61 قامت نرمين صباح راسها يوجع فيها .. بش يطرشق
غزرت تلقا روحها راقدا بدبشها .... مشات تقيم في أحلام
نرمين : يا سخطة .... تي فيق .
احلا: وه عليك شبيك عالصباح
نر: شبيني راقدا بدبشي ياخي
احلا: والله يا نرمين ... حلال فيك طريحة كيما نعرف اني
نر: شبيك صبح عصباح .... ياخي شصار بارح منتفكر شي
احلام : وانتي قول شماصارش ... اه منك و من عمايلك
قاعدت حلام تحكي نرمين شصار بارح بضبط ... و نرمين تسمع و تضرب علا خدها بكف اما بشويا
احلام: و الله شي يدوخ فيك ... ننصحيك قوي في كف . .. باش تفيق
نرمين: ياح ... يا ناري علا روحي كان تسمع بيا خديجة شربت ما تضحي عليا من غير قبلة
احلام : والله حلال فيك .... ياخي ستنا ساعة ما تقوليش ... شفما بينك و بين قبطان
نرمين تبلمت : شنوا بش يكون فما بجاه رابي ... عادي علاقة خدمة
احلام ضحكت و غمزتها : خدمة اه ... ضاهر فيها خدمة قوية ياسر
نرمين قلبيت وجها : شتقصيد ّ.ّ.. لالة احلام
احلام كي راتها كاك ما زادتيش اكثر: شي just عجبتني علاقة الخدمة الي بيناتكم
نرمين ضربتها بمخدة و قامت دوش ...
هيا كاك خارجة و تعرضها مرت عمها
تفجعيت نرمين : وه فجعتني ../ ايا صباح خير .. هاكم جيتو
مرت ع: صباح نور عزيزتي ... تحيب نحطليك تفطر
نرمين : خندوش و نبدل دبشي و بعد نفطر
مرت عمها قاعدت باهتة فيها ... كي راتها بدجين و شوميز تسخايلها بدليت و كملت
مشاة للبيت وين احلام
بنيتي متقوليش ... شبي نرمين راقدا بدبشها
احلام تبلمت و تتمتم ( وه جاب ربي وصيتها تنقيص من عمايلها هل بهيمة )
امها: بنيتي فاش تقول
احلا: تي روحيت امس تاعبة من خدمة ... راقديت بدبشها ماباتش تبدل
امها: وه مسيكنة تعبيت ... لدرجة ما فاقت بشي
احلام : اي مسيكنة و ياسر زادا
خرحيت نرمين من دوش و رجعيت للبيت
فاحت فاها طول احلام
ياخي ناويا تبصينا ... انتي يا بينتي خارجة لدوش و انت لا بسة دجين ... عصباح شبيش يقولو ... تعمل في في جولة في بيت
نرمين: وه بلحق و الله مشي من بالي
احلا: اكهو انتي اخليها و اني نصلح وراك ... و في ليخر تو تشوف ناكل كان اني علا راسي
نرمين: تي سكر .... قتليك ما نتبهتيش عاد ... و هيا قوم حضر روحك خنوصليك في ثنيتي
حضرو رواحهم .... نرمين لبسيت شوميز في روز bébé و سروال ابيض مخطط بالازرق و احلام لبسيت روب طويلة في نوار
خرجو يفطرو ... يلقاو امين فايق و كمل فطر و خارج باش يوصل خواتو صغار
نرمي: ياخي عمي وينو ....
مرت ع: بنيتي روحنا فجر ...و زيد تعيب و لا زمو يرتاح .ّ.. هانا كان فما حاجة كلمو بتليفون
نرمين : اه اوكي مفما حتا مشكل
قامت هيا و احلام خارجو .... كالعادة نرمين طايرا بالكرهبة .... و احلام ترعيش
واصليت احلام ... و مشات طول للخدمة
طلعيت لبيرو و قعديت تخدم شويا وتحكي مع موضفة
62 في وقت هاكا قبطان كان يلوج عليها ...
هيا كمليت الي في يديها و تكلمها احلام
نرمين : اه شبيك .. توحشتني فيسع
احلام : سكر عليا ... نسيت كلاسور متاعي في كرهبتيك ... ياخي ما ريتوش ...
نرمين: تعارك فيا سيادتك و لا اني نستخايل .... باهي لالة تو مرا جايا نعس عليك ...
احلا: وه عليا ... ما يزيش واخذا نهار راحة .... و زيد ننسا الاوراق ... عرفتي كان ما طرديتنيش ما نتسماش احلام
نرمين : يسكر بارك حممتلي قلبي ... هاو بيش نطلع و نجيبهولك كي قدر عليا ربي
احلا: يخليلي وخيتي زايد معاك
طلعت نرمين تزرب باش توصللها فيسع
هيا هابطا من شريكة و ماشيا وين كرهبيتها و قبطان يراها
قعد ينادي عليها و حاول يزرب باش يلحق عليها مانجمش ... و زيد هيا ما سمعتوش من حس ماكينات و بحارا
طلعيت نرمين عل كرهبة و ندهيت
قبطان وقتها شاد صحيح با ش يحكي معاها و زيد يحيب يعرف شباها مروحا بكري
ركيب في كرهبتو و لحق وراها
نرمين ما هياش هنا جملا كالعادة حلا غناء يشرقع و طايرا بالكرهبة
اصلا قبطان قعد باهت فيها كيفا تسوق
قبط: شبي ر..... هاذي تحب تموت ولا شنوا .... شكونو بهيم الي عطاها برمي ... قول شعلاها وحدها في كياس
هبليتو باش نجم يلحق عليها
هيا وقفيت كرهبة و هبطيت شادا كلاسور في إيديها
و هو يجبد حاجة من كرهبة يلحق يجري و يوقف
قدامها و يدو لخرا مخبيها وراه
نرمين كي راتو تصدميت
نرمين: ق ق قبطان .. فاش تعمل لهنا ...
قبطان : كنت حابب نحكي معاك ... لوجت عليك ... قيت خارجا قعدت نادي عليك ما سمعتنيش جملا ... ركبيت في كرهبة و تبعتك
نرمين تسمع فيه و مصدومة .... صدمة حلوة
هيا كاك مازالت بيش تتكلم و هو يمدلها باكو نوار أحمر
نرمين كي راتو بوكي فرحيت عينيها لمعو
عجبتها فازا
قبط: حبيت نجيبلك ورد كإعتذار علا كلام الخايب و تصرفات الي طلعيت مني الايام الي فاتت الكل
نرمين تسمع فيه و فرحانا ّ... طايرا اصل
نرمين : مرسي ... ياسر يهبل الورد
قبط: وهو يجي منو ما نجيبوش الورد للورد
هو قلها كاك و هيا وجها حمار
نرمين : مدام جيبتلي ورد ... صاي نسيت الي صار كل
قبطان ضحك و في نفس وقت فرح : ايه و نحب نبدا معاك من اللول و جديد ...
نرمين مافهمتوش و داخليت بعضها : كيفا مفهمتش
قبط : معناها اعتبرني من اليوم عرفتني و بدينا صفحا جديدا بعيدا عل مشاكل و غمزها و مشي
خالاها جامدا في بلاصيتها .... معادش فيها ... كان تلقا توالي تشطح و تنكز بالفرحة .... حتا من احلام نساتها
قلبها يدق بالقوي ....
63 نرمين دوبا وصليت للشركة دخليت طول لبيروها .... و نحات من فاز الي حذاها ورد الي كان فيه كل .. و حطيت ورد الي جابهولها ... و قعدت تغزورلو و تبعيث في بوس و تعاود ... شاخت عليهم .. و رمات ورد لخر من شباك جي بكلو علا بحار مسيكين قعد يخزر للسماء و باهت هههه يسخاب مطرت ورد هالبهلول
نرمين منجميتش تقعد ما غير ما تمشي تشوف قبطان حاسيت بروحها توحشيتو وحبيت تعدي شويا وقت معاه
هيا كاك ماشيتلو و بكلها فرحة و تصبح عل بحارا كل ...
بكثرة ماهي زاهيا
و ops تغزر تلقا ه واقف مع شقرا و يحكي معاها . .. فرحتها كل تحوليت للغش
عينيها ولات تتطاير بشر .. . تقلبيت ضربة واحدا .... و رجعيت تجري لبيروها ... دوبا ما دخليت نحاة ورد من فاز و طيشيتو من شباك .... كيكيف جي علا نفس بحار ... الي مسيكين و لايغزر سماء و يضرب في روحو بكف .... يسخايب روحو راقد و يحلم
64نرمين حاسيتو قاعد يتمنيك علاها و يعدي في وقيت علاها ... زادت حطيت في قلبها و طرشقيت بالبكاء . ..بعد ما بكات قامت هزيت ساكها و طلعيت عجاجة ... تحب تروح ترقد باش تنسا شويا و تبعيد باش ما تشوفش منضرو و يراها بحالة هاكي ... ما تحبيش تبين ضعفها
قبطان في وقت هاكا كان يتعارك مع شقرا الي لصقيت فيه كالبقة ... و مباتيش تفهم روحها ... ما روحيت كان ما مرمدهااا ... زايد تفهم كان بتطيح القدر .... هو وقتها فد و روحو طلعيت حاب يمشي يشوف نرمين ... هيا الوحيد ة كي را عينيها ينسا دنيا و ما فيها هو كاك ماشي لبيروها و يشوف ورد احمر و ورد اخر تحت حيط طايح و ضاهر عافسين عليه دمو غلي ... زاد قرب ياقاه الورد الي جابهولها ... نارو شعليت كان جات قدامو راهو خبطها بطريحة
طلع ما ش فيبالو بيش يقاها و يسيب غشو فيها ... . عاد عرضيتو موضفة و قتلو
موض: مسيو كان تلوج علا م نرمين راهي طلعيت روحيت
قبط : باهي يا نرمين روح اما وين عندك تهرب مني ... حسابك واخذيتو واخذيتو
قعد يتمتم واحدو كاك ... و هبط رجع قارب متاعو ودخل لبيتو و قعد يرحي في غزول علا بعضو
65 روحت نرمين .... و كالعادة من غزول دخلت رقدت طول
قبطان كان في نفس حالتها و اكثر
بشي الي حسو ... دخل لسفينتو ... و قعد يشرب
باش ينسا ... حس روحو طيحيت من قيمتو ... قدرو طاح ... كيفاش تعملو كاك..
كيفاش توصل تستفزو كاك ... نرمين ليلتها هبليتو ... طلعتو من سيمتو .... اصلا طلعتلو دم
احلام روحيت لدار تلقا نرمين راقدا
احلا: وه نرمين ... ياخي مفهمتيش وقتاه تمشي تخدم ووقتاه تروح تي حتا ساعتين مقعدتهمش نحلف عليك
نرمين تسمع فيها و مطيفيتها .... معينهاش باش تجاوب
حتا من الماكلة ما حبيتش تاكل قد ما حاولت معاها احلام
نرمين ليلة كاملة و هي تبكي و متقلقة حسيت بغصة كبيرة .... غارت عليه اي غارت ... نرمين وقتها بدات تتاكد الي هيا عندها مشاعر نحيتو ... مشاعر قوية برشا
تعدا الوقت و رقدت ما غير ما تشعر
صباح ..... قامت مخر شويا ... مرت عمها مباتش تقومها ... عرفتها تاعبة و معينهاش بيش تفيق بكري ما باتش تقلقلها ... و زيد عمها مشي للخدمة تو يتلهي هو
احلام قامت بسيف ... امها قومتها ....
امها: بنيتي قوم توا حضر روحك فيسع دقيقتين فيديك بوك خارج عندو خدمة اكيدة موش بش يستناك ...
احلا: اوه تي هو نرمين مازالت زادا .. اي تو تهزني هيا
امها: بنيتي نرمين ضاهرا راقدا و موش ناويا تفيق ... و يمكن تمشي مبعد موراها شي هي عرفة غادي ... وانتي يحكم فيك الوقت لهذا قوم ... و متعمالش حس برشا خليها راقدا
قامت احلام تجري لبسيت الي جي قدامها ... لازمها تزرب ... خاطر تعرف بوها ما يستناش كي يبدا يزرب .. و زيد متحبيش .. تمشي علا رجليها
طلعيت تجري من بيت .... و طول نكزت ركبيت في كرهبة
وصلت للخدمة .... و هيا حليتها حليلية ....
دوبا ما دخليت لبيروها ... ترمات علا كرسي .... و بدات تركح في روحها و في اوراقها ..
هيا كاك و تشوف تلقا روحها نساة كلاسور متاعها كالعادة
احلا : صبر يا ربي هالعملة كلبة طوا ... اوف شبيش نعمل اني زاح اه راسي
هيا كاك تخمم و حايرا ... و تجيها عرفيتها
عر: صباح خير احلام
احلا: صباح نور عرفتي
ع: اه هاني داخل حضر اوراق ... و اخليط عليا كي تكمل
احلا : حاضر مدام
احلام وقتها دخليت بعضها ...
احلا:هالعملة كلبة يا ربي ... عرفتو هالنهار من لولو ما هوش ناوي يكمل علا خير
هيا كاك تخمم و تجيها .. فكرة تكلم نرمين اكهو حلها الوحيد هيا ... معادش فيها
احلام قعدت تطلب في نرمين ... و نرمين مازالت ما فاقت بشي .... قعدت تطلب علا بعضو
نرمين وقتها بدات تفيق من حس تاليفون و تسب في شكون ال مارجها علا صباح
نرمين : اوه احلام هاذي ....
احلام دوبا ما هزيت عليها نرمين : نرمين بربي إجرلي ... يا وخيتي
نرمين تفجعيت : شبيك عصباح شفما لاباس ماهو ...
احلا: يا نرمين خرجوني يوم طراطر .... سقايا اعلا من راسي .... خاطر قمت مخير في جرتك
نرم : في جرتي ... علا ه سهرت معاك بارح اني و لا احمد في تاليفون
احلا : تي لا مستانسة تقوم قبلي و بحسك تفيقني .. اليوم كي صبحيت راقدة انتي ... قمت ماخر و صار الي صار
نرم : شتحيب انتي توا
احلا : بربي كلاسور ... جيبهولي والله عرفتي تقتلني كان ما نركحش اوراق ...
نرم : باهي باهي .... خنقوم و نجيبلك ... ما فهمتش اني و انتي نهار كل نسيتو
قامت نرمين تركح في روحها .
66 نرمين عمليت دوش كالعادة .... و لبسيت روب قصيرة نوار بالblanc et bleu
و سيبت شعرها و عمليت ماكياج خفيف
ركبيت في كرهبتها و طلعيت تجري ..... في ثنية حطيت غنية .... شرين (كده يا قلبي )
في وقت هاكا ... احمد كلم يسال علا احلام و هو قاعد حذا قبطان
احمد: اه حبي وينك
احلا: اه يا روحي هاواني .اه
احمد: شبيك تناني ... لاباس
احلا: نسيت كلاسو ر .... و عرفتي كان منركحيلهاش اوراق يمكن تطلع بروحي
احم: سكر ... عاد قالو تطلع بروحك .... متنجمش تروح و ترجع
احلا: لا هاني كلمت نرمين بيش تجيبلي توا و تجيني
احمد : اه كي جايتيك نرمين اكهو مالا .... نقص شوي من هبالك
احمد كي قال كاك قبطان سمعو .... بشي الي منرفزو منها لبس تريكويه و خرج طول
احمد : قبطان ياااااا معلم وين ماشي
احلا: معا شكون تحكي ياخي
احم: شي شي برا توا باي تو نحكيو بعد
قبطان وقتها طلع يجري ركيب في كرهبتو و نده
حرقها ثنية حرقان ....
اصلا وصل قبالها .. قعاد واقف يثبت ... كرهبتها ما فماش ... عرفها مازالت ما وصليتش .. قعد يستنا فيها
67 هو كاك .... و هيا جات .... . قعد واقف مقابلها .. وقتها هيا هابطا تتشخطر ....
هو (يتمتم): جيت و جابك رابي ....
هيا كي راتو بلمت و دخلت بعضها ... رجليها معادش تعرف تمشي بيهم ... و كي تفكرت موقف بارح دم طلعلها لراسها ...
هي: جاي بابا ... ناقصتك عصباح ... (تحكي وحدها)
هو منرفز منها خلقي .. و زيد شاف روبتها .. لعصب زاد طلعلو ...
قبطان(يتمتم) : والله منقتليك اقرب برك ... زايد متترباش
نرمين قربيتلو ... هزيتو وحطيتو ... و تعادات .. بجنبو
قبطان وقتها .. لعصب زاد طلعلو ....
قبط: شباها هاذي ر...... ناويا علا موتها ....
في لحضة هاكي ستفيزيتو عل لخر طلعيتلو دم .. لراسو ....
و هي هاكي كانت غايتها ....
68 لحق عليها .... و نارو شعلا
كان يلقا يحرق الي قدامو كل
هو: ر...... وقف غادي
نرمين قاعدت تمشي و طفاتو .... كي راها كاك زاد لعصب طلعلو و عيط
هو : دير ر........ قتليييييييك وقف ر....... غادي
نرمين كي سمعيتو كاك جمدت في بلاصتها ...
لحق عليها
نرمين: تفضل شيتحب ..... تعيط و جايب من عندك لاباس ماهو
قبط: ياخي transparant... ر...... ماريتنيش ياخي متعديا فراندس
نرم: علاه بابا لازم عليا كي نراك نكلمك ... ونوقف زادا
قبط: ر...... بش تجهلني ... جايبلك ورد .. و جايب من عندي ..... و نحكي و نكسر في ر... راسي .... و نقولك نبداو من جديد .... ماقعادتيش حتا ثانية و نشوف كان في ورد مطيش .... نورمال في ر.... مخيك الي يجيبلك حاجة .... تعملو هيكا ... هيكا علموك
نرمين تكشخ : اي باين تحب تبدا من جديد .... هاكا علاه طول نكزت لشقرتك
قبط: فاش تحكي ياخي ..... لاباس في مخيك ... انا شقرا
نرمين: اي طوا نسيت .... و بديت تنكر ... زايد ماكنتش نسخايلك جبان لهدرجة
قبط : ر...... جبان زادا .... تحبني نقضي عليك ... باقي تحل في فمك ... ولا بارك خايف منك
نرمين : اسمعني ريتك بارح واقف معاها في ميناء .... ماتبداش تنكر .... مايزيش تتمعشق معاها ... و زيد محول خدمتك لرومنسات و مواعيد
قبطان جهل: ياخي شنعمللها ... نقصلها ريجليها ... رجعت لسفينة ... نلقاها واقف تتستنا فيا ... كان زيديت قربت راك سمعت شقولت .... بلعكس تنرفزت عليها و طردتها و لا هذا ما تراشي انتي ...
نرمين : ايه سملا عليك و عليها ما حقوش زادا ....
69قاتلو كاك و مشات تزرب في خطوتها .... تحسها ما تحبيش تصدقو ... تحيب تبعد ... هيا كاك بيش تتعدا ... و موش مركزا قدامها و كرهبا جايا تجري ...
قبطان عينيه طلعيت حس روحو ... يرعش بكلو ... نادا عليها و هيا باقي ما تحبيش تجاوبو مطفيتو جملا
زرب قبطانن في خطوتو ... و جبيدها ليه .... شعرا و الكرهبة تخبطها .... من الفجعة وجها لخلخل ... قاعدت باهتة .... و للقبطان في هاكي لحظة قلبو وقف ....كابس عايها في حضنو و يكحر لصاحب الكرهية
70 قبطان دم مكنو .... هبل في مخو .. مسلها وجها
قبط: نرمين لاباس ... متتفجعيش
نرم : لاباس .... منين جات والله لانتبهتلها جملا
قبط: ما تخافيش لاباس ... مصار شي ...
قبطان عينيه حمر بالغش ..... و زيد يهبط مولا كرهبة .... و يقرب .باش يتفقد نرمين و يطلب سماح
هو كاك و قبطان .. يتكلم كان يلقا يخبطو بطريحة: لاباس في ر... مخيك متحليش عينيك از..... كي متعراش تسوق ... ماتركبيش في ر.... الكراهب
راجل: خويا شبيك داخل فراندس ..... تصير راهي و زيد مدموازال غلطة منها ما ركزيتش
نرمين وقتها قعدت باهتة .. في ال قبطان كيفا يحكي مع راجل ... مع انو يعرف هيا الغالطة
زاد قدم قبطان ... و بيش يضرب الراجل ....
قبطان: تحل في ر... فمك زادا ... شويا لقتلتها ... و باقي تتكلم ... وزيد سيادتك طاير طيران بالكرهبة ... في بلاصة كيما هيكا ... حتا من صغار فيها ... مافكرتيش في هذا اكيد شيهمك انتي .. في ناس ... انتي تعفس و الوالد يخلص عليك ...
قبطان ... دم طالعلو خلقي ... و سيب غشو
71نرمين كي راتو كاك حاولت تهديه شويا ... شديتلو ايدو و غزرتلو عينيه باش يهدا قبطان بلمستها برك راض شويا .... و ووخر تالي وقف بجنابها ... راجل وقتها قرب يطلب في سماح من نرمين .... راجل: سمحني .... مدموازال ... نرمين تتكلم بسيف من الفجعة : لا لباس لباس ... مصار شي .... قبطان .... كيفا مصار شي ... شويا لعفسك ... نرمين وقتها جبدتو وزاد قربتلو منها و قدمت شويا .... و قتلو نرمين: عيشك مرا جايا ... رود بالك ... ينجم .. تقتل حاد بسرعة هاذي راجل و هو منرفز: سمحني مدموازل قتليك سمحني نرمين زاد كبسيت علا إيد قبطان باش ما ينفعلش اكثر تعرفو مجنون
72 حاولت نرمين تهدي الاجواء
تبسميت شويا وقعديت تحكي مع راجل
نرمين : علا كل اني إسمي نرمين .... نشالله معرفة طيبة
قبطان كي راها تحكي كاك جبد إيدو و بدي يكحر
راجل قعاد يغزر لبدانها ... و جاوبها : نتشرفو واني يوسف ...
قبطان تكلم وقتها وانيييي تحب تعرف شسمي ولا بعد ما تخزرلي
نرمين غزرتلو ... تكحر و ووشوشتلو
نرمي: يزي عاد ... شبيك معقدها .. قال ميقصدش
وزيد هيا كي راتو كاك غاير ... شاخيت عليه و حبيت تزيد تنرفزو باش تشربو من نفس كاس الي شربيتو البارح
زادت في ضحكتها و رجعيت تحكي معا يوسف: نتشرفو ... ما شاالله إسمك مزيان ...
قبطان ولا ينفخ ... و يعاود كان يلقا يمسبطها ... و هي شايخا
يوسف: حتا انتي إسمك مزيان
قبطان تكلم من غير ما يشعر : معلم لا باس ما صار شي تنجم تمشي علا روحك
يوسف تبسم لنرمين ... و مشا رجع ركيب في كرهبتو ... نرمين وقتها شايخة : باي يوسف باي
قبطان وقتها جبدها ... من إيديها
قبط: شرايك ترميلو بوس موش خير ... جاب ربي ر.... كان بيش يخبط ولديك بكرهبة
نرمين: ياخي طلب سماح ... شبيش نعمل ... نقتلو ... وزيد طلع ياسر. Sympathique.
شو محلاه
هيا قتلو كاك و هو زاد تنرفز ...
قبط: ر...... عجبيك لهدرجا ... عاد طلعت ركيبت في كرهبة معاه و كهو
نرمين شايخة: مرا جايا .. واللهي فكرة
هيا قالت كاك و هو عاود جبدها ليه ...
قبط: ر....... تحب تنطق سمايا .... و لا شنيا حكايتك ... ياخي نرمين لازم تخليني نغلط معاك باش تريض
نرمين كي جبدها بقوي روب تهزيت شوي
نرمين : يا خي شبيك ....
هبطيت إيديها تهبيط في روب
قبطان جن جنونو : ياخي دير ر........ .. شهال جرود الي لبستهم .... نورمال انتي ... مايزيش نجبدك تتهز .... و زيد راجل من بكري و هو يغزرلك عراك و انت واقفة بعينيه .... تحبني نستجرم في جرتك باش تفهم و تحل ر .... مخيك ....
نرمين دخليت بعضها ... و خافت منو و حبيت تهدي جو شويا
نرمين: باهي عندك حق قصيرا شويا ...
قبط : قصيرا .... برشا عزيزتي ...... مغطيتلك كان ...
سكت ما باش يكمل يفلطي في كلام ... حس روحو ... صاي .... هاز روحو و خلاها ... خاف يزيد يغلط اكثر
دارلها وقالها
قبط: نرمين اعمل الي يضهورلك ....
هيا وقتها .... حسيت بذنب ... اما قالت يستاهل الي بكاتو هيا بارح مو ش شويا
هيا كاك ... و تغزر تاليفونها تلقا احلام طالبيتها __30 مرا ... تفكرتها ... مشات تجري .... و طلعتلها طقاها ... تغزل
احلا: يا هم شبيك طوا و زيد ما تهزيش ... جاب رابي جايتني علا كرهبة موش علا كريطة ....
نرم: تي احمد رابي جيتك ... طريف و لا تضريني كرهبا
احلام مفجوعة : شنوياااا . او يا وخيتي ... ناقصة كان تتضرب في جرتي ... الحمد لاباس
ترمي: اي هاك كلاسوريك و معادش تنساه ... و برا تو ا تلهي في خدمتك .... واني بيدي معادش بكري عليا
اكهو خلات احلام و خرجيت
نرمين روحيت بدلت دبشها ... لبسيت خلعة بيضاء و سروال دجين
هيا كاك و مرت عمها تدخل عليها ....
مرا عمها: بنيتي ... لاباس ... روحت طوا
نرمين: شي جيست طلعيت نجري نلحق لاحلام كلاسورها نساتو ....و لبست روبا ماولمتنيش في الحركة
مرة ع: اوه بنيتي ... الله غالب ديما مخها موش فوقها ... هايا كمل ركح روحك و إيجا افطر .. عملت فطاير يهبلو
نرمين: اوكي طاطا ....
كمليت نرمين فطرت و باست مرة عمها و خرجيت ... تحكي مع امها في تاليفون
نرمين: وي روحي وينك لا باس
امها: اه بنيتي وينك شعاملا ....
نرمين: هاني ماشيا نخدم .... تو كي نكمل ... نكلمك
امها : باهي بنيتي .. ربي معاك
دوبا ما وصليت للخدمة .... مشاة تجري ... للبلاصة الي لوحت منها الورد .... و تغز علا جناباتها يراهاش قبطان
هزت الورد الي جابهولها بسرقة و طلعيت تجري للبيرو رجعيتهم للفاز
الي راها عمليت كاك يقول بردت ... و هيا باقي تغلي ... اما ما حبيتش ... تلوحهم بالطرقة هاكي
حسيت روحها بالغيت برشا
هيا كاك .... في بيرو تحكي وحدها و يدخل عليها احمد
نرمي: اه احمد وينك لاباس
احمد: لاباس م نرمين جيست ... حبيت نقلك ... الي سفينة موتيرها عديم ... لازمك تبعثيلنا شكون يشوفها .... و تصصحح عل اوراق .. و كان ما يقالقيكش ... تجي توقف تستشرف علا احداث كل ...
نرمين : اوكي اسبقني تو نلحق و هاك وارقا هاذي اهبيط موضفة لوطة ... تو تكلملك شكون يجي يتفقدها
نرمين تحسها مترادا ... ما تحبيش تراه ... حسا روحها بيش تضعاف ... و زيد شكون قال كلامو صحيح شقرا حكي معاها كاك ... ينجم يكون يكذب
هيا لحقيقة مصدقتو من داخل ... اما تعمل كاك بش
تقنع روحها بالعكس
شديت بيروها ما طلعيتش منو جملا
تعدا الوقت و لهات روحها في الخدمة ... و ضربة ضربتين تقوم تغزر من شباك ... باش تشوفو
ضلامت دنيا .... و هيا معادش تنجم تشد روحها لازمها تشوفو قبل ما تروح ماكانش موش بيش ترتاح ...
خرجيت من بيرو و مشات طول للسفينة ...
طلعيت تلقا احمد مقابلها
احم: م نرمين لاباس تصلح و رجعيت كيما كانت
نرمين: اه باهي جسيت جيت باش نتفقد
احمد: نعرف م نرمين ... الحمد ما خذاش منا برشا وقت .. خلل بسيط
نرمين تحكي مع احمد ... و عينيها مو ش مركزا معاه في وقيت هاكا كانت تلوج علا قبطان .. الي مفماش ريحتو بكل
اد تنرفزيت و دخليت بعضها ....
نرمين: هاك وحدك هنا ياخي فينهم بحارا
احمد: لا موش وحدي معايا قبطان ... جست دخل داخل يتكلم في تاليفون علا راحتو
هو قالها كاك و هيا زادت تنرفزيت ...
نرم: اكيد يحكي مع شخطورتو مدام يحيب علا راحتو (تمتم)
زاد هبليت عليه اما حاولت ما تضاهرش لاحمد .
هيا كاك تخمم و تغزل ... و احمد يتكلم
احمد: بربي م نرمين ... عندي غدوة خدمة بارا من هنا .. خذيت وارقة متعpermition من الادارة و قالولي نستنا غدوة باش تصححلي عليها .. تنجم كان ما تراش مانع نمدهالك طوا صححلي عليها
نرم : اوكي جيبها هاني نستنا فيك و ازرب شويا ... خاطر بيش نروح
احم: مرسي م نرمين درجين برك و نكون حذاك
خلاها و مشا يجري
و هيا وقتها علا عصابها ... مضابيها .. تعرف لاخر مع شكون يحكي
قعديت تغزل و تغزر للسماء باش تهدا شويا
هيا كاك و قبطان يجي وراها ..
مرا لولا ما فاقيت بشي .... باقي سارحا مع خيالها
كي زاد قربيلها ... حسيت بيه
اما ماباتش تضهر شي ... عمليت روحا ما علبالهاش بيه و قعديت في نفس حالة
وقتها قبطان كي راها ... قلبو نبض .. بقوة ...
و زيد كي شافها بدليت دبشها ... و مستورة فرح وقتها ... و بدي يقربلها
قبط: هاك هنا ... شبيك ما تكلمتيش ... رانا فرحنا بيك
نرمي تكشخ : ما جيتش ليك ... احمد عندو قضيا و بيش نركحهالو دونك ارجع وين كنت ... او بالأ حرا برا ارجع تلهي فلي كنت فيه
قبط و زاد قربلها: كيفا انتي هنا و اني بيش نتلهي في حاجة اخرا ... بصراحة معادش نركز
نرمين هزيت عينيها لفوق و تكشخ : لا نتصور شقراا تخليك تزيد تركز
هو كيف سمعها كاك تبسم: اي علاش لا واللهي كلامك صحيح
تنرفزيت منو .... و فددها كلامو برشا
نرمين : اه قلبي صغير لا يتحمل ... اما نسيت ما قتليكش .... ما عينيش باش نسمع مغامراتك سخيفة معها
قبط : سملا علا قلبك ..... من اه
كي قال كاك رهوجهااا .... شديت روحهاااا ... و ما حبيتش تضهر .... كشخيتلو
نرمين: إسمعني .... كان فادد و تحب تسيب بلادتك ... برا شوف .. حاجة اخرا تلهي فيها
قبط : قربلها ... و غمزها
وقتها بلحق معادش تنجم.. تحس في روحها بش تذوب بالواقفة .....
بعديتو .... دازيتو و دارت باش تمشي
هيا كاك ... و هو يجبدها من إيدها ... .... و كبيس عليها
و جبدها ليه بالقوي جابها قدامو ....
هيا ترهوجيت وجها حمار ... معادش تنجم تقاوم سحرو
جات بيش تبعد حصرها بيديه زوز ما خالاهاش تتحرك
وقتها حسيت بروحها صاي ... جمدت تسمع كان في حس قلبها ... يرفرف
قاعدت تغزورلو لعينيه .... الي هبلوها ... عينيه الي تحكي علا برشا حب ..... ريحتو بنينية الي سيطرت علا خشمها .... بدنو مسكل و موشم الي غراها ...
هو وقتها .... عمال يقربلها .... مركز في تفاصيل وجها ... خاصة شفايفها الي يرعشو قدامو . .. الي هبلوه
ريحتها لي بكلها ورد و مسيك زاد شعليتو اكثر ملي هوا شاعل
قادو يغزرو لبعضهم .... عينيهم تحكي علا الحب كبير الي بيناتهم
شفايفهم الي متشوقة لبعضهم
قلويهم الي من قوة نبض قريب تخريج علا بارا
نفسهم الي يوالي سخون كي يقربو اكثر لبعضهم
بداناتهم .. الي توالي تشعل .....
قبطان في لحضة هاكي معاديش فيه ....
معاديش ينجم يقاوم .... حس روحو... سخن .. بدنو تفرعس ... القوة ولات ضعف قدام شفايفها الي يرعشو قدامو
هباط علا شفايفها ... و غرس فمو فيهم
نزل عليها بقو ة من شوق الي حاسو نحيتها
نرمين رخفيت روحها و عاشت معاه اقوا إحساس
شفايفو ... دوخوهااا ...
قبطاننن معادش فيه ... من شي الي حسو .. زاد شد وجها و نزل أكثر علا شفايفها اكثر ... ال درجة الي حتا نفس ولاو ياخذو فيه مع بعضهم ...
وجودهم في لحضة هاكي و قوربهم لبعضهم .... بين قيمة الحب ... ال بيناتهم ... توحدوا زوز
سيب أشواقهم ... و عبروا علي داخيلهم كل
قبطان ... كل مرا يزيد ينزل علا شفايفها و يقربها اكثر
كان عنيف و حنين في نفس الوقت
دوبا طلعيت للسفينة ... قعديت تلوج عليه ... بعينيها
عملت دورا .. هيا كاك تلوج و تسمع في صوتو
قبط: صباح الورد للوردا
غزرتلو و هزيت شعرها من علا عينيها ... باش تراه بالكدا ... قعدت تغزرلو كيفا مشعبط فوق في سفينة ..
دوخها .. موهرو كان .. بدنو المسكل و عضالاتو ... يهبلو الواحد .. يخليه يخرج من سيمتو .. من عقلو
تبسميلها تبسيمة حلوة .. رعشتلها بدنها ..
حاولت تتمسك و تقوي روحها
نرم: صباح خير
قبط : طلعيت عندي .. برشا زهر هواني ... نصبح عالزين هذا الكل ... شكون كيفي
نرمين ضحكيت بسكات : مرسي .. هاك وليت رومنسي
هيا واقفة كاك تتبسملو ... و تبادلو في نضرات
حبيت تقدم و تطلعلو فوق
قبط: نرمين فاش تعمل ...
نرمي: معندي فاش نعمل .. نحب نجرب كيفك نطلع فوق و نرا منضر بحر من غادي
قبط: نرمين يزي بلا هبال متنجمش تطلع ..
نرمين كشخيت: و شبيني منجمش نطلع ترا فيا موعقا ... و هاك انت طلعيت شزايد عليا تراه
قبط تنرفز : يا خي تتبهلل تقارن في روحك بيا ... يا بينتي راك فينو عليا برشا ...
نرمين طفاتو و باقي تتشعبيط بيش تطلع
تنرفز برسمي هو وقتها
قبط: تي شبي ر.... كبشيت .. ياخي متفهميش .. ما تنجميش و زيد ر.... تتشعبطلي .. ب جيب ميكرو ... لا باس في مخيك .. ناوي تجلطني ياخي ... برابي كي يدخل حاد وانت تهز في رجليك كاك شيقول ...
لازم طلعهالي عصباح ....
نرمين كي راتو كاك راضيت ... و خافيت .. اما فرحيت كغار عليها ... هي بيش دور و تعثر طيح
قبطان وقتها تفجع عليها ... هبط يجري و شدها
هي بكثرة مرجلها وجعيتها كبشيت فيه ... و قعديت تغزرلو .. في عينيه
قبط: نرمين ر.... متفهيش كي نقليك رد بالك باهي ليك هكا تجرح رجليك
قعد يميسلها في رجيلها ... و هي بدنها كل قشعر من قوة احساس
هو في لحضة هاكي سخن نارو شعليت
يشوف في رجليها بيض و مفورنين و يمس فيهم ... ذاب و قعد يحاو ل يشد في روحو اما من داخل بش يطرشق
و زاد ثبيت فيها يقاه جيب شبير طولو .. وقتها حط همو كل فيها
قبط: نرمين: ر..... يا خي ما تفهمش ... لم روحك ... زاح تو نورمال رجليك هيكا .. ياخي تغري في البحر . و لا في الحوت ... و لا مستغنيا علا رجليك ...
نرمين و لات تبكي من الوجيعة و زيد منو هوا كيفا مرمدها
سخفيتو وقتها ... و حس روحو ... كثرلها ...
قبط: طوا فاش قام تبكي .. جرح صغير و يبرا .. و زيد باهيلك باش تغطيهم شويا و تلبيس سروال
نرمين وقتها ضحكيت : ههههه ما خيبيك ... مشاة رجيلتي ... وانت متشمت فيا...
وليينت في صوتها شويا و طلعت لسانها وقتلو : نهون عليك
معادش منجم يشد روحو بيش يطرشق .... كان يلقا لسانها ... يقصهولها ... بطريقتو
تبسيم و يقربلها : معادش تتكلم ... كاك و طلع لسانك راني بشر... لحم و دم ... و غمزها
هيا فهمتو و تبسمت ... هبليتو هالفقصة .... بحركاتها ناويا طلو من دبشو بسيف
قام هزها باش تنجم تاقف و عاونها باش تقعد ..
وقف مقابله و بقي يحكي معاها و هيا باقي تتزعبين و جايبا فيها موجوعة ...
نرم: اي اي ... يا ميمتي رجلي ...
قبط : نرمين خبش صغير راهو ...ّ رجليك لا باس عليها ... الي راك مبكري كيفا طالعا و تبورب و يراك توا .... يبهيم ... وين شجاعة متاعك
نرم: شبيك .... سهلة جرحة ياخي .... شو رجلي ... و احكم تنفخيت اصل
قبط: واللهي ضوهرلي حولت معادش نراااا ... كان نواريك جروح الي في بدني ... ما دوخ ... و معملتيش كيفيك ...
نرمين كي سمعت كاك نكزت طول علا تريكويه تجبيد فيه باش ترا جروح : اه وينهم ما نيش نشوف فيهم
قبطان بدنو رعش من لمستها و كيفا دخليت ايدها من تريكو و تمس في صدرو
قبطان قربلها : نرمين .. ريض ... نحي إيديك
نرمين كي سمعيتو قاللها كاك بنطرة ... بعديت و تغشيت و طبسيت راسها ....
كي شافها كاك ... محبيش فيها .. رجع قربلها لوذينها ... ووشوشلها
قيط: يا بينتي كشيت عليك ... كاك ... خاطر ملي جيت و اني نتعارك مع شيطان ... و غمزها و مشي
فهمتو ... و قعدت تتبسم وتمتم .... : لازم عليك تتعارك معاه .... ماهو ادحم .. زاح فيك ههههه
قعديت تضحك علا روحها كيف قالت كاك ... و بدات عاد : يا نرمين ارزن طفل قريب بيش تاكلو ... ياخي شبيك هبليت في مخيك ..... صاي هبليت ....
قبطان يرا فيها تتكلم وحدها من بعيد قعد يضحك عليها
قبط: والله هالطفلة مهبولة بالقوي ... يا ربي منين طيحتني بيها
ضاهر فيا بش نقاسي برشا ..... من لابستها و اني ماشي
قبطان وقتها ... يغزرلها و فرحان الي هيا حذاه ... صحيح فما حاجات تنرفزو فيها ... اما شخصيتها و جمالها جذبوه ليها لدرجة كبيرا ....
هيا كاك ... وحبيت تهبيط .... تمشي تتفقد شعاندها في بيروها ....
قعديت تحاول كيفا بش تنكز ....
نرمي: يا ربي كيفا حطني عليها هاذي ... توا شبيش يهبطني اني ... صبر
قبطان يرا فيها ... كيفا تتفرع و تحب تهبيط ... زاد هبليو ... جيب زاد تهز و هيا تهز في رجليها و تفارع ... دم راكبتهولو .... مشالها يجري
قبط: نرمين اركح ر.... هاو بيش نهبطك .... معادش تتحرك
و هيا مفهمتوش كالعادة ما تريضش لازم تفركح
عيط علا طول صوتو : نرنين دير .ر...... قتليك اركح ما تفهميش و معادش تحرك رجليك ... لنقصهو ملك طوا و نرتاحو
خافت منو وقعديت تغزرلو .... و باهتة و حايرا شبيش يعمليلها
جبدها هبطها و طرشق
قبط: ر..... ياخي تراس ... تفركح كاك ... ياخي نرومال بربي كان جي مقابليك حاد اديني ... يقعد يتفرج عليك ....
نرمين تنرفزيت : شبيك ياخي ... تحكي .. هيكا شعمليت اني .. و شفاها كان جي مقابلني ... حد و فاش تحكي علا شنوا بيش يتفرج ...
قبط : يا خي تحب تنتقني بسيف ... انتي . تو نقعد نفسرلك ب تفاصيل زادا .. هيكا تحيب .. ما تنجمش تفعم وحدك
نرمين تغشيت و كشخيت و عينيها دمعيت: انتي ديما تعيط عليا و موش عاجبيك شي ... و ديما تسب عليا و كان تلقا تقتلني
كي راها كاك ... ما نجمش يغششها اكثر ... مسحها في روحو .. و جبدها قربها ليه اكثر ... لين جي وجها في وجهو .. حط خشمو علا خشمها و بدي يحكي معاها بصوت خافت
قبط: نرمين اخر مرا نسمعيك تقلي نحب نقتلك .. موش معناها نخاف عليك ... معناها نكرهك ... فسرتلك قادا من مرا علاش نعمل .. كاك ... وانتي قول عملا بلعاني ... يجي منو اني ندور بboxeur في شارع وفي خدمتي ... انتي كيفكيف فما حاجات ما يجيش تلبسهم
نرمين ضحكيت وقتلو: ايه هاك ديما عريان من فوق ... ساعات باش تلبس تريكو ....
قبط : يا بينتي اني ماعندي ما نخبي من الفوق و غمزها
وجها حمار ... و طبسيت راسها ... وقاتلو
نرم: ايه حتا اني ... موش لك درجا نعري من الفوق
قبط هزلها راسها و تكلم: جرب روحك عاري ... تحبني نسفرليك بروحك .. انتي ... و زيد والله جيبيك اقصر من boxeurمتاعي ... يقوا عليك ربي
نرمين ولات تضحك و بعديت من الحشمة .
.
هيا جات بيش تهبيط ... و هو جبيدها من تالي و حملها و غرس راسو في شعرها
قعد يشم في ريحة شعرها ... الي هبليتو ... غمض عينيه من قوة الاحساس الي ملكو ... معادش فيه
نرمين كي شدها وقتها و قرابها ليه ... بدنها رعش .. قلبها ذاب . .. نفس ولات تاخو فيه بسيف ... لامستو ليها رهوجيتها ... قلبيتلها موازنها ... حتا رجليها واقفا عليهم بسيف ... و خاصة كي تبسم .. حاست بقلبها طاح ..
حاست بحنانو ليها ... حاست بقلبو .. الي يرفرف ... حاست بحبو الي قوي الي تجاها ...
التحميلة ... خلات نرمين تتاكد من مشاعر قبطان .. بالخص من مشاعر ها ... عرفيت الي هيا ايام هاذي كل كانت تكذب علا روحها و تغطي في الحقيقة ..
وجودها حذاه بركا يعطيها معنا للحياة .. يعطيها سبب باش تعيش
ماكانتش تتصور الي حبها بيش تقاه في تونس
كانت طول عمرها .. تتستنا في لحضة هاذي الي منجم حتا واحد يعيشهلها كان قبطان ... لمستو كانت سحر بالنسبة ليها .. حتا طريقت كلامو مميزا ... كل شي فيه .. نادر ... متنجم تلقاه كان في القبطان ... قوة شخصيتو الي يهابوها ناس .. و يقدروه .. مايعموش في فلوس .. عايش بطريقة بسيطة ... اخر همو كراهيب و فيس الكل ... نرمين .. غمضيت عيناها ... و تستحلا في الشعور ...
حسيت جيتها تونس كانت من اروع المواقف
و القبطان كل مرا يزيد يكبس عليها بيديه ... تحسو خايف لا تهرب عليه ... خايف لا ما عادش يقاها بين إيديه .... كان فرحان برشا .. كي طوعتو .. و تعيش حالة كيفو ...
في وقت هاكا قربلها لو ذينها و وشوشلها
قبط: قد ما شربت في حياتي ما سكرتيش .... كيما هاكا
هما كاك و يهدو البحارا ... بعدو علا بعضهم ... و هو كالعادا تنرفز منهم ...
نرمين في لحضة هاكي وجها حمار و قات الحل الوحيد انها تهرب لبرواها باش تنجم تتمالك اعصابها و ترجع تتماسك ....
نرمين قعديت تتبسم وحدها .. خاصة كي تفكريت شقاللها ...حاسيتو حتا في كلامو رومنسي مميز هههه
هيا كاك و عمها يدخل حذاها
عم: اهلا بينتي
نرم: اهلا عمو ...
عم: عزيزتي جيبتليك client هاذا عند ... اوراق و المعاملات لازم تحكي معاه و تتفاهمو علا البضاعة و السوم و غيرو ... هاني سهام موضفة تو تجي حذاك تعاونك ايا عيش بينتي كون في المستوى
نرمين : اوكي عمي .. خاليه يدخل تو نتصرف
هيا كاك واقفا حذي شباك طل علا قبطان ... و تتمعشق فيه من بعيد
و يدخل سي client
Client: bonsoire md nermine
دارت نرمين .... و تصدمت قاعدت تغزورلو و موش فاهما شي
نرمي : إنتييييي !!!! هو client
Client: oui md nermine !!! Il y'a une problème !!!
نرمين بهمت ... اما كي فاقت علا روحها ... رجعيت تضحك و داري في الموقف ...
نرمي: تي شبيك داخل تتلغم مالا ... ياخي موش تونسي انتي ... اخر مرا شوفتك تحكي تونسي
Client : ههههه ماهو لازم نكونو في الخدمة مثقفين شويا و لا عندك شك
نرمين وقتها .. بات تتقبل في الحكاية و تضحيك ... ما كانتش تتصور الي بش يجي نهار و تخدم مع السيد الي شويا و يغفسها بكرهبتو هاكي نهار
نرمي : جاب رابي مازلت عايشا و بيش نخدم معاك مسيو يوسف موش هاكا
يوسف : اي هاكا .. هاك منسيتش ... طلعيت عندك ذاكرا قويا .. وانت م نرمين ... علا ما اضن
نرمين : اي هاك حتا انتي متذكرو إسمي
يوسف يتسكبن : و هو إسمك ينجم يتنسا بسهولة
نرمين دخليت بعضها .... و حاولت تبدل موضوع و تدخيل طول في الخدمة
نرمين: ما قتليش ... شوا تحب بضبط و قدااا مقدار و كيفا سوم ...الي ساعدك
قعدت نرمين تحكي معاه ... و تتناقش معاه ... قرابت ساعتين ... هيا تحاول تزرب با ش تكمل و هو كل مرا يجبدلها حكاية خارج خدمة ... حاسيتو يحب يتقرب منها ... .. حاولت تبلفطو .. و باقي مفهش روحو حتا كي كملو تفاهمو علا كل شي بخصوص البضاعة و السوم قعد يجبد في مواضيع اخرا ....
وقتها تذاكات .. جبدت تليفونها ... و بعثيت مسج احلام باش تطلبها .....
احلا م كي وصلها مسج ... قعديت باهتا
احلا: غريبة فيها هالطفلة تاليفونها بلينيا ... و طامعا فيا باش نكلمها و اني نصب دينار في النهار باش نمرج احمد بيها
قعديت تتمتم وحدها و مبعيد طلبيتها
نرمين فرحيت كي قاتها كلميتها ... هزيت علا تالفون و قعديت تحكي .... و باقي لاخر ما فهمش روحو ... قامت و غزرتلو
نرم : دقيقة مسيو يوسف .. نكمل تاليفوني
يوسف: اوكي م نرمين
طلعيت تلقا احلام تعيط
احلا: يا سخطة هيا جرد دينار و بيش توافهالي و انتي ماك تقول في شي ... تي تتكلم
ترمين : تي شي توا باي ...
احلا: براس امك توافيلي دينلري باش تقلي حتا شي
ترم : فضحتنا بدينارك .. تناخوليك كارطا و اني مروحا اسكت برك
احلا: لا لاله وصيلنا تطيح قدر .. شنيا تاخولي كارطة هاذي .. .
نرمين مازالت ما جاوبتش و احلا م عاودت تكلمت
احلا: اما ميسالش نعرف نيتك باهية و متقصد شي .. جيبها متاع _10dt عاد
نرم : باهي باهي ... يا متاع الكرامة ... ايا برا توا تو في ليل نحكيو
كملت نرمين حكات مع احلام و مشاة لسهام
نرم: اسمعني لصقة هاكا الي دخلي توا زيد شويا و امشيلو قلو م نرنين طلعيت عندها قضية urgent و خرجيت
سهام: وه صرا مز كيما كاك يتفلت
غزرتلها نرمين و غمزيتها : و علاه انتي فاش تعمل ... هانا قدامك ايا نخليك تواااا
نرمين .... مشاة تجري للقبطان .. حسيت روحها قول شعليها عندها 7 سوايع ما راتوش و هي ما قعديتش حتا 3 سوايع كاملين بعيدا عليه
قامت سهام و مشات ليوسف
سهام وهي ترمش في عينيها بعد ما حطيت كيلو ماكياج و غطسيت روحها بالبرفان : مسيو يوسف .. بيش نقليك الي م نرمين للاسف طلعيت عندها .. حاجة اكيد خرجيت .. دونك كان فما حاجة مازالت في الاوراق .. نجم نكملها اني معاك
يوسف تنرفز ... و كحر لسهام : nom merci .اني و نرمين كملنا الاوراق كل ... و توا نخليك باي
خليها كاك و خراج منرفز ... ماش فيبالو فرصتو بيش يتقرب من نرمين
نرمين في وقت هاكا تلوج علا قبطان ... و كالعادا قاتو مشعبيط الفوق و ين شراع ...
نرمين: هالسخطة محلاه .. تحسو بطل من ابطال ديزني لاند ... اه قلبي
قعديت تمشي بشويا باش ما يفيقش بيها ... و تشعبطيت بشويا و طلعيت ... جيبها تفزر شويا من قدام ... اما راسها صحيح طالعت
قبطان كان يغزر للبحر و يثبيت في الموجة .... علا دورتو ... يتلفت يلقا نرمين واقف تحتو بشويا
هزها و حطها ...
قبط(يتمتم) : اه مصح راسها .. شاهيها مرا تسمع كلام
هبطلها ... كي راتو كاك عمليت ڨريماس متاع بيش تبكي . ...
قبط: نرمين مغير ما تبدا تعمل كاك ... تعرفني نتجن منك كي متسمعيش كلام
نرمين زاد قدمت شفتها و صاي بيش تحل نواحة
قبط: اه نرمين .. ياخي ناويا تجنني انتي ... و لا تردني مهبول عقاب عمري ... ياخي فهمني ... تعمل في ڨرماس هاكا .. شتحيب تكون رادت فعلي و انت تمدلي في شفتيك و تعاود
نرمين حشميت و دخليت بعضها : اوه مازالش توا شنعمليك كي ركزيت كان مع شفتي ... ماريتش عينيا الي بيش دمعو ولا خدودي الي حمارو
قعد يضحك عليها ... و قروبلها : شفتهم يا لالةا شوفتهوم و بصراحة معا ديش فيا ... اه منك
ڨدم قبطان وقتها علا فمو و بعيد شويا عليها باش يرجع قوتو شويا و يشد روحو عليها
نرمين تسخابو باقي متغشش عليها ... قوربتلو و زادت رهوجتو
نرم: ياخي شبيك مافرحتيش كريتني ... عاطينني بالضهر جملا
كشخت وقتها و بدات تعمل في نفس ڨرماس
قربلها و حط صبعو علا شفتها لوطانية و نزيل عليها
قبط : نرمين يزي ريض .... معادش تعمل كاك .. راك هبلتني ... افهم معاديش نجم نشد روحي عليك .... بدني كل شاهيك .. قلبي ما يرجع فيه روح كان كي راك ... حتا عقلي خذيتو مني ... سليبتني بكولي ليك ... زاد قروبلها و قالها بصوت روجولي متاعو ال مغري
راك ذوبتني معا كل حركا فيك ..
نرمين تسمع فيه ووو حا شمة اما كانت طايرا من الفرحة ... احساسها ما طلعيش غالط .. طلع برسمي يحبها ..
هيا مرهوجا كاك وهو زاد قربلها ... : يا نرمين افهم راني نعشق و نموت علا جد اصليك .. إستوعبها هاذي ... ملا جيت و انتي حياتي قليبتها و فرعستها وزيد .. ... قلبي حبيك كان انتي
و حتا كي نتغشش عليك خاطر طالعهالي ... و تعرف مليح الي منحبش شكون يتفرج علا بدنك
زاد قربلها اكثر ... : نرمين انت بكليك ليا ... ما نجمش نتقبل شكون يغزرلك باي طريقة .. ما نجمش نتحمل بدنك موش مغطي ... عيشيك افهمني و استوعبني .. راني مجنون بيك و بكل قطعة فيك ...
قبطان في لحضة هاكي عبر علي حاسو كل من حب.. من لهفة من رغبة من شوق ... استعرفلها بلي في قلبو كل و ارتاح
نرمين ماهياش مصدقا الي تسمع فيه ... حاسا روحها قي عالم اخر .. عالم بكل حب و مشاعر قوية قاعدت سارحا معاه و مع كلامو الي ذوبها .. تحس في روحها شايخا .. طير طير اصل
في لحضة هاكي .. شدها من وجها و قلها
قبط: اني قتلك الي عندي كل ... اما انتي مازلت ما قتلي شي ...
هيا وقتها دخليت بعضها
نرمي: حسب رايك شنوا بيش يكون موقفي و غمزيتو
زاد قرابها ليه ..و قلها: نرمين و الله و ر.اس الي قلب الي حبيك ... كان ما تقليش توا كلمت نحبيك ما نرمي روحي في البحر
نرمين تضحك : وه موش لهدرجا هاني جاوبتك لازم نقولها
قبط: ضاهر فيك ما كش مصدقتني انتي .. بيش تقول و لا لماكش قايلا
نرمين لحقيقة متع رابي ماشي فيبالها يفدلك . ما تصوريتش يحكي برسمي بيش يعملها
قعديت تضحيك و ما حبيتش يغلبها بكلامو ماش فيبالها يعمل كاك بالعاني باش ينطقها ... لماحالا هيا كانت بيش تقولها اما حبيت تخليه يتشوق شويا
نرمين : لا نعرفيك .. اما مازيلت تخمم تو نشوف اني و مخي شيقولو بطبيعة بعد ما ناخذو راي قلبي
حسها موش مصدقا ناحا تريكو و رماه .. و غزرلها
قبط: ايا شقليت بيش تقو ل ولا باقي شادا صحيح
نرمين كي راتو نحا تريكو تفجعيت اما باقي ما هياش واخذتها جدية لحكاية ماش فيبالها يفدلك
نرمين : ماني قتلك نخمم مازلت تي شبيك
كي راها كاك ... زاد تاكد الي هيا مازالت متعرش جنونو علا قاعدة .. يعمل هكا و ينكز
نرنين لخلخت و لات تعيط من الخوف
: نحبك نحبك . يا مجنون والله نحبك ... علاه ترمي في روحك ... والله نحبك و نموت عليك
هو قعد يسمع فيها من البحر و فرحان
نرمين خافت عليه و لات تبكي: مجنون انتي ترمي روحك تحب تجلطني في جورتك .. نهون عليك تفجعني كاك
و هو يعوم يحكي معاها : موش قتلك بيش نرمي روحي .. انت ما بتش تتكلم شنعمليك ما صدقتنيش .. مع انك تعرفني مجنون و خاصة معاك .. نعمل الي ميتعمالش
نرمين باقي خايفا عليه خاطر غارق بارشا البحر : اطلع توا امشي ... فيسع بحر غارق اطلع
قبط : يا بينتي شبيك راني قبطان قالو غارق
نرمين زاد تنرفزيت : باهي كان متططلعيش .. والله نرمي روحي توا نلحق عليك
قبطان كان يضحك سكيت و قعد يغزرلها عرفها برسمي منرفزا و كان ما طلعيش ترمي روحها ما يهمهاش
قبط: تراص غادي قالو تلحق .. ناقص كان تعوملي بلبسا هاكي و تتبل زادا .. هاني طالعلك ريض
نرمين هدات شويا وقتها و قعدت تبع فيه .
.
لين طلع للسفينة ... نكزيت طول حمليتو ... شويا لطيحتو
نرمين: نورمال تعمل كاك ... ما تخافش علا روحك ...
قبطان زاد حملها : منخافيش علا روحي كي نبدا نعمل في حاجات علا خاطر ك..... راك استعمىرت الڨليب و احتليت العڨل ههه
ضحكيت عليه كيفا يحكي ... و بدات دزز فيه لبيتو باش يبدل حوايجو و يدوش
قبط: نرمين هاني ماشي بشويا
نرمين: لا توا قدامي ... هايا
حاسيلو مرجيتو لين دخل للبيت معاها
مشات تجري ماديت بشكير و بدات تشيحلو في شعرو
بكثر ماهو اطول منها واقفا علا طراطيش صوابعها
بقي يضحك علاها و مشي قعد عل فرش باش تلحقلو
قبط: هاك قصيرا برشا انتي طلعيت من غير اكي مسمار الي تلبسو
نرمين تضحك: شنوا مسمار الي نلبسو
قبط: تي هاكم الي في رجليك تجي بيهم كل مرا نوع
نرمين: اولا اسمهم طالونات و ثانيا مانيش قصيراا و ثالثا هاك طلعيت تركز معايا شنوا نلبس حتا في رجليا
قبطان ضحك و جبدها لحجرو
قبط: اني نركز في كل شي فيك اصلا عينيا ما نجمش نباعدهم عليك نبدا نتعارك معهم و زايد
ما يسمعوش كلام هههه
نرمين وقتها عدات إيدها علا وجهو و مبعد لعبتلو بشعرو
نرمين: محلاه شعرك .. حنين تحسو
ههههه قبط : اببب يسلمك هالمخ منين جيبتها هاذي ... بديت تفلطي
نرمين: مابلدك ... و الله يعجبني .. كي يبدا مبلول
غزرلها قبطان .. : صارا كان شعري يعجبيك
نرمين : و قتلو كل شي و بدات تعدي في إيدها علا وشم الي في صدرو و قربت باستو منو
هو وقتها شعلل .. لهيب اصل ... دزها من حجرو ووقف
نرمين قاعدت باهت كيفا نحاها من حجرو بطريقة هاكي .. تغشيت و قامت باش تمشي ... هيا طلع و هو جبدها و شدلها وجها
قبط: نرمين ... تعرفني علاش عمليت كاك ... ما تتغشش .. نعرف كي دزيتك ما عجبيتكش ... اما افهم راني راجل ... و انتي مشالله تقتل الواحد بزين و زيد شوف حوايجك تبلو زيدت قتلتني توا معاديش نجم نكنترولي اكثر علا روحي من عند ربي و انتي تزيد تبوسني كان اني حريقا تحليت فيا ال.داخل و متطفاش بسهولة و زيد مانحبيش نمسيك كان ما تبدا حلالي عيش زين معاديش تتغش مني ... راك روحي
قربلها و حملها ... و باسها من راسها
قبط: خليني ندخل ندوش و نصحصح و نبدل دبشي و نرجعليك باش ناجم نقاوم
و غمزها
نرمين: اوكي خوذ راحتك
رجع باسها من فمها بالقوي ..
قبط: علقل ناخو هاكي نبرد بيها شويا ...
دخل قعد يدوش و نرمين طلعيت تتكلم في تاليفون
مع احلام .. باش تقصير وقت
احلام: اه ياليلا وينك دنيا ضلامت و انتي باقي شادا غادي هذا كل حب في الخدمة
نرمين: اي حب كبير يا احلام وخيتي
ما بيني شي قاعدا تبالغ راك ... ميستانس بrythme هذا
نرمين قول شعلاها موش يحكي معاها جملا
نرمين قعديت تغطي فيه ...
قبط: دنيا سخونة و انتي تغطي فيا
نرمين: وين ترا فيها دنيا سخونة تي بالعكس ملا ضلامت تقلبيت و ريح بارد ماتنساش عل بحر رانا
قبط: زايد كي تڨنڨن شكون ينجمك غطي و اعمل الي تحب المهم بوستي تعطيهالي قبل ما تروح
نرمين موش مركزا معاه تغزر لدبشها و تعاود
قبطان ستغرب : نرمين ياخي برديت
نرمين : لا موش برشا بيت دافيا .. علاه
قبط: شبيك تغزر دبشيك مالا
نرمين : تي نلوج علا قطعة قماش .. نحطها علا راسك
قبط: ياخي ذكي الي عندك موهبة ... نتصور مينجم يطلع كان موهبة .... ياخي شفيه دبشيك ما يتنحا .. تراه قلي تي زوز سانتي قماش لبستهم انتي ... برا إستغفر مولاك مازالش اطلع عريانا انتي واكهو
نرمين ما حبيتوش يزيد يتغشش من تبهليلها فيسع داركيت موقف
ترم: تي لا روحي ... حبيت نحطليك حاجة من ريحتي باش تتفكرتي ليلة كملا و تبرا فيسع
غمزها
قبط: ايجا ...
هيا مشاتلو و هو باسها من كرومتها ...
و قالها: ريحتيك تهنا معادش بيش تتناحا من بالي جملا ... و تأكيد صاي بريت
نرمين ترهوجيت اول مرا يبوسها من بلاصا هاكي ... ما حبيتش تضهرلو اما هو فاق بيها و شاخ عليها
نرمين لهات روحها تلوج في قماش .... قات واحداةفي بيت بانو متاع تريكو مقطع
جابتهالو و بلتها بالماء بارد متع ثلج و حطيتها فوق راسو
قبط: تهانيتش توا ... هاك حطيتلي .. تنجم تضحك شوايا ما كانش نحاها
نرمين : لا عاد ... باهي هاني نضحك ..
هما كاك و تغزر تاليفونها تقاه عمها يطلب فيها تفجعيت قامت من الفرش و طالعا
قبط: تي شبيك وين ماشيا
ترمي: عمي يطليب فيا باز بيش نروحو اصلا معاديش بكري عليا ... رود بالك علا روحك .. و طو نكلميك ... هاني خذيت نومروك ... و ما تناحيش فوق راسك .. و ما تعاريش روحك و توا باي
قبط: نرميييين
رجعتلو نرمين،: شبيك! و هيا تلبس في طالونها .
قبط: طالعا كاك ... ماكش حاسا روحك نسيت حاجة
انرمين تبسمت و مشاتلو تبوس فيه... يجبيدها من شفتها لوطنية و يكدمها ... شواها .. حمرهالها اصل 💋
نرمين: أحيت علاه هيكا بربي ... نهون عليك توجعني
قبط: هاكي باش معادش تنسا تبوسني قبل ما تروح .. نعملك كاك .. باش تقعد تتفكرها
نرمين: اه منك والله وجعتني
كي راها كاك .تتوحوح زاد هبليتو
قبط: نرمين يزي من حس الي تعمل فيه خير ما نقوم نوجعيك بلحاق
😉
تبسمتلو وخرجيت تجري تعرفو مهبول اما قلبها قعاد عندو .. خاطر عندو سخانة
طلعيت تجري .. . و كلميت عمها
نرمين: وي عمي قيتك طلبيتتي
عم: بينتي وين غبريت نلوج عليك باش نقليك روح معادش بكري عليك
نرم: اي عمي هاني بيدي طالعا توااا
عم: اوكي رود بالك في ثنية
علقيت نرمين و مشاة تجري كرهبتها باش تروح
. في ثنية تسوق و حاطا شيرين ( انا كلي ملكك)
دوبا وصليت للدار ...دخليت تضحيك و تغني
عرضتها احلام
احلا😮: اه اه اه طفلة هبليت
نرمين غزرتلها : انا كل ملكك ... (تغني في فناية شيرين)
احلام😂: عزيزتي و اللهي للاسف ... ما نمليش للبنات ... عندي احمد ... 😂😂😂
احلام 😰: اوه عليك ... شتجيب الكبي ... يا بينتي زاهيا ... موش نغنيليك
دخليت مرة عمها ... تغزرلها و باهتا
: احلام بنيتي ... شبيها .نرمين .. طايرا من ال فرحة
احلا: و اني وين نعرف ... لماحالا معاديش ناخو عليها ... والله طلعيت مهبول ة.. اكثر منا
امها: بنيتي يزي ... ما تحكيش كاك ... بارك تتغشش
و كلمها .. خلتجي تتعشا ...
احلام لحقيت علا نرمين ..... للبيت .. تلقاها تغزر للمرايا و تغني و ترمي في بوس و محملا مخدا
احلا😮😂: اوه ... ياخي مزطلا .. انتي ... و زيد سيبها مخدا ... شريفا عفييفا .هاكي موش متاع بوس
نرمين😂.: لطف حتا من مخاددكم عفاف ههههه
احلا😮: انتي مزطلا و بالقوي زادا ... ما ضبيك لم روحك ... خاطر مريت عمك الي هيا امي... قريب بيش تشك فيك ...
نرمين😒: اوف ... قداكش حرايميا .... هاني ريضت توا برا طير خنبدل دبشي ...
نر مين لبست روب قصيرا .. روز متاع دار 👗
و مشاة تتعاشا معاهم ....
هيا كاك تتعشا و احلام تاليفونها ينوقص ... وجها حمار ... ما تنجمش تهز قدام امها
نرمين شاخت عليها 😂: شبيك حلوم تاليفونك ينوقص هز ... موش باهي طفي ناس
احلا😒: اه ميسالش اني نطفي ... و زيد خدمة هاذم .. بيش يفادوني ...
قربتلها
احلا: ماضابيك تسكر فمك ... اخراااا . ... تفدليكة هيكا ... تحبهم يفيقو باحمد
نرمين ... ماتت يضحك : ههههه اني نتصور حرام عليك ... حتا لو كان خدمة تهز بارك حاجة مهمة .. موش هكا طاطا جميلة (مرت عمها)
جميلة: اي بنيتي هز .. شوفهم شبيهم و علق
احلام تنرفزيت و كحرت لنرمين و تغصورت ...
نرمين حسيت روحها كثرتلها .... عاد داركت موقف ...
نرم: ايا كول ساعة و مبعيد هز ... ما يجيش تتكلم في ماكلة 😉 نخافو عليك تغصش و لا حاجة
احلا: اه يعطيك صحة ... نرمين ....😈 قلت حق ... تو نهز مبعيد
كملو تعاشو و دخلو للبيت
احلا: يا خي شبيك .. لاباس تحبهم يقتلوني .. باش سيادتك تشيخ
نرم: هههه و اني يا بهيمة نجم نبيعك .. ماهو حل مخيك
احلا: جلطني ... والديك .. و تفدليك قدام امي زادا ... لاباس في مخيك ...
م نرمين: ايا برا تلهي .... في تاليفوناتك ... و سيبني ...
عندي ما نعمل
احلا: صاي زادا ملا مديرة اعمال ... فاشلة
نرمين طفاتها و هزيت تاليفونها تكلم في قبطان ....
قبطان في وقت هاكا ما يهزيش يحس في روحو ... راسو يوجع فيه و بدني .... ينمل ... مالا خرحيت نرمين ... غمض عينيه و تاكا
حتا تاليفونو ما فاقش بيه جملا ....
نرمين بيدها شك بدي يدخللها و لات ترعش بالخوف
تشوف في احلاموتحكي مع احمد نكزيت حذاها طول
احلا😮: شبيك ... فاما حاجة ... سمحني شوايا قاعدا نحكي
نرمين: هاتو احمد .. بيش نحكي معاه
احلا😒: ابب شهالرقعا .. قالو تحكي معاه زادا
نرمين😰: تي هاتو زاح والله urgent موش نفدليك
احلام كي راتها كاك تبلمت ماشي فيبالها مرا الولا تفدلك ...
احلا: احمد .. نرمين بيش تحكي معاك هواهي
نرمين بعديت شويا علا احلام ... اما وين يا حسرا...ما خالاتهاش .. تبعيد شبير من حذاها
نرمين : اهلا احمد وينك ...
احم: لاباس نرمين يعيشيك
نرمين تمهمه: اسمعني ... بيش نقليك مشيت سفينة
احمد: واللهي توا هاني في ثنية ماشي .. خاطر ماك تعرف اليوم نهار كامل ما جيتش ... بيش نمشي نطل علا قبطان و نشوف شيستحق
نرم: ايا برا طل ... خاطر امبيكري ... مشيت نتفقد قبل ما نروح نقاه موش قد بعضو .
احمد تفجع: شبيه ... ماناش متغشش
نرم: تي لا ضهورلي مريض ...
احمد : مريض في صيف ...
نرمين: اي ما ريتش ريح الي قام انتي و زيد بحر اليوم هايج ... و بارد
احمد : اه بلحق ...بحر في ايام هاذم يهيج و نسمة تبرد شويا ... اما متخافش قبطان قدها و قدود و هاو قريب نوصلو تو نشوفو شبيه
نرمين: اوكي .. اه كان فما حاجة قلي
احمد قعد باهت كيفا مهتم بيه ... علق تاليفو ن
وقال
احم: اه يا قبطان عملتها ... ابب يقوا عليك رابي .. مطيح بنت سي شريف بكولو
نرمين علقيت و غزرت احلا م الي قاعدت مبهمة فيها
نرمين: شبيك مبهمة كاك ... لاباس
احلا: الي كنت نسمع فيه صحيح .. ولا اني نحلم ... تراه اقرصني باش نستوعب اكثر
نرمي: شبيك زادا .. شنوا الي ما كش مستوعبيتو .. نطمن علا راجل خاليتو في حالة
احلا: نرمين ... ياخي حسيتني بهلولة و لا شنيا حكايتك ...
نرمين تلفتها: شبيك ياخي ... لازم تخدم مخيك .. لحكاية بسيطة و مفاها شي .
احلا: ما باتش .. تكثر عليها راتها منرفزا .. بدليت موضوع
احلا: تو خذيت و حكيت مع راجل و قلنا ميسالش ... اما تعلق من غادي غادي نورمال ... و وويني كارطا الي قلت عليها
نرمين تبسميت : اه منك هاني في.. .
.
ا
ليست هناك تعليقات:
إرسال تعليق