نساو كلامعم خايب نساو وجيعتهم و ركزوا في عنين بعضهم قلوبهم نجحت باش تتحيد وقتها زاد قربها ليه و بظي يقربيلها و يبلع في ريقو بسيف ... قوربو ليها بارك يدهلو بعضو نفس متاعها سيطر عليه و هذا نفس شي الي حسيتو نرمين ذوبها من لميسيت إيديه
نساها حتا بش ظافع علا روحها .. هاذا الحب صحيح الي يطير بإنسان و يجردو من عقلو هبط بشوي و جبد ها اكثر و غرس فمو في شفة اللوطنية الي ديما تغريه فيها و كبيس عليها و غطسو في بوسا ولا في خيال و لا زمان و لا حتا مكان
32 لكن الوقت تعدا و بداو يسترجعو في وعيهم ... و خاصة نرمين ... بدات تبعد عليه بشويا لين توازنت ... و هو كيفكيف بعيد شويا .. ... نرمين طول تفكرت شقاللها ... عينيها زاغلو ... و كرهت روحها خاطر باست واحد كيفو حكي معاها بأخيب طرق و طعنها في شرفها
حاولت تستجمع قوتها باش تعرف كيفا تعلمو درس
هي: صحا ليك ... هاك بوستني و مبعد ... علا ش ناوي ... نعاريلك روحي و ترقد معايا
هو عينيه شعلت زاد فكرتو في موقف
جبدها ليه و نزل علا سنيه
هو: ر.... مرخصة روحك لهدرجة انتي .... بش تحكي هيكا.... تبركالله زيد واصل ... خاطر برسمي قاعد نشوف في خمجك علا قاعدة
زادت شعلت كي سمعتو يحكي كاك
هي: نومال انتي ...... بارك تسخابني من ق ..... متاعك .... بش تحكي معايا هكا
هو يتمقعر : علاه سيادتك .... شبيش تطلع ... مدام تبوش مع عادل .... تحت شجر ا وانتي حتا دقيقتين مقعدتيش معاه طول سلمت ..... موش يتسبا ق.... هذا
عينيها زغلو و حسيت روحا مضلومة من كلامو .... اما ما ضهرتلوش ضعفها ... عاودت إستجمعت قواها بش تغزلو
هي: و انتي شيهيك في جد بابا .... نبوش مع عادل ... مع فطحيز مع سما .... شمداخلك
كسمعها كاك زاد تأكد الي هيا عملت كاك ..... يحس في روحو سخن ... نارو شعلت ... و نزليلها علا وجعها
عو: ر.... كي انتي جايا باش تتق.... مشالله مفماش كان عادل الأولاد بزايد ... و يخلصوك بساعة زادة
هي في عوض تصححلو معلومة قعدت كاك تحبو يغلط معاها أكثر .... بش كي يعرف لحقيقية ... يموت تدريجيا
هي: و انتي حاطينك ... عساس علا جد بابا ... بساعة بجمعة بشهر ... بليلة .... امور تخصني هاكي ...
هو و عينيه تكدح نار : لا مانيش عساس يا ماما ..... بصدفة ريتك تتمعشق معاه في طبيعة
هيا وقتها فهمتو الي راها محملها ... يسخايبها تبوس فيه
ضحكت و هابطة بش ترجع لوين جماعة
هيا كاك و هو جبدها ... ما خلاهاش تهبط
هو : وين ماشية .... و لا توحشتو ... ما نجمتش تصبر ... ما قتليش بش تعدي ليلة معاه هو و لا خوه
هو قال كاك و هيا هزيت إيدها و طرشقتو بكف
اصلا ماهييش عارفة قوة منين جاتها .... و هبطيت تجري لين نفس تقطع علاها
هو قعد مبهم ... اول مرة مرا تتجارؤ تضربو
فاق من سرحتو ولحق يجري وراها
هيا كي وصلت حذا جماعة .... تحس في دنيا ضابيت و معادش تنجم تراهم .... قعدت واقفة تغزرلهم و هما با هتين شباهة مسمرت غادي
هو في وقت هاكا لحق وراها و بغزول جبدها من إيدها
و 0ps تطيح في حضنو .... نرمين وقتها داخت
.... هو تفجع عليها قعد يحركيلها في وجها و هي لا حياة لمن تنادي ... معادش حسيت بشي .... جات مرا كبيرة تجري ... و قلتلهم لازم يهيزوها لمستوصف
ضاهر من وجها تاعبة ...
هما الحمد جا فما مستوصف في بلاصة هاكي ... صحيح موش هدرة و صغير أما يعالج في ناس تسكن غادي و يوفرهم رعاية كاملة
هزها بين إيدية و ركبو في قارب صغير و معاهم عادل بش يديلهم علا طريق و زوز بحارة ...
.. وصلو ا لمستوصف و دخل بيها يجري حطها عل فرش
... جات طبيبة تتفقد في الحالة و طلبت منو انو يخرج
قعد قلبو معاها ... حس روحو هو مسؤول علا حالتها
قعد يضرب في راسو في حيط
هوما كاك و طلعتلهم طبيبة ... مشالها يجري
هو: شفما .... لاباس .... شنوا صارلها
طبي: لاباس ما فما شي خطير .... ضاهر نتيجة تعب و قلة ماكلة و توتر دهورلها حالتها .... داخت خاطر بدنها ما فيشي مناعة الكافية بش يقاوم
قبط: قعد خايف و قلها اول مرا يصيريلها هكا ... كانت لاباس عليها
وقتعا تكلم عادل : اه قبطان موش اول مرة ... بكري كي مشيت حذاها و هيا تتمشا .. ما فيقت بيها كان دايخة بين إيديا ... حاولت تتنفس بالكدا باش رجعت كيما كاك .... متنساش السفرة في بحر دوخ شويا و هي اول مرة
كي سمع كاك جن ... فهم الي هوا ضلمها ... منجمش يتحمل كيفا حكي معاها كاك
33 شد صحيح باش يدخللها و يحكي معاها
طبي: سمحني منجمش ... و زيد موش فايقة .. خلينها ترتاح
قبطان شاد صحيح .... و عمل مستحيل باش يقنع طبيبة الي منجمتش تزيد ترفض و زيد راتو كاك خالاتو
دخل كان يمشي بضعف .... رجليه موش حامليتو ... كي راها كاك زاد عبل تفكر كلامو ليها الي وجعها
طبس عليها و دموعو خانيتو .... اول مرة قبطان يضعف .. القبطان الي كلمتو تتسمع و شخصيتو قوية و الي ما يعمل حساب لحد يوصل ... هيكا في جورت نرمين ...
قعد يحكي معاها و جهو قريب من وجها
قبط: علاش ... يا نرمين علاش ما دفعتيش ... علاه روحك ... علاش وصلتتي نحكي معاك كاك علاش ... خاليتتي نغلط معاك .... اه يا نرمين خاليتني حاسس بذنب خالتني نكره روحي .... ما قصديش نوجعك ... اما لازيتني .... و قرب لوذينها و قالها بصوت خافت سمحني
عادا ليلة كاملة و هو تحت راسها ما فارقهاش لحضة و كل دقيقة يتفقدها .... وجودها غادي من جرتو هو الشي الي منجنش يقبلو و يسامح روحو عليه ... قعد يخزر وجها و يعشق فيها
34 رجع قروبلها و حط وجهو علا وجها و بدي يتكلم بشويا ... سمحني نرمين ... نوعدك أخر مرا نغلط معاك
و بطبيعة هيا مهياش تسمع فيه خاطر حطيتلها طبيبة منوم باش ترتاح
بدي يقربلها و يعدي في فمو علا تفاصيل وجها كل
باسها من راسها وو مبعد من خشمعا صغرون و مبعيد من خدعا و رجع هبط لشفايفها الي تعباو بدموع عينيه ... و لاو يلقو ... زاد قرب و باسها بوسة خفيفة تعبر هلا حزنو و تعبر علا حبو ليها
35تعدات الليلة الكل و هوا تحت راسها .... مرقد كان صباح هوا متكي بجنبها قاعد علا كرسي و شدلها إيدها و حاطط راسو علا فرش قامت نرمين ... و بدات تحل في عينيها بشويا تصدمت با هتا هيا فين ... و شنوا جابها لسبيطار ... حسيت بحاجة بجنبها غزرت تقاه القبطان شديلها إيدها و متكي حذاها ... فرحت كي راتو حسيت بالأمان و ارتحت شويا .. وجودو حذاها برك يخليها مرتاحة و متخاف من شي .. هيا كاك تثبت فيه و دخلت طبيبة تتفقد فيها شافت تلقا نرمين فايقة .... مشتلها و طمنتها و فسريتلها حالتها كيفا كانت بارح و عطاتها اسباب الي خلاووها دوخ .... و قبطان متعب ما فاق بشي من هذا كل نرمين تحب تقوم تقعد شوي ... ضهرها وجعها من رقاد ... زاد قربتلها طبيبة بش تعاونها ... و قول نجموش بكثرة ما مكابس علا إيدها منجمتيش تملصها منو ... قول خايف عليها لا تهرب عليه .... هيا تفرع فيه ... و طبيبة ولات تضحك طبي: عزيزتي عندو حق حتا هو بارح قريب بش دوخ عليك و ليلة كاملة كل ما نجي نتفقدك نقاه ... فايق و لاهي بيك ... نرمين كي سمعت كاك ... فرحت ... اما فرحة ما كملتيش ما تنجميش بسهولة تنسا الي قلهولها ... كي بدات تتفككر زاد ت تعبت و بدات تعيط بش يفيق و يسيبيلها إيدها نرمين: سيبلي ايدي .... تي قوم .. ناقص كان ترزيني في إيدي ... تي قوم قاعدت كاك لين فيقيتو .... كي قام قام مفجوع يسخايب مندري شيوجع فاها تنطر شديلها وجها ... قبط: نرمين ... لا باس .. شبيك .. شنوا يوجع فيك هيا قاعدت باهتة كيي تصرف كاك ... حسيت في عينيه ..خوف عليها ... نرمين تمالكت روحها و نحاتلو إيديه من وجها : شي ما بيا ... عيطيت عليك بش تسيبلي إيدي .. حتا بش نقعد منجنتيش كانت تحكي بنطرة و غش وهو فاهمها و عاطيها الحق الي قالهولها موش بساهل يتعدا ... عارف روحو غلط بارشا معاه ... هاكا علاه قدملها و شدلها إيدها بسيف كار تهرب فيها منو و حاب يفهمها الي هوا خاس بذنب و الي هو يحبها تسامحو خاطر غلط معها هو كاك يلوج كيفا ... يلقا منين بش يبدا ... خاطر قبطان عمرو في حياتو متحط في موقف كيما هكا .. عمرو ماقال لطفلة سمحني .... ديما بخشمو و كبرياؤو و زيد شافها كيفا تغزل عليه .. زاد فشليتو .... حس الي بارح الحديث كان ساهل اكثر .. طالع منو من غير حساب ... اما توا يمهمه ... موش عرف كيفا يوصللها شيحيب يقول ما غير ما يزيد وترها ... و زيد هايف علا صحتها هو كاك يخخمم و يهد عليهم عادل و بحارة قبطان طلعلو دم ... كيفا قصو عليه قبط: هام هذوم ما قاو وقتاش يجيو كان توا قععد يتمتم كاك .. و يغزر عادل قروبلها بش يسلم ببوس عليها وقف و إنطق طول قبط: ا خويا ... شبيك ... تابعيتني راهي نرمين كي سمعت كاك تصدمت شنيا هذي تبعيتني ... بارك فردة صباط متاعو اني .... زاد لهبيت منو عادل حسها كي نبزة اما سكيت .. اصلا من البارح حس بيه عندو حاجة نحيتها . هما كاك و بحارا تكلمو بحا: قبطان كلمنا سي حامد ... و تعليمات لازمنا نكون غادي بعد ساعة و زيد حاير علا بنت سي شريف ... و لازم نوصلو سلعة .. وخرنا برشا خاطر هما يحكيو كاك و نرمين تكلمت نرمين: اه ملا ايجاو عاونوني خنقوم ... اصلا تعبيت و وقيت زادة لازمني نروح هما بش يقدمو يقيموها و قبطان كحرلهم .. جمدو في بلا صتهم ... و قرب من نرمين و وشوشلها في وذينها قبط: ر.. حيط اني واقف بجنبك .... و لا موش راجل قدامك بش تناديهم هما ... بارك موش مليلك عينيك اه يا ربي شنوا هذا نرمين هبليت ... و تكحرلو و دوت وجها ... عاود قربلها قبط: كان تحب نروحو سلامات هات إيديك خنهزك ... ماكانش تعرفني كي تطلعلي نهدم ر...... المستوصف علا ريوسكم تبلمت نرمين و زيد تعرفو مجنون و سلمت امرها ربي ... و زيد مفيحلهاش توا باش تتعاطى اكثر معاه ... هو واحد مركز و شوف شوف ينجموش .... و تو ا حسابها معاه يجي في وقتو هزها مرة وقفها و تكات عليه باش يعاونها في مشي ... و بعث بحارا يركحو يخلصو .. و خرجو .. بعد ربع ساعة كاك طلعو في سفينة ... نرمين كانت تاعبة باين من وجها اصفر جبدها قبطان دخلها للبيت و قعدها علا فرش و مديلها حوت مشوي باش تاكل مرا لولاة ماياتيش نرمين : وه قتلك منحبيش ناكل ... معينتيش بسيف ياخي قبط: اني هاني نسبلك و نحطلك ... مضابيك الي حطيتهم تاكلهم ... ماكانش نتصرف وقتها نرمي: شعاندك تتصرف زادة باهيشي توا بسيف ياخي هوا ماكلة ... قتلك و ماعينتيش قبط: مامديتليكش شقالة كسكسي اني ... باش ما تكيليش و تقول شبعانة ... هاذم كعبات حوت يتاكلو علا طاير ... و فيهم منافع برشا نرمين : هههه هاك تفهم في منافع حاجة باهية .. و زيد ماعجبونيش و ماهومش فوحين قبط: تتمنيك علا شكون .... ريحتهم بارك تعترق ... لهدرجة ماشميتهوميش نرمين وقتها ماضبيها تاكل اما تحب تنرفزو ... تلوجلو عليها بش طلعلو دم
36 عليا .... تحب تزيد دوخني هاكي غايتك انتي طلعتلو لعصب راسو و ضرب علا راس فرش قبط: ياخي والديك كانك فاهمة بلغالط خنفسرك ...راك مريضة شويا خاطر مناعة متاعك CV pas هكا علاه لازمك تاكل ..... ماكش حبلة في ثالث و تتوحم علا ر... بش ما طيقيش ريحا ... ضحكتها كلمتو . اما ستغليت موقف بش تزيد تنرفزو هي: ايا باهي و سياديك شكون قليك مانيش حبلة .... نورمالمون ق... كيفي يحبلو موش هيكا .... موش هذا كلامك كي سمعها قالت كاك تجن و هبيل عليها ... اما سايس روحو شويا خاطر مريضة .. و يخاف يزيد كمل عليها ... بكلامو خاطرو كي يتجن ما يفهم شي قربيلها و حط يدو علا و جها و كبيس عليه ..... هيا وقتها نرمين تفجعيت خاطر ميستانسا بهبالو و غشو خايب .... و جها تبدل و عينية زغلت بخوف زاد كبيس علا وجعا و حليلها فمها شويا و بدي يوكيل فاعا بسيف ... هيا ولات تفرفت كالبيبي ... عاود كبيس علا وجها و عيط قبط: و راس ر.... يا نيرمين كان بيش تقعد تعمل هيكا .. ما نشيد نخبطيك بطريحة كي سمعيتو كاك يحكي .. خافت منو خاطر عينيه قريب بش تطلع بغش ... قاعدت كيفها كيف عاتية ..تاكل و بسكات زادة كمل وكلها و خرج .... قعدت تسب فيه و تضرب في مخدا ... مسيكنة ك المخدا كلات علا راسها منها قاعدت متكية عل فرش لين خذاتها عينها ... و بحارا و قبطان لا هين وصلو للشريكة ...
37فاقت نرمين و خرجيت بارا تشم في شويا هواء و بعديت شويا عل بحارا و قعديت في بلاصة وحدها ... تستنا فيهم يكملو يهبطو سلعة و يركحو بش تنجم تهبيط هيا كاك واقفة سارحة و يجيها قبطان كي راتو قلبيت وجها و هو ضحك فهيمها و زاد عمل بلعاني و قروبلها لين حصرها بين إيديه و قعاد يغزر لعينيها الي يسحروه ديما هيا تلبكيت شويا ... ما يزيش تاعبة و دايخة .. خلقي يزيد دوخها بنفس متاعو في وجها ... زوز قاعدو ساكتين ... Just عينيهم الي قاعدا تحكي و تعبر في بلاصتهم ... قلوبهم الي توالي دق اكثر من عادا .... نفسهم الي يسخن .... حالتهم حالة عشاق و
38 هما كاك ... و تسمع في عمها ينادي عليها ... بعديتو اصلا دزيتو و مشات ... قبطان تنرفز ضرب إيدو و ڨدم شفتو و حط إيدو ورا شعرو ماشي فيبالو القي و اقيت بش يصلح غالطو .... كي عادا سراحوفي وجها و عمها هاد ....
نرنين عبطيت تجري حملت عمها ... و قعد يثبيت فيها عمي: بنيتي .... والله قالبي مشي معاك ... اما مدامك لاباس و تعدات سفرة علا خير حمد لربي
نرمي: عمي لاباس متخافش عندك كان رجال
هههه قعد يضحك عليها
عمي: ايا توا طول يوصليك ايمن لدار .... لازمك ترتاح ...
اني: اوكي عمي اصلا نحب نورقد ..و توحشت احلام و صغار
عمي: ههه و الله يا بنيتي حتا هوما مرجوني بارح بتاليفونات مفهمو رواحهم كان ما سكرتو
ايا نخليك عمي توا
خرجيت نرمين روحت ... و خلات قبطان حاير ... هازوتلو قلبو معاها ... يغزرلها كيفا خارجا كان يلقا يخطفها و يرجعها عندو و مخليعاش تمشي لحتا بلاصة ... بعيدا عليه
هالطفلة هبليتو ... و دخليتو في حيط ملا جات .... قلبيتلو حياتو سفاها علا علاها .... في ايام قليلة ....
روحت نرمين و كي وصليت سلمت علا مرت عمها و نكزيت طول للكوجينة .... تقاها مطيبة كسكسي بحوت الي تموت عليه و بنين من إيديها ..... دخليت بيت و حضريت دبش و دخليت دوش كي كمليت لبسيت سيرفتمو روز بالblanc
رجعيت للكوجينة و ضربتها قد قد بالكسكسي .... و شويا غلة و دخليت طول رقديت .... تعبيت
مع عشية كاك . هديت احلام عليها للبيت ... و هبطيت تبوس فيها ... لين كسرتلها نومها ... درتلها نرمين تسيب فيها و تضريب بالمخدة ... و قول سلمتش احلام بالعكس شاخت عليها ....
حاسيلو قاعدو كاك يفدلكو و مبعيد طلعتلهم في مخاخهم باش يخرجو يتفرهدو شويا
نرمين: اوه تي هيا ... والله فديت ... لازم عليك تشاور قرد متاعك
احلا: كلبة زايد ... و زيد احنا متفاهمين كاك ...شيمدخليك انتي
نرم: اوه عليك ... و بربي كان يقليك لا شنعملو ...
احلا: و انت عندي شك مي قلي لا مانيش بش نخرج هههه
نرمي: اهه يطلع منك ... ميسالش مدام هيكا .. كالمو خليه يعيش دور
احلا: باهي برا حضر روحك مدام حكيت معاه
قامت نرمين تحضر و لبسيت روبة عاريا روز bb و v من قدام و قصيرة و طالو مزركش pointu و فيه برشا الوان
هيا كاك تحضر في روحها و احلام جاتها تتبسم ...
نرم: اه شقليك ط... متاعك
احلا:هههه اه حد ك غادي .... شعندو يقول غير باهي
نرمين: يقوى عليك ربي .ابب ملا عقار ... برا عاد حضر روحك و لا سيبو هاك لابسة انتي
احلا: توا تفهنا علا مل شي و مزال مريت عمك ....
نرمين: خليها عليا تو نقلها ماشين نقضيو خاطر ناقصني حاجات ....
حاسيلو مشاة نرمين و بكلمتين بلفطيت مرت عمها و خلاتها توافق ...
نرمين: ا سخطة والله امك رحمة .... اني خديجة تحبلي نهارين بش نركحها
احلا: هههه هيا برا برك قبل ما يهد عمك
خرجو ... عملو جو ... ثنية كاملا و هوما يدورو و يتفرجو ... نرمين حسيت روحا طايرة ... نساة كل شي .. و شاخت شويا مع احلام .... ترا في ذراري الي يلعبو .. في نساء الي قاعدين برا عاملين قعيدة و تاي و جو ... تحسهم ناس متمسكين و بسطاء و يحب بعضهم .... و يودو بعضهم .... تعدين بجنب مرا عزوززة قاعدة قدام دارها و حذاها بنيات صغار يغنيو في غناية العروسة
اليلة عرسي ... اليلة عرسي
وبش نتصدر في كرسي
هههه شاخت عليهم نرمين و قعدت تعاود في غناية و دور و شايخة و ops تتضرب في واحد قدامها .... تبعد و تهز راسها .... قعديت مبهمة
39داخيت ..... قبطان بيدو لخلخ ..
قاعدو يغزرو مدة لبعضهم ... حتا من أحلام منتبهولهاش ... بالخص قبطان كي قتلو سلام .... مغزرلهاش جملا .... عينية ما تنحاتيش من علا نرمين جملا
كاك حسيت احلام فما حاجة شبيهم هاذو م جمدو ... ضربة واحدة
قوات و تكلميت بقوي ... قلنا سلامممم
... و قتها فاق قبطان من سرحتو ... و غزر لاحلام و سليم عليها .... اما نرمين باقي مبهمة ....
هما كاك و احلام تشوف احمد .... طفيهم و تنكز تمشي تحكي معاه
احم: اه حبي والله متوحشيك كان فيبالي بش نتلقاو كي تخرج راني كل يوم نقليك اخرج
احلا: ههه صحيت ... تحيبو حامد شيعملي .. يسمطني و اني حايا
احمد: اه شكون الي يتجرأ يسمط عزيزتي قلبي و اني موجود
احلام ضحكيت و زادت قربيتلو
احلا: عزيزي ما ضابيك خبي شجاعة هذي كل... كي يجي وقت بش تتكلم عليا
قاعدو يفدلكو و يتمعشقو كاك .... و نرمين مازالت مبهمة
غزرلها قبطان : الحمد كي لاباس هاك تنكز اصل و موش عارفة وين حتا تحط رجليك بفرحة ... الي يراك مبيكري ... يقول نعزيها تقبيل عزي
نرمي: الطف عليا ..... من عزي ... اعرف شتحكي بربي .. و لهدرجة فرحتي تقلقك .... تحبني نغرد ليل و نهار انتي بش تتفرهد
قحرلها و زاد قرب : كي تنحي جرانة الي متربعة في مخيك ... وقتها تو توالي تفهم الحديث
كشخيتلو و قاتلو : واللهي كل شي مقلقك انتي فيا ... متعبيش روحك بش تحكي معايا .. الله غالب مانفهمش
قحرللها و هازها و حطها : هو ضاهر ما تفهيميش من لابيستيك ... نورمال تخرج هيكا ... قول باب مطهرة
.. بارك تسخايل روحك عل بحر ولا في فرنسا
نرمين: ياخي سيادتيك عنديك مشكلة معايا ... يخي مسلفهولي بدن و لا شنوا ... جاب رابي بدن بدني و اني حرا .. و زيد لبستي عادية .. متبداش تبالغ
قبطان تجن و قربيلها : كان جي بدنك يتسلف ... راني فكتهوليك ... مخليتيكش تستعرض فيه . و انتي شبابك الي حالتهم اكثر ملي مسكرهتم
نرمين تلبكيت و دخليت بعضها : ايا جاب ربي ... متاعي بدني و اني حرا فيه ...
قبط: ياخي لاباس في مخك ... شوف احلام شلابسا ... تعلم شويا لم شبابكك و انتي مورزعة ... و قريب بش تكتب مشاهدة طيبة للجميع
هههه ضحكها ... و قوربيتلو : زايد لحديث معاك توا .... اني خرجيت باش نتفرهد موش باش نتعارك معاك ... شنوا محكوم عليا نراك في خدمة ... و حتا في شارع
قبط: لا يا لا لة تو نهج بش سيادتك تتفرهد في ر... بلاد و متتقلاقيش من شوفتي
كي راتو كاك بلمت ... عرفيتو ما دامو بدي يفلطي و يسب معناه صاي تنرفز عل لخر ...
نرم: ايا نخليك توا ... نحب نكمل دورتي و تو غدوة في خدمة نتناقشو
هيا ماشية و هوا عاود جبيدها : بش نقليك كلمتين ... وقيت هذا الحومة تتعبا بالاولاد انواع و اشكال .... و انتي ما غير شي تنادي من بعيد يا بابا يا ما ... فلهذا ننصحك تهز روحك و تروح
هو يحكي كاك و هيا دم طلع راسها: يا خي شيهميك في جد بابا زادة باهيشي .... عيلتي ماكلمونيش .. جاي انتي تتبورب عليا ... و من الفوق تؤمر فيا ما زالش تو
... كي سمعها تحكي كاك و تعيط و جايبا من عندها كبيسيلها علا إيدها لين وجعها
قبط: ر.... تحب تجهلني في سماك بسيف انتي .....تحبني نخروج من عقلي انتي ... ناوية هكا .... ر.... ما كش ترا في صدرك كيفا خارج علا بارة ... كملت عاريتو انتي واكهو شمازال .... و من فوق ضهرك لا علاقة ..... و وزيد رجليك نهار كل معريتهم ... ياخي سماك عندك فدة و لا شنوة حكايتك .. خاطر برسمي بش تجهلني ... فيق يا بينتي مناش في مريخ رانا ... في تونس و نحلف عليها الحومة مفاها كان انتي زنطة كاك
تسمع فية و شر طالع من عينيها : اسمعني ... ياخي ما تفهميش بدني و اني حرا فيه .. نعري شينحب حاجة تخصني هاكي
قب: ر.... زايد مخيك مسكر .... ما تفهم كان بدز .... .. اغزورلي نرمين ... هاو بش نعاودلك و ر... السماء و الوطا... بيش تنطق بكلمة ... ريتو كياس الي جيت منو نقلبو فوق راسك
قعديت تخزر عينيه مبهمة ... برسمي يحكي و جايب من عندو ... بصراحة تفجعيت منو ... سخطا عندو هيبة
موش عادية ... دوخ ... خميت لقاة ماعندهاش حل اخر
نرمين: ما غير ما تعيب روحك اصلا ملي ريتك فشيليت و معاديش عنتي بش نكمل دور خاطر مشاالله تجيب كئابة و تجي .....
ههه شاخ عليها عرفها سمعيت كلام ... و خافت اما قاعدة تحكي كاك باش تبين العكس
قبط: ايا باهي ك فشلتك ... و بش تراوح .. هاو طلعيت فيا حاجة تفيد ...
زاد غزالها ... عيطيت علا احلام ... مسيكنة فجعيتها وو تنطرت جات حذاها
نرمي: هايا بش نروحو
احلا: ياخي هبيليت موش قلت عند ك قضيات و تحب دور .. ما قعادناش حتا ربع ساعة ما زيلنا كي طلعنا
قبطان كي را احلام بادت تحكي كاك غمز احمد ... و هو طول فهمو
احمد : اكهو عندها الحق وقيت مرواح ... توا هاكم طلعتو ... يزي ... و زيد زوز بنات وحدكم دورو ...مو ش معاكم شكون ... شقولو ناس ....
40 و زيد حوما مليانة بلادة و اولا د روحو خير
احلام موش غريب عليها احمد يحزر و وزيد مازادتوش حتا كلمة خاطر هو زادة في امور هذي ما يلعبيش و يتنرفز فيسع
حاسيلو هازو رواحهم و روحو ثنية كاملة و نرمين تغزل و احلام موش فاهمة شي
احلام : يا خي ضبعيت انتي ... مو ش قلت هيا نروحو و شديت صحيح ... الي راك توا يقول اني روحت بيك بسيف
نرمين بكثرت ما تنرفزيت ما جاوبتهاش .... جسيت تحب تروح .... وصلو لدار دخليت طول لبيت حتا مرة عمها كي ساؤلتها شنوا شريت ... طفاتها
مرت ع: بنيتي شباها نرمين متغشة ... متقوليش تعاركتو
احلا: تي ما تخوش عليها امي ... من تعب هاكا ... تحب ترقد ... و زيد اني مبكري قصيت عليها النوم و متنساش ليلة كاملة عداتها في خدمة
احلام بلفطيتها امها ال مهم ما تشلق بشي ....
و دخليت حذا نرمين ...
احلا: لاباس في مخيك .... لبسنا قضيا انتي .... داخلا كاك للدار ... قول إغتصبوك
ههههه نرمين كانت متنرفزة و لات تضحك ... ووه ملا عيشة بصراحة ... تي هاو كلكم مربطين ... نعمة فرنسا طلعت ....
هوما كاك و تليفون احلام نوقس ... نرمين عرفتها من ضحكة احمد ... مشات تجري فرشها و تكات و بدات تحكي .... بشوي ههه ملا مهبولة
قمت بدلت دبشي رجعت لبسيت سورفتمو متاعي روز بالblanc و قعديت عل فرش و تكيت علا شباك نخممم
في وقت هاكا نرمين مو ش مركزا في شي جيست تصويرة و خيال قبطان بين عنيها .
قعديت حايرا و تخمم فلي الي صار بيناتهم موش شويا
لازمها تبعيد و تعمل حدود بيناتهم ... هيا جايا تخدم موش تحب .. لازم توقف مع بوها .. و زيد قبطان غلط معاها برشا ملازمهاش تعاديلو بساهل الي قالهولها
مشاعرها كانت مخلطة بين شوق و حب و غش و غل
كانت حايرة برشا ... موش عارفة شنوا نهايتو هذا الكل
و هو ما فرقيش عليها برشا كيفها ما نجمش يجيه نوم و ما نجميش ينحي خيالها من بالو و تفكيرو كان مسيطر عليها .. قاعد يحس في إحساس جديد .... و كانو زوز سارحين مع مشاعرهم الفرق الوحيد انهم كل واحد في بلاصة
41 يزي نرمين ما تخماميش فيه ... مجيتش باش تحب انسا حكايات هذوم ... جايا خدمة (نرمين تحكي مع روحها) لازم تحط حد لشي هاذا ... ما ريتوش كيفا حكي معاك اخر مرة ... مخلا مسمعك ... غايتو واحيدا يستفزيك ... فيق من حلمتك ... نرمين قعديت كاك تخمم و بكثرة مراسها وجيعها حبيت ترقد .... هيا كاك و امها تطلبها ... تهز عليها نرم: وي امي وينك اي لا باس عليك ام: صاي نسيتني ...و الله لا ترا بيه ... ماتكلميش تساءل حتا علا خوك ... مسيكين متوحشيك نرمي: خدوج والله توحشتكم الكل ... الي يسمعك تحكي هيكا .. يقول خرجت نحوس .. واني خدمة فوق راسي ام: باهي اسكت برك .. بوك قد ما خدم لنهار تشكا .. و انتي معانديكيش .. يومين ملي مشيت ... قريب تهز إيديك ربي نرمي: اه خدوج ماني نعرف روحي منجمكش .. زايد ما غير منتعب روحي برشا ام:ايا باهي كنجمت نهدك في حاجة .... اه بنيت خوك هواها ينادي .... مسيكين يعدي في ديفوارات نهار كل يقرااا ... نرمي: هههه يا حيالة زايد ولدك هاكا و قطع خبر امي: ايا سكر ... و برا اخطاني تو هلنتلهي بخوك نرمين: خدوج تفكرك الي انتي الي طلبيتني ... اني مازلت نتبولد و هيا علقيت ..... اه راسي بش يطرشق زايد لازمني نرقد باش غدوة نبدا مركزا في خدمة
42قامت صباح .. علا حس سردوك
ازاحي قول عميل بلعاني نهارت الي نصبح زاهية ما فماش حسو و نهارت الي نبدا موش قد بعضي يقوم بواجب .... حلال فيك مولاك يذبحيك ....
قامت علا عصابها من صباح ... مشات دوشيت و رجعيت للبيت و قعديت تخمم شبيش تلبيس ... وقتها تفكرت قبطان كيفا يتنرفز من لابستها ... خدمت مخها و مشاة مديت روب blanc طويلة هههه و ضهرها كل عريان .... و مزينا بسبيت نوار من تالي
هيا كاك و احلام تقوم ههه مسكنا تسخايب روحها تحلم
احلا: اه اه اه شنوا هاذا الي لبسيتو .... نورمال في مخيك ضهرك كول علا بارة
هههه نرمين غزريتلها بخبث : صحيت هاكي هيا رياكسيو الي حاشتي باها اما موش معاك
كالعادة احلام ما فهمت شي و زيد مازالت كفاقيت من نوم
احلا: دبر راسك ... و احمد رابي عمك و مرتو موش هنا اليوم و لا راهو نطقو
نرمين مستغربة: موش هنا .... وين مشاوو
احلا: بابا عندو رونديفو مع طبيبو في تونس ... البارح كلمو بوك قالو يمشي ليوم
نرمين : و شبيه في تونس ... من قلة طبة
احلام : سكر عمايل بوك ... خاطرو طبيب هاذا أحسن واحد في تونس و بوك صحاب معاه برشا وزيد صحا نوم عندو قدا يعدي عندو
نرمين: و انتي شبيك علا عصابيك
احلام: بربي بش تراسيلي اني نطيب و نخمل و كل شي في راسي و من بارح تحكم عليا نطلب عارفتي ناخو نهار راحة
نرمين مبهمة : يا خي اني وين من هذا كل ...
احلا: ما هو سيادتك اميرة زمانك .... راقدا و موش فايقا بشي ... حتا لعشي محبيتش تتعشا ...
نرمين تتمنيك: طيب عاد حاجة فاوحة مضبيك ... متقتلناش بجوع
احلام قامت ضربيتها بمخدة : زايد كلبة ... بارك خديمة بوك تشابهلي
نرمين : شوي برك تشبهليك من عينين و فم ....
هيا قالت كاك و احلام خبطيتها بشلاكة
نرمين : تي شبيك قريب تخبطني بفوتاي .... و زيد ماتهونيش تو نجيب لعشا من برا ... و لا نخرجو نتعاشو هاو كرهبة عندي ... و زيد صغار تو نرقدوهم و ايمن تحبلو يراوح مخير من خدمة
هههه احلام: ابب ملا مافية ... برا إخدم ساعة و مبعيد كي تجي نتفاهمو
طلعيت نرمين من دار و ركبت في كرهبة و ندهيت طول
دوبا ما وصليت .... مشات طول لل ميناء وين قبطان
43 قعديت تلوج عليه بعينيها .... مازالت ما راتوش ... هيا كاك و كي بحارا معادش فيهم ... يغرو تحت حس مس ... ضهرها خلاهم مركزين معاها ماغير مايشلقو بالي كون بنت عرفهم ... يخافو ...
هيا كاك و راتو قبطان و اقف بارا من سفينة ..لابيس تريكو نص ابيض ... قول متفاهمين علا لون .. و بين وشم متاعو
احلام تمشي تتشخطر قدامو .. و هو لقطها من بعيد جايتو ... قعد يضحك
قبطان (يحكي مع روحو) : هههه هاو باهي ما فيباليش كلامي في نهار حكم فيها و ولات مسطورة ... ماشي فيبالو سمعت كلامو و خافت تعاود تلبس كاك ...
كان فرحان و شايخ و يضحك ... لين وصلت حذاه
نرمين : هههه اضحك يا بابا ما زيليت ما ريت شي( تحكي مع روحها)
دوبا ما قربيتلو ... زاد ضحك و يتبسيم و يحط في إيدو علا شعرو
قبط: بونجور م نرمين
نرمين: بونجور ..... تحسيك زاهي برشا لدرجت ضحكتك مورزعة
قبط: اللهما لا حسد .... صبح عصباح
نرمين: رابي يدوم عليك هالنعمة
قبطان : يخليك لالة ... حاجتك بحاجة
نرمين : لا مرسي .... نتفقد في خدمة كهوا
قبط: تفقد لالة ....
44 هو كاك و هيا بعدت شعرها دورتو حذا كتفها و كرومتها هههه باش يويد يتنرفز علا قاعدة ... و دارت و مشاة
قبطان كان واقف يضحك .... و في لحضة ... تصدم .... داخ .... كي دارت و مشاة ... و شاف ضهرها ... تفجع ...
قبطا: شبي دير ر..... هاذي ...... شنوا الي لابسيتو
قبطان دم طلعلو راسو .... بشي الي حاسو نكز طول لا حق عليها ... عينيه تكدح نار
قبط: د... ر... هاذي تحب شكون يقتلها و هي حيا
لحق عليها
نرمين وقتها حسيت بحاحة جايا وراها زاد شاخت ....اما ما تعرفيش الي كاك ... هيجت عاصفة عليها
قبطان زرب في خطوتو و جبيده من إيدها ... قريب يكسرها ... لدرجة الي حتا كانت عاملة حساب لفازاتو
اما مرا هاذي تقوا يا سر عليها ... من شدتو عرفتو بركان هايج . زيد كغزريت عينيه تقاهم عاصفة تكدح
45 طرشق عليها طول
قب: دير ر...... شنيا المهزلة الي لابسيتها ..ّ. لاباس في ر ..... مخيككك عاد جيتنا عريانا واكهو ... الي راك من قدام يقو ل مشالله علا سترة و من تالي حالا تيراس في ضهرك ..... لواه انتي ناحيها و كهو شخليت ..... ر.... عنديك مخ و لا شنوا ...... فيباليك ب.ر...... كي تلبيس كاك البحارا بيش تبدا مخاخها نضاف .... ما يزيش انت معريا خلقي ... تزيد تخاليهم يعاريوك أكثر .... تحبهم يبداو يستخايلو في بادنك ... جاويبني ر...... شبيك ياخي مخك ملاحم ..... ياخي غار بيك اني ر.... كي نقليك اسطر ..... افهم ازاحي رانا بكلنا اولا هناااا... بش نراوكك كاك زنطة شبش نعملو .... ر..... اكيد موش بيش نقومو نصليو ركعتين .....معاك
قبطان كان هايج .... دخل بعضو ... معادش عرف شبيش يعمل ... يحس في دم طلعلو ... و هي من صدمة ما حليتيش فومها .... كانت عاملة حسابها اما موش لهدرجة
46 بكثرة مترهوجت و خافت منو بعديت و مشاة تجري لبيروها ..... و بلحق خدامة كانو يغزرولها بشهوة كبيرة هيا بيدها حسيت كي جات راجعة
بغش .... الي حسيتو تنطرت طول في بيرو
نرمين(تحكي مع روحها) : تي شبيك نرمين جيت قدامو وبلعت لسانك .... وين قوتك حتا كلمتين معاه ما زيدتهمش جملا .. كاك تخليه يمرمدك و تسكيت ... صحيت يا بهيمة .. ديما غالبيك
حاسيلو قعديت تتهز و تتنفض وحدها في بيرو و موش طايقة شي
قبطان وقتها دمو كان فايير ... عصب ميكنو
قبط: شنيا هاالهم هاذي قول نحكي مع حيط .. كان مهبول .. راهو فهم لهدرجة راسها صحيح ... اما ر... يا أني يا هيا و الله منكسرهولها
قبطان قعد منرفز كاك برشا عليها و غش مكنو . لين زراق اصل
تحسو غاضيتو ناس كل تشوف في بدنها ... تحسو غار ما يحبيش شكون يكحل عليها .. يحب بدنها مغطي ..
بكثرة ما لحكاية نرفزيتو طلع من سفينة و ما شيلها ... لازم يكمل يحكي معاها مكانش بش يهبل ...
...
48نرمين وقتها قواة روحها : و اللهي اني حرا شنلبيس .... بارك راجلي و ما فيباليش
قبطان وقتها جبيدها ليه ... لين جي وجها في وجهو .... جمديت هيا في بلاصتها ... دخليت بعضها .... رجليها معادش تنجم توقف عليهم و زاد كمل عدا إيدو و حطها علا ضهرها بش يزيد يقربها ليه بدنها .... رعش بكلو ... هيا كاك في هاكي حالة و هو تكلم و نفس ياخو فيه بسيف
قبط: تكلم شنوا كنت تقول توا
نرم: ااااااا
ما نجمتيش حتا تتكلم ... سحرها بعينيه ... يمكن هوا وقتها حاب يخليها تعرف جواب سؤالها من طريقة نضريتها ليه . من شي الي تحسو بين إيديه
قبط وهو كابس عليها : ما تحكيش حاجات ماكش قدها
و هي باقي لا حياة لمن تنادي تغزولي و مسحورة بعينيه و زيد لمستو لضهرها دوختها ...
49 نرمين بدات تفيق علا روحها ... حسيتو كان أذكى منها و غليبها مرة ا أخرا .ّ. دزيتو بعديت عليه
نرمين : و الاهي هكا صحيح و كلامي واضح .... لاك راجلي و لاك صاحبي ... باش تتحكم فيا ... احنا بينانتنا خدمة و بس ... غير خدمة ما عندك شي معايا
قبط : دارلها من وراها عادا إيدو علا ضهرها من فوق للوطا
نرمين وقتها شدا روحها بسيف مابيعديتش باش ما تضهروش الي لامستو توترها و تأثر فيها برشا ... اصلا تتصنع في قوة
نرمين : كان كملت كلامك تفضل ... عندي خدمة تستنا فيا
قبط: لا جيست نحب نقليك خليك قد كلامك ... و رود بالك توخر
نرمين : تهنا ما عندي علاش نوخر بالعكس متاكدة
قبط و هو خارج : مضابيك ما نراكش في ميناء ... و لا تعرف باقي وحدك من غير منكملك
هيا جات بيش تجاوبو و هو خرج و طبق باب
نرفازها
نرمين شنوا هام هاذا .... منجمتيش نغزلو كان ما يركبلي ... مرض كل .... و زيد شيقصد كون قد كلا مك باهيشي ... فاش يخمم هذا و شنوا يسخايبني .... و الله منواريك مازال نهارات ... قلو قبطان .. وحش سخطة
50 نرمين في حالة هاكي .... منرفزة .. و تدخل عليها موضفة ... و تحطلها كادسا اوراق
نرمين : عزيزتي و الله كان جيت منعرفكش .. نقول هاذي متشمتا فيا
شنوما هاذم كل
موض: اه م نرمين و الله شي ... تي بعكس يتسما نقصت عليك
نرمين: ايا حمد كي نقصيت ... علا كنت ناوية تجيبلي ... اوراق دبو الكل
حاسيلو قعدت نرمين تخدم و كالعادة طلبيت قهوة باش تركز اكثر ... ضربتها 4 سوايع و هي تخدم ... لين دهشت
هيا مازالت كي كلمت و طلبها بوها
بو: اهلا قطوستي ... وينك لاباس ...عليك .. شعاملا فيك خدمة
هي: اهلا عزيزي ... و واللهي لاباس .. توحشتيك برشا ... و لاباس بديت نتعود علا خدمة و نشاالله نفرحك اكثر
بو : عيش بينتي يا ربي .. رود بالك علا روحك و كان فما حاجة هيكا و لا هيكا كلمني
هي : لاباس عزيزي ... متحط شي في بالك ...
مازالت كي كمليت تحكي مع بوها ... قامت حليت شباك و بدات تتفرج
و تستنشق في هواء فماش ما تهدا شويا
في لحضة هاكي تاليفونها عاود نوقس ّ.... جات تشوف تقاها احلا م
نرمين: اه بقرة ... شيتحيب ..
احلام: كاك تستقبل ناس الي تكلموك .... جاب رابي قارية في فرنسا ... و الي يسمعك يقول ضاربا عامين حبيس
نرمين : مازاليش توا ... مزال كان حبيس ما دخلتنيش ليه ....
احلا؛ باهي اسكت برك ... و هيا روح تغدا ...
نرمين: والله حتا اني جعت ... هاني بيش نطلع توا /... دارجين نكون حذاك
احلا: سايس روحك ... و هاني نستنا فيك
كمليت نرمين حديثها في تاليفون و خرجيت تجري باش تروح .... ركبيت في كرهبة متاعها و ندهت
في ثنية حاطا غنية ( Beyoncé ( run the world
و طايرا بكرهبة .... بعد درجين وصلت لدار
دخليت تلقا احلام تحضر في طاولة و تشم في ريحة بنينة .... تلقاه مطيبة روز بدجاج .. .
نرمين: اه يا وحيدا هاك طلعت صنافا و اني مافيباليش
احلا: مالا وينيك انتي ... تسخابني بش نطلع مالا كيفك فاشلة
نرمين: حسرا عليك ... نشاالله الفاشلين كل كيفي راك ريت دنيا كيفاش
احلا: هههه هاني قاعد ا نرا متخافيش
نرمين: ايا سكر و حط ... خنكلو و الله جعيت
احلا: برا بدل شوليقة بيضاء الي لابسيتها ساعة و إيجا كول ... مكانش بش تبلحاسها
نرمي: شعندك فاها حط بش نموت بجع
حاسيلو حطيت احلام ماكلة و تلهاو لبنات ياكلو لين ضربوها قد قد
قامت احلام تلم في ماعون و حكميت علا نرمين تخسل صحونة
نرمين بنقص مرج غسلتهم و
51 احلام: اه يا هاملة ....موش قليت بين نخرجو ولا مصحليكيش
نرمين : وه قالو مصحليج .. جاب ربي فكرتني والله نسيت .... ايا برا نقومو نحضرو رواحنا
احلام : ستنا يا بنتي ... و انتي مصدقيت قوتلك هيا ...
نرمي: تي شبيك ... رجعيت فيسع في كلامك
احلا: تي لا .... اما ستنا نهز انس و انيس لدار جيراتنا يلعبو مع اولاد جارتنا ... و كاك نخرجو
نرمي : مسيكنة جارة ... بش تهبلها ّ...
احلام: اه ... لازمني نحطهم غادي ... و كي نروحوا نتعداو نهزوهم
نرمين: و كي يصبو بينا صبا شعملنا وقتها
احلا : متخافش بابا يجي كان مع فجر كاك من تونس ... و انس و انيس ... كيلعبو مع صحابهم ينساو رواحهم
بعد ما كملو حكاو ... و تفاهمو .. نكزت نرمين تبدل في دبشها ... و لحقيت عليها احلام ....
نرمين لبسيت شوميز روز بblanc و سروال دجين و طالو باج بالروز و ساك صغيرة كي لون طالو
احلام وقتها مشات تكلم في احمد باش تعلمو
احلام: الو عزيزي .... روحي .... قلبي ... عيوني ...
احم: احلام عزيزتي ... هات ملخر .. و قولي شتحيب
احلا: زايد ديما ... ضلمني ...
احمد: روحي خاطر متبدا ترميلي في كلام حلو هكا ... كان كي تبدا عندك حاجة
احلا: باهي مغير منطول و هيا قصيرة ... بيش نخرج اني و نرمين نترفهدو شوي .. بيش نمشيو ... مطعم
احمد : ر..... شنيا هاذي ... وليت ضربة ضربتين تكلم فيا علا خروج ..... تحليت راك كان ما فيباليكش بروحك
احلا : يا عزيزي توا شبيك فوحت ق
فيا طول كاك .. و الله نرمين مسكينة ... مالي جات ما خرجتش جملا ...وزيد ماشين علا كرهبة
احمد : بلاهي .... خارجا عقاب ليل تحوس و اني اراجل نخدم و مستكفي بروحي
احلا : تي شنوا طوا ... علاش تحيب تحرمني
من الخرجة
احمد: شبي ر.... راك موش واخذا ط.... باش يخليك تخرج في ليل تسكرف
احلا: وه فاش قام كلام هذا طوا .... نورمالمو عاطي فيا ثيقة
احمد : ر.... اني بطبيعة عاطي فيك ثيقة .... اما ما نعطيش ثيقة في .... سكرف الاولاد الي بارا و انتوما زوز بنات وحدكم
احلا تجنيت و فديت : باهي شتحبني نعمل .... ما فما حاد بيش يمشي معانا ذكر من العيلة
احمد : علاه معنديكش راجل انتي يمشي معاك
احلام : هاك تخدم ... كيفا بيش تمشي معايا
احمد : لا عزيزتي نبطل جد امها الخدمة و منخليكيش تطلع واحدك
احلا : شنوا طوااا كيفا نخرج و لا شنوا
احمد : قولي وين بيش تمشيو .... تو نلحق عليك كي قدر عليا ربي .... نبات نعيس عليك اني
احلام: مازليت ما نعرش تو كي نجيو خارجين ... نكلمك نقوليك
احم: كي انتي ر.... ماتعراش شكون بيش يعرف ... عجبيك علا نرمين تعرف برشا بلايص هنا
احلا: احمد شبيك زاح فايح فيا ....
احمد : باهي إيجاو ... لمطعم حذا **** هانا مقابل مغازات *** ... هانا باهي و كلاس ... و زيد اني ديما نسهر فيه
احلا : باهي .. هاو بيش نقل نرمين... و نخرجو
علقيت احلام تاليفون و هيا روحها في خشمها .... و طلعيتلها منو
مشات طول نرمين بيش تقلها
احلا: نرمونتي فاش تعميل
نرمين : وه احلام لتوا لبدليت ... فاش تستنا ... اني قريب نكمل ... شوي ماكياج واكهو نكون حاضرا
احلا : إسمعني ... كلمت نشاور في أحمد خالاني نخرج ..... وزيد قالي علا بلاصة تحفونة ... هوا ديما يمشيلها ....
نرمين: فك علينا منو ... تو يشدك ما يسيبك ... و ما يخليكش تتفرهد ...
احلا خايفة من ردت فعل نرمين: ياخي ما قتليكيش اني .... ماهو قتلو أوكي .. باش نمشيو غادي... نرمين عصب مكنها : ياخي نورمال في مخيك .... خارجين نتفرهدو موش نتحابسو .
احلا : تي اكهاو مخلاني نخرج كان ماقتلو كاك ... و وزيد هاك انتي تفرهد مطعم معبي بالقطاطيس ... واني عندي هو يزيني يكون بجنبي
نرمي: صحيت يا فالحة .... كملت فلسفتيك .... عرفتك بيش تمسطها لخرجة ... اما ميسالش ... هاني بيش نعاديهالك ...انتي و حبيب قلبك
احلام قامت باست نرمين: عايشلي زينها فطوق هيا
نرمين تضحك : باهي باهي ... سيبني برك ... و جد اصليك زيد تمرخيط ... مازال بكري خاطر .. وانتي طوا ما لبيست شي
احلام : والله لاني عارف شبيش نلبس ... تصدق ... ما عنديش حاجة مزيانة
هيا مازالت تحكي كاك .. و نرمين تجبدلها روب توب رزو و جيب قصير ابيض و مزكش بنوار ... و تكمل تمديلها طالو نوار
احلام : يا بينتي شنوا هاذا .... تحيب احمد يقتيلني
نرمي: سكر و الله لا تفهمها ... تي بالعكس كاك ... تزيد تهبلو تخليه ... يغير عليك ... و يعرف قيمة جمال الي عندو .... و انتي الي راك كيفا تلبيس يقول عزوزة ركبة
احلا : بربي يا كلبة ... زاييد ما تحشيميش
حاسيلو ... عمليت مستحيل باش تقنعها تلبسهم .... و احلام مرا لولا رفضيت خاطر تعرف احمد في حكايات هاذي لعب لا ... اما مبعيد تقنعيت ... و حابيت تسمع كلام نرمين .... و زيد تحيب تتزينلو ... و تواريه جمالها
باش ما يفكرش يخونها
52 ولا يغزر لغيرها .... منا شيطان يوسوسلها و من جهة لخرا نرمين .... دونك ركبتلها تلبيس
كملو حضرو رواحهم .. و تزينو علا قاعدة و خرجو بعيد ما وصليت نرمين انس و انيس دار جيرانهم ... خاطر احلام محبيتيش تطلع كاك قدامهم مكانش يفضحوها عند بوها ....
رجعيت نرمين و نادات علا احلام الي طلعيت تجري و نكزيت في كرهبة
نرمي: تي شبيك تتجوبير ... كاك لعباد يطلعو في كرهبة ..... ماهياش كريطة ... راهي
احلا : سكر مانيش عميا .. نرا فيها كرهبة.... بارك تحبني نتشخطير ... بربع قماش في حومة ... باش وقتها عميك يسلخني ... هاذا كان ما سلخنيش احمد
نرمين تتبولد: يا بينتي عندهم حق حتا انتي طلعيت فتوق ... وين كنت مخبيا زين هاذا كل ... رجليك بارك ... عالم اخر ... صحا ليه احمد ... بيش يشيخ
احلا : عندك شك هههه فيا اني ندوخ و نشيخ
نرمين: هههه يطلع منك .... اما مانلوميكش شي هذا عنا منو في دم اصل
احلا : تقول انتي وارثين زين من صغر
قاعدو يفدلكو كاك ... و هما في ثنية و مهبولة نرمين تجري في كياس و احلام إيدها علا قلبها
احلا : يا نرمين تي سوق بشويا ... تحيب تقتلنا ياخي ..... كان تحب تموت برا وحدك ... اني مازلت حاجتي بروحي
نرمين زادت في موسيقا و طفاتها ...
هما كاك و احمد يكلمها
احلام: نرمين تي نقص احمد يكلم فيا
نرمين نقصيت كان ما طلعتيلها روحها
عاودت كلمت احلام احمد
احلا: وي عزيزي ...
احمد؛ موش قتلك كي تخرج كلمني
احلا: والله مازلنا كي خرجنا ... و اني جيت بيش نطلب و انت طلبيت ... شنعمل كي قلب عل قلب
احمد: اي صاحيت بلفطني ... كالعادة .. و قولي قريبيش توصيل !؟
احلا: عزيزي درجين نكون حذاك ...
علقيت احلام تليفون و هيا قلبها يدق عارفا روحها بيش تحل فترية فيه .... و بيش تخلا علا راسها ... اما شعندها تعمل .. طوا صاي قريب توصل
وصلو لبنات لمطعم ... نرمين عجبها منضرو من برا ياسر funky و تحفون
و احلام فشليت قاعدت في كرهبة ما نجميتش تتحرك
نرمي : تي شبيك يا بينتي بيش تتعاشا في كرهبة تي اهبيط
احلا : هاني هابطا ... اه منك ... والله حسيتها بيش تخلا علا راسي
نرمي : تي سكر ... قول لبستيك مايو ...
حاسيلو داخلو للراستو .... و كانت صدمة
53 نرمين تغزر لطاولة الي مقابليتها ... تلقا قبطان قاعد ...و في حجرو قاعدا طفلة .... و تدحنيس عليه ... دم طلعيلها راسها .... و زيد نفيس الطفلة الي راتها عندو في السفينة أخير مرااا ...
طفلة كانت لبسا روب قصيرة في الازرق الفاتح .و فاها بوند بيضاء في وسط و طالو blanc
و شعرها عامليتو ك الارونجي الفاتح و عاملة قصة و لا بسة سرتات كحلة
نرمين كانت تغزل ... عينيها زراقو .... كان تقا تقتلو و تشرب من دمو
في وقت هاكا موش كان هيا عصب مكنها ... احمد كان في نفس حالتها كي دار و شاف احلام لابسا كاك ... عينيه زراقيت .... و دخان قريب يطلع من وجهو ... قام باش يمشيلها عاد شادو قبطان من إيدو و قالو
قبط: خويا ... ركيز ... ما تغلطش معاها برشا .. باين لخرا عداتها شويا في العري
احمد بكثرة ماهو منرفز بعيد إيدو و مشا طول جبد احلا م
احلا م كي راتو جاييها كاك ولات تقرا في الفاتحة علا روحها و ترعيش بكلها ... و تسب في نرمين
احمد خريج احلام برا و طرشق عليها
احمد : ر..... يا عين ر......... شنوااااا ولديك هذااااااا حل فميك .... تحيب نخبيط امك بكف ... نكسرليك جداقك ... باش تفيق علا وضعك .... لا باس في ر..... مخيك .... من وقتاه سيادتك تلبس هكا
احلا م و لات ترعش اول مرا تشوف احمد منرفز كاك ... بخوف منجميت ... تقول حتا كلمة
احمد : الخروج ر..... و خليناك . و قولنا ميسالش تحيب تتفرهد ... عندها حق ... اما ربيك تجيني ... عريانة و لعباد تتفرج عليك .... بارك واخذا ط..... انتي .... حل ر... فمك ما تجاهلنيش ...
احلام و هي ترعش : و الله لا قاصدي نلبس هكا لناس ... حبيت نلبس ليك انتي ... باش تراني مزيانة ... زاد هبل : ياخي ناويا تقضي علار .... انتي ... تلبيس ليا ... موش لناس و جايا ل ر....ا لمطعم كاك ... بارك سماك بيش تقاني وحدي في المطعم ... مفاماش رجال غيري فيه ... ياخي والديك ميستانسا تعمل هكا و لار... نرمين عداتك
احلام: احمد و الله سمحني .... والله حبيت نتزين ليك باش تراني مزيانة
احمد زاد طلعتلو و كبيس علا وجها و قربها : و لديك تتزينلي ... كان بالعري ... و زيد موش لازم تلبيس هيكا باش اني نراك ميزيانة ... يا بهيمة اني في جميع حالاتك نراك ميزيانة و نحبيك ... افهم كي نعرس بيك و نسكر عليك باب وقتها اطلعلي حتا زنطة .. ما عندي حتا مشكل اما باش يراك حد غيري و يتمعشق بدنك اني الموت اهوانلي ....
احلام عينيها زغليت كي سمعيت كاك : احمد بربي سمحني .. و الله لعاد نعاودها ... اخر مرة
كي راها كاك رخف روحو شويا ... و دخل من هبال الي طلعتهولو جبيد ناب من فوق طاولة وطلعيلها
احمد: هاك لف بيه روحك ...
احلا قعدت باهتة : احمد شبيك ياخي شقولو ناس داخلة بغطاء طاولة
زاد تنرفز و قروبلها : و شيقولو ناس ر.... كي تدخل كاك مبزعا بكليك ... يا شو محلاه ط... الي بجنبها
كي راتو صاي رجع تنرفز خذات لفيت روحها و دخليت قاعدت علا طاولة
كي راتها شقرا صاحيبة قبطان قاعدت تضحيك
شقرا: ههه حلو الي لابسيتو ... ياخي طلع لاموضة
احلام حشميت و احمد كحر للقبطان باش يسكرلها فمها
قبطا: ر.... كان مازليت بيش تتجولغ ... بش نلبسيك طاولة وقتها تو ترا لموضة علا قاعدة
طفلة خافت و سكتيت و بدات تتدحنس عليه باش تبوسو
احمد كي راها كاك ... قوم احلام و خذاو طاولة واحدهم
قبطان تنرفز وقتها: ر..... لهدرجة رميا روحك و متقدارش ... ا هبط من حجري توا كيفيك كيف عاتية ماكانش بش نطيرك نلصقك في حيط بجنب الثرايات
خافت و هبطيت و قعديت بجنبو .
54 نرمين في وقت هاكا .... قعدت علا كرسي وين كنتوار و سرفورات الي يسربيو
مقابلة قبطان .... و قعديت تكحرلو بشي الي حاسيتو
قبطان وقتعا يغزرلها و يتمتم وحدو : شنيا هالكارثة هاذي ... تغطي روحها و تعري غيرها ... وين تمشي بمصايبها
نرمين بغزول طلبيت كاس وسكي ..... و اول مرة تشرب في حياتها اما بشي الي حاسيتو .... ما عاد فهم شتعمل
قبطان وقتها .شادد روحو بسيف علاها ... و يغزل كيفا خذات كاس وسكي و شربيتو فرد ريق ...
طلعلو دم راسو ... اما شاد روحو و طفيها ...
نرمين كل ما تراه كيفا قاعد مع شقرا و تغزرلهم دمها يفور ... حاسيلو ضربيت تشرب علا بعضو
قبطان تحمل ... تحمل ... و كي وصل لتوب ... داز لخرا من جنبو و قام ....
وقف حذاها و يغزل
قبط: و واللهي كي ريتك ساترا روحك ما صدقتيش ... اه قوليت كي سيبا رايضة طفلة يوم و ما هي تعمل في شي عيب ..... اما ر..... تقوم تشرب 3 كسان وسكي ... و فرد ضربة زادة هنا نقولك stop
نرمي : و نتي شمدخليك فيا ... برا إتلهي بلي جنبك عندها ساعة تشرب حذاك و لا عينيك تراني كان اني
هيا قالت كاك و هوا زاد قروبلها : هاكي مستانسا تشرب حتا ماء فرق .... اما انتي شو حالتك كيفا ولات ضاهر الي انتي متتحمليش تشرب وسكي ... ياخي فاش قام عليك ... ما قيت ما تعمل ... من مصايب نكزت علا شراب
نرمين و هيا دايخة صاي حاك فيها وسكي : و اللهي حاجة ما تخصيكش .... روحي و اني حرا فاها ...
و دزيتو و قامت من حذاه تتمايل ترا في دنيا فلو قدامها و خرجت برا مطعم و تكات علا حيط تشم في الهواء
زاد تنرفز منها و لحق عليها ... يلقاها متكيا علا حيط و عينيها تحل فيهم بسيف و تغزر لسماء
عشقها وقتها ... حاس روحو فما حاجة تحركت فيه ... قلبو ولا يدق ... نفس ياخو فيه بسيف
قربلها و قلها بصوت خافت
قبط: نرمين راك بيش تهبلني من تصروفاتك ... راك ماكش عارفا فاش قاعدا تعمل فيا .... ناوية دخلني في حيط علا قريب و لا شنيا حكايتك
نرمين وقتها دايخة من شي الي شربيتو قاعدت تغزر لعينية و تثبيت فيه و زادت جبدتو من تريكوه و قربتو ليها اكثر
هو وقتها زاد سخن عليها و بدنو كل تفرعس
قبط و هو يتكلم في وجها: نرمين ريض ... راك قاعد تشعل في نار ..نار معاديش فيا يزي ...
قاعدو يغزرو لبعضهم و يتمعشقو في بعضهم و قلوبهم ترفرف
55 قبطان معاديش فيه حاس روحو كان بيش يزيد يغزرلها موش بيش نجم يشيد روحو
بععيد عليها شويا و حاط ايدو علا حط بش يهز توازنو
قبط : نرمين وين تحب توصل ... علاش تحط روحك في مواقف خايبة .. عجبيك توا حالتك لازم ديما تخليها ..
نرمين تتكلم بسيف و هيا دايخة:علاش شعمتلك اني ... بالعكس .. ما حبيتش نقلقك و نعطليك علا رومنسياتك الي مورزعها في كل بلاصة
قبطان : و نتي موش فايقا علا روحك كيفا تكحرلي عندك ساعة ... قريب بيش تنوض عليا
نرمين: و اني شمداخلني ... و زيد ما فيباليش بيك احول ... تشوف بالغالط ... ما غزرتليكش ليك نغزر لاحمد و احلام
قبطان : ههه علاه وجهك مقابلني و تقلي نغزر لاحمد و احلام الي قاعدين وراك .... وسكي ضاهر فيه عامل فيك بالباهي
كي راتو يضحك كاك طفاتو و غمضيت عينيها ...
و هو وقتها وجهو حمار ... جذبو وجها الي قريب منو ... كان يغزرلها بشهوة كبيرة ب مشاعر مخلطة بين حب و لهفة
56 كان ياسر مسحور باها .ّ. معاديش نجم يقاوم جمالها
قبط: نرمين .. منين جيتني انتي ... منين .. حياتي كل فرعستالي .... قوتي تولي ضعف قدامك ...
معادش نجم ... ما نركزيش معا وجهيك مع تصرفاتيك ... افهم
نرمين : اه هاكا علاه ديما واجعني ...
هيا مازالت ما كمليتيش تحكي و هو قروبلها لصق وجهو في وجها ... نفس ولاو يتنفسو فرد هواء الي خارج منهم زوز ... هيا بقوة احساس غمضيت عينيها و سلميت روحها لمشاعرها قوية
هو كان شاعل .. وجودو حذاها يذوبو يهبلو
57في لحضة هاكي .. زوز كانو سارحين بمشاعرهم عي الي غلبيتهم
قبطان ذاب ذاب .... معادش فيه ...
زاد قروبيلها و عدا خشمو علا خشمها
زاد نارو شعليت كان مركز مع فومها روز الي يرعش قدامو
نرمين سلميت روحها جملا كانت دايخة بقربو ليها
كي راها مسلمة و متفاعلا معها .. معادش ينجم يشد روحو نكزت من غير ما يشعر علا شفايفها و ينزليلها علا وجها بقوة مشاعر و الرغبة
كانت بوسة عالمية ... فرغ مشاعرو مشاعرو كل و هيا ذايبة بين ايديه
58تعداو لعالم اخر .... ماعاديش حاسين بشي
لمستو لشفايفها ... زاد هبلو .... معاديش ينجم يبعيد ... معاديش ينجم يقص علا متعة الي كان حاسيسها معها ...
كلاها ماكلة .. لين دوخها ... نزيليلها علا شفايفها لين نفس ولات تاخو فيه بسيف ... شفايفها فرعسهوملها
لين تنفخو ... بكثرة ما تقوا عليهم
بعيد عليها شويا خاطر معادش يناجم يقاوم و يشد روحو اكثر
هيا بيدها دايخة ومن ويسكي.. و هو زاد كمل عليها .... ما نجمتيش دشيت روحها اكثر .... داخت بين إيده .
قبطان وقتها تفجع عليها برشا .... قعد يحاول يفيق فيها ... اما هيا صاي لا حياة لمن تنادي
59هزها بين إيديه و طلع تليفون من جيبو و كليم احمد باش يخرج....
طلعو بالفجعة .... احلام ولات ترعش خايفة عليها
احلا: ياي شبيها نرمين دايخة ... شصارلها
قبط: مصار شي جست شربيت كاس وسكي ... ما نجمتوش رجع عليها
احلا : ياح ... مقاة ما تعمل صبر منها ...
قبطان: احمد ... برا قريب كرهبة ...
احمد مشي يجيب في كرهبت قبطان ... و احلام دخلت تمد في كاس ماء باش تفيقها
قبطان وقتها شديتها في حملتو و يستنا فيهم
60جي احمد و جاب الكرهبة ..... دنيا غبرها احلام زادا جات تجري و جابت كاس ماء باش تفيقها قبط: احمد خو مفاتيح كرهبت نرمين روح بيها ... و اني هاو بش نركبها معايا .. و نلحق عليك قبطان وقتها راهم مفاتيح في جيب سروالها اما ما حبيش يمسها و هي موش فايقة غمز احلا م باش تمدهم و تعطيهم لاحمد خرج احمد للكرهبة و جي بيش يهز احلام معاه قبط: خويا خليها معانا ... باش نتلهي بنرمين احمد وافق ... و باس احلام و همسها في وذينها احم: مفاهمة ما كملتيش ... احلام تبسمت و باستو ... قول شعليه قلها نحبيك ... و هو يتحلف في جد بوها عل لبسة . اما حبيت تبردو شويا ببوستها هو ما كاك و نرمين بدات تفيق كي بللها وجها بالماء و وقفت علا ساقيها ... اما مانجمتيش تمشي وحدها شديت في قبطان باش يعونها هو كاك بش يطلعو في كرهبة و تهد عليهم شقرا تعيط و ضاهرا سكرانة عل لخر شقرا: مروح بابا .... مخليني ساعتين و وحدي و انتي تتمعشق هنا ... احلام باهتة ... و قفت وراها و تغزر ... قبط: إسمعني اقلب عليا وجهك مانيش ناقص ق... عقاب ليلة شقرا: اه توا واليت موش ناقصني نسيت روحك قبل ....ما تسهر كان ما نبدا معاك طلعتلو دم راسو و غزارلها بغش قبط: إسمع د.... ر.... كان موش بيش تقلب وجهك توا .... ريتو وجهي هذا معاديش تراه ... خاطر بش توالي ترا في قفاه بصراحة خافت عرفتو مهبول ... و يمكن ياسر يباصي عليها بعديت و خلاتهم يركبو ااا قبطان طلع نرمين من تالي و ركبيت بجنبها احلام و نزل عل فيتلس و نده الكرهبة .. ثنية كاملة و هو يغزرلها من تروفزور و يطمن عليها احلام وقتها محمليتها في حضنها تمنى لو كان في بلاصتها وصلو لدار ياقاو احمد وصل قبلهم هبطيت احلام تجري حاليت باب و حطيت فولار علا كتفها قبطان هابيط نرمين و عطاها لاحلام من باب خاطر عيب عندو يدخل دار ناس عقاب ليل و مولاها موش موجود .. دخليتها احلام حطيتها علا فوتاي و رجعيت تجري تلقا احمد يستنا فيها باش يعطيها مفتاح احمد: اي برا عاد ر...... بديل هالشوالق احلام خافت و قتلو باهي و الله بيش نبدل خذات المفاتح و دخليت تجري لبسيت جلباب عليهم و طلعت جابيت خواتها داخليتهم لبيتهم ... خاطر قاتهم نعسين ما طلعو من دار جيران و فاقو كان ماروحها طلعت احمد وقتها ركب مع قبطان و ندهو مروحين احلام مشات نرمين تفيق فيها ... و هزيتها للدوش باش تزيد تفيق و مبعيد ناحتلها طالو ... و حطيتها علا فرش و هيا تكر فاها كران ... و غطاتها باش ترقد نهاريتها احلا م تعبيت . و هي تجاهد في نرمين ... عملت كلا في دار ركحيت شوي صالة و بدليت دبشها و رقدت ما غير ما تشعر من تعب
ليست هناك تعليقات:
إرسال تعليق