حط راسوا على كتفها
فهد : عجبك ؟
ريناس : يجنن
بقات سارحة مع البلاصة لي كانت مفروشة ورد من كل الالوان حتى الاشجار و لف جذوعها بالورود و فنص كان حاط بساط احمر و فوقوا شوي من الماكلة
سحبها من يدها قعدت و قعد جنبها
فهد : مفطرتش صغرونتي ؟
هزتلوا براسها لا باقية تشوف مع البلاصة تحس فروحها وسط جنة , سحبها من يدها جات فوق حجروا
ريناس : هههه وش دير ؟
فهد : نفطر صغرونتي ..
هز يوكل فيها بيدوا يعامل فيها كيف بنتوا الصغيرة و هي تضحك فرحانة راح طير
بعد ماكمل عطاها آخر لقمة هز يدوا مسحلها شفتها بطرف صبعوا و عداها على لسانوا .. فاللحظة لي هي بلعت ريقها من الجاست تاعوا ..
فهد : صحة ..
ريناس : فهد ..؟
فهد : يا روحواا
رجعت بلعت ريقها مصر يهبلها برقتوا و لطافتوا
هزت يدها مترددة حطتها على خدوا ، تنهدت و قربت وجها لوجهوا
ريناس : حبيت وحدة منقبل ؟
تبسم بخبث و زاد كبس عليها فحجروا
فهد : وشكون قالك بلي منحبش ؟
فجأة وجها راح الوا و جا الوا ، صح كيفاه مفكرتش فيها من قبل واحد كيفوا بنفوذ و سلطة و رجولة كيفاه متكونش كاينة وحدة فحياتوا ، حست روحها غبية فالدقيقة هذي اكيد يكون معتابرها صديقة طفولتوا و فرح كي رجع شافها لا اكثر لا اقل و هي لحمارة لي بدات تبني فأحلام وردية
تجمعوا الدموع فعينيها و هزت يديها دزتوا من عليها
ريناس : متحكيش معايا ..
ناضت و مشات رايحة فاللحظة لي هوا بقا يرمش فعينيه
فهد : مي هذي صح مهبولة
فهد : مي هذي صح مهبولة
فجأة فاق من سرحتوا و ناض ليها لاحقها ، جبدهامن يدها ودورها لعندوا لقاها تبكي
فهد : ريناس يا روحي وشبيك اليوم كشما شربتي ؟
" قحرتلوا " ريناس : لا متخاافش راني مليحة و بزاف ثاني
حكم وجها بين يديه يمسحلها فدموعها
فهد : و الدموع هذوا علاه ؟
بقات تشوف معاه و هو يحكي بصوت هادي يمسحلها فدموعها تحس فقلبها راح يخرج نفسوا الشعور لي راح يهبلها كل مايقرب منها
ريناس : علاه.. مقلتليش ،؟
" طلع حاجبوا " فهد : وش نقلك ؟
زادت قوات فصوت بكيتها خرج صوتها متقطع
ريناس : بلي كاين .. مراا اخرى فحيااتك
بقى يشوف معاها ثواني و هي تستنى فإجابتوا ، طلق ضحكة و حرك راسوا يعني هذا هو سبب دموعها
فهد : غرتي ؟
عضت على شفتها مش قادرة تخبي احساسها اكثر من هك
ريناس : فهد.. اناا ..نحبك
قالت جملتها و رجعت تبكي بصوت عالي اما هو فبقاا يشوف معاها وقلبوا يدق بالقاوي مزال يعاود فجملتهاا مش مصدق بلي اعترافتلوا بحبها فالوقت لي كان هو خايف انوا تظهر مشاعرها مشاعر صداقة برك
فهد : عاودي وش قلتي ؟ هههههه ريناس عااودي وش قلتي درك
رجع يضحك بالصوت و هي تبكي
ريناس : ااييه ..نحبك رتحت دررك .. علاه مخبرتنيش من الاول و خليتني حتى تعلقت..
مخلاهااش تكمل جملتها غير تلقى روحها فالهوا و هو يدور بيهاا
فهد : تحبني و الله تحبني هههههه
ريناس : ااااع فهد راااح نطييح
هبطها و رجع حطلها راسها بين يديه
فهد : شوفي فياا وقوليهاا ريناس
"رجعت قحرتلوا " ريناس : امشي عند لي تحبها تقولهالك
فهد : يا طفلة يهديك ربي راني نموت عليك عينيا ميشوفوش من غيرك وشمن مرا تحكي عليها
شافت معاه مستغربة تحاول تركب في جملتوا داخل عقلها و قلبها زاد من وتيرتوا
ريناس : شك..كون لي كنت تحكي عليها
تبسم وجبدها لحضنوا حاوط خصرها بيديه
فهد : نحكي عليك يا روحي نتي
"ضحكت وسط دموعها " ريناس : يعني .. يعني نتا ثاني تحبني ؟
رجعت تضحك بالصوت صوطات لعندوا حضنتوا لفت رجليها على خصروا و حشات راسوا فرقبتها تبكي
فهد : ريناس يا عمري يزي خلاص
جبدت راسها من رقبتوا قابلت وجهوا ، تبسملها بحنانة
فهد : نحبك
قربها ليه اكثر باسها بوسة طيرتها و طيرتوا لعالم آخر بوسة معمرة بالمشاعر
من جهة آخرى في عيادة :
كان قاعد على البونك مرجع راسوا للخلف و مغمض عينيها بينما الطبيب قاعد مقابلوا على الكرسي هاز اوراق و ستيلوا في يدوا
- يعني نقدر نفهم بلي مزادوش رجعولك النوبات ؟
جواد : ايه
- حالتك راهي في تحسن موسيو جواد
فجأة فتح جواد عينيه و تقعد
جواد : هات تشو لي فيدك
طلع الطبيب حاجبوا و جواد خطفلوا الاوراق من يدوا
جواد : درك نقدروا نحكيو .. شوف راني رجعت نحب مرة آخرى و مش حاب يتعاود نفس السيناريو لي صرى من قبل
- مت..
جواد : ااففف اسكت متقاطعنيش .. وين كنت .. هييه قتلك رجعت نحب مرة آخرى و قادر يرجعولي النوبات نحبك تعطيني دوا و لا اي حاجة المهم مش حابهم يرجعولي
توتر الطبيب هز يدوا مسح حبات العرق لي نزلوا على جبينوا
- وهي تحبك ؟
" تنهد و رجع راسوا للخف " جواد : لا ..
- بصح مسيو جواد وش حكينا حنا طول السنين هذوا راك حاب ترجع للحبس ؟
جواد : هاذ المرة غير راح نخليها تحبني ..
- و كون متحبكش راح تعمل فيها كيما عملت فلي قبلها ؟
جواد : الحكي هذا مش من شأنك
ناض من بلاصتوا عدل الفاست تاعوا و هز يدوا عدل شعروا بصوابعوا
جواد : نظن يكفي لليوم ..
- دقيقة نكتبلك على الوصفة تاع الادوية
رجع الطبيب لبيروها يكتب فالوصفة و جواد وقف عند الشباك يتفرج مع المنظر و سارح لبعيد
- تفضل ..
دار لعندوا حكم عليه الورقة و مشا خارج .. اول ما وصل للباب رجع دار لعندوا
جواد : تعرف وش ندير فيك كون يسمع بابا بالهدرة هذي ؟
تلخلخ الطبيب و وجهوا راح الوان و جا الوان
- متخفاش .. مش راح نحكي راه سر بيناتنا
"تبسملوا ببرود " جواد : صحيت
خرج من عندوا و سكر الباب بهدوء تعدى بحدى السكرتيرة لي كانت حاطة يدها على خدها تتفرج معاه مش فاهمة واحد كيفوا وش يدير هنا
فالوقت لي هو فاق بيها دور شاف حواليه العيادة فارغة تبسم بخبث و دور راجع لعندها
جواد : سلاام
تبسمت بإغراء و خرجت شفافها تحكي معاه
- تفضل موسيو فاه نعاونك ؟
ضربتوا ريحتها و عينيه هبطوا لشق تاع صدرها لي نصوا على برى ، قرب لعندها هز خصلة من شعرها يلعب بيها بين يديه
جواد : تقدري تنعتيلي وينوا الحمام ؟
تبسمت بخبث و خرجت من خلف مكتبها و هو عينيه حاموا على بدنها و فخاضها العراينين
- تفضل من هناا
مشات قبلوا و هو من وراها يشوف فيها تمشي بإغراء يحس فناروا لهبت اول ما وصلوا للحمام فتحوا و جبدها من يدها دخلها معاه و سكر الباب
رجعوا لمكتب السكرتيرة لزوج يلهثوا
جواد : ظهرتي محترفة هههه
تبسمت بخبث و قربت لعندا لصقت فيه هزت يديها تلعب بكول الشوميز نتاعوا
- تحب نزيد نوريلك احترافي ههه ؟
جواد : نحب هيه بصح خسارة راح عليا الحال هههه راح نخليلك رقمي إتصلي بياا
هز ستيلوا و ورقةمن فوق مكتبها كتبلها رقموا و دور لعندها طبعلها بوسةخفيفة على شفافها
جواد : نستنى اتصالك
غمزلها و جبد لينات لبسهم و دور خارج ، ركب فالسيارة و قلع رايح لفيلا نتاع زينب
بعد شوي كان فالصالة يستنى في زينب شوي و نزلت لعندوا
زينب : سامحني طولت عليك
قربت لعندوا سلمت عليه
جواد : لا اصلا درك وين جيت
"قعدت مقابلتوا " زينب : كشماا صرا فالشركة ؟
جواد : لا مكاين والوا متشغليش بالك .. الصراحة جيتك على المؤتمر لي راح ينقام بعد غدوا فإيطاليا نحب ريناس تجي معاياا يعني نتي و بابا مش رايحين و انا وحدي مش راح نقدر نتصرف فكلش و منوا بعد تكون تجربة مليحة ليها
" عوجت فمها " زينب : بصح ريناس مش هنا مشات تشوف باباها و نظن مزلت طول عندوا
جواد : خالتي يومين و نرجعوا و ترجع تشوف باباها الخدمة متسناش
زينب : اييه معليش راح نعيطلها
جواد : اعطيني العنوان خلي نمشي ليها انا نجيبها
°•°•°•°
ماشيين مروحين يدها في يدوا بعد ماعدااو نهارهم الكل حب و تمعشيق .. وصلوا قدام دار ريناس
" نفخ على جنب " فهد : بديت نقلق من الحومة هذي انا اافف مزال الحال علاه مروحة درك
ريناس : يزي فهد نهار كامل و انا معااك زح
سحبها من خصرها لصقها لعندوا
فهد : و تبقاي معايا العمر كلوا منشبعش منك
هزت يديها تبعد فيه
ريناس : نااس تشوف معاناا وشبيك مهبول ؟
زاد قربلها يوشوش في وذنها
فهد : مهبول بيك
طلعوا خدودها حمر هزت راسها راح تجاوبوا و متحس غير بماء جامد طاح عليهم .. تنفضوا لزوج لبعيد لزوج يقطروا
- تفوووه الله لا تربحكم فوسط الحي خماااج وسختوا البلاد
طلعوا ريسانهم يشوفوا مع العجوزة لي واقفة على الشرفة تلعن فيهم و فيدها البيدون لي فرغتوا فوقهم
" صاح عليها " فهد : وش بييييك هبلتيييي ؟
- ويزيد يعلي فصوتوا تفوووه الله لا تربحك ولاد آخر زماان
جا راح يرجع يصيح عليها لكن ريناس حبستوا
ريناس : خلاااص خليهاا المراا كبييرة
فهد : مي هذي بسيكوبات كيفاه نخليها شوفي كيفاه ردتنا نقطروا لاحولة و لا قوة
هز يدوا عداها على شعروا المبلول بعصب و رجع يشوف مع روحوا ثيابوا يقطروا حتى ريناس مش احسن منوا
ريناس : ااافف امشي ادخل معاياا
فهد : باه تكمل علينا امك لداخل
ريناس : مهيش هنا و مزالت مترجعش
مشات هي تحل فالباب اما هو فدور قحر للعباد لي كانوا لتم يشوفوا معاهم
ليست هناك تعليقات:
إرسال تعليق