دخل لبيتها و نحا تريكوه رماه
فهد : مجاتش عجوزة كون راني وريتلها كيفاه ترمي عليا الماء ..عجوزة ال***
دور لباب طاحت عينواا عليها واقفة عند الباب و تضحك بسيف باه حاكمة روحها باه متطلقش ضحكتها
" قلب عينيه " فهد : اضحكي متخليهاش فقلبك ديجاا كلش من تحت راسك
ريناس : ههههههههههه و انا علاه ؟ والله واحد ماقالك حضني فوسطهم
شاف معاها تبسم بخبث و جبدها من يدها جات طايحة على السرير و هو فوقها
عدا شفافوا على شفافها من غير مايبوسها خلاها رعشت
فهد : ودرك رانا وحدنا وش ندير فيك ؟
بلعت ريقها فاللحظة لي سمعت حس جاي من اللتحت
ريناس : فهد نوض عليااا
فهد : منوضش
هزت يديها تبعد فيه و هو باقي مكبش مش حاب يتحرك .. رجعت سمعت الصوت ماشي و يقدم
ريناس : مكش تسمع فالحس هذا ؟
فهد : ماراني نسمع فوالوا من غير دقات قلبي ❤
رجع يبوس فيها من خدودها فاللحظة لي تحل الباب و دخلت منوا سميرة
شهقت ريناس و طبعت فهد بكل قوتها جا واقع على الارض .. اما سميرة فشهقت
سميرة : ياا بنت الكلب
دارت ريناس لعند فهد
ريناس : فهد حبيبي اهرب ماصدقت لربي لقيتك مش حابتك تموت
هز راسوا لطاقة ناض من البلاصتوا و مشا بزربة فتحهاا
سميرة: ياااا هاااامل يااا كلللب وش دييير مع بنتيي
دورت خارجة من الغرفة باه تلحقوا اما هو فكان ديجا هبط فالشجرة و مشا يجري ، خرجت من الدار شافت حواليها ملقاتوش غمضت عينيها بعصب
سارة : ماماوشبيها حالتك هك ؟
قحرتلها و رجعت دخلت لدار طلعت تجري عند ريناس فتحت باب غرفتها و صوطات عليها تضرب فيها
سميرة : ياااا الهااااملة تدخلي فيه لدااار و مطلعتواا لبييتك
ريناس : ااااعع ماما حبسسيي مش كيمااا فهمتيي
سميرة : مش كيماا فهمت يااا هااملة شفتوا فوققك عرياان و يبوس فييك
دخلت سارة لي طلعت تجري بعد ما سمعت صوت لعيااط لقات امها تضرب فريناس .. مشات بزربة وقفت بيناتهم
سارة : ماما وش دييريي راااح تقتليي الطفلة
سميرة : بعديي نتيي من وجهيي اليوم نربييها نعتلهاا كيفاه مخليتوا يبوسسها
اول ما جبدت سارة سميرة طاحت ريناس مغااشية
شهقوا لزوج يشوفوا فيها طايحة على الارض
سارة : ماما وش درتي
هبطت لعندها تنوض فيها
سارة : ريناس .. رينااس ..اااففف ماما افف متقدرييش تقعدي عااقلة وش دااك ليهاا رااهي طول عمرها عاايشة فالمديينة و تخماامها مش كيفك اااففف
سميرة : يزي بلا هدرة و عاونيني نهزوها لسرير
فالوقت لي فهد دخل لدار سكر الباب و تكى عليه يلهث بعد ماتقطع عليه النفس و هو يجري
خرجت شهرزاد من المطبخ شافت معاه يلهث عريان من فوق و سروالوا مبلول
شهرزاد : فهد وشبيها حالتك ؟
مشا لعندها حكم يديها بين يديه
فهد : يما لكاان حابتني نزوج و نجيبلك احفاذ متفتحيش الباب كي يدق راني مزلت مش حاب نموت
شهقت شهرزاد و حطت يدها على قلبها
شهرزاد : ياا ناري وش درت ؟ معامن متورط المرة هذي ..يا ولدي مش رااح تعقل رااك كبيير و مزلت طاايش شوف خوك الصغير اعقل منك..
قلب عينيه و جبد روحوا منها مشا طالع فالدروج ، دخل لبيتوا و رمى ثيابوا ، جبد تيليفون كلم ريناس اما مش قاعدة ترد عليه ، رمى التيليفون فوف السرير و نفخ بعصب ، مشا لخزانة يجبد فثياب نظيفة ، رجع تيليفونوا يصوني رمى لي فيدوا بسرعة و شاف معاه يلقاه اسامة نفخ على جنب كان مفكرها ريناس
فهد : وش تحتاج ؟
اسامة : والله لباس و نتا وش احوالك ؟
" قلب عينيه و رمى روحوا فوق السرير " فهد : اسامة راني مش قاعدلك احكي وش تحتاج و خليني نسكر
اسامة : وشبيك ؟ كشما صرى ؟
فهد : والوا مشاكل تاع الدار برك
اسامة : مالا دير حسابك ترجع اليوم ، عيطولي من فرنسا امي مريضة لازم نطلعلها و مكانش لي يمشي لمؤتمر ايطاليا من غيرك
فهد : اااافف منين خرجتلي ايطاليا درك منقدرش نمشي
اسامة : شوف مدام زينب و نبيل مش رايحين و راهم باعتين جواد و انا معنديش فيه ثقة الراجل هذاك على الاقل يروح واحد فينا معاه
عوج فموا يخمم في حكيوا و شاف انوا عندوا حق حتى هو معندوش ثقة فجواد و المشروع هذا راح يسببلهم بزاف خسائر كون يفشل
فهد : اوكي اوكي راح نمشي
سكر عليه الخط و رجع يتاصل بريناس لازم يخبرها بلي راح يرجع اليوم اما هي مزلت متردش
من جهة اخرى فدار ريناس :
تعاونوا لزوج هزوها لسرير
سميرة : هاتي الريحة هناا درك تفيق
سارة : اخرجيي ماما درك نبقى معاها مش حابتها ترجع تتغاشى وقت تشوفك
عوجت فمهاو دورت خارجة من البيت
سميرة : كي تفيق قوليلي
يا ذوب خرجت سميرة من الباب مشات سارة حركت ريناس
سارة : نوضي خلاص اي خرجت
حلت ريناس نص عين شافت مع سارة و رجعت شافت مع الغرفة فارغة تنهدت براحة و عدلت روحها فوق السرير
ريناس : كيفاه عرفتي بلي نمثل اافف وين غلطت ؟
سارة : عندك شوي اخطاء شوفي
وقفت من بلاصتها تنعتلها بيديها كيفاه دير
سارة : هزي عينيك الفوق هك قبل ماطيحي و نقسي من تنفسك اتنفسي ببطىء و منبعد ارخفي روحك و ارمي روحك ببطئ
ريناس : هههههه ينخااف منك
سارة : لازمك تتعلمي وقت تكون عندك ام كيما سميرة
ريناس : زح والله قرييب مت وقت دخلت علينا
سارة : ونتي مهبولة تدخليه لدار و ماما هنا ؟
ريناس : سمعتها صباح هدرت مع بابا و قاتلوا لعشية نمشي نجيب دينا وين نعرف انا بلي ماراحتش
سارة : و حتى و لو مكانش ، مكانش لازم دخليه و ديجا وشبيها حالتك هك تقطري ؟
ريناس : ااافف سارة شفتيني دخلتوا بإرادتي كون مش البسيكوبات تع الجارة لي رمات علينا الماء مكنتش ندخلواا
" وساعوا عينيها " سارة : رمات عليكم الماء ؟ علاه ؟
"هبطت عينيها و عوجت فمها " ريناس : شافتوا محضني
سارة : هههههههه يا طفلة نتي وشبيك مهبولة ؟ تحضني فيه و مدخلتوا لدار راكي فوسط حي شعبي مكيش فالمدينة
ريناس : وين نعرف اناا زح
سارة : و زيد الاشاعات تنتاقل ليه ليه تعرفي صباح البنات بكل يحكيو عليه فهد هذا
" طلعت حاجبها " ريناس : انعم ؟ وش يحكيو عليه ؟
سارة : تي راكي متعرفيش النسا لي هنا هات برك يشموا ريحة راجل اعزب تشوفي كيفاه يتلموا عليه كيف الذبان
"غمضت عينيها بعصب " ريناس : خليهم يجربوا و الله نقلعلهم عينيهم بالوحدة
قطع عليهم صوت الدقان لي جاي من الشباك ، هزوا هينيهم شافوا مع فهد متكي على الشجرة و يدق
سارة : وش يدير هذاا هنا محوس يموت
تنفضت ريناس فتحتلوا الشباك و هو دخل
ريناس : وشبيك هبلت
فهد : منالصباح نعيطلك متهزيش لازم نحكي معاك
شافت معاهم سارة و عوجت فمها
سارة : راح نهبط عند ماما ، ازرب احكي معاها
تبسملها فهد و هي خرجت و سكرت عليهم الباب
جبدها فهد لعندوا حضنها
فهد : كشماا دارتلك ؟
ريناس : لا متخاافش بصح مكانش لازم تجي فهد اخرج قبل ماتفيق
فهد : درك نمشي جيت برك نخبرك بلي راجع درك
" طلعت حاجبها " ريناس : وين راجع
فهد : سمعتي بالمؤتمر تاع ايطاليا و اسامة طلعتلوا خدمة تحتمت عليا نروح انا
ريناس : جواد رايح مش لازم تروح نتا
فهد : الصراحة معنديش فيه ثقة الراجل هذاك و زيد معاه نجوى منقدرش نخلي المشروع فيدهم
عضت على شفتها و كبست على يدها
ريناس : نجوى رايحة ؟
"عوج فموا " فهد : منعرفش
سمعت حس سارة هي و سميرة ماشي و يقرب تنفضت جبدت فهد من يدوا
ريناس : راااهم جاايين ازرب امشيي
فهد : حبسي الزح محضنتكش
ريناس : فهد ..
مخلاهاش تكمل قطع عليها ببوسة خفيفة على شفافها و جبدها لعندوا حضنها
فهد : راح نتوحشك
ريناس : حتى اناا
زربت سكرت الشباك و رجعت لبلاصتها غمضت عينيها فالوقت لي تحل الباب و دخلت منوا سميرة و سارة من خلفها لي تنهدت براحة وقت ملقاتش فهد
سميرة : زعما نستدعي الطبيب راني بديت نخاف وشبيها محبتش تفيق ؟
سارة : ماما يا روحي نتي خليها درك شوي و تفيق اهبطي طيبيلها حاجة سخونة تشربها درك نبقى معاها انا
سميرة : عيطي لخالتك قوليلها بلي منقدرش نحي ندي دينا
سارة : حاضر درك نعيطلها
خرجت سميرة من عندها و ريناس رجعت فتحت عينيها
سارة : قريب بلت فتحتي خفت تشوفوا
ريناس : تعرفي عندي سنين مخفتش كيما خفت اليوم
رجعت رمات روحها فوق السرير و هزت المخدة حطتها فوق راسها
سارة : راح ترقدي ؟ نوضي بدلي ثيابك قبل ما تمرضي
ريناس : والله من الفجعة لي كليتها اليوم مش قادرة نحرك صبعي حتى
°^°^°^°^°
بعد ماشبعت رقاد بدات تتململ في بلاصتها هزت المخدة من فوق راسها شافت مع الساعة لقاتها 21:00 نفخت على جنب و ناضت تحك فعينيه ، فاللحظة لي تحل الباب و دخلت سارة
سارة : مزية فقتي كنت راح نوضك كاين واحد لتحت يستنى فيك
" عوجت فمها " ريناس : شكون ؟
سارة : قاعد يقول بلي ولد خالك
" طلعت حاجبها مستغربة " ريناس : جواد .. وش جابوا ؟
هزت سارة كتافها بمعنى منعرفش و هي ناضت من السرير
ريناس : نعمل دوش و نهبط
دخلت للحمام دوشت بالخف و خرجت لبست ثيابها نشفت شعرها و هبطت لتحت لقاتهم مجمعين فالصالة جواد مع سميرة و كمال
سميرة : هااي شرفت
قحرتلها بلا ماينتابهولها تتوعد فيها بعينيها اما ريناس فبلعت ريقها و قربت قعدت مقابلتهم
ريناس : جواد وش جابك ؟
جواد : والله جيت نديك يا ريت تجهزي روحك
سميرة : راه يقول بلي جاتكم خدمة مستعجلة و يحتاجوك
طلعت حاجبها و هزت راسها تسقسي فيه بعينيها
جواد : المؤتمر لي راح ينقام فإيطاليا بابا و خالتي مش رايحيين و مكانش غيرنا لي يحظرلواا
عوجت فمها جات راح ترفض و تقولوا بلي مش حابة تمشي مزلت ماشبعتش من عايلتها لكنها رجعت تفكرت حكي فهد وقت خبرها بلي رايح و يمكن نجوى تاني تمشي معاهم و هي مترتاحلهاش اكيد مش راح تخليه يمشي وحدوا
دارت شافت مع باباها و سميرة لي علامات الحزن ظهرت عليهم مصدقوا لربي رجعتلهم و راهي راح تزيد تمشي ، مشات لعند كمال حضنتوا
ريناس : نخلص خدمة و نرجع وعد
كمال : عندك متزيديش ترجعي
سميرة : والله نقتلها نمشي نجيبها من شعرها و نقفل عليها هنا و تحلم تزيد تخرج
ضحكوا الكل من حكيها و هي زادت كبشت في كمال
ريناس : ههههههه لاا راح نرجع
بعد ما ودعت اهلها و لمت ثيابها ركبت معاه فالسيارة و قلع راجع للمدينة
طريق الكل و هي سارحة فتخمامها لبعيد تشوف من شباك السيارة الدنيا ظلمة و هوما وحدهم لي يمشيو فالطريق ، معرفتش علاه حست بخوف و تملكها احساس خايب ، دورت راسها شافت معا جواد لي كان يسوق عادي ، طريق الكل و هو ساكت و هي كانت مستغربة سكوتوا و هدوؤوا رغم الشيء لي صار معاهم فآخر لقاء ، عوجت فمها و رجعت دورت راسها لشباك احسن حتى هي مش حابة تاخد و تعطي معاه .. رجعت راسها للخلف غمضت عينيها ..
حست بالسيارة كي وقفت حلت عينيها مستغربة ، شافت حواليها كاين غابة على الجنب و الدنيا ظلمة غير ضوء خفيف لي جاي من بعيد و حتى الطريق فارغة
بلعت ريقها و دورت راسها شافت مع جواد
ريناس : وش كاين علاه حبست ؟
جواد : عينياا بسيف باه حالهم حبست نرتح شوي نخاف نعمل حادث و انا هك
ريناس : اعطيني نسوق فبلاصتك
حلت حزام الآمان و جات هاطبة لكن يدوا حبستها
جواد : لا خليك الدنيا الظلمة و الطريق فارغة
ريناس : و كي حبستلنا نتا هنا فوسط الخلاا مقلتش الدنيا فارغة ؟
جواد : يا روحي متخافيش راني معاك
قحرتلوا و رجعت غمضت عينها تهدي فروحها
ريناس : كنت قادر تبعت الشوفور يجي يهزني علاه جيت نتا ؟
جواد : حبيت نتعرف على باباك
جات راح ترد لكن صوت التيليفون قطع عليها شافت مع المتصل لقاتوا فهد بلعت ريقها كون يسمع بلي راهي مع جواد راح يقلبها فوق راسها تعرفوا ميحملوش
جواد : شكون ؟
ريناس : ميهمكش ..
قصت على الاتصال و بعتتلوا رسالة بلي متقدرش ترد عليه و رجعت التيليفون فالساك
هزت راسها لجواد لقاتوا سارح فيها
ريناس : كشما مضيع في وجهي ؟
جواد : و هو الواحد يقدر يبعد عينيه من عليك ؟
تبسمتلوا تبسيمة صفرة و قلبت عينيها دارت لشباك عطاتوا بظهرها مش حابة تفتح حديث معاه
ريناس : مش حابة نفوت ليلة كامل هنا يا ريت ترقد دقايق و تنوض تخلينا نكملوا
بدات تحل فعينيها بشوي تحس فشفافوا يتعداو على خدها هابطين لرقبتها ، رجع قلبها يدق بالقاوي و تنفضت من بلاصتها ، فاللحظة لي جواد جبد روحوا منها
" صاحت عليه " ريناس : وش دييير ؟
" تبسم " جواد : صباح الخير
هزت يدها ضربتوا من على صدروا و قحرتلوا قحرة تاع موت جات الشوفة تقتل كون راه مات
هزت صبعها في وجهوا تهدد فيه
ريناس : شوف معاايااا نحكي معااك راااني بسيف باه متحملتك و متحملة تصرفاتك البايخة متخلينيش نغلط معاك و اخر مرة تزيد تحط كسرتك علياا و لا تقربليي فااااااااهم ؟
رجع يتبسم ببرود حكم صبعها لي كانت هازتوا في وجهوا و باسها منوا
جواد : حاضر ياا روحيي
جبدت يدها منوا تتغزل تحس فروحها راح تطرشق بسيف باه حاكمة روحها باه متحكموش تنتفوا ،
ريناس : خمااج
اما هو فعدل روحوا و رجع شغل السيارة طريق الكل و الابتسامة متنحاتش من على وجهوا بعد ما عدى الليل الكل و هو جنبها و من اليوم و رايح راح يدير اي حاجة باه يخليها تحبوا و ترضخلوا و لا مجاتش لطريق بالطريقة السهلة راح يضطر يستعمل الطريقة الصعيبة المهم عندوا ترجع تبادلوا نفس الشعور
ماصدقت وصلت قدام الدار ، نزلت من السيارة و خبطت الباب من خلفها ، مشات لصندوق السيارة جبدت الفاليز نتاعها و رجعت سكرتها
جواد : خليني نهزها تقيلة عليك
ريناس : يخي نتااا متفهمش ؟ قتللك ابعد اخطيينيي
مشات تكركر فالفاليز نتاعها دقت الباب
جواد : الطيارة الساعة سبعة جهزي روحك راح نستناك فالمطار
مردتش عليه و دخلت اول ما تفتح الباب ، خبطت الباب في وجهوا فاللحظة لي هو تنهد و حط يديه فالجياب راجه لسيارتوا
جواد : الظاهر راح تعبني معاها هذي
اما هي فعطات الفاليز للخدامة و مشات لصالة وين امها و لي وقت شافتها مشات تجري حضنتها
زينب : ياا روحي نتيي جيتيي
ريناس : هههه توحشتك ماماتي
زينب :حتى اناا اااااخ تشوفي الدار بلا بيك قبر
ريناس : بيانسير قبر و مولاتها مكاانش ههه
" تنهدت " زينب : باباك معليهش ؟
ريناس : يعني شوي مزال مش متقبل وضعوا بصح حكيت معاه راح نخليه يساافر و يتعالج لازم يرجع كيما كان قبل
" تبسمت " زينب : هييه يا روحي اوقفي معاه باباك محتاجك ... جواد وينوا علاه مدخلش ؟
قلبت عينيها وقت سمعت اسموا
ريناس : معلاباليش بيه و تعرفي ماما الراجل هذا منحملوش و منحملش نسمع سيرتوا
زينب : ريناس وشبيك هبلتي ؟ الطفل ولد خالك
ريناس : ولد خالي و لا ولد عمي قلتلك منطيقوش على هذي متزيدش تجبدلي عليه تعيشي
دورت و مشات طالعة لغرفتها ، جبدت تيليفونها من الساك كانت راح تعيط لفهد بصح تراجعت خلي تعملهالوا مفاجأة احسن
اما فهد فكان فداروا هذا وين خرج من الدوش وقف قدام المراية ينشف فشعروا بالمنشفة ، رجع رماها فوق السرير و مشا لدريسينغ نتاعوا لي اشكال انواع من الثياب و الكوستيمات ، جبد شوميز و وقف مقابل المراية يلبس فيها ، كتافوا عراض و عندوا بزاف عضلات بلاشي طولوا و هيبتوا و زينوا لي يسحر و لي يخلي اي مراا تشوف تتفتن بيه ، عدل شعروا بطرف صوابعوا و رجع لبس سروالوا ، هز البارفان لي ريحتها تدوخ فشفش روحوا و جبد الفاليز يعمر فيها ، جبد اوراقوا و جواز سفروا من الدرج ، فالوقت لي سمع الباب يدق ، طلع حاجبوا شكون لي راح يجيه على صباح ربي ، رمى لي فيدوا و مشا فتح الباب
فتح باب شاف معاها من فوق لتحت و قلب عينيه
فهد : وش جابك ؟
قربت لعندوا حطت يدها على وسطوا و طبعت بوسة على خدوا ،
نجوى : لباس ؟
فهد : جيتيني باه تسقسي عليا ؟
" عوجت فمها " نجوى : خبرني اسامة بلي مسافر لايطاليا في بلاصتوا ، جيت باه نمشي معاك
حكمت الفاليز نتاعها و جات داخلة لدار
فهد : اااي وين دااخلة ؟
وقفت في بلاصتها مخلوعة من صياحوا بلعت ريقها و جاوبتوا : شبيك فهد تصيح ؟ طريقنا واحد قلت نمشي معاك
قلب عينيه و قرب لعندها حكمها من يدها كبس عليها و مشاها للخارج
" لز على سنيه " فهد : شوفي نجوى راني مش فاضيللك و تعرفي كون نفضالك وش ندير فيك راني نمحييك و على هذي بعدي على *** فاااااهمة
ذبلت عينيها عاملة روحها راح تبكي اما هو مكلفش روحوا حتى يشوف معاها خرجها و خبط الباب في وجهاا ، رجع لغرفتوا يلم فثيابوا و يكفر بالمقلوب اكثر عبد يكرهوا هو نجوى منساش المشاكل لي صرات بسبتها كامل حتى انوا كان راح يخصر صديقوا الوحيد بسبتها يعرفها حية كبييرة و دير لي فراسها بلا متخمم في حتى واحد ... رمى روحوا فوق السرير و هز يدوا عداها على وجهو بزربة يهدي فروحوا ، هز تيليفونوا كلم ريناس و نفس الشيء من البارح متردش عليه نفخ بعصب اكيد تكون سميرة عند راسها عليها مقدرتش تحكي معاه
فالوقت لي هي حكمت فاليزتها و مشات خارجة من المبنى تخض في روحها تتحلف فيه مش مصدقة بلي طردها و غلق الباب في وجها
نجوى : معللييش ياا سي فهد نورييلك الاياام بيناتناا
قطع عليها صوت التيليفون لي يصوني انيس يتااصل بيها
نجوى : اااففف وش يسحق عندي هذاا درك راح يمرضني
سكرت التيليفون و رجعت رماتوا فالساك ،
دخل لطايرة قعد فالمقعد لي حجزوا جنب النافذة ، هز يدوا يشوف مع الساعة و تنهد نفخ على جنب ميحبش يسافر كون جات بيدوا راهوا مزال معاها ماصدق لربي باه لقاها مش حاب يضيع وقتوا من اليوم و رايح و هو بعيد عليها
هز راسوا شاف جواد و نجوى داخلين مع بعض قلب عينيه منهم فردة و لقات ختها مش عارف كيفاه راح يقدر يتحملهم وحدوا الايام هذي ،
شاف معاه جواد من فوق لتحت و تعدى ماشي لمقعدوا لي حجزوا خلف فهد ،
اما فهد فحط فوذنيها السماعات و ربط الحزام دور وجهوا يشوف مع الشباك مش حامل روحوا ، شوي وشم ريحة مش غريبة عليها ريحة تهبلوا منين يشمها يسكر بلع ريقوا و داار بسرعة تقابلوا قاعدة قداموا و تتبسم
فهد : ريناا..س ؟
ريناس : كنت مفكر راح نخليك تمشي وحدك ؟
ضكك ضحكة خفيفة و جبدها لعندوا حضنها مش مصدق بلي راهي قداموا
فاللحظة لي جواد طلعلوا الغاز لراسوا سكر عينيه بعصب و كبس على بونيتوا راح ينوض يضربوا لكن يد نجوى لي تحطت على فخدوا حبستوا ، شاف معاها العصب ياكل فيه عملتلوا جاست بعينيها تطمن فيه
تنهد يحاول يهدي فروحوا
اما فهد و ريناس فكانوا في عالم ثاني بعد ما قلعت الطيارة .. حاطة راسها على كتفوا و هو مغلغل صوابعوا فصوابع يدها ، طبس راسوا وشوشلها في وذنها
فهد : تعرفي كون جيت علابالي بلي راح تجي كنت استأجرت طيارة خاصة و استفردت بيك وحدي
فالوقت لي هي تبسمت و هبطت عينيها حشمانة من كلاموا
فهد : علاه مخبرتنيش ؟
" عوجت فمها " ريناس : وقت رحت نتا جاني جواد .. ( قلب عينيه وقت سمع بسيرتوا نفخ على جنب و هي كملت تحكي ) .. حبيت نخليهالك مفاجأة
فهد : و احلى مفاجأة ..
طبع بوسة على راسها و هي زادت حشات راسها في صدروا
بعد ساعات و اخيرا حطت الطيارة في مطار روما .. خرجوا في اربعة من المطار وصل عندهم واحد من العمال لي عند فهد فإيطاليا عطالوا مفتاح السيارة
- مرحبا بيكم موسيو فهد
تبسملوا فهد و عطاها الفاليز نتاعوا و نتاع ريناس حطها فصندوق السيارة ، فتحلها الباب باه تطلع ، دارت خلفها شافت جواد و نجوى ركبوا فسيارة آخرى
ريناس : راح يبقاو معانا في نفس الاوتال ؟
فهد : والله جات بيدي راني كريت دار ليا انا وياك احسن مانقعدوا معاهم راني مش حاملهم لزوج ،
حركت راسها و طلعت فالسيارة ، سكر الباب عليها و رجع طلع جنبها ، قلع بيهم الشوفور رايح للاوتاال ،
قدم فهد لريناس لي كانت سارحة فالمناظر لي تشوف فيها من شباك السيارة ، حط راسوا على كتفها طبع بوسة خفيفة على خدها و همس في وذنها
فهد : وش رايك نمشيو و نخليولهم الاجتماع ليهم
" تبسمت و دارت لعندوا " ريناس : مش على اساس معندكش ثقة فجواد
فهد : وش رااح ندير وقت نشووفك نهبل اااخ تعرفي تقول نهزك و نهرب بيك نعيشوا بعيد وحدنا حنا الزوج
ضحكت هي ضحكة خفيفة و هو قرب لعندها راح يبوسها لكنها بعدت قبل ما يقيسوا شاففها شفافوا ، عملتلوا جاست بعينيها على الشوفور و هو قلب عينيه
دور لعند الشوفور لي كان يشوف معاهم فمراية السيارة
فهد : سمير وش رايك تلم عينيك قبل ما ننقبهملك
تلخلخ الشوفور بلع ريقوا و وجهوا طلع حمر
- سامحني موسيو
دخلوا للاوتال تعداو لإستقبال وين كان كاين جواد و نجوى معاه ... دور جواد لعند ريناس عطالها مفتاحها
جواد : غرفتك فالطابق 7 غرفة 176
حكمت عليه المفتاح و فهد شاف معاه من فوق لتحت ... و مشا راح يهز مفتاحوا من عند تاع الاستقبال و وقت عرف بلي غرفتوا فالطابق الخامس قلب عينيه ودار لعند نجوى
فهد : قداه رقم غرفتك نتي ؟
نجوى : 100
لز على سنيه بعصب وقت فهم بلي جواد عمل هك بالدمة باه يحط نجوى معاه و يبعد ريناس ... هز عينيه قحرلوا شاهي يحكموا يكسروا ... نفخ على الجنب و خطف المفتاح من عند ريناس و رجع يحكي مع نجوى
فهد : احكمي هذا و هاتي مفتاحك
جواد : اااي وش قااعد الدير
فهد : سكر فمك نتاا احسنلك متخلينيش نكسرك درك طراف طراف
" تبسم ببرود " جواد : خوفتني تعرف هههه
لز. على سنيه العصب ياكل فيه جا رايح لعندوا يضربوا لكن ريناس حبستوا وقت حطت يدها على صدروا تهدي
ريناس : يزي فهد خليك منوا
غمض عينيه بعصب يهدي فروحوا و دار لعند نجوى خطفلها المفتاح من يدها و عطاها الآخر ... حكم ريناس من يدها و مشاو طالعين ،
فالوقت لي جواد كبس على يدوا راح يجن
جواد : ال**** اصبر علياا نعرف كيفاه نربيك
قربت لعندوا نجوى تتزعبن لفت يديها على وسطوا حضنتوا
نجوى : خليك منوا راح يجي وقتوا .. ( زادت قربت لعندوا و تبسمت بخبث ) .. شوف للجانب المليح غرفتك راح تكون جنب غرفتي و وقت ماتحب تعدالي نشيخك
غمزتلوا و هو رجع تبسم بخبث
جواد : وش رايك تشيخيني درك بعد ؟
طبعت بوسة خفيفة على شفافوا و قربت همست في وذنوا
نجوى : جاهزة ديما
فاللحظة لي هو شعلت ناروا حكمها من يدها مشاها للمصد اول ما تسكر عليهم جبدها لعندوا يبوس فيها بكل وحشية ، تفتح باب المصعد خرجوا منوا بلا مايبعدوا على بعضاهم ... وصلوا لباب الغرفة زرب فتحها دخل و سكر الباب برجليها ... هزها بين يديه و رماها على السرير و نزل عليها يبوس فيها من رقبتها ... وقف على ركايبوا يفتح فالشوميز نتاعوا و رجع لعندها مكمل يبوس فيها
حبس فهد قدام غرفة ريناس لي كانت جنب غرفتوا .. وقف يستنى فيها تفتح الباب
فهد : ااففف ريناس خليك معايا فغرفتي علاه راسك يابس هك
ريناس: مهبول نتا نقعد معاك فنفس الغرفة ؟
تبسم بخبث و قرب لعندها حشرها مع الحيط
فهد : وش فيها ؟ مش اول مرة تقعدي معاياا فغرفة وحدة .. و فسرير واحد
طلعوا خدودها حمر هزت يديها بعدتوا من عليها
ريناس : ااااعع فهد اااسكت
فهد : هاياا يا روحي امشي معايا لغرفتي
ريناس : مستحييل فهد تعرف جواد وقت يعرف بلي رانا قاعدين فنفس الغرفة راح يخبر ماما
قلب عينيه و تمتم بين شفافوا يسب فالخراا تاع جواد هذاا
فهد : ااافف اوكي
تبسمت معاه و قربت لعندوا باستوا من خدوا
ريناس : تصبح على خير
حلت لباب جات داخلة لكن هوا حكمها من يدها رجعها لعندوا
فهد : من خدي ؟ يخي خوك انا تبوسيني من خدي
رجعت تبسمت هزت يديها لفتهم على رقبتوا لصقت بدنها فبدنوا و هو شهق ... حط يدوا على خصرها يتحسس فيه .. و هي حطت شفافها تمشي فيهم على طول خدوا طبعتلوا بوسة خفيفة و رجعت لخدوا الثاني عملت نفس الشيء .. هبطت شفافها حطتهم فوق شفافوا باستوا بوسة خفيفة و هو ذااب الجاست تعها و شفافها هبوله ..
ريناس : بونوي حبيبي
همستلوا جنب ودنوا و زربت هربت منوا ، سكرت عليه الباب و تكات عليه تتبسم
اما هو فكان داايخ من قربها مفاقش غير وقت سمع الباب تسكر تنهد تنهيدة من اعماق قلبوا الطفلة هذي راح تهبلوا ، حرك راسوا و مشا لغرفتوا فتح الباب دخل طول رمى روحوا فوق السرير
اما هي فرمات طالونها و مشات للحمام عمرت البانيوا بالماء السخون نحات ثيابها رماتها على الارض و دخلت فيه ، غمضت عينيه و رجعت راسها للخلف تستحلى فالدفاا تع الماء ...
عوجت فمها ياريت قبلت تقعد معاه في غرفتوا حتى هي رجعت متقدرش تبعد عليه و كون تصيب راهي ديماا لاصقة في صدروا الدافي ... بصح كون تبقى معاه اكيد جواد راح يعرف و راح يخبر امها و تصير مشكلة كبيرة .. نفخت بعصب جواد تع الهم هذا رجع يقلقها بزااف بداها بوجهوا الصحيح و كملها بتصرفاتوا البايخة و ليجاست تاعوا التافهين كيفوا
كان رااقد وقت سمع صوت التيليفون يصوني تقلب و رجع حشى راسوا فالمخدة مش حاب يرد رجع التيليفون يصوني مرة و زوج و ثلاثة نفخ بعصب و هز راسوا
فهد : شكون ال*** لي يعيط ل*** درك ****
لاح يدوا هز التيليفون شاف انيس يعيط نفخ و هز عليه
فهد : وش تحتاج عند *** نتا درك ؟
انيس : فهد راني من الصباح و انا نعيط لنجوى و مش تهزر راح نهبل نعرف بلي راحت لايطاليا معاك امشي شوفها قلبي راح يحبس من الخوف عليها
" قلب عينيه " فهد : راهي لباس عليهاا خليتها دخلت لغرفتها
انيس : فهد و معزتي عندك نوض شوفها قولها تعيطلي
فهد : ****** العبد مساافر و متهناش منكم
رمى الغطى من فوقوا و ناض خرج من الغرفة يلعن فزهروا ، طلع لطابق ال7 و مشى لغرفتها يا ذوب ما وصل لقى الباب مشقوق ، طلع حاجبوا قرب للباب سمع اصوات بلع ريقوا فتح الباب بالعقل و دخل يشوف فيها راقدة و جواد فوقها لزوج عريانين فأوضاع +18 و تالمون كانوا منسجمين محسوش عليه حتى كي دخل وساعواا عينيه و رجع كبس على يدوا ال**** قاعدة هناا **** و صاحبوا راح يموت مسكين من القلقة عليها ، جبد تيليفون و صورهم ، زاد عمل فيديوا خفيف و زرب خرج ..
طلع الغرفتوا العصب ياكل فيه على قد ماكان حاطها وحدة رخيصة بصح مش بالدرجة تع تمد روحها لواحد ماعندهاش يومين تعرفو .. رن تيليفون شاف لقى انيس يعيط قلبوا غص عليه يعرفوا قلبوا ابيض و حنين ميستاهلش وحدة كيف نجوى
عد يدوا على وجهوا بعصب و رد عليه
انيس : لقيتهاا ؟ علاه مزاالت لدرك معيطتليش
" بلع ريقوا يحاول يحكي " فهد : انيس ... نجوى ..
انيس : وش بيهاا ؟ فهد احكي متهبلنيش
فهد : لقيتها راقدة راهي تعبانة من الطريق قالتلي غدوا الصباح تعيطلك
خرج كلاموا دفعة وحدة و تنهد
انيس : هههه اوكي مرسي صاحبي طمنتني كنت راح نموت من خوفي عليها فكرة كشما صارلها
فهد : تصبح بخير
سكر عليه الخط و هز يدوا ضربها على الحيط بكل قوتوا ...زاد وجعوا قلبوا عليه بصح مش لازم يعرف درك ... يعرف نجوى حية و راح تعمل كلش فيدها باه تكذب و اكيد راح يصدقها لأنوا يحبها ... راح يستنى الوقت المناسب و يخبروا
رمى روحوا فوق السرير و جبد البيسي نتاعوا يبعت فالتصاور و كل ما طيح عينوا فتصويرة كل مايلعنها و يلعن الكلب لي معاها
في الصباح ناضت على صوت الباب يدق هزت يديها تحك فعينيها و هبطت من السرير .. حلت الباب قابلها واحد خدام فالاوتال جايبلها الفطور .. طلعت حاجبها هي مش طالبة فطور .. جبد السارفور ورقة من يدوا عطاهلها و زرب خرج
<< اجمل صباح لاجمل إمرأة في حياتي ❤ >>
" تبسمت ابتسامة عريضة " ريناس : يااا عمري نتااا هههه
سكرت الباب و شافت مع الفطور يشهي محطوط بطريقة رومنسية و معااه ورد احمر
بعد ما كملت فطور مشات عملت دوش خفيف و خرجت تنشف في شعرها ... شافت مع الساعة مبقاش بزاف للاجتماع .. هزت الفاليز حلتها و رماتها على السرير .. عوجت فمها تشوف مع ثيابها
ريناس : ااافف وش راح نلبس
بقات دقاايق تقلب فالثياب و كل مرة تقيس حاجة و ترجع تنحيها و في الاخير لبست كوستيم فالابيض سرحت شعرها و عملت مكياج خفيف .. لبست طالونها ووقفت تشوف مع روحها فالمرااية
ريناس : تهبلي
بعتت بوسة لروحها فالمراية فالوقت ليدق الباب .. عدلت شعرها بصوابعها و مشات فتحتوا .. يا ذوب ماشافتوا تلاحت لعندوا حضنتوا بزوج يدين و هو عصرها في حضنوا
فهد : صبااح الخير ههه
هزت راسها باستوا من خدوا و تبسمت تحكي
ريناس : مرسي على الفطور يجنن ( عوجت فمها ) بصح علاه ما جيتش فطرت معايا ؟
" طلع حاجبوا " فهد : وشمن فطور ؟
ريناس : كيفاه وشمن فطور ؟ الفطور لي بعتوا هههه مكانش في بالي بلي راك رومنسي
فهد : ريناس فاش تحكي ؟ مابعت حتى فطور .. جيت نديك باه نهبطوا نفطروا مع بعض قبل الاجتماع
ريناس : ااممم صاار ..
جبدتوا من يدوا دخلتو للغرفة و سكرت الباب .. داتوا لوين كان الفطور فالطابلة ..
فاللحظة لي هو ضيق عينيه شاف مع الورد و الفطور لي يشهي و الاطباق لي موضوع فيها بكل فالاحمر و على شكل قلوب .. طاحت عينوا على ورقة محطوطة على جنب هزها قراها .. فاللحظة لي جات ريناس حضنتوا و طبعت بوسة على رقبتوا
ريناس : و اجمل راجل فحياتي
غمض عينيه بعصب و كبس على الورقة فيدوا كمشهاا ..
فهد : ال***
بعد ريناس عليه و مشا يجري خارج من الغرفة العصب ياكل فيه يحس فروحوا راح يطرشق عينيه حماروا و عروقوا برزت رجع يغلي ..
اما ريناس فلحقتوا تجري ومش فاهمة سبب التحول تاعواا تشوف فيه رجع كيف الثور الهايج وقت طاحت عينوا على الورقة
ريناس : فهددد .. فهدد استنىى ويين رااايح
اول ما وصل قدام باب غرفتوا هز يدوا يخبط فالباب و يصيح
فهد : جواااااااااااد حلل الباااااب يااااا *** يااااا كلب حل الباااااب
فالوقت لي جواد سمع العياط مشا مخلوع لجهة الباب اول ما فتحوا طاح عليه فهد خبط و ضرب
فهد : وشش حكييييت معااااك يااااا كلللب وش فهمتتك مشش قلتلككك متزيييد تقربلهااا راااني نحرررقك ياااا ***
كمل يضرب فيه مخلالوش فرصة حتى بااه يحكي
فالوقت لي وصلت ريناس عند غرفة جواد تلاقات مع نجوى عند الباب لي خرجت مفجوعة هي الاخرى من صوت العياط
شافت معاها ريناس من فوق لتحت و دخلت .. شهقت اول ماشافت فهد طايح ضرب في جواد مشاات تجري لعندوا تجبد فيه
ريناس : فههددد... فهددد يزيي وش قااااعد دييير
حكمتوا من ذراعوا و هو جبدهاا
فهد : رينااااس امشي من هنااا خليينيي نربييه الكلب اليوم نوريلواا الفطور كيفاه يتبعت
فاللحظة لي جواد تبسم بسيف خرج صوتوا متقطع
جواد : ايتا..اان .. عجب..عجبك الفطور هه ؟
الحلقة 113
زاد جهل وقت سمعوا تلاح ليه المرة هذي يضرب بكل قوتوا
فهد : يااااا *** موووتك على يديي اليوووم
قربت لعندوا حكمتوا تحاول تجبدوا من فوق جواد و هو مش حااب يسيبوا
نجوى : ايتاااان بعديييه علييه راااح يقتلواا
ريناس : فهددد يزيييي فهددد نحكييي معااااك
فالوقت لي دخلوا تاع الامن بعد ما سمعوا صوت العياط .. مشاو لعند فهد يسحبوا فيه و هو يدز فيهم و يصييح
فهد : سيبنييي اليووووم نطلع بروحوااا الكللب سييب
مشات ليه ريناس تهدي فيه و نجوى مشات لعند جواد لي كان قريب يفقد وعيوا بعد الضرب لي كلاه ..
جبد يدوا من الحارس لي كان حاكموا و حكم ريناس من ذراعها يجرجر فيها من وراه
اول ما خرج من الغرفة هز يدوا ضربها على الحيط بعصب مزال مبردش قلبوا يحب يرجع درك و يكسروا طراف طراف ما يخلي فيه حتى عضم صحيح
طبقت يديها تشوف معاه و تهز في رجلها بعصب
ريناس : تقدر تفهمني درك سبب لي درتوا ؟
غمض عينيه يتمالك فروحوا ميحبش يصيح عليه يعرف بلي ماعندها حتى ذنب و حتى كانت مفكرتوا بلي هو لي بعت الفطور
ريناس : اتفضل احكي نسمع فيك
فهد : الكلب هو لي بعتلك الفطور
"سكرت عينيها تهدي فروحها " ريناس : يعني كنت راح تقتل الراجل على شقفة فطور ؟
" نفخ بعصب " فهد : نقتلواا هييه و نقتل اي وااحد يجرب يقرب منك و لا يحكي معاك حتى
جبدها من يدها حشرها مع الحيط كبس يديه على وسطها و قرب وجها لوجهوا لين صاروا يتنفسوا نفس واحد
فهد : اسمعي هدرتي هذي ملييح و حطيه في مخك ياا اللاة ريناااس من نهااار خلقتي و نتيي نتااااعي نتااعي انا وحدي و منسمح لحتى واحد يقربلك و لا يخمم فيك حتى .. رااني نقتلوا والله نقتلوا و نشرب من دموا
زادت وتيرة تنفسها بلعت ريقها تحس فروحها راح تدوخ من كلاموا في لحظة نساها كامل غضبها
فهد : فاهمة ؟
هزتلوا راسها بمعنى ايه و هو تبسم ... باسها على حافة شفتها و جبد روحوا منها ... حكمها من يدها و مشاو خارجين
ريناس : وين رايحين ؟
فهد : لا مش حابتيني نرتكب جريمة امشي معايا نخرجوا من هنا على خاطر نزيد دقيقة منضمنش نتحكم في روحي و منطلعش نخنقوا
ريناس : بصح فهد الاجتماع
فهد : *** ** الاجتماع تاع *** هذاا و *** ** ايطالياا تع *** و **** خدمهاا
شهقت و وساعوا عينيها من كمية الكلام الفاحش لي قاعدة تسمع فيه
ريناس : عارف روحك بلي وليت متقاادرش ؟
وقف مشي و دار لعندها خطفلها بوسة من شفافها
فهد : سامحيني يا عمري منعرفش وش نخرج من فمي وقت نتغشش
حوطها بين يديه و جبدها لعندوا
فهد : وين يحب حبي يروح اليوم ؟
تبسمت من كلمت حبي و قلبها رفرف ... هزت يدها تعدي فيها على كول الشوميز نتاعوا و عوجت فمها تخمم
ريناس : مممم نحب نفطر السع
" قلب عينيه " فهد : تعرفي غير مكله تنطقي كلمة فطور من اليوم و رايح قدامي
ريناس : هههههه نحب نااكل جيعاانة مكليتش مليح
تبسم و قرب باسها من خدها
فهد : راح ناكلك اناا هذا السع
رجع باسها و جبدها من يدها خارجين
نرجعوا لفوق عند جواد و نجوى... كان قاعد فالسرير هذا وين خرج الطبيب من عندوا وجهوا مدمدم من الضرب لي كلاه .. قعدت نجوى قداموا فالسرير
نجوى : ااافف وش تحس فروحك درك ؟
جواد : عطيني تيليفوني
عوجت فمها و ناضت جابتلوا تيليفونوا ... هزوا خربش فيه و حطوا على وذنوا
جواد : ويي ... نحبك اليوم ديري وش تفاهمناا .. ميهمنيييييش قتلك اليوم يعني اليوم
صاح و سكر التيليفون ... رماه على السرير العصب ياكل فيه
جواد : رااح تشوف يااا كلب من اليوم راح تولي حيااتك جحييم نوريلك شكون جواد
هز يدوا لي رجعت ترجف مش حابة توقف بلع ريقوا مش وقتها الرعشة هذي درك .. فاللحظة لي نجوى طلعت فوقوا حطت يدها على صدروا بشوي ، باستوا من شفافوا و هزت راسها تهمس في وذنوا
نجوى : وش رايك في ماتش ينسيك فالصبحة هذي ؟
قلب عينيه و هز يدوا طبعها من فوقوا
جواد : نجوى روحي اخطي *** راني مش حامل حتى واحد .. ديجا جيتك ظهرت معندهاا حتى فايدة
" قلبت عينيها " نجوى : وش راااح ندير اناا فهد لي راسوا يابس و مايلينش
جواد : متجبديش اسمواا قداامي ال***
هزت يدها حطتها على خدوا و رجعت تحكي بدلال
نجوى : خليناا منوا يا روحي
نحالها يدها من على خدوا و ناض من فوق السرير
جواد : اخرجي نحب نرتاح
ناضت وقفت مقابلتوا هزت يدها بحركة خفيفة نحات الروب و رماتها بعيد بقات بثيابها الداخلية
نجوى : مش متحركة من هناا
فاللحظة لي هوا هبط يشوف مع بدنها ياكل فيها ماكلة بعينيه بلع ريقو و قرب لعندها حط يدوا على خصرها يتحسس فيه
جواد : نحي لي بقى درك نجي
باسها بوسة خفيفة و مشا للحمام سكر الباب خلفوا و هز يدوا يشوف معاها كيفاه مزالها ترجف قلب عينيه و مشا لدرج جبد الدوا حطوا في حقنة و حقن بيها يدوا
ستنى دقايق حتى تنحاتلوا الرجفة و خرج من الحمام قابلتوا قاعدة على السرير تستنى فيه عريانة حثى الثياب الداخيلية و نحاتها ... ناضت من بلاصتها و مشات لعندوا تتحرك بإغراء لين رجعت مقابلتوا
نجوى : طولت من قبيل و انا نستنى
تبسم بخبث و هز يدوا يعدي فيها على بدنها
جواد : راح تبقاي تحتي نهار كامل تعرفي ؟
" عضت على شفتها بإغراء " نجوى : تحب نبقى حتى الغدوا معنديش مشكل
فاللحظة لي هو تبسم بخبث يحس فناروا شعلت دزها على السرير و طلع من فوقها
دخلوا للمطعم بعد ماعداو نهارهم الكل و هما يحوسوا من بلاصة لبلاصة داروا روما الكل مع بعض ... شاف فهد نزيم قاعد فتركينة مجبدوة شوي على الناس و معاه نغس الطفلة لي استدعها المطعم و طلب منوا يساعدوا ... تبسم حكم ريناس من يدها و مشا لعندوا و لي اول ماشافوا ناض لعندوا حضنوا
فهد : وين نرووح نلقااك مش راح تخطيني
نزيم : عندي اسبوع و انا هنا شكون لي لحق خوه ؟
ضحك فهد ضحكة خفيفة و جبد ريناس لي كانت تشوف معاهم و مش فاهم .. قبل ساعة كانوا قاعدين فالشط حتى وصل لفهد ميساج هزها و جابها لهنا
نزيم : ههههه شكون الآنسة ؟ منعرفهاش
تبسم و حط يدوا على وسطها جبدها لحضنوا
فهد : لالا تعرفها .. ريناس هههه
فاللحظة لي شهق نزيم مش مصدق
نزيم : متقولييش ..؟؟ هههه نوو محااال يخي كيفااه حتى تلاقيتواا
طبع بوسة خفيفة على خدها و هي تبسمت
فهد : القدر ..
ضحك نزيم و دور عينيه يحكي معاها
نزيم : هه معرفتينيش ؟
عوجت فمها و ضيقت عينيها ثثبت فيه اما شيء من متفكرتوا
ريناس : نعرفك ؟
نزيم : بعداااا
فهد : ياا ولدي اناا حبيبها و معرفتنيش راح تعرفك نتا .. " سكت شوي و رجع يحكي".. هذا نزيم هه
شهقت و رجعت تبسمت ابتسامة عريضة لين بانوا سنيهاا .. تلاحت لعندا حضنتوا و حطت يديها على خدودوا تقرس فيه
ريناس : ههههه يااا روحيي نتااا يووه كبرت و وليت كثر مني فالطول خلييتك قد النملة
نزيم : زح وش تحكي رااني قل منك بعاام برك
هز يدوا و كبس وجهوا ينفخ فروحوا يبين فعضلاتوا و هي ضحكت
ريناس : ههههه يااا روحي نتااا
فهد : هاااي وشياا روحي هذي نتيي .. و نتااا بعد عليها لانهدلك فمك درك
جبدها من يدها حطها في حضنوا يقحر لنزيم و هوما لزوج يضحكوا .. فاللحظة لي نزيم جبد نسرين لعندوا لي كانت كيف الاطرش فالزفة
نزيم : عندي حبيبتي متخاافش هههه
تبسمت معاها ريناس و هزت يدها سلمت عليها
ريناس : رينااس حبيبت الاخ الكبير هههه ..
فهد : لاا مرتي مش حبيبتي
ضحكوا الكل و ريناس هبطت راسها حاشمة
نسرين : ههههه و انا نسرين حبيبت الاخ الصغير
نزيم : والله حتى نتي مرتي ههههه
قعدوا فالطابلة يستناو العشاا يحضر عقبوا الوقت كلوا و هوما يضحكوا و يسترجعوا فذكرايتهم و هوما صغار
رميساء : فهد ؟
هزوا الكل ريوسهم يشوفوا معاها و فهد قلب عينيه مش عارف منين طلعتلوا
فهد : وش ديري هنا ؟
تبسمت و تلاحت لعندوا حضنتوا باستوا من خدوا
رميساء : هههه نتاا لي وش دير هنا ؟
فاللحظة لي ريناس لزت على سنيها بعد ماشافتها باستوا من خدوا غمضت عينيها تتمالك فروحها باه ماتنوضش تخنقها
رميساء :نزيم لبااس ؟
تبسملها و نزيم و هزلها راسوا بمعنى ايه و هي رجعت تحكي مع فهد
رميساء : توحشتك هههه
رجعت حضنتوا فاللحظة لي ريناس تنفضت من بلاصتها مش قادرة تتحمل تشوفها قريبة منوا اكثر من هك
ريناس : اااي نتيي وش ديري
جبدها فهد من حضنوا و دزها بعيد عليه و هي طلعت حاجبها
شافت معاها من فوق لتحت و عوجت فمها الجاست لي خلى ريناس تزيد تتغزل منها
رميساء : شكون هذي ؟
ريناس : درك نورييلك شكون اناا
تلاحت لعندها راح تضربها فاللحظة لي حكمها فهد من خصرها
" صاح عليها " فهد : رينااااس
رميساء : يخي هبط مستواك للأشكال هذي رجعت تخرج مع المتوحشات ؟
شهقت ريناس مش مصدقة وش قاعدة تسمع هي لي طول عمرها مداايرة حدود لنفسها واحد مايتجرئ يحكي معاها تجي وحدة **** تسبها
هزت يديها تحاول تتحرر من قبضة فهد على وسطها و توصل ليها تنتفها
" يصيح " فهد : رميساااااااااء سكري فمك و امششيي من هنااا
ريناس : ااااععع فهدد سيبنيي عليهااا نورييلها المتوحشة وش ديير
فهد : رينااس خلااص .. " دور راسوا يشوف معاها مزالت واقفة "... وش قاااعد نحكيي مع *** انااا قتلك امشيي
شافت معاهم من فوق لتحت و دورت خارجة من المطعم تتبسم تقول عملت انجاز
رخف فهد قبضتوا من على ريناس
فهد : رينااس ..
قحرتلوا قحرة تاع موت خلاتوا يبلع ريقوا .. هزت يديها ضربتوا من على صدروا بعدتوا عليها .. هزت ساكها و دورت خارجة فاللحظة لي هو تنفض يجري من وراها مخلي نزيم و نسرين باهتين فالعرض لي صرى قدامهم
خرجت من المطعم تتغزل العصب ياكل فيها حابا تمشي ليها تحكمها من شعرها تسيق بيها روما الكل
فهد : رينااااس
قلبت عينيها و زربت فمشيتها تحاول توصل لطريق و تلقى تاكسي .. لكن يدوا لي سحبتها لعندوا وقفتها
فهد : وين رايحة ؟
" قحرتلوا " ريناس : بعد من وجهي و امشي الحق ال**** نتااعك تكون تبكي درك
فهد : وين رايحة ؟
" قحرتلوا " ريناس : بعد من وجهي و امشي الحق ال**** نتااعك تكون تبكي درك
فهد : فاش تحكي يخي هبلتي ؟
ريناس : هبللللت هيييه هبلللت مش كنت تحضن و تبوس فيهاااا امشي كمل بووس علااه خليتها تروح
فهد : يخي اناا بستها ؟ هي لي جات رمات روحها عليا
غمت عينيها بعصب فجأة هزت يدها حكمتوا من كول الشوميز نتاعوا و دزتوا على الحيط قربت لعندوا تبوس فيه بعنف و يديها مكبشين فكول الشوميز نتاعوا .. تبوس فيه بكل جرأة فاللحظة لي هو لهب من الجاست نتاعها حط يدوا على خصرها و جبدلها لعندوا اكثر ياكللها فشفافها ماكلة
جبدت روحها عليه تلهث هزت عينيها لعينيه تشوف معاه بكل تحدي ... حطت صبعها على راسوا تضرب فيه ضربات خفاف
ريناس : اسمع هدرتي هذي ملييح و حطها في مخك ياا سي فهد من نهااار خلقت و نتاا نتااااعي نتااعي انا وحدي و منسمح لحتى **** تقربلك و لا تخمم مجرد تخمام فيك حتى .. رااني نقتلها والله نقتللها و نشرب من دمها
تبسم و هوا يسمع فيها تعاود فنفس حكيوا لي قالهولها صباح بلع ريقوا يحس فقلبوا راح يخرج من بلاصتوا من شدة ضرباتوا هز يدوا غلغلها في شعرها و جبدها لعندوا يبوس فيها بلهفة يحب يطفي ناروا لي شعلتهالوا فالبوسة هذي
°•°•°•°••°•°•°
وصلوا قدام غرفتها هز يدوا عداها على شعرها
فهد : سامحتيني ؟
ريناس : لا
عوج فموا و قرب لعندها حشرها مع الحيط هبط راسوا لمستواها .. شاف معاها يذبللها فعينيه
فاللحظة لي هي بلعت ريقها بقات تشوف مع بحر عينيه هزت يدها تعقب فيها على لحيتوا
ريناس : تعرف وش هي نقطة ضعفي ؟
طلع حاجبوا و حركلها راسوا بمعنى لا فاللحظة لي هي غمضت عينيها و قربت وجها لعندوا حطت شفافها على عينيه
ريناس : عينييك ..
همستلوا بصوت ضعيف و طبعت بوسة عليهم .. رجعت هبطت راسها حطت شفافها على رقبتوا تبوس فيه بوسات خفاف و كملت تهمس بصوت ضعيف
ريناس : حضنك و ريحتك
بلع ريقوا و غمض عينيه ليجاست نتاعها راح يهبلوه يحاول يمنع روحوا باه مايهزهاش و يمشي يرميها على السرير يطلع فوقها و ياكلها ماكلة
فاللحظة لي هي هزت راسها و باستوا بوسة خفيفة من شفافوا
فهد : نحبك
تبسمت و رجعت طبعتلوا بوسة اخرى .. جبدت روحها منوا قبل مايحكمها و زربت دخلت لغرفتها و سكرت عليها الباب
فاللحظة لي هو فاق على وضعوا بعد ماكان دايخ فيها .. هز يدوا يخبط على الباب يصيح
فهد : رينااااس .. ريناااس حلي ** الباااب ماش تشعليني و تهربي .. ريناااااس
ريناس : امشي من هناا راح تلم علينا الاوتال
جاه صوتها من خلف الباب .. تنهد و حط راسوا على الباب
فهد : معلييش ياا اللاة رينااس ديري رااايك رااح طيحي في يدي و مش راح نرحمك
دخل لغرفتوا و هو قالب وجهوا مشى طول للحمام عمل دوش خفيف .. و رجع خرج لاف منشفة على وسطوا .. وقف قدام المراية ينشف فشعروا فاللحظة لي سمع صوت الباب يدق طلع حاجبوا شكون لي راح يجيه فالوقت هذا ؟
زرب لبس شورط خفيف و مشا فتح الباب .. شاف معاها من فوق لتحت و ضيق عينيه
فهد : وش ديري هنا ؟
" تبكي " رميساء : فهد .. عاوني تعيش ..
طرشقت بالبكى فالوقت لي هو بقى باهت فيها مش فاهم حالتها ..
لعبت عليها الدوخة حكمت فالباب باه ماطيحش و هو زرب لقفها
فهد : ااشش رميساء وشبيك ؟
عاونها دخلت حطها فوق البونك و مشا جابلها كاس ماء عطاها تشرب
فهد : راكي مليحة ؟
هزتلوا راسها بمعنى ايه و مسحت دموعها بيديها
رميساء : معنديش من غيرك يعاوني فهد لازم تعاوني
فهد : تقدري تفهميني السع وش كاين ؟
تنهدت و هزت يديها غطات وجهاا
فهد : رميساء ؟
هزت عينيها شافت معاه ثواني
رميساء : تقدر تجيبلنا حاجة نشربوها .. كاين بزاف هدرة لازم نقولهالك
عوج فموا .. هزلها براسوا و مشا جاب قرعة تاع مشروب و زوج كيسان صب ليه و ليها فالوقت لي رجع الباب يدق .. حط القرعة من يدوا و مشا يفتح
استغلت الفرصة و جبدت دواء من صاكها فرغتوا فكاستوا و زربت خباتوا
اما فهد فمشا يحل الباب طلع حاجبوا وقت ملقى حتى واحد .. خرج راسوا يشوف فالرواق فارغ .. نفخ بعصب و رجع لعندها رمى روحوا فوق البونك مقابلها و هز كاستوا شربها دفعة وحدة
فهد : نسمع فيك
رميساء : ااا.. نحب نمشي للحمام
" قلب عينيه " فهد : اااافف مطوليش معنديش الليل كامل
هزتلوا راسها بمعنى ايه هزت صاكها و زربت مشات للحمام دخلت و سكرت عليها الباب .. جبدت نويزات كانت في صاكها لبستها طلقت شعرها و ستنات عشر دقايق و رجعت خرجت
قابلها راقد بالقاعدة على البونك .. تبسمت على جنب و مشات لعندوا
رميساء : هههه والله و طلعت المهمة سهلة
مشات ليه تحاول تهزوا و تديه للسرير .. بسيف باه قدرت تحطوا على السرير بدنوا ثقيل .. وقفت ثلهت و رجعت تنحيلوا فثيابوا .. طفات الضوء و نحاث هي الاخرى النويزات لي كانت لابستها رماتها على الارض و طلعت جنبوا فالسرير ..
حطت شفافها على رقبتوا تبوس فيه تحاول انوا تخليلو الاثر تع الزروقية
بدات تحل فعينيها بشوي تململت في بلاصتها .. هزت يدها عداتها على وجها و ناضت تتكسل .. شافت مع الساعة قريب ال8 نفخت على جنب لازم تهبط تتفاهم مع جواد اصلا متعرفش وش صار فالاجتماع نتاع البارح
مشات للحمام يا ذوب عملت دوش خفيف و خرجت نشفت شعرها لبست ثيابها و عملت مكياج خفيف .. هزت تيليفونها و خرجت من غرفتها ..
وقفت قدام غرفتوا تتبسم و هزت يديها تطبطب .. فاللحظة لي فتحتلها رميساء الباب عينيها منفوخين من الرقاد لافة الغطا تع سرير على بدنها العريان وشعرها داخل بعضوا
رميساء : وش تحتاجي ؟
بلعت ريقها قلبها رجع يدق بالقاوي تحاول تكذب الفكرة لي جات لعقلها
ريناس : وش ديري هنا ؟
خرج صوتها ضعيف فاللحظة لي رميساء قلبت عينيها
رميساء : فهد راقد ارجعي من بعد
هزت يدها طبعتها من جنب الباب قبل ما تسكروا و دخلت للغرقة
تجمعوا الدموع فعينيها وقت شافتوا راقد على السرير عريان تحس فقلبها قاعد يتحرق .. هزت راسها شافت مع رميساء لي كانت تتبسم بخبث و مشات ليها من دون سابق انذار حكمتها من شعرها تضرب فيها
ريناس : ياااااا ق**** ياااا كلبة
رميساء : ااااعع ياااا مجنووونة بعديي عليااا اااعع
فالوقت لي فهد فطن على عياطهم هز يدوا حطها على راسوا يحس فيه راح يطرشق .. رجع فتح عينيه يشوف فريناس تضرب فرميساء و لي كانت عريانة
فهد : ريناااس ؟
هزت راسها وقت سمعت صوتوا شافت معاه شوفة طيحت منوا النص عينيها مدمعين و شعرها داخل بعضوا من العركة
" خرج صوتها ضعيف و بحة البكى غالية عليه " ريناس : تعرف كنت مفكرتك راجل و تحبني بصح طلعت رخيص كيفك كيفهم يلعن النهااار لي عرفتك فيه
تفت على الارض و مشات خارجة تجري من الغرفة فاللحظة لي هو تنفض من بلاصتوا مش فاهم حاجة .. هبط عينيه يشوف مع روحوا عريان هز الشورط لي كان مرمي على الارض لبسوا بسرعة فاللحظة لي طاحت عينوا على رميساء قاعدة على الارض و تبكي من الطريحة لي كلاتها .. مشا ليها بدون سابق انذار عطاهاا كف بكل قوتوا
فهد : رااجعلك يااا ق*** استناايني اليوم يومك
خرج من الغرفة يجري لاحق ريناس و قدر يحكمها قبل ما تدخل لغرفتها
سحبت ذراعها من يدوا و دارت لعندوا تضرب فيه من صدروا و تصيح
ريناس : بعععععدد علياااااا ... بعدد عليااااا متمسنييش بيدك المسسخة بعععد ..
فهد : رينااس ياا روحي خليينيي نفهك ياا عمري ..
ريناس : متجبببدش اسسمي على لسااانك ياااا رخيص متجبدش
حكملها يديها ولزها لعندوا و هي باقيا تتفرفط تحب تجبد روحها منوا
فاللحظة لي حبست حركة و طرشقت بالبكى تبكي بحرقة تحس فقوتها الكل طاحت فالماء عمرها عاشت احساس كيما هك عمرها ذاقت طعم الخيانة المر
ريناس : يخي..يخي..علاا..اه عمل..لت فياا..اا هك وش ..درر..تلك حراا..م علي..ييك ..علاا..اه خنت..تني
جبدها لحضنوا زيرلها لعندوا و هي باقية تبكي
فهد : وراااسك مااصاار شيء يااا رووحي عمري خنتك
جبدت وجها من عندوا وقت طاحت عينها على الزروقية لي في رقبتوا رجعت تضرب فيه و تصيح بهستيرية
ريناس : كذاااااااااب كذااااااب شفتتتتكم رااااني شفتتتتكم
فهد : رينااس..
هزت يدها عطاتوا كف و سحبت روحها زربت دخلت لغرفتها و سكرت عليها الباب
فاللحظة لي هو حط يدوا على خدوا مش مصدق بلي كلا كف من عندها لز على سنيها و مشا يخبط فالباب و يصيح
فهد: رينااااااااااس رينااااااس حليييي ** الباااب خلينيي نحكيي معاااك ..
هز يدوا خبطوا بكل قوتوا و نفخ بعصب .. فجأة غمض عينيه بعصب و مشاا رايح لغرفتوا يجري اليوم يطلع بروحها ال****
اول ما دخل للغرفة بدا يصيح على طول صوتوا
فهد : رميسااااااء يااااا**** وييينك ياااااكلبة اليوووم موتتك
مشا يدور كيف المهبول يحوس عليها من بلاصة لبلاصة غمض عينيه بعصب وقت مالقاهاش و مشا خرج من الغرفة هبط يجري فالاوتال حفيان يحوس عليها بعيينيه
قعد على البونك فالاستقبال وقت ملقاهاش زفر بعصب و حط وجهوا بين يديه مش مصدق كل لي صار فيه اصلا راسوا مزال لدرك يحس فيه راح يطرشق و مش قادر يتفكر اي شي من البارح مذكرتوا حبست وقت مشات رميساء للحمام و هو كان قاعد يستنى فيه .. هز يدوا عداها على شعروا بغزول حتى انوا ال**** هربت مش عارف كيفاه راح يلقاهاا
هز راسوا .. طاحت عينوا عليها مهبطة فاليزتها تكركر فيه و تبكي .. تنفض لعندها حكمها من يدها و هي سحبتها
فهد : ريناااس وين مااشية ؟ رينااس حبسي خليني نفهمك و الله مااصار شيء بينااتنا ورااس حبي ماصاارت حااجة .. رينااس ياعمري متعملييش هك تعرفيني نحبك
فاللحظة لي هي كملت تمشي و تكركر فالفاليز نتاعها بلا ماتشوف معاه مخليتوا ماشي من وراها و يحلل فيها
اول ما خرجت من الاوتال ركبت فالتاكسي و عطات امر للشوفور يقلع .. اول مامشات السيارة دارت تشوف معاه واقف في بلاصتوا يشوف معاها.. تصويرتوا ماشية و تبعد .. رجعت طرشقت بالبكى حطت وجها بين يديها تشحق قلبها تشوى مش مصدقة لي صار فيها الكل البارح برك وين كانت فرحانة و كانت تحس فروحها انها تطير فسابع سما و اليوم بعملتوا هذي رجع رماها لسابع ارض
رجع طلع لغرفتوا و هو يغلي طاحت عينوا على النويزاات لي خلاتها رميساء مرمية على الارض مشا ليها يجري و حكمها يقطعها فيه بيديه .. فاللحظة لي رجع كيف الثور الهايج رجع يكسر فالدنيا و يصيح على طول صوتواا يرمي اي حاجة تجي في وجهوا
طلق روحوا على الارض بعد ماحس بلي قوتوا تهدت هز يدوا عداها على وجهوا مش مصدق بلي خصرها و هو معندوش زماان من لي لقاهاا .. حرك راسوا بمعنى لا مستحيل يخصرها مش راح يخليها تبعد عليه لازمها تسمعلوا و تصدقوا
ناض من بلاصتوا و مشاا للخزانة يلم فثيابوا .. جبد تيليفونوا من جيبوا كلم واحد من الخدامين
- نحب طيارة راجعة لدزاير درك
رمى التيليفون و مشا دخل للحمام يلبس فثيابوا
•°•°•°•°
اول ما حطت الطيارة في دزاير خرج يجري من المطار رايح لعندها ... جبد تيليفون يكلم فيها و هي ماتهزش ... نفخ و رماه على الكرسي بعصب .. زاد فالسرعة يحب يوصل لعندها و يحكي معاها و كون لزم الامر يخطفها و يفهمها بالسيف عليها المهم تصدقوا
اول ما وصل ركى الطوموبيل جنب الفيلا و نزل يجري .. مشا للباب يطبطب بيديه الزوج لين فتحتلوا الخدامة و هي مفجوعة
- ااااي يخي اااصبر قرييب كسرت البااب
فهد : عيطي لريينااس
- شكون حضرتك ؟
" لز على سزيه " فهد : اطلعي عيطي لريناااس متكفرينيش نتي درك مش قاعدلك
قطع عليهم صوت زينب لي نزلت مفجوعة من العياط
زينب : خديجة وش كااين هنا ؟
- مداام
قاطعها فهد بل ما تكمل تحكي
فهد : مدام تقدري تعيطيلي لريناس نحتاجها
" شافت معاه من فوق لتحت و طلعت حاجبها "زينب : ريناس مش هنا
" سكر عينيه بعصب و رجع يصيح " فهد : رينااااااااااس .. رينااااااس نعرف بلي راااكي هناااا انزليي نحكي معااااك ريناااااس
فاللحظة لي زينب وساعوا عينيها تنفضت رايحة لعندوا تسكت فيه
زينب : يخي وش تسخاايل فروحك نتاا هنا جااي لنص دااري و تصيح قتلك ريناس مكانش
فهد : هي لي قاالتلك تقوليلي بلي مكاانش مالاا اطلعي خبريها بلي منيش متحرك خطوة من هنا حتى تسمعني
" قلبت عينيها " زينب : شوف يا وش اسمك ...
"قاطعها " فهد : فهد **** نعرف ماصحتلناش الفرصة بصح انا هو شريكم
وساعوا عينيها رجعت شافت معاه من فوق لتحت و طلعت حاجبها
زينب : الحمدلله لي صحتلنا الفرصة و شفنا وجهك
فهد : تقدري تطلعي تخبري بنتك درك تنزل ..
زينب : نظن ريناس راهي معاكم فروما
فهد : مدام زينب مش راح تمشيها عليا راني قلتلك مش راح نتحرك من هنا حتى تهبط
زينب : راح نكذب علييك انااا ؟ قتلك ماهيش هناا " فجأة شهقت حطت يدها على قلبها تحكي مفجوعة " وشبيهااا بنتي ؟ وش عملتلها
شاف معاها فهد كيفاه تحكي مفجوعة و قدر يفهم من خوفها انوا ريناس صح مش فالدار ..
ضحك ضحكة خفيفة يحاول يرطب الجو
فهد : ههههه شيء متقلقيش روحك .. و آسسف على الازعاج
مشا بزربة و خلاها تعيط عليه .. ركب فسيارتوا و جبد تيليفونوا يعيطلها و المرة هذي لقاه مغلق .. نفخ بعصب و عيط لأموا
فهد : الواا يمااا ... يمااا تمشي درك لدار ريناس تشوفيها لكاان رااهي لتم .. يمااا تعيشي لمرة في حيااتك نفذيلي حاجة بلا متسقسي لمرة وحدة
سكر التيليفون و حط راسوا على الفولون غمض عينيه يحس فروحوا راح ينفجر يلعن فالرميساء و يلعن فالدقيقة لي عرفها فيها مصدقش انو تخلص من نجوى زادت خرجتلوا ال**** قلبتلوا حياتوا فليلة و نهار ..
فهد : اصبري علياا ياا **** نلقى ريناس و نرجعلك كون منخليكش تتمناي الموت منيش فهد
دقايق و رجع تيليفونوا يصوني .. زرب هز عليها
فهد : وي يمااا ؟؟؟..... وشنواااا ؟ .....راكي تحكي صح لايكونوا كذبوا عليك .. ااافف اوكيي
سكر عليها الخط و رجع يخبط فراسوا على الفولون
فهد : وينك ياا رينااس وينك
فجأة خطر على بالوا بلي مزالت فإيطاليا و مسافرتش .. رجع هز تيليفونوا يخربش فيه
فهد : يلعن ***
كلم واحد من صحابوا لي يخدموا فالمطار
فهد : الواا سامي ؟؟
- وووه سي فهد عاش من سمع صوتك
فهد : سامي صاحبي نحتاجك فحاجة
- فهد راك مليح ؟ وشبيه صوتك ؟
فهد : خليك مني و روح شوفلي ريناس **** لكان ركبت اليوم الصباح فالطيارة لي من ايطاليا لدزاير
- استنى راح نمشي نشوف و نرجع نعيطلك
سكر عليه الخط و رجع نفخ وش كون تكون مرجعتش اصلا هو الداب لي هبط يجري لهنا بلا حتى مايعرف لكان رجعت ..
رجع تيليفونوا يصوني زرب هز عليه
فهد : وي ؟؟؟ رجعت راك متأكد ؟؟
عدا يدوا على وجهوا و تنهد براحة
فهد : مرسي صاحبي
اول ما دخل لداروا حط الفاليز على جنب و مشا طول لحمام عمل دوش سخون .. اول ما خرج لبس ثيابوا و مشى للكوزينة عمل قهوة كحلة كشما تحبسلوا الوجيعة تع راسوا لي محبتش تحبس .. رجع للصالة رمى روحوا فوق البونك و جبد تيليفون
فهد : الوا
اسامة ؛ وي فهد كنت راح نعيطلك علاه اجلت الاجتماع ؟ و كيفاه محظرتلوش اليوم ؟ راهي خبرتني نجوى و ش قاعد تعمل لربي ؟
نفخ بعصب و ناض قابل الشباك
فهد : اسامة من غير المحاضرة تاعك راني في حالة الرب لي يعلم بياا و مش قاعدلك
اسامة : وشبيه صوتك وش صرا ؟
فهد : تقدر تعطيني العنوان تع صحبت رينا.. ايتان ؟
اسامة : تحكي هلى ليديا ؟ علاه وش راح دير بيه ؟
" قلب عينيه " فهد : وشبيه *** طايح اسئلة درك هااتلي *** العنوان و لا خليني نشوف واحد خلاف يعطيهولي مش قاعدلك درك ليك و لأسئلتك
اسامة : ااافف المبنى لي فال****** الطابق الثالث و عيط...
سكر عليه الخط قبل حتى مايخليه يكمل حكيوا .. هز مفتاح سيارتوا و خرج يجري .. ركب فالطومبيل و قلع رايح للعنوان لي عطالوا يحرق فالطريق حريق مش مصدق و كتاش يوصل و يشوفها
بعد ربع ساعة ركى السيارة جنب المبنى لي كان في حارة شعبية .. طلع يجري اول ما وصل قدام الدار هز يديه يخبط على الباب و يصيح
فهد : ريناااااس .. رينااااس فتحي الباااب علاباالي بلي رااكي هناا
شوي و حلتلوا ليديا لي خرجت مفجوعة من الخبيط تع الباب و الصياح
" وساعوا عينيها اول ما شافتوا "
ليدايا : نتااااا ؟؟؟ يخي وشبيك هببلللت وش قااعد الدير عند بااب دااري
هز يدوا طبعها من على الباب و دخل
فهد : بعدي هك من وجهي منيش فوضع مليح باه ناخد و نعطي معاك
دخل يحوس عليها كيف المجنون من بيت لبيت
فهد : رينااااس نعرف بلي راااكي هناا اخرجي خليناا نحكي معااك .. رينناس
ليديا : اااااي وشبييك هبلت دااخل هك لداااري
فجأة و قف ودار لعندها عينيه حمر و وجهوا مقلوب حتى انوا خلاها تبلع ريقها و تخاف من نظرتوا ليها
فهد : ويني ؟
ليديا : ششكون ؟
فهد : رينااس .. ويني ؟
" بلعت ريقها " ليديا : عندي ايام مشفتهاش و حسب علمي راهي فإيطاليا
" غمض عينيه بعصب و كبس على يدوا " فهد : شوفي كون تطلعي تكذبي راني نهد الحي فوق راسك
ليديا : و علاه راح نكذب قلتلك ماهيش هنا سبحان الله
شاف معاها من فوق لتحت و مشا خارج يخض فروحوا وين تكون راحت مش فدارها و مش عند باباها و ماهيش عند صحبتها
بعد 3 ايام
قاعدين الكل فالصالة عند دار ريناس .. زينب تبكي دموعها منشفوش عندهم 3 ايام و نبيل جنبها يهدي فيها .. ليديا مش افضل حال من زينب و اسامة معاها ..اما جواد فكان قاعد على الجنب و حاط راسوا بين يديه .. و فهد رايح جااي
" يصيح " فهد : كيفاااااه مليقتووهااش وين راااح تروح ؟؟ انشقت الارض و بلعتها
- موسيو هذي روحك رانا نخدموا في خدمتناا
فهد : كي عدتوا تخدموا في خدمتكم ويينيي ريناااس ؟ علاه مش نشوف فيهاا ؟
- شوف راني عندي ايام و انا متحملك متخلينيش نهزك نرميك فالحبس نوريلك كيفاه تصيح على شرطي
جا راح ينقض عليه كون مش اسامة لي حكموا
اسامة : فهد يزي خليك منواا
زينب : (تبكي ) وين ..رااح تروو..وح يا ربيي.. علاه خطفوها .. علاه
- حسب ماشفنا من الكاميرات وقت خرجت من المطار ركبت فسيارة الراجل لي كان يستنى فيها عادي .. يعني بإرادتها .. درك مش عارفين لكاان هو نفسوا لي خطفها و لا لا لأنوا باقي الكاميرات تع الطريق طلعوا مش مسجلين الوقت هذاك و مقدرناش نتبعوهم لوين مشاو
زفر فهد بعصب و هز يدوا يخبط فيها على الحيط
فاللحظة لي تنفض لعندوا جواد ضربوا بوكس
جواد : كلش بسباابك يااااا كلب كون مش نتاا مكانتش ترجع وحدهااا ويخطفوهااا
ناض ليه فهد راح يضربوا فاللحظة لي حبسهم صوت نبيل و هو يصيح
نبيل : يزيي نتااا وياااه يخي لوقتاااه رااح تبقااو تتعااركوا يزي راااكم كباار الطفلة ابصر ويني و نتوماا قااعدين تاكلوا فبعضااكم
زادت قوات زينب فبكاها رجعت تشحڨ قلبها تشوى على بنتها مش عارفة ويني و وش صرالها و شكون داها تحس فروحها قاعدة تعيش فكابوس كبير و مش قادرة تفطن منوا
- راح نمشي درك و تأكدوا تخبروني كون تصرى كاش حاجة
خرج الشرطي لي كان عندهم و فهد رجع يمشي رايح جاي في وسط الصالة ..
هز يدوا عداها على شعروا بعصب قريب يقلعوا .. حياتوا الكل تقلبت بين ليلة و نهار يحس فروحوا ضايع ... مزال لدرك مش مصدق بلي راهي مختفية .. قلبوا يوجعوا كل مايتفكر وش صرا بيناتهم اخر مرة خايفة ميزيدش يشوفها و ميقدرش يفهمها بلي مصرا والوا و بلي يحبها و مستحيل يخونها
قطع عليه افكاروا صوت جواد لي كان يقحرلوا
جواد : تعرف حاجة غير متخلينش نشوف وجهك الايام هذي راني بسيف باه متحكم فروحي باه منوضش نقتلك
فهد : لاااا .. قول والله ؟ تعرف خوفتني نوض تشو اقتلني و شراك تستنى ؟
جا راح يمشي ليه لكن اسامة زرب حكموا قبل ما تزيد تصرى عركة فالدار راهم فالثلاث ايام هذي كل مايتلقاو يقلبوا الدنيا بالعراك
بعد عاام :
قاعد فوق كرسي فالبار متكي بيدوا على الكنتوار و يدوا الثانية هاز بيها كاس مشروب .. عينيه ذبلانين و شعروا مفرفش لحيتوا هايجة .. صرلوا شهورة و هو على نفس الحال يعدي الليل الكل و هو يشرب و فالنهار راقد .. غالق على روحوا فالدار ميخرجش منها غير وقت يمشي للبار .. مسيب خدمتوا و شركتوا حتى اهلوا و صحابوا مش قاعد يشوف فيهم .. بعد ماراحت ريناس رجع انسان ثاني .. كل دقيقة تعدي يلوم روحوا فيها بلي هو السبب فالشيء لي صرلها كون مفتحش الباب لرميساء و خلاها تدخل مكاانش يصير الشيء هذا الكل و يمكن راح تكون ريناس قاعدة قداموا درك .. توحشها و راح يموت من الوحش حياتوا ولات جحيم من بعدها على قد ماكانت جحيم قبل مايشوفها رجعت اكبر من قبل
قطع عليه افكاروا بنت جات قعدت قداموا .. هز راسوا بالسيف شاف معاها من فوق اللتحت صابغة شعرها فالاصفر و لابسة شقفة قماش ياذوب يغطيلها اللازم
- سلام ..
مردش عليها ، قلب عينيه و هز راسوا لسارفور ، لسانوا ثقيل بسيف باه يحكي
فهد : اااعط...يني كاا..س ثاا..ني
- موسيو نظن بزاف هك راك عندك ساعات و نتا تشرب
" قحرلوا " فهد : وو..ش دخلل *** نتاا.. يخيي .. صب ..و اسك..ت
حرك السارفور راسوا و هزلوا الكاس باه يصبلوا .. فاللحظة لي هزت البنت يدها حطتها على فخدوا و قربت لعندوا تهمسلوا
- شكون لي عاملة فيك هك ؟
دور عينيه شاف معاها ببرود و هي تبسمت بخبث و هزت يدها تعدي فيها على لحيتوا
- تحب تجي معايا.. درك نسيك في جد امها
نفخ بعصب و هز يدوا خبطلها يدها بعيد عليه
فهد : بعدي..على..*** يخي **** يخي
هز روحوا بسيف باه واقف كمل شرب الكاس لي بقات على نفس وحدة .. جبد دراهم من جيبوا رماهم فوق الكونتوار و مشا خارج بسيف باه يعمل فالخطوة
خرج من البار ماشي لطوموبيلتوا وقت فقد توازنوا .. زرب حكم فالحيط قبل ما يطيح على الارض ..
اسامة : فهد
هز راسوا بسيف باه حال عينيه شاف اسامة جاي لعندوا
فهد : هههههههه صاحبي ..جيي..ت
طابس لعندوا اسامة عاونوا باه وقف
اسامة : يخي لوقتاه راح تبقى نتا هك اااافف
فهد : هههههه..علااه..وش .. وشبياا
قلب اسامة عينيه و عاونوا يمشي لسيارتوا .. ركبوا و سكر عليه الباب و هو مشا ركب جنبوا فمقعد الشوفور
اسامة : لوكتاااه راح تبقى هك ؟؟ مكرهتش من روحك كل يووم باايت فالخمااج ؟
فهد : اافف .. متعيطش ..راسي يوجع
" هز يدوا خبطها على الفولون " اسامة : نعيييط نعيييط ... راااهوااا عاااام ... عااااام و نتاا قاافل على روحك مطيييش خدمتك و شركتك بااابااك و اامك رااح يهبلوا يخيي لوقتاااه راااح تبقى هك لوقتااه
" يصيح " فهد : حتتتى تررجع فاااااهم ؟؟ راااح نبقى هك حتىى تترجع رينااااس.. واااحد مااهوا حااس بيااا راااني نتحررق تعرف وش معناتهاا رااني نتحرق رااني كل يوم نمووت االف نمووتة وقتت نفكر بلي يمكن صرااتلها حاجة .. قلبيي راااه يتقطع .. مكاانش حاااجة تقدر تنقصلي وجييعتي من غيرر الشرااب .. يزيييو ماااتحوسوا عليااا فهد راااح مع رينااس و مش رااح يرجع غيير وقت ترجع رينااس فاااهم
نفخ اسامة على الجنب يحس فيديه مربوطين يشوف فصاحبوا يتعذب و هو مش قادر يعمل شيء .. صرلهم شهورة و هوما يحوسوا عليها اما ملقاو حتى طرف خيط يوصلهم لعندها معلابالهمش حتى لكان راهي عايشة و لا ميتة الشيء لي خلى فهد يهبل و خصوصي انوا محمل روحوا ذنب لي قاعد يصير الكل
فاق الصباح يحس فراسوا راح يطرشق من الوجع شاف حواليه لقى روحوا راقد فغرفتوا .. نفخ على جنب وقت تفكر ليلة البارح كي وصلوا اسامة ..
ناض من بلاصتوا يحك فعينيه مشا طول للحمام فتح ازرار الشوميز نتاعوا رماها و دخل تحت المرش .. غمض عينيه و سند راسوا على الحيط مخلي الماء ينزل فوقوا.. تبسم على جنب وقت جات صورتها بين عينيه و رجع قلبوا يدق
فهد : راح نلقاك يا عمري راح نلقاك
خرج من الدوش ليس ثيابوا و مشا للكوزينة عمل قهوة وقت صونا تيليفونوا وصلوا ميساج .. زفر بعصب و هزوا يقرا فالرسالة لي وصلتوا .. اول ماقراها وساعوا عينيه حط الكاس من يدوا و ناض يجري لبس مونطوه و هز مفتاح السيارة ..
اول ما ركب فسيارتوا قلع يسوق حارق الطريق مش مصدق وقتاه يوصل للعنوان
بعد نص ساعة حبس السيارة قدام مطعم فخم يطل على شط البحر .. نزل يجري اول ما دخل قابلتوا قاعدة فالطابلة مع واحد .. غمض عينيه بعصب يشوف فيها قاعدة تضحك عادي و هو عندوا اشهر و هو كيف المهبول كلشي صار بسبتها و هي ولا علابالها ..
مشا لعندها يزرب فخطواتوا اول ما وصل حكمها من شعرها
فهد : بسيف ياا **** تعرفي قداه و انا عندي نستنى فاللحظة هذي
فاللحظة لي هي بلعت ريقها هزت راسها بشوي طاحت عينها في عينيه لي كانوا حمر من العصب رجعت ترجف علابالها بلي اليوم آخرتها
سحبها من شعرها يكركر فيها و هي تصيح ..
ناض لي كان قاعد معاها مشا لعند فهد
- ااااي وش مفكر روحك نتااا سيب الطفلة
هز عينيه قحرلو قحرة نتاع موت
فهد : بعد من وجهي نتا احسنلك
- سيب الطفلة
حرك راسوا على الجنب و هز يدوا عطاه بوكس بكل قوتوا خلاه طايح فالارض حاكم فخشموا لي كان ينزف
فهد : لكان حاب تموت اليوم زيد قدم
شاف معاه ثواني و رجع يكركر فيها مخرجها من المطعم و الناس الكل تشوف معاهم
فهد : اليوم نهاارك يا **** لماا ندمك على الدقيقة لي عرفتيني فيها
رميساء : فهد...فهد اطلقني عيشك ..راك توجع فياا
مردش عليها كمل يكركر فيها مديها خلف المطعم .. اول ما وصل رماها على الارض هز راسوا شاف حواليه مكاين حتى واحد من غيرهم .. هبط عينيه لعندها ، تبسم و هو يشوف في خوفها
" بلعت ريقها " رميساء : علاه.. علاه جبتني هنا ؟... فهد خليني نروح
رمى الفاست لي كان لابسها و هز يديه يطلع فذراع الشوميز نتاعوا بكل ببرود
و هي قريب تعملها تحتها من الخوف تعرفوا مجنون ، لعنت روحها الف مرة لي راحت لعندوا
فهد : و اخيرااا تعرفي شهورة و انا نحلم باللقاء هذا
هزت روحها بسيف وقفت من الارض رجليها يرجفوا من الخوف
رميساء : وش ..تحتااج..عندي ؟
فهد : وش صرا ليلتها ؟
رميساء : وش قصدك بواش صرى ليلتها؟
فهد : منحبش نعاود هدرتي مي معليش .. لثاني مرة نسقسيك وش صرا ليلتها ؟
رميساء : نظن تعرف وش صرا نتا لي حبيت و نتا لي بديت الاول
غمض عينيه بعصب و مشا لعندها حكمها من شعرها و هي رجعت تصيح
رميساء : اااعع سيبني راك وجعتني
هزلها راسها لين قابل وجهو و جها
فهد : احسنلك متكذبيش نعرف بلي مصرا والوا
رميساء : لا يا روحي راك غالط ليلتها نتا لي طلبت مني بلسانك
غمض عينيه بعصب و زاد زيرلها على شعرها خلاها تصيح من الوجع
فهد : تعرفي كون تبقاي وحدك مراا فالدنيا مستحيل نقرب منك على خااطر نعييفك
" ضحكة ضحكة خفيفة " رميساء : ليلتها قلت بلي انا اجمل مرا شفتها يخي درك رجعت تعيفني ؟
لز على سنيه رجع يتنفس بسرعة يحس فروحوا راح يطرشق هوا عمروا هز يدوا على مرا و ميحبش يهزها
فهد : حاجتك كذب
رميساء : هذا الكل علاجاال ال**** المصفارة هذيك ؟
محسش على روحوا غير هز يدوا و عطاها كف خلاها طيح فالارض
" صاح عليها "فهد : متجيبييش سييرتهاا على لسااانك رينااااس اششررف منك نتي ال****
حطت يدها على على خدها و هزت راسها تشوف معاه .. فجأة رجعت تضحك بهيسيرية
رميساء : ههههههههه ضربتني ؟؟ ضربتني على جااال وحدة **** متسوااس فهد ضربتنييي ؟؟
فاللحظة لي هو كلب رجع ميضويش نزل عليها ضرب و خبط كل مرة يسمعها تسب في ريناس يرجع يضرب فيها بكل وحشية
ناض من فوقها يلهث يديه وجعوه من شدة الضرب لي وكلهولها ..
كبس على فكها و هي رجعت تبكي
فهد : كلشي صار بسباابك ريناس عندها عام و هي مكاانش بسبتك كون مش نتي يااا **** لي جيتي لعندي مكانش راح يصرى الشيء هذا الكل .. تعرفي كون نقتلك درك و نرميك واحد ماراح يعرف
بلعت ريقها و رجعت ترجف من الخوف نبرة صوتوا جدية و ملامحوا باردة و تقدر تعرف بسهولة بلي مش قاعد يتمسخر و يقدر يقتلها و يرميها صح
ناض و نوضها معاها باقي حاكمها من شعرها
رميساء : فهد.. سيبنيي
فهد : اااششش سكري فمك احسنلك منحبش نسمع صوتك
رجعت تبكي بصوت عالي خايفة كون صح يقتلها
رميساء : يزي وجعتني يزي .. فهد مصراا والوا بيناتنا والله مصرات حاجة ..سيبني درك
وقف في بلاصتوا وقت سمعها تعترف بلي مصرا ولاوا .. شاف معاها و رجع خبطها على الحيط و هز يدوا حطها على رقبتها يخنق فيها
فهد : علااااه عملتيي هك علاااه
فاللحظة لي هي رجعت تتفرفط بين يديه تحاول تجبد فروحوا و هو باقي مكبس على رقبتها
رميساء : مش ..فهد ..مش ..قادرة ..نتنفس .. نجوى ..قاتلي
رخف يدوا من عليها اول ما سمع بإسم نجوى .. خلاها طاحت على الارض حاكمة في رقبتها ترد فالنفس لي تقطع عليه
" صاح عليها " فهد : وشبيهااا نجوى ؟ وش قااالتك ؟
مردتش عليه زادت قوت في صوت بكاها ..
زفر بعصب و طابس لعندها حكمها من زندها يخض فيها و يصيح
فهد : رميسااااا احكي متهبلينييش وش قاتلك نجوى
"غمضت عينيها و تنهدت " رميساء : هي لي طلبت مني نجي لإيطاليا ، عطاتني عنوان الاوتيل و خلاتني نطلع لغرفتك و نعطيك مخدر ، ليلتها وقت مشيت انا الحمام كي رجعت لقيتك راقد .. انا لي نحيتلك ثيابك و رقدت قدامك مصرا والوا
غمض عينيه بعصب يحس فروحوا راح يطرشق
فهد : علاه عملت هك ؟
رميساء : باه تشوفنا ريناس و ...
هبطت راسها فاللحظة لي دزها هوا رجعت طاحت على الارض .. شاف معاها بإستحقار من فوق لتحت
فهد : كلكم كيما بعضاكم ***** ( هز صبعوا يهدد فيها ) احسنلك منزيدش نشوفك المرة الجاية مش راح نتحكم فروحي و راح نقتلك
تف عليها و مشا راجع لسيارتوا رايح لعند نحوى العصب ياكل فيه مش مصدق وقتاه يوصل لعندها و يقطعها طراف طراف ظهرت هي الحية الكبيرة
قاعدة على الارض في شوكة الغرفة المظلمة .. ضامة رجليها لصدرها ..مكبسة على عينيها تسمع في حس الفيران و الحشرات لي ماليين الغرفة .. خايفة كشما حاجة تلمسها ..
جسمها كلوا كدمات وجها مخبش و يديها بالدم .. شعرها طايح على وجها .. عينيها محوقين .. لابسة ثوب فالابيض قصير و لي رجع لونوا بني من الوسخ تع الغرفة لي راهي فيها
قطرات ماء المطر لي نازلين من السقف فوقها خلاو جسمها الكل يرعش بالبرد
سمعت صوت الباب يتحل زربت خبات الحجرة لي كانت تمضي فيها على الارض صرلها ايام
اول ما تفتح الباب طلعت راسها تشوف معاه داخل و في يدوا سينية حاط فيها ماكلة و تبسيمة غبية على شفافوا
جواد : صباح لخير لحب حياتي
قحرتلوا قحرة تاع موت كون تصيب تنوض درك تدخلوا الحجرة في نص رقبتوا
جواد : نوضي تاكلي جبتلك الفطور
مردتش مكملة تقحرلوا فالوقت لي هو نفخ على جنب
جواد : ااافف ريناس يعني راهوا عام كامل عدى مكرهتيش ؟ حابة تموتي بالجوع ؟ تاكلي غير بالضرب اصلا هذا ما ينفع معاك غير الضرب
" خرج صوتها ضعيف " ريناس : مكرهتش ؟ مش حاب تخليني نروح ؟ لوكتاه راح نبقى هنا
جواد : مش حابة تفهمي بلي نحبك و بلي مراكيش خارجة من هنا حتى ترجعي تبادليني نفس الحب
ريناس : ونتا مش حااب تفهم بلي حبيت واحد فحياتي و مش راح نحب واحد خلاف من غيروا
جواد : جيتي تحبيه صح كنتي بقيتي معاه مرحتيش و خليتيه
ريناس : يمكن هذي اكبر غلطة درتها في حياتي كون صدقتوا كون مرانيش محبوسة عند واحد بسيكوبات درك
" عوج فموا " جواد : ايه معليش .. نوضي درك تاكلي
طابس لمستواها حطلها الصينية جنبها على الارض و هي تنفضت رماتها لبعيد .. وقفت في بلاصاتها و هزت يديها تضرب فيه و تصيح
ريناس : مناااااكلللش اااااععع سيبنيي نمشيييي يااااا كللللب
هزت يديها تجبد فيه من شعروا و تخبش فيه بظفارها
جواد : ريناااااااااس متخليينييش نقتللك بعدييي
مردتش عليه مكملة تخبش عليه فاللحظة لي حكمها من شعرها و خبطلها وجها على الحيط خلى دم يطرشق من جبهتها ..
طاحت على الارض و هو نزل عليه ضرب و خبط
جواد : يااااا **** تهزي يدك عليااا
ناض من فوقها يلهث بعد ما شبعها ضرب لين فقذت وعيها .. ضربها برجلوا على كرشها خلاها تأن من الوجاع
جواد : في يدك سمانة راني طولت بالي معاك بزاف يا تتسڨمي يا تلحقي لي قبلك
تف عليها و مشا خارج عينيه حمر العصب ياكل فيه عندوا عام و هو يستنى فيها تركح اما شيء كل مرة تخرجلوا بخرجة جديدة بلاشي محاولات الهرب لي كل سمانة يحكمها هاربة رغم الضرب لي تاكلوا كل يوم اما مش حابة تركح رحها
سكر عليها باب الغرفة ووقف قدام البوديڨارد
جواد : خليك هنا فالليل نرجع .. و بلا ما نوصيك تعرف وش ندير فيك كون تصرالها حاجة
هزلوا البوديڨارد راسوا بمعنى ايه و هو مشى خارج من الكوخ
بعد ما مشى للدار و غير ثيابوا رجع للشركة .. اول ما دخل طلع طول لبيروه يلزموا يكمل خدمة الشهر هذا باه يتفضى و يقدر يسافر الليلة
هز الاوراق لي كانوا فوق المكتب يوقع فيهم وقت صونا تيليفون ، هز حطوا على وذنوا يحكي و باقي مكمل يوقع باليد الاخرى
جواد : وي ؟
- ......
جواد : اااففف رااسها خشين الطفلة هذي خليها تموت بالجوع راني بديت نكره منها ... اقفل عليها الباب و خليها
سكر التيليفون و رماه فوق البيروا نفخ بعصب يحس فراسوا راح يطرشق .. هز راسوا طاحت عينوا على اسامة و ليديا واقفين عند الباب يشوفوا معاه .. بلع ريقوا خاف يكونوا سمعوه
جواد : اا..اسامة ؟
فاللحظة لي تبسم اسامة رطب الجو
اسامة : كنت نحوس عليك
جواد : علاه كشما كاين ؟
اسامة : لا اوراق برك نحتاجك توقع عليها
قرب لعندوا قعد مقابلوا هو و ليديا و لي كانت مطلعة حاجبها و تخزر فيه من فوق لتحت ..
اسامة : وقعلي فهاذوا
عطالوا الاوراق و جواد حكمهم عليه بسرعة يمضي فيهم
اسامة : سمعت بلي مسافر
جواد : ايه
ناض من فوق كرسيه لم الاوراق و عطاهم لاسامة .. هز الفاست نتاعوا لبسها بسرعة
جواد : سامحوني لازم نمشي
اول ما خرج من البيرو تنفضت ليديا نايضة من بلاصتها
ليديا : قوم خلينا نلحقوه
اسامة : زعما مع شكون كان قاعد يحكي ؟
ليديا : منعرفش بصح بديت نشك بلي عندوا يد في موضوع الاختفاء نتاع ريناس..
ركب اسامة فالسيارة و ليديا من جنبوا ، قلع لاحق السيارو نتاع جواد و لي كان مشعلابالوا بلي راهم لاحقينوا
بعد مدة حبست الطوموبيل جنب مستشفى للامراض العقلية .. نزل جواد من سيارتوا و مشا داخل للمصح مخلي ليديا و اسامة مستغربيين لجيتوا لهنا
ليديا : وش يدير هذا هنا ؟
اسامة : راح نلحقوا خليك هنا
هبط اسامة من خلفوا .. باقي ماشي من وراه حبس اول ماشافوا داخل لمكتب نتاع طبيب نفسي
- تفضل موسيو كشما تحتاج ؟
دور راسوا شاف مع وحدة لابسة المزير باين سكرتيرة .. تبسملها بتوتر
اسامة : اااا..شيء ظاهرلي ضعت بين الغرف ههه
رجع تبسملها و دور خارج من المصح ..
ركب فالسيارة
ليديا : وش كاين علاه رجعت ؟
" نفخ على الجنب " اسامة : دخل لعند طبيب نفسي مقدرتش نلحقوا .. راح نستناوه يخرج و نرجع ندخل كشما نلقى
ليديا : قلبي مش عاطيني خير ..راح نعيط لفهد
هزت التيليفون راح تكلم فهد فاللحظة لي خطفهولها اسامة من يدها
اسامة : شبيك هبلتي ؟ تعرفي فهد مجنون اصبري نفهموا وش صاير السع من بعد نكلموا
نفخت بعصب و هو رد راسوا للخلف باقي مركز عينيه على باب المصح يستنى فيه يخرج
بعد ساعة شافوا جواد خارج من المصحة و ركب فسيارتو
تنفض اسامة وقت شافوا .. نزل من الطوموبيل
اسامة : حبيبي ارجعي في بلاصتي خليك لاحقتيه عندك يغيب على عينيك راح ندخل نفهم وش كان يدير و نرجع نلحققك
هزتلوا راسها بمعنى ايه فاللحظة لي هو رجع دخل و طلع للمكتب .. اول ما وصل طاحت عينوا على السكرتيرة لي كانت ثلهث ، تعدل فثيابها و شعرها لي داخل بعضوا .. طلع حاجبوا من حالتها و مشا لعندها
اسامة : سلام ..
هزت راسها شافت معاه و تبسمث بخبث .. قربت لعندوا تحكي بإغراء
- شايفتك رجعت هه
" تبسم على جنب و زاد قربلها " اسامة : معليش نسقسيك ؟
هزت يديها حطتها على صدروا تمرر فيها ببطىء
- اامممم
اسامة : من شوي خرج واحد من هنا .. شوي طويل شعروا ابيض
- تحكي على موسيو جواد ؟
اسامة : ايه .. معليش تخبريني وش كان قاعد يدير هنا ؟
عوجت فمها و هزت يدها لخدوا تعدي فيها بحنانة على لحيتوا فاللحظة لي هو بلع ريقوا كون تطلع ليديا درك و تشوفوا معاها فالحالة هذي راح تقتلهم للزوج
- سر المرضى منجمش نخبر حتى واحد
شاف معاها ثواني باينة من لي جاست نتاعها وحدة **** نفخ على جنب وحط يدوا على خصرها .. قربها لعندوا لصقها فيه و حشرها مع المكتب
قرب لوذنها يهمسلها
اسامة : حتى انا متقدريش تخبريني ؟
- كيفاه اسمك ؟
" طلع حاجبوا " اسامة : خليك من اسمي
- تقولي و لا تخرج و تخليني نكمل خدمتي
اسامة : اسامة ..
هزت راسها لعندوا طبعت بوسة خفيفة على شفافوا
- اسامة .. وش رايك تجي عندي فالليل عاملة حفلة عندي فالدار راح تعجبك
اسامة : اامم نحااول و درك مش راح تخبريني وش كان يدير هنا ؟
- ادخل للغرفة تلقى خزانة صغيرة جنب المكتب مفتاحها فالدرج الاول ، راح تلقى لي تحوس عليهم لتم .. مطولش الطبيب خمس دقايق و يرجع ..راح نبقى هنا نعسوا
بعد عليها و مشا يجري دخل للغرفة .. فتح درج المكتب لقى مجموعة من المفاتح .. نفخ على جنب راح يطول باه يلقى مفتاح الخزنة الصحيح
هزهم الكل و دور للخزنة بدا يجرب فالمفتاح .. بعد دقاايق سمع صوت الخزنة كي تحلت تبسم ابتسامة عريضة و فتحها .. لقى بزاف دوسيات كل دوسي و اسم المريض نتاعوا
طاحت عينوا على اسم جواد **** .. تبسم ابتسامة عريضة و جبد الدوسي يقرى فيه
وساعوا عينيه و بلع ريقوا مش مصدق لي يقرى فيه يديه رجعوا يرجفوا الشيء لي قداموا و الصور لي يشوف فيها ماتتصدقش
قطع عليه الحس لي جاي من الخارج .. زرب رجع الملف لبلاصتوا و خبى المفاتح بيدين يرجفوا ..
خرج من المكتب و مشا يجري بلا مايرد على السكرتيرة لي كانت تعيط عليه
من جهة اخرى عند فهد و بعد ما عدى النهار الكل و هو يحوس على عنوانها و يحوس عليها من بلاصة لبلاصة .. بسيف باه لقاها ..
نزل يجري من السيارة وقف قدام الفيلا و هز يديه يخبط فالباب بكل قوتوا
فهد : نجوووى حليي ياااا **** حلللي اليووم مووتك
بعد دقايق فتحتلوا نجوى الباب و لي كانت مستغربة من حالتوا كيفاه هايج عينيه حمر و عظام فكوا بارزة من العصب
نجوى : فهد ..
مكملتش حكيها غير لقاتوا هز يدوا عطاها كف بكل قوتوا خلاها طيح فالارض .. شهقت و هزت راسها تشوف معاها مستغربة جات راح تحكي فاللحظة لي تنفض لعندها حكمها من شعرها طلعها لعندوا
فهد : اليوووم موتك ياااا كلبة
نجوى : ااااع فهد سيبني يااا مجنوون سيبنيي
فاللحظة لي هو مكانش يسمع في صوت صياحها كل لي بين عينيه صورة ريناس يخمم انوا كون مش نجوى لي طلبت من رميساء تمشي لعندوا مكانش يصير الشيء هذا الكل و يمكن الوقت هذا راح يكون قاعد
يحظر لعرسو هو و ريناس
رماها على الارض و طلع من فوقها يخنق فيها
فهد : علاه عملتي هك علااااه
بدى نفس يضيقلها
" خرج صوتها متقطع " نجوى : فهد...سيبني...ماعملت..والواا
فهد : (يصيح ) ماعملتي وااالوااا اااه ؟ و رميسااء انا لي بعتها يا**** كون مش نتي ريناس راهي قدامي درك... علااه ددرتي هك يا كلبة يخيي وش تسحقي من عنديي
نجوى : انااا..انااا..ن..نحبك
فهد : تحبيينيي يااا **** تحبينيي ؟ كيما تحبيي اساامة و تحبي انيس و تحبي جوااد ياا فااجرة وااشمن حب تحكي عليه يااا هااملة علااه لي كييفك يعرفواا الحب ؟ تحبي نفكرك قبل اعوااام وقت كنتي مع اساامة و جيتيني فالليل لدار تحوسي علياا و لا فالجزيرة وقت شفتيني مع رينااس و جن جنونك حتى انييس و ماامنعش منك يااا **** رااني شفتك فإيطالياا فوق السرير مع الكلب نتاع جوااد ، ال***** لي كييفك ميعرفوش الحب يعرفواا غير يفسدوا حيااة لي حوااليهم .. و درك شهدي على روحك اليوم اللخر نتااعك
غرست ظوافرها فيديه لي ملفوفين حول رقبتها النفس راح يتقطع عليهاا
نجوى : مش..مش..انا ..هو لي ..قاالي ..فهد ..
فاللحظة لي هوا بقا يشوف معاها مش فاهم وش تحكي
نجوى : هواا.. خااطيني.. ورااسك..خاطيني ..سيبني ..راح نموت
رخف يدوا على رقبتها بالعقل مش فاهم عليمن تحكي يعني كل دقيقة يخرجلوا واحد ..
فاللحظة لي هي حطت يديها على رقبتها ترد فالنفس لي تقطع عليها و تبكي .. رجع حكمها من شعرها و جبدلها وجها لعندوا
فهد : شكووون هذاااا ؟
نجوى : من..منقدرش ..راح يقتلني كون نخبرك
غمض عينيه بعصب و زاد كبس على شعرها اكثر خلاها تصيح من الوجاع
فهد : تحكي درك و لا اناا ليي نقتلللللك
صاح عليها خلاها ترجف زادوا نزلوا دموعها اكثر رجعت تشحڨ
نجوى : جوااد ..جوااد هو لي قالي نعطي دراهم لرميسااء
طلقها بعد ما سمع اسموا و ناض من بلاصتوا .. عڨب يدوا على شعروا بعصب قريب قلعوا كيفااه مخممش بلي جواد يمكن تكون عندوا يد فاللي صار و يمكن حتى هو لي خطف ريناس
فاللحظة لي سمعوا حس من خلفهم .. داروا لزوج لقاو انيس يشوف معاهم مستغرب
فهد : انيس ..؟
مردش عليه قرب لعند نجوى لي كانت قاعد فالارض و لي اول ما شافتوا مشات تزحف لعندوا
نجوى : ( تبكي ) انيس.. خليني نفهمك ..
مكملتش حكيها غير تلقاه حكمها مش شعرها و طاح عليها خبط بعد ماسمع حكيهم الكل
فاللحظة لي فهد مشا خارج يجري رايح لعند جواد
ركب فسيارتوا و قلع يسوق بسرعة حارق الطريق وقت صونا تيليفونوا .. مردش عليه مكمل يسوق اما التيليفون محبش يحبس نفخ بعصب و هز
فهد : وش تحتاج عند *** اساامة ؟
اسامة : فهد لااازم نحكي معااك
فهد : مش قااعدلك منبعد ..
اسامة : لاااا حبس مااتسكرش راني عرفت شكون لي خطف ريناس
وساعوا عينيه و فقد السيطرة على السيارة .. دارت بيه على الجنب شوي و تقلب كون مزربش تحكم فيها
فهد : شكووون اساامة اانطق شكووون ؟
اسامة : درك وين كنت عند الطبيب النفسي تع جواد متصدقش وش عرفت الراجل ظهر بسيكوبات واحد مريض عندوا عامين و هو فالمصح لأنوا قتل وحدة كان يحبها حرقها هي و اهلها و حسب ما عرفت ماهيش الاولى و كاين بزاف بنات قبلها ماتوا محرقوين
فاللحظة لي فهد قلبوا رجع يدق بالقاوي .. خرج اسمها من بين شفافوا
فهد : ريناس..
اسامة : رااني بعت ليديا تلحقوا درك عيطتلها قاتلي راه فداروا ازرب الحقوا قبل ما يخرج راني فطريقي لعندوا انا
سكر عليه الخط و هز يديه لي كانوا يرجفوا عداهم على وجهوا وش كون يكون قتلها هي ثاني ؟ نفض راسوا من الافكار السلبية لي تزاحمت في مخوا و رجع قلع يسوق هاذ المرة بسرعة كبيرة
شوي و حبس قدام داروا نزل يلقى سيارة اسامة مركيا على الجنب و لي نزلت منها ليديا اول ماشافتوا
ليديا : فهد ..
فهد : خليك هنا عندك تطلعي
مستنهاش ترد عليه و مشا طالع يجري للدار ..وقف قدام الباب عدا يدوا على وجهوا يهدي فروحوا و تنهد
هز يديه دق الباب بكل هدوء .. شوي وفتحلوا جواد الباب و لي كان لاف منشفة على خصروا صدروا عريان و شعراوا مبلول باين بلي درك وين خرج من الدوش
" شاف معاه بإستغراب " جواد : فهد ؟
فهد : نقدر نحكي معاك نحتاجك في موضوع مهم
عوج جواد فموا مش فاهم سبب جيتوا اصلا صرلوا ايام ماشافوش حتى للشركة و مش قاعد يجي ..
جواد : اتفضل ..
بعدلوا من الباب خلاه دخل ..
فهد : مكاين حتى واحد هنا ؟ الدار ساكثة
جواد : راني مسافر فالليل صرفت الخدامات بكري
عوج فموا و مشا قعد فوق البونك فالصالة
فهد : تقدر تغير ثيابك و تجي كاين بزاف هدرة لازم نحكيوها
هزلوا راسوا بمعنى ايه و دور طالع لغرفتوا ...
وقف قدام المراية قفل اخر ازرار الشوميز نتاعوا .. هز يدوا شاف مع الساعة صار الوقت و يلزم يزرب يخرج بالخف باه يلحق على موعد الطيارة .. نفخ بعصب مش فاهم منين خرجلوا فهد
هبط للصالة
جواد : سامحني طولت عليك ..
هز راسوا شاف مع الصالة فارغة و فهد مكانش.. طلع حاجبوا و عوج فموا وقت سمع حس من خلفوا .. ملحقش يدور و مايحس غير بحاجة ضربت تحت راسوا .. دور لعندوا مرهوج من الضربة
جواد : وش..وش درت ؟
ملخقش يكمل حكيوا غير طاح مغاشي فاللحظة لي تنفض فهد لعندوا يربط في يديه
بدا يحل فعينيه بشوي قابلوا ضوء الغرفة القاوي رجع سكرهم .. حاول يتحرك اما كأنوا حاجة مانعتوا .. رجع فتح عينيه يشوف في فهد قاعد على الارض مقابلوا و يتبسم .. طلع حاجبوا مش فاهم شيء .. هبط عينيه يشوف معا روحوا قاعد فوق كرسي يديه و رجليه مربوطين
فهد : صحة النوم
"حل فموا بسيف باه يحكي " جواد : وش..قاعد ..دير ..نتا ؟
فهد : حبيت نجرب شعور الخطف ههههه
جواد : وشنوو ؟
شاف معاه مش فاهم والوا نفخ على جنب و رجع غمض عينيه يحس فراسوا راح يطرشق من الوجيعة بسبة الضربة لي كلاهاا
فاللحظة لي فهد تنفض من بلاصتوا مشا لعندوا حكموا من شعروا ..
شاف معاه بكل غل عينيه حمر ، التبسيمة لي كانت مرسومة على وجهوا من ثواني تمحات و رجع وجهوا يخوف
فهد : هوما زوج كلمات و منحبش نحكي اكثر ، ريناس وين ؟
جواد : وشبييك نتاا هبلت ؟ تحب نفكرك بلي ريناس صرلي عااام مش شاايفها و هذا الكل بسبتك نتاا سيادتك
نحى يدوا من على شعروا و ناض من قداموا .. مشا رايح جاي في وسط الصالة حط يد على وسطوا و اليد اللخرة مررها على وجهوا يحاول يتمالك فروحوا
فهد : يعني مطولين هنا .. معليش
رجع لعندوا عطاه بوكس بكل قوتوا لين طاح جواد على خلفوا
جواد : ( يصيح )وشبييييه *** نتاااا هبلت
فهد : قتلك ريناس وين ؟
جواد : تعرررف وقتت نخرج من هناا راح نخلييك تتعفن فالحباااس
قلب عينيه و طابس لعندوا
فهد : نشوفوا شكون فينا لي راح يتعفن فالحباس .. ااه و لا نسيت بلي نتاا واحد مريض نفسي يعني راح تتعفن فالمصح مش فالحباس و هاذ المرة راني نأكدلك بلي مش راح تزيد تخرج كيما المرات لي فاتوا
فاللحظة لي جواد بلع ريقوا و نزلوا قطرات عرق من على جبينوا
جواد : فااش ..تحكي ؟
"ضحك على جنب " فهد : ليلى .. اسماء .. يسرى.. نظن في ثلاثة ماتوا محروقين مش هك ؟
"تلخلخ وجهوا " جواد : وش..قاعد تحكي ..شكون هذوا ؟
فهد : ااافف جوااد يزي راني نعرف كلش .. مكنتش متوقعك هك الصراحة وااو
جواد : شوف رااني مش قااعد لتفهااتك فكلي يديا خليني نمشي راه قريب موعد طيارتي
فهد : ويني ريناس ؟
نفخ جواد بعصب ورجع يتحرك يحاول يفك فيديه
فهد : نحكي مع *** قتلك ويني ريناس ؟
مردش عليه فاللحظة لي تنفض فهد لعندوا نزل عليه ضرب و خبط مخلاش فيه عظمة صحيحة فرغ فيه غشوا الكل
ناض من فوقوا يلهث بعد ما شبعوا ضرب .. شاف معاه نصف واعي وجهوا مدمد كلوا دم .. هز يدوا عداها على شعروا بعصب على قد ماحاول معاه باه يحكيلوا على بلاصتها اما شيء ..
هز رجلوا رجع خبطوا على كرشوا
فهد : نوووض ياا كللب نووض
مردش عليه باقي يإن من الوجيعة فاللحظة لي مشى فهد للكوزينة جاب قرعة ماء فرغها فوقواا
شهق و ناض مخلوع من الماء البارد لي نزل عليه ..
نزل لعندوا حكموا من كول الشوميز نتاعوا يحكي بنبرة جدية تخوف
فهد : لآخر مرة نقولك ريناس وين ؟
فالوقت لي جواد طلق ضحكة قاوية خلى فهد يتفاجأ
جواد : هههههههههه ..يمكن..يمكن نكون.. حرقتها هي ثاني ههههه
غمض عينيه بعصب ..حط يدوا خلف رقبت جواد و خبطلوا راسوا على الارض خلاه يصيح من الوجيعة
فهد : يعني مش راح تحكي
جواد: فكنييي ياااااا كلللب لماااا نورييلك فكنييي يااااا ***
رجع خبطلوا راسوا مرة اخرى
فهد : اااششش ماا تصيحش .. متعرفش بلي راني بسيكوبات اكثر منك
تف الدم من فموا و هز عينيه يشوف معاه و تبسيمة غبية على وجهوا خرج صوتوا ضعيف من شدة الوجيعة
جواد : هه و متعرفش بلي راني نموت و منقولكش ويني ..
شاف معاه فهد ثواني .. عوج فموا و ناض من بلاصتوا خارج من الدار مخلي جواد يصيح من خلفوا
شوي و رجع و في يدو بيدون نتاع البنزين .. هز يفرغ فيه في ارجاء الصالة فاللحظة لي جواد بلع ريقوا و علامات الخوف بدات تبان على وجهوا
جواد : فهد ..فهد وش قااعد دير .. شبيك هبلت
مردش عليه فهد مكمل يفرغ فيه في انحاء الدار الكل
جواد : (يصيح ) يااااامجنووون وش راااح ديير
رجع يتخبط بكل قوتوا يحاول يفك في رجليه و يديه
فهد : راح نخليك تحس بعذاب الحريق
فاللحظة لي جبد الولاعة من جيبوا .. تبسم بخبث
فهد : ابدا تشهد
جواد : لااااااااا فهد متعملهاااش .. راااح تمووت و متعرفش بلاصت ريناس كون تقتلنيي
فهد : متخافش راح نلقاها و كيما وصلتلها اليوم و عرفت بلي عندك راح نوصلها غدوا و نلقاها حتى كون نعدي حياتي الكل نحوس عليها راح نلقاهاا
فتح الولاعة راح يرميها فاللحظة لي جواد تنفض يصيح على طول صوتوا
جواد : خلااااااص سيبنيي راااح نقللك ويني سيبنيي يااااا مجنووون
تبسم على جنب و رجع الولاعة في جيبوا مشا لعندوا حكموا من شعروا طلعوا راسوا
فهد : ويني
جواد : عند ***** الكوخ لي فآخر الغابة
طلقوا و نااض رايح يجري .. اول ما خرج من الدار قابلوا اسامة و سيارات الشرطة من خلفوا
اسامة : فهد ..
مردش عليه زرب ركب في سياتوا و قلع رايح لعندها يسوق و مخلي العجاج من وراه مش مصدق وقتاه يلقاها يضمها لعندوا و يبوسها بعد ما عدى عام كامل و هو بعيد عليها
من جهة اخرى عند ريناس كانت قاعدة على السرير ..تبسمت و هي تقلب في الحجرة لي بين يديها و لي اخيراا صارت حادة بعد ما عدات ايام و هي تمضي فيها
سمعت صوت خطوات قراب للباب .. تنهدت تستجمع في قوتها و ناضت بسرعة تخبات من خلف الباب
اول ما تفتح الباب دخل الحارس و في يدوا سينية
- كولي لامش حابتني نفسدلك داك الوجه الباهي
فاللحظة لي شهق وقت شاف الغرفة فارغة طاحتلوا الصينية من يدوا
ريناس : اااي نتااا
يا ذوب ماسمع صوتها دار لعندها بسرعة و مايحس غير بحاجة حادة اخترقت كرشوا .. شهق و عينيه خرجوا .. فاللحظة لي هي بلعت ريقها و رجعت على خلفها يدها رجعت ترجف .. حطت يدها على فمها تشوف مع الدم لي بدى يخرج من كرشوا
- يااا ..**** ..وش ..درتي
حط يدوا على كرشوا و وقع على الارض من شدة الوجيعة ..
تجمعوا الدموع فيعينيها شافت معااه اخر مرة و مشات تجري خارجة من البيت .. اول ما طلعت برى الكوخ شافت حواليها غير اشجار مبين بلي الكوخ في وسط الغابة حتى من الظلام طاح و المكان رجع يخوف .. لمحت سيارة على الجنب لمعوا عينيها و مشات تجري لعندها .. حاولت تحل الباب اما سيارة كانت مسكرة
ريناس : ااااااعع يلعن حظي
حطت يديها على راسها تحاول تهدي في روحها
ريناس : المفتاح... يكون عندوا ااااعع
رجعت دخلت للكوخ بسرعة طلت عليه لقاتوا راقد على الارض نص واعي و غارق فالدم .. قربت لعندوا بخطوات ثابتة .. طابست تحوس في جيابوا .. يا ذوب ما لامست المفتاح.. حكملها يدها بقوة
خرج صوتوا متقطع ضعيف : ر..راح نقتللك
بلعت ريقها حاولت تجبد يدها منوا اما باقي مكبس عليها .. هزت يدها الاخرة حطتها على جرحوا و تكات عليه خلاتوا يصيح من الوجيعة .. يا ذوب ما طلقلها يدها ناضت تجري خارجة من الكوخ زربت ركبت فالسيارة و قلعت خاجرة من الغابة ..
خرجت لطريق البلاصة غريبة معلابالهاش حتى وين راهي .. الطريق فارغة و مظلمة كون مش ضوء السيارة راهي متشوف والوا ...
رجعت تبكي بالشهقة مش مصدقة بلي قدرت تهرب بعد ماعدات عام الكل و هي محبوسة في وسط الجحيم هذاك .. عمرها توقعت انوا راح تصرالها حاجة مثل هك و السبة ولد خالها .. قوات في شهقتها وقت تفكرت لي جاز عليها من عذاب الكل .. الضرب لي كلاتوا و السب لي كل ليلة تسمعوا وقت متخليهش يقربلها و لا يلمسها .. الجوع ، العطش و البرد .. مش مصدقة بلي و اخيرا تهنات و راح ترجع لحياتها راح ترجع لحضن امها و اهلها و اصحابها و الاهم راح ترجع لعندزا لحضن حبيبها
فاللحظة لي قطع عليها صوت تزمير شاحنة جاية ناحيتها .. شهقت و تكات على الفرامل بكل قوتها تحاول تحبس السيارة .. دورت المقود على الجنب وقت دارت بيهاا السيارة و تقلبت عدة مرات قبل ما تتصدم بشجرة
فالوقت لي كان فهد فطريقوا لعندها عندوا ساعة و هو يسوق حارق الطريق اما المكان لي مخبيها فيه كان بعيد بزاف ..
هز يدوا خبطها على الفولون بعصب
فهد : ال*** الطحااان مخبيهااافي طرف الدنياا الله لا تربحك
فاللحظة لي قرب يوصل لمح سيارات الشرطة مركية من بعيد و مجموعة ناس متلمة على سيارة .. ضيق عينيه و نقص في السرعة مقرب لعندهم يحس فقلبوا تقبض ابصر منااه ..
ركى السيارة على الجنب و نزل يشوف مع رجال الشرطة محوطين المكان و مجموعة سيارات مركية على جنب ..بلع ريقوا وقرب لعندهم والصورة ماشية و توضاح سيارة مقلوبة مدقدقة جرة الحادث داخلة في شجرة .. الدخان خارج منها ..
كمل ماشي مقدم .. حبسوا صوت الشرطي
- وين داخل ممنوع
فهد : شك..
مكملش كلاموا غير وساعوا عينيه وشهق فرد شهقة بلع ريقوا يشوف فيها مرمية على الارض غارق في دموماتها و زوج شرطيين واقفين عند راسها يستناو فسيارة الاسعاف تجي ..
تنفض رايح يجري لعندها قلبوا يدق بالقاوي راح يخرج من بلاصتوا .. اول ما وصل لعندها طابس على الركايبوا و هزها بين يديه يصيح
فهد : ريناااااس .. رينااااس قوميي يااا روحي راااني وصلت .. رينااااس حلي عينيك يااا عمري متخليينييش .. ريناااس
تجمعوا دموع في عينيه و هي يشوف فيها فاقدة للوعي وجها كلوا دم و كدمات
- موسيو تعرفها ؟
مردش على الشرطي لي كان يسقسي فيه مكمل يخض فيها يحاول فيها تفيق
فهد : حليي عيينييك ياا عمري نتيي شوفوني رااني قداامك ياا روحي سامحيني نعررف طولت باه لقيتك .. "طاحت دمعة من عينوا " .. ريناس قومي متخلينيش راني نموت من غيرك ريناس " هز راسوا للشرطة يعيط على اقصى صوتوا عينيه حمر جمر " .. ويينييي الاسعااااااف راااااح تموووت
فاللحظة لي قطع عليهم صوت الاسعاف اول ماشافهم .. هزها بين يدها ومشا يجري لعندهم .. حلولول الباب ركب .. حطها فوق السرير و قعد جنبها حاكملها يدها بين يديه و زوج طبة يعاينوا فيها
- تعرضة لضربة قوية في راسهاا
- نبضاتها ضعيفة بسررعة لاازم نوصلوا المستشفى
قرب يدها لفموا يبوس فيها و دموع باقيين ينزلوا من عينيه مش حابين يحبسوا
فهد : ( بصوت ضعيف مكسور ) متخلينش يا عمري رااني نموت مش المرة هذي مش بعد مالقيتك
بعد اربع ساعات في المستشفى .. كان قاعد على الارض يشوف فالفراغ عينيه حمر محوقين و شعروا مفرفش يستنى في واحد يطلع و يطمنوا اربع ساعات و هو يستنى في عمليتها تخلص قلبوا قريب ياقف خايف لا تصرى صح و ميزيدش يشوفها
قداموا زينب تبكي و ليديا محضتنها لزوج محبسوش بكى من اول ماسمعوا بالخبر ..
طابس اسامة لفهد يحكي معاه
اسامة : كشما نجيبلك حاجة تاكلها ؟ عندك ساعات محطيت والوا في فمك
مردش عليه فاللحظة لي تنهد اسامة و ناض رايح لعند ليديا
اسامة : ليديا يا روحي يزي بكا
قعد قدامها و جبدها لحضنوا يعدي في يدوا على شعرها و هي زادت قوات فبكيتها
اسامة : ااشش رااح تقوم بخير يا روحي
فاللحظة لي قطع عليهم صوت باب العمليات و هو يتحل تنفضوا الكل .. شاف فهد مع الطبيب لي خرج
زينب : (تبكي ) دكتور ..بنتي ..مليحة ؟
فهد : فااقت ريناس ؟
شاف معاهم الطبيب بالواحد تنهد و بدا يحكي
- الصراحة تعرضت لضربة قوية من جهة اليمين نتاع راسها و يبدوا انوا مش اول مرة تتضرر المنطقة
" بلعت ريقها " زينب : يعني .. من شيء عامين عملت حادث كانت فسباق و تعرضت لضربة قوية من جهة راسها
- مع الاسف رجعت تعرضت لضربة في نفس المكان
يا ذوب ما كمل حكيو حكموا فهد من كول طابليتوا
فهد : ياا *** مش راااح تنطق درك و تحكي وشبيهااا
حكموا اسامة من كتفوا جبدوا من على الطبيب
اسامة : فهد يزي بلا مشااكل خلي الطبيب يحكي
قحرلوا الطبيب عدل طابليتوا و كمل يحكي
- المريضة دخلت في غيبوبة الضربة لي تعرضتلها صحيحة و مش معروف وكتاه راح تفيق
شهقوا الكل وقت سمعوا حكيوا .. طاحت زينب فالقاعة و ليديا هبطت لعندها تفيق فيها و تبكي
فاللحظة لي تنفض فهد لعندوا رجع حكموا يخنق فيه
فهد : (يصيح ) وش تحكييي ياااا *** وش تحكييي
مشا لعندوا اسامة يجبد فيه قبل ما يقتل الطبيب
اسامة : فهددد خلااااص اطلقواا راح تقتل الرااجل
فهد : خلييي يموووت ال*** مسمعتووش وش قاعد يحكي
بسيف باه جبدوا من عليه تنفض الطبيب يرد فالنفس نتاعوا
- يااا مجنووون
فهد : سيبنيي اسااامة نقتلوااا سيبنيي نورييلواا كيفاه تدخل فغيبوبة
هرب الطبيب يجري خايف يزيد يكلب عليه و فهد دز اسامة لي كان حاكموا بعيد عليه
هز يدوا عداها على وجهوا بعصب و مشا رايح جاي مش مصدق لي سمعوا .. دموعوا حاكهم بالسيف كون مش راجل راه قعد قدام ليديا و زينب و بدا ينوح معاهم
بعد مرور شهرين :
كان قاعد جنب السرير وين كانت راقدة .. حاط راسوا على السرير و مكبس على يدها بين يديه .. شعروا غثى و لحيتوا هاجت ، عينيه محوقين و اسود تحتهم .. رجعت حالتوا مزرية من نهار الحادث بعد ماقال لقاها و راح يصلح كلش رجع لنقطة الصفر .. عندها شهرين و هي فالغيبوبة رجع ميرقدش لشدة انوا يخاف ينوض على خبر موتها .. يعدي الليل الكل و هو يشرب و النهار يعديه و هو قدامها حتى انوا لي يخدموا فالمستشفى الكل رجعوا يعرفوه ..
هز راسوا شاف معاها بعينين ذابلين
فهد : مش راح تفيقي يا عمري ؟ بزاف راه مشبعنيش نوم يخي ؟
تنهد من اعماق قلبوا .. هز يدها يطبع فبوسات خفاف .. وقت سمع الباب تحل ..
طلع راسوا شاف زينب داخلة حتى هي مش احسن حال منوا .. راهي امها و قلبها مشوي على بنتها .. تبسمت معاه وقت طاحت عينها في عينوا و قربت لعند ريناس باستها من على جبينها .. قعدت فالكرسي مقابلتوا ..
زينب : تحبها ؟
" تبسم بإنكسار " فهد : فوت المرحلة هذي عندي شحال
زينب : معندكمش مدة تعرفوا بعضاكم كيفاه لحقت تحبها كيما هك ؟
تنهد و رجع هز يد ريناس طبع،عليها بوسة
فهد : عندي اكثر من 19 سنة نعرفها ..
طلعت حاجبها مش فاهمة فاللحظة لي هو كمل حكيوا
فهد : لكان تذكري قبل 13 سنة وقت جيتي هزيتي ريناس من الحومة كان كاين طفل صغير هددك بلي راح يضربك كون تبكيها
وساعوا عينيها شافت معاه بفم محلول
زينب : متقوليش .. صاار نتا فهد لي كانت مهبلتني بيه ؟
تبسم و هزلها راسوا بمعنى ايه
زينب : تعرف بلي تصويرتكم و نتوما صغار مع بعض كانت متفارقهاش ؟ كانت تديها معاها وين ما تروح .. هه كل ليلة كانت تحكيلي عليك وعلى مغامراتكم (طاحتلها دمعة هزت يدها مسحتها بالخف ) حتى هي كانت تحبك من الصغر
ضحك ضحكة خفيفة و رجع طبع بوسة على يدها .. فاللحظة لي تفتح الباب و دخل منوا الطبيب .. تنفضت زينب لعندوا
زينب : دكتور مكانش تقدم فصحتها ؟
- مع الاسف مدام مزلت على نفس الحالة
تنهد فهد من اعماق قلبوا هز يديه عداهم على وجهوا و رجع حكم يدها .. فاللحظة لي حسها كبست على صبعوا شهق فرد شهقة .. رجعت كبست عليه مرة اخرى و هو تنفض يصيح مش مصدق
فهد : حركتهااا و اللله حركتهاا
دور الطبيب و زينب يشوف معاه مفجوعيني من صياحوا و هو الضحكة ملات وجهوا
فهد : حركت صبعها رااهي كبستلي على يدي
- لا مستحيل درك وين..
مكملش كلاموا غير قطع عليه فهد يصيح
فهد : متخليينييش نجيي نورييلك وش هواا المستحييل و درك تحررك افحصهااا
بعد 3 سنوات
فاقت الصباح على ضوء الشمس لي داخل من الشباك تململت في بلاصتها .. هزت يديها مسحت عينيها و دارت لعندوا تشوف معاه راقد على كرشوا صدروا عريان و شعروا مفرفش .. تبسمت على جنب تعشقها حالتوا هذي .. قربت لعندوا طبعت بوسة خفيفة على رقبتوا ..
ريناس : فهدوشي نوض حبيبي راح الحال
كملت تبوس فيه بالشوي فاللحظة لي هو رجع غرس راسوا فالمخدة مش حاب ينوض ..
ريناس : نوض حااجتك رقااد الشركة راح تقفل و نتا هنا راقد
فهد : مممم
رجعت ضحكت ضحكة خفيفة و قامت من فوق السرير .. حطت يدها على كرشها لي خارجة و طابست هزت تريكوه من الارض لبستوا
ريناس : نفيق ياسر و نرجعلك
خرجت من الغرفة و مشات لرواق لي جنبها فتحت باب اول غرفة و دخلت راسها طل منوا لقاتوا فايق .. فاللحظة لي هو ضحك وقت شافها
ريناس : حبيبي يخي فقت ههه
مشات لعندوا هزتوا من على السرير تبوس فيه
ياسر : ثبااح حيير ماماثي
ريناس : هههه صبااح النوور ياا عمري نتاا رقد حبيبي ملييح ؟
هزلها راسوا بمعنى ايه و هي رجعت تبوس فيه
ريناس : اااووخ سكرر
ياسر : منيث ثكر ماما
ريناس : ههههه سكر حبيبي سكر
ياسر : يخي بابا ماناضث ؟
ريناس : ماناضش امشي لعندوا بوسوا باه ينوض .. نديرلك حليبك و نجي اوكي ماما ؟
ياسر : اوكي
رجعت باستوا على خدوا و هبطتوا على الارض مشا يجري لغرفتهم .. فاللحظة لي هي تبسمت و مشات هابطة للكوزينة تعمل فالفطور
وقت خلصت تحضير فطور .. هزت البيبرون نتاع ياسر و مشات طالعة للبيت .. اول ما قربت سمعت صوت ضحكهم لي ملا الدار .. تبسمت و دخلت عندهم .. لقات ياسر راقد و فهد فوقوا يبوس فيه لزوج يضحوا
ياسر : ههههه ماامااا ثي قولواا ينووض من فووقي هههه
فهد : ناااكلك يااا قط نااكلك ههههه
قربت لعندهم حطت البيبرون فوق الطابل و قعدت جنبهم فوق السرير
ريناس : فهد يزيي خليي الطفل
فاللحظة لي سحبها من يدها جات تحتوا طابس لعندها يبوس فيها و رجع يبوس في كرشهاا
فهد : صبااح الحب
ريناس : ههههه يزيي يااا مجنوون ولدك يشوف معاناا
ياسر : بابا علاه بث ماما من كرثهاا ؟
ريناس : شفت وش تعلم فالطفل
فهد : ههههه قاعد نبوس في ختك لي جاياا فالطريق متحبش تبوسهاا ؟
لمعوا عينيه و قرب لعندها غطس يبوس في كرشها و هي شايخة ضحك وقت تنهد فهد و طلع لعندها حط راسوا جنب راسها .. قرب لعندها يوشوش في وذنها
فهد : وش رايك تهزي ولدك لبيتوا و ترجعي نعملوا ماتش قبل ما نمشي نخدم .. متوحشك راني ههه
ريناس : يخي متشبعش نتاا هههه ؟
طبع بوسة خفيفة على شفافها
فهد : ولي يذوق العسل يشبع
ريناس : ههههه يزي ولدك يشوف راح تسوفج الطفل
فهد : راه غاطس يبوس فختوا مش معانا ههه
هزوا عينيهم يشوف معاه لزوج و رجعوا يضحكوا
دورت راسها لعند فهد تشوف معاه وقت طاحوا عينيعا فعينيه
ريناس : نحبك
فهد : و انا نعشقك يا روحي
#النهاااااااية
ليست هناك تعليقات:
إرسال تعليق